صحيت سحر وهي تعبانة وانصدمت لما ما شافت حالها ببيتها وما كانت ذاكرة شي شو صار بينها وبين سمير ووين هي هلقيت كانت بدها تطلع بس لقت رسالة مكتوب عليها (لا تطلعي او اخوكي راح يقتلك ) وكان التوقيع منقذك
استغربت سحر من الرسالة ومن التوقيع لكن ضلت قاعدة في البيت خوف من اخوها
وبعد نص ساعة من الانتظار سمعت دق الباب ارتعبت وما عرفت شو تساوي راحت عند الباب وهي تقول
سحر :مين
......:غطي حالك يا اختي وافتحي الباب
صحيح سحر كانت لابسة لكن ارتاحت كتير لما حكالها هالشي وخلاها تتطمن لكن قالت :مين حضرتك
.......:افتحي بس انتي
فتحت الباب بخوف وانصدمت من يلي قدامها
سحر بصدمة :انت ؟!
************************************************** *********************************************
كانت كل معالم الصدمة على وجه عبد الرحمن وتولين بتحكيله القصة
عبد الرحمن :سمير وسحر عملو فيكي هيك
تولين :والله والله عمري في حياتي ما حكيت معه بالمرة
عبد الرحمن بصدمة : وابراهيم صدق وشك فيكي
تولين :اها وبكت
طلع عبد الرحمن بعصبية
************************************************** *************************************
تاني يوم
كان ابراهيم يفكر كيف راح يعذب تولين اليوم يا تولين راح يبدا عذابك راح اورجيكي مين هو ابراهيم قطع افكاره صوت في البيت استغرب الساعة 6 مين يلي صاحي وطلع
ابراهيم :عبد الرحمن
عبد الرحمن :اهلين
وكان بدو يطلع
ابراهيم :شو فيه
عبد الرحمن :عندي مشوار ضروري لازم اعمله
ابراهيم :مالك ما بدك تحكي معي
عبد الرحمن :لا ضروري احكي معك بس لما ارجع راح اجيك على الشركة كمان ساعتين ماشي
ابراهيم :متل ما بدك
طلع عبد الرحمن وهو تارك اخوه بحيرة من تصرفاته
************************************************** *****************************************
فتحت سحر الباب و:انت
عبد الرحمن :اه انا
سحر :كيف وشو صار
عبد الرحمن :اقعدي وهلقيت افهمك على كل شي
قعدت سحر
عبد الرحمن :مبارح تولين حكتلي على كل شي ومن ضمنها انو انتي اعطيتي صور اختي لاخوكي عشان يستغلها وطلعت من عند تولين معصب وانا جاي على بيتك لابهدلك انتي واقتل اخوكي بس لما وصلت سمعت كل شي بينك وبين اخوكي وعرفت انو مالك دخل ولما بدا يضربك رحت لعنده وضربته واخذتك معي عشان ما ياذيكي بس يصحى
سحر :بس هو عرفك
عبد الرحمن : لا ما اعتقد لانو كان سكران والعياذ بالله وما كان مستوعب شي
سحر :شكرا شكرا كتير الك
عبد الرحمن :واجبي بس بدي اياكي تساعديني بشي
سحر :باي شي
عبد الرحمن :هلقيت احكيلك وبدا يحكيلها كل شي
************************************************** ******************************************
كان ابراهيم قاعد بالشركة لما اجالو عبد الرحمن
عبد الرحمن :ضروري نحكي
ابراهيم :تفضل
عبد الرحمن :لا مش هون تعال نطلع
طلع ابراهيم مع عبد الرحمن وهم في السيارة
ابراهيم :فهمني شو صاير
هلقيت ووقف سيارته
ابراهيم :شو فيه ليش نزلتنا هون
عبد الرحمن :انزل
نزلو وطلعو بعمارة دق عبد الرحمن الباب
ابراهيم :وين ماخدني
عبد الرحمن :هلقيت تعرف
ابراهيم :بسرعة كمان ساعتين تولين راح تكون في البيت
عبد الرحمن :طيب
فتحت سحر الباب ودخل ابراهيم وهو مش فاهم شي وقعد
عبد الرحمن :بدك تعرف شو الموضوع الموضوع انك واحد حقير نذل ما بتستاهل تولين
انصدم ابراهيم من اخوه وهو يقول :عبد الرحمن شو مالك
عبد الرحمن :هاي سحر اخت سمير فاكره احكيله يا سحر على كل شي
وبدت سحر تحكي وابراهيم في حالةصدمة وذهول كبير
ابراهيم :وكيف اتاكد من هذا الكلام
عبد الرحمن :انا متاكد سمعتهو وشفت سمير وهو بضربها وجبتها هون
ابراهيم :هيييي يعني هذي الشقة الك من متى
عبد الرحمن :يعني هو هذا المهم انت عارف لما شكيت بتولين في مين شكيت ب3عائلات شكيت تولين عمي ناصر وعمي ابو فيصل وابوك يلي ربوها يعني انت بتشك في تربية فيصل واخوته وتربية ليان حتى وطلع وهو مقهور وابراهيم وراه وهو في صدمة
وركب السيارة وروح على بيته وهو يفكر معقول هو شك فيها شك في حبيبته اكيد عمرها ما راح تسامحه لقبل ربع ساعة كان بفكر كيف بدو يعذبها لكن هلقيت بفكر كيف بدو يراضيها وسمع صوت سيارة
************************************************** ****************************************
كانت تولين في المستشفى بتجهز حالها لتروح على بيتها
ابو فيصل :يلا يا بنتي عشان تروحي على بيتك
هزت تولين راسها وطلعت ركبت السيارة وطول الطريق وهي تفكر شو عمل عبد الرحمن كانت محتاجة تحكي لحدا بس كانت خايفة تحكي لاخوتها او لليان حتى ما تخبر فيصل وما لقت غير عبد الرحمن الله يستر شو عمل ووقفت السيارة ورفعت راسها بدها تنزل
تولين :شو هذااااااااااااا لا ما بدي لا
ابو فيصل :يبا ابراهيم زوجك وطالبك تكوني عنده اول ما تطلعي من المستشفى
تولين :ما بدي ما بدي رجعني على بيتي ما بدي
ابو فيصل وهو يتظاهر بالعصبية :تولين انزلي عشان زوجك بستناكي
ونزل ,شافت تولين ابراهيم علي الشباك وبعدين نزل ووقف عند السيارة نزلت تولين وهي خايفة منو وحاولت تبعد بقد ما تقدر عنه
سوزان :اهلا وسهلا بنتي
ما حكت تولين شي بس راحت لابوها وقالت :لو دخلتني هذا البيت على اني مرت ابراهيم انت مو ابي ولا راح اعرف العيلة كلها
ابو فيصل وهو يتصنع العصبية :اخرسي يا تولين وروحي عند زوجك
بلعت ريقها بصعوبة ومشت وهي تتمنى انها تموت وقعدت جنب ابراهيم وارتعبت لما ابراهيم مسكها من خصرها وهو يقول :نورتي بيتي ونورتي حياتي
تولين :ما في داعي تتصنع الرومانسية قدام اهلي هم عارفين اني ما بدي اياك
فتح تمه يحكي بس قاطعته سوزان :شو يا ابراهيم مو عارف تستنى شوية لغاية ما تروحوا على بيتكم
تولين بصدمة :بيتنا؟؟؟؟؟؟؟؟؟؟؟؟؟؟
سوزان :اها ابراهيم ما بدو يقعد هون عملك فيلا لحالك بس لا تقطعينا
ارتعبت تولين وهي تقول بعقلها اكيد عشان يعرف يعذبني يا رب صبرني يا رب ارحمني يارب
ابراهيم :يلا يا تولين على بيتنا
ارتعبت تولين وخاصة لما وقفها ومشى فيها وركبها السيارة وما حدا حكا شي
بعد فترة
ابراهيم :وصلنا
يلا التوقعات يا حلوين
شو بيصير بين ابطالنا
سحر شو راح يصير معها وسمير هيك خلصت الاعيبه ولا شو
عبد الرحمن شو وضعه
فيصل وليان من زمان ما حكينا عنهم صح