السلام عليكم ورحمه الله
اولا نعتذر عن التاخر بتنزيل القصه
ثانيا
وصول
...............................
** الجزء الخامس **

في الفصل..

ساره جالسه تلعب بالكرسي لوحدها في الاخير والبنات عن يمينها وعن يسارها وامامها يسولفون الا هي...!

( رح تسألوني وين صاحباتها هي ماتبي تحكي مع نوره.. وعلا ومني مسوين فيها شطار وحده مع هديل والثانيه مع اماني يشرحون لهم ..هديل بنت فلسطينيه واماني الاوائل في الصف)

((تعالوا نشوف ايش بتسوي ساره لوحدها))

طالعت ساره في البنات شافت عطاف ونوفا يسولفون وعهود وجواهر يضحكون..
قالت ساره لروحها: هذولا الوناسه بكبرها مايبطلون سوالف يشهونك تسولف معهم ههههههه

طالعت ببنت اسمها غفران وقالت بقلبها(اكيد تتكلم عن الهنود او الكوريين ياحليلها)

لفت نظرها وقطت اذنها عند البنات اللي على يمينها(ماحد قالك ياساره ان التجسس حرام هههههه)
كانت غزل وبنظرة حزن في عينها تتكلم ما سمعت شي بس سمعت صديقاتها سلوى وفطوم ايش كانوا يقولون:
حنا معك لا يهمك شي حنا اللي نفهمك وحاسين فيك وبنساعدك بأي شي تبين تسوينه حتى لو بداخلنا رافضينه
..ماتركوها سلوى وفطوم الا لماضحكت..

قالت ساره بقلبها: والله محضوضه هالغزل بصديقاتها بس ياترى ايش فيها..اوف اشتغل فضولي مالي دخل..

لفت نظرها يسار وطبعا قطت اذنها كان الحوار حامي..

منيفه:يحيى هو اللي ضرب عزوز انا شفته بالنت كذا مره مستحيل يفوتني

تغريد: ياحرام ياعزوز كان حاسه قلبه ان السالفه بيصير فيها دم بالنهايه

عافيه: سولفوا بشي نعرفه انا ما اتابع ستار اكاديمي

رحاب: امس ابراهيم سوى فيني مقلب الله يعيني عليه والله انه مغرور..

عافيه: احلى يصير فيه تسليه الحياه يبيلها حركه وبقلبها

ليلى:عافيه امس سويت عشاء محترم لزوجي سعيد..

عافيه: ايش صلحتي؟

ليلى بدت تشرح لعافيه...تسوينه....وبعدين تنضجينه...

في هالوقت سرحت ساره بملامح نجلاء وبقلبها قالت: عيونها سحر اتوقع ان زوجها اسعد رجل في العالم هههه

رحاب: بنات تتوقعون الحب قبل الزواج والا بعد الزواج

نجلاء: الحب قبل الزواج بس
بعد الزواج اهم شي هو ان زوجك مايتزوج عليك

ساره بقلبها: والله انه يامجنون او احول لوتزوج عليك هههه...

جت لالشله بنت اسمها عبير سحبت كرسي وجلست عندهم
بعد مارجعت من عند المديره

عافيه: عبير اش صار؟!

عبير : شفتي الحيوانه هدى حطت يدها وسدت الطريق بوجهي قلت لها نزلي يدك والا بكسرها واتهاوشنا وفي النهايه المديره عرفت ان الحق معي وانضربت تستاهل

عافيه: هذا اللي تبيه الا اليوم من اللي بيروحك؟!

عبير: مالك زوجي زبن اليوم بيتأخر..

تغريد: بكره ملكة اخوي تعالوا كلكم خلاص..

رحاب: عقبال خواني

منيفه: عندك اخوان بسن زواج

رحاب: ايوه في فهد بس محجوز وف.. قاطعتها المدرسه :الشله اللي هنا من غير صوت

ساره بقلبها(الله ياخذك كنت متونسه بسوالفهم.. ياحلاتنا حنا يالبنات ماعندنا غير الرجال نسولف فيهم بس ياترى هم بعد مايسولفون غير عنا.....؟!)

.......................................
لا اله الا الله..لا اله الا الله..
................................

..في المجلس كان فارس ومساعد جالسين يسولفون...

فارس: عندي رقم ذيك البنت اللي صوتها عذاب..

مساعد: انا اعتزلت عن الساحه

فارس: اوه وش هالتطورات..

مساعد: قررت استقر سامع استقر..

فارس: مين ذي اللي قدرت على مذوب بنات الرياض..؟

مساعد: والله ياخويي حبيتها وقلت اتزوج مليت من تفاهة البنات الرخيصات..

فارس وهو رافع يديه يدعي: الله يبعتلنا متل مابعتلك هههه

مساعد: لا وانا اخوك الحب عذا...ب

فارس: ماتدري يمكن اكون انبليت بس انت حالتك ميؤس منها انصحك تخطبها اليوم قبل بكره..

مساعد: ومن قالك انتظر نصيحتك اليوم خاطبها خاطبها..هههههه

فارس: ادري انك مجنون وتسويها

مساعد: اليوم تكلمت مع الوالد والوالده بالموضوع والليله بشوفها..

فارس: يعني بتطلب شوفه واذا طلعت شيفه بتغير رايك..

مساعد: احساسي يقول انها حلوه وعالعموم الحب اعمى..

فارس: الله يهنيك..

مساعد: ويهنيك..

فارس: بأيش ياحسره

مساعد وهو يضحك : لاتلومني عقلي مو معي

فارس:هههههه

........................................
لا اله الا الله..لا اله الا الله..
................................

ام محمد: منى..

منى: ايوى ماما..

ام محمد: اليوم بيزورونا ناس وابيك تتزينين..

منى: ان شاء الله بس مين؟!

ام محمد: اهل جارنا ابو مساعد..

منى( والله..والله..معقول..استجابت دعوتي ..ياربي ما ابي احلم وانصدم):..

ام محمد تركتها وهي تقول قولي لنهى تصلح حلا..

منى: طيب بس اطلبوا بعد من المطعم..

ام محمد بصوت عالي علشان تسمعها: لاتدخلين انتي تزيني بس..

منى وكل احلامها تمر قدام عينها وهي رايحه لغرفتها:يارب يارب يارب...

..واول مادخلت غرفتها: نهى ماما تقول صلحي حلا..

نهى وهي جالسه عالشات: اوف هذا وقته..

منى: لاحقه عالشات..

نهى: الله يعيني على هالعيله .. وطلعت من الغرفه..

منى رمت نفسها على السرير وضمت مخدتها وتذكرت غمزته ونظراته وضحكته اول مايشوفها: يارب يارب يارب..
........................................
لا اله الا الله..لا اله الا الله..
................................

مساعد يضبط شماغه وهو متوتر الحين منى بتدخل..لالنظره الشرعيه..

منى جسمها كله يرجف وبطنها يوجعها الحين انا بشوف ويشوفني ياويلي ما ابي افكر اخاف يغمى علي عنده

قاطعها صوت ابوها : يالله يابنيتي تعالي..

..منى وقفت عند الباب ماقدرت ترفع عينها اللي كانت دائما تخونها لما تمر من عنده..

..حست بالحرج وهي حاسه بنظرات مساعد من دون ماتشوفها ومن دون اي كلمه طلعت..

..مساعد حسها نسمه مرت عليه في المجلس قلبه خذته معها لما طلعت..(هذي اللي ابيها وغيرها مستحيييييل اختار)..

........................................



يتبع