ديوان الشاعرة كبرياء شمريه

تقليص
X
تقليص
 
  • الصفحة لـ 2
  • الوقت
  • عرض
إلغاء تحديد الكل
مشاركات جديدة
السابق 1 2 template التالي
  • *مزون شمر*
    عضو مؤسس
    • Nov 2006
    • 18994
    #11
    صرح شامخ

    حان القصيد وزان جو الكتابة
    ونويت عسف القاف لرضى الخزاما


    ياصرح شامخ معتلي في جنابه
    عسى السعادة في ربوعك تراما


    لاضاق صدري بنتشر في رحابه
    وأهيض المعنى على كل لاما


    مليون حل وطل بأزهى ثيابه
    وكله بفضل الله وفضل النشاما


    تشكر جميع اللي سعو بالنيابه
    عن صاحب الموقع وكل الكراما


    ومن غاب عنا لايطول غيابه
    وان غاب غالي و ان حضر ياسلاما


    واللي لفانا ياهلا مرحبابه
    عد النجوم وعد نطق الكلاما

      تعليق

      • *مزون شمر*
        عضو مؤسس
        • Nov 2006
        • 18994
        #12
        نبض قلبي
        يبقى نبض ....... القلب لكِ
        أمي
        صارت الدنيا ظلام
        يوم غبتي
        انتهى فرحي ونام
        المدينه
        تلبس ثياب السواد
        هي... حزينه من فراقك والبعاد
        وادي اصرخ ...... بس انتِ تسمعيني
        اه .... احكي ياحبيبه
        أرجعي
        اسألي كل النجوم
        القمر مصبوغ هموم
        السماء تمطر ظما
        جتني الليله ...........عيوم تحبس الدمعه
        تقول
        يامسافره برد العيون
        بردا نه انا ودي اكون
        عايشه معكِ ...... اطلب رضاكِ
        لو المسافه
        رعشة عيون
        اعيش غربه ....... اعيش جنون
        ارجعي لي... كحلي عيوني.... بشوفتك
        مدي ايدك
        هاتي عطري من كفوفك
        مادريتي ... أنا من دونك ... عذاب
        مادريتي ....أنا من بعدك .... هلاك

          تعليق

          • *مزون شمر*
            عضو مؤسس
            • Nov 2006
            • 18994
            #13
            هم وذكرى..



            ويل قلبي كل مايقبل ظلام ( ن ) فيه خوف
            خوف تخضع له هواجيبسي و ذكرى سارقة


            البقا للحزن وايام (ن) على الذكرى تطوف
            صارت بعالم حياتي مثل شمس (ن) شارقة


            العزيزه من توفت ابتدى نزف الحروف
            (..............................................)


            الشقا و الهم و الذكرى على قلبي ضيوف
            والعذاب أقبل و دمرني و بابي طارقة


            الطعون كثار و أقساها طعون بلا سيوف
            كيف أبصبر و الفرح طول وقفا بارقة


            دامني عشت المتاهه داخلي وسط الظروف
            كيف أبقوي ضيقتي و النار فيني حارقة


            يرحمك يمه زماني بعدكم بي مايروف
            من رحلتي و الفرح ميت وذابل وارقة

              تعليق

              • *مزون شمر*
                عضو مؤسس
                • Nov 2006
                • 18994
                #14
                دمي ... ودموعي

                كتبت من ..دمي ..ودموعي قصيدة
                وبروزتها بقلبي ل حدى والديني

                وغنيتها بصوت العذاب و نشيده
                لاصحت صاحت و امطرت مقلتيني

                ليله عسى الله بالعمر لايعيده
                شفت السواد بدنيتي محتويني

                ضاق الفضا و امسيت كني و حيده
                ومن المصيبه صرت ماعرف ويني

                فارقت به اغلا البشر والبديده
                امي بعد روحي و قلبي و عيني

                الغاليه .. الحالمه ... الفريده
                اللي لها من الشوق تعرق يديني

                من غيره ..اللي بالزمن لي عضيده ؟
                من غير ماشكيله .. تحس.. و تجيني

                كانت هوى قلبي و نبضه و عيده
                ودكتورتي ..لابين الهم فيني

                اقرب من اقرب شي لو هي بعيده
                وماكان يخفي شي بينه و بيني

                راحت .. وتبقى في حياتي فقيده
                وادري بتبقى مظلمات سنيني

                لو كنت بين الناس كني سعيده
                الخافي لو بالشعر لازم يبيني

                يالله يالي كل خلقه عبيده
                ابسألك يافزعتي ياعويني

                تغفر لمن كانت بداره زهيده
                رحمتك ياأرحم من الرحميني

                وتنور لها قبره و ترفع رصيده
                وتمطر عليها الغيث في كل حيني

                وتكتب لها عمر(ن) بدار(ن) جديده
                مع النبي و اصحابه الصالحيني

                  تعليق

                  • *مزون شمر*
                    عضو مؤسس
                    • Nov 2006
                    • 18994
                    #15
                    نزف لم يكتمل ... لك أمي




                    اليوم كملنا بفرقاك عامين
                    غبتي ولاغابت طيوفك وذكراك


                    باليت يومي قبل يومك بيومين
                    لايابعد ذولا وذولا و ذولاك


                    والحزن والله مابرح بعدك العين
                    ماغير اطالع صورتك واتحراك

                    ،،،،

                    متي ولاكن لاتزالين حيه
                    لازال لك في القلب ذكرى وطاري

                    ياعز وغلى من حياتي عليه
                    غبتي ولاغابت عن القلب ناري

                    ،،،،

                    اذكر كلامك يوم كنتي تقولين
                    لحدن يشوف الحزن يغشا محياك

                    ابي شموخك عز في العسر و اللين
                    ولحدن يشوف الضيم والحزن وبكاك

                    ،،،،،،

                    يامميتي من يوم فرقاك للحين
                    وانا اتقطع شوق لاحل طرياك

                    حنا بما قدر لنا الله راضين
                    يالله عسا في جنة الخلد مثواك

                    ،،،

                    غبتي ولازالت طيوفك وذكراك
                    تقض مضجع مردي كل ليله


                    عامين مرت من غيابك وفرقاك
                    ساعاتها مرت بدمن ثقيله

                    اكذب على نفسي اذا قلت ابنساك
                    مهما تجي ساعات بعدك طويله

                      تعليق

                      • *مزون شمر*
                        عضو مؤسس
                        • Nov 2006
                        • 18994
                        #16
                        العبره

                        العبره اللي لها كم يوم مكتومه
                        استوطنت في حشاى وخاوت عيوني


                        لقت لها في صميم القلب منظومه
                        توافقت مع جروحي واعشقت كوني


                        عامين مرت و هي فالروح معزومه
                        فالنون بين الهدب و الموق و جفوني


                        وبتروح و الكبرياء ماهانت عزومه
                        كله علشان من غابو وصوني


                        والضحكه اللي لعين الناس مرسومه
                        ملت وهي مالبق لونه على لوني


                        ماعاد تحلالي القعده ولالنومه
                        متضايقه واكثر الغالين ملوني



                        من غايب ليت يومي جا قبل يومه
                        اقفي وخلى الحزن فأمي يموني



                        بقا لي الذكريات وريحة هدومه
                        ودموع ماتستحيى من ضحكة سنوني


                        مير المقادير مكتوبه و مفسومه
                        ومن لاحتسب مالقا صبر ولاعوني



                        وانا رضيت القدر والعيش محرومه
                        وعسى العوض خير قدامي و من دوني



                        لو ينشري الضحك بشري لو غلا سومه
                        بفرح قلوب من حولي يحبوني


                        ارضيبها ابوي واخواني وملزومه
                        اجامل شعورهم لاجو يواسوني


                        بعيونهم ماحب اكون مهزومه
                        اخاف من زايد الامي يضيقوني


                        هاذي ترى ...كبرياء واخر علومه
                        كتبتها فالقصيد لمن يهموني


                        تعيش في جو حزن تبرق غيومه
                        ولاتبي اكثر الاقراب يدروني


                        من لام من فارق امه ربي يلومه
                        وعساه يمشي مع العربان مجنوني


                        وعسى الغلا في جنان الخلد مخدومه
                        امي و مغزى القصيد وقرة عيوني

                          تعليق

                          • *مزون شمر*
                            عضو مؤسس
                            • Nov 2006
                            • 18994
                            #17
                            يالمقابر؟؟؟






                            يالمقابر ماتردين الحبيب من الغياب
                            في ذراك من الخلايق نازل اغلى حبيب


                            رجعيلي أمي اللي بعدها ذقت العذاب
                            لو ثواني رجعيها بأحضن الصدر الرحيب


                            افتقدتك يالحنان اللي خذا طهر السحاب
                            وافتقدتك يالملاذ الدافي العب الرهيب



                            وافتقدتك يالعطا اللي فيك بحتار الحساب
                            وافتقدتك يالحضور اللي معه همي يغيب


                            وافتقدتك يامعلمني خطايه و الصواب
                            ياموصيني على صبري ليا شان النصيب


                            وافتقدتك ياسهرها لجلي لابسط مصاب
                            مايعوضه فالخلايق لابعيد ولاقريب

                              تعليق

                              السابق 1 2 template التالي

                              google Ad Widget

                              تقليص
                              يعمل...