شمس/ هالة قفلي الباب بسرعة(قالتها بعصبية)
هالة/شفيك انتي شصاير؟
شمس/والله اعلم اني بموت بسكتة قلبية بعد شوي...
هالة/ليه؟؟؟؟
شمس عطت هالة الجوال وقرته/لاتردين عليه!!
شمس/مستحيل طبعا..
هالة/طيب انا برد..
شمس/لا..
هالة/مافي غير تحطينه سبيكر..
وبعد ثواني بس اتصل متعب وهالة حطته سبيكر وشمس غمضت عيونها تتهياْ للكلام اللي بيقوله متعب بس ابتسمت يوم طلع الموضوع غير عن اللي في بالها نهائيا....
كان متعب حاط اغنية حسين الجسمي (من فينا هالليلة ينام( وقاعد يغني معه...
من فينا ها الليلة ينام ............والشوق صاحي ماينام
كل منا ياحبيبي......شايل بقلبه كلام
هذا واحنا مالتقينا ......رعشة الشوق في يدينا
كيف بكرة ياحبيبي............ واول الموعد سلام
بكرة ياعمري بتجيني......شايل بقلبك حنيني
ولمى اشوفك بكرة جنبي....خايف عيوني تخبي
لو بكينا ياحبيبي .........ماعلى اللهفة ملام........شمس ترى انا اموت فيك ومشتاق لك مووووووت والله وبتشوفين بكرة شقد انا مشتاق لك يالله عمري روحي مابي اطول عليك باي....
توت توت توت توت توت توت توت توت توت .....
هالة/الله ياخذك طيحت قلبي والله..
شمس ماكانت مع هالة نهائيا بمجرد ماسكر متعب الخط وهي في عالم ثاني (صدقني حبيبي انا اللي امووت فيك اناللي بموت من لهفتي لك ..انا اللي قاعدة انتظر بكرة بكل مافيه علشان اقولك انا تحت امرك ياقلبي....)
سوزان/ياسلام عاد هذا وقت تسرحون فيه انتي معها!!!!
هالة/بسم الله الرحمان انتي من وين طلعتي راحت عليك علوم؟
سوزان/قومي انتي ينتظرونك حتى خالتك ام متعب تساْل عنك وانتي تكلمي بسرعة شصار!!!!!!
***ومرت ليلة زواج متعب وشمس على اروع مايكون ماراح اوصفها لكم كل واحد يتخيلها على كيفه وبعدها بليلة سافروا العرسان الى فرنسا وبعدين تركيا والمغرب وقعدوا شهرين هناك وبعدها رجعوا جدة وحتى بعد رجوعهم ام متعب ماتغيرت علاقتها بشمس ابدا ..
وبعد ثلاثة شهور....
متعب/هلا سارة..هلا ..لاتوني داخل البيت ليش تسالين....امي..شفيها!! لا ..اي مستشفى...لاوالله ماحد اتصل فيني...خلاص انا باخذ شمس وبنروح....
شمس/متعب شفيك شفيها خالتي؟
متعب/اسم الله عليك تخرعتي؟؟
شمس/قول شفيها..
متعب/سارة تقول انها طايحة اليوم من الدرج ومازن وصلها للمستشفى..
شمس/وعسى ماصار فيها شي..
متعب/انكسرت رجلها...
شمس/لا..ماتشوف شر...يالله اجل قوم نروح لها..
متعب/خلينا نتغذى اول..
شمس/انت وين والاكل وين...
في المستشفى....
متعب/يمه..
ام متعب/ادخل يمه هاذي غرفتي ادخل..
متعب دخل ومعاه شمس...
متعب/سلامات يالغالية
ام متعب/الله يسلمك...
شمس/خطاك السوء ياخالتي ماتشوفين شر...
ام متعب/خطاك الشر........يمه متعب انت من قال لك؟ اكيد سويرة؟
متعب/اي سارة اتصلت فيني وقالت لي..
ام متعب/هذا وانا موصيتها وقايلة لها لاتكلمينه توه راد من الدوام....
متعب/متى قال لك الدكتور بتطلعين؟
ام متعب/والله مدري يمه مازن قطني هني ومن اتصلت فيه مرته راح وخلاني
متعب/انا بروح اشوف الدكتور...
وطلع متعب وصارت الغرفة هدوء بين الثنتين..
شمس/اقدر اسوي لك شي يريحك..
ام متعب/لا
ورجع الصمت من جديد بينهم لين جت شادية وزوجها...
شادية/ام متعب
ام متعب/تعالي يمه
شادية/سلامات ..سلامات..
ام متعب/الله يسلمك
شادية/شلونك شمس
شمس/يخير...
شادية/وابو الشباب شلونه من زمان ماشفته؟
شمس/تمام...
متعب/يمه
ام متعب/تعال يمه مافي احد..
متعب/هلا
شادية/هلا فيك وينك ياحافظ ماتنشاف كل هذا تتامل في شمس!!
متعب/شاسوي بعد كل يوم اكتشف فيها شي جديد...
شادية/ماقدر عليك يالرومنسي الله يخليكم لبعض..
ام متعب تبي تغير الموضوع/متى قال الدكتور بيطلعني..
متعب/ليلة بكرة
ام متعب/وليش مو الليلة؟
متعب/وليه تبين تطلعين اليوم ارتاحي..
ام متعب/ايه بس يمه ابوك اليوم بالرياض ومابيرجع الا الليل واخوانك في البيت ماعندهم احد...
متعب/ماهم صغار يقدرون يعتمدون على نفسهم,,,
شمس/خلاص متعب انا اروح اقعد عندهم وانت اقعد هني..
متعب/مع مين بتروحي...
شمس/بطلع مع شادية اذا طلعت...
متعب/خلاص روحي..
شادية/يالله اجل مشينا.......
يوم ثاني في المستشفى...
ابو متعب/تصدقين يام متعب شمس من امس ماتركتنا ..
ام متعب/...............
ابو متعب/انتي مالنتي عليها يامرة..
ام متعب/شتبيني اسوي يعني
ابو متعب/خلاص فليها عاد لمتى وانتي كذا معاها بكرة بتصير ام عيال متعب كيف بتكون علاقاتكم كذا......
وبعد صلاة المغرب طلعت ام متعب من المستشفى وكانوا في الغرفة متعب وامه وابوه وجت سارة اللي كانت حامل في الشهر الثامن..
سارة/يمه شلونك..
ام متعب/هلا يمه هلا..
ابو متعب/يبى سارة ليش جاية وانتي تعبانة؟
سارة/لايبى مافيني شي عادي..

ابو متعب ناظر بمتعب/وانت متى بنشوف عيالك يامتعبظ
متعب/بعيد بعيد واجد يابو متعب
ام متعب/وليش بالله!!!حرام عليك خليني عاد اشوف عيالك ماتدري يمكن اذا جاوا عيالك يتغير اللي بيني وبين مرتك؟
متعب/وانا اقول مافي عيال الا اذا تصلح الوضع كذا ماينفع امهم وجدتهم مايتلكمون...لايمه مستحيل....
في المطبخ كانت شمس مع شادية....
شمس/بغيت اكلمك في موضوع خاص..
شادية/خير قولي..
شمس/انتي تعرفين ريم الشامسي..
شادية/بنت ام طلال الدكتوة؟
شمس/اي الدكتورة انا اعرفها من زمان وببينا عشرة عمر وقبل يومين دقت لي وسالفة مع سالفة قالت لي انه جايهم المستشفى دكتور متخصص في حالات الحمل الصعبة وناس واجد يتكلمون عن شطارته واستفادوا من وراه وحالات كانت اسواء من حالتك بكثير ومستعصية بس باذن الله على ايده قدرت تجيب واحد واثنين بعد ..شادية ليش ماتروحين له؟؟
شادية/...................شمس انا تعبت من هالموضوع وماودي .........
شمس/انتي ماعندك امل ابدا!!!
شادية/ماهي مسالة امل انا رحت لدكاترة واجد وسويت كل شي وماصر شي في النهاية خلاص احس اني ياست...
شمس/انتي موقلتي ان انتي ماعندك مشكلة ولازوجك بعد ..خلاص ليش تقطعين الامل روحي وانا بتصل اخذ لك موعد وبروح معك بعد اذا تبين........
..............................................................................
بعد خمسة شهور من هالسالفة كانوا شمس وسارة قاعدين في المجلس....
شمس/مايشبه اخوه اصلا...
سارة/عذاب ياشمسوا عذاب لانوم لاراحة مافتكيت من ها المرحلة الامن عمري ورجعت من جديد
شمس/من ضربك على يدك وقال لك احملي من جديد؟؟
سارة/شاسوي الا يبي لاومو مقتنع بعد يقول باقي بنتين..
شمس/بعد!!!مين فيكم اللي يحمل ويتعب ويولد بالله!!! اللي بيحمل هو اللي يقرر..
سارة/انتي مفكرة كل الرجال مثل متعب مايقدر يقولك لا حتى في العيال !!!!
شمس/صلي على النبي لاتحسدينه..
سارة/ههههههه الا الصدق شمسوا انتي متى مفكرة تجيبين؟
شمس/بعد ماحتفل بعيد زواجنا وهو خلاص ماباقي عليه شي..
سارة/ياي ناس رومانسية بحق احتفلي يبى احتفلي بكرة يجونك عيال ينسونك ابو هالحركات...
متعب دخل مع امه...وكانت ام متعب تدمع..
سارة/يمه شفيك...
ام متعب بفرح/شادية حامل ..حامل..
سارة/صدق!!!!!
شمس بفرح/مبروك الحمد الله ياربي,,
متعب/وانا اخذت منها تعهد انها تسمي اول بنت شمس...
شمس/يا انك واحد انا ني بس اول بنت المفروض كل البنات اللي بتجيبهم اسمهم شمس...
متعب/لا اذا كذا انا بعدين ماقعد معك في البيت كله مطيح عندهم صغار وحلوين وانتي صلاحيتك تنتهي...
شمس/متاْكد ان صلاحيتي تنتهي!!!
متعب/وانا اقدر ياعمري والله ماقدر لو شيصير عيوني ماتشوف غيرك..
شمس/يخليك لي يابعد قلبي....
سارة/انتوا ماتستحون تتكلمون كذا واحنا قاعدين بينكم,,
متعب/مرتي وبكيفي اتغزل فيها مثل مابي وبعدين اليوم جرعة الحب مضاعفة ....
سارة/وليش بالله؟؟
شمس/بكرة الصبح بيروح الرياض عنده اجتماع ...
سارة/ومطول هناك..
متعب/لايومين بس....اصلا مافيني اطول اكثر....
ام متعب/اقول ياروميو زمانك خذ مرتك وتصبحون على خير روح اتغزل فيها فوق..
متعب/سمعتي يالله قومي..
شمس/متعب..
متعب/عيوني انتي...قومي جهزي اغراضي..
شمس/ماصارت يومين بتروح الله وها الاغراض...
متعب/يالله حياتي عاد,,,
شمس/امري لله....تصبحون على خير...
سارة/وانتي من اهله ..يالله اخوي تروح وترد لنا بالسلامة
وبعد مامشوا,,,
ام متعب/عساني مانحرم من شوفتك مرتاح وفرحان ياوليدي...
سارة/ولدك مايكون مرتاح الا مع شمسه !!
ام متعب/عارفة ياسارة عارفة...
سارة/يمه احنا ماشفنا منها الاكل خير,,,
ام متعب/بس يرد ان شاء الله بيلقى كل شي تغير...
سارة/صدق يمه...الله يخليك لنا ولايحرمنا منك يالغالية...
في شقة متعب......
شمس/خلاص جهزت لك ثيابك بس موتنسى اوراق العمل..
متعب/خلينا من اوراق العمل وتعالي جلسي قبالي..
شمس/هذا انا جلست خير شعندك؟
متعب/بتشتاقين لي؟؟
شمس/انت بتشتاق لي؟؟
متعب/مايبيلها كلام...وانتي؟؟
شمس/انت عارف ليه تساْل...تبيني ابكي يعني ماراح ابكي الا بكرة الصباح..
متعب/ابي اسمعها منك بتكون غير اذا انتي قلتيلي بشتاق لك...
شمس/متعب هاذي اول مرة من تزوجنا تفارقني واحسها صعبة هي صدق يومين بس مدري..
متعب/واوعدك انها تكون اخر مرة ياروح وتفيكر وقلب متعب..يالله ضحكي عاد..
شمس/متعب..
متعب/لبيه...
شمس/خلي موبايلك ةعلطول مفتوح ابي اتطمن عليك في كل وقت
متعب/وغيره ماما شمس..
شمس/وتفكر فيني قبل الاجتماع وبعده..
متعب/ليه مين قال لك اني وقت الاجتماع مابكون افكر فيك,,,,وغيره بعد..
شمس/احبك...
متعب/وانا اموووت فيك...
شمس/البيت بيكون مو حلو بدونك...
متعب بنبرة خبيثة/البيت كله ولا في مكان محدد مثلا بيكون اكثر من غيره!!!
الى حد هنا وماقدرت تمسك دموعها اكثر وهي تحس ان حبيبها بيفارقها يومين ومابتشوفها
متعب/انتي موقلتي ماراح تبكين الا بكرة الصبح ليش غيرتي راي..تعالي.....واخذها في حضنه وطفى النور...............................................................................................................................................................................................
يوم ثاني الظهر....
ام متعب/وين ابوك توه موجود وين راح...
مهند/راح يوصل شمس المستشفى..
ام متعب/شمس!!شفيها؟؟؟
مهند/هي دقت على سناء وراحت معها مع ابوي
ام متعب/سترك يارب تعال دق لي على جوال اختك....
العصر في المستشفى..
ام متعب/
شفيها؟؟؟
سناء/عندها نزيف....
ام متعب/ليش هي حامل!!!!!
ابو متعب/دخلي لها شوفيها يام متةعب...
ودخلت ام متعب الغرفة ولقت شمس تبكي...
شمس/......................
ام متعب/.....................
شمس/....................
ام متعب/..............قامت تبكي معها /سامحيني ياشمس سامحيني..لاني وقفت بوجه سعادتكم انتي وولدي لكن اوعدك من هالللحظة كل شي بيتغير....واخذتها بحضنها وشمس ماهي مصدقة ان هاذي ام متعب الا تبكي....
في الليل..
ام محمد/يايمه مايصير كلي لك شي!!
شمس/مابي..
راوية/طيب خذي كلميه من جوالي ولاتقعدين تحاتين كذا..
شمس/مابي بعدين بيحس ان فيني شي...
ام متعب وسناء دخلوا/السلام عليكم..
شمس/ها جبتي جوالي!!
سناء/اي خذي..
ام متعب/شلونك اللحين عسى احسن..
شمس/بخير...واخذت جوالها ودقت على متعب اللي كان حارق تلفونها مسجات واتصالات...(هلا حبيبي,,,هلا/,,,موجودة...بس كنت متابي ارد عليك...شلونك...لامابكي..هذا من فراقك..متعب متى بيمشي اليوم انا ضعيفة بدونك ابيك ترجع بسرعة....وانا اكثر...تصبح على خير)
وسكرت من متعب وقامت تبكي اكثر...
هالة/لاحول ولاقوة الا بالله خلاص ياشمس...
شمس/قلبي مو مطاوعني اكذب عليه اصلا هو حاس ان في شي...
ام متعب تقربت منها ومسحت على شعرها /شمس انا ماخبري فيك ضعيفة كذا قولي الحمد الله على كل حال واذا تبين متعب يرتاح قومي كلي لك شي علشان اذا رد مايشوفك تعبانة وضعفانة ويقول احنا مادرنا بال عليك يابنيتي
شمس/مالي نفس خالتي..
ام متعب/علشان متعب..
شمس/خالتي لاتتفديني في متعب صدق انا مو مشتهية...
ام متعب/والله مايصير كذا ولا شرايك ياختي يام محمد...
ام محمد/وخالتك الصادقة..
لميس/من قدك بنات ابو عبد العزيز الليلة سهرانين على راحتك ياشموس الله لنا......
************************************************** وبعد مضي شهر ونص كانت العائلة كلها متجمعة في المستشفى لان الجد طاح عليهم...
ام محمد/الله يقومك بالسلامة يبى...
ام نايف/يمه نايف روح شوف شصار على جدك..
نايف/يمه اللحين بيجي الدكتور ويطمنه..
ابو كمال/صار لهم ساعتين وماحد طلع يطمنا..
خالد/علشان التحاليل والاشعة...
وبعد دقايق وصل الدكتور...
ابو خالد/طمنه يادكتور..
الدكتور/الحمد الله وضعه استقر..
الجدة/نقدر نشوفه..
الدكتور/اكيد بس هو حاب يشوف شمس في البداية بروحها...
شمس تمت تناظر بمتعب والموجودين يناظرون فيها ومسكت يده بالقوة...
شمس/لاتتركني يامتعب..
متعب/ماراح اتركك تعالي..
ودخلوا شمس ومتعب على الجد اللي تحسنت صحته عن اول مادخل...
الجد/شمس...قربي يابنيتي...
شمس/..............
الجد/شمس امانة عندك يامتعب لايزعلها احد حتى انت..
الجد/..........
متعب/....
شمس/...........
الجد/شمس بتسامحيني يابنيتي؟
شمس قامت تبكي وهي تذكر شكل ابوها يوم يموت ويطلب السماح من امها
الجد/يشهد الله ان غلاتك في قلبي مثل غلاة متعب يمكن اكثر صدقيني اني احبك مثل عيالي اللي ربيتهم انا قاعد اشوف نفسي فيك ...بتسامحيني..
شمس دنقت على راسه وباسته..
شمس/مسامحتك...
الجد/من كل قلبك...
شمس/من كل قلبي..
الجد/على كل شي..
شمس/على كل شي...
الجد/الحمد لله انا ارتحت يوم سامحتيني كنت متضايق لانك بعيدة عني واخوانك حواليني....
متعب/انت مالك الا طولة العمر وبتشوف عبد الرحمان واخوانه...
شمس لفت على متعب/منو هذا عبد الرحمان انا ماقلت بسمي عبد الرحمان...
وابتسموا الجد ومتعب عليها..
الجد/لاتزعلها يامتعب قالت لك ماتبي عبد الرحمان خلاص غيره....
*******************************************
بعد مرور سنة وثلاثة شهور...
شمس/ريوف تعالي هنا..
ام متعب/انتي علامك كله تصارخين على بنيتي حبيبتي..
شمس/انا ماحد بيذبحني بها العالم غيرها طالعة عنيدة على جدتها ام متعب..
ام متعب/وانتي الصادقة على امها شمس...المهم انا باخذها معي المغرب بيت جدك اتصل وقال لازم تجيبونها اليوم يبي يشوفها...
شمس/زين بعد عندي المغرب موعد ومتعب ناسي نفسه للحين مارجع..
ام متعب/ان شاء الله هالمرة بنت بعد..
شمس/لاحبيبتي انا ابيه ولد علشان لايحن على راسي احمل مرة ثالثة
ام متعب/وانتي شعليك ريوف من رباها لك
ام متعب/انتي
ام متعب/خلاص اجل انتي عليك بس تحملين وتنسينهم...
شمس/تدرين شلون بعد ماترجعين خليها معك مفكرة ابيت برة الليلة,,
ام متعب/وش بتعطيني؟؟
شمس/لشنو!!
ام متعب/لاني بدير بالي عليها...
شمس/عيوني..
ام متعب/خلي عيونك لولدي مابيها...
شمس/اجل اشوف لك شي وانا جاية واشتريلك اياه..
ام متعب/شمسوه صدق مابي نازلة راكبة قلت لك غذاك وعشاك بيوصلونك ليش كل ساعتين وناطة تتعبين بعدين
شمس/اتملل بروحي
ام متعب/انا بس اخلص شغلي باخذ دلا لي وبركب لك شتبين بعد...
شمس/الله يخليك ياخالتي ولايغير علينا يارب.....
.................................................................
وولدت شمس وجابت رامي وعاشوا كلهم في حب وسعادة واتمنى في النهاية اني كنت خفيفة عليكم وانكم هضمتوا القصة وسعيدة باي انتقاد منكم............./بدفن حبي وراسي عالي لكاتبتها/ملح الحياة ) واللي حاب ينشرها الله يخليه لاينسى يكتب اسمي (ملح الحياة)لحفظ حقوق النشر ومشكورين كلكم على تحملكم لي...

رووووووووووووووووعة
لا تحرمينا من رواياتك الجميلة
رووووعة جد روعة تسلم الانامل

يعطيك الف الف الف الف عافية


قصة ولا ارووووووووووووع

حتى احداثها جد موجودة في الحقيقة قد واجهتها


تقبلى مررررررورررررررررررررى

يسلمو حبايبي هذا من ذوقكم والله وبفضل تشجيعكم...

الاااه ،

مرره حلووه الروايه =) !!

،،،

أنا كأني لمحت لك روايه ثانيه ،

بانتظارك تنزلينها بالمنتدى ان كانت لك =) ،

،،،

دمتي في حفظ الرحمن ،

سلموا غلاي على المتابعة ...الف الف شكر هذا من ذوقك والله...
ولي رواية ثانية نزلتها هني في المنتدى بعنوان(عقلي يبي محمد وقلبي يبي فيصل)

سلمت أناملك
أعلم اني قديمة ... لكن أ,ل مرة أقرأ روايتك الأولى قبل أسبوع
صراحة جميلة ... على أني كرهت شخصية شمس العصبية ...
بس ما يمنع أن القصة روعة ...
وقصتك الحالية سأقرأها لاحقا نظرا لازدحامي بين الدراسو وبين القصص التي لم تنتهي ... وقصتي ...
دمت سالمة

مشكوره حبيبتي عالروايه
لا عدمناكِ

الرواية ررررررررررررررروعة يسلمووووووووووووووووووووووووووووووووووووووو