هذياني

**بـــــــــرق** · 26-09-2010, 10:06 PM

رد: هذياني

وداعك قطع اقلوب على وضح النقا تغليك
وشل افكار يالشيهانه وطلعه عن طوره

تعالي ردي لجو حياته من عطا يديك
تعالي شوفي افياضه ورب البيت مقهوره

تعالي واسعدي لافواه صاحت ربي يخليك
تعالي للقلوب اللي بعد فرقاك مخطوره

تعالي لاكفف ورد البختري والنفل تهديك
ولحروف المولع يوم خطت صادق اشعوره

بقلمي

أورنس

**بـــــــــرق** · 07-11-2010, 07:53 PM

رد: هذياني

ضيعت كلي واعلن التنويها
اني لروحي خانع مأسوري

واني بلاها عيشتي مابيها
واني بها المجنون والمسحوري

واني برب البيت ضعت بفيها
يومه رمى في سحره المخبوري

**بـــــــــرق** · 08-11-2010, 06:25 PM

رد: هذياني

ابي تجاوبني قبل تدنى سويعات الغياب
لني احسك من كبر ضيقتك عزمت الرحيل

يفداك راسي وافضحي عن غبة عيونك نقاب
خليني ابحر في غياهيبك واطول المستحيل

خليني اروى من علومك واعرف سطور الكتاب
يمكن نذوب للجليد ويروي العود النحيل

**بـــــــــرق** · 17-11-2010, 08:50 PM

رد: هذياني

ينعاد عيدك يابعد عين مغليك
وعسى السعد فالك صباح وعشيه

اسأل الهي يحفظك لي ويبقيك
يالنادره يالنايفه يالوفيه

**بـــــــــرق** · 18-11-2010, 10:18 PM

رد: هذياني

لاشفت مقطوع النظير انسى الزمان المحرجا
----------------------------- سبحان ربي لالقيته طاب جرح علني

معشوقة حبه دخل قلبي وصعب يخرجا
--------------------------- وصارت معاليقي لعين الشوق قصر منبني

**بـــــــــرق** · 20-11-2010, 06:18 PM

رد: هذياني

يابخت منهو ملك ماراد
هجسك ونبضك ومداتك

ويلي من العاذل الحساد
اللي حسدني بطلاتك

ياملهمي يالروى والزاد
أرجوك لايطول اسكاتك

شمر ذراعك وهد ارقاد
وارو الظوامي بجياتك

بقلمي

أورنس

**بـــــــــرق** · 22-11-2010, 08:26 PM

رد: هذياني

روفي بحالي يابعد قلب مغليك
الشوق من بعدك تركني شظايا

تعالي لوجدان روح تناديك
تبيك تسقين العروق الظمايا

اي والله اني يالغلا ميت فيك
ومتى على الله حومتك في سمايا

بقلمي

أورنس

**بـــــــــرق** · 23-11-2010, 10:23 PM

رد: هذياني

إلا الزعل مابيه مابيه مابيه
إلا الظنون اللي هجوسك تحوكه

تدري رضاك اشريه واشريه واشريه
بالروح وبقلب ملكتي شروكه

**بـــــــــرق** · 24-11-2010, 12:27 AM

رد: هذياني

صر ت هايم يالبعيد بضحكتك
والله انه ساكنه في مسمعي

كمله من صورك في بحتك
لعن شيطانك سألتك ترجعي

قلبي اللي لملمته امودتك
يرتجي عطف يجاوب لضرعي

لعن ابوها من ظروف حدتك
عن فياض ظاميه يالمطمعي

**بـــــــــرق** · 25-11-2010, 10:08 PM

رد: هذياني

صاحبي وش ماتريده جاك من نفس رضيه
جاك من بعد الصباح الزين ياعذب الثنايا

والمشاعر لك تصاغ وليت تقبلها هديه
من صميم القلب جبته صادق ماهي حكايا

صاحبي ياضيق صدري بالليال الاوليه
يوم بدرك يالعزيز اكتف عن صفحة سمايا

كودها ذيك الليال اش قد قاسيت الاسيه
واهتويت الاه نبره خلخلت سبع الحنايا

عشتها فتره عصيبه والجدا اه وايه
وياشقا حالي بدونك ياأساي وياعنايا

بقلمي

أورنس

هذياني

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget