البــــارت الثاني

شفت كتاب وصفات ع الطاولة خذته وتميت اتصفح فيه لين وصلت ل مقادير الباستا طبعا كانت سهلة وبديت اسويه بالضبط نفس المكتوب وخلصت وحبيت النتيجة الله يحفظني عندي موهبة فالطبخ احممم  .. شفت الساعة المعلقة ع اليدار وكانت 12:30 غطيت الجدر ورحت اتوضى وصليت ف مخزن المطبخ كان فاضي مما سهل علي وطلعت لقيت البنت تفتح الجدر وتشوف الباستا لفت علي وقالت : سويتي sweet ؟
بعد sweet! جعلك اول م تأكله اييك إسهال : no
ساره بهدوء : دام انه اول يوم لج بخلي وحده ثانيه تسوي يلا الحين جهزي الغدا ف غرفة الطعام ميري بدليج المكان وطلعت
وانا شو عرفني ب ميري ؟ حطيت الباستا ف صحن وبديت اجهز الخواشيق والقلاصات<الملاعق والاكواب > يتني خدامه بس بيونيفورم ابيض : انتي ميري ؟
ميري هزت رأسها بنعم : come on
ساعدتني وشلينا الأكل للغرفه وقاطعنا صوت رجولي فخمم : جهزتوا الغدا
ميري ردت عليه
وانا تميت مفهيه عليه له هيبة بالكندوره والغترهه وشعرهه الأسود اللي ظاهر شوي من الغترهه وعيونه الناعسه العسليه له طول زاده هيبة وعرض وعضلاته اللي واضحه من جسمه الرياضي قاطع فهاوتي الغبيه نظرته الحاده لي بلعت ريجي بخوف من نظرته ياويلي م سويت شى
ساره : عمي تفضل الغدا جاهز
لف نظره عني واتوجهه للطاوله وقعد الحمدالله تحركت بسرعه وطلعت من الغرفه بخوف من هيبته اللي طغت على الغرفه
: راني! 
لفيت عليها :  ها ! ءء yes
ساره بشك : تعالي براويج غرفتج
هزيت راسي وتحركت وراها بسرعه 'مالت علي الحين بتكشفني وبتطردني اصلا واضح انها م سمعت حاولت اهدي عمري
طلعنا من القصر ورحنا صوب الملحق اكيد وياي كم خدامه لاني شفت غرف ودخلنا إحدى الغرف : شوفي هاي غرفتج والحين وقت راحتج العصر لازم تقومين وتيين المطبخ عسب تشوفين شغلج مره ثانيه
هزيت راسي بنعم وراحت حسيت نفسي صدق هنديه من كثر م اهز راسي شفت السرير فصخت الشيله و طحت عليه بتعب ورقدتت بدون م أحس 
قمت ع صوت دق الباب القوي تاففت ولبست الشيله بأهمال فتحت الباب وطلعت لي رئيسة الخدم معصبه
بعصبية : انا م قلتلج تعالي المطبخ العصر؟ شوفي الساعة كم
شفتها بكسل~ يعني الزبده كملي
عصبت أكثر لاني م رديت عليها : الساعه 9 ي هانم عقابا لج بتسهرين وبتغسلين المواعين كلها وبقرف والبسي هاليونيفورم احسن وراحت
شهقت نمت كل هالوقت سبحان الله وبعد فيني رقاد فركت عيني بكسل رحت اغسل ويهي ولفيت شعري الطويل كيكه ولسبت اليونيفورم الابيض وطلعت ، شفت الحراس الظهر كانو شوي الحين اكثر هالريال شكله مهم دخلت البيت وكان هادي شفت المواعين وحسيت اني بصيح ايدي الناعمه بتستوي خشنه من كثر هالمواعين اهئ اهئ ردوني عند حصوهه خلاص ماتحمل فصخت الشيله بقهر ورفعت كم قميصي وتميت اغسل وانا اتحرطم 
الساعه 11:45
كان باقي شوي صحون 'أمم احسن باجر اكملهم ولفت صوب الباب بس اول خليني اكتشف هالقصر راحت تتمشى والبيت كان كله ظلام بس هي عيونها تعودت ع الظلام ف كانت تشوف شوي سمعت صوت بكاء وصوت رجولي اقتربت من الصوت ووضحت لها الصوره ساره كانت لابسه قميص نوم وواقفه صوب الريال وتصيح ،، ريم حطت ايدها ع ثمها من الصدمه

ساره بألم  : راشد انا احبكك وادري انك تحبني
راشد لف ويهه عنها وببرود : استري نفسج! و روحي ارقدي مب فاضي لمشاكلج وراح عنها بعد م تركها محطمه
ساره وقفت بكل ضيق ونزلت رايحه لملحقها
ريم اتضايقت من تصرف ساره صارت ف عيونها رخيصه!!
وصلت غرفتها ورقدت هي بعد
بعد 3 ايام اثبتت ريم وجودها فالقصر تنظف وتطبخ
فالمطبخ /
رآني انتي جهزي الغدا ورتبيه ف غرفه الطعام
: ok جهزت كل شى وشليت الغدا بمساعدة خدامتين لأنه عندنا ضيوف ورتبته بشكل حلو ع الطاوله
وفاجأني دخول الرياييل وانا ارتب قعدوا ع الطاوله واضطريت اني اقرب لهم كل شى

- راشد ماحيدك توظف مزز
- ياويل حالي انا على عيونها الكحيلهه وشاف بطاقه تعريفها من الهند واسمها رآني ، اقولك باخذ عنك هالخدامه عشان اصبح ع وييها الحلو كل يوم مب مثل اللي عندنا ميرياتي وروز احلم فيهم كوابيس على شيفتهم الشينه
- ريم ودها الأرض تنشق وتبلعها من الاحراج حتى وييهاا صار احمر
راشد طالعها بنظرهه حادهه: اطلعي براا
ريم استغربت منه وف نفس الوقت عصبت كيف يصرخ عليها جدامهم
طلعت من القصر وهي مقهورهه : ليش يصرخ علي المفروض يكلمهم مب يتفلسف علي ا...
: منوو اللي صرخ عليج؟
ريم حست انها ف ورطه ركضت بسرعه لغرفتها
شافها بغموض وماهتم دخل القصر بهدوء
بعد م راحو الضيوف
ساره دخلت بقهر على ريم وبصراخ : ليش يالسه هني بعد روحي نظفي المخزن
ريم طلعت وهي تتحرطم : يعلج الساحق الماحق والمرض المتلاحق ان شاء الله تطيحين وتاشر بايدها وططخخخ ع ويهج هاللي جنه لوح
: انتيي نعمم؟؟
ريم نست وضعها من القهر : نعامة ترفسج أن شاء الله عسى تفكنا منج وتموتين ، بعدين استوعبت و شهقت بغباء اوهه ولفت عليها بصدمه
ساره بصدمه : انتي مواطنه؟
ريم بغباء : no مدام
ساره بضحكه : سمعتج مالا داعي تجذبين وبعدين تعالي ليش تدعين علي
ريم ساكته مب قادره تتكلم تخاف تطردها
 ساره اقتربت منها : مابسويلج شى قولي انتي مواطنه ؟
ريم هزت رأسها نعم بتردد
بفضول :وليش اشتغلتي جي
ريم ببرود : ظروف
بسخريه: وشو هالظروف اللي خلتج تستوين خدامه
ريم بنظره حاده : نفس الظروف اللي خلتج تشتغلين هالشغل
البنت تفشلت وغيرت السالفه : انزين شسمج انا ساره
حلو ع الأقل بكون ويا حد يفهمني : وانا ريم
ساره بابتسامة حبت تتعرف عليها وتذكرت شى : تشرفت بمعرفتج انزين اقولج تعالي نسولف فالغرفه لايسمعنا حد
ريم بسعادة : والمخزن؟
ساره سحبتها : دامج بتستوين ربيعتي عندج واسطه خخ
ريم الحمدالله ايدي الناعمه بتم مثل ماهي: هي عندج كريم ؟
ساره بسرعه : هي عندي يلا
راحو غرفة ساره واللي كان لها ملحق بروحها
سارة يلست ع السرير : انزين !
وريم يلست صوبها وكانت تحط لوشن بريحة التوت : وهيكك
ساره بحماس : زين يالدلوعه شوفي باجر بنجهز لحفلة مهمة بمناسبة فتح فرع يديد لشركة عمي
ريم استغربت اهتمامها وبعدم اهتمام : انزين؟
ساره بحالمية رومنسيه : وابا اكون احلى وحدهه
ريم استغربت الحين تعرفت عليها وتسولف وياي كأنها تعرفني من سنين وباهتمام : ليش ؟
ساره بخجل : بس جي
ريم تعرف ليش بس سكتت : امم اوكي انا بكشخج بس بشرط
ساره بسخريه: بعد شرط ؟
ريم طنشتها : تطلعيني من هني باجر
واتفقوا على كل شى
اليوم الثاني / 6:11 ص
ريممممووووووهه!
ريم قامت بفزع وشعرها مستوي كشه :بسمم الله ليش تسحبين اللحاف ؟
ساره بضحكه : عشان اشوف ريولج الحلوهه
ريم بقهر سحبت عنها اللحاف بقوه : بخبر عليج ريلي بقول هاي شافتني قبلك
سارهه انصدمت: هههههههههه خبله قومي عقب فكري بزوج المستقبل وبزعل انتي قلتي بتخليني حلوهه لاتسحبين
ريم افف حرام اكسر فرحتها : اوكي روحي اتسبحي <تروشي> \لازم ادخل كلمات سعوديه عسب تفهمون
ساره بحماس راحت
وانا قمت اتسبح ولبست اليونيفورم ورفعت شعري العسلي الطويل ع شكل كيكه وحطيت قلوس وطلعت وانا لابسه شيلتي طبعا شفت الحوش كله طاولات وعمال يرتبون المكان وينزلون الكراسي من الشاحنه نزلت راسي : ااااييي م تشوف ؟ رفعت راسي وانصدمت انه راشد
شكله م انتبه لكلامي لأنه مشغول طنشني وراح
ريم الحمدالله م اسمعني انا لازم اطلع من هالمكان قبل لا يعرف اني مواطنه وبسرعة رحت ملحق ساره
بعد م تسبحت ساره يلست عشان اسوي شعرها وازينها وبفضول : ساره
: همم
شو بينج وبين راشد ؟
ساره بحب : علاقه حب
ريم بسخريه هيي صح وكملت شغلها
بعد دقايق
: الله هاي اناا؟ وباستها تسلمم ايدج حبيبتي وكانت بتطلع بس مسكتها ريم : وين رايحه ؟ وانا متى بتطلعيني ؟
ساره بعدم اهتمام : فليل وطلعت
طبعا الحفله كانت كلها رياييل والخدم طول الوقت يقربون لهم الأكل وأي شى يحتاجونه
ريم كانت تتمشى فالحديقه فجأه حست بواحد يمسكها ويلصقها ع اليدار وبخبث : عيل انتي مواطنه
ريم بخوف سكتت ماعرفت شو تسوي
وهو مرر ايده ع خدها : شرايج عيل تشتغلين عندي ؟
وفجأة : يال#####
ريم وخرت عنهم وراشد وها كانو يتضاربون ودخلت ملحقها بسرعه وتمت هناك لين انتهت الحفله
قامت الفجر وجهزت أغراضها وطلعت ودقات قلبها تتسارع بخوف ع المغامره اللي بتسويها طلعت من الغرفه وركضت وهي خايفه من مصيرها وتلتفت ع ورا بأستمرار
وصلت البوابه اللي بتطلعها من هالمكان
ريم وهي مستانسه : واخييييييييييييييييرا طلعت من هالمكان المعفن فجأه انتبهت للبوابه اللي كلها حراس ياربيي شو اسوي الحين شافت المكان بخوف وربكه واقتربت صوب الشجر وحست حد يسحبها
ريم شافت اللي سحبها وبفرح انتيي بعد بتطلعين وياي
ساره بغرور : لا طبعا بتم عند حبيبي وبفتك منج
ريم طنشتها وبخوف : شكلج عايشه الجو المهم ترا بعدني ماقدر اطلع بس باقي البوابه كيف اطلع منها وتأشر ع الحراس الي منتشرين ف كل مكان
ساره بخبث : وها الي حسبت حسابه طلعت من شنطتها غتره وثياب عمال وصخه : البسي بسرعه
ريم : عشتوو اناا وتأشر بصبعها ع الثياب البس ثياب عمال وياليتها نظيفه إلا وصخه بعد ... حبيبتي لاتحطين ف بالج اني بلبس جي
ساره اطالعها ببرود : خلصتي مدام ريم
ريم : عفوا ؟
ساره هجمت عليها ولبستها ( طبعا لبستها فوق ثيابها الي لابستنها
ريم تتحرطم
ساره مسكت الفحم : اسمعي فركي ويهج بالفحم وتلثمي
ريم متضايقه : بععععد! !! فركت وييها وهي تتافف
تنكرت وقربوا من البوابه ( سمعوا صوت رجولي خلاهم يرتجفون )
......: اييه انت وياه وقفوا بسرعه
ريم : رحنا  وطي
ساره وهي خايفه : ريم انا احبج وايد وصيتي انج تكلمين ريلي المستقبلي اني أحبه
ريم : احلفي!!!.. ي قلبي انا بندفن وياج. .. اسكتي بس وفكينا