تويت
(( الحلقة الثامنة ...))
دشيت حجرة خوله و انا فيني غصه..حميد رفضني بس عشان ما يدمر مستقبل نهله ..الحق علي كنت اتوقعه بسوي أي شي بس عشان اكون من نصيبه ...يلست ع الكرسي الهزاز و حضنت الارنب الموجود عليه..كل شي اباه ينجلب ضدي..كل شي اتمناه ما يستوي..ليش يا ربي ؟؟؟؟فشلت و انجرح قلبي نزلت مني دمعه غيض..حاولت اداريها رفعت راسي فوق و غمضت عيوني و انا ميته قهر..
سمعت خوله تزقرني: نوره نوره ..
رديت عليها و انا بنفس وضعي: هاه
خوله: شفيج ...؟؟
نوره: ماشي "طالعتها و ابتسمت" ما في شي مهم ..يالله قومي تغسلي و صلي الظهر عشان نتغدا و انروح الصالون ..
يلست خوله: مب توه الناس ليش مستعيله..
هزيت جتفي: عادي ..
نشت خوله و شلت فودتها و قبل ما ادش الحمام سمعتها اتقولي:انتي اليوم مب طبيعية..
اكيد مب طبيعيه..لانج ما اتعرفين يا خوله شو الي صار..شي يقهر و غيضني ... ابرايج نهلوه تزوجي ب عمور بس عساج ما اتجوفين الفرح و السعد ف حياتج قولي امين ..صلينا الظهر انا و خوله.. و عقبها بشويه ياه المطعم جدر العيش و كان حجمه وايد عود...سرنا المطبخ انا و خوله عشان نساعد خالوه مريم ...كانت تغرف العيش ف الصحون الي كانت تغسلها خوله و انا اغلفها . و شويه يت خلود اتساعدنا ...حمدت ربي يوم جفت خلود ابروحها يايه من غير نهله عقب عرفنا انها ما يت بحجة عندها جسوم خالوه مريم: خوله اتصلي باخوج خليه ايي يجسم العيش ..
اتصلت خوله ب خليفه قالها بتاخر لانه مشغول في بيت عمها يدلي المطعم مكان البيت بالضبط..
خالوه مريم: خلود عيل اتصلي بريلج خلييه ايي ل ما يوصل خليفه..فضيحه انا مخبره حريم الفريج ما يطبخون و الحينه بتاخر عليهن ..
خلود: محمد راقد بجوف حميد..
شويه و ياه حميد..ع الرغم من ان حميد لوتي و اكبر مغازلجي الا انه الوحيد صج وقت ما تحتاجين يكون موجود..صج من هاي الناحيه محد يسواه لا خليفه ولا عمور ولا محمد ...
حميد: السلام عليكم..
الكل:عليكم السلام..
ما حطيت عيني بعيونه بالعكس من سمعت حسه و هو يسلم عطيته ظهري ..كانت خلود كاتبه اسامي البيوت الي بياخذون لهم غدا فوق القصدير ...حطت خالوه مريم الصحون ف صينيه و عطتهم ل حميد.
سمعتها اتقوله: علني فداك محد ينفعنا غيرك..يعل الله يرزقك بالزوجه الي تسعدك
بغيت اصد صوبه و اجوف ملامح ويهه بهذيج اللحظه بس شي بداخلي منعني ...سويت روحي مشغوله ..بغسيل الفواكه
خالوه مريم: يمه خلود خذي باجي الصحون انتي و نوره..
اووووووهوووو ها الي انا ما اباه يخي شو يابني انا اليوم هني ..لو تميت مرتزه في شقتي و بين اربع جدران اخير ليي ..المهم و الاهم امرنا لله شليت صحنين و شلت خلود صحنين..مع ان الصحون كانت وايد عوده الا إنا قدرنا انشيلها...فتح حميد باب سيارته من ورا ..حطت خلوود الصحنين الي كانت شايلتنهم ..سرت انا صوب الباب الثاني و فتحت نزلت راسي داخل عشان احط الصحنين بس جني دعمت صخر ..حسيت راسي تكسر..دعمت راس حميد..شو يسوي هاه مدخل راسه كان يعدل صينية الصحون و انا الحماره ما انتبهت ..
رفع راسه: سوري ..
حسيت ان راسي ورم بس اوني شجاعه ما صابني شي ابتسمت: انا الغلطانه...
و سرت عنه داخل قبل لا يتكلم باي كلمه..من دخلت المطبخ..اتذكرت الموقف ابسرعه فيلست اضحك ..بصوت عالي...خلود و خوله و خالوه مريم يطالعنني مستغربات و انا ميته ضحك..يلست ع الارض و حطيت ايدي ع بطني..
و انا اضحك: أي يا راسي ..
خالوه مريم: تخبلت بنت اختي ..يمه صبري خل اتخلص ملجتنا بعدين طلعي خبالج..
و انا ماشي ميته ضحك..صدق ع قد الدنيا ما تكدرج ع قد ما اتضحكج و لو باسباب تافهه
خوله: و الله العظيم من ساعه قلتها انتي اليوم مب طبيعيه صج ما جذبت...
خلود: لا يكون حميد دغدغج و انا ما جفتكم
رديت و انا اضحك: جب يا البايخه
خالوه مريم و خوله = ههههههههههههههههههههه
سرت صوب خالوه مريم: خالوه حطي ايدج ع راسي ما اتجوفينه وارم..؟؟
خالوه مريم تتحسس ع راسي: لا يمه ماشي !!
نوره: ههههههههههههههههههههههه حميد نطحني براسي
الكل و انا معاهم = هههههههههههههههههههههههه
دش علينا خليفه: داش مستشفى الميانين انا ..
خالوه مريم: الحمدلله ع السلامه و شحالهم قوم عمك..
خليفه: ابخير يسلمون عليج ...هاه شي بقت صحون اوزعها..
خالوه مريم: لا خلاص ماشي ..
خليفه: عيل بروح حجرتي انا ..
خوله: لا اتغازل اصبري ل فليل بعد ما تلبسها الدبله ....
خليفه: هههههههههه جب...
خلود ادق ع الجدر:استحى الريال استحى..
قامت خوله تلحنها: استحى الريال استحى..
قمت انا ارقص ع اغنيه خوله.. و خالوه مريم اتصفق
خلود: عاشو عاشو يابس يابس ...
قامت خوله معاي ترقص حسينا ان خبال...صخينا يوم جفنا خالي احمد داش علينا مستغرب ..حسيت ان خالوه اتلومت لان اول مره يجوفه قاعده تترقص و اتصفق ...ضحكنا عليها ...ييرتني خوله..و خذتني حجرة فاضيه..هذي الحجرة كانت حجرة فارس و عمور و خليفه زمان ..بس الحينه خلوها غرفة جلوس ..دشينا اتراويني طقم الالماس ابصراحه كان شي و دش خاطري بس الخاتم شويه كان دفش و يوم قلتها رايي
قالت : عادي ها ذوق خليفه...
و فتحت شنطه صغيره و كانت فيها هدايا حق العروس و عقد ذهب حق ام العروس ...المهم تغدينا ...و خلود روحت بيت ريلها ..
و في طريجنا ل صالون ..رن موبايلي طلبت من خوله اتجوف من المتصل..
خوله: هذا حميدان
مديت يدي: عطيني الموبايل..
خذته عنها و صكرت ابويهه
خوله: مستغربه ليش ..؟؟؟
نوره: انتي تدرين انه البارحه امرمس امه انه يبا يخطبني...
خوله: خلود قالت لي..
نوره: و ليش ما خبرتيني...؟؟
خوله: كنت بقولج بس نسيت ليش شو استوا ....؟؟
نوره: الصبح بعد ما رديت من بيت خالوه عايشه لحقني.. و قالي اني اباج حليله قلتله بشرط عمور ما يتزوج نهله..
شهقت خوله: قلتيله انتي صج جريئه
نوره: اسكتي رفض صدمني..
خوله: قولي و الله ما توقعته يرفض..
نوره: حتى انا...علشان جي صكرت التلفون بويهه شو يبا مني..
خوله: يمكن غير رايه..
نوره: ما اعتقد بس هاه لوتي يبا علاقتي معاه ف التلفون ..ما اتجوفين يوم خالوه قالت له في المطبخ الله يرزقك الزوجه الي تسعدك..عطيته ظهري ..بغيته يفهم ان خلاص كل شي انتهى ..
خوله: هي جفته يطالعج.. زين نوره يعني نهله بتزوج عمور..
نوره: يولون عساهم الحرق
خوله: حرام عليج..بس غريبه انج استسلمتي
نوره: من قالج استسلمت بس بعدني بفكر كيف اطيح من بينهم..
خوله: حشى مب اخوج عمور عدوج..
نوره: الا انا يعتبرني عدوتنه جافني ما اطيج نهله قال بخطبها..علهم الدحق
خوله: بسج دعاوي ..
نوره: وصلنا الصالون نزلي و فكيني من حشرتج..
خوله: عفانا الله ..
سمعت خوله تزقرني: نوره نوره ..
رديت عليها و انا بنفس وضعي: هاه
خوله: شفيج ...؟؟
نوره: ماشي "طالعتها و ابتسمت" ما في شي مهم ..يالله قومي تغسلي و صلي الظهر عشان نتغدا و انروح الصالون ..
يلست خوله: مب توه الناس ليش مستعيله..
هزيت جتفي: عادي ..
نشت خوله و شلت فودتها و قبل ما ادش الحمام سمعتها اتقولي:انتي اليوم مب طبيعية..
اكيد مب طبيعيه..لانج ما اتعرفين يا خوله شو الي صار..شي يقهر و غيضني ... ابرايج نهلوه تزوجي ب عمور بس عساج ما اتجوفين الفرح و السعد ف حياتج قولي امين ..صلينا الظهر انا و خوله.. و عقبها بشويه ياه المطعم جدر العيش و كان حجمه وايد عود...سرنا المطبخ انا و خوله عشان نساعد خالوه مريم ...كانت تغرف العيش ف الصحون الي كانت تغسلها خوله و انا اغلفها . و شويه يت خلود اتساعدنا ...حمدت ربي يوم جفت خلود ابروحها يايه من غير نهله عقب عرفنا انها ما يت بحجة عندها جسوم خالوه مريم: خوله اتصلي باخوج خليه ايي يجسم العيش ..
اتصلت خوله ب خليفه قالها بتاخر لانه مشغول في بيت عمها يدلي المطعم مكان البيت بالضبط..
خالوه مريم: خلود عيل اتصلي بريلج خلييه ايي ل ما يوصل خليفه..فضيحه انا مخبره حريم الفريج ما يطبخون و الحينه بتاخر عليهن ..
خلود: محمد راقد بجوف حميد..
شويه و ياه حميد..ع الرغم من ان حميد لوتي و اكبر مغازلجي الا انه الوحيد صج وقت ما تحتاجين يكون موجود..صج من هاي الناحيه محد يسواه لا خليفه ولا عمور ولا محمد ...
حميد: السلام عليكم..
الكل:عليكم السلام..
ما حطيت عيني بعيونه بالعكس من سمعت حسه و هو يسلم عطيته ظهري ..كانت خلود كاتبه اسامي البيوت الي بياخذون لهم غدا فوق القصدير ...حطت خالوه مريم الصحون ف صينيه و عطتهم ل حميد.
سمعتها اتقوله: علني فداك محد ينفعنا غيرك..يعل الله يرزقك بالزوجه الي تسعدك
بغيت اصد صوبه و اجوف ملامح ويهه بهذيج اللحظه بس شي بداخلي منعني ...سويت روحي مشغوله ..بغسيل الفواكه
خالوه مريم: يمه خلود خذي باجي الصحون انتي و نوره..
اووووووهوووو ها الي انا ما اباه يخي شو يابني انا اليوم هني ..لو تميت مرتزه في شقتي و بين اربع جدران اخير ليي ..المهم و الاهم امرنا لله شليت صحنين و شلت خلود صحنين..مع ان الصحون كانت وايد عوده الا إنا قدرنا انشيلها...فتح حميد باب سيارته من ورا ..حطت خلوود الصحنين الي كانت شايلتنهم ..سرت انا صوب الباب الثاني و فتحت نزلت راسي داخل عشان احط الصحنين بس جني دعمت صخر ..حسيت راسي تكسر..دعمت راس حميد..شو يسوي هاه مدخل راسه كان يعدل صينية الصحون و انا الحماره ما انتبهت ..
رفع راسه: سوري ..
حسيت ان راسي ورم بس اوني شجاعه ما صابني شي ابتسمت: انا الغلطانه...
و سرت عنه داخل قبل لا يتكلم باي كلمه..من دخلت المطبخ..اتذكرت الموقف ابسرعه فيلست اضحك ..بصوت عالي...خلود و خوله و خالوه مريم يطالعنني مستغربات و انا ميته ضحك..يلست ع الارض و حطيت ايدي ع بطني..
و انا اضحك: أي يا راسي ..
خالوه مريم: تخبلت بنت اختي ..يمه صبري خل اتخلص ملجتنا بعدين طلعي خبالج..
و انا ماشي ميته ضحك..صدق ع قد الدنيا ما تكدرج ع قد ما اتضحكج و لو باسباب تافهه
خوله: و الله العظيم من ساعه قلتها انتي اليوم مب طبيعيه صج ما جذبت...
خلود: لا يكون حميد دغدغج و انا ما جفتكم
رديت و انا اضحك: جب يا البايخه
خالوه مريم و خوله = ههههههههههههههههههههه
سرت صوب خالوه مريم: خالوه حطي ايدج ع راسي ما اتجوفينه وارم..؟؟
خالوه مريم تتحسس ع راسي: لا يمه ماشي !!
نوره: ههههههههههههههههههههههه حميد نطحني براسي
الكل و انا معاهم = هههههههههههههههههههههههه
دش علينا خليفه: داش مستشفى الميانين انا ..
خالوه مريم: الحمدلله ع السلامه و شحالهم قوم عمك..
خليفه: ابخير يسلمون عليج ...هاه شي بقت صحون اوزعها..
خالوه مريم: لا خلاص ماشي ..
خليفه: عيل بروح حجرتي انا ..
خوله: لا اتغازل اصبري ل فليل بعد ما تلبسها الدبله ....
خليفه: هههههههههه جب...
خلود ادق ع الجدر:استحى الريال استحى..
قامت خوله تلحنها: استحى الريال استحى..
قمت انا ارقص ع اغنيه خوله.. و خالوه مريم اتصفق
خلود: عاشو عاشو يابس يابس ...
قامت خوله معاي ترقص حسينا ان خبال...صخينا يوم جفنا خالي احمد داش علينا مستغرب ..حسيت ان خالوه اتلومت لان اول مره يجوفه قاعده تترقص و اتصفق ...ضحكنا عليها ...ييرتني خوله..و خذتني حجرة فاضيه..هذي الحجرة كانت حجرة فارس و عمور و خليفه زمان ..بس الحينه خلوها غرفة جلوس ..دشينا اتراويني طقم الالماس ابصراحه كان شي و دش خاطري بس الخاتم شويه كان دفش و يوم قلتها رايي
قالت : عادي ها ذوق خليفه...
و فتحت شنطه صغيره و كانت فيها هدايا حق العروس و عقد ذهب حق ام العروس ...المهم تغدينا ...و خلود روحت بيت ريلها ..
و في طريجنا ل صالون ..رن موبايلي طلبت من خوله اتجوف من المتصل..
خوله: هذا حميدان
مديت يدي: عطيني الموبايل..
خذته عنها و صكرت ابويهه
خوله: مستغربه ليش ..؟؟؟
نوره: انتي تدرين انه البارحه امرمس امه انه يبا يخطبني...
خوله: خلود قالت لي..
نوره: و ليش ما خبرتيني...؟؟
خوله: كنت بقولج بس نسيت ليش شو استوا ....؟؟
نوره: الصبح بعد ما رديت من بيت خالوه عايشه لحقني.. و قالي اني اباج حليله قلتله بشرط عمور ما يتزوج نهله..
شهقت خوله: قلتيله انتي صج جريئه
نوره: اسكتي رفض صدمني..
خوله: قولي و الله ما توقعته يرفض..
نوره: حتى انا...علشان جي صكرت التلفون بويهه شو يبا مني..
خوله: يمكن غير رايه..
نوره: ما اعتقد بس هاه لوتي يبا علاقتي معاه ف التلفون ..ما اتجوفين يوم خالوه قالت له في المطبخ الله يرزقك الزوجه الي تسعدك..عطيته ظهري ..بغيته يفهم ان خلاص كل شي انتهى ..
خوله: هي جفته يطالعج.. زين نوره يعني نهله بتزوج عمور..
نوره: يولون عساهم الحرق
خوله: حرام عليج..بس غريبه انج استسلمتي
نوره: من قالج استسلمت بس بعدني بفكر كيف اطيح من بينهم..
خوله: حشى مب اخوج عمور عدوج..
نوره: الا انا يعتبرني عدوتنه جافني ما اطيج نهله قال بخطبها..علهم الدحق
خوله: بسج دعاوي ..
نوره: وصلنا الصالون نزلي و فكيني من حشرتج..
خوله: عفانا الله ..
تعليق