هذياني

**بـــــــــرق** · 06-06-2010, 09:25 PM

يابحر جيتك بالهموم المطمه
يالبحر واهمومي دهتني بدنياي

يابحر هم القلب غمق مجمه
يزم في صدري ومشا لك اخطاي

جيتك رجاء والقلب به هم أمه
ودي تعاوني على كبر بلواي

وايضا جزيلات العناء بي مأمه
جتني فلول ونوختني من اقصاي

أنخت له عاجز وصعب ملمه
تشعبت بي ثم لك صرت شكاي

.
أورنس

**بـــــــــرق** · 13-06-2010, 02:34 PM

هاك المشاعر بصدق البوح موزونه
خذها تصور لحال زادها همه

ياصاحبي واعرف ان الروح مرهونه
بيدك تغير سعادتها بدل غمه

جيتك بعد حيي وميتي بمضمونه
نزف من اقصى المعاليق انتثر دمه

يسألك لطفك وعطفك واظهر ليونه
لاتتركه في بحر هوجاسه يخمه

.
أورنس

**بـــــــــرق** · 25-06-2010, 03:27 PM

البعد له ونت صروح ومقاصير
في قلب منهو هام في حب عفرا

مير الجدا ونه يصوغه بتعبير
تنسيه ضيقات تحرجم بصدرا

على وليف فاق كل المعايير
في سحره اللي مايعادله سحرا

وليف روحي غير مع غير مع غير ر
تميزت في لحظها اللي يغدرا

ان سلهمت تفنى وراها طوابير
واليا ارمشت قامت لها الناس تدرا

هذي هواي اللي لها امشي مشاوير
واتعب لها فيما تبي دون عذرا

واسطر حلوف دون قلبه فلا اشير
اهي الهوى واللي لها زان مسرا

.
أورنس

**بـــــــــرق** · 27-06-2010, 01:57 PM

الا يافاتنيني وارحموني
غلابه عيشتي والله غلابه

تروني دونكم دون بدوني
سكنت القاع واشبعني ترابه

عطوني ياغلا قلبي عطوني
لختم يسكن السيف بجرابه

.
أورنس

**بـــــــــرق** · 27-06-2010, 11:39 PM

فعلا يشد الفكر والقلب والعين
ويخلي هجوسي ترد لوراها

يازين ذاك العصر في يوم الاثنين
يوم الكريم اشقى بحايل ثراها

هنا(مشار) اللي لبس كسوة الزين
هنا التلاع اللي سباني غلاها

.
أورنس

**بـــــــــرق** · 28-06-2010, 09:29 PM

يالجوارح وابعدي جلد(ن) وعظما
لو نويتيني حشا ماتشبعيني

اتركيني وارحمي من فيه سقما
واسمعي مني كلامي وارحميني

دوك جثماني نحل مافيه لحما
مايفيدك جسم هافي من سنيني

عالمي قاسي رسم للموت رسما
والقلوب القاسيه عيت تليني

اضطهاد(ن) واحتلال(ن) دون رحما
خير ارضي غيرنا له سارقيني

ذل حقران وقهر رجم(ن) وشتما
ابتدا سقمي بذبح الوالديني

شتتوا شملي وضاع اسمي ورقما
وتهت لاأهل(ن) ولا احد(ن) لي يبيني

جوع مع خوف وذبول وكبد تظما
امي الغابه ومن تمسح لعيني

تهت صحت الجوع حط النحف ختما
اعترى جسمي وجف العود فيني

ياكواسر ياجوارح من يحكما
جسم ناحل هل يكفي جايعيني؟؟

ادفنوني حي مابي ريح شحما
عالمي ظالم سرق ما باليديني

حسرتي مع عبرتي فوقي تعتما
لاأنيس ولا عطوف(ن) لي يجيني

حسبي الله لاعدل لافيه قسما
اسعفوني يابشر موتي يقيني

بين مخلب بين ناب الجسم يدما
روحوا الله لايحل مسببيني

.
أورنس

**بـــــــــرق** · 30-06-2010, 03:49 PM

بالله ياطير السما يسالك ولهاني
اشلع وكل ارض فديتك تساله ليه

انشد عن اللي مايعدله بالغلا ثاني
ياطير دورها مدام الروح بي حيه

تعبت من فرقاه واعظم حزن غطاني
وانهدت الحاله وباحت بي خوافيه

ياطير ياما له غلا شعل لوجداني
حبه صروح في خفوق البرق مبنيه

حبه من سنين هو المالك لجياني
والله فلا غيره عنان القلب بيديه

ياطير مامثله يطالبني وينهاني
وانا فدا لعيون منهي خبلت بيه

أمانة الله لاتوانى وجدي ارداني
طريح والجدوى تناهيت على أيه

.
أورنس

**بـــــــــرق** · 08-07-2010, 03:30 PM

خساره الصد منك حيل متعبني
------------------ليه الجفيه بعد حيي وحياني؟

ليه الصدود بورودك ليه تكتبني؟
------------------ابعد بعيد بعد ماكنت لك ثاني

وين الوفاء وين نظرات تجاذبني؟
--------------وين المواصل بعد ماكنت باوطاني؟

**بـــــــــرق** · 24-07-2010, 04:36 PM

يامرتجاي اقرب وطالبك تئويني
خايف نهاية حياتي وانت له سبه

ارحم رحمك الولي لاتقصر سنيني
بيديك بعد الولي جرح العنا طبه

وبلدتك لي ثياب السعد تكسيني
وبرجعتك لي حروف الوجد مانبه

ورنس

**بـــــــــرق** · 26-07-2010, 05:35 PM

احس كن الموت يشتل بي الروح
يومك تقول امنع وانا امنع رسايل

وافوح جوفي فوح فوح على فوح
ولوا شقا عين المعنا بحايل

ياعين هلي دمعتك واجزلي نوح
ابكي خشيف الريم واف الخصايل

اللي نهب قلبي وخلاه مذبوح
حسبي على حظ فعل بي فعايل

أورنس

هذياني

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget