البارت الخامس

شوق حست اني ودها الارض تنشق و تبلعها لما شافت سعاد مع تركي
*عند شوق وتركي
شوق:تركي وشلونك؟
تركي:الحمدلله ........وين احمد؟
شوق(اخذت على خاطرها منه وحتى ماكلف على نفسة يسالها عن حالها):في المجلس ....... ورجعت المطبخ عند البنات
*بعد ماتعشوا الشباب طلعوا على البحر والبنات جلسوا يرتبوا البيت الى الساعه 12
*على البحر عند الشباب
احمد:اقول تركي وين وصلت؟
تركي:موجود معاكم
محمد(متعمد ):اكيد يفكر في شوق
تركي (تضايق ):لا بس طفشت وبرجع البيت
محمد:لا باقي بدري واصلا شوفوا من جاء
فارس: نواف ولد اختي العزيزة
احمد يهمس لمحمد :مدري ليش ماحبة
علي:اخجل على نفسك لايسمعك فارس
نواف:سلام عليكم
الكل:وعليكم السلام
وكملوا الشباب سهرتهم بس احمد وترة وجود نواف
*تركي رجع البيت ورمى نفسة فوق سريرة وكل تفكيرة عند سعاد وظل يفكر حتى نام
*في جمعة البنات كل الوضع هادي فقرروا يناموا لان الهنوف تعبانة
وبعد مانامو البنات عم الهدوء في البيت
*احمد رجع بدري لأنة سجل ترم صيفي وكان عندة دوام
*في الفجر
ابوعبدالعزيز صحى الاولاد وراحوا يصلوا وبعدها رجعوا ينامو
والبنات صلوا والهنوف وسعاد رجعوا يناموا
شوق:غلاوي بتنامي
غلا:ليش تسالي
شوق:انا مافيني نوم
غلا"ولانا
شوق:تعالي اجلسي معاي عالسرير نسولف
*جلست غلا وشوق سوالف وصحيت الهنوف هزأتهم
غلا:خلاص روقي بنطلع
شوق:يلا نروح المجلس
وراحوا وجلسوا يضحكوا بشكل مو طبيعي
احمد صحى وسمع صوت البنات ولبس وطلع وماقدر يمر عليهم لأنة تاخر
شوق سمعت صوت باب الشقة لما انقفل :تتوقعي مين طلع اللحين؟
غلا:خلينا نشوف من الشباك
ولما طلت غلا شافت احمد وهو يركب سيارتة وقلبها وقف من الخوف لانها ماكانت تدري انة ماخذ ترم صيفي
غلا(بخوف):شوق احمد طلع روحي كلمية وشوفي وش صار فية
شوق:لا تذكرت بيروح الكلية لان عندة ترم صيفي
غلا حزنت بداخلها لان احمد عندة دوام وبيجلس في جدة وهم بيرجعوا ابها
شوق يلا نروح نفطر
ودخلوا البنات المطبخ وجهزوا فطور واخذوة المجلس وصحي علي يفطر معهم
شوق:في صوت في البيت
علي:ابوي بيروح دوامة
غلا وقفت في الشباك صح هذا خالي طلع
شوق:اجل بروح اقفل الباب بالمفتاح لا حد يدخل علينا
غلا :علي يلا روح شغل السوني بيجي العب
علي:ليش خدام ابوك
غلا:نعم نعم
علي :طيب اذا ماوريك
غلا:انقلع مابقي الا انت تهددني
وقطع هواشهم صوت الجرس
شوق:الله يستر لايكون ابوي رجع
علي :بروح اشوف
احمد:وجع ساعة حتى تفتح الباب
شوق:علي من؟
علي:احمد
احمد:وش فيها هذي صاحية للحين
علي:لانامت وصحيت هي ريا وجالسات ضحك وسوالف
احمد:مين ريا
علي :غلا
*شوق:يلا نام ياغلا
غلا:شوفي لي الطريق
شوق :احمد ادخل بغرفتك غلا تبي تنام
احمد:تنام وهو احد ماسكها
شوق:وخر من طريقها
احمد(جلس على الكنبة في الصاله ):والله انا ماني متحرك من مكاني
شوق:غلا رفض
غلا:والحل
شوق:بروح اجيب لك شي تتغطين فية
غلا:طيب
وطلعت شوق
علي:احمد ادخل على غلا تراها لحالها(يرفع صوتة عشان تسمعة غلا)
غلا:شوق ارجعي
شوق:الله لايعطيك العافية يالاهبل
علي:عشان تعرف تتكلم علية مرة ثانية
غلا:شوق بنام ماعاد اقدر اتحمل
شوق: لقيتها
غلا:وشو
شوق:عباية سعاد
غلا:وينها
شوق اخذت العباية واعطتها غلا وبس لبستها غلا جلست شوق تضحك على شكلها لانها حطتها فوق راسها وصلت عند ركبتها واكمامها قصيرة
غلا:ايوة اضحكي صرت مضحكة من تحت راس اخوك وراسك
مرت غلا من الصالة وجلس احمد يضحك على شكلها
غلا:وش عندك انت بعد تضحك
احمد(يصرف):الفيلم يضحك
غلا(طالعت في التلفزيون وكانت القناة الاشارة ضعيفة فيها):واضح انة بالمرة يضحك بس طالع في هالقطة لاتفوتك
احمد طالع وبس انتبه للقناة جلس يضحك وبعدها نام الجميع
في الظهر
في بيت ابو نواف
ابو نواف:متى بتسافر يبة؟
نواف:حجزت بعد يومين
ام نواف:الله يسامحك يانواف لو كان تخليني اخطب لك ونزوجك عشان اذا سافرت اتطمن عليك
نواف: انا مابي اتزوج
رنا:يمة ماتعرفي نواف وكيف يكرة البنات
ريناد:اما في هذي معه حق من اللي شافة في الغربة
ام نواف:بس بنات ديرتنا غير ادب واخلاق
ابو نواف:اذا جاب لنا الشهادة يصير خير
*في بيت ابو عبدالعزيز
الهنوف:غلا قومي
غلا:خليني انام حرام عليك مانمت الا الساعة 11
الهنوف:والله لازعجك مثل مازعجتيني انتي والخبلة الثانية
وبعد ماطفشت الهنوف غلا صحت وبعدها صحت شوق
سعاد:غلا وش فيك كذا
غلا:ابي انام
الهنوف:ضحكتيني مافية نوم
سعاد:طيب قومي خذي لك شور عشان تصحصحي
غلا:شوق في الحمام واللحين بتخلص الموية الحارة
الهنوف:ادخلي حمام الاولاد
غلا:لاوالله عشان يجون وانا فية
الهنوف:احمد راح يجيب حليب لنجود واخذ جود معه بيوديها الملاهي يعني بيطول
غلا:اكيد
الهنوف:اكيد
غلا اخذت المخدة ورمتها على الهنوف وكان جنبها كاسة موية وانكبت على الهنوف
الهنوف:وجع ماتشوفي
غلا:وجع يوجعك
الهنوف راحت تركض وغلا بسرعه دخلت الحمام وقفلت على نفسها
الهنوف:طيب يالخبلة اذا ماوريك بس خليك تطلعين
غلا:واذا قلت لك ماني طالعة
الهنوف:ومن وين لك ملابس ومنشفة
غلا:سعادي بتجيب لي
الهنوف مسكت سعاد وخنقتها

الهنوف:تدري لو تعطيها ملابس اقتلك
سعاد:اسفه ياغلا مقدر اخدمك بتذبحني هذي المجنونة
غلا: عادي بلبس ملابسي اللي علي
الهنوف:اللحين يجي ابوي ويجلس في الصالة واطلعي قدامة بالبجامه
غلا:عادي
غلا اصرت على رايها واخذت شور
الهنوف جلست على الكنب عشان بس تطلع غلا تمسكها
دخل احمد وصاحت الهنوف من الفرحة
احمد:خير وش عندك تصيحين
الهنوف:غلا بحمام غرفتك تكفى روح طفرها
احمد:فشلة وش بتقول عني
الهنوف:باعطيك500
احمد:دام فيها500 انا موافق
سعاد:احمد حرام عليك
احمد:يلا
احمد وصل عند الحمام ودق الباب
غلا:هنوف لاتحاولي ماني طالعة باقي الشامبو في شعري
احمد:بس انا احمد مو الهنوف
غلا فتحت عيونها ودخل فيها الشامبو وصاحت
احمد:وش فيك
غلا:ولاشي بس انت روح وانا بطلع
احمد:مقدر بسرعة ابي الحمام
غلا قفلت الموية واحتارت وش تسوي حتى منشفة مامعاها
احمد يهمس للهنوف:حرام اللي نسوية اللحين تموت من خوفها
الهنوف :لوماتكمل اللي تسوية مافية500
احمد:خلاص طيب
غلا:هنوف تكفي انا عارفة انك ورى هالموضوع
احمد:يلا اطلعي
غلا حاوت تقنع احمد بس الهنوف ضاغطة علية وجلست تفكر وش تسوي والتفتت ولقيت منشفة واخذتها ونشفت جسمها ولفت المنشفة على شعرها ولبست بيجامتها وقررت انها تطلع لان مافية امل
وبس فتحت الباب كان احمد واقف عندة والهنوف ماتت ضحك على شكل غلا وغلا ماقدرت ترفع راسها من الاحراج اللي كانت فية
احمد شاف المنشفة اللي كانت على غلا وعرف انها منشفتة
غلا جت بتروح غرفة البنات ووقف احمد في طريقها
غلا:احمد ممكن شوي
احمد:بتطلعي كذا من دون ماتعطيني شي
غلا:وش اعطيك
احمد:منشفتي!!!!!!!!
غلا :شوي واغسلها واجيبها لك
احمد مد يدة وسحب المنشفة انفك شعر غلا وقال:صدق انك حلوة باي حال
غلا راحت الغرفة وهي تبكي وبدلت ملابسها وجلست فوق سرير سعاد
دخلت الهنوف وهي تضحك
الهنوف: كيف الحركة؟
غلا:سخيفة مثلك ودخلت تحت اللحاف وجلست تبكي
الهنوف حست بان اللي سوتة كان خطا واخذت الفلوس وراحت لاحمد غرفتة
الهنوف:تصدق ياحمد ان غلا بالمرة متضايقة وتبكي
احمد:كلها منك
الهنوف:انا مالي دخل بس خذ
احمد:وش اخذ
الهنوف:مو شايف فلوس التحدي
احمد:اخذها ورماها في الارض وداس عليها وقال:الله يلعن الفلوس اللي عشانها زعلت الغلا
الهنوف:نعم نعم وش قلت ماسمعت
احمد طلع من الغرفة ولا لقى نفسة الا عند غلا
احمد:غلا انا اسف وحركتي ماله داعي
غلا كان راسها تحت اللحاف ومسوية نفسها نايمة
احمد:ادري انك سامعتني وانك مو نايمة بس عالعموم انا اسف يالغلا وطلع من الغرفة تارك غلا في حيرتها من سبب اعتذارة
*في بيت ابو نايف
تركي:يمة متى بنروح لخالي
ام نايف:بكرة لو تبي
تركي:اول شي كلمية بعدين نروح
ام نايف:وش فيك احنا كلمناه من زمان وهو اكيد ينتظر هاليوم
تركي:بس انا ابيك تكلمية اني مابي شوق ابي سعاد
ام نايف:نعم وش قلت انت انجنيت
ابتسام:عفية على اخوي هذا الاختيار الصح
ام نايف :وش اللي تبي سعاد انت ناسي انا خطبنا لك شوق
تركي:وانا مابي شوق ابي سعاد
ام نايف:اسفة مارح اكلمه ولارح تاخذ الا شوق
ابتسام:لا والله اذا ماكلمتي اخوك لاكلمة انا
ام نايف ضربت ابتسام كف وراحت غرفتها تقول لابوة وهي تبكي
*في المغرب الوضع كان متوتر بين غلا والهنوف
سعاد:اوووف طفش
شوق:كيف مايكون طفش وكل وحدة مادة بوزها شبر
الهنوف:علموا اللي محد يمزح معها
غلا(وهي تبكي):هذا مزح احرجتيني وخليتيني بيزة ماسوى في عين احمد
دخل احمد وغلا تتكلم
احمد: انتي بعيني ملاك وقدرك عالي
غلا راحت ركض الغرفة ولالقيت نفسها اللي وهي تكلم هيفاء وقالت لها السالفة
هيفاء:خلاص غلوي هدي نفسك وشوي واجيكم وانا اتفاهم معها
*في بيت ابو نواف
ابو نواف:وش رايك نسوي عشاء بكرة توديع لنواف
ام نواف:ايوة والله حتى من زمان ماتجمعنا
نواف :انا اقول مالة داعي بكرة
ابو نواف:اجل متى يابوك سفرتك بعد بكرة
نواف:خلاص يبة باقي اجلس معكم اسبوعين
ام نواف:الله يبشرك بالخير على الاقل نروح ابها ونصلح العزيمة هناك وندور لك عروسة
*وصلت هيفاء وجلست تقنع في غلا والهنوف يتراضون بعد معاناة وافقوا ورجعت الحياة للبيت
شوق: وش رايكم في ثلاجة شاهي
سعاد:مافية موية
شوق:باكلم احمد يجيب
كلمت شوق احمد وبعدها يمكن بربع ساعة انفتح باب الشقة
غلا:اكيد هذا احمد
هيفاء :لا اجلسي هذا علي لان احمد كلمه ينزل ياخذ الموية
بعدها دخل علي وفي يدة اكياس
غلا:علي وين الموية
احمد وهو داخل :كاهي معاي
غلا خافت لانها قررت ماعاد تحتك باحمد مهما صار وماتقابلة نهائي مثل ماوعدت امها
وبس دخل احمد المطبخ راحت ركض الغرفة
احمد:وينها
شوق:في الغرفة
الهنوف احمد روح طفرها
هيفاء:احمد امانة لا ابعد عنها
احمد:عشا ن هيفاء وبعدها طلع من البيت
وكملو البنات سهرتهم وبعدها راحت هيفاء بيتها ودخلو البنات الغرفة
غلا:انا بنام
شوق:وانا بعد
سعاد:انا نمت خلاص
غلا:هنوف وخري بنتك عني بنام
الهنوف:مالي دخل
غلا:مو كفاية اني نايمة في الارض ومسلطة علية بناتك
الهنف:تصبحي على خير غلوي
غلا تنرفزت من برود الهنوف واخذت فراشها ودخلت تحت سرير سعاد ونامت تحت السرير والهنوف مصدومة من حركتها الغريبة
في الصباح
صحى احمد وراح الكلية ولما رجع الظهر لقى باب غرفة البنات مفتوح ودخل لقى الهنوف وسعاد صاحيات
احمد: وين غلا
غلا بس سمعت صوت احمد صحت
الهنوف:راحت بيت عمها
احمد:امانة
الهنوف:والله
احمد:ليش
الهنوف:مدري
احمد(بعصبية)ليش تخلوها تروح صدق مالكم داعي
سعاد:وليش معصب
احمد:بجد ناس ترفع الضغط
البنات :ههههههههه

احمد:ولا بعد يضحكوا
غلا استغربت من ردة فعل احمد وقالت في نفسها معقولة ياحمد تحبني مثل ماحبك
احمد:/ولا بعد يضحكوا
الهنوف اشرت بيدها على غلا وقالت:شوف
احمد:نزل راسة وشاف غلا وابتسم بارتياح
غلا لما شافت الهنوف تاشر عليها صلحت نفسها نايمة
احمد:وجع خوفتوني وبعدها طلع
*في بيت ابو نايف
تركي:يمة وش سويتي
ام نايف:مارح اسوي شي
تركي:يبة وش رايك
ابو نايف:انا في رايي انك تكلمين اخوك
ام نايف:مارح اخطب لة غير شوق
ابو نايف :مافية شي بالغصب خصوصا الزواج
تركي:ياما تكلمي خالي والا اللحين بروح اكلمة
ام نايف:هات التلفون اكلمهم
ام نايف دقت على بيت اخوها وردت شوق
ام نايف:هلا يمة وشلونك
شوق:بخير دامك بخير
ام نايف :بتروحون مكان اليوم يمة
شوق:لا ياعمة مارح نروح مكان
ام نايف:اجل بلغي اهلك انا بنجيكم
شوق الله يحيكم
شوق راحت بلغت امها
الهنوف:اكيد بيجون عشان يشوفك تركي
شوق:اه ياقلبي
واخذوا البنات شوق ولبست فستان ليلكي وذهبي وحطت مكياج هادي واستشورت شعرها
اهل نايف وصلوا ودخلو المجلس وشوق جهزت نفسها عشان بس يناديها ابوها تدخل
ابو عبدالعزيز:الله يحييكم وهذا حق الولد ومحد يقدر يمنعة
البنات كانوا واقفين عند الباب يتسمعون
ابو نايف:الله يبقيك
ابو عبدالعزيز:اجل بروح انادي البنت يشوفها خطيبها
عبدالعزيز:انا يبة بروح اناديه
تركي(بصرخة):لا
الكل استغرب حتى شوق لما سمعتة انصدمت وراحت غرفتهم
ابوعبدالعزيز:لايكون نسبنا مو عاجبك ياتركي
ابو نايف:والنعم فيكم بس احنا نبي سعاد مانبي شوق
عبدالعزيز:الشغلة حلى كل يوم تخطب وحدة
ابو عبدالعزيز:الله يسعدكم مالكم نصيب عندنا
ابو عبدالله:انا اقول لاتستعجل ياخوي وشاور البنت
عبدالعزيز:وانتي ياعمة راضية باللي قاعد يصير
تركي :امي مالها دخل انا اللي بتزوج وانا اللي لي الحق اختار
ابو نايف:احنا نستاذن وانت شاور ورد منا
عبدالعزيز:انا في رايي انكم ماتنتظروا كثير لان ردنا معروف
*في غرفة البنات
الهنوف:وش فية ابوي طول ماناداك
شوق:روح اسالية
الهنوف:طيب وش فيك معصبة
الهام:خلاص هنوف اكيد شوق متوترة
عبدالعزيز نادى الهام
عبدالعزيز:وين شوق باكلمها
الهام :روح غرفة احمد واللحين اناديها لك لان غلا معاهم
الهام نادت شوق وراحت معاها هند وهيفاء وامها
عبدالعزيز بس قال لشوق انهارت وراحت تركض لعند سعاد
شوق:وينها الحقيرة الخاينة
غلا:وش فيك
شوق:شفتك واقفة معة وقلت صدفة بس توصل فيك انك تخططي علية من وراية يالخاينة
سعاد:شوق حاسبي على كلامك وافهمي وش قاعدة تقولي
شوق ضربت سعاد وطاحت مغمي عليها
غلا:سعاد اصحي سعاد ردي علي
شوق طلعت من الغرفة ومابقي غير غلا والهنوف في الغرفة وطلعت غلا تركض تدور احد يشوف سعاد ولقت احمد وسحبتة من يدة
غلا:احمد الله يخليك تعال شوف سعاد
احمد:وش فيها
غلا:اغمي عليها
احمد اخذ سعاد وهيفاء وراح المستشفى
احمد:هاة يادكتور طمني
الدكتور :انخفض الضغط عليه وانا افضل انها تبقى تحت الملاحظة
احمد:نقدر نشوفها
الدكتور:لا ممنوع الزيارة
*غلا:بنات دقوا على احمد يطمنا على سعاد
شوق:عساها ماترجع
غلا:شوق فوقي على حالك
شوق :اوة
غلا:هنوف دقي علية
الهنوف:ماعندي رصيد
غلا:هاتي رقمة انا بكلمة
غلا اخذت رقم احمد ودقت علية وطمنها وسجل رقمها في جواله باسم الغلا
في الليل تحسنت سعاد ونزلوها من المستشفى
احمد:شوق تعالي ابيك
شوق:وش عندك انت بعد
احمد:شوق لاتخسري سعاد عشان تركي لان لو يحبك ماكان ضحى فيك لو لقى مية وحدة غيرك وتركي لما شاف سعاد كانت صدفة وانا متاكد من هالشي وانتي تعرفي قد ايش سعاد تحب محمد ولوكان بتاخذ غيرة كان اخذت اللي جو قبل تركي واطلق منه
شوق حست انها اقتنعت في كلام احمد بس كانت مجروحة ومو قادرة تتصرف بس راحت لسعاد
شوق:سعاد انا اسفة على اللي صار بس انا اقولك من قلبي اذا تبي تركي وافقي علية
سعاد:شوق انا غير محمد مابي
شوق:يعني انتي مابينك وبين تركي شي
سعاد:شوق :انتي تشكين فيني واللي خلقني ماقد قابلت تركي غير هذاك اليوم
شوق حضنت سعاد وسعاد بلغت ابوها انها مو موافقة ومحمد كبرت سعاد في عينة
بس فرحتهم مادامت لان الهنوف تعبت وصارت تصيح
واخذوها للمستشفى وقالوا ان ماعندها شي والكل استغرب من حالتها
وشوق اخذت رقم تركي من جوال علي وارسلت لة


في الصباح كانوا البنات متجمعين الهنوف دق جوالها
الهنوف:هلا حمود
احمد:ابي دفتر وقلم للكلية
الهنوف اللحين ادور لك
الهنوف:شوق اذا عندك دفتر وقلمي اعطي احمد
رجع جوال الهنوف يدق
الهنوف:هلا
احمد:خلاص ماعاد ابي دفتر لقيت بالسيارة واحد
الهنوف :يلا باي
شوق :وش يبي
الهنوف(قررت تسوي مقلب في شوق):يقول نزل السيارة نزليها لة
شوق:غلا تجي معي
غلا:طيب
نزلت غلا وشوق وصحى ابو عبدالعزيز
الهنوف:ياه
سعاد:وش فيك
الهنوف:ابوي طلع من البيت
سعاد:وش فيها اكيد بيروح دوامة
الهنوف:وشوق وغلا
سعاد:اذا شاف احمد مارح يقول شي
الهنوف:بس احمد راح
سعاد:كيف راح وقبل شوي كلمك يبي دفتر
الهنوف:مو رجع كلمني وقال انة ماعاد يبية بس حبيت اسوي مقلب في شوق
سعاد:الله لايعطيك العافية

*في الحوش
شوق:هذا وينة
غلا:يمكن راح
شوق:ياويلي هذا صوت ابوي نازل من الدرج
غلا:والحل
شوق سحبت يد غلا وقفوا جنب الدرج
ابو عبدالعزيز راح لسيارتة وطلعوا من الدرج بس حسوا ان في احد وراهم ولما لفوا لقيوا حارس العمارة وصاحوا وراحوا يدقوا الباب على البنات بس ماحد فتح لهم
شوق:/ياربي وش نسوي
غلا:ننتظر حتى يحسوا انا تاخرنا ويفتحوا من انفسهم
جلست غلا وشوق في الدرج وسمعوا باب شقة ابو عبدالله ينفتح وتورطوا بس ماكان عندهم مكان يهربون فية الا فوق السطح
سعاد حست ان البنات تاخروا وطلعت تدور عليهم ومحمد كان هو اللي طالع من الشقة
محمد: صباح الخير ياجمل صباحياتي
سعاد:صباح النور
شوق تهمس لغلا:مواعيد غرامية من ورانا
محمد:ليش القمر طالع في الصباح
سعاد:ادور على غلا وشوق
شوق:خلاص احنا هنا مايحتاج تعلمين اهل العمارة كلها
محمد راح لما عرف ان البنات سمعوة يتغزل في سعاد بس قبل مايروح قال له احبك
سعاد:بلا انتي وياها على البيت
شوق:سخيفة الحركة
الهنوف:اقول نام
وبعدها نامو البنات
في العصر صحى احمد ولقى البنات نايمات
احمد:هذولاء مايشبعون نوم
هيفاء :حرام عليك قولي مشاء الله
احمد:ماشاء الله بس على الاقل يستحون على انفسهم ويجون يسلمون عليك
هيفاء:لا عادي بس حمودي فديتك تنزلني السوق بعد المغرب
احمد:اوكية بس المهابيل بيجون معك؟
هيفاء :مدري عنهم
*في المغرب نزلوا البنات السوق كلهم
احمد:انزلوا واذا خلصتم دقوا علي انا بروح اخلص كم شغلة وارجع
في المجمع جاء غلا رسالة وفتحتها وكانت من احمد كاتب فيها( تري احبك و اغارك عليك ولاتطالعين غيري ) حممود
غلا حست ان الدنيا مو واسعتها من الفرحة احمد يحبني مو معقول
وبعد ماخلصوا البنات دقت هيفاء على احمد والرقم مشغول
هيفاء:اقول خلونا نطلع اكيد هو واقف برى
طلعو البنات وكانت صدمة غلا ان احمد واقف مع وحدة وسواليفة وضحكة واصل اخر الشارع
احمد بس شاف غلا انصدم بس مابين هالشي وركبوا وطول الطريق يحاول يبرر موقفة بس غلا كانت تبكي
احمد:وش رايكم في اللي كانت معي
الهنوف:احمد اللي سويتة خطا ترضى احد يصلح كذا معنا
احمد:هي اللي جتني مو انا اللي رحت لها
غلا:بس هالشي مع احترامي غلط وقلة ادب
واخذت جوالها وصلحت اعادة ارسال للرسالة وارسلتها لاحمد وكتبت لة ترى هالرساة جتني من رقمك شوف لمين كنت بترسلها وجتني بالخطا
احمد فتح الرسالة وقال:بنات كيف اصلح مسح للرسايل
شوق:تستهبل
احمد:احاول
الهنوف:بدل الاستهبال وقف عند هالمحل امي تبي كم شغلة منة
احمد:اوكية يلا كلنا ننزل
سعاد وغلا راحوا محل مكياج
والباقين راحوا مع احمد محل ملابس
واحمد طالع من باب المحل شاف غلا وسعاد واقفين ومعهم رجال وكل اللي شافة انة اعطى ورقة لغلا احمد ماعرف الرجال وماقدر يلحقة و ماقدر يمسك نفسة وراح سحب غلا من يدها وجلس يسب فيها
احمد:صدق مانتي متربية يالحقيرة مو توك تتكلمين عن الاخلاق
غلا:احمد وش فيك؟وش اللي قاعد تسوية
احمد فتح باب السيارة ورمى غلا على المقعدة ومشوا من المجمع ........


انتهى البارت


ماستغني عن توقعاتكم

وش تتوقعون قصة هالشعر
عطني قلم
بأكتب
على القلب
ناسيك
حتي اليا منة تذكرك
ينساك
خلاص
عقب اللي حصل منك
ما ابيك
وما دمت انا هنية
فارقني هناك
غلطة حياتي
يوم تقفي واناديك
لكن بيجي يوم
واقول الله
وياك
_______________

تسلم إيدك يالغلا

متابعين لك

واووووووووووووو يجنن يجنن البارت رووووعه يالغلا واتوقع انو راح يرجعوا للبيت ويتعاتبون وبتزعل منوه يعني حركاتت منهم الاثنين بس ياقلبي فديتك البارت يجنن وانتظر البارتات الجايه خلاص ابي اعرف الحلقه الاخيره تكفيين خلصيها ابي اعرف النهايه فديتك

عساني مانحرم منك يافاقدة اخوها وباقي بدري على الحلقة الاخيرة تونا في البارت الخامس
وتسلمين لي ياعبير الزهور على الرد

البارت جميل
الله يعطيكي العافيه
متابعه لك
استمري

[واو وش هالبارت الروعة ياذوق واعذريني على هالغيبه الطويلة بس والله ماردني عنك الا الجامعة وامتحاناتها؛وبصراحه انتي حطمتي كل الارقام القياسيه في التوقعات اللي اناتوقعتها؛ بس هالمرة اتوقع ان هالشعر اهداء من غلا لاحمد والله اعلم ؛وانتظر ابداعك في البارت الجاي وعساك دوم متألقه في عيون قرائك ياكاتبتنا الرائعة

مشكورين جميعا على مروركم
ومشكورة ياختي اذا ناوي على هالكلام الحلو زدتيني ثقة بنفسي يالغالية فديت قلبك