تويت
يسلمووو حبيبتي
وتكفين نزلي البارت الجديد بسررررررررعة
متى راح تنزلينه؟؟
وتكفين نزلي البارت الجديد بسررررررررعة
متى راح تنزلينه؟؟
-
-
وحشتووووووووني مرررررره >>>>>روقينا بس محد درى عنك
اللاه ع البارت وعلى الرومانصيه اللي نزلت ع العنوود فجاءه والله يجي منها موب سهله
تسدقين بديت احب فيصل احسه هذا فارس احلامي اللي اتمناه
صار محمد عندي مليغ ماره
>>احلفي عاد
اتوقع محمممممد ياخذ البندري بيشوفها بالصدفه وبتخش مزاجه وتنسيه العنود واللي خلفو عنووود
وسلطان احس بيسوي شي بنانسي الموهيم ان بيصير شي يمكن احد يقوله انها طالعه مع خوياها وبيكرها وبيفكر ب لؤلؤه وبيزوجون وبيتحسف ع الوقت اللي ضيعه معه بنت خالته
طلال ونواف| تقهرحركت طلال ماتوقعته ابد يسوي كوذا
بس من جاد ماينلام يشوف اخته تنهان ولا يسوي شي
بس نوفووووووووه واعليه مالها ذنب
الموهيييييييييييييم ان ماحد يموت في الروايه وذا بغيتي تموتين يعني ماوتي
الجد والجده
صناحه خشتيت جوووووووووووو معهم
والله يعطيك العافيه يالغلاه من جد بدعتي في الرووووووايه
قارئة عزيزة علي والله..شدعوة مانتبهت لغيابك عاد!!!بس تعرفين يادوب احط البارت ومايمدي اسال عن كل اللي يتابعوني...
والف الف شكر لك يالغلا..
تعليق
-
مرحبا يالغلا ..
كيفكم وش اخباركم..والله انكم بتوحشوني كلكم بعد البارت الاخير بس بتظلون في بالي علطول وماراح انسى تفاعلكم معي ابدا!!!
واتمنى اشوف اسمائكم في نزفي الجديد....
المهم شوفوا اخر بارت واعطوني رايكم توافقت الاحداث مع ماكنتوا تتوقعون ولالا؟؟
**********************************************************
سلطان/ماراح اقولها اللحين بكرة اذا صرنا لوحدنا نحتفل فيها ولا شرايك حياتي؟
نانسي/انت رايك كذا؟
سلطان/أي....
نانسي/طيب وين نروح؟
سلطان/بكيفك؟
نانسي/خلاص اسمع نلتقي عند..........................
كانت تسمعهم وهي نص شاردة ليش الدنيا كذا تاخذ من ناس علشان تعطي ناس؟؟؟؟؟؟اه ياطلال..ليتك كنت اعقل من اللي سويته كان مافي وحدة بالدنيا بتعيش نص سعادتي!!!!!!!!!!!!!!!!!!!!
في بيت ابو وحيد ليالي كانت بتطلع مع السايق لصديقتها وقبل لاتركب التفت للسيارة الي موجودة عند بيتهم...
ليالي/هاذي سيارة تركي شموقفها عند بيتنا؟؟؟؟؟هو ماقال لي انه جاي بيتنا!!!!
ليالي تكلم السايق/محي الدين لمنو هالسيارة؟
محي الدين/هذا بابا فيصل يجي مع صديقه ..
ليالي/فيصل؟؟؟لمنو جايين؟
كانه استغرب سؤالها بس مجبور يرد/لبابا اب وحيد...قاعد معه في المجلس...
ليالي دق قلبها تركي ماعطاها خبر انه ناوي يزور وليش جاي ؟؟؟؟
ليالي/خلاص انا ماراح اروح دخل السيارة...ونزلت ودخلت البيت وراحت عند مجلس الرجال كان تلقط لها كم كلمة......
***وداخل مجلس الرجال......
فيصل/طبعا انت عارف تركي ولد خالتي ياعمي؟
ابو وحيد/كيف ماعرفه اعرفه واعرف عمامه والنعم فيه.....الا ليش ابوك ماجا معك يافيصل؟
فيصل/هو مايدري ان احنا جاينك ..
ابو وحيد/اممم
تركي/عمي جايك بطلب وحبيت اخذ رايك واسمع شورك بعدين اجيب الاهل؟
ابو وحيد/خير ان شاءالله..
تركي/انا طالب القرب منك....ابي بنتك ليالي على سنة اله ورسوله؟
ابو وحيد/.............
فيصل/شفيك عمي؟
ابو وحيد/فيصل انت متاكد ان ابوك مايدري عن الموضوع؟
فيصل/.........
ابو وحيد/اذا كان مدبرها ويبي يحرجني قدام الرجاجيل فقوله انه ماعرف يافيصل؟
فيصل/شنو يعني؟
ابو وحيد/والله اني بغيت اخدمك ياتركي بس ماعندنا بنات للزواج يمكن انك مغلط في البيت!!!!!!!!!!!!!!1
حست ان الدنيا تلف حواليها وماهي شايفة شي قدامها ..حطت يدها على فمها تكتم شهقتها وهي مو مستوعبة رد ابوها.......تركي مابيكون زوجي؟؟؟؟؟؟؟؟لا يبى تكفى قول غير ها الحكي تكفى.....انا ماعيش بدونه واللي يخليك....
سمعت صوت تركي يقرب من الباب وكانههم بيطلعون.....
ماتدري كيف قدرت تمشي رجلها لين الباب وتدخل داخل البيت......
طلعوا كل اللي بالبيت وام فيصل قامت تحط راسها تنام ووصال ركبت لانها تعبانة من القعدة ...
نوف/قومي نسهر فوق
العنود/تصدقين اني نعسانة؟
نوف/والمعنى..
العنود/تهقين اذا رجعت البيت مع السايق بيتضايق فيصل؟؟
نوف/مايبلها كلام..
العنود/أي بس هو من جابني المغرب مافكر يدق علي وكانه نسى وجودي مرة وحدة؟؟
نوف/قومي انتظريه في داره ترى هو اكيد على وصول لانه مايتاخر اكثر من كذا؟
العنود/اقعد بغرفته؟؟
نوف/وشفيها بالله مو زوجك؟
العنود/أي بس انا اخاف من فيصل؟
نوف/للحين تخافين منه؟
العنود/أي..
نوف/انا لومنك مايجي الا انا نايمة بفراشه بعد!!!!
العنود/والله هذا اللي قاصر بعد؟
نوف/قومي سوي روحك ترتبيها تحشي باغراضه من هنا وهنا سوي اكشنات..
العنود/لا انا اخاف يانوف..
نوف/عنود انتي اللي لازم تتغيرين قبل لايتغير فيصل مايصير كل شي تخافين منه وكل شي مدري شلون؟؟
العنود/خلاص لاتقعدين تقلبيها مسخرة بقوم غرفته وامري لله بس بقوله نوفوا جابتني وقعدتني وانا مادري انها دارك؟؟
///////////////////////////////////////////
في السيارة كانوا طول الطريق ساكتين ومايتكلمون لين وصلوا لبيت بو فيصل..وقف تركي السيارة..
فيصل/تركي..
تركي ماتكلم بس رفع راسه لفيصل..
فيصل/شفيك انت طول الطريق ماتكلمت بشي؟
تركي/تبيني اقولك شي...طيب..انا احبها وماستغني عن وجودها بحياتي وابوها مايبي يعطيني اياها؟؟؟؟عجبتك السالفة يافيصل؟
فيصل/انت شفيك هو مورافضك انت بس يمكن مفكر ان ابوي ورى سالفة خطوبتكم ياتركي عشان كذا كبر راسه ورفض؟
تركي/في النهاية رفض!!!
فيصل/انا حبيت العنود وهي انكتبت لولد عمي ياتركي بس اصراري انها تكون لي جابها لعندي وصارت لي...اذا انت تبيها خلي رفضه لك هو منبع اصرارك عليها وتمسكك فيها......تصبح على خير....
//////////////////////////////////////////////////
دخلت غرفته ولاول مرة في حياتها تدخل غرفة احد بدون استاءذان حست باحساس غريب وكانها داخلة بيت اشباح......رغم فرش الغرفة اللي ينم عن ذوق غربي وكبر المكتبة اللي فيها والكتب اللي مافهمت لاي واحد فيهم بس حست انها مو متطمنة من دخلتها.....
لفت انتباهها مكتبه والاب توب اللي عليه الظاهر انه كان يشتغل عليه قبل لايطلع مع تركي!!!
راحت لعند المكتب وقعدت على الكرسي وفتحت الاب توب وكانت الشاشة توقف وظلت تناظرها تبي تستوعب الصور الموجودة فيها؟؟؟؟؟؟؟؟؟
هذي صورها يوم كانت صغيرة صورة لها بيوم العيد وصورة لها ببدلة الروضة وصورة بمريول المدرسة وصورة وهي قاعدة من النوم وصورة تضحك وصورة تبكي وصورة لها مع فيصل وهو ياكلها وفي الثانية كان يمرجحها والثالثة كان مقعدها بحضنه وهي تبكي رفعت راسها ونزلته تبي تستوعب الموضوع.....مستحيل يكونوا هالصور عند فيصل من زمان لان كل صورهم القديمة عند خالتها ام وحيد وخالتها ماعمرها ورتهم الصور ذولا يعني ان الصور كانوا عند فيصل من زمان!!!!!!!!كانت تبي تلف بوجها عن الاب توب في أي مكان وماهي عارفة وين لقت مفاتيح فيصل على الطاولة جنب كمبيوتره وجنبه محفظته ماتدري كيف مدت يدها للمحفظة وفتحتها..هي موقصدها تشوف اذا كان فيها فلوس ولا أي شي بس كانت تبي تشيل بالها من الصور الموجودة تفاجات ان حتى محفظته حاط لها صورة اول ماكانت متخرجة من الابتدائي وكاتب عليها (ملاكي اللي قاعد يكبر)
سكرت محفظته ورجعتها مكانها معقول فيصل.....يحبني؟؟؟؟من زمان؟؟؟؟؟
رجعت للاب توب من جديد وانتبهت ان على جنب الصور كان فيصل كاتب قصيدة حب وغزل في العنود تحكي معانته عن حبه لها من الصغر وعن براْتها وانها ماتدري كيف محيرته ومضيعة دربه بضحكتها ودلعها وكيف انه تغرب وماكان غيرها يعيش بفكره وخياله وانه مهما صار بالدنيا ماراح تسكن قلبه غير العنود شيخة البنات ....
هني تاْكدت انه ماصر عليها من فراغ ؟؟فيصل يحبها بس مو قادر يصرح بحبه لها!!!!!ليه يافيصل هو الحب من متى كان عيب ولاحرام علشان يدارونه؟؟؟؟
كانت عيونها تقرا وتطالع باهتمام ومانتبهت على الاب توب وهو يتسكر بقوة لدرجة انها لو مالحقت على ايدها في اخر لحظة كانت بتروح فيها ...رفعت راسها ولقت كل الشر بعيون فيصل اللي واقف قبالها!!!!!!!!!!!!!!!!!!!!!!!!!
فيصل بعصبية مالها اول ولاتالي/انتي كيف تسمحين لنفسك انك تفتحين اغراضي ها!!!!!!!!!
العنود بربكة/فيصل انا..
فيصل وبنفس العصبية/انتي اصلا من سمح لك تدخلين غرفتي ؟؟؟
العنود/فيصل...
فيصل/انطقي مابي اسمع منك حرف واحد!!!!
العنود/انا موقصدي اني اشوف اغراضك ولا افتح شي مايخصني بس ان...
فيصل/قلت لك مابي اسمع صوتك طلعي برة؟؟؟؟؟؟؟؟؟
تجمعت الدموع بعيونها وقامت وهي متحاملة عليه وطلعت من غرفته وقعد وكل قهر الدنيا فيه ؟؟؟؟؟
هذي كيف تجراْت وشافته!!!!!!!!!ليش عرفت اني احبها ليش!!!!!!!!!!!!!!!!!شبتسوي اللحين؟؟؟صار يمسح على باب الاب توب مكان ماحطت يدها الناعمة......ويتنهد بحرقة...هو يحبها ويعشق ترابها بس مايبيها تعرف بها الشي ليه مايدري؟؟؟؟؟يمكن يحس ان اعترافه بالحب بيضعفه او بيقلل من هيبيته وقدره؟؟؟ويمكن انها اذا عرفت بحبه لها تصير شي ثاني غير الصورة اللي هو راسمها بخياله.....مايدري ليه هو كان يفكر كذا ولا هو عارف ليه عاملها بذي الطريقة...هو كل همه انه يسعدها ويرضيها ويلاقيها مرتاحة وضحكتها عالية...بس في كل مرة يكون سبب تعاستها وزعلها بدون قصد منه؟؟؟؟؟؟؟؟
بعد عشر دقايق سمع دق على الباب اللي كان مفتوح اصلا ولقى نوف واقفة....
نوف/ممكن ادخل؟
فيصل سكت وماتكلم..
نوف دخلت وسكرت الباب وقعدت على الارض قبال فيصل......
وسكتوا مدة طويلة وبالموت تجرا فيصل.....
فيصل/.....نامت؟
نوف/راحت بيتهم...
فيصل بعصبية/ومع منو ان شاءالله؟؟
نوف بجدية/السايق وصلها..
فيصل غمض عيونه من القهر/كيف تطلع في ها الليل مع السايق !!!!
نوف/فيصل انت مزعل العنود؟
فيصل/........هي قالت كذا؟
نوف/لا ماقالت بس انا استنتجت من شكلها اللي كان مبين انها تبكي؟؟؟
فيصل وكانه مو هو اللي زعلها صار يسال عنها بحنان/تبكي!!!عنود كانت تبكي؟؟
نوف/فيصل انت..
فيصل/هي شقالت لك يوم جت لعندك؟
نوف/اه يافيصل...قالت انها تبيني اقعد السايق يوصلها لانك جاي تعبان وتبي ترتاح!!!بس اجابتها ماقنعتني وقلت اسالك لاني حسيت السالفة اكبر من كذا؟؟؟
فيصل/..........طيب كلميها شوفيها اوصلت البيت ولا لسه؟
نوف/فيصل لاتتهرب انت مزعلها؟
فيصل/حياتي ماحد له شغل فيها ....انا ومرتي واذا كان بينا ماكان ماحد بيدخل بينا؟
نوف/انت مو تحبها ليه تعاملها بذل وعصبية يافيصل؟؟؟
فيصل ولعت عيونه/من قال اني احيها ها!!!!
نوف/الحب عيب يافيصل ولا تقليل بكرامة الواحد وبرجولته!!!!!!
فيصل بعصبية/سالتك من قال لك اني احب العنود؟؟انا ماحبها؟؟
نوف/كذاب يافيصل؟
فيصل/طلعي برة!!!!!!!!!!!!
نوف/انا سمعتك باذني تكلم سعود اول ماكنت تبيها وقلت له انك تحبها وتعشقها وانك مستحيل تكمل حياتك بدونها!!!!انا مستغربة كيف تحبها وكيف جتك معجزة وقدرت تاخذها بعد ماتسمت لغيرك وتعاملها ها المعاملة يافيصل كيف؟؟؟؟؟؟؟؟؟؟؟؟؟؟؟
فيصل/........وهي تدري اني احبها؟
نوف/انت ليش ماتبي تقول لها؟
فيصل/انتي قلتي لها ها الشي؟؟
نوف/وباي صفة اقول لها يافيصل!!!!!المفروض تسمعها منك انت؟؟؟
فيصل/نوف انا مابيها تعرف طيب..
نوف/ليه تعاملها كذا ليه؟؟
فيصل/انتهى النقاش ...ومابي حتى غيرها يعرف.....
نوف كانت تطالع فيه وهي راسمة صورة طلال في بالها وقامت تبكي....
فيصل/ياحساسيتك يابنت؟؟اللحين انا والعنود انتي تبكين ليه بالله؟؟؟
نوف صارت تشاهق/انا خايفة عليك ياخوي لايضيع حبك مثل ماضاع حبي!!!!!
فيصل كان يناظرها وهو مستغرب اول مرة يشوف نوف تكسر الخاطر بالعادة دايما لسانها يسبقها وحيويتها ودلعها ..اليوم قاعدة على الارض وشعرها طايح باهمال وتبكي بحرارة انسان فاقد شي عزيز عليه!!!ياترى شسالفتك يانوف؟
قام من مكتبه وقعد على الارض قبالها ورفع راسها بيدينه..
فيصل بحنية تهبل/نوف..علامك يابنت؟
نوف كانت تبكي ودموعها مبهدلة وجهها كله....
فيصل/طلال...ضايقك بشي..قولي وانا اعلمك فيه..
نوف صارت تتكلم من بين شهقاتها/طلال...خلاص مافي طلال يافيصل مافي.....
فيصل/كيف يعني مافي طلال...؟
نوف/احنا ماراح ناخذ بعض.......حبنا راح يافيصل انتهى قبل لانعيشه وقبل لانقعد مع بعض ونصارح بعض.....ياخوي انا مابيك تخسرها في لحظة من اللحظات وتتحسف عليها بعدين..صارحها قول لها انك ماتعيش بدونها..قول لها شقد تكون مخنوق اذا كانت بعيدة عنك ..قولها انك تحتاج وجوها معك بكل تفاصيل حياتها..قول لها انك..انك تنتفس هواها حتى لوغلطت..قول لها انها حب حياتك وصباك وعشقك...قول لها انها حتى على غلطها بتظل في عينك الافضل والاجمل والاحب الى قلبك وانك بتنسى وبتسامح اذا قلبك قدر ..قول لها ان الغلط منها صار يبكي الليل مع النهار..قول لها ان دمع العين جف والقلب انطعن وماعدت اقوى على ها الحمل اكثر من كذا....كانت تتكلم وتبكي ..وتقصد طلال بكلامها وفيصل فهم الشي وماغاب عن عينه..بس ماحب يسالها شنو صار وهي في ها الحالة.....
نوف وهي بعدها تبكي ومايبان صوتها واضح من كثر الشهقات/انا حبيته ياخوي..وظليت طول عمري رافعة راسي عليه وصادته.....شفت من صدمة عمري يوم رخيت معه....مدري ليه وعلشان شنو ولا أي شي...كل اللي اعرفه انه للحين يبيني واني مو قادرة اسامحه لانه ذلني وموقادرة اتخيل اني ماخذه وانا اللي كنت احلم تعدي ها السنة من عمري ويجيني ياخذني لبيته واعيش انا معه تحت سقف واحد وفي غرفة وحدة واصير اميرته ويصير يدلعني.....فيصل الله يلعن ابو الحب ياخوي....
ضمها فيصل لصدره وهو متشوفق عليها...يمكن لان عارف مدى علاقة نوف بطلال وعارف شقد ها البنت عزيزة بس ليش طلال ذلها وتغير عليها...هي تقول كانت صادته طول الوقت ويوم رخت معه ؟؟؟؟ياترى يافيصل بتكون كذا مع العنود اذا جيت تصارحها بتقتلك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
/////////////////////////////////////////////
ماقدرت تنام ليلتها ابدا كانت تتقلب في فراشها طول الوقت وصورها اللي في جهازه ومحفظته راسخين في مخيلتها والقصيدة واشعار الحب,,,,ونظرات فيصل النارية,,,,كلها ملخبطة لها تفكيرها.....وكلام هند يوم دقت عليها وقالت لها (يالعنود هذا شكله ضايع فيك من زمان لاتضيعينه..انا صدق اكره بعض المواقف منه بس يوم انك عرفتي بحبه لك حاولي تميلينه لجهتك وتخلينه مايشوف غيرك وتحسسينه انتي بالحب علشان هو يعترف لك فيه..لاتنتظرين من فيصل المبادرة انتي بادري فيها بالاول)
كيف ابادر بس,,,فيصل ملخبطني معه طول الوقت..ساعة حنون وساعة رايق وساعة الله العالم شقد تكون قساوته!!!!!
طيب اذا هو يحبني ليه ماقال لي من اول ماخطبني علشان لارفضه واقسي عليه؟؟؟؟؟انا ساعات مافهم تصرفاتك يافيصل؟؟؟؟؟؟
///////////////////////////////////////////////////
في اليوم الثاني....
كانت ليالي سهرانة طول الليل وماجاها نوم من سالفة تركي وقفلت جوالها علشان لاتكلمه وتزيد عليها الحالة.....
نزلت من الدرج ولقت ابوها قاعد مع هند ووحيد ويتكلم معهم عن سالفة تركي...ووقفت تسمعهم قبل لاتنزل,,
وحيد/أي بس ليه رفضته يبى؟
ابو وحيد/انت كنت تبيني اوافق؟
هند/كان المفروض تسال ليالي عن رايها يمكن هي بتوافق؟
ابو وحيد/انا مو موافق كيف اقول لها تعالي فكري في واحد انا مو موافق عليه ياهند ومابيه!!!!!!!!
ليالي نزلوا دموعها مثل الشلال وحطت يدها على فمها تمنع شهقاتها وتسندت على الدرج وكتمت كلامها في قلبها(انا ابيه يبى ابيه...يبى انت بتاخذ روحي اذا فرقتني عن تركي!!!!)
/////////////////////////////////////////
في بيت ال معمر....
البندري/كيف كانت سهرة البارحة.
العنود/مملة نوعا ما؟
البندري بهمس لايسمعهم الوليد اللي كان يلعب بجواله/يعني مافي شي من هنا ولا من هنا؟؟؟
العنود/ياسخفك لا طبعا!!!!
البندري/شدعوة اول ليلتين ماقصر باظهار رومنسته وتفننه في انه يحضنك ليه عاد البارح مسوي نفسه ثقيل؟؟؟
العنود/اصلا كان طول الوقت مع تركي!!!
البندري/بدينا نغار ياعمري!!!!!كله تبينا قاعد بحضنك ومايقوم؟؟؟
العنود استحت/بندورة شها الكلام!!!!!عيب؟؟؟
البندري/وشو اللي عيب انتي بعد؟؟؟قولي له ها الكلام مو تقولينه لي...نظراته من تمشين لو تقومين حشى مو نظرات تقولين في حياته ماشاف بنت حلوة!!!!!!!!!!!
الوليد/رفعوا صوتكم ماسمع!!!!!!
العنود/سلامتك بس بندورة عندها سوالف بطالية...
الوليد/وين امي وجويزي؟
الوليد/رايحين بيت عمي..
البندري/ليه؟؟
الوليد/مدري الظاهر ساروا بنت عمكم تعبانة لو متكسرة والله مافهمت السالفة عدل..
البندري/وليد عفية قوم ودني لهم.....
الوليد/بس تعطيني فلوس البنزين؟؟
العنود/ياحسرة انت وين تروح علشان تصرف لك بنزين ؟؟يتراولي بس على مشاويرنا؟؟
البندري/دقايق ونازلة طيب...
الوليد/انا بالسيارة...
العنود/اوووف بظل بروحي...
الوليد/عندك دراكولا بكبره دقي عليه سولفي معه اليوم ماعنده دوام!!!
العنود بلوم/فيصل بزعل منك اذا عدتها!!!
الوليد بزعل/انا الوليد مو فيصل لو من اللحين اخذ التفكير كله بعد!!!!!!وطلع من البيت وهي قامت غرفتها......
//////////////////////////////////////////
في بيت ابو فيصل...
كان سلطان بيطلع..
نوف/سلطان...ممكن لحظة؟
سلطان/خير؟
نوف/ابي اقولك شي واتمنى ماتقاطعني وتسمعني لانك بتتاكد بنفسك؟
سلطان بضيق/شفيه بعد؟؟؟
نوف/نانسي تعرف غيرك يعني مو انت الوحيد بحياتها؟
سلطان/انتي ليه تكرهيتها؟
نوف/انا ماكرها انا ادور سعادتك انت!!!
سلطان/اه عرفت ليه علشان لؤلؤة مو؟؟
نوف/لو تبقى اخر رجال بالعالم ماعطيتك لؤلؤة لانك ماتستاهلها!!!!!بس انا بعطيك رقم واتاكد منه اذا تبي واذا ماتبي خله عندك بجهازك يمكن ينفعك في يوم من الايام ؟؟؟؟
//////////////////////////////////////////////
كان فيصل معزم انه يروح ويراضيها بعدها البارحة زعلانة؟؟بس ماراح يعترف بحبه بيخلي الامور تمشي عادي.........
كان وده ياخذ معه بوكيه ورد بس الساعة ثنتين وكل المحلات مسكرة...يالله ياخذها يغذيها برة ويغيرون جو....مافكر انه يتصل فيها قال امرها مرة وحدة في البيت...
وقف سيارته وكانت فيه سيارة ماهي غريبة عليه واقفة وكان فيه واحد واقف عند الباب مايدري اذا كان طالع لو داخل لو ينتظر احد؟؟؟؟؟
نزل من سيارته وتقدم عند الباب ومشى الشخص اللي كان واقف وصاروا قبال بعض..
فيصل بدهشة/محمد!!!!!!!!!
محمد/أي محمد.....ليه حلال عليك تدخل بيت عمتي وانا حرام علي؟؟؟؟؟؟
فيصل سفه ومارد عليه/
محمد/شلونها؟
فيصل بعصبية/اذا جبت طاريها مرة ثانية تشهد على عمرك اول؟؟
محمد/هذي الغالية يافيصل..ابيك تحطها في عيونك وتسكر عليها...لاتزعلها ولاتعاندها ولاتضيق خلقها بكلمة وحدة!!!!!!
فيصل انفتحت عيونه على الاخر وشال النظارة من على عيونه/انت شقاعد تقول؟؟؟؟؟تبيني اذبحك؟
محمد/اه يالعنود ياحب مانكتب له يعيش......هذي حبيبتي يافيصل فاهم شنو يعني حبيبتي...؟؟ياما ضحكنا وسولفنا وضميتها وضمتني وبستها وباستني ...اه...انت كيف تاخذ ملك غيرك يافيصل كيف....
جاه كف من فيصل فيه كل غضب الدنيا...
فيصل وكل شياطين العالم تتناقز قدامه/امش من هنا لاقسم بالله جنازتك بتنحمل من عند ها العتبة يامحمد!!!!
محمد كان حاط يده على خده من حرارة الكف اللي جاه/بظل احبها وبتظل تحبني انا بروحي وبتكرهك لو شسويت لها؟؟؟؟؟
ومشى.....وفيصل بركان ثاير مابيخمد الا اذا سنعها ذيك الكلبة بعد!!!
دخل البيت بدون لاحم ولادستور..
ملقى غير الخدامة واقفة,,,
فيصل/وين..
الخدامة/مافي احد في اليت كلو يطلع..
فيصل/وطلعت بعد بدون ماتعطيني خبر؟؟
الخدامة/لا..ماما عنود فوق في غرفتها..
فيصل سمع ان البيت مافي احد وانها بغرفتها ومحمد كان هنا خلاص..دوروه ماتلاقوه!!!!!!!!ركب اعصار لها غرفتها وفتح الباب بدون لاحم ولادستور....
وفزت من سريرها.....
كانت ماسكة صورة تطالع فيها ويوم شافت فيصل قدامها بشكله اللي يخوف خافت وضمت الصورة لصدرها..
فيصل بعصبية وصراخ/لا والله؟؟؟؟وضامة لي صورته لصدرك بعد!!!!!انتي ماتستحين على وجهك ابدا؟؟؟
العنود/فيصل انا ما دري عن
فيصل/اسكتي.........مابي اسمع حسك...
//////////////////////////////////////////////
في بيت العامري/طلال/كلمتيها؟
لؤلؤة/وليش ماكلمها صداقتي معها ماراح ياثر عليها اللي سويته؟
طلال/هي قالت لك؟
لؤلؤة/طلال تتصور لو ان سلطان كان سوى لي ها الحركة شبتكون ردة فعلك ياخوي؟
طلال/ادري اني غلطان يانوف بس وقسم انا احبها؟؟
لؤلؤة/.اه..شسوي لك ياطلال...هي تقول ماتبيك ولاتبي غيرك خلاص!!!
طلال/قولي لها طلال..يعتذر منك..
لؤلؤة/قلت لها..
طلال/شقالت؟؟
لؤلؤة/تقول الله يسامحه والله اني ماتوقعت انه يصدمني بها الحركة اللي سواها!!!
طلال/ورى ماقلتي لها انه ندمان!!!!
لؤلؤة/قلت لها ياخوي قلت؟
طلال/كلميها ابي اسمع صوتها؟
لؤلؤة/طلال؟؟
طلال/الله يخليك...
لؤلؤة حست ان ها الاسبوع اللي مر على طلال كان عذاب بالنسبة له ووكسر خاطرها صدق اخذت الجوال ودقت على نوف وحطته سبيكر...
نوف بمرح /هلا وغلا..
لؤلؤة/اوه ه ه النفسية عسل اليوم؟
نوف/ان شاءالله..قاعدة ارسم لشي يالؤلؤة اذا صار برتاح كثير..
لؤلؤة/عسى بس مو تفجير ولاشي؟
نوف/هههه شايفتني ارهابية؟؟؟؟وبعدين اول مابفجر بفجر في بيتكم لان اليوم الخميس وحضرة جنابه شرف من الشرقية البارح!!!!
طلال وقف قلبه(تبي تفجر في البيت علشان هو فيه!!!!)
لؤلؤة/نوف...طلال تعبان؟
نوف سوت روحها مو مبالية وماسالت شفيه!!!!
لؤلؤة/اه....من رجع امس وهو في غرفته وماطلع منها حتى مو قادر يوقف على رجله !!!!
نوف بخوف/شفيه!!!!!!
لؤلؤة حست انها بادرة طيبة/اه..المشكلة مافي غيري وغير خالد في البيت وخالد حاول معه يوديه المستشفى وهو معيي يقول مايبي يروح ,,يقول لانه عارف انه مجرد ارهاق من العمل وبس!!!!
نوف/ش ارهاقه؟؟؟
لؤلؤة/انتي تعرفين انه كان تعبان طول الاسبوع وماياكل ولاينام ...
نوف بدت تبكي/لؤلؤة لاتتركينه قومي لحي عليه خليه يروح المستشفى ..لايتهور ترى التعب اذا تراكم مايرحم!!!
لؤلؤة/قلت له تدرين شقال لي...تعبي مابيروح الا اذذا رضت عني وسامحتني؟؟
نوف/..............كانت تبكي وطلال صار يبكي معها.....
نوف/هو اللي ذلني يالؤلؤة ..هو اللي بدى بها الشي..وفي النهاية علشان يرد كرامتك من سلطان يعني انا مالي شغل بالسالفة نهائيا!!!!على بالك اني مافكر في السالفة يالؤلؤة انا حبيته لالالانا احبه وبعدني احبه..طلال حلم حياتي..بس هو اللي قام وهدم الحلم بيده....شسوي فيه اذا كان بايعني لتهوره!!!!!
لؤلؤة/نوف هدي توك كنتي رايقة لاتقلبينها بكي ونوح؟؟
نوف/قومي شوفيه..قولي له تقولك نوف بنت ابوها ....انها بعددها بعزة نفسها وانها طالعة لابوها اذا دخلت مكان كل الناس يوقفون لها وان حركتك البايخة ماثرت في كرامتها وانها نستها اصلا وعليك الباقي!!!!!!!
////////////////////////////////////////////////
العنود/فيصل خلني اشرح لك؟؟
فيصل /مابيك تشرحين لي شي؟؟؟
سحب الصور من حضنها وطالعها وقام يطالع بالعنود الي قامت تبكي بشكل هستيري.....
فيصل وقف مكانه وماعرف شيسوي...
كانت العنود حاضنة صورة ابوها الله يرحمه...
العنود بشهقاتها/انت مجنون اذا كنت تفكر في اني بعدني افكر في محمد!!!!!انت مو واثق حتى من نفسك يافيصل!!!انا كنت اقول لابوي اني مو زعلانةانه مات وتركني لان الله عوضني فيك يافيصل ..انت اللي بتكون لي ابو من جديد!!!كنت اقول لابوي ان فيصل بيحبني وبيحميني ومايحتاج تخاف علي!!!!بس طلع فيصل..طلع فيصل......
انهارت على سريرها وكملت بكيها.....
فيصل لهنا وماقدر اخذ بعضه وطلع من البيت بكبره!!!!!
//////////////////////////////////////////////////////
الليل وفي المكان اللي تواعدوا فيه نانسي سلطان....
سلطان/هلا وغلا...
نانسي/هلا فيك ياروحي...
سلطان/وحشتيني مووت؟
نانسي/مداك من البارح!!!
سلطان/انتي اصلا كل لحظة توحشيني؟؟؟
نانسي/وليه تخلين اوحشك!!!
سلطان/مو هني المفاجاْة؟؟
نانسي/شنو؟؟
سلطان/خلني اجيبلك اول شي تشربينه...
نانسي/بس مو تتاخر علي..
سلطان/برق وانا عندك....
مشى سلطان وبعدها نانسي حست بحركة من وراها لفت لقت محمد واقف وراها!!!
نانسي بصدمة/محمد!!!!!!!!!!
محمد بشماتة/هلا وغلا....مو على اساس اني دقيت عليك اليوم تطلعين معي قلتيلي مشغولة وبيجوني بنات!!!!
نانسي/محمد اله يخليك امشي من هنا انا جاية مع اخوي!!!
محمد/تمام خليني اتعرف على اخوك..
نانسي/محمد امشي من هنا الله يخليك بنتفاهم بعدين..
محمد/على شنو نتفاهم...
نانسي/امشي وانا بدق عليك بعدين انت بس امشي لايشوفك اخوي ويذبحني..
في ها اللحظة دق جوال محمد..
نانسي/روحي ولي دق هناك قبل لايجي اخوي!!!
محمد رفع راسه لها..
محمد/نانسي هذا جوالك ؟؟
نانسي انصدمت/شنو؟؟؟؟بس لاتكون وحدة من البنات كانت ماخذته وواللحين تدق على الارقام اللي فيه؟؟؟؟؟لاترد..امشي يالله
محمد رجع دق له رقم ثاني..
نانسي/لاترد,,
محمد/انتي علامك كل اللي بيدقون علي ماخذين لرقم من جوالك!!!ورفعها وهي اعصابها تلفانة خايفة يجي سلطان باي لحظة......
محمد/الو...الو...الو...ماترد..
سلطان من ورى نانسي/انا بس كنت ابي اتاكد ان الرقم نفسه!!!!!!!!!!
صوته من وراها جمدها وماقدرت تلف عليه من البداية لفت لقته ماسك جوالها بيد وفي اليد الثانية جوله اللي دق منه على محمد...
نانسي/انت فاهم..
سلطان مد لها الجوال/تفضلي جوالك؟؟
نانسي/سلطان.....
جاها كف من سلطان ماتوقعته..
سلطان/تف عليك ياحقيرة يانذلة ياسافلة!!!!!
نانسي/سلطان استنى افهم شسالفة اول انا ماعرفه ولالي علاقة؟؟؟
سلطان طنشها وكلم محمد/حلال عليك انا مو اخوها ولا خطيبها ولا لي علاقة فيها!!!انا كنت مخدوع من البداية؟؟؟؟
مشى بكبرياء عيال بو فيصل ولاول مرة في حياته بس بعد شنو بعد ماحس بالاهانة!!!!!!(طبعا نوف كانت متصلة على محمد علشان يقابل نانسي الليلة ويحرجها قدام سلطان يعني الحركة كلها كانت من تد بير نوف!!!)
/////////////////////////////////////////////
مر اسبوع على العنود وفيصل بدون مايصير بينهم حتى اتصال...فيصل كان تعبان نفسيا لانه ظلمها وكل مايتذكر ان الصورة كانت لابوها الله يرحمه وانها كانت تكلمه عن فيصل وانه بيكون الاب البديل يرجع يتعب اكثر من قبل!!!!بس شيسوي تهوره هو اللي وصله لها المواصيل ,,,,اما العنود كانت حالتها مو افضل من حالة فيصل لانها من الليلة اللي شافت صورها واعتراف نوف لها بان فيصل يحبها وقال انه بيحارب الدنيا علشانها وهي موو في دنيا ابدا!!!!تصرفات فيصل بتوصلها للجنون لانها مو معقولة تكون تصرفات عاشق...وتذكرت ليلة الملكة وكيف كان رقيق ورمونسي والليلة الثانية يوم جاها البيت وكيف انها ظلت طول الوقت بحضنه وووين ماتلف وجهها تنحرق بانفاسه الحارةةةةة!!!بس ليه يافيصل تعذبني اذا كنت تحبني ليه؟؟؟؟؟؟؟
*****نفس الاسبوع اللي مر على العنود مر على سلطان بزعل وتعب...اخر شي تصوره انها كانت تلعب عليه!!!!!!!ليه ولشنو مايدري؟؟؟كل اللي يعرفه انه تعلق فيها وانها كانت انذل من ان واحد مثله يعرفها وحتى لو كانت بنت خالته!!!!صادقة نوف يوم كانت تتكلم عنها بالشر هذي حيوانة وماتستاهل غير الموت والله؟؟؟زين يانوف...شكرا يالغالية لانك انقذتيني من استعاجلي بالارتباط فيها رسمي.......
*******وبعد مر ها الاسبوع ثقيل على طلال اللي كان كل يوم يتصل في نوف علشان يتسامح منها ويعتذر وفي بعض الاحيان يبكيّّ!!!
نوف كانت ترفعه اذا اتصل بس ماتتكلم معه كلمة وحدة حتى الو ماتقوله!!!!وكان هذا بكبره تعذيب نفسي لطلال؟؟؟كل يوم كان يسمعها قصيدة او اغنية اللي يطلع معه....وهي تظل تسمع وهي مبسوطة انه قاعد يتعذب علشانها على الاقل يذوق مرارة الموقف اللي حطها فيه!!!صحيح يحن قلبها وتفكر ترد عليه بس عهد عاهدته نفسها انها ماتتكلم معه ولاكلمة وحدة الا اذا شاءالقدر وصار زوجها في يوم من الايام!!!!!!!
////////////////////////////////////////////
في بيت ال معمر...
ام الوليد/عنود يمه؟
العنود/نعم يمه...
ام الوليد/روحي جهزي اغراضك..
البندري/ليه؟؟
ام الوليد/ياشين اللقافة وانتي شيخصك بالله؟
العنود/ليه يمه؟
ام الوليد/.............
البندري/يمه شصاير؟
ام الوليد/يمه قومي شوي ابي اتكلم مع العنود بروحنا
البندري/طيب,,,,وفي بالها انا في غرفتك يالعنود تعالي طيران وقولي لي!!!!
العنود/يمه شفيك شصاير؟
ام الوليد/يمه هذا فيصل دق علي يقول عنده مؤتمر في لبنان ويبيك تكونين معه؟
العنود/؟؟؟؟؟؟؟؟؟؟
ام الوليد/..................
العنود/يمه من صدقك انتي ؟؟؟احنا ماتزوجنا بس ملكنا كيف اروح معه لبنان!!!!!!
ام الوليد/يمه...كلها يومين وبعدين ماحد راح يعرف انتي مو رايحة شهر كلها يومين؟؟(كلام فيصل طبعا)
العنود/أي بس يمه...
ام الوليد/لا بس ولاشي...فيصل رجال عاقل وعارف العيب....ليه بعد ها الخوف؟
العنود/تبيني اسافر معه بروحنا واحنا مابعد تزوجنا وتقولين لي ليه ها الخوف؟؟
ام الوليد/يمه هذا فيصل ماهو بزر!!!
العنود/..........لايمه انا مورايحة استحيظام الوليد/قلت له انك ماراح ترضين قال لي انا بمرها الساعة سبع وتكون اغراضها جاهزة علشان الطائرة بتقلع تسع ونص!!!
العنود/شنو يعني الزامي!!!!!
ام الوليد/يايمه انا مالي شور عليه انتي عارفة فيصل عنيد واللي يبيه يسويه....قومي جهزي اغراضك..وبعدين لاتخافين انا موصيته عليك وقلت له يدير باله عليك.......
العنود/.............
ام الوليد/يايمه كلها يومين وانتي هنا شفيك.....
العنود/...................................
اخذها فيصل من البيت على الوقت تماما وتوجهوا للمطار وطول الطريق وهم ساكتين ماتكلموا مع بعض كلمة وحدة حتى بعد ماوصلوا لبنان ولين دخلوا الفندق وهم على ها الحال....
العنود اخذت لها حمام سريع واكلت لها سندويش على الطاير لانها ماكلت شيولبست بيجامتها الستانية البنفسجية وخلت شعرها يطيح على كتوفها مثل مايحبه فيصل......وقعدت بالفراش تنتظره وهي ميتة خوف لانه احتمال ينام جنبها بما ان الغرفة مشتركة!!!!!
فيصل بعد ماركب من فوق وخلص اجراءت الاقامة واستفسر عن كم شغلة ركب واخذ له حمام سريع بعد ولبس بيجامته الكحلية ودخل في الفراش بس كانت بينهم مسافة وظلوا ساكتين فترة....
العنود ماتبيه تكلمه بس ميتة في نفسها تقول اذا ظلت ماتكلمه يومين وظلت ساكتة عنه بتموت لانها مو متعودة تعيش كذا!!!!
مسكت جوالها وصارت تحوس فيه...
العنود/متى بيتقعد للمؤتمر؟
فيصل صارت عيونه عليها وريحة عطرها داخلة مزاجه!!!!!
فيصل برقة خوفت العنود/وليه تسالين؟
العنود/علشان اوقت لك المنبه...
فيصل تقرب منها وشال الجوال من يدها وتلامست اصابعهم ببعض وسرت فيهم نار مدفونة....رمى الجوال بعيد بعد ماقفله وصاروا قبال بعض مباشرة مايفصل بينهم الاصوت تنفسهم الحارررررررررر!!!!!!!
العنود/ليه رميته؟
فيصل/لاني مابي شي يزعجنا!!!!
العنود/وكيف بتقعد للمؤتمر!!!ماتخاف تتاخر؟؟
فيصل/ومن قال لك ان في مؤتمر من الاساس!!!!
فتحت عينها على وسعها وصارت تجنن وهي مدهوشة!!!
العنود/شنو يعني مافي مؤتمر!!!انت تكذب علي يافيصل؟؟؟؟؟
فيصل تقرب منها اكثر/أي مافي مؤتمر انا اكذب عليك......
العنود بصوت شبه باكي/وليه جايبني هنا!!!!!!
فيصل دفعة وحدة اخذها في حضنهوضمها بقوة وكانه خايف انها تبعد عنه....
صار يهمس لها باذنها/لاني احبك بجنون ياعنودي بجنون؟؟؟؟؟انا اعشقك انا هايم فيك ياعمري.....عنود لاتتركيني الله يخليك فيصل بدونك يضيع ويموت وينتهي!!!!!!!!!تقرب من وجها اكثر وكانه يشوفها لاول مرة وصار يناظرها بنظرات رغبة اندفنت في صدره من زمان.....******************************************************************************************************************************************************ابو فيصل/ياهلا وسهلا فيك ياخوي تو مانور البيت..
ابو خالد/البيت منور باهله ياخوي..
ابو فيصل/كم صار لك مادخلت بيتي يابو خالد؟
ابو خالد/خل عنك اللوم يابو فيصل واسمعني....
ابو فيصل/خير ان شاءالله...
ابو خالد/انا جاي اخذ امانتنا اللي عندكم؟
ابو فيصل/أي امانة؟؟
ابو خالد/جاي اخذ نوف لطلال.....
ابو فيصل/ومن قال ان انا بعطي نوف لطلال؟؟؟؟؟
نوف كانت واقفة برة المجلس تسمع هي والعنود ووصال وامها واول ماقال ابوها ها الكلمة لفت عليهم وهي مصدومة!!!!!!!!
ابو خالد/.............ابو فيصصل البنت لطلال من صغرهم؟؟؟وهذي وصية الوالد الله يرحمه ولانت ناسي؟
ابو فيصل/انا مانسيت بس انت ترضى تاخذها ببلاش ؟
ابو خالد/مافهمت عليك ياخوي....
ابو فيصل/انا ماعطيك نوف لطلال الا اذا عطيتني لؤلؤة لسلطان؟ها شقلت؟؟؟
//////////////////////////////////////////////
هند/السلام عليكم..
خالد/وعليكم السلام والرحمة....تفضلي استلمي عيالك المجانين وخليني ارتاح!!!
هند/اسم الله عليهم عيالي ماهم مجانين!!
خالد/انا ابي افهم انا ماخذ الاجازة حق نقعد مع بعضنا ولاعلشان اقابل عيالك؟؟
هند/وانا شسوي لك يوم انهم ماعطوني اجازة!!!!
خالد/لانك ماصريتي عليها؟؟؟
هند/طيب وانت ليه مضايق نفسك اللحين هذا انا رجعت اللحين؟
خالد/انا بدخل انام ابي اقعد المغرب الاقي عيالك مطرودين من البيت ابي اشوف جو رومنسي فاهمة علي ياهند؟؟؟جو ايام زمان قبل لايجون ؟؟
هند تقربت منه/ليه حنيت لايام الدلع!!!!
خالد مسك يدها/وفي احد مايحن لاها الايام ياعمري.....
هند/طيب روح نام ومابتقعد الا وانت ...تدري شلون بخليلها لك مفاجاْة!!!!!
***هند وخالد تزوجوا بعد ملكة فيصل والعنود باربعة شهور وعندهم سارة سنيتن ونص وعبد الرحمان سنة ونص قمة في الجنون والشقاوة!!!
وطبعا خالد انقطعت علاقته تقريبا بمحمد لانه كان زعلان عليه من البداية انه طلع من البيبت وماعطاه خبر ويوم نقل شغله بعد ماعطاه خبر ..وانحصرت علاقته بسعود وسلطان وطلال وفيصل اللي تقربوا من بعضهم علشان حريمهم وطلعاتهم مع بعض,,,
***لؤلؤة/سلطان تكفى خلنا نسافر معهم ماليزيا تكفى؟؟
سلطان/حبيبي شفيك انت احنا بنسافر شهر عسل يعني المفروض مانشوف احد نعرفه ونعتل فيه..
لؤلؤة/حرام عليك..
سلطان/بعدين احنا معاريس وهم معاريس ان شاءالله مفكرين تتزاورون وتطلعون مع بعض انتي ونوف!!!
لؤلؤة/لاياباب انا ابي شهر عسل تظلين فيه جنبي علطول مايفرقنا عن بعض شي شهر كامل!!!!
لؤلؤة/بس شهر ماتبي يفرقنا شي؟؟
سلطان/لاحبيبي ابي العمر كله معك ومايفرقني عنك شي؟
*****وفي جهة ثانية كانوا اثنين بعد مخطوبين اعتقد انكم عرفتوهم...
طلال/حبيبي انا ابي افهم ليه كل ها الكتالوجات اللي قدامك؟
نوف/ماتشوفني قاعدة اختار باقي اغراض العرس؟
طلال/لؤلة خلصت كل شي حتى شهر العسل حجزوه واحنا للحين في العرس؟
نوف/طلال وبعدين انا ابي اسوي كل شي برواق...
طلال/على امرك يام عبد الرحمان وهذي سكتة...
نوف/شنو شنو؟؟يعني شنو يام عبد الرحمان؟
طلال/شفيه بعد!!!
نوف/من قال لك اني بسمي ولدي عبد الرحمان؟؟؟؟
طلال/مايبلها كلام بسميه على اسم ابوي....
نوف/حبيبي...انا ماراح اسمي غير ضاري!!!
طلال/وع...وش ها الاسم ذا بعد..ضاري عاد لامو حلو مابيه؟
نوف/مو بكيفك انا ابيه؟
طلال/وانا مابيه...
نوف سكرت المجلة اللي كانت تتفرج فيها/متاكد ماتبيه.؟
طلال مسوي انه واثق من حاله/أي طبعا ..وشو ذا ضاري مابيه؟
نوف/وانا اقول ماعندي غير ولد بسميه ضاري تبي اهلا وسهلا ماتبي بكيفك!!!
طلال ناظرها بحب ولمها لصدره/لابي..ضاري ضاري..وش اسوي يعني ..امري لله؟
نوف/حبيبي يوم انك ماراح ترفض ليه ها العناد كله ها؟؟
*******العنود/فيصل خلني اقوم..
فيصل حاضنها بقوة /مستحيل..
العنود/حرام عليك ماتسمع صوتها تبكي؟
فيصل/خليها تبكي اصلا بنتك مزعجة وطول يومها تبكي وش الجديد بالله!!!!
العنود/حبيبي مايصير هاذي ورد فيصل...بنت فيصل تبكي ..كيف تجي ذي بالله!!!!
فيصل/وانا شلي مدوخني غير انها وردي وحياتي..
العنود/ها..تراني اغار..انت قلت ماراح تحبها اكثر مني؟
فيصل/وانا شسوي فيها اذا كل ماجا لها تصير تشبهك اكثر واكثر...مقدر اخون مشاعري لك غير معها!!
العنود/طيب حبيبي بروح اشوفها وبجي..
فيصل/لا خليك انتي هنا انا بنزلها عند امي وبجيك طيران مو تتحركين!!!
العنود بترجي/لا فيصل حرام عليك فشلة مو كليلة تنزلها عند خالتي!!!!!ةلاحياة لمن تنادي يالعنود لان فيصل قال طيران يعني مايسمعك!!!!
هذي حياة العنود وفيصل كانت رومنسية للغاية والله تممها عليهم ببنت مثل القمر جت بعد معاناة طويلة للعنود في الحمل والتعب والمرض وسموها ورد...وكانوا هي وبنتها اغلى هدية تلقاها فيصل في حياته وحلف طول ماهو عايش يكرس حياته بس لسعادتهم ورضاهم!!!!
*****محمد انتقل هو وعائلته لجدة وصارت الاخبار تجيهم من عند وصال اللي كانت تزورهم كل شهرين او ثلاثة.....
ظل فترة طويلة يحلم بان العنود ترجع ويكمل معها باقي حياته وخصوصا انه ماكون أي علاقة صادقة بعد ماتركه خالد رفيق حياته ودربه....وبعد اجبار من اهله وامه وابوه تزوج...وحدة من جدة..وماطول معها كثير وطلقها ورجع تزوج اللحين مرتين!!!!ومايدري هل بيقدرون ينسونه العنود ولالا؟
*******اتوقع انكم تتسالاون عن ليالي وتركي وهل تم بينهم ارتباط بعد رفض ابو وحيد الاولي ولالا؟
ابوها ظل على رايه ورفض تركي..وبعد فترة زوجها لواحد من عيال التجار اللي يعرفهم..وليالي كانت تعبانة معه وماقدر تكمل حياتها تطلقت منه وسط اعتراضات الكل بس سعادتها كانت عند ابوها اهم من أي شي المشكلة انها موقادرة تصارح ابوها وتقوله انا احب تركي وابيه!!!
تركي بعد ماظل سنة رايح جاي على بيت ابو وحيد امه زوجته وحدة من بنات عيلتهم..وماعاش معها تركي غير بالاسم بس..كان ارتباطه مع ليالي يفوق كل وصف حتى وهي متزوجة كانت بينهم اتصالات ويلتقون مع بعض وظل كذا مو قادر يعيش مع مرته وليالي موجودة في حياته لين تدخل فيصل في المشكلة من جديد وقدر يقنع ابو وحيد....
ووافق بس بشرط انه يطلق زوجته وياخذها وكانه نسى ان بنته مظلقة!!!!
وبالفعل بعد عذاب اربع سنوات قدروا يلتقون بالحلال ويتزوجونوماكان في اسعد منهم بعد ها الارتباط ..حتى فيصل ماوصل لمستوى سعادتهم....
****سعود ووصال الله عطاهم عبد العزيز وعبد الله ونور...وكانت حياتهم هادئة والعلاقات بدت ترجع طبيعية مع ابو فيصل بعد ها العيال اللي شرفوا بيته وصاروا جزء منه ومايقدر يفتح عينه يوم ومايشوفهم يلعبون حواليه...
///////////////////////////
اخر همسة.....
هي شخصيات ربما تكون خيالية وربما تكون واقعية...لانعرف منها غير اسمائها وبعض من صفاتها واشكالها لكننا عشنا معها فترة طويلة نعاني اذا عانت ونحزن اذا حزنت ونبكي حين تبكي ونفرح لسعادتها وفرحها.....
نبض قلمي..ازداد عطاء ونبضا ونزفا حين اصبحتم جزء منه تقراون وتستمتعون وتعلقون وتنتقدون...
فلكم مني ايها الاحبة كل الشكر والعرفان لحسن متابعتكم لي اينما كنتم ومتى ماقراْتم ..
وسيكون لي عظيم الفخر والشرف ان تتابعوا معي نزف قلمي الجديد(متلثمة بشماغك حبيبي) ولكن ساترككم قليلا لتاخذوا جزء من الراحة وساطل عليكم في موعد جديد......
ملح الحياة,تعليق
-
تسلمي قلبي على هالرواية الحلوة بصراحة تجننننننن
وان شاء الله الرواية الجديدة تكوون احلى
تحياتي:
زبر الحديدتعليق
-
لا
حرام .... ليش نهاية محمد تكون جذي ؟
وأنا اللي أنتظر يمكن ترأفين بحاله وتزوجينه وحده تنسيه العنود وطوايفها ....
حرام اللي صار في محمد ..... وينه انا ازوجه احسن البنات ... ( لا صج جنيت )
فيصلوه الكريه غبي ما يتأدب زين حس على دمه وصارح العنود بحبها
سلمت أناملك ... بس زعلانةتعليق
-
واو انت مبدعه حقاً...
لرواية بغايه من الشفافه والرقه والرومنسيه...
انت انسانه مبدعه بكل ماتعنيه الكلمه واتمنى انا ارء المزيد من رواياتك
وثقي اني سوف اكون من المتابعين لكِ...
لانكي تستحقي ذلك وهذا فخر لي اني قرات روايتك
دمتي مبدعه دائماً...
كل الود لقلبك الطاهر...تعليق
-
واو
قصه خووقاقيه
ونهايه عذاب
وه وه ع فيصل هالا نسان خقه بشكل اووب طبيعي
ومحمد الحقير
جاي ييقووول حق فيصل عن زوجته كذا جد انووو حيووان ولو هوو يحبها ماجا يقوول كذا اصلن هوو كذاب مايحبها ولا يعرف وش الحب
<<--تحمست البنت
ويستاهل انووو فيصل اضربه <<--كفوو عليه
وطلال كوويس انوو تعذب عشان يحس بغلطت اللي سووواه الثور
<<--ماحد بيسلم منها
وتركي وليالي ..حرام تعذبووو كثير ليه ابوها يسووي كذا
بس الحمدلله في النهايه اجتمعووا .... بس بعد ايش
وسلطان ..زين مابغنى يعرف انوو الخايسه نانسيووه تكذب عليه ...
سعود وصال .. خخخخخخخخخخخخخخخخخخ
ان تتابعوا معي نزف قلمي الجديد(متلثمة بشماغك حبيبي)
ان شاء اله اني راح اتابعها ..
بس متى راح تبدييين في تنزيلها ..؟تعليق
-
واو
روايه روعه مشكوره عليها
تعليق
-
ابداع ابداع ابداع
نهاية غاية فى الروعة
صح فى اشياء كنت اتوقعها حصلت بس فى اياء بنوب بنوب ماكنت اتوقعها
بس
برضو
تسلمين لنا واكيد بنكون معك فى كل قصصك وابداعاتك
وخلى بالك على صحتك وحتى لو ما كتبتى طمنينا عليك
والى اللقاء
ان شاء اللهتعليق
-
يسلممممممو قلبووووو جنان الروايه
فيصل&العنود خوقاق ورمنسيتهم تعذب
طلال&نوف وه بس تعجبني نوف
زين ظبطته خخخخخ
محمد ماطلعت نظرتي له غلط انا من البدايه اشوفه سخيف وبقووووه وطلع فعلا سخيف وماله شخصيه
تركي &ليالي قصه كفاح خخخخ بس الحمدالله انهم اجتمعوا في النهايه
سلطان &لؤلؤه من جد اصبرت ونالت
ننتظرك قلبو في روايتك في الجديده بكل حماس وان شاءالله تكون قريب
:
تعليق
تعليق