رد: إحســـاســي بالذنـــب يقتلني"بقلمـــــي"

بثونه ماقدرت تنزل البارت لانه ينقطع
بتشوف ايش المشكله
وبتنزل البارت بكره ان شاء الله

رد: إحســـاســي بالذنـــب يقتلني"بقلمـــــي"

البــــــ الثاني ــــارت
غرقت بسبب هالماضي وانا مادري ليه مصر يعذبني
كرهت دنيتي وايامــــــي وتركـــــــت احلامــــــــــي وراي
وبديت اتعذب لحالـــــي وصرخاتهم بالقلب تجرحني
تعبت وهم يلومونـــــــي ويسألوني ليه اجرمتــــــــــــي
وانا مادري وش ذنبـــــــي وقلت ارجاكم سامحونـــــــــي
ارجاكم لا تخلونـــــــــي لان مازال حقده يلحقنــــــي
ومادري ليه يعذبنــــــــي وليه يحقــــد ويكرهنــــــــــــي
وظليت اصرخ واحكــــــي دخيلكـــم لا تكرهونـــــــــــــي

رد: إحســـاســي بالذنـــب يقتلني"بقلمـــــي"

مادري ايش صارفيه

رد: إحســـاســي بالذنـــب يقتلني"بقلمـــــي"

البــــــ الثاني ــــارت
غرقت بسبب هالماضي وانا مادري ليه مصر يعذبني
كرهت دنيتي وايامــــــي وتركـــــــت احلامــــــــــي وراي
وبديت اتعذب لحالـــــي وصرخاتهم بالقلب تجرحني
تعبت وهم يلومونـــــــي ويسألوني ليه اجرمتــــــــــــي
وانا مادري وش ذنبـــــــي وقلت ارجاكم سامحونـــــــــي
ارجاكم لا تخلونـــــــــي لان مازال حقده يلحقنــــــي
ومادري ليه يعذبنــــــــي وليه يحقــــد ويكرهنــــــــــــي
وظليت اصرخ واحكــــــي دخيلكـــم لا تكرهونـــــــــــــي تـــــــرى يابوي واخوانــي صرخــــاتكـــم معذبــــانــــــــــي وخلتني اغوص في نهر احزاني

دخل غرفته ورمى نفسه ع السرير بتعب ويفكر فيها حبه من خمس سنوات اه ياليتها تحس فيني وبحبي لها بالبدايه قطعت الأمل انها تكون لي بس اللحين ما راح اتركها وقعد يفكر فيها وكيف كان قبل خمس سنوات يراقبها ويجاكرها قطعت تفكيره دخول اخته
......../تفكر فيها
......../ما اقدر انساها او اوقف تفكيري فيها
....../شفتها اليوم لما رحت امر على البنات كانت مره تعبانه
........ بخوف/خير وش فيها
......../زعلانه عليه
........ بغيره واضحه/ممكن تخليني لحالي شوي
......./اكيد بس انتبه يتحول حبك لتملك
......./ادري اهم شي راحتها انا لو يصير عليها شي بموت ماحد يقدر يإذي روحه وهي روحي
......./تصبح على خير
......../وانت من اهله ..ورجع لتفكيره وسرحانه من جديد
واخته مشت وقلبها يتقطع على اخوها
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
دخلت غرفتها وسمعت نغمة تلفونها استغربت مين ممكن يدق عليها اللحين راحت اخذته وشافت رقم غريب وكانت الساعه1 قررت ما ترد بس ظل يدق وكأنه مصر انها ترد ردت بنعومه/الـــــو
......./ميساء
ميساء تفاجأت/فيصل!!!!!؟
فيصل/ياعيونه...وحشتيني
ميساء انحرجت ..بخجل/ليش اتصلت..ومن وين جبت رقمي
فيصل ذاب بنعومتها/مافي كيفك ..وحشتني او كلمه حلوه
ميساء/كيفك
فيصل/بخير دامني سمعت صوتك
ميساء ما ردت
فيصل/وين رحتي يا قلبي
ميساء استحت مره وحمروا خدودها من الحياء وقالت بهمس/ فيصل
فيصل/عيونه وروحه
ميساء/تعبانه حيييل ودي انام
فيصل ضحك/طرده يعني
ميساء ..فديت هالضحكه وضحكت من ضحكه/اي طرده
فيصل/فديت الضحكه وراعيتها مع السلامه
ميساء/مع السلامه
سكرت ونامت بسرعه مع التعب
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
في الرياض
دخل البيت ورمى نفسه ع الكنبه واخيرا نجحت قضيته واتسكرت كانت مره صعبه التفت على امه يلي كانت بالكنبه الثاني بس ما لاحظ عليها شافها سرحانه
صقر/يمه
امه فزت /هاه..هلا صقر متى رديت
صقر بشك/من ربع ساعه ..وش هو يلي شاغل بالك
نورا/اي في شي شاغل بالي حيل..بس بقوله لك بالوقت المناسب
صقر كان بيحكي بس قاطعه صراخها
...../يمه يمه..جت وجلست وقالت/شوفي مو حلو ابيه تكفين يمه
نورا/ يمار اللحين ها لصياح كله من شان تبين الفستان طيرتي عقلي
يمار تمثل الخوف/هيـييه يمه اوديك مستشفى المجانين
نورا بغضب/اسكتي احسن ما انزل حرتي فيك
يمار تمثل البراءه/ليش يمه وش ساويت مو انت يلي قلتي ان عقلك طار قلت تروحين يردوه لمكانه
نورا عصبت وقامت بتضربها بس مسكها صقر وهو يضحك /خلاص يمه ..ههههه.. هي تمزح معك
نورا هدت وجلست/هالبنت بتجلطني
يمار/اللحين انا اجيت اقولك ابي الفستان وانتي فتحتي سيره
نورا/ والله ما اشريه لك
ميار حزنت وسكتت
صقر/ليش تزعلينها يمه..خلاص ولا يهمك انا بشتريه لك
يمار بفرحه/تسلملي يا احلا واجمل اخ بالدنيا
صقر يقلدها/الله يسلمك يا اكثر اخت مزعجه بالدنيا
يمار فتحت عيونها/والله انا اوريك بتحتاجني يوم وانا ما بساعدك
صقر/ترا اهون وما اشتريه
يمار/لا لا خلاص مزعجه مزعجه
وقعدوا يضحكون والام متضايقه من الي يصير قدامها اللحين
ــــــــــــــــــــــــــــــــــــــــــــــــــــــــــــــــــــــــــــــــــــــــ
في الدمام
بيت ابو محمد.....عند آماليا
خرجت من الحمام بعد ما غيرت ملابسها حتى تروح بيت اهل نوف يلي يبقى بيت خالها وعمتها راحت لتسريحتها تعطرت من عطره المفضل والقت نظره اخيره على نفسها كانت قمه في الروعه والجمال
لبست عبايتها وطلعت لمحمد ونوف يلي ينتظروها من نص ساعه بالصاله
وأول ما شافها محمد قام من على الكنب وقال بغضب/كان طولتي اكثر
لفت اماليا بقلة صبر/انا رايحه اشوف امي ودك تنتظر انتظر وانت ساكت ولا روح ولا تمنن علي.
وراحت لغرفة امها اما محمد كان بيلحقها بس نوف مسكته
نوف/لا لاتروح هي ما تقصد
محمد بصراخ/ وش ما تقصد ما شفتي وقاحتها وكيف تحكي معاي
نوف/لا تنسى ان نفسيتها تعبانه واي ضغط عليها بيسبب لها اضرار اكثر بكثير
محمد هدي وجلس/يصير خير روحي ناديها لانه تأخرنا
نوف/انا اللحين بروح
وراحت وكانت بتدخل غرفة ام محمد بس توقفت لما سمعت كلام اماليا
اماليا ببكاء/يمه احكي ارجاك انا من دونك ولا شى سامحيني يمه لاني حرمتك وحرمت نفسي منهم اسفه سامحيني يمه
ام محمد حطت يدها براس اماليا بحنان وهي تقول بنفسها/انتي يلي سامحيني يابنيتي انتي من كنتي صغيره وانتي ضحية حقدي على ابوك الله يرحمه
طقت نوف الباب وقالت/يلا لولو تأخرنا
قامت اماليا وقالت/ مع السلامه يمه انتبهي على نفسك
نوف/عن اذنك يا عمه
وطلعوا وركبوا السياره وراحو
واماليا قررت تحاول ترجع مثل ماكانت وتدعي الله يكون بعونها
اما نوف فجالسه تفكر بكلام اماليا ايش قصدها كيف حرمت عمتي وحرمت نفسها منهم

رد: إحســـاســي بالذنـــب يقتلني"بقلمـــــي"

في بيت ابو بندر
في غرفة ميساء دخلت عليها ميس وقالت/ خلص...واو ماشاءالله وش هلحلاوه
لفت ميساء عليها وكانت تجنن بنعومتها وحلاوتها
ميساء/والله حتى انتي قمر وش سر هالكشخه مو من عادتك تلبسي فستان دايما بنطلون وبلوزه
قالت ميس/اصلا انا صرلي سنه مستنيه هالعزيمه
ميساء استغربت/ليش
ميس ارتبكت بس تداركت الموقف وقالت/ااااودي اهبل بامهاتنا ههه
ميساء/ والله انك مجنونه
دخلت عليهن لميس وهي تقول/يلا بندر ينادي وماما وبابا راحوا مع رعد
ميساء/يلا اللحين ننزل
ــــــــــــــــــــــــ
في بيت ابو سامي
فتحت امالي باب غرفة ريم بدفاشه
اماني/هاي يالعصلا
ريم/وجع يالحولا والله لو كان صار للباب شى كنت امحيك عن وجه الأرض
اماني/هاهاها غبيه ترتكبين جريمه علشان باب
ريم/روحي عن وجهي مو ناقصتك انتي بعد يكفيني سامي يلي مطلع الشيب براسي
دخلت امل بهدوء /السلام عليكم
ريم وامالي /وعليكم السلام
ريم /سبحان الله والفرق وحده ما نسمع حسها والثانيه مرجوجه كل الحاره تميز صوتها من مليون ميل
اماني/منكم نتعلم
دخلن ميس وميساء ولميس
وقالت ميساء/انتوا ما تتعبوا دائما تتهاوشون
ريم/ هي الغل....
ميس/بس بس خلاص انسوا المهاوشوات وقولوا لي وين بقية البنات
ريم/تحت بالصاله
لميس/يلا ننزل
ونزلوا ونادوا للبقيه وراحوا غرفة البنات يلي يقعدوا فيها كل ما كان في عزيمه للأهل وهالغرفه موجوده بكل بيوت العائله شكلو دائره على الارض
ميس ابتسمت بشر/بنات
التفت الكل عليها وشافوا ابتسامتها
امالي/هالإبتسامه وراها اكيد مصيبه
ميس/وش رايكن نسوي مقلب لشباب
لميس بدت تخرج من حزنها/ وش المقلب
ميس /اسمعوا....
وقالت الخطه
سديم/حلوه الخطه بس من بينفذها
الينا/ودنا وحده ما يعرفوها الشباب زين الكل التفت مره واحده على أمل
امل خافت/ليش تتطالعوني مستحيل اسويها وبعدين اكيد ماهر وبدر بيعرفوني
ليان/ماهر مو موجود معاه مناوبه اليوم بالقسم
لمار/وبدر ما رح يركز
اماني/اي هو اصلا ما يشوفك كثير بعبايه لانك ما تطلعين
امل/بس خايفه
ميساء/لا تخافي كلنا بنكون نراقب من بعيد
امل/موافقه
اماليا بإبتسامه /انا كمان بشارك
البنات التفتو بفرحه وامالي حضنتها و قالت/اخيرا رجعتي لولو
ـــــــــــــــــــــــــــــــــ
في الرياض
كانت قاعده عالنت تتصفح المنتدى وفاتحه على قسم الروايات تشوف الردود على روايتها يلي الفتها لأول مره شافت رد من) مجنون بس ما يخوف( ضحكت على الاسم قرت الرد
)اختي دلعوعه المرجوجه اشكرك جزيل الشكر عن روايتك الرائعه فعلا من اجمل الروايات التي قد قرأتها قصتك مؤثره ورومانسيه جدا لكن هنالك بعض الأخطاء البسيطه التي بتجنبها ستكون لكي مكانه مرموقه في عالم الروايات ...دمتي بخير( فرحت بالرد كثير وعرفت انه خبير بالروايات كانت فرحانه بتشجيعه لها بس تذكرت انه الدراسه بتبدا من الاسبوع الجاي وكشرت
ـــــــــــــ
عند الشباب بالملحق
العيال جالسين يسولفوا
رعد/وانت متى بتسافر يا ريان
ريان/بكره ان شاء الله
بندر/ليه بدري دراستك بتبدأ الاسبوع الجاي روح قبلها بيوم او يومين
سامي/لا الأحسن يروح يرتب اوضاعه
رعد/ وش لك بالدراسه بالرياض هنا احسن
ريان/انا دايم احب الرياض فدرست فيه
قرروا الشباب يطلعوا عالحديقه ولما وصللوا عند الباب شافوا مره عجوز ورا الزرع تمشي بهدوءراحوا بسرعه لبسوا نعالاتهم ومشوا وراها لانهم مايعرفوها ولا قدشافوها اكيد مو من الخدامات ولا من اهل البيت يمكن تكون سراقه راح سامي لها وحط ايده على كتفها/من انتي ياخاله
بذيك الساعه تجمدت امل من الخوف وشافت البنات يشوفونها ويشجعوها تهرب وهم خايفين لينكشفوا بس امل من الخوف التفتت لهم
البنات/ههههههه
العيال وقفوا يستوعبوا شوي بعدين حسوا بشي يمشي باجسامهم/ آآه الله يقلع ابليسكن
سامي يحك جسمه /ميسووووووه يا حماره
التفت الكل على امل يلي كانت تبكي
اماليا قربت لها/امل وش فيك
ليان حضنت امل تهديها/بس كله مقلب
ميساء/اموله حبيبتي بس
هدت امل وسامي مستغرب ويفكر ليه تبكي معقوله البنت حساسه زياده بس ليه شاركت بالمقلب
وفيصل عينه ما ارتفعت عن ميساء
وكان في عيون تدور ارام بس ما لقتها تذكر انها بالعده يتمنى لو يروح اللحين ويلمها بحضنه بس مو كل الأمنيات تتحقق
قطعت تفكيرهم صوت ميس
ميس/ترا زودتيها كل هذا حياء لانه مسك كتفك
ليان/بس ميس لا تحرجيها اكثر اصلا كل هذا بسببك مو هذي فكرتك
ميس /انــ..
سديم/خلاص يلا ندخل البيت بسرعه
راحو البنات للبيت والعيال للملحق علشان يغيرو ملابسهم وجسمهم يحك وسامي مستغرب معقول في بنت تستحي لدرجه هذي انهارت بسبب هالموقف يلا وش علي منها واول ما وصلوا للملحق كانوا يخلصوا نعالاتهم وشافوااكياس صغار فيها نمل مليان لعنوا البنات وقعدوا يحكوا
وقرروا يردوها لهن وبعدين الكل رجع ع بيته
ـــــــــ
في بيت ابو بندر
عند ميساء رن موبايلها وشافت الإسم)حبي( ترددت بالرد بس بالأخير ردت
ميساء بهدوء/الوو
فيصل/ فديت هالصوت
ميساء استحت
فيصل/ميووسه احبك واموووت فيك
ميساء/فيصل تدري ان هالشئ مو صح ما يجوز تكلمني وانت مومحرم
فيصل/ادري بس غصب عني
ميساء/بس لازم تحاول
فيصل/ خلاص موافق ما عاد ادق عليك وان شاء الله اضبط وضعي في العمل خلال شهرين وبعدين تكوني ملكي بس قولي انك تحبيني وبعدين بسكر
ميساء بحياء/اااح..احبــ ك
فيصل بحب/مع السلامه يا روحي
ميساء/بــاي
ـــــــــ
بعد اسبوع في الرياض
بالجامعه
يمار/افففففففف أكره الجامعه والدراسه
ملاك/وليش تدرسين لو تكرهيها
يمار/من شان صقر وأمي
سمر/لا تصدقي ياملاك لو تكره الدراسه ليش تجي الأولى على الدفعه
يمار/طيب ليش ادرس بس اجي ع الجامعه اذا بدرس لازم اجتهد وبعدين انا ما أحب يتفوق علي احد
سمر /يلا نشتري اي سكريم
يمار طير راحت تشتري
ملاك/ههههههه تموت بشئ اسمه اي سكريم
سمر /يلا وراها
اما يمار اشترت اربعه وكانت بتروح للبنات بس كان في واحد يمشي وصدم بها بالغلط وطاح الايسكريم التفتت وتفاجئت...
ـــــــــ
انتهى البارت
ياترا اماليا طلعت من حالتها وش بيصير معاها؟
وميساء وفيصل منتظرين تخلص الشهرين بس وش بيواجهم؟
ومن هو الشخص يلي صدمت فيه يمار؟
توقعــــــاتكم

رد: إحســـاســي بالذنـــب يقتلني"بقلمـــــي"

مازالت بداية رائعة تعكس ذوق كاتبتها
ربي يوفقك
وعقبال ما أنزل روايتي < هههههه

رد: إحســـاســي بالذنـــب يقتلني&quot;بقلمـــــي&quot;

تسلمين وكلك ذووووووق وانا مستنيتها
بنزل الاقتباسات اني علشان ما اتعبك

رد: إحســـاســي بالذنـــب يقتلني&quot;بقلمـــــي&quot;

مقتطفات عن الجزء الثالث
1/ضحكت بسخريه على نفسها وتكلمت/الميت ما يرجع يا يمار

2/صقر/عندي شغل يمكن يضر عائلتك بس مضطر

3/اماليا تجمدت هو نفسه المجهول

4/لانها محيره لبدر ولد عمك من زمن جدك الله يرحمه

5/امي عليك ان تتأكدي مع من تتحدث بالهاتف بسريه اشك انه ذلك الوغد

6/روحي احسن ما اقتلك انتي وياه اللحين

رد: إحســـاســي بالذنـــب يقتلني&quot;بقلمـــــي&quot;

مع اني ما لقيت تفاعل بس بنزل البارت على أمل تحبونه وتتفاعلوا معاي

البـــــــــ الثـــــالــــث ــــــــارتـــــــــ
حـــاولت ابعــد عن الحزن لـقـيتـه مـستعـمـر حـيـاتـــــــي
حــاولـت ارجــع سعادتــــي لـقـيـتـهـا تـبــــــــرتـــــ مـنـــــــي
ظــليـــت مخبيه خوفـــــي وشـعـوري يـلــــي يـقـتـلـنـــــــي
مـــابغـيــت يتـــرگــونــــــي مـثــل يـلــــي بـعـدوا عـنــــــــي
فدمــرت بذلـگ حياتــــــي والــكــل صـــار يـــگـرهـنـــــــــي
احـاول اخليهم يسمعونـي بـــــــس مــا صــدقــونــــــــــــي
قلـــت لـهم بـس سكتونـــي صـرخـت عـسـى يـرحـمنـــــي
ياخوي ارجاك لا تظلمني تـــــرا خـوفـــي مدمـرنــــــي

بعد اكثر من شهرين
في بيت ابومحمد
كانت تسرح شعرها اخيرا رجعت ابتسامتها من جديد خلصت ولبست عبايتها وطلعت للصاله وراحت مع امها ومحمد ونوف واحمد وحمد لبيت عمها ابو ماهر ولما وصلوا كان البنات متجمعات بغرفتهن
اماليا/هااااااي
اماني/هاياااااااات
ارام/وعليكم السلام
ميس/روحي بس يا جده عامله حالها الكبيره
لميس/بس بس اللحين بتبدؤا المهاوشه يلا نروح الحديقه قبل ما يروحوا العيال
اماليا/هيا بنا
امالي/استعد
ميس/للأمام ســــر
الكل/ههههههههههه
اماليا مششت بسرعه وطير ع الحديقه
لميس/وقفوا بنات خلوها تندم لانها بتسبقنا
ميس/اي هي تخاف تكون لحالها بالليل وبترجع
ـــــــــــــــــــــــ ــــــــــــــ
بالرياض
كانت متسطحه على سريرها واللاب فوقها تتصفح المنتدى شافت مجنون بس ما يخوف كاتب(ياليل خبرها اني منتظرها ياليل كل ما اشوف القمر اتذكرها اتذكر جنونها والله اني احبها) قالت في نفسها/ والله طلع رومانسي يلي يشوف اسمه ما يصدق انه يلي كاتب هالكلام
وتذكرت هاذيك اليوم بالجامعه لما صدمها واحد وطيح الايسكريم...
يمار التفتت له وتفاجئت وصنمت
الشاب/آسف ما أقصد
يمار ساكته وتشوفه
الشاب/مضيعه شئ بوجهي
يمار تنرفزت/مره ثانيه فتح عيونك وبلا فلسفه
الشاب/اسحب اعتذاري
وصديقه يناديه /ريــــــــان
ريان راح وهي مازالت مصنمه بمكانها وتتمتم/ريان
ملاك وسمر كانوا يشوفوا من بعيد ومستغربين من يمار وبعدين راحو لها
سمر/يمار وش فيك
ملاك/بالعاده لسانك وش طوله واللحين مادري وين راح
يمار راحت وتركتهم
رجعت لواقعها معقول يكون هو نفس الشخص الشبه واضح من 11 سنه ضحكت بسخريه على نفسها وتكلمت/الميت ما يرجع يا يمار
ــــــــــــــــــــــــــــــ
الدمام عند الباب
ماهر خرج الحديقه يكلم بالموبايل وشافها تضحك وتشوف لوراها كانت لابسه عبايه والطرحه براسها بس مو متلثمه
اماليا بخوف/وين البنات
وصارت تتلفت وشافت ظل شخص واقف قدامها/يمه جني اعوذ بالله من الشيطان بسم الله
وصارت تقرأ بصوت مرتفع وماهر ما قدر يمسك ضحكته/ههههههههههه
اماليا/يمه يضحك
ماهر رحمها وقرب لها /انا ماهر هههههه
اماليا ارتاحت/الحمدلله
وانتبهت انها مو متلثمه وركضت للبيت وهو للحين يضحك وبعدين رجع لشباب
ـــــــــــــــــــــــــــــ
عند البنات دخلت وعيونها مليانه دموع والبنات اول ما شافوها ماتوا ضحك
اماليا/بتنرد لكم تركتوني لحالي وشفت ماهر من بعيد وحسبته جني وصار يضحك علي وبعدين قالي انه هو ماهر بس والله خفت
ميس/خفتي لانك حسبتيه جني بغبائك بس في اغبياء اكثر منك خافوا لسبب سخيف صح يا امل
امل/لا موصح
اماليا راحت ضربتها على كتفها /مين الغبيه يالهبلا
ـــــــــــــــــــــــــ
بعد يومين
في بيت صقر
كان هو وامه ويمار بالصاله
صقر/يمه انا بسافر بعد يومين
يمار/وين بجي معاك
نورا/اسكتي انتي وين تروحين معه. وبعدين التفتت لصقر/وين رايح يمه
صقر/بروح الدمام عندي شغل
يمار/خذني معاك
نورا /انطمي كيف تروحين معه وهو رايح شغل وبعدين لا تنسين انه مو محرم لك وقعدتكم بالبيت مع بعض عيب
صقر/ يمه بدينا الموال نفسه
نورا/ ودنا نسكت الناس وبعدين انتوا تفهموا على بعض
يمار بعصبيه/يمه يلي تفكرين فيه مستحيل يصير
نورا بحده/ليه ما يصير
صقر بهدوء/لان يمار زي اختي
نورا/بس مو اختك
صقر يمسك نفسه/شوفي يمه انا بسافر وانتي فكري ان كنتي لهذاك الوقت مصره وخايفه من كلام الناس انا بروح اعيش بشقه لوحدي وانتي اختاري انا ولا الناس
نورا/ليه انا نفسي اشوف بزرانكم
صقر/لا تنسين انه احنا تربينا على اننا اخوان وما نقدر نغير هالشئ بيوم ليله
نورا/ خلاص براحتكم
يمار/بالإذن بطلع اذاكر
صقر/وانا بنام
وطلع وهو يفكر انه يكلم ماهر وكمان يكلمها صار له مده كبيره ما كلمها وقرر يطلع يتكلم بالحديقه لانه ما يبي احد يسمعه خاصة امه
ـــــــــــــــــــــ
ببيت ابو ماهر
ماهر/حياك ومتى بتجي
صقر /بعد يومين بس ما بتسألني ليه بجي
ماهر/ايه والله نسيت من فرحتي ههههههه
صقر/عندي شغل يمكن يضر عائلتك بس مضطر
ماهر بقلق/وش هالشغل
صقر/كل شى بوقته حلو مع السلامه...وسكر
ماهر يفكر وش بيساوي صقر اول مره اخاف من شئ مجهـــــــــول وفجاءه خطرت في باله اماليا وخوفها منه وضحك في نفسه كان يحبها ومن كانوا اطفال ودائما يحاول يساعدها اللحين صار وقت اروح اخطبها بس بعد ما ينتهي هم صقر يلي شاغل بالي
ـــــــــــــــــــــــ
عند اماليا كانت تحس بقلق صحيح الحمدلله تجاوزت الصدمه لكن ما زال خوفها مسيطر عليها قطع تفكيرها صوت الموبايل وشافت رقم غريب ترددت ترد او لا لكنها بالأخير ردت وفتحت على السبايكر لانه موبايلها خربان
اماليا/الــــــو
....../كيفك وحشتيني على فكره
اماليا تجمدت هو نفسه المجهول
...../افا خفتي ليه يا روحي تخافي مني ترا انا احبك وما بضرك
اماليا برجفه/وش تبي
...../ما ودي اطول عليك بس حبيت اخبرك اني بجي هاليومين الدمام وبحدد لنا موعد ان ما جيتي اترحمي من اللحين على محمد وامك ونوف واحمد وحمد وش رايك فكري لبعد يومين باي حياتي
رمت الموبايل وجلست خايفه جاها صوت عبدلله/لا تكوني انانيه ولا تسببي بموت البقيه
اماليا/ما بكرر الخطا مرتين وما بكون انانيه
ــــــــــــــــــــ
في بيت ابو فيصل
فيصل راح لابوه بمكتبه طق الباب
ابو فيصل/تفضل
فيصل بتوتر/يبه ممكن اكلمك بموضوع
ابو فيصل /اكيد تكلم
فيصل بإرتباك/يبه قررت اتزوج
ابوفيصل بابتسامه/هذي الساعه المباركه انت في بالك وحده ولا اخلي امك تروح تدور لك على عروس
فيصل /لا يبه انا ابي ميساء بنت عمي
ابو فيصل تغيرت ملامحه للحده/لا إلا ميساء
فيصل تفاجأ/ليه يبه
ابو فيصل/لانها محيره لبدر ولد عمك من زمن جدك الله يرحمه
فيصل وقف/كيف محيره له بدون لا يعرف هو ولا تعرف هي
ابو فيصل/بس جدك الله يرحمه توصى انه تكون ميساء لبدر عشان تكون من هالعايله
فيصل بحده/وليه بدر
ابو فيصل/لانه دايما كان يهتم فيها وهو فكر وقرر
وكلمة جدك ما تنكسر الا على جثتي
راح فيصل وهو معصب لغرفته
ـــــــــــ
عند يمار
كانت ضايقه من كلام امها ومقدرت تذاكر فتحت المنتدى تتسلى شوي وشافت كلام مجنون بس ما يخوف(ترا للجنون حلول بس الحب من يعطي له حل)
ردت عليه(اذا الحب من طرف واحد وحبيبك ما عنده حبيب تقدر تخليه يحبك بالحلال غيره ما عندك حل غير تنساه وترا مافي حب قبل الزواج بس في اعجاب)
شخص ثاني( كلامك صح 100% اختي
مجنون بس مايخوف(بس اذا كان هذا الحب من الطفوله وافترقت عنه من بداية مراهقتك وما تعرف فينها بس هذا الحب مازال مستمر للحين)
دلوعه المرجوجه(انا مادري وش اقول بس لازم تدور عليها او تنساها مع انه صعب النسيان(
وبعد شوي جاها طلب صداقه ورسالت خاصه منه
مجنون بس مايخوف)السلام عليكم مادري ليه حسيت انك فاهمه بالحب ودايما احس كلماتك مؤلمه ممكن تفهميني وتساعديني(
ردت)اكيد اتشرف بهذا(
ـــــــــــ
بعد يومين
ماهر/حيا الله ابو نايف
صقر /الله يحيك
ماهر/تفضل نضيفك وبعدها ارتاح اليوم جمعتنا ببيت عمي ابو محمد لان محمد حلف انك تتعشى هناك
صقر/ما كان في داعي تتعبوا حالكم
ماهر/ما فيها تعب بس وش هو الشى يلي بيضر عائلتي
صقر/مقدر اقولك قبل ما أتأكد
ـــــــــــ
بمكان آخر خارج حدود السعودية تحديدا في بريطانيا
(ملاحظه: حين اكتب الحوارات بالفصحى فهذا يعني انها بالإنجليزيه)
خرجت من غرفتها بالطابق الثاني كانت ترتدي عباءه محتشمه وتضع حجابا على رأسها ووجهها خالي من أي مستحضرات تجميليه اتجهت الى والدتها على طاولة الافطار هي واخاها قبلت رأسها/السلام عليكم كيفك يمه
ساندي/ألم اطلب منك ان تتوقفي عن الحديث بالعربيه
جلس على مقعدها/ليه انا اتكلم بلغتي الاصليه
ساندي/ الا تفهمي عليك ان تنسي انك سعوديه
قالت ببرود/العفو يمه بس كيف انسى وانا اسمي لوجين نايف ال.... ما اقدر والكل يناديني بهذا الاسم
ساندي عصبت ومراد قال /لا داعي ان تتعبي نفسك بالحديث معها انظري مالذي تلبسه وسترين انها لا تشرفنا يكفي انها مسلمه
لوجين/نعم هذا يكفيني لان لولا الاسلام لكنت الان ميته
مراد بسخريه/ومالذي يفعله الاسلام قال لك لا تموتي
لوجين/نعم الاسلام يحرم الانتحار ويأمر بالصبر والحمدلله حتى لو مت سأموت وانا راضيه عن نفسي لن اموت بسبب قذاره اشربها ليل نهار
وذهبت الى جامعتها مع السلامه
ساندي/اريد ان اعرف من علمها الاسلام كانت قبل سبع سنوات فتاة مطيعه لكن الان تمردت
مراد/امي عليك ان تتأكدي مع من تتحدث بالهاتف بسريه اشك انه ذلك الوغد
ساندي/ان كان هذا صحيحا سألقنها درسا
ــــــــــــــــــــــ
في بيت ابو محمد كانوا الشباب يسولفوا بس قطع كلامهم صوت موبايل صقر
صقر قام/عن اذنكم
الشباب/اذنك معك
وراح الحديقه الخلفيه عشان يتكلم بدون ما يسمعه احد وسمع ردها/الو
وعلى بعد خطوات رمت جوالها بإنهيار وتذكرت كلامه
المجهول/بكرا الساعة 3 العصر تكوني عند مطعم......بنتظرك لين الساعة تكون 3 وربع ان تأخرتي تدرين وش بيصير
وسكر الخط التفتت وشافت عبدالله
عبدلله/لا تقتليهم مثلنا
اماليا/ بس يا اخوي ترضاها على اختك
مشى وما كلمها
آماليا تصرخ/سامحوني سامحوني بموت يالله وطاحت
بالحديقه سمع صوت احد يصارخ وتبع الصوت بس هالصوت اختفى
صقر/ اعوذ بالله من الشيطان الرجيم
ورجع للشباب
ـــــــــــــــــــــــــــ
اليوم الثاني
ببيت ابو ماهر
صقر/ماهر اسمعني للنهايه وما أبيك تقاطعني
ماهر بقلق/تفضل
صقر/انا مؤخرا استلمت قضية دعاره وكانت في شقه ومسكنا يلي في الشقه وحاولنا وعرفنا ان صاحب الشقه هو ريان انا ما صدقت لان ريان مستحيل يكون من هذا النوع وجيت لهنا بس عشان أدور شي يثبت برائته بس ما قدرت لانه في حتى هنا شقه بإسمه واللحين اكيد هو بالسجن انا خبرتك عشان تحاول تساعدنا مو على اساس انه ولد عمك لا كأنه شخص متأكدين انه برئ وانا اليوم برجع الرياض عشان احقق معاه وافهم منه
ماهر/لا تساوي غير واجبك وانا بكلم عمي يوكل له محامي
ــــــــــــــــــــــــ
الساعه ثلاث العصر
كانت قدام المطعم تتلفت بخوف قالت لامها انها بتروح عيادة الاسنان يلي قريبه من المطعم وخلت السواق يوصلها لهناك وراح وهي مشت للمطعم حست بيد بكتفها لفت بخوف
....../لالا لا تخافي يلا ندخل
راحت معاه وقعدوا وطلب أكل وهي وترجف
ــــــــــــــــــ
كان جالس بالمكتب يراجع بعض الاوراق ورن هاتفه برقم غريب
محمد/الو
....../السلام عليكم
محمد/وعليكم السلام من معاي
......../انا فاعل خير وعارف مكانتك وخفت عليك وعلى شرفك شفت اختك جالسه بمطعم...
مع شاب غريب اللحين هم هناك مع السلامه وسكر ومحمد مازال مصدوم اخذ مفاتيحه وتوجه للمطعم
ـــــــــــــــ
/انا مشعل
اماليا ساكته
مشعل/ليش ما ترفعين الغطا خذي راحتك واكلي ولا احم
اماليا رفعت بخوف وبدت تأكل وبهذه اللحظه دخل محمد
وسحبها من شعرها/اه يا....
امش قدامي انتي وياه امشوا
دخل البيت وضربها تحت نظرات نوف وامه حاولوا يدافعوا عنها بس ما قدروا
محمد/ليه ليه يا...
اماليا/ما..
محمد وهو يضربها /جب ولا كلمه
ودخلها غرفه وسكر الباب ونادى المملك وجا ومشعل يطالع كل شي بإبتسامة انتصار صارت الملكة بشهادة سامي ورعد وكل العايله متفاجئين من آماليا
بعد ما مشى المملك راح محمد وسحبها وهي بعبايتها ورماها قدام مشعل والكل يطالع
محمد/روحي معاه ويا ويلك ترجعي انا اختي ماتت هالساعه
اماليا صرخت/يا خوي ارجاك لا تظلمني
محمد/روحي احسن ما اقتلك انتي وياه اللحين
ــــــــــــــــ
انتهى البارت
القصة بدت اللحين
ياترى وش مصير اماليا مع مشعل وليه هو يساوي كل هذا الشي

توقعاتگــــــــم

رد: إحســـاســي بالذنـــب يقتلني&quot;بقلمـــــي&quot;

سلمت يداك بثونه .. بدأت القصه وبدأ التشويق
والى الأمام دوما
ربي يوفقك