رد: روايتي : تعذبت وتعذبت وعلى الفاضي

السلام عليكم ورحمة الله وبركاته....
كيفك يا حياتي وكيف صحتك فينك مالك حس عسى ماشر طمنيني عنك والله قلقت عليك.......

رد: روايتي : تعذبت وتعذبت وعلى الفاضي

وعليكم السلام ورحمة الله وبركاته
الحمد الله تمام انتي كيفك ...
حبيبتي ما فيني اشي ما تقلقي ع غالي يارب

رد: روايتي : تعذبت وتعذبت وعلى الفاضي

البارت الثاني عشر
.............
بيت سالم
رجع ع البيت بعد ما اقنع اهله انه بدو يتزوج بعد محاولات وافقو لكن بشرط يوافقو بيت عمه طبعا ما وضح لأي حدا السبب وحكى انهم مو مرتاحين (سحر بالشهر الرابع )
سالم : سحر وينك ؟؟
اجت سحر وببرود : نعم ؟؟
سالم ناظرها بحب اشتاقلها واشتاق لأيامهم صحاه صوتها
سحر بسخرية : ليه سرحان فيني انا مو قد المقام قوم اسرح بريم وسهى احسن
سالم وكأنه تذكر وضعهم عصب من طريقتها مصرة تخليه يتزوج : اوك ما. رح احكي معك بتعرفي ليش لاني مبسووط هذا الاسبوع رايح اخطب ريم حبيبة قلبي انتي انخدعتي بسهولة وصدقتيني وقت الصور اني بطلت احبها لكن كنت اضحك عليكي انا بعشقها لريم و ع فكرة اهلي وافقو بس بدنا موافقة اهلك واذا عندك كرامة واحساس وواثقة من كلامك لما كنتي تقوليلي اخطب رح تروحي عند اهلك من بكرة وتقوليلهم انك موافقة واذا ما اقنعتي اهلك رح تكوني بتعشقيني بعدك ورح اعرف وقتها انك ما بتقدري ع بعدي
سحر انصدمت انجرحت وبنفسها (هذا مو سالم الي بعرفه والي حبيته كل اشي كان خدعة)
سحر بقوة : ليش من بكرة من اليوم اذا بدك بس اعرف يا سالم متى ما رجعت وطلبت انه نرجع مثل اول لا تتوقع اني اوافق (وبكذب) انا صرت اكرهك وقاعدة عندك عشان الي ببطني وهي كلها فترة مؤقته
سالم خاف من كلامها انها تتركه او انه ما يتصلح الوضع بينهم لكن حاول يطنش وباستهزاء : يعني كثير حابك حتى اطلب منك نرجع وانتي اولدي وما عليكي رح ارميكي مثل الكلبة وقتها واخذ ابني او بنتي
سحر تخفي الي بقلبها : طيب بتحب اروح اليوم ع اهلي اخبرهم
سالم بصدمة (لهدرجه مستعجلة) : روحي جهزي حالك
سحر كمان انصدمت توقعت يرفض لكن مو مشكله هزت راسها وراحت

.................
بيت ام وليد
كانو الكل نايمين بغرفهم وزينة تحت بالمطبخ خلصت شغل بتعب من اليوم كل يوم تامر بهلكها بدون ما يعرفو اهله حتى امه بتقول لزينة خففي شغل
تعب عليكي يا حبيبتي لكن زينة تقولها هذا شغلي
المهم زينة اشتاقت لعلا كثير وهي عارفة انه علا قلقانه عليها وبتدور عليها
راحت لغرفة تامر ودقت الباب
تامر كان بدو ينام : تفضل
دخلت زينة وتركت الباب مفتوح :امم ممكن
تامر ببرود : قبل ما تحكي سكري الباب
زينة بخوف : مافي داعي انا
قاطعها : ما بدك تسكري الباب اطلعي برى مافي داعي تحكي
زينة بقلة حيلة سكرت الباب ولفت عليه
تامر بهدوء : قربي
قربت زينة بخوف
تامر : احكي شو بدك ؟؟؟
زينة بتردد : بدي تلفوني
تامر بحدة : ليه بشو لازمك ؟؟؟ عشان تصيعي ع راحتك
زينة بقوة : احترم نفسك ... انا بدي احكي مع صاحباتي
تامر : ما في داعي انسيهم
زينة بضعف : كيف انساهم بكونو قلقانين علي بس اطمنهم
تامر حزن عليها من لما جابها عنده ع البيت ما شاف منها اشي غير وجهها دايما لابسة حجابها ومتسترة : طيب موافق لكن ع شرط تحكي معهم عندي
زينة بدون تردد : طيب
وفعلاا حكت معهم كلهم الا علا خلتها اخر اشي عشان تحكي ع راحتها وكل هذا وتامر عيونه عليها وهي تحاول تطنش
لفت ع تامر : ممكن اطلع احكي مع علا برى ؟؟؟
تامر ببرود : لا
زينة : بس
تامر قاطعها : قلتلك لا واذا بتناقشي كمان انسي تحكي معها
زينة بحقد : طيب
اتصلت على علا وبعد السلام
علا بزعل : ليش متصلة انا زعلانه منك كل هالمدة ما بتتصلي ولا بتردي ع اتصالاتي او بكون مغلق
زينة بحزن : صدقيني مو بإيدي
علا بعصبية : ليش مو بإيدك ممكن اعرف ؟؟؟
زينة : انا لقيت شغل وبشتغل قاعده (طبعا هي حكت لكل صاحباتها نفس الحكي وانا ما ذكرت صاحباتها لانه مالهم دور بالرواية غير علا )
علا بصدمة : شغل ايش ومتى؟؟؟
زينة بصعوبة : من شهرين تقريبا ... بشتغل ببيت ناس علا بعصبية : وليش تشتغلي عند الناس اه احكيلي احنا مقصرين عليكي اشي ناقصك اشي ؟؟؟ وبعدين ما لقيتي احسن من هالشغله ؟؟؟ وليش ما حكيتيلي من متى بتخبي علي اشي مثل هيك ؟؟؟ وعند مين بتشتغلي ؟؟؟
زينة ببكاء : لا تعصبي وتزعلي انا ما كان قصدي صدقيني مجبورة وانتو ما قصرتو ومو ناقصني اشي بس لازم اشتغل (وبشهقات) وبعدين شو فيها هاي الشغلة ؟؟؟
علا بعصبية : ما فيها اشي بس ليش خبيتي علي ؟؟؟
زينة نزلت راسها وهي بتبكي بشهقات :صدقيني مو بقصدي مجبورة كنت
علا بهدوء : وعند مين بتشتغلي ؟؟؟
زينة : عند ............
علا بهدوء : اتركي الشغل اذا بدك نضل صاحبات
زينة بصدمة ودموع وشهقات: ايش ؟؟؟ ليش هيك ؟؟؟ قلتلك مجبورة ...(انتبهت زينة لتامر بأشرلها تغلق الخط )
علا بعصبية وزعل: ما بهمني يا بتحكيلي ليه مجبورة يا بتتركي الشغل واذا ما تركتيه انسي اني صاحبتك
مع السلامه
زينة انصدمت ودموعها تنزل : علاا لا تعملي هيك صدقيني انا...(هون تامر عصب وحاول ياخد منها التلفون بس هي كانت تبعده )
قاطعتها علا وعيونها مدمعه : خلص يا زينة الي عندي قلته مع السلامة
سحب منها تامر التلفون واغلق الخط وبعصبية : ليش ما بتردي من لما اشرتلك انك تفصلي الخط اه ليه ما رديتي ؟؟؟
زينة بعدها مصدومة من علا ومقهورة (كله بسبب تامر) ودموعها تنزل ناظرته بحقد وكره وراحت بدها تطلع من الغرفة بس ما قدرت تامر مسكها بسرعه ومنعها لانه كان مستغرب ليش كل هالبكي وشو صار بينها وبين علا بدو يعرف
تامر وكان بعدو ماسكها : انا ما قلتلك اطلعي
زينة بتعب وبعدها بتبكي : اتركني الله يوفقك
تامر بإصرار : مو قبل ما تحكي شو فيه بينك وبين علا وليش صرتي تبكي؟؟؟
زينة بس انذكر اسم علا انهارت بالبكاء : كله بسببك اصلا الله يسامحك (وبشهقات) بدي اعرف ليش انا بالذات اجيت عندي اتركني بحالي خلص انتقمت بما فيه الكفاية عيفني رح اخسر صاحبتي بسببك
تامر : اهدي شوي شو فيه ؟؟؟
زينة بصراخ : ما بدي اهدى اتركني
هون تامر عصب من صراخها وضربها كف
تامر بعصبية : انتي شو قصتك ؟؟؟
وتركها وهي سكتت بس دموعها تنزل وحاطه ايدها ع خدهاا
تامر بقهر : اطلعي برى
طلعت زينة بهدوء وراحت غرفتها مكان ما بتنام وقعدت تبكي وتبكي لحتى تعبت ونامت

..............
بيت خالد
دخل ع البيت وراح ع الغرفة ع طول لانه توقع سلمى بالمطبخ دخل الغرفة وانصدم لما شاف سلمى نايمة
خالد بعصبية قرب وسحبها من شعرها وهي صحيت مفزوعة : ليش نايمة ؟؟؟؟؟ والاكل مين بدو يجهزه لتكوني مفكرة انا بجهزلك اياه واجيبه لعندك
سلمى برجفة وخوف : انا انا...نمت بدون قصد
خالد بعصبية : يا ك ... انا مو مسؤول عن نومك بدون قصد فاهمه انا علي اجي الاقي الاكل جاهز
وقرب منها ورفع ايده عشان يضربها
سلمى بخوف ودموع : لا لا ارجوك لا بعملك الي بدك اياه لا تضربني خلص تعبت ابوس ايدك لا تضربني لااا
خالد بتفكير : طيب ما بضربك بس بشرط
سلمى بدون تردد : موافقة
خالد بخبث : تبوسي رجلي وتعتذري وتحكيلي انك خدامة عندي وتحت رجلي
سلمى بصدمة : ايش ؟؟؟
خالد ببرود : مثل ما سمعتي بسررعة
سلمى بذل وخوف من الضرب :ححاضر
نزلت عند رجله وناظرته بألم وكره وذل وانكسار ونزلت دمعة منها ونزلت راسها بسرعه ومسحت الدمعة وقربت باست رجله
سلمى بصعوبة وهمس : انا .. اسفة (نزلت دموعها هون بقوة ) انا خدامه عندك وتحت رجلك
وبعدت بسرعه وركضت ع الحمام وهي تبكي بذل واهانة
خالد حس بالذنب وبنفسه (طيب انا ما سمعتها لما اجت تبررلي ... لا بس هي يمكن تكذب ... بس مهما كان ما بصير اذلها هالذل واضربها ... كان طلقتها ما عذبتها ... بس انا بحبها)
قطع عليه تفكيره طلعتها من الحمام انصدم لما شافها ما بتبكي ولا اشي بس كان مبين انها كانت تبكي طلعت من الغرفة ع المطبخ وخالد بدل ملابسه وتمدد ع السرير نفسه يشوف ايش بتعمل تحت وليش ما رجعت ع الغرفة
بعد ساعة تقريبا من التفكير تعب وهو يستنى متى بدها تفوت قرر ينزل ويشوف شو بتعمل واذا شافته رح يعمل حاله بدو اشي
نزل وما شافها بالصالة دخل المطبخ لقاها بتحط الاكل ع الطاولة
خالد : شو عملتي اكل ؟؟؟
سلمى بهدوء ورجته الاكل الي بإيدها بدون ما تنطق
خالد قعد ع الكرسي وبسخرية : اقعدي ولا بدك عزيمة رسمية
سلمى ما ردت قعدت بهدوء ع الكرسي خالد عصب من تطنيشها قام عندها ومسكها من ايدها
خالد بعصبية وخاصة لما ما شافها تألمت من مسكته : انا لما احكي معك ما تطنشي
ناظرته سلمى بهدوء ونزلت راسها وما ردت
خالد زادت عصبيته سحبها لبرى ع الصالة ورماها بالارض وبدأ يضربها ويضربها لكن الصدمة كانت ...


.....................
بيت سالم
رجعهاا من عند اهلها وطول الطريق ساكتين بس وصلو وبدلو ملابسهم
سالم بحماس مصطنع : بشري ؟؟
سحر بفرحة مصطنعه : وافقو ان شاء الله الف مبرووك يارب
سالم انصدمم ما توقع تقنعهم وحاول يبين انه فرحان :الله يبارك فيك يارب ... واخيرا رح اخلص من وجهك يا سحر ورح اشوف حبيبتي ريم
سحر انجرحت وحاولت ما تبين : وانا كمان رح اخلص من وجهك
سالم خلص هذا الاسبوع رح اروح اخطبها
سحر : الله يوفقك
سالم : جهزي حالك كمان ساعة بدنا نروح عند خالد وسلمى
سحر : طيب
....................
في المساء
بيت خالد
قاعدين مع بعض خالد وسالم بحكو وبمزحو وهيك صح مو من قلبهم بس حاولو ما يبينو وكل واحد عينه ع مرته
سحر بهدوء : شو فيه سلمى ليه زعلانه
سلمى بهمس : ما في اشي
سحر ما رجعت سألت مع انها ما صدقتها بس قالت بنفسها يمكن متهاوشة مع خالد
بعد ربع ساعه تقريبا وسلمى وسحر ما حكو كثير
سحر بتحكي لخالد : خالد
خالد وعيونه ع سلمى الي منزلة راسهاا : نعم ؟؟؟
سحر : ما باركت لسالم بدو يخطب
خالد بمزح (فكرها بتمزح) لف ع سالم : عنجد سالم الف الف مبروك ههه بتخيل شكلك مع ثنتين
سالم بهدوء : بس انا عنجد رح اخطب
خالد انصدم وسلمى رفعت راسها بصدمة
خالد بعصبية : ليش سحر مقصرة بإشي ؟؟؟
سالم : احنا مو مرتاحين مع بعض وهذا الحل المناسب
خالد لف ع سحر بعصبية وقهر : وانتي بكل برود قاعدة بتحكي ؟؟؟ مو فارقة معك
سحر ببرود : قلك سالم احنا مو مرتاحين مع
بعض
خالد بقهر من برودهم : انتو حرين ع راحتكم هاي حياتكم
طبعا سلمى ما علقت ع الموضوع
بعد ربع ساعة تقريبا
راحو سالم وسحر ع بيتهم
..............
طبعا رح احكيلكم شو صار مع خالد وسلمى نرجع للموقف
انصدم خالد انه ولا دمعة نزلت من سلمى ولا حتى صرخت من الالم مو بالعادة غريب بعدين بعد عنها
خالد بحدة : عشان مرة ثانية تطنشيني هاي نتيجة تطنيشك قومي تسممي
قامت سلمى بتعب وقعدت ع الكرسي وهو قعد اكلو وطبعا سلمى اكلت غصب
ضلو طول اليوم سلمى ما نطقت حرف وهو رجع ضربها لما طنشت ونفس النتيجه ولا دمعة ولا الم استغرب وقال لسالم ييجي هو وسحر عندهم عشان يشوف سلمى رح تحكي ولا لا .....

نرجع للواقع
بالسيارة
(طبعا سالم وسحر تعشو عند خالد وسلمى )
سالم بعصبية : انا بدي اعرف ليش حكيتي لخالد هلأ ؟؟؟؟؟
سحر ببرود : اخوي وطبيعي يعرف بعدين مو صاحبك لازم يعرف ويباركلك
سالم سكت بقهر وبس وصلو وبدلو ملابسهم اجت سحر بدها تنام دخل سالم الغرفة
سالم بقهر : انا بدي اعرف انتي من متى عندك هالبرود احكيليي ؟؟؟
سحر ببرود يقهر : شو بدك ؟؟؟
سالم بحنان وحب : سحر شو صار ليش هيك صرنا احنا كنا نحب بعض ليش صار هيك ليش ما اعطيتيني فرصة ابررلك خلينا نرجع مثل اول اعطيني فرصة ابررلك
سحر بحدة : لا تحلم فاهم لا تحلم بعدين انت قلتها كنا نحب بعض وهلأ بطلنا نحب بعض وما بدي تبررلي مو انت ع اساس بس اولد رح تاخد الولد او البنت وترميني مثل الكلبة مو ع اساس انت مو ميت علي وكل حبك الي كان خدعة شو تغير هلأ ما تغير اشي قلتلك لما ترجع تحكيلي خلينا نرجع مثل اول ما رح اوافق
سالم بصدمة : سحر تذكري انك انتي بتصرفاتك بتجبريني اتزوج
وتمدد ولف وجهه عنها وهي تمددت وعطته ظهرها برضو
سحر ودموعها تنزل وتحاول تكتم شهقاتها وبنفسها ( ليش هيك صار سالم )
سالم يفكر وبنفسه (سحر انتي حبيبتي كل الي رح يصير عشان ارجعك الي انا عارف اني رح اقسى عليكي بس كمان عارف اني لو اترجاكي نرجع مثل اول لسنة مارح توافقي )

...............
اما عند خالد وسلمى
خالد بقهر : شفتي اخوك شو بدو يعمل بدو بتزوج ع اختي لا واختي موافقة ليش حضرتك ما علقتي ع الموضوع ولا بطل الك لسان
سلمى ناظرته وما ردت
قام خالد ومسكها من شعرها بقوة لكن هي ما تألمت
خالد بقهر : ليش ما بتردي مفكرة اذا طنشتيني رح ترتاحي اه احكيلي كنتي تحكي مع سلمى بصوت واطي وسالم كمان مفكرة حالك بتعاقبيني يعني ما بتعرفي انه مو حاب اسمع صوتك وياريت لو تصيري خرساء
سلمى ساكته وما حكت اشي
وخالد بعد ايده عن شعرها وراح ينام
........................................................................انتهى البارت
توقعاااتكم ...

رد: روايتي : تعذبت وتعذبت وعلى الفاضي

في البداية السلام عليكم ورحمة الله وبركاته...

وأهلا بعودتك لنا أشتقنا لك ووالله شكلك زعلانه علينا يا رورو... بس فصل هذي المره مره محزن وبضبط زينه الله لا يسامح تامر على اللي يسوي فيها الحيوان.. خالد ليش يضرب سلمى بهذي الطريقة أحس أن البنت راح تموت في يده من كثر ما يضربها وهي الغبية ساكته عليه... وسالم حضرته ليش يبي يتزوج على سحر والغبية هي الثانية راحت وأقنعت أهلها بس والله ثم والله الفصل مررررة جنان الله يعطيك العافية وياليت لا تطولين علينا ثاني مره وشكرا يا عسل...

رد: روايتي : تعذبت وتعذبت وعلى الفاضي

وعليكم السلام ورحمة الله وبركاته
ههههه لا تطمني مو زعلانه
والبارت جاهز من زمان
ردك اسعدني جداا
شكرا الك

رد: روايتي : تعذبت وتعذبت وعلى الفاضي

السلام عليكم ورحمة الله وبركاته

أحم أحم فين الروية يا رورو أنا جالسة أنتظرك..

رد: روايتي : تعذبت وتعذبت وعلى الفاضي

هلا
وعليكم السلام ورحمة الله وبركاته
اليوم رح انزل بارت
ومن بعدها رح اصير انزل كل يوم جمعة بارت واذا قدرت خلال الاسبوع بنزل لكن ع يوم الجمعة ان شاء الله رح انزل اذا ما صار عندي ظروف

رد: روايتي : تعذبت وتعذبت وعلى الفاضي

البارت الثالث عشر

عند ندى
رن تلفونها راحت تشوف مين شافت رقم احمد ردت
ندى : الوو
احمد : السلام عليكم
ندى : وعليكم السلام ... شو بدك ؟؟
احمد ببرود : في وحدة محترمة بتحكي لزوجها شو بدك فورا بدون ما تسأل عن احواله
ندى بقهر : انا ... المهم شو بدك لا تنكد علي
احمد بهدوء : اسمعيني ترى رح احدد الزواج بعد شهرين ورح احجز القاعه واطبع الكروت
ندى بصدمة : نعم ؟؟؟
احمد ببرود : مثل ما سمعتي
ندى بعصبية : لا تحلم فاهم ما رح احدد الزواج هلأ ليش انا غبية اجيب النكد لعندي
احمد بعصبية : اخرسي ... مو ع كيفك اصلا مثل ما حكيت انا وبس ... انا بس حبيت احط عندك علم مع السلامة
واغلق الخط بدون ما يسمع رد
ندى نزلت دموعها بقهر : ليش يعمل هيك ليش...
دخلت نادية عليها : ندى شو فيه ليه بتبكي ؟؟؟
ندى بدموع : احمد حدد العرس بعد شهرين
نادية باستغراب : طيب ؟؟ شو يعني ؟؟ الوقت مناسب ليه بتبكي ؟؟
ندى بقهر : انا ما بدي بعد شهرين ع الاقل بعد ٦ اشهر
نادية : انتي مجنونه هيك وانتي بتحبيه كيف لو ما بتحبيه ؟؟؟
ندى بعصبية : خلص بكفي اتركيني
نادية باستغراب من حال اختها تركتها وطلعت عشان تهدأ

.................
ثاني يوم
بيت ام وليد
تامر بالصالة لحاله قاعد يفكر بحال زينة قطع تفكيره لا زينة
زينة بهدوء : انا بدي اترك الشغل وارجع ع بيتي
تامر بسخرية : جاية تأمريني ؟؟؟
زينة بعصبية : انا ما بدي اشتغل مو مستعدة اخسر صاحبتي عشانك
تامر ببرود : اشرحيلي القصة
زينة بقهر : ما دخلك افهم انا ما بدي اشتغل خلص انتقمت بما فيه الكفاية
تامر بعصبية : مين قال انا ما انتقمت لسا قلبي مليان منها نفسي اذبحهاا
زينة : ليش ما تنتقم منها هي انا شو دخلني ؟؟
تامر بضعف : ما بقدر
زينة حزنت عليه : ليش؟؟
تامر بحزن : كيف بدك اياني اعذبها اذا عذبتها بكون بعذب قلبي اكثر من ماهو متعذب
زينة بضعف : الله يوفقك اتركني اروح
تامر بإصرار : لاا
زينة بضعف : طيب
اجت بدها تروح بس تذكرت اشي لفت عليه
زينة بحماس: طيب خليني اروح ازور علا بس شوي وبرجع
تامر ما حب يقطع حماسها : طيب انا بوصلك وبرجعك وما بتطولي
زينة بفرح : موافقة
وراحت وهو ابتسم ع فرحتها
دخل وليد وسامر : السلام عليكم
تامر : وعليكم السلام
وليد : اليوم سالم صاحبك انت وسامر اجا عندي وطلب ريم مني وقال اذا وافقنا رح ييجي مع اهله
تامر بتفكير : بس هو متزوج
وليد ببرود : واذا ..... ريم مو اول وحدة ولا اخر وحدة بتتزوج واحد متزوج

ريم كانت نازلة وسمعت كلامهم وانصدمت لهدرجه وليد مو طايقها
ريم نزلت ودخلت ع الصالة ع كلام تامر
تامر : بنسأل ريم اذا وافقت وافقت ما وافقت هي حرة
دخلت ريم
ريم بحزن : انا موافقة يا وليد
تامر و وليد انصدموو ريم الي دايما اذا كانو بمزحو وسألوها شو فارس احلامك تجاوب بكل بساطه : فارس احلامي يكون يحبني انا وما يكون في وحدة تشاركني فيه ... هلأ وافقت ع واحد متزوج وبدون ما تسأل مين هووووو
تامر بحزن ع حالها لانه شكلها سمعت كلام وليد : فكري ياريم ترى هو متزوج
ريم بهدوء : عادي انا مو اول وحدة ولا اخر وحدة بتزوج واحد متزوج (وناظرت وليد بحزن)بعدين بدي ارتاح واريح ناس ... احكوله اني موافقة وما بدي حفلة ولا اشي بأقرب فرصة ييجي بنروح نكتب الكتاب وياخدني وما بدي اي اشي منه
وليد هون انصدم ريم سمعت كلامه!!!
وليد بصدمة : انتي اكيد مجنونة شو احنا بايعينك لحتى نزوجك بهاي الطريقة ؟؟؟
ريم بابتسامه: اه انت بايعني ... بتمنى اذا في شوية غلا بقلبكم الي تنفذولي الي بدي اياه ... عفووا اقصد اذا في شوية غلا للخدم الي عنا توافقو وتعملولي الي بدي اياه
هون الصدمة ريم مفكرة انه الخدم اغلا منها وانه وليد بايعها
تامر بعصبية : شو هالحكي يا ريم انتي اختنا وغالية علينا احنا صح زعلانين منك بس لمصلحتك واحنا ما بنكرهك ومو بايعينك
سامر بقهر : لو ما ساويتي الي ساويتيه كان هلأ ما في اشي بيننا
وليد بهدوء :رح يصير الي بدك اياه
سامر وتامر بصدمة : شوو ؟؟؟ انتو مجانين ؟؟؟
ريم بابتسامة وعيونها دموع : شكرا وليد توقعت انك توافق
وراحت
تامر بعصبية : مهما كانت عاملة احنا ما بنرمي اختنا هيك رمية ريم بعدها صغيرة وسالم متزوج
سامر بقهر : انتو شو صارلكم انت وريم بتحكو من كل عقلكم
وليد بهدوء : رغبتها هي وانا ما رح امنع رغبتها واذا انتو ما انكسرتو من ورا ريم ... ريم كسرتنيي بتعرفو شو يعني كسرتني ... لو سمحتو ما حد يتدخل هذا قرارها وهي حرة
وقام وتركهم

.............................
بيت سالم
سحر كانت تعبانه كثيير ومتمددة ع السرير
دخل سالم : السلام عليكم
سحر بهمس : وعليكم السلام
سالم : شو هذا الاهمال ليش الاكل مو جاهز وبعدك نايمه
سحر بتعب : شو بدك ؟؟؟
سالم حس بتعبها : انتي شو فيك ... تعبانه ؟؟؟
سحر بتعب : اتركني ارتاح
سالم بخوف عليها مبين عليها التعب راح وقعد جنبها :سحر حبيبتي شو بوجعك ؟؟
سحر بألم : اتركني ما بدي اشوفك بكررهك
سالم بحزن : طيب بس قومي اخذك ع المستشفى
سحر برفض : لا
سالم : مو ع كيفك انتي تعبانه
سحر بقهر :لا تعمل حالك مهتم فيني وانت ما بتحبني اتركني بحالي
سالم :سحر مو وقت هذا الحكي
سحر بعصبية : انت ما بتفهم بقلك ما بدي اروح مكان اتركني وغطت حالها وسالم ناظرها بحزن وطلع من الغرفة وهو خايف عليها
..........
بيت خالد
خالد رجع من الدوام وسمع صوت حركة بالمطبخ عرف انه سلمى بالمطبخ راح ع الغرفة وبدل ملابسه ونزل دخل المطبخ
خالد بصوت قوي : الاكل مو جاهز ؟؟؟
سلمى بهدوء وهمس :جاهز
وبدأت تحط الاكل ع الطاولة خلصت وقعدو ياكلو طبعا سلمى اكلت كم لقمة غصب ناظرها خالد وحزن عليها صارت مهملة بشكلها وعيونها كئيبة حتى هاليومين بطلت تنزل دموعها
خلصو اكل وسلمى بدأت تشيل الاكل عشان تكمل شغلها
خالد قرر اشي :سلمى
سلمى ناظرته
خالد بتوتر من نظراتها الي كلها عتاب وكره : خلصي شغلك وتعالي بدي احكي معك
سلمى هزت راسها بالموافقة وطلع خالد من المطبخ
بعد نص ساعة تقريبا راحت سلمى ع الغرفة ودقت الباب ودخلت بس شافها خالد
خالد بحدة : تعالي واحكيلي كل اشي صار خيانتك من اولها
سلمى بهمس : ما في داعي ما رح تصدق
خالد بحدة : احكي الي عندك
سلمى بدأت تحكيله بخوف كل اشي بالحرف الواحد وبصدق
وبس خلصت
خالد بعدم تصديق : كذابة
سلمى بنص ابتسامة : قلتلك ما رح تصدق
خالد طلع تلفونها واعطاه لسلمى :اتصلي ع اياد واثبتيلي انك صادقة
اتصلت سلمى ع اياد وفتحت سبيكر
اياد : يا هلا بالحب
(طبعا خالد ماسك اعصابه بقوة )
سلمى :هلا فيك ... اياد لو سمحت احكيلي شو عملت مع خالد
اياد حكالها كل اشي
اياد بحزن : انا اسف سلمى اني خطفتك واتهمتك
سلمى بقهر : انا بسببك بعذاب اذا بتحبني احكي كل الي صار من اول
اياد توقع انه خالد جنبها وحكى كل اشي بصدق
وبس خلص سلمى ناظرت خالد المصدوم وابتسمت نص ابتسامة
اياد :سلمى انا بعشقك ... خالد جنبك صح ؟؟؟
سلمى بصدق :اه جنبي وعرف الحقيقة
اياد : هو بسمعني صح؟؟؟
سلمى بخوف من الي بدو يحكيه : اه
اياد بترجي : الله يوفقك يا خالد اتركها احنا بنحب بعض لا تفرق بيننا بسبب انانيتك
خالد سحب منها التلفون : سلمى الي انت اتركنا بحالنا خلص
اياد بحزن : الله يهنيك فيها هي جوهرة حافظ عليها
خالد بكره : بعرف ما في داعي تحكيلي مع السلامة
اغلق الخط ولف ع سلمى شاف الدموع بعينها
خالد بهدوء : سلمى
سلمى برفض تام : لا تحكي ولا اشي خلينا مثل ما احنا (وبسخرية) انا خدامة عندك وتحت رجلك ولا نسيت
خالد بحب : لا انتي مو خدامة انتي حبيبتي و ...
قاطعته سلمى : لا انا خدامه كل اشي ممكن انساه الا شغلة وحدة لما نزلتني ابوس رجلك لا تتوقع انساها فاهم
خالد بندم : انا اسف ما كان قصدي اعمل هيك
سلمى : ما دخلني
خالد بحزن : شو بدك لحتى ترضي
سلمى ببرود : طلقني
خالد برفض : بس انا بحبك
سلمى بنفس البرود : وانا لأ
خالد بأصرار : مستحييل اتخلى عنك
سلمى بهدوء : ع راحتك ... بس اعرف اني انا جماد بالبيت عارف شو يعني جماد
وقامت وطلعت من الغرفة وتركت خالد بندمه ..............
خلونا نمشيي الاحداث شوي بكون احسن
بعد مرووور شهر
خالد وسلمى
خالد بيحاول يخلي سلمى تصالحه لكن سلمى مو موافقة ابدا وفعلا مثل ما قالتله هي مثل الجماد بالبيت بتشتغل وبتعمله الي بدو اياه بدون ما تحكي اشي واذا حكى معها احيانا بترد عليه واحيانا لا حسب الاشي الي حكاه

سحر وسالم
اليوم كتبو كتاب ريم ع سالم والمساء رايح ياخدها من عند اهلها وسحر طول اليوم ساكته وتحاول تبين انها فرحانه واذا قعدت لحالها بتبكي ..... وسالم اصلا حزين لانه متزوج غصب

ريم
اليوم بدها تروح ع بيت سالم طول الفترة الي راحت هي و وليد علاقتهم باردة وحتى اليوم ... وهي اصلا كئيبة

ندى واحمد
ندى خايفة لانه بعد شهر عرسها ومو عارفة شو بيستناها من احمد

نادية وليان وسند
انا يمكن اهملتهم هاي الفترة لكن لا جديد عليهم

زينة وتامر
زينة راحت عند علا اخذها تامر ورجعها وشرحت لعلا كل اشي وتصالحو وعلا قالتلها انها تحاول تترك الشغل و كانت علا بدها تحكي لأهلها عشان يساعدو زينة لكن زينة ما وافقت عشان ما تسبب مشاكل

......................
في المساء
بيت ام وليد
سالم اتصل ع وليد وقال له انه جاي ياخذ ريم
وليد راح ع غرفة ريم ودق الباب فتحت ريم الباب
انصدم وليد لما شافها جاهزة وحتى لابسه حجابها وكل اشي
وليد بحزن : لهدرجه مستعجله ع الروحة
ريم بهدوء : اكثر مما بتتصور
وليد بصدمة : ايش ؟؟؟
ريم : اروح اتعذب في بيت سالم ولا اتعذب عندك يا وليد انا ما بتحمل عقابك هذا انت مو وليد زمان
وليد : بس انتي السبب بكل هذا
ريم بحزن : معك حق ...
وليد : سالم جاي ياخذك
ريم : انا جاهزة بس يوصل بنزل
وليد قرب بدو يضمها هي بعدت بسرعه
وليد انصدم من حركتها وانصدم اكثر من كلامها لما قالت
ريم : لا تذوقني حنانك قبل ما اروح وانت من فترة صرت قاسي علي خليك ع قسوتك عشان ما اتندم ع قراري
وليد بنفسه : هي تزوجت واحد متزوج عشان تبعد عني عشان صرت قاسي عليها ............
وليد بعتب : بس لا تنسي انتي السبب
ريم بتعب : خلص مثل ما بدك انا السبب انا السبب بس لو سمحت حابة اقعد لحالي شوي قبل ما ييجي سالم
وليد ناظرها بحزن وتركها وراح ع غرفته


..................
عند تامر
رن تلفونه شاف رقم مستحيل ينسى خيانته مارد وطنش لكن الرقم ضل يرن ويرن لحتى رد تامر
تامر بحقد : خير ليش متصل ؟؟؟
نادر بترجي : تامر انت لازم تسمعني انت فاهم الموضوع غلط القصة صارلها سنه لازم نحلها
تامر بعصبية : شو بدك اسمع يا صاحبي يا اخوي اسمع خيانتك احكيلي شو اسمع ؟؟؟ ما بدي اسمعك

نادر : بس انت غلطان انا ما خنتك هي الي صارت
قاطعه تامر بعصبية : ما بدي اسمع اي اشي عنها ولا بدي تحكيلي اشي اتركني بحالي ونصيحه مني لا ترجع تتصل لانك راح تندم
واغلق الخط بوجهه ونزلت دمعته
مسحها بقوة : ما بدي ارجع افكر فيهم ما بيستاهلو
وراح تفكيره عند زينة
تامر بنفسه : زينة شو ذنبها هي ما عملتلي اشي وهي مسكينه ليش بعذبها انا لازم اتركها تروح ... لا لا لا ما رح اتركها انا بحبها ... انصدم من نفسه كيف حبها ومتى ... لا انا ما بحبها ما رح اتعرض لنفس الماضي مرة ثانية ... اوووف

...............
بيت ام وليد
وصل سالم واتصل ع وليد عشان ريم تطلع
وليد راح ع غرفة ريم ودق الباب وفتحه لقاها قاعدة
وليد بابتسامة : سالم وصل
ريم هزت راسها بالموافقة وقامت اخذت اغراضها ونزلت ووراها وليد وصلت ع الصالة لقتهم كلهم سلمت ع الكل وضمتهم وبس وصلت عند وليد مدت ايدها وسلمت عليه بالخد بس واجا بدو يضمها بعدت هي بسرعه وعملت حالها بتاخذ اغراضها وانها ما انتبهت لكن وليد فهم حركتها وهز راسه بيأس مشيت ريم وطلعت لبرى ووراها وليد وبس وصلو للبوابة الخارجيه
وليد : ما بدك تضميني ؟؟؟
ريم بدموع لفت عليه وقربت وضمته وهو شد عليها
ريم بشهقات : انا اسفة ... انا مو قصدي ... غلطت وندمت
وليد بحنان : لاتبكي خلص انا مسامحك ... يلا سالم بيستناكي برى حبيبتي
ريم بعدت عنه وناظرته وهزت راسها بالرفض : ما بدي اروح معه بدي اضل هون عندك
وليد بحب : حبيبتي هلأ لازم تروحي ورح تيجي عنا ونيجي عندك يلا يا قلبي سالم بستناكي ما بصير
ريم مسحت دموعها : طيب

.....................
انتهى البارت
توقعاتكم ...

رد: روايتي : تعذبت وتعذبت وعلى الفاضي

السلام عليكم ورحمة الله وبركاته...
في البداية راح أقولك الله يسهل أمرك في كل أمورك يا قلبي... وتسلمين على الفصل والله يعطيك العافية يا عسل الفصل مرررره جنان ما شاء الله عليك...

رد: روايتي : تعذبت وتعذبت وعلى الفاضي

اعذروني ع التأخير

البارت الثالث عشر

عند ندى
رن تلفونها راحت تشوف مين شافت رقم احمد ردت
ندى : الوو
احمد : السلام عليكم
ندى : وعليكم السلام ... شو بدك ؟؟
احمد ببرود : في وحدة محترمة بتحكي لزوجها شو بدك فورا بدون ما تسأل عن احواله
ندى بقهر : انا ... المهم شو بدك لا تنكد علي
احمد بهدوء : اسمعيني ترى رح احدد الزواج بعد شهرين ورح احجز القاعه واطبع الكروت
ندى بصدمة : نعم ؟؟؟
احمد ببرود : مثل ما سمعتي
ندى بعصبية : لا تحلم فاهم ما رح احدد الزواج هلأ ليش انا غبية اجيب النكد لعندي
احمد بعصبية : اخرسي ... مو ع كيفك اصلا مثل ما حكيت انا وبس ... انا بس حبيت احط عندك خبر مع السلامة
واغلق الخط بدون ما يسمع رد
ندى نزلت دموعها بقهر : ليش يعمل هيك ليش...
دخلت نادية عليها : ندى شو فيه ليه بتبكي ؟؟؟
ندى بدموع : احمد حدد العرس بعد شهرين
نادية باستغراب : طيب ؟؟ شو يعني ؟؟ الوقت مناسب ليه بتبكي ؟؟
ندى بقهر : انا ما بدي بعد شهرين ع الاقل بعد ٦ اشهر
نادية : انتي مجنونه هيك وانتي بتحبيه كيف لو ما بتحبيه ؟؟؟
ندى بعصبية : خلص بكفي اتركيني
نادية باستغراب من حال اختها تركتها وطلعت عشان تهدأ

.................
ثاني يوم
بيت ام وليد
تامر بالصالة لحاله قاعد يفكر بحال زينة قطع تفكيره لا زينة
زينة بهدوء : انا بدي اترك الشغل وارجع ع بيتي
تامر بسخرية : جاية تأمريني ؟؟؟
زينة بعصبية : انا ما بدي اشتغل مو مستعدة اخسر صاحبتي عشانك
تامر ببرود : اشرحيلي القصة
زينة بقهر : ما دخلك افهم انا ما بدي اشتغل خلص انتقمت بما فيه الكفاية
تامر بعصبية : مين قال انا ما انتقمت لسا قلبي مليان منها نفسي اذبحهاا
زينة : ليش ما تنتقم منها هي انا شو دخلني ؟؟
تامر بضعف : ما بقدر
زينة حزنت عليه : ليش؟؟
تامر بحزن : كيف بدك اياني اعذبها اذا عذبتها بكون بعذب قلبي اكثر من ماهو متعذب
زينة بضعف : الله يوفقك اتركني اروح
تامر بإصرار : لاا
زينة بضعف : طيب
اجت بدها تروح بس تذكرت اشي لفت عليه
زينة بحماس: طيب خليني اروح ازور علا بس شوي وبرجع
تامر ما حب يقطع حماسها : طيب انا بوصلك وبرجعك وما بتطولي
زينة بفرح : موافقة
وراحت وهو ابتسم ع فرحتها
دخل وليد وسامر : السلام عليكم
تامر : وعليكم السلام
وليد : اليوم سالم صاحبك انت وسامر اجا عندي وطلب ريم مني وقال اذا وافقنا رح ييجي مع اهله
تامر بتفكير : بس هو متزوج
وليد ببرود : واذا ..... ريم مو اول وحدة ولا اخر وحدة بتتزوج واحد متزوج

ريم كانت نازلة وسمعت كلامهم وانصدمت لهدرجه وليد مو طايقها
ريم نزلت ودخلت ع الصالة ع كلام تامر
تامر : بنسأل ريم اذا وافقت وافقت ما وافقت هي حرة
دخلت ريم
ريم بحزن : انا موافقة يا وليد
تامر و وليد انصدموو ريم الي دايما اذا كانو بمزحو وسألوها شو فارس احلامك تجاوب بكل بساطه : فارس احلامي يكون يحبني انا وما يكون في وحدة تشاركني فيه ... هلأ وافقت ع واحد متزوج وبدون ما تسأل مين هووووو
تامر بحزن ع حالها لانه شكلها سمعت كلام وليد : فكري ياريم ترى هو متزوج
ريم بهدوء : عادي انا مو اول وحدة ولا اخر وحدة بتزوج واحد متزوج (وناظرت وليد بحزن)بعدين بدي ارتاح واريح ناس ... احكوله اني موافقة وما بدي حفلة ولا اشي بأقرب فرصة ييجي بنروح نكتب الكتاب وياخدني وما بدي اي اشي منه
وليد هون انصدم ريم سمعت كلامه!!!
وليد بصدمة : انتي اكيد مجنونة شو احنا بايعينك لحتى نزوجك بهاي الطريقة ؟؟؟
ريم بابتسامه: اه انت بايعني ... بتمنى اذا في شوية غلا بقلبكم الي تنفذولي الي بدي اياه ... عفووا اقصد اذا في شوية غلا للخدم الي عنا توافقو وتعملولي الي بدي اياه
هون الصدمة ريم مفكرة انه الخدم اغلا منها وانه وليد بايعها
تامر بعصبية : شو هالحكي يا ريم انتي اختنا وغالية علينا احنا صح زعلانين منك بس لمصلحتك واحنا ما بنكرهك ومو بايعينك
سامر بقهر : لو ما ساويتي الي ساويتيه كان هلأ ما في اشي بيننا
وليد بهدوء :رح يصير الي بدك اياه
سامر وتامر بصدمة : شوو ؟؟؟ انتو مجانين ؟؟؟
ريم بابتسامة وعيونها دموع : شكرا وليد توقعت انك توافق
وراحت
تامر بعصبية : مهما كانت عاملة احنا ما بنرمي اختنا هيك رمية ريم بعدها صغيرة وسالم متزوج
سامر بقهر : انتو شو صارلكم انت وريم بتحكو من كل عقلكم
وليد بهدوء : رغبتها هي وانا ما رح امنع رغبتها واذا انتو ما انكسرتو من ورا ريم ... ريم كسرتنيي بتعرفو شو يعني كسرتني ... لو سمحتو ما حد يتدخل هذا قرارها وهي حرة
وقام وتركهم

.............................
بيت سالم
سحر كانت تعبانه كثيير ومتمددة ع السرير
دخل سالم : السلام عليكم
سحر بهمس : وعليكم السلام
سالم : شو هذا الاهمال ليش بعدك نايمه
سحر بتعب : شو بدك ؟؟؟
سالم حس بتعبها : انتي شو فيك ... تعبانه ؟؟؟
سحر بتعب : اتركني ارتاح
سالم بخوف عليها مبين عليها التعب راح وقعد جنبها :سحر حبيبتي شو بوجعك ؟؟
سحر بألم : اتركني ما بدي اشوفك بكررهك
سالم بحزن : طيب بس قومي اخذك ع المستشفى
سحر برفض : لا
سالم : مو ع كيفك انتي تعبانه
سحر بقهر :لا تعمل حالك مهتم فيني وانت ما بتحبني اتركني بحالي
سالم :سحر مو وقت هذا الحكي
سحر بعصبية : انت ما بتفهم بقلك ما بدي اروح مكان اتركني وغطت حالها وسالم ناظرها بحزن وطلع من الغرفة وهو خايف عليها
..........
بيت خالد
خالد رجع من الدوام وسمع صوت حركة بالمطبخ عرف انه سلمى بالمطبخ راح ع الغرفة وبدل ملابسه ونزل دخل المطبخ
خالد بصوت قوي : الاكل مو جاهز ؟؟؟
سلمى بهدوء وهمس :جاهز
وبدأت تحط الاكل ع الطاولة خلصت وقعدو ياكلو طبعا سلمى اكلت كم لقمة غصب ناظرها خالد وحزن عليها صارت مهملة بشكلها وعيونها كئيبة حتى هاليومين بطلت تنزل دموعها
خلصو اكل وسلمى بدأت تشيل الاكل عشان تكمل شغلها
خالد قرر اشي :سلمى
سلمى ناظرته
خالد بتوتر من نظراتها الي كلها عتاب وكره : خلصي شغلك وتعالي بدي احكي معك
سلمى هزت راسها بالموافقة وطلع خالد من المطبخ
بعد نص ساعة تقريبا راحت سلمى ع الغرفة ودقت الباب ودخلت بس شافها خالد
خالد بحدة : تعالي واحكيلي كل اشي صار خيانتك من اولها
سلمى بهمس : ما في داعي ما رح تصدق
خالد بحدة : احكي الي عندك
سلمى بدأت تحكيله بخوف كل اشي بالحرف الواحد وبصدق
وبس خلصت
خالد بعدم تصديق : كذابة
سلمى بنص ابتسامة : قلتلك ما رح تصدق
خالد طلع تلفونها واعطاه لسلمى :اتصلي ع اياد واثبتيلي انك صادقة
اتصلت سلمى ع اياد وفتحت سبيكر
اياد : يا هلا بالحب
(طبعا خالد ماسك اعصابه بقوة )
سلمى :هلا فيك ... اياد لو سمحت احكيلي شو عملت مع خالد
اياد حكالها كل اشي
اياد بحزن : انا اسف سلمى اني خطفتك واتهمتك
سلمى بقهر : انا بسببك بعذاب اذا بتحبني احكي كل الي صار من اول
اياد توقع انه خالد جنبها وحكى كل اشي بصدق
وبس خلص سلمى ناظرت خالد المصدوم وابتسمت نص ابتسامة
اياد :سلمى انا بعشقك ... خالد جنبك صح ؟؟؟
سلمى بصدق :اه جنبي وعرف الحقيقة
اياد : هو بسمعني صح؟؟؟
سلمى بخوف من الي بدو يحكيه : اه
اياد بترجي : الله يوفقك يا خالد اتركها احنا بنحب بعض لا تفرق بيننا بسبب انانيتك
خالد سحب منها التلفون : سلمى لي انت اتركنا بحالنا خلص
اياد بحزن : الله يهنيك فيها هي جوهرة حافظ عليها
خالد بكره : بعرف ما في داعي تحكيلي مع السلامة
اغلق الخط ولف ع سلمى شاف الدموع بعينها
خالد بهدوء : سلمى
سلمى برفض تام : لا تحكي ولا اشي خلينا مثل ما احنا (وبسخرية) انا خدامة عندك وتحت رجلك ولا نسيت
خالد بحب : لا انتي مو خدامة انتي حبيبتي و ...
قاطعته سلمى : لا انا خدامه كل اشي ممكن انساه الا شغلة وحدة لما نزلت ابوس رجلك لا تتوقع انساها فاهم
خالد بندم : انا اسف ما كان قصدي اعمل هيك
سلمى : ما دخلني
خالد بحزن : شو بدك لحتى ترضي
سلمى ببرود : طلقني
خالد برفض : بس انا بحبك
سلمى بنفس البرود : وانا لأ
خالد بأصرار : مستحييل اتخلى عنك
سلمى بهدوء : ع راحتك ... بس اعرف اني انا جماد بالبيت عارف شو يعني جماد
وقامت وطلعت من الغرفة وتركت خالد بندمه ..............
خلونا نمشيي الاحداث شوي بكون احسن
بعد مرووور شهر
خالد وسلمى
خالد بيحاول يخلي سلمى تصالحه لكن سلمى مو موافقة ابدا وفعلا مثل ما قالتله هي مثل الجماد بالبيت بتشتغل وبتعمله الي بدو اياه بدون ما تحكي اشي واذا حكى معها احيانا بترد عليه واحيانا لا حسب الاشي الي حكاه

سحر وسالم
اليوم كتبو كتاب ريم ع سالم والمساء رايح ياخدها من عند اهلها وسحر طول اليوم ساكته وتحاول تبين انها فرحانه واذا قعدت لحالها بتبكي ..... وسالم اصلا حزين لانه متزوج غصب

ريم
اليوم بدها تروح ع بيت سالم طول الفترة الي راحت هي و وليد علاقتهم باردة وحتى اليوم ... وهي اصلا كئيبة

ندى واحمد
ندى خايفة لانه بعد شهر عرسها ومو عارفة شو بيستناها من احمد

نادية وليان وسند
انا يمكن اهملتهم هاي الفترة لكن لا جديد عليهم

زينة وتامر
زينة راحت عند علا اخذها تامر ورجعها وشرحت لعلا كل اشي وتصالحو وعلا قالتلها انها تحاول تترك الشغل و كانت علا بدها تحكي لأهلها عشان يساعدو زينة لكن زينة ما وافقت عشان ما تسبب مشاكل وتامر مهددها
..........
في المساء
بيت ام وليد
سالم اتصل ع وليد وقال له انه جاي ياخذ ريم
وليد راح ع غرفة ريم ودق الباب فتحت ريم الباب
انصدم وليد لما شافها جاهزة وحتى لابسه حجابها وكل اشي
وليد بحزن : لهدرجه مستعجله ع الروحة
ريم بهدوء : اكثر مما بتتصور
وليد بصدمة : ايش ؟؟؟
ريم : اروح اتعذب في بيت سالم ولا اتعذب عندك يا وليد انا ما بتحمل عقابك هذا انت مو وليد زمان
وليد : بس انتي السبب بكل هذا
ريم بحزن : معك حق ...
وليد : سالم جاي ياخذك
ريم : انا جاهزة بس يوصل بنزل
وليد قرب بدو يضمها هي بعدت بسرعه
وليد انصدم من حركتها وانصدم اكثر من كلامها لما قالت
ريم : لا تذوقني حنانك قبل ما اروح وانت من فترة صرت قاسي علي خليك ع قسوتك عشان ما اتندم ع قراري
وليد بنفسه : هي تزوجت واحد متزوج عشان تبعد عني عشان صرت قاسي عليها ............
وليد بعتب : بس لا تنسي انتي السبب
ريم بتعب : خلص مثل ما بدك انا السبب انا السبب بس لو سمحت حابة اقعد لحالي شوي قبل ما ييجي سالم
وليد ناظرها بحزن وتركها وراح ع غرفته


..................
عند تامر
رن تلفونه شاف رقم مستحيل ينسى خيانته مارد وطنش لكن الرقم ضل يرن ويرن لحتى رد تامر
تامر بحقد : خير ليش متصل ؟؟؟
نادر بترجي : تامر انت لازم تسمعني انت فاهم الموضوع غلط القصة صارلها سنه لازم نحلها
تامر بعصبية : شو بدك اسمع يا صاحبي يا اخوي اسمع خيانتك احكيلي شو اسمع ؟؟؟ ما بدي اسمعك

نادر : بس انت غلطان انا ما خنتك هي الي صارت
قاطعه تامر بعصبية : ما بدي اسمع اي اشي عنها ولا بدي تحكيلي اشي اتركني بحالي ونصيحه مني لا ترجع تتصل لانك راح تندم
واغلق الخط بوجهه ونزلت دمعته
مسحها بقوة : ما بدي ارجع افكر فيهم ما بيستاهلو
وراح تفكيره عند زينة
تامر بنفسه : زينة شو ذنبها هي ما عملتلي اشي وهي مسكينه ليش بعذبها انا لازم اتركها تروح ... لا لا لا ما رح اتركها انا بحبها ... انصدم من نفسه كيف حبها ومتى ... لا انا ما بحبها ما رح اتعرض لنفس الماضي مرة ثانية ... اوووف

...............
بيت ام وليد
وصل سالم واتصل ع وليد عشان ريم تطلع
وليد راح ع غرفة ريم ودق الباب وفتحه لقاها قاعدة
وليد بابتسامة : سالم وصل
ريم هزت راسها بالموافقة وقامت اخذت اغراضها ونزلت ووراها وليد وصلت ع الصالة لقتهم كلهم سلمت ع الكل وضمتهم وبس وصلت عند وليد مدت ايدها وسلمت عليه بالخد بس واجا بدو يضمها بعدت هي بسرعه وعملت حالها بتاخذ اغراضها وانها ما انتبهت لكن وليد فهم حركتها وهز راسه بيأس مشيت ريم وطلعت لبرى ووراها وليد وبس وصلو للبوابة الخارجيه
وليد : ما بدك تضميني ؟؟؟
ريم بدموع لفت عليه وقربت وضمته وهو شد عليها
ريم بشهقات : انا اسفة ... انا مو قصدي ... غلطت وندمت
وليد بحنان : لاتبكي خلص انا مسامحك ... يلا سالم بيستناكي برى حبيبتي
ريم بعدت عنه وناظرته وهزت راسها بالرفض : ما بدي اروح معه بدي اضل هون عندك
وليد بحب : حبيبتي هلأ لازم تروحي ورح تيجي عنا ونيجي عندك يلا يا قلبي سالم بستناكي ما بصير
ريم مسحت دموعها : طيب

.....................
انتهى البارت
توقعاتكم. هذا بارت طويل لعيونكم