لو قدرت ما راح اقصر

مشكور علي هدا الموضوع

حبيبتى

الله يعوضك

واحمد لله انها جت على كده

بس لو انتى نزلتى قصتك فى المنتدى احسن من هنا

اقصد فى القسم الخاص بالقصص مو داخل قصه

انتى خربتى القصه الاصليه

وكمان محد راح يشوف قصتك ويقراها

ولا راح يعرفونها كده

فلازم انتى تنقليها بره عن القصه الثانيه

اوكى حبيبتى

حاولى اتعدلين وضعك

الجزء الثامن والثلاثون


فواز : مشاري .. مشاري .. لحوووول ... مشاري .. ياخي قم بسك نوم
مشاري : اففففففف .. وش تبي ؟
فواز : ترى اذن الظهر ونت ماقمت .. ياخوك قم خلنا نفلها بالبحر ..
مشاري : منتاب صاحي .. احد يفلها وهو صايم ؟ اقول وخر بس خلني انام ...
فواز : بتقوم يعني ولا وشلون ...
مشاري : ...................

وراح فواز للمطبخ .. وجاب ثلج .. وقطعها صغار .. وخذها وراح لمشاري .. وحطها جوى ثوبه وهو نايم ...

مشاري : يؤ يؤ اه اه اه .. وش ها البرد .. فوازووووووووووووووه

وقام مشاري يركض بيمسك فواز .. لكن ماقدر يمسكه راح عند الرجال



ابوفهد : وشفيك يافواز تركض ؟
فواز : لا ابد مافي شيء ...
ابوفهد : والله مدري عنك .. شكلك مسوي شيء !!
فواز : اقول ودكم نصلي الظهر
ابو راشد : العيال قاموا ؟
فواز : ايه كلهم قاموا ..

ودخل مشاري ومعاه مويه باردة .. ومسك فواز وكبها على راسه

ابو راشد : ياعيال وش فيكم ؟ استحوا على وجيهكم ؟
مشاري : وش اسوي .. الاخ صحاني بثلج ..
ابوفهد : والله اني عارف ان فواز مسوي شيء ...
فواز : افففف وش ها البرد ههههههههههههههه
مشاري : ههههههههههههه احسن تبرد ...
فواز : بس ياخي مرة باردة مافي وسط ههههههههههههه
وقاموا يضحكون عليهم الرجال .. وصلوا الظهر ...


مشاري : اقول تعال هنا يمكن هذا المكان اللي يأجرون جتسكي ..
فواز : لو سمحت بكم تأجرون الجتسكيات ؟
الحارس : 300 ريال بالساعة ياصديق ..
مشاري : عمى .. وجع .. وش ها الغلا ؟
فواز : ماعليك منه .. انت اتركه لي هههههههههه
فواز : اقول صديق انا يبغا 10 جتسكي اليوم وبكرة .. كم انت يخلي فلوس .. ؟
الحارس : مافي مشكلة .. 280 ريال ..
فواز : انتا يبغا 150 ريال ولا انا يروح مكان ثاني .. انا قلت لك .. ابيها كل يوم 5 ساعات ..
الحارس : 150 قليل شوي .. خلي 250 ريال ؟
فواز : اقول صديق انتا يبغا 180 ولا ترى ابروح !!
الحارس : كلاس كلاس (خلاص خلاص ) مافي مشكلة 180 ريال
مشاري : والله انك منت سهل .. بس كيف بتأجر 10 جتسكيات ؟
فواز : اقول اسكت بس .. خلنا الحين ناخذ اثنين وبعدين نحاسبة هههههههههههه
مشاري : والله انك داهيه ههههههههههههههههه




وعند الحريم .. كلهم صاحين .. وجالسين بالصالة ..

ريم : العنود خلينا نطلع نتمشى على البحر قبل العصر..
العنود : والفطور مته نسويه ؟
ريم : قلتلك قبل العصر نرجع .. ونصلي .. ونبتدي بالفطور ..
نجلاء : وانا يعني ماتبوني ؟
ريم : انتي حامل لاتروحين ههههههههههههههه
العنود : حرام عليك ياريم .. خليها تروح معانا
نجلاء : الله يخليك ياقلبي .. ويزوجك ان شاء الله ..
العنود ( وهي مستحية مرة ) : ........ ا ا ا مين
ريم : احسها طلعت من قلب ههههههههههههههههه
العنود ( وهي تقبص ريم ) : وعقبالك ان شاء الله ياريم
ريم ( بعد ماتذكرت فواز ) : امين يارب
نجلاء : اشوفكم ماشاء الله متحمسات للزواج ههههههههههههه .. الله يوفقكم ويوسع بالكم ان شاء الله

وطلعوا البنات كلهم على البحر .. وشافوا مشاري وفواز وهم يلعبون بالجتكسي ...
نجلاء : هذا فواز ومشاري يلعبون ..وش رايكم نلعب عليهم ؟
ريم : لا مو الحين خليها في الليل .. انا اوريك فيهم .. محظرة لهم مفاجأة هههههههههههههه
العنود : يمه منك ياريم .. شكلك ناوية شيء هههههههههههههههههه
ريم : ايه ناويتهم هههههههههههه
نجلاء : يعني وش بتسوين فيهم ؟
ريم : اخاف تفضحون اللعبة ؟
نجلاء : لاتخافين بس اهم شيء فيصل مايكون معاهم ؟
ريم : الا اهم شيء فيصل معاهم هههههههههههههه .. امزح معاك
نجلاء : اشوى اشوى ههههههههههههه
العنود : يالله قولي وش بتسوين ؟
ريم : نبي نلبس عباياتنا .. ونتمشى بالليل .. واذا شفناهم نحاول نحتك فيهم .. يعني نسوي انفسنا مانعرفهم ونبي نتعرف عليهم ..
العنود : منتي صاحية !! مجنونة انتي نسوي كذا فيهم ؟
ريم : وشفيها ؟
العنود : وش بيقولون عننا ... هاه .. اخاف يحسبوننا لعابات !!












نجلاء : لاتخافين يانجلاء .. كلهم عارفينكم زين .. ولا راح يجي بتفكيرهم ها الشيء ....
ريم : شفتي يالعنود .. اقولك عادي لاتخافين .. انتي بس اسمعي كل اللي ابقوله لك .. بس لاترتبشين .. لاني اعرفك .. تحوسين كل شيء ..
العنود : لا ياشيخة .. لاتخافين علي ههههههههههههه
نجلاء : طيب مته بتسوونه ؟
ريم : بالليل ان شاء الله .. نطلع على البحر ولا نروح للمطاعم
العنود : ههههههههههه اخاف يصيرون ثقال ولا يردون علينا
نجلاء : قصدك مشاري ثقيل ههههههههههههه
العنود ( وهي مستحية ) : كلهم .. بس مدري عن فواز ... اخاف يخف وينهبل ههههههههههههه
ريم ( وقلبها وقف يوم سمعت فواز ) : عاد يمكن يصيرون ثقال ..


فواز : اقول مشاري .. مشاري ..
مشاري : هاه .. ياخي وش تبي خلني اللعب ...
فواز : اقول .. هذوليك البنات ولا لا ؟
مشاري : هاه .. مدري خلني اقرب شوي ...

وقربوا شوي عند الشاطي ...

مشاري : الا هذي نجلاء هي وبطنها هههههههههه
فواز : وهذي العنود ..

مشاري من سمع ان العنود فيه .. انبسط .. وحاول يقرب .. وجلس يسوي حركات بالجتسكي .. وقرب شوي .. ولف بقوة وطاح هو والجتسكي ...

فواز : مشاري ... مشاري ... مشاري
البنات كلهم خافوا .. ونجلاء قامت تصيح وتنادي مشاري

وقرب فواز عند مشاري ... وحاول يساعدة ويوخر عنه الجتسكي
فواز : مشاري .. انت بخير .. فيك شيء ؟
مشاري : لا الحمد لله بخير .. بس احس رجلي تورني ...
فواز : اي رجل ... هذي ...
مشاري : ايه هذي ... والله فشيلة طحت قدام الناس ...
حاول فواز يستغل ها الكلام .. وجلس ينكت مع مشاري ..
فواز : من قصدك العنود ههههههههههههه
مشاري : فواز .. عن الغلط ...
فواز : وانا وش قلت .. ماقلت شيء غلط .. انت وجهك تسوي خمسات .. من يوم شفت العنود ههههههههههه
مشاري : اقول وخر عني خلني ابمشي لحالي ..
فواز : اصبر .. خلني ابروح انادي الهندي ياخذ الجتسكيات ..
مشاري : لا عادي اقدر اسوق ...



العنود من يوم شافت مشاري طاح .. وتشهق بقوة .. وركضت وهي ماتدري عن شعورها ... وكانت بتروح للموية .. لكن مسكتها ريم ..
ريم : مجنونة انتي .. وين رايحة ..
العنود : هاه .. مدري احسب فواز اللي طاح ...
ريم ( وعلى طول من غير تردد) : بسم الله عليه ... واستحت .. اقول تحسبينه فواز ولا مشاري هههههههههههههه
نجلاء : هههههههههه والله اللي يشوفكم يقول انتم اللي طحتوا
ريم : بسم الله علينا ... تف تف ... ههههههههههه
العنود : الله يعافيكم شوفوهم .. طيبين هم ولا لا ؟

وجوا فواز ومشاري .. وفواز ماسك مشاري علشان مايقدر يضغط على رجولة ...
فواز : اقول خل عنك الدلع ... استرجل شوي ..
مشاري : اقول وخر عن وجهي .. ودف فواز ..
فواز : اصبر اصبر الله يقطعك .. والله امزح ..
مشاري : اقول رجلي تعورني .. ونت تنكت
فواز : وش اسوي ياخي .. احب انكت علشان تنسى الالم .. حلوة الالم ... قال الم قال خخخخخخخخخخ
مشاري : ياخي ذبحتنا بها الكلمة انت وخويك المحتار ههههههههه
فواز : ياحبي له بس .... اقول شكل البنات جو ...

نجلاء : مشاري .. مشاري .. عسى ماشر .. كيفك الحين
مشاري : لا الحمد لله تمام
نجلاء : طيب وراك ماتمشي زين ؟
فواز : مافيه شيء .. ماتشوفينه زي الحصان هههههههههههه
مشاري : قل ماشاء الله لا الحين اطب ببطنك

العنود .. يوم سمعت كلمة اطب ببطنك ... وهي مرة مبسوطة

العنود : فواز انت طيب ؟
فواز : ونتي وش تشوفين ؟ شايفتني جالس مثل مشاري ؟
العنود وهي مرة مستحية وخايفة على مشاري : الحمد لله على السلامة يامشاري ..
مشاري : الله يسلمك يارب ..
فواز : وهذي مين اللي واقفة معاكم ؟
ريم وهي مستحية ومنقهرة من فواز انه ماعرفها ..
ريم : انا ريم ؟
فواز بعد ما انبسط يوم عرف انها ريم : هلا .. اسف والله ماعرفتك .. بس وش اسوي .. مشاري ذبحنا .. يبي يستعرض وهو مايعرف .. وقلتله خلك عاقل يابن الحلال .. لكن ماسمعني ههههههههههه

وقاموا يضحكون البنات على مشاري ..
مشاري : كذا يعني تخليهم يضحكون علي ؟؟ ( وهو معصب )
العنود : فواز .. ساعد مشاري علشان ياقف .. ويمشي
مشاري .. مرة مبسوط من كلام العنود ..
فواز : ونتي شايفتني شغالة عنده .. وليه ماتقولين بعد اطبخ له ؟
مشاري : تكفى فواز ... ابي لقيمات على الفطور ههههههههههه

وضحكوا البنات على فواز ..
فواز : اشوفك صرت جريء انت وجهك ... اقول قم بس ترانا تاخرنا..
ومشاري وده يصفق فواز .. ماوده يقوم... وده يجلس ويسولف مع العنود ..
مشاري : طيب يالله امسكني ..
فواز : اقول ورى بعد ما اشيلك مرة وحدة ؟
مشاري : لا اخاف اتعبك ههههههههههههههه
فواز : لا .. لاتخاف .. هههههههههههههه




نجلاء : تبوني انادي لكم فيصل ؟
فواز : لا تكفين .. والله ان كان يتركنا ويسولف معاك ويقول قومي نتمشى ههههههههههههههه
نجلاء : الله يخليه لي يارب ..


وقاموا ومشوا كلهم ... كان فواز ومشاري يمشون قدام .. والبنات وراهم .. وكانت العنود .. تفكر .. وسرحت شوي ... وكانت تتمنى انها شايلة مشاري .. لانها رحمته .. وجلست ريم .. تفكر بكلام فواز .. ليه ماعرفني اول مرة .. لكن صح هو مايقدر يشوفني .. لاني متغطيه ..
ياحبي له ..


دخل مشاري وفواز عند الرجال .. وقاموا الرجال يسالونهم وش صار .. وقالوا لهم عن كل شيء .. بعدها صلوا العصر ..


عند الحريم ... بعد ماصلوا العصر .. راحوا البنات للمطبخ .. وكان المطبخ .. مرة كبير .. وحلو .. والوانة تجنن ..


نجلاء : اقول يبنات .. يازين ها المطبخ .. ماودك الواحد يطلع منه هههههههه
ريم : ايه والله يهبل مرة .. حتى شوفي .. في الوسط فيه كاونتر للتقطيع وللطبخ بعد ...
العنود : حتى شوفوا الثلاجة .. مرة حلوة وكبيرة ..
رنا : اقول بس يالله نبتدي بالطبخ ههههههههههه اخاف مايمدينا ؟
ريم : لا تخافين .. على ها المطبخ الزين .. كل شيء بينتهي بسرعة




هدووول : بابا ابي اسبح ...
مشعل : ياماما مو الحين تسبحين .. خلينا نتمشى
هدووول : خلاص .. نتمسى ( نتمشى ) .. بابا وين ماما رنا
مشعل : يمكن في المطبخ تسوي اكل
هدووول : طيب ونت ليه ماتسوي اكل معاها ..
مشعل : ههههههههههه ان شاء الله اسوي اكل معاها

ورن جوال مشعل .. وكان المتصل رقم مايعرفه ... وقام رد على الاتصال
مشعل : الو
غدير : هلا مشعل .. عرفتني
مشعل : لحووول .. وش تبين انتي متصلة ؟
غدير : ابي ابارك لك بالزواج .. يقولون انك بتتزوج بعد العيد
مشعل : بعد العيد ولا قبل العيد .. وش لك دخل ؟
غدير : وش فيك رافع خشمك .. ابد ماتغيرت .. انت انت ..
مشعل : ايه مابي اتغير .. تبين شيء ؟
غدير : ابي اسلم على هدووول ..
مشعل : وش تبين فيها ؟
غدير : هذي بنتي .. وابي اسلم عليها ..
مشعل : توك تقولين ابسلم عليها .. هي ماتبيك ..
غدير : ما اصدق .. خلني اسمع منها ها الكلام ..
مشعل : هدووولة .. تعالي كلمي التلفون ؟
هدووول : ماما رنا وينك .. ليه ماتدين ( ماتجين )
غدير ( وبعد ماعصبت ) : هلا هدووولة .. انا ماما غدير ..
هدووول : لا .. لا .. مافي الا ماما وحدة .. ماما رنا .. انتي مين ؟
غدير : حبيبتي .. انا ماما غدير .. نسيتيني ؟

قامت هدووول وعطت السماعة لمشعل .. وراحت تلعب ..
مشعل : شفتي البنت ماتبيك ؟
غدير : اخاف لعبت براس البنت .. ياويلك لو سويت شيء لها ..
مشعل : اقول .. تبين شيء قبل ما اقفل السماعة ؟
غدير : وش فيك .. هديء اعصابك .. ترى التفاهم مايجي بالعصبية ..
مشعل : اقول .. شكلك متصلة بس كذا .. انسي رقمي ولا تكلميني ... وياويلك لو اشوفك تتصلين علي .. او تسألين عن هدووول ... او تتعرضين لرنا .. وسكر السماعة ..

جلس يفكر .. وتعكر مزاجة .. وقام راح لهدوول ..
مشعل : حبيبتي هدووول .. تعالي .. ابيك تنادين ماما ريما
هدووول : هييييييييييييه .. طيب

وراحت هدووول وكلمت رنا ..

رنا : حبيبتي هدوول انا جالس اطبخ روحي انتي معاه ..
هدووول : بابا يقول .. لازم تدين ( تجين ) .. كلمتني وحدة .. وتدول ( وتقول ) انا ماما هدييير ( غدير )
رنا : طيب .. وين بابا مشعل الحين ؟
هدووول : واقف بلى البيت ..

شكت رنا ان اللي متصل هي غدير .. ومشعل يبيني ويبي يسولف معاي .. وقررت تروح

رنا : تعالي ياماما .. خليني اللبس الجلال ..
هدووول : هييييييييييييييه .. ماما بتلوح .. ماما بتلوح ..


مشعل : هلا رنا .. معليش قطعتك عن الطبخ .. وانا عارف مافي وقت على الاذان .. بس مدري وش ابقولك ..
رنا : كلمتك غدير ؟
مشعل : وشلون عرفتي ؟
رنا : ههههههههه هدووول قالت لي ؟
مشعل : ايه كلمتني .. وياليتها ماكلمتني ...
رنا ( وهي مقهورة ) : طيب ليه رديت عليها ؟
مشعل : انا ماعرفت الرقم اللي متصل علي .. ورديت وطلعت هي ...
رنا ( بعد ما ارتاحت ) : اشوى .. وانتبهت لنفسها واستحت ..
مشعل بعد ما انبسط من كلامها : بس انا ماخليتها .. حاولت تكلم بنتي .. وتحاول تتتعاطفها .. بس هدووول ماعرفتها .. وعطتني السماعة ..
رنا : ياحبي لها ها الهدووول ...
مشعل : وانا قلت لها لاتقربين لبنتي .. ولا لك .. ولا ابي يمسكم اي شعرة منكم ...
رنا (وهي مبسوطة من الكلام) : امين يارب ... الله يخليك لنا .. وانا عارفة انك تضايقت يوم كلمت .. وعلشان كذا ناديتني ؟
مشعل : ايه والله ياقلبي .. ضاق صدري .. وحبيت تكونين معاي .. ونتي عارفة .. مالي غيرك .. انتي وهدوول
رنا استحت مرة ... وقالت بقلبها ونت بعد مالي الا انت ..
مشعل : ماسمعت .. ارفعي صوتك ههههههههههه
رنا : ...... خلاص مشعل ...
مشعل : علشان خاطري .. ابي اسمعها منك .. ابي انسى الدنيا كلها ..
رنا : بسم الله عليك .. الله لا يحرمنا منك ..
مشعل : امين .. ياقلبي ..
هدوووول : بابا ... بابا .. وسو دا ( وشوا هذا )
رنا : هذا ياماما سمكة .. تبين تمسكينها ..
هدووول .. ايه .. ايه ..
رنا : بس ما اقدر امسكها .. ههههههههههه
مشعل : تبوني اسبح واجيبها لكم ؟
رنا : يؤ .. وين تسبح .. ترى بياذن المغرب بعد شوي ..
مشعل : ايه صح نسيت ..
رنا : يالله انا ابروح شكلي تأخرت على البنات ..
مشعل : ياعمري .. لاتروحين .. وش رايك نفطر هنا هههههه
رنا ( وهي ودها بس مستحية ) : يؤ يؤ .. لا يامشعل لازم اساعد البنات
مشعل : اف يا هالبنات ..
رنا (وهي مرة تضحك ) : معليش يا قلب..........
مشعل : ايه ايه .. يا ايش ؟ الله يعافيك قوليها
رنا : ...............
مشعل : الله يعافيك قوليها واخليك تروحين للبنات ...
رنا : ....... ياقلب.... قلبي ....
مشعل : ياعمري .. وياحياتي كلها ....



وراحوا كلهم للبيت .. وراحت رنا للبنات في المطبخ ..


ريم : اقول رنا مابغيتي تجين .. كل هذا علشان مشعل ؟
رنا : ايه علشان مشعل ... وش عندك ... ترى فواز كان معانا
ريم : احلفي .. وما انتبهت وش تقول ... واستحت ..
رنا : وش فيك سكتي هههههههههههه
ريم : اقول .. اقصد العيال هناك في البيت .. الا كيف الجو هههههه
العنود : اقول اتركوها .. خلوها تسوي شيء قبل الاذان لمشعل هههههه
رنا : العنود .. اقول ترى مشاري .. ترى مشاري تعوره رجولة ..
العنود وهي مرتبشة : احلفي .. فيه شيء .. واستحت ...
رنا : وشفيكم انتي وريم .. اقول كلن على همه سرى هههههههه
نجلاء : اقول اخلصوا .. ترى مابقى على الاذان شيء ..
رنا : اقول نجلاء ... ترى فيصل يبيك ضروري الحين ...
نجلاء : احلفي .. والله .. وينه طيب
رنا : وشفيك انهبلتي على طول ... ههههههههههه لا امزح ههههههه
نجلاء : ياسخفك ... اقول حمي القهوة تراها جاهزة ...


وخلص الاكل .. وكان مرة روعة ... عبارة عن قهوة بالهيل والزعفران .. وقهوة ثانية بالمسمار ... وحلا عبارة عن صينية كنافة بالقشطة .. وصينية ثانية كنافة بالجبنة ..ولقيمات ... وتمر من جميع الانواع .. ورز بالزعفران مع لحم مشوي .. وهريس .. وجريش .. وشاورما دجاج بالخبز العربي ..


وكان الاكل محطوط في السفرة حقت الرجال .. وكان تقديمها مرة روعة ..





فواز : اقول ماكان هذا الاكل من مطعم ؟
مشاري : قصدك مطعم الشاليهات ؟
فيصل : اقول انت وياه .. هذا اكل بيتنا .. الله يسلم حريمنا ...
فواز : قصدك الله يسلم نجلاء .. ههههههههههههه ... على فكرة يقولون نجلاء ماسوت شيء ؟
فيصل : ومن يقوله ... هي مشاركة معاهم ..
فواز : بسم الله .. وشلون عرفت ... شكل الاخبار تجيك اول باول ههههههههههههه
مشاري : انا سمعت ان رنا ماسوت شي !!
مشعل : اقول مشاري خلك ساكت .. لا الحين اكسر رجولك ؟
مشاري : ههههههههههههههههههه
فواز : ههههههههههههههههههههههه
ابو فهد : الله يهديكم وشفيكم .. خلاص ام فهم وام راشد اللي مسوين الاكل !!
ابو راشد : الله يخليهم لنا ..
فواز : انا سمعت ام راشد وام فهد ماشاركوا بالاكل .. كانوا بالمسبح يسبحون ههههههههههههههههه
ابوفهد : ياولد اعقل ..
ابو راشد : هههههههههههههه خله يقول ...
فواز : شفت يايبة ... اقولك يسبحون احسن منكم هههههههه
مشاري : هههههههههههههه وخاصة ام راشد يقولون انها سباحة .. وهي اللي علمتها كيف تنط من النطاطة ههههههههههههههه
ابوراشد : ياولد اعقل ههههههههههههه



وعند الحريم .. كان مرة روعة السفرة .. جلسوا ياكلون ..


فواز : مشاري .. ماتبي نطلع ترى الساعة 11 بالليل
مشاري : وين تبينا نروح ؟
فواز : نروح للمطاعم ونتمشى ... ياخي مشتهي اتهاوش مع احد ههههههه
مشاري : الله يعيني عليك هههههههههههه
فواز : لا تخاف هههههههههههه


وراحوا لجهة المطاعم والقهاوي اللي على البحر ..وشافوا مطعم مرة حلوا .. وهو عبارة عن جلسات على البحر وفيها اغاني ..

فواز : مشاري ... شكل ها القهوة حلوة ... فيها اكل وكل شيء ...
مشاري : ايه .. شكلها مرة حلوة ..
فواز : تعال نجلس هنا على البحر ..

وجلسوا .. وصاروا يشربون قهوة ... وجوا 3 بنات وجلسوا على الطاولة اللي جنبهم ...


ريم : بنات .. هذولا مشاري وفواز ... تعالوا بسرعة ..
نجلاء : يادبة بشويش .. والله مقدر اسرع ..
العنود : ايه .. بشويش على نجلاء ياقلبي ..
ريم : تغطوا زين علشان مايعرفوننا ..
وجلسوا جنبهم ...


مشاري : اقول فواز ... وش ها البنات اللي جلسول جنبنا ؟
فواز : عادي ياخي .. ترانا بجده مافيها شيء ..
مشاري : اقول ترى البنات جالسين يطالعونا .. وتقول حنا بجده ؟
فواز : ياخي عادي ترى اهل جده .. مرة عادي عندهم .. يعني يجلسون جنبك .. او يطالعون فيك .. تراه عادي .. مايقصدون شيء
مشاري : اقولك ذولي جالسين يناظرون فينا .. تقول عادي ؟
فواز وبعد ماشافهم : ايه والله ذولا ذابين وجيههم عندنا
مشاري : لاياشيخ .. توك تنتبه ؟
فواز : والله توني انتبه .. انا اللي اعرفه ان اهل جده مره عادي عندهم .. بس مو زي ذولا ههههههههههههههه
مشاري : اقول .. ياخي احس انهم يعرفوننا ...
فواز : ايه خاصة البنت اللي على اليسار .. مرة طايحة فيك وتبيك انت وجهك ههههههههههه
مشاري : يادب احترم نفسك .. ههههههههههههههه



وكانوا البنات يسمعون كل كلامهم وهم يضحكون وخصوصا ريم والعنود
ريم : يابنات تراني اسمع كلامهم .. تسمعونه ؟
نجلاء : ايه اسمعهم ...
العنود : حرام عليكم نسوي فيهم كذا .. وش راح يقولون فينا
ريم : اقول اسكتي بس ...



مشاري : اقول فواز ... ياخي خلنا نروح .. ماعجبني الوضع ..
فواز : ولا انا عاجبني الوضع ... اصبر خلنا نشوف ها البنات وش عندهم .. ودي اتهاوش
مشاري : ودك تتهاوش مع بنات ؟
فواز : ايه ههههههههههههههه


وجوا شباب ثانيين .. وجلسوا جنب البنات .. وكانوا يطالعون في البنات .. لكن البنات يناظرون في مشاري وفواز .. وانقهروا الشباب وراحوا وجلسوا جنب مشاري وفواز ..

مشاري : ياخي شف ها الشباب شكلهم ناوين شر
فواز : ماقلتلك ناوي اتضارب ههههههههههههههه


جلست ريم تأشر لمشاري بيدها وانتبه واحد من اللي جالسين من الشباب .. وقام وراح عنهدهم ...

الشاب : هلا
ريم : .................
الشاب : تبين شيء ؟
العنود : اقول وش تبي ؟ يالله انقلع ؟
الشاب : اقول انا ما اكلمك .. اكلم ها البنت
ريم : خير ....
الشاب : اقول خوذي رقمي .. وحطه على الطاولة ..

فواز : مشاري ... مشاري .. قم معاي .. شكل الشباب مصخوها مع البنات ..
مشاري : وش سووا؟
فواز : ماتشوف ..؟
مشاري : يالله قم ؟


فواز : اقول يالاخوا ... وش تبي هنا ؟
الشاب : وش تبي انت بعد ؟
فواز : ابي كرشتك اللي طالعة قدام .
الشاب : ههههههههههه ضحكتني
فواز : تبي بعد تشوف ضحك اكثر ...
الشاب : لا مشكور
فواز : لا قلي .. تبي شيء ثاني ؟
الشاب : يخوك خلاص مابي شيء ؟
فواز : طيب وش تبي هنا جاي ؟
الشاب : وليه هم اهلك ؟
فواز : ايه اهلي .. عندك شيء ؟
مشاري : اقول فواز خذ الحريم وودهم للبيت..
فواز : ماني ماخذهم .. ابيهم يجلسون ..
مشاري : طيب على راحتك .. اقول يالاخوا تبي شيء ؟
الشاب : لا شكرا مابي شيء ... واسف

وقام الشاب وراح لطاولته .. ورجع فواز هو ومشاري ..


مشاري : اقول فواز .. الله يخليك خلنا نقوم .. ماعجبني الوضع
فواز : والله عجبتني يوم تقول خذ الحريم وودهم للبيت ههههههه
مشاري : ههههههههههههههههه وش اسوي .. ما لقيت الا كذا


العنود : يؤ يؤ .. كذا ياريم جمعتي علينا الناس ..
ريم : لاتخافين .. ورانا رقاله ( رجاله )
العنود : الله يسلم فواز اللي ساعدنا ولا كان علوم ..
نجلاء : بنات اسكتوا خلونا نسمع وش يقولون !!
ريم وهي مرة مبسوطة بكلام فواز ... : شفتوا كيف ورانا رقاله ؟
العنود : والله لو يدرون عننا كان يذبحونا ...
نجلاء : مشوا العيال ..
ريم : يالله وراهم بسرعة ...
العنود : والله مدري عنك ياريم وش بتسوين ؟


مشاري : ياخي ماتحس ان البنات ورانا
فواز : ايه والله .. مدري عنهم وش يبون ..

ورن جوال مشاري وكان المتصل .. سارة

مشاري : الو
سارة : هلا بقلبي مجودي ..
مشاري : هلا
سارة : وشفيك .. يالله تتكلم ؟
مشاري : ابد عادي مافي شيء
سارة : اخاف لقيت بنات بجده ..
مشاري : لاتخافين .. ماني راعي بنات .. المهم تبين شيء
سارة : وشفيك ؟ ابي اسالك كلمتها ولا لا ؟
مشاري : لا ماكلمتها ؟

فواز : مشاري من اللي يكلمك ؟
مشاري وهو حاط يده على السماعة : هذي البنت اللي قلتها لك ..

سارة : الو .. وينك .. الو ..
مشاري : اقول شكل الخط مايلقط ..


وكانوا البنات وراهم .. وجلست العنود تسمع مشاري وهو يكلم .. وكانت مصدومة .. وتبي تعرف وش صار ..

مشاري : هاه وش تبين ؟
سارة : ابي اسولف معاك ياقلبي ..
مشاري : اقول مو هذا وقته ياعمري ... خليها بعدين ؟
سارة : مته طيب ؟
مشاري : اقول .. صديقتك مته تكون فاضية علشان اكلمها ؟
سارة : بالليل .. بس الله ياعافيك .. لا تقول لها من وين جبت الرقم ؟
مشاري : اقول ترى ازعجتنيني .. مراح اقوله من وين جبت الرقم وسكر السماعة ..
فواز : والله انك رهيب ..
مشاري : ليه ؟
فواز : اشوفك قوي بالتلفون .. بس بالطبيعة .. خرطي هههههههههههههه
مشاري : اقول امش بس .. احس ها البنات ورانا مدري وش السالفة ..



العنود مصدومة من كلام مشاري .. وخاصة يوم قال ياعمري .. وجلست تسمع الى النهاية .. وانبسطت بعد ماسمعت كلام مشاري .. وعرفت انه صادق بكل شيء ..



مشاري : انا عندي حل ؟
فواز : وشو ؟
مشاري : ابروح للبحر .. واسوي نفسي اسبح .. وابصرخ ونت تعال انقذني .. وشف وش يقولون ها البنات ..
فواز : خلاص ... ولا يهمك ... تم ؟


وراح مشاري لجه البحر وسوى نفسه يسبح وقام يصارخ ..


نجلاء : مشاري ................ مشاري
ريم : اص ... فضحتينا يالدبة..
العنود : لاتخافين ماعرفونا ..


فواز : العنووووووود ... ترانا عرفناك ...ههههههههه

مشاري بعد ماعرف .. انهبل ...
مشاري : نجلاء ... وش تسوين هنا انتي والبنات .. ومين معاك ?
نجلاء : ههههههههه جالسين نضحك عليكم ...
مشاري : لا ياشخية .. يعني رحتوا للمطعم ...؟ وكان مرة معصب
ريم : وش فيكم وش اللي صاير ؟
مشاري : اقول من يوم شفتكم وانا حاس انه انتم !!

حست العنود ان مشاري مرة عصب .. وحاولت تهدي الامور


العنود : ايه رحنا للمطعم وكنا نحاول نضحك عليكم ..
انبسط مشاري وقرر هو بعد يهدي الامور ...
مشاري : وانا قايلك يافواز اني اعرفهم
فواز : قال اعرفهم قال ههههههههههههه
نجلاء : وش ها الكلام الجديد ؟
فواز : هذا الله يطول بعمرك ... وقطع كلامه مشاري ..
مشاري : هذا واحد اسمه المحتار وصديق فواز مرة .. وشكله ماخذ مقلب بفواز ... ههههههههههههه
فواز : اقول عن الغلط لا الحين اطب ببطنك ... ترى المحتار عزيز وغالي ..
مشاري : قال عزيز وغالي قال ههههههههههههه


وراحوا للبيت ....

ترى كملت الجزء الثامن والثلاثين

يسلموووووووووووووولي أخوووي الغالي

والله أنك يا نبعة عسل أشوه أنك كملتي أستنا الجزأ

كمللللللللللللللللللللللللي

كملي

ترى الى الحين مانزل التكملة أول ماينزل باحطه أوكى


وشكراً