ديوان الشاعر سعد بن جزاء الميموني - شاعر الحزن

تقليص
X
تقليص
 
  • الصفحة لـ 7
  • الوقت
  • عرض
إلغاء تحديد الكل
مشاركات جديدة
السابق 1 2 3 4 5 6 7 template التالي
  • *مزون شمر*
    عضو مؤسس
    • Nov 2006
    • 18994
    #21
    (( وشلون هانت دمعتي في عيونك))





    قلي بربك يابعد..عمرّ..مغليك
    وشلون خنت اللي محرم يخونك

    وشلون هانت رجوتي يوم انا ارجيك
    وشلون هانت دمعتي في عيونك

    وشلون بعت اللي بهالناس شاريك
    قلي علامك بعت ناسٍ يبونك

    قلي بربك دامني بصدق هاويك
    وشلون بحيا باقي العمر دونك

    قلي بربك حالي اليوم يرضيك
    طايح جريحٍ من سبايب طعونك

    طايح جريحٍ انتخيبك واناديك
    ودي تقول ابشر..حبيبي..ياعونك

    واثرك تقول ابعد انا اليوم مابيك
    وتروح تتركني بلحظة جنونك

    وقف قبل لاتروح ربي يخليك
    دامك رفضت احيا..حياتي بكونك

    ارجوك قبري تحفره اليوم بيديك
    يحرّم علي العيش يازين دونك
    التعديل الأخير تم بواسطة *مزون شمر*; 07-11-2007, 06:50 AM.

      تعليق

      • *مزون شمر*
        عضو مؤسس
        • Nov 2006
        • 18994
        #22
        (((ياظالم)))



        نزل دمعي
        فقدت صبري
        وقفت عنده
        وانا مدري
        صرخة بوجهه الحالم
        وانا في داخلي نيران
        وقلت أرجوك
        تسمعني
        انا تايه في بحر الحب
        انا غرقان
        وفجأه صرت لي مرسى
        ابيك تقولي ه الحين
        علامك صرت متبدل
        000
        00
        0
        ابيك تذكر زمانٍ كان
        زمانٍ فات
        زمانٍ عايشٍ مامات
        او تدري انا بحكي
        وانا برجوك تسمعني
        وتفهمني
        وابسأل ياترى تذكر
        00
        0
        هذاك العاشق الولهان
        بعد مادمره انسان
        هذاك اللي
        جلس يبكي
        جلس يحكي
        معاناته
        هذاك اللي حظنته بحب
        ومسحت من عينه
        دمعاته
        ولما صار لك عاشق
        بحبك هايم وصادق
        دفعته في
        مهب الريح
        تركته في معاناته
        تركت يذرف الدمعات
        عليك
        وانت ما همك
        تركته ينادي بالصرخات
        عليك
        وانت ماهمك
        تركته بضيقه وبحسره
        وقلبٍ بالحزن أسره
        0
        وفجأه
        قالي لحضه
        وحط يده على
        فمه
        جلس يضحك
        جلس يضحك
        جلس يضحك
        00
        0
        صرخت بوجهه الحالم
        صرخت وقلت ياظالم
        كفايه تكفي الضحكات
        كفايه يكفي
        برودك
        كفايه يكفي
        غرورك
        كفايه
        قالي لحضه
        انا برجوووك لاتغلط
        وقلت الحين
        انا غلطان
        وياظالم انت ماتغلط
        000
        00
        0
        قال الحين انا
        بحكي
        انا ماني ترى
        نسيان
        ولكن
        وش اسويلك ترى قلبي
        عشق ثاني
        وانا ه الحين متأسف
        اذا انك باقي تعاني
        وانا ه الحين متأسف
        وحبك صارلي
        ماضي
        00
        0
        جلست ابكي
        على حبي على حظي
        على قلبي
        وراح ولا مسح
        دمعي
        00000
        0000
        000
        00
        0
        وبعد شهور فقد صبره
        وحار الظالم با أمره
        وجاء يمشي
        وقف عندي
        صرخ
        في وجهي الحالم
        وهو في عينه الدمعات
        وقلبه ينبض بونات
        وقال ارجوك
        ساعدني
        حبيبي
        تكفى سامحني
        انا تايه انا غرقان
        وابيك تكون
        لي مرسى
        وجلس يبكي
        وقلت اسف
        وانا ابكي
        000
        00
        0

          تعليق

          • *مزون شمر*
            عضو مؤسس
            • Nov 2006
            • 18994
            #23
            ((يمه))






            يمه هالغربه صعيبه شفت فيها كل شين
            شفت فيها كل هم وكل ظلم وكل عذاب



            يمه محتاجك يايمه واسمعي يمه الونين
            من خفوقي اللي لشوفك من كثر هالشوق ذاب



            يمه ابيات القصيده تطلبك لاتزعلين
            وتطلبك عفوك عن اللي اخطأ في طيش الشباب



            يمه احب رجلك يمه واحب اليدين
            سامحيني ولا تقولي يمه فيني الظن خاب



            يمه اوليدك تغيّر صار ماشي عاليقين
            وكل علمن صار مبطي دونه اقفل الف باب



            يمه امريني وقولي علميني وش تبين
            امريني ياغناتي والله ولدك مايهاب



            مخلي الناس الحسوده قدرها رملٍ وطين
            وانتي يمه ومنهو غيرك قدرها عدى السحاب



            وطلبتي منك يايمه ابغى دايم تفرحين
            ابغى كل الناس تدري فرحنا ماعمره غاب



            وخاتمة يمه قصيدي طالب انك تغفرين
            انسى علومي منول اللي في طيش الشباب



            ويكفي بالغربه يايمه ماتغمض فيني عين
            من كثر مافيني هم وجاني ظلم وبي عذاب
            التعديل الأخير تم بواسطة *مزون شمر*; 07-11-2007, 06:52 AM.

              تعليق

              • *مزون شمر*
                عضو مؤسس
                • Nov 2006
                • 18994
                #24
                ((دنيا بها الحزن شفناه))


                مليت من دنيا بها الحزن شفناه
                شفنا الغدر فيها مع انا وفينا

                مدري حبيبي شنهو اللي عملناه
                مدري وش اللي ناقصٍ ماعطينا

                صنا العهد تدري ولا يوم خناه
                وما اذكر ياعمري مرةٍ قد خطينا

                غيرك ترى مدلي المحبه بيمناه
                ورديت حبه وقلت اسف هوينا

                ماهمنا والله لونا فقدناه
                من حبه الخادع بحبك صحينا

                يكفيني انت اللي خفوقي تمناه
                لكن وش اللي صار لحظة بدنيا؟

                فجأه اختفيت وكل نجمٍ سألناه
                يقول مدري غصب والله غفينا

                وطمنت روحي يوم صوتك سمعناه
                لكن طعنت القلب وقلت انتهينا

                صدمتك هزت عرش حبك ومبناه
                وماهو دمع والله دمٍ بكينا

                اسألك ياخلي وش اللي فعلناه
                وردك تقول ارضوا ترانا رضينا

                وش لون نرضى يموت وردٍ زرعناه
                ونصير عقب الورد شوكٍ جنينا

                يازين منك الهم والحزن ذقناه
                ذقناه عشنا بالمحبه وفينا
                التعديل الأخير تم بواسطة *مزون شمر*; 07-11-2007, 06:55 AM.

                  تعليق

                  • *مزون شمر*
                    عضو مؤسس
                    • Nov 2006
                    • 18994
                    #25
                    ((الموووووت ناداني))



                    ياخلي طالبك ترجع انا بدونك الم واحزان
                    انا بدونك ولا حاجه واحس اني بنهاياتي

                    ياخلي ارحم اللي عاش بدونك بالاسى وحرمان
                    بدونك مايواسيني بهمي غير دمعاتي

                    انا ناسي جميع الناس ولاني ذاكرٍ انسان
                    انا ماذكر سواك انته ولاغيرك ساكن بذاتي

                    ياخلي ضاقت الدنيا بعيني وعشتها منهان
                    بدونك غابت الفرحه وغابت معها بسماتي

                    اعيش الحسره والضيقه ولحدٍ بالعرب دريان
                    اشوف الموت ناداني يبيني اكتب وصاتي

                    ياخلي طالبك طلبت يتيمٍ منحرم لامان
                    دموعه دوم بعيونه وعايش بالمعاناتي

                    طلبتك لايطول البعد حرام بعد الترف ننهان
                    حرام تبعد حرام تروح وتتركني بحسراتي

                    انا والله بعيوني ودمعي ارضيك اذا زعلان
                    وربي محدٍ صابر يعيش بمثل مأساتي

                    ياخلي ارجع وكذب من اللي قال خلك خان
                    وتعذر قلهم مشغول او مسافر وراح تاتي

                    تعال وقول للعالم انا ويا (سعد) خلان
                    واحبه ولا نسيته يوم ولا حتى بنياتي

                    حبيبي عمري ياروحي عشيقي يا اعز انسان
                    وجودي وراحتي وفرحي منايه انت وحياتي

                    انا احبك انا احبك انا بحبك انا هيمان
                    امانه لاتخليني حبيبي بحزني واهاتي

                    امانه خلي ارجع لي تراي طايح انا ومرضان
                    تراي ان كنت ماتدري كتبت البارح وصاتي
                    التعديل الأخير تم بواسطة *مزون شمر*; 07-11-2007, 06:57 AM.

                      تعليق

                      • *مزون شمر*
                        عضو مؤسس
                        • Nov 2006
                        • 18994
                        #26
                        ((وصاتي))




                        حالي تردى ياهلي والله يعين
                        وشكلي انا باخر مطاف بحياتي

                        يالله عسى ربي من النار ينجين
                        ويقبل لي اعمالي ويقبل صلاتي

                        وانا بعلمكم وصاتي من الحين
                        وحلفتكم بالله نفذو وصاتي

                        روحو لشخصٍ قد عشقته من سنين
                        روحو لاتشغلكم مراسم عزاتي

                        وعلموه من انتم وجاين من وين
                        وسلمو عليه وبلغوه بوفاتي

                        وقولو ترانا جاينك معزين
                        وقولو ترى الانسان له يوم ياتي

                        وقولو موصي لك ياداعج العين
                        واذا جلستم افتحوله وصاتي

                        الاوله ارجوك لاتدمع العين
                        ولا يتكدر خاطرك من وفاتي

                        هذا امر ربي ولابد بيجين
                        ومكتوب لي هذي نهاية حياتي

                        والثانيه عاشقك من تسعة سنين
                        من كثر حبك ما اهتني بالمباتي

                        مابيك تنساني كذا بلمحة العين
                        واذكر بحبك كم لقيت الشقاتي

                        والثالثه لو صار ماصار يازين
                        ما ارضى حبيبي يوم تجحد غلاتي

                        وما ارضى بقلبك يسكنه ناس ثانين
                        وان اجبروك قلهم ترى القلب ماتي

                        والرابعه مسموح مسوح يازين
                        يومك سمعت اللي سعو بالوشاتي

                        وابعد عن اللي حكيهم بس بالشين
                        غيبه ونميمه كذب سب وشماتي

                        والخامسه كلمه بها الخلق دارين
                        بقولها يازين واختم وصاتي

                        يامن بدا أسمك بحرف غالي هو السين
                        كلمة احبك هي نهاية وصاتي
                        التعديل الأخير تم بواسطة *مزون شمر*; 07-11-2007, 07:01 AM.

                          تعليق

                          • *مزون شمر*
                            عضو مؤسس
                            • Nov 2006
                            • 18994
                            #27
                            ((حبيبي وين))



                            حبيبي ياحبيب العين
                            دمووع العين تحكيلك
                            امل ضائع
                            وامل باقي الى هالحين
                            ياعمري منين
                            الاقي زين
                            يعجبني ويستاهل
                            دمع العين
                            حبيبي وين
                            الاقي زين
                            الاقي بسمه بشفاهه
                            وغمزة عين
                            حبيبي وين
                            الاقي زين
                            يسمع لي واسمع له
                            واذا ابعد عن عيوني
                            يتعذر
                            ويمسح دمعةً
                            سالت على الخدين
                            حبيبي وين
                            الاقي زين
                            الاقي حبي بعيونه
                            ويعرف اني مفتونه
                            حبيبي وين
                            الاقي زين
                            مايسألني حبيبك وين
                            اخاف اقوووول
                            حبيبي راح
                            يرد قلبي يقولي لا
                            حبيبك ساكنٍ فيني
                            يبي يرجع لانه صدق
                            يغليني
                            واخاف اقووول
                            هو موجود
                            راح ساعه يبي يرجع
                            ترد العين لاتكذب
                            حبيبك راح
                            حبيبك ضاع
                            حبيبك مايبي شوفك
                            حبيبك صارله حبه
                            شطب حبك من قلبه
                            واكذبها
                            لا
                            اصدقها
                            ولا ادري ليه موقفها
                            تبي فرقاك
                            لانك كنت جارحها
                            حبيبي هل عرفت الحين
                            مابيه يعرف
                            مابيه يسأل
                            مابيه يقول لي الحين
                            حبيبك وين؟؟
                            لاني احترت
                            بين امرين
                            ولاني نفسي ما ادري
                            حبيبي وين
                            حبيبي وين
                            حبيبي وين

                            ....
                            ...
                            ..
                            .

                              تعليق

                              • *مزون شمر*
                                عضو مؤسس
                                • Nov 2006
                                • 18994
                                #28
                                ((عايش حزيني))

                                بعدك انا يابنت عايش حزيني
                                ردي ترى بعدك عن عيونا طال

                                مدي ايدينك تحتضنها ايديني
                                وبدلي لي الهجران يابنت بوصال

                                مدي يمينك وامسحي دموع عيني
                                من قبل لايشمت على الحال عذال

                                قولي من اللي مبعدك لاتجيني
                                احكي من اللي لحبنا بغدر يغتال

                                نذرٍ لدوس اللي حكو امس فيني
                                اللي يحسبو المرجله بلبس العقال

                                اللي ابعدوكي عندنا لاتجيني
                                والله لذوقهم جزاء القيل والقال

                                قرمٍ ماعندي قول يمه ارحميني
                                من داس طرف ثوبي ادوسه وبنعال

                                ماهاب من واطي تربى بشيني
                                ماهاب انا دامي نسل ناسٍ ابطال

                                ابوي رباني على كل زيني
                                علىالشجاعه والكرم وحسن الافعال

                                وعلى الرجوله والحميّه وديني
                                الين صار يهابني كل رجال

                                يالله تعالي دام قلبك يبيني
                                وخلي احد يحكي او يسوي اشكال

                                والله والله والف حلف ويميني
                                لحرق له دياره من الجال للجال

                                والله لعيشه بالاهانه سنيني
                                وكرامته والله لتنداس برمال

                                قبل يتوهق علميه اليقيني
                                دامه ضعيف لايجي بوجه زلزال

                                خليه ورى اخته لا اشوفه بعيني
                                قدره ورى اخته لايجي مجلس رجال
                                التعديل الأخير تم بواسطة *مزون شمر*; 07-11-2007, 07:04 AM.

                                  تعليق

                                  • *مزون شمر*
                                    عضو مؤسس
                                    • Nov 2006
                                    • 18994
                                    #29
                                    ((ياخاينه شفتك معاه))



                                    ياخاينه لاتنكرين شفتك انا بعيني معاه
                                    وانتي تحاكيه بغرام وايديه ضمتها ايديك


                                    ياخاينه شفتك معاه ماهو حكي ناسٍ وشاه
                                    وان كان ودك ((بالدليل)) قولك من اليوم احتريك


                                    طولت ياعمري علي ورضاي في بوسة شفاه
                                    قالك اهو دامها كذا كل يوم بتاخر عليك


                                    والحين فيكي تنكرين ((ياخاينه)) ياتفه فتاه
                                    مثلتي انك تعشقين الين قلبي مات فيك


                                    واثرك بقلبي ((تلعبين)) والحب قلبك مالفاه
                                    غرّك بقلبي طيبته غرّك عشانه مشتريك


                                    ياخاينه اكبر حرام احدٍ يبيع اللي شراه
                                    دامه صدق بمحبته ومحدٍ بحبه له شريك

                                    ياخاينه روحي ابعدي مدام قلبك في عماه
                                    روحي وحطي فبالكي ((ياخاينه))قلبي نسيك


                                    ياخاينه لاتنكرين شفتك انا بعيني معاه
                                    وان كان ودّك((بالدليل)) قولك من اليوم احتريك
                                    التعديل الأخير تم بواسطة *مزون شمر*; 07-11-2007, 07:06 AM.

                                      تعليق

                                      • *مزون شمر*
                                        عضو مؤسس
                                        • Nov 2006
                                        • 18994
                                        #30
                                        ((قلبٍ وطيته حالف انه يتوطاك))




                                        الحين جاي وتعتذر عن خطايا
                                        توك عرفت اني انا ميت فيك


                                        توك عرفت قلبي عشقك وتمناك
                                        انك تكون خلّه وحبه بيعطيك


                                        القلب عافك من بعد ماترجاك
                                        القلب ماوده ولا بسمع طاريك


                                        ارجع لناسٍ صفقو في سواياك
                                        في قلب ذنبه كان بالحيل هاويك


                                        ياما لفاك قلبي دخيل يترجاك
                                        يقول مابي الناس والله انا ابيك


                                        لكن غرورك للاسف عنه اعماك
                                        ورحت وتركته وانت تسمع يناديك


                                        يصرخ يقول خلي انا ارجاك وارجاك
                                        حبٍ بنيته لا تهدمه باياديك


                                        دامك هدمت الحب ليه جاي؟ وش جاك
                                        توك صحيت اني انا بصدق شاريك


                                        وتبكي تظن قلبي يبي يحن لبكاك
                                        وتقول نادم سامح الله يخليك


                                        نادم على شئ فعلته بيمناك
                                        يومك تبعت اللي عن الحق معميك


                                        ويومك تبعته من مجبور برضاك
                                        وخلاك تاطأ قلب بالدم يفديك


                                        قلبٍ وطيته حالف انه يتوطاك
                                        ولا راح يشفعلك ولا زين ماضيك


                                        دليتني درب القساوه من جفاك
                                        وعلمتني كيف اهجرك من تغليك


                                        والحين تسأل؟ كيف وشلون بنساك
                                        انت اللذي علمتني كيف اخليك
                                        التعديل الأخير تم بواسطة *مزون شمر*; 07-11-2007, 07:08 AM.

                                          تعليق

                                          السابق 1 2 3 4 5 6 7 template التالي

                                          google Ad Widget

                                          تقليص
                                          يعمل...