(الفص السادس عشرل)

نزل راكان بسرعه للمجلس لان ضيوفه وصلوا ، عدل شماغه ودخل
راكان :-السلام عليكم
الكل :-وعليكم السلام
وجلسوا .. كان محمد طول فترة النقاش ساكت مايحكي عرف راكان انه زعلان او متضايق ومن يلومه الي يسويه شي خطير ومهم حيل الي يسويه يا يدمر مستقبل يا يبنيه ..
وقعوا الشهود الاربعه على المستندات والي عدد اوراقها اكثر من عشرين ورقه ..
سلم راكان الاوراق لمحاميه :-تفضل يا اخ حمدان وعاد كمل الباقي
حمدان :-تامر طال عمرك يومين بالكثير وتكون عندك الاوراق
راكان (وهو يهز راسه ويسكر قلمه) :-ماتقصر
وقفوا ضيوفه ...وقف معهم :-على وين
واحد من الشهود :-والله يبو فيصل ورانا اشغال
(راكان لقبه من سنين ابو فيصل لانه يحب هالاسم )
راكان :-مافيه طلعه الا انتم متغدين
حاولو يعترضون بس مافيه امل راكان كان ملزم واضطروا انهم يوافقون ويتغدون عنده..
طلع راكان من عندهم وراح بيبلغ دانه عن الضيوف ولقاها تو نازله من فوق
اجوع لوصاله ولا اشبع منه جوع
وانهار وصله مارواني ميّها
عشرة شرف ما شابها خزي وخنوع
ولا جابها مبدا الذراع وليّها
قمة تفاهم بيننا واذرب طبوع
لبا محياها ولبا ضيّها
صحيح انا مسلم ولي قلب (ن) قنوع
لكن ذبحني يوم مابه زيها
×
رفعت دانه عيونها الا وتشوفه واقف يناظرها ،، يالله كيف الشهور الي مضت ثبتت محبته بلقبها وخلتها راسيه ما تتزعزع مثل الجبال
اخ من حبه الي ملى حياتها وخلى لها لون ومعنى ...
ناظرته وهي تبتسم...
مابينهم كلام ...
بينهم شعور..بينهم احساس ماينتهي وبينهم حب كل ماله يزيد

احبك والوله فيني يبان في نظرة عيوني
احبك يانظر عيني وانا لك عاشق وولهان
انا يامن سكنت قلبي بحبك صرت مجنوني
الا ياليت تسقيني من اشواق الوله عطشان
كلامك ..رقتك..طيبتك..وضحكاتك انسوني
هموما عايشه فيني تعذب قلبي الحيران
ترى بعدك يعذبني ، يزود فيني طعوني
انا مو ناقص فراقك بدونك عايش بحرمان
بدونك تكثر جروحي وانا اسمعهم ينادوني
تعال داوي جروحي تراني من البكا تعبان
ترى مهما جرى منك ومهما زادت ظنوني
انا باقي معك وافي مدامك ساكن الوجدان
خلاصة كل ماقلته يبان بنظرة عيوني
تقول اني احبك حيل واني لشوفتك ولهان
×
جمد راكان في مكانه ...
قوة الحب الي جمعهم على الحلوه والمره .زاده ثبات وزاده ثقه...
انسانه بريئه .. صغيره
غيرت نظرته لكل شي ...حتى الهواء غير وطعم الماء صار غير
كل شي في حياته مبتهج ..يحس انه عايش وانه من جده ولاول مره من اعماق قلبه مبسوط وسعيد
طيبك مكفي يابعد قلب مغليك
يكفي وجودك في حياتي مكفي
ليت العمر يهدى والله لاهديك
لحظاتي الحلوه واسكر ملفي
اعاهدك بالي خلق ماني مخليك
لين قلبي النابض احسه مطفي
اخذ الوعد مني بحبي اغطيك
وعدي واذا قلته تراني موفي
×
نزلت له وعيونها بعيونه تتعلق...
طرى لها طاري وخنقتها الغصه
(حبيبي....مالي حياه من بعدك)
من كثر ماني احبك صرت اخاف البعد عنك
اه يالدنيا الحزينه كيف اخاف وانا احب
يسكن الخوف بعيوني...والالم يحكم شجوني
مو بيدي يوم اخاف..ومو بيدي يوم انا اسال
وش معك يصبح مصيري..؟
وش بعد حبك اكون !
×
وقف الزمن ووقفت معه انفاسه وهي تمشي له وعيونهم متصله ببعض بطريقه غريبه...
عمره ما امن بشي اسمه حب ..
امن بالود والعشره الطيبه هذا ان كان حظه زين ولقى من تقاسمه هالشعور وهالاخلاق..
لكن الي بينه وبين دانه اكبر من كل الود اكبر من كل ما قيل وانقال
يحبها
مختصر شعوره...
وحياته فدوه لعيونها...
انا ماهزني غيرك حبيبي بالبشر انسان
ولاحبيت ابد قبلك ولا افكر احب ثاني
دخيل الليل والقمر او النجم في سمانا ظال
ودخيل الحب وعيونك ودمعا غرق اوجاني
ابي حبك يزلزلني يفجر داخلي بركان
ابيه يطهر جروحي يمحي باقي احزاني
ابيك تكثر الرهبه وقلبي ممتلي ايمان
وابيك تشد من عزمي اذا همي تلقاني
ابي حبك ينسيني همومي وعالم الاحزان
وابي قلبك يصبرني اذا جيتك انا اعاني
ابيك تشيل من قلبي معالم لوعة الحرمان
ابيك توقف بصفي اذا ظرفي تحداني
ابي حبك يجنني وينقش في سماي الوان
ابي قلبك يحسسني بصدق الحب لاجاني
ابيك الصاحب الوافي يحطني دايم بهيمان
ابيك العاشق المخلص يشافي دوم عطشاني
ابي عطشك ابي قربك ابي حب كما البنيان
ابي قلبا كبيرا لاملاه الشوق ناداني
ابيك الشاعر الصادق ابيك المغرم الهيمان
تبيع الروح من شاني
ابي امكن بقلبك لوحدي مامعي انسان
ابملك كل تفكيرك وتملك كل وجداني
وابي قلبك يواعدني لو خان البشر ماخان
وابي اطلب طلب واحد رجيتك وهو المهم الان
وانا ادري مستحيل ترفض لانك جد تهواني
ابيك تعيش في قلبي اذا تسمح مدى الازمان
ابيك تشوف ماتملك في قلبي وماتعداني
×
ابتسم من كل قلبه :-يسعدلي هالصباح الي لو يجي بنص جمال هالوجه بيكون اروع منه مافيه
حمرت خدودها :-هههههههههههه ترفق بي ركوني
قرب منها وقال بوله :-اه يا زين اسمي لا قلتيه
دانه :-ههههههههههه ياعيني وش هالرومنسيه من الصبح
كشر راكان وسوى فيها زعلان :-لا والله يعني قصدك اني مو رومنسي انا
حمرت :-هههههههههههه من قاله اصلا انت مالك مثيل
استانس راكان :-ايه اشوا على بالي
دانه :-افطرت
راكان وهو يناظر في ساعته :-ههههههههه الحين حزة غداء
ابتسمت :-عارفه بس اكلت شي
راكان :-شربت لي عصير
انصدمت :-بس عصير
هز راسه
عصبت :-راكان انت تعبان ومحتاج تتغذى
راكان :-يازينك لاعصبتي
طلعت عيونها من الزعل :-نعم
راكان :-احممم اقصد وكانك تكلمين بزر توه صغير تراني بكمل خمسه وثلاثين قريب
ناظرته نظره خطيره :-عارفه انك قريب بتكمل خمس وثلاثين
سوى فيها مصدوم :-بالله تعرفين تاريخ ميلادي
عصبت من جدها :-طبعا اكيد اعرف كل شي عنك
راكان (ماسك ضحكته) :-مشكله اجل لازم اغيب سيرة حياتك
من جد وصلت معها الصيحه للدرجه هذي ماتهمه .. ماحركت ولو شوية من فضوله
مرته بسرعه وهي زعلانه ...مسكها
راكان :-زعلانه
دانه (تكابر) :- ليه فيه شي يزعل
راكان وهو يبتسم :-مدري
حاولت تفك يده عنها بس مافيه امل
قالت بتعصيب :-اتركني
راكان (مبسوط) :-no
دانه بترتكب جريمه :-اقول اتركني
راكان (ناوي على الشر) :-وش بتسوين لو عندت
شبت ضو من داخل قالت تهدد :-بوكس صغنون على مكان العمليه يقوم بالواجب
كشر بيكسر خاطرها :-اهون عليك
كسر خاطرها ومستحيل لو مهما كانت زعلانه عليه تأذيه ..
دانه :-------------------------
عرف انه زودها قال وهو يناظر في وجهها :-انتي من مواليد عام 1407 ه يوم السبت الساعه 5 العصر اول يوم بشهر شعبان درستي بمدارس خاصه من الابتدائي لاخر سنه بالثنوي تخرجتي بنسبة 92% وسجلتي ادارة اعمال بجامعه الملك سعود متاخره ترم ماقد حملتي ولا ماده تزوجتي وانتي باقيلك سنتين وتتخرجين ... درستي عنده سنه وترم ونجحتي فيهم بدون حمل مواد وانقطعتي عن الدراسه سنه وزود .. يعني باقيلك ترم وان شاء الله تخلصينه هالسنه
ناظرته مو مصدقه الي تسمعه ...
راكان :-غلا روحي وقلبي اذا ماعرفت كل شي عنك وش ابي بهالذاكره الي يحسدوني الناس عليها
دمعت عيونها وقالت بدلع:-سخيف
راكان :-ههههههههههههههه تسلمين حياتو داري
دانه :-تراه من ورى قلبي لاتصدق
راكان :-هههههههههههههههه عارف فديت هالقلب الطاهر
حمرت خدودها :-خلاص ركوني خف علي
راكان :-ههههههههههههههههههههه
دانه وهي تناظر الوقت :-حبيبي بروح المطبخ اشوف وش بيطبخون لنا غداء
تذكر راكان :-يالله انتي السبب نسيتيني
دانه خافت :-وش فيه
راكان :-عندي ضيوف خليهم يحسبون حسابهم بالغداء
دانه :-ههههههههههههههههههههههه لا والله ولاطعهم بلحالهم وتسولف معي
راكان :-هههههههههههههههههههههههه تراهم موظفين عندي ومعارف عادي الواحد يستفيد من مركزه لو مره بالسنه
دانه :-ههههههههههههههه توني ادري انك مستبد
راكان (مسوي مصدوم) :-انا مستبد الله يسامحك
دانه :-هههههههههههههههههههههههه دور البريء مايليق عليك غيره
راكان يتوعدها :-طيب يادندون بتندمين
دانه :-ههههههههههههههههههههههههههههههه حلاة الندم اذا جا منك
راكان تخبل :-يابنت ارحميني تراني تعبان ومسوي عمليه ماكملت ثلاث ايام
دانه وهي تغمز له :-ههههههههههههههههههه احد داس لك على طرف
راكان :-هههههههههههههههههههههههه تروحين تشوفين اشغالك والا تفاهمت معك
مشت بسرعه للمطبخ :-ههههههههههههههههههههههه اصبحنا واصبح الملك لله
ناظرها وهي ماشيه للمطبخ...
يارررررررررررررررررررررررررربي شكثر احبها
طلع مكتبه ..
وحط الاوراق بخزانته السريه مكانه الامن..نفض الغبار عن يدينه وهو يحس على الاقل براحه لانه ضمن مستقبل الناس الي يحبهم بهالعالم اكثر من روحه
نزل بسرعه ولقة امهاته يتقهون قهوة الظهر ..
راكان :-صباح الخير
امهاته :-صباح النور
امه (مريم) :-كيف اصبحت
راكان وهو يحب على راسها :-بخير الحمد لله
امه :-الله يجعله
راكان :-عندي ضيوف اليوم على الغداء
ام راكان :-الله يحييهم نعرفهم
راكان :-لا موظفين عندي بالشركه ومعارف
الا بجية دانه :-ركوني بتصلي هنا احط لك سجاده
هز راسه :-لا بروح اصلي في المسجد احس اني احسن اليوم
دانه :-براحتك طيب متى تبون الغداء
راكان :-ثنتين تمام
دانه :-ان شاء الله
وقف وراح لضيوفه ..الي مشوا كلهم لمسجد الحاره يصلون الظهر
قالت ام راكان :-يمه ماتدرين عن سالفة التوقيعات الي اليوم
دانه وهي تفكر :-لا والله يمه اظنها اسهم جديده يبينا نكتتب فيها
مريم :-الا صح اكتتاب هو قال لي كذا
دانه :-وانا بعد
ام راكان (قلبها مو متطمن) :-وانا بعد
دانه :-يالله يمه لاتكبرين السالفه وهي صغيره
ام راكان :-على قولتك
وتفرقن عشان يروحن يصلن الظهر
×
><في بيت ابو سعود ><
قال ابو سعود يكلم ام سعود :-وين مرة ولدك
ناظرت في الماس
ابو سعود :-نوف
ام سعود تذكرت ان سعود متزوج ثنتين :-مدري عنها طلبت غداها فوق
ابو سعود عصب :- من متى وحنا نفترق على الوجبات
ام سعود :-شتبيني اسوي
قال ابو سعود لمنال :-روحي نادي اختك تنزل تغداء معنا
عصبت منال :-خواتي هنا يبه موجودات
عصب ابوها :-نوف اختك قومي ناديها ولاتراديني في الكلام
قامت منال وهي فيها الصيحه :-ان شاء الله
راحت تجر رجلينها اما هنادي والماس جلسن يناظرن في بعض
طلعت منال وهي مقهوره ماتبي تحاكي هالشينه بس حكم ابوها عاد
وصلت لباب جناحها ...
سمعت نوف تحكي على التلفون وصوتها يلعلع:-والله لتندم يمه والله لو توصل السالفه للقتل
انخرش قلب منال من جدها ذي تحكي كذا
دقت الباب بقوه ..
نوف :-لحظه يمه ........... نعم
منال بدون نفس :-ابوي يبيك تحت
نوف بقهر :-ماراح انزل
منال هزت كتوفها وما اهتمت :-كيفك
ونزلت...
ابوها :-هاه وينها
منال وهي تجلس بمكانها :-ماتبي تنزل
ابوها :-قلتيلها اني ابيها
منال :-ايه وعيت تنزل
امها :-والله من زين التربيه
عصب ابو سعود :-بروح اشوفها
الكل مذهول من موقفه هو بنفسه يطلع لها
انقهرت الماس من عمها ..ومن تصرفاته الشينه الي وصلت انه يحرم سلطان من الغداء في البيت عشان يجمعها بنويف والحين يطلع لها غرفتها
هنادي :-من جده ابوي
الماس :-جت وحكمت بنت وضيح
منال :-لا وسمعتها تحكي على الجوال وتقول لمها والله لو توصل السالفه للقتل قتلتها
اخترعت امها :-من تقصد
الماس (باستهزاء) :-في مين ياعمه فيني اكيد
ام سعود :-والله الي مو صاحيه
هنادي :-قلنا لكم من زمان بس من الي يسمع
======>>في نفس الوقت
دق باب غرفه نوف ، قالت بدون نفس :-من؟
ابو سعود :-انا يابنيتي
فركت عيونها مره وقطرت كم نقطة مويه فيها ...
فتحت الباب ونظرها للارض :-تفضل عمي
دخل عمها وعيونه عليها
قال بخوف :-علامك يبه
نوف (تتضيعف) :-مافيني شي ياعمي
عمها حس بأنّا في الموضوع :-الا فيك شي علميني
سوت فيها ماودها تقول
عمها :-علامك يبه تبين تروحين لاهلك
نوف :-لا
عمها :-سعود قايل لك شي
عصرت لها دمعتين وجلست تبكي ، اخترع عمها
قال بعصبيه :-علميني وش سوى لك وانا اوريه شغل الله
نوف وهي تمسح دموع التماسيح :-لا لا ياعمي ماودي اكبر السالفه عشاني بس اخاف اجلس في مكان بلحالي
انصدم صدمه :-هاه
نوف :---------------------
عمها :-مانام عندك البارح
نوف :------------------
صرخ عليها :-ردي
نوف :-ايه
وطلع بسرعه من غرفته ...
=======>>تحت
قال سعود لامه وهو ياكل من صحنها :-هههههههههههه الحمد لله عدت على خير
امه :-مالكم حق ماتعلموني بالي صار في احمد تراه بحسبتكم عندي
سعود :-مافيه شك
هنادي :-الا يامامتي سعودي معه حق لو علمكم قلبتم الدنيا خليكم على عماكم تراكم تجننون كذا
ناظر الماس الي تناظره بحب ، ارسل لها بوسه في الهواء واشر عليها تلحقه بعد شوي فوق
حمرت خدودها وهزت لها راسها
منال :-ههههههههههههههههههه تعجبيني هنود
امهن عصبت :-لا والله ومبسوطات بعد
قالت هنادي بتغير السالفه لانها ماتحب ان امها تزعل :-يمه علمتي سعود بالعمال الي مرونا امس
سعود :-اي عمال
امه :-العمال الي يركبون خط الفاكس
الماس :-فاكس
سعود :-ايه الي مرسلين رقمه على اطباء المانيا الا وين ركبتوه
امه :-ركبناه بالصاله الي فوق لان تحت مافيه امكانية تركيب خط جديد
سعود :-مو مشكله
تضايقت الماس من هالسيره
منال :-الا صحيح ماطلعت النتايج
سعود :-لا ماوصلنا شي للان هم كذا راعين لطعات بس في النهايه تقاريرهم ماتكذب
امه :-طيب ارسل لهم مره ثانيه
سعود :-ارسلت لهم قبل ايام والرد بيوصلني يالليله او بكره
انقبض قلب الماس وحالها مو احسن من حال سعود الي ميت خوف
الا وبدخله ابو سعود والشرر يتطاير من عيونه
سكووووووووووووووووووووووت في صاله الاكل
قال ابوه بدون مقدمات :-وين كنت
نزل سعود ملعقته وعرف ان السالفه كبيره وابوه لاعصب مايعرف يفكر في نفس الوقت
قال سعود بهدوء :-كان عندي شغل
ابوه مازال واصل اخر حدوده في التعصيب :-شغل وانت توك عريس جديد
عرف سعود العله (نويف) وجلس يدعي عليها في نفسه من قلب
قال لابوه وهو يوقف ويقرب منه :-يبه خلنا نهرج بالمكتبه
لكن ابوه ما تزحزح من مكانه وقال :-ليه كل البيت داري عن جحداتك لبنت عمك
تضايق سعود من هالسيره وقال :-يبه لو سمحت ماله داعي هالكلام
قال بكل صوته :-وله داعي تنام برى البيت وتترك عروسك استح على وجهك مالك كم يوم متزوج ومسفه بها
مسك نفسه وقال بهمس :-كان عندي شغل ضروري
ابوه وهو ياشر على الماس :-لو عندك شغل وانت عند الماس بتروح
سعود تغير لون وجهه :---------------------
دمعت عيون الماس من التجريح الي يوجهه عمها لحبيب عمرها سعود
صرخ فيه :-رد علي
وصل سعود وحده وفقد اعصابه :-هذي الماس يبه الماس وش جاب لجاب
عصب ابوه وصار يرمي كلامه المسموم على سعود :-انت ما انت بوجه عرس
صرخ سعود :-عارف لكنكم غصبتوني واحرجتوني بمجلس كله رجال
كمل ابوه تجريحه :-عز الله منت برجال
صرخ :-لا تطعني في كرامتي والا اقول خذ راحتك صار هالكلام الي تقوله عادي سنين وانا اسمعه كل الابوان يتمنون راحة عيالهم وانا مالقيت منك يبه الا الشقا والله عمري ماقصرت بشي وافديك بعمري بس ليش تعاملني كذا
لكن ابوه مايهزه شي :-لانك عاصي
انجرح سعود من هالكلام :-انا عاصي
الا وبدخلة نوف الغرفه والجو متوتر ....
قال ابوه وهو يناظره وياشر على نوف :-لانك ماتقوم بواجباتك كامله مع زوجتك
طق فيه عرق ...كيف تجرأت وقالت لابوه عن شي خاص بالمره
ومالقى نفسه الا وهو عندها ويصفقها هاك الكف الا وهي طايحه
ذهووووووووووووووووووووول ملى المكان ....
الا وكف ثاني صدى قوته يملا المكان ...
فزت الماس من مكانها ام سعود شوي ويغمى عليها هنادي ومنال متماسكات وعيونهن مدمعه
قال سعود ويده على خده :-تضربني يبه
ابوه :-واكسر رقبتك كرامتي من كرامتها وانت بتصرفك كنك مديت يدك علي
طلع سعود بسرعة البرق من البيت والماس وراه ...
مسكها عمها :-خليه يولي
الا وتنفض يدها من يده وتركض له ..
مسكته برى بالمواقف الي بالبيت
قالت وهي شوي وتبكي :-سعود لاتروح
صرخ سعود :-مالي قعده هنا مالي قعده
مسكته وهي تبكي :-لاتطلع وانت زعلان
صرخ :-الماس اتركيني
الماس :-سعود لاتسوق وانت زعلان
نفض يدها من يده وركب ...وطلع بسرعه ماقدرت تمنعه قلبها يرجف في مكانها وهي تشوفه يختفي عن عيونها مثل لمح البصر
لحقتهم هنادي ومنال وام سعود
منال :-وينه
الماس وهي ترتجف :-طلع
هنادي وهي تصارخ :-ليه ما منعتيه
الماس :-ماقدرت ياويلي هنادي لو صار فيه شي
ام سعود والي ايمانها بربها قوي :-الله بيحفظه لنا (وضمت الماس المنهاره)
كانت نوف واقفه تناظر هالمشاهد بحقد كبير جاها كف وما اهتزت فيهم شعره والحين محاوطين الماسوه بس عشانها تبكي جعلها الماحي كرهها لها كل ماله يكبر ... محد يحبها هنا الا عمها الي دخل مكتبه وصفق الباب وراه ..
طلعت لغرفتها والحقد مسود لها عيشتها ....
وقبل لاتدخل الغرفه ... صوت تنبيه لفت انتباهها ...
التفتت الا وتشوف رساله واصله في الفاكس .. وبلقافتها المعهوده راحت لها واخذتها ...
صرخت :-اي ش
سمعت اصواتهم يدخلون وركضت لغرفتها والرساله بيدها ..
انهارت على سريرها وجلست تقراها الف مره ...
الماس حامل
مستحيل والخبيث والمرض ....
لا لا لا مستحيل
دقت على امها :-يمه الحقيني
امها :-شفيك يا بنت
نوف مذهوله :-يمه الحقي الماس حامل
امها مو مصدقه :-ههههههههههههههههه انهبلتي
صرخت نوف :-يمه وصل فاكس من المانيا الماس حامل مو مريضه
امها (تو تنصدم) :-هاه
نوف وهي ترجف وتروح وتجي بالغرفه :-يمه حامل حامل حامل سعود بيطلقني والله ليطلقني
امها :-لاتفاولين شوفيلك صرفه خليه ينخ لك
نوف وهي تصارخ من الصدمه والخوف :- ما نخ لي الا سعود مستحيل يمه مايطيقني مستحيل اخليه ينخ لي ويتنازل
امها وهي مختبصه :-شوفيلك دبره
نوف بتهور وتخلف :-بقول اني حامل
انهبلت امها من غباءها :-حامل من ثلاث ايام هذي كذبه واضحه وحتى لو فرضنا انك حامل اصلا مايبين الحمل الا بعد شهر
نوف بيأس :-يمه وش اسوي
قالت امها بقسوه وبطء :-لازم يموت الي في بطنها
نوف :-يموووووووووت انهبلتي يمه
امها :- تبين رجلك والا ماتبينه
نوف :-الا ابيه
امها :-خلاص شوفيلك دبره تذبحين فيها ولدها الي في بطنها
نوف (الفكره كانت براسها من اول ماطاح التقرير بيدها ) :-ماهي مشكله عندي طريقه
امها :-حلو طيب احد درى عن خبر حملها
نوف :-لا الرساله طاحت بيدي اول ماوصلت
امها (بتبلد حسي فضيع) :- هههههههههههههههه حبيبة امك خلاص مامعك وقت عجلي
نوف بتصميم :-اعتبري الموضوع منتهي
امها :-انتبهي لا احد يشوفك
نوف :-اكيد
وسكرت التلفون .........
بتموت نوف من الاحباط والقهر والغيره قررت وصممت لازم يموت ولد الماس لازم ...
÷
×
×

><في بيت ابو احمد ><
دق الجرس
الا والشغاله تجي
ام احمد وهي تفكر في حمل الماس الي طاح على راسها وعلى راس بنتها مثل المصيبه
الشغاله :-ماما رنا هنا
ام احمد :-رنا
الا وبدخلة رنا الي كانت متضايقه من وجودها في هالبيت الي تشيل في قلبها من ذكرياته اشينها واسؤها ..
نزلت طرحتها وهي تناظر في امها ..
رنا وهي تقرب منها :-السلام
امها :-تو تذكرتي ان لك ام
ابتسمت رنا بألم :-يمه انا مسافره وجايه اودعك
امها بقسوه :-انتي سافرتي لبنان شهر العسل وش الي تغير
مسكت عبرتها :-هالمره بسافر واسكن بعيد
امها :-ايه الشرقيه صح
رنا :-ايه
حبت على راس امها الي صدت عنها ..
قالت وهي تلملم عبراتها :-انتبهي على عمرك
وطلعت ..
الا ابوها في وجهها ضمها من قلبه :-شلونك يبه شخبارك
رنا :-بخير يالغالي كيفك انت
ابوها :-بخير وينك من زمان عنك
ابتسمت رنا وين من زمان وهو متعشي عندهم قبل اربع ايام
رنا :-مقصرين يبه السموحه منك
دمعت عيونه :-خلاص نويتوا السفر
رنا :-ايه يبه دعواتك
ابوها :-الله يحفظكم من كل سوء يارب
رنا :-يالله يبه
ابوها :-وين
زينت طرحتها :-فهد برى مانبي نتاخر ودنا نوصل قبل الليل مايليل
ابتسم ابوها :-عنيده مثل رجلك
طلع معها وودعهم لين غابوا عن نظره ..
مسح دموعه بشماغه .. راحت الحنونه الله يحفظها ويرزقها
دخل ولقى ام احمد جالسه ..فزت من الخوف يوم شافته قال وهو مايناظرها :-اليوم رديتك
تهلل وجهها
وكمل :-المره الجايه بيكون طلاق بدون رجعه
وطلع من عندها
>>في السياره
شاف فهد رنا ساكته مو على عوايدها
قال برقه :-قلبي ليش ساكته
ابتسمت :-سلامتك
فهد :-الله يسلمك صار شي داخل
عمر فهد ماجاب لرنا سيره الا انه يعرف فعايل امها معها ومع اخوانها ولا راح يقول لها لانه يعرف نفسها عزيزه وكرامتها غاليه وان درت انه داري عن الوضع قبل لايتزوجها اكيد بتتركه وهو مايقوى على بعادها لانها صارت جزء ما يتجزأ من حياته
كمل برقه :-حبيبتي انا حاس فيك لا تكبتين حزنك شاركيني فيه ترى في المشاركه تخفيف
ابتسمت وقالت :-لا يالغالي وقت الحزن راح الوقت الي رجيت فيه حنان امي انتهى تعودت وكبرت واقتنعت الحين انا الي يحزني الحين حالها لا اكثر ولا اقل وبعدين اخواني ابوي وانت موجودين وتحبوني وماتقصرون وش ابي اكثر الله يخليكم لي
ابتسم لها فهد بحب وتقدير لانها قدرت تتغلب على المها وتمشي حياتها بدل دفنها وهي تنتظر محبة ام ماتعرف اصلا وش معنى كلمة حب
قال فهد :-الله يحفظك لي قولي امين
ابتسمت :-امين
فهد (يبي يغير السالفه) :-قلبي حنا ماراح نسافر الحين
انصدمت :-ليه
فهد (مايدري كيف يبلغها) :-امممممم عندي صديق بزوره في المستشفى قبل
ارتاحت رنا :-حق وواجب
فهد :-صادقه
وكمل طريقه ....
×
×
×
><في المستشفى التابع للدفاع المدني><
قالت سلطان لسعاد :-اهدي شفيك
سعاد بتوتر :-ماراح اهداء لين اشوفه بعيوني
ابتسم بيقهرها :-هذي الي ماتبيه وصاجتنا
ناظرته بقوه وسكت وهو يضحك
×
وقف احمد قدام سرير زميلهم الي توفى البارح غمض عيونها عسى الدمع يختفي كان المتوفي عمره 22 سنه توه شاب بمقتبل حياته الله يعين اهله
مسكه عبد الكريم الي مكسوره يده :-الله يرحمه ياخوي
قال احمد وصوته مختنق :- ماكان ودي يموت احد حتى لو كان مو من فريقي
عبدالكريم :-اذكر ربك يا احمد يومه
احمد وهو متضايق من قلب :-الي مهون علي موته انه شهيد
هز عبدالكريم راسه :-ونعم الميته والله
رجع احمد وجلس على سريره وكتوفه منحنيه
(طبعا الاصابات بين الاربعه الي بقوا احياء تفاوتت بين كسور خفيفه وحروق طفيفه )
عبدالكريم :-بشرني عن اصابتك
احمد وهو يناظر في كف يده المضمد ويلمس جنب رقبته الي عليه ستكر :-الحمد لله حروق بسيطه لولا ستر الله والا كان طارت رقبتي بدل الحرق
عبدالكريم :-الا علمني وش صار
احمد ومناظر النار والصراخ والحر والكتمه تتجسد قدام عينه
قال بضيق :-اول ماطلعت فوق لقيت العايلتين طالعين بس محجوزين مايقدرون ينزلون لان الدرج من تحت مسدود بفعل الحريق والخشب المحترق ديكورات العماره كانت كثيره وهي السبب في سد المخرج
عبدالكريم :-طيب
احمد :-ابد نزلنا ولقينا ثغره وقدرنا نخلص اول عايله وانتم اخذتهم ونزلتوا وبقيت انا والشباب وقدرنا نطلع العايله الثانيه وانهار جزء من الديكورات على الدرج وصرنا حائط بشري بيننا وبين العيله (شاف الاعتراض على وجه زميله) ولاتعترض كلهم اطفال صغار وامهم لان رجلها ماكان موجود
واخر من نزل انا وتفاجات الا وحديده تطيح علي وجت على رقبتي وانا مسكتها والا ثقلها ما ينوزن ثقيله ومثل ماتشوف حرق بكف يدي منها غير لسعات النار بسبب عملية الانقاذ
عبدالكريم سكت والا كان وده يسال عن الي مات
عرف احمد ان عبدالكريم وده يعرف شصار للولد الي مات :-اكيد تبي تعرف كيف مات مهند بن عبدالله مدري شصار بالضبط صرخوا فيني الي ينتظروننا وقالو اننا ناقصين مادريت انه لاحقنا ويوم طلعنا فوق لقيناه مغمى عليه وطلعناه لينه قد سلّم والتشخيص يقول انه مات متضرر في الرئتين
عبدالكريم :-الله يرحمه
احمد من قلب :-اللهم امين
وقف عبدالكريم :-انا مكتوب لي خروج
احمد وهو يتنهد :-وانا بعد
عبدالكريم وهو يبتسم :-اجل نشوفك على خير بالمركز
احمد :-ههههههههه مانقدر نستغني
عبدالكريم :-يالله بمشي للبيت ام العيال ماسكينها بتجي سلام
انعصر قلب احمد .. الزياره باديه من نص ساعه ولا شاف احد
قام وتوضا وصلى العصر ...
وقفت سعاد ونفسها وقلبها وجسمها كلهم يرجفون ...
كان معطيهم ظهره ويصلي ..
همس سلطان :-قوي قلبك
وقف احمد وطوى السجاده ...
والتفت الا ويشوف حرمه متغطيه .. ومعها سلطان ولد عمه
نزلت غطى وجهها وركضت له مو مصدقه انها تشوفه طيب ومافيه شي
ضمته وضمها وهي تبكي وهو يالله ماسك نفسه لا ينهار بعد الضغوطات النفسيه الي مر فيها
قال وهو يمسح شعرها :-خلاص يالغاليه هدي نفسك انا بخير مثل ماتشوفين
قالت وهي تبكي وتمسك وجهه مو مصدقه انه حي وانه قدامها
تأثر سلطان وقال يبي يخفف جدية الجو :-تأكدتي انه بخير
وسلم على احمد
قال لاحمد :-جننتنا من البارح ماخلتنا نرقد ولا ناكل ولا شي
احمد :-ههههههههههههههه تحبني ياخي شسوي
حمرت خدود سعاد
سلطان (يستهبل) :-اقول لاتخلوني اتحسر على عمري ترى قدامي سنه بعشر سنين
سعاد :-ههههههههههه الله لا يعنينا
سلطان :-الي يده بالنار مو مثل الي يده بالمويه
سعاد وهي تناظره:-اقول فكنا بس
(وكملت تكلم احمد) :-كتبولك خروج
احمد :-ايه
بغت تشقق من الفرحه ..قالت له :-جبت لك معي ملابس
نسى احمد سالفه الملابس ، حب على راسها :-تسلمين غلاي
حمرت خدودها
سلطان :-احمممممممممممم نحنا هنا
احمد :-ههههههههههههههههههههه
سلطان (يصرف عمره) :-فهد بالطريق مكلمني بروح احتريه تحت
وطلع بسرعه
احمد :-هههههههههههههههههه تصريفه حلوه
صرخ سلطان بالسيب :-اعجبك
ناظرها احمد بحب :-ممكن تساعديني في لبس ملابسي
انصدمت :-هاه
احمد يالله ماسك عمره لايضحك :-اقول ساعديني
ارتبكت وحمرت وحالتها حاله :-ب...ب..
احمد :-ههههههههه وشو ب ب لايكون عندك لغه جديده وانا مدري
سعاد شبت ضو وانقهرت منه :-بنادي النيرس
احمد :-هههههههههههه الحين تخلين حرمه تساعد رجلك وانتي موجوده
سعاد (منقهره) :-هذي وظيفتها
احمد (بيقهرها) :- مافيه مشكله والله يا ممرضات ها المستشفى يجيبن العافيه
ولعت من الغيره وقالت وهي تطلع ملابسه من الكيس :-هونت بس عناد لك
احمد وهو مبتسم يازينها لاعندت
وساعدته وهو يلبس ويدينها ترتجف ...
مسكها مع يدها وقربها منه في لمح البصر ^_^
×
---------->>>في مواقف المستشفى
قالت رنا لفهد :-لا تتاخر علي
فهد :-انزلي معي
انصدمت :-انهبلت انت
فهد :-هههههههههههه لا بس زوجته صاير لها حادث وابيك تزورينها
ابتسمت :-قل كذا من اليوم
ونزلت وهي على نياتها ...
طلعوا الطابق الي فيه غرفة احمد ..وكان سلطان ينتظرهم في الانتظار
انصدمت رنا :-سلطان
الا وبجيته لهم
سلم على فهد وعليها
سلطان :-شخبارك رنا
رنا :-بخير انت وش اخبارك
سلطان :-الحمد لله بخير
غمز له فهد يسكت لايعلمها وقال :-دلنا على الغرفه
استغربت رنا :-تعرفونه كلكم
سلطان (يستهبل) :-من سنين
عصب فهد عليه ...
ووصلوا الغرفه ...
وقفت رنا وقالت وهي مو فاهمه شي:- من غرفته الحين ذي
دق فهد الباب :-ادخل
انصدمت رنا وقالت بهمس :-احمد
دخلت بسرعه الغرفه لقت احمد لابس ملابسه بيطلع وسعاد عنده ضمته بسرعه وهي خايفه :-احمد بسم الله عليك وش فيه
قال فهد بعد ماسلم عليه :-احمد كان عنده مهمه امس ومتنوم
رنا انصدمت :-ليه ماعلمتني
فهد :-عشان تنهارين اعرفك رنو قلت اجيبك تشوفينه على الطبيعه احسن
احمد بحنان :-انا بخير الحمد لله بس حرق بيدي ورقبتي وبطلع الحين
رنا :-احمدك يارب اشوا اني تو داريه
فهد (يستهبل) :-عشان تعرفين قيمة فهودي
سوت معصبه :-فهودي بيعرف قيمته صح لا وصلنا للبيت
فهد (تفكيره بوادي) :- اه متى نرجع البيت
الكل :- ههههههههههههههههههههههههه
قال سلطان وهو توه يدخل :-يالله بو حميد بوصلكم بيتكم
ومشوا كلهم ...
رنا وفهد سافروا للشرقيه وسلطان يوصل احمد وسعاد بيتهم وهو غافل عن المصيبه الي ببيت ابوه
**
*
**
><في بيت راكان><
دانه :-هلا وغلا خلووووووووووووووووووودي
خالد :-ههههههههههههههه اهلين
دانه :-وش هالزياره الحلوه
خالد (يستخف دمه) :-الحلوين حلوين دوم
دانه :-هههههههههههههه احلف
خالد :-تدرين شلون انا جايك في مصلحه
دانه :-هههههههههه والله اني داريه شعندك
خالد (بدون تردد) :-انا نويت اتزوج
انصدمت دانه من الفرحه :-احلففففففففففففففففففففف
خالد :-ههههههههههههههههه والله
دانه مو مصدقه :- من جدكككككككك والا مقلب
خالد :-والله جد
دانه :-امرني انا مستعده اعطيك اجل الي تبي
خالد :-ههههههههههههههه هذا الي ابيه
وكمل :-شرايك باخت محمد
ماذكرت دانه :-من اخت محمد
خالد :-افففففففف اخت صديق زوجك
دانه :-ايه
خالد (يناقرها) :-اي شي فيه حبيب القلب ماتنسينه
دانه :-ههههههههههههههههه وش حارق بصلتك
خالد (يتمصلح) :-انتي الخير والبركه
دانه (كاشفته) :-ههههههههههههههه اموت على التمصلح
خالد :-هههههههههههههههههههه لا من جد شرايك فيها اخطبها
دانه تو تنتبه :-الا وش معنى هي
خالد بهمس :-بعلمك بس لاتعلمين احد
دانه :-قل
خالد :-كنت برروح اشرب مويه وشفتها بمطبخك
عصبت دانه :-تقزقز في بيتي
حقرها :-انطمي وانا شدراني انها بتكون بالمطبخ شفتها من هنا وهجيت من هنا
دانه :- ههههههههههههههههههههه عجبتك
قال بوله :-تهبللللللللللللل
هجدته دانه :-اش لايسمعك راكان يطين عيشتك
خالد (مسوي قوي) :-ماعلي منه بعدين بتصير زوجتي
دانه (تذكره) :-بتصير ماصارت
خالد تأزم :-ليه متزوجه
دانه :-ههههههههههه لا مو متزوجه ولامخطوبه
تنهد :-ياشيخه خوفتيني
دانه وهي فرحانه :-متى بتكلم الوالد
ابتسم بوناسه :- تشورين علي اتوكل على الله
دانه :-توكل على الله البنت ماشاء الله عليها ومن حظك انها من نفس قبيلتنا عشان ما يتحججون الشياب
خالد :-على قولتك
ووقف
دانه :-وين بدري
خالد :-هههههههههه خير البر عاجله
دانه وهي تمشي معه :-الله يوفقك خلوّد
خالد :-اللهم امين سلام
دانه :-سلام
دخل راكان من نفس الباب الي طلع منه خالد ، ابتسمت دانه :-قابلت خالد
راكان :-ايه قابلته ماسالتيه شخبار احمد
دانه :-من احمد
راكان مستغرب :-ولد عمك
خافت دانه :-شفيه احمد
راكان يهدي خوفها :-مو هو في فرقة الدفاع الوطني
دانه :-ايه
راكان :-صار له حادث بعملية انقاذ
دانه :-ياويل قلبي
راكان :-لا تخافين طلع اليوم من المستشفى وطيب
دانه :-الحمد لله
قال بيغير مودها :-حياتي تعالي ابيك تساعديني الشغل متراكم
ابتسمت :-تبشر
وطلعوا لمكتبه فوق
×
×
×
><في بيت حمد عم راكان ><
كانوا عمانه مجتمعين ...ومعهم ساره
قال ابو سعد (حمد) :-اخونا يعذبونه في السجن وانا ان ماخاب ظني باوامر من راكان
قاطعه محمد (ابو علي) :-(ان بعض الظن اثم)
قالت ساره تتافف :-اوووووووووف عن المحاضرات الدينيه
عصب ابو علي :-سبحان الله الحين كلمت الحق تزعلكم
ابو سعد :-على قولة ساره عن المحاضرات ودور لنا صرفه
ابو علي :-صرفت ايش اخوك مرتكب جريمه
ساره ببرود :-لاتكبر الموضوع
ابو علي :-كيف لا اكبره وهو كان يبي يقتل النفس الي الله محرم قتلها
ساره وهي تقلب عيونها :-رجعنا للمحاضرات الدينيه
وقف ابو علي وقال :-اذا مو معجبكم كلامي اطلع احسن
ابو سعد :-اجلس عن الزعل الفاضي وش تقترح
ابو علي :-مدري بنجيب لبدر محامي
ساره :-جبنا له احسن المحامين لكن موقفه ضعيف والي مزود الطين بله ان عليه اكثر من عشرة شهود واولهم راكان
ابو علي :-اجل ياخذ جزاه
عصب ابو سعد :-هذا اخووووونا
قاطعته ساره :-يبه عمي معه حق قي نقطه خله ياخذ جزاه ومنها يريحنا من وجع الراس
كأنه اقتنع :-بس
ساره بلهجة اقناع :-يبه اخذنا كفايتنا منه خلاص وصلنا حدنا انفضحنا في الصحافه وبين اهل السوق من فعايله القشرا خلوها تجي منا وكأننا مناصرين للعداله ومناصرين لولدنا راكان قدام الراي العام حتى نخفف من الاضرار الي سببها لنا عمي بطيشه
هز ابوها راسه :-اممممممم ونعم الرأي برتاح ويريح
وقال بحقد :-انا الي قاهرني انهم يعذبونه في السجنن يصبحونه على ضرب ويمسونه على ضرب
قالت برهبه لانها تعرف راكان لاعصب :-يبه لو يبي راكان محانا عن وجه الارض ومحد فتح فمه بكلمه ليتها توقف على عمي بدر بس
ابو علي (بخوف) :-ياخوفي لايكون حاطنا براسه (انفعل) كله بسببك يا حمد دايم تتحداه وهو ساكت انت الحين طلعت الاسد من عرينه حلني الحين وورني كيف بتحمينا منه ومن بطشه
ارتجف قلبه بصدره من كلام بنته واخوه هو مو غافل عن قوة راكان لكنه كان واعي لنقطه مهمه والاهي نقطة ضعف راكان (الدم الي يربط بينه وبينهم) لكن شكله تبرا من هالقرابه وبيتفضا لهم
قال بو سعد :-رح نهدي اللعب معه هالشهور الجايه
عصبت ساره :-وحلالنا يتهنى فيه مع بنت فهد
ناظرها ابوها من فوق لتحت :-الحين هذا الي هامك
من قلب :-ايه هذا الي هامني ابي اشوفها ذليله ضايعه ووحيده ابي انتقم منها
ابو سعد :-هههههههههههه لا يالشرانيه
ناظرته بحاجب مرفوع :-تلومني
قال ابوها يستهزء :-انا لو احد يكرشني حقدت عليه عمري كله
حمر وجهها :-اووووووف لاتذكرني اشب نار لاذكرت هالموقف
ابوها (متبلد) :-انتي شتبين فيه مو ناقصك شي انتي اغناء مني ومن عمانك
قالت ببرود :-لاول مره بحياتي ادري ان الفلوس ماتجيب سعاده
قال بقوه :-الا الفلوس هي السعاده بحد ذاتها
ناظرته :-بالنسبه لك انت لكن انا لا
قال يستهزء :-اجل ليه مزعجتنا
قالت بحقد :-ابي اذله واذل زوجته زي ماذلني
ابوها :-ههههههههههههههه كفوووووووووووو
ابو علي :-طيب الزبده
ابو سعد :-الزبده بنخلي المحامين يدافعون عن هالمتهور الي فضحنا وبنهدي اللعب شوي لين ينسى راكان
قاطعتهم من واقع تجربه :-راكان ماينسى
صرخ فيها:-الله يسد نفسك قولي امين
هزت كتوفها :-هذا واقع
محمد (ابوعلي) بخوف :-والله لينسفنا
ساره وقفت وماعاد تتحمل الجلسه معهم ...
ابوها :-وين
ساره :-بطلع مليت
ابو علي :- تو ماحلينا المشكله
ساره وهي تحقر عمها :-الا حليناها اقتنع بالحلول المطروحه والا تلحلح وجبلك حل سنع
عصب عمها :-استحي انا عمك
رفعت يدها وهي تمشي دلالة عدم اهتمام ..
قال لاخوه :-ماتشوف بنتك ماتحترمني
ابو سعد وهو يطلع سيقاره ويشغلها :-بنتي الي مو معجبتك عقلها انظف منا اثنيناتنا
هذا شي مفروغ منه وعارفينه ساره بخباثتها وحنكتها تقدر تلقى حل لاي مشكله والمشكله الي مالها حل تقول لهم بدون تردد مالها حل وتدور اشياء تخفف من وقعها عليهم عشان كذا هي شريكه لهم في شغلهم بحكم تخرجها من معهد للاداره العامه وبحكم ممارستها للعمل سنين
طلعت ساره تبي تروح لغرفتها قالت لها امها بلوم :-حرام عليكم الي تسوونه تبون تقتلون الرجال
قالت بكره :-مانبي نقتله حنا مو قتالين هذي كلها سوايا عمي المدمن
امها ما اقتنعت :-تبين تقنعيني انكم بريئين من الي صار
هزت كتوفها بدون اهتمام :-صدقي او لاتصدقي انا قلت لك الصدق
قالت امها لها :-لاتنسين ان الله يمهل ولا يهمل
ساره تضايقت حيل :-اووووووووووووف عن المحاضرات هريتوني من اليوم
وطلعت غرفتها بسرعه ...
جلست امها والقهر ذابحها من سواياهم براكان الي قالبين له حياته نكد في نكد
"حسبي الله ونعم الوكيل" هذا الشي الي تقدر تقوله
دخلت ساره غرفتها وسكرت الباب ورمت نفسها على اول كرسي وجلست تبكي...
وش ذنبها ان كانت تحبه ؟
والله انها تحبه ولو يبيها خادمه ما راح تتردد لحظه ، بس هو الي تكبر عليها وفضلت وحده اصغر منها بالسن زوجه له
مو بيدها لو احباطها والمها تفجروا وصاروا حقد ماينتهي منه ومن زوجته
النار تحرقها كل ليله وما تخليها لا تهتني براحه ولا تهتني بنوم
وكرهها لدانه كل ماله يكبر اكثر واكثر واكثر
*

*
><في بيت ابو خالد><
قال خالد لابوه وجبهته معرقه من الترقب :-هاه يبه شرايك
حك ابوه لحيته الطويله وهو يفكر :-امممممم والله انا قابلت اخوها وماشاء الله عليه رجال طيب
كنه ارتاح شوي بس لازم ياخذ كلمة الموافقه عشان تزيد راحته
خالد وهو يغمز لامه :-يعني شرايك
ام خالد :-والله يبو خالد مدامك تعرف الرجال ومعجبك توكلوا على الله
ابوه قال بأمل :-والله ياوليدي لو تاخذ من بنات عمك ناصر احسن لك
تغير لون وجه خالد وقال بهدوء :-بنات عمي على العين والراس بس انا ابي هالبنت
ابو خالد :-بس---------
قاطعته ام خالد بنبره حلوه :-يبو خالد كسرت بخاطر ولدك اول مره وكان اعتراضك انا رنا لفهد الحين الولد يبي البنت هذي وماشاء الله عليها كل الصفات الزينه موجوده بها دانه شافتها وتمدح فيها وفي اخلاقها يكفي انها قايمه بامها المقعده ويكفي انها اخت محمد الي واقف مع زوج بنتنا وقفه حتى الاخو مع اخوه مايوقفها هذولي ناس مبداهم الطيب يبو خالد وهذا الي نبيه
ابتسم ابوه :-الله يقدم الي فيه الخير بكره نروح انا وعمانك ونخطبها لك
من فرحته قام وحب على راس ابوه وهو مو مصدق انه وافق ، لو ابوه عمه ابو سعود كان غصبه يتزوج من بنات عمه وانا رفض دبر له مصيبه عشان يوافق غصب عليه ، بس يحمد ربه ان فهد هو ابوه الي رغم قسوته الا انه ما يغصبهم على شي مايبونه كذا من مزاجه وعشان يمشي كلامه وعناده عليهم
دخلت قمر الغرفه :-سلام
وحبت على راس امها وابوها
ناظرت في ملامح خالد المتشقق من الفرحه :-خير ان شاء الله فرحوني
قال ابوها والابتسامه شاقه حلقه :-اخوك نوى يعرس
انصدمت قمر وجلست تناقز :-احلفففففففففففف خلوووووووووووووووود ياي وناسه اخيرا اخوي بيتزوج
خالد :-هههههههههههههههههههههه على هونك اول شي خليني نخطب ونشوف رد الناس
قمر وهي مرتبشه من الفرحه :- من العروس اكيد منال او هنادي
تغير لون وجه خالد وقال له ابوه يعاتبه :-شف الكل متوقع تتزوج من بنات عمك
حطت قمر يدها على فمها وقالت بدلع مخنوق :-oh sorry
خالد :-هههههههههههههههههه ارحميني واخيرا صرتي ترطنين انقليزي
قمر (تستهبل) :-امحق رطن تراني على خبرك بس جلست لي يومين احاول احفظ هالكلمتين
خالد :-ههههههههههههههههههههههه
قال ابوها وهو مبتسم :-الحمد لله والشكر الله لايعنينا
خالد (يبي يحرجها) :-انت ماتدري يبه ليه تتعلم انقليزي
ابوه من جده :-ليه تبي تتعلم
شمت قمر ريحة مقلب بالسالفه
خالد بخباثه :-هههههههههههههه عشان حبيب القلب يرطن انقليزي رطن مو صاحي
ولعت خدود قمر وتوعدته وهي تهج غرفتها :-هين ياخويلد مردوده
الكل :-ههههههههههههههههههههههه
ام خالد :- حرام عليك تحرج اختك
خالد :- ههههههههههههههههههههههه عساني فداها

><
طلعت قمر غرفتها وهي ماله مره من بعد زواج دانه وهي وحيده صحيح ان البنات يجن ويزورنها بس فقدتها لها اثر كبير مسحت دموعها وش يبغن بحياة الشقى وحده مزوجين رجلها غصب عشان يجيب عيال وهي تجلس تتحسر على عمرها والثانيه رجلها عمانه يكرهونه ويبون يموتونه
كم ليله تقضيها وهي تخفف عن الماس المجروحه ودانه المنهاره من خوفها على زوجها كم ليله لما تكسر التلفون تكون مستنزفه مشاعرها
رن جرس رساله جديده
*
قلبي معك لو كان جسمي مع الناس
ماغاب طيفك عن خيالي دقيقه
اجلس بوسط الناس سارح بهوجاس
لافي يدي حيله ولافيه طريقه
حبك بوسط القلب مبني على ساس
وان قلت اموت بشوفتك هي
(الحقيقه)
*
رمت الجوال على السرير وهي تبكي بقوه ... وش مشكلتها ماتدري ..؟؟
دق الجوال وسفهته دق دق وازعجها ,,
مسحت دموعها :-الو
سلطان :-اه ياقلبيييييييييييييييييي
ماقدرت الاتضحك
سلطان بوله :_حرام عليك لاتعذبيني
قمر :-ههههههههههههه طيب
سلطان :-شخبارك قلبي
حمرت خدودها وسكتت ...
ابتسم سلطان عرف انه احرجها وقال :-شخبارك قمر
ابتسمت :-طيبه الحمد لله
سلطان (يستهبل) :-الحين ادلعك وماتردين واذا مادلعتك تردين
قمر :_ههههههههههههههه
سلطان تخبل :-بجيكم اليوم
انصدمت :-هاه
سلطان :-ههههههههههههههههه شفيك قلت بجيكم ماقلت باكلك
ضاعت بين خوفها وبين لهفتها لشوفته
كمل سلطان بحزن :-قمر ليلي
قمر بهمس :-نعم
سلطان بكابه :-تدرين اني بسافر اخر هالاسبوع برى
انصدمت :-تسافر
سلطان :-ايه بكمل الدكتوراه
قمر وهي مدمعه :-تتركني
قال بحزن :-لو الود ودي اخذك معي لكن انتي ناسيه باقيلك سنه ونص وتتخرجين
قالت بصوت مخنوق :-متى بترجع
تنهد من قلبه :-برجع بعد سنه ونص
انهارت على سريرها :-سنه ونص
سلطان :-المفروض دراستي لو اجتهدت وشديت حيلي اخلصها في زمن قياسي الي هو سنتين
لكني بقطع النصف سنه الاخيره وبرجع نتزوج ثم نسافر واكملها
سالت دموعها غصب عنها
سلطان :-قمر ليلي انتي معي
قالت بصوت واضح انها تبكي :-معك
ضاق صدره :-قمر ليلي انا مخبي عنك سالفة سفري من زمان عشان ما يضيق صدرك لاتخليني اندم اني علمتك وما اجلتها ليوم سفري لاجيت اودعك
رجعت تبكي....
سلطان اختبص مابيده حيله عشان ماتبكي :-قمر ليلي طلبتك والله دموعك اغلى شي في حياتي
قالت بتهور وحب تملك :-سلطان لو اقولك لا تسافر بتطيعني
سحب نفس وقال :-لو ماتبيني اسافر ما سافرت بدون تردد بس يهون عليك ما اكمل مستقبلي وارفع من مركزي بين الناس
قالت من قلب :-لا مايهون علي
قال يحاول يستهبل :-على الاقل مع الدراسه راح انسى الاحباط والقهر من التأجيل لعرسنا
قمر :-ههههههههههههه رايق تمزح
سلطان :-الدنيا فانيه غلاي فيها الحلو والمر ليه نقضيها في احزان وهموم خلينا نعيش كل يوم بيومه
قمر :-معك حق
سلطان :-اوكي انا بسكر الحين تامرين بشي
تشجعت وقالت له :-شرايك تجي اليوم تزورنا
انصدم سلطان اول مره تقول له تعال :-غلاي لو ع الجمر تأمر امر ..بمشي حبيبي لو ع الجمر
ولعت خدودها ...
سلطان الي متشقق من الوناسه :-مسافة السكه
قمر :-ههههههههههههه حياك الله
نزلت قمر لامها تحت .... لقت خالد طالع وابوها طالع
قالت بحيا :-مامتي
التفتت امها :-هلا قمور نعم
قالت وهي بتشقق من الحيا :-سلطان بيسير علينا الحين
انصدمت امها
فسرتها قمر غلط ...:-عادي اكلمه وادور لي عذر لايجي
وقفت امها وقالت وعيونها مدمعه :-يمه الله يحييه انا فاجأني كلامك دايم كنت احس انك مو سعيده بهالزواج وماتعطين سلطان وجه
حست قمر بتأنيب الضمير :-يمه العيب مو فيه فيني
ضمتها امها :-ليه يمه العيب فيك
قمر وهي مدمعه :-يمه الي يصير لخواتي هازني من جوى يمه المشكله ان سلطان ولد عمي يعني لشيابنا سلطه عليه وهذا شي مخوفني
ام خالد :-يمه لاتخلين شي يهزك كوني قويه واصابع يدك مو سوى
قمر :-معك حق
ناظرتها امها وقالت وهي تبتسم :-طيب يمه بتقابلينه باللبس ذا
ناظرت قمر في لبسها العادي المريح وابتسمت :-ههههههههههههههههه ما انهبلت للحين
امها :-ههههههههههههههههههههههههههههههه طيب عجلي تلقين سليطين عند الباب
طارت قمر لغرفتها تركض..
ناظرتها امها بحب :-الله يهدي سرك يا بنيتي ويوفقك
×
بعد ربع ساعه ...
دخلت امها الغرفه وابتسمت :-وش هالحلى
ناظرت قمر في تنورتها الجينز الزرقاء وبلوزتها الصفراء الضيقه :-حلو لبسي يمه رابع لبس اغيره كل لبسي قصير او cut
امها :-ههههههههههههههههههه حلو مره بعد ومطلع سمارك صح
مدت بوزها :-لاتذكريني بسماري انا مدري ليه ماطلعت بيضاء مثل خواتي
امها :-هههههههههههههههههه طالعه لابوك وخالد وبعدين انتي عارفه سمارك تنحسدين عليه كم مره بالكليه يسالنك زميلاتك كيف تسمرين
قمر :-ههههههههههههههههههه ماعندهن سالفه عاد انا قمت اتفلسف وانصب
امها :-هههههههههههههههههههههههه
وتذكرت :-يوه نسيتيني سلطان تحت
اختبصت قمر :-اوه يمه ماخلصت
وقلبت الدنيا فوق تحت من التوتر والرباشه مسكتها امها تهديها :-قمور عن الرباشه وانزلي
شوي وتصيح :-يمه توني ماخلصت
امها وهي تناظر مكياجها الناعم وشعرها السايح :-الا انتي جاهزه يالله قدامي
قمر :-يمه------------
لكن امها سحبتها بسرعه معها وجلست قمر تضحك من حركة امها ..
وصلن للمجلس وتنحت قمر قدام الباب وقلبها يرقع ...
امها :-قمير ادخلي له انا بروح اشوف القهوه وبلحقك
كشرت :-يمه لاتقولين قمير
امها :- هههههههههههههههههه طيب موب قايله بس ان مادخلتي الحين علمت سلطان بهالاسم
خافت قمر :-طيب طيب
وطقت الباب ..
انخرش قلبها من صوته وهو يستهبل لانه عارف انها هي :-امان ادخلي
كان سلطان على اعصابه لان اخر مره شافها فيها ذاك اليوم يوم وصلهم لملكة فهد ورنا ومشتاق لها حيل
وقف لا اراديا وهي تدخل الغرفه ...وقلبها مع كل خطوه تخطيها يزيد نبضه
كانت مستحيه وهي تقرب منه ...
قمر :-السلام عليكم
سلطان :-وعليكم السلام والرحمه
قمر :-كيف حالك
سلطان :-بخير مدامك بخير
ولعت خدودها ...
ابتسم وقال :-ماودك تجلسين لاتستحين البيت بيتك
قمر :-هههههههههههه
زادت ابتسامته :-اخيرا لقينا تجاوب
استحت وجلست جنبه بس بعيد عنه ...كشر وقال :-تراك قريبه بعدي بعد شوي
الخبله صدقته ويوم جت بتبعد مسكها معه يدها
طاحت عينها بعينه ...
وماحست الا ودموعها تنزل انهبل سلطان وتضايق ...مسح دموعها بيده :-وبعدين وشهو له الدموع
قالت وهي منزله راسها :-بشتاق لك الله يحفظك
قال وهو يحس بقلبه ثقيل بصدره :- كلها غمضة عين واكون راجع
هزت راسها ، مسك يدها وحبها
دق الباب الا ودخلة امها ومعها القهوه ، وقفت قمر واخذتها منها
ابتسم سلطان :-ماله داعي التعب ياعمه
ابتسمت ام قمر :- مو من واجبك يمه
سلطان :-دعواتك لي ياعمه
خافت ام خالد
وقال يهدي خوفها :-انا برجع اسافر بكمل دراستي
دمعت ام خالد :-والله يمه ماودنا تسافر بلاد الكفار بس مصلحتك تهمنا ، متى بترجع
سلطان :-الدكتوراه تاخذ دراستها حوالي السنتين
وانصدمت من رده :-بعد سنتين
ابتسم وقال وهو يناظر قمر :-بعد سنه ونص نسيتي عرسنا
استحت قمر ....وابتسمت امها ..ناظرت في الساعه وشافت انه بيأذن بعد شوي وحبت تتركهم بلحالهم
وقفت ووقف سلطان احتراما لها ,,
ابتسم سلطان وحب يمزح :-شخبارك مع اللغه الانقليزيه
قمر :- هههههههههههه حتى انت واصلتك ابداعاتي فيها
سلطان :-هههههههههههههههههههههههههه
وقال برقه) :-انتي كل شي عنك لو كبر الذره يهمني
ولعت خدودها ..
واذن المؤذن للصلاه ...
كره سلطان فراقها لان سفره بكره بالليل وهو مو قادر يتخيل انه بينحرم من شوفتها سنين هو تعذب لانه ماشافها هالشهور الي مضت اجل كيف بيصبر سنه وزود ...
دمعت عيونها لان وقت فراقهم دنا ...
التفت يمها وقال :-ربع ساعه يالغاليه وتقام الصلاه ومن بعد ما اطلع من هنا بنقطع عن شوفتك سنه في نظري اشوفها عشر سنين ولاتقولين اجيك وانا رايح المطار مقدر قلبي مايطاوعني اعذب نفسي واعذبك معي
نزلت دموعها وهي تشوف عيونه مدمعه ...
مو هي الوحيده الي تتألم من فراقهم هالمده الطويله ...
وقف وحب على راسها
قال بصوت متأثر حيل اختفى منه المزح :-لا اوصيك على نفسك
مسحت دمعه نزلت من طرف عينها :-ان شاء الله
طلع وهي معه يدها في يده وقفت عنده وهو واقف وفاتح باب سيارته
ناظروا بعض بدون كلام بدون صوت ...
بس ليل ونجوم مختفيه يالله تبين ..تضلل وقفتهم
قالت وهي ماسكه يده :-انتبه على نفسك
ابتسم من ورى قلبه الي يتقطع :-ان شاء الله
ما تركت يده
ناظرها وقال بصوت مرتجف :-قمر ليلي الموضوع علي صعب كفايه اتركيني اروح او قولي لاتسافر واكنسل كل شي
تركت يده وقالت وهي تبتسم مثله من ورى قلبها :-الله معك يحفظك
هز راسه وركب السياره ومشى ...
غمض عيونها تمسح دموعها الي نزلت ...دموع الندم لانها قصرت بحقه الشهور الي فاتت ..دموع حبها له .. ودموع شوقها لشوفته وسماع صوته
دخلت البيت وهي تردد في نفسها "يارب رده لي سالم"
×
×
><بيت ابو سعود><
جلست نوف تروح وتجي بغرفتها تفكر بابسط طريقه تقدر تخلي الماس تسقط حملها فيها بدون مايدرون...
ناظرت في التقرير الي على الطاوله وشقته نصين ورمته بزبالة غرفتها ..
جلست تعض اظافر يدها وهي بتنجن لانها مالقت للان وسيله ...
دق الجوال لينه رقم امها :-نعم
امها :-هاه شسويتي
نوف :-ولاشي
عصبت امها :-كيف ولاشي وش تنتظرين
نوف بعصبيه :-يووووووه مالقيت طريقه للان
امها وهي مقهوره من غباء بنتها :-ماتقدرين تدفينها مع الدرج حق البيت انا الي اذكره انه رخامي واطرافه حديد طالع
انصدمت نوف :-ههههههههههه صدق اني غبيه وانا اقول بسممها ولاشي
امها :-التسميم يقدرون يداوونه بسرعه لكن طيحة الدرج مضمونه وخصوصا انها في الشهور الاولى والا
نوف :-مدري عنها بس الي اشوفه ان مالها بطن
امها :-خلاص اجل تو حملها ماثبت
نوف (بتبلد) :- والله انك شي يمه
امها :-هههههههههههههههههههههه عشان تعرفين المهم استعجلي
نوف :-اوكي
امها :-انتبهي لايدرون عنك تطير رقبتك
نوف :-طيب
تذكرت امها :-سويتي الي قلت لك عليه
نوف بغباء :-ايش
امها بدت تعصب :-الي قلتلك تسوينه مع سعود
نوف تذكرت بقهر :-اخ يمه تدرين شسوى
امها (واثقه) :-هههههههههههه ننتظر اجل ولي العهد
نوف بعصبيه وقهر :-اي ولي عهد سويت كل الي قلتيلي عليه وترك البيت بكبره وهج
انصدمت امها
نوف :-والله
امها عصبت :-وش سويتي
قالت بحماس :-مانزلت اتغدى ويوم طلع لي عمي يسالني شفيني تضيعفت وسويت ماودي اقول له لكنه حلف علي وقلت له اني اخاف اجلس بمكان بلحالي هههههههههههههههههههه
امها :-يالخبيثه ههههههههههههههههههههههه
نوف :-ههههههههههههههههه اعجبك
تحمست امها :-شصار عقب
نوف وهي مقهوره من كف سعود :-ابد نزل ولقى الخ تحت وغسل شراعه وانا من قرادتي نزلت وصفقني كف تخيلي قدام الماسوه وخواته وامه
انهبلت امها :-ليه
نوف:-عمي قال له انه مايقوم بواجباته معي وهو فهمها غلط وحسبني معلمه عمي انه جاحدني من يوم ماتزوجنا
صرخت امها :-وانتي ساكته
نوف بتشفي :-ههههههههههههههه صفقه عمي هذاك الكف وقال له ان كرامتي من كرامته وانه كانه صافق عمي مو صافقني
استانست امها وقالت :- خليك اجل عله على قلبه لين ينخ وينكسر خشمه ويرجع لك ذليل
نوف :-قولتك
امها :-ايه د
نوف :-طيب
تذكرت امها شي ثاني :-ابوك ردني دريتي
نوف مستانسه :-والله احلى خبر
امها :-اي والله فشله اكون مطلقه بهالعمر
نوف :-كله سبايب اخوان الفقر اخواني وخصوصا رنيو
امها :-الا على طاري اختك مرتني اليوم بالبيت
انصدمت نوف :-بالله شتبي
امها :-تودعني لانها مسافره الشرقيه مع رجلها
نوف بدت الغيره والحسد يشتغلون معها ..لان حياه اختها احسن من حياتها ...
تضايقت نوف وقالت لامها :-يالله يمه كلميني باليل
امها :-طيب لا اوصيك
نوف :-ههههههههههههههههههههههه لاتوصين
وسكرت الجوال وهي تقلب الفكره في راسها
*
*

كانت الماس تدق على سعود ومايرد عليها والساعه الان 11 بالليل وماله حس ...
قلبها صار ياكلها عليه وهي ماتدري وينه ...
فتحت باب غرفتها وطلعت تبي تنزل تتمشي برى بالحديقه لين يرجع لانه ماراح يهدا لها بال ولايرتاح خاطر وهي بعيده عنه ولاتدرين
لما وصلت الدرج حق البيت دق جوالها ...
الماس بحب ووله وخف :-حبيبي وينك كذا تشغلني عليك
قال سعود بصوت كئيب :-اعذريني يالغاليه
قالت بعيون مدمعه :-بعذرك يانظر عيني
×
سمعت نوف صوت جوالها بالسيب وطلعت من غرفتها ذي فرصتها والاحسن بعد ان الماس واقفه عند حافة الدرج تكلم حبيبها الي حقدت عليها اكثر وماترددت دقيقه لانه يحب الماس ومايحبها هي
التفتت الماس ورى الا وتشوف نوف وراها وتدزها مع الدرج بسرعة البرق ..صرخت الماس بصوت عالي وهجت نوف لغرفتها وهي معرقه ترتجف من الخوف ومن الشي الي سوته ...
سمعت هنادي صراخ برى وطلعت تركض من غرفتها وشافت الماس طايحه وماسكه بطنها وتتلوى من الالم
هنادي بخوف وهي تنزل الست درجات الي بالسلم الي ع اليمين :-الماس
طلعت منال وامها من غرفهن :-وشافن الماس طايحه وهنادي عندها
ام سعود :-بسم الله عليك يمه الرحمن الرحيم
الماس وهي تحس بدوخه وجسمها من قوة الالم متخدر :-الحقيني ياعمه
واغمي عليها ...
صرخن البنات الا وبجية ابوهن من برى الي شافهن براس السلم مجتمعات
رقى الدرج بسرعه ووقف بالمكان الي بين الدرجين المنقسمين يمين ويسار وهو المكان الي الماس طايحه فيه
ابو سعود بخوف :-بسم الله عليها شفيكم
ام سعود وهي تبكي :-ياويلي عن بنيتي الحقني يا ابو سعود
جوا بيرفعونها لكن هنادي صرخت :-لاتحركونها يمكن فيها كسر كلموا الاسعاف هم يعرفون شغلهم
وفعلا ماحركوها وخلال عشر دقايق وصل الاسعاف ونقلوها المستشفى
لما طاحت الماس طاح الجوال معها وسمع سعود صرختها وصرخه وراها مو غريبه عليه
صرخ بالجوال :-الماس
لكنها ماردت عليه دق على جوالها لقاه مغلق
انهبل ومادرى وش يسوي ولا يدري وش الي صاب الماس
ودق على هنادي ....
قالت هنادي وهي تبكي :-نعم
انخرش قلبه ومن صوت هنادي درى ان فيه شي :-الماس شفيها
انهبلت هنادي :-شدراك
صرخ :-الماس شفيها
هنادي وهي تبكي :-طاحت من على الدرج واغمى عليها
انصدم :-ايش كيف حالها وينكم
الف سؤال وسؤال طرى بباله ...حس بضياع والم وخوف ماينوصف
هنادي :-حنا رايحين لمستشفى ----------- الحقنا هناك
سكر الجوال وركب سيارته ومشى بسررررررررررررعه
والوساوس توديه يمين وشمال

×
×
×
>>>بالمستشفى
كانوا كلهم جالسين منال وهنادي وام وابو سعود .....
طلعت الطبيبه وقالت :-وين زوج المدام
الكل ناظر وقال ابو سعود :-مو موجود انا عمها
الطبيبه :-لازم يكون زوجها هنا
قاطعهم سعود الي ملامح وجهه ما تنوصف :-انا زوجها نعم
الطبيبه :-المدام معها نزيف حاد ويمكن تفقد جنينها
ذهووووووووووووووووووووووول خيم على المكان...
لكن صدمة سعود ماتنوصف :-ايش قلتي
الطبيبه :-انت زوج الماس بنت فهد
هز راسه
الطبيبه :-بسبب سقوطها من الدرج صابها نزيف قوي ويمكن تفقد الجنين
قال بذهول :-الماس حامل
الطبيبه :-ماعندك خبر
سعود :------------------
الطبيبه :-تقديريا زوجتك حامل لها اربع شهور
انهار سعود على اقرب كرسي ...
.قال بصدمه :-الماس حامل
رحمت الطبيبه حاله وقالت :-راح نحاول نوقف النزيف والله يكتب الي فيه الخير
وراحت
لحقها سعود وقال بنبره حزنت الطبيبه وحركت مشاعرها :-دكتوره بين يدين الله ثم يدينك اغلى خلق الله على قلبي
هزت راسها بتفهم :-الله معنا ان شاء الله بس لاتتامل في سلامة الجنين
قال بقوه واصرار اعجبها :-لامال ولاعيال يهموني الي يهمني توأم روحي الي بين الحيا والموت
دمعت الطبيبه وكملت طريقها ....
جلس سعود بالانتظار بعيد عن مكان اهله ...
جاه ابوه :-وكل امرك لله
هز راسه وقال :-ونعم بالله
كان ابوه بيحاول يعتذر منه بطريقه غير مباشره لكن الممرضه جابت اوراق لسعود يوقعها ..
وقع الاوراق وسند ظهره للكرسي وهو مانزل عينه عن ساعة الجدار ...
جت امه وخواته وجلسن جنبه ....
حس بضغط على قلبه ماينوصف ....
قال لامه بتوتر :-يمه لهم ساعتين داخل وش يسوون
مسكت امه ذراعه وقالت :-هدي نفسك يمه الحين بتطلع الطبيبه
نزل راسه وحط كفوف يده على وجهه ...حس روحه متعلقه بين السما والارض
قالت منال بهمس :-طلعت الطبيبه
وقف الكل وركض لها سعود :-بشري
ابتسمت الطبيبه :-الحمد لله قدرنا نوقف النزيف الام بخير باقي البيبي صحيح انها ما اجهضت لكن ما نقدر نحكم اذا كان ثابت او ما تأثر من سقوطها من الدرج لكن الاربع وثمانين ساعه القادمه بتكون حاسمه
قال من قلب :-احمدك يارب ، وينها يادكتوره
الطبيبه :-هي مخدره الان ماشاء الله عليها قويه وخصوصا يوم درت بحملها طلبت منا نساعدها حتى تحافظ عليه
خنقته الغصه :-صحت داخل
الطبيبه :-ثواني بس ثم رجعت غابت عن الوعي
ام سعود :-اللهم لك الحمد تسلمين يابنيتي ماقصرتي
ابتسمت الطبيبه :- واجبي ياخاله بالاذن
ابو سعود :-الحمد لله على سلامتها ويارب يسلم ولدك يبه
قال سعود وهو لسى مجروح من ابوه :-تسلم يبه
قال بو سعود :-يالله مشينا بنطلع
سعود :-بجلس هنا
ابوه :-هذا قسم حريم ماراح يسمحون لك
سعود :-ماراح اتركها
امه :-رح يمه ريح وانا برافق معها
سعود تردد
لكن امه اقنعته
قال وهو يمشي :-يمه لاصحت كلميني لاصار لها شي نادي الطبيبه او الممرضات
ابتسمت امه :-ابشر يالله رح
وفعلا انهوا الاجراءات اللازمه ورافقت ام سعود معها
قال بو سعود :-عود بيتك يبه
سعود :-اسمحلي يبه عقب الي صار لي اليوم ماظنيته
ابوه :-بس----------------
سعود :-طلبتك يبه اجل الكلام الحين انا تعبان وخايف على الماس
ابوه :-براحتك
وطلعوا .....
البنات وابو سعود رجعوا البيت ....
وسعود رجع البيت الي جمعه هو والماس في يوم البيت الي له ذكرى في كل زاويه من زواياه...
×
كانت نوف ترجف وخايفه من الي سوته ....
سمعت اصواتهم راجعين وماجتها الجرأه تطلع وتسأل عن الي صار او تسوي مصدومه ..
لكنها سمعت صوت سلطان العالي :-من وين الحلويين جايين
قالت هنادي بتعب :-الماس طاحت واغمى عليها
سلطان :-افا
هنادي :-وامي معها الحين
سلطان :-كيف حالها الحين
ابتسمت منال :-شكلنا بنصير عمان قريب
انهارت نوف على الباب من صدمة الخبر ... بعد كل الي سوته وماصار لها شي
صرخ سلطان :-احلفي
منال وهنادي :-ههههههههههههههههههههه بس ادع ربي يعديها على خير طيحتها قويه
سلطان من قلب :-يارب
التفت وقال :-وين سعود
هنادي :-مدري عنه
سلطان:-ليه مارجع
قالت منال بحقد :-بسبب العقربه نويف جاه من ابوي كف
انهبل سلطان :-تكذبين
هنادي :-لا ماتكذب سالفه طويله بس هذا هو المختصر المفيد
قال سلطان بقهر :-كنت داري ان مقدمها شر علينا
ونزل بسرعه وشماغه بيده ....
هنادي :-وين
سلطان :-بروح له
منال :-تعرف مكانه
سلطان :-ايه
وطلع من البي ت
*
*
*
><اليوم الثاني><
بيت راكان .......
تسحب راكان بهدوء واخذ دش سريع لبس ثوب ابيض وغتره بيضاء ....
صار له قرابة الاربع ايام ويحس صحته تمام وجروح العمليه بدت تلتئم ..
قالت دانه تتوعده :-على وين
ابتسم وهو يعرف ان محاولاته للنحشه باءت بالفشل قال يستهبل :-هههههههههههههه المره الجايه الظاهر بحط لك منوم
دانه :-ههههههههههههه احلف
قرب منها :-والله
حمرت خدودها وهو يناظرها
قالت له :-عن حركاتك الي تقلب كياني وقلي وين رايح من صباح ربي
راكان :-هههههههههههههه مشكله الصراحه
دانه :-راكان
سوى فيها خايف :-قريب
دانه :-يعني وين ..
راكان :-بروح قسم الشرطه
فزت من مكانها :-ليه
راكان :-ههههههههههههههههه بسم الله عليك وش صار نسيتي اني لازم اروح واوقع على اقوالي
ارتاحت :-ايه صح نسيت بس انت تعبان كان اجلتها شوي ...
راكان :-الحمد لله انا بخير بروح القسم ضروري وبرجع انا وعدتك ما ارجع الشركه الا عقب شهر وانا عند وعدي
ابتسمت :-اذا كذا اوكي
ابتسم :-تامرين بشي
قالت برقه :-ابيك سالم
قال من كل قلبه :-يالبى قلبك قولي امين
دانه :-هههههههههههههههههههه امين
وقف وقال بخباثته المعهوده :-اطلع قبل لا اتهور
حمرت دانه وطلع من الغرفه ....
>
في المستشفى
صحت الماس وقالت بصوت مخنوق :-سعود
قربت منها ام سعود :-الحمد لله على السلامه يمه
رفعت الماس عيونها
ام سعود :-سعود كان هنا من صباح ربي وطلع يحاكي الطبيبه من خوفه عليك لانك ماصحيتي للان من المخدر
غصت بدموعها :-ولدي يمه
ابتسمت ام سعود :-ولدك موجود الطبيبه تقول اليومين الجايين بيحددون كل شي
سالت دمعه من عينها :-الله يحفظه لي يارب
مايدري سعود هل هو بحلم او بعلم وان هذا صوتها ...
دخل غرفتها وفرحته شلت كل جسمه ....ووقف يناظرها
ابتسمت بتعب وسالت دمعه ثانيه همست :-سعود
بسرعة البرق جلس جنبها ومسك يدها :-ياقلبه وروحه الحمد لله على سلامتك

الماس وهي تبكي من قلب :-حبيبي انا حامل
ابتسم وقال :-شفتي حكمة الله
ام سعود تمسح دموعها من اشكالهم ...فرحتهم بمولودهم الي مايندرى عنه يشوف النور ولا لا ...حزنهم الي يتقاسمونه في كل وقت وكل حين
قال سعود :-غلاي كيف طحتي
تذكرت كل شي وقالت بحقد :-نوف السبب
ام سعود وسعود :-نوووووووووووووف
الماس :-ايه كنت اكلمك ويوم التفتت الا وهي وراي ودفتني الا وانا طايحه وركضت لغرفتها
قال سعود بقوه :-انا سمعت صوتها يوم طحتي وقلت يمكن اتخيل
انخفض الضغط عند ام سعود وجلست على الكرسي :-ماهي صاحيه
وقف سعود وطلع من الغرفه
قالت الماس بخوف :-وين راح ياعمه لحقي عليه
طلعت امه ولقته مو موجود ..:-الله يستر
*
بعد ربع ساعه دخل سعود البيت وابوه وخواته كانوا يتجهزون بيطلعون لالماس بالمستشفى ...
ركض لفوق والشر بعيونه ...
لحقه ابوه والبنات وراه ينادونه ومسفه بهم ..
دخل الجناح ولقاها تحكي بالجوال وضحكها واصل لاخر البيت ..
فزت من الخوف يوم شافته ، مسكها من شعرها وقال وهو يصارخ :-كيف تجرأتي كيف
نوف وهي تحاول تفك شعرها منه :-اي عورتني
دخل ابو سعود والبنات وانصدموا
ابوه صرخ :-شفيكم
صرخ سعود :-اسال بنت اخوك
ابو سعود :-شفيه يابنيتي
نوف :-مدري مدري
شدد من مسكته لشعرها وهزها وقال لابوه يستهزء :-الي جبتها لبيتنا واعتبرتها من بناتك وعطيتني لاول مره كف بسببها ماتخاف الله
الكل:-------------------- (على اعصابهم)
كمل وهو يناظرها تناظره بخوف :-هي السبب في طيحة الماس
الكل التفتوا لنوف الي وجهها متغير ....
سعود :-كانت تبي ولدي يموت الي ماتخاف الله
صرخت وهي تحس بشعرها يتقطع في يده :-تكذذذذذذذذذذذب
سعود وهو يرعد بصوته :-الماس ماتكذب
التفتت هنادي وشافت ورقه مقطوعه نصين بالزباله الي بالغرفه راحت تمشي والكل متابعها اخذت الورقه وقرتها وناظرت في نوف بحقد
قالت وهي تمد الورقه لابوها :-خذ يبه اقرى
قرا ابوها الورقه وناظر في نوف المصدومه :-كيف تجرأتي
صرخت وهي بتموت خوف :-لاتصدقهم عمي ----------
رفع يده يسكتها ، ناظر في ولده وقال وهو محني كتوفه من صدمة في بنت اخوه :-ماتوقعتها منك
قال سعود وهو يرميها على الصوفا :-انتي طالق شيلي قشك وخلي السواق يوديك بيت اهلك لا اشوفك
وطلع من الغرفه
طلع ابو سعود وهو يحس بحمل الجبال على كتوفه ..
قالت هنادي قبل لاتطلع :-تستاهلين الي جاك واكثر
منال بتشفي :-هه ابركها من حزه والله
طاحت نوف وهي تبكي مو مصدقه الي صار ....طلقها سعود
صرخت بصوتها
"والله لتندددددددددددددددددددددددددددددددددددددم"
وانهارت تبكي ...
×
×
>>>>>>>في قسم الشرطه
رغم الحاح راكان ماطاع محمد وراح معه القسم ..
قال الضابط :-مافيه اي وسيله لاقناعك تتنازل عن حقك يا شيخ راكان
قال راكان بهدوء :-لا
رغم محاولات الشرطه انه يتنازل عن حقه الا انه رفض ونيته في الانتقام من عمانه حقيقه واقعه ...
وقع على الاوراق وبكذا يكون انتهى دوره وبيرمي مسأله عمه بدر ورى ظهره وبيتفضى لعمه حمد ...
قال راكان وهم بالسياره :-ياكرهي لاقسام الشرطه
محمد :-محد يحبها عجبني موقفك اليوم
هز راسه وقال وهو يركب بجنب محمد الي اصر يسوق عنه :-هم السبب والا القطيعه مو من اطباعي
محمد :-ياشيخ هالاشكال ماتستاهل الا الضرب على الروس
راكان :-معك حق ...
بعدها بعشر دقايق قال راكان لمحمد :-الا شخبار صفقة لندن
محمد :-الطلبيه كبيره يبيلها كم شهر
راكان :-هالطلبيه مهمه مره يامحمد
محمد :-لاتشيل هم وازهلها انا بنفسي بروح و اشرف عليها بنفسي ..
ابتسم راكان :-ماتقصر يبو حميد
محمد :-الله يقدم الي فيه الخير ،
وقال يمزح :-الا اشوف الوجه منور اليوم
راكان :-ههههههههههههههههههه اقول لاتصكني بعين
محمد :-من زينك اصكك بعين
راكان :-ههههههههههههههههههههههه
بعد بعشر دقايق قال راكان :-الا شخبار الوالده
كئب محمد :-والله ماش يبو فيصل صحتها في نزول
هز راكان راسه :-ربك كريم
محمد وهو يوقف قدام بيت راكان :-يالله وصلنا
راكان وهو ينزل :-القهوه
محمد :-مره ثانيه ناسي ان الدنيا على راسي
راكان :-هههههههههههههههه يعطيك العافيه
ابتسم محمد :-الله يعافيك سلام
راكان :-سلام
دخل راكان البيت ومحمد رجع للشركه يشوف اشغاله

***********************

شكرا شكرا حبوبه
الله يعافيش

وانا انتظر الباقى منك

اعرف انى اضغط عليش

بس شسوى انتى عودتينى

انتظر جديدك

(الجزء الثاني والخمسين)

><في بيت احمد><
قال احمد لسعاد :-وش هالعشاء الفنان صراحه هالشغاله طبخها شي
ابتسمت سعاد لانها هي الي طابخه العشاء وتعبانه عليه ..
طلعته من المستشفى عطتها دافع وحببتها في الحياه اكثر
لحظات الخوف والترقب والوساوس هدت حيلها لكنها بينت لها مكانته بقلبها
احمد :-علامك تبتسمين هذا بدل ماتاكليني بقشوري مثل امس بالمستشفى يوم نويت انادي الممرضه تساعدني ابدل ملابسي
شب وجهها ضو وشرقت بالاكل دمعت عيونها وجلست تكح
فز احمد وعطاها مويه :-بسم الله عليك
بعد ماهدت جلس احمد بمكانه :-هههههههههههههههههههههههههه
ناظرته بحقد من قلب اشرق ويضحك هو ووجهه ولاكنه قال شي
كمل بيحرجها وهو يقز وجهها بوله وهيام:-
اكتبني في حياتك عاشق مجنون مامل اشتياقه
ماعرف شلون يقرا العشق او يكتب غرامه
ارسمني صورة الولهان بالوان الطفوله
تجرحه كلمه وتجيبه ابتسامه
مغرم فيك لو رفض يبدي غرامه
تفضحه كلمه ومقصده اهتمامك
شب وجهها ضو قالت وهي منزله عيونها :- احمد
قال برقه :-ياعيونه وقلبه وروحه
انسدت نفسها عن الاكل ....وماقدرت تبلع شي ...
جربت اخلاق احمد كلها .. ماعدا انه يكون رومنسي ..حست بحيا ماينوصف وخوف ماينوصف
ابتسم احمد ومسك يدها وقال :-ماكملنا الي بديناه امس بالمستشفى
طلعت عيونها قدام من الصدمه :-هاه
احمد :-هههههههههههههههههه حبيبة قلبي تراني ما اكل ولا اعض
ابتسمت غصب عنها
قال احمد وهو يمسك يدها:-
تدري يافرحي وهمي..من كثر ما انت في دمي
كل ماتنظرك عيني ..عيني من عيني تسمي
قالت بهمس :-احمد حرام عليك
احمد :-انتي الي حرام عليك .. حتى ليلة امس ماذاقت النوم عيني
قب وجهها ضوء
ووقفت بتشيل صحون العشاء ...
وقف ومسكها مع يدها ..رفعت عيونها وطاحت بعيونه
قال بهمس :-خلي الشغاله تشيلها اتركيها
ارتبكت :-بس
همس :-سعاد كفايه صدود

*********
في المستشفى ...
قال سعود لمدير المستشفى :-لازم تشوف لي الموضوع لانه كبير وماينسكت
ارتبك مدير المستشفى وقال :-متأكد اخوي
عصب سعود :-اكيد متأكد يعني بجيك على عماي
المدير :-محشوم ولايهمك الان بشوف لك الموضوع
ناظره سعود وبقوه ارهبته :-ياليت والله
رفع التلفون وقال للسكرتير :-فيه مريضه جتنا في الشهر (---------) بتاريخ (---------) اسمها الماس بنت فهد ابيك تعرف لي الطبيب الي كان مسؤل عن حالتها وترسله لمكتبي الحين ضروري
السكرتير :-ان شاء الله
سكر المدير التلفون وابتسم بارتباك :-ثواني بس ويكون كل شي واضح
هز سعود راسه وماهرج بكلمه ..
بعد عشر دقايق ...
دخل الطبيب الي كان مسؤل عن حالة الماس :-السلام عليكم
الكل :-وعليكم السلام
الطبيب :-دكتور قالولي انك طالبني وطالب ملف مريضه خير ان شاء الله
المدير :-تفضل استريح
جلس الطبيب ومعالم الوقار بوجهه ...
المدير :-الاخ سعود زوج مريضتك الماس بنت فهد ومقدم شكوى
التفت يمه الطبيب وكأن سعود لاحظ احتقار في وجهه:-خير يا اخ سعود لايش المشكله
مسك عمره لايقوم يخنقه :-المشكله مثل ماحبيت تسميها هي انك قلت لي ان زوجتي فيها لوكيميا وبعد كم شهر اكتشف ان زوجتي حامل ولافيها الا العافيه ممكن تفهمني الموضوع وممكن تفهمني الصح من الخطا هل هي مريضه وتحتضر ولا حامل وبخير
عقد الطبيب حواجبه وقال بملامح حزينه فيها نفس لمحة الاحتقار الي شافها سعود:-اقدم لك عزاي بما اني قابلتك
طلعت عيون سعود قدام :-عزاك ، عزاك في من
ارتبك الطبيب وقال :-عزاي في وفاة زوجتك الماسه
عصب سعود :-لاتفاول عليها
ناظر الطبيب بالمدير الي حالته حاله وقال :-يا اخ انا مقدر شعورك و-------------------
قاطعه بعصبيه :-زوجتي حيه انهبلت انت
رفع الطبيب يده يوقفه عن الكلام وقال وهو يفرك جبهته :-دقيقه التقارير معي تفضل مو هذا توقيعك على اوراق دخولها المستشفى
اخذ سعود الملف الي بيد الطبيب وانصدم قال وهو مو فاهم شي :-الا توقيعي بس زوجتي حيه وموجوده هنا بعد
الطبيب قرب ينهبل الحرمه متوفيه من كم شهر ..
المدير يكلم الطبيب :-وش قولك يادكتور
الطبيب :-مدري التقارير موجوده والاخت المريضه الماسه متوفيه
ارتفع ضغط سعود وهو تو ينتبه :-يا دكتور اسمها الماس علامك تخربط
انتبه الطبيب :-شقلت اسمها
ناظره سعود وكانه تخبل من بعد هالسؤال :-الماس
وقف الطبيب وسكت شوي ، رجع شعره ورى وقال بهدوء :-ذكرت شي لحظه
اخذ التلفون ودق على قسم الملفات الخاصه بالمرضى ...
الطبيب :-الو ابغى تدورين لي ملف مريضه اسمها الماس بنت فهد دخلت المستشفى في تاريخ (وناظر في سعود الي علمه بالتاريخ واليوم)
الممرضه :-اوكي
الطبيب :-جيبيه مكتب الدكتور اسامه
الممرضه :-حاضر
ثواني الا والممرضه داخله ومعها الملف ...
فتحه الطبيب وهو يحط نظارته ...وتغير لون وجهه ..:- مومعقول
وقف سعود :-خير
ناظره الطبيب وقال :-زوجتك اسمها الماس بنت فهد بن سبع
سعود :-ايه
الطبيب :-مدري شالموضوع لكن فعلا الاخت كانت حامل اتوقع بشهر ونص او شهرين ماتاكدت المده لانها ماطولت بالمستشفى في ذاك الوقت لكنها كانت ضعيفه من قلة الاكل عشان كذا اغمي عليها
فقد سعود اعصابه :-لولا التقرير الي وصلني من المانيا كان مادريت ان زوجتي حامل كل هذا اهمال منكم تخيلوا لو انها باديه تتعالج بالكيماوي وهي سليمه تخيلوا
تورط المدير ...
وقال الطبيب :-يا اخ سعود في هالملفين كان تشخيصي كان سليم وممتاز الماسه كانت مصابه بلوكيما متاخره وتوفت عقب شهر من التشخيص ومن سوء حظك ان اسمها مشابه لاسم زوجتك لان الحرمه الي توفت ماعرفنا عن اهلها شي لانها ساكنه بلحالها وانت مابينت بعد ذيك اليله الي انهرت فيها .. وحسبناك تخليت عنها وماكان عندنا رقم لك حتى احنا كنا ناوين نستعلم عنك لكنها رفضت وقالت انها مقطوعه من شجره وانها ماتبي تشوف زوجها ابد ورضينا بقرارها لانها كانت تعبانه حيل اما زوجتك انت تعرف اليوم الي طلعت فيه انت الي انهيت معاملاتها والي وقعت على دخولها المستشفى ولو كنت منتبه ومركز كان انتبهت انهم اخذوا توقيعك مرتين
سكت سعود يفكر في كلامه ...معه حق
قال بهدوء يكبت انفعاله :-معك حق لكن هذا مايخليكم من مسؤلية الي صار ...
المدير قال بتوتر :-مالك الا طيبة الخاطر وراح نعرف المسؤول ونعاقبه الدكتور ماعمره قصر في واجباته وخبرته تتعدى العشرين سنه والخطأ الي صار اظنه اداري اكثر منه طبي وصدقني يا اخ سعود لو فرضنا انها جت هنا حتى تبدا تتعالج بالكيماوي هالشي غير ممكن قبل اجراء فحوص شامله وساعتها راح يبين كل شي انا ما اقول هالكلام عشان اخلي المستشفى من مسؤلية الي صار لا انا اكلمك بمنطق خارج عن نطاق عملي كمدير وطبيب بهالمستشفى
قال سعود :-انا الي يهمني ان المسؤول عن هالغلط الكبير يلاقي جزاه ارواح الناس مو لعبه
المدير :-وهذا الي راح يصير
قال سعود وهو يناظر في الطبيب وقال بصرامه :-لو تعرفني زين يادكتور ما تخيلت لو للحظه اني اتخلى عن زوجتي وهي في امس الحاجه لي لكن من يجهلك مايثمنك
قال الطبيب بنبرة اعتذار :-الحرمه كانت حالتها النفسيه والصحيه صعبه واسفت لحالها كثير من بيلومني على احتقاري لزوجها
سعود :-صار خير انا المهم عندي الحين الشخص المسؤول عن هالخطأ وراح اتابع الموضوع شخصيا
طلع من الغرفه وانهار المدير على كرسيه ...
استغرب الطبيب خوفه وتوتره :-دكتور شفيك متوتر وحالتك حاله جلّ من لايخطئ
قال المدير بعصبيه :-خطا عن خطا يفرق انت تعرف من الرجال الي طلع من هنا
الطبيب :-لا شعرفني
قال وهو شبه يصارخ :-هذا سعود بن سبع هذي عايله لها نفوذ ومعارف وان حطوا المستشفى في روسهم علينا السلام
الطبيب كان مو مهتم لاي شي من هالكلام لانه يراعي الله فقط في مهنته :-باين عليه انه رجال عاقل وثقيل ومعه حق لازم المسؤول يتعاقب وهنا تقع المهمه عليك ، والان اسمح لي عندي مرضى بالانتظار
المدير :-تفضل دكتور ماقصرت
وطلع الطبيب تارك المدير مسوي حالة استنفار بالمستشفى حتى يعرف الي صار بالضبط ....
×
×
صار لالماس ثلاث ايام بالمستشفى وحالة الجنين للان مجهوله وعلمها بالغيب ...
طلع سعود من غرفة المدير طفشان وراح يدور الدكتوره المسؤوله عن حالة الماس وكان في نفسه يحمد الله انها سليمه وان هالشي موثق باوراق رسميه لان اعصابه ماعاد تستحمل صدمات ....
[اه لو تدري وش ينتظرك ياسعود كان عرفت ان صدمه عن صدمه تفرق !!
كان يعرف مكان مكتب الطبيبه لانه كان يسأل عن الماس وحالها بشكل متواصل..
دق الباب ..
الدكتوره وهي تسوي نقابها :-تفضل
دخل سعود :-سلام عليكم
الدكتوره :-وعليكم السلام اخ سعود جيت بوقتك
خاف سعود وبان هالشي على وجهه قالت الطبيبه :-ابشرك الجنين بخير وتقدر زوجتك تطلع من المستشفى
اشرق وجهه من عقب هالخبر .. كان يتمنى من كل قلبه لو الله ينجي حلمه وحلم زوجته من سنين ويخليه لهم ..
يقولون الواحد مايبني احلامه من رمال ..وسعود بنى احلامه من اوهنها وهو عارف... وكان يدعي ليل نهار ماتضيع هالاحلام بسبب موجة بحر صغيره مالها قيمه ووزن
ابتسم وقال :-الله يبشرك بالخير
قالت الدكتوره :-شف يا اخ سعود ممكن تكون مستغرب ليش انا تعديت التوقيت الدارج من 48 الا 84 ساعه مهله لمعرفة الوضع النهائي للجنين ال 48 ساعه هي الدارج لكني اضفت عليها يوم وكم ساعه حتى تستقر نفسية زوجتك المتدهوره وتخف ضغوطاتها النفسيه الي عاشت معها الشهور الي مضت والي تعتبر من اهم فترات الحمل لكن الي اشوفه انها بدت تسترخي نوعا ما .. وانا اقترح عليك كاخت اكثر مني كطبيبه مختصه تبعدها عن كل الضغوطات لان ممكن في اي لحظة انفعال تجهض
توتر سعود وقال :-ماتقصرين دكتوره المطلوب من الناحيه النفسيه وفهمناه طيب من الناحيه الصحيه وش المطلوب الادويه والاكل وهالاشياء
الدكتوره :-راح اكتب لها مقويات وفيتامينات لا تجهد نفسها باي شي ولاتشيل ثقيل لو حتى دلة قهوه جسمها تعرض لطيحه قويه وراح يكون حساس حيل ادع ربك يحميلك ضناك المفروض باول شهور الحمل تاخذ ادويه خاصه بمنع التشوهات وهالاشياء ولكنها ماخذتها وماعلينا من الي فات زين طبعا بتكون لها زيارت دوريه لمتابعة حملها وفي حالة زوجتك راح تكون مواعيد زيارتها لنا ضعف الحالات الطبيعيه حتى نتابع الوضع عن قرب (ابتسمت) وكلها خمس شهور وراح تعدي بخير ان شاء الله
هز سعود راسه واخذ منه الوصفه حقت الادويه :-ان شاء الله
وقع على اوراق الخروج .... واخيرا بتصفى ايامهم وبيعيشون بسلم وسلام ...
وانا هرج ابوه بكلمه بيتصدى له وبيتفاهم معه ...!
خلاص
انتهى كل شي .. الماس حامل
ونوف اخذت جزاها بعد فعلتها السوداء حمد ربه انها جت بارده مبرده وطلاقه لها له مبرراته ...
والله يعينه على مواجهة عمه ابو احمد ...
×
×
×

><بيت راكان><
بخرت دانه راكان...
قال راكان يستهبل :-اقول يا الغاليه مو خايفه علي من ريحة العود
ابتسمت :-لا خلاص جرحك التئم لاتكبر السالفه ترى كنه خدشه صغنونه
ابتسم :-الحين صرت انا الي اكبر السالفه
دانه :-ههههههههههههههههههههههههه طيب ولاتزعل حقك علي
راكان (موده رايق حيل) :-الله لايجيب الزعل بينك وبيني .. وان زعلت ارضيك انا يانور عيني
حمر وجهها :-ياعيني ع الحب وكلام الحب والروقان
غمز لها :-شقصدك مو مروق انا الايام الي فاتت
دانه :-هههههههههههههههههههههه ركوني لاتتاخر على صديقك
راكان :-هههههههههههههههههه صديقي والا اخوك المربوش وعمي العزيز او عماني يالله احب عبيد من حبي لاهله
دانه :-هههههههههههههههههههههههههههههههه
راكان :-علامك تضحكين هذا جزاي يوم ماودي ازعل اهلك
دانه :-ههههههههههههههههههههههه الي ضحكني المثل الي قلته
ابتسم :-ليه علامه
دانه :-ههههههههههههههههههه يوووووووووووووووووه مغبر
راكان وهو مسوي معصب :-هيه لاتنسين اني بدوي ابا عن جد
ابتسمت :-وانا اشهد
دق خالد على جوال راكان :-هههههههههههههههههههه هذا اخوك شب الله فيه (رد عليه) الوووووووو
خالد معصب :-وينك
راكان :-بالبيت
خالد :-يافرررررررررررررحتي
راكان :-هههههههههههههههههههههههههههههه
تنرفز خالد :-اقول انزل ولا ترى اخذت اختي
راكان (يناظرها) :-تاخذ دندونتي ايه هين اخذ روحي اسهل عليك من اخذها مني
تأثرت دانه بكلامه ...
خالد :-هههههههههههههههههههههه لا يالنسيب روحك مهمه لنا
راكان :-هههههههههههههههههههههههههههههههههه ابوك يالمصالح
خالد :-ههههههههههههههههههههههههههه الدنيا هيك يالله انزل لا اطلع لك
راكان :-ههههههههههههههههههههههههههه لا ومنقلب لبناني خلك على ما انت عليه اصرف لك
خالد :-طيب طيب انزل
راكان :-ههههههههههههههههه طيب
قال راكان لدانه :-انا ادري شمعجل اخوك رجنا الله يهديه
دانه :-هههههههههههههههههههههههههه فرحان الله يتمم له فرحته على خير
راكان :-امين يالله انا نازل تامرين على شي
ابتسمت :-ابيك سالم غانم ... انتبه على نفسك
حط يده على قلبه :-خفي خفي يادندونتي تراي مو حمل هالكلام الحلو
دانه :-هههههههههههههههههههههههههه لا والله يازيني ويازين كلامي (قالتها بغرور)
قال وعيونه تلمع :-وانا اشهد (مسكها مع يدها ) الا وجواله يدق
قال بعصبيه خلت دانه تفطس ضحك :-غربلك الله ياخويلد ماترحم ولاتخلي رحمة ربك تنزل
وطلع قبل مايكنسل روحته مع عمه وخالد عشان يخطبون له اخت محمد
^_^
×
×
×
×
><في بيت محمد.................
قال خالد لراكان بهمس :-علام صديقك ابطا
راكان :-هههههههههههههه اركد لاتصير خفيف
خالد كان متوتر :-شايفني اناقز هذاني منطق انتظر ردهم
:
:
>>>>>>>>>>>> في نفس الوقت
قال محمد لاخته :-رفضك ماله مبرر
امها :-يمه انا مو دايمه لك
نزلت دموع ايمان غصب :-يمه الله يديمك على راسي لاتقولين كذا
تأثر محمد لكنه قسى قلبه :-ايمان الرجال ماينرد
ايمان :-ليه لانه نسيب صديقك
عصب محمد :-راكان مو صديق بس راكان اخوي الي ماجابته امي لا تقللي من قدره
استحت من اسلوبها في الكلام وقالت تتوسل له يفهمها :-محمد الرجال مالي عليه اعتراض لكن ان تزوجت اترك امي لمين
امها كان حاز بخاطرها انها تكون عثره في طريق سعادة بنتها
قالت قبل مايرد محمد :-محمد موجود والشغاله موجوده تساعدني وبعدين بنقول له يجيب لك بيت قريب منا ومتى مابغيتي تزورينا تقدرين تجين
ايمان مو قادره تتحمل بعادها عن امها :-لا انا مو موافقه
وراحت تركض لغرفتها ...
قال محمد لامه :-يمه حرام نرده
امه كانت محزنه وقالت له :-مانقدر نجبرها يمه ...
محمد :-كلام فاضي يمه ايمان توها صغيره وماتعرف مصلحتها
مسكت امه يده :-سو الي تشوفه مناسب انت بمقام ابوها الحين
طلع محمد من عند امه ...
وهو متضايق مره ...
دخل المجلس...
انقبض قلب خالد من ملامح محمد المكشره .. ناظر راكان وجه خوي عمره وعرف انه متضايق ومحتار من شي...
لكن خالد كان ذكي وقبل لايحكي محمد قال بسرعه :-محمد
ناظره محمد :-سم
خالد :-بغيتك برى شوي
ناظروه الشياب مستغربين ...
وقف محمد وطلع معه خالد ...
دخلوا مجلس صغير قال خالد بدون تردد :-رفضت صح
من ملامح محمد عرف الجواب قال خالد :-شف ياخوي انا شاري اختك وابيها زوجة لي ومصر على هالشي ولا ماكان تعبت نفسي واخذتك على جنب قبل لاتعلمنا بردها واتورط مع الشياب
انحرج محمد :-والله ياخالد انت نعم الرجال واعتراض البنت عام مو خاص
خالد :-ممكن اعرفه
محمد بضيق :- ماتبي تترك الوالده
ابتسم خالد :-محلوله هذي مشكله بيسطه وبعدين قالولها اني قليل خاتمه انا اصلا ما ابيها تبعد عن امها
(ولاتقل لهما افا ولا تنهرهما وقل لهما قولا كريما واخفض لهما جناح الذل من الرحمه وقل ربي ارحمهما كما ربياني صغيرا)
صدق الله العظيم ، الي مافيه خير في اهله وفي والدينه مافيه خير في نفسه قبل الكل ..
محمد :-صدق الله العظيم ، يعني بتسكن هنا
خالد :-افا ماهقيت هالظن منك يا محمد لكني رجال ولد رجال واقدر افتح لزوجتي بيت ...
محمد :-والنعم والله
خالد :-وانت بتكون معنا طبعا
ابتسم محمد :-والله مدري ياخوي ماني بقادر على فراق الوالده ... بس عندي لك شور بيعجبك ..
خالد :-الحقني به تكفى
محمد :-هههههههههههههههههه انا نويت ان شاء الله اتزوج .. شرايك ندور بيتين جنب بعض وبكذا نحل هالمشكله بحيث تكون امي معي وتكون قريبه من ايمان
استانس خالد :-ونعم الراي موافق ومبروك مقدما
محمد :-اجل على بركة الله
خالد :-طيب اسال ايمان
محمد :-ماعليك منها
خالد :-اكيد ترى كل شي ينغصب فيه الا الزواج
محمد :-وكل امرك لله البنت قالت لي بلسانها مالها عليك اعتراض ومشكلتها كانت الوالده وحليناها
ابتسم خالد :-الله يقدم الي فيه الخير ...
ودخلوا على الشياب ...
قال ابو خالد وهو يشوف الوناسه على وجه خالد :-نقول مبروك
محمد :-ايه
ابو خالد :-الله يقدم الي فيه الخير
ابو احمد وابو سعود :-اللهم امين ...
ابو خالد :-اجل لنا زياره لكم عقب الفحوصات
محمد :-حياكم الله ..
راكان :-مبروك ياخويلد الله يتمم لك بخير
خالد :-الله يسلمك
×
بعد ماراحوا الرجال ...
دخلت ايمان المجلس على امها واخوها :-محمد حرام عليك ليه تسوي فيني كذا عشاني يتيمه خلاص
وطلعت تبكي ، تنكدت امها وتنكد محمد
الي وقف ولحقها ..
لقاها قافله عليها باب الغرفه ..:-ايمان افتحي
ماردت عليه
محمد :-ايمان بهرجك شوي افتحي الباب
ماردت لكنها فتحته لانها تحترم اخوها الكبير مره
جلست على سريرها تمسح دموعها ...
جلس جنبها وقال بحنان :-ايمان لاتعيدين هالكلمه مره ثانيه انا ابوك قبل ما اكون اخوك انا الي ربيتك من يوم وانتي صغيره ورعيتك وانتي بمهدك كيف تقولين كذا انتي معترضه على الرجال بعد كل الي قلته لك عنه ان كان لك اعتراض على شخصه انا مستعد اكنسل كل شي ومايهمني احد
قالت وهي تمسح دموعها :- قلت لك انا رافضه المبدأ كله
محمد :-طيب بعلمك وركزي معي
ناظرته :-طيب
ابتسم :-لما دخلت المجلس قام خالد واخذني برى وكان عارف انك رافضه الزواج وقال لي انه يبيك وانه مستعد للي تبينه وانه في الاساس مايبيك تبعدين عن امنا عشان كذا يبيها تعيش معكم
استانست :-جد
محمد :-ايه لكني رفضت
رجعت حزنت
ابتسم :-انتي دوم عجله كذا اسمعيني للاخير
ايمان :-طيب
محمد :-انا نويت اتزوج
صارخت ونست الصياح والزعل :-والله
محمد :-هههههههههههههههههههههههه لاتهبلين بي ايمانوه
ايمان :-ههههههههههههه طيب
محمد :- وقلت لخالد ان مرجلته الي رفضت تسمح له يعيش هنا نفس مرجلتي الي رفضت تسمح لي اخلي رجال غيري يصرف على امي ويشوف طلباتها عشان كذا قررت انا وياه نشتري بيتين جنب بعض منها تكون امي معي ومنها تكون جنبك لا وبينكم باب بعد في الجدار الفاصل بين بيتينا اظن مالك عذر
سكتت ايمان وحمر وجهها ...
ابتسم محمد :-نقول مبروك
ابتسمت وهي مستحيه ..حب على راسها وطلع من الغرفه...
قال لامه الولهانه :-ابشرك موافقه وخاطرها طيب
ابتسمت امه من قلب :-الله يفرح قلبك يمه بهالخبر الزين
×

×
>>>>>>>>>>بالمستشفى
دخل سعود والابتسامه شاقه حلقه
كانت الماس ترتجف ويدها على قلبها وماسكه امها بقوه
قالت بلهفه :-بشر
ابتسم وقال :-ابشرك حملك ماعليه خطر
نزلت دموعها وضمت امها وهي تبكي مو مصدقه ثلاث ايام عاشتها بين الحيا والموت همومها من جهه وخوفها على ضناها الي ياما حلمت فيه من جهه
تكدر سعود من حزنها
قال وهو يخفف عنها :-الماس خلاص يالغاليه هانت والطبيبه كتبت لك خروج
رفعت راسها :-بالله
ابتسم :-ايه
قالت ام خالد :-ماودك تخليها تجلس معي كم يوم لين ترتاح
قال سعود :-السموحه ياعمه مقدر استغني عنها وتراها بعيوني لاتشيلين همها
ام خالد :-عارفه يمه بس
سعود :-لابس ولاشي ترى ان راحت معك جيت انا معكم
ام خالد والماس :-هههههههههههههههه
ام خالد :-حياك الله يمه
سعود وهو يبتسم :-تسلمين ياعمه الزم ماعلي راحتها ووين ماتبي تروح انا موافق
ابتسمت له بحب وقالت لامها :-يمه من بعد اذنك برجع بيتي
ابتسمت امها وقالت لها وهي تمسح جبينها بيدها :-الي يريحك يريحني يمه
ابتسم سعود وقال :-يالله يالغاليه جهزي اغراضك على بال ما انادي الممرضه تجي تساعدك
وطلع..
بمساعدة امها رتبت اغراضها ولبست عبايتها .. وصلت الممرضه ومعها كرسي بعجلات
قالت الماس لسعود :-بمشي على رجولي
انهبل سعود :-شلون تمشين انتي تعبانه
عندّت :-تعبانه مو معاقه
مابغى سعود يزعلها ورضى غصب عنه وخصوصا انها في مزاج مايسمح له يستهبل عليها عشان تطيعه
×
وصل سعود ام خالد لبيتها ورجع لبيت ابوه ..
قال لها وهم بالسياره :-لاتشيلين هم يالغاليه الزم ماعلي راحتك وبيتنا بنرجع له قريب خلال الاسبوعين الجايات
استغربت الماس من تاجيله روحتهم ولكنها تعبانه وضعيفه ومافيها حيل تدخل معه في نقاش طويل ...
الليله بتريح وبكره فيها فرج..
وصلو لبيت عمها ولقوا الكل باستقبالهم ....
هنادي ومنال :-هلا وغلا انور البيت
ابتسمت الماس :-منور بوجودكم
قالت ام سعود بحنيه :-يمه انتي تعبانه اطلعي ارتاحي ولاتنزلين للعشا بخليهم يطلعونه لك
الماس :-تسلمين ياعمه الله يخليك لي
وطلعت ...ومعها سعود ..
دخلت غرفتهم ونزلت عبايتها بتعب وجهها مشحب ومافيها حيل لشي ..
طلعت ملابس من درجها قال سعود :-وش بتسوين
الماس :-باخذ شاور سريع وبنام احس ان جسمي كله مجهد
سعود :-يكون احسن بعد انتي خذي شاور وانا بوصي لك على حليب بالكاكاو اعرفك تحبينه
الماس :-هههههههههههههههههه كان الطلب على طرف لساني
ابتسم لها سعود :-اجل انا بنزل وانتي خذي شاورك
ابتسمت :-اوكي
نزل تحت لقى امه موجوده والبنات مختفيات نادى الشغاله وقال لها تسوي حليب بالكاكاو لالماس
نادته امه :-يمه سعود
جا وجلس جنبها :-سمي ياست الحبايب
ابتسمت امه :-وجهك منور اكيد اخبارك زينه
ابتسم :-احمد ربي واشكره
ترددت امه لان مو من طبعها تتدخل في حياة احد من عيالها :-مدري بس شقالت لك الطبيبه
ابتسم وقال والفرح الصادق يبين لاول مره على وجهه بعد سنين الغم الي مرت عليه :-كل خير يمه ولدي بخير ووصتني على امه قالت لازم نبعدها عن اي مجهود وعن اي انفعال لان صحتها مو مستقره
قالت امه بتصميم :-تبي راحتها ارجعوا بيتكم
ماتعجب سعود من موقف امه وعدم خوفها من ابوه ومعها حق في كلامها
قال بقهر :-هذا الي انا فكرت فيه لكن فيه مشكله
امه :-مشكله
سعود :-ايه في خراب في توصيلات المويه بالبيت وجايب عمال يصلحونها وشغلهم بياخذ وقت لانه يشمل كل البيت فوق وتحت
امه :-كم يبيلهم
سعود :-مدري انا جايبهم قبل طيحة الماس بيوم
امه :-طيب اجلها لبعدين
سعود :-فات الاوان وبدوا شغلهم مقدر اكنسل شي الان اهم شي هالنويف مو موجوده وعشان كذا ماعلى الماس خوف لانها تحبكم وانتم تحبونها
قالت امه بحنيه :-فيه احد مايحبها
قالت امه :-الا على سيرة الي ما تتسمى وش ناوي عليه
قست ملامح سعود :-خليها تولي الله لايردها
امه :- منت ناوي تردها
قال بقوه :-طبعا من سابع المستحيلات انا ماصدقت ابوي شال يده من الموضوع وزوجتي رجعت لي سالمه لا وحامل بعد (قال بنبره تعبانه) يمه تعبت من الضغوط من سنين وتعبت من العنا والصدمات هالشهور الكئيبه وودي ارتاح واعيش مبسوط انتي عارفه اكثر من الكل شكثر تهمني الماس ووش اكثر احبها يمه والله ثم والله ماني قادر احط نظري بحد وافكر في غيرها الماس ملت لي حياتي .. نعم الزوجه والاخت والصديقه شبي اكثر من كذا
ابتسمت امه وهي تحط يدها على يده :-الله يخليكم لبعض والي يريحك سوه
قال بتصميم :-هذا الي انا ناوي عليه لاتشيلين هم
×
×
×
><في بيت ابو احمد ><
قالت ام احمد لبنتها :-يابرد اعصابك
ناظرتها نوف بملل :-يوه يمه صار لك يومين وانتي هذي سيرتك
جلست امها وقالت وهي مختبصه :-والله ليموتك ابوك من ورى فعلتك
نوف :-اوووووووووووووف
امها :-لا تتاففين وحلي الموضوع
نوف :-خليني افكر انا ماهمني ابوي كلها طراقين ولاهوشتين وينتهي الموضوع انا الي هامني الحين سعود والله لاخليه يندم على ضربه لي واهاناته
سكتت امها وقالت لها :-من جدك
نوف :-ومن جد جدي تذكرين يمه الدكتوره الي رسبتني بالجامعه قبل سنتين
امها :-ايه علامها
قالت بحقد وشماته :-وديتها انا وشلتي بداهيه
تذكرت امها :-هههههههههههههه سالفة الرشاوي
نوف :-ايه بحثت وراها وعرفت انها ترتشي من تحت لتحت ورتبت الموضوع مع وحده ابوها له نفوذ يعني لاصار وتورطت تقدر تطلع منها صاغ سليم وكشفوهم الامن وصارت مصيبه والدكتوره طردوها والبنت بس فصلوها اسبوع هههههههههههههههههههههههه
امها :- ههههههههههههههههههه انتي مخك نظيف ولافكرتي تعجبيني لكن احيانا يصيبك غباء
وقفت نوف ومشت قدام امها التفتت وقالت وهي مكتفه يدينها ونظرها سارح بمكان بعيد :-لا يمه ماعليك والله ليندم ويجيني ذليل بس صبر
ام احمد :-طيب وش براسك
نوف :-بقولك بعدين الي براسي لسى افكر فيه ومارسيت على شي للحين
امها :-فكري بس عجلي قبل لاتطيح مصيبه فوق روسنا
ضحكت بدون نفس :-اوعدك بمصيبه لكنها بتطيح على راس ولد عمي العزيز
امها كانت حاقده عليه :-كفو بنيتي الله يقويك
نوف :-الا صدق وين طلال يمه من يوم ماجيت ماشفته
امها :-من يوم ماطلع من المستشفى وهو عند اخواياه ما يبي يجي البيت تقولين بيتنا مسكون ولاشي حتى احمد والمدام المصون من يوم ماتزوجوا ماشرفونا ...
نوف :-ماتحمدتي له بالسلامه
امها :-دقيت عليه ابوك نشب بحلقي وعيا يخليني اروح كان ودي اروحله بيته واشوف اخباره مع الزفت الي متزوجها
نوف :-عساها الماحي
امها :-امين تمسكنت لين ماتمكنت واخوك الغبي يحبها وهي ماخذه راحتها دايم عند امها
نوف :-من يوم ماجيتهم ماشفتها الشينه جايه
امها :-هه وانتي كنك طولتي عندهم تراك ماكملتي اسبوعين على بعض
نوف بتوعد :-بطوّل ودبرته عندي ان مارجع لي ذليل ماكون نوف
قالت امها بشماته (بدى شغل الحش والتشمت) :- والا رجل بنت عمك دانه
عقدت حواجبها :-علامه زوجها
امها :-نحسته المقروده صار له حادث وبغى يموت
نوف :-ههههههههههههههههههههههههههه مسكين الله يعينه
امها :-ابوك وعمانك زاروه في بيته لانه طلع اليوم الثاني من المستشفى
انهبلت نوف :-مو صاحي وشصار له
امها :-شالو طحاله ..
نوف :-اووووووووف عمليه وطالع اليوم الثاني مو صاحي (قالت بحقد وحسد وحسره) يازينه يمه كله رجوله خساره في وحده مطلقه ومعقده مثل دانوه
امها :-رجلك مو قاصره رجوله بس الماسوه والعلم عند الله شكلها ساحرته
نوف :-والله ليه لا (فكرت شوي) يمه شرايك نسحره
فكرت امها :-فكره زينه واعرف لي حرمه تعرف راعين سحر بس قبل جربي خطتك يمكن تنفع وماندفع الوف ونتكلف
نوف وهي تبتسم :-تمام صار عندي حل بديل ....
امها :-شكلك قررتي شرايك تعلميني عن خطتك وانا اعلمك انا كانت ضابطه
نوف :-طيب بقول لك
×

*
><بيت ابو سعود><
كانت الماس نايمه ...
جلس سعود يتامل ملامحها ..
"يلوموني يوم ما استغني عنك .. يلوموني يوم احبك ..
كم قمر بالكون واحد
كم شمس وحده
اجل ليه مايقتنعون ان قلبي ماسكنه ولاراح يسكنه غيرك "
حست الماس بحد يناظرها فتحت عيونها لقت سعود يناظرها ويفكر ..
قال برقه :-صباح الالماس
الماس :-ههههههههه
سعود :-احلى تصبيحه وربي .. انا استفتحت يومي على وجهك اجل خلاص بيكون حلو لاخره
قالت برقه :-صباح الورد
سعود :-كيفك اليوم
الماس وهي تكشر بدلع :-احس بكسل فضيع والصحه تمام
ابتسم :- شي طبيعي انتي توك ضعيفه
قامت ...
قال سعود :-بطلب الفطور هنا
الماس :-لا خلنا ننزل تحت اكيد عمتي صاحيه الحين
سعود كان خايف عليها :-انتي توك تعبانه والطبيبه قالت لازم ترتاحين (قال يستهبل) يالله اجلسي بغرفتك وشوفي كيف بدلعك
الماس :-هههههههههههههههههههه لا لا اعرف دلعك يخرب الطبع
سعود :-هههههههههههه حرام عليك ...
رمت له بوسه ودخلت تاخذ شاور طبعا سعود عنّد ودق عليهم يطلعون له الفطور فوق ...
بعد عشر دقايق طلعت الماس :-ههههههههههههه مشيت الي براسك
سعود يستهبل :-راسي يابس شسوي
جلست جنبه قال :-لا لا لاتلمسين الفطور انا باكلك بيدي
حمر وجهها :-هههههههههههه ياعيني دلع ورومنسيه شبي اكثر من كذا
عطاها كاسة شاهي وقال بجديه فيها حزن :-تدرين جننوني الشهور الي فاتت كانت حياتي شي ماينطاق كنت اتعذب كل لحظه وثانيه وانا اعد الايام واترقب اليوم الي -------(خنقته غصته ) --------- الي افقدك فيه وكملت علي بزواجي الي انغصبت عليه من بنت عمي قليلة الاصل كرهت حياتي ونفسي ودنيتي وخصوصا تحكمات ابوي وضغطه علي ... ولما طحتي كنت متعلق بالامل ولاّ كان مت
قالت بدموع :-بسم الله عليك
مسك يدها وكمل :-ولما وصلت للمستشفى وحكيت مع الدكتوره انهبلت وهي تتكلم عن جنين وحمل وبغى يجيني انهيار
ضحكت وهي تبكي
ابتسم وكمل :-رحت لمدير المستشفى وحسته وهددته كنت خايف لا يكون هناك خطأ واتدمر عقب الامل انك بخير وانك حامل بس والحمد لله طلعتي سليمه وحامل
تأثرت الماس من كلامه وقالت :-طيب وش السالفه
سعود :-السالفه بالمختصر ان الممرضه خلطت ملفك بملف مريضه اسمها الماسه وحطته على سريرك وحطة ملفك على سريرها وصارت حوسه انا مادري عن اساس السالفه لكن هذا كلام الطبيب المسؤول والي هو المدير والي قال لي انهم سفروا الممرضه لديرتها عقب هالخطأ الكبير وقبل لاتسالين المريضه توفت بعد طيحتك ذيك بشهر ومن سوء حظي اني انا الي موقع على اوراقك واوراقها ويحسبوني زوجها وكلها هذا بسبب تشابه الاسماء
الماس مو مصدقه كل هالحوسه شهور وهي عايشه برعب وخوف والم وتاليتها تطلع السالفه اعراض حمل ...
قالت بسرعه وخوف :-تخيل لو عالجوني بالكيماوي وش بيصير فيني
سعود :-ولايهمك نفظت لك الطبيب وقلت له هالكلام وقال لي انهم لازم قبل البدء بعلاج الكيماوي يسوون لك فحص شامل وساعتها بيعرفون انك حامل ومافيك الا العافيه
ابتسمت :-الحمد لله على كل حال
سعود :-الحمد لله
تذكرت الماس :-حبيبي ليه مانرجع بيتنا
سعود (يستهبل):-انا الله يسلمني جبت عمال يصلحون مسالك الماء وهذا قبل طيحتك ذي وللاسف بدوا الشغل وماعاد اقدر اجله
ابتسمت :-عادي اهم شي افتكيت من العقربه
ابتسم وقال بحقد عظيم :-لو انا متزوجها قبلك كان انا بحالين يا مجنون بمستشفى شهار يا منتحر ومخلص عمري
الماس :-هههههههههههههههههههههههههه
ناظر فيها بوله :-فديت هالضحكه ...
حمر وجهها
قال برقته المعهوده :-انتي تدرين ان ابتساماتك وضحكتك تسبب بانفجارات وبراكين بصدري
الماس (بتطير من الوناسه لانها تشوف سعود بدى يرجع الاولي خلي البال) :-هههههههههههههههه للدرجه ذي
كان سعود مروق وقال يستهبل -اخ اسمعي صار انفجار جديد
الماس :-هههههههههههههههههههههههههههه
سعود :-ههههههههههه انتي ناويه تقضين علي بالانفجارات اليوم
قالت بدلع :-لو ناويه عندك مانع
خق سعود :-يابنت على هونك تراي بتهور
الماس :-هههههههههههههههه طيب كمل فطورك الحين وبعدين تهور براحتك
^___^

***~
~~
~~
~

بعد ثلاث اسابيع
><في بيت محمد><
كان الكل مجتمع ....لحضور ملكة خالد وايمان حتى فهد ورنا قدروا يجوون ...
رغم ان الاجازه انتهت وبدا العام الدراسي الجديد من اسبوع ...
قالت رنا لالماس :-ياقلبي والله يوم علمني فهد بحملك بغى يجيني انهيار عصبي من الفرحه
الماس :-هههههههههههههههههههههه تسلمين ياقلبي انا يوم علمتني الطبيبه بغرفة العمليات اني حامل من جد بغيت اموت بسكته قلبيه
رنا متحمسه حيل :-كم لك الحين
الماس وهي تبتسم :-على حسبة الطبيبه والي مو اكيد لاني ما تابعت حملي من اول شي اني بخلص الشهر الخامس بعد اسبوع وبدخل السادس
قالت دانه بوناسه :-ياي بصير خاله
البنات :-هههههههههههههههههههههههههه
قالت الماس لهنادي :-ماتدرين عن العروس
هنادي (تستهبل) :-عروس الغفله والله
الماس :-هناديوه
هنادي :-وانا صادقه ههههههههههههههه الاخت صار لها قرابة الشهرين متزوجه خلاص ماتعتبر عروس
الماس مسويه معصبه :-هناديوه ترى بقول لاخوك انك محرقه دمي
هنادي :-فكينا والي يرحم والديك كلش ولاتقولين لسعود شي
الكل:-هههههههههههههههههههههههههه
هنادي :-هههههههههههههه استغلاليه ، سعادوه بدبي الحين ... تقضي شهر العسل الله يرزقنا في القريب العاجل
البنات :-هههههههههههههههههههههههههههه
دانه :-ههههههههههههههههههه منتي بصاحيه مستعجله على العرس
هنادي (تستهبل) :-ماتلاحظين اني انا اعجلكم على العرس وللان ماتزوجت
البنات :-ههههههههههههههههههههههههههه
طبعا ام خالد وام سعود وامهات راكان جالسات مع ام محمد واهلهم القريبين ...
قالت دانه وهي توقف :-هنوده قومي معي بنروح نشوف ايمان خلصت لبس
هنادي متردده :-دندون ماعرف البنت شلون اقط وجهي
سحبتها دانه
قالت وهم يمشون لغرفة ايمان :-انا بعد ماعرفها ماشفتها الامره قبل كم شهر يوم جو يزورون ركوني بعد الحادث
هنادي :-غريبه انهم مايجونكم حتى زواجك ماحضروه هذا وراكان صديق ولدهم
دانه :-امهم مريضه بالخبيث كفانا ربي شره وتجيها نوبات وعشان كذا كانوا متلعوزين ومالقوا فرصه يجونا البيت بس ماشاء الله محمد رجال ولا كل الرياجيل وقف مع راكان وقفه ماياقفها اخو مع اخوه
هنادي :-الله يخليه لامه واخته
دانه :-امين
هنادي بلقافتها المعهوده :-حلوه مرت اخوك
دانه :-هههههههههههههههه ماتخلين طبعك الحين تشوفينها وتحكمين
هنادي من جد منحرجه :-دانه مالي داعي البنت ماعرفها
دانه بدت تعصب :-هنوده البنت وحيده ولازم نوقف بجنبها شوفي كيف بكلمه كسبنا رنا اخت لنا بعد فعايل امها الشينه وايمان طيوبه مره وحبوبه ووحيده وبتصير منا من هالليله
هنادي :-معك حق
قالت دانه بحقد :-مرة عمك كالعاده ماحضرت
هنادي :-والعقربه بعد
دانه :-ايه صح وش صار بموضوعها
هنادي :-على خبرك جاحدها سعود وماعطى ابوي وجه رغم تلميحاته
دانه :-ماراح لعمي
هنادي :-مدري بس اظنه بيكلمه او كلمه سعود مايحب يقلل احترام الي اكبر منه خصوصا عماني
دانه :-الله يخفيها عن وجه الارض كيف تجرأت ودفت الماس وهي تدري انها حامل
هنادي :-غبيه غباء يفوق الوصف لا وذاك اليوم راميه الفاكس الي وصل بزباله غرفتها واضحه للاعمى الصراحه
دانه :-ربك ما يظيم احد
وقفن عند باب غرفة ايمان دقت دانه الباب ..:-ايمان انا دانه
فتحت ايمان الباب وهي مستحيه
كانت لابسه فستان ناعم ومسيحه شعرها عادي ومكياجها خفيف بس روعه ...
سلمت عليها دانه وقالت :-هذي هنادي بنت عمي ناصر
هنادي :-هلا وغلا بالفرد الجديد المنظم لعيلة الجد سبع الله يرحمه
ايمان ابتسمت ودخلت قلبها هنادي على طول :-ههههههههه هلا بك هنادي
قالت دانه :-هاه خلصتي الاخ خالد مزعجنا يبي يشوفك
كان باين عليها انها مرتبكه قالت هنادي تستهبل :-لاتخافين امونه من خلال خبرتي كعانس ماتزوجت للان تشوف بنات عمها وخواتها يتزوجن احب اعلمك ان كل شي بيكون اوكي وان خالد كائن بشري مثلنا ماياكل ولايعض
دانه وايمان :-هههههههههههههههههههههههههههههههههههه
مشن البنات ...
ووصلن للباب الي يقسم قسم الحريم عن الرجال ...
قالت هنادي :-انا بروح المطبخ اشوف ايش الاخبار (قالت تكلم دانه ) هيه لاتنشبين لهم وصليها واطلعي
حمر وجه ايمان وضحكت دانه من دقات بنت عمها الخبله
وراحت هنادي للمطبخ...
×
×
×××××××××××××××××

(الجزء الثالث و الخمسين)
><في دبي .............
قال احمد لسعاد وهو يناظر في ساعته :-والله فاتتنا ملكة خويلد اليوم
قالت سعاد برقه :-انا قلت لك خلنا نرجع وانت رافض
غمز احمد :-الحين انا ماصدقت رحمتي حالي وحنيتي علي وتبيني الحين ارجع الديره عشان خويلد ترى مقدر استغني عنك دقيقه وحده الحين بعدين حنا بعذرنا هذا شهر عسل متاخر مررررررررررره
حمر وجهها وضحك احمد :-هههههههههههههههههههههههه تجننين زود وانتي مستحيه من كان متخيل ان سعاد القويه تستحي
ضربته على كتفه بشويش :-شقالولك وجهي مغسول بمرق
احمد :-ههههههههههههههههههههههههههه لا مو القصد القصد انك دوم تناقريني وتتحديني والي اشوفه عكس سعاد الي اعرفها
ابتسمت :-لاتذكرني بذيك الايام كانت عذاب في عذاب
احمد :-الحال من بعضه
سعاد :-صراحه علي غباء ماله مثيل
احمد (يستهبل) :-بدري
سعاد طلعت عيونها :-لا والله يعني عشاننا برى الديره تسوي علي قوي تراك ماتعرفني لاعصبت
احمد :-لا والي يخليك لي شلون ماعرف الا اعرف ونص لاعصبتي شتسوين
سعاد :-ههههههههههههههههههههههههه بالله لاتسوي فيها خايف مايليق عليك
احمد (يتضيعف) :-حرام عليك تراي بشر عادي
قالت بتقدير وحب :-ماظنيتك عادي والا ماغامرت بحياتك في الحريق
قال بتواضع :-كان واجبي واقل من الواجب
ابتسمت :-حطيت روحك على كفك وسويت الي مستحيل غيرك يسويه كلما يعيدون عرض الحادث وعملية الانقاذ يوقف شعر راسي كيف ماخفت وانت طالع لسابع دور على سلم انقاذ عادي
احمد :-خوف اي خوف الوقت كان عدونا ومافكرت دقيقه في نفسي كل تفكيري كان في عيلتين محجوزات في عماره مولعه نار كلها وبعدين مو انا الي بلحالي انقذتهم كان معي اربعه ومات واحد
كل ماله يكبر بعينها ...
كمل وهو يناظر فيها :-هذا شغلي وانا متعود على هالعمليات من تقريبا عشر سنوات
انقبض قلبها ...عشر سنين وهو شايل روحه بكف يده ...
قالت وهالسؤال مايفارق تفكيرها :-حبيبي ليه اخترت فرقة الدفاع
التفت يمها وقال وهو يبتسم ويهز كتوفه :- مدري بس شعور في داخلي خلاني انظم لها يمكن لاني تعودت احمي اخواني من ----------------
سكت وكانه يكشف عن شي ماوده يكشف عنه ... كانت سعاد عارفه ليه سكت وعارفه ان امه الدافع الي خلاه ينظم للدفاع المدني لانه كان يحمي اخوانه من بطشها ولعانتها..
لكنه وعدت رنا تحفظ السر وبتحفظه ...
مسك يده بتملك وقالت :-يالله ممكن احوط (اتمشى)
ناظرها احمد :-هههههههههههههههههههههههههه امداك تتعلمين اللهجه الاماراتيه
سعاد :-ههههههههههههههههههههههه ترى كلها كلمه
قال برقه :-تدرين قلبي
قالت برقه مثله :-ايش
احمد :-حبي لك سنين وسنين مو خساره فيك
استحت سعاد وماردت
احمد :- ههههههههههههههههههههههههههه نحوط احسن بدل حياك الزايد
×
×
×
>>>>> في بيت محمد
بالمجلس...
قالت دانه وهي توقف :-يالله اترككم بلحالكم
مسكتها ايمان وهمست :-لاتروحين
لكن خالد سمعها وغمز لدانه تطلع
دانه :-امونه ماراح ياكلك ترى اخوي حبوب
حمر وجه ايمان ...طلعت دانه وهي تضحك
قال خالد برقه :-شدعوه يالغاليه طيب كلميني لو كلمه
ابتسم من حياها
وقال وهو يمد عليها هديه مغلفه:-تفضلي هالهديه البسيطه ويارب تعجبك
قالت بهمس :-تسلم ماقصرت
تخبل خالد من صوتها وهي تحاكيه :-فديت هالصوت الي كنه كمنجه
ايمان ابتسمت من قلب وهي يالله ماسكه عمرها لا تضحك وتفشل عمرها
قال خالد :-عرفت انك دارسه تاريخ ومخلصته
ايمان :-صحيح
استانس خالد لانها ردت عليه :-خلصت سواليفي يالله سولفي
ابتسمت :-ماعندي سوالف سولف انت
خالد :-طيب اساليني عن اي شي تبينه
ترددت شوي وقالت بحيا :-محمد قال لي انك ماراح تبعدني عن امي
ياحبه لها الي كل ماله يكبر لو واحد مكانه كان زعل لان تفكيرها على امها مو عليه لكنه كان مبسوط ومستانس لان زوجته عطوفه وحنونه .. ولان الله بيبارك لهم في ظناهم اذا كتب لهم يجيبون عيال
قال برقه :-غلاي رسولنا محمد صلى الله عليه وسلم قال (الجنه تحت اقدام الامهات) وانا عند وعدي والله لايحرمك منها يوم
ايمان :-صلى الله عليه وسلم ، الله يسعدك مثل ما اسعدتني
ابتسم من قلب :-هالدعوه عندي بكنوز الدنيا
حمر وجهها اما خالد جلس يملي عينه من جمالها ....
قال بعد شوي :-موعد العرس يناسبك
استحت زود وقالت :-مو كنك مستعجل
(طبعا موعد العرس كان ثاني ايام عيد الفطر .. يعني بعد شهرين بالضبط)
قال يستهبل :-من ناحية مستعجل فانا مو مستعجل بس الا طاير من العجله
حمر وجهها ...
هزء خالد نفسه عشان يخف عليها شوي
قال لان ضميره أنبه :-اذا لك اعتراض قوليلي ومايهمك
ابتسمت :-براحتك
جاء خالد بيرد الا ومحمد داخل ....
محمد :-لا والله يا اخ خالد ماكنك فليتها شوي
خالد :-هههههههههههههههههههههههههههه بدينا شغل الانسباء من الحين
محمد :-ههههههههههههههههههههه افا عليك طبعا
وقفت ايمان ...بتطلع قال خالد وهو يوقف :-وين تو الناس
قالت بحيا :-اسمح لي بطلع
خالد :-لو بيدي كان ما وافقت بس حكم القوي على الضعيف مقدر ارد لك طلب
طلعت ايمان من المجلس بسرعه ومحمد يضحك من خالد ... الي ماعبره ويغازلها عيني عينك
محمد :-اقول يا عنترة زمانك الوالد وعمانك كل دقيقه يسالوني عنك
سوى فيها معصب ومرتاع :-عليك السلام ياخالد لا والله ان تفضو لك الشياب لتروح في خبر كان
محمد :-هههههههههههههههههههههههههههههه رح لهم بروح اجيب قهوه جديده جو ضيوف زياده
خالد يستهزء :-الحين من عقب شوفة هالقمر تبيني اجلس طول الليل اتمقل في الوجيه السمحه الي هناك
محمد :-ههههههههههههههههههههههههههههههههههههههه
خالد :-هههههههههههههههه يالله رايح احمد ربي ان فهد هنا موجود
محمد :-ماكنك نسيت ان راكان هناك وانا وسعود
خالد :-هههههههههههههههههههههه لا ياشيخ مانسيت لكن انا ما اجلس مع ثلاثينيين
محمد :-ههههههههههههههههه لا والله يالصغيرون
خالد (مسوي يتمصلح) :-كلش عاد ولا ابو نسب
محمد راح يمشي للباب :-هههههههههههههههه حلوه المصالح
خالد وهو يروح للباب الي يودي لمجلس الرجال البراني :-هههههههههههههههههههه لازم مصالح
×
فتح محمد باب المطبخ الثاني الي يطل على قسم الرجال وتحديدا الصاله الي يقدمون فيها الاكل ...
دخل بدون مايلتفت ....
الا ويشده هالصوت ...
" القهوه سامجه من مسويها "
الشغاله :-انا
"ياحظي فيك ---"
هزت الشغاله راسها مو فاهمه ولا كلمه ...اما محمد جلس يضحك بصوت واطي
"جيبي الهيل والزعفران الحين "
رفع نظره الا ويطيح على ظهر بنت شعرها طويل فاتح وجسمها مليان لكن حلو وكانت لابسه تنوره جينز وبلوزه سوداء ساده موديلها من فوق افريقي ولابسه عقد طبقات طويل روعه يشوفه يتحرك لاتحركت وهي تشتغل ...
نادى صوت من برى :-هنادي
"هنا بالمطبخ "
تخبل محمد هذي اجل هنادي الي صدمت فيه بالمستشفى قبل شهر تقريبا...التفتت وطاحت عينها بعينه
تخبل محمد من الي يشوفه قدامه ...
ماعرفت اني على نفسي جنيت
ولاعرفت ان النواظر جارحات
يوم شفت الخل من شوفه ابتليت
يا الهي صرت مدرك ع الممات
في حياتي مثل شخصه ما رأيت
ماكذبت ان قلت سيد السيدات
طار بي شوقي وعلى صوته انتشيت
قمت الحن على اوتار العازفات
طحت في بحر الغرام ولا نجيت
الله يستر من ايامي المقبلات
*