تويت
تسلم يدك على هالروايه الرائعة وشدتني احداث الروايه اكثر ويارب ان غلا تلاقي اللي يفهمها ويعوضها باللي يسعدهاويستاهلها يالله من كثر مانا مندمجةمع الروايه صرت احلم كثير اه اه عليه عني يالغلا وانتظر البارت الجديد ياحلوه وتقبلي مروري
-
-
بالتوفيق في امتحاناتك وادعيلي معاك لانه كلنا بالهوا سوا امتحانات ووجع راس ومع الروايه عز الله ذاكرت هاه اها هاه امزح انا بانتظارك وانتظار جديدكتعليق
-
[الله يوفقك يارب
ويوفقنا...ياربأنا أتوقع روايتك رح تكسر الدنيا إنشاء الله...[/COLOR][/SIZE][/FONT]تعليق
-
اميييييييين يارب
الله يوفق الجميع .......... ومشكورة ياذا ناوي على الردود الحلوة فديتك يالغالية
تعليق
-
مررررررررررررره ررررررووووووعه وحلوه مشكوره يالغلا ع الروايه وانا اول مره اقرئ روايات وحبيت الروايات بسببكم
احبببببببببببببببببببببببببببببببببكمتعليق
-
تسلمين لي يالغالية وهذا اكبر فخر لية وانتظروا البارت بكرة باذن الله تعالىتعليق
-
اوكي نتظركتعليق
-
خطاي ضيع غلاي000
سيدتي الرائعة000
قصة ذات نكهة رائعة حبكة قصصية ممتازة
سرد رائع حقا وتحمل من المعاني الشيء الكثير
جهد مميز ورائع سلمت الايادي
تقديري واحترامي كنت هنا في رائعتك
انا 000امير العاشقتعليق
-
مشكور اخوي على ردك وكلامك هذا تاج على راسي
تعليق
-
البارت الرابع
ومرت الأيام ورجعت المدارس وغلا تخصصت علمي و تعرفت على بنات كانوا لجروحها بلسم وصاروا أغلى الناس على قلبها بس كان فيه احد شاغل بالها وكانت تبي تتكلم بس ما كان عنها كلام مقنع تقوله وكانت تقول في نفسها أكيد أنا احلم مو معقولة من كم موقف اقول أني أحبة
ومرت الأيام بسرعة
وما فيها شي جديد غلا مشغولة بدراستها وكل أسبوع كانوا يكلموها البنات وكانت تقدر تسحب أخبار احمد منهم كان مشغول هو بعد في دراسته كان يبي يخلص لأنة أخر سنة بالكلية والهنوف زاد كرهها عبدالله ورجعت بيت أهلها والكل مستغرب من تغير الحال بينهم كذا فجأة إما محمد فراح مكة لانتدابه وانقطعت اخبارة ولا قدرت سعاد تعرف أي شي عنة اما تركي كل مافتحت امة معة موضوع شوق يدور له على اعذار اما نايف فخطب دنيا وحددوا الخطبه في الصيف بجدة
وقبل الامتحانات النهائية باسبوع كلموا البنات غلا (مشغلين الاسبيكر)
الهنوف:غلاوي وربي لوحشتينا موت
غلا:وانتم أكثر يالغاليات كيفكم وش أخر أخباركم ؟
الهنوف:أحنا طيبين وما ينقصنا غير وجودك
غلا:خلاص هانت ما بقي ألا كم أسبوع نتقابل على خير
سعاد :أهم شي نبي نجي ونلاقي النتيجة ترفع الرأس
غلا:انشاء الله
ويدخل احمد وغلا باقي تكلم ويصيح بأعلى صوته غلا كيفك ؟
غلا(اه يهالصوت شكر أنا مشتاقة لك):الله يسلمك كيفك أنت
احمد:مشتاق لكم
غلا ماردت ولا بكلمة
احمد :اسمعيني أبيك تذاكرين وتشدين حيلك ابي افتخر فيك
غلا:انشاء الله
وانتهت المكالمة وغلا كانت مبسوطة للأخير سنة ما سمعت فيها صوتك يالغالي
وطول فترة الامتحانات كانوا البنات يصحوا غلا بالجوال ويعطوها نصائح وتعليمات وإذا صارت مداومة تعطيهم دقة ويجلسوا يدعوا لها بالنجاح
وفي يوم النتائج غلا ما نامت ظل صاحية إلى الفجر ولبست
أم طلال:يمه غلا يلا أخوك فهد ينتظرك عشان يوصلك
غلا طلعت من البيت وهي تجر خطواتها كانت تبي تشوف نتيجتها وفي نفس الوقت وما كانت تبي تودع قطعه منها صاحبتها (شهد)كانت قريبة من غلا حيل كانت لها الأخت والصديقة ولكن نصيبها كان انها تتزوج بعد ثاني ثانوي وصلت غلا المدرسة واستلمت نتيجتها وكانت نسبتها 96 وعلى قد ما فرحت بها ألا انها حزنت كثير لما شافت البنات وهم يودعون شهد وحضنتها حيييل وجلست تبكي
غلا:ليش كل ما حبيت احد وتعلقت فيه راح وتركني
شهد:وش هالكلام أنا مارح أتركك لو شنو يصير صدق الدنيا بتفرقنا لكن غلاك يالغلا بقلبي
وأخذت شهد خاتمها من أصبعها وحطته في يد غلا وقالت تذكريني فيه ....ومع السلامة وباست غلا
بعدين راحت شهد وغلا طلعت بعدها لأخوها اللي كان ينتظرها ورجعت البيت
أم طلال:هاة بشري
غلا:96
أم طلال(حضنت غلا):عفية على بنيتي الشطورة هذا العشم فيك
أبو طلال:مبروك ياغلاوي
غلا:الله يخليك لي وقامت باست رأس ابوها
*عند البنات
الهنوف:اوة الساعة صارت10 وغلا مو راضية ترد حرقت أعصابي
دخل احمد :وش فيكم ؟
شوق:لابس غلا راحت تستلم نتيجتها وللحين ما ردت
احمد:أكيد إذا رجعت بتكلمكم
سعاد:علم أخواتك حرقوا جوال البنت
*غلا دخلت غرفتها وهي تطالع في الخاتم وتقول الله يا شهد يمكن مالي فترة من عرفتك لكن يشهد الله انك صديقة وفية وعمري ما بنساك
وإذا الدنيا خذت مني وجودك بتتعب الدنيا لجل تأخذ غلاك
أخذت غلا جوالها ولقت فيه 50 مكالمة لم يرد عليها و4رسايل
كانت كلها من الهنوف وشوق
غلا:ياويلي نسيت اكلمهم
وأخذت الجوال ودقت
الهنوف:كان مادقيتي .....اخلصي كم؟
غلا:احزري
الهنوف:تكلمي لا اقفل بوجهك
غلا:ستة و.......
الهنوف(صاحت):غلا وجع حرقتي أعصابي
احمد اخذ الجوال وكلم غلا
احمد:هاة يالغلا كم؟
غلا (ما قدرت تقاوم بس سمعت صوت احمد ):ستة وتسعين
احمد:مبروك يالغلا
غلا:ال ل ه الله يبارك فيك وعقباك
احمد:من فمك لباب السماء
الهنوف:احمدوه كم.؟
احمد:غلا لا تقولين لهم أنا بأخذ البشارة منهم
الهنوف:كم تبي اخلص
احمد:500
الهنوف:لاوالله
غلا:لا عشاني خلها 100
احمد:عشان غلا 100
الهنوف جابت 100 خذ ويلا تكلم
احمد:96
الهنوف (أخذت الجوال من يد احمد):مبروك ياغلا وإذا ما اطلع ال100 من عينك طيب
وكلمتها سعاد وشوق وهيفاء وباركوا لها
*في بيت ال علي على التليفون
أم نايف:مبروك لغلا يانورة
أم طلال:الله يبارك فيك وعقبال عيالك
أم نايف :المهم يا اختي يوم الخميس بنسوي خطبة لنايف وبتكون في جدة كلمي زوجك أحنا بنمشي بكرة
أم طلال :كلمتة أمس ويقول أحنا بنمشي يوم الاثنين
*غلا كانت نايمه ولاتدري عن الدنيا
أم طلال:غلا يمه قومي صارت الساعة 7
غلا:يلا يمه كاني صحيت
صحيت غلا وراحت جلست مع أمها
أم طلال:ترانا بنمشي بعد بكرة جهزي نفسك
غلا:ليش مستعجلين؟
أم طلال:خطبة نايف يوم الخميس ومافية وقت
غلا:بس أنا ما جهرت نفسي ولا عندي لبس
أم طلال :مو مشكلة إذا صرنا في جدة اشتري من هناك
*عند بنات عبدالله
هند:مدري عن فارس متى بينزلني السوق
هيفاء:أنا بينزلني زوجي بكرة وبشوف السوق واعطيكم التفاصيل
سعاد:واحنا ياعرب مين بينزلنا
الهنوف:مالنا غير احمد
شوق:أنا اقول ننتظر غلا حتى تجي وننزل مع بعض
*يوم الاثنين في سيارة ابو طلال
أبو طلال:اخوي فارس كلمني وحلف ما نستاجر يقول نروح عنده
غلا:أنا ابي اخوالي وين اروح اجلس مع البزران
طلال:لاوالله يعني تبينا نروح مع بنات خالي
فهد+فيصل:واحنا بعد نبي عمي فارس
أم طلال:خلاص غلا تروح عند البنات واحنا نروح عند عمكم فارس
*ولما وصلوا جدة كان العشاء في بيت ال سالم وكانوا كلهم متجمعين
*في شقة أم نايف
أم نايف :يلا يابتسام تأخرنا
ابتسام :وعلى شنو مستعجلين باقي بدري
أم نايف:يلا يا نايف أنت وتركي وإذا ما انتي مستعجلة اجلسي في البيت
*في بيت أهل عبدالله
الهام:أساعدك في شي ياعمه
أم عبدالعزيز:لايمة روحي شوفي أمك وأنا البنات بيساعدوني
الهام(دقت على أمها):الو.......تبي مساعدة يمه؟
أم عبدالله:لابس أرسلي شوق تأخذ القهوة
الهام :طيب...........مع السلامة
الهام:شوق روحي جيبي القهوة من عند امي
شوق:اسفة بروح اخذ شور قبل تجي غلاوي
الهام:روحي جيبي القهوة بعدين خذي شور
شوق: اسففففففففففة
وقتها طلعت سعاد من غرفتهم وهي قمة في الروعة والجمال كانت مسيحه شعره وكان مرة طويل وكانت لابسة بنطلون جينز كحلي وبلوزة فوشي مكتوب فيها حرفm بالكحلي وحاطة مكياج ناعم
سعاد:وش فيكم ؟
الهام:سعاد فديتك روحي عند أمي جيبي القهوة
سعاد:بأخذ طرحتي وبروح
الهام:بدون طرحة أخواني مو موجودين
سعاد :اوكية
*في شقة أبو عبدالله
أم عبدالله:هلا سعاد ادخلي خذيها وأنا بروح أبخر مجلس الرجال
سعاد:طيب
دخلت سعاد المطبخ وأخذت الصينية وجت بتطلع من المطبخ وتفجأت بصوت يقول لها أنا أمي داعية لي عشان شفتك أول وحدة
سعاد:محمد
محمد:اية محمد ياعيونة وقلبة وروحة
سعاد حاولت تطلع من المطبخ بس محمد كان عند الباب وماتقدر تطلع منة
محمد:وش فيك سكتي وألا ماتحبيني حتى الحمد لله على السلامة ماقلتيها
سعاد:أنا ما أحب احد وخلني اروح تأخرت وروح سلم على أمك أحسن
محمد:كذابة أنتي تحبيني وألا ماكان حرفي منقوش على صدرك
سعاد:أنت بقلبي قبل مايكون حرفك على صدري (قالتها وطلعت من المطبخ بسرعه)
*وصلوا عائلة أبو طلال عند أخوة فارس
هند:رحبت فيهم ودخلوا الرجال المجلس
فارس:يالله حيهم تو مانور البيت
أبو طلال:منور بأهلة يالغالي
الأولاد كانوا مبسوطين على الأخير
غلا:يلا نروح لأخوالي
أم طلال:اللحين نروح ليش مستعجلة ؟
غلا:مشتاقة لهم موت
ودخلت غلا أخذت شور ولبست تيور حرير اسود وبلوزة حمراء فيها خطوط سوداء وحطت كحل وروج ولمت شعرها كان شكلها بالمرة هادي
وطلعوا من البيت ولما وصلوا أم طلال دخلت عند أخوانها وأبوها تسلم عليهم وغلا وعند طلعوا شقة أبو عبدالعزيز
*في الشقة دخلت غلا كذا بدون ماتدق الجرس وصاحوا البنات وسلموا عليه أخذت شوق عبايه غلا وشهد
غلا:شوق خلي طرحتي معاية
شوق:لاتخافي مارح يجون الأولاد
غلا:أكيد؟لان ماعاد بكشف على احمد(غلا لو كان بيدها كان ماتغطت عنة بس أهلها مايرضون)
ودخل احمد وقفت اختة شهد تسلم علية وغلا كانت جالسة جنبها
غلا (اه ياحمد سنة كاملة ماشفتك اللحين أحس أن قلبي رجع ينبض)طالعت غلا تبي شي تتغطى فيه بس مالقيت
احمد(مد يده عشان يصافح غلا)
غلا ترددت في انها تمد يدها والا لا بس الصالة كانت مليانه والانظار كلها عليها فاضطرت تمد يدها لة و................تعليق
تعليق