ديوان الشاعر سعد بن جزاء الميموني - شاعر الحزن

تقليص
X
 
  • الوقت
  • عرض
إلغاء تحديد الكل
مشاركات جديدة
  • *مزون شمر*
    عضو مؤسس
    • Nov 2006
    • 18994

    #31
    ((يقول لاتبكي ترى الموت جاني))




    ياويل حالي وين خلي وانا وين
    وين الحبين اللي عطاني الاماني

    اذكر اذا انه ضاق صدري من البين
    وجيت اشتكي له هموم وسط المحاني

    يقول ليت الهم يعطى وتعطين
    همك بشيله واعتبرني اناني

    يقول احبك ومسكنك داخل العين
    وميت بحبك واوعدك ماتعاني

    ويمد يده ماسحاً دمعة العين
    ويقول لاتبكي ترى الموت جاني

    لكن ابوه خيب رجاء اصدق اثنين
    في صدقهم يشهد عليه الزماني

    وصدق حكي وهروج من ناس واشين
    واخذ حبيبي وابعده في ثواني

    ابعد بخلي وعيشه بين نارين
    رضوان والدينه اذا انه نساني

    ولزو عليه وقالوا اختار هالحين
    واصبحت انا ماضي بحياته طواني

    ودام استحاله شوفة الزين بالعين
    تكفون وصلو له الحكي عن لساني

    لو كان دربه مبعدٍ بالملايين
    وابحور تفصل من مكانه لمكاني

    اقسم قسم منساه لو مرت سنين
    حتى ولو جاني خبره ونساني

    يبقى حبيب الروح تاج المزاين
    ويحرم على قلبي على انسان ثاني

    يبقى غلاي لسيد سيد المزايين
    لو طالة المده وبعد المكاني
    التعديل الأخير تم بواسطة *مزون شمر*; 07-11-2007, 07:16 AM.

    تعليق

    • *مزون شمر*
      عضو مؤسس
      • Nov 2006
      • 18994

      #32
      ((اسباب الحزن فيني))




      كثير من البشر يسال عن اسباب الحزن فيني
      وكثير من البشر وده يعرف بدنيتي وش صار


      وعلام اللي يقابلني يشوف الدمع في عيني
      وانا توي صغير السن حزين وشارد ومنهار


      انا بحكي بقول الحين عن اللي صار في سنيني
      ولكن قبل لا اتكلم ابيكم تحكمو يا اخيار


      تعالو واشهدو ياناس تعالو طالعو فيني
      تعالو شاهدوا جسمي غدى ناحل وعقلي طار


      انا ماني ترى مدمن ولا ضاعت ملاييني
      وربي يابشر حالي سبايب وقتي الغدار



      تعالو واسمعوا مني وش اسباب الحزن فيني
      وشنهي سبة دموعي وش اللي بدنيتي اسرار


      يتيمٍ ايه انا عايش00 يتيم محدٍ يراعيني
      ولحدٍ عني جاء يسأل وحيدٍ جالسٍ بالدار


      يتيمٍ مافي بالعالم رحومٍ جاء يواسيني
      يتيمٍ عايش بحسره وضيقه عيشتي امرار


      يتيمٍ في نهار العيد محد جاني يناديني
      يقول لي خذ حلاو العيد زمانٍ كنا فيه صغار


      يتيمٍ صاح ياموتي رجيتك رجوه تجيني
      يومٍ استاذي قال بكره يجون ابائكم ياصغار


      شهادتكم ترى بكره وابوكم لازم يجيني
      بسلمها انا بيده وشهادة شكر مع ازهار


      وجاء بكره وجيت امشي ولحدٍ ماسك ايديني
      ومن أي طالب دخل ماسك بدين ابوه صرت اغار


      وكنت الاول ولكن دموعي كانت بعيني
      نزل دمعي وسط حفلٍ كبير وحاضرينه كثار


      مقصر زادها الاستاذ ما بارك صار يعزيني
      شهاده كانت بيدي احسها جمرة من نار


      ترى هذا سبب واحد من اسباب الحزن فيني
      يكفي يابشر ولا اكمل وافشي الاسرار


      ابحكي عن سبب ثاني سبب زاد الحزن فيني
      حبيبٍ مت في حبه ولكنّه طلع غدار


      انا رغم اليتم حبيت عشقت بكل مافيني
      عشقت وكنت له وافي واذا اخطأ اجيب اعذار



      انا حبيت لي شخصٍ عشقته عشقي لعيني
      وهو حبني واقسم لي برب المصحف الجبار


      انا صدقت حلفانه وهقيت انه بيغليني
      ومثل ماني احبه موت توقعته يجيني بار


      ولكن خيّب ضنوني توقعته بيحميني
      توقعته حبيبي يكون ولكن صاربي غدار


      اثاري كان يتسلى ووقته يضيعه فيني
      وانا اللي أحّسبه يحبني واحسبه حاط لي مقدار


      قطع في طعنته اخر عروق الفرحه بسنيني
      وزاد الحزن في قلبي وخلاني اعيش بنار


      خدعني ونيته ينهي حياتي وده ينهيني
      وعجزت اخذ بثاري منه حبيبي كيف اباخذ ثار


      ومع غدره وطعناته غرامه ساكنٍ فيني
      ولا ظني انا بنساه لو اتعالج بوسط شهار


      عرفتو يابشر هالحين ليه الدمع في عيني
      عذرتوني على جسمي عذرتو عقلي اللي طار


      وامانه يابشر تكفون اذا منكم يلاقيني
      لايسألني وش الباقي من اللي بدنيتي اسرار


      لاني لو انا بحكي جميع اللي انا فيني
      ياناس عقولكم والله بتلحق عقلي اللي طار
      التعديل الأخير تم بواسطة *مزون شمر*; 07-11-2007, 07:18 AM.

      تعليق

      • *مزون شمر*
        عضو مؤسس
        • Nov 2006
        • 18994

        #33
        ((ليه سافرتي))




        مدام اني انا احبك00ومدام انتي تحبيني
        ابسال ليه سافرتي لديره مقدر اجيها

        ابسال ليه سافرتي ورحتي بعيد عن عيني
        وتركتيني بهالديره اصارع الحزن فيها

        تركتيني ورحتي ليه؟بحزني ليه تركتيني؟
        تركتيني وحيدٍ ليه همومي لمين بشكيها

        تعالي وارجعي أرجوك00ابيك ياشمعة سنيني
        تعالي والله محتاجك وهذا الناس مابيها

        تعالي امسحي دموعي تعالي يانظر عيني
        ياعمري والله هذي الحال علي انتي ماترضيها

        تعالي ارجوك ابي اشوفك تعالي بحزني واسيني
        تعالي امسحي دموعي وعن العذال اخفيها

        ترى هذا حكي قلبي يقوله قبل ماتجيني
        ثلاث شهور ينتظرك سهر معظم لياليها

        وقلتيها تبي تجيني توقعتك تبشريني
        جلست انتظرك الساعه بدقايقها وثوانيها

        وصلتي وجيتكي بفرحه حظنت ايديك بيديني
        ولمحت بعينكي اسرار عن عيوني تخفيها

        طريقت حكيك تغير تغير حسكي فيني
        رجعتي حيل مغروره ونفسك معجبه فيها

        رجعتي فاقدة احساس ماهمك لو تعذبيني
        وكل ما انطق بكلمه بغرور تستهزئي فيها

        قدرت اكذب على نفسي واقول انك تمثليني
        وقلت لنفسي اترجاك ابي ارجع احاكيها

        رجعت وجيتكي عاني وكان الحزن طاويني
        وشفت بعينكي نظره لمحة السخره فيها

        ولما سالت دموعي بقمة ضعفي شفتيني
        بعيونك بانت الفرحه شفاهك بسمه تضويها

        رحلت عن عينكي منها عرفت انك بتنهيني
        بقلبك شايلتلي كره ونفسك حقد ماليها

        سقيتك كل فرح هالكون وانتي سم تسقيني
        تحمليني خطأ غيري وانا زلاتك امحيها

        ياليتك مارجعتي ليت سفركي طول سنيني
        عشان ما اكشف تغيركي ونفسي تعيش ماضيها

        ويارب اللي زرع هالكره وحقدٍ بينك وبيني
        اشوفه فاقدٍ عقله00عيونه سقم معميها

        وهذي هي قصيده لك قبل دنياي تخفيني
        باخر دمعي مكتوبه00هديه لك اهديها
        التعديل الأخير تم بواسطة *مزون شمر*; 07-11-2007, 07:21 AM.

        تعليق

        • *مزون شمر*
          عضو مؤسس
          • Nov 2006
          • 18994

          #34
          خدعني بكلمة(احبك)!!




          كفايه بس ياعيني..كفايه تهلي الدمعات
          علامك ليش مو مصدقه ب انه حب له ثاني

          كفايه وخلينا ندفن بقايا حبنا اللي مات
          انا مليت ياعيني وحيدٍ جالس اعاني

          مدامه حب له ثاني وجتني طعنته بسكات
          ابمشي وابتعد وارحل يعيني يكفي ماجاني

          مدامه حب له ثاني اعيش بهم وبحسرات
          ولا افكر انا ياعين بشخصٍ راح وخلاني

          صحيح ما اتحمل فراقه..ولا اتحمل انا الاهات
          ولكن مبيديني شئ اهو قرر بينساني

          خدعني بكلمة احبك وبعدك مابديت ابات
          افكر في عيونك لين ماحبك تغشاني

          خدعني والله ياعيني وربي عالم النيات
          خدعني لين ماحبه سكن قلبي ووجداني

          سقيته حبي وعطفي..سقيته اجمل اللحظات
          وهو جمع جميع الحزن..بكاس وبيده اسقاني

          امانه انسى ياقلبي..وعيني انسي اللي فات
          ومثل ماخانني بينخان..مصير الخاين يخاني

          وكثير من البشر ياعين يبون مني ولو نظرات
          وكم واحد ترى جاني وحلف لي انه يهواني

          وانا اترجاك ياعيني رجاء في اخر الابيات
          رجايه(اعشقي ثاني)(مثل ماحب له ثاني)

          وكفايه بس ياعيني كفايه تهلي الدمعات
          على (خاين) نسى حبي وراح يحب له ثاني
          التعديل الأخير تم بواسطة *مزون شمر*; 07-11-2007, 07:23 AM.

          تعليق

          • *مزون شمر*
            عضو مؤسس
            • Nov 2006
            • 18994

            #35
            ((سافري يا ابيات شعري))







            سافري يا ابيات شعري..وانصي ديار الحبايب
            وانقلي اخبار عاشق ..خبري فيها ضنينه

            انقليله اخبار شاعر صار همه هم شايب
            واشرحي له كل حالي ساعة انك تاصلينه

            علمي خلي عن حياتي شايفٍ فيها النكايب
            قولي خلك شاف ذله والقهر شاف الغبينه

            وقولي اني دون خلي عايش بدنياي هايب
            وانزرع خوفٍ بصدري من عقب ذيك السكينه

            واسأليه ليه الخيانه؟وش حصل وشهي السبايب
            وقولي حلفتك بربك ماحفظك بوسط عينه

            حلفيه ان كان مره جاء طلبني ورد خايب
            حلفيه ان كان غيري مسعده مثلي بسنينه

            حلفيه شكثر قلبي منه اتحمل طلايب
            حلفيه شكثر نفسه قابلتني بنفس شينه

            وحلفيه مادام قلبي في غرامه حيل ذايب
            قولي حلفتك بربك قلب صانك لاتهينه

            واطلبيه يشوف حالي من فراقه صار عايب
            ويرحم قليبٍ تعذب من سبب فرقى ضنينه

            واطلبيه الحين يرجع من قبل حط النصايب
            فوق قبري من غيابه تصبح عضامي دفينه
            التعديل الأخير تم بواسطة *مزون شمر*; 07-11-2007, 07:25 AM.

            تعليق

            • *مزون شمر*
              عضو مؤسس
              • Nov 2006
              • 18994

              #36
              ((ارجوك ترجع قبل تسمع وفاتي))




              يازين اسمع ياحبيبي هالابيات
              ترجي سموك تسعدن في حياتي

              مهما حصل من هرج او صار زلات
              حرام تبعد واقعد انا احاتي


              يازين لاتنسيك دنيا المتاهات
              حبٍ مضى مابين ذاتك وذاتي


              حبٍ بقلبي عايشٍ مابعد مات
              حبٍ فديته ياحياتي بحياتي


              حبٍ لو تقيسه بعيد المسافات
              حبٍ حرم عيني تذوق المباتي


              ارجووووك ياحبي تفكر بما فات
              لا تعيّش اللي يعشقك في شقاتي


              ارووجوك ترجع لي ولو هي لحضات
              ابقى بقربك واعتبرها غناتي


              من بعدكم يازين عايش بحسرات
              وفي قربكم يازين كل امنياتي


              ليتك تجي وتشوف بالعين دمعات
              مافارقتني بجلستي او صلاتي


              غايب ياعمري وغايبه معك بسمات
              من يوم غبت مفارقاتٍ شفاتي


              والله ياخلي يكفي هالقلب صدمات
              من كثرهن والله كتبت الوصاتي


              ان كنت تغلى غالي اما خيانات
              ماظنتي منها بشوف النجاتي


              ارحم حبيبك عاش داخل معانات
              وقلي تعال ماهو ترى الوقت فاتي


              وان كنت تسمع ياحبيبي هالابيات
              ارجوك ترجع قبل تسمع وفاتي
              التعديل الأخير تم بواسطة *مزون شمر*; 07-11-2007, 07:30 AM.

              تعليق

              • *مزون شمر*
                عضو مؤسس
                • Nov 2006
                • 18994

                #37
                ((خلاص ابرحل))




                خلاص ابرحل وابتعد عن عيونك
                خلاص ابرحل واعترف صرت ندمان


                مع علمي اني مقدر اعيش دونك
                واليا قدرت اعيش بعيش ب احزان


                وانت كمل احلامك مع اللي يبونك
                اللي حقيقتهم لك بيوم بتبان


                من غيرو لك ياحياتي ضنونك
                من علمك تلعب على قلب ولهان


                من درسوك تهين شخصٍ يصونك
                و(سعد)يموت أهون ولا يعيش منهان


                واذكر اذا في يوم شخصٍ يخونك
                انك ياعمري كنت في يوم خوان


                واذكر وانا ابكي كيف بانت سنونك
                من كثر ضحكك يوم دمعي بدا يبان


                ولاعشت مثلي والحزن صار لونك
                واصبحت ياعمري علي حيل شفقان


                وجد انقهرت وحيل جنت جنونك
                ارجووك سدد ديني اللي عليك كان


                ذكرت ديني ولا ناسي ديونك
                ديني تعيش سنين سته بالاحزان


                ذوقتنا الاحزان باروع فنونك
                كنت طالبٍ عندك وانا اليوم فنان


                مستغربٍ طالبك يتقن فنونك
                حفظت درسك صم ماني بنسيان


                وهذي حقيقه ببتعد عن عيونك
                ولد الاصل يدفن ولا يعيش منهان
                التعديل الأخير تم بواسطة *مزون شمر*; 07-11-2007, 07:32 AM.

                تعليق

                • *مزون شمر*
                  عضو مؤسس
                  • Nov 2006
                  • 18994

                  #38
                  ((لا..غلطانه ياحلوه))






                  لاتحاولي با (اتصالك).. لاتحاولي بالرجوع
                  انتهى حبي وحبك انتهى ذاك الغرام

                  انتهى حبي وحبك وانطفت ذيك الشموع
                  انجلى والله غرامك انجلى مثل الغمام

                  لا الرجاء أصبح يفيدك ..لا ولا هل الدموع
                  ولو حكيتي ..مايفيدك ..ماحكيتي من كلام

                  دام بينتي لغيري.. المحبه والخضوع
                  وجازلك حبه وعشقه وصار في صدرك وسام

                  ليه جيتي وش تبيبي ماني لحكيك سموع
                  ادري خانك..ادري باعك..وعشتي وياه بصدام

                  لانكي خنتيني وطعنتي قلبي من بين الضلوع
                  بسبتك اصبحت ضايع.. تايهٍ وسط الضلام

                  صرت معرف وين دربي صرت في موقف يروع
                  ومن يشوفني قام يتمتم بكلمه وحده ياحرام

                  وتحسبين ان بعد هذا قلبي يرضى بالرجوع
                  لا غلطانه ((ياحلوه)) بيننا مات الغرام

                  وصدقيني (ابخداعك) و(غدرك) و(جرحك) قنوع
                  لاني عارف فيه ناسٍ يضحكون بسن سام

                  يخدعون ب ألف لون ويطلعون ب ألف نوع
                  وانتي منهم وبخداعك حبكي اصبح عدام

                  وقبل اروح ارجوك روحي للي شاف منك الخضوع
                  واشكريه ((باسمي)) لخانك لانه رد حقي تمام

                  يعني فضلا باتصالك لاتحاولي بالرجوع
                  وانسي رقمي لو سمحتي ويالله بعد اذنك سلام
                  التعديل الأخير تم بواسطة *مزون شمر*; 07-11-2007, 07:39 AM.

                  تعليق

                  • *مزون شمر*
                    عضو مؤسس
                    • Nov 2006
                    • 18994

                    #39
                    ((واهمه ماتحبين))


                    صدفه وانا امشي شفتها قبال عيني
                    من عقب ماهي غايبه اربع سنين


                    وقفت اطالع مدري وش صار فيني
                    ماكنت اظن تقدر على شوفها العين


                    قالت سعد ماني مصدقه تجيني!!
                    سعد حبيبي الف اهلاً وسهلين


                    قالت علامك شوف ماده ايديني؟؟
                    تعال سلم ياسعد مد الايدين!!


                    او صح نسيت و00ماتشرف تجيني
                    ايه ما اشرف خاينه وش تبي فين


                    مادام خنتك ياسعد ماتبيني؟؟
                    ولو اتاسف واعتذر بالملايين؟؟


                    سعد ابشرك من عطيته حنيني
                    اللي انا خنتك عشانه من سنين


                    منه انا شفت الخيانه بعيني
                    ذقت القهر ذقت المذله مع البين


                    يمكن انا هالحين سددت ديني
                    ارجوك ترجع ياضياء القلب والعين


                    ارجوك ترجع ياسعد ياضنيني
                    ارجوك ترجع ياحياتي لي الحين


                    قلت الحقيقه اسمحي واعذريني
                    ما اقدر أأمنك دام في يوم خنتين


                    قالت ابحلف الف حلف ويميني
                    قلت اعذريني دام في يوم خنتين


                    قالت احبك قلت قلبك نسيني
                    ويابنت اصحي واهمه ماتحبين


                    وروحي لخلك ابعدي لاتجيني
                    قالت خدعني00 قلت وانتي خدعتين


                    قالت ابصبر يمكن انك تجيني
                    قلت اصبري وملعون انا كان شفتين


                    ومع السلامه حبك اصبح دفيني
                    ما اقدر احبك دام في يوم بعتين
                    التعديل الأخير تم بواسطة *مزون شمر*; 07-11-2007, 07:43 AM.

                    تعليق

                    • *مزون شمر*
                      عضو مؤسس
                      • Nov 2006
                      • 18994

                      #40
                      ((ارجع حبيبي لا اموووت))



                      اليا متى واحنا كذا
                      جرح والم حزن وضياع
                      اليا متى نبقى كذا
                      نشكي من اوجاع ونزاع
                      اليا متى واحنا كذا
                      انت بمكان وانا بمكان
                      ابكي عليك اصرخ ابيك
                      وقلبي سهر قدام
                      بيتك يحتريك
                      وتجي تدوسه بالقدم
                      ************
                      اليا متى سبة خطأ
                      ننهي محبتنا بوداع
                      تسبح مشاعرنا بسراب
                      ونعيش في دنيا العذاب
                      اليا متى ابقى انا
                      شاعر حزن
                      شاعر حزن
                      من بعد ماني شاعرك
                      اصير انا شاعر حزن
                      ************
                      يرضيك ياعمري كذا
                      يرضيك ياعمري امووت
                      والحزن يصبح لي كفن
                      ويحى قصيدي دون صوت
                      ارجع حبيبي لا امووت
                      ارجع حبيبي لا امووت
                      ************
                      اليا متى واحنا كذا
                      نبعد عن دروب الهناء
                      يازين ارحمني تعال
                      لا تقول رجعتنا محال
                      تكفى تعال خلي تعال
                      بدل لي الهجر بوصال
                      لايصير تكفى شاعرك
                      شاعر حزن
                      شاعر حزن
                      ************
                      اليا متى وانته كذا
                      مبعد ولا تنوي الرجوع
                      تسفه رجايه والدموع
                      راضي حبيبك يحترق
                      ويجف غصنه والورق
                      وتمدله كل الاذى
                      اليا متى اليا متى
                      ************
                      اليا متى واحنا كذا
                      كل ما اقرب تبتعد
                      كل ماقرب تبتعد
                      اصرخ
                      اناديلك اصيح
                      طايح جريح
                      وانته ولا همك احد
                      اليا متى واحنا كذا
                      اليا متى
                      اليا متى
                      ************
                      اليا متى واحنا كذا
                      دمع وقهر
                      هم وسهر
                      ضيقه وكدر
                      سيره على لسان
                      البشر
                      ************
                      اليا متى واحنا كذا
                      خلٍ نسى
                      راح وجفى
                      وخل انحرم
                      طعم الكرى
                      ************
                      اليا متى تبعد كذا
                      خلي ترى
                      شعري بدى
                      ينزف حزن
                      بعد الوداع
                      وعاش بضياع
                      خلي ترى
                      ما اخفيك انا
                      من بعد ماني شاعرك
                      الحين انا
                      شاعر حزن
                      ************
                      اليا متى
                      ابقى انا
                      شاعر حزن
                      شاعر حزن
                      شاعر حزن
                      شاعر حزن

                      تعليق

                      google Ad Widget

                      تقليص
                      يعمل...