البنت السنعه تدخل هنا

**ŦąЯąf** · 03-09-2008, 09:39 PM

مساكم ورد ياحلوين

سويت اليوم (مثلثات التوست بالدجاج ) لذيذه وسهلة في نفس الوقت

القادير :

1 صحن صدور دجاج (500 جم)...

فلفل رومي ملون (اخضر + أصفر + أحمر ) يقطع مكعبات صغيرة <<< اذا مافي ملون يمشي الحال باخضر بس ...

1 جزر مبشور ...

2 بصل أخضر يفرم .... اذا لم يتوفر ممكن تستعملين البصل الابيض العادي...

2 كيس توست ..

جبن سايل (كرفت او بوك) ....

الطريقة :

1- يسلق الدجاج في ماء + ملح حتى ينضج .. ثم يصفى ويفرم فرم ناعم بالسكين...

2- يحمس البصل الأخضر في قليل من الزيت ثم يضاف له الدجاج ويحرك ثم يتبل بالملح والفلفل الأسود...

3- يضاف الجزر والفلفل الرومي ويقلب لدقيقه واحده ثم يرفع عن النار ..

4- ندهن شريحة التوست بقليل من الجبن السائل ويوضع مقدار من حشوة الدجاج ثم تغطى بشريحة توست اخرى مدهونه بالجبن ...

5- نكبس التوست في (الشوايه)... اذا ماكانت متوفره ممكن ترصينها في صينيه وتدهنين سطحها بالبيض وتحطينها بالفرن ...

6- بعد ما تتحمص تتركينها تبرد وتقسمينها مثلثات ...

هنا وعافية

**نزف خاطرة** · 03-09-2008, 11:32 PM

سلام ماطر بالمحبة ..

عساكم عالقوة حبوبات ..

ماشاء الله الاكلات حلوة ياعيني ..

جبت لكم طبختي ..

بيتزا لحم وخضار ..

المواد كما بالصورة .. كلها مفرومة ..

عجينة البيتزا ..

8 كوب طحين
ملعقة اكل خميرة جافة
كوب زيت
وشوية ملح

تعجن بالماء ثم تترك لتختمر .. نبدا عمل بيها ..

نبدا بوضع المواد بالتدريج ..

الطماطم المفرومة المخلوطة بمعجون الطماطم وملح وبهارات وفلفل اسود ..

ثم البصل وبعده البقدونس وبعده اللحم ومن بعده الفلفل والزيتون ...

ونحطها بالفرن وتطلع بالطريقة هذه ..

وبالعافية يارب ..

**asom** · 03-09-2008, 11:51 PM

المووووووووووضوع روعه يسلمو وانا جاهزه بس خلوني أضبط الطبق لكم أول
تحياتي

**نغم الماضي** · 04-09-2008, 03:55 AM

السلام عليكم ورحمة الله وبركاته

الطبق اللي صلحته هو صينية البطاطس بالدجاج ان شاءالله ينال اعجابكم

طبعا نجي مع المقادير كما هي موضحه بالصوره :

بصل كبير او وسط
1 طماطم كبير او 2 صغار
1 فلفل بارد
بهارات حسب الرغبه
ملح
القليل من الزيت
صدور دجاج بدون عظم
4 الى 6 حبات بطاطس

وطبعا في مقادير للوجه ساذكرها بعد ماننتهي من الطبقه الرئيسيه

الطريقه :
الان نقوم بتقطيع البصل والطماطم والفلفل الى مربعات صغيره
وايضا نقطع الدجاج الى مربعات صغيره ونبهره ونضعه على جنب
نضع البصل على النار ونبدا بتقليبه الى ان يصبح ذهبي اللون
ثم نضع فوقه الطماطم والفلفل ونقلبهم مع بعض
وطبعا بالنسبه للملح هنا الصراحه انا ماحطيته حطيت بداله نص ماجي كفايه ولان الدجاج كما وضحت بهرته سابقا فيكفي كذا
بعد مايستوي الطماطم نضع الان الدجاج ونقلبهم ونغطيه بغطاء
ومن فتره لفتره نقلبه ونغطيه بالغطاء
طيب على بال مايستوي الدجاج قد يتراوح من فترة نص ساعه الى ساعه الا ربع
نقوم بتجهيز البطاطس
طبعا البطاطس عدة انواع
فيه اللي يجي جاهز ومقطع
انا هنا جبت البطاطس العادي قمت وقطعته الى مربعات صغيره وعلى فكره انا دايما ماتقيد بالكتب
لان الطريقه الاصليه انه البطاطس يكون مقطع الى شرائح
انا فضلت هنا تقطيعه الى مربعات صغيره
الان نروح نشوف الدجاج اذا كان استوى نجيب صينيه كبيره او وسط انا هنا جبت الكبيره
ونضع البطاطس ثم الدجاج ونخلطهم مع بعض في الصينيه

*طبعا بالنسبه اللي يفضل البطاطس مقطع الى شرائح نرص البطاطس بالاسفل والدجاج من فوقه
لكن اذا قطع الى مربعات صغيره افضل شيء خلطهم مع بعض كما هو موضح بالصوره
حبيت احط الصوره عشان تكون واضحه

الان نجي على خلطة الوجه
وهي :

علبه قشطه
و2 ملعقه مايونيز
و6 حبات جبن كيري

ونخلطهم بالخلاط
ثم نضعها على الطبقه السابقه
ثم ندخلها بالفرن على نار هادئه ونتركها من فترة 5 الى 10 دقائق من اعلى فقط لتحمر قليلا قد تزود الفتره قليلا
وتصبح معنا هكذا بعد اخراجها

وبالعافيه على قلبكم يارب ,,

**lazo0oza** · 04-09-2008, 07:24 AM

السلام عليكم ورحمة الله وبركاته

الطبق اللي عملتوو هوا

وجبة خفيفة وسريعة

وجبة سريعة وخفيفة في رمضان

تشكن توست

كيس توست منزوعة الأطراف
جبنة سائلة (كرافت) أو مايونيز
بصل مقطع
دجاج مسلوق أو صدور دجاج => حسب الرغبه
فلفل بارد
الوجة :
1قشطة ......وحبة بيضة

الطريقة ،،،،،،

يحمص البصل والفلفل والدجاج المقطع قطع صغيرة ويوضع علية الملح والبهار ويفضل ( الكمون والفلفل الأسود)

تأخذين صينية لها خاصية الفتح من الجوانب( على شكل دائري) ترص اول طبقة من التوست بدون ترك فراغات وتدهن بالجبن السائل أو مايونيز ويوضع قليل من خلطة الدجاج

وبعدها طبقة توست وتدهن كالطبقة السابقة وهكذا ..... حتى تمتلى الصينية ثم تخلط القشطة والبيضة وتوضع على الوجة وتدخل الفرن ......المده (( حتى تحمر من الأعلى))

وبالصحه والهنا

***مزون شمر*** · 04-09-2008, 10:42 PM

مراحب
كيفكم يالسنعات
جبت لكم طبق اسمه ( جيوب التاجر) سويتها وان شاءالله يعجبكم

المهم ندخل على المقادير :

2 كوب طحين ابيض + 1 كوب طحين اسمر
3 ملاعق حليب بودره + ملعقة خميرة
شويت ملح + كاسه سكر
ماء للعجن + كاسه زيت

الطريقه :
نخلط المقادير مع بعضها و نضيف الماء و نعجن جيدا
حتى تتماسك و نضيف قليل من الزيت و نعجن
تترك العجينه ترتاح ساعه
تفرد و تقطع على شكل دوائر نقليها في زيت
بعد الانتها من القلي تفتح من الجنب
وتحشى حسب الرغبه
الحشوات :
1 -حلقات خيار + حلقات فلفلا خضراء + حلقات طماطم
+ جبت تشدر مبشور ..

2 - حلقات بيض مسلوق + حلقات خيار + جبن تشدر ..

3 - دجاج مسلوق ومتبل مع بصل و بهار + جبن سائح

وهذي الصوره واتمنى تعجبكم

صحتين

**غريبة في ديرة أوطاني** · 04-09-2008, 11:13 PM

بحاول صعوبة إن شاء الله إذا طلع شكل الطبق حلووو

**asom** · 05-09-2008, 02:09 AM

أنا صلحت مكرونة لازانيه بس
للأسف الفشل مستمر الطبخه أحترقت بالفرن
وأمي حلفت علي ما أدخل المطبخ ههههههههه
قالت اني ما أنفع بالطبخ
المشكله نيت الصينيه بالفرن ورحت اخذ شور ويوم طلعت شميت ريحه
ومارحت المطبخ وجلست مع خواتي وبعدين تذكرت أنه في لي صينيه وطلعت فحمه بكل جداره هههههههههه
تحياتي لك

**صعبة المنال** · 05-09-2008, 02:22 AM

يسعد مساكم و صباحكم

انا سويت صينية البسكويت بالنسكافيه

المقادير ,,

بسكوت شاهي
قشطه
دريم ويب
فنجان حليب
نسكافيه
شوية سكر >> تموت على السكر

الطريقه ,,,
نحط بالخلاط القشطه والدريم ويب والسكر والحليب
ونخلطهم .

نجيب الصينيه ونرص فيها البسكوت بعد ما نغمسه بالنسكافيه
ماء + نسكافيه شوي مو كثير يعطي طعم ومايصير مر
بعدين نحط شوي من الخله اللي بالخلاط
ثم نرص طبقه ثانيه من البسكويت
ونضيف ربع ملعقه صغيره نساكفيه له تغيير للون
ونضيفه وبكذا يكون خلصنا .

هذا شكله النهائي وكنت فايقه ورايقه جالسه اشخبط على الوجه في الصباح

وقت التصوير المغرب ازعاج

وهذا قطعه منه ,,,

ويارب يعجبكم

وتسلم الايادي جميعاً
مبسووووووطه منكم كثير .

**ذبحهم غلاي** · 05-09-2008, 03:10 AM

صباح الورد حبوبات

ماشاء الله عليكم اموووت بالبنات السنعات..

انا سوويت لكم ((اشكال من المعجنات بعجينه وحده ))..

وتعالو تحت للمقادير والطريقه..

7
7
7
7
7

نبدأ بالمقادير:-

4 كوب طحين + 1 ملعقه كبيره خميره فوريه سريعه + نص كوب سكر + رشه ملح

+ نص كوب زيت + نص كوب سكر + 1 كوب ماء دافيء

2 بيضه مخفوقه

والحين نبدأ نشتغل بخلط المقادير :

1- نخلط اولا المقادير الجافه

2- اضيفي الزيت

3- اخلطي الزيت مع المقادير الجافه وافركيها باطراف الاصابع

4- اخفقي البيض ثم اضيفيه الى ما سبق

5- اخلطي البيض مع ما سبق باطراف اصابعك جيدا

6- اضيفي الماء الدافيء ( مائل للسخونه قليلا ) واخلطي بيدك

7- اعجني باليد حتى تتماسك العجينه

8- اعجنيها جيدا مده 10 دقائق على الاقل حتى تصبح لك هشه

9- ادهني العجينه بالزيت وبعدين غطيها بالنايلون

10- غطي الوعاء جيدا وحطيه في مكان دافئ او فرن حار ( بعد ما تطفينه طبعا )

واذا تبغين العجينه لثاني يوم حطيها بالثلاجه ( العجيب انها تختمر بالثلاجه البارده بس

تحتاج طول الليل )

11- واخيرا العجينه مختمره وجاهزه

12-استعمليها لكل انواع المعجنات مثل :

الفطائر - البيتزا - الكروسان - خليه النحل - سينابون رول

ان شاء الله تنال على اعجابكم..

ووودي..

البنت السنعه تدخل هنا

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget