تويت
بدايه موفقة ان شاء الله
والي الامام
انا راح اطبعها وراح اقراها بمزاج ***واجي مره ثانية واضع تعليقي
سلمت اناملك ع هالقصة
والي الامام
انا راح اطبعها وراح اقراها بمزاج ***واجي مره ثانية واضع تعليقي
سلمت اناملك ع هالقصة
-
-
اختي الغالية اسيرة العيون ياهلا وسهلا فيك وبنتظار عودتك......
*******************************************
سوزان/لاحرام راح اقولك شنو قال فارس لهم..
قال ان عنده زوجة ولاروع جمال وذوق ودلال وخجل وكل شي فيها روعة...
شمس/متعب قاله انت اكيد غلطان لان ولاصفة من ها الصفات تنطبق على هالة!!
هالة/الله ياْخذه متعبوا ماله شغل فيني يصير مثل طلال ينقل الكلام بدون ماينقل وجهة نظره...
شمس/المهم ماعلينا بكرة بيجيبون غرفة نومنا,,,
سوزان/متى بيجيبوهاظ
شمس/اكيد الصباح..
هالة/وانتي متى بتروحين؟
شمس/اْول مايجي متعب من الدوام يعني على ست ونص بكون هناك...
سوزان/خلاص ياشمسوا شهرين وبيحكمون عليك مؤبد..
شمس /ياربي لاتذكريني هالكلمة رعب بالنسبة لي..
هالة/اللي يسمعك يقول مقصرة اللحين انتي ومتعبوا ..خليها على الله بس!!!
شمس/انتي قلبي وجهك يالله ترى عاطيتك وجه بزيادة ترى هذا العم متعب عمك وعم زوجك بعد!!
هالة/نعم نعم...اخر زمن بعد متعبوا يصير عم فارس..
شمس/رجعت تقولي متعبوا ..انتي ماتفهمين اقولك هذا معزبكم انتي مع ذاك الوجه..
سوزان/وبعدين انتي معاها بتتخانقون مثل البزارين..
شمس/ماتسمعيها شتقول طايحة لي متعبوا ومتعبوا ماتشوفيني مؤدبة ماقول فارسوا,,
سوزان/كنت بساْلك شخبارجدك؟
شمس/لاجديد الوضع كماهو من انخطبنا وهو يحاول يتقرب مني
ومتعب يحاول فيني من جهة وامي من جهة وراوية من جهة بس مادري احس اني للحين ماحبه ..
هالة/بس انتي تقولين ان انتوا من انخطبتوا تغير تغير كلي عن اول..
شمس/انا مانكر ان تغير يعني صارت
علاقته باْمي حلوة حلوة ومايرضى على زعلها وتسامح منها قدام الكل
وبيتنا كلهم متعلقين فيه وصار يكلمني في التلفون مخصوص يساْل عني ودايما يوصي متعب علي ..
سوزان/خلاص اجل ليلة زواجك تسامحي منه واخلصوا من هالسالفة..
شمس/انا للحين ماحس اني احبه..
ودق جوال هالة...
شمس/سمعي سوزانوا الكلام اللي بيطلع اللحين من هالوا,,,
هالة/لاتسخرين لامن جد بتشوفين!!
سوزان/يالله راوينا شبتقولين..
وردت هالة...
هالة/الو..
فارس/هلا والله كيفك..
هالة/تمام..
فارس/وبعد اخبارك..
هالة/بس..
فارس/مايصير اللحين تاركك عند ربعك من المغرب اللين
اللحين الساعة وحدة ونص مافي اخبار!!
هالة/.........
فارس/طيب اشتقتيللي..
هالة/.........
فارس/طيب انا اشتقت لك..
هالة/..........
فارس/هالة شفيك بتظلين ساكتة كذذا على طول؟
هالة/ماعندي شي اقوله,,
فارس/مابغيتي تتكلمين..طيب امرك اللحين؟
هالة/براحتك..
فارس/فرحتي مع ربعك؟
هالة/اكيد..
فارس/ماتبين تقومين من عندهم؟
هالة/لا
فارس/لاحبيبتي بمرك اللحين خليك جاهزة..يالله باي..
هالة/باي ...
شمس/هذا اللي قدرتي عليه (اكيد,,لا..)
سوزان/وطول المكالمة ساكتة,,
هالة/قلت لكم من قبل انا ماعرف اتكلم ماصدقتوني..
شمس/الظاهر سوزانوه صدق يبيلنا نعطيها دروس قبل لاننشغل,,
هالة/اي تكفون..
سوزان/سمعي يالفالحة اذا جاك البيت ..............................................
................................................... ....
هالة/لالالالا مستحيل انا استحي..
شمس/قعدي اجل لاتطالين ارض ولاسماء..
هالة/مافي شي اخف من كذا..
شمس/طيب سمعي......................................................................
هالة/خلاص امري لله شسوي بعد....
**********************
راوية/انت ماتقول لي ليه مو عاجبك الثوب انا احسه حلو..
رياض/بس بيكون ثوبك احلى لما تلبسين ديمة مثلك..
راوية/لاوالله؟
رياض/اي والله انا ابيكم في عرس شمس تطقمون لي مثل بعض..
راوية/معناته تفصيل وانا شايلة فكرة التفصيل من بالي..
رياض/لاحطيها في بالك الله يخليك..
راوية/ليه ماتخليها لعرس هالة
رياض/لازواج شمس ونعيدها في زواج هالة ليش لا..
راوية/الله يعيني عليك انا..اقوم اكلم اختي..
رياض/لميس..
راوية/اي..
رياض/كيفها..
راوية/الحمد لله..
رياض/تصدقين حالتها ذكرتني بالذي مضى..ياعمري..
راوية/لاتقول بالذي مضى قول بالذي فكنا منه الله..
رياض/حرام عليك لعلمك بس انا استنى دانيال يكمل السنتين..
راوية/وبعد مايكمل السنتين؟
رياض/بعد مايكمل السنتين ياخت لديمة او اخو لدانيال..
راوية/في الاحلام ياروح امك..
رياض/وليه الاحلام انا احلامي كلها تصير واقع وبتشوفين...
******************************************
نايف/اقول يمه
ام نايف/قول حبيبي..
نايف/متعب شاحسن مني فيه؟
ام نايف/ولا شي طبعا..
نايف/ويومانه ماهو احسن مني بشي ليش ماباقي على عرسه الا شهرين وانا للحين ماحد خطب لي؟
ام نايف/والله عاد الساعة المباركة اللي تجي وتقول لي يايمه ابي اعرس..
نايف/الله يخليك يمه..
ام نايف/انت حاط شي في بالك؟
نايف/طبعا..اقصد يعني اني ماحبيت اخليك تتعبين وانتي تدوريناخترتها عنك..
ام نايف/قريبة ولابعيدة؟
نايف/قريبة حييييييييييل,,
ام نايف/لا..منهي؟
نايف/.................دلال بنت خالي عبد العزيز..
ام نايف/ومادورت تناسب الاخالك عبد العزيز؟
نايف/يمه انتي بتصيرين ام متعب ثانية؟
ام نايف/يايمه علشانك انت تعرف خالك وسوالفه..
نايف/انا ماعلي من خالي انا اللي يهمني دلال..
ام نايف/اذا السالفة على دلال فهي تسوى كل بنات الكون وهذا ماعليه خلاف....
نايف/يعني موافقة
ام نايف/اهم شي انت تكون مقتنع وانا موافقة على كل اللي تبيه,,
نايف/عسى الله يخليك لي ولايحرمني منك يارب..اقول يمه كلمي ابوي بسرعة علشان نخطبها..
ام نايف/ان شاءالله يمه..
*******************
اليوم الثاني في شقة متعب بعد صلاة المغرب...
شمس/لا الحمد لله ضبط اللون..
متعب/ولو ماضبط اللون شكنتي بتسوين ياميرتي؟
شمس/كنت بخليك تعيده لي مرة ومرتين وثلاث لين يوصل اللون المطلوب...
متعب/حقك والله غالية وتتغلين...شمس شنو في هالشنط؟؟
شمس/اغراض يعني شبيكون!!!
متعب/ثياب يعني؟؟؟!!!
شمس/لا..عنادا فيك ماراح اجيب الثياب غير قبل ليلة العرس بليلة!!!
متعب/ليش عاد حرام عليك....
شمس/والله اخر واحد انت تتكلم عن الحرام يامتعبني ..ياهالكني,,,يامذوبني...وش تبي بعد!!
متعب/ابي ابو سك؟
شمس/متعب خلاص عاد اثقل!!
متعب/ماقدر اثقل..
شمس/ليش؟؟
متعب/كيفي حلالي وبكيفي..احد له عندي شي!!!
شمس/اه منك..المهم شوي وبيجون صاحباتي يشوفونها..يعني بتطلع بتروح دبر حالك..
متعب/ان شاءالله عمتي انتي بس تامرين على قلبي بس
انتي مو ملاحظة ان احنا كل ماحطينا شي في الشقة تقعدن
وياي عشر دقايق وباقي الوقت لهم,,,
واللي انا ابي افهمه منو اللي بيسكن الشقة احنا ولاهم,,,
شمس/على فكرة ذكرني بعدين اقولك..
متعب/عن شنو؟
شمس/بعدين.......
...................
**************************************
يالله باقي الجزء الاخير وتنتهي القصة اشوفكم على خير....التعديل الأخير تم بواسطة *مزون شمر*; 13-10-2008, 12:35 PM.تعليق
-
يعطيك العافيه
ننتظر الجزء الاخير لا تتأخري بتنزيله
تحياتيتعليق
-
يعطيك العافيه
على هالقصهتعليق
-
الله يعتيك العافيه ،
بانتظاركتعليق
-
الروايه شكلها رووعه................وحفظتها عندي بالمفكررة وبنزلها على جوالي وبقراها لمن اكووون في الكليه <<<<تضيع طفش
وبانتظار الجزء الاخير خيتو ويعطيك العافيه..............
تعليق
-
(مزون شمر, الشوق عطري,مدوخة خلق الله,الماسة الحساسة)الف الف شكر لكم يالغلا على المتابعة وهذا الجزء الاخير من القصة......
**********************************************************
شمس نزلت بيت الشهري ودقت الباب ودخلت..
شمس/السلام عليكم...
ام متعب وابو متعب اللي ماكان غيرهم جالس في الصالة../وعليكم السلام...
ابو متعب/شلونك يابنيتي عساك طيبة..
شمس/الحمد الله انا بخير الله يسلمك ياعمي..
ابو متعب/شخبارك مع التجهيز...
شمس/ماشي الحال..
ابو متعب/مو محتاجة شي ولاناقصك شي..
شمس/تسلم ياعمي عساك بخير...انا بس كنت بقولكم ان غرفة النوم وصلت اليوم اذا حابين تشوفوها
ابو متعب/انا شفتها قبلكم يبى عسى الله يجمعكم فيها على خير..
شمس/تعبانك معنا...
ابو متعب/لا يابنيتي تعبكم راحة...دخلي تقهوي..
شمس/لا متعب فوق برجع له بس كنت حابة امركم اقولكم..............وطلعت
ام متعب/.............
ابو متعب/مو كاْنك ماعطيتيها وجه ابدا؟
ام متعب/تعرف اني مو راضية عنها لو شسوت؟
ابو متعب/هاذي هي قاعدة تكسب رضاك وتتقرب منك علشان ولدك انتي بس الله يهداك ليني شوي....شوفيها كل ماحطوا وشالوا في شقتهم جت لنا وقالت تعالوا شوفوا مو مثل بنت اخوي الا ماشفنا شقتهم غير في صباحية عرسهم!!!ام متعب علشان ولدك لازم تاْخذون على بعض ليه متى يعني؟؟؟؟
ام متعب/كل ماقرب عرسه حسيت اني خسرته اكثر من قبل..انت ماتشوفه من اخذها ماصرنا نشوفه الا بالطلبة!!!طول الوقت معها بكرة اذا تزوجوا ماراح نشوفه ابدا!!
ابو متعب/خلي عنك ها الخرابيط وقومي ركبي فوق يوم ان البنت نزلت لك بعدين ترى متعب فوق لايحط في خاطره انك طنشي..
.................................................................
في شقة متعب.....
ام متعب/لاهي حلوة يمه بس كاْنها مرتفعة واجد..
متعب/لا..مو واجد,,
ام متعب/الله يجمعكم فيها على خير..
متعب/من قلبك يمه..
ام متعب/ليش انا في مرة دعيت لك وماكانت من قلبي...
متعب/الله يخليك يمه.....يمه انتي بعدك تكرهينها؟؟
ام متعب/......................
وسمعت صوت البنات في الصالة ونزلت لهم,,,
ام متعب/هلا والله بمن جانا...
راوبية/هلا والله خالتي شلونك..
ام محمد/شلونك اختي ام متعب..
ام متعب/انا بخير انتي شعلومك وعلوم العيال,,,
هالة/شمسوا الصراحة الصالة صارت ابداع روعة تغيرت حيل....
متعب/شمس..
شمس/انزل متعب امي وخواتي هنا,,,,,,,
********************************
في بيت ال خليفة...
ليالي/وينه بدر؟
سارة/الظاهر ان اخوي ماهو متقبل شكلك انتي مع اللي في بطنك؟
ليالي/الله لايسامحك ياساروا بتشوفين لكن,,عسى الله يبليك باربعة تؤام ان شاءالله؟
سارة/هههه انتي من وين تجيبين ها الدعاوي؟
ليالي/من حرة قلبي كنت غصن بان اللحين شوفي شنو صرت؟
سارة/حرام عليك اصلا جسمك كله ماتغير
ليالي/وهذا شنو؟؟؟؟(وحطت يدها على بطنها)
سارة/وين تبين البيبي يعيش بالله اذا ماقعد هنا؟المهم ماعلينا متى بتدخلين شهرك؟
لياتلي/بعد اسبوع..
سارة/وللحين ماجاك فضول من اي نوع تعرفين جنس البيبي اللي في بطنك؟
ليالي/ابدا..
سارة/طيب والتجهيز؟
ليالي/طحت لك في الالوان المحايدة ابيض وسكري وبيج..
سارة/والاسماء؟
ليالي/بدر قال اذا بنت بنسميها نور ومشاعل قالت اذا جاء ولد سموه عبدا الله..
سارة/اسمع بعد مشاعلوا ماعليكم منها..
ليالي/شلون ماعلينا منها هاذي الخير كله لو ماهي ماخذنا بعض..
سارة/الا صحيح متى بيتزوج طلال؟
ليالي/بعد خمسة شهور,,
سارة/يالله عقبال كمال ان شاءالله..
ليالي/كمال منقي مرته بروحه وخالص باقي ياخذها..
سارة/حلو ومني عروسة المستقبل؟
ليتلي/وحدة تعرفينها زين..
سارة/مو جاي على بالي احد معين ..كيف شخصيتها مثله جادة ومغرورة؟
ليالي/ابدا ماتشبه في شي يوم قال لنا عنها ضحكنا قلنا له تبي نطلع الفروقات السبع يعني... سبحان الله شخصيتها شي ثاني...
سارة/جاني فضول كبير اني اعرفها...يالله تكلمي..
ليالي/امانة ماتعلمين احد؟
سارة/امانة..
لياتلي/مشاعل..
سارة/مشاعل!!!؟؟؟
ليالي/اي مشاعل ليه فيها شي؟
سارة/لا بس ماخطر على بالي ابدا انهم بيكونون لبعض يالله الله يوفقهم ان شاءالله..
....................................
اخر الليل في شقة متعب بعد ماطلع الكل...
متعب/يالله قولي الكل مشى؟
شمس/شقول؟
متعب/الموضوع اللي كنتي بتقولي لي عنه؟
شمس/اي...خليه في السيارة اذا وصلتني..
متعب/لا..اللحين
شمس/وليه اللحين ؟
متعب/علشان اذا لي حق اخذه بعدين في السيارة ماينفع..
شمس/متعب هاذي اخر ليلة اشوفك فيها او بنشوف بعض فيها..
متعب/نعم!!!بالله شو!!!!ماسمعت عيدي كلامك..
شمس/لا سمعت واذا ماسمعت اسمع من جديد هاذي اخر ليلة نشوف بعض فيها وتسمع صوتي بعد لين ليلة العرس..
متعب/معناته شهرين!!!
شمس/بالضبط شهرين
متعب/ليه تبين تجنينيني؟
شمس/وليه اجننك بالله كلها شهرين وبعدين بتلاقيني عندك ولعلمك ها الشهرين بيمرون بسرررعة
متعب/لا والله بيمرون من عمري كيف اهون عليك تقولين لي مابي اسمع صوتك ولاشوفك شهرين كاملين؟؟؟
شمس/حبيبي علشان تشتاق لي...
متعب/ومين قال اني ماراح اشتاق لك ..لالالا انا ارفض وبشدة
شمس/لاعاد رضيت ولا مارضيت بتوافق على القرار..
متعب/ياسلام..
شمس/انت مشيت كل شي بمزاجك وعلى كيفك من خطوبتنا الى هاذي اللحظة وفي هذا الموضوع بالذات مافي نقاش عليك التنفيذ وبس..
متعب/طيب حبيبتي افرضي اني بغيت اقولك عن موضوع ضروري شسوي؟؟
شمس/دز لي مسج..
متعب/شمس ليه كذا؟؟
شمس/علشان تشتاق لي يابعد عمري...
متعب/ومن قال اني ماراح اشتاق..انا اعرف ناس الى قبل ليلة العرس بليلة وهو معها مو يتركونا بعض شهرين لايشوفون بعض ولايكلمون بعض..
شمس/حبيبي انا ابي اشوفك ليلة العرس منكوي بنارك..
متعب/ومين قال اني ماراح انكوي ..عاد شهرين يالظالمة حرام والله حرام...
شمس/علشاني حبيبي وبعديمن انا هالفترة بكون مشغولة من جد في الحجوزات والعرس والمعازيم ومعندي كم غرض بعدني ماشريته,,,
متعب/مدام اني ماراح اشوفك شهرين الليلة اخذ راحتي فيك ..
شمس/لاوالله!!!
متعب تقرب منها وحضنها بقوة /وبدون اي اعتراض ياقلبي,,,,,
...........................................................................
نفس الليلة في بيت الجاسر....
ام محمد/يمه..
ميس/نعم يمه,,
ام محمد/انتي مالاحظتي شي..
ميس/شي مثل شنو؟
ام محمد/ان خالتك ام متعب وشمس ماتكلموا ولاكلمة مع بعض الليلة من دخلنا لين طلعنا ولاححتى بالغلط؟
ميس/عادي يمه انتي عارفة انهم مايتكلمون مع بعض وين الجديد يعني..
ام محمد/من صار اللي صار واختك متغيرة وماتسولف لي شيصير لها صارت بعيدة عني..
ميس/لانك جبرتيها تاخذ متعب؟
م محمد/بس متعب يبيها وهي تبيه ومرتاحة معه؟
ميس/بس ام متعب ماتبيها وكل اسبوع متضاربين مع بعض في الكلام..
ام محمد/مارجعت للحين؟
ميس/بلى في غرفتها..
في غرفة شمس..
ام محمد/شمس..
شمس/نعم يمه..
ام محمد/شخبار متعب..
شمس/بخير..
ام محمد/وخالتك ام متعب شلونها؟
شمس/ليه ماشفتيها الليلة؟
ام محمد/شخبارها معك؟
شمس/.................
ام محمد/يعني هاذي اول مرة اشوفكم مع بعض انتي مو ملاحظة انكم ماتكلمتوا مع بعض ولاكلمة؟
شمس/وليه نجامل كلكم عارفين انها ماتبيني بما فيهم انتي!!
ام محمد/انتوا طول ها الفترة ماتغير فيكم شي...
شمس/لا تغير...تغبير اني ذليتنفسي وكرامتي لها وصرت اضغط على نفسي واسايرها لكن مو علشانها علشان متعب وبس قمت ادور رضاها واشتري ودها بس هي مع هذا كله ماتبيني وانا خبر خير في نفس الليلة قطوني على ولدها....
متعب/بس متعب يدور سعادتك ياشمس لاتحسسيني اني غلطت يوم عطيتك ولد خالتك؟
شمس/لاغلطتي!!تعرفين ليه يام محمد ...بيني وبين نفسي دايما افكر واقول شبيصير اذا متعب تغير وراحت السكرة وجت الفكرة؟؟؟اذا رحت سكرة حبه لي وفكر الجد الجد انه يوقف مع امه ضدي شبيصير فيني لحظتها ..ماراح يصير شي (وقامت ووقفت عند الباب) لانني ببساطة بكون انتهيت يمه وطلعت من الغرفة ..وخلت ام محمد وافكرا تجيبها وافكار توديها لبعيد
**************************************
وليلة الحنة كانت قبل ليلة الزواج بلبيلة..
هالة/يالله شمسوا عاد الحناية وصلت تنتظرك؟
شمس/زين عاد بس بلبس وبطلع شفيك علي..
هالة/علشان يمديه يجف ويصبغ..
شمس/عمره ماصبغ اصلا متعب مايحبه..
هالة/ونقعد احنا اذا متعب مايحبه ويحبه..
طق طق طق طق
ودخلت دلال...
هالة/اهلين بالعروس اخبارك(انخطبت لنايف)
دلال/خلاص اجل حنوني بدل شمسوا يوم اني العروس..
شمس/بتريحيني والله..
دلال/يالله ننتظرك لاتبطين...
شمس/يالله جاية..
وبعد ماطلعت دلال دق جوال شمس مسج من متعب وفتحته...(شمس حبيبتي بدق عليك وابيك تردين لاتخافين مابيك تقولين شي ابيك بس تسمعين اللي بقوله)
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟تعليق
-
مشكوره و يعطيكِ العافيه
بس لاتتأخرين علينا بكمالها للاخير
موفقهتعليق
-
مشكووووره اختي ع القصه الرائعه
تقبلي مروري ...تعليق
-
ربي يعتيك العافيه ،
وياليت تخلصينها لنا لانك طولتتتتتتتتتتي !تعليق
تعليق