رد: قصة ولد الخال قصة روعة وحلوة مرام ويوسف قصة تهبل

من عيوني انا قاعده اكملها .... لعيونكم

رد: قصة ولد الخال قصة روعة وحلوة مرام ويوسف قصة تهبل

تسلم عيونك
ننتظر لاتطولين ..

رد: قصة ولد الخال قصة روعة وحلوة مرام ويوسف قصة تهبل

وهاي الجزء ونزلته بس انطرو باقي اجزاء هع هع وقاعدة اكتبها لكم والي فوق اذكركم شصار في البارت القبلي

وتحته التكملة الجزء الي بعده اتمنى يعجبكم

رد: قصة ولد الخال قصة روعة وحلوة مرام ويوسف قصة تهبل

الجزء الحادي عشر
مرام تمت تصيح
جابر راح صوب فرج وحط يده ع ثوبه: انت كفوا تطق اختي يالنذل هذي وجدامنا تصفقها من ورانا شلون يالخايس ؟؟...
مرام: اهىء اهىء حسبي الله عليك حسبي الله عليك اكرهك اكرهك ما تقدر ابد تهرب من الحقيقة مراح احبك ابد سامع ابد اهىء اهىء اهىء اهىء
فرج: مرام انا اسف فقدت السيطرة ع نفسي يوم قلتي هالكلام بس والله احبج واسم النذل مداني حد ايب طاريه ؟؟!!فهميني اغار منج عليه ؟؟؟!!
مرام وهي تضحك ظحكة استهزاء :تغار وانا لك بكون اليوم بس بكون لك مب بحب ومراح اتهنى اوعدك بذي الشيء مراح اتهنى

وطلعت مرام ودموعها ع خدها وهي طالع يوسف ويوسف من صوب يصيح ومرام من صوب تصيح والكل عبالهم ان دموع مرام دموع فرح بس الحقيقة غير
سارة:اه يا حبيبتي مروم انا حاسة فيج بس لا تصيحين عورتي قلبي
وتمت تصيح
مرام وهي تشوف يوسف شافت يوسف ما استحمل وطلع
وبصعوبة مرة ثانية سألها المأزون اذا كانت موافقة ووافقت وبصعوبة
وفرج ع طول وافق وتزوجوا بنفس اليوم ....

سافروا مرام وفرج في اليوم الثاني وطبعا مرام راحت مع فرج بيته وكان فيه هو واخته بس

الصبح الساعه 9:00
قعدت مرام تسبحت غسلت وجها لبست ثيابها ونزلت جافت فاطمة
فاطمة: صباح الخير مرومة ...
مرام وبنفسية خايسة وبتكشيرة على وجها: أي خير , يجي من أخوج ؟!...
فاطمة وبعصبية : مرام انا مقدرة ظروفج النفسية بس ما اسمح لج تهينين اخوي هاي اخوي على فكرة ....
مرام : ظروفي النفسية !! ه ه شقالوا لج مينونة ولا شقصدج بكلامج هاي انا مافيني شي وليكون عبالج انتي واخوج انه بتصرفكم هاي بتفرقونا انا ويوسف ه ه انسوا حبايبي لا انتوا ولا عشرة من امثالكم يالخمة ...
وراحت .... همسة " انتوا تجوفون انه تصرف مرام صح مع فاطمة ؟؟ حتى لو كانت معصبة ومتضايقة غلط تكلم فاطمة بهاي الطريقة وبهاي الاسلوب فاطمة مالها ذنب في الي صار لها وهي كانت تبي تتقرب منها " نرجع للقصة ...
فرج : مرام حبيبتي جهزي اغراضج عشان نسافر بنروح لندن ..
مرام : انا ماقدر ابعد عن امي تبي تسافر سافر بروحك انا مابي اسافر ...
فرج : بتسافرين رضيتي مارضيتي بتسافرين ..
وعطاها كف على وجها لدرجة انه يده انطبعت في خدها ...
مرام صرخت ..... مرام وهي تصيح : يا نذل يا عديم الاخلاق يا قليل الادب انت كفوو تمد يدك علي ؟؟؟!!...
وراحت فوق وتمت تصيح في غرفتها ... طبعا مرام سافرت غصبا عنها مع فرج وفاطمة لندن .....
وصلوا لندن وحجز فرج شقة لهم كبيرة وواسعه عشان يقعدون فيها مرتاحيين وهم هناك مرام: اه ابي انام نوم طوييييييييييييل ... فاطمة : هههههه انتي ما شبعتي نوم نايمة في الطايرة شكثر بعد بتناميين احييين .... مرام: انتي مالج شغل كيفي تعبانه وابي انام شلون يعني مايصير ؟؟؟ فاطمة : أي بس ؟؟... توها بتكمل الا يقاطعها فرج : شفيج متهجمة على فطوم ترها ما قالت لج شي كل الي قالته انها تبيج تقعديين معاها شوي وانج ناييمة وايد !!! بعديين صح كلامها ماشبعتي نوم شالنوم الي علييج حتى الحامل ماتنام كثرج !!! مرام: مالك شغل كل شي بتغصبوني فييه حتى القعدة وياكم مو كافييه غاصبني اتزوجك ... فرج وهو معصب ويصرخ عليها : انتي بعديين معاج ما قلنا لج انسي السالفة خلاص نبي نفتح صفحة يديدة انتي الحيين مرتي على سنة الله ورسوله وهاي سالفة صارت وخلصت صارت ماضي خلج في الحاضر والمستقبل .... مرام : مستحيييييل انسى الي سويته معاي ومع هلي مسسسستحيييل ومستقبل معاك انسىى .. مابييه ... عن اذنك كلامك يغث ابي اروح انام ... وراحت مرام <<< بدون ماتقوله تمسي على خير ولا شي ههههه .... المهم راحت مرام وقطت عمرها على السرير وكل الي كانت تفكر فييه هو يوسف واهلها .. مرام : اه يمممه اه يبه اه يوسف يا ترى شنو قاعديين تسوون احيين ؟؟؟
اما في بيت بو يوسف ...
بو يوسف : ام يوسف ؟؟ وين يوسف ماجفته من امس ياه لا جه يسلم علي ولا جه يبوس راسي ولا حتى تريق معانا واحين الظهر وقت غدا وبعده مانزل شفييه الولد ؟؟ ام يوسف : اه يا بو يوسف مادري شاقولك والله من بعد الي صار امس من الي له نفس ياكل ولا يشرب وانت تعرف حب يوسف الكبيير حق مرام بعد عمري غناتي والله كاسر خاطري ... بو يوسف : الي صار قسمة ونصيب ما يصير جذي يا ام يوسف جوفي حل حق ولدج قلوا البنات ؟؟ بعديين ماصار غير الي كاتبة رب العالمين مايصير نعترض على حكمة الله والبنت ماهي من نصيبة شصار يعني تزوجت الله يهنيها مع زوجها ما وقفت الدنيا خل يكمل حياته ... ام يوسف : الي صار مو هين يا بو يوسف لا على يوسف ولا علينا ليش صاير قلبك قاسي جي بعديين انت راضي في الي صار ؟؟ بو يوسف : لا طبعا بس شنو تبيني اسوي اروح اذبحه اثور عليه يعني ياه ام يوسف لا تبطيين جبدي والي يرحم والديج حلووة هاذي قالت قاسي الحين الي يقول الصج صار قاسي عندكم ؟؟.. ام يوسف تمت ساكتة ... تفكرر في خاطرها : يا بعد عمري يا وليدي ما تستاهل الي صار لك والله انه قلبي يتقطع عشانك .. بو يوسف من الصوب الثاني قاعد ينادي ام يوسف وهي شاردة وقاعدة تفكر مو منتبهة له ... بو يوسف ك ام يوسف ياه شفييج ؟؟ ام يوسف : ها هلا هلا .. بو يوسف ؟؟ اسمحلي كنت افكر ومادري ما انتبهت لك ؟؟ شكنت تقول ؟؟ بو يوسف : احيين كل هذا عشان ولدج ؟؟!!! استغفر الله ترى الدنيا بخيير المراة عايشة حياتها و ولدج الثور موقف حياته عشان شي صار وانتهى !! شفييه ولدج استثول ؟؟؟ ام يوسف : حررررام علييك يا بو يوسف احيين بنت اخوك صارت شي شنو قلبك حدييد !!! عن اذنك بروح اجوف ولدك ما كل له شي من الصبح بعد عمري قاعد على لحم بطنه من امس ... بو يوسف عصب لانه ام يوسف تجاهلته وقام وراح الشركة ... يكمل الشغل الي عليه هور مرات يروح الصبح ويرجع الضهر يتغدا ومرات يرجع الشركة العصر ومرات لا اليوم راح الشركة ...
ام يوسف : يوسف .. وتمت اطق الباب .. يوسف .. طق طق طق .. يوسف يمه رد علي ؟؟ يوسف !! قوم يمه بحط لك الغدا ما يعت ؟؟ عنبو غيرك من امس ما كلت لك شي ما حطيت اللقمة بحلجك ؟؟؟ يوسف ؟؟... ياربي مادري هالولد على من طالع عنييد ... وخلته وراحت ... يوسف لام نفسه جنه ياهل خايف ريله ضامها لصدره ومشبك ايده الثنتين بريله مسكر عليهم وقاعد يهز نفسه وهو بسريره وقاعد يصيح وهو ميت من القهر ... يوسف : اه اه اهئ اهىئ اهىئ حسبي الله ونعم الوكيل حسبي الله ونعم الوكيل الله لا يوفقك يا فري الله لا يوفقك فرقتنا ...وهو يغص بلكلمة ويشهق فررر.. قت..تنا اهئ اهئ اهئ اه حسبي الله ونعم الوكيل يالله ياربي تنتقم منه يارب تنتقم منه حسبي عليييه حسبييي عليييييه ...
في المدرسة !! فرصة (فسحة )
سارة تتمشى مع شرييفة
سارة وبحزن : شروووووف !!
شريفة : هلا حبيبتي شفييج ؟؟؟
سارة : مرووم وحشتني وايد  ...
شريفة : انا بعد السكول بدونها ماتسوى شي اففف منه الخايس حتى ماخلها تكمل دراستها صج كريه ..
سارة : اي والله الله ياخذه بط جبدي صرراحة وعلييه عليه يوسف مادري شنو حالته !!!
شريفة : النصيب شنسوي ؟؟ مانقدر نسوي شي بس ساروه ترى يوسف بعد الي صار اكييد بتكون حالته النفسية تعبانه
سارة : أي ادري بعد عمري اخوي مايستاهل الي يصير له تدريين الكل كان مهتم بمرام وبحالتها محد انتبه حق حالة يوسف حتى انا اخته ما عطيته اهتمام نسسيت كل شي يوم جفت مرام تبجي وانها تزوجت النذل فري ...
شريفة : أي بس انتبهي احين زين اني نبهتج ترى حالة النفسية تعبانه ويمكن يصير مينون قاطعتها سارة : سمالله على اخوي لا تفاوليين علييه شريفة : لا بس اقولج الصج ترى اذا ما لحقتوا عليه بيصير مينون والله هاي الحقيقة ولازم تتقبلينها وتتقبليين وجهة نظري ترى هاي الشي الي صار له مب سهل ولا هو هين ...
سارة : ادري بس سمالله علي ان شاء الله مابيصير له الا كل خير الله يحفظك يا خوي وين ما بتكون و وين ما كنت .. وبعديين يوسف قوي مب ضعييف واجه الاصعب من هاي الشي وانا متاكدة انه احين هو بشغله لانه هو جي ما يعطله شي وما في شي يوقف حياته مهما كان !!
شريفة : ساروه انا تعبت وياج كيفج كيفج ماتفتهميين اقولج اخوج الي صار له مب شي هين تقولين هين يا ماما اصحي حبيبته تزوجت تعرفيين يعني شنو تزوجت ؟؟؟ يعني راحت عنه يعني بح يعني عليها العوض فاهمة !!! حطي نفسج مكانه شوي هو صج ريال بس هو ريال كائن بشري انسان مب رجل الي يعني اكييد بيتضايق بيصيح هاي اذا ما مرض وانا اقولج ترى اذا ما صاح بيمرض ؟
سارة: شرووف و ويعه ان شاء الله تويعج سمالله على اخوي شفييج انتي تفاوليين على اخوي من مساعه ماخليتي مرض ما لبستي اخوي ...
شريفة : كيفج انا اقولج الاحتملات وبس .. وين روان داومت اليوم ؟؟
سارة : انتي تجوفين وضعها يسمح لها اداوم بعد الي صار امس انتي ويا راسج ؟؟
شريفة : مادري والله ... زين امشي خلنا نتمشى ملييت انا وانا قاعدة من مساعه ..
سارة يلا امشي
شريفة : وي وي ويس اروه الحقي هاي مو جنها مريوم البوية ؟؟؟ حبيبة روانوه ؟؟؟
سارة : أي والله هي ,من الي وياها ؟؟
شريفة : وي ماعرفتيها هههههه هاي وضوح ؟ وضوح المهندي شفيج بس قصت شعرها ..
سارة : اوبيييه لا مو مصدقة صارت بنوتة عقب ما قصت شعرها يوم كان شعرها طووويل كانت بوية ش..التناقض ؟؟
شريفة : تناقض كل هالدنيا تناقض والي ما يقدر يناقض ههههه ... وترقص تحرك يدها
سارة : ههههههاي يالخبلة هي فضحتينا احين بتيي ابلة صبحية بتسوي لنا سالفة ...
سارة : بس تصدقين شروف والله مو مصدقة هاي وضوح وضوح ماغيرها ( omg ) يالهي لا اصدق ذلك ؟؟؟
شريفة : ههههه بل صدقي شفيج قلبتي لنا سبيستون ؟؟؟
سارة : ههههههه اخ يا شروف تصدقين محد يطلعني من الجو الكئيب غيرج ...
شريفة : ادري فديتني , بس محد يدخلني الجو الكئيب غيرج ...
سارة : افا انا افا اوك يا شروف ارويج يا ام راس الي بيي وياج الستي يوم الجمعة دوريني اوك ..
شريفة : لا تكفين الا القموعة (الجمعة ) بلمصري ..
سارة : اه عوازكي تبأي كده زي الفل ...
شريفة : اعقبك (اعجبج) امال ايه وتغمز لها ويضحكون مع بعض هههههه...

في لندن ... بعد مرور اسبوع من وجودهم بلندن
مرام قعدت الصبح الساعه 6 وسوت تمارينها الي دوم تسويها ونزلت حق تتريق مع فاطمة الا تجوف فرج بس ماعطته اي اهتمام وطبعا فرج للحين يتقرب من مرام ويترجاها عشان ينام معاها بغرفة وحدة بس هي ترده وهو ما يبي يغصبها
وقاعد يتقرب منها بكل الطرق ...
مرام نزلت من الدري
مرام : صباح الخير ..
فاطمة وفرج : صباح النور
فرج : يا صباح النور والعسل و القشطه والورد والياسمين ...
مرام : .......
فاطمة وهي تبتسم ابتسامة عشان اطلع مرام من الجو الي هي فيه : مروم حبيبتي شرايج نطلع ياخي ملينا من قعدة البيت هاي شهر عسلكم يعني لازم تطلعون وجي ويا بعض اذا ماتبيني وياكم يعني مو مشكلة حبيبتي ..
مرام : من قال ما ابيج ويانا اصلا اذا بنطلع ريلنا على ريلج ما نطلع الا وانتي ويانا وهاي انا ما اعتبره شهر عسل شهر العسل ينقال عنه شهر عسل مع الشخص الي يحبك وتحبه مب مع الشخص الي يحبك وانت تكره ومادانيه .. وكشرت بوجها وهي اطالع فرج نظرة احتقار ..
فرج ابتسم لها ابتسامة حلوة وقال : كل شي يجي منج عسسسسسل انتي كلج عسسل ...
مرام بصوت خفيف : اففف يا شينك ...
فرج : شقلتي حبي ؟؟
مرام وبتوتر : هاه ولا شي ..
خايفة يعطيها كف على ويها نفس قبل
فاطمة : مروم شفيج ما تاكليين ؟؟
مرام : مالي نفس ..
فرج : ليش شفييج فيج شي حبيبتي ؟؟؟
مرام من قلبها : حبتك القرادة ان شاء الله قول امين ..
مرام : وهاي فيها شفيني انت ادرى شفيني شكلك يغثني تيب لي المرض ..
فاطمة : مرام شفييج الله يهديج هاي كلام فري ريلج عيب تقولين له هالكلام , بعدين هو ما قالج شي ..
مرام : زواج بلغصب زواج باطل فاهممة شنو يعني باطل يعني بب ا طططط لللللل فاهمة ؟؟ ما يصح مب صح يعني انا شرعا مب زوجته ...
فاطمة : استغفر الله العي العظيم ...
مرام : .......
فرج : اففففف
مرام سوت نفسها اطالع اظافرها وقاعدة تلعب فيهم وتجوفهم طوال ولا قصار وتتحسسهم
فرج كمل اكله وماهمه
فاطمة تمت تاكل شوي وقامت
فرج : انا طالع تامروني بشي ؟؟
مرام : ترى محد هني غيري ؟؟ يعني يا بلفيت الكلام حق ثنتيناتنا وهو موجه لي ...
فرج تافف وقام عنها راح غسل يده وكشخ وطلع
فرج وهو يمشي تعب وقعد بكرسي وجه واحد وتعرف علييه طلع كويتي وتعرفوا على بعض وصاروا اصدقاء يروحون ويطلعون ويا بعض ومر الاسبوع الثاني بسررعه
وطلعات فرج ورفيجه راكان الكويتي كثرت ددوم يطلعون ويا بعض
مرة فرج وراكان كانوا يمشون الا يجوف وحدة تشابه مرام بضبط بس انها مو لابسة شي طويل لابسة تنورة قصيرة عليها بربري بيج ولابسة تي شرت مكتوب عليه بربري وشعرها رافعته كامل مسوية تسريحة رافعته وحاطة عصا الجاينيز مال الصينيات الي يحطونهم بشعرهم نفس الشي هي حاطته والتي شرت الي لابستة يده حفر يعني ماله يده ولابسة كعب بربري بني وبيج وطالعه جنان .. وهي تمشي راكان جافها : يا بوووووي دمار قطعة ياخي قطعة شالجسم شالعيون شالكشخة ياللببيييييييييه اروح فيها انا ...
فرج عصب على راكان : راكانوه ووجع امسك لسانك هاي مرتي شنو الي مطلعها وطالعه جي بدون شي طويل بدون ما تغطي شعرها بدون شي !!!!!! وفرج بعصبييه يوم قربت منه البنت مسك يدها البنت وبستغراب : هي انت هد ايدي شفييك مينون شلون تلمسني شلون تسمح حق نفسك انك تلمسني وعطته كف على ويه فرج :مروم شفييج ؟؟ شلون طالعه جي ؟؟
البنت مشت ويوم سمعت اسم مرام وقفت ؟؟ البنت : عفوا من !!! ناديتني من ؟؟؟
فرج : مروم لا تقعدين تمثلين لي يالله امشي جدامي البيت يالله ومسكها من جتفها ودزها ..
وراكان قاعد يطالع مستغرب من الي صار ..
البنت : عفوا انت شكلك غلط انا مو مرام ولو سمحت التصرف الي تصرفته غلط وبامكاني اني اشتكي عليك وارفع عليك قضية اعتداء ضربتني دزيتني ومسكت يدي وهاي قضية ثانية قضية تحرش ..
فرج وهو منصدم عرف انه هاي مو مرام فرج من قلبه : يا ليل الليل شسالفة والله انها تشابه مرام بضبط طبق الاصل ...
البنت : انت سامعني .؟؟؟
راكان : اسفين الشيخة سمحيلنا بس هو عباله انج شخص ثاني مايدري ؟؟
البنت : لا عادي بس المفروض يتاكد قبل مو مني والطريج ؟؟
فرج : لانج انتي تشبهينها وايد جنج انتي هي جنكم توأم لو تجوفينها ما بتصدقين وبتعرفين ليش سويت الي سويته سمحيلي ؟؟
البنت : خلاص مافي مشاكل عن اذنكم باي ..

فرج : لو سمحتي !!!
البنت : هلا امر ؟؟
فرج : ممكن اعزمج على غدا تعبيرا عن اسفي ؟؟؟ وتصرفي الوقح ..
البنت : دامك اعترفت انه تصرفك وقح يمكن اسامحك
فرج : افا يمكن سديتي الباب بويهي الله يسامحج ..
البنت وهي ميتة ضحك : هههههههه خلاص اوكي
فرج انثول يوم سمع ضحكتها : يالبييييه
البنت انحرجت ..
راكان : هي يا الكناري نحن هنا
البنت انحرجت اكثر وصارت خدودها حمر
فرج : يالسلق زين جي خربت الجو شتبي ؟؟؟ احرجت البنت صارت خدودها طماطة
راكان : هههههه اي والله يا زين الطماط الي بويهج يبي له عض ( يقصد خدودها )
فرج : وبعديين معاك راكانوه ؟؟؟؟
راكان : اتغشمر معاج الشيخة ترى انا غشمرجي لا تاخذيني جد كلش اي شي اقوله ترى غشمرة بتموتين من الضحك علي
البنت : اوك شدعوة ادري فديتك ..
فرج : يالذيب وخر عن كورتي ترى الملعب ملعبي و الكورة كورتي ...
راكان : اختي دامني فديتني على قولتج وتتفديني شرايج فيني ؟؟ شرايج تحبيني بدال الشقردي الي وياي
فرج وهو يضحك على حاله : انا شقردي ؟؟؟ افا معلليه معلييه اورييك الي بيسوي لك ورق عنب مابخلي فطوم تسوي ورق عنب لك ...
راكان : افا لا كلش ولا ورق العنب خلاص يبه خذ كورتك بعطيك اياها بوس ...
البنت : لا والله شنو جايفيني كورة وايد عطيتكم وجه فارجوا قلبوا ويهكم ..
فرج : انا بعد ؟؟
البنت وبخجل : لا
راكان : افا , يعني قصدكم يا راكان فارج يا راكان اذلف و رونا عرض اكتافك ...
راكان راح صوب فرج وهمس في اذون فرج : تكففى ها طلبتك تشوف لي صيده نفس هالقشطة لا تفهمني غلط والله ابي احب جوف لي رفيجتها يا معوود شي ؟؟
فرج : ولا يهمك افا عليك اضبطك انا .. ويغمز له
تتوقعون شنو بيصير حق فري والبنت هلي بيحبها ؟؟؟وبيطلق مرام ولا مجرد يلعب عليها ويوسف بتم مشاعره نفس قبل حق مرام ولا بتتغير ؟؟ وروان بتم على حالها ولبا بتتغير ؟؟؟ تابعوا الاجزاء الياية وبتعرفون ...

رد: قصة ولد الخال قصة روعة وحلوة مرام ويوسف قصة تهبل

الجزء الثاني عشر
المهم راح راكان وفرج والبنت تموا ويا بعض طول الوقت يسولفون ويضحكون لين ما جه وقت الغدا وتغدوا ويا بعض وفي النهاية خذ رقمها وهي خذت رقمه وكل واحد سجل رقم الثاني ...
فرج اول مارجع البيت (الشقة)
فاطمة : فري وينك من الصبح طلعت خليتني احاتيك ؟؟؟
فرج : موجود بس ويا رفيجي راكان كنت
فاطمة : كل هاي ويا راكان يا هالركان الي دوم وياه من جينا لندن وانت كله وياه وانا ومرام محبوسين هني نبي نطلع نبي نتسوق نبي نتشرى ملينا من قعدتنا بلشقة ..
فرج : ومن ماسكم اطلعوا ..
وراح عنها فوق غرفته وسكر الباب وقفله وقعد يسولف ويا البنت مده طويلة لين جات الساعه 1 الظهر
فرج : تعالي انتي ما قلتي شسمج من مساعه اسولف معاج وما قلتي لي شسمج ؟؟
البنت وبخجل : مو لازم تعرفه ..
فرج : قولي لا تخليني اجيج العن صيرج وارجع ..
البنت : بل بل بل بل بل متوحش حشى مب انسان ..
فرج : ههههههه شسوي يلا قولي ..
البنت وبدلع : مابي
فرج : قولي عاد ..
البنت وبدلع وتسوي روحها تفكر : مممم مابي
فرج : اوهمو لا تتعبيني اكثر معاج قولي عاد
البنت بدلع وهي تشد على حرف الميم : مممممابي
فرج : يلا عاد لا تخليني اترجاج اكثر من جي تكفيين ..
البنت : مممم بفكر ممممم ممممم
فرج : ها يلا قولي
البنت : مممم
فرج : قولي عاد
البنت : ممممم
فرج قفل عليها : قولي لا ابط راسج
البنت : ههههههههههههههههههههههههههههههههههه
البنت : اوكيك
البنت : اسمي عنود
فرج : جذابة من عينج
البنت : شدخخخل
فرج : السالفة فيها شدخخخل عيل جذابة اكييد
البنت : لا شدخخخخخخل انا ماجذب
فرج : لا كلش محشومة انتي شدابة والشدب يقطر من عينج يا شدابة ..
البنت اعرفت انه يقصد مسرحية طارق العلي وماتت من الضحك عليه : هههههههههههههههههههههههههههههههه
البنت : جفتها المسرحية ؟؟ بو سارة في العمارة تضحك حييييييييل
فرج : ههههههه اي في حد ما جافها ..
فرج : زيين جب لا تغيرين الموضوع شسمج يلا قولي ؟؟؟
البنت : للحين ما نسييت , هههههههههههههههههههههههههههههههههههههاي
فرج : واي فدييييييييييييييييييييييييييييييييييييييييييييييييييييييييييييته الضحكة انا يالبيييييه
قاطعتهم فاطمة وقعدت اطق الباب على فرج
فاطمة : طق طق طق فروي ؟؟؟ ... طق طق طق ... فروي ؟؟ فروي يلا الغدا جاهز ما بتغدا ويانا ؟؟
فري : دقيقة حبي في حد يطق الباب ..
البنت : طيب ويتنق يو ...
فري فتح الباب : ها خير شتبين ؟؟
فاطمة : الغدا جاهز ما بتغدا ويانا ؟؟
فري : لا مابي تغديت ويا راكان ..
فاطمة : اها زين بلعافييه ..
فري : الله يعافيج ..
وراحت فاطمة وسكر فري الباب وقفله مرة ثانية
فاطمة يلا مروم مابتغدين وياي فروي مايبي يتغدا ؟؟
مرام : احسسن فكني من غثاه يعله مايتغدا ..
فاطمة تنرفزت من كلام مرام بس ماردت عليها ..
ونزلت تتغدا ويا مرام وطبعا مرام عقب ماتغدت حطت قناة ديزني وقعدت اتجوف الرسوم هي تموت على الرسوم مثل ما معروف عنها وحطت سبيستون وام بيسي ثري هع هع
وفرج للحين يتكلم في التلفون
فرج : زين حبي ونقول اقوى باك لاحلى قمر ..
البنت : ولكم
فرج : سوالف الماسن مانبيها ولكم وباك ويسلموو ..
البنت : هههههههههههههههههههههههههههههههههههههه انت الي بديت
فرج : زين لا تغيرين السالفة قولي شسمج يلا ؟؟
البنت وبخجل : بشاير
فرج : يالبيييييييييييييييييييييييييييييييييييييييييييييييييييييييه وي فديييييييييتج وفدييييييت هالاسم وفديييييييييت راعية هالاسم ....
عاشت الاسامي فدييت قلبج انا ...
البنت استحت : عاشت ايامك .. وانت ؟؟
فري : اسمي فري ..
بشاير : اسمك الصجيي ولا العبي ..؟؟
فري : ليش في اسم لعبه ههههههههههههههه , وبعديين انا ما جذب مب مثل بعض الناس ...
بشاير : لا والله شقصدك مع الراس ؟؟؟
فري : اتغشمر فديتج شفيييه راسي شزينه يننن محترة منه ههههههههههههههههه
بشاير : ها ها ها ماتضحك عود جنه اياك ..
فري : هههههههههههههههههههههههههه
فري : بشور ...
بشاير : ها ؟؟
فري : ويعه وهاون ان شاء الله شنو ها ؟؟
بشاير : شتبيني اقول يعني ؟؟
فري : قولي لبييه قولي عيونها قولي روحها قولي شي عدل كلمة عدلة حسسي انج رومنسية مالت عليج انتي وينج ووين الرومنسية ؟؟
بشاير : هههههههههههههههههه لبيه امر ؟؟
فري : اي جي اوك مممم انتي من وين ؟؟؟
بشاير : انا من هني ..
فري : لا جد اسالج انا
بشاير : زين وانا اكلمك جد انا اصلا انولدت هني وعشت هني طول عمري ودرست هني وربعي اجانب وقطريات وامي قطرية وابوي امارتي ..
فري : اها يعني انتي جوازج امارتي ولا بريطاني ؟؟؟
بشاير : اماراتي طبعا
فري : اها ونعم والله تشرفت فيج
بشاير : الشرف لي فديتك
فري : زين بشور ما قلتي لي كم عمرج ؟
بشاير : 17 وبدش ال18
فري : اها حلووو العمر كله يارب
بشاير : وياك
فري : امين الله يسمع منج عاد بتوافقين انتي ؟؟
بشاير : شنو ؟؟
فري : شنو الي شنو تسوين روحج غبية انج تتزوجيني ؟؟
بشاير : لا والله
فري : اي والله
بشاير : اها زين جب
فري : شفييج هي اكلمج جد انا
بشاير : اها 
فري : جوفي حركات النفسيات ماحبها انا تبط جبدي
بشاير : اها
فري وبعصبية : بشوور بسكر بويهج ترى ..
بشاير : اها
فري وهو مقفل : اوك وتوه بيسكر
بشاير : فرررررررررررررووووي
فري : ها شتبيين ؟؟
بشاير : شدعوة فرويي(فروجي) >>> (ادلعه ) عشان يوضح الدلع غبية جي حد يدلع ههههه المهم
فري طبعا استثول : عيون فروي انتي ..
بشاير وبحيا : اتغشمر معاك شفييك ليكون زعلييت مني ؟؟
فري : لا شدعووة انا ازعل علييج حد يزعل من القمر ؟؟
بشاير انحرجت
واذن العصر
بشاير : زين فروي يلا انا بروح اصلي ترى اذن
فري : فديييت الي يهتمون بصلاتهم زيين يل اوانا بعد بصلي وبر قد لي شوي من بعد ما سمعنا هالصوت الخقه
بشاير وبخجل : ههههههههههه زين يلا باي
فري : لا تسكرين
بشاير : انت مينون بروح اصلي شفيك ؟؟
فري : والله كله منج خبلتيني
بشاير : بخصوص كلمة خبلتيني تراها اماراتية على فكرة ؟؟
فري : هههههههههه ادري بلعمالة استخدمتها بدال كلمة يننتيني هههههه
بشاير : عدال يالي يتكلمون اماراتي احساس
فري : اي شعبالج يلا سيري صلي ..
بشاير : هيه وانت بعد اوك ..
فري : اوكي
واستمرت مكالمة فري لبشاير مدة اسبوعين وفري كانه نسى مرام وما يعبرها وما صار يروح لغرفتها ويذكرها انه هو زوجها وانه له حقوق عليها والى اخره من كلام لدرجة انه مرام لاحظت فيه انه تغير بس مرام ما اهتمت لانه اساسا ما تحبه وهي تدري انه فيه شي شاغله
مرام: غرييبة شفييه فري تغير جي مستحييل يكون تغير عشان تعرف على صديق يديد ومستحيل تغير بسبة هالركان لانه هو حتى بداية صداقة مع راكان ما كان متغير كثر الحين !!! غريبة اكييد متعرف على وحدة صج خسيس وحقير ..
مرام وهي رايحة له غرفته عشان تكلمه وتساله سبب هالتغير فكرت
مرام : انا ليش اساله خله يولي ليش افكر فيه هالكثر مالت عليه شعليه منه تعرف ولا ماتعرف في الطقاق الي يطقه في ستين داهية ان شاء الله احسن يفكني من غثاه لين سالت بيعتقد انه اهتم له او اني اغار عليه وهو مايهمني ولا اعتبره اي اعتبار يعني كلش مالها ام داعي روحتي له ...
ونزلت مرة ثانية وفتحت التلفزيون وقعدت اطالع الرسوم ...





تتوقعون شنو نهاية علاقة فري وبشاير تابعوا الاجزاء الياية وبتعرفون ..........

رد: قصة ولد الخال قصة روعة وحلوة مرام ويوسف قصة تهبل

الجزء الثالث عشر :-

فاطمة : مروم حبيبتي انا ملانة تين نطلع نروح مكان معين سوق شي فري ملغ صار كله في الشقة وما يطلع من غرفته حتى رفيجه راكان يجي هني ويسال عنه يقول صرفوه 0_0 الحقي على ريلج شكله لقى له وحده ثانية غيرج خذت عقله !!!!!!!!!!!!!
مرام : في الطقاق الي يطقه ابركها من ساعه احسن في ستين داهية شعلي منه فكتني من غثاه ....
فاطمة : مرام شالكلام مافي مراة ما تغار على ريلها حتى لو ماتحبه هو في النهاية ريلها مهما قالت وسوت (عملت) لكن في داخلها وقلبها تغار عليه حتى لو ماتبي تعترف ........
مرام بستهزاء : وي من زينه اغار عليه حمد الله والشكر ههههههه قالت شنو قالت اغار اغار على شنو ياحضي مالت اقول وخري عن دربه احسن بروح فوق غرفتي ابرك لي من مجابلتكم عيشة تقصر العمر...
فاطمة وهي زعلانه وتكلم نفسها: ليش مرام ليش احنا شو سوينا لج عشان تعاملينا جذي ...
اما في بيت بوجابر
جابر نازل من الدري بسررررررعه وقاعد يعدل نفسه وغترته وهو واقف على الدري لانه في منضره وقعد يجوف نفسه ويعدل نفسه ...
روان وهي توها قاعدة من النوم ونازلة من الدري : بل بل بل شفيك شوي شوي المكان الي رايح له مب طاير ...
جابر وهو معصب : انتي سكتي مالي خلقج يالبومة ..
الام وهي تعدل صفرة الاكل والطاولة : هيه انتو اشفيكم قاعدين من صبح الله خير تتناجرون ؟؟؟
روان بدلع : جوفيه يمه قاعد يقولي يالبومة ومادري وشو ...
جابر : يا شينج مايليق لج الدلع كلش اقول صكي حلجج لا اشقه لج احين الحلج شكبره اكبر من الويه حشى ...
ام جابر : جبور شفيك على اختك يوز عنها ...
جابر : هي من الصبح قاعده وتتحرش فيني خلها تتحمل الي يجيها
ام جابر : وانت تحط عقلك بعقل بزران ؟؟؟
روان وهي مصدومة وتشهق : هاءءءءءءءء شقصدج يمه يعني انا بزر ؟؟؟ الله يسامحج يابنت محمد ...
ام جابر : هههههههههههههههههه
جابر راح باس راس امه : يلا يمه تامريني بشي ؟؟
ام جابر: لا حبيبي لا يمه روح يبه الله يحفظك ...
جابر : يلا فمان الله ...
ام جابر : وين ماراح تتريق معانا ؟؟؟
جابر : لا يمه مستعيل ماقدر والله احين جسوم بيمرني وبنروح نتريق في مطعم وعقب بنروح السوق ...
ام جابر : خلاص حبيبي الله يحفظك وين قبل كنت تروح انت ومروم السوق ويا بعض وتشترون نفس الشي حتى انا قمت اشك اني يايبة بنت قلت يمكن الي يايبتها ولد وانا مادري ...
جابر بين على وجهه الحزن وتضايق لانه مروم حبيبته واخته في كل شي تقلده ويلبسون نفس الشي في العيد قمصانهم نفس الشي وسوه روحه انه عادي وما اهتم وابتسم ابتسامة بسيطة على اساس انه يضحك بس هو قلبه معتصر حزن اخته الي فقدها والسبة هو ...

اما في لندن
مرام وهي طالعة من غرفتها سمعت فري يتكلم في الفون
فري : هههههههههههههههههههههههههههههههههههههههههههههههههههاي لا لا يالخب... لا يالخب ... لا سمعي لا
مرام وهي تكلم نفسها : فري يكلم من ؟؟؟ يكلم غيري معقولة انا يكلم غيري ؟؟!! لا مستحيييل هو يحبني يموت فيني مستحييل يكلم غيري او يفكر بهاي الشي ...
خلته وراحت غرفتها وتمت تفكر ...

فري : يالخببللللللة ههههههههههههههههههههههههههههههههههههههاي
بشاير : ها لا جب انا مو خبلة انت الخبل حد يضحك جي سمالله عليك شفيك تحولت حمار ؟؟
فري : هههههههههههه جب خلاص مابي زعلت انا حمار مابي لا تراضيني مابي خلاص انا زعلان وخري عني مابي زعلان لا تكلميني
بشاير : من حاجاك ؟؟ من حاجاك احين اساسا محد كلمك ازعل شسوي لك ؟؟
فري : افا جذية بشورة يهون عليج زعلي افا ...
بشاير : لا فروي اتغشمر معاك حتاتي انته
فري : يالللببببببببببببببببببببببببببببببببببببببيييييييييييييييييييه اضيع من كيس اهلي لين سمعت هالكلام .......
بشاير وهي مستحية : ههههههه
فري : واي فديييت هالضحكة انا عسسسسسسسسسسسسسسسسسسسسسسسسسسسسسسل عسسسسسسسسسسسسسسسسسسسسسسسل
بشاير : ايه شفيك لحد يسمعك مينون ؟؟
فري : اخ كله منج بشووور ..
بشاير : هلا يبه هلا شفيك ؟؟
فري : ابي اقولج شي بس خايف
بشاير : قول بابا شنو ؟؟
فري : بشور انا احب
بشاير وهي مصدومة : تحب !!!!!!!!!!!!!!!!!!!!!!
فري : اي احب ليش مصدومة ؟؟
بشاير : وهي مكشرة ومبوزة وشفايفها نازلة من كثر ما هي خايب ضنها : لا ولاشي بس استغربت شوي
فري : ايييه اها زين ابي اقولها اني احبها بس مب عارف بشور والله جد احبها !!!
بشاير : ''simply'' اعترف لها ليش تعور راسك بلافكار ...
بشاير : فري اننت تثق فيني صح ؟؟
فري : اي شدراج ؟
بشاير : لانك قلت لي اعترفت لي الي بقلبك يعني تثق فيني لدرجة انك قلت لي اعمق اسرارك الي هي اسرار قلبك ..
فري : اييييه اخ يا بشوووووور والله خذت عقلي وقلبي وفكري ونومي وكل شي لا ليلي ليل ولا نهاري نهار والله ملكت القلب وعروقه واسكنت فيه بحزنه وسروره هي في عقلي بحزني وضيقتي وفرحي ووناستي ...
بشاير : او اخ فري صاير شاعر مانقدر ...
فري : هههههههههههههه اي شعبالج احنا هينين ههههههههههه


اما في بيت بو يوسف :-

يوسف في غرفته ما يبي يطلع وكل مايتذكر اليوم الي تزوجت فيه مرام فري قعد يصيح ويضرب نفسه
يوسف وهو يصيح : ليش يا مرام ليش ليش ؟؟ انتي وعدتيني انج ماتخليني انتي قلتي لي احبك يا يوسف انتي قلتي لي انج تموتين فيني الي يموت في شخص يروح حق واحد غيره ؟؟ ليش يا مرام ليش انا شنو سويت لج عشان تجازيني جي
انا حمار انا غبي انا غبي لاني حبيتج غبببببببببببببببببببببي ... وقعد يضرب نفسه ..
سارة راحت غرفة يوسف وقعدت اطق الباب وتناديه
سارة : يوسف يوسف افتح الباب ابيك شوي يوسف !!!!!!!!! يوسف افتح الباب يوسف
طق طق طق طق طق
سارة في نفسها : يا بعد عمري ياخوي والله كاسر خاطري مرام كله منج يا مرام كله منج لو انه اخوي ماحبج جان ما
صارت حالته جذي 
ام يوسف : ها سارونه صباح الخير شفيج يمه ؟؟
سارة : لا ماشي يمه ...
ونزلت من الدري لي تحت حق امها وكلمتها وهي تقصر على صوتها
سارة : يمه ماشي والله بس يوسف كاسر خاطري ما يسوى عليه والله هالمرام ما يابت لنا غير وجع القلب والكابة في هالبيت ومو بس في هالبيت حتى في بيت عمي بو جابر ...
ام يوسف : لا يا يمه لا تقولين جي هاي بنت خالتج و وبنت عمج عيب تتكلمين عنها جذي وبهاي الطريقة ..
سارة : شسوي يمه من القهر وين يوسف قبل و وين احين يوسف قبل ينزل ويتغشمر ويتريق ويانا ويضحك بس احين
 يا روحي ياخوي حاسة فيك والله حاسة فيك
ام يوسف : وين ابوج ؟؟
سارة : مادري يمه يمكن راح الشغل ..
ام يوسف : شغل !!! العادة مايروح الصبح شعنده ؟؟
سارة : مادري يمه مو هو ريلج اتصلي له وجوفيه وساليه بنفسج
سارة وهي تبي تحرق اعصاب امها : يمممه جوف ريلج اقولج من احين ... حطي عينج عليه
ام يوسف : ها شقصدج يالجعدة ؟؟؟؟
سارة وهي تضحك : ههه ها لا ماشي ماشي يمه هههههههههه
ام يوسف : ساروه تعالي اقولج شقصدج ؟؟؟
سارة يات ولمة امها من ورا وقعدت تهمس لها : قصدي يا امي العزيزة انه يمكن ريلج العزيز شايف له شوفه  وطايح له مغازل وحركات احين .... هههههههههههههههههههههههههههههههههههه
ام يوسف وهي اطق بنتها وسارة تضحك : اه يالحمارة اه يا جليلة الحيا الشرهة مب عليج على الي يعطيج ويه تعالي خليني العن قفدج احين سارووووووووه تعالي ..........
سارة : هههههههههه لا يمه اي لا يمه والله خلاص يمه خلاص ما اعيدها ههههههههه اي يمهه
ام يوسف : وصمه تصمج ذلفي عن ويهي يلا ذلفي ...
سارة : اه يمه كسرتي ضهري ...
ام يوسف : والعن والده والديج بعد عيب مايتكلمون عن ابوهم جي ...
سارة : خلاص يممه اسففة



^
^
^
^
^
^
^
تتوقعون انه مرام بتعرف انه فري يكلم غيرها ؟؟؟ ولا لاء وهل بيعرفون انا روان مب بنت مثل باقي البنات ؟؟
وفري من البنت الي كان يقصدها وقال حق بشاير عنها ؟؟؟ هل بيقول لها كل شي وشبيصير حق يوسف ؟؟
تابعوا الاجزاء الياية وبتعرفون ...

رد: قصة ولد الخال قصة روعة وحلوة مرام ويوسف قصة تهبلللللل اروع قصة سمعتها بحياتي

السلام عليكم

اتمنى تكملي القصة وتكملي الاجزاء الباقيه القصة صراحة جميله جدا منتظرين الجزاء الباقيه حمستيني"

تقبلي مروري

والسلام عليكم

رد: قصة ولد الخال قصة روعة وحلوة مرام ويوسف قصة تهبلللللل اروع قصة سمعتها بحياتي

السلام عليكم

اتمنى تكملي القصة وتكملي الاجزاء الباقيه القصة صراحة جميله جدا منتظرين الجزاء الباقيه حمستيني"

تقبلي مروري

والسلام عليكم