رد: ليل الخفسه

الفصل الثاني الوجه الأخر
وبعد اسبوع :ليل اشربي العصير
ليل تعدلت :مالي نفس
غياث :لزم تشربين وتاگلين وجهچ مثل الليمونه
ليل حطت رأسها على الشباك :العصير سيئ
غياث :اي سيئ كل شئ عندچ سيئ بعد اشوي اوگف مشانچ
ليل :شيخ لا تعذب حالك ما أريد شيا
غياث :واني مصر تشربين شئ من الصبح على لحم بطنچ ما رضيتي تفطرين
ليل حركت النظارة :عطيني ماي عطشت
غياث عطاها ماي فتحتها وشربتها كلها :شگد تشربين مايه
ليل رجعت استخرت على الكرسي :انته متجوز
غياث دحق بيها بنص عين:ليش تسألين
ليل :اريد اعرف اني بأي ورطه ورطت حالي
غياث :ايوه متجوز
ليل حركت راسها:الله يلعني اسمع اني من الحز مالي علاقه بيهم ولا ليهم علاقه بيا اني موو مستعدة أجامل حدا على حسابي
غياث :اها يا حبيبي بدينا ولي اسمعي اني ما اسمع حچي النسوان والكلمه الأولى والأخيرة ليا اني افهمتي
ليل كتفت ايدنها:لا ما فهمت اهلك ومرتك ما راح يستقبلون بالاحضان
غياث بعصبيه :ليل اني الشيخ غياث ابن الشيخ فلا تطولين وتتمدين بحچيچ معاي
ليل تاففت :تامر امر ويلادك اكبار
غياث :ما عندي
ليل باهتمام :ليش ما عندك مين السبب
غياث صف السيارة :الله كريم تنزل ولا لا
ليل :لا تضيع وگتك ما أريد شئ
غياث :ما يصير اني مصر نشرب شئ
ليل :خلاص جيب گهوة سادة
غياث : سادة
ليل هزت رأسها سكر الباب وراح وهما يشربون : كأنك زعلان مني
غياث :لا
ليل نزلت راسها :ادري اني راح اسبب لكم مشاكل
غياث لف عليها :مشاكل ايش
ليل :مع مرتك
غياث ابتسم:لا تشيلين هم الشرع حلل اربعه
ليل :انته مثل اخوي عطول يهدد نسوان الشرع حلل اربعه وهما عايشين على الاتكال كل يوم كونه بينهن
غياث :چم وحده متجوز
ليل :اثنين والثالثه عروس بشهر البصل
غياث ابتسم ابتسم:عسل موو بصل اللى عندو مصاري و يعدل بينهن ويگدر يدلع بنات الناس ليش لا
ليل ابتسمت بمجمله :اتوقع الصعيد العاطفي أهم من اللى حچيته الدلل موو كلشي والگلب مستحيل يعدل
غياث(بنت الناس على شنو شايفه حالها) :گلتيلي الصعيد العاطفي
ليل نزلت الكأس :لو چنت بظروف ثانيه چنت من المستحيل اتجور زلمه متجوز
غياث رفع حاجبه :ليش يا بعدي اشبي المتجوز ولا موو عاجبچ
ليل صدت :ما بيا شئ بس هذا رأي الشخصي واني ما اتحمل اشيل خطية حدا
غياث شغل السيارة وبسخريه :الميدان يا حميدان
ليل طنشت
غياث يهز كتفها :ليل ليل اگعدي وصلنا
ليل تحرك رأسها غياث مسك ادينها :اشوي اشوي لا تستعجلين
ليل نزلت معه دق الجرس وليل رأسها على چتفه
انفتح الباب بصدمه:غياث
غياث يزورها :ما تعرفين ترحبين بيا
هزت رأسها :الا الحمد لله على سلامتك وباست رأسه وضمته
غياث ضمها :حبيبتي الله يسلمچ
بعد عنها ومسك ليل من خصرها :انتبهي بي عتابه
ليل فاتت مع غياث ليل بتعب والدنيا تدور بيها :وگف لحضه
غياث بخوف :ليل شبيچ انتي بخير
ليل انحنت وبهمس :لا دايخه
غياث شالها قبل ما تگع وهو ينزلها على التخت :غياث
غطها وبحده:صبا اطلعي
صبا بعصبيه :مين هذي الخانم
غياث :ارتاحي اشوينه وارجع
مسك صبا وسحبها معاه دفشها على الكنبه فركت رأسها وبوجع :اخ راسي شبيك
غياث باختصار: ليل مرتي فلا تفكرين تناقشيني بالموضوع وأهلي عندهم خبر بجيزتي
صبا تأشر على حالها :تجوز واني آخر من يعلم وبدون موافقتي
غياث بعصبيه :ومين انتي تأخذ موافقتچ
صبا دموعها نزلت :الله يسامحك مشان تالي وحده جايبها تزعلني منك
گعد بلطها :صبصب والله موو قصدي سامحيني
صبا تمسح وجها :غياث انته الشيخ شلون تجوز هيچ على السكت شيقولون عنك الناس
غياث يغير الموضوع :البنيه مرضانه گومي حطيلنا غدا وبعدين نحچي
صبا تدحق بغياث :اشبيها مگصوفت الرگبه
غياث :هاااي هاي احچي بأدب احترم مرتي من احترامي
صبا طلعت وراحت على المطبخ
غياث بعد وگت انتبه انه لسى گعد قام وفات على ليل وگعد عندها قاس (لمس) رأسها :ليل
ليل بتعب تبعد ايد غياث : اتركني انام
غياث يمسح على شعرها :گومي نتغدى وبعدين نامي
ليل تعطي ظهرها وبعصبيه وهي تغطي وجهها اللى كله دموع:اووف منك اطلع برى مالك علاقه بيا
صبا سمعت اللى گلته ليل غياث :غياث عيفها تندفس وتعال نتغدى
غياث وقف :الحز بس خليني اغير اهدومي
صبا ابتسمت :لا تتأخر تراني مشتاگتلك كومه
غياث ابتسم :واني مشتاگلچ بالحيل ما راح اتأخر
صبا طلعت غياث سكر الباب طلع دشداشه الرمادي وغير الجينز الأسود والتيشرت الأبيض
وطلع گعد مقابلها ومسك ارغف الخبز بثقل :اشبيها المدام لسانها طويل عليك وما تحترمك
غياث بلع اول لقمه:لأنها مرضانه ومتضيقه بس تصير احسن اتفاهم معها لا تشغلين بالچ
صبا :اشلون ما اشغل بالي لأنها حلوه تريد تشوف حالها عليك وانت الكل يتمنى نضره وحده منك
غياث :صبصب اعقلي وخليني اعرف اتغدى
صبا بحقد :اشلون چان شهر العسل يا عسل
غياث ابتسم بتكلف ومجامل :زفت وبصل يا عسل
صبا تصب چاي :ليش موو طابخين اليوم
صبا تحط الچاي چدام غياث :ام احمد عطله
غياث بعصبيه :نعععم ومين أعطاها عطله
صبا تغمس الخبزه بزيت الزيتون :يا حب اني الشيخه صبا اعطيتها عطله ولا موو معبيه عينك
غياث:على راسي شيخه صبا بس موو اني موصيها بيچ ما تترگچ لحالچ
صبا :حرام اختها إللى بالباب ولدانه قيصري المره لحالها وما عدها حدا ولگيت ام احمد تبچي وحلفت عليها تروح
غياث : ايمت راحت
صبا تشرب :البارح بعد ما دگت علي وگلتلي باچر تچي
غياث ابتسم :تگدرين على البيت ولا نجيبلچ حدا
صبا بثقه :الا اگدر لا تچيب حدا
غياث يصبلها چاي :گوليلي شسويت بغيابي
صبا بملل :ما سويت شئ اكل وانام واگعد على الإنترنت اشلون تجوزتها
غياث :مين تقصدين ليل
صبا تتمصخر على غياث:وبي حدا غيرها لا يكون عندك وحده غيره
غياث نزل راسه :لا
وكمل اچله صبا وگفت :لا تحچي اني الحز اسألهم
ليل گعدت وگامت تتمرخ تعدلت بصعوبه وضلت ساعه تلف بالقرفه وتگع واخيرا لقت الباب فتحت الباب وطلعت بهدوء تتلمس الحايط :يا عروس صح النوم
ليل تركت الحايط ولفت لمصدر الصوت :صح بدنچ وين غياث
صبا بدلع :الشيخ غياث موو بالبيت
ليل اشوي وتبچي :وين راح وتركني
صبا تشوف عيون ليل تلمع قربت منها :اشبيچ
ليل دموعها صارت نزل وگعدت على الگاع تبچي
صبا قربت منها أكثر و لمست شعر ليل:هااي ليش تبچي
ليل زاد بچيها بصوت عالي وهي تبعد ايد صبا :بعدي عني لا تگوسيني (تلمسيني)
صبا بهدوء :محتاجه شئ بيچ شئ يوجعچ
ليل تضم حالها وتشهگ من أعمق گلبها :لا ما أريد منچ شيا عيفيني لحالي اهئ اهئ
صبا بعصبيه لأنها انزعجت من صوت ليل :ليل شتريدين صرعتيني
ليل تدفن وجهها بين ركبها :اريد غياث خلي يجي
صبا تركت ليل تبچي رفعت جوالها ودقت عليه رد عليها :الو
صبا :غياث ليل تبچي عليك تريدك
غياث قام من گعدت الشباب وطلع وهو يسمع بچي ليل:تريدني صبا شگتيلها شمخبصه معها
صبا :ما گلت شئ تونها گعدت وصارت تبچي عليك تعال ترها صرعت راسي
غياث :زين خليچ معاها ربع ساعه واگون عندكم
صبا :بسرعه تعال
سكر وفات على المجلس :ياالربع صار لزم ارجع على البيت
واحد منهم :ياوال اشبيك وين رايح توها بدأت التعليله
غياث :ما اگدر الشيخه صبا تستناني
الثاني :حميد لا تصدگه هذي المدام حكمت على من اولها
وصارم يضحكون عليه
غياث يزوره :يوال ادوس ببطنك اني الشيخ غياث الفرنسية ما حكمتني مشان تچي الشوايه تحكمني
حميد حط ايده على راسه:على راسي شيخ بس ابن عمتك محمد غيران منك
محمد :ليش اغار ترها تالي عميه
حميد :شيخ انته تجوزت على كيفك وهو ابو ما يرضا يجوزوا الحب
محمد يتركى :الله وكيلك لو اريد اتجوز من الصبحيات امي وابوي يجوزني احلى بنيه بالبلد بس اني ما أريد إلا نوران
غياث :نوران مالك مصلحه بيها لو تبلط البحر عمي ياسر ما يجوزك وحده موو من ثوبنا
محمد فتح الباكه (اي علبة الدخان) :الله كريم
حميد :محمد تجوز وحده من شوايانا وأخذ عليها الحضريه
غياث :حميد عيب عليك بنات الناس موو لعبه
حميد :لا موو عيب الشرع حلل اربعه ولا انته ناوي تظل على العميه
غياث بضيق:تصبحون على خير
حميد ومحمد :وانته من أهل الخير
طلع غياث من عدهم وركب سيارته متوجه لمزرعته
اما عند ليل وصبا على نفس الگعده ليل ضامه ركبها لصدرها صبا متربعه نواتها (أمامها) :ليل ليش خايفه مني
ليل بعصبيه :اريد غياث وينه
صبا :الحزتين يجي يلا گوم من الگاع
ليل نزلت رأسها بدون ما ترد
صبا مدت كاست ماي :اشربي ماي وصلي على النبي
ليل بصوت مبحوح :ماريد
صبا ابتسمت :يا بعدي ليش ما تريدين
ليل :بس ماريد
صبا تركت الكأس :اسمچ حلو مثلچ
*بوصف لكم ليل اللى جمالها جمال الاطفال طولها 158 وعمرها عشرين سنه حنطاويه لونها ممزوج بالعسل والحليب وعيونها لونهن اسود وشعرها كثيف اسود لنص فخذها وجسمها جدا جدا رشيق
فات غياث ليل زاد بچيها غياث گعد بلطها :ليل اشبيچ
وضمها ليل تدفن وجهها بصدره وتشهگ
غياث يمسح على شعرها :بسم الله عليكچ ليش تبجين صبا زعلاتچ
ليل بصوت مبحوح :لا تتركني
صبا عصبت:اني ما سويتها شيا اصلا ضيعت مسلسلي بسببها
غياث گومها وخذها على القرفه گعدها وصار يمسح وجهها بالمحارم : شهل تصرفات انتي طفل ليش تبچين ها ليش
ليل بصوت محبحوح :لأنك رحت وتركني لحالي
غياث بعصبيه :اكعدلچ بالبيت تترضين وبعدين صبصب معاچ
ليل نزلت رأسها :اني خايفه اشلون تتركني بمكان غريب وين الوعد
غياث اخذ نفس ومسك ادينها:ليل هذا صار بيتچ وصبا مثل اختچ
ليل سحبت أيدينا وبعصبيه:لا موو بيتي وصبا موو مثل اختي
غياث وگف و دحق بيها :كل ما تقبلتيني وتقبلتي صبا تصير حياتچ احسن
ليل نزلت عيونها
غياث سحب ايدها:گومي عالحمام تتغسيلين ريحتچ تذبح
ليل وگفت:احترم حالك
غياث ابتسم :تريدين اچذب عليچ
ليل :لا بس انته لسى ما فكرت تجيب احتياجاتي الخاصه حتين غيار (ملابس نظيفه) ما عندي
غياث :بدينا طلبات
ليل بخجل :موو طلب واجب عليك واني محسوبه عليك
غياث بملل:تكرمين يا مرتي
ليل ببرود مشت معاه فوتها على الحمام ودلها على كل شئ :اني جدام الباب بس تخلصين اعطيچ البرنص
طلع وسكر الباب غياث بملل مر نص ساعه وهي تغسل دق الباب :ليل ايمت تخلصين ليل تدلك فروت رأسها :اصبر ما خلصت
جت صبا :غياث شتسوي هين
غياث رفع البرنص :استنا ليل خانم
صبا وگفت بلط غياث: مشان ايش تستناها
غياث :شنو رايچ تروحين تچيبلها بيجمه وداخلي ومعطر جسم ومشط من عندچ
صبا :ليش ما عدها غراض
غياث قرص خد صبا :يا حب تجيبين ولا اشحد من الجيران
صبا تبعد ايد غياث :ما يغلى عليك شئ
ليل فتحت الباب ومدت ايدها :خلصت
غياث اعطها البرنص ليل طلعت غياث مسكها :نعيما
ليل :الله ينعم عليك
صبا راحت على قرفتها جابت غراض الباب چان مفتوح
فاتت چان غياث ورا ليل ينشف شعرها بالبشكيره
صبا گعدت معاهم على السرير :ما شاء الله شهل شعر
ليل حطت ايدها على رأسها :آه شعري
صبا تضحك :لا يكون صبتچ بالعين
ليل :لا حبيبتي ما صبتيني
غياث :صبا يا boy شفتي اشلون الشعر
صبا تتلمس شعرها :اني على الموضه الأوروبية نخلي الشعر الطويل لليل
ليل تجمع شعرها :حاچ
غياث مد حاله لعند صبا خذا المشط جا يمشطها ليل لفت عليه :انته ارتاح اني امشط لحالي
غياث :لا اني امشطچ ما دام خربتي تعليلتي
صبا بسخريه:تعرف تمشط
غياث مسك شعرها:مرتين مشطت شعرها
ليل :ماريد بعد
غياث حط المشط بشعرها
ليل تبعد عنه :هاي اترك شعري موو مستعده اصير صلعه واتعذب على ايدك (لأن غياث ينتف شعرها بكل مره)
صبا تضحك :صحلها جوز گالت اعور
ليل تحرك شعرها وبغرور :اتوقع مابي شئ يضحك والوگت ابدا موو مناسب لزيارة
صبا وقفت:يعطيچ العافية شيخ تصبح على خير
غياث مسك ايدها :ليل اني ما عندي أغلى من صبا إذا تزعلينها اگلب الدنيا على راسچ
ليل رفعت رأسها :اني ما قلت شئ هي من اول ما جيت ترمي علي حچي يكفي اني مليت اني موو مستعده أجملك أو أجملها
غياث وگف ورمى بحضنها الأغراض وطلع مع صبا :صبصب اني اسف
صبا بضيق :اني اللى اعتذر منك ما چان لزم اشيل الحدود بيني وبينها وأخذ راحتي بقرفتكم
غياث مسك كتوفها :لا ليل ولا غيرها تغير مكانتچ بگلبي انتي كل شيا بحياتي
صبا دموعها نزلت :غياث بالعكس اني فرحانه لكا واتمنالك الخير معها
غياث ابتسم ومسك وجهها ويمسح دموعها :صبا ما تعودت اشوف دموعچ لا تبچين
صبا ابتسمت من بين دموع :مبروك
غياث ضمها :الله يباركلي بعمرچ وعقبال ما ازفچ عروس بالثوب الأبيض
صبا بعدت عنه :ربع ساعه ويصير الاچل
غياث :حطلنا فيلم فرنسي
صبا تمسح وجهها:لا اني مقرره من الصبح على فيلم امريكي
غياث فات على ليل چانت وگفه تمشط شعرها قميص ابيض ربع ردن (ربع كم) وبيجمه اسود بورد ابيض فتح السكرتون وطلع بيجه رمادي
توجه للباب :ممكن الحباسه
غياث رجع خذا الحباسه من السرير وقرب من ليل وبهمس عند اذنها :لا تفكرين اللى صار قبل اشوي عدا
ليل بخوف غمضت عيونها بگوه
غياث حط الحباسه بايدها :بسرعه خلصي صبا سوت العشا
ليل تحط الحباسه :شكرا اني ما اتعشا
غياث :ما سمعت شگلتي
ليل لفت عليه وبنعومه :من تصير المغرب ابطل اكل فلا تحرجني وتحرچ حالك
غياث :ولي احراج ايش وانتي من البارح ما چليتي ولا لگمه
ليل :مو جوعانه اكدر انام
غياث مسكها :على راحتچ
وصلها لتخت
ليل انجضعت
غطاها وطلع
وثاني يوم گعدت حركت جسمها بتعب مدت ايدها بي حدا بلطها ظلت تتلمس وصلت لوجهه :اشبيچ
ليل بخوف بعدت ايدها :شنومك هين
غياث :انتي الدخيل على فراشي
ليل بعدت گعدت زين :من قلة الفرش ببيتكم
غياث تعدل ومسك جواله :لزم نبعد الشك عنا
ليل تحك رأسها :وصبا
غياث گام :اشبيها صبا
ليل :تعرف الحقيقه
غياث گوم ليل :الحقيقه انتي مرتي والكل يعرف انچ مرتي ومابي حقيقه غيرها
ليل طلعت من الحمام:ليش ما توضيتي
ليل :ليش اتوضى
غياث :مشان تصلين ولا موو ناويه تصلين
ليل :لا موو ناويه ولا تسوي حالك شيخ عليا
غياث مسكها ورجعها على الحمام وهو يفتح الماي :يلا بسرعه توضي
ليل بعصبيه تحول تفك حالها من غياث :هاااي اتركني
بعصبيه :بسرعه توضي احسن ما أمد ايدي
ليل :خلاص خلاص اتوضى بس اطلع
تركها وطلع بعد اشوي طلعت مسكها وخذها عالقرفه
ليل بملل وهي تتثوب :اريد ماي بارده
غياث وهو لسع يدور على العبايه :وين عبايتچ اختفت
ليل ترفع كتوفها :علمي علمك عطشانه
غياث راح گعد صبا وچابلها عباية هز كتفها بعصبيه :اگعدي ما شبعتي نوم
ليل تعدلت وهي مسكه كتفها وبالم :آه مووو نايمه خليك لطيف معاي شلعت چتفي
غياث لبسها العباية وحط الملفع على رأسها :لفي حجابچ
ليل بانفعال تلف الملفع :ليا ساعه اگوللك عطشانه ذبحني العطش ما تفهم
غياث ببرود :خليچ عطشانه العطش ما يموت
ليل رجعت انجضعت :واني ماني مصليه
عياث يعدلها :اني ببيتي ما اسكن كفار
ليل بعصبيه :كافره بعينك يا متخلف مالك علاقه بيني وبين ربي
صبا من عند الباب :شيخ صباح الورد
غياث :صباح النور تعالي
صبا فاتت :شوفي من اليوم اذا ليل تفوت صلاتها تعلميني
صبا استغربت :ليش
ليل تتمصخر :ما شاء الله عليك شيخ وتعلم الأخلاق الحميدة
صبا تضحك:الشيخ غياث مربي الأجيال نشأت على ايده تربية غير شكل
ليل تصد :اي واضح اللهم صل على النبي غير شكل
غياث عصب :بس انتي وياها اخرتونا على الصلاة
صبا :اني صليت وراجعه انام
وراحت
غياث بأمر :يلا ليل گومي
ليل :ما أريد عيفني بهمي
غياث يمسح على راسها :الصلاة تروح كل هم تعوذي من الشيطان وخلينا نصلي
ليل بضيق نزلت راسها:ما أريد
غياث گعد وبهدوء:شكلچ ما تصلين
ليل ظلت ساكته وهي تحس بالخجل
غياث :ليل اسمعيني الصلاة أهم شئ بالحياة وهي حبل الوصل بينچ وبين رب العالمين ليش ما تصلين الله اعطاچ كل شيا الله يستحق تشكرينه وتعبدينه شتسوى حياتچ بدون عبادة والله گال «و ما خلقت الجن و الإنس إلا ليعبدون »
ليل :بعمري ما صليت
غياث :استغفرالله طيب الحز ليش رافضه تصلين لا يكون اهلچ ما يصلون
ليل بسرعه :الا ابوي يصلي بالجامع ومثقال يصلي بس بعمرهم ما فرضوا الصلاة عليا
غياث يدحق عليها وهو لسى تحت تأثير الصدمه :يعني ما تعرفين تصلين ولا بعمرچ صليتي
ليل هزت رأسها :محد علمني اشلون
غياث ابتسم :اني موجود اعلمچ اللى تريدي بس أمرين
ليل تلون وجهها :تسلم
غياث وقف :خليني اصلي وبعدين اعلمچ
ليل :والماي
غياث يمد السجادة :بعد اشوي
تركها وراح يصلي
وأول ما خلص لف ما لقها :وين راحت
وهي توقف بألم :اووف يا الله تكسرت واني اگع
مسكت الحايط غياث جاها:وين موليه
ليل بزعل تمسح وجهها من الدموع :تريد تعلمني اصلي وانته مموتني من العطش انته بلا رحمه وما تخاف الله بيا
غياث مسكها :اسف ما چنت اقصد
ليل تبعده عنها وبعصبيه :اللا متقصد تذلني وتهيني إذا اني عميه هذا ما يعني اني ما احس اني چنت مدلله عند اهلي ما اسمحلك تهين كرامتي
غياث :ليل اني م
ليل رفعت اصبعها أسبابه بوجه غياث :ولا كلمه ما أريد اسمعك
طلعت صبا من قرفتها :شصاير اشبيكم
غياث مسكها:ما بي شئ ليل
ليل تدفشه وتصيح :الله يلعنك عيفني
صبا مسكت غياث :غياث خلاص مشان خاطري اتركها
ليل گعدت بالگاع منهاره تبچي
غياث وهو يدحق عليها :اني راح اطلع انتبهي عليها
صبا لفت على ليل مدت ايدها :ليل يلا گومي غياث رايح
ليل تضم حالها و بانفعال:ما أريد اگوم اريد اهلي
غياث رجع على قرفته صبا ابتسمت وگعدت چدام ليل :يا مجنونه شتريدين باهلچ غياث باچر بالطلعات والفوتات والهداية والسفرات والدلال ينسيچ حليب امچ
ليل :انتي ولا كلمه لا تحاچيني
صبا تتأمل وجه ليل الاحمر :ترى باسلوبچ تخسرني اكلب عليچ واصير ضدچ
ليل عصبت :صيري ضدي ما يهمني
صبا تضحك وهي تمسح دموع ليل :الحز گوليلي ليش عصبتي على الشيخ وخليتي يزعل
ليل تبعد صبا :مالچ علاقه من البارح گلتلچ لا تقوسيني
صبا وكفت :اوكي براحتچ
توجهت لغرفتها طلع غياث شاف ليل لحالها فات عليها وسكر الباب :صبا ليش تركتها لحالها
صبا تركت علبة الكريم :تگول مالي علاقه وما تريدني اگرب منها
غياث :البنيه محتاجتچ
صبا :غياث انته من الأصل ليش تجوزتها إذا هيا تريد أهلها هذا البنيه من البارح يا نايمه يا تبچي
غياث :صبا اعتبرها اختچ ترها مسكينه
صبا وگفت: شسوليها
غياث :غسليها وجهها وشربيها وفطريها
صبا بسخريه:تريدني اهزها مشان تنام
غياث ابتسم :شباعنه نوم
صبا فتحت الباب وقفت فوق ليل :ليل
ليل ما ردت عليها صبا وكرزت :گومي نفطر سوا
ليل رفعت رأسها :وديني لأهلي
غياث بانفعال :ليل اعقلي
ليل بصوت عالي :اني أعقل منك اريد اهلي
صبا :ههههههه استغفرالله
ليل تمسح وجهها :اريد اهلي وديني ليهم
غياث وگفها :ليل تعوذي من الشيطان
ليل بوقاحه وصياح:اني وانته ما نفيد بعضنا من اولها تضربني طلقني شمنكان ابن عمي يريدني و يعشگني ويمو
غياث أعطاها چاف بكل قوته على خدها وبعصبيه:ولاچ السانچ اگص إذا تچيبين سيرته يا وگحه على ايش شايفه حالچ وانتي تالي عميه انتي كلچ على بعضچ عله ما ادري شسويت تيبلنا الله بيچ
انتهى الفصل

رد: ليل الخفسه

الفصل الثالث أوجاع

ليل وهي بالگاع ماسكه رأسها اللى انضرب الحايط (الجدار) صبا مسكت ليل :بسم الله الرحمن الرحيم صارلچ شئ
ليل بهدوء وهمس :لا
صبا تحرك ايدها چدام وجه ليل :انتي عنجد عميه ما تشوفين
ليل ارتفع ضغظها منها:بلا خفت دمچ گوميني
صبا بحزن :اسفه ما چنت ادري انچ ما تشوفين
ليل :الله ياخذني ويريحني منكم
صبا تگومها : حرام عليچ تدعين على حالچ
ليل تمشي معاها :اريد ماي بارده
صبا فوتت ليل على المطبخ وهي تصب ماي بارده :ليش تجوزچ الشيخ محد رضا يحچيلي السبب
ليل :اشلون طايقه تعيشين معاه
صبا حطت الكأسه بأيد ليل :غياث مابي منه بس انتي وگحه ولسانچ طويل
ليل شربت الماي :يعطيچ العافيه
صبا ابتسمت :اعتبرني اختچ وشتحتاجين اني جاهزه عيوني لچا
ليل :تسلم عيونچ رچعيني على الدار
صبا مسكت ليل :وين ارجعچ خلينا نفطر وندردش وبعدين نرجع ننام
ليل :لا ما أريد
صبا :ليل انتي من البارح ما چليتي ولا لگمه
ليل :لا تدخلين اريد انام
صبا تمشي ليل :على راحتچ
وصلت ليل لفراشها وغطتها :تريدين شئ
ليل :لا تعبتچ معاي
صبا :لا تعب ولا شئ إذا تريدين شئ صيحيلي
صبا طلعت وخلت البابين مفتوحات
***
صبا وهيا تحول تقنع ليل تاكل :يلا ليل اگلي
ليل :صبا خلاص گلتلچ ما أريد
صبا :موو على كيفچ لزم تاكلين
ليل تضم المخده :سويلي گهوة
صبا :مابي گهوة الا تاكلين اووف غياث تأخر اليوم
ليل :ليش الساعه اشگد
صبا :عشره ونص موو بالعادة يتأخر
ليل : الله ينتقم من خدي ورمان بالحيل يوجعني
صبا :تستاهلين مشان تعرفين اشلون تگولين ابن عمچ يعشگچ
ليل :اي يعشگني ويموت على التراب اللى امشي علي
صبا تسترخي :نصيحه لوجه الله لا تعيدنها ترى غياث يذبحچ بدون ما يفكر
ليل :يا ريت يذبحني اصلا لو معطيني مايه من البداية ما چنا تكونا
صبا تضحك :كل كونتكم امشان الماي
ليل تضحك وتهز رأسها :شسوي عطشانه وهو يتناذل عليا
صبا :مجنونه
اندق الجرس
صبا وگفت بفرح :غياث جا
ليل :الله لا جابه
صبا رجعت مع غياث :وينك تأخرت
غياث يدحق على ليل :انشغلت
صبا :يعطيك العافيه احط العشا
غياث :اتعشيت ببيت عمتي ام محمد
صبا بهمس :تراني ما قدرت عليها من طلعت نامت وما گعت للمغرب
غياث قرب منها ومسكها:وگت النوم من اليوم السهر ممنوع
ليل تمشي معاه :تراني موو غنمه تتجرني هيچ
غياث ما رد عليها سكر الباب وتركها :امشي التخت چدامچ
ليل بخوف مشت وهي ماده ادينها تلمست التخت وتمددت
*****
مرت ثلاث ايام بصمت وهدوء ليل گاعده على طرف التخت غياث طلع دشداشه بيضه وهو يغير :اني المفروض ازعل منك حتى ما فكرت تگول اسف
غياث استغرب من جرئتها لف وهو يلبس :على
ليل رفعت رأسها :اني طول حياتي ما انضربت الا مرتين الأولى من مثقال والثانيه منك
غياث حط هدومه الوصخات بالسله: واني بعمري ما ضربت مره بس كونچ توقحتي وما احترمتني تحملي اللى يجيچ مني
ليل :انته الغلطان اني مستحيل اسمحلك تذلني وتهين كرامتي من أولها مليت مني
غياث قرب منها ومسك وجهها :اني ما مليت امشان كاست ماي اغلطتي معاي لو ما چنتي مرضانه چنت ذبحتچ على قلة ادبچ
ليل تبعد عنه:اني موو قليلة ادب
غياث گعد بلطها :الا قليلة ادب بشنو فكرتي لمن چبتي سيرة زلمه وانتي مرتي على ذمتي
ليل حركت رأسها :ما فكرت بشيا ولا تعيش الدور وتصدگه
غياث عصب : انتي مرتي وعرضي غصبن عنچ وعن اللى خلفوچ
ليل بحزن تغير الموضوع: مابي أخبار عن اهلي
غياث سحب اللحاف :تصبحين على خير
ليل قعدت زين :طلعني اريد اگعد مع صبا
غياث :من هين مابي طلعه نامي
ليل :اني موو زغيره تتحكم بيا
غياث بأمر :ليل تعوذي الشيطان ونامي
ليل :ما اتعوذ انته تعوذ منه
غياث ابتسم يستهزئ:شراح تسوين
ليل ابتسمت وببرائه :ماسوي شئ تدري اني ما اشوف
غياث حط راسه على المخده :وهذا اللى مصبرني
ليل :اريد اطلع
غياث ما رد ليل قربت منه ومسكته :إذا ما تطالعني اطلع لحالي
ليل بنعومه تهز كتفه :لا تنام شيخ گوم
ليل تركته ونزلت من السرير وبعد محولات فاشلة لقت الباب
طلعت وهي تتلمس الحايط :وين رايحه
ليل تبعد شعرها من وجهها :عليچ سويتي الگهوة ولا لسع
صبا تمسك ليل :لا والله ما سويت شصار بينكم
ليل :ما صار شيا بس رزلني
صبا تمشي ليل :بس رزلچ يا برود دمچ
ليل :وين رايحين
صبا :على المطبخ
ليل وهي گعده :صبا
صبا تفوت المكرونة بالفرن :هممم
ليل :ليش مابي حدا بالبيت
صبا گعدت على الطاولة :البيت فاضي لان سارة خانم تخاف على جمالها وصحتها
ليل باستغراب :مين سارة
صبا ابتسمت :مرت عمچ
ليل :شدخل البيت الفاضي بمرت عمي
صبا ابتسمت :ما خلفت الا بطنين وعمچ دايخ بها يا ويل حالي شگد يحبها
ليل ابتسمت :الا وينهم موو المفروض يكونون هين
صبا : ببلاد اهلها الله العليم ايمت يرجعون
ليل ظلت ساكته
صبا نزلت وفتحت الفرن وطلعت المعكرونه :يمه الريحه تدوخ راح تصيرين مدمنة على الباستا
ليل حطت ايدها على خدها :ما أريد
صبا :ليش ما تريدين
ليل دمعتها نزلت :اشتقت لأبوي ومثقال كل ساعه اموت الف موته
صبا حطت بيركس المعكرونه چدام ليل :اجيبلچ الهاتف
ليل بضيق ودموعها تجمعت بعيونها :ما اقدر
صبا بعد سكوت مسكت وجه ليل وحطت لقمه باثم ليل :شرايچ طيبه موو
ليل تبلع اللقمه :علقتي لساني
صبا :ليل مشان خاطري تعشي معاي
ليل :ما اقدر
صبا تعطي ليل الشوكه : احلفچ بالله ما تخجلين
ليل :تتصرفين مثل الويلاد الزغار
صبا تاكل:خيتو تحملني مشان الشيخ
ليل :الله يكون بعوني على ما ابتلني
صبا بزعل :له له الحز اني صرت بلوه
ليل ترقع الموضوع :لا حبيبتي قصدي اني البلوه عليكم الله يعينكم
صبا تغير الموضوع :شرايچ بطبخي
ليل عقدت حواجيها:علقتي لساني ولچ نفس تسألين
صبا :لا تچذبين ما حرقتچ
ليل تغير الموضوع لأن صبا ما تسكت :خلاص ما حرقتيني لا تزعلين
غياث مسك اكتوفها :اني شگلتلچن ولا ما تفهمن
صبا ابتسمت :انت عبيت بطونك عند بيت عمي سعيد ونحن ما تعشينا
غياث گعد بلط ليل :چنت عدهم بس مع الأسف طابخين ملوخيه
صبا تاكل لقمه وتضحك :تستاهل ليل تحبين الملوخية
ليل :الملوخية عشقي
غياث خذا الشوكه من ايد ليل وبدأ ياكل :انسي الملوخيه هين عشقنا الباستا صح صبصب
صبا تهز راسها:اي صح
غياث قرب الشوكه لليل :ليل افتحي اثمچ
ليل صدت :ما أريد مستحيل اكل نشويات بهذا الوقت
صبا :عجب حضرت جنابچ شتاكلين خيار ولا خس
وتضحك ليل كتفت ادينها وبزعل :ما أريد شيا
غياث :تمطمط بحچيها الله صبرني على بالي شاويه
ليل صارت تضحك من قلبها صبا تضحك معها:هذي مرتك اشبيها تضحك
غياث اللى مو مستوعب ضحك ليل مسكها :اشبيچ تضحكين
ليل خذت نفس عميق وبجديه :گلتلي شاوية اولا اني ما مطيت بحچي وثانيا يا شيخ لا تقارن ترى ما ليهن لا ايد ولا رجل الزياده عنا وثالثا لا تقلل من احترامي اني شاوية وأفتخر
غياث ابتسم :على راسي والنعم بيچ
ليل نزلت رأسها بخجل:تسلم انته وراسك
صبا :الحز قوليلي شتاگلين
ليل :اشرب گهوة سادة
غياث :مابي گهوة الساعه اثناعشر صبصب هاتي تفاحه
ليل حطت ايدها على وجهها :يا ربي الرحمه
غياث خذا التفاحه والسچين من صبا وهو يقطعه :صبا حچيتي اليوم مع امي
صبا تاكل :لا والله ام غياث مووو فاضيه ليا
غياث :الا فاضيه طول العصر ونحن نتهرچ مكلمة فيديو
صبا :باچر احچيها
غياث حط نص التفاحه بأيد ليل :ليوله الشطوره إذا ما خلصت التفاحه ما اشربچ مايه
ليل لفت عليه :شنو يعني عقاب ولا تهديد ولا ابتزاز
غياث يبعد غرتها (قصتها) من وجهها :اكلي وانتي ساكته صبا يلا حطي الاچل بالبراد وعلى النوم
صبا حطت الاچل بالبراد :تريد شيا مني قبل ما انام
غياث :لا اتغطي زين
صبا :ليله سعيدة
وراحت غياث دحق على ليل اشلون تاكل ظل ساكت خلصت النص :خلصت نروح
غياث حط النص الثاني بيدها:كملي النص الثاني
ليل تركته :شبعت شيخ وين اهلك
غياث وقفها :مسافرين
وشال تقلي الماي (دورق زجاج للماء)
ليل تمشي معاه : الله يرجعهم بالسلامه
*****
بعد شهر
فات على الصالون بعد ما ودع الزلم اللى چانم عنده مر على غرفة صبا دق الباب وفات :صبصب ليش ما نمتي
صبا بحضنها اللاب توب وتاكل بسكويت :احچي ماما
غياث ابتسم :سلملي عليها
صبا :ماما ترى ابنچ الفليح اخ
غياث يقطعها وهو ينحني :يوم ترى صبصب صايره ما تسمع الكلام وتزعلني
صبا تضحك :بس ليوله الحلوه تسمع كلامك اني اسمعه
ام غياث :صبا عيب عليچ
صبا :لا موو عيب البارح
غياث ضم صبا وباس خدها :هذي البوسه امي
صبا :ترى ابنچ باسني مشان اسكت
غياث يتأمل أمه :يوم الصبح أدق عليچ
ام غياث حركت ايدها :حبيبي تصبح على خير
غياث :وانتي من اهل الخير
طلع وسكر الباب توجه لغرفته دق الباب اخذ نفس عميق وفات چانت بالفراش قرب وگعد جدامها شاف دموعها ووجهها احمر بعد شعرها :ليل ليش الدموع
ليل تعدلت وبتت (نزلت وعدلت) قميصها: مابي شيء
غياث :ليل والله حرام عليچ دموعچ ما تغير الواقع
ليل ابتسمت من بين دموعها :راحم حبايبي اني اتألم طلعت روحي بدونهم شسويت بدنيا حتى اتعاقب هيچ
غياث مسك وجهها ومسح دموعها :هذا نصيبچ من الدنيا خليچ گويه وارضي بقسمتچ
ليل تشهق ضربت صردها بكفها بكل قوة :م ما اقدر
غياث مسك ايدها وبعصبيه :ليل
ليل :شسوي بحالي تعبت طگت روحي
ضمها لصدره وصار يمسح على ظهرها
ليل بقهر تشهق :كل العالم تحچي بعرض اهلي والله حرام اني ما سويت شيا غياث اي گوة و اني گعده اموت اريد ابويا أريده
غياث سند راسه على رأس ليل:مين گال أن الناس تحچي بعرض اهلچ
ليل زاد بچيها :أسمعت ام احمد گالت لصبا أن بنت جاسم ال..... خاطفه
غياث بأس رأسها :لا يا ليل انت موو خاطفه ما خطفتي انتي شريفه غصبن عن اللى يرضى واللى ما يرضى
ليل : اني انتهيت لوني راجعتلهم أهون عليه
غياث برحمه:لا حول ولا قوة الا بالله العلي العظيم
مر الوگت وهو حضنها بقوه غياث بمزح :ليوله الحلوه مطوله بحضني
ليل حولت تبعد :لاء
غياث يضحك وهو يضمها أكثر لصدره :اشبيچ امزح معاچ
ليل :اتركني ونام
غياث بشك :ليش انام شعندج من المخططات مع صبصب
ليل :ماعندي مخططات بس انته من الصبح طاير
غياث تركها وهو مبتسم :زين والله بي تطورات صايره تشيلين همي
ليل مسكت مخدتها :لا موو هيچ بس انته كل النهار تتعب ولزم ترتاح
غياث تمدد مكانه :جيلت العصر ببيت عمتي ام محمد
ليل مددت بلطه :تحبهم
غياث :مين
ليل :يعني مين بيت عمتك ام محمد
غياث ابتسم :موو بس احبهم اني اموت عليهم
ليل قربت أكثر :ناصب ولا شقصه
غياث مسك اذنها وشداها :انتي گد كلمة ناصب
ليل بألم وهي ماسكه ايده :لا
غياث يشد اكثر : ام لسان استحي على وجهچ
ليل بألم :اتركني
غياث تركها: لا تعيدينها
ليل ماسكت اذنها بألم أكبر :ليش ما اعيدها وانته گايل تموت عليهم ترى هين حچينا وهين طمرنا
غياث يسحب اللحاف :هاله عمرها ستطعش (16) سنه ومحيره لابن عمها
ليل بحيره :زين ليش تموت بيهم شسبب
غياث :محمد صديقي من الطفولة وامو عمتي ورجل عمتي يصير ابن عم ابويا
ليل بفضول :محمد وحيدهم
غياث :لاء عندو اخين يدرسون بروسيا وخمس خوات
ليل :الا امك ليش ما جابت غيرك
غياث :والله عمتچ تحب الإنتاج العالي الجودة تأخذ كل وگتها بالتربية
ليل صارت تضحك :موو سبب
غياث :شگد ناويه تخلفين عشره ولا خمسطعش (15)
ليل تحك كتفها :مع احترامي لكا بس وسؤالك غبي
غياث قرب منها لدرجة وجهه بوجهها :الحز سؤالي غبي وانتي عندج نيه تخلفين دسه
ليل توترت :لا ما عندي نيه اصلا مستحيل اكون ام حتى افكر بيهچ موضوع سخيف
غياث بهمس وخبث:يا حلوه مابي شيا مستحيل وثالثنا الشيطان
ليل بعدت عنه وبخوف:لا تتعدا حدودك معاي
غياث بنذاله قرب منها :إذا مشتهي تصيرين ام نخلف وامي موجودة تربينا
ليل تعطي ظهرها لغياث :ما اشتهي الأطفال وأكثرهم كره إذا انته مشتهي تصير اب روح تجوز وخلف وقلبي داعيلك محد ماسكك
غياث ما رد عليها غطها وتغطى
*****
ليل تضرب صبا :حقيره اتركيني
صبا تشد شعر ليل:موو أحقر منچ يا حيوانه
ليل ترفس صبا :انت الحيوانه اتركيني بس يجي غياث والله اعلم عليچ
صبا :هههه خوفتيني
فات عليهن وهو يشوف الوضع ليل فوق صبا وصبا ماسكه شعر ليل والمكياچ منثور على الكنبه والگاع:السلام عليكم
ليل بعدت عن صبا وگالوا:وعليكم السلام
صبا ابتسمت وهي تجمع مكياجها:اهلا وسهلا بيك نورت البيت
غياث يدحق على ليل باستغراب :النور نورچ ليش صوتچن طالع
ليل تمسح وجهها بالمحرمه:اسأل صبا خانم خمطت شعري (شدت)
غياث مسك ايد ليل :مكياجها ما يروح ثابت
صبا تغمز لغياث :غياث شرايك بالمكياج عليها يجنن
غياث يتأمل وجه ليل بالفل ميك اب :موو حلو ليل تعالي غسلي
ليل تمشي مع غياث وهي ماسكه ذراعه :مبكر اليوم
غياث :جايني ضيوف
ليل بخوف:لا يكون عمتك جايه
غياث فتح الماي :لا موو عمتي بس ناويه تجي تعطيچ چم درس
ليل بدأت تغسل وجهها :تانتحر هي مصره انها شافتني ووجهي مووو قريب عنها
غياث حطلها غسول وجه :تتوقعين وين شايفتچ
ليل تفرك وجهها وبحيره :ما ادري وين لأن ما اطلع على المناسبات ولا ليا خلطه بأهل الخفسه
غياث :اكيد شايفتچ عمتي تعرف كل اهل الخفسه
تغسل وجهها : اشلون ابوي
غياث :ابوچ زين ما شاء الله عليه
ليل خذت البشكيره من غياث :لا تضحك عليا الله يكون بعون الضغط والسكر هالكين يا سوديني الحز مين يعطي الدوا
غياث :والله زين لزم تصدقيني عمري چذبت عليچ
ليل تهز رأسها وبسخريه :لاء ما تچذب حيشاك بس تشوف مرتك الچبيره سلملي عليها
غياث علق البشكيره وخذا ليل قعدها: ام احمد يا ام احمد
جات ام احمد بسرعه :ها شيخ أمر
غياث :جهزي العشا الجماعه على وصول وحطي عشا لصبا وليل
ام احمد :أن شاء الله شيخ
وراحت
ليل بفضول: ضيوفك من الخفسه
غياث :لا جاين من تل اسود
ليل :الله يعينك كل يوم ضيوف
غياث گعد وهو يقلب بجواله :آمين انوب لا تخلين صبا تحطلچ مكياج
ليل :أصرت تحطلي وبعدين لزم انمي الثقه بيني وبينها
غياث يضحك :لا تثقين بابوچ اللى خلفچ
ليل لفت عليه :بالله لا يكون چانت مخبصه وچهي ومسويتني مهرج
غياث :لا والله صبا أرقى من أنها تخبص وجهچ
ليل ابتسمت :والله اختك مالها امان نتفت شعري لأن اريد امسح المكياج
غياث لف على ليل :مالي علاقه حلن مشاكلچن بعيد عني
ليل تركت على المركيه اللى بينهم :تحل مشاكل كل الناس الا اني وصبا مالك علاقه بينا
غياث خذا الحباسه من شعرها :اني شيخ موو داده ليچن
ليل بعصبيه :اترك شعري اشوي اختك اشوي انته
غياث يضحك وهو يجمع شعرها :انتبهي لا يطگ لچ شي عرق
ليل كتفت ادينها:ما يطگ عرقي
غياث :ليش ما يطگ
ليل تنهدت بحسره :ما تربيت على ايد نسوان
غياث : الوالده ايمت توفت
ليل تحول تتذكر: يمكن خمس سنين أو أقل
غياث حط الحباسه:عمرچ
ليل هزت رأسها
غياث ضمها :الله يرحمه ويغفر لها
ليل :آمين
غياث :لايكون ضيقتچ
ليل ابتسمت :لا متعوده وهذي سنة الحياة
غياث ابتسم :ليل الصابرة
ليل تبعد :صابرة عليكم
غياث وقف :صبصب صبا تعالي هين
صبا جات وبفرح:اني جيتك شتريد
غياث :رايح على المجلس قيسلي صبر ليل علينا
صبا گعدت بلط ليل :اجننها
غياث يغمز لصبا :ايدچ بيها
ليل وقفت ومسكت غياث بخوف :ما اگعد معها
صبا :احسن لا تگعدين ماني ميته عليچ
غياث : وين تگعدين
ليل :بغرفتنا
غياث يبعد عنها:تعشي وبعدين روحي
ليل :ما أريد
غياث بعدم أهتمام :لا تريدين نامي جوعانه
تركها وراح صبا تضحك :هههههههه قصف جبهتچ وراح
ليل گعدت :عادي
صبا گعدت بلط ليل :الا يا ليل انتي من وين
ليل بتوتر :ليش تسألين
صبا تدحق على ليل :هيچ مجرد فضول
ليل :غياث جابلچ الدندرمة(آيس كريم)
صبا :اي جابها وجاب معها شوكلاطة
ليل ابتسمت :ايش رايچ نتعالل سوا
صبا بستغراب:نتعالل اني وانتي
ليل تهز رأسها :ايوه اني وياچ ولا ما تردين
صبا :الا اريد نتعالل بس بالعادة ما ترضين
ليل : اليوم اريد
صبا ابتسمت :اوكي موافقة استاذنتي غياث
ليل :استأذن
صبا :اي تستاذنين من زلمتچ غياث ما اتوقع يرضى وهو جاي تعبان
ليل وقفت وهي تضحك على كلام صبت : انتي جهزي الأجواء واني جايه
تركت صبا وهي تعد الخطوات مثل ما علمها غياث تتوصل لقرفتها فتحت السكرتون وضلت تتلمس الهدوم اخيرا طلعت جينز وتيشرت غيرت بجامتها وگعدت على السرير تمشط شعرها ربطتو ذيل حصان وطلعت من القرفه ليل مسكت الباب ومدت رأسها :ممكن افوت
صبا ابتسمت ووقفت :اهلا وسهلا بيچ
مسكت ليل :يمه على الجسم
ليل تضحك :صل على النبي
صبا :عليه الصلاة والسلام غريبه لبست الجينز اليوم وطلعتي كل الفتنة
ليل تگعد وهي تضحك :مليت من البيجمات گلت اغير
صبا :بالحيل لبقلچ الجينز
ليل حطت رجل على رجل:من زمان ما لبست جينز
صبا تبزر بزر شمس حطت صحن ليل بحضن ليل :زبديتچ
وهم يأكلون صبا :شرايچ اشغل اغاني
ليل تبزر :لا كملي القصه
صبا :شكمل رجع لمرتو وانتها الموضوع
ليل تلعب بالبزر :غبيه متجوز مره وحده من قلت الزلم
صبا :ما اعرف تفكير مراهقة
ليل :بسراحه اني وگع گلبي لمن غياث گاللي انو متجوز
صبا تضحك :من قلت الزلم
ليل ضربت صبا :وجع بلا نذاله
صبا :يوجعچ الحز غياث گاليلچ متجوز
ليل تهز رأسها :اي بعد ما تجوزنا گال جنني
صبا تضحك :اي شصار شنو ردت فعلچ
ليل :والله خفت من مرته واني لا حول ولا قوة
صبا تضحك :والله انتي تخوفين بلد
ليل ابتسمت وهي تلعب بالبزر:احس اني سمنت بسببچ
صبا ترمي القشور بالگاع :يبوو من قصة الرشاقة اللى شاغلتچ طول اليوم
ليل :موو شاغلتني بس اني احب رشاقتي وموو مستعده اخرب جسمي
صبا :سوي مثل امي خلفي بس اثنين
ليل تبزر:اني وغياث موو مفكرين بالخلفه خالص
صبا استغربت :ليش موو فكرين ترى غياث شيخ وكل العيون عليه واساسا غياث يمووت الويلاد الزغار يفرفح گلبو من يشوفهم
ليل ترمي القشور على صبا :جوزي اخوچ اللى تجيبلو ويلاد
صبا تبعد القشور :يا غبيه انتقاصچ من نفسچ راح يخلي غياث ينتقصچ ويبعد عنچ ويدور غيرچ
ليل رفعت رأسها :خلي يدور غيري غياث كلو على بعضو ما يهمني واصلا اني اكره الأطفال بشكل فضيع يعو كانو موو ناقصني الا عجي يزردم عيشتي مع عمتو وابو
صبا ضربت ليل :حقيره شرف لچا تصيرين ام ويلاد غيوثي
ليل بألم :اني ما گلت بيكم عيب اني اگول اني م
صبا تقاطع ليل : يولي غياث موو اول ولا اخر زلمه يتجوز عميه كل إنسان بيو نقص وانتي امكانيتچ تجيب أكبر رأس
ليل حطت الزبديه على السرير :صبا شهالحچي صح الشيخ غياث ما اختارني ولا واحد مثله ليش يتجوز عميه ويبتلى بيها گال إمكانيات
صبا :ليل غياث يحبچ
ليل مسكت اللحاف بگوه ترص على وبعصبيه :لا موو صح غياث ما يحبني
غياث فتح الباب شاف ليل لبسه جينز ازرق وتيشرت ابيض ماسك على الجسم وحاطه رجل على رجل:شصاير هين
صبا تكمل تبزر :موو صاير شيا نتهرچ
غياث يدحق بالارضيه المليانه قشور بزر وقشور شوكلاطات :الضيوف بالملحق نايمين ليل يلا تأخر الوگت
ليل صدت:انته نام بعدين أجي
غياث فات وبگوة مسك ايدها وسحبها :قومي
ليل :آآه شبيك نحن مخططين نتعالل
غياث :مابي تعاليل صبا يلا نظفي المزبله ونامي
صبا وقفت تنظف سريرها من القشور والاغلفه:لا تعيب عليا
غياث :ما اعيب بس شكلي آخر زماني اصير داده لچن يا ربي صبرني
سحب ليل وطلع من غرفة صبا سكر الباب ودفش ليل على السرير ليل بألم تمسك زندها وبعصبيه:كسر ايدك انته بأي حق تعاملني هيچ ما اسمحلك تجرني مثل المعزه
غياث بعصببه أكبر وصياح :انتي بأي حق تغلطين علي چدام اختي وتهنين رجولتي أن شگلتلچ ما تفهمين
ليل نزلت راسها :تعبت من التمثيل جدام صبا والناس صارلي شهرين ونص اچذب واچذب اني ما عاد اقدر اتحمل
غياث بندم لأنه لمح دموعها :لا تبالغين انتي مرتي ما مثلتي ولا چذبتي انت تعبانا نفسيا ولزم ترتاحين
ليل :لا موو تعبانه عيش حياتك لا تفكر بشيا غير مصلحتك لا تحملني ذنبك
غياث وكرز چدامها و مسك ايدها : ليل ذنب ايش انتي مرتي
وباس ايدينها
ليل سحبت ايدها وبعصبيه :لا تگول مرتك ترى لعبت نفسي على قد ما تگول مرتي
غياث خذا نفس :مرتي غصب عنچ وبعدين انتي راح تتعاقبي على حجيچ عني ورا ظهري
اندق الباب غياث گعد بلط ليل :فوتي
فتحت الباب :اسفه على المقاطعه
ليل رفعت رأسها :صبا تفضلي
صبا لسى مسكه الباب :غياث بثلي نت اريد ارسل امي وابويا
غياث ابتسم وطلع الجوال من الجيب :هاچ خلي عندچ أن شاء الله من أفضى اجدد الاشتراك
صبا ابتسمت وخذت جوال غياث :شكرا يا احلى اخ بالدنيا
باست راسه وطلعت غياث وقف وفتح السكرتون
ليل :ترى اني ما حجيت شيا لصبا
غياث اختار بيجامه سودا وهو يغير :تعشيتي
ليل تلعب بشعرها:اي تعشيت الحمدلله
غياث يلبس القميص :شنو العشا اليوم
ليل رفعت كتوفها:ما اعرف اني چليت شوكلاطه وبزر شمس ودندرمة مع صبا
غياث وقف چدام المرايا يحط كريم :يبوو هذنا كلهن مضرات بالصحه
ليل تضحك :ما يضرن اساسا ما كملت
غياث لف عليها :إذا جوعانه اجيبلچ عشا
ليل :لا موو جوعانه چبت تقلي الماي
غياث :لا والله الحز اجيبو
غياث راح يجيب الماي ليل بلمل تتافاف:شبيچ تتافافين
ليل :اتاخرت
غياث صبلها كاست ماي :مريت على صبا
ليل خذت الكأسه :يعطيك العافيه ان شاء الله بفرحتك
غياث حط التقلي بلطها :وگت المايه تصيرين شطوره
ليل خلصت الكأس :اني شطوره من زمان
غياث رجع صبلها :دخيل الشاطر اني
****
غياث ماسك ايد ليل يقص اظافرها:غياث انته شتشتقل
غياث :مدير
ليل بسهزاء :مدير ايش لا تگولي مدرسه
غياث يكمل قص:مدير معمل وشغلي الإضافي مترجم
ليل ابتسمت :انته تترجم
غياث :اي اترجم ليش لا عندي ثلاث لغات وبعد فترة أدوم
ليل :ما شاء الله الله يحفظك من العين
غياث:ويحفظچ
ليل :وين راح تدوم
غياث ابتسم :بالجامعه
ليل متفاجه :ليش اشگد عمرك
غياث مسك ايدها الثانيه :گدج
ليل :تدري اني اكره اقص اظافري
غياث :شوهتي ايديني باظافرچ
ليل اشرت على حالها :اني
غياث :لا اني بي حدا غيرچ
ليل :بي خيتك الحبيبة أظافرها أطول من حياتي
غياث سحب رجلها لحضنه :خيتي الحبيبة يوما تبرد أظافرها ايدها تفتح النفس
ليل رفعت ايدها بوجه غياث :ايدي تسد النفس
غياث :رطبي ايدچ بعدين اسألي
ليل نزلت ايدها وهي خجلانه غياث كمل قص اندق الباب :صبصب فوتي
فاتت :فاضين
ليل بنذاله :لا
صبا ابتسمت :غيوثي تعال اگعد معاي
غياث ترك رجلها ومسك الثانيه :الحز اجي
صبا گعدت بلط غياث :نيال ليل بيك الكل يحسد ليل عليك
غياث ابتسم :عالم ما تقدر النعمه اللى عدها
ليل : ترى لسع ما سامحتك مشان تصير نعمه
غياث :مين گال اني احس بالذنب تتسامحيني
صبا :اسراركم والحچي المشفر ما يخلص
غياث ترك رجلها وجمع الاظافر :لا اسرأر ولا شئ
صبا وگفت :استناكم بالصالون
غياث كب (رمى) الأظافر حط القصاص مكانها ومسك جواله :اسبقوني
ليل تمددت :اني نعسانه
صبا طلعت غياث حط السماعات وگعد على الكرسي :الو السلام عليكم يا نور عيني
ابتسم : الحمدلله زين وانتي اشلونچ
صار يضحك :لا موو نايمين صبا تستناني .... أن شاء الله يوصل... تعشينا مقالي... على قلبك.....اوكي حبيبتي الحز اروحها .... وانتي من اهل الخير
سكر ووقف :ليل
ليل :هممم
غياث قرب :امي تسلم عليچ
ليل ببرود :الله يسلمك ويسلمها
*****
غياث رايح راجع بالبيت
اول ما طلع غياث بفضول :هذا اشبي اليوم يحوص ما گعد
صبا تقلب بالقنوات :غياث من يأكل حلويات وسكريات چثير يصير هيچ
غياث رجع مع قميصه السماوي :صبصب تعالي اكوي قميصي مجعلك
صبا لفت على غياث وبكذب:موو حلو البس غيرو
ليل تنكش صبا :قومي اكوي القميص احسنلچ
صبا بألم :ماني قايمه اكوي انتي إذا تگدرين
ليل قامت :يا ريت اقدر چنت خدمت الشيخ بعيوني
غياث قرب منها :تسلم عيونچ ما عليش اللبس قيرو
ليل مسكت ذراع غياث:خليها تشبع دلل ببيت ابوها باجر نشوف شطرتها ببيت رجلها
صبا صارت تضحك :ما تگدرين تشوفين
غياث طلع مع ليل :ترها ما تقصد
ليل ابتسمت :ادري الله يبعثلها ابن الحلال
غياث :هذي وينها ووين الجيزه
ليل : حرام عليك الشيخه صبا الف مين يتمناها
غياث سكر الباب :اللى يريدونها چثير بس صبا ما تتحمل المسؤولية الله يصلحها
******
غياث مر على صبا :صبصب
صبا بتركيز على المسلسل :طالع
غياث :ايوه انتبهي على ليل
صبا :ليل بعيوني لا تشغل بالك
غياث :تريدين اجيبلچ شئ واني راجع
صبا لفت عليه :انته كريم واني اختك الوحيده اللى تستاهل
غياث يضحك :وهذا اللى مصبرني عليچ شسوي اختي الوحيده اللى مالي قيرها
صبا :مالك قيري وليوله وين راحت
غياث يخرب شعرها :ليوله المره وانت اختي دلوعتي الزغيرونه
صبا شاقه الابتسامه
غياث طلع صبا حست بالملل طفت التلفزيون شالت الصينيه على المطبخ حطتها بالمغسلة وراحت على ليل فاتت :ليل
ليل رفعت رأسها :انتهى المسلسل
صبا تسكر الباب :من زمان اشبيچ
ليل ضمت المخده :مابي شئ
صبا گعدت بلط ليل ومسكت ايد ليل
:اتكونتم (تزعلاتم)
ليل تهز رأسها بالنفي :لا
صبا :ليل انتي زعلانه من على كلمة ما تشوفين
ليل ابتسمت وبانكسار :لا والله ماني زعلانه بس الشوق يوجع القلب
صبا ضمت ليل وباست رأسها :لا تزعلين أن شاء الله ربچ يفرجها عليچ
ليل دموعها رجعت تنزل :شوقي ليهم كأنه الشوق للميت اللى ما يرجع لو انزل كل الدموع ما يرجعولي
صبا تمسح على ظهر ليل :لا تفقدين الأمل ربچ كريم
ليل تدفن وجهها بكتف صبا وتشهق:صبا مابي امل صارو حسره بگلبي
صبا بفضول :ليل شقصتچ مع اهلچ ليش متقاطعين
ليل بعدت عنها وهي تمسح وجهها:صبا اني نعسانه وأريد انام
صبا وقفت:على راحتچ لا تحچين إذا تريدين شيا اني بقرفتي
ليل ظلت ساكته
اما عند غياث يشرب گهوة ويراسل امو :شيخ ايمت خالي وخالتي يرجعون
غياث :حاليا مطولين
محمد :ليهم ست شهور والله طولم بالحيل
غياث مسك الفنجال :تتخلص الشيخه ام غياث مشروع خالي يرجعون
محمد :يرجعون بالسلامه
غياث :الله يسلمك حميد شخبار الخفسه
حميد :على حالها باجراربعاء تجي على البيزار (معرض للبيع والشراء يقام بالخفسه كل أسبوع بيوم الاربعاء)
غياث :شيجبني على البيزار ام احمد هي التعرف شنو لزم للبيت وشنو مووو لزم
حميد :تعال تغير جو معانا
محمد :اني موو جاي ابوي يريدني اروح معه على منبج
غياث وقف :يلا تصبحون على خير
حميد :وين لسع وگت
غياث :لا وگت ولا شي اشوفكم على خير
محمد وحميد :أن شاء الله
غياث طلع محمد خذا جوال اهنيو :تصبح على خير
حميد رفع ايدو وببرود :وانته من اهل الخير
محمد طلع ورا غياث استغرب :ليش طلعت
محمد :وصلني على البيت
غياث :تامر امر
محمد مسك باب السيارة :ما يأمر عليك ظالم
غياث بشك حرك السيارة وبعد سكوت طال :ابن عمتي اشبيك اليوم موو على بعضك
ظل ساكت غياث :يوال اشبيك بق البحصه
محمد بتردد :غياث اممم مرتك هي نفسها ليل بنت عشيرة ال....
غياث وگف السيارة و ظل ساكت
محمد بعصبيه :غياث انته مجنون ولك اشلون ورطت حالك بمصيبه مع عشيرتهم يوال من قلة النسوان رحت وخطفت بنتهم اخوتها السته ما راح يبرد دمهم
انتهى الفصل اتمنى اشوف ردودكم ورايكم ب اللهجه والاحداث
تحياتي للجميع

رد: ليل الخفسه

الفصل الرابع جننتني
ليل غرگانه بالأفكار فكره توديها وفكره تجيبها ابتسمت وهي تسمع صوت خطوات وتشم عطره اللى يطغى على أي مكان يفوته :تأخرت
غياث انحنى وضمها من ورا :لا ما تأخرت بس لانچ ما تسوين شيا تحسين الوگت طويل
ليل ابتسمت:شسوي مثلنا
غياث وگفها :والله ما ادري
ليل تمشي مع غياث :شيخ تعبان
غياث :لا موو تعبان وانتي
ليل :ابدا شيتعبني عادي نتعالل سوا
غياث وگف :اي عادي ليش لا
ليل ابتسمت :امشي على المطبخ
غياث خذها على المطبخ :شتاكلين
ليل :سوي كابتشينو
غياث ابتسم وشغل غلية الماي:اني اسالچ شتاكلين معاي
ليل ترجع شعرها ورا اذنها : ولا شئ
غياث فتح البراد :بي تمر تاكلين
ليل :لا
غياث طلع التمر والمشبك :تعشينا اليوم بوگت لزم تكونين جعتي
ليل :ما جعت
غياث :بي قرص مشبك تاكلين معاي
ليل نزلت راسها غضت شفتها مشان ما تضحك غياث يحط بصحن مشبك :الشيخه تسلم عليچ
ليل رفعت رأسها :الله يسلمك ويسلمها بلا المشبك الحز الوگت تأخر
غياث :لا تأخر ولا شئ
ليل ابتسمت :على راحتك
غياث بعد سكوت وهو يسوط(يحرك) الكابتشينو :وين تحبين نگعد
ليل وقفت :اريد نطلع برا اليوم ما طلعتني
غياث شال الصينيه ومسك ايدها حط الصينيه وگعدها وگعد بلطها
ليل :ليش ساكت
غياث حط ذراعه على كتوفها :الجو زين اليوم
ليل :الليل احيانا يخوفني
غياث :طول ما إني عايش و ما متت لا تخافين
ليل حطت رأسها على كتف غياث :بعيد الشر عنك الله يديمك لنا وما يحرمنا منك
غياث بأس رأسها :ولا يحرمني منچ
ليل بعد سكوت رفعت رأسها :شكلك موو ناوي تاكل ولا ناوي تسولف معي
غياث أعطاها كاسها :شسولف معاچ
ليل ابتسمت وهي تشم ريحت الكابتشينو :اللى تريده ترى اني احب النقاش الجدي
غياث وهو يأكل مشبك وبفضول :انتي دارسه لأي صف
ليل شربت :لأي صف تتوقع
غياث قرب قطعة المشبك من شفيفها :اممم ما ادري لأن اللى اشوفه همچ الوحيد جسمچ
ليل وهي تاكل :ههههههه لا جسمي موو همي الوحيد اني ممرضه من جديد تخرجت من المعهد
غياث :تمزحين انتي ممرضه
ليل :والله ممرضه (مزح) چان نفسي ادرس بمعهد العالي للفنون المسرحية بس اخوتي ما يقبلون اصير ممثله
غياث ابتسم :يا حرام عليهم ظلموچ
ليل : اي بالحيل
غياث :من كل عقلچ فكرتي تصيرين ممثله
ليل تركت الكأس :لا ما گلت لمثقال اني اريد اصير ممثله بس گلتلوا اريد اكمل تعليمي وهو أقترح على التمريض امشان ابويا وانته دارس
غياث :اني دكتور بالأدب فرنسي
ليل مسكت الكأس :وتارك الأدب الفرنسي وقاعد تشتقل بالعمل
غياث يأكل :لا موو تارك اني ترجمة حولي خمسين كتاب بين العربي والفرنسي وبس تفتح الجامعه ادرس بيها
ليل :عيني عليك بارده
غياث :بسم الله عليا من عينچ الحاره ههههههههه
ليل ضمت ذراعه وشبكت اصبعها باصبع غياث :لا تخاف ما أصيب بالعين واخر همي التعليم
غياث : (گال جمله بالفرنسي)
ليل :شگلت
غياث يشرب :اسبچ بالفرنسي
ليل :سب بالعربي
غياث :الفرنسي أحسن مشان ما تفهمين
ليل :كل شئ مقبول منك لطالما ما تجيب سيرة أهلي
غياث شد على ايده : تتعلمين فرنسي
ليل : ما فلحت بالانقليزي تافلح بالفرسوي
غياث يضحك :يولي طلعتي كسلانه شلون طلعتي من البكالوريا
ليل تضحك :موو كسلانه اني بعمري ما رسبت
غياث يشرب:اني احب المره تكون مثقفه
ليل :تريدها نفس مستوى تعليمك
غياث:الثقافه موو بالشهادات صبا الحز ما ترضى تدرس جامعه بس انسانه مثقفه ما امل منها لمن تحچيلي عن شئ
ليل تتثوب : صح صبصب تسحر الواحد بكلامها
غياث يمسح على شعرها :نعسانه
ليل بعدت راسها عن غياث :يعني
غياث يجمع الأغراض بالصينية :قومي ننام
***
ليل :صبا
صبا ما ردت ليل بملل:ترسلين عمتي
صبا تكتب :لا
ليل بفضول :طيب ترسلين منو
صبا :روحي غيري ومشطي ساعه ويوصل غياث
ليل :الظهر غيرت
صبا وعيونها بالجوال:لزم تلبسين وتغيرين شكل
ليل :مالي نفس
صبا بعد سكوت طال :ليل بيجمتچ موو حلوه
ليل :تمزحين
صبا :لا ما امزح گوم غيري الهدوم (الملابس) الله ما كثرهن
ليل تتمرخ (تتمغط) :ياغنمه عندي كلو مثل بعض
صبا وقفت ليل :تعالي
ليل گامت معاها :وين
صبا تسحب ليل :على قرفتي
ليل وهي گاعده على التخت:تدورين على شنو
صبا ابتسمت :لقيتو
حطت الفستان بأيد ليل :قيسي الفستان
ليل ابتسمت :انتي فاضيه
صبا :قومي جربي ما تخسرين شئ
ليل وگفت :غمضي عيونچ
صبا تراسل :موو شايفتچ غيري
ليل رمت القميص والبيجمه ولبست الفستان وهي تبت الفستان:يا مجنونه هذا گصير
صبا ابتسمت :يابوو يجنن على جسمچ
ليل تسكر السحاب :يولي وين تلبسين هيچ فستان يخرب بيتچ
صبا :جاني هدية من خطيبة خالي
ليل ابتسمت :چنت اشوف هذي الفساتين بالتلفزيون والنت
صبا وگفت ورا ليل وفكت شعر ليل :احطلچ مكياج
ليل تسوي شعرها :ههههههههههه
صبا ضربت كتف ليل : تضحكين مثل ضحكت عنز على باب المسلخ
ليل بغرور :تخيلت شكلي على الفستان
صبا گعدت ليل :خليني احطلچ كحل ومسكره وحمره
ليل :يلا بسرعه قبل ما يجي الشيخ
صبا تحط الكحل :ههههه اللى يسمعچ يقول هذي المره الصالحه بس من يجي الشيخ تجلطينو بدلعچ كل شيا (تقلد ليل) ماريد
ليل ترمش وبدلع يحر ووقاحه:اني ثقيله موو مثلچ خفيفه
صبا فتحت المسكر :والله يا مرت اخويا خليت الثقل لجا
ليل ظلت ساكته صبا فتحت كاميرا جوالها وصورة ليل
:ليل وگفي ورافعي راسچ
ليل سوت مثل ما قالت صبا :مشان ايش
صبا عدلت شعر ليل وصورتها انوب :موو مشان شيا
ليل تحول تمسك السحاب:صدي اريد اغير
صبا :ليش تغيرين وغياث
ليل :يا حيوانه هذا إغراء علني إذا شافني يفهمني غلط
صبا شافت غياث عند الباب ابتسمت :شافچ وخلص
ليل تضحك وهي تجمع شعرها على چتفها:بايخه هاتي البيجمه لا يجي ويشوفني ووگتها اذبحچ
صبا :اذبحني اصلا جبتيلي الجلطه يا همجيه الله يعين غياث عليچ يا معقده
ليل لفت على صبا:تصدگين انتي وگحه موو ناقص اللى تجيبلي تفريعه (قميص نوم)
صبا :گولي لغياث يجيبلچ
ليل تتمصخر على صبا :لا انت جيبي نسويها مفاجئة
غياث گعد على السرير وغمز لصبا :أوصي ماما علي تجبه من فرنسا اكيد غياث راح يفرح بالتطور الحضاري على مرتوا الهمجية
ليل فتحت السحاب :ولچ عيب عليچ اني بعمري ما فكرت احچي مع نسوان اخوتي هيچ واساسا التفرعات النوم عمرها ما چانت من مظاهر التحضر اني بدون شيا اطير العقل على گولتچ إمكانيات تجيب أكبر راس
صبا حست بالاحراج فانسحبت وسكرت الباب وراها
ليل بعصبيه :اووف منها الحماره نهزمت
رجعت على السرير تتلمس السرير تدور على البيجمه لمست غياث شهقت وتعدلت بصدمه غياث حط البيجمه بحضنها
ليل وهي ألوان وبخجل صدت عن غياث :أطلع برا
غياث وگف دحق عليها بصمت
ليل :اشبيك اگولك اطلع
غياث طلع و راح يغسل رجع على القرفه لقى ليل گاعده على السرير
سكر الباب بعد ما لبس :صبا تستنانا على العشا
غياث يشيك على شكلو بالمرايا :اني معزوم على العشا
ليل وگفت :الله معاك
وطلعت من الغرفه :بس يروح نتحاسب
صبا تشوف ليل بالبيجمه :نتحاسب على ايش شسويت اني
ليل گعدت على أقرب كنبه :غبيه
صبا شافت غياث :موو اغبى منچ غيوثي وين رايح
غياث قرب من صبا :على محمد
صبا :خليك نتعشا سوى وبعدين روح
غياث مسح على شعر صبا :شبعان سكري الباب زين
صبا :أن شاء الله لا تتأخر علينا
غياث ابتسم لصبا :أن شاء الله
وطلع ليل :راح
صبا :لا هين
ليل بعبوس:سخيفه ما اگول الا الله يسامحچ
صبا :ليل اني ما سويت شئ اني بس اريد اساعدكم
ليل بزعل :تساعدينا بشنو
صبا وگفت وگعدت بلط ليل :ليل ترى غياث زلمه حالو حال اي زلمه بالعالم يريد مره تملي عيونو حتين لو هو ما طلب منچ هو يريد منچ تبادين لانو يراعي وضعچ
ليل دموعها تجمعت بعيونها :صبا انت ما تعرفين شنو بينا اني وغياث اللى بينا أكبر من اللى يبين ليكم
صبا :اني موو غبيه ادري انكم متجوزين بس مظهر اني اللى اعيش معاكم واعرف شيصير بينكم
ليل تمسح دموعها :صبا اني تعبانه
صبا ضمت ليل وباست خدها :ليل اني اسفه سامحيني
ليل صارت تبكي بصوت عالي بالحيل وضمت صبا
رجع غياث بوگت متأخر
ما شاف حدا بالصالون راح على غرفة صبا وهو يسمع اغنية يا ناس فات شافهم على السرير وصبا قاعده تاكل دندرمة وليل راسه بحضن صبا و تلعب بشعرها غياث طفى سماعة تكبير الصوت :صباح الخير
صبا وليل :صباح النور
ليل تعدلت صبا:وينك تأخرت
غياث بهدوء :صبا الزمي حدچ
صبا :ما گلت شئ انشغل بالنا عليك
مسك ايد ليل :يلا ليل على النوم
ليل وقفت معاه :ليل بس تگعدين الصبح گعدين معاچ نفطر سوا
غياث :انتي نامي وبعدين فكري ايمت تگعدين تفطرين
صبا تركت الصحن:ليله سعيده
غياث :صبصب نامي
صبا تبعد اللحاف:طفي الضو
غياث طفى الضو وسكرلها الباب ليل :اريد اروح على الحمام
غياث وصلها للباب :لا تتاخرين اريد اغسل
ليل سكرت الباب بگوه بوجه غياث
غياث رمش بصدمه(شبيها هذي) راح على القرفه حط مفاتيح والجوال والجزدان وخذا البرنص فاتت ليل وگعدت مكانها
غياث بعد ما غسل لبس وگعد عند ليل :مابي نعيما
فتحت عيونها :لا مابي ولا تحچي معاي
غياث يقلد ليل :مرتي اني المفروض ازعل منچ
ليل :موو من حقك تزعل اني اللى حقي ازعل منك وحقي ما اسامحك وحقي اغير نضرتي بيك واعيد حساباتي معاك
غياث مسك ادينها :ليوله الحلوه يا مرتي شنو اللى يرضيچ تتسامحيني
ليل تحول تسحب ادينها وبعصبيه :غياث اتركني ولا تظل تگول مرتك اني موو مرتك انته مالك شيا عندي
غياث :خلاص خلاص موو مرتي لا تعصبين اني ما أريد منچ شيا
ليل سحبت أيدينا :ليل لا تبچين
ضمها :بس بس والله الموضوع ما يستاهل
ليل بهدوء :اتركني
غياث تمدد وضمها لصدرو :ما اتركچ يلا نامي وانسي اللى صار
ليل :ما انسى اني مأمنه بيك على بالي انك تعرف حدودك
غياث : اني ما تعديت حدودي ولا اغلطت بش معاچ
ليل بهمس :بردانه غطيني
سحب اللحاف عليهم ليل ضمت غياث أكثر غياث (يا ربي شسوي بيها هالبنيه ما ترحم) :دفيتي
ليل :يعني
غياث :يخرب بيت اهلچ جننتني موو غلطان واترجاچ تسامحني
ليل :اهلي ما عدهم بيت كل أخ مع مرتو وما شال ابوي الا مثقال
غياث :الله يبارك بي لو يصير عندي ابن مثل مثقال ماريد شيا من الدنيا
ليل : مثقال مابي منو هو الوحيد اللى چان يصرف علي بعمر ما قصر علي يجيب ليا كل شئ بدون ما اطلب
غياث :كانو عصبي بالحيل
ليل رفعت حالها عنو:شفت اخويا مثقال
غياث :ايوه
ليل بتوتر ممزوج بالفرح والخوف :وين شفتو شصار بينكم
غياث ماسك حالو لا يضحك :ليل نامي
ليل :الله يخليك احچيلي اوعدك انام على طول
غياث بحده أعطاها ظهرو :ليل ولا كلمه اريد انام
*****
صبا ببرود :ليل
ليل لفت عليها:شگال غياث البارح
ليل :ما گال شئ
صبا :چذابه
ليل :لسع زعلانه منو
صبا تضحك ليل :وجع لا تضحكين
صبا لسع تضحك :المفروض تنقلب الأمور وتعيشون ليله من العمر
ليل تضحك :بجد انت قليلة ادب
صبا زاد ضحكها فاتت ام احمد :صبا
صبا دحقت عليها :ها ام احمد
ام احمد :شسويلچن على الغدا
ليل :هذي المره اني اختار
صبا :اختاري شمشتهي
ليل :من البارح نفسي اكل شئ حامض بي ملوخيه
ام احمد بفضول وشك:شيخه ليل غايبه عنچ
صبا بغباء :مين هذي الغايبه
ليل رفست صبا :بي بالبيت ولا ما بي
أم أحمد :لا والله ما عدنا بس الحز أدق على عمتي ام محمد تدزلنا طبخه
ليل :لا لا يستر على عرضچ لا تسوين فضيحه إذا بي بقدونس سويلنا صحن عجه مع شنينه (لبن) وليمون
صبا :اني اريد باستا
ام محمد :من عيوني ساعه ويصير الغدا
طلعت صبا :حقيره ليش ترفسيني
ليل ابتسمت :موو أحقر منچ فهمنا كل شئ بالدنيا وتنهبلين چدام ام احمد
صبا :ما فهمت فهميني
ليل تغطي صبا معها بالبطانية:اندفسي
صبا غمضت عيونها :بس اگعد تحچيلي
ليل تسترخي :يصير خير
****
ليل گعدت بلط غياث :اني شسويت لك من البارح زعلان مني
غياث بعصبيه :تعرفين ليش زعلان
ليل :اووف منك الهاتف چان بلطي ورديت ما كفرت
غياث :محد طالب منچ تردين
(ليل ردت على الهاتف والمتصل قليل ادب لزق يريد يتعرف وكل اشوي يدق)
ليل :طيب ليش
غياث وگف وبصوت عالي :سكري على الموضوع
ليل تسمع خطوات غياث :وين رايح
غياث :على جهنم الحمرا
ليل وقفت وضمت غياث من ورا :لا تروح
غياث :ليل ابعدي عني
ليل ابتسمت :اسفه
غياث بعدها :اضحكي احسن
ليل ضمت غياث :سامحني والله ما اعيدها
غياث :ما تعيدينها
ليل زادت ابتسامتها :والله العظيم ما اعيدها
غياث مسك اذنها : من هين يفوت الحچي ومن اهناك يطلع مابي فايدة
ليل تضحك :والله موو غلطانه
غياث شد على اذنها :الا غلطانه
ليل بألم :آآه اني حلفت
غياث :تعيدينها
ليل :لا خلاص لا تصير لئيم والله ازعل منك
غياث :بوسي خدي
ليل مسكت وجه غياث وباست خده :رضيت
غياث باسها وبهمس :لا ما رضيت
ليل ضربت كتف غياث وبعدت
غياث ضمها لصدره وهو يضحك :ابعد عني
غياث:ما أبعد كيفي مرتي
ليل :موو مرتك
غياث :الا مرتي لو عندي هويتچ چنت طلعت دفتر العايلة
ليل مسك ايد غياث اللى على خصرها :رحمه من الله انك ما تقدر توصل لهويتي
غياث بأس خدها وبحب :احبچ
ليل وهي تحول تفك حالها من غياث:انته شگد تحب الاحضان
غياث يزيد بالضمه :عندي نقص حنان
ليل :غياث شگد عمرك
غياث :شتريدين بعمري
ليل :فضول
غياث باس كتفها :ثلاثيني جاد
ليل تضحك :شدخل جاد
غياث :الشات علمني اگولها
ليل :طلعت من جماعة الشات على بالي عاقل
غياث :استخدمتي الشات من قبل
ليل :لا بس مثقال بالمراهقه چان يستخدم الشات ههههههههههه اتوقع انقرضوا جماعة الشات
غياث يضحك :صحيح عمتي اليوم دقت علي وعزمتنا على الغدا
ليل لفت عليه :بجد عزمتنا
غياث :اي وعلى الغدا
ليل :تتحداني انها مسويه ملوخيه
غياث :مستحيل تسويها ما احبها
ليل :تتحداني ولا لا
غياث :طيب اتحداچ بس على شنو
ليل :على سلسالي الذهب ترجعو ليا
غياث ظل ساكت وگعد
ليل بصدمه :غياث لا يكون موو معاك سلسالي
غياث :لا موو معاي
ليل عيونها لمعت :وين راح
غياث :ما اعرف
اندق الباب غياث :فوتي
صبا فاتت :غياث ابوي يگول عمتي عزمتنا ليش ما گلتلي
غياث فتح جوال:اي معزومين شوفيلنا شنو راح تلبس ليل
ليل گعدت :ماريد اروح على مكان
صبا گعدت بلط ليل :يا ليوله الحلوه ليش ما تريدين تروحين
ليل غطت وجهها :ماريد لا تدخلين
بعد سكوت غياث خذا نفس :ليل لا تزعلين بس اروح على حلب اشتريچ قيرو
ليل وتبچي :مابي شيا بالكون يعوضني عنو هدية مثقال
غياث وقف :لو غالي عليچ ما چنت نسيتي شهور
ليل وايدها على رقبتها بضيق:ما نسيتو اني متأكده كل غراضي انته استلمتهن
صبا بفضول:تحچون عن شنو
ليل :سلسالي
صبا ابتسمت :اني ما شفت عندچ سلسال
غياث فتح السكرتون ونزل صندوق كرتون اسود من أعلى رف فتح الصندوق وطلع السلسال رجع الصندوق وسكر السكرتون :صبا اطلعي
صبا أعطت ليل محارم وطلعت غياث قرب وگعد ورا ليل بعد شعرها وحط السلسال على رقبتها ليل لمست السلسال سكر القفل : إذا عمتي موو طابخه ملوخيه راح ارجع اخذو
وباس كتفها ليل تمسح وجهها من الدموع : الا طابخه ملوخيه وخامضه
غياث وقف ليل :يلا نطلع لا تشكينا صبا لأمي وابوي
ليل تمشي معاه :هي اللى صايره ما تقعد معنا همها الجوال
غياث ابتسم :لو تشوفين چنت صرتي مثلها
ليل :لا والله ما چنت مثل صبا لمن چان عندي جوال
صبا :رضت الخانم
ليل گعدها غياث :الشيخ ما يصبر على زعلي
غياث يصب ماي :بالله احلفي
ليل ترمش :والله ما تتحمل
صبا تعدل گعدتها:موو قصة ما يتحمل قصة حنون ما يعرف يجرح
غياث أعطى ليل الكأس وگعد بلطها :شراح تلبسين ليل
صبا :مثلي
غياث :لا شنو مثلچ ناگصني
ليل تضحك :تصدقين اخوي عماد ابو الضراير بالمناسبات يلبس الثلاثة مثل بعض
غياث يضحك :ما شاء الله عدل
صبا بصدمه:متجوز ثلاثه
ليل :يدور على الرابعه حولچ عروس
صبا رفست ليل :غياث سكت مرتك
ليل بمزح :آآه غياث شوف اختك تصگ مثل الحصان
غياث رمى علبة المحارم على صبا :خلاص انت ويها خلونا نعرف نگعد ساعة زمان
صبا وگفت :تشرب چاي ولا گهوة
غياث :گهوة
ليل بنذاله:چاي وكعك
صبا :غياث گال گهوة
غياث :خلاص كلنا چاي وكعك
صبا :الدنيا دواره
وراحت غياث :لا يكون زعلتي منها
ليل حطت رأسها على كتف غياث :لا ما ازعل منها
ثاني يوم الساعه تسعه غياث يمسح نظارته :ليل مثل ما فهمتچ لا تسولفين چثير واذا حدا سالچ اشلون تجاوزنا گولي بينا قصه حب
ليل :والله ما اگول عيب
غياث قرب منها :لا موو عيب الحب لا حرام ولا عيب حبينا بعضنا وتجوزنا فهمتي
ليل :لاء
غياث ضرب رأسها بخفه ولبسها النظارات :راسچ يابس
ليل :راح اگلهم انته تمووت علي ومغصوبه بيك
غياث بزعل :معليش بسيطه
صبا طلعت
غياث مسك ايد ليل :مشينا
صبا مسكت ايد غياث الثانية :غيوثي تنزلني على الدكان
غياث :لا مابي دكاكين من عند الصبح
صبا :طيب انته انزل
غياث :ولا انزل اني مشغول
صبا :بشنو مشغول
غياث ترك ايدها وفتح الباب الجدامي لليل :ليل اركبي
ليل ركبت وصبا ركبت ورا
غياث شغل السيارة وهما بالطريق :غياث اريد اسبرين
غياث :ليش
ليل تثوبت :احس بألم
غياث :وين يوجعچ
ليل :راسي قلة نوم
غياث ابتسم وهو يمسك ايد ليل :بس نوصل أنزلكم وراوح اجيب
صبا :يا سلام واني بنت البطه السودا
ليل مسكت حالها لا تضحك غياث :امي الشگره الحمرا صارت بطه سودا
صبا :لا تعلق والله اعلم ماما عليك
غياث شغل المسجلة :علميها علي
صف چدام بيت أهل محمد :صبصب نزلي ليل معاچ
صبا نزلت ليل دقت الباب :يلا يلا جاي
فتح الباب وهو يدحق على غياث اللى لسع واقف
Bonjour ابتسمت :محمد
بعد عن الباب :
صبا خانم Bonjour
صبا مسكت ايد ليل :ليل فوتي
ليل فاتت مع صبا محمد سكر الباب :اهلا وسهلا تفضلن
فوتهن على المجلس :امي راحت على حبابتي ببيت عمي بليل مخطره عليهم اشوي وترجع
صبا رمت ليل النظارات :سلامتها اشلونك
محمد شغل التلفزيون :الحمدلله زين وانتي
صبا ابتسمت :بخير الا وين اختك هاله
محمد گعد بعيد عنهن :هاله بالمدرسة
صبا :ليل شفتي هذا محمد كل فضايح غياث عندو
ليل ساكته
صبا :تشربين ماي
صبا قامت تجيب لليل كأس مايه
محمد يدحق على ليل :لا يكون خرسه
ليل رفعت راسه
محمد ابتسم :واني اگول بين وبين حالي ليش غياث ورط حالو مع ال... طلع اخوي شايفچ وموو مصدگ
ما ردت محمد صار يضحك :لو بيچ ذرة شرف ما چنتي ورطي غياث بهاللعبة القذره
ليل :ألزم حدك لاني ما سألتك عن رأيك
صبا فاتت وأعطت ليل الماي
محمد وگف :الله يعينك يا غياث
صبا :على ايش
محمد :على مرتو العميه
ليل بضيق :صبا دقي على غياث
محمد:يا عميه اسمو الشيخ غياث لا تاخذين أكبر من قيمتچ
ليل :اعرف زين قيمتي عن غياث فاكرمنا بسكوتك
محمد صار يضحك صبا بعصبيه :محمد عيب عليك
محمد :لا عيب ولا شئ هذي وحده فلتانه
صبا شهقت :ترك تحچي عن مرت غياث
صبا طلعت جوالها ودقت على غياث
ليل حركت رأسها وابتسمت :ما أنزل حالي لمستواك يا حيف ما ادري غياث اشلون يعز اشكالك
اندق الباب محمد راح يفتح
صبا :ليل غياث مارد يمكن هوا اللى جا
فاتت ام محمد :يا اهلا وسهلا باللى جانا نور البيت بصبا حبيبت عمتها
صبا ضمت عمتها بعد ما سلمت صبا ليل وگفت ام محمد
صافحت ليل :يا هلا بمرت الشيخ شلونچ
ليل :الحمدلله زينه انت اشلونچ اشلون صحتچ
ام محمد گعدت ليل وگعدت :الحمدلله بشوفكم صرت بخير
ليل :سلامة الحجه ما تشوف
شر
ام محمد :يا بنتي الله يسلمچ ويخليچ
ليل ابتسمت ومدت كاست الماي :عمه اشربي ماي
ام محمد خذت الكأس :يعطيچ العافيه
ليل :الله يعافيچ
صبا لفت على محمد اللى يتابع بصمت وزرت محمد
محمد :يوم
ام محمد لفت عليه :ها يا ابني اشبيك
محمد :يوم جوعان
صارت الدنيا ظهر
ام محمد جت تگوم ليل مسكت ايدها :عمه والله ما تگومين انتي ارتاح صبا بنيتچ تسوي فطور صبا يلا گومي
صبا گامت :اي صح عمه انت ارتاح واني اسوي الفطور لمحمد
وطلعت من القرفه ام محمد :سبحان الله انتي فهمانه وعقلچ يوزن بلد
ليل شدت على ايد ام محمد :عمه خجلتيني ترى صبا سبعه وشايله كل البيت واساسا هي موو قريبه البيت بيتها
اندق الباب محمد راح يفتح ورجع مع غياث غياث سلام على عمته وگعد بلط ليل :يابوي اشلون شغلك
غياث :الحمدلله متيسر الا وين صبا
محمد : مرتك أمرت الشيخه صبا تسويلي فطور
ام محمد :ما شاء الله على ليوله مره فهمانه والنعم التربية لو تگدر تسوي چانت هي گامت تسوي فطور
غياث :اي صح ليل مره معدله
ليل صارت ألوان
ام محمد :لو ألقي چنه بعقلها لمحمد نذر علي أصوم شهر يمه ما عندچ خوات
ليل :لا عمه اني وحيدة اهلي
غياث :لسع راسچ يوجعچ
ليل بهمس :زاد الوجع
غياث طلع علبة دواء ام محمد :هذا حب وجع راس
غياث يفتح العلبه:ليل على طول رأسها يوجعها تريدين
ام محمد خذت العلبه من غياث :لا يا ابني ما يصير تعطيها اي دوا
غياث استغرب :ليش على طول تأخذ هذا
ام محمد :لا تكون مرتك حامل
غياث ابتسم لف على محمد اللى يتابع بصمت بدون ما يدحق عليهم من بعيد :لا موو حامل وبس تحبل انت اول وحده ابشرها
ام محمد همست ليل
ليل تمنت الأرض تنشق وتبلعها ردت بهمس
ام محمد :الله كريم كل شيا بوگت حلو
ليل :والنعم بالله
أم محمد وگفت:اني رايحه اشوف صبا شسوت
طلعت غياث دحق على محمد ليل بهمس :رجعني على البيت
غياث بهمس :هوص ما اسمعلچ صوت
غياث :يوال اشبيك اليوم
محمد دحق عليهم :مابي شئ
غياث :وجهك يگول بي أشياء
محمد بوقاحه :مرتك وگحه وما تستحي وطولت السانها علي
غياث :اكيد غلطان يا ابن عمتي ليل ما تغلط
قرب من ليل وهمس بأذنها :ليوله الحلوه لا تزعلين هو وگح معاي
ليل عيونها لمعت وبصوت واضح:أن شاء الله اول واخر مره افوت على هذا البيت
غياث زور محمد:بسيطه يا محمد
فاتت صبا بالفطور حطت الفطور :ليل اشبيچ
غياث وگف ليل :ما بيها شئ روحي عوني عمتي ونحن طالعين على الحوش
صبا لفت على محمد :ترى من اول ما جينا ومحمد يرمي حچي على ليل ويگولها عميه وفلتانه والله يعين غياث عليها
غياث زور محمد وطلع
صبا :ليوله لا تبچين ترى محمد احول ما يشوف بدون النظارات
ليل بهمس وخنقه ودموعها تگع :غياث رجعني على البيت
غياث ضمها لصدر صبا حطت ايدها على چتف ليل
غياث :ليل مشان خاطري لا تبچين
ليل تشهق :الله يخليك رجعني والله ما اتحمل
غياث دحق على صبا :روحي ساعدي عمتي
صبا راحت فاتت على المطبخ :عمه شسوي
ام محمد :هوسي البصل والدجاج
صبا شغلت النار ام محمد شافت غياث وليل بالحوش :هذول اشبيهم واقفين بالحوش
صبا وهي تقلب الدجاج :عمه ليل گاعده تبچي
ام محمد :ليش
صبا وقفت بلط عمتها وتدحق عليهم :هذا ابنچ المحترم محمد بهدل ليل وغلط عليها وهي تريد ترجع على البيت
ام محمد طلعت من المطبخ وراحت عندهم :ليل يا يمه امسحها بوجهي هذا الصبي ما يستحي يا حيف على تربيتي يا حيف
غياث ابتسم :عمه صار خير المشكله بين وبين محمد اني احلها ليوله خلاص لخاطر الله اسكتي فضحتينا
ليل بعدت عن غياث ومسحت وجهها :وين اقدر اغسل وجهي
ام محمد مسكت ليل:تعالي معاي
غياث :ليل ساعدهم موو تگعدين
ليل راحت مع ام محمد وغياث رجع على محمد فات وقفل محمد رفع راسو:ليش دربست الباب
غياث شكل اكمام الكنزه :اصفي حسابي معاك
محمد :من جدك تريد تضربني مشان مره
غياث رفس محمد
أنتهى الفصل

رد: ليل الخفسه

الفصل الخامس سقوط الاقنعة
وچدام البيت غياث مد چيس لصبا :صبصب
صبا خذت الچيس وبفرح:
Merci beaucoup
غياث ضم ليل وهو مبتسم
صبا فاتت فات مع ليل على القرفه :اشبيچ ساكته
ليل زفرت بحده:شگول
غياث رفع وجهها :زعلانه من اللى صار
ليل صدت عنه وگامت ورمت المانطو والحجاب :محتاجه اكون لحالي
غياث :استغفرالله العظيم
ليل فتحت السكرتون:ليل تر
ليل قاطعت غياث:لا تبرر اني توبت اطلع معاك
غياث طلعها بيجمه وداخلي:خذي غيري
ليل طلعت من القرفة رجعت على الغرفة وشعرها ينقط مايه غياث ترك كاست الچاي وقام طلعها بشكيره (منشفه)قرب ينشف شعرها :ليش غسلتي
ليل بألم :آه بعد ماريد
غياث بحده وهو يكمل تنشيف :ولا كلمه موو نقصني الا تمرضين
ليل بعصبيه:اووف خلاص
غياث بعد ما خلص گعدها وطلع جراب(شراب) مسك رجلها :شنو
غياث لبسها :الا ما گلتلي شلون اعرفتي عمتي مسويه ملوخية
ليل :دقيت عليها وگلتها سويلي ملوخيه
غياث :ليل بلا مزح
ليل بعدت رجلينها عن غياث :موو لزم تعرف
غياث قرص خدها:منو اللى موو لزم يعرف
ليل بعدت ايده :لا تگرصني
غياث :ترى إذا ما تعلميني اروح اسأل صبا عن الملوخيه
ليل:اشتهيت على الملوخية وأم أحمد وصلت الخبر لعمتي
غياث صار يضحك ليل:لا تضحك
غياث زاد ضحكه لف عليها:يا ريت يصير عندنا عنون يملي البيت فرح
ليل حطت رجل على رجل وهي تلعب بخصله من شعرها :يا معشر الرجال كان الفرح عندكم ما يصير الا بالخلفه
غياث :المال والبنون زينة الحياة الدنيا مين اللي ما يتمنى يكون اب
ليل :ان شاء الله بس تصير اب عيشني بالملحق لاني موو مستعده اسمع أصوات الكائنات الصغيرة تجعر
غياث ابتسم :وتتخلين على ضناچ
ليل لفت على غياث :الله لا يگولها اني وين وانته وين
غياث :اول مره اشوف وحده ما تريد تكون ام
ليل :لسى ما شفت شي
غياث:ليل نزلي رجلچ
ليل تهز رجلها :مابي حدا هين
قرصهامن خصرها:اخر مره اگولچ نزليها
ليل مسكت ايده :اخ منك وخر
غياث يشد اكثر:لا تخليني اعيد احسلچ
ليل نزلتها ومسكت مكان القرصه :شتريد مني اني ما ارتاح الا احط رجل على رجل
غياث وقف ومسك المشط :ان شاء الله عمرچ ما ترتاحين
ليل :آمين على الداعين
غياث گعد وراها وضربها بالمشط :شگد لسانچ زفر
ليل لفت عليه بزعل:ما گلت شئ غلط ولا تظل تمد ايدك علي
غياث عدل گعدت ليل وصار يمشطها :أمد ايدي لانچ ما تطعيني
ليل وگفت :بعد اريد انام
غياث وقف ورفعها اللحاف
ليل تمددت غطاها وطلع
****
على العشا غياث:موو ناويه تتعشين
ليل تركت قطعت الخبز :لا شبعانه
صبا ابتسمت :تمزحين لو مو عمتي حالفه عليچ على الملوخيه والكبه ما چنتي چيلتي گال شبعانه
غياث :صبا باجر گولي لام احمد تسوي ملوخية لليوله
صبا : ههههه ام احمد وعمتي على بالهن ليوله حامل
غياث:الله كريم
صبا ابتسمت :ليل حماسها صفر
ليل بسخريه :لا مو صفر سالب ما لا نهاية
غياث حط الخبز بأيد ليل :يلا اكلي حاجتچ دلع
ليل تركتها ووگفت :موو دلع ماني جوعانه
صبا همست لغياث :عيفها على راحتها
غياث يحط الخبز بالچيس :لا تطولين بالتعليله
صبا تگمل اچلها :ليله سعيده
فات عليها يبدو كتاب چانت متمدده على السجادة ورافعه رچلينها فوق :وگت الرياضه
ليل نزلت رچلينها ورچعت رفعتها:إذا تريد تنام اطلع برا
غياث گعد على السرير وهو يراقبها :لا كملي
ليل ثبتت رچلينها بالهوا:بس تروح على حلب اريد اروح معاك
غياث بهدوء :ليش شعندچ بحلب
ليل :اغير جو ولا ممنوع
غياث :يصير خير
ليل :دايما يصير خير
غياث :تفائل
ليل نزلت رجلينها :الثقه صايره عدم
غياث :إذا خلصتي تعالي عندي
ليل تعدلت :شعندك
غياث :يلا بلا برودچ
ليل راحت عند غياث سحبها لحضنه :تحبين الشعر
ليل :لا أكره الشعر
غياث مد رجله وفتح الكتاب چدامها :امسكي معي تنقرأ
ليل كتفت ادينها :تتمصخر على مين
غياث ابتسم وثبت راسه على چتف ليل وبدأ يقرأ قصيدة اول ما خلص :شرايچ
ليل بسرحان :حلوه
غياث :هذي القصائد لمحمود درويش

ليل :ما عرفوا
غياث :اكمل
ليل :مابي شاعر قيرو
غياث كمل ليل تقطعوا وهي تتثوب:خلاص اريد انام
غياث سكر الكتاب وبعد شعرها من وجهها:لا يكون ما عجبچ الكتاب
ليل :اول مره اسمع شعر خارج حصه العربي
غياث يضحك :بس نخلص الكتاب انت تختارين كتاب قيرو
ليل :يصير خير
غياث ابتسم :يلا قومي
ليل نطت لمكانها غياث عطاها وگام يطفي الضو
*******
اما عند صبا :الو
بعصبيه :ليش دقيتي
صبا بعصبيه:يا حبيبي لا يكون متجوز وگاعد تلعب بذيلك معاي
عصب :گلتلچ من قبل موو متجوز ليش مصره اني متچوز
صبا بنعومه:لأنك ما تسمعني صوتك الحلو
شغل زقارته وزفر بحده:ما اقدر اسولف معاچ لأن أغلب وگتي مع اهلي
صبا ابتسمت :ياعسل روق والله الدنيا ما تسوى كل هالعصبيه
گعد على حافه الدچه:ما اقدر اروق نخلي الرواق لجا
صبا تضحك :يمه منك
ابتسم :انت فاضيه ما عندچ شئ قيري
صبا :اي اني فاضيه تماما لك
:الا انتي ما گلتيلي من وين جبتي رقمي
صبا :من الفيس بوك
ابتسم :هممم
صبا :يا عيني على الناس الرايقه
صار يضحك :انت تغازلين عينك عينك ولچ اثقلي
صبا :ثقيله اصلا شرف لكا اني احچيك غيرك يموت على كلمه مني لو يدري اخوي يذبحني
صار يتمشى :يا ريت يذبحچ ساعتها ارتاح منچ
صبا بزعل :حرام عليك شسويت
دعس الدخان :ما سويتي شئ يلا شطوره روحي نامي
صبا :تصدگ انته بلا قلب
خذا نفس :اسمعيني يا بنت الحلال انتي عسوله (يقلد صبا) وجميله بالحيل بس اني موو فاضي ارتبط بيچ اني انسان مشغول باهلي ورزقي
صبا بصوت باكي :انته اسمعني اني موو طالبه منك شئ لا ارتباط ولا بطيخ بس خلينا نكون اصدقاء
:انت ليش مصره ولزقه بيا
صبا :فتت على گلبي من اول نظره
بصدمه : ليش انته وين شفتيني
صبا ابتسمت :شفتك بحلب مع اهلك وشفت صورك بالفيس
:اها طيب يا عسل صار لزم اسكر
صبا بحده :اكيد متجوز واللى شفتها معاك مرتك
عصب :لا موو مرتي
وسكر بوجهها
****
غياث گعد بلطها :ليل
ليل بملل :اعطيني كاست المايه
غياث ابتسم واعطيها :احزري شجبتلچ معاي
ليل تركت الكأس وتكتفت :شكرا
غياث قرص خدها :شبي الحلو زعلان
ليل مسكت ايد غياث :غياث لخاطر الله عيفني بحالي
غياث :ماعيفچ الا تگوليلي ليش زعلانه
ليل لفت عليه :موو زعلانه بس احس الدنيا ضاقت بيا
غياث مسك كفوف ليل :ليوله راح أدوم اربع تيام بالأسبوع موو معقوله كل ما ارجع القاچ زعلانه
ليل وفعت راسها:شلون چان دوامك
غياث ابتسم :والله متعب
ليل :الله يعينك
غياث :بس
ليل تهز رأسها :اي بس
غياث ضرب رأسها بخفه :الله يصبرني يا بارده
ليل:موو بس بارده بوز (ثلج)
غياث :ليوله يلا قومي
ليل وهي مبتسمه :وين اگوم
غياث :جوعان وصبا نامت
ليل وگفت مع غياث وضمت ذراعه : يا حرام عندك اخت و مره وانت وتحط لحالك عشا
غياث يمشي : شرايچ نسويلچ العمليه مشان نرتاح كلنا
ليل :ماعندي استعداد اشوف وجهك الأسود
غياث :وجهي اسود يازرگه
ليل تضحك :شكرا هذا من ذوقك الراقي
غياث شغل ضوء المطبخ وسكر الباب فتح البراد وبخيبت امل :ليش موو طابخين
ليل :سوت صبا لفات جبنه
غياث سكر البراد :الحز أني شاكل
ليل بحيره لأن غياث ما يحب يأكل حواضر الا على الفطور :ما عندي فكره
غياث طلع علبة بسكويت وفتحها:قال مره واخت وأم أحمد واخرتي اكل بسكويت
ليل :شيخ تجوز
غياث صار يگح ليل بخوف :بسم الله عليك
غياث يصب كاست مايه :لا موو ناقصني علل
وصار يشرب
ليل ابتسمت :الله يسامحك الحز اني عله
غياث قرص خدها :يولي انت احلى عله والله عسل على گلبي
ليل تغير الموضوع :تاكل بيتزا
غياث يأكل بسكويت :وين البيتزا
ليل :تاكل ولا لا
غياث ترك البسكويت :اكيد اكل
ليل تسندت على الخزينه اللى وراها:طلع خبز ودبس بدوره زيتون وجبنه وإذا بي خضروات تحبها طلع
غياث بصدمه :بيتزا بخبز
ليل :ايوه شي سريع وسهل
غياث طلع كل شئ وهو يفتح الخبز :اشلون نشويها
ليل :بالمقليه
غياث حط اول رغيف ودهن الخبز دبس وشغل غلية الماي
ليل مسكت غياث ممن كتوفه :غياث حط ملح نعناع مشان تصير طيبه
غياث فتح الخزينه :يلا
گعدم بالمطبخ بعد ما سوي چاي مع البيتزا السريعه :شرايك طيبه موو
غياث يأكل وبفرح :تطير العقل اول مره اسوي هيچ اچله طيبه وسريعه
ليل تاكل :أولي على طول اسويها
غياث ابتسم :راحت على صبا
ليل :سويت ثلاث رغفان نخليها واحد
غياث مسك كاست الچاي:ما نخليلها ولا واحد جوعان
ليل :لا عاد والله تسمن
غياث يشرب :خليني اسمن
ليل :سفرة دايما أن شاء الله بفرحتك
غياث يضحك وهو ياكل :اي فرحه
ليل حطت رجل على رجل : اللى تريدها الله اعلم بالنوايا
غياث رفس ليل :ان شاء الله تجيبلي الولد
ليل رفست غياث :حبيبي لا تحلم ترى الوگع گوية
غياث يضحك :يا محلا كلمة حبيبي من لسانچ
*****
وتمر الايام والشهور على ابطالنا گعد وليل منجضعه على السرير :ليل ما تفكرين نطور علاقتنا
ليل :طبعا لا
سكتت وكملت :اني لسع موو مستعده اطور شيا فلا تخليني اخذ موقف منك
غياث :انتي تريديني
ليل تعدلت :اوووف منك يول اللى بيني وبينك موو حب اللى بينا مجرد حاجه وصداقة لا تخلط مشاعرك
غياث مسكها:ما خلطت ليل اني اريدچ
ليل دفشت غياث :ردتك رديده وحمه شديده تريد مره روح تجوز
غياث يتاملها :اريدچ انتي ما ريد قيرچ
ليل وقفت تسوي كعكتها :والله مشكلتك موو مشكلتي
غياث :هيچ يعني
ليل تهز راسها :اي هيچ تصبح على خير يا شيخ
وتوجهت للباب
غياث :ليل هااي ليل
گام ومسكها :لمن احجي معاچ تظلين گاعده وتستنيني اخلص
ليل ببرود :أن شاء الله أي اومر ثانيه يا شيخ
غياث تركها :لا روحي
*****
ضمت ليل :ليوله
ليل بألم :اخ وجع ابعدي عني
صبا :سويت گهوة تعالي نشرها برا
ليل :مالي نفس
صبا :يلا عاد گومي مشاني
ليل بضيق :صبا خلاص والله ما اتحمل
صبا :إذا اخوي انهبل اني مالي ذنب باللى سوا
ليل بوجه كفها تمسح دموعها :صبا الگها من وين من وجع گلبي المحرق على اهلي ولا من غياث
صبا توگف ليل:الله يساعدچ
ليل :آمين
ليل مدت الفنجال :صبلي
صبا :يولي حاچ الدنيا ليل
ليل :اخر واحد
صبا تصب :ليل غياث ليش ضربچ
ليل تركت على الطاوله وحطت ايدها على خدها :اختلفنا بموضوع وتوقحت علي تعرفين من اعصب لساني يصير زفر
صبا :موضوع ايش
ليل نزلت راسها:موضوع وبس
صبا :انتي ما تحبين غياث
ليل باندفاع:اني لا غياث ولا غيره يگدر يستغلني
صبا :اووف يا ليل استغلال ايش غياث رجلچ
ليل :وإذا بينا عقد هذا ما يعني ادوس على حالي مشان حضرت يرضى
صبا تاكل أسواره (نوع من انواع الحلويات الشرقية) :صح مابي شئ بالگوه
ليل :خليها على الله اشوف اليوم ما حجيتي معاه
صبا بملل :تركنا
ليل ابتسمت:ليش تركتم
صبا تطعمي ليل مبرومه :علاقتنا مستحيله مابي نصيب
ليل ابتسمت وبلعت اللگمه وخذت القطعه من صبا:احسن لأن موو على طول الحب يدوم
صبا :اشربي الگهوة بردت
ليل صارت تشرب :اول مره يطول هيچ
صبا تاكل :صح غايب ثمن تيام كل ما احچي معاه يگول لسع مشغول
******
اما عند غياث رجع على البيت لگاهن گاعدت يسمعن اغاني ويحطن مناكير
غياث طفى التلفزيون :السلام عليكم
صبا :وعليكم السلام الحمدلله على سلامتك
غياث باس خدها: الله يسلمچ صبصب جوعان
صبا تحط مناكير لليل :يلا اخلص أظافر ليل واگوم
غياث گعد
ليل بعدت ايدها ورفعتها:روحي
صبا سكرت المناكير وراحت
غياث يدحق على ليل بصمت
ليل تنفخ على المناكير غياث :ليل
كمل :تعالي عندي
ليل رفعت عيونها :مشان ايش
غياث :لا تنقشيني
ليل وگفت وراحت عند غياث سحب معصمها وگعدها ليل (استغفرالله حقير ليل الله يخليچ اسكتي وطنشي)
وحط راسه على فخدها :سويلي مساج لراسي
ليل مو عاجبها الامر :لزم
غياث :اي لزم
ليل حطت ايدينها على رأس غياث وبدأت تسويله المساج وتلعب بشعره
صبا فاتت بالعشا :العشا جاهز
صبا حطت العشا بالگاع حركت كتف غياث :غيوثي
صبا :هذا نام
ليل مسكت رأس غياث وانسحبت بهمس :حطي مخده
صبا حطت مخده :وين رايحه
ليل :رايحه انام خلي مندفس هين
صبا تفتح علبة المناكير :وجع ترى غيوثي اخوي الوحيد
ليل تضحك :اوبس اسفه نسيت انچ تزعلين علي صبا ضربت ليل :اي ازعل شعندي غير غيوثي
ليل :صح والله شعندچ غير غيوثي غطي غيوثي لا يبرد
صبا تفتح المناكير :اصبر اكمل لجا المناكير وبعدين روحي
ليل گعدت صبا گعدت بلطها تكمل المناكير :الا شنو صار شجاب غيوثي بحضنچ
ليل :حقير بعد ماضربني و غاب اسبوعين على باللو راح اتغير
صبا ابتسمت :الحز خويا صار حقير
ليل :ايوه اخوچ حقير وع
غياث تحرك وقطع ليل:صبا وين العشا
صبا تأشر :هذا العشا
غياث نزل وفتح الخبز :ياخوانم وگت العشا
صبا نبشت ليل وگومتها گعدن مع غياث
غياث قطع الرغيف بالنص وعطاهن :بسم الله
*****
وبعد العشا ليل راحت على الغرفه مشطت شعرها وسوت كعكه وهي تشرب مايه فات غياث بالبرنص فتح السكرتون :من اليوم تنامين مع صبا
ليل لفت :اني انام مع صبا
غياث يلبس :مثل ما سمعتي
ليل شالت مخدتها :صبا موو مجبوره بيا
وطلعت حطت مخدتها وتمددت على الكنبة بالصالون صبا طلعت من المطبخ وبيدها علبة دندرمة:ليل شتسوين هين
ليل :اخوچ الحقير غچاني (طردني) الله لا يوفق
صبا تضحك :بالله عليچ
ليل رفعت رأسها :والله جيبلي بطانيه وماي
صبا راحت على غياث دقت الباب وفاتت شافت غياث گاعد على اللاب توب :غياث انته شصاير عليك
غياث بدون اهتمام :موو صاير علي شيا روحي نامي
صبا گعدت عند غياث :استهدي بالله ترى باجر ام احمد تفضحنا بين الناس
غياث :صبا حبيبتي روحي نامي
صبا :انته اللى اخترتها تحملها
غياث رفع رأسه :صبا والله تحملها چثير لا تلوميني
صبا :ما لمتك بس موو حرام عليك تضرب بنت الناس ترضها علي
غياث :لا ما أرضها ليل حلوه حلاوتها غطت على كل عيوبها ليل ابدا موو هينه ولا سهله
صبا :ليل عميه تجيب رأسها بكلمه غيوثي المره الكلمه الطيبه تجيبها وتوديها
غياث :يولي انتي العميه اني چنت افكر نفس تفكيرچ بس ليل تغط الواحد بالبحر وتطلعه ناشف
صبا ظلت ساكته غياث :صبا لا تشفقين عليها تراها موو هينه هل عميه ناويه تخليني عبد عند رجلينها
انتهى الفصل

رد: ليل الخفسه

الفصل السادس سفينه بلا شراع
صبا ابتسمت :بعيده عن ضروسها عيفك منها انته اكبر من انك تحط راسك برأسها
غياث ابتسم :ما حطيت راسي برأسها يلا گومي نامي واتركيچ منها
صبا فتحت السكرتون وطلعت بطانية :باچر شعندك
غياث :حميد عزمني على الغدا وبعدها راح اروح على المعمل
صبا :الا صفا ايمت عرسها
غياث:والله ابن عمچ خليل حمار معلق البنية وهو يحوم بلبنان لو مكان عمي سعيد والله وكلام الله ما أعطي بنتي لو يأذن
صبا :شعليك منهم ما دام القاضي راضي
غياث :صفا ما تفهم لو بيها فهم جانت اتجوزت ابن خالتها من زمان يريدها
صبا تضحك :هذا حكم القلب
غياث :حكم القلب
صبا :صفا شايفه خليل وموو مصدگه كلهم راضين بخليل
غياث :حميد موو راضي ايمت نلقى ابن الحلال نريد نفرح بيچ
صبا صارت ألوان
غياث بحده :لا راضيه تدرسين ولا راضيه تجوزين بالله شسوي بيچ
صبا بزعل:تراني ماني گاعده على گلبك
غياث أشر على قلبه : انتي گاعده بقلبيي
صبا ابتسمت :يا عمري الله يديمك ليا وما يحرمني منك
غياث ابتسم :آمين ولا يحرمني منچ يا فرحت حياتي
صبا راحت على ليل لقت ليل نايمه غطتها وراحت تنام فتحت جوالها لقت خمسين مكلمه وعشر رسايل
ارسلت رساله :شتريد مني
رد عليها :ردي علي
ودق صبا ردت :يا عسل ليش عفتيني بالله هذي معمله
صبا بثقل :عفتك لأنك موو من مستواي واللى صار غلط
عصب :اشلون موو من مستواچ انتي مين تتحجيلي بالمستوايات توچ صحيتي على اغلطچ وت
صبا تقطعه: الله خليك لاتجرحني
بعصبيه أكبر :اجرحج ليش ما تردين من الصبح ادق عليچ
صبا :اني شگلتلك البارح ولا انته ما تفهم
:ما افهم لاني احبچ واريدچ صرت ما افهم
صبا بعصبيه : ولك انته بلا عقل ما تفهم اني گلتلك من اولها اللى بينا مجرد صداقه وجاي تگولي احبچ واريدچ يوال انته مين تتفكر بيا
خذا نفس : اهدي وافهميني
صبا بعصبيه اكير :ما أريد افهم شيا كل واحد بدرب لا تعرفني ولا اعرفك
:الله يخليچ بس اسمعيني
صبا زفرت بحده وبهمس يذوب الحجر :تفضل اني اسمعك
*******
گعدت على صوت ام احمد :اگعدي الشيخ غياث يصحلچ
ليل بتعب :الساعه اشگد
ام احمد :سبعه ونص
ليل وگفت :الشيخ وين گاعد
ام احمد :برا
ليل فكت شعرها رتبته :طلعيني
طلعتها ام احمد مسكت الكرسي وگعدت غياث :ما تعرفين تصبحين
ليل ابتسمت :صباح الخير حبيبي
غياث ما رد ليل حطت رجل على رجل :ام احمد سويلي كاس حليب بدون سكر وتفاحه
ام احمد :تكرمي
وراحت ليل :تريد أصبح عليك وما ترد علي
غياث رفس ليل :نزلي رجلچ
ليل بثقه:ما انزلها
غياث رجع رفسها:اگلچ نزليها احسن ما اكسرها
ليل بالم :إذا تطلعني انزلها
غياث يكمل اكله :وين اطلعچ
ليل :وين ما تريد
غياث نزل راسه:اليوم معزوم عن بيت عمي ابو عبدالحميد تروحين
ليل نزلت رجلها :لا ما اروح
غياث ظل ساكت جت ام احمد حطت الحليب :يا خانم هذا الحليب والتفاحه
ليل :ام احمد اليوم لا تطبخين على الغدا
ام احمد :رايحين تطلعون
ليل :لا بالبيت
ام احمد باستغراب :طيب مشان ايش ما اطبخ
ليل :بس لا تسوين شئ خلصي شغلچ وتوكلي على بيتچ
ام احمد راحت
غياث بسخريه:والله صايره شيخه على ام احمد
ليل مسكت كأس الحليب :ليش ما اصير شيخه شنقصني ايد ولا رجل
غياث يضحك ليل :اشبيك تضحك
غياث يدحق عليها :مابي شئ
ليل عضت التفاحه :ايمت تأخذنا على حلب
غياث باستغراب :شعندچ بحلب
ليل :محتاجه غراض ومليت من البيت
غياث :أن شاء الله بس أفضى اخذكم
ليل :الله كريم على السنه الجايه لأن يومك بسنه
غياث بتحذير:ليل
ليل شربت حليب :گاعدين نحچي
غياث :اني مگصر معاچ
ليل بعبوس :ابدا
غياث سكت گال بضيق :ليل بطلي وقاحه مشان ما أظل أمد ايدي عليچ
ليل تركت الكأس :انته تجبرني اكون هيچ
غياث : ترى المره بدون حياء ما تسوى شئ عندي
ليل تكتفت :مين اللى گايلك اني مره ههه
غياث عصب :إذا منتي مره شنتي
ليل بهدوء وهي ترجع خصلة شعرها ورا اذنها :اني تربيت على إيدين زلم ما تگدر تضحك علي بكلمتين هذا الكلام الفاضي ما يمشي علي
غياث :الحز اني اضحك عليچ
ليل مسكت الكأس وصارت تشرب الحليب بدون ما ترد على غياث
*****
غياث فتح الباب وفاتت صبا وعلى طول على غرفتها غياث مسك ايد ليل وفوتها :صبصب تعالي تعشي
صبا بصوت عالي من قرفتها :اريد اغير اصبر
غياث گعد ليل :لا تتحركين
ليل اول ما أعطاها ظهرو وكفت غياث شافها :شگلتلچ
ليل ابتسمت وهي تفك الملفع :حريت
غياث يشغل الصوبه (الدفيه) :الله يصلحچ اي حر الجو سم
ليل ضلت بالكنزه والجينز حطت جدولتها على چتفها :ويصلحك معاي
غياث گعد :آمين يارب
ليل گعدت :ايمت نرجع
غياث لز (ابتعد عنها لنها لزگه بي) :تونا وصلنا تريدين نرجع
ليل :لا بس سؤال
غياث طلع جواله
ليل بفضول لأن الصمت طال بينهم وهي تسمع صوت لوحة المفاتيح :تراسل مين
غياث :مرت عمچ
ليل :انتم أكثر من ام وابنها
غياث رفع الجوال وحط ايدو على چتف ليل صورها معاه ليل من سمعت صوت الجوال
ليل تحركت :ماريد بعد عني
غياث ابتسم : يريدون يشوفونچ
ليل بزعل تبعد:عيب عليك تصورني بدون استأذن
فاتت صبا مع السفرة :خلصت يلا نتعشى
صبا استغربت من ليل اللى عيونها تلمع :اشبيكم
ليل وگفت :مابي شئ بس ناس ما تستحي
صبا أشرت لغياث يسكت وما يرد
صبا جهزت السفرة :غيوثي يلا الاچل برد
غياث وگف ومسك ليل گعد ليل بلط صبا وگعد جدامهن صبا تاكل شافت غياث يصورها مع ليل ابتسمت
غياث ارسل الصوره
صبا :ليوله اكلي
ليل بسخريه :أن شاء الله بس يكرموني الشيوخ
غياث سكر الجوال وفتح الصحن اللى چدام ليل :ليل انسمي
ليل مدت ايدها على الصحن :ننسم سوا
بعد سكوت طال : غياث ممكن محرمه
غياث گام :يلا
وجاب صفط (علبة) المحرم أعطى ليل ليل بنذاله:يعطيك العافية أن شاء الله بفرحتك
صبا تضحك :اي فرحه
ليل تمسح وجهها :ما يخصچ
صبا :مرتك موو صاحيه فرحت ايش
ليل :هذا سر بينا
غياث يتأمل ليل :ما بينا اسرار
ليل تفتح المايه :عادي گول ايش أمنيتك اللى تتمناها على طول
غياث يغير الموضوع :صبا لا تثقلين خلى مكان للحلو
صبا :لا تخاف عندي مكان لكل شئ
ليل رجعت ورا:سفرة دايما
غياث ياكل :وين ما تعشيتي
ليل تمسح ايدها ونذاله :ماظل الا مكان للحلو اكل عني وعنك
صبا بعصبيه :وين المكان إذا بطنچ لزق بظهرچ
غياث :ههههههه صبا خلاص
صبا :ترها عايشه على السوائل وموسوسه الله لا يبلنا
ليل تربعت وبدلع :بس تصيرين برشقتي يطلعلچ تحچين
غياث :خلاص يا انسات خلصم بساع اشوي ونطلع
ليل :وين نطلع
غياث يشرب مايه :نتحلي ونتمشى
صبا :اني موو طالعه جسمي منكسر من الطريق روحم لحالكم
غياث وگف ووگفها معاه :صبصب متأكده ما تريدين تطلعين
صبا :متأكده كل يوم راح نطلع
غياث :على راحتچ
وبالسيارة :شيخ سمعنا شئ
غياث يشغل : ليش ساكت اليوم
غياث يقلب بالأغاني :خير الكلام ما قل ودل
ليل:خلاص انته اسكت واني أسولف لكا
غياث :طيب سولفي هاتي ما عندك
ليل : اني اسوق احسن منك
غياث لف عليها:تعرفين
ليل تهز رأسها :اي اعرف اخوي علمني
غياث : والله ما تعرفين
ليل :والله اعرف
غياث وقف على الإشارة بسخريه:تعالي مكاني
ليل صدت عنه:سخيف
غياث يضحك عليها لأنه سكتها من اولها
وهما بالمطعم :ليل ما عجبچ الكيك
ليل حركت راسها: خلينا نطلع
غياث ابتسم ومسك ايدها :لا تعطيني الناس اهميه
ليل :ما أعطيت اهميه بس ما عجبني الجو زحمه
غياث : ليوله الحلوه خلصي صحنچ ونگوم
ليل :اني شبعانه
غياث گام وگعد بلط ليل :مابي شبعانه كملي
ليل :ما اگدر انت كمل الصحن
غياث قرب منها وهمس ليل باستغراب :امانه
غياث صار يضحك :والله العظيم
ليل لفت عليه :لهدرجه عسل اصلي
غياث :موو قصة عسل اصلي قصه جاذبيه بلا حدود
ليل تضحك صار يضحك معها:ما اعرف ليش جاذبيتي ما جذبتچ ليا
ليل مسك الشوكه وغيرت الموضوع :شرايك نبدل الصحون
غياث مسك صحنه وبدل مع صحن ليل خذا الشوكه وحطالها الخشوگه (المعلقه) : بدلنا الصحون
ليل ابتسمت وذاقت :اممم شوكولاطه يا غشاش
غياث ابتسم :انتي گلتي اي شيا ما تفرق معاچ
ليل تمسح شفيفها بالمحرمه :اول مره تطالعني لزم تدللني
غياث ياكل من الكيكه اللى طلبها لليل وبنذاله :حبيبتي ليش ادللچ شلچا عندي
ليل تكمل اكل :مالي شيا عندك
غياث بعد سكوت طال بهدوء :اني رايح اغسل لا تتحركين
ليل :لا تتأخر
غياث راح
غياث غسل وجهه نشف وجهه ورجع شاف كرت على الطاوله شال الكرت وگعد :ليل حدا حچى معاچ
ليل بلعت اللقمة :انت شفت شئ
غياث يتأمل الرقم :لا ما شفت
ليل بتوتر وصدق:تعصب اذا گلتلك اللى صار
غياث بهدوء:لا ما اعصب شصار
ليل تركت المعلقة: واحد مر وگال مساء الورد يا حلو وراح
غياث طلع الجزدان :خلصتي
ليل :ايوه الحمدلله خلصت
غياث حط الحساب مع الكرت وگوم ليل طول الطريق ساكتين
ليل گعدت بالجينز:غياث اريد غيار
غياث يغير :يلا اشوي
جاب غيار لليل ووصولها للحمام
ليل طلعت بالبيجامه :شكرا غذبتك معاي
غياث مسكها :لا عذاب ولا شئ هذا واجبي
گعد ليل مكانها
تمدد مكانه ليل بملل صارت الساعه وحده قتربت من غياث لمست كتفه :غياث نمت
غياث بهدوء :لا تريدين شئ
ليل انحنت عليه :ماريد بس موو جايني نوم
غياث استغرب اول مره تتجرأ تقرب منه :شسويلچ
ليل :لا تسوي شئ
غياث بهدوء: زين ابعدي عني اريد انام
ليل حطت رأسها على ظهر غياث سكوتهم طال ليل تنهدت :شكلك لسع زعلان مني
غياث :لا موو زعلان
ليل عيونها دمعت :تغيرت عليا منتا الاولي
غياث :ما تغيرت بس انت ما تريدين تعطيني فرصه
ليل تعدلت عن غياث :وين رحتي تعالي هين
ليل :ما رحت بس انته تفتح موضوع ماله داعي وتخليني افقد ثقتي بيك
غياث :قربي
ليل قربت :قربت
غياث ابتسم :أكثر مثل قبل اشويه
ليل حطت رأسها على ظهر غياث :غياث لا تخيب ظني بيك
غياث :اعرف حدودي زين
ليل :انت بجد رحت على الحمامات ولا وگفت ترقبني
غياث لف عليها ولمس وجهها :لا تصيرين غبيه
ليل :موو غبيه بس اكيد انته شفت اللى صار
غياث :ما شفت شئ بس ال#### حاط كرت على الطاولة
ليل ابتسمت :تمزح
غياث قرص خدها:والله
ليل :آه خلاص
غياث ترك خدها ومرر اصابعه على خدها :يلا نامي
ليل دفنت وجهها بصدر غياث :ماريد انام
غياث ضمها له :لا تنامين
وباس جبينها
*****
اما عند غياث رجع المغرب على الشقه فتح الباب وفات لف البيت فاضي آخر شئ لقاهن بغرفة صبا
ليل تصفط هدوم (ملابس) صبا :تعالي ساعديني
صبا تحط مكياج چدام المرايا :مايدخلني هذي فكرتچ
ليل عصبت ورمت عليها كأس بلاستيك :لو موو ام احمد چان طلعت دودتچ يا جايفه
صبا :حبيبتي اني الشيخه ص
فات غياث :السلام عليكم
صبا وليل :وعليكم السلام
غياث:اني رايح اغسل نص ساعه ونطلع
صبا بفرح:وين
غياث :نتسوق ونتعشى
ليل تكمل تسفيط هدوم صبا : ماريد اطلع
غياث گعد بلط ليل : إذا ما تطلعين اليوم نرجع على الخفسه
صبا لفت على غياث :لا شنو نرجع غصبن عنها نطلع
غياث لف على ليل وسحب منها البنطلون :ليل گومي غيري
ليل :والله تعبانه روحم لحالكم
غياث :گلت گومي
ليل بتحدي :شراح تسوي إذا ما گمت
غياث وگف :ما راح اسوي شئ تصبحون على خير
صبا :غيوثي لا تروح اريد اطلع
غياث خذا قلم الكحل من صبا :أمسحي المكياج
صبا بفرح : يلا روح غسل
غياث ابتسم :معاچن نص ساعه
وطلع ليل :اووف
صبا تمسح المكياج بمحرمه مبلله :ليل بسرعه غيري
ليل وگفت :شلبس
صبا أعطاها بنطلون ابيض وكنزه بيضه :مانطو الأسود بغرفتكم
ليل مدت ايدها :وديني
غياث غسل فات على الغرفه لقى ليل تلف الحجاب الابيض
غياث طلع هدوم ليل گعدت غياث خلص لبس طاقيه صوف لونها اسود وجاكت زيتي بقبوعه اطرافها فرو عسلي لبس بوط اسود وتعطر مسك ليل :مشينا
ليل :وين بوطي
غياث يلف حوله جاب البوط ونزل يلبسها مسكته :غياث شتسوي
غياث كمل بدون ما يرد عليها وبالمطعم
لغياث لف عليها :ليل تعشي
ليل :المغرب چلينا
غياث :شنو چليتي
ليل :تفاحه
غياث ابتسم :والتفاحه تشبع
ليل حركت رأسها :تشبعني
صبا تغمس بصلصه الثوم :يا سلام رجعتم سمنه وعسل
غياث صار يضحك
ليل :بسم الله علينا نحن بعمرنا ما اختلفنا
غياث قرص خدها وهو يضحك :متاكدة
ليل بعدت ايد غياث :لا تگرص نحن موو بالبيت
غياث :يمه منچ
دق جوال صبا مسحت ايدها وطلعت الجوال ردت :الو
:حبيبتي مساء الخير
صبا تاكل :مساء النور وگتچ غلط گاعدة اتعشى شتريدين
ابتسم :صحه وهنا اخوچ بلطچ
صبا :على قلبچ بس أفضى أدق عليچ
صبا سكرت :مين هذي
صبا رمت الجوال :فاطمة الخليل بنت جيران عمي ابو عيسى (اخو محمد الچبير اللى يدرس برا اسمه عيسى)
ليل مسكت الشوكه وابتسمت:شتريد منچ
صبا تشرب عصير :عندها موضوع
ليل زادت الابتسامة وهي تاكل :نفس الموضوع
صبا بحقد على ليل وحقرتها :اي نفس الموضوع
غياث :بنات باچر رأس السنة الميلادية
ليل :بساع مرت سبع الشهور
غياث :اي ما شاء الله بسرعه تمر الأيام
صبا : سبحان الله
غياث مسك ايد ليل وحطها على كأس العصير :هذا العصير
وثاني يوم عند صبا بتعب :خلاص سكر اريد انام
:ما اسكر شرايحه تسوين اليوم
صبا :كالعادة من نجي على حلب نقضيها طلعات وانته شراح تسوي
فتح الباكه :ولا شئ اتعشى وانام مثل الدجاج
صبا تضحك :ليش ما تطلع مع ربعك وتتعلل
نفخ الدخان :ما عندي ربع
صبا : خلي الناس تولي هيج اريحلك
:حبيبتي ما دامچ معاي ما يهمني حدا
صبا :اني ما وعدتك بشئ خليك جاهز لاني ممكن اتركك باي يوم
بضيق :ندى
صبا :انته وعدتني
تنهد :شسويتي البارح
صبا : لساعه اثنين ونحن نتمشى ونتسوق
باستغراب:مين انتم
صبا تلعب بشعرها :اني وأخوي ومرتو ولمن ارجعنا على البيت سوينا حواضر ونمت وحضرت جنابك خربت نومتي
سمعت صوت شئ انكسر تركت الجوال وطلعت :ليل
ليل توقف والزجاج مكسر حولها :اسفه
صبا مسكت ليل :ما صار شئ انتبهي
ليل بخجل :چنت عطشانه و غياث نايم
صبا شربت ليل :ليش ما نمتي
صبا بهمس:جاسم دق من ساعه
ليل ابتسمت :انتبهي يا حلوه لا تغرگين بالعشگ
صبا بنذاله:بس انتي تغرگين بعشگ الشيخ غياث ساعتها اني اغرگ بالعشگ
صبا رجعت ليل ورجعت لغرفتها كان لسى على الخط :الو
بخوف على صبا :شصار انتي بخير
صبا :ما صار شئ
:يلا احچلي شجبتي من السوگ
صبا :اممم والله كل شئ نفسي بي اشتريته
بمزح :الله يعيني باجر بس نتجوز تگعديني على الحديدة
صبا صارت تضحك :نتجوز
*****
ليل نامت وگعدت وهي تحول تگعد غياث :غيوثي يلا اگعد
هزت گتفه :غياث حاچتك نوم غيوث
غياث يغطي راسه :ليل خلاص عيفيني
غياث رجع غفى

ليل سحبت البطانية منه و تتلمس وجه غياث :اوووف ولي عفيني
ليل :ما اعيفك گوم
ليل تلعب بشعره :يلا گوم صلي لا تروح على جهنم الحمرا
غياث فتح عيونه على سيرة جهنم :شگد الساعه
ليل تضحك :شمدريني عن الساعه
غياث سحب الجوال :الدنيا مغرب
ليل زاد ضحكها : اول مره بالتاريخ ينام الشيخ للمغرب
غياث بتعب :ما خليتا بيا حيل على گد ما لفيتا بالسوگ جاني شد عضلي
ليل :يا ساتر جدي بعد چم سنه شيصير بيك
غياث حط راسه بحضن ليل :شكلها اول واخر مره اطلعچن على السوگ
ليل :طيب لا تطلعنا على السوگ نطلع نتمشى بالحديقة
غياث ابتسم :ولا الحديقة اليوم مابي طلعه
ليل :بجد عضلت
غياث غمض :والله عضلت جوالي يگول اني مشيت البارح عشر تالف خطوه
ليل :سلامتك گوم صلي
غياث :تصليني معاي
ليل غطت وجه غياث :تطول الصلاه
غياث مسك أيدينا :لا اقرأ الكوثر
ليل :باللهي شگد عمرك
غياث :چم مره سألتني من قبل
ليل :كل مره تقول رقم شكل حيرتني
غياث :موو مهم تعرفين شگد عمري
ليل :الا مهم
غياث يبوس أيدينا:والله موو مهم
صلت مع غياث وگعدم عند الدفايه يشربون نسكافيه
وياكلون بسكويت :شكلچ جوعانه اليوم
ليل نزلت كاسها :بحيل جوعانه الله على ام احمد اشتگتلها
غياث ياستغراب:اشتگتلها بالعاده ناشفه مع ام احمد وما تعطينها وجه
ليل :لا تفهم غلط
غياث ياكل بسكوته :فهميني
ليل :ترى اني موو متكبره عليها بس أريدها تعرف حدوده معاي
غياث :ليوله الحلوه عمليها زين ترى الإحسان يلين الگلوب وأم أحمد مره طيبه وما بيها اذيه
ليل بذكاء:شفت مني تصرف سيئ اتجاه ام احمد
غياث :لا ما شفت
ليل :طيب هي مشتكيه مني
غياث :ابدا
ليل ابتسمت :معناتها الأمور تمام
غياث :واضح شگد الامور تمام
****
غياث تعدل وبتعب :رايح انام
صبا ابتسمت :لسع وگت كمل الفيلم
غياث :لزم انام تعبان صبا ما اريد اسمع حس (صوت)
صبا ابتسمت بشر وهي تدحق على ليل :ان شاء الله ما تسمع حسنا
ليل وقفت :تصبحين على خير
صبا :وين كلكم تريدون تنامون واني
غياث مسك ايد ليل :انتي شنو يا كملي الفيلم يا گومي نامي
صبا صارت تجمع الكاسات والصحون وغياث راح مع ليل بعد سكوت طال وغياث بس يتقلب:نمت
غياث تحرك :لا گاعد
ليل تعدلت :على اساس تريد تنام
غياث لف عليها :موو گدران انام
ليل بمزح :ليش موو گدران تنام نسويلك حليب
غياث يدحق عليها بضيق:لا حول ولا قوة الا بالله
ليل مدت ايدها على غياث :اليوم انته موو طبيعي شكلك مقرب
لمست رگبة غياث :عندك صخونه (حراره)
غياث :عادي ما تأثر
ليل تتلمس ذراع غياث المكشوفه :كل اليوم مصيف ياخي اتقي الله بنفسك والبس شئ يدفيك
غياث بعد عنها :حاج تقرين (تحكين كثير) يا نامي يا اطلعي برا
ليل بعصبيه :ما قريت گوم اللبس كنزه وريحنا
غياث اعطها ظهره بدون ما يرد ليل تهز كتفه :غياث لا تنام
غياث تعدل وطلع من الغرفه بدون ما يرد عليها
ليل حطت راسها ونامت
******
صبا حطت العشا لليل :ليل اتركي الجوال وتعالي تعشي
ليل تتسمع :ماريد
صبا :ليش ما تريدين اليوم ما تغديتي
ليل :صبصب اسكتي عني موو جوعانه
صبا خذات الجوال :خلاص خلص دورچ
ليل رمت السماعات على صبا :ما خلصت
صبا شالت السماعه :موو مشكلتي گولي لغياث يشتريلچ هاتف
ليل وگفت ومشت:وين رايحه ان شاء الله
ليل :على داري انام
صبا مسكت ليل :لا تزعلين مني موو قصدي
ليل بعدت بثقل :اني ما طلبت منچ تعطيني هاتفچ اسمع بي مقاطع انتي اصريتي وتجين بكل وگاحه تعامليني هيچ
صبا :اني موو على جوالي عصبت بس انتي ما چليتي شئ اليوم
ليل بعدت عن صبا وراحت على قرفتها صبا حطت الجوال على الشاحن وگعدت تتفرج على التلفزيون
جا غياث سلم عليها :وين ليل
صبا :راحت تنام احطلك عشا
غياث :لا متعشي
صبا :وين
غياث :يعني وين بالكازيه (محطة الوقود)
صبا :سويتلك باستا تطير العقل
غياث وقف :ما اريد يعطيچ العافية
صبا وقفت :لا تريد احترت ادريك ولا ادري مرتك الدلوعه
غياث لف عليها :محد جابرچ تداريني او تدرين مرتي ليل موو محتاجه حدا يداريها
صبا :يعني اني صرت حدا
غياث حط ايده على چتف صبا :صبا اني تعبان باچر نحچي
صبا حطت عينها بعينه :تغيرت يا غياث منتا الأولى عليا
غياث :صبصب الله يخليچ اجلي الموضوع
صبا هزت راسها :ان شاء الله
غياث بأس راسها وتركها
فات على قرفته شاف ليل واقف عند الشباك حط أغراضه على الكومدينه :السلام عليكم
ليل بهدوء :وعليكم السلام اشلونك
غياث يطلع بيجمه :الحمدلله زين وانتي اشلونچ
ليل :الحمدلله بأحسن حال
غياث راح غسل ورجع لقها على نفس الحاله وقف وراها :ليوله اذا تريدين تشمين هوا اطلعچ برا
ليل تنهدت :لا شكرا
غياث ضمها وهو يشوف المنظر :حبيبي شبيچ
ليل :لا مابي شئ گاعده اشم هوا
غياث بأس خدها :متأكدة
ليل :متأكدة
غياث بهمس :ليوله الحلوه بس امريني
ليل لفت على غياث :اريد اسمع كتاب صوتي
غياث ابتسم :كتاب صوتي
غياث :هذا الكتاب وين
ليل :حطلي على جوالك باليوتيوب
غياث مسك ايدها وجاب الجوال وگعد معها على التخت :شاسم الكتاب
ليل :ليل الغرباء للاديبة السورية غادة السمان
غياث يكتب :ما شاء الله اطلعي مثقفه
ليل :صبا حطتلي
غياث شغل الفيديو واعطاها الجوال :اي أومر ثانيه
ليل ابتسمت :يعطيك العافيه
غياث شاف ليل مندمجه مع الكتاب ولا كأنه موجود رفع الحاف وتمدد
بعد أيام على الغدا غياث يطعمي ليل :اليوم موو ناويه تشبعين
ليل ابتسمت :لا موو ناويه جوعانه تحملني
غياث ابتسم وهو يشرب مرقت باميه باللحمه :اذا ما تحملت مرتي حبيبتي اتحمل منو
ليل تشرب مايه:شيخ انته ما تقصر الله لا يحرمني منك
صبا ابتسمت:غياث موو ناوين تخلوني عمه
غياث دحق على صبا :الله كريم
صبا :ما ظل شئ على رجعت أمي وابوي ان شاء الله يكون رمضان الجاي احلى رمضان معكم
ليل :رمضان دائما يكون مملل ومتعب
غياث ابتسم وهو يطعمي ليل :بالعكس رمضان احلى شهر اللمه بي حلوه والتعاليل برمضان من العمر
ليل تربعت :شگد ظل على رمضان
صبا :اقل من شهرين اكيد ماما حچت مع سهر تصمملنا گلابيات لرمضان والعيد
غياث يضحك :يا خوفي تفصلون نفس الموديل
ليل :اني ما ألبس گلبيه
صبا :شبيچ يا بعدي ليش ما تلبسين
ليل :لاني ما لبست گلبيه ببيت اهلي ولا افكر ألبس
غياث :ذوق امي غير شكل راح تطلع حلوه عليچ
ليل ابتسمت بمجمله :ان شاء الله طعميني
غياث رفعها المعلقه :اكلي
صبا وقفت :الحمدلله
غياث :ما تغديتي
صبا :شبعانه وأريد اجيل (اخذ قيلولة)
غياث :اوكي جيلي العصر اگعدچ
صبا راحت ليل :ليش ما دومت اليوم
غياث :تعبان شوي اليوم ثقلتي
ليل تضحك :اذا ما چليت تمسح البلط بيا وتبدأ محاظرات واذا چليت ما افتك من لسانك
غياث باحراج :اول مره تنفتح شهيتچ هيچ
ليل :الاچل طيب اليوم
غياث ابتسم :طيب لانو چليتي من ايدي
ليل :هات الخاشوگه الجرب طيب ولا لا
غياث يطمعيها :لا تجربين الحز تبهدلي حالچ والأبيض يصير فيلم
ليل حطت ايدها على بطنها :اخ يا بطني
غياث ترك المعلقه وگوم ليل :تستاهلين
ليل تمشي معاه :اني استاهل اتوجع
غياث :تستاهلين لانچ منتي متعلمه على الكميات الچبيره وچليتي لمن انفزرتي من الصبح تاكلين
ليل تضم ذراع غياث :اسوي تخزين دهون
غياث :سوي تخزين دهون الرشاقه الزايد موو حلوه ام احمد سويلنا كاست چاي
ام احمد :شيخ تكرم من عيني هاي قبل هاي
غياث :تسلمين
فوت ليل وسكر الباب ليل گعدت :بلالك الچاي نام
غياث گعد وهو مسك الجوال :خلينا نتهرچ فرصه ما تتكرر
ليل ضمت بطنها :بشنو نتهرچ
غياث ابتسم :اي شئ موو لزم موضوع محدد
ليل :شرايك نسولف عنك
غياث سكر الجوال وهو متفاجئ :عني
ليل :انته مثل اللغز بحياتي ما اعرف عنك شيا
غياث :شتريدين تعرفين
ليل ابتسمت :اريد اعرف كل شئ عنك حتى عمرك ما اعرفوا
غياث :عمري ثمانيه وعشرين سنه
ليل بشك :متأكد
غياث ابتسم :اي متأكد
ليل :اخر إجابه
غياث :والله الاجابه الاخيره
ليل :مثقال ازغر منك باربع سنين
غياث :شتريدين تعرفين انوب
اندق الباب
قام خذا الچاي من ام احمد وگعد :شلون شكلك
غياث بمزح :مخلوق فضائي
ليل تضحك :مخلوق فضائي اسود
غياث قرص خدها :يولي ما تبطلين
ليل : اشبيهم السود موو خلقت الله
غياث يصب چاي :ما بيهم شئ بس اتجوز الثانية ذكريني أخذها شقره مثلچ
ليل تضحك :ان شاء الله تكرم
غياث ابتسم :نشوفچ وقت الجد تضحكين
ليل تسوي شعرها :غياث ترى من حقك تتجوز وتفرح اهلك ويصر عندك مره وويلاد يملون حياتك فرح
غياث بصراحه :ليل اني حبيتچ من اول ما شفتچ
ليل وقفت :الله يرزقك باللى تستاهلك
غياث مسك ايدها :انتي اللى تستاهلني
ليل تحول تسحب ايدها :غلطان اني ما استاهلك
غياث بأس ايدها :العمى لا عيب ولا حرام انتي حلوه بكل حالتچ
ليل سحبتها : تذكر لمن ضربنتي شگلتلك
ما رد
ليل راحت ورا غياث : تذكر اكيد
غياث خذا نفس عميق لمن ليل مسكت كتوفه:ليل رجوعج مستحيل مابي امل ترجعين انسي وابدي معاي حياة جديدة
ليل حركت ايدينها وغيرت الموضوع:راح افرك ظهرك لأنك اليوم بيدك طعميتني
غياث ابتسم :والله تسوين خير بيا
ليل بعد سكوت هي تدلك :اشوفك سكتت
غياث وهو مندمج تماما :اول مره حدا يسويلي مساج
ليل بفضول:زين والله
غياث :الله يعطيچ العافية كل التعب راح
ليل تكمل :اكيد راح يروح مادام الخبره ليل اللى تسويلك المساج
غياث مستمتع ويشرب الچاي برواق
ليل كملت وهي تتذكر ابوها اللى دائما تسويله مساج
******
ليل ضامه ذراع غياث وتسمع كتاب اول ما خلص الكتاب :شيخ شگد صارت الساعه
غياث ابتسم :تسعه تنامين
ليل حطت راسها على كتفه :لا
غياث بأس راسها
ليل سمعت صوت الباب فزت:بسم الله
غياث وقف :اشوف مين وارجع
غياث طلع فتح الباب وبدون سابق انذار خذا لكمه على وجهه :يا ابن الكلاب وين ليل
غياث مسكه :مثقال طول بالك
مثقال ضرب غياث لكمه على عينه ونزل بي ضرب :أطول بالي ها يا #### يوال ####
انتهى الفصل توقعتكم

رد: ليل الخفسه

الفصل السابع سفينة الموت
محمد وسعيد (ابو عبدالحميد) عم غياث مسكم مثقال اللى فوق غياث:لا يا ابني مووو هيچ صل على النبي
غياث وقف بمساعدة حميد :مثقال خلينا نتفاهم
فرج اخو ليل :ماراح نتفاهم اليوم راح اشرب من دمها ال####
جابر عم غياث مسك فرج
غياث عصب :حدك عاد مرتي اشرف من الشرف ما اسمحلك تغلط بحرف
فرج :يا ساقط انته تسكت ولا كلمه انته موو زلمه مالنا كلام معك
حميد همس لغياث
عم ليل :أعطينا البنيه وخلينا نتوكل
محمد :يا جماعة الخير الموضوع ما ينحل هيچ خلونا نگعد ونتفهم
عمر اخو ليل :ابو عبدالحميد اعطونا بنتنا بلا فضايح ودم
غياث بعصبية اكبر :ابو محمود(عمر) من الاخر مالكم شئ عندي
ابو محمد :شيخ موو هيچ تعوذوا من الشيطان وخلونا نتفاهم
غياث رفع ايده واشر عليهم :اسمعوني زين طول ما راسي يشم الهوا محد يمس شعره من ليل اني حزام ظهرها
******
فات على الصالون وبضيق :ليل
ليل رفعت راسها :غياث شصار مين جاك
غياث :جماعه
ليل وقفت : جماعة ايش بهل وگت
غياث ظل ساكت
ليل مدت ايدنها :غياث اشبيك
مشت چدام خطوه بتجاه صوته ووقعت غياث مشى بسرعه ومسكها غياث :بسم الله صارلچ شئ
ليل حركت راسها بالنفي:لاء مابيا شئ
غياث وقفها ليل تضم ذراع غياث :وين راحت صبا قامت وما رجعت
غياث يمشيها هو ساكت
ليل : غياث اشحن جوالك راح يطفي
غياث :ليل مشان محمد اسكتي
ليل ابتسمت :ساكته بس لا تعصب علي
صبا طلعت بوجه غياث وبخوف :غياث شصار مين اللي ضربك
ليل تركته و لفت عليه وهي مرعوبه :غياث مين اللى جاك
غياث بصوت عالي :صبا فوتي نامي لا تطلعين من دارچ
سحب ليل بعنف لقرفتهم وقفل الباب بالمفتاح
ليل :افتحلي اريد اطلع
بدون مقدمات :اهلچ هم اللى جوني
ليل شهقت من الصدمه ودموعها صارت تنزل گعدت بالارض :يالله اني انتهيت
غياث وگرز جدامها ومسك راسها وصار يمسح دموعها بابهامه :ليوله والله ما اخليهم ياخذونچ لا تخافين اني معاچ
ليل ترجف بخوف وتحول تبعد ايدينه :بعد عني وافتحي الباب غياث ابعد عني
غياث مسك راسها :لزم اثبتلهم انچ شريفه
ليل تضرب صدر غياث :يا حقير اتركني
غياث: ليل انتهت اللعبه
ليل ترجع لورا بخوف : والله ما اسامحك ابعد
غياث مسكها وسكر اثمها بكفه قرب اكثر منها وهمس :لا تسامحيني
وبالمجلس
مثقال سحبها من غياث :الحز تطلقها انته مالك مره عدنا
غياث مسك ليل ويجرها:يوال سكتلك چثير ابعد ايدك عن مرتي
مثقال يجرها :اختي ما اخليها عندك لو تنزل السما وتطلع الگاع
غياث يسحبها :انته شكلك ما تفهم يوال مرتي ما تطلع من بيتها الا على جثتي
شيخ عشيرة ليل :يا جماعه صلوا على النبي الطلاق موو حل
فرج يسحب ليل مع مثقال :يا ساقط اتركها احسن ما تشوف شئ ما يعجبك
ابو عبد الحميد :يا شباب خلونا نتفاهم والله عيب عليكم
مثقال بعصبيه :والله يا عمي العيب منكم وبيكم وابن اخوك الصرمايه ما يعرف العيب
غياث يسحب ليل وبصياح :ابعد ايدك انته وياه عن مرتي
عمار ابن عم ليل برحمها وهو يشوف ليل بس دموعها تنزل والكل يجرجر بيها :خلاص عيفوها تركم ذبحتم المره ملختوها تملخ
شيخ عشيرة ليل :يا ويلادي اتركم المره ببيت رجلها مستوره وعفا الله عما سلف
عمر مسك گتف مثقال وبهمس:مثقال يا اخوي خليها مستوره عندهم موو ناقصه فضايح شتسولنا ترجع معنا مطلگه خلاص السافل خذا كل شئ
لحضة صفنت مثقال
غياث سحب ليل منهم وخلها ورا وبصوت عالي :عمي فوتها جوا
جابر مسك ذراع ليل وجرها معاه فرج :هااي جابر اتركها
وبنفس الوگت مثقال حول يلحق جابر بس غياث مسكه من قميصه :من اليوم ليل احسبها ميته
مثقال ضرب غياث لكمه گويه
غياث وگف وبانفعال :ليل ماتت تفهم ماتت بهذيچ الليله السودا
تعثرت ليل ووگعت على ركبها
مثقال بعصبيه وهو يدحق عليها :طلگها ليل مالها گعده هين ترجع معاي على بيت ابوها
جابريقوم ليل وبرحمه:ترها عميه بقمة العجز والضعف ياخي ارحموها واحسبوها ماتت
ابو محمد مسك كتف مثقال :يا ابن اختي الطلاق موو حل الزلمه يريد مرتوا غياث لوا اشهور محافظ عليها ويداريها واصلا عيب عليكم تحچون بالطلاق العالم شتگول اذا اختكم رجعت معاكم بعد اشهور مطلگه
مثقال نزل راسه وبانكسار:عمي العالم حچت علينا أشكال الوان صار اخر همي شتگول العالم نحن بنتنا العميه موو متوذين منها نريدها
غياث :تونكم يا مثقال صحى ضميرك بعد ما طلعتها تركض مثل المجنونه من بيتكم بنصاص الليالي تدور على الموت توف عليك يا عديم الشرف
مثقال حط عينه بيعين غياث : لو بيك ذرة شرف وتعرف شنو الشرف يا ابن الشريفه چنت ما سويت اللى سويته چنت چيت مثل الزلم وخذيتها من أهلها
غياث :بس انتم تصيرون زلم وتحفظون على عرضكم اني اصير زلمه
مثقال مسك غياث وجنون الأرض تنط فوگ راسه :يوال اغلطي بالماضي ما تبرر ولا تشفعلك اللى سويته بأختي ترضها على اختك ها ترضها
غياث بانفعال :اني موو غلطان تجوزتها على سنة الله ورسوله وبي شهود اني صرت لاختك سند وحزام ظهر حفظت عليها مثل ما احفظ على اختي
مثقال دفش غياث صفق بسخريه :يعطيك العافية يا بطل ما گصرت سويت خير بينا سبع
عمر :مابي شئ يشفعلك المفروض مرجع البنية لينا بدال ماتلعب لعبتك القذره
مثقال اخذ نفس عميق وبهدوء :ليل اذا تريدين تضلين عند هذا الوصخه انسي ان عندچ اهل وراح اتبرا منچ ليوم الدين
ليل تشهق من اعماقها:طلگني
غياث مسكها سحبها يريد يطلعها من القرفة :هوص ولا كلمه
مثقال جر ليل من غياث :طلگها احسنلك
ابو محمد :أبغض الحلال عن الله الطلاگ ابوي تعرفين شنو يعني مطلگه وضعچ ما يسمح بطلاقگم ابدا
ليل جسم ينتفض من البچي:ماريد اضل هين خذني معاك
غياث استوعب كلام ليل تركها وگعد على المركية وبخبه دنق راسه :ما دامچ تريدين اهلچ روحي الله معاچ بس طلاگ ما اطلگچ لو الدنيا كلها تصير ضدي
ليل ما اطلگ ومردچ ترجعين ليا
مثقال جر ليل وهو متوجه للباب :لا تطلگ
طلعم اهل ليل
غياث لف على شيخ عشرة ليل :الشيخ أدهم مرتي اذا يصيرلها شئ اوصل الدم للركب
اخو الشيخ أدهم :يا ابن اختي لا تخاف عليها ليل وحيدة جاسم و جاسم كلمتوا ما تصير اثنين عند مثقال
محمد لمس خده وبالم :هذا الزلمه نار وشرار وغضب الجبار اريد افهم اشلون خليتها تروح معه اليوم يگصبها ويشرب من دمها ويدفنها وهي حيه
حميد قرص محمد وبحده:محمد اكرمنا بسكوتك
محمد :هذي الحقيقة والشيخ أدهم اكيد تعرفون مثقال شنو من شئ
الشيخ أدهم :يا جماعه لا تشغلون بالكم البنيه متربيه على ايد اخوها مثقال ما يسويها شئ
غياث حط ايده على وجهه :لا حول ولا قوة الا بالله
ابو عبدالحميد :ابو حيان (الشيخ أدهم) أريدك بكلمة راس
الشيخ أدهم طلع مع ابو محمد وابو عبد الحميد وجابر عم غياث وياسين اخو أدهم
حميد گعد بلط غياث :غياث شلون عرفم ان بنتهم عندك
محمد :غياث والله العظيم اني مالي علاقه حتى لخالي حسن ما جبت سيرة
حميد دحق على محمد :حتين انته تعرف
غياث بضيق :شلون صار هيچ الشهود علاء وابو وائل مستحيل يكونون گالم لحدا مابي حدا يعرف مين ليل الا انته
محمد وگرز :غياث انته تعرفني زين اني مستحيل أضرك واضر عميتك المسكينه
غياث دفش محمد :يوال انته ما بيك ناموس ياربي احفظها من كل شر
حميد :هذا عديم احساس
محمد وقف:والله زين صبرت لليوم الحمدلله طلعت العميه شريفة
غياث وقف وهو يدحق على الأرض :ما تمنيت يصير اللى صار اليوم اني جرحتها
اندق الباب حميد :صبا فوتي
صبا فاتت ووجهها احمر دحقت عليهم بعيونها تدور على ليل بينهم ودموعها رجعت تنزل :شصار وين ليل
غياث حرك راسه باسف:راحت مع أهلها
صبا بعصبيه :شلون ياخذونها ليل المفروض تظل هين اشلون تخليت عنها
غياث قرب من صبا :صبا ليل راح ترجع
صبا بانفعال: شلون تثق بيهم وتعطيهم ليل تخليت عنها تخليت عن العميه شيصير بيها اليوم المصخمه شيصير بيها
غياث ضم صبا لصدره :صبا لا تزيدينها عليا
محمد همس لحميد :ما ادري شلون غياث أعطى گلبو وخلها تروح الله لا يوفقهم المسكينه شراح يصير بيها
حميد :الله يستر
فات ابو عبد الحميد :غياث شتصرف الناقص
غياث :عمي لا تزيدها علي اللى بيا مكفيني
جابر :غياث شماگلت انته الغلطان ما چان لزم تجوزها المفروض مسلمها لأهله ومريح راسك
غياث :انتم ما شفتم ليل لمن دحمتها البنية چانت تركض بنص الليل مثل المجنونه تدور الموت بدون حجاب وجسمها كلو رضوض ومعلم من الضرب
صبا بعدت عن غياث :غياث الله يخليك رجعها لا تخليها عدهم والله اموت هذول ما يخافون الله
ابو محمد حط ايده على كتف غياث :غياث البنيه مسكينه صارت مرتك ظل متمسك بيها ولا تتخلى عنها انته صرت مستقبلها
محمد :يابه انته مؤيد للموضوع
ابو محمد :انته ولا كلمه لا تجيبلي سيرة ربيعتك الفلتانه
حميد بحقد على محمد:اي صح شجاب ليل لنوران مابي وجه مقارنه
غياث شال الشرشف من الگاع :صبا سوي لعمامچ چاي
ابو عبدالحميد :حبيبتي لا تسوين شئ الوگت تأخر
صبا تمسح وجهها :غياث اذا ما رجعت ليل لاني اختك ولا اعرفك
غياث :صبا
صبا طلعت بدون ما ترد على غياث جابر لحق صبا :صبا صبا وگفي
صبا گعدت بالصالون وغطت وجهها
جابر گعد بلط صبا :صبا والله ترجع غصبن عنهم غياث يحبها
صبا انحنت :غياث چذاب ما يحبها خلاص من راحت ما ترجع ليل راحت بلا رجعه آه يا قلبي ليوله راحت
جابر مسكها :صبا اهدي يا بنتي
صبا :ياويل قلبي ياويله آه يا ليل
جابر ضمها لصدره
****
ليل طول الطريق تسمع اخوتها يحچون عليها وعلى غياث وأنواع السب والشتم مثقال حس برأس ليل صار على كتفه بعدها ولف عليها طبطب على وجه ليل :ليل ليل تسمعيني ليل
عمر لف :اشبيها
فرج بسخريه :مسكينه من الخوف غط على قلبها
مثقال يمسح على وجه ليل وينفخ
فرج :شراح نسوي بيها برأيكم
مثقال ظل يتاملها
عمر :اني مالي علاقه مثقال هو المسؤول الأول والأخير عنها
فرج :لونك مووو مدلله چنا من زمان جوزنها وما صار اللى صار
مثقال بندم:اني السبب ما چان لزم اضربها بهديچ الليله ياريت ايدي مكسوره قبل ما امدها عليها
فرج :يوال الندم ما يفيد فات الفوت ما عاد ينفع الصوت
مثقال:الله لا يوفقو ابن الحرام استغلها ودمرها
عمر :مثقال ترى ليل صارت عله وعار برأي نرجعها ليهم ونرتاح الناس تحچي فتره وتنسى
فرج :صح عميه ما تستاهل توصخ ايدك بيها
مثقال :لاحد يتدخل بالموضوع اني المسؤول
مثقال شاف ليل حركت راسها طبطب على وجهها:ولي تسمعيني
ليل ظلت ساكته ودموعها رجعت تنزل بصمت
مثقال نزل ونزلها معه بعنف :توكلم على بيتكم
فات وفوتها معاه للغرفه ودفشها على الأرض بعنف ظل يدحق عليها بصمت وهي جدامه على الگاع وأنواع الأفكار تدور براسه كسر الصمت فات رمى مسك معصمها وسحبها لعند الزوية أعطاها چف بكل گوة:خايفه مني
ليل نزلت راسها ودموعها تسيل
مثقال وقفها بعنف دمعته وقعت من عينه :ياريتچ متت وما كسرتي ظهري ليش ها ليش ذبحتني
مثقال مسك كتوفها وهزها بعنف:يولي لا تسكتين گلولي لو كلمه وحده لا تسكتين بشنو قصرت حتى ما تريدني چنت من أولويات اللى يزعل ليل اگلب الدنيا علي دللتچ وحبيتچ اني شفتچ بنتي قطعه من روحي ولي مشان ايش كل هذا ليا اشهور ما انام الليل عيشتني بعذاب كسرتيني وذليتيني وحرقتي گلبي (ترگها وضرب صدره بكل قوة) حرقتي
ليل نزلت عند رجلنه تشهق من اعماقها مثقال ضل واقف يبچي بعمره ما بچى بس اليوم بچى من حرقت گلبه ليل بانفعال : اذبحني وارفع راسك اني استاهل الموت اذبحني موتني واخلص من عاري والله استاهل اني
مثقال بعد عنها
ليل ظلت على حالها تبكي
مثقال گعد اخر القرفه يدحق عليها بصمت ويدخن
انفتح الباب وقبل اذان الفجر :مثقال ايمت جيت
مثقال :جبتلك بنتك
لف عليها وبهمس:بنتي
ظلت على حالها :ليل تعاليلي
مثقال بصياح :ولي گومي
ليل قامت بصعوبه صارت تمشي وهي تتميل تعثرت قبل ما توصل وگعدت قرب مسكها :الله وين چنت يا ابوي حرقتي گليبي عليج منو ليا من بعدچ يا بنيتي اني اعرفچ مستحيل تسوين الغلط
ليل بس دموعها تنزل شتگوله ابوها واثق بيها ضمها وهو يبچي معاها
صار الشايب يعاتب بنته بألم
*****
غياث ركب مع محمد بالسيارة قرر محمد كسر الصمت :غياث روحتنا لحالنا موو منطقيه
غياث :منطقية ولا لا موو مهم ليل راح ترجع معاي
محمد لف على غياث :شلون بالله
غياث :موو سهله تتغير حياتها بيوم وليله
محمد ركز بالطريق :بالبيت ما عدهم حدا يخدمها
غياث فتح الشباك :لا مابي حدا مثقال صار كرهني أكيد الحز مزرقها
محمد باستغراب :الا مثقال يعرفك من قبل
غياث وهو يفكر باللى راح يصير :من صارت ليل عندي كل فترة اروح على مكتبته وصار بينا تواصل
محمد :ايمت خالي وخالتي يوصلون
غياث :ان شاء الله الخميس الجاي
محمد :اني اشوف نأجل الروحه الأحسن خالي حسن يروح معنا
غياث :خالك يريد يذبحني
محمد صار يضحك : خالتي سارة بصفك وخايف من خالي
غياث ظل ساكت محمد وگف السيارة چدام باب بيت اهل ليل :وصلنا
غياث فتح الباب :بسم الله
****
اما جوا البيت مثقال فات على القرفه ينشف شعره بعد ما غسل شاف ليل بالزويه لونها ازرق ومسكه سلة الزباله وتبچي بشكل هستري وترجف وورها علبة أدوية ابوها منثوره مسكها بخوف : اشبيچ
ليل تركت الزباله وبتوتر تمسح وجهها : مابي شئ
مثقال دحق بالزباله بيها ظروف حب فارغه طلعهن أعطاها كف ومسكها من قميصها: يا مجنونه شبلعتي الله لا يوفقچ
ليل ضمته:مثقال اهئ اهئ اني وحده حقيرة
مثقال يحول يبعدها :ليل ابعدي عني
ليل تتمسك بي اكثر :ما أبعد من ماتت امي وانته تنومني بحضنك من كبرت گلتلي عيب امانه خليني لاخر مره انام على صدرك اريد اموت بحضنك
مثقال بعصبية:استغفرالله
ليل :لا تشفق علي اني حقيره وغبيه والله استاهل اللى يصير بيا
وهو يسمع نبض قلبها السريع ويحس برجفتها : خلاص ابعدي تاخذچ على المستشفى
ليل تتمسك بي اكثر: بس ضمني اريد انسى اللى صار
مثقال يحول يبعدها:مشان الله ابعدي
ليل مچلبه بي وتشهق :لهذي الدرجه تكرهني ما طلبت تسامحني لاني اعرف اني ما استاهل تسامحني بس أريدك تضمني لاخر مره
مثقال بعدها بالقوة ومسك وجهها :ولي عمري ما كرهتچ يا ريتچ بس تشوفين حالي ليل اني انذليت ببعدچ
ليل مسكت ايدينه : يا ريت يرجع الزمان يا ريتني ميته بهذاك الحادث ترجيته يتركني اموت بمكاني بس ما تركني
مثقال : هوص اسكتي مشان الله اسكتي
باست ايده :انته كل شي بحياتي مثقال انته ابوي وانته امي
مثقال ضمها لصدره وباس كتفها
غياث دق الباب طلع بوجهه مثقال شايل ليل بخوف :ليل
ليل تمسكت بمثقال
مثقال :ابعد من طريقي
غياث قرب يحول ياخذها:ما أبعد مرتي الحز أخذها شسويت بيها
مثقال بعصبيه :يوال بعد ابن خالك احسن ما اسوي شي ما يعجبكم
محمد قرب ومسك زند غياث :موو وگت الكون اشبها المره
مثقال :شبيها يعني انتحرت
غياث بخوف خذها من مثقال :محمد شغل السيارة بساع
ليل :مث..قال لا ت.عيفني
مثقال بعصبية قرب يريد ياخذ ليل :غياث يوال احترم حالك احسن ما ادوس ببطنك
غياث بعد وهو مطنش مثقال ركب مع ليل ورا وليل بس تنطق اسم مثقال ركب من الجهه الثانيه وسحب ليل من غياث لحضنه محمد حرك السيارة
غياث يتأمل الوضع :اشلون انتحرت ما تعرف تنتبه عليها منته قد الامانه
مثقال مارد على غياث: تنفس بعمق
ليل ضامه مثقال بقوة وبهمس ونفسه موو منتظم:لا تتر..كني
مثقال مسح على ظهرها وباس راسها
محمد :مثقال حاول بيها تراجع (تستفرغ)
مثقال :من اشوي راجعت
غياث شافها اشلون تتعرق سحب علبة المايه من عند محمد وفتحها :بعد اشوي خليني اغسل وجهها بلچي تصحصح
مثقال مد ايده بمعنى صب
صب غياث على ايد مثقال غسل وجهها
ليل تشهق وترجف
مثقال ضمها وسند راسه على رأسها
غياث شلح جاكيته وغطى ليل مسك ايها يشوف النبض
مثقال سحب ايدها من غياث :لا تلمسها
غياث بحده :المسها بكيفي مرتي حلالي
مثقال :مالك مره عندي
غياث :يوم عرسك يصير مالي مره عندك
مثقال طنش
وبالمستشفى
مثقال گاعد يدخن ومحمد على يمينه وغياث واقف على يساره غياث يدحق على الساعه :لا حول ولا قوة الا بالله
محمد وقف :تشربون چاي ولا گهوة
غياث :جيبلي باكه
محمد بصدمه :تريد تدخن
غياث گعد مكان محمد :لا تنسى الجداحه
محمد راح مثقال بعد سكوت مد الباكه والجداحه لغياث
غياث خذاهن :شكرا
شغل وحده وحط الباكه والجداحه بينهم غياث بضيق :كأنهم طولم
مثقال يدحق على ساعته
غياث لف على مثقال :شلون اعرفت ليل عندي
مثقال شغل وحده ثانيه :وصلني شريط سي دي
غياث بصدمه :سي دي شلون
مثقال :ليلة الحادث بالمستشفى بنفس التاريخ
ضلو ساكتين
طلع الدكتور مع الممرضه وقفم بسرعه غياث :دكتور بشر اشلون ليل
الدكتور :لو متأخرين دئيق كنا اخسرنا المريضه
مثقال :هي بخير اقدر اشوفها
الدكتور :وضعها حرج ئلبها وئف وسونلها صدمات كهربائيه وهلاء نقلتها على العناية المركزه
غياث :يعني شلونها
الدكتور نزل راسه :ادعولها لان وضعها اكتير حرج
غياث حط ايده على راسه من الصدمه ولف
مثقال مرر ايده على شعره :لا حول ولا قوة الا بالله
الدكتور :شوو صلت القرابه
مثقال :اني اخوها
الدكتور :والأخ
مثقال يدحق على غياث بحقد
انتهى الفصل توقعتكم

رد: ليل الخفسه

الفصل الثامن قلب من حجر
مثقال خلص لبس تعطر وشال غراضه متوجه للباب وقف ورجع خطوتين لورا دحق زين ليل رمش بصدمه :ليل
ليل وهي متركيه تقشر يوسف افندي باستغراب :ها
مثقال قرب وهو يحول يطرد الأفكار اللى براسه :صارلچ سبع شهور ما شفتچ مرضتي
ليل بغباء :فال الله ولا فالك ليش امرض
مثقال ضرب چتفها :لا تتغبين اني ناقصني مصايب
ليل تركت الصحن:مصايب ايش اني شسويتلك
مثقال ضرب راسها :گلتلچ لا تتغبين
ليل خافت وبالم :والله ما اتغابى شتريد مني
مثقال لمس بطنها القاسي :حامل يازفت وساكته
ليل بعدت ايد مثقال وظلت ساكته وهي ترجف
مثقال بعصبية :ان شاء الله ايمت ناوية تحچين وتگولين انچ حامل بابن الچلب
ليل ضمت حالها ودموعها تنزل
مثقال وقف وبعصبيه:يا ربي صبرني عليها
وطلع ركب سيارته ودق على غياث :الو
مثقال :السلام عليكم
غياث :وعليكم السلام هلا وغلا
مثقال :تعال على المكتبه اريد اشوفك
غياث طفى الزقارة :اوكي نص ساعه واكون عندك
مثقال سكر فعلا نص ساعه وفات غياث على المكتبة :مساء الخير
مثقال ينفخ الدخان :مساء النور ارتاح
غياث گعد :اشلونك
مثقال گام يصب چاي :موو زين ما يجي من وراك الا وجع الراس
غياث استغرب :خير ان شاء الله اني شسويتلك بعد هذاك اليوم ما گربت من بيتكم
مثقال حط كاسات الچاي :ولا راح تجراء تگرب من الشارع
غياث :گول شسويت
مثقال حط النفاضه جدام غياث :انته گول شماسويت
غياث مسك الكأس :يوال اشبيك اليوم
مثقال بقرف:مبروك راح يكمل النسب عما قريب ويصير بينا دم
غياث صار شق الابتسامه بفرح :واخيرا لان گلبك
مثقال بعصبيه:يوال لا تفرح ليل ما ترجعلك لو تموت
غياث ترك الكأس والابتسامة اختفت :عجب اشلون يصير بينا دم
مثقال فتح الباكه :ليل حامل
غياث بفرح :لا بالله تمزح
مثقال زور غياث :اتبلى عليك
غياث هز راسه :لا والله موو قصدي ليش ما گلتم يا حظي
مثقال دحق على غياث :ما چنت ادري اليوم شفت كرشها وانصدمت
غياث :مثقال مادام ليل حامل صار لزم نحل المشكله وننسى الماضي
مثقال نزل عيونه :بس تولد المره تاخذ ابنك وتطلگها
غياث :للمره المليون اعيدلك ما اطلگ ليل بعدين حرام عليك تحرق گلب اختك العميه
مثقال بوقاحه:اذا انته مستعد تتنزل عن ابنك اني ما عندي اي استعداد اربي عجيانك(مفردها عجي ومعناها ولد)
غياث وقف:باچر ادز امي من الصبح تاخذ ليل على الدكتوره
مثقال وقف:لا تدز حدا ليل اني المسؤول الوحيد عن كل احتياجتها
غياث :يعطيك العافية ما تگصر
مثقال فتح السحاب وطلع چيس :الله يعافيك الكتب من زمان جبتهن
غياث : توقعتك نسيت
مثقال أعطى الچيس لغياث :لقيتهن بصعوبه
*******
مثقال رجع على البيت بوگت متاخر شاف ابوه نايم فات على الغرفه لقها گاعدة بفراشها تتسمع على القرآن من التلفزيون ضل واگف
ليل شكت بالموضوع تعدلت بخوف:مين
مثقال فات وسكر الباب :اني ليش موو نايمه
ليل بخوف رجعت على وضعها :الحز انام
مثقال قرب منها وحطلها علبة كولا بارده :اشربها وبعدين نامي
ليل تعدلت :يعطيك العافيه
مثقال :المطبخ نظيف ما تعشيتم
ليل تفتح الكولا :الا ابوي تعشى اليوم مسعود وصل مها الظهر وسافر
مثقال يطلع غيار : يا حبيبي كملت
شربت نص العلبة مثقال :اسمعي إذا سمعتچ اي كلمه علميني ولا تردين عليها خالص
ليل :ان شاء الله
مثقال راح غسل ورجع على الغرفة وهو مسوي عشا لحاله وهو يتعشى حواضر :نمتي
ليل :يعني
مثقال :باجر نازل على حلب محتاجه شيا
ليل :لا تسلم مو محتاجه شيا
مثقال : اتركي الرسميات وگولي شنقصچ نحن مطولين مع بعض راح نضل مگابلين بعض لاخر العمر
ليل بضيق:كل شئ زغران عليا حتى شحطتي ما صارت تفوت برجلي
مثقال بتاكيد :اكيد كل شئ راح يزغر عليچ اكل ومرعه وقلة صنعه
ليل صلت ساكته
مثقال خلص گام غسل الجلي ورجع على فراشه تمدد وهو يدحق على ليل النايمه وهو ياكل بنفسه ليل شوصله لهذي المرحله وهي لسعها بأول عمرها ما شافت شئ من الدنيا تنهد بحسره عليها
*****
مثقال گعد بالليل ما شاف ليل بفرشها طلع برى وهو خايف عليها لقها گاعدة تبچي وايدها على اثمها
مثقال قرب :ليل اشبيچ
ليل تمسح وجهها :مابي شئ
مثقال وگرز :شنو اللى مابي شئ وانت طالعه بهل وگت برى
ليل عقدت حواجبها :الحز افوت
مثقال گومها ليل انحنت وبالم :آآه
مثقال مسكها وبخوف :يمعوده اشبيچ
ليل بألم وهي مسكه ظهرها :ممغوصه
مثقال فوتها على الغرفه وراح على المطبخ رجع مع كاس مغلى النعناع گعد بلطها :سويتلچ نعناع
ليل بصوت باكي :ماريد
مثقال :اشربي ونامي
ليل عيونها صارت تلمع : الله يخليك عيفني بحالي
مثقال يخوف ليل :شكلچ قربتي جاك الموت يا تارك الصلاة
ليل دموعها صارت تنزل :هههههه امزح معاچ يلا اشربي
ليل بألم نزلت راسها :اريد اروح على المستشفى
مثقال بصدمه :الحز
ليل غمضت عيونها بگوة :ابوس ايدك وديني والله گاعدة اموت من البارح
والمستشفى حاط كرسي وگاعد يتفرج اشلون تتألم : يا غبيه گاعدة تولدين من البارح و ساكته
ليل بضيق:شيعرفني بالولادة
مثقال ابتسم بقهر :صح شيعرفچ لا ام ولا اخت
ليل تمسح وجهها بالمحرمه :الله يرحمها شلون تحملت كل هالوجع سبع مرات
مثقال :الله يرحمها
وعلى الساعه خمسه الفجر ولادة ليل :الحمدلله على السلامه
ليل بهمس :الله يسلمك
مثقال مسح على شعرها :اشلونچ
ليل بتعب :الحمدلله
مثقال عدل ليل :الدكتورة گالت لزم تفطرين
ليل حطت ايدها على بطنها :مو جوعانه اريد انام
مثقال :ليل لا تخليني اعصب
ليل بتعب : ماريد بس خليني انام
فاتت الممرضه :الحمدلله على السلامه
ليل ما ردت
مثقال :ليش جبتي من طلب منچ تجيبينه
الممرضه بهدوء :لزم المدام ليل ترضع ابنها
مثقال :لا خيه ما تريد ترضعها رجعي على الحضانه
الممرضه قربت من ليل :لا تدخل موضوع نسوان ما بيخصك
مثقال عصب عليها :شنو ما أتدخل انتي مين سمحلچ تعلمينا شنسوي وشنو ما نسوي رجعي
الممرضه حطت الطفل بحضن ليل :امسكي الصبي امنيح
ليل بتوتر :لا ماريد الله خليچ ابعدي عني لا يگع
الممرضه خلت ليل تمسكه :اطلع برى ولا عنك نيه تتفرج
مثقال بعدم فهم :اتفرج على ايش
الممرضه فتحت خيط الصدرية مثقال حس بالخجل :لا ما ترضعه
الممرضه :لك انت شوو دخلك
ودق جوال مثقال
طلع يرد الممرضه صارت تعلم ليل اشلون ترضع لان مثقال گايل للدكتوره ان ليل ما عندها اي خلفيه عن الولادة
اما عند مثقال :الو
غياث:صباح الخير
مثقال :صباح النور
غياث بخوف على ليل لان هذا شهرها : توني گعدت خير ان شاء الله شصاير
مثقال :نحن بمنبج ليل ولادة خمسه الفجر
غياث مشاعرة انخبصت :اشلونها هي بخير
مثقال :الحمدلله بخير
غياث ابتسم :شنو جابت ليل ابنيه ولا صبي
مثقال باختصار :تعال بسرعه خذ ابنك وريحني منك
غياث خذا نفس :وليل
مثقال بعصبيه :انسى ليل مالك مره عني
غياث بهدوء :مثقال حرام عليك شذنب ابني اللى تون طلع على الدنيا موو حرام عليك تحرمه من أمه
مثقال :ريح حالك ليل ما تريد ابنك ولا تريدك
غياث :انتم باي مستشفى

ليل تتلمس خده :ليش سكت
الممرضه ابتسمت :نام
ليل تحرك اصبعها بخفه على خده :شلون شكلو
الممرضه :سبحان الله نسخه من خالو
اندق الباب الممرضه:اتفضل فوت
مثقال فات :انتي شكلچ موو ناويه تاخذين الصبي على الحضانه
الممرضه :جهزتوا ديارة للمولود
مثقال قرب اول ما مسك الطفل ليل بخوف :خلي تونو نام
مثقال خذا الطفل :ابوه جاي ياخذو
ليل دموعها صارت تنزل وبصدمه:مثقال هذا ابني شلون ياخذو
مثقال يتأمل الطفل :ليل اني ما اربي عچيان الناس وانتي مالچ رجعه لغياث فاهمه
ليل بعصبيه :لا موو على كيفك اني مستحيل اعيف ابني
مثقال بهدوء :افطري
ليل شلعت الابره من ايدها :ما افطر هات ابني
مثقال بعصبية :ليل
ليل بصياح :اگولك هات ابني
المولود صار يبكي
الممرضه تمسك ليل :اهدي ماحدا راح ياخذ ابنك
ليل حولت ترمي حالها من السرير مسك كتفها:خلاص خذي هذا ابنچ رجعها الطفل وطلع
ليل :خلاص حبيبي لا تبچي اني هين
الممرضه ساعدة ليل حتى ترضعه مره ثانيه
جا غياث فات على الغرفه شاف السرير فاضي :وينها
مثقال رفع راسه :يمشونها
فات غياث وگعد على السرير :ليش يمشونها
مثقال :شيعرفني الدكتوره گالت
مثقال طلع ورجع كلها دقايق فاتت ممرضه بعده شايله الطفل مثقال خذا الطفل ووقف جدام غياث :هذا ابنك
غياث خذا الطفل وهو يسمي و يتأمل وجه الطفل:بسم الله ما شاء الله تبارك الله
مثقال گعد
فاتت ليل مع الممرضه على الغرفه سمعت صوت غياث يأذن بإذن ابنها :ليل يلا امشي معي شبكي
مثقال قام مسك ليل وگعدها على السرير اول ما خلص غياث :خذا ابنك وتوكل
غياث وعينه على ليل:مثقال خلينا نتفاهم
مثقال :مابي شئ نتفاهم علي
غياث وهو يشوف دموع ليل :مثقال اني مستعد اسوي اي شئ تطلبه بس لا تشيل خطية ابني وليل انته امر واني انفذ
مثقال گعد مع ليل وضمها :اختي عميه ما تفيدكم بشئ هي تريد اللى يهتم بيها
غياث : وين المشكله عادي تضل عميه اني مستعد اخدمها بعيوني
مثقال عصب :غياث خذ ابنك وانقلع ما اريد اغلط عليك
غياث :ما اطلع الا اتفاهم معاك
مثقال :نتفاهم على ايش هذا الطفل ثمن غلطتكم وانتهى الموضوع
غياث :ليل كوني معاي مره وحده بحياتچ بحق العشرة اللى بينا لا تتخلين عن ابنا
ليل تشهق :الله لا يسامحكم على تسونه بيا ذنب ابني برقابكم (صارت تضرب على صدرها) حرقتم گلبي الله يحرق گلبكم
مثقال مسك ايدها وضمها بكل قوته :سمعت ليل تكرهك
غياث بانكسار :مثل ما تحب (لف على الممرضه) لو سمحتي وين الدكتوره
الممرضه طلعت مع غياث
غياث سأل عن الوضع الصحي لأبنه و لليل فات على الصيدلية :السلام عليكم
الصيدلي :وعليكم السلام
غياث يفكر شيطلب منه
الصيدلي:خيو تفضل بشنو اقدر اساعدك
غياث :اريد غراض للمولود
الصيدلي ابتسم :ما شاء الله مبروك صبي ولا بنت
غياث :الله يبارك بعمرك صبي
الصيدلي :سميته
غياث :ان شاء الله حسن على اسم الوالد
الصيدلي :عاشت الاسامي
غياث يتأمل أبنه :عاشت ايامك
الصيدلي أعطى غياث كل شئ يحتاجه
راح على محل ملابس أطفال سلم على الموظفه وطلب منها نفس الطلب اللى طلبه من الصيدلي رجع على البيت منتهي وحسن طول الطريق يبكي دق الباب فتح ام احمد انصدمت من الصفل اللى يبكي :شيخ ابن مين هذا
غياث فات :يعني ابن مين ابني
ام احمد لحقت غياث :ليش ليل خانم حامل
غياث :يوم جبتلچ ابني
ام غياث رفعت عيونها ووقفت :غياث
غياث حط حسن بحضنها گعد :ام احمد نزلي الغراض من السيارة
ام غياث ضمت حسن لصدرها تحول تسكته :حبيبي شنو صار معاك
غياث :ما صار شئ مثقال رمى على حسن وليل منهاره
ام غياث بضيق:حبيبي اصبر ان شاء الله تفرج اشلون مرتك
غياث :الحمدلله وضعها زين عندها ولادة من يومين وهي مسكينه موو عرفانه
ام غياث ابتسمت :اهم شئ سلامتها يالله بالحيل يشبها غياث :نسخه من خاله
ام احمد جابت الأغراض
أعطت حسن ل غياث :يا عمري اكيد جوعان
راحت على المطبخ تسوي حليب لحفيدها وأم أحمد لحقتها وأنواع الاسأله شلون وليش وعليش وغياث مسكين تورط مع حسن يحول يسكته ومو عرفان
*****
اما عند ليل :ليل وبعدين معاچ
ليل بصوت باكي:لا بعدين ولا قبلين اريد ابني
مثقال :لا تضلين تگولين ابنچ
ليل عصبت :ابني غصبن عنك وعن الكل حظي مصخم كل شئ گاعد يصير بسببك
مثقال گعد جدامها ومسك ايدينها :ليل صدقيني احسن شئ يكون الصبي عند ابو انتي عميه شتسوين بي
ليل نزلت راسها وكتوفها تنهز من البچي
مثقال شد على ايدها:ليل نحن مو گد نربي ابن الشيخ غياث واساسا غياث مستحيل يعطيچ أبنه
ليل رفعت راسها :حس بيا لو مره وحده مثقال احس قلبي انشلع من صدري هذا ابني(شهقت) والله ابني
مثقال حط راسها على صدره وباس راسها :الله يجبر بخاطرك
ليل تشهق :الله لا يسامحكم على اللى تسونه بيا
********
بعد مرور شهر
ليل تتلمس الضماد :ايمت اشيل الشاش
مثقال يفتح الغداء :ان شاء الله باجر
ليل :دقلي على ابوي
مثقال گعد جدامها :نتغدا بعدين أدقلچ عليه
ليل :موو جوعانه
مثقال :ليل اتفقنا على ايش
ليل حطت راسها على المخده وبضيق:اعطيني تفاحه
مثقال گام طلعها تفاحه من البراد واعطاها :لسع خايفه على رشاقتچ
ليل تمسح التفاحه بقميصها :لا والله
مثقال صار يتغدا وهو يضحك عليها الايام الفاتت ذبلت مثل الورده جدامه ما لقى حل غير يسايسها حتى تجوز اللى صار معها
******
الدكتور يفك الضماد :انسى ليل ما اشوفك متحمسه ابتسمي
ليل من اول ما جت تتعلاج والدكتور لزق بيها يمزحها بوقحه:قبل ما افتح عيوني ابعد من جدامي اريد اشوف اخوي
الدكتور ابتسم :تكرم عينك ليل خانم
الدكتور طلب من ليل تفتح عيونها
ليل فتحت عيونها ببطئ ورجعت سكرت فتحت مره ثانية وهي ترمش شافت مثقال جدامها بلحيته السودا الكثيفه بالحيل شكله متغير كبران دموعها صارت تنزل ابتسم لها :مبروك
ليل وباست راس مثقال وضمته :الله يبارك بيك كبران چثير
مثقال :يولي كبرتني بهمچ
بعد ما طلعم من المستشفى مر على المطعم تغدا مع ليل وهي موو مصدقه حسه كل شئ غير كأنها اول مره تشوف بحياتها
********
وتمر الشهورعلى أبطالنا
ليل بعصبيه :اني موو بحاجت هيچ اخ يا حيف عليك
مرت اخوها عمر :انتي قليلة ادب ما تحترمين حدا
ليل :خليت الأدب لچا ولاهلچ يا س
عمر قطعها:ليل برحمة امچ لا تغلطين
ليل بانفعال:انته من گل عقلك تدب ورا مرتك ولك اني اختك الوحيده ما تخجل من شيبت ابوك
عمر برجاء :ليل لخاطر ابنچ اللى انحرمتي منه لا تخربين عرس بنتي
ليل توجهت للباب :اصلا اني اللى ما اتشرف اجي على عرس ببنتكم يا نور (غجر)
مرت عمر : انتي النورية روحه بلا رجعه الله ياخذ يا فلتانه
عمر گعد :ولي خلاص ارتاح گلبچ
ليل طلعت من بيتهم ودموعها تجري اخوها منعها تجي على عرس بنته لان اهل مرته ما يجون على العرس اذا ليل حضرت
ليل تمشي بالشارع وهموم الدنيا كلها على گلبها سمعت صوت سيارة تزمر لها ضلت ماشيه ليل بهمس :الله ياخذك يا ابن الچلب
نزل :هي وگفي اشوي
ليل مشت بسرعه :اشبيچ تبچين صاير شئ معاچ محتاجه مساعدة
ركضت من الخوف لان الشارع فاضي وهذي اول مره تطلع لحالها بعد الحادث
بصوت عالي :ليل ليل
انتهى الفصل توقعاتكم

رد: ليل الخفسه

الفصل التاسع سنابل مكسورة


ليل وگفت ولفت عليه وهي تزوره يا ترى مين هذا؟
قرب منها :شبيچ شصاير انتي بخير
ليل حطت عينه بعينه :مين انته
ابتسم :له ما اعرفتيني
ليل حركت راسها وهي تمسح وجهها:لا ما اعرفك اول مره اشوفك
صار يضحك :اني محمد ابن عمت غياث
ليل عقدة حواجبها ورجعت خطوة :شتريد ليش لحقني
محمد مدلها محرمه :شفتچ تبچين(بتردد) و.. وخفت عليچ
ليل حطت ايدها بجيبها :الفلتانه ما ينخاف عليها خاف على حالك
محمد بندم على أول لقى بينهم سكر ايده بخجل :ام حسن اني اسف ترى ما چان قصدي اگول اللى گلته سامحيني
ليل كملت طريقها :يوال ولي من هين
محمد لحقها :ليش تبچين وين چنتي
ليل دحقت عليه:الحز انته ليش لحقني
محمد بهمه :مرت اخوي لزم اوصلچ لبيتكم
ليل كملت طريقها:الله ياخذك انته واخوك
محمد وهو وراها:غياث حقير ما يستاهلچ
ليل بقلبها (محد غيرك حقير) :اتجوزت نوران ولا لسعك عزابي
محمد بحزن:لا والله عافتني وتجوزت شايب زنگيل (غني)
ليل تضحك :الله ما گصر بيك
محمد :ليل الشماته موو حلوه
ليل تتأمل السماء :لا تمشي معاي الحز يشوفنا حدا ويفهم غلط
محمد :ما سألتني عن حسن
ليل وگفت محمد : اكيد مشتاقتله
ليل :ولك اسكت گلبي محموس عليه لا تزيدني هم
محمد فتح جواله : الدبدوب صاير يجنن تعالي شوفي
ليل بعصبيه وشك:لوين تريد توصل
محمد لف ليها الجوال شافت صوت حسن بحضن محمد ليل خذت الجوال منه وگعت على الرصيف كونها كله انهز عيونها صارت تلمع اول مره تشوف ابنها
محمد اول ما شاف دموعها :لا تخافين على حسن والله موو ناقص على إلا وجودچ
ليل مررت اصبعها على وجه ابنها وهي تسمع محمد اشلون يحچي عن حسن ويوصفه
***********
عند غياث : حسن خلاص يا بابا اترك جوالي
حسن يسحب الجوال وهو يدمدم على غياث :لا جوالي اني (وكمل بالفرنسي)
غياث :خذا جوال ابوي
حسن يأشر :بابا ابوي راح
غياث حط حسن بحضنه :وين راح جدو
حسن رفع اكتوفه :ماعرف
غياث يلعب أبنه وهو يضحك : يوال طولك شبر ونص وجننتني امك جابتك عالدنيا واني اللى ابتليت بيك وبيها
مرت غياث حطت الغدا :العشا جاهز
غياث بعصبيه :نمتي بالمطبخ جگمني الجوع من البارح ما چليت
مرته گعدت :شصير اني على البيت والضيوف ولا عليك ولا على ابنك الرزيل
غياث زورها:سلوى شيلي الصينية من جدامي احسنلچ
سلوى بعصبيه شالت الغدا :سوي حليب لحسن
سلوى بحده:رضع من اشويه ما يمدى يهضم
غياث قرص خد حسن :يوال دبدوبي اسويلك حليب
حسن طار من الفرحه غياث شاله سواله حليب وراح ينام مع أبنه
******
اما عند ليل قطفت عنب من الدالية وفاتت على البيت لقت مثقال موجود :وين چنتي
ليل بتوتر :يعني وين چنت بالحوش اتمشى وقطفت ورق عنب اريد الف يبرق
مثقال سكر السكرتون :سويتي غدا
ليل هزت راسها :اي سويت احطلك
مثقال مسك غيار :شنو الغدا
ليل :صينية لحمه ومثومه (سلطة خيار باللبن)
مثقال توجه للباب :بسرعه حطي لاني مستعجل
ليل ابتسمت :ان شاء الله
بسرعه رجعت جوالها على مكانه وراحت على المطبخ تركض جهزت الغدا وسوت چاي وگعدت تستنى اخوها
گعد يتغدى معها ليل :ابوي لسع ما رجع
ليل هزت راسها :لا ابوي اربعه وعشرين ساعه گاعد مع الشياب من يفطر يطلع ما يرجع لبعد المغرب يتعشى وينام
*******
يا جماعه خلاص يكفينا حچي بالماضي هو راح وانتهى خلونا نرجع للواقع نرجع لواقع ليل المؤلم وقفت فتح السكرتون طلعت جوالها وشغلته دقت عليه فصل ورجع دق عليها ردت :الو محمد
ابتسم :يا هلا وغلا اشلونچ مرت اخوي
ليل بضيق :برأيك شلون اكون وابني محرق ما اعرف شصار بي
محمد :يا بنت الحلال لا تخافين حسن زين وحرق موو خطير
ليل بصوت باكي : لا تسكتني وصله حدي ياولم هذا ابني
محمد :والله العظيم انو بخير اني الحز عندهم
ليل :شلون احترق
محمد :بالچاي
ليل :محمد احلفك بالله تگولي بايش احترق
محمد بتردد :خالتو سلوى ما انتبهت على وسحب مقلية الزيت عليه
ليل بقهر ودموعها تنزل بغزاره:يا سواديني علي الله لا يوفقني اشلون يحترق وين غياث وين حبابته وين عمتو
محمد :خالتي راحت على فرنسا من اسبوع تزور صبا
صوت بچي ليل تعالى :ام حسن هذا المكتوب شصار اليوم غياث گال انچ چيتي رزلتي
ليل :ما يبين بي
محمد ابتسم :وجهو امتن من الصرماية
ليل :صوري حسونا
محمد :ما اقدر
غياث فات وصب چاي :محمد تعال تعشى
ليل :الله يخليك بس صوره وحده
محمد بتوتر :صدقيني ما اگدر لا تحرجيني
غياث :تحچي مين
محمد دحق على غياث وبمزح :وحده فلتانه
ليل :وجع انته الفلتان يا قليل الادب احترم حالك
محمد يضحك :يوجعچ
غياث گعد باهتمام ليل :اسمعني زين
محمد يقطعها :خيه سكري اريد اتعشى
ليل :سم ان شاء الله عليك وعلى اللى بلطك والله العظيم إذا ما ترسل ليا صورة حسوني
محمد :No No موقفچ ما يسمحلچ تهديني
ليل :الله ياخذك
وسكرت بوجه محمد حطت راسها على المخدة فات عليها مثقال :ليل
ليل بدون اهتمام :هممم
مثقال :گومي حطيلي عشا
ليل تمسح وجهها :وين مها ما تحطلك
مثقال :مع عجيانها بقرفتهم
ليل تعدلة :اني اشوفها على بالها الگعده فوگنا ببلاش
مثقال :هييي مالنا علاقه بيها خليها تولي
ليل عصبت :شنو مالنا علاقه بيها والعيشة المجانية اللى على احسابك
مثقال گعد :تحمليها اشوي گلها شهرين ثلاث و يرجع مسعود
ليل وگفت :يا صبر أيوب شهل الصخام
سوت عشا لمثقال فتح چيس الخبز :تعالي تعشي معاي
تمددت وعيونها تلمع :صحه وهنا
مثقال :على قلبچ يلا تقلطي
ليل دمعتها نزلت :اكل سم
*******
وبعد ايام گاعدة تتأمل صوت ابنها وغياث اللى ارسلها محمد ليل لمن راحت هداده علي بيت غياث چنت اول مره تشوف غياث معقوله هذا رجلها غياث ابتسمت بدون ما تحس وهي تتذكر اشلون چانت تگوله أسود
صار لزم اوصف لكم غياث شاب طويل جسمه رشيق وكتوفه عريضه وعيونه لونها ازرق وشعره اشقر فاتح جدا ولحيته الخفيفه بنفس لون شعره وبيها شيب وبشرته من شدة بياضها تصير حمرا وبس
ليل سمعت صوت الباب رجعت الجوال وحطت الملفع على راسها وطلعت وقفت ورا الباب :مين
سمعت صوت ابوها فتحت الباب فات مع زلمه غريب لسعو شباب لبس جينز وقميص ابيض وجاكت بني فاتح:السلام عليكم
ليل تدحق بهدوء ابوها :ليل بنتي سلمي على عمچ
ليل :وعليكم السلام تفضل
فات مع ابوها على غرفة الضيوف ابوها صاحلها ليل فاتت :ها يابه
ابوها : جيبي مايه
ليل راحت چابت الماي وقدمتها لضيف ابتسم :يعطيچ العافية
ليل :عمي الله يعافيك
ابوها :ليل بنيتي جهزي العشا وسوينا چاي
ليل :ان شاء الله تكرم
وطلعت سوت العشا حواضر وبيض بلحمه مدت السفرة وصبت چاي وقفت :اذا احتجت شئ صيحلي
الزلمه : وين يا بنتي لسى ما شفناچ
ليل رمشت من الصدمه ابوها ابتسم :ليوله أگعدي
ليل :لا ما اگدر مشغوله عن اذنكم
وطلعت بسرعه
سمعت صوت ضحكهم :يا ربي مين هذا الزلمه منو شيريد يشوف بيا
وهي تشيل العشا جا مثقال استغرب :السلام عليكم
ردو :وعليكم السلام
مثقال سلام على الزلمه :اشلونك عمي ابو غياث
ليل انصدمت
ابو غياث :الحمدلله يا ابني بخير انته اشلونك
مثقال گعد :الحمدلله ليل كاست ماي
ليل سرحانه مثقال بصوت عالي :ليل
ليل رفعت راسها :ها شنو
مثقال :عطشان
ليل گامت بسرعه وصبت لمثقال
شالت الصحون وطلعت بسرعه
*****
اما عند غياث اللى گاعد بالگاع والالعاب منتثره حوله ويلعب حسن :حسونه هذي السيارة احلى تريدها
حسن يرضع وماسك السيارة غياث بأس راس حسن اول مره يشوف أبنه بهذي الحاله بالعادة ما يسكت ولا يگعد طول اليوم يدور عيونه مورمه من البكي :ابني الله لا يسامحني
باس خد حسن ومسح على راسه
فات ابوه :مساء الخير
غياث يعطي حسن شوكولاته :مساء النور
ابوه :حسن حبيبي شوف اليوم مين جبتلك جبت ماما
حسن يدحق بصمت غياث لف شاف ليل وگفه مع ابوه
ليل بدون اهتمام قربت وگعدت بلط حسن ضمته بخفه وباست خده :غياث الحقني على غرفتي
وراح
غياث :اهلا وسهلا ليل خانم نورتي بيتچ
ليل حطت حسن بحضنها بدون ما ترد
غياث گام وراح على غرفة ابوه
اول ما طلع غياث صار حسن يصيح ويبچي ليل بخوف وتوتر :حسونا حبيبي... حسن شبيك.... ماما ليش تبچي... الواو توجعك
رجع غياث وخذا حسن منها وضمه:يوال اشبيك رزلتنا
وصار يحچي مع أبنه فرنسي
ليل وگفت ببرود غياث أعطى الشوكولاته لحسن :حسونا بس يا بابا
غياث گعد حسن وفتح چيس قطع الشوكلاته :تعالي اگعدي معاه
وطلع
ليل گعدت خذت قطعة شوكلاتة وهي تقول :ممكن قطعه
اعطلها وحده ثانية :خذي
ليل خذت الثانية صار ياكل ويعطيها ليل ايدها تعبت قطع صارت تضحك على شكله :يمه انته شسويت بالحالك
حسن صار يضحك وهو مدهون بالشوكولاته مدلها قطعه وهو يتكلم بالفرنسي ما فهمت الا كلمة :همي
ليل تطعمي :لا يادبدوب انته تهم
حسن زاد ضحكه ومسك ليل ويحول يطعمها :داده همي
ليل تقرص خده :يوال مين داده
حسن مسك ليل :انتي داده هم
ليل حطت قطعه باثمه :لا انته تهم
فات غياث قرب وهو يشوف حالهم
غياث گعد بلط حسن :ليل حسن لاص الدنيا گومي غسليلو
ليل گعدت حسن ورجعت اللى بيدها على الچيس :لا تتآمر اعرف شغلي
حسن فرحان يحول يطعمي ليل :داده همي
ليل تبعد ايده :ماريد
غياث مسك ايد حسن واكل قطعة الشوكلاته :من الصبح يبچي واخيرا سكت
ليل رفعت قميص حسن تلمس الضماد :اليوم غيرت الضماد
غياث :الصبح غيرنا
ليل وگفت وشالت حسن خذت من الكيس صار يبچي ويصيح
ليل انفجعت رجعت الچيس بخوف :خلاص لا تبچي
غياث وگف وخذا الچيس منه :عادي خلي يبچي
ليل :وين المغسلة
غياث مشى معها شاف ليل ما تعرف :خلاص اني اغسللو
ليل بحده :لا تدخل بشغلي
غياث يأشر :هذي غرفتچ اللى بالنص
وراح ليل بعد جهد وعناء خلصت فاتت على الغرفة صارت تنشف وجه حسن :حسن خلاص حبيبي
فتحت الحجاب ورمت العباية شالت حسن وصارت تتمشى بالقرفة فتحت السكرتون شافت
هدوم ل أبنها وهدوم نسائية وهدوم رجالية طلعت غيار لابنها انفتح الباب ليل رفعت عيونها غياث يخض (يرج) الحليب :حسوني سويتلك حليب
ليل :ممكن تجيبلي دوا حسن
غياث أعطى حسن الرضاعه :الحز اجيبه لچا
ليل رمت ابنها الهدوم وشالت الضماد غمضت عيونها بألم
صارت تلعب بشعر حسن :يا عمري يا ريت الحرق بيا موو بيك
فات غياث حط الأدوية وگعد جدامها ليل طلعت الأدوية :ليش موو معطينك مسكن ألم
غياث :مسكن
راح ورجع مع علبة شراب
ليل شربت حسن
ليل وتشوف الأدوية :بايش انحرق
غياث يفتح الشاش :بالچاي
ليل رفعت حاجبها :اني مو غبية هذا موو حرق چاي
غياث رفع راسه :شقصدچ اني چذاب
ليل مسكت قطعة القطن :افمها مثل ما تريد
غياث فتح المرهم : محد جابرج تصدقين
بعد ما خلصت لبست حسن دق جوالها غياث :ردي
ليل تلم الأغراض والهدوم الوسخه :خليك بحالك
غياث يدحق عليها :عيدي ما سمعت
ليل لسى جوالها يدق :اتوقع عمي گال لك على وعوده لأهلي
غياث وگف : بعد ما عفتي حسن وعمره ساعات لا تتوقعين وجودچ يعنيلي صار وجودچ ماله اي أهمية بحياتي
ليل حطت الهدوم بالسلة ودحقت على غياث :هههههههه مين گال اني راجعه مشانك يا أمور اني ارجعت مشان ابني
غياث قرب منها :لا بالله
ليل رجعت خطوة : انته موو قد الامانه اذا البارح احترق بزيت الله العليم باجر شيصر بي
غياث :ما احترق بالزيت
ليل بعصبية :انته واحد چذاب حسبي الله ونعم الوكيل بيكم
غياث حصرها بينه وبين الحايط وبحده :هوص صوتچ
ليل أعطت غياث ظهرها وطلعت جوالها من صدرها وگعدت على السرير ردت :الو..... لا...... اي....اي..... إن شاء الله .......لا
غياث طلع من الغرفة ليل :مثقال لا تشغل بالك علي
مثقال :اشلون صار ابنچ
ليل ابتسمت :توني غيرتلو على الحرق ونام
مثقال :الله يشفيه
ليل :آمين
ليل بعد ما خلصت مكالمته مع مثقال حطت راسها ونامت گعدت الصبح على صوت حسن يبچي وشافت غياث نايم معها طلعت مع حسن وهي شايله الرضاعه فاتت على المطبخ شافت عمها :صباح الخير
عمها خذا حسن منها :صباح النور
ليل وقفت على المغسلة تغسل الرضاعه :عمي شتسوي بالمطبخ
ابو غياث :اسوي فطور
ليل :عمي وين الحليب
ابو غياث فتح الخزينة :حبيبتي هذا الحليب
ليل مسكت العلبة تقرأ تعليمات الاستخدام ابو غياث :حطي اربع ملاعق
ليل ابتسمت هي تفتح العلبة :ان شاء الله تصلحتم
ليل أعطت الحليب لحسن : تحب البيض مقلي ولا مسلوگ
ابو غياث ابتسم :مثل ما تحبينو
وطلع من المطبخ ليل سوت الفطور والچاي حطت الفطور على السفرة :صار الفطور جاهز
ابو غياث گعد وحسن بحضنه :الله يسلم ايدينچ
ليل ابتسمت تصب الچاي :عمي تشرب الچاي حلو ولا باهت
ابو غياث :سكر وسط
ليل حطت كاست الچاي واعطته رغيف خبز :مثل ما توقعت
:صباح الخير
ابو غياث :صباح النور غيوثي تعال افطر
غياث گعد بلط ابوه وخذا حسن وصار يبوس بحسن :صباح الخير يا حلو
ليل حطت لغياث خبز وچاي ووقفت :ليل وين
ليل ابتسمت لعمها :الحليب على النار الحز يفور
راحت جابت كوب الحليب وتفاحه اول ما عضت التفاحه حسن جا لعندها وهو يدمدم وخذا التفاحه منها ليل مسكتها :اتركها هذي ليا
حسن ضرب ليل على وجهها :ليا اني
ابو غياث بحده :حسن عيب تضرب ماما
غياث سحب حسن من قميصه :انوب لا تاكلين شئ بدون ما تحسبين حساب حسوني
ليل وايدها على وجهها :حسونا حبيبي تعالي اقشرها لكا
حسن وهو يعض التفاحه رجع عند ليل مسكت ايده وخذته على المطبخ غياث :اتوقع انوب چم يوم وتگولك ليل رجعني على بيت اهلي
ابو غياث :غياث اذا زعلتها لا تلوم الا حالك
غياث ياكل :استغفرالله اني ازعلها شيخ شبلي هو اللى راح يطفشها
فاتت ليل مع حسن شايله صحن مقطعه بي التفاحه وگعدت حسن على الكنبة خذت كأس الحليب وقعدت مع حسن تاكل تفاح
ابو غياث :بنتي تعالي افطري معنا
ليل ابتسمت :تراني گاعده افطر
ابو غياث :ما دام عندك اجازة تروح تعوني بالمعمل
غياث يتحجج:وحسن امي موو هين
ابو غياث زوره:حسن مع امو
غياث دحق على ليل :يووه نسيت ان ام حسن موجوده
راح غياث مع ابوه وليل نظفت المطبخ وغيرت لحسن وگعدم يلعبون
جهزت الغدا صارت الساعه وحده وما رجعم دقت على مثقال :الو
مثقال :يا هلا وغلا
ليل تضحك :شكلك اشتقتلي
مثقال :يولي ما اگدر استغني عنچ البيت بدونچ ما ينطاق
ليل تمسك حسن : يا عمري انته تغديت ولا مهوه ما طبخت
مثقال :لا والله لسع بالمحل فطرت حلويات وگهوة
ليل بانزعاج من حسن اللى يصيح :صحه هنا
مثقال :على گلبچ اشبي حسن
ليل تركته :والله الأستاذ حسن كسر البسكويت وبهدل الدنيا
مثقال صار يضحك :يا ستي هذا اللى تريدينه تحمليه
ليل :جنني من سته الصبح وهو فايع
مثقال :ههههههههه يا خوفي تطفشين منه ومن ابوه
ليل :لا تخاف اختك ذيبة
مثقال ظل ساكت :زين اريد أسألك عندك رقم عمي ابو غياث
مثقال :اي عندي
ليل :دزليه مسج
مثقال :اوكي بس ليش
ليل :لانو...
جاها الرقم دقت على عمها ورد :الو
ليل :السلام عليكم
عمها ابو غياث :وعليكم السلام
ليل :عمي اني ليل
ابو غياث :يا هلا بنتي اشلونچ
ليل بمزح :طلعلي قرون وينك ما جيت على الغدا
صار يضحك :والله هذي طلعتنا من المعمل شطابخه
ليل :حواضر وبيض
ابو غياث بمزح :اذا هيچ نروح على بيت ابو عبد الحميد نتغدى
ليل :اوكي لا تتأخر والله جعنا
ابو غياث :ربع ساعه ونكون عندچ
بعد ما سكرت من عمها لفت حوليها حسن موو موجود لمت البسكويت المكسر وراحت تدور على حسن شافته مسك لعبه وناسي نفسه وهو يشوف العصفور اللى واگف جدام باب القزاز (زجاج) مشت بهدوء ومسكته وهي تضحك :گمشتك يوال وين رحت
حسن صار يضحك ويدمدم بالفرنسي وياشر على العصفور
ليل شالته وراحت على الغرفة طلعت جينز ازرق وتيشرت رمادي ربع ردن غيرت ومشطت شعرها وجهزت السفرة فات غياث مع ابوه
ابو غياث :هالله شريحه الطيبة
ليل ابتسمت :ان شاء الله تعجبك الكبسة
ابو غياث يرفع اكمامه وهو يتأمل السفرة :اشلون ما تعجبني و سفرتچ تفتح النفس
غياث شال حسن :ليل اريد مايه باردة
ليل بعد ما صفنت گالت بهدوء وهي تغلى من جوا :ان شاء الله
وراحت جابت ماي وگعدت معاهم تتغدى كلهم يحچون ويضحكون وهي تاكل بصمت ابو غياث مدحها وگام على غرفته يرتاح غياث يطعمي حسن :ام حسن سويلي چاي
ليل : اسويلك سم يسمك ويدمك
غياث رفع راسه بصدمه :شنوو
ليل بتحذير :مثل ما گلتلك الشيخ أبو عرب لا تصدگ حالك اني چايه اربي ابني موو چايه اخدمك
غياث گوم حسن من حضنه چا يگوم عليها ليل :لا تنسى شگالك عمي
غياث خذا نفس عميق وحط عينه بعينها :تخدمين غصبن عن اللى خلفچ
ليل تكمل أكلها :ان شاء الله باحلامك الوردية
غياث رمى عليها المملحه :قليلة أدب
ليل بألم :آه بطني والله اگول لعمي
غياث وقف مسك حسن :روحي بلطي البحر اني تگوليلي سم
ليل :الله لا يوفقك
قامت لمت السفرة ونظفت المطبخ وراحت على غرفتها لقت حسن نايم بحضن غياث اللى ماسك الجوال يدردش
ليل قربت خذت حسن من حضن غياث وغطته قعدت على السجادة وفتحت جوالها تتصفح بي مر الوگت
غياث ترك جواله وتمدد
ليل شافت غياث نام راحت على الطرف الثاني حطت راسها ونامت
******
ثاني يوم نفس الأحداث من الصبح گعدها العفريت حسن و العصر گعدت مع عمها تشرب گهوة :الا وين عمتي ام غياث
ابو غياث :بفرنسا راحت تزور صبا
ليل ابتسمت :صبصب تجوزت
ابو غياث صار يضحك :لا والله راحت تدرس ليها ثلاث سنين
ليل :الله يرجعهم بالسلامه عمي كانك كثرت حلويات
ابو غياث :اني اموت بالحلويات لزم كل يوم اكل حلو
ليل سكرت العلبة :خلاص يهيچ يكفي لزم تنتبه على حالك
ابو غياث يضحك جا غياث ومعه حسن شايل رضاعته:ليش ما گعدتينا
ليل رفعت راسها :نسيت
غياث گعد :استغفرالله
ليل راحت سوت فنجال گهوة لغياث اول ما حطت الفنجال چدامه انصدم الشيطانه بوجود ابوه تصير ملاك وبينهم لسانها أطول منها
خذت ابنها وفاتت جوا
******
ليل گاعدة تلعب ابنها رفعت ايدنها تحمي نفسها من الألعاب اللى يرميها عليها :يا حيوان خلاص
حسن يضحك ويدمدم عليها
فات غياث :آه يوال حاج والله اگوم اكسرك يا ابن الكلب
غياث مسك لعبه ورمها على ليل :ولي ترشين (بمعنى تسب) ابني حسوني
ليل رمتها عليه :اي ارشه تريد ارشك معه
غياث رجع رمها عليه :ما تعبتي
ليل رمت نفس اللعبة على غياث :اتعب من ايش
غياث رمها بنفس اللعبة وشال حسن :منا
ليل وقفت على ركبها : لا موو تعبانه كلي فدا حسونا يا ناس فديت هالطول
يضحك :اتذكر ناس چانم يكرهون الويلاد الزغار
ليل :كلشئ شئ مع الوگت يتغير
غياث اعطها حسن :سبحان الله تعشيتم
ليل ترمي حسن هدومه :الحمدلله
غياث گعد معها :شنو سويتي عشا
ليل لفت عليه : لزم الحچي الفاضي
غياث قرص خدها :حچي فاضي
ليل بعدت ايده :لا تخليني ارفع صوتي
غياث قرب منها اكثر :گومي يا شطوره حطيلي عشا احسن ما اني ارفع صوتچ الحلو
ليل صارت تلبس حسن : اتوقع عندك مره ولا ناسي كل ما تشوف حسن المفروض تتذكرها
غياث :لا تصيرين غبيه ترى المره مالها علاقه چان حادث
ليل وقفت ووحطت الهدوم الوسخه بالسله :غياث اطلع برا لسع ما عندي استعداد احچي بحرق ابني
غياث وگف مسكها وعصبيه :صار لى اسبوع صابر عليچ لوين ناويه توصلين انت ليش موو راضيه تفهمين ان الصبي انحرق بالچاي
ليل بعصبيه :لا انته چذاب هذا موو چاي ان شاء الله ما يطلع علي الصبح اذا چان چاي
غياث بهدوء :ام حسن لخاطر ابنچ تعوذي من الشيطان
ليل حطت عينه بعينه وعيونها تلمع:متعوذه منه بس انته ما تحس (وگعت دمعتها الأولى ) لو بيك ذرة احساس ما چنت چذبت عليا مشان تحميها
غياث بعصبيه ووجهه صار احمر مثل الدم :ما احميها هي مالها ذنب اذا تريدين تلومين حدا لومي حالچ حسن ابنچ موو ابنها
دفشها على السكرتون وطلع
ليل تمشي بالظلام شافت غياث گاعد يدخن بالصالون ويتابع فليم مصري ابيض باسود وگفت تتفرج من بعيد جا مقطع كوميدي وصارت تضحك لف شاف ليل واقفه تضحك ليل تحركت وهي مبتسمه :جوك بيض زنخ
غياث :بيض زنخ وتضحكين
ليل صارت تضحك :مزاجي اضحك اخر الليل الله يستر عليك
غياث ما فهم :لحضه لحضه شدخل الستر بالموضوع
ليل رفعت كتفها :موو زين ادعيلك بالستر
وراحت على المطبخ
غسلة الرضاعه وفتحت البراد طلعت الخبز وهي تسوي لفت زعتر فات غياث على المطبخ طلع ركوة الگهوة وفتح الحنفية
ليل رجعت الخبز وشغلة غلبة الماي طلعة زرف چاي غياث :هذا چاي أخضر
ليل حطته بالكأس :ما تفرق كلو چاي
غياث يشغل النار :الله يثبت علينا العقل والدين
ليل صارت تاكل من اللفه
سوت الچاي وراحت على غرفتها
********
طلعت من المطبخ مع الچاي شافت غياث ومعه وحده ضامها وراسها على كتفه شعرها اشقر ليل ضلت واقفه عند المدخل طلع عمها من الحمام وهو ينشف وجهه :ليوله
ليل دحقت عمها :ها عمي تريد شي
سمعت صوت المره :يا هلا وغلا بچنتي
ليل ابتسمت وبإعجاب :الحمدلله على سلامتچ
حطت الچاي على الطاوله ام غياث گامت :الله يسلمچ يا ماما
ضمت ليل :عمي ما گال ليا انچ ارجعتي
ابو غياث :توقعت غياث گالچ
ليل ابتسمت
ام غياث گعدت وحطت رجل على رجل :غياث
جابني الفجر من التعب نمت على طول
ليل راحت جابت كاست زياده وصبت چاي غياث وهو ياخذ كاسه :جوعان حطيلي فطور
ليل بتعب :اصبر على أذان الظهر يستوي الغدا
غياث يدحق على الساعه :شيصبرني ساعه
ليل راحت چابت كعك حطت صحن جدامه وگعدت تتفرج على حمتها اشلون (اني وين وهي وين يمه شلون مهتمه بحالها على بالك عروس وابنها بگد الحايط)
ام غياث :ليل ليش حسن للحز نايم
ليل حكت رقبتها :حرارته ارتفعت البارح بالليل فگلت حرام خلي يضل نايم على ما اخلص شغل البيت
ام غياث ابتسمت :الله يعطيچ العافية
ليل گامت صبت چاي لعمها :الله يعافيچ
ام غياث خذت الصحن من غياث :غيوثي حاجتك تاكل
غياث خذا وحده :سوسو لا تخافين ما اسمن
حطت الصحن بعيد عن غياث :لطالما تشرب السم ما راح تمسن بس راح تمرض
ابو غياث :الله يهديك يا ابني ويصلحك
غياث ابتسم وهو يمد كاسه:ليل صبيلي
ليل :تكرم
غياث اعطها الكأس وهو يشم :شطابخه اليوم
ليل :طابخه محشي
غياث :هالله هذا اكثر اچله تحبها امي
ليل دحقت على ام غياث:بجد
غياث :شفت يابه امي حماتها تحبها
ام غياث :الله يرحم عمتي
ابو غياث : آمين يارب العالمين
ليل :اني رايحه اگعد حسونا محتاجين شئ
ام غياث :لا حبيبتي
ليل راحت على غرفتها گعدت تجمع الألعاب اللى بكل مكان منتثره بصناديق القماش فات عليها غياث ليل :خير شعندك
غياث رمى حاله على السرير :ما عندي شئ چيت اخذ حسوني
ليل رفعت راسها :بلا سخافه وين تأخذه
غياث يبوس حسن ويشم ريحته :عند امي دخيل هالريحه حسن حبيبي حاجتك نوم حسوني
ليل حطت الصندوق القماش مكانه :اصبر شوي
شالت حسن غسلته وغيرتله وهي تمشط شعره غياث بسخريه :عطري حسونا من عطري
ليل عطرت حسن من عطر غياث :ترى امزح عطري ما يصير لحسن
ليل وگفته وهي تبتسم وبايدها جوالها :يلا حسن ابتسم
ابتسم صورته وباست خده:يلا روح مع بابا واني اجيبلك حليبك
غياث خذا حسن وليل رتبت التخت وراحت تسوي حليب لحسن
اما عند غياث فات على الصالون :شوفم مين جبتلكم ام غياث بفرح :حسوني
صارت تحچي فرنسي
حسن ركض عليها ورمى حاله بحضنها
فاتت ام غياث على المطبخ شافت ليل تغسل خضار :بشنو اگدر اعونچ
ليل :انتي ارتاحي
ام غياث خذت خيارة :نورتي بيتچ
ليل مسكت السكين :النور نورچ ما شاء الله موو مبين عليچ العمر
ام غياث ابتسمت :لزم الواحد يحبه حاله النفس ليها حگ علينا
ليل :صح لنفس حگ
دق جوال ليل :جوالچ
ليل :هذا اكيد ابوي او اخوي
ام غياث اعطتها الجوال :اممم هذا اعقل واحد ردي
ليل ردت :الو..... بخير الحمد لله...... هههههههه....... گعده احط الغدا مع عمتي...... اوكي....... مع السلامه
سكرت : هذا اي واحد من اخوتچ
ليل تطلع ملاعق وصحون :من السته اللى الناس تحسدني عليهم ما عندي الا واحد
ام غياث :يا ماما شنسوي الدنيا هيچ حالها
وبعد الغدا ليل وأم غياث تكونو على تنظيف المطبخ :والله العظيم ما تجلين الجلي
ام غياث :ليوله خلاص حبيبتي انتي روحي شوفي زلمتچ وابنچ واني اجلي
ليل شافت غياث فات على المطبخ :غياث تعال طلع امك من الطبخ اريد اخلص شغلي
ام غياث :والله ما اطلع هالله اريد اصير ضيفه ببيتي هذا مطبخي اني
غياث مسك ايد امه :يوم والله عيب عندچ چنتين وتردين تجلين
ام غياث تفتح الماي وبزعل :غياث لا تدخل بيني وبين مرتك مالك علاقه
غياث ضم امه :خلاص لا تزعلين يا ست البنات والله اريد راحتچ
وباس خدها
ام غياث تشاهد(تشطف بالماء) الصحن من اللودلين (الصابون) :واضح شگد تريد راحتي
ليل تجلي الصحون :حسن نام
غياث بعد عن امه :لا گاعد يلعب مع جدو
دق جوال ليل غياث استغل وجود امه مسك جسم ليل و طلع الجوال من جيب الجينز شاف الاسم القلب الحنون ورد :الو..... يلا هلا والله...... شلونك عمي
طلع من المطبخ وهو يسولف مع عمه ليل بضيق :استغفرالله العظيم
ام غياث :هههههه زعلتي منو
ليل هزت راسها :لا عادي
ام غياث :من حقچ الخصوصية
ليل ابتسمت :اني وغياث واحد شلون صبصب
ام غياث :من سمعت انچ رجعتي انهبلت علينا تريد تجي بس ما خلينها عندها اختبارات
ليل ابتسمت :الله يوفقها
ام غياث :شلون لقيتي الامومه
ليل صارت تضحك :والله غير شكل ماچنت أصدق مثقال لمن يگولي الله يجبر خاطرچ
ام غياث تمسح الطاولات :الحمد لله على كل حال ما تعرفين وين الخيره
ليل :اي والله الحمدلله
وبعد ما خلصت ليل المطبخ سوت چاي وكعدم بالصالون يتهرجون
وليل تمشط بغرفتها اندق الباب ليل :مين
:اني ساره
ليل فتحت الباب :عمه تفضلي
فاتت سارة وهي شايله أكياس :لايكون ازعتچ
ليل ابتسمت :لا ما بيها ازعاچ ارتاحي
سارة حطت الأكياس وگعدت على التخت تتأمل حسن :وين غياث
ليل :گاعد يدخن برا
سارة دحقت على ليل اللى شعرها رطب وقميصها كله ماي :انتبهي لا تمرضين
ليل بخجل :وگتي مع حسوني ضيگ كل شئ على السريع
ام غياث :الامومه تريد تضحيه
ليل :اني لو موو حسن چنت مستحيل ارجع على هذا البيت
ام غياث ابتسمت:اشلونچ انتي وغيوثي ان شاء الله تصافيتوا
ليل گعدت مع ام غياث : لا تشغلين بالچ غ
فات غياث باستغراب :يوم
ام غياث ابتسمت :حبيبي تعال
غياث گعد بينهن وباس راس امه ام غياث :اووف غيوثي ريحتك تذبح
غياث يشم حاله ورفع ذراعه :ريحتي اني يمكن ريحت ليل
قرب منها يشم ريحتها ليل تزور غياث: عمتي تقصدك انته ريحتك الدخان
غياث :صح ريحتچ شامبو اليوم شربت دخان بالنعناع يصفي الراس
ليل بسخريه:اووه هذا شغل المطانيخ
غياث قرص ليل:اذكري ربچ
ليل تجمع شعرها ورا ظهرها :ما شاء الله الله يزيدك
ام غياث وگفت :ليل الچيس الأحمر لچا والأبيض لحسوني
ليل وگفت :عمه شكرا
باست خد ام غياث :ليش عذبتي حالچ
ام غياث باست خد ليل ومسحت على شعرها :يا ماما ما بيها عذاب انت وحسن غلاتكم بغلات صبا وغياث
ليل :تسلمين
غياث مسك ايد امه :سوسو وين رايحه خليچ نتعالل
ام غياث ابتسمت :ابوك يستناني
غياث ترك امه ورمى حاله على السرير :اتمنى لكم ليله سعيده جدا جدا جدا
ام غياث :واني اتمنى لكم ليله سعيدة جدا
طلعت سارة ليل :خير ان شاء الله موو ناوي تتوكل
غياث :سوسو تزعل اذا ما نمت معاچ
ليل سكرت الباب :انته ناوي تجنني ولا النعناع طير عقلك
غياث ببرود :لا عقلي موجود
طلع الباكه من جيبه فتحها ليل سحبتها :حاجتك تدخن
غياث يدحق عليها :شرايچ تجربين
ليل حطتها بالسحاب :اجرب ايش
غياث :الدخان بالنعناع او التوت يتعدل مزاجچ وتروقين
ليل شالت الأكياس من الگاع :بالله انته طالع على مين
غياث تعدل : اني فريد من نوعي ما أشبه حدا شگلتي
ليل حطتهن على التسريحه:ولا راح تشبه حدا
غياث صار يضحك :هاتي اشوف
ليل :ما تشوف اطلع برا
غياث تربع :اشوف واطلع
ليل :متأكد انك راح تطلع
غياث هز راسه :وعد
ليل أعطته وراحت تفتح الشباك
غياث فتح اول چيس طلع اول شئ علبه فتحها فيها ساعه فخمه مرصعه سكر العلبة طلع عطر بخ على معصمه وشم الريحه :يا سلام يجنن
ليل گعدت على طرف التخت فتحت جوالها وراسلت مثقال
غياث طلع بوط رياضي ابيض باسود مده لليل:خذي جربي
ليل دفشت ايد غياث :بربك ما تعرف تسكت
غياث رمى البوط وطلع تفريعه لونها سكري :واااو هذا احلى شي يالله امي شگدها ذوق
ليل بدون انتبه :غياث اقولك اسكت
غياث :ليل عادي أخذها
ليل تكتب :تاخذ ايش
غياث رمها على ليل :هذي التفريعه
ليل بصدمه وخجل بساع رمتها على غياث :خذا اللى تريده محد مسكك
غياث مسكها وهو يتاملها :اكيد راح تطلع حلوه عليها
ليل لفت على غياث :استحي على وجهك
غياث ابتسم :تغارين
ليل دق جوالها وتضحك :علمن عليك
ردت :الو
غياث قرب منها وهمس باذنها:والله تغارين ليوله الحلوه عيونچ فاضحتچ
ليل حطت ايدها على صدر غياث وبعدت غياث عنها :اوكي مابي مشكله....... لا والله ما بيها تعب
غياث مسك ايدها اللى على صدره وباسها بعمق ليل سحبت ايدها وبقرف:لا تعذب حالك وتجي اني اجي...... اي..... تصبح على خير.... سكرت وبعصبيه وهي تزور غياث :وبعدين معاك
غياث :وين تريدين تولين
ليل : يعني وين على بيت اهلي ابوي يريدني
غياث :ليل اسمعي زين
ليل تنهدت بملل غياث :كل يوم روحه على بيت اهلچ مابي تنثبرين بالبيت
ليل وقفت تدور على شئ تحط بي أغراضها :هييي لا تسوين حالچ ما سمعتي
ليل لفت على غياث :حدا گايلك اني طرشه ما اسمع
غياث :روحه هذا الأسبوع مابي عندنا ضيوف
ليل وقفت: اهلي أولى من ضيوفك
غياث قرب منها ولمس خدها:لا يا عمري انتي بيتي أولى بيچ من اهلچ
ليل بعدت ايده وبهدوء :گول هذا الحچي لغيري
غياث شاف ليل طلعت شنطه أطفال سحب الشنطه :ليل لا تصيرين عنيده
ليل فتحت السكرتون وبعصبيه :اطلع برا احسنلك
غياث بحده :اذا ببالچ اني ما اگدر اربيچ تكونني غلطانه
ليل حطت عيونها بعيونه وبسخريه :تربيني
غياث قرب منها اكثر :ايوه يا أموره اربيچ واگص لسانچ هذا الزفر
ليل دفشت غياث :تخسى تربيني انته اخر واحد يحجي بالتربية
غياث لوا ايدينها ورا ظهرها:ام حسن صوني لسانچ يصونچ
******
فتحت عيونها بتعاب گامت طلعت من القرفة فاتت على الحمام وهي متوجه للمطبخ شافت غياث يفطر بالمطبخ دحقت على ساعة غياث اللى بيده الساعه خمسه الفجر وغياث متكشخ بطقم رسمي كحلي :عندك دوام
غياث هز راسه :المغرب اكون بالبيت
ليل گعدت وهي تشرب ماي وبتعب :وين الجديد اعرف انك ترجع المغرب
غياث دحق عليها :اتوقع تعرفين وين الجديد
ليل حطت رجل على رجل : انته داوم والمغرب يصير خير
غياث سكر الخبز :ولي عينچ شگدها گويه
ليل بسخريه :لسعك ما شفت شئ
غياث وگف وهو يشيل جزدانه ومفاتيح وجواله :سوي اللى يريحچ وبالليل نتفاهم
ليل وگفت وبتعب :روحه بلا رجعه
غياث قرص خدها :لسعچ زغيرونه على الترمل ادعيلي ارجعلكم بالسلامه
ليل بعدت ايده وهي تغير الموضوع:نسيت الباكه
غياث ابتسم :عندي غيرها بالسيارة اذا قررتي تعدلين المزاج بالنعناع وتعطير اثمچ جربيها (وغمز لليل)
ليل تكتفت :لو اريد ادخن چنت دخنت مع اخوي
غياث طلع اول ما شغل سيارته شاف ليل طلعت رجع فتح الباب :ليش طلعتي
ليل قربت ومدت الملف:نسيت هذا
غياث خذا الملف ورمى على الكرسي الثاني :يسلمو
ليل بعدت :الله يسلمك حليب حسوني گرب يخلص
غياث :ناقصچ شئ ثاني
ليل هزت راسها بالنفي :لاء
غياث :يلا فوتي
******
ليل واقفه على المجله تجي وتغني أجمل احساس لاليسا
حسن مسك ساقها :ماما
ليل سكرت الماي وشالت حسن وهي تبوسه: يا ويلي يا ناري قلي أزاي داري بشوقي و لهفة
قلبي بقربك حتى و أحنا سوى تتنور سنيني
شافت وحده واقفه تتفرج لبسه گلبيه بنفسچ جدا فخمه وحطه مكياج ثقيل ومفرعه ليل دحقت عليها باستغراب :يا عميه صفالچ الجو وذايبه بالغرام
ليل ضمت حسن :يلا حسوني نروح غرفتنا
وهي تطلع سمعتها تحچي عليها وتسب
راحت على الصالون :عمي ممكن توصلني بطرقكم على بيت اهلي
ابو غياث بخوف على ليل :شفتي سلوى
ليل بتوتر :عمي توديني ولا أدق على مثقال يجيني
ابو غياث وگف :حبيبتي تهيري
ليل شافت ام غياث تفوت متحجبه ومعها شنطتها :ربع ساعه واكون جاهزة
ام غياث لان غياث حاچي معاها وگال لأمه ما تخلي ليل تروح :ليل ماما وين انتي رايحه
ليل :على اهلي
ام غياث بخجل لان ما تريد تفرض نفسه وتتحكم بليل :دقي على غياث اسألي يمكن ما يوافق
سلوى فاتت على الصابون :شلونچ عمه
ام غياث لفت بصدمه تدحق على سلوى :جيتي الله لا جاب الغلا
سلوى گعدت وهي تاكل تفاحه وتتربع :اي جيت لا يكون موو عاجبكم
ام غياث لفت على ليل :ليل يلا ماما تهيري
ليل راحت على غرفتها
سلوى بفضول : وين تريدون تروحون
ام غياث بسخريه :تريدين تچين معنا
سلوى بفضول :على وين حتى اقرر
ابو غياث بعصبيه :على جهنم لمن الموضوع ما يخصچ لا تدخلين
سلوى دحقت بعمها :يصير يخصني ما دام يخص العميه
ابو غياث بصوت عالي : ولي تردديني انتي و
ام غياث مسكت ابو غياث وهي تزور سلوى :حبيبي لا تعصب بس نرجع اني اعرف شلون اتفاهم معاها
والسيارة ليل تشرب ماي :ليوله
ليل دحقت بأم غياث
ام غياث :حبيبتي لا تضايگن هذا نصيبچ وقسمتچ
ليل تتأمل الطريق وهي تحس غصه بقلبها:اني مالي كلام مع هذي المره اني رجعه لخطر اربي ابني
ابو غياث :ليوله بنيتي اني اعرفچ عاقله وفهمانه وما راح تنزلين حالچ لمستوى ما يلبقلچ
ليل :ان شاء الله أن شاء الله
اول ما وصلت ليل لبيت أهلها ضمت ابوها بحضن ابوها ما گدرت تمسك حالها صارت تبچي من اعماقها مثل طفل فاقد امه ابو غياث وهو شايل حسن حط ايده على چتف ليل :ابو عبدالله (اخو ليل الچبير) انتبه على ليوله
ابو ليل يمسح على ظهر ليل :ابو غياث اتفضل فوت
ليل بعدت عن ابوها وهي تمسح وجهها اللى صار احمر
ابو غياث :ام غياث تستناني برا ان شاء الله الجايات اكثر
ليل خذت حسن من عمها
وهي گاعده مع ابوها واخوها و مها مرت اخوها مسعود ويلاد اخوها
مثقال :ليل تعشي
ليل خذت كاست الشنينه من حسن وتمسح وجه وهو بحضن مثقال صار يبعد ايدها ويدمدم عليها :موو جوعانه
مثقال خذا الكأس من ليل : اتركي الصبي يشرب
ابوهم يضحك :مثقال صار خال ومحد قده
مثقال وهو يبوس خد حسن :ياربي هالعچي ما ينشبع من خدودو
ليل ابتسمت :مثقال جهز حالك على طلعت مها لزم نجوزك
مها بعصبية :ليش على طلعتي لايكون گاعده على قلبچ
ليل تصب ماي:البيت ما يصير بدون مره موو مجبورين نتحمل مانيه من الچناين
مها :جوزي الحز ليش بس اطلع بشنو ضارتكم
ليل تعطي مثقال خبز :نحن من يوم يومنا ما نسكن چنتين بنفس البيت وهذا بيت مثقال
مها وگفت وبزعل :گوة شوكتچ برجعتچ لشيخ من يوم يومچ تكرهينا
مها گومت ابنها وبنتها وراحت على غرفتها :اشبيها هذي طاگ فيوزها
مثقال يطعم حسن :گاعده تموت من غسل الهدوم وجيلي الصحون
ليل :مثقال انته اجلي الجلي واني كل أسبوع اجي انظف البيت واغسل الغسيل
مثقال :استغفرالله العظيم
اندق الباب مثقال نزل حسن من حضنه وگام يفتح الباب :مساء الخير
مثقال :مساء النور ابو حسن تفضل
فات غياث وبتعب :هذي جيتي من حلب مستعجل صيح لليل
مثقال :گاعدين ننتعشى فوت
غياث لحق مثقال فات على الغرفة :السلام عليكم
ابو ليل وهو متركي :وعليكم السلام اهلا وسهلا يا ابني
غياث انحنى على عمه وباس راسه وبعد السلام گعد بلط عمه :ليل ألبسي بسرعه
ليل تشيل الصحون :الحز بس اضب السفره
مثقال وقف حسن :لا تشيلين شئ مها تضب السفرة
ليل ما ردت على مثقال شالت كل السفرة اول ما حرك السيارة :جكاره وعناد بيا رحتي
ليل بعصبيه :لا جكاره ولا عناد مين انته تاجاكرك
غياث :خلينا نوصل البيت واعلمچ مين اني يا بنت ال####
ليل ضربت كتف غياث :لا تجيب سيرة امي على لسانك
غياث مسك ايدها وضعط عليها بكل قوته :انوب ايدچ اكسرها اذا مديتها
ليل دموعها نزلت :يلا اكسرها شوفني مرجلتك اللى ما تطلعها الا علي
غياث سمع صوت حسن يبچي ترك ليل وكمل الطريق
اول ما وصل نزلت ليل بسرعه شافت سلوى بالصالون تتفرچ على مسلسل فات غياث وراها وهو شيال أغراض ليل وشاف سلوى بصدمه :انتي شجابچ
سلوى :ابوي جابني
غياث زورها :باچر نتحاسب
سلوى وگفت چدامه :جگاره بيا رجعتها
غياث بعد ايدها :سلوى واصل حدي ما اريد اسمع صوتچ
سلوى ضمت غياث:غيوثي حبيبي اشتقتلك
غياث بعد سلوى :تصبحين على خير
سلوى :تريد تتركني لحالي وتنام عند العميه گاعد تعاقبني على اللى صار
غياث بعصبيه :ولا كلمه اذبحچ اذا گلتي كلمه انوب عنها
ترك سلوى وفات على غرفة ليل لقها تغير لحسن غياث سكر الباب بالمفتاح :ليش رحتي
ليل بصوت مبحوح:رحت لاني محتاجه اروح
غياث مسكها من عضدها وشعرها بصياح :حذرتچ ما تروحين ورحتي
ليل دمعتها نزلت وهي تضرب صدره بكل قوتها:راح اروح غصبن عنك هذول اهلي اللى مالي غيرهم تعرف شنو اهلي
حسن صار يبچي
غياث يهزها : انتي غبيه چنت ناوي باچر اخذچ تشوفينهم بس بعد اللى سويتيه انسي الطلعه من البيت
ليل صارت تبچي :اي صدقت اني وحده من يوم يومي غبيه ما افهم لو افهم ما چنت رجعت لجحيمك
غياث اعطها كف وشدها من شعرها وهي مسكت ايد غياث اللى بشعرها:بعد معروف صارت الحياة معاي جحيم (رجع اعطها كف ثاني) ها گلتيلي جحيم
ليل تشهق وعصبيه تحول تفك شعرها :لا تگول معروف هذا مووو معروف اني دفعت ثمن كل شئ (غرزت أظافرها بأيده) مابي شيا ببلاش كل شئ عندك لوا مقابل عيفني
انتهى الفصل توقعتكم

رد: ليل الخفسه

السلام عليكم
يا حلوين بالنسبه لنشر الفصل
أن شاء الله حيكون موعدنا كل اثنين فكونوا بالقرب
تحياتي للجميع