يسلمتو جدا جدا جدا رائعه واو والله يعطيك العافيه بانتظار جديدك جدا متحمسه والله للبارت الجاي ابي اعرف وش صار في غلوي بعد قلبي صدق دنيا هان الغلا فيها كل القلوب مجرووووووووووحه وتنتظر من يداويها بحبك ياكاتبتنا خطاي ضيع غلاي

مشكوووووووووووورة يالغالية وانتظري البارت بكرة انشاء الله والله لايحرمني منك

مشكوره عالروايه بكون متابعه لك

مشكورين على تفاعلكم جميعا
اعذوروني تاخرت عليكم اللحين رح انزل بارت وانشاء الله يعجبكم

البارت الثالث

الهنوف( من خوفها على غلا فزت من مكانها راحت لغلا ):غلا صار فيك شئ
غلا(وسط خوفها من اللي صار): لا الحمد لله
سعاد:أكيد مافيك شي
غلا:الله يهديك كاني قدامك مافيني إلا العافية
جود كانت تبكي وشوق حاضنتها:خالة غلا صار فيك شي
غلا :لا حبيبتي أنا بخير
احمد بس تأكد أن غلا مافيها شي حط ظهره على الجدار تنفس بعمق وحمد الله الف مرة على ان غلا ماصار فيها شي بسببه
غلا:وش فيكم ؟سكتم وعلامات التعجب على وجيهكم ؟ وإلا كنتم تتوقعوا أموت وترتاحون مني
شوق :سلامتك من الموت ولا عاد اسمع هالكلام فاهمة
غلا:إذا ماعاد تبي تسمعينه روحي دوري على توصيلة ثانية
الهنوف:يعني ماتبتي؟
غلا : الحمد لله تبت بس مارح نجلس نطالع في بعض
الهنوف:لا مارح نطالع في بعض أنا اقول ندخل ننام أحسن
غلا:تبينا ننام عشان يتشمت احمد فينا وإلا وش رأيكم صبايا
( احمد سمع كلام غلا وانصدم أول مرة يعرف انها عنيدة حتى بعد اللي صار لها )
سعاد:أنا معا غلاوي في اللي تقوله وإلا نسيتي يأختي الفاضلة أني تحديت احمد على إنا رح نسهر اليوم غصب عنة واللحين تبي يربح التحدي باردة مبردة
احمد(كان يقول في نفسه الله الله حتى أنتي ياسعاد لكن طيب والله ما امررها لكم )
شوق:وان ماعندي مانع ورح أروح أدور على توصيلة ثانية
*احمد جته فكرة والجو رح يساعده على تنفيذها بس كان ينتظر شوق ترجع*
*شوق كانت في المخزن :الله لايعطيك ياميري العافية ليش عافسه الدنيا كذا وبس فتحت الدرج واو لقيتها وراحت ركض عند البنات وشغلوا التلفزيون وكانوا منسجمين على الأخر وقتها احمد حس انها فرصته لتنفيذ الخطة وبدا يصدر أصوات تخوووووووووووووف بدأت تقلق البنات بس كانوا ساكتين على أمل انها تخيلات بس فاللحظة جود ماسكتت طلعت صرخة سمعتها أهل البيت كلهم
*في غرفة أبو عبدالعزيز
أبو عبدالعزيز: اوووف ماصارت عيشة كل يوم وإحنا على هالحال
ام عبدالعزيز: روق أنت اللحين وأنا بطلع لهم
أبو عبدالعزيز: لا أنا اللي بطلع أوقفهم عند حدهم وصحي وشغل النور وطلع من الغرفة
*احمد شاف نور غرفة أبوة لما اشتغل وعرف أن الخطر اقترب منة بس عرف انه مايقدر يصرف نفسه
*الهنوف:جود تعال هنا اللحين يصحى جدك ويسوي لنا سالفة
أبو عبدالعزيز:ماعاد يحتاج تسكتيها سكتي نفسك يالكبيرة يا العاقلة
الهنوف تضايقت من كلام ابوها واكتفت بالسكوت
أبو عبدالعزيز(واستلم غلا وشوق وسعاد بعد ما أعطى الهنوف نصيبها ):وأنتي وياها وش مصحيكم للحين ماتخلون احد ينام
شوق: ي ب ه يبه جود سمعت صوت من البلكونة وخافت و..
*احمد كان يتحلف في شوق إذا كشفة أبوة
أبو عبدالعزيز:أكيد بتسمع صوت دام الأجواء كلها عواصف بس الغلط ماهو عليكم الغلط على اللي مارباكم بس بسرعة عالغرفة ولاعاد اسمع النفس حتى يجي عبدالعزيز بكرة ويتفاهم معكم صار لا ليلنا ليل ولا نهارنا نهار بسرعة
*البنات اتجهوا للغرفة بدون أي نقاش
*احمد فرح وحس بالانتصار وتطمن لما شاف نور غرفة أبوة أنقفل ودخل بكل هدوء وجلس عند التلفزيون بكل براءة ولا كأنة سوا شي
*عند البنات
غلا:اقول خالي من صدقه عبدالعزيز بيجي بكرة
الهنوف:إحنا وين وأنتي وين اللحين اسألي وش بيفكنا من لسان ابوي بكرة
غلا:ما أتوقع يسوي شي
الهنوف: احمدي الله إذا مارح وقال لأهلك ؟
غلا:الله لايقولة تدري لو يقولهم وش بيسوون؟ ماعاد بيخلوني أنام معكم
سعاد: أنا اقول ننام اللحين عشان نصحى بدري ونساعد أمي وإذا شافنا مجتهدين رح يسكت ابوي وأنا اعرفه (قررت سعاد تنام وما كانت عارفة وش ينتظرها)
أما شوق ظلت تنوم جود حتى نامت جنبها
الهنوف كانت تفكر في عبدالله اللي له يومين ما اتصل وشوي يوصلها مسج وأخذت جواله بسرعة وقالت أكيد عبدالله وفتحت الرسالة
كانت الرسالة من احمد وكان كاتب فيها(حلوووووة الحركة صح؟؟ وتعيشون وتاكلون غيرها وتعرفون تتحدون مين هههههههههه)
الهنوف:سخيف
غلا: عبدالله!؟
الهنوف:ياليت كان عبدالله على الأقل أحس انه مهتم
سعاد(عشان تغير الموضوع لأنه يضايق الهنوف ):اجل مين
الهنوف:احمد
غلا:لا تقولين هو وراء كل اللي صار
الهنوف :وهو في غيره وأخذت جوالها وأرسلت له (مثل سخافتك ماشفت بس إذا ما اعلم ابوي
احمد(يكذب):أصلا ابوي شافني وأعطاني تعليمات بعدم خروجكم
الهنوف: بس رح تفرق عند ابوي لما يعرف أن غلا احترقت يدها ولا انتبهت للجرح إلا لما جت تغير ملابسها(الهنوف عرفت أن احمد يكذب عليها فحبت تكذب علية عشان تخوفه وعشان تزيد من خوفه قفلت جوالها واتفقت مع غلا )
احمد على طول دق على جوال الهنوف ولقاه مقفل وجن جنونه وحاول يدق على سعاد وشوق بس كانوا نايمات وجوالاتهم حاطينها صامت
كان يبي يروح لهم الغرفة بس خاف لان غرفتهم جنب غرفة أبوة وظل طول الليل على أعصابة
*في الظهر صحى احمد وجلس مع أهلة ولا كأنة سوا شي
أبو عبدالعزيز:احمد دق على أخوك شوف وين صار؟
احمد:ليش عبدالعزيز جاي؟
أبو عبدالعزيز:اجل ليش أقولك دق.؟
احمد اخذ جوالة ودق على أخوة
أبو عبدالعزيز:هاة وش قال لك
احمد:يقول خمس دقايق ويكون هنا
أبو عبدالعزيز:وليش باقي جالس انزل استقبل اخوك
احمد(بدون نفس ):انشاء الله
طلع احمد وكل تفكيرة في غلا وفجأة سمع صوت غرفة البنات انفتح وراح يشوف مين وتفاجى بغلا اللي توها صاحية من النوم وحالتها حالة لالبسة بيجامة حمراء ناعمة وكيوت وشعرها مبعثر
غلا بس انتبهت ان احمد يطالع فيها رجعت الغرفة بسرعة وماقفلت الباب من الخوف
احمد دخل عندها وبدون تردد
احمد:ليش هربتي لما شفتيني
الهنوف:هذا سوال انت ووجهك كيف تبيها تقابلك بعد اللي سويتة فيها
احمد:انتي مالك دخل انا اسال غلا.....غلاوي صار فيك شي
غلا: هاه
احمد(اخذ بيد غلا عشان يتطمن عليها ):وريني الجرح
غلا ماعطها قلبها تشوف احمد بهالحال ونزلت يدة وقالت:انا مافيني شي بس الهنوف كانت تبي تلعب باعصابك

الهنوف (عصبت):اوريك لييييش تقولي يالخبلة
احمد ماقدر يكمل لان اخوة وصل وطلع من الغرفه على طول
سعاد بس عرفت ان اخوها وصل صحيت وبدلت ملابسها وطلعت له
اما شوق فظلت نايمة ولاكان في احد حولها
والهنوف بدلت ملابسها وملابس بناتها ولحقت على سعاد
اما غلا فجلست في الغرفة لانها ماتكشف على عبدالعزيز
غلا:شوق تكفي اصحي ....
شوق:غلا اتركيني بنام
غلا: اصحي يابنت الناس انا طفشانة اجلسي معاي
شوق:انا اللحين ماصحيت اسلم على اخوي اللي صار لي فترة ماشفتة وانتي تقولين اصحى اجلس معك صدق فاضية
غلا رمت بالمخدة على شوق ووقفت عند الشباك
*في الصالة
على الصوت بالتراحيب بعبدالعزيز واهلة
ام عبدالعزيز:يمة وين بناتك
عبدالعزيز:تحت اللحين مع ميري ينزلون الاغراض .... يمة بروح اخذ شور ياليت تجهزون الغداء
ام عبدالعزيز: من عيوني
سعاد:جودي روحي جيبي البنات من الحوش
الهنوف:لا ياماما جود مارح تتحرك من مكانها
سعاد:بدينا بحركات الام المثاليه
الهنوف:مالك دخل بناتي وانا حرة فيهم
سعاد :خلاص انا بروح اجيبهم
وطلعت سعاد الدرج وشافت روان
روان:عمتي (وراحت بسرعه حضنتها)
سعاد:ياروح عمتك والله اشتقت لك
وفجأة تسمع سعاد صوت من وراها يقول :وانا ماشتقتي لي
سعاد:محمد
محمد:كيفك سعاد ؟وربي لشتقتلك مووووووووووت
سعاد ماردت عليه لان الكف اللي جاها سكتتها
*على الغداء سفرة ال علي
نايف:يمة انا ابيك تخطبين لي
ام نايف : وهذي الساعة المباركة
ابتسام :وعلى مين حاط عينك
ام نايف:اكيد دنيا بنت خالك محمد
ابتسام :مو كفاية تركي لزقتية في شوق
ام نايف:انتي اخر من يتكلم لو كنتي مثل البنات كان حافظتي على زوجك
نايف:يمه وش فيك اللي انتي تبية هو اللي بيصير
ابتسام زعلت وراحت غرفتها (لاتفكرون زعلت من كلام امها ..لا هي زعلت لانها ماقدرت تقنع نايف عشان يغير راية)

*نرجع لسعاد

عبدالعزيز:واقفة بكل وقاحة وبدون حتى طرحة
سعاد:انا......
عبدالعزيز:انقلعي على غرفتك وحسابك معاي بعدين
سعاد راحت ركض غرفتها بس دموعها كانت تسبقها
عبدالعزيز :حياك محمد الغداء جهز
محمد(كان مصدوم ومقهور ان اغلى البشر تنهان قدامة وبسببه ولايقدر يسوي شي):مشكور ياعبدالعزيز على الاستقبال واللي شفتة منك شبعني
عبدالعزيز(بعدم مبالاة):براحتك
بعدين دخل عبدالعزيز وقال لابوة وابوة بدورة تحلف في سعاد (اللي ماتعرفونة ان العائلات اللي اتكلم عنهم في الرواية عقولهم متحجره وماعندهم لف ودوران وممنوع البنت تكشف على ولد خالها او عمها بعد مايصير في الثانوي حتى لو خطيبها واهل غلا اصلا مايدرون انها تكشف على احمد )
احمد هو الوحيد اللي يحس في اخواته وبسرعة دخل عند سعاد وغلا خاضنتها وماتدري وش السالفه
احمد:سعاد هدي والله مامررها لة
غلا:احمد وش فيها سعاد ؟
احمد:السخيف استفتح مشاكلة فيها وفجاة سمعوا صوت عبدالعزيز وابوة عند الباب
ابو عبدالعزيز :روح ارتاح والعشاء يصير خير
عبدالعزيز :وين ارتاح وبناتك ورانا
وترك ابوة ودخل الغرفه بس تفاجى بصوت غلا:اطلع برى من ساعة مسوي فيها اخلاقيات واللحين توصل فيك الوقاحة انك تدخل وانا هنا
عبدالعزيز(تضايق لان اول مرة في حياته بنت تعلي صوتة علية):وانتي بصفتك مين ؟
غلا:اكون اللي اكون مو اختصاصك اطلع برى
عبدالعزيز:مسوية فيها محترمة وانتي جالسة مع احمد
غلا:لو احمد مثلك ماكان جلست معه
عبدالعزيز:لانك وقحة ومو محترمة نفسك ولا ماكان جلستي مع انسان مو من محارمك والله يعلم ليش جالسه معة وشنو بينكم
احمد(صرخ صرخة):عبدالعزيز تراك زودتها وانا سكت لك غلا اشرف منك
دخلت الهام وام عبدالعزيز وبعد محولات طلع عبدالعزيز من الغرفة ومر اسبوع دون أي شي يذكر غلا رجعت بيتهم وخففت تواصلها مع البنات بسبب وجود عبدالعزيز والهنوف رجع زوجها من السفر ورجعت بيتها بس المشاكل زادت بينهم لدرجة ان الكل لا حظ عليهم
واحمد عشان مايقابل عبدالعزيز نزل جدة اسبوع
وسعاد عبدالعزيز مانعها من الطلعه من البيت وشوق حتى لو انها طيبة بس ماتقدر تتصرف في هالمواقف

في بيت ابوعبدالله
محمد:يمة اخطبي لي سعاد
ام عبدالله:انجنيت انت كيف اخطبها لك !انت ماتشوف اللي صاير بين الهنوف وعبدالله
محمد:انا ماعاد اتحمل واللي صار لسعاد بسببي عذبني
ام عبدالله:وش صار ؟
محمد قال لامة السالفة
ام عبدالله:الله لايعطيك العافية انت وش صار لعقلك ترضى احد يشوف اخواتك بدون غطى
محمد:انا ماكنت اقصد وشفتها بالصدفة وحتى ماردت عليه بكلمة
ام عبدالله:انا احب سعاد واتمناها لك بس عقب اللي صار صعب نخطبها اللحين لكن انت روح انتدابك (محمد كان عندة انتداب"دورة" في مكة لمدة سنة )واذا رجعت يصير خير
محمد طلع من عند امة والدنيا ضايقة فية ولايدري وين يروح ولالقى نفسة الا عند بيت عمة عبدالله بس تدارك الوضع ورجع بيتهم
*في بيت عبدالله
احمد:شوق كيف سعاد اللحين
شوق:الحمدلله بس ماصارت تاكل شي ولاتكلم احد
احمد:انا بروح لها واتطمن عليها بنفسي
*عند سعاد في الغرفة
سعاد بس شافت احمد وراحت حضنتة وجلست تبكي احمد:سوسو امسحي دموعك وقولي لي وش تبين وانا بسوية لك ...اذا تبين تطلعين؟ طلعتك غصب عن الكل
سعاد:مابي اطلع ابي اشوف غلا
احمد:اشتقتي لها
سعاد:كثير
احمد(وانا بعد ياسعاد ياني متلهف على شوفتها):وكيف اجيبها لك
سعاد:روح كلم عمتي وجيبها وخذ معك شوق عشان يرضون اهلها
احمد:ماطلبتي شي اللحين اروح اكلمها
احمد كلم عمتة نورة وقال لها عن حال سعاد وانه بيمر ياخذها هو وشوق وعمته وافقت

في بيت ال محمد
ام طلال: يمة غلا البسي احمد بيمر ياخذك البنات مشتاقين لك
غلا(بس سمعت طاري احمد تكركبت): هاة وشلون اروح معة لحالي
ام طلال :بيجيب شوق معة
غلا راحت بدلت ملابسه ونزلت تنتظر احمد ولما وصل احمد نزل وفتح لها باب السيارة وهمس لها:اشتقت لك
غلا(:كانت مصدومة ومو مصدقة اللي سمعتة)
شوق:ترى في احد قدام على الاقل سلمي من بعيد
غلا:كيفك شوق؟
شوق:دامك فاكرتني انا بخير
احمد(:كان مو مصدق ان غلا معه وكل شوية يطالع فيها في المراية)
وصلوا البيت وراحت غلا ركض لسعاد وحضنتها بقوة وسلمت على الباقين
غلا:وحشتوووووووني مووووووووت
شوق:احد قال لك اقطعينا اسبوع
غلا:وش اسوي دام عبدالعزيز هنا وانتي تدري قد ايش انا ماحب اخوك ذا
دخل احمد عندهم الغرفة وسمع كلام غلا
احمد:اجل تحبين مين من اخوانهم ؟
شوق:سوال غبي وش تبيها تقول ..يعني تبيها تقول انها تحبك مثلا
احمد:ليش لا وانا ماستهال انك تحبيني ياغلاوي
غلا(انحرجت مووووت):خلاص سحبت كلمتي احبكم كلكم حتى عبدالعزيز
احمد:اوف كل هالتضحية عشان ماتقولين انك تحبيني

غلا اكتفت بالسكوت لما شافت الهنوف داخلة ومعها اغراضها
سعاد:هنوف وش فيك
الهنوف:كارهتة مابية
شوق:انهبلتي اني تراك مو صغيرة وعندك عيال
الهنوف:قفلوا على الموضوع
*عند الشباب
فارس:وين بنشوف مبارة المنتخب بكرة
احمد:تعالو عندي
طلال:تستخف بدمك احد يقدر يشوف المبارة مع عزيزوة اخوك
احمد:هالاخ سبب لي عقدة في حياتي ليتة مو اخوي
الشباب:ههههه
احمد:اية تشمتوا فية انا ناقصكم !!!!!
*في بيت ال سالم تجمعوا العائلات كلها وتعشوا مع بعض والساعة 12 راحوا وبقيت العمة نورة
سعاد:غلاوي نامي معنا
غلا:نسيتي ان اخوك الاهبل موجود
شوق:ماعليك منة اصلا اذا جلستي بيموت قهر
غلا:خلاص بجلس ..........وكلمت غلا امها ووافقت
*في سهرة البنات
الهنوف:الاسبوع اللي راح مدري كيف كنت عايشة
غلا:وانا كذلك مدري كيف تحملت ابعد عنكم اسبوع
دخل احمد ومعاة تورتة كبيرة وشكلها جنننننننان بيضاء فيها لون اخضر
سعاد:اعطنا احمد عشان غلا
احمد: لا جسم غلا يجنن لا تخربونة عليها
غلا(ماشاء الله حتى جسمي متأمل فية ياحمدوة)
احمد:وبعدين هذي عشان المنتخب بكرة والا نسيتم
غلا:لا اكيد مين ينسى المنتخب
احمد:تحبين المنتخب وى تحبيني
غلا:المنتخب اكيييد
احمد:طيب اجل مافية كيكة وراح وخلاهم
سعاد:طيب ياحمد اذا ماوريك
غلا:بتنتقمين
سعاد:مافيها كلام
غلا:وانا معك ابي انتقم منة عشان يعرف يسوي مقالب
وانتهت سهرة البنات بسرعة لان عبدالعزيز وصل من برى هو وزوجتة اللي كانت عند اهلها وراحوا نامو عشان المباراة
*في الظهر صحيوا كلهم وكان عبدالعزيز طالع وتجمعوا عند tv
سعاد(سحبت غلا من يدها):تعالي
غلا:وين
سعا:اذا تبي تنتقمي تعالي
دخلوا البنات غرفة احمد وهو في سابع نومة
غلا:انجنيتي وش بيقول لو صحى ولقاني في غرفتة
سعاد: هذا اذا صحى
غلا:ليش وش ناوية علية
سعاد اخذت جوال احمد وقفلتة وسوت نفس الشي في جوال علي
وفتحت الدولاب واخذت فنيلة علي واحمد حقت المنتخب وسحبت غلا وطلعوا من الغرفة
سعاد:خذي البسيها
غلا:شنو؟؟؟
سعاد:ماتشوفي فنيلة احمد البسيها وانا بلبس فنيلة علي
غلا:بس
سعاد:بلا بس بلا كلام فاضي
غلا(اه ياسعاد تبيني انا البس فنيلة احمد واشم عطرة ليش ياسعاد ماتدري اني اتعذب)
سعاد:باقي اللمسات الاخيرة .. تعالي نحط مكياج
حطوا البنات مكياج كلة اخضر وابيض
وطول وقت المبارة البنات كانو على اعصابهم ولما سجل المنتخب هدف الفوز على الصياح في البيت وصحوا الأولاد
احمد:خير وش فية
سعاد:نوم العافية المنتخب فاز
احمد:كيف؟ومتى؟وليش ماصحيتوني
سعاد:كذا مززززاج
احمد:وسارقة فنيلتي بعد
سعاد:هذي حقت علاوي حقت عند غلا روح تفاهم معها
احمد(كان يطالع في غلا وهي مو قادرة تحط عينها في عينة )
احمد:طيب انتم اللي بديتم وتحملوا ماجاكم
غلا:انا انسحب ماني قدك وهذي فنيلتك خذها وارمتها على احمد وهربت ولحقها ومسكها
غلا :نست نفسها:احمد فديتك فكني تراك عورتني
احمد:قولي توبة
غلا:توووووووووووووووبة
احمد:ايوة خليك كذا
سعاد هربت لما شافت احمد مسك غلا
غلا:طيب ياسعادوة اوريك
احمد:جلس يضحك على شكل غلا وهي معصبة
غلا:ايوة اضحك وش عليك كل شي يطيح فوق راسي
احمد:طيب اللحين اخذ حقك منها
وراح مسكها وجابت غلا كاس موية وكبتة عليها
وجلسوا ضحك وسوالف حتى وصل(مفرق الجماعات)عبدالعزيز
*بعد المغرب رجع عبدالعزيز وزوجتة جدة واهلة رح يلحقونهم بعد يومين وبس عرفت غلا تضايقت وجلست تبكي
سعاد:غلاوي فديت العيون لاتبكي كلة سنة ونتقابل
غلا:لية اللقاء يوم والفرقاء سنين لية؟
سعاد:هدي وهالسنة بتمر بسرعة ورح تنشغلي بالمدرسة (وفتها كانت غلا طالعة ثانوي)ونبيك تدخلي علمي وتحققي اللي ماحققتة انا وشوق
غلا(كانت تتنفس بصعوبه):سعاد قومي نطلع السطح احس اني مكتومة
طلعوا البنات السطح
سعاد:غلا تتوقعي لما نتقابل المرة الجاية وش بيكون صار فينا
غلا:كل خير انشاء الله
سعاد:وين الخير (وبكت)
غلا:وش فيك
سعاد:الهنوف ماعاد تبي عبدالله
غلا: كذابة هي تحبة وبعدين هي تعرف مصلحتها
سعاد:ومحمد
غلا:وش فية
سعاد:مارح يكون لي لو صار شي بين الهنوف وعبدالله
غلا:وليش تتشائمين تفائلي بالخير
سعاد:اخاف اخسرة ياغلا
غلا:مارح تخسرية وانتي تحبية
شوق:وش قاعدين تسوون من وراي
غلا:نتكلم في تركي
شوق:كلش عاد ولاتروكي
سعاد:تروكي وماصار شي رسمي اجل لو يصير وش بتقولين
البنات:هههههههههههه
ونزلوا البنات لان الهنوف ازعجتهم بصراخها عشان ينزلون يجلسون معها
ومر اليوم بسرعة وجاء موعد الفراق وحالت غلا حالة
ام طلال:يلا نشوفكم على خير وسلمت عليهم ووقفت تنتظر غلا
غلا كانت منهارة للاخير ودخل احمد وبس شافها قطعت قلبة
احمد:روحي انتي ياعمة وغلا انا بوصلها بعدين
غلا:لا خلاص بمشي
احمد:اقول اجلسي والفجر باوصلك
غلا:مابي اتعبك
احمد:تعبك راحة
وهديت غلا شوي وانبسطت والساعه4الفجر دق احمد على الهنوف عشان تنزل هي وغلا عشان يوصلون غلا
وشوق وسعاد اعترضوا ونزلوا جلسوا في السيارة بدون مايشوفهم احمد ولما وصلو بيت غلا لف احمد عشان يودع غلا اللي صار متعلق فيها وشاف اخواته
احمد:وجع من وين طلعتهم
سعاد:مدري لقينا أنفسنا هنا
احمد:سبحان الله صدفة يعني
سعاد:تقدر تقول كذا
الكل:ههههههههه
ولأول مرة ينتهي الوداع بالضحك دخلت غلا غرفتها وجلست على سريرها تبكي حتى نامت مكانها

الى هنا واكتفي وابي توقعاتكم وش رح يصير في الاحداث الجاية
وهل غلا رح تنسى احمد او احمد رح ينسى غلا
والا رح يضلون يفتكرون بعض
وش رح يصير بين عبدالله والهنوف؟وبين سعاد ومحمد؟

واعذروني إذا كان فيه أخطاء إملائية فإذا أصبت فمن الله وإذا أخطأت فمن نفسي

مشكوره عالبارت الحلو
متابعه لك
وننتظر البارت الجاي

أنا أول وحده قرت البارت بعد مزون شمر بس رووووووووووعه الحمد الله طمنتينا على غلوي بس ماأصعب لحظه الفراق بس لو تعطي غلوي حماده فرصه شوي ياسلام ننتظر جديدك مشكوره ياعمري عاد تصدقي اول مره اقراء روايه واتابعها اول بأول وانتظر نزووووول البارتات على احر من الجمر دمتي بود ياقلبي تحياتي ضحية صمت

بالبى قلبك البارات يجنننن والاحداث من جد تونس تمنيت اكون مكان غلا عشان اكفخ احمد ههههههههاي والله وناسه واتوقع انو احمد وغلا يحبون بعض من بعيد لبعيدويكابرون واتوقع انو سعاد ومحمد ينفصلون عشان المشاكل وعبدالله والهنوف ماجاء في بالي شي بس اتوقع مايصير بينهم شي وي وي وي فنانه والله ياخيتو سلمت اناملك رائعه اتمنالك التوفيق ياروحي انتي
تحياتي meto