تويت
الفصل السابع عشر
مضحك تعاملنا في بعض الاحيان مع الصدمات....بدل ما نصرخ..نصيح..نطالب بحقوقنا.. نستسلم بكل بساطه... نستسلم لكل شي يطلب منا...وكأننا مخدرين ومقيدين...
وهذا اللي صار معي بالضبط..ما اعترضت ولا فتحت فمي..لاصحت ولا بكيت..ولا حتى دمعت...ما اهتميت للي قاعدين يسوونه ويخططون له من حولي...
خليتهم يسوون اللي يبونه..حتى اني ما اهتميت اعرف مين راح اتزوج..اساسا لا يضر الشاه سلخها بعد ذبحها... وهذا انا.. مجرد شاه مذبوحه... ماعاد يأثر فيها شي..
كنا جالسين كلنا بالصالات اللي تحت....انا وميران وروعه وبدرية...وريما وسماح المريضة.. اللي بدت تتحسن شوي وكانت متمددة على الكنبة وحاطه راسها على فخذي...
عمي طلب منا نجتمع هناك...لأنه بيسووي لنا مفاجأة وخذا محمد معاه... انا كنت متأكده انه راح يجيب عمتي نورا من المطار...وحسيت ان موضوع خلافهم له علاقة قوية فيني.. وبالاخص بموضوع زواجي...على العموم...فكرت بسخرية..ليش استعجل على رزقي.. كل الاوراق راح تنكشف بيوم...والغموض اللي يلفني من فوقي لتحتي...راح ينتهي...
انفتح باب الفله الرئيسي... وطلت عمتي نورا علينا...وكانت شايله باقة ورد كبيرة حيل.. وكانت ابتسامتها شاقة وجهها....
وقفنا لها كلنا....ورحنا سلمنا عليها...وبدرية ضمتها بقوة وقامت تصيح....وكمان ريما..
انا سلمت عليها عادي...لا بحرارة ولا ببرود...اساسا دوم علاقتي مع عمتي نورا... يشوبها البرود اكثر من الدفء...يله..ما اقدر اجبر احد على حبي...
طلعت لغرفتي بعد الجلسه المعتبرة بالصاله مع عمتي نورا...اللي باركت لي بحرارة غريبة.. وكان شكلها مبسوطة بموضوع الزواج...اما عمي لاحظت انه يتهرب من نظراتي... ولا يطالع فيني بالمرة...يمكن يحس بالذنب...صراحه شي مضحك... ضربني وبكى...سبقني واشتكى.. هالحين اهو اللي بيزوجني غصبا علي...ومع هذا مسوي فيها زعلان..صدق دنيا عجيبه...عجزنا نفهمها...مثل اللغز اللي عجزت تفكه او تفهم رموزه..
اخذت لي شاور سريع....وطلعت من غرفتي انشف شعري قدام التسريحة...سمعت طق على الباب...فرفعت صوتي عشان يعلى على السشوار: ادخل..."
وكملت شغلي بشعري اللي كنت احاول ادور له طريقة مرتبة..بدل ماشكلي يجيب المرض...
دخلت عفاري لغرفتي...كان شكلها تعبان حيل... بشرتها معدومة..عيونها غايره... ضعفانه...
قفلت السشوار...وتميت اطالع فيها للحظات...
قالت بصوت متقطع: مب روك"
رديت عليها وانا ابتسم بسخرية" الله يبارك فيك..."
وكملت ببرود" جايه تشمتين فيني؟؟؟....ولا...اخيرا رضيت علينا؟؟؟..."
فتحت عفاري فمها مصدومة من اسلوبي...وتمت ساكته لحظات...وبعدين تكلمت...
عفاري وصوتها منبح من كثر الصياح: اسفه... انا صح..غلطت عليج...بس غصبا عليي.. صدمتي بموت جاسر...و...صدمتي باشياء كثيرة تصير بهالبيت...هزتني..."
قلت لها وانا احاول اكتم صوت الدموع اللي تجمعت: الله يرحمه...ماعاد بأيدك شي.. غير تدعين له بالمغفرة...وان ربي يخلده بجنات النعيم...وانك تقابلينه بالاخره..."
مسحت عفاري دموعها اللي انهمرت فجأة بغزارة: ياليتني مت قبل لا يموووت...ليت ربي خذاني قبله...ليتني ماعرفت الحب ولا قربته....ليتني ما شفته بحيا..."
حطت ايدها على فمها...واخذت تهتز وهي تشاهق...ضميتها بقووووة..وقعدت ابكي معها بدل ما اهون عليها...
وبعدين اخذت اقرا لها قران مدة ساعتين ونامت بغرفتي وحسيت انها ارتاحت...
بعد المغرب... طلعت من غرفتي عشان اروح لعمتي نورا اللي مرسلة لجوالي..انها تبيني ضروري....كنت متاكده ان الموضوع يخص العرس...وعريس الغفله اللي ماتشرفت بمعرفة شخصيته...
دقيت الباب على غرفتها ودخلت...
لقيت عمتي نورا توها طالعه من الحمام..وشعرها مبلول كله...ابتسمت لي...واشرتلي ادخل..
لحقتها...ووقفت وراها واهي جالسه قدام تسريحتها....بدت تتكلم...
" زعلتيني منك يا ملكه...عمك يقولك زواجك بعد اسبوعين...ومع هذا مافيك اي اهتمام.. لا حاولت تعرفين مين العريس؟؟؟...ولا حتى فكرت تقضين جهاز عرسك؟؟... ولا قررت اي مصورة بتجيبين...ولا فكرت بلون باقة الورد اللي بتشيلينها...."
وكملت وهي تشوفني صاده عنها.. مابي اسمع سخافات اكثر...هذولي يذبحون الواحد ويمشون بجنازته...
" عمك...ماراح يقطك لاي رجال... عمك اختارلك رجال عن عشر رجال...فيه كل الميزات.. كريم...وفي...حنون...بيتوتي...ويحب العايله...وفوق هذا كله...يناسب مستوى العايلة..."
قلت ببرود وانا اخذ المشط منها عشان امشط لها شعرها الناعم: بس يا عمتي... انا ابي اخو سارا صديقتي...رجال ماقاصره شي...خريج شريعة...ومثقف...وعيلته ناس طيبين"
عمتي نورا وهي تطالعني بالمراية" بس عمك عطا الرجال كلمه.. وكان صعب انه يتراجع عن هالشيء...خصوصا ان مكانه هالرجال كبيرة عندنا...وصراحه..."
وسكتت تحاول تثمن كلماتها وكملت..بعد ثواني وانا اطالع فيها وانا مبتسمة بلا مبالاة لأني عارفة وش راح تقول...
" انت عارفة وضعك الصحي يا ملكه...ما يسمح لاي احد انه يتزوجك...لازم...يتزوجك رجل قد المسؤولية...لأن الحرمه مننا إذا تزوجت... تزوج مرة وحده لا غير..."
طعنتني كلماتها...انتم السبب بجنوني... انتم السبب بالايام السودا اللي عشتها هناك...انتم السبب بخسارتي لمساعد...انتم السبب بكل الالام اللي احس فيها بحياتي...
كملت واهي تاخذ مني المشط وتلفت لي: اسمعيني...يا ملكه...الكلام بالموضوع ماعاد يقدم ولا يؤخر....اليوم راح نروح نتقضى لك...انا وانتي والبنات...وعلى فكرة..."
وتابعت بمرح: ترى وافي ماقصر بالمهر واعطانا الفيزا كارد حقته...."
صرخت فيها لا شعوريا: وافي؟؟؟....وش دخله!!!!!!!"
حاولت تهديني ومسكتني من كتوفي...دفيتها بقوة عني...ورحت لغرفتي مو مصدقه اللي سمعت....
قفلت على نفسي الباب...وطحت عندها..وافي...لا...إلا وافي..راح يقتلني بالحيا...راح يخلي كل لحظه من حياتي جحيم... وافي...اللي يعتقد اني انسانه قذرة.. اللي يظن اني وحده صايعه...شلون يخطبني؟؟..
ياويلي..تذكرت نظراته لي...تذكرت شلون كانت السخرية تشكل كل لفته من لفتاته...
حطيت ايديني على حلقي...وقعدت اصيح...بصوت عالي.. ومن القهر اللي فيني.. دخلت غرفة الملابس حقتي..وفتحت الدولاب وتخبيت جواته وانهرت ابكييييييييي....
عفرا: يا ملكه...يا بعدي...والله خالي مافيه شي يعيبه...
قلت بعصبية: لا تقولين خالي...تخلخت حنوكه امين...
طالعتني عفرا ولا قدرت تقول شي....لأني كنت معصبه على الاخير...كافي..اني بكيت ليما قلت امين.. حتى اني رجعت لاسوأ عاده كنت عندي لمن كنت صغيره..وهي اني اتخبى بالدولاب واصيح بالساعات....
بس هالمره عفرا اكتشفتني...طالعت فيها..وكانت تطالع حولها كأنها تحاول تلاقي كلمه تخفف فيها من اللي احس فيه..
قالت عفاري بعد لحظات باستخفاف دم : يا بعد عمري...وانا اشوف خالي مضيع علومه...من يشوف طيوف هالملكه...
قلت بعصبية: عفرا...قسم بالله يصير لك شي موب طيب....إذا كملتي كلامك...
قالت عفاري ببراءه وهي تعطيني ظهرها عشان تطلع: كنت احسب انك تبين تعرفين شي عن..زوج المستقبل...
صرخت فيها بقهرر: طيب...ياعفرا...يجيلك يوم....
سمعت صوت ضحكها وهي تطلع من الغرفة...
ما ادري ليش حتى عفاري اللي تكره وافي...تشوف اننا ثنائي مثالي... وتقول ان فينا اشياء كثيرة متشابهة..مالت عليها.. كنت اظنها بتوقف معي موب ضدي...
اخيرا وصلنا السوق اللي نبيه...طبعا ما اخفيكم ان العايله كلها راحت...حتى بدرية نزلت معنا السوق...ماحد بقى بالبيت... حتى محمد راح مع عمي..عشان يفصلون ثياب جديدة لهم..
اما سلطان...فاكتشفت انه مسافر من يومين... وكنت متاكده انه سافر بعد خبر زواجي.. اللي اكيد سبب له صدمه...اكيد انصدم بخاله النذل اللي يجلس معه وياخذ منه البنت اللي يحبها...
تنهدت وانا اسمع عمتي نورا تقول لعفاري وسماح: انتم روحوا ويا ملكه...وانا وميران وروعه وبدرية وريما بنروح مع بعض وبنتقابل عند المطاعم..."
قالت ريما بحماس : انا ابي الوح مع ملكه..."
روعه: وانا الله يخليك...ابي اشوف ملكه وهي تقيس فستانها..."
تنهدت عمتي نورا واشرت لي..ولمن قربت منها...مسكت ايدي وأعطتني بطاقة الفيزا وقالت: هاذي بطاقة وافي..اشتري كل اللي تبينه..."
وراحت هي وميران...وبدرية..
طالعت بقرف بالبطاقة...ولا شعوريا رميتها على الارض...انهبلت روعه وشالت البطاقة على طول..
وقالت: إذا ماتبينها انا ابيها...مجنونة انتي ترمين بطاقة فيزا على الارض..."
تنهدت...لمن شفت الثلاثة يتساسرون بينهم..
وقلت لهم: خلاص...خلصونا بسرعه تراني تعبانه وطفشانه..."
طالعت بروب النوم اللي مشتريته عفاري لي وقلت وانا مفجوعه: عفرا...لو بعد مية سنة ماراح البس قدام خالك كذا...
طالعتني باستحقار وقالت: موب كيفك...بتلبسينه غصبا عليك..
ماحبيت اكسر بخاطرها..خصوصا ان عفاري بعد موضوع زواجي..تحسنت نفسيتها كثير...وداخل نفسي...ارتحت ان زواجي جا ايجابي لشخص احبه مثل عفورة...
سماح واهي تضحك: من جدك عفرا...فشيله تلبس هالروب...مرررة قصير...ههههههه
عفاري وهي تنتهد: مالت عليكم...عيايز...الذوق والمنطق يمين وانتم يسار...
وكملت واهي تشوفني انا وسماح نضحك: هالحين خالي الحبيب...يا انسة ملكه.. متعود على الروحه والرده... وانتي مشاء الله... ماتركتي بيجاما بالسوق إلا وشريتيها...
قلت ادافع عن نفسي: وإذا..البجامز مرة كيوت...وتخلي البنت صغنونة وحيل ناعمه...
سماح واهي تكتم ضحكه: ههههه...بيلعن نفسه إذا شاف بيجاما الدب يا ملكه...
وكملت وهي تشوفني اغزها بنظراتي عشان تسكت: ملكه..احس انك ماراح تفرقين عن خواته بشي...
طنشتهم وبعدت وهم قاعدين يشترون.... لي على ذوقهم...وطبعا سمحتلهم انهم يشترون لانفسهم...كذا فيني شر موب طبيعي..ودي اخلص الاربعين الف اللي بالفيزا كلها...وبخلص مهري كله...وكل الفلوس اللي بيرسلها...
طلعت من المحل...وطالعت بالمحلات من بره...انواع الفساتين...انواع الجزم...انواع الشنط...والناس البسمة مرسومة على وجيههم وهم يتشرون من كل محل...ماوراهم اي هموم...
: تفكرين فيني يا زوجتي العزيزة المستقبلية؟؟...
التفت بسرعه وراي...كان وافي.. انصدمت...حتى اني ما عرفت ارد...ولمن استوعبت الموقف...كتمت انفاسي غصبا علي...وعديت لعشرة..ثمن رفعت خشمي بغرور واعطيته قفاي...
وقلت بشراسه بس بصوت واطي: لو سمحت...مابيني وبينك اي كلام...
وافي بثقالة دم: شلون مابيني وبينك اي كلام...والبنك توهم داقين علي..من ضغط الديون اللي جات على ظهري بأقل من ساعه...
كورت يديني بقوة....وعضيت على شفايفي احاول صوتي من انه يطلع او يديني انها تتهور...
التفت من جديد جهة وافي...اللي رسم ابتسامه ساحره على شفايفه يوم التقت عيونا...
للحظه قرب يخدعني...بس انتبهت للثلاثي المبهور بشدة...اها...عشانهم يعني يا وافي...
قلت بنعومة ساخره: عن اذنك يا زوجي العزيز المستقبلي...لأن...مالي خلق اضيع دقايق من وقتي الثمين في مناقشه تافهة...عن فلوس لا تودي ولا تجيب...
ضحك: ههههههههههه....والله يا عفرا..مثل ماقلتي دم ملكه مررررة خفيف...
طالعت عفرا فينا...وواضح انها نخدعت باللي شافته...هي وسماح وروعه اللي كانو شايلين فوق العشرة اكياس كبيرة بايديهم...
وصلنا متأخر البيت...يدوب اكلت لي لقمتين...وقررت اروح انوم...اخذت شاور خفيف...وحطيت راسي على المخده...ونمت....
قمت على صوت العصافير...والشمس وهي تدخل غرفتي...التفت بملل..فشفت عفاري تبتسم لي...بخبث...
قلت: لا اله إلا الله...وشووو؟؟؟
عفاري وهي تجلس على سريري: الواحد يقول صباح الخير....
تاففت وانا اتقلب على سريري: ابي انوووووم...وماعندي اي شي عشان اقوله ومانيب نازله السوق اليوم...
عفاري بعصبية مصطنعه: والله لو ماتروحين السوق اليوم..اني لا ازعل منج...ترانا لسه ماكملنا جهازج...ما اشترينا لج ملابس خرجات.. ولا فساتين سهرة..ولا عطورة ولا ميك اب.. ولا شي...
قلت وانا احط المخده فوق راسي: ضفي وجهك يا عفاري... مافيني على دوجة الاسواق... كافي اللي شريناه امس...
وبعدين كملت بسخرية وانا اطالع فيها: ماكافي ان خالك اخذ يطالع بالاكياس مفجوع... خفت يصير لي شي من عينه...
عفاري وهي تعدل من جلستها: شوفي ملكه...كل شي اسمح فيه إلا انك تتهمين وافي بالبخل...ترا وافي كرررررريم لاخر درجة...
مارديت عليها..لاني عارفة ان كلامها صح...
قلت فجأة بكابة: كان يحب وحده زمان؟؟؟؟...مو صح؟؟...
عفاري واهي تبتسم: يا عيني على الغيرة من بدري..كان بس ماتت...
انفجعت: وشوووو؟؟؟
ضحكت عفاري وقالت: هههههههههه.....ماتت بقلبه يا بعد قلبه...
قلت وانا اتظاهر بالامبالاة: طيب...ما ودك يا صديقتي الغالية..انك تقولين لي عن قصة الغرام هاذي....يعني...على الأقل اكون عارفه شي عن خالك...موب الناس تجي وتقولي عنه....
ابتسمت عفاري وقالت وهي تلعب باصابيعها: يا حبيبتي... والله خالي يكرهها بشكل مو طبيعي هالحين...والبنت متزوجة حاليا...وخلاص صارت من الماضي... ولعلمج كل العيلة يكرهونها...
طالعت فيها ابيها تكمل...شفت ما عندها نية...فمديت بوزي و
قلت: يا سلام.. على الوفاء لخالك...ماتبين تقولين عنه اي كلمه...
عفاري وهي تبتسم: والله ما ادري وش اقولك...يعني قصة غرام عادية جدا...شافها وعجبته....وكانت صديقتي...درسنا سوا في بريطانيا...وقابلها في بيتنا....
عدلت من جلستي..وعيوني مفتوحه على الاخير: كملي...
كملت عفاري وهي تضحك: ههههههههه...هذا اللي موب هامنك...صح؟؟....
بوزت: لا حوووووووووول...
تابعت عفاري وهي تتكلم بجدية: البنت كانت خبيثة...كانت تحب واحد...لكن هالواحد ما عمره فكر انه يخطبها...فقررت انها تغري وافي...وفعلا وافي طاح بالمصيده...وخطبها.. وكان يوم رائع عند كل العيلة..لأن الكل يحب وافي...لكن بعد فترة...انصدم وافي... ومانعرف شلون عرف عن تخطيطاتها وطلقها...وحلف انه ما يتزوج بعدها ابد...
حزنت على وافي غصبا علي: مسكين....
قالت عفاري واهي تمسك ايدي: لا موب مسكين...هذا هو صبر...واخذ اللي اجمل واغنى والكل يتمناها....
طالعت بعفاري ودمعت عيوني وصديت عنها....كنت افكر بمساعد..شلون راح يتحمل خبر زواجي... وش راح يسوي...هل راح يسكت وينتهي الموضوع بالنسبة له.. ولا راح يسوي النون وما يعلمون...
عفاري وبلهجة جدية: لازم تنسينه...
طالعت فيها بسرعه: مين؟؟؟...
عفاري واهي تحط عيونها بعيوني: انت عارفته...ومايحتاج اذكر اسمه...
عورني قلبي من قو دقاته: عفاري... انت مين تقصدين؟؟؟...
عفاري واهي تقوم من على السرير: اقصد مساعد يا حبوبة...
فتحت فمي مو مستوعبة...عفاري..شلون تعرف عن مساعد؟؟...مين قالها؟؟...وليش متأكده من الموضوع؟؟..وليش ما قالتلي من قبل؟؟..
عفاري واهي تشوف نظراتي: ملكه... انا عرفت من الرسالة اللي كانت بدرج مكتبتك من مساعد...في يوم تركه لبدرية...
وكملت وهي تشوفني لسه مصدومة: لا تخافين..انا ماراح اقول لاحد...انا...حقدت عليج في البداية...بس بعدين..فكرت ان الحب اقوى مننا كلنا... وماحد يقدر يتحكم بالقلوب..
قلت بصوت خافت وكأني احاكي نفسي: مساعد راح...انتهى من حياتي يا عفاري.. صار مجرد ذكرى حلوة...وطيفية...مالها اي وجود...
عفاري وهي تروح عند الباب وتقول باستخفاف: صاح...هالحين وافي وبس..هو اللي بالقلب...
قهررتني...فركضت وراها واخذنا نتهاوش ونتضارب بقوة..
رحت لصالون تجميل مع روعه...وجلسنا نحوس ساعه بكتالوج قصات الشعر القصيرة عشان نلاقي قصة شعر مناسبة لي انا وخشتي... المصيبة كلها شعرتين... ومع هذا مصرين اني اقصها عشان تترتب...
روعه واهي تأشر لصور لتشارليز ثيرون: الله...شوفي كيف قصة شعرها؟؟..
طالعت بالصورة وقلت بملل: حلووو...
روعه واهي تطالع فيني وتتريق: حلوووو...حلوووو...حشى بالعتلك تسجيل على كلمة حلو من اول؟؟...
قلت بملل: رووووووعه...والله مالي خلقك يا حبيبتي...انت اختاري لي على ذوقك...
روعه واهي تطالع بالصورة: خلاص...اجل ذي...
ثمن كملت: انا بفهم...مين فينا اللي بتعرس؟؟؟..
ضحكت بملل: ههههه...ما تضحك....طبعا وللاسف انا...
روعه واهي تعدل جلستها: اها...زين انك عارفة....بالامانه لسى زعلانه من عمك؟؟؟...
قلت وانا اصد عنها: ولا راح ارضى عنه ليما امووت...
روعه واهي تمسك ايدي: يا بنت الناس...والله ليت عمك يغصبني على واحد مثل وافي.. كان زييين...احمدري ربك مازوجك من واحد من هاذولي اللي اشكالهم تجيب المرض والهم...
قلت بغيرة غصبا عني: انت عارفه انه يحب وحده؟؟...
روعه واهي توقف عشان تروح للكوفيرة اللي بتقص شعري: لا ولا ابي اعرف... اللي اعرفه انه يبيك انتي... وانه خطبك انتي... وانه اهو اللي راح مع عفاري لامريكا..علشان يجيبك.. مع انه موب مسؤول عنك...باي شكل من الاشكال...
راقبت روعه وهي تروح تناقش مع اللبنانية عن قصة الشعر اللي اختارتها وتأشر لي.. يا ناس خايفه..ما ودي تنقضي الايام...لكن للاسف كل مالها وتنقضي بسرعه شديدة.. البيت كله محتفل بموضوع الزواج هذا... عمتي نورا ما تركت شي بالصاله اللي تحت إلا وغيرته...وفستان عرسي طالبينه من إيطاليا... والمجوهرات حقت الزواج بيجيبها وافي بكره من المانيا...
تنهدت بصوت عالي... كنت اتمنى يكون زواجي غير...كنت ابي اتزوج بقاعة نيارة ولا بفندق هيلتون بجدة... كنت ابي اعزم الكل على زواجي...والبس احلى واكشخ فستان من تصميم واحد معروف... كنت مقررة اني اجيب هدايا العرس والتوزيعات اللي فيه كلها من امريكا وطلبية خاصه لي...والبوفيه انا اللي اكون مشرفه عليه... كنت ابي اختار تورتة الزواج على ذوقي... واقطعها انا وعريسي بالسيف...
اه... كنت وكنت...لكن هالحين كل الاماني....صارت مستحيلات..
جات اللبنانية واخذت تناقشني وهي تتأمل شعري...وبعدين بدت شغلها بحماس... وهي تتكلم عن نوعية شعري...وانه نوعية ممتازة...والقصات تضبط فيه...وياليت لو اصبغه ومن الحكي الزايد لهم...بس انا ما اعطيتها وجه غمضت عيوني وطلبت من روعه تقومني لا خلصت شغل... وانهبلت روعه يوم شافتني من جد غمضت عيوني....
سماح واهي توريني فستانها الاخضر: يعني حلوو؟؟؟...
قلت وانا المس خامته الحرير: يجنن يا سماح...بتطلعين فيه روووعه...خصوصا مع الشدو الاخضر...ياي....راح احسدك...
دخلت علينا روعه واهي شايله فستانها الاحمر: مو عاجبني..ماتوقعت يكون شكله على الحقيقة كذا...
قلت لروعه وانا اخذ الفستان من يدها: ليش؟؟..وشفيه رايق مرة...
روعه وعيونها محمرة من الدموع: موب زين...يعني راح اصير شينة بالفرح حقك..
قلت لها بكل بساطه: مين قال؟؟؟ انت احلى وحده فينا...انت وردة البيت...ونعومته.. والحلى والزين كله فيك...
قامت روعه تبكي بصوت عالي: موب زييييييين..راح يضحكون علي الناس...
تنهدت بملل...من الصبح والكل محتاسين بفساتينهم اللي طالبينها من لبنان... ما ادري ليش كل وحده ميب مقتنعه باللي عندها...
قالت سماح: بقيس فستاني عشان تشوفون وش يحتاج تعديلات...
ودخلت غرفة تغيير الملابس حقتي...اما روعه اللي قاعده تصيح من الصباح...اخذت فستانها ...
قلتلها: خلاص روعه عيوني..لا تبكين...انا باخذه منك..وبننزل اليوم انا وانتي عشان نشتريلك فستان جديد..
قالت روعه واهي تمسح دموعها: بس ميران قالت لي...انك ماراح تنزلين السوق معي.. لأنك عروس ولازم ترتاحين...والزواج ما بقى عليه غير خمس ايام...
قلت لها بلا مبالاة: عادي..هذاك اول العروس ترتاح قبل عرسها..هالحين مافيه للراحه اي مجال...
ضمتني روعه بقوة وباست راسي: الله لا يحرمني منك يا ملوك...وخذي الفستان..اساسا بيجي عليك واو..لأن لون بشرتك يتناسب مع هذي الدرجة من الاحمر..
طلعت سماح بعد لحظات...على دخلت عفاري وهي لابسه فستانها...
كلنا قلنا لسماح: واو...
ابتسمت سماح بخجل ودارت: وش رايكم فيني؟؟؟...
قلت بحماس: ولا اروع..يجنن...مرة ضابط على جسمك...
عفاري بضيق: وانا؟؟؟...
طالعنا جهتها كانت لابسه فستان فسفوري ومع لون بشرة عفاري طالع يهبل عليها...
قلت لها وانا اقرب منها واحاول اقفل السحاب اللي على جنب: مرة ضابط عليك...
سماح واهي تبتسم: بتنخطبين يا عفاري اكيييييد...
غمضت عفاري عيونها بقوة...وسرى بالجو نوع من الصدمه...وكلنا تذكرنا جاسر...شفت الدموع قاعده تنزل من عيون عفاري...اللي بعدت ايدي عنها وركضت خارجه من غرفتها...
سماح بندم: والله ما كان قصدي...
قلت لها وانا اخذ فستان روعه لداخل غرفة الملابس: عادي سموحه...مصيرها بتنسى بالاخير....
رحنا انا وروعه بالليل للسوق واخذنا معنا ريما...وطبعا مع ذوق روعه الفضيع...بغيت انهبل...انجن...مافي شي يعجبها... كل شيء شين.. وكل شيء فيه شي ناقصه.. واللي كان يعجبها مرة...تتردد انها تشتريه...يا عشان قيمته...او عشان لونه....
حسيت بتعب فضيع من كثر الوقفة...واخذت لي كرسي وجلست عليه... بينما روعه راحت تتناقش مع البياعين عشان يطلعون لها من الفساتين الجديدة اللي مخلينها بالمخازن...
كنت مغمضة عيوني وحاطه ايدي على خدي...وفعالم ثاني...
شوي يوم جيت ريما تركض ومسكت ايدي بقوة...فتحت عيوني مفجوعه...
قالت وهي تلهث: خالي وافي هينا....
طالعتها مو مستوعبه: وشوووو؟؟؟؟...
ريما وهي تتخبى وراي: شافني وانا اتزحلق على الدلج...خايفه...خايفه يطقني...
شكل البنت موسوسة...نعنبو دارك يا وافي...وسوست فينا كلنا...كلن يوسوس فيه.. ما ادري مين اللي يحبه بعيلتنا...ما اظن فيه احد يحبه....
: إذا تعبانه يا عمري موب لازم تنزلين السوق...
ارتجفت غصبا علي..وانا اسمع كلمة يا عمري...لازم اكون قوية...لازم اكون قده وقدود.. لازم ما اخليه يأثر علي بأي شكل...لأني عارفة اي حرب ضروس بتكون بيني وبينه..
قلت بنعومة خبيثة: مافي احلى من نزلة السوق....حتى لو كان فيها تعب...
ووقفت وعدلت عبايتي...لاحظت بطرف عيني..شلون كان ضام يدينه بقوة...حتى اني حسيت بعروقه طالعة...وعرفت انه لو ما كنا بالسوق..كان امداه ذبحني...وشرب من دمي...
قال لي بصوت ماحد يقدر يسمعه غيري وغيره: انسي...انسي يا بنت ال....انك تلعبين بذيلك بعد ما نتزوج...
التفت عليه وقلت وانا شامخه بخشمي: اساسا...انا ما تعودت العب بذيلي.. انا دوم العب على المكشوف...لأن... مافي شي اخاف منه...او أخبيه....
لف بوزه بطريقة انه متقرف من اللي يسمع...بينما انا طالعت فيه من فوق لتحت بنظرات باردة..وكأني اقوله..انا عارفة انت مين بالضبط....ووش ناوي عليه...ولا تحاول تمثل علي...
جات روعه: لقيت فستا....
بعدين سكتت تطالع فينا الاثنين...وحمرت خدودها.. وسبلت برموشها...وحسيت انها تغيرت 180 درجة....واستغربت انا ليش خدودها محمرة..ويوم انتبهت انا احنا واقفين قريب من بعض...بعدت عنه مسافه كبيرة وكأن عقرب قرصتني...
قلت وانا اعطيها البطاقة: ادفعي قيمته بسرعه...عشان نطلع...
وبطرف عيني انتبهت لوافي اللي باس ريما وطلع من المحل...
مضحك تعاملنا في بعض الاحيان مع الصدمات....بدل ما نصرخ..نصيح..نطالب بحقوقنا.. نستسلم بكل بساطه... نستسلم لكل شي يطلب منا...وكأننا مخدرين ومقيدين...
وهذا اللي صار معي بالضبط..ما اعترضت ولا فتحت فمي..لاصحت ولا بكيت..ولا حتى دمعت...ما اهتميت للي قاعدين يسوونه ويخططون له من حولي...
خليتهم يسوون اللي يبونه..حتى اني ما اهتميت اعرف مين راح اتزوج..اساسا لا يضر الشاه سلخها بعد ذبحها... وهذا انا.. مجرد شاه مذبوحه... ماعاد يأثر فيها شي..
كنا جالسين كلنا بالصالات اللي تحت....انا وميران وروعه وبدرية...وريما وسماح المريضة.. اللي بدت تتحسن شوي وكانت متمددة على الكنبة وحاطه راسها على فخذي...
عمي طلب منا نجتمع هناك...لأنه بيسووي لنا مفاجأة وخذا محمد معاه... انا كنت متأكده انه راح يجيب عمتي نورا من المطار...وحسيت ان موضوع خلافهم له علاقة قوية فيني.. وبالاخص بموضوع زواجي...على العموم...فكرت بسخرية..ليش استعجل على رزقي.. كل الاوراق راح تنكشف بيوم...والغموض اللي يلفني من فوقي لتحتي...راح ينتهي...
انفتح باب الفله الرئيسي... وطلت عمتي نورا علينا...وكانت شايله باقة ورد كبيرة حيل.. وكانت ابتسامتها شاقة وجهها....
وقفنا لها كلنا....ورحنا سلمنا عليها...وبدرية ضمتها بقوة وقامت تصيح....وكمان ريما..
انا سلمت عليها عادي...لا بحرارة ولا ببرود...اساسا دوم علاقتي مع عمتي نورا... يشوبها البرود اكثر من الدفء...يله..ما اقدر اجبر احد على حبي...
طلعت لغرفتي بعد الجلسه المعتبرة بالصاله مع عمتي نورا...اللي باركت لي بحرارة غريبة.. وكان شكلها مبسوطة بموضوع الزواج...اما عمي لاحظت انه يتهرب من نظراتي... ولا يطالع فيني بالمرة...يمكن يحس بالذنب...صراحه شي مضحك... ضربني وبكى...سبقني واشتكى.. هالحين اهو اللي بيزوجني غصبا علي...ومع هذا مسوي فيها زعلان..صدق دنيا عجيبه...عجزنا نفهمها...مثل اللغز اللي عجزت تفكه او تفهم رموزه..
اخذت لي شاور سريع....وطلعت من غرفتي انشف شعري قدام التسريحة...سمعت طق على الباب...فرفعت صوتي عشان يعلى على السشوار: ادخل..."
وكملت شغلي بشعري اللي كنت احاول ادور له طريقة مرتبة..بدل ماشكلي يجيب المرض...
دخلت عفاري لغرفتي...كان شكلها تعبان حيل... بشرتها معدومة..عيونها غايره... ضعفانه...
قفلت السشوار...وتميت اطالع فيها للحظات...
قالت بصوت متقطع: مب روك"
رديت عليها وانا ابتسم بسخرية" الله يبارك فيك..."
وكملت ببرود" جايه تشمتين فيني؟؟؟....ولا...اخيرا رضيت علينا؟؟؟..."
فتحت عفاري فمها مصدومة من اسلوبي...وتمت ساكته لحظات...وبعدين تكلمت...
عفاري وصوتها منبح من كثر الصياح: اسفه... انا صح..غلطت عليج...بس غصبا عليي.. صدمتي بموت جاسر...و...صدمتي باشياء كثيرة تصير بهالبيت...هزتني..."
قلت لها وانا احاول اكتم صوت الدموع اللي تجمعت: الله يرحمه...ماعاد بأيدك شي.. غير تدعين له بالمغفرة...وان ربي يخلده بجنات النعيم...وانك تقابلينه بالاخره..."
مسحت عفاري دموعها اللي انهمرت فجأة بغزارة: ياليتني مت قبل لا يموووت...ليت ربي خذاني قبله...ليتني ماعرفت الحب ولا قربته....ليتني ما شفته بحيا..."
حطت ايدها على فمها...واخذت تهتز وهي تشاهق...ضميتها بقووووة..وقعدت ابكي معها بدل ما اهون عليها...
وبعدين اخذت اقرا لها قران مدة ساعتين ونامت بغرفتي وحسيت انها ارتاحت...
بعد المغرب... طلعت من غرفتي عشان اروح لعمتي نورا اللي مرسلة لجوالي..انها تبيني ضروري....كنت متاكده ان الموضوع يخص العرس...وعريس الغفله اللي ماتشرفت بمعرفة شخصيته...
دقيت الباب على غرفتها ودخلت...
لقيت عمتي نورا توها طالعه من الحمام..وشعرها مبلول كله...ابتسمت لي...واشرتلي ادخل..
لحقتها...ووقفت وراها واهي جالسه قدام تسريحتها....بدت تتكلم...
" زعلتيني منك يا ملكه...عمك يقولك زواجك بعد اسبوعين...ومع هذا مافيك اي اهتمام.. لا حاولت تعرفين مين العريس؟؟؟...ولا حتى فكرت تقضين جهاز عرسك؟؟... ولا قررت اي مصورة بتجيبين...ولا فكرت بلون باقة الورد اللي بتشيلينها...."
وكملت وهي تشوفني صاده عنها.. مابي اسمع سخافات اكثر...هذولي يذبحون الواحد ويمشون بجنازته...
" عمك...ماراح يقطك لاي رجال... عمك اختارلك رجال عن عشر رجال...فيه كل الميزات.. كريم...وفي...حنون...بيتوتي...ويحب العايله...وفوق هذا كله...يناسب مستوى العايلة..."
قلت ببرود وانا اخذ المشط منها عشان امشط لها شعرها الناعم: بس يا عمتي... انا ابي اخو سارا صديقتي...رجال ماقاصره شي...خريج شريعة...ومثقف...وعيلته ناس طيبين"
عمتي نورا وهي تطالعني بالمراية" بس عمك عطا الرجال كلمه.. وكان صعب انه يتراجع عن هالشيء...خصوصا ان مكانه هالرجال كبيرة عندنا...وصراحه..."
وسكتت تحاول تثمن كلماتها وكملت..بعد ثواني وانا اطالع فيها وانا مبتسمة بلا مبالاة لأني عارفة وش راح تقول...
" انت عارفة وضعك الصحي يا ملكه...ما يسمح لاي احد انه يتزوجك...لازم...يتزوجك رجل قد المسؤولية...لأن الحرمه مننا إذا تزوجت... تزوج مرة وحده لا غير..."
طعنتني كلماتها...انتم السبب بجنوني... انتم السبب بالايام السودا اللي عشتها هناك...انتم السبب بخسارتي لمساعد...انتم السبب بكل الالام اللي احس فيها بحياتي...
كملت واهي تاخذ مني المشط وتلفت لي: اسمعيني...يا ملكه...الكلام بالموضوع ماعاد يقدم ولا يؤخر....اليوم راح نروح نتقضى لك...انا وانتي والبنات...وعلى فكرة..."
وتابعت بمرح: ترى وافي ماقصر بالمهر واعطانا الفيزا كارد حقته...."
صرخت فيها لا شعوريا: وافي؟؟؟....وش دخله!!!!!!!"
حاولت تهديني ومسكتني من كتوفي...دفيتها بقوة عني...ورحت لغرفتي مو مصدقه اللي سمعت....
قفلت على نفسي الباب...وطحت عندها..وافي...لا...إلا وافي..راح يقتلني بالحيا...راح يخلي كل لحظه من حياتي جحيم... وافي...اللي يعتقد اني انسانه قذرة.. اللي يظن اني وحده صايعه...شلون يخطبني؟؟..
ياويلي..تذكرت نظراته لي...تذكرت شلون كانت السخرية تشكل كل لفته من لفتاته...
حطيت ايديني على حلقي...وقعدت اصيح...بصوت عالي.. ومن القهر اللي فيني.. دخلت غرفة الملابس حقتي..وفتحت الدولاب وتخبيت جواته وانهرت ابكييييييييي....
عفرا: يا ملكه...يا بعدي...والله خالي مافيه شي يعيبه...
قلت بعصبية: لا تقولين خالي...تخلخت حنوكه امين...
طالعتني عفرا ولا قدرت تقول شي....لأني كنت معصبه على الاخير...كافي..اني بكيت ليما قلت امين.. حتى اني رجعت لاسوأ عاده كنت عندي لمن كنت صغيره..وهي اني اتخبى بالدولاب واصيح بالساعات....
بس هالمره عفرا اكتشفتني...طالعت فيها..وكانت تطالع حولها كأنها تحاول تلاقي كلمه تخفف فيها من اللي احس فيه..
قالت عفاري بعد لحظات باستخفاف دم : يا بعد عمري...وانا اشوف خالي مضيع علومه...من يشوف طيوف هالملكه...
قلت بعصبية: عفرا...قسم بالله يصير لك شي موب طيب....إذا كملتي كلامك...
قالت عفاري ببراءه وهي تعطيني ظهرها عشان تطلع: كنت احسب انك تبين تعرفين شي عن..زوج المستقبل...
صرخت فيها بقهرر: طيب...ياعفرا...يجيلك يوم....
سمعت صوت ضحكها وهي تطلع من الغرفة...
ما ادري ليش حتى عفاري اللي تكره وافي...تشوف اننا ثنائي مثالي... وتقول ان فينا اشياء كثيرة متشابهة..مالت عليها.. كنت اظنها بتوقف معي موب ضدي...
اخيرا وصلنا السوق اللي نبيه...طبعا ما اخفيكم ان العايله كلها راحت...حتى بدرية نزلت معنا السوق...ماحد بقى بالبيت... حتى محمد راح مع عمي..عشان يفصلون ثياب جديدة لهم..
اما سلطان...فاكتشفت انه مسافر من يومين... وكنت متاكده انه سافر بعد خبر زواجي.. اللي اكيد سبب له صدمه...اكيد انصدم بخاله النذل اللي يجلس معه وياخذ منه البنت اللي يحبها...
تنهدت وانا اسمع عمتي نورا تقول لعفاري وسماح: انتم روحوا ويا ملكه...وانا وميران وروعه وبدرية وريما بنروح مع بعض وبنتقابل عند المطاعم..."
قالت ريما بحماس : انا ابي الوح مع ملكه..."
روعه: وانا الله يخليك...ابي اشوف ملكه وهي تقيس فستانها..."
تنهدت عمتي نورا واشرت لي..ولمن قربت منها...مسكت ايدي وأعطتني بطاقة الفيزا وقالت: هاذي بطاقة وافي..اشتري كل اللي تبينه..."
وراحت هي وميران...وبدرية..
طالعت بقرف بالبطاقة...ولا شعوريا رميتها على الارض...انهبلت روعه وشالت البطاقة على طول..
وقالت: إذا ماتبينها انا ابيها...مجنونة انتي ترمين بطاقة فيزا على الارض..."
تنهدت...لمن شفت الثلاثة يتساسرون بينهم..
وقلت لهم: خلاص...خلصونا بسرعه تراني تعبانه وطفشانه..."
طالعت بروب النوم اللي مشتريته عفاري لي وقلت وانا مفجوعه: عفرا...لو بعد مية سنة ماراح البس قدام خالك كذا...
طالعتني باستحقار وقالت: موب كيفك...بتلبسينه غصبا عليك..
ماحبيت اكسر بخاطرها..خصوصا ان عفاري بعد موضوع زواجي..تحسنت نفسيتها كثير...وداخل نفسي...ارتحت ان زواجي جا ايجابي لشخص احبه مثل عفورة...
سماح واهي تضحك: من جدك عفرا...فشيله تلبس هالروب...مرررة قصير...ههههههه
عفاري وهي تنتهد: مالت عليكم...عيايز...الذوق والمنطق يمين وانتم يسار...
وكملت واهي تشوفني انا وسماح نضحك: هالحين خالي الحبيب...يا انسة ملكه.. متعود على الروحه والرده... وانتي مشاء الله... ماتركتي بيجاما بالسوق إلا وشريتيها...
قلت ادافع عن نفسي: وإذا..البجامز مرة كيوت...وتخلي البنت صغنونة وحيل ناعمه...
سماح واهي تكتم ضحكه: ههههه...بيلعن نفسه إذا شاف بيجاما الدب يا ملكه...
وكملت وهي تشوفني اغزها بنظراتي عشان تسكت: ملكه..احس انك ماراح تفرقين عن خواته بشي...
طنشتهم وبعدت وهم قاعدين يشترون.... لي على ذوقهم...وطبعا سمحتلهم انهم يشترون لانفسهم...كذا فيني شر موب طبيعي..ودي اخلص الاربعين الف اللي بالفيزا كلها...وبخلص مهري كله...وكل الفلوس اللي بيرسلها...
طلعت من المحل...وطالعت بالمحلات من بره...انواع الفساتين...انواع الجزم...انواع الشنط...والناس البسمة مرسومة على وجيههم وهم يتشرون من كل محل...ماوراهم اي هموم...
: تفكرين فيني يا زوجتي العزيزة المستقبلية؟؟...
التفت بسرعه وراي...كان وافي.. انصدمت...حتى اني ما عرفت ارد...ولمن استوعبت الموقف...كتمت انفاسي غصبا علي...وعديت لعشرة..ثمن رفعت خشمي بغرور واعطيته قفاي...
وقلت بشراسه بس بصوت واطي: لو سمحت...مابيني وبينك اي كلام...
وافي بثقالة دم: شلون مابيني وبينك اي كلام...والبنك توهم داقين علي..من ضغط الديون اللي جات على ظهري بأقل من ساعه...
كورت يديني بقوة....وعضيت على شفايفي احاول صوتي من انه يطلع او يديني انها تتهور...
التفت من جديد جهة وافي...اللي رسم ابتسامه ساحره على شفايفه يوم التقت عيونا...
للحظه قرب يخدعني...بس انتبهت للثلاثي المبهور بشدة...اها...عشانهم يعني يا وافي...
قلت بنعومة ساخره: عن اذنك يا زوجي العزيز المستقبلي...لأن...مالي خلق اضيع دقايق من وقتي الثمين في مناقشه تافهة...عن فلوس لا تودي ولا تجيب...
ضحك: ههههههههههه....والله يا عفرا..مثل ماقلتي دم ملكه مررررة خفيف...
طالعت عفرا فينا...وواضح انها نخدعت باللي شافته...هي وسماح وروعه اللي كانو شايلين فوق العشرة اكياس كبيرة بايديهم...
وصلنا متأخر البيت...يدوب اكلت لي لقمتين...وقررت اروح انوم...اخذت شاور خفيف...وحطيت راسي على المخده...ونمت....
قمت على صوت العصافير...والشمس وهي تدخل غرفتي...التفت بملل..فشفت عفاري تبتسم لي...بخبث...
قلت: لا اله إلا الله...وشووو؟؟؟
عفاري وهي تجلس على سريري: الواحد يقول صباح الخير....
تاففت وانا اتقلب على سريري: ابي انوووووم...وماعندي اي شي عشان اقوله ومانيب نازله السوق اليوم...
عفاري بعصبية مصطنعه: والله لو ماتروحين السوق اليوم..اني لا ازعل منج...ترانا لسه ماكملنا جهازج...ما اشترينا لج ملابس خرجات.. ولا فساتين سهرة..ولا عطورة ولا ميك اب.. ولا شي...
قلت وانا احط المخده فوق راسي: ضفي وجهك يا عفاري... مافيني على دوجة الاسواق... كافي اللي شريناه امس...
وبعدين كملت بسخرية وانا اطالع فيها: ماكافي ان خالك اخذ يطالع بالاكياس مفجوع... خفت يصير لي شي من عينه...
عفاري وهي تعدل من جلستها: شوفي ملكه...كل شي اسمح فيه إلا انك تتهمين وافي بالبخل...ترا وافي كرررررريم لاخر درجة...
مارديت عليها..لاني عارفة ان كلامها صح...
قلت فجأة بكابة: كان يحب وحده زمان؟؟؟؟...مو صح؟؟...
عفاري واهي تبتسم: يا عيني على الغيرة من بدري..كان بس ماتت...
انفجعت: وشوووو؟؟؟
ضحكت عفاري وقالت: هههههههههه.....ماتت بقلبه يا بعد قلبه...
قلت وانا اتظاهر بالامبالاة: طيب...ما ودك يا صديقتي الغالية..انك تقولين لي عن قصة الغرام هاذي....يعني...على الأقل اكون عارفه شي عن خالك...موب الناس تجي وتقولي عنه....
ابتسمت عفاري وقالت وهي تلعب باصابيعها: يا حبيبتي... والله خالي يكرهها بشكل مو طبيعي هالحين...والبنت متزوجة حاليا...وخلاص صارت من الماضي... ولعلمج كل العيلة يكرهونها...
طالعت فيها ابيها تكمل...شفت ما عندها نية...فمديت بوزي و
قلت: يا سلام.. على الوفاء لخالك...ماتبين تقولين عنه اي كلمه...
عفاري وهي تبتسم: والله ما ادري وش اقولك...يعني قصة غرام عادية جدا...شافها وعجبته....وكانت صديقتي...درسنا سوا في بريطانيا...وقابلها في بيتنا....
عدلت من جلستي..وعيوني مفتوحه على الاخير: كملي...
كملت عفاري وهي تضحك: ههههههههه...هذا اللي موب هامنك...صح؟؟....
بوزت: لا حوووووووووول...
تابعت عفاري وهي تتكلم بجدية: البنت كانت خبيثة...كانت تحب واحد...لكن هالواحد ما عمره فكر انه يخطبها...فقررت انها تغري وافي...وفعلا وافي طاح بالمصيده...وخطبها.. وكان يوم رائع عند كل العيلة..لأن الكل يحب وافي...لكن بعد فترة...انصدم وافي... ومانعرف شلون عرف عن تخطيطاتها وطلقها...وحلف انه ما يتزوج بعدها ابد...
حزنت على وافي غصبا علي: مسكين....
قالت عفاري واهي تمسك ايدي: لا موب مسكين...هذا هو صبر...واخذ اللي اجمل واغنى والكل يتمناها....
طالعت بعفاري ودمعت عيوني وصديت عنها....كنت افكر بمساعد..شلون راح يتحمل خبر زواجي... وش راح يسوي...هل راح يسكت وينتهي الموضوع بالنسبة له.. ولا راح يسوي النون وما يعلمون...
عفاري وبلهجة جدية: لازم تنسينه...
طالعت فيها بسرعه: مين؟؟؟...
عفاري واهي تحط عيونها بعيوني: انت عارفته...ومايحتاج اذكر اسمه...
عورني قلبي من قو دقاته: عفاري... انت مين تقصدين؟؟؟...
عفاري واهي تقوم من على السرير: اقصد مساعد يا حبوبة...
فتحت فمي مو مستوعبة...عفاري..شلون تعرف عن مساعد؟؟...مين قالها؟؟...وليش متأكده من الموضوع؟؟..وليش ما قالتلي من قبل؟؟..
عفاري واهي تشوف نظراتي: ملكه... انا عرفت من الرسالة اللي كانت بدرج مكتبتك من مساعد...في يوم تركه لبدرية...
وكملت وهي تشوفني لسه مصدومة: لا تخافين..انا ماراح اقول لاحد...انا...حقدت عليج في البداية...بس بعدين..فكرت ان الحب اقوى مننا كلنا... وماحد يقدر يتحكم بالقلوب..
قلت بصوت خافت وكأني احاكي نفسي: مساعد راح...انتهى من حياتي يا عفاري.. صار مجرد ذكرى حلوة...وطيفية...مالها اي وجود...
عفاري وهي تروح عند الباب وتقول باستخفاف: صاح...هالحين وافي وبس..هو اللي بالقلب...
قهررتني...فركضت وراها واخذنا نتهاوش ونتضارب بقوة..
رحت لصالون تجميل مع روعه...وجلسنا نحوس ساعه بكتالوج قصات الشعر القصيرة عشان نلاقي قصة شعر مناسبة لي انا وخشتي... المصيبة كلها شعرتين... ومع هذا مصرين اني اقصها عشان تترتب...
روعه واهي تأشر لصور لتشارليز ثيرون: الله...شوفي كيف قصة شعرها؟؟..
طالعت بالصورة وقلت بملل: حلووو...
روعه واهي تطالع فيني وتتريق: حلوووو...حلوووو...حشى بالعتلك تسجيل على كلمة حلو من اول؟؟...
قلت بملل: رووووووعه...والله مالي خلقك يا حبيبتي...انت اختاري لي على ذوقك...
روعه واهي تطالع بالصورة: خلاص...اجل ذي...
ثمن كملت: انا بفهم...مين فينا اللي بتعرس؟؟؟..
ضحكت بملل: ههههه...ما تضحك....طبعا وللاسف انا...
روعه واهي تعدل جلستها: اها...زين انك عارفة....بالامانه لسى زعلانه من عمك؟؟؟...
قلت وانا اصد عنها: ولا راح ارضى عنه ليما امووت...
روعه واهي تمسك ايدي: يا بنت الناس...والله ليت عمك يغصبني على واحد مثل وافي.. كان زييين...احمدري ربك مازوجك من واحد من هاذولي اللي اشكالهم تجيب المرض والهم...
قلت بغيرة غصبا عني: انت عارفه انه يحب وحده؟؟...
روعه واهي توقف عشان تروح للكوفيرة اللي بتقص شعري: لا ولا ابي اعرف... اللي اعرفه انه يبيك انتي... وانه خطبك انتي... وانه اهو اللي راح مع عفاري لامريكا..علشان يجيبك.. مع انه موب مسؤول عنك...باي شكل من الاشكال...
راقبت روعه وهي تروح تناقش مع اللبنانية عن قصة الشعر اللي اختارتها وتأشر لي.. يا ناس خايفه..ما ودي تنقضي الايام...لكن للاسف كل مالها وتنقضي بسرعه شديدة.. البيت كله محتفل بموضوع الزواج هذا... عمتي نورا ما تركت شي بالصاله اللي تحت إلا وغيرته...وفستان عرسي طالبينه من إيطاليا... والمجوهرات حقت الزواج بيجيبها وافي بكره من المانيا...
تنهدت بصوت عالي... كنت اتمنى يكون زواجي غير...كنت ابي اتزوج بقاعة نيارة ولا بفندق هيلتون بجدة... كنت ابي اعزم الكل على زواجي...والبس احلى واكشخ فستان من تصميم واحد معروف... كنت مقررة اني اجيب هدايا العرس والتوزيعات اللي فيه كلها من امريكا وطلبية خاصه لي...والبوفيه انا اللي اكون مشرفه عليه... كنت ابي اختار تورتة الزواج على ذوقي... واقطعها انا وعريسي بالسيف...
اه... كنت وكنت...لكن هالحين كل الاماني....صارت مستحيلات..
جات اللبنانية واخذت تناقشني وهي تتأمل شعري...وبعدين بدت شغلها بحماس... وهي تتكلم عن نوعية شعري...وانه نوعية ممتازة...والقصات تضبط فيه...وياليت لو اصبغه ومن الحكي الزايد لهم...بس انا ما اعطيتها وجه غمضت عيوني وطلبت من روعه تقومني لا خلصت شغل... وانهبلت روعه يوم شافتني من جد غمضت عيوني....
سماح واهي توريني فستانها الاخضر: يعني حلوو؟؟؟...
قلت وانا المس خامته الحرير: يجنن يا سماح...بتطلعين فيه روووعه...خصوصا مع الشدو الاخضر...ياي....راح احسدك...
دخلت علينا روعه واهي شايله فستانها الاحمر: مو عاجبني..ماتوقعت يكون شكله على الحقيقة كذا...
قلت لروعه وانا اخذ الفستان من يدها: ليش؟؟..وشفيه رايق مرة...
روعه وعيونها محمرة من الدموع: موب زين...يعني راح اصير شينة بالفرح حقك..
قلت لها بكل بساطه: مين قال؟؟؟ انت احلى وحده فينا...انت وردة البيت...ونعومته.. والحلى والزين كله فيك...
قامت روعه تبكي بصوت عالي: موب زييييييين..راح يضحكون علي الناس...
تنهدت بملل...من الصبح والكل محتاسين بفساتينهم اللي طالبينها من لبنان... ما ادري ليش كل وحده ميب مقتنعه باللي عندها...
قالت سماح: بقيس فستاني عشان تشوفون وش يحتاج تعديلات...
ودخلت غرفة تغيير الملابس حقتي...اما روعه اللي قاعده تصيح من الصباح...اخذت فستانها ...
قلتلها: خلاص روعه عيوني..لا تبكين...انا باخذه منك..وبننزل اليوم انا وانتي عشان نشتريلك فستان جديد..
قالت روعه واهي تمسح دموعها: بس ميران قالت لي...انك ماراح تنزلين السوق معي.. لأنك عروس ولازم ترتاحين...والزواج ما بقى عليه غير خمس ايام...
قلت لها بلا مبالاة: عادي..هذاك اول العروس ترتاح قبل عرسها..هالحين مافيه للراحه اي مجال...
ضمتني روعه بقوة وباست راسي: الله لا يحرمني منك يا ملوك...وخذي الفستان..اساسا بيجي عليك واو..لأن لون بشرتك يتناسب مع هذي الدرجة من الاحمر..
طلعت سماح بعد لحظات...على دخلت عفاري وهي لابسه فستانها...
كلنا قلنا لسماح: واو...
ابتسمت سماح بخجل ودارت: وش رايكم فيني؟؟؟...
قلت بحماس: ولا اروع..يجنن...مرة ضابط على جسمك...
عفاري بضيق: وانا؟؟؟...
طالعنا جهتها كانت لابسه فستان فسفوري ومع لون بشرة عفاري طالع يهبل عليها...
قلت لها وانا اقرب منها واحاول اقفل السحاب اللي على جنب: مرة ضابط عليك...
سماح واهي تبتسم: بتنخطبين يا عفاري اكيييييد...
غمضت عفاري عيونها بقوة...وسرى بالجو نوع من الصدمه...وكلنا تذكرنا جاسر...شفت الدموع قاعده تنزل من عيون عفاري...اللي بعدت ايدي عنها وركضت خارجه من غرفتها...
سماح بندم: والله ما كان قصدي...
قلت لها وانا اخذ فستان روعه لداخل غرفة الملابس: عادي سموحه...مصيرها بتنسى بالاخير....
رحنا انا وروعه بالليل للسوق واخذنا معنا ريما...وطبعا مع ذوق روعه الفضيع...بغيت انهبل...انجن...مافي شي يعجبها... كل شيء شين.. وكل شيء فيه شي ناقصه.. واللي كان يعجبها مرة...تتردد انها تشتريه...يا عشان قيمته...او عشان لونه....
حسيت بتعب فضيع من كثر الوقفة...واخذت لي كرسي وجلست عليه... بينما روعه راحت تتناقش مع البياعين عشان يطلعون لها من الفساتين الجديدة اللي مخلينها بالمخازن...
كنت مغمضة عيوني وحاطه ايدي على خدي...وفعالم ثاني...
شوي يوم جيت ريما تركض ومسكت ايدي بقوة...فتحت عيوني مفجوعه...
قالت وهي تلهث: خالي وافي هينا....
طالعتها مو مستوعبه: وشوووو؟؟؟؟...
ريما وهي تتخبى وراي: شافني وانا اتزحلق على الدلج...خايفه...خايفه يطقني...
شكل البنت موسوسة...نعنبو دارك يا وافي...وسوست فينا كلنا...كلن يوسوس فيه.. ما ادري مين اللي يحبه بعيلتنا...ما اظن فيه احد يحبه....
: إذا تعبانه يا عمري موب لازم تنزلين السوق...
ارتجفت غصبا علي..وانا اسمع كلمة يا عمري...لازم اكون قوية...لازم اكون قده وقدود.. لازم ما اخليه يأثر علي بأي شكل...لأني عارفة اي حرب ضروس بتكون بيني وبينه..
قلت بنعومة خبيثة: مافي احلى من نزلة السوق....حتى لو كان فيها تعب...
ووقفت وعدلت عبايتي...لاحظت بطرف عيني..شلون كان ضام يدينه بقوة...حتى اني حسيت بعروقه طالعة...وعرفت انه لو ما كنا بالسوق..كان امداه ذبحني...وشرب من دمي...
قال لي بصوت ماحد يقدر يسمعه غيري وغيره: انسي...انسي يا بنت ال....انك تلعبين بذيلك بعد ما نتزوج...
التفت عليه وقلت وانا شامخه بخشمي: اساسا...انا ما تعودت العب بذيلي.. انا دوم العب على المكشوف...لأن... مافي شي اخاف منه...او أخبيه....
لف بوزه بطريقة انه متقرف من اللي يسمع...بينما انا طالعت فيه من فوق لتحت بنظرات باردة..وكأني اقوله..انا عارفة انت مين بالضبط....ووش ناوي عليه...ولا تحاول تمثل علي...
جات روعه: لقيت فستا....
بعدين سكتت تطالع فينا الاثنين...وحمرت خدودها.. وسبلت برموشها...وحسيت انها تغيرت 180 درجة....واستغربت انا ليش خدودها محمرة..ويوم انتبهت انا احنا واقفين قريب من بعض...بعدت عنه مسافه كبيرة وكأن عقرب قرصتني...
قلت وانا اعطيها البطاقة: ادفعي قيمته بسرعه...عشان نطلع...
وبطرف عيني انتبهت لوافي اللي باس ريما وطلع من المحل...
تعليق