رد: روايتي : تعذبت وتعذبت وعلى الفاضي

وعليكم السلام
انا عنجد اسفة كثييير وان شاء الله رح انزل البارت قريب جدا بس انا مو شايفة تشجيع عشان اتحمس واكمل الرواية يعني انا كنت متوقعه الاقي ردود اكثر ع الرواية تحمسني اني اكمل واكتبها وهذا سبب من اسباب تأخيري للاسف
تحياتي

رد: روايتي : تعذبت وتعذبت وعلى الفاضي

الله يسهل يا قلبي... والله يعطيك العافية

رد: روايتي : تعذبت وتعذبت وعلى الفاضي

تكملة البارت
سالم بهدوء وعينه ع سحر : سحر
سحر ببرود رفعت راسها وناظرته : نعم ؟؟
سالم بحزن : انتي كمان جهزي حالك بدي اوديكي لبيت اهلك كم يوم
سحر باستغراب : طيب
قام سالم ودخل ع غرفة سحر وتمدد ع السرير
وقعد يفكر وهو حزين دخلت سحر بعد ربع ساعه وشافته سرحان ما انتبه لدخولها
سحر بسخرية : بدك تودينا لبيت اهلنا عشان تتزوج الثالثة عادي تزوج انا ما بهمني بس عشان هالمسكينه ريم الي ما صرلها فترة معك
سالم ناظرها بألم وبحزن : لا ما رح اتزوج ... بس بتعرفي اشي سحر ... بدي اطلب منك طلب ... او بدي احكيلك اشي ... انا بحبك بتمنى انك تحمليلي شوية حب بقلبك ... احم احم خلص تصبحي ع خير
ولف وغمض عيونه بدون ما يسمع ردها اما هي نزلت دموعها وبنفسها : انا بحبك بس مو قادرة انسى شو صار وشو عملت مو قادرة انسى جرحك
ومسحت دموعها وقعدت ع الكنبة

..................
عند تامر
بعد ما طلع من عندهاا ركب سيارته وبنفسه ( كلهم مثل بعض كلهم كذابات لكن زينه ما رح اتركها ما رح اتركها ) قطع تفكيره تلفونه وهو برن رفعه لقى رثم غريب فتح خط :الو
.........: مرحبا
تامر بشك وصدمه : صبا ؟؟؟
صبا : ايوة انا صبا
تامر بعصبية : شو بدك متصله بكل وقاحه بعد كل الي عملتيه
صبا بحزن : انا لازم اقابلك ضروري في اشياء لازم تعرفها
تامر بكره : ما بدي اعرف اشي منك انقلعي ولا ترجعي تتصلي
صبا برجاء :صدقني ضروري نادر مظلوم صدقني
تامر بعدم تصديق : كيف مظلوم انتي كذابة
صبا : تعال على **** يوم **** الساعه **** ورح احكيلك كل اشي ان شاء الله
تامر بتردد : ان شاء الله لكن يا ويلك تكوني كذابة
صبا بألم : لا ... مع السلامه
تامر : مع السلامه
...................
بيت ابو سند
عند البنات بالغرفة بعد ما تعبو من كثر اللعب والمزح كل وحدة رمت حالها بجهة ندى انتبهت انه نور ما كانت معهم ولمحت الحزن بعيونها بس قررت تسألها بعدين
نادية : اووف عطشت بدي اروح اشرب مي
رحمة : وانا جاية معك
لمياء : انا بدي اجيب تلفوني وارجع هو تحت عند امي
ندى : طيب
طلعت لمياء واجو بدهم يطلعو رحمة ونادية
ندى : جيبولنا معكم عصير او بيبسي واشياء للسهرة
نادية : هاهاها اذا رجعنا
وطلعو
ندى : نور ممكن اعرف ليش زعلانه ؟؟؟
نور بابتسامه غصب عنها : مو زعلانه
ندى : لا مبين عليكي زعلانه بعرفك انا احكيلي شو فيه شو صاير معك ؟؟؟
نور فجأة صارت تبكي بقوة وتشهق
ندى بخوف وتوتر من انه حد ييجي ويشوفها وتصير قصه قربت منها وضمتها : نور حبيبتي اهدي شوي واحكيلي شو فيه ؟؟؟
نور بشهقات وهي تحاول تمسح دموعها بس كل ما تمسح دمعها ينزل بدالها دموع : انا ... هي ... ما دخلني انا
ندى : حبيبتي اهدي شوي واحكي بهدوء شو فيه ؟
نور هديت شوي : انا و صاحباتي من زمان صحبة في بنت اسمها رنيم هي حاولت تتقرب مني كثير ومبين عليها طيبة كثير انا حبيتها في يوم عزمتني عندها ورحت انا استغربت انها ما عزمت البنات واصرت علي اني اشلح حجابي وجلبابي وبس شلحتهم وانا مو مرتاحه (صارت تبكي) طلعت مصوريتني انا ما كنت بعرف بعد كم يوم حكت معي وقالتلي انها صورتني وانها رح تنشر الصور وتورجيهم لاخوها اذا ما بترك صاحباتي وببعد عنهم ما بعرف ليش بدها ابعد عنهم بس هدول صاحباتي من زمان من سنين صعب ابعد عنهم بدون سبب وانا مو عارفة شو اعمل بطلت اوثق بحدا اصلا بس بدي حل كل شوي بتبعت تهدد وعطتني مهلة
ندى بصدمة : احكي لأهلك
نور ببحة من كثر البكاء : ما رح اقدر بخاف ما يصدقوني
ندى : الافضل...
قطع كلامها فتح الباب ودخول لمياء
لمياء بغصة : صدقيني رح اخد حقك منها هال***
بس صبرك علي
نور بخوف ع اختها وهي عارفه اختها شو ممكن تعمل عشان تاخد حقها وبكذب : انتي بتتسمعي علينا عيب عليكي وبعدين ما في اشي انا كنت بمزح
لمياء : صدقيني كل دمعه نزلت من عينك رح احاسبها عليها صدقينيي بس اعطيني شوية وقت
ندى بتوتر : حبيبتي لمياء كل اشي بنحل بالتفاهم الافضل انكم تحكو لاهلكم و ان شاء الله بصدقوكم
لمياء بتحذير : اياكم حدا يعرف بإشي اياكم انا رح اتصرف
نور بعصبية : ما تتصرفي ولا تعملي اشي انا بعرف كيف اتصرف لحالي
لمياء بقهر وعصبية : انتي لا تتدخلي انا رح احل الموضوع
نور : لمياء ...
قاطعها دخول نادية ورحمة وهم بضحكو فسكتو ونور تناظر لمياء ولمياء تتجنب نظراتها
وكملو سهرتهم ونور ولمياء وندى متوترين
.................
عند سلمى
كانت سرحانة بتفكر تحكي لاهلها وتخلص من خالد بس خايفة خصوصا من اخوانها لانه ما عندهم تفاهم
سلمى بسرحان وبصوت مسموع شوي : اوف احكي ولا ما احكي شو الصح ؟؟؟
خالد من وراها : شو هو الي تحكيه او لا ؟؟؟
سلمى نقزت بخوف وناظرته بتوتر وارتباك : وو..لا اشي
خالد بشك : ليش خايفة شو فيه ؟؟؟
سلمى تحاول تخفي ارتباكها وبجمود : ما في اشي
خالد : اهاا
سلمى بأسلوب امر : بكرة بدي اروح ع اهلي انام كم يوم
خالد بضيق من اسلوبها : لا تحكي معي بأسلوب امر ... وبعدين نوم مافي بدك تروحي روحي زيارة طول اليوم والمساء بجيبك
سلمى بكره وعناد : بدي اروح انام كم يوم قلتلك... ما قلتلك زيارة
خالد بنفاذ صبر من عنادها : نوم لا وخلص انتهينا
سلمى بتفكير وهي ببالها خطة : طيب بدي اروح الصبح واضل للمساء
خالد بحب : طيب بوديك انا الصبح والمساء بسهر عندكم وبنرجع سوا ع البيت
سلمى هزت راسها بالموافقة
خالد : بدك تروحي ع حفلة صاحبتك ندى بكرة ؟؟
سلمى بحزن وحقد ع خالد : ما الي وجه اروح بسببك
خالد بضيق : روحي غيري جو
سلمى : بدك تغصبني ع الروحة كمان
خالد عشان تغير جو وتروح عنها الكآبة : اه رح اغصبك رح تروحي جهزي حالك بكرة واجلي روحتك لأهلك لبعد بكرة
سلمى ناظرته بحقد وراحت
.......................
عند تامر
كان بسريره ويفكر شو بدها صبا منه وشو رجعها بعد هالمدة ...قطع سرحانه اخوه سامر الي دخل عليه
سامر : سلام
تامر : وعليكم السلام
سامر : يخي زهق ملل شو هذا البيت كئيب من بعد ريم
تامر بهدوء : معك حق
سامر : تامر لمتى وانت مو سامع لنادر بجوز تكون غلطان
تامر بمقاطعة : سامر لو سمحت لا تفتح الموضوع
سامر بعصبية : بس تامر انت لازم تسمعله انت زعلان منه وضيعت كل هالفترة ع الفاضي بجوز تكون غلطان تأكد بالأول وبعدين قاطعه وازعل ع راحتك
تامر بصراخ : بسس بس بكفييي اطلع برا ولا اقولك لا تطلع انا بطلع
وطلع وتركه وركب سيارته ودموعه تنزل من عيونه
تامر : ليه تخوني يا نادر ؟؟؟ ليه تخونيني يا صبا ؟؟؟ وصار يبكي وهو يتذكر الي صار ( بعدين بنحكي شو صار ) وبحقد حرك سيارته بقوة متجه ل ... ؟؟؟
.................................
يوووم العرس
ندى من الصبح ما نزلت منها ولا دمعها مستغربة ليش ونفسها تبكي لكن دموعها مو راضية تنزل
(طبعا سحر راحت وقبل ما تروح بعتت مسج لسالم انا رايحه طبعا لانها ببيت اهلها )

(انا ما بحب التفاصيل الزايدة بالرواية وخاصة انها اول رواية الي عشان هيك ما رح اوصف الحفلة غير جزء بسيط مهم )
دخلت سلمى الحفلة وطول الوقت هي مع ليان وشافت نادية وسلمت عليها واعتذرت منها وشرحتلها الوضع ونادية تفهمت الموضوع وحكتلها ما في مشكله
راحت عند ندى ع الكوشة قربت بدها تسلم
ندى سلمت عليها ببرود
سلمى بابتسامه : مبرووك يا حلوة
ندى بجمود : الله يبارك فيك ... ولفت وجهها
سلمى نزلت راسها : ندى انتي زعلانه ؟؟؟
ندى ببرود : ليش بدي ازعل ما في اشي يستاهل ازعل عليه
سلمى بغصة : ندى انا كنت ...
قاطعتها ندى وهي تشوف ناس جايين يسلمو عليها : ما في داعي تتعذري مهما كان عذرك كنتي اجيتي ساعدتيني طول هالفترة او ع الاقل حكيتي معي تلفوز رفعتي معنوياتي لكن كل توقعاتي خابت
سلمى اجت بدها تحكي بس ندى قاطعتها : مع السلامة
سلمى ناظرتها وبعيونها دموع ونزلت من الكوشة ولبست وبسرعة رنت ع خالد
خالد : الو
سلمى بخنقة : تعال خذني
خالد باستغراب من صوتها : شو فيك ؟؟؟
سلمى : انا بستناك برا مع السلامه
ولبست وسلمت ع البناات الي استغربو روحتها بكير
طلعت وقفت برا ودموعها بعيونها بدها توصل ع البيت وتبكي براحتها
اجا خالد ركبت بسرعه وسندت راسها ع الشباك بدون ما تحكي ولا كلمه
خالد بهدوء :شو فيه ؟؟؟
سلمى ما ردت وخالد ما رجع سألها قال ليوصلو ع البيت ان شاء الله بسألها
بس وصلو ناداها خالد : سلمى
لفت سلمى لكن الصدمة كانت ...؟؟؟
.....................................
انتهى البارت
بعرف انه قصير لكن اعذروني هالمرة وان شاء الله البارتات الجاية بتكون اطول

توقعاتكم
١) شو رح يصير مع احمد وندى ؟؟؟
٢) شو كانت خطة سلمى ؟؟؟
٣)شو الصدمة كانت بين سلمى وخالد ؟؟؟
٤) لوين راح تامر ؟؟؟
٥) شو بدها صبا من تامر ؟؟؟
٦)معقول يكون نادر مظلوم ؟؟؟
٧ )مين الي مع عمر ؟؟؟
٨ ) شو رح تعمل لمياء عشان اختها؟؟؟
٩) زينة ؟؟؟
١٠) ليش سالم بعت سحر وريم لاهلهم ؟؟؟
....................
وبس بتمنى الاقي ردود

رد: روايتي : تعذبت وتعذبت وعلى الفاضي

السلام عليكم ورحمة الله
الله يعطيك العافية يا عسل... الفصل يجنان...

رد: روايتي : تعذبت وتعذبت وعلى الفاضي

السلام عليكم ورحمة الله وبركاته....
كيفك يا عسل وكيف صحتك فين الناس يا رورو... أن شاء الله تكوني بخير يا قلبي...

رد: روايتي : تعذبت وتعذبت وعلى الفاضي

السلام عليكم ورحمة الله وبركاته
عنجد انا اسفة ع التأخير
ان شاء الله رح التزم معكم بموعد
كل جمعة رح انزل بارت الا اذا منعني ظرف ووقتها رح اعطيكم خبر
وبرجع بعتذر ع التأخير
تحياتي Roro Roro

رد: روايتي : تعذبت وتعذبت وعلى الفاضي

وعليكم السلام ورحمة الله وبركاته....

أهم شيء أنك تستمرين ولا تقطعين عشان مافي أحد يشجعك وعلى فكرة أنتي لازم تشجعين نفسك ككاتبة عشان تلقين اللي يشجعك يا قلبي...

رد: روايتي : تعذبت وتعذبت وعلى الفاضي

السلام عليكم و رحمة الله و بركاته
سوري ع التأخير

البارت التاسع عشر
عند العرسان
ندى قاعدة وهي متوترة وخايفة ومو عارفة شو رح تتصرف مع احمد قطع سرحانها ضحكة احمد
ناظرته لقته بضحك عليها بسخرية : سرحانه يا عروس مبروك عليكي انا ههههههههاي
ندى بألم تحاول تخفيه : الله يبارك فيك ومبروك عليك انا
احمد :هههههه يعني وحدة بوحدة
ندى رفعت حاجبها : اعتبرها زي ما بدك
احمد : هههههههههههاي بتضحكي انتي ع كل تصبحي ع خير وتمدد ع السرير ونام
وندى نزلت دموعها وراحت نامت بالجهة الثانية من السرير ع الطرف

..............................
عند تامر
وصل لعند زينة ودخل شافها نايمة خبط الباب بقوة فزت بخوف وبس شافته ناظرته بحقد وكره
زينة : خير انا مو قلتلك لا تيجي هون
تامر مسكها من وجهها بقوة وشد بمسكته : اسمعيني كمان اسبوع بدنا نروح نكتب الكتاب كوني جاهزة
زينة ضحكت بألم وهي تحاول تبعد ايده عن وجهها : انت بتحلم .. ما رح اتزوجك فاهم
تامر رفع حاجبه وبابتسامه : مو ع كيفك احزري ليش ؟؟ لانه عرفت كل اشي عن عمر واذا ما بتتزوجيني صدقيني غير تتدمر حياة عمر وعلا بسببك
لاني رح أأذيهم
زينة بخوف : شو رح تعمل يا مجنون
تامر بضحكة : اشياء ما بتخطر ع بالك الافضل انك توافقي برضاكي احسن ما يكون غصب عنك
زينة بكره ورجاء : تامر اتركني بحالي انا ما عملتلك اشي بترجاك انا ما بدي اتزوجك
تامر بعصبية : بدك تتزوجي عمر صح ؟؟
زينة : هذا اشي ما بخصك
تامر بعصبية : اتوقع فهمتي علي اسبوع معك تكون تأقلمتي ع فكرة انك رح تتزوجيني مع السلامة
طلع وتركها وهي نزلت دموعها
زينة ببكاء : شو بدي اعمل ما بدي حدا يتأذى بسببي ما بدي حدا يتأذى وبنفس الوقت ما بدي اتزوج تامر انا بكرهه علا قالتلي انه عمر بدو يخطبني بس يرجع (وبشهقات) شوو بدي اعمل ؟؟؟

........................
عند خالد وسلمى
كانت الصدمة انه سلمى بتبكي
خالد بخوف : سلمى شو صار ؟؟ ليه بتبكي ؟؟
قرب مسكها وقعدها ع السرير
سلمى بتعب : اتركني كله بسببك
خالد باستغراب : شو فيه ؟؟
سلمى بشهقات : ندى زعلانه مني وانت السبب
خالد براحه : الحمد الله فكرت في اشي وقرب منها بحنان يا حبيبتي اذا زعلانه عشان الرسالة عادي بعدين بتتفاهمي معها اليوم عرسها وبجوز ما كانت قاصدة خلص امسحي دموعك وبعدين بوديكي لعندها وتحكي معها خلص خليكي مبسوطة اليوم كان عرس اخوكي لازم تفرحي
سلمى بكره : كيف بدي افرح وانت بحياتي
وقامت من عنده
خالد بنفسه وبحزن : شو بدي اعمل انا بحبها مو قادر اتركها ما بقدر انا بعشقها متى رح تحبنيي متى ؟؟؟
....................
بعد مرور اسبوع
سالم ما اخذ نسوانه من بيت اهلهم ولا تواصل مع اي وحدة بس الي بدها منه اشي مثلا بدها تطلع او هيك بتبعتله مسج وهو اذا بدو اشي ببعت مسج
طبعا ريم مو فارقه معها ومبسوطة بين اخوانها الي رجعو مثل اول
اما سحر قلقانه وخايفة يكون تزوج او صاير معه اشي ومشتاقتله بس ما بدها تحكي معه هي وبتستنى اتصاله يقلها جاي اخذك

اما بالنسبة لخالد وسلمى
سلمى راحت ع اهلها وبس اجا حالد ياخذها اقنعت اهلها يحكوله انها تنام كم يوم وطبعا انحرج ووافق وهو عارف انه سلمى الي بدها لكن بس تيجي رح يورجيها كيف تضحك عليه
طبعا سلمى مرتاحه عند اهلها وبتفكر تحكيلهم عن خالد عشان يطلقها بس بعدها ما اخذت قرار وخالد ما حكى معها طول هالفترة وهي عند اهلها بعد ما حكت لاهلها ع النومة واهلها حكوله

زينة وتامر
تامر ما اجا طول هالفترة وزينة كانت تروح عند علا وعلا تيجي عندها لانه تامر اخر مرة ترك الباب وما قفله هي قالت بجوز قرر يتركها لانه ما رجع وارتاحت لهالفكرة طبعا ما حكت لعلا عن اشي وقررت انه اذا رجع تامر تقنعه
تامر مبسوط بكرة بدو يتزوج زينة طبعا هو حكى لاهله ووافقو لانه زينة بنت منيحه طبعا امه واخته كانو بدهم يروحو عند زينة بس تامر ما خلاهم لانه خاف تحكيلهم انها مو موافقه وقلهم بس نكتب الكتاب بتروحو

ندى واحمد
طبعا ندى تعيسة احمد رايح جاي بسمع فيها حكي وانها هي السبب انه اختها ما وافقت عليه وندى تحاول تطنشه وما ترد عليه
واحمد بينقهر لما ما ترد عليه وتبين انها مو مهتمه

بس سند قرر يخطب ليان بعد ما سأل عنها خواته

والباقي كمااا هو عليه

............................
عند زينه
كانت قاعده وبتفكر تشتغل اشي عشان تصرف ع حالها مع راتب التقاعد لابوها ومنها بتضيع وقت
فجأة سمعت جرس البيت قامت لعند الباب وهي خايفة وشاكه انه تامر لانها قبل شوي كانت عند علا وما تتوقع انها هي لبست ع السريع حجابها وعبايتها والجرس بعدو برن
وقفت عند الباب وبخوف : مين ؟؟
تامر بحدة : انا تامر افتحي الباب
زينة برجفة : شو بدك ؟؟
تامر بصبر : افتحي الباب
زينة بإصرار : ما رح افتح
تامر بعصبية وهو يحاول ما يعلي صوته : زينة اسمعيني منيح بعد للثلاثة اذا ما بتفتحي الباب ما تلومي الا نفسك ورح اكسر الباب فوق راسك
واحد ..... اثنين ..... زينة افتحي احسن لك
زينة بغصة : طيب احكيلي شو بدك ما بدي افتح
تامر : ثلاا ..... زينة هاي اخر فرصة ..... ثلاثة
تامر بعصبية : بتتحديني مثلا هلأ بورجيكي وبلش يخبط بالباب بكل جسمه عشان يكسره زينه خافت
زينة بخوف : خلص خلص رح افتح وفتحت الباب
دخل تامر ورماها بالارض وبحدة : لا تتحديني مرة ثانية لما اقلك اشي اعمليه
زينة برجفة وتحاول تمسك دموعها هزت راسها بالموافقة
راح تامر اغلق الباب وقفله ورجع عند زينة الي بعدها بالارض وبترجف بخوف
نزل عندها مسكها من ايدها وسحبها للغرفة قعدها ع السرير واخذ كرسي وقعد قدامه
تامر بهدوء : كيفك ؟؟؟
زينة تناظر بالأرض : الحمد الله بخير
تامر : وانا بخير
زينة سكتت شوي بعدين قالت : ليش رجعت ؟؟؟
تامر رفع حاجبه وابتسم : بكرة بدنا نروح نكتب الكتاب مبروك مقدما
زينة رفعت راسها بصدمة : نعم ؟؟؟ انت بتحلم
تامر بسخرية : تئ تئ تئ ما بصير هيك عيب
زينة بحقد : انت ما بتفهم قلتلك ما رح اتزوجك
تامر بابتسامة : يبدو انك ما بتفهمي (وبحدة) انا قلتلك انه رح نتزوج
زينة بكره : لاا لا لا
تامر باستفزاز : اوك ع راحتك لكن اممم ب مين بتحبي ابلش علا ولا اخوها ؟؟؟
زينة بخوف : شو قصدك ؟؟؟
تامر بابتسامه : انتي فاهمه قصدي منيح
زينة بخنقة : بس هم ما دخلهم لا تأذيهم
تامر : بس انتي هيك بدك وانتي هيك اخترتي
زينة : انا ما اخترت اشي
تامر : بس رفضتي الخيار الاول يعني موافقه ع الثاني
زينة بخنقة : لا انا رافضة الخيارين
تامر بحدة : مو ع كيفك
زينة : طيب انا برجع اشتغل عندكم عادي بس ما بدي اتزوجك
تامر بملل : اووف عاد عطيتك وجه بكرة جهزي حالك ع الساعه ..... بنروح نعمل التحاليل ونكتب الكتاب مع السلامه واجا بدو يطلع
زينة برجاء : استنى الله يوفقك
تامر : نعم ؟؟؟
زينة برجاء : الله يوفقك ما بدي اتزوجك علا قالتلي انه اخوها عمر جاي بعد فتره وبدو يتزوجني الله يوفقك لا تكون حاجز انا ما بدي اياك اتركني بحالي وخليني اتذكرك بخير
تامر ماسك اعصابه : لا تجيبي اسمه ع لسانك فاهمه ولا تحلمي تتزوجيه انا بدي اتزوجك ولا صدقيني رح انفذ الي قلتلك عليه
زينة برجاء وغصة : ابوس ايدك لا تأذيهم ..... الله يوفقك اتركني
تامر بإصرار : انا قلت الي عندي والقرار بعدو بإيدك اختاري يا بنتزوج يا بأذيهم وصدقيني لما احط ببالي حدا أأذيه بأذيه بجد وانتي فهمتي علي يعني ممكن اعمل اشي ما يطلع منه بسهولة ما بتتوقعي شو ممكن اعمل اعطيني قرارك بسرعه
زينة تجمعت الدموع بعيونها وناظرت تامر بعدين ناظرت بالأرض : خلص انا .....

.................................
عند ندى واحمد
ندى : احمد العشا جاهز
احمد قام وراح للطاولة قعدو يتعشو وبس خلص احمد قام وراح يتفرج ع التلفزيون
ندى قامت الاكل وخلصت شغلها وطلعت وكانت رايحه للغرفة بس وقفت لما سمعت صوت احمد
احمد بسخرية : انا مو عارفة كيف بتقدري تاكي وتنامي وانتي السبب في رفض اختك وبجوز تعنس اختك بسببك وخاصة اذا بتشبهك ههههههههههاي
ندى تجمعت الدموع بعينها ودخلت ع الغرفة سمعت تلفونها برن كانت نادية ردت عليها
ندى تحاول ما تبين بكاها : هلا نادية
نادية بشوق : كيفك حبيبتي ؟؟؟
ندى : الحمد الله انتي كيفك ؟؟؟
نادية بشك : مشتاقتلك كثير ... بس ماله صوتك كأنك بتبكي ؟؟؟
ندى صارت تبكي
نادية بخوف : ندى قلبي شو صاير ؟؟؟ متهاوشة مع احمد اشي ؟؟؟
دخل احمد الغرفة ناظرها وشافها بتبكي وبتحكي تلفون خاف ليكون صاير اشي او حكت لأهلها
احمد بهمس : ندى شو صاير ؟؟؟
ندى زادت شهقاتها واجتها فكرة فتحت سبيكر : نادية بدي اسألك انتي ما وافقتي على احمد عشاني ؟؟؟
نادية باستغراب : ندى شو جنيتي انتي عارفة انه قلبي في شخص ثاني وكمان انتي عارفة اني انا ما كنت بعرف بحبك لأحمد لما خطبني وعارفة اسباب رفضي وانه انتي مو منها بس ليش بتسألي في اشي ؟؟؟ ليكون احمد حكالك اشي ؟؟؟
ندى وهي تمسح دموعها وشافت احمد وهو قاعد ع الكنبة وحاط راسه بين ايديه اغلقت السبيكر : اه نادية انا ما بدي احمد انا بدي اتطلق منه
اثنين انصدمو احمد ناظرها بصدمة ونادية صرخت بصدمة : نعم انتي مجنونة لسا ما صار لك اسبوع متزوجه
ندى نزلت دموعها : انا اخدت قراري خلص وبكرة احكي لأهلي واذا بتقدري تحكيلهم هلأ بكون احسن
نادية بعصبية : انتي ما بتفهمي انتي هبلة اذا صاير بينكم مشكله من اول مشكله بتطلبي الطلاق ما بصير الا ما يكون في حل
ندى شافت احمد اجا عندها وسحب منها التلفون واغلق الخط وفتح ع الرسائل وبعت رساله لنادية
(( خلص نادية انا واحمد بنحل المشكله بحكي معك بعدين لا تتصلي ولا تقلقي ))
ندى بعصبية : مين سمحلك تغلق الخط بوجه اختي؟؟؟
احمد طفى تلفونها وحطه بجيبته وبهدوء : اهدي وبكرة بنحكي
ندى بعصبية : ما بدي احكي معك اتوقع سمعتني انا بدي الطلاق وبكرة بدي اروح عند اهلي
احمد قرب وباسها ع خدها ومسحلها دموعها : خلص بكرة بنحكي ارتاحي
وقبل ما تحكي اشي طلع من الغرفة وتركها وقعدت تبكي حتى نامت
....................
عند خالد
اتصل ع سلمى بس ما ردت عليه اتصل مرة ثانية و ما ردت بعتلها رسالة ((سلمى ردي احسن ما اجي هلأ واعملك مشكله )) ورجع رن عليها ردت
سلمى ببرود : نعم ؟؟؟
خالد بهدوء : هيك الوحدة بترد ع زوجها
سلمى ببرود : شو المطلوب ؟؟؟
خالد بصبر : سلمى لا تتعاملي معي هيك ما بحب هذا الاسلوب
سلمى بجدية وبرود : ع كل ما في داعي تحب ولا ما تحب متى فاضي انت ؟؟؟
خالد بفرح : انا فاضي هلأ وكنت بدي اجي اخذك اساسا جهزي حالك
سلمى بجمود : انت فهمتني غلط انا بدي الطلاق يا بتطلقني من دون فضايح وتدخل الأهل او انا مضطرة احكي لأهلي
خالد بصدمة حاول يتداركها : انتي شو بتحكي ؟؟؟ فكري قبل ..... انا قلتلك من قبل طلاق ما في ..... وجهزي حالك شوي وجاي اخذك
سلمى بجدية : اتوقع فهمت علي انا اخذت قراري
خالد بعصبية : بس انا ما رح اطلق وقبل ما تحكي لأهلك فكري بالحاجز الي رح تبنيه بيننا وبينكم حتى لو ما وضحوا فكري بكثير اشياء قبل قهر امك و ابوك على بنتهم المطلقة وزعل ع اخوك ع اخته واخوك الثاني الي ممكن يقلب ع سحر عشانك وبجوز يطلقها فكرة ب سحر صاحبتك وفكري بعمك ومرت عمك الي بحبوكي
سلمى ودموعها بتنزل : افكر فيهم كلهم وما افكر فيني انا ومستقبلي وحياتي ما افكر كيف بدي اعيش معك وانت بتهين فيني
خالد بحزن وحنان : سلمى اسمعيني اعطيني فرصة مرة ثانية واذا عملتلك اشي او مديت ايدي عليكي بعملك الي بدك اياه حتى لو (بغصة) طلبتي الطلاق
(برجاء ) اعطيني فرصة بس
سلمى بحزن وهي بتفكر بكلامه واهلها واهله : انا .....

انتهى البارت
.....................
توقعاتكم

رد: روايتي : تعذبت وتعذبت وعلى الفاضي

الله يعطيك العافية يا قلبي... وتسلم أيدك...

رد: روايتي : تعذبت وتعذبت وعلى الفاضي

البارت العشرون
عند تامر وزينة
تامر بحماس : انتي شو ؟؟؟
زينة بضعف وقهر : انا موافقة
وراحت ع الغرفة الثانية اما تامر ابتسم وطلع من البيت
عند زينة بالغرفة سمعت الباب وانهارت بكي : اااااااااااااااه ما بدي اتزوجه هئ هئ هئ ... بدي عمر ... بدي علا ... مامااا ... بابااااااااااااا

......................
عند ندى واحمد
ثاني يوم
بس رجع احمد من الدوام دخل ع الغرفة شاف ندى ماسكة تلفونها
احمد بهدوء : السلام عليكم
ندى بهدوء اكثر : وعليكم السلام ورحمة الله وبركاته
احمد دخل اخذ دش ولبس بجامة وطلع
شاف ندى بدها تلبس لسا ما لبست بس مطلعه جلبابها وحجابها وبتحط اغراضها بشنطة ايدها
احمد بهدوء : وين رايحة ؟؟؟
ندى ببرود : عند اهلي
احمد بلع ريقه : ليش ؟؟؟
وندى رفعت حاجبها وناظرته : اظنك عارف ليش ؟؟؟
احمد : ندى احنا ما صار لنا اسبوع ومو حلوة تزعلي وتطلبي الطلاق من هلأ ع الأقل أجليها فترة عطينا فرصة نتفاهم
ندى بقهر : فرصة لشوو ؟؟؟ لنتفاهم !!! ع شو بدنا نتفاهم ولا ع شو ؟؟؟ ع ظلمك ولا اجباري ع الزواج منك ولا ع تسميع الكلام ع الطالعة والنازلة
احمد مسكها من ايدها وقعدها ع السرير : ندى اعذريني كنت فاهم الموضوع غلط انا ...
قاطعته ندى بحدة ودموعها تنزل : كنت فاهم غلط ولقيت فرصة قلت هاي هبلة بتحبني ما زبطت نادية بتزبط اختها مفكرني غبية
احمد تنهد بقوة : ندى افهميني كانت غلطة وبصراحة انا حبيت اختك من كلام سلمى لما تكون تحكي مع امي او سحر كانت تمدح فيكم كثير وانا خطبت نادية ع هذا الاساس بس لما رفضتني وعرفت انك بتحبيني قلت بجوز بسببك ولقيت فرصة اخذك انتي مو عشان أهينك او أذلك لا انا اخذتك لاني كنت حاب اتزوج وحدة فيكم بس كنت مقهور من رفض اختك بسببك لاني كنت متوقعه بسببك ومن لما عرفت اني فاهم الموضوع غلط تندمت الف مرة انا عنجد اسف انا حاب انه نعطي فرصة لبعض نتعرف على بعض اكثر
ندى دموعها تنزل وهي ساكته
احمد بهدوء : فكري بعقلك وقرري
وقام بدو يطلع من الغرفة
ندى بهمس : انا موافقة نعطي فرصة لبعض بس بدون ما تهيني
احمد ابتسم ولف عليها : وانا موافق ... وهلأ قومي البسي نطلع نتغدى برا بس أول اشي امسحي دموعك
ندى مسحت دموعها : طيب هلأ بلبس

.................
عند خالد وسلمى
سلمى : انا رح اعطيك فرصة بس اذا ما كنت قدها انا بدي الطلاق
خالد بفرحة : خلص انا موافق رح اجي اخذك جهزي حالك
سلمى بهدوء : طيب
بعد ساعة تقريبا اجا خالد ودخل قعد نص ساعه تقريبا وهو عينه ع سلمى فرحان بعدين استأذن واخذ سلمى وطلع
بالسيارة
خالد بفرحة : شو رأيك نطلع بكرة طول اليوم ع مكان حلو ؟؟؟
سلمى بابتسامة مصطنعه : طيب
خالد بحب باس ايدها : انا اسف على كل اشي
سلمى نزلت راسها : حصل خير بنحاول ننسى
خالد بعشق : انا بحبك
سلمى سكتت وما حكت اشي
خالد تضايق شوي بس حكى مو مشكله مع الايام بتحبني إن شاء الله

...................
عند عمر و ...
عمر بفرحة : واخيرا رح نرجع أول ما أرجع رح اخطبها إن شاء الله
... بحزن : إن شاء الله ... وإن شاء الله انا كمان أتصالح مع تامر
عمر بحزن ع حال صاحبه : نادر تامر شكله قلبه طيب بس فاهم الموضوع غلط حاول تشرحله وإن شاء الله بيتفهمك
نادر بابتسامة و أمل : إن شاء الله
.......................
عند سحر
سحر في بيت أهلها
بغرفتها ودموعها على خدها وبتحكي بنفسها : وينك يا سالم ليش ما بتتصل ولا بتسأل ؟؟؟ ليش هئ هئ هئ
سمعت صوت دق ع الباب مسحت دموعها بسرعة وقامت فتحت الباب لقت سلمى قدامها وبسرعة ضمتها وصارت تبكيي
سلمى بخوف : سحر شو فيه ليه بتبكي ؟؟؟
بعدت عنها سحر وابتسمت وهي تمسح دموعها : و لا اشي اشتقتلك ... ادخلي ع الغرفة
دخلوا ع الغرفة وقعدوا كل وحدة ع كنبة
سحر : متى جيتي ؟؟؟ وخالد معك ؟؟؟
سلمى : قبل شوي اجينا انا وخالد
سلمى بشك : سحر ليش كنتي تبكي ؟؟؟ ما كنتي تبكي عشان اشتقتيلي ... في اشي ؟؟؟
سحر رجعت تبكي وحكتلها ع سالم كل اشي
سلمى بصدمة : كل هذا ؟؟؟ و ليش ما حكيتيلي قبل ما يتزوج ؟؟؟ يمكن كنت أقنعته ما يتزوج
سحر بشهقات : ما بعرف ... ما بعرف
سلمى بحنان : خلص امسحي دموعك وهلأ انا بتصل عليه
سلمى اتصلت على سالم أول مرة ما رد رجعت اتصلت رد عليها وسلمى فتحت سبيكر
سلمى بشوق : السلام وعليكم
سالم بصوت تعبان يحاول ما يظهره : وعليكم السلام ورحمة الله وبركاته
سلمى : كيفك سالم شو أخبارك ؟؟؟ ليش ما بتحكي معي ولا بتيجي تشوفني ؟؟؟
سالم بضحكة خفيفة : كل هذا ... طيب انا بخير ومشتاقلك ... وخلص من اليوم رح اصير اتصل عليكي واشوفك إن شاء الله
سلمى : إن شاء الله ... طيب وينك انت ؟؟؟
سالم بهدوء : بالبيت
سلمى : طيب يمكن اجي عندك بس أروح من عند اهل خالد بيت عمي
سالم بحزن : انتي عندهم ؟؟؟
سلمى : اه عندهم
سالم : طيب ... اذا بدك تيجي اتصلي علي
سلمى : طيب ... إن شاء الله
سالم : مع السلامة
سلمى : مع السلامة
بس خلصت ناظرت سحر وهي تبكي
.......................
ملاحظة : (للعلم انا ما بعرف اذا التحاليل بتطلع بنفس الوقت او لا حتى موضوع كتب الكتاب بس هذا من عندي عشان احداث الرواية)


عند تامر وزينة

ثاني يوم من الصبح اخذها وعملو التحاليل وراحو كتبوا الكتاب
وطبعا كل هاد زينة ما حكت اشي ابدا كان عندها أمل انه التحاليل ما تطابق لكن خابت أمالها وطول الوقت وهي شو ما يحكيلها تامر تعمل بهدوء واذا اضطرت حكت لكن اغلب الوقت الصمت رجعوا ع البيت
تامر وهو يغلق الباب خلفه وهو فرحان انه تزوجها : زينة بتحبي نطلع نتغدى برا ولا نطلب اكل هون
زينة بهمس : مو جوعانه
ودخلت ع الغرفة ودموعها تنزل تمددت ع السرير وتغطت كلها تحت اللحاف
دخل تامر الغرفة بدو يشوفها لقاها متغطية قرب من السرير ورفع اللحاف عنها بسرعة وشافها بتبكي
تامر بقهر : ليش بتبكي خلص كتبنا الكتاب وخلصنا
زينة بهمس وضعف : اتركني بدي اناام
تامر بحدة : قومي بناكل وبس اطلع من عندك بتنامي
زينة بهدوء قامت وقعدت برا معه وهي ساكتة
تامر وهو يحاول يفتح موضوع : بدك اشي معين ولا اطلب اي اشي
زينة : اي اشي
تامر بعد ما طلب اكل
تامر بهدوء : متى بتحبي نحدد الزواج ؟؟؟
زينة بسخرية : مثل ما كتبنا الكتاب قبل بكم يوم تعال واحكيلي وانا بكون جاهزة
تامر بصبر : لا بدي تختاري موعد الزواج معي وبدي اعملك حفلة حلوة ان شاء الله
زينة بكره : بدي الزواج بعد ٣ سنين
تامر بصدمة : نعم انتي بتمزحي معك من ٣ اشهر الى ٦ اشهر
زينة بعصبية : انا الزواج بدي اياه بعد كم سنة وانت بتحكيلي اشهر
تامر بعصبية : انا حكيت كلامي اعطيني رأيك من ٣ اشهر الى ٦
زينة بصراخ : ما بدي الزواج بعد أشهر ما بتفهم
تامر حط ايده ع فمها وبهمس وحدة : لا ترفعي صوتك علي وعقابا لك الزواج بعد شهرين جهزي نفسك يا حلوة
وبعد ايده عن فمها وهي نزلت دموعها ناظرته بضعف وقامت ع الغرفة اما تامر تنهد بحزن وطلع من البيت

........................
عند لمياء ونور
لمياء بإصرار : قلتلك رح أساعدك إن شاء الله
نور بعصبية : وانا بقلك شيلي ايدك من الموضوع
لمياء بعصبية : اذا خايفة علي تطمني إن شاء الله ما يصير لي اشي
نور بدموع : طيب شو بدك تعملي ؟؟؟
لمياء بحنان : امسحي دموعك وبحكيلك شو بدي أعمل إن شاء الله
نور مسحت دموعها : احكي
لمياء : ............................

.......................
البارت ما اكتمل رح اكمله قريب