تويت
تسلمو ع المرور
-
-
هلا
ليه ما كملتي الروايهتعليق
-
تسلمو ع اردود الجميلةتعليق
-
يالغلا تأخرتي علينا كثير
كملي منتظرينكتعليق
-
رد: روايه: حب مع الأيام روعه وربي
الجزء العاشر ::
رجع حسن البيت و هو في عالم ثاني
أحلام و هي خايفة : شفيك حبيبي ؟
حسن كان يمشي يمين و يسار : ما فيني شىء انتوا شفيكم يا الحريم
أحلام راحت يودت قميصه شفيك : قول لي شنو شربت هناك لان حالتك ما تعجبني؟
حسن و هو يطيحها على الأرض : اوووووووووف فجي
و راح غرفته و هو يغني بصوت متقطع
أحلام و هي قاعدة على الأرض تصيح : حسن طول عمره يحبني و ولة قط مرة حاول يأذيني شاللي غيره الحين .. انا حسيت بان ها الرفيج مب زين اكيد عطاه شىء .. يا ربي ساعدني .. كل هاي فوق طاقتي ..
و قامت دشت الغرفة بس ها المرة حسن كان نايم .. بحالة تكسر الخاطر فهي بعد رقدت و الدموع في ويهها ..
..
الساعة 12 الظهر :
أحلام قامت من النوم و قعدت تتذكر اللي صار لها أمس الليل .. ففرت على الجهة اللي حسن نايم بس ما لقته .. فاستغربت .. مع كل الحزن و الغضب اللي في قلبها على تصرفه أمس .. قعدت تناديه بس ما جاوبها
فراحت الحمام .. لقته على الأرض ميود راسه فنست حزنها و بسرعة راحت ضمته
أحلام بخوف : شفيك حبيبي ؟
حسن بصوت واطي : راسي راسي
أحلام : بسم الله عليك في عدوينك انشاءالله
حسن : سامحيني حبيبتي على اللي سويته فيج أمس بس ما كان قصدي . كنت في حالة ما اقدر اتحكم في نفسي و حركاتي
أحلام : خلاص انا مسامحتك
حسن بابتسامة خفيفة : .................
أحلام : قوم حبيبي غسل ويهك
حسن : ما أقدر .. حبيبتي روحي ييبي موبايلي
أحلام : ليش ؟
حسن : بتصل في خالد
أحلام : لا لا
حسن : سمعي كلامي و روحي ييبي يمكن يقدر يساعدني في تخفيف ها الالم
أحلام : امري لله
راحت و يابت الموبايل ..
حسن : الو خالد
خالد : شفيك حسن ؟
حسن : تعبان راسي يعورني
خالد بخبث : تبي الحل ؟
حسن : اي
خالد : زين عطني العنوان و باييك بعد ربع ساعة
حسن : سرع الله يخليك و عطاه العنوان
خالد : اوك باي
..
أحلام : ها شقال ؟
خالد : ربع ساعة و بيي
أحلام : الله يستر
و قالت بقلبها : بها السهولة عرف شلون يخفف ها الالم .. سالفته عجيبة
بعد ربع ساعة وصل ..
خالد : سلام عليكم
أحلام : و عليكم السلام
خالد : وينه حسن ؟
أحلام و هي تصيح : في الحمام وية عليه راسه وايد يعوره ما يقدر يتحرك
خالد : زين دليني على الحمام
دلته ليما دخل .. و هي راحت تقعد على الكرسي
حسن : شاللي خليته لي امس في الشاي ؟
خالد : تبي الصراحة
حسن و هو ميوده من رقبته : اكيد
خالد : زين هدني عشان اقول لك
حسن و هو يهده : تكلم
خالد : ليش ما تعرف شاللي يخلي الانسان يحس انه في عالم ثاني؟
حسن : دش في السالفة .. انا شدراني في ها السوالف تراني انسان مستقيم أصلي و اعرف ربي
خالد : خلك الحين من ها السالفة انت ما تبي الحل ؟
حسن : اي ابي الحل
خالد : غمض عيونك و مد يدك
حسن سوى اللي قال له خالد .. فبعد ما مد حسن ايده طلع خالد أبرة من جيبه .. و
حقنه .. و بعد اقل من دقيقة راح الصداع من حسن
حسن: الله شالمفعول العجيب
خالد : اي اكيد عجيب
حسن : بس شنو الحل .. انا ما شفت انت شسويت ؟
خالد : حبيبي انا حقنتك بابرة
حسن : ابرررررررررررررررة !!
خالد : اي شفيك مستغرب ..
حسن : لا بس ليش الابرة ؟
خالد بضحكة : أنا امس كنت خال لك حب في شايك بس اليوم حقنتك بأبرة لانك الحين صرت مدمن المخدرات
حسن و هو يصارخ عليه : يا الخسيس يا الحمار برة برة ..
خالد و هو ما يزال تضحك : صدقني بترد و تطلبني و لا بتبوس ايدي.. فمان الله يا احلى رفيج بها الدنيا
حسن : خسيس بررررررررررررررررررررررة
..
بعد ما طلع خالد قعد حسن يصيح
فركضت له أحلام .. ها شخبار راسك الحين ؟ و ليش قاعد تصيح ؟
حسن : تعالي قعدي يمي بقول لج السالفة
أحلام : لا قوم نقعد بالغرفة احسن مب زين تصيح في الحمام
حسن قام من مكانه و راحوا قعدوا في الغرفة ..
و حكى السالفة من بدايتها الى نهايتها لأحلام..
أحلام : لا يا ربي لا ليش كل هاي يصير لنا
حسن و هو يصيح : انا ضعت ضعت
أحلام : لا تقول جذي .. انت حاول تقاوم ها السم و انشاءالله بتقدر
حسن : بحاول بس هو الحين جاري في دمي .. و ياما سمعت ان اللي يتعاطى ها السم ما يشفى الا بصعوبة و ما كنت متوقع اني في يوم من الأيام بصير من ها الناس اللي يتعاطونه
أحلام : لا تقول جذي تفاؤل
حسن : الله يلعنك يا الكلب .. الله يلعنك
أحلام و هي قاعدة تهديه : ...
حسن : أحلام انا لازم اطلقج
أحلام و هي تصيح : انت شتقول .. بها السرعة مليت مني
حسن : لا لا انا احبج و بظل احبج .. بس عشان مصلحتج شلون بتعيشين وية انسان مدمن ..
أحلام : ترى بزعل لا تقول جذي انشاءالله بتشفى لان انت في بدايتك .. بالمقامة انشاءالله تبتعد عن ها السم
حسن : بس اذا ما شفيت لازم اطلقج عشان تعيشين حياتج وية واحد ثاني
أحلام : اسكت اسكت لا تكمل تفاؤل بالخير عشان تشوفه ..
..تعليق
-
رد: روايه: حب مع الأيام روعه وربي
لجزء الحادي عشر :
بعد الغدر اللي لقاه حسن من خالد .. كره دنياه .. و كان يحاول يكره أحلام فيه .. حياتهم تحولت من شهر العسل الى شهر البصل .. كلها الام و بكاء و صراخ .. و حسن قاعد يحاول بكل قوته يقاوم ها الصداع اللي ييه بصورة مستمرة و يخليه يصير منهار .. و الحمدلله الحين مر يومين و هو ما تعاطى فيهم المخدرات .. و قدر يقاوم .. بس الله يستر من باقي الأيام
خلونا نرد للبحرين ::
مثل ما كنا نعرف ابو نور حجز لنور موعد لتعلم السواقة .. و بالمثل نوف حجزت لها موعد في نفس يوم نور عشان يتعلمون وية بعض السواقة ..
في يوم امتحان السواقة :
المدرب : ممتازات الحمدلله ثنيناتكم نجحتوا في الامتحان
نور : يعني خلاص اليوم بتعطينا رخصة القيادة
المدرب : انشاءالله
نوف : و أخيرا بمشي السيارة ..
نور و هي قاعدة تكلمها بصوت واطي : ياما مشينة السيارات قبل .. تتذكرين بالخش
نوف : هههههههههههههههههههه
المدرب : تفضلوا هاي رخص القيادة
نور و نور : مشكوووووووووور
و مشوا عنه
نور : دقيقة نوفو برد على التلفون
نوف اوك
نور : الو
بو نور : يا هلا ببنيتي ها نجحتي في الامتحان ؟
نور : اي يبة نجحت و المدرب عطانا رخصنا
بو نور : عيل زين
نور : ها يبة وينك ؟ متى بتيي تاخذني ؟
بو نور : لها السبب انا متصل فيج عندي اجتماع فما اقدر ايي اخذج .. ردي البيت وية نوف
نور : وي يبة فشيلة
بو نور : عن المصاخة يالله روحي باي
نور : اوووووهوو باي
نور : اقول نوفو
نوف : ها
نور : ابوي عنده اجتماع يصير توصلوني بيتنا
نوف : افا و الله لو تطلبين عيوني ما ببخل عليج
نور : تسلم لي ها العيون
نوف : ..
نور : الا من بيي ياخذج ؟
نوف : يوسف
نور و هي فاتحة فمها : اخوج
نوف باستغراب : اي ليش فيها شىء ؟
نور : لا بس فشيلة
نوف و هي تسحبها : لا مب فشيلة .. اكا اخوي وصل امشي نركب السيارة
نوف ركبت جدام يم يوسف اما نور قعدت ورى نوف ..
في السيارة :
نوف و هي تتذكر : وي نسيت شنطتي على الكرسي هناك
يوسف : زين روحي اخذيه بسرعة و ردي
نوف : انشاءالله
نور بصوت واطي : بيي وياج
نوف : ليش بتطلعين ؟ دقيقة بروح و بيي
نور : امري لله
لما طلعت فر يوسف على جهة نور
يوسف : نور
نور : نعم
يوسف :: ممكن اقول لج شىء بس اوعديني بان ردة فعلج ما تكون كبيرة
نور : تفضل
يوسف : اول اوعديني
نور : وعد
يوسف : انا من اول ما شفتج حبيبتج ..
نور : كلكم يا الشباب تقولون ها الحجي عقب تطلعون خاينين
يوسف : لا ارجوج لا تقولين ها الحجي انا غير .. احبج من كل قلبي
نور : و شاللي علي اسويه ؟
يوسف : فكري بالسالفة .. و اذا قدرتي تعرفين حقيقة حبي لج خبريني ..
نور : يصير خير
يوسف : حرام عليج
نور : ما قلت شىء غلط قلت يصير خير
يوسف : بس تأكدي أن حبي لج كبير و ما له اي حدود
نور كانت نبي تتكلم .. بس نوف دخلت السيارة ..
نوف : تأخرت
نور و يوسف مع بعض : لا
نوف رفعت حواجبها و ربطت الحزام ..
ووصلوا نور لييتهم ..
بعدين راحوا يوسف و نوف البيت ..
في بيت بو يوسف :
نوف و هي تفتح الباب : يمة يمة
ام يوسف : ها اشفيج تصارخين ؟
نوف و هي تضم امها : نجحت في السواقة
أم يوسف : عبالي عندج سالفة بتقولين لي نجحت في الجامعة .. ولة شىء جذي
نوف : افا يعني مب مستانسة لاني ناجحة في السواقة
ام يوسف : امبلة
بو يوسف : مبروك بنيتي
نوف و هي تبوس راس ابوها : الله يبارك فيك ابوي
بو يوسف : انشاءالله نسمع عن نجاحج في الجامعة
نوف و هي ترفع ايدها : انشاءالله
يوسف : و انا خب خلاص نسيتوني
بو يوسف : انت الأساس
يوسف : احم احم
نوف و من عيونها يطلع شرار : لا لا انا الأساس
بو يوسف : ههه خلاص ثنيناتكم الأساس
يوسف : شفيج يمة ساكتة شاركينا الفرحة ؟
ام يوسف : خالتكم مدري شفيها من زمان ما اتصلت ..
يوسف : زين انتي اتصلي فيهم
ام يوسف : اخاف اضايقهم .. خلوني اقوم اجهز لكم العشا ابرك لي
..تعليق
-
رد: روايه: حب مع الأيام روعه وربي
في سيف مول فارس و أحمد كانوا قاعدين في كوفي شوب :
أحمد : تعبت من الجامعة ها التخصص وايد صعب
فارس : بالعكس هاي من أسهل التخصصات ..
أحمد : ...
فارس : ..
أحمد : هللووووو شفيج سرحان ؟
فارس : هه ما فيني شىء بس افكر
أحمد : في شنو ؟
فارس : تظن نهاية كل قصة حب الزواج ؟
أحمد : طبعا لا
فارس : يعني انت و نوف في النهاية ما بتتزوجون ؟
أحمد بحزن : مدري الايام و الضروف تحدد ها العوامل .. و اهم شىء ان اللي تحبها لازم تعرف عن شعورك و حبك تجاهها ..
فارس و هو سرحان : لان اذا ما درت يمكن تحب غيري .. و هاي اللي قاعد يصير بيني و بين نور .. انا احسبها الهوا اللي اتنفسه اما هي ما تحبني و لا تعرف من أكون
أحمد : أنت حاول تقول لها شعورك ..
فارس : بحاول .. بحاول ..
اما في فرنسا :
حسن بدأ بحالة جنونية .. خلاص ما يقدر يتحمل .. قعد يحطم كل الأثاث الموجود في الغرفة و يصارخ .. و يطق راسه بالطوفة .. و احلام قاعدة تصيح ما تعرف شتسوي ..
فما قدر يستحمل أكثر .. بدل ثيابه و طلع من الفندق .. الا وين محد يدري
الجزء الثاني عشر ::
اما في فرنسا :
حسن بدأ بحالة جنونية .. خلاص ما يقدر يتحمل .. قعد يحطم كل الأثاث الموجود في الغرفة و يصارخ .. و يطق راسه بالطوفة .. و احلام قاعدة تصيح ما تعرف شتسوي ..
فما قدر يستحمل أكثر .. بدل ثيابه و طلع من الفندق .. الا وين محد يدري ؟؟
أحلام و هي تصارخ : حسن حسن لا تطلع
حسن : هدوني حرام عليكم ما اقدر اتحمل
فلحقته أحلام الى برع الفندق بعدين تذكرت انها مب لابسة الشيلة فردت بسرعة الى جناحهم في الفندق ..
و هي قاعدة على السرير : حرام يا ربي حرام .. الدنيا ليش كلها مصايب .. كل ما بغينا نعيش بفرح حطمنا كابوس الحزن .. ليش مصير الانسان الشقاء و التعب ؟ .. من وفاة امي و ابوي و الدمعة ما كانت تفارق عيوني و يوم تزوجت حسن قلت يمكن انسى الحزن بس للأسف الحين زاد .. حرام .. صرت مينونة اكلم الجماد حولي .. الى متى بعيش حياة شاقة .. و من التعب أغمى عليها ..
اما حسن فركض في الشوارع و بسرعة استقل له تاكسي و عطاه عنوان بيت خالد عشان يوديه .. ليما وصل .. بسرعة طق الجرس .. فتحت له الخدامة الباب
في صالة بيت خالد :
حسن طاح على الأرض من الصداع ..
فياه خالد : خير شتبي ؟
حسن : ببوس ايدك عطني الابرة .. ما اقدر حرام بموت
خالد : هاهاهاهاهاههههههههههي .. قلت لك بتيي و ريلك على راسك
حسن و هو شوي و يطيح : تكفى .. عطني الابرة و سامحني على كل كلمة قلتها
خالد : لا تذل نفسك أكثر .. بس عندي شرط
حسن بتعب : امر
خالد : ابيك تصير شريكي في تجارة المخدرات
حسن بدا يوعي شوي معنه تعبان : انا على اخر عمري انقلب من الطيب اللي يذكرونه بالخير الى انسان فجور .. فاسق ..
خالد : حبيبي انت صرت و مهما بسوي ها السم بيكون موجود في دمك .. بس اذا تحب الفضيحة لنفسك و اهلك روح المستشفى عشان يعالجونك
حسن : خسيس
خالد يود ايده : عن المصاخة .. ترى كل كلمة راح تقولها بتكون ضد صالحك
حسن : زين الحين عطني الأبرة
خالد راح ياب الابرة و رد : مد ايدك
حسن و هو يمد ايده : عجل
خالد و هو يحقنه : خلاص حقنتك ..
حسن و هو قاعد يتنفس بعمق : يا ربي الحمدلله قعد الصداع يخف
خالد : خلاص شقلت بتصير شريكي في التجارة ؟ ..
حسن و هو قاعد يفكر : ........
خالد : ترى على الأقل في السنة بتحصل بليون دولار
حسن : بليون مرة وحدة
خالد : اها شقلت
حسن و الدنيا غرته : موافق ..
خالد و هو يصافحه : خلاص صرنا شركاء
حسن و هو يتذكر : اووووو مسكينة زوجتي في الفندق بروحها الله يستر شصاير فيها
خالد : من اليوم و رايح أنساها .. لا تروح الفندق خلها بروحها .. انت بتعيش وياي هني .. خلها وية الفلوس اللي عندها تسافر لأهلها اذا تبي
حسن : أنت شتقول أحلام زوجتي و حبيبتي و كل شىء فيني اشلون اخليها في ها الحالة وي ازعم أحنا في شهر العسل
خالد : خلك من هاي .. لا الزوجة و لا الحبيبة بينفعونك و اصلا اذا درت انك رديت للمخدرات و بتتاجر فيها اكيد ما بتوافق .. و قعد خالد يلعب بعقله الى أن وافق
حسن : زين خلاص موافق بنساها بس شلون عن ملابسي ؟
خالد : بعطيك فلوس روح أشتر لك اللي تبي من الملابس
حسن : ما دام جذي خلاص .. بس برسل لأحلام رسالة بخبرها اني بسكن وية رفيجي و بقول لها أن تنساني و لا تسأل عني
خالد : سووا اللي يريحك
اما عن أحلام فها المسكينة .. قامت من حالة الأغماء و هي تعبانة .. و قعدت تدور يمين و يسار على حسن
بس مالقته .. فقعدت تتذكر و تسترجع اللي صار .. ليما تذكت فرجعت صاحت من يديد
و هي تقول بقلبها : جني قاعدة في بيت أختي أم يوسف بس الفرق الوحيد هو أن هم مب موجودين حولي .. لأن أصلا ما يبين أني متزوجة . الحمدلله و الشكر زوج في عالم ثاني .. و مادري وين يروح و وين ييي ؟ و اصلا وينه الحين ؟
قامت أكلت لها جم لقمة و رقدت .. و الحزن مالي ويهها الطفولي
في البحرين ::
في بيت بو نور و بالأخص غرفة نور :
السكوت يعم الجدران .. و الظلمة مالية الغرفة .. و التعجب سائد في نور ..
نور و هي تقول بقلبها : يوسف يحبني ؟ ماني مصدقة ها الأنسان اللي من سالفة الدعمة حبيته .. صار هو بعد يحبني.. و لا يعترف لي بحبه .. !! شاسوي ما يصير أجاوبه و أنزل كرامتي .. أنا دوم أنصح نوفو بها الشىء و الحين أنا طحت في ها الورطة ..
اي ليش ما أقول لنوف .. السالفة تخص أعز رفيجة عندها و أخوها يعني بتساعدني .. اي ما عندي الا نوف عشان أخبرها و بتقول لي شاسوي .. بكرة بخبرها في الجامعة ..
فقامت و قعدت على الكمبيوتر و فتحت الماسنجر :
لقت نوف أون لايت ..
الحياة حلوة ( نك نيم نور ) : هلا و الله بالغلا
نوفووو ( نك نيم نوف ) : هلا بنوروو شخبارج ؟
الحياة حلوة : تمامووووو ..
نوفووو : دوم أنشاءالله
الحياة حلوة : بروح أغير نك نيمي و برد
نوفووو : اوك تيك يور تايم ..
حب مع الأيام : خلاص غيرته
نوفووو : اووووو شالنك نيم نورو
حب مع الأيام : أعجبج ؟
نوفووو : اي تعجبيني بس أسلوبج اليوم ما يعجبني
حب من الأيام : ليش شفيه ؟
نوفووو : أحس أن في قلبج شىء و ودج تخبريني
حب مع الأيام : الف مرة من قبل قلت لج تصلحين تكونين قراية القلوب
نوفووو : يعني صج تبين تقولين شىء ؟
حب مع الأيام : اي بس مب الحين
نوفووو : عيل متى ؟
حب مع الأيام : بكرة في الجامعة
نوفووو : عيل بشوفج بكرة في الجامعة الساعة 10 كالعادة في الكافتيريا
حب مع الايام : اوك يالله الحين بطلع
نوفووو: على وين ؟
حب مع الايام : أمي قاعدة تناديني
نوفووو : اوك باي
و طلعت نور من الماسنجر
..تعليق
-
رد: روايه: حب مع الأيام روعه وربي
الجزء الثالث عشر ::
نور و هي تنزل من على الدرج : نعم يمة .. كنتي تناديني ؟
أم نور : اي بنيتي تعالي الصالة انا و ابوج قاعدين هناك ..
نور و هي تدش الصالة : نعم
بو نور : زين قعدي
نور : قعدنا
أم نور : يا بنيتي باجر بيزورونا بو فارس و عايلته
نور و هي قاعدة تتذكر : صاحب الصفقة ؟
بو نور : اي
نور : زين انا شعلي أسوي ..
أم نور : ابيج تساعديني اجهز الأشيا لأن العزيمة مب عادية ..
نور : تامرين أمر يمة .. يبة
بو نور : هلا
نور : بو فارس .. عنده بنت قدي و لة اكبر او اصغر مني بشوي ؟
بو نور : لا حبيبتي هو ما عنده الا ولد واحد أسمه فارس ..
نور : شسم بو فارس الأصلي ؟
أم نور : أسئلتج غريبة
بو نور : خلها تسأل .. أسمه علي محمد
نور : يا ربي انا وين سامعة ها الأسم ؟ وين ؟ اي اي تذكرت وياي واحد في الجامعة اسمه فارس علي محمد
بو نور : اي فارس قدج الحين سنة أولى في الجامعة
نور : اها ..
بو نور : ها عاد بنيتي ابي ترفعين راسي ..
نور : ماني فاهمة يبة ليش انتوا لها الدرجة متحمسين لها الزيارة ؟
بو نور : لا عادي ..
نور عقدت حواجبها .. و شافت أمها .. كانت تبجي
نور و هي تبوس راس أمها : فديتج يمة ليش تبجين ؟
أم نور : خايفة
نور : على شنو ؟
بو نور : من أمس و هي تصيح لانها تحاتي خالج
نور : يمة خالي ريال .. شقردي .. يقدر يمشي أموره .. و مسكين ما يقدر كل يوم يتصل فيج
أم نور : على الأقل يتصل كل أسبوع مرة .. صار له مسافر 3 اسابيع و ما أتصل الا مرة ..
نور : اكيد مشغول
أم نور : لا قلبي يعورني .. حاسة أن شىء صاير ..
نور : يالله يمة عشاني لا تصيحين
أم نور : بس عشانج ما بصيح
بو نور : و افا عشاني أنا
أم نور بضحكة خفيفة : حتى عشانك ما بصيح ..
نور : الله على الحب
أم نور : سكتي لا تفضحينا ..
نور : ههههههههه
..
في اليوم الثاني .. في الجامعة .. الساعة 11 ( في الكافتيريا ) :
نور كانت قاعدة تنطر نوف : اوووووووف هاي وايد تأخرت
نوف من وراها تيي : من اللي تأخرت ؟
نور : بسم الله الرحمن الرحيم من وين طلعتي ؟
نوف : من وراج .. هههههههه خفتي
نور : لا تصدقين يا الماصخة ..
نوف : اموت و اعرف شالسالفة اللي تبيني فيها ؟
نور : الصراحة ابيج تقدرين موقفي و تساعديني
نوف : انتي بس قولي لي
نور : تتذكرين يوم كملنا امتحان القيادة رديت وياكم البيت ؟
نوف : اي اتذكر و انا نسيت شنطتي على الكرسي
نور : حلوووو يوم طلعتي من السيارة اخوج يوسف .. صارحني بانه يحبني
نوف و هي فاجة عيونها : يحبج ؟ انا اقول ليش ها الايام كله يسأل عنج
نور : و قال لي فكري في السالفة و ردي علي
نوف : يعني تبيني اوقفه عند حده
نور : لا مو قصدي جذي .. هو لازم يعرف اني بنت محترمة و متربية و مستحيل انزل كرامة اهلي للارض
نوف و هي تفكر : بس تصدقين يبين عليه من جد يحبج
نور : ما فهمت ؟
نوف : طول الوقت في البيت سرحان و يوم أسله شفيك ؟ ما يجاوبني و يوم اقول له : تحب ؟ بسرعة يروح غرفته ..
نور : مادري شاسوي ؟
نوف : انتي تحبينه ؟
نور بحيا : اي
نوف : عيل الأمور بتتمشى في الطريق الصحيح .. بشرط ان محد يتخلى عن حبه ..
نور : تعبت من التفكير .. الحياة صج صعبة
نوف : بس في كل ذرة صعوبة فيها نحس بطعم حلوووووو من الفرح
نور : كله من حكمة ربنا
نوف : الف حمدلله على كل حال ..
نور : تدرين بكرة من بيي بيتنا ؟
نوف : لا
نور : تعرفين فارس علي محمد ؟
نوف : اي هاي اللي صاير رفيج اخوي
نور : اي ..
نوف : شاللي بييبه بيتكم ؟
نور : ابوه و ابوي شركاء .. فبيزورونا
نوف : اها
نور : عيل انا بستأذن بروح البيت
نوف : حتى انا برووووح الا تعالي نوروووو شفتي سيارتي اليديدة ؟
نور : لا تعالي راويني
نوف : عيل امشي نطلع عشان اراويج اياها
طلعوا و راحوا قسم الباركات في الجامعة .. و شافت نور سيارة نوف اليديدة
نور : مبروووووووووووووك حبيبتي
نوف : الله يبارك فيج ..
نور : تدرين شنو احلى شىء في ها السيارة ؟
نوف : نووووو
نور : انتي صاحبتها
نوف : فديتج و الله
من بعيد في الباركات .. كان يوسف واقف يطالع نور ..
و من وراه فارس ياه : صج ما تستحي يا المغازلجي تشوف البنات ..
يوسف و هو سرحان : هاي اختي و رفيجتها
فارس : هم بعد عيب
يوسف اشر على قلبه و قال : بس القلب .. و مشى
و بقى فارس محتار ما يعرف شيقصد يوسف .. هل اللي يقصده انه يحب نووووووور ؟؟
تعليق
-
رد: روايه: حب مع الأيام روعه وربي
الجزء الرابع عشر ::
بعد ما راح يوسف بقى فارس متعجب .. شاللي يقصده يوسف و لا ليش ياشر على قلبه و يقول القلب .. هل هو يحب نور ؟؟
لا لا ما أصدق أنا بس اللي أحب نووووووور اذا حبها بموت .. زين يمكن هي بعد تحبه ؟؟ لا ما يصير نور بنت مأدبة محترمة .. اوووووووهو بس انا ما اعرفها .. ما أعرف هي بنت من . ؟ و من أي فصل و اصل .. لا ما يهمني المهم أني احبها .. أحمد قال لي لازم أواجهها لان اذا ما واجهتها يمكن تحب غيري .. يمكن يوسف ؟؟ لا لا لا لا لا و طق بايده بقوة على السيارة .. و ركبها ..
في سيارته :
رن موبايه
فارس : نعم يبة
بو فارس : الله ينعمك بالخير فارس .. متى بتيي البيت ؟
فارس : توي مكمل الجامعة الحين انا في طريجي للبيت
بو فارس : زين سرع لان احنا معزومين اليوم ..
فارس باستغراب : معزوووووووووووومين
بو فارس : اي عند رفيجي و شريكي بو نور
فارس انتفض قلبه يوم سمع اسم نور : بس يبة انا ما اعرفه و شدخلني ايي وياك ؟
بو فارس عصب : انت ما تسحي على ويهك تكلمني جذي مب جني ابوك
فارس : السموحة يبة .. انت تامر أمر ..
بو فارس : الحين انت ولدي يالله انا و امك قاعدين ننتظرك
فارس : ليش أمي بعد بتيي ؟
بو فارس : اي
فارس : عيل زين باي
بو فارس : الناس يقولون مع السلامة .. لا حول الله بديتوا تتشبهون بالغرب
فارس : يبة بعد هاي حياتنا بعد الاستعمار مع السلامة ..
بو فارس : في حفظ الله ..
و بقى فارس سرحان في نور .. بدون ما يعرف ان القدر بيوديه لبيت نور ..
خلونا نرد لفرنسا :
حسن أنحرف صار من تجار المخدرات في أيام قليلة .. و للأسف ترك الصلاة و تلاوة القران .. و صار من أخس الناس على الأرض ..
و بالمقابل أحلام تهدمت أحلامها .. بعد ما وصلتها ورقة طلاقها .. و معاها رسالة مكتوبة فيها ..
أحلام ..
أن كنت قد وعدتك يومك بأننا سنكون لبعض دوما .. فلا تعتبريني كذاب .. لأن الأيام قد خطت لنا خطا طويلا من الالام و البوؤس .. فأنا أحبك و سأبقى أحبك للأبد ..
لا تظني أن فراقنا الذي لا لقاء بعده سيوثر على حبي تجاههك .. و لا تبحثي عني .. لأأنك ستلقيني يوما تحت التراب .. نتيجة السم الخادر .. نعم لقد رجعت للمخدرات و انا أعلم بنهايتي السوداء .. لا استطيع العيش .. فأنا لم أعد تلك الأنسان الطموع بل أنا بقايا أنسان .. أشرب و اكل .. و أتاجر بالسم .. فليوفقك الله مع غيري .. فأنا الموت في عينيك .. أرجعي لبلادنا و ليجعلك الله من الموفقين
أحبج
حسن ..
بقت أحلام في الفندق .. ما تعرف شتسوي .. و اصلا الحين ما يهمها عن حسن شىء .. لأنه دمر مستقبلها .. و أخلف بوعوده تجاهها .. و شلون تتصل في أهلها و تقول لهم عن طلاقها .. و الناس شلون بتشرح لهم الوضع .. !! أكيد بيطلعون عليها اشاعات كثيرة .. لا هي لازم ما تخبر أحد .. تعيش في فرنسا الى أن تهدا الضروف بعدين تخبر أهلها .. هاي كان القرار الأخير اللي أتخذته ..
..
أما في البحرين ..
في بيت بو يوسف :
نوف هي قاعدة تنادي : يوسف و صمخ أنشاءالله
يوسف : ها شتبين يا الدبة ؟
نوف : محد دب غيرك .. امش بقول لك سالفة
يوسف : تراني مب متفرغ لج
نوف : غصب عليك بتتفرغ لان السالفة تخص حبيبة القلب .
يوسف : أنتي شتقوليني مخرفة ؟
نوف : لا عيوني تعال بقول لك شىء عن نور
يوسف و هو فاج عيونه : شدراج انتي احب نوووووور ؟
نوف : هي قالت لي ..
يوسف : بسرعي كملي شقالت لج
نوف : هد أعصابك عشان اقول لك
يوسف : زين قولي
نوف : يوسف نور بنت مادبة و محترمة ما تعرف سوالف الحب و خرابيطه .. و أهم شىء عندها في الحياة كرامتها و عزة نفسها
يوسف يقاطعها : و النعم بس انا ابي اعرف هي قالت لج جوابها على سوالي
نوف : اي قالت لي ..
يوسف : تكفين قوليلي
نوف : ههههههههههههههه حالتك تضحك صج الحب أعمى
يوسف : اووووووووف قولي
نوف : اهدا اهدا بقول لج .. جوابها لا لا ماني قايلة
يوسف بعصبية : و الله بطقج ان ما قلتي
نوف : بسم الله .. بقول بقول بس لا تذبحني .. تقول انها تحبك بس كرامتها ما تسمح بان تكلمك .. و لازم الحب بينكم يكون بريىء و طاهر ما يتعدى تقاليدنا ..
يوسف : الحمدلله هي بعد تحبني بمووووووووووووووووووووووووووووووووووووووت
نوف : الله يقطع ابليسك انشاءالله .. لها الدرجة تحبها
يوسف : و أكثر
نوف : زين بسالك سؤال ..
يوسف : قولي
نوف : اذا تخلت عنك في يوم من الأيام ولة ما حالفكم الحظ للزواج شبتسوي ؟
يوسف : بال انتي علطول ويه شئم .. فال الله و لة فالي ..
نوف : زين جاوبني على سؤالي
يوسف : شوفي نوف انا صج احبها و أموت فيها و ابوس التراب اللي تمشي عليه بس اذا هي في يوم من الايام تخلت عني راح اكون مجبرور انساها لان كرامتي ما تسمح لي الحق وحدة ما تيني مهما تكون بالنسبة لي .. اما اذا جبروها على التخلي عني .. راح احاول ارجع الماي لمجاريها .. و اذا ما قدرت بخلي كل شىء على الله
نوف : و نعم بالله ما اقدر اتخيل ان نور بتصير في يوم من الايام زوجة اخوي
يوسف : الله يسمع عنج بس نووووووووفووووووو ترى هاي سر لا تسوين له نشره
نوف : ههههههاي تنكت .. شايفني جريدة
يوسف : خخخ لا شايفج اذاعة ..
نوف : مالت عليك .. خلني اروح ابرك لي ..
نوف : او تعال
يوسف : هلا
نوف : تدري اليوم من بيزور بيت بو نور ؟
يوسف : من ؟
نوف : رفيجك فارس و أمه و ابوه
يوسف : و انتي من قال لج ؟
نوف : نور
يوسف : اها و مشى ..
بدون ما يعرف أن هو و فارس يحبووووووووون نفس البنتتعليق
-
رد: روايه: حب مع الأيام روعه وربي
لجزء الخامس عشر ::
في الليل .. ( في بيت بو نور ) :
بو نور : يا حيا الله من يانا
بو فارس : الله يحييك ..
بو نور : شخبارك ؟
بو فارس : تمام يا الشريك .. انت شمسوي ؟
بو نور : الف حمدلله على كل حال .. انت شخبارك فارس ؟
فارس : الحمدلله عمي ..
ام نور : توه ما تنور البيت حياج ام فارس ..
ام فارس : اليت منور باصحابه
أم نور : تفضلوا
ام فارس : دام فضلج ..
و دخلوا و قعدوا كلهم بالصالة ..
الصالة كانت وايد عودة .. جهة قعدوا فيها الرياييل و جهة النسوان ..
أم فارس : وينها نور ما شفناها ؟
أم نور : الحين بتيي .. الا شتشربين ؟
أم فارس : عصير برتقال
أم نور : ابشري ..
و راحت أم نور تقول لنور تييب العصير داخل ..
يوم دشت نور كانت مستحية لان اول مرة تشوفهم ..
مثل ما قلت لكم الصالة عودة و النسوان كانوا قاعدين في بداية الصالة اما الرياييل في نهايتها .. فهي أول ما دشت راحت صوب النسوان و سلمت على أم فارس : السلام عليكم
أم فارس : و عليكم السلام شلونج بنيتي ؟
نور : الحمدلله .. تفضلي خالتي العصير
أم فارس : دام فضلج ..
أم نور : بنيتي روحي ودي العصير الصوب الثاني
نور كانت مستحية و مفتشلة بس ما حبت تكسر كلام أمها فودت العصير ..
أول ما وصلت صوب الرياييل شافت الكل مشغول .. ابوها و بو فارس .. قاعدين يناقشون عن الأقتصاد في البلاد و ها السوالف و فارس من عيونه يبين انه ضايع بينهم ..
نور : السلام عليكم
الكل جابوها باهمال شديد : و عليكم السلام
نور و هي قاعدة تقترب منهم عشان تعطيهم العصير .. كان فارس قاعد في بداية الاريكة .. فتقدمت عشان تعطيه العصير
نور : تفضل
فارس و هي قاعد يميز الصوت و هو ميود العصير في ايده : مشك و و ر ة ..
انصدم فارسو قعد يقول بقلبه : نوووووووور هي مب غيرها و من الصدمة فتح بوزه و بالغلط كت العصير على الأرض
نور استغربت منه و في الوقت نفسه ضحكت عليه بصوت ما ينسمع : ههههه
بو نور : شصاير ؟
فارس : ها ولة شىء بالغلط انكت العصير
بو نور : ولة يهمك نور روحي نادي الخدامة تيي تنظف الأرض
نور : انشاءالله
فارس : سامحني عمي ما كنت اقصد
بو نور : مسموح يا ولدي مسموح ..
و راحت نور نادت الخدامة ..
يوم راحت قعدت صوب أمها
أم فارس : يا الاه الا الله مشاءالله قمر ..
نور بحيا : مشكوووووورة خالتي .. مشكورة على المجاملة
أم فارس : ما اجامل ها الحقيقة انتي مشاءالله احلى من القمر ..
نور : عيونج الحلوة ..
و بعد ساعة جهزت الخدامة العشا و راحوا كلهم يتعشون في الحديقة ..
و فارس مستغرب وايد .. ما يدري هو في حلم ولة في علم .. نور حبيبته جدامه !! ..
..
في فرنسا :
بعد ما جيكت أحلام حسابها في البنك شافت فيه مبلغ محترم يقدر يعيشها لفترة .. و اللي خفف عليها شوي التكاليف ان حسن دفع للفندق مقدم .. و لان رسوم الفندق مرتفعة فلازم تطلع .. و هي الحين قاعدة تيمع اغراضها بتروح تسكن في شقة في مكان ثاني ..
أحلام و هي حاسة بلوعة و دوخة : مدري شفيني ..؟؟ كله ابي ارجع .. وووووع بسرعة راحت الحمام ..
و قعدت تجهز أغراضها .. لان سايق الفندق تحت قاعد ينطرها عشان يوديها شقتها اليديدة ..
يوم ركبت السيارة . قالت للسايق أول يوديها المستشفى لانها تعبانة .. فالسايق وداها لاقرب مستشفى و هناك حصلت دكتورة فاضية في قسم النساء .. دشت عليها ..
أحلام و هي قاعدة تتحجى بالانقلنزي : ( بالترجمة ) : صباح الخير
الدكتورة زين منها تعرف انقلنزي: ( بالترجمة ) : صباح النور
أحلام : ( بالترجمة ) : دكتورة اعاني من حالات صداع مستمر و لوعة
الدكتورة : ( بالترجمة ) : تعالي بفحصج ..
و بعد الفحص تبين أن أحلام حامل في الأسابيع الأولى ..
و الصدمة صارت لها صدمتين .. اول شىء صدمة طلاقها و الحين حملها ..
الله يستر ..
أما عن حسن و خالد ..
صاروا مدمنين من الدرجة
الاولى على المخدرات و الخمر .. أعوذ بالله ..
و في يوم و هم في حالة سكر ..
حسن سأل خالد : خالد أنت ليش جرفتني معاك في طريج ها السم .. حياتي كانت سعيدة ؟
خالد : لان هاي اللي كان قاهرني .. ما احب اشوف احد سعيد و فرحان في حياته
حسن : حرام عليك هدمتني .. و بدا اشوي شوي يصحى من سكره
خالد : اووووو اشرب و انت ساكت
..
أحلام بعد ما طلعت من المستشفى .. و الدموع عى عيونها .. فوصلها السايق للفندق .. فعطته فلوسه .. و دشت شقتها .. شافتها ما تسوى ربع الغرفة اللي كانوا قاعدين فيها في الفندق .. بس شكرت ربها على كل حال و يودت بطنها و هي خايفة .. شلون راح يكون مستقبل ها الطفل !!
تعليق
تعليق