تويت
جواد : ههههه نسيت ... ممكن سيجاره
البندري مدت له البكيت : تفضل
جواد فز من مكانه سحب السيجاره اللي بفمها باسنانه مسك طرفها الثاني وسحبها ... البندري خافت من حركته وصار قلبها يدق بسرعه ... وقف ثواني يناظر بعيونها بعدين رجع مكانه : سوري بس اشتهيت السيجاره اللي بفمك
البندري وتحس ان عروق جسمها كلها تنبض : لاعادي ...
جواد بخبث ناظرهم : ها بنات وين حابين تروحون ..
هو بس قال بنات كل وحده طاح قلبها ببطنها ..
جواد يناظرهم : قسم بالله هالحلى حلا بنات ونجديات بعد ..
البندري بلعت ريقها : انت شارب شي ...
جواد : ههه علي يالحلوه واضح انك بنيه واحلى بنيه بعد
ذوق من الضغط النفسي بكت وفضحتهم ...
جواد : يابعد قلبي ليه البكي
البندري لفت على ذوق معصبه : يالغبيه كنت عارفه انك بتفضحينا ..
جواد : انتم فاضحات نفسكم بنفسكم ...
البندري: لوسمحت انزل وخلصنا ...
جواد: ههه واثقه ..
البندري: اوكيه بتجلس خذ راحتك (( والله ماتطلعنا من هالورطه الا نواره ))
&
قربت الاغنيه تخلص على الاخير ..
مروان: خويي عند خواتك بالسياره اركبي وركبيني بهدوء احسن لك ..
نواره : اوكيه فهمت بس فكني من هالشباب هاللحين ..
خلصت الاغنيه وراحوا لعندهم الشباب : ايش هذا خطير يارجال
واحد ثاني : يبغالك تجي السمره الليله
نواره : بالاذن شباب مستعجل
مروان : لاتخفوا باخذ رقمه ...
مشت لعند السياره ودخلت نواره وبعدها مروان ...
والجو في السياره متوتر حده .. ذوق تبكي والبندري تهز رجلها وجواد يستفزها ...
مروان : هاي صبايا
جواد : والله الكيكه اللي معك ...وش هالرقص ياشيخه ... اطربتينا
نواره فتحت الثمه : لا تنكت .. اقول انزلوا انت معها
مروان: ههههه بدري .. اول نتعرف
نواره لفت عليه وقالت بقوه : اسمعوا انت معه هذولا الثنتين متزوجات اعتقوهم لوجه الله واي تفاهم معي ...
مروان : لا رجاله والله
البندري: نواره ماعليك منهم هاللحين بينزلوا
مروان : نواره لا اسمك عليك لابق ..
نواره لفت على ذوق متنرفز ه : انتي يالبزر يالخوافه انطمي لاكفخك هاللحين
ذوق: كله من افكارك السواده
البندري: نشوفك انبسطتي ... ومتحمسه
نواره تتكلم بصوت واطي مع مروان : اسمع يالطيب مروان مو
مروان مستغرب من قوتها ولا هامها شي : ايوه مروان ...
نواره: حنا ورانا ظهور جامده يعني لو تسوا لنا شي ودايناكم لورى الشمس ......
مروان ناظر جواد ...: هههههه
نواره حطت رجل على رجل ورجعت لورى تكمل حكيها : انت معه ترى حنا بنات شوارع صايعات ضايعات مانعرف الاخلاق ابدا ... ومانخاف شي ... حنا بنات سعوديات عشنا طول عمرنا ببريطانيا يعني ماتفرق معنا جلسنا مع رجال والا لا .... واهلنا عارفين ان حنا كنا بدون عبايات هناك ... يعني لو تبلغوا عنا والله مايحرك من راسنا ...
جواد : انتي تعجبيني
مروان يناظر فيها : وش اقول انا وانا اللي راقصه معي
جواد: خلاص حنا نرجع المتزوجات ونبقي هذي ...
البندري: لا وش هالهبال
ذوق: خذونا كلنا ..
نواره: حلو الكلام .. يله نزلوهم عند البيت وانا احلف اني ماتحرك من مكاني ..
ذوق: والله مانزل
نواره: ياحماره انزلي عادل نسيتيه
ذوق: ولعنتين بعادل واهله والله مانزل واتركك ..
نواره: لاتخافي انا برجع سليمه انتي انزلي ..
البندري: لا اضحكي علينا والله ماننزل ونتركك ..
نواره: والله ادق على رودي هاللحين يجي يشوفك مع جواد انزلي وانتي ساكته
البندري وذوق : لا
نواره : ذوذو فكري بابوك والله تجيه سكته قلبيه ...
ذوق : لا ا
مروان خلاص ولا وحده تنزل اجلسوا معنا السهره طويله ...
نواره: اسمعوا انت معه خذونا لشرطه ...
جواد: جد فكره بصراحه بس بعد مانروح لشقه ...
ذوق سكتت واستجمعت قوتها : والله اذا حد قرب مني اقسم بالله لاشرب من دمه ..
جواد : ياقلبي حكيتي ..
نواره: انت معه رجعونا للبيت مو يعني تتمشوا فينا بالشوارع ..هذي تعتبر خطف
مروان: ههههههه وحنا خاطفينكم
نواره: ايوه خطف
البندري : نزلونا هاللحين
وقفت السياره الجيب عند مركز الشرطه ...
مروان فتح الباب وصرخ : يله قدامي ..
نواره : اووووووبس فيها شرطه ...
نزلوا البنات ..
ذوق: بدق على بابا ... يتفاهم معهم ...
جواد : قدامي يا بابا ..
نواره وهي تمشي لدخل المركز : سوال مهم وصريح انت ليه معصب ....؟
جواد: لانكم بنات فاصخات الحياء ومايادبكم الا علاء اخوي
البندري: وع ماطحنا الا بيد اخ شرطي
ذوق : شفتوا عاد
مروان وجواد مستغربين هذولا البنات مو هامهم شي ...
************************************
بريطانيا - مانشستر
الجوري متحمسه تجهز شنطتها علشان تسافر لسعوديه ... واخيرا بتشوف البندري وذوق ونواره ... وخساره ان لوجين بالمانيا كان هاللحين معها ...
(((من بعد الغداء وبدر عند اخوه بالمستشفى يمكن لانه يسافر بكره لازم يجلسوا مع اخوه وانا وش لي فيه مع وجهه ... يالله بكره اكيد بالتقي بابراهيم اخوه ... وش اسوي ... لازم اطنشه والا ايش اسوي لا بكلمه عادي انه دكتوري .. ))
لبست بيجامة النوم وتمددت على السرير وهي تناظر الشنط ومبتسمه بكره برجع لعيوني السعوديه .. ياحلو الواحد ببلاده ... اه متى يجي بكره متى ...
غمضت عيونها وهي متحمسه لبكره ...
فزت فجاءه ومسكت جوالها .. ارسلت (( طيارتي الساعه 9 بكره انتظركم بالمطار ))
مرسل الى اكثر من هاتف ..
البندري
نواره
ذوق
ام عبدالرحمن.....
رجعت حطت راسها وهي مبسوطه ... متفائله لبكره
****************
في نفس الولايه لكن بمكان ثاني وقف منصور عند النافذه يناظر الثلج وهو يسمع قصة بنت عمه ...مع علي ومسفر من لسان مايا الخدامه اللبنانيه ... وقالت له عن ولد عمه من الالمانيه .. وكيف انها كانت بتسميه مسفر لكن ناصر سماه جوليان ...
منصور وهو لحد هاللحين يناظر لثلج الابيض : اسمعي هي هاللحين فوق وبحالة غيبوبه يعني المده يمكن تطول علشان كذا ابغاك تنتبهي لها فهمتي ...وهذا علي انا اعرف اتصرف معه... اما عشيقها الوقح فابغاك تدليني على مكانه
مايا: يي مسيو مسفر سافر لسعوديه ..
منصور لف بهدوء: سافر كيف يسافر وهو عارف كل بلاوي الوقحه بنت عمي ...
مايا: لا هو ماعد كتير كل ياللي اعدوا كم يوم وبعد حصل ياللي حصل وحمل حالوا وسافر حتى انو ماعرف انى مدمنه ..
منصور : اممم انا ابغاك تكتبيلي اسمه بالكامل ...اوكيه
مايا : مابعرفوا
منصور: وناصر ...؟
مايا: مابعرف يمكن بيعرف اشي
منصور : ناديلي ناصر
مايا: حازر مسيو منصور ممكن اسالك سوال
منصور حرك راسه ايوه
مايا: انت لشوا جبت الانسه لهون وماتركتا عند الحكيم ... ولشوا لحد هالا ماشفتى مو هاي بنت عمك
منصور تكتف ورفع حاجبه : اشوف السول صاروا اثنين نادي ناصر وانتي ساكته
مايا انحرجت وطلعت وهي ساكته (( على شو شايف حالوا ... مفكر انو مكان مسيو راشد الله يرحمه .. وينك يامسفر تجي لهون وتتفرج على هيدي المغرور ... ايه يانسه لوجين ماتركك بيك الا لمتل هيدي الاشكال ..))
*********************
تعليق