رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

مسالخير !

اشتقتوا لي ؟ لا !؟ اوك

اليوم مبسوطة و فرحانه و كل شعور حلو ف الحياة احس فيه ❤️

اليوم كانت التيتشر غايبه استغفر الله ياربي سامحني بس من لم جات عندنا ابله احتياط لان هذي غايبه كلنا زعقنا من الفرحة استغفر الله بس يعني احس معجزة هههههه❤️

و كمان اليوم جبت ف اختبار الفيزيا ١٥ من ١٥ الحمد لله
ايوه تخيلوا اليوم جات وحده بويه كدا و مسويه حركات بركات و تجي الادارة و تقول لها البسي طرحة ع شعرك محد قالك تقصيه كدا وربي فطست ضحك و صحباتي عاد قاعدين يتريقوا عليها ف النهاية البنت رمت الطرحة

و اش كمان
ايوه دحين بالله محد يقول لي مدري ايش ومدري ايش بس يعني بقول شي

صحباتي تحدوني انا و وحده من صحباتي مين تقدر تخرفن البويه
المهم ف رحنا قلك بنخرفنها و بس قربنا منها فطسنا ضحك و البنت البويه تحبسنا نتريق عليها ف سارت تطالع فينا بأستحقار و ف النهاية شمقت و مشيت وربي متتت وقتها

صح لاحظت ان دايما اقول لكم باخذ لفه او اروح انام و ارجع لكم و بعد كدا م ادخل <<هبل م عليكم

ودحين اقول لكم سلاام❤️

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

ذۆقه ترىٰ مآهۆ مثڷ بآقي آڷنآس..{ ذۆقه رفيـٓع ۆآأآنا برهـآن ذۆقه



Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

يآعيونہ علميہۧ | آني آحبہۧ . . !
آعشقہۧ وآنے " لآيمڪن أخونہ . . }
ويڪفي آنے يآعيونہۧ مآبي دنيآي دوونہۧ . . !
ومآبے | شوووف آلخلآيق " إلآ في نظرة . . [ عيووونہ ] . . !!


Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆




اشتقتولي ؟ لا !؟ اوك

كيفكم ؟ <<ان شاء الله بخير و مبسوطين يارب

خليني اقولكم شي سار لي
اليوم كانت صحبتي الي يعني مرره قريبه مني غايبه ف جلست مع بنات الفصل الباقيين
المهم
ف وحده منهم قاعده تتكلم و بعدين سارت تقول انا مررره أكرهه السعوديين ف لفيت عليها قامت تقول اسفه بس جد أكرههم <<عاد انا تنرفزت هنا ع الاقل احترمي ان انا سعودية و بينكم مع اني م اهتم انا اش جنسية الشخص اهم شي عندي اخلاقه م اهتم أبدا هذا من فين سوري مصري هندي أردني و غيرها لان كلنا ف النهاية خلقنا من تراب وكلنا اخوان بالإسلام ف ماله داعي ان اقول هذي جنسيتها كدا اذا اكرهها ! أبد م افكر كدا لان اهم شي ف الواحد اخلاقه مو جنسيته !
المهم قلت لها وليه تكرهي السعوديين ؟
قامت تقول كدا بس أكرههم و لو اشوف وحده سعودية امسح فيها الارض معدا انتي لاني احترمك و احبك <<عاد انا هنا تنرفزت كلو ولا احد يتكلم عن بلدي او اي بلد تانيه لان جد أكرهه الأسلوب هذا
ف قلت لها كلام مدري كيف و بعدين قلت لها والله ي حبيبي اذا مو عاجبتك السعودية روحي بلدك يختي لان الدولة الي قاعده تتكلمي عنها انتي عايشه فيها و تآكلي من خيرها جايه تتفلسفي ليه ؟!
قامت تقول لان انتو كدا ي السعوديين كذابين و بدأت تسب وربي وقتها مدري اش سويت بس تنرفزت بشكل مو طبيعي ف سرت احاول أمسك نفسي لان شويتين و اقوم اعطيها كف لان كلامها يقهرررر وربي
ف سارت وحده من شلتها تقول لها
معليش بس انا والله احب السعوديين و احترمهم و مستحيل أوثق ببنت بلدي انا أوثق بوحده سعودية ولا أوثق بوحده من بنات بلدي لان جد تلاقي عندهم الصدق والامانة و الأخلاق كلها ف السعوديين و كمان لم تعرف ع وحده زي موده جد حبيتهم زياده و سرت اتمنى ان اكون سعودية
يعني شوفوا الفرق كلهم من نفس البلد بس هذي كلامها ينرفز و التانيه كلامها عسل حتى لو كانت تجاريني بس معليش ي تحترم نفسها ي تنكتم ولا اسمع حسها
انا انسانه م افرق بين اي شخص عربي لان كلنا ف النهاية مسلمين و اخوان ف الاسلام و كلنا خلقنا من تراب و ح نرجع له ف النهاية ف ليه نتفسلف و نتكلم و م احب احد يتكلم عن اي دولة لان ف النهاية كلنا واحد عيييب والله احد يفرق بين دولة و دولة عييييب !!
وبس برجعلكم بعد شويتين




Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆




هالأيام اروح المدرسة بالدف استغفر الله وربي احس خلاص يعني

بس افكر ف الموضوع و اقول اش الفايده لو كملت دراسة ؟
بعدين ارجع و تقول ي بت بلا تخلف كملي دراستك و ادخلي القسم الي تبيه و كوني نفسك و تسيري متعلمه ومن دا الكلام
و بعض الاحيان اقول اش الفايده طيب لو تخرجت و م لقيت وظيفة ؟
بعدين اقول اش دخل الوظيفه ي هبلهه انتي داخله تغذية يعني مو ضروري تلاقي وظيفة اسمو تفيدي نفسك ف المستقبل
و بعدين اقول طيب كيف لو م قدرت ادخل القسم الي اباه ؟
بعدها ارجع اقول ي هبلهه ح تدخلينه ان شاء الله بلا تحطيم انتي تقدري

و ع هذا الموال انا يوميا للاسف !❤️


Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆



ياسائلن عني من القلب لبيه...صوتن عزيز و غصب عنا نلبيك!مثلك من البشر لاشك نغليه،،ونفتح لك ابواب الخفوق ونحييك...اشتري رضى من يشتريني وارضيه واقول له:بالروح والعين نشريك..




Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

رسالة صباحية : صبآح يطوي معه حزن الأمس وضيق النفس
‫صباح‬ يحوي بين طياته كل أمل ؛
صباح أتى لگي تشرق لنا شمسه وتقول:
"الأمل باللہ لن يخيب يوما"

صباح الأمل ..


Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

احم احم <<بغني يلا

خميس و مالي خلق ازعل مهما تستفزوني❤️

جد مبسوووووطهههه و فرحاااانههه لان اليوم خميس و سارت لي حاجات كتيره

قبل اكمل ترا ادري ان كلمة سار م تنكتب كدا و تنكتب كدا (صار) بس انا م يعجبني شكلها كدا ! ف اكتبها زي م اكتبها و كمان لان اكتبها زي م اقولها لان صحبتي تقول لي لم اقرأ كلامك احسك وحده مجغه و دلوعه بزياده !

المهم اليوم كانت غايبه أبلة الفيزيا و التيتشر كمان غايبه و م اخذنا احياء و بس اختبرنا رياضيات و كويس م حبت العيد لاني كنت شايله هم الاختبار رحتى اني أمس م مسكت الجوال زي الناس اخر مره مسكته كانت الساعه ٤ تقريبا المهم وربي مبسوطهههه

جات اليوم أبلة الكيميا و قلت لها ابله الله يسعدك درسينا كيميا و ربي كرهت الكيميا مع الابله هذي و هي تقول لي عشان عيونك هذي بحاول أدرسكم
اخخخخخخ قلبي وربي احبها يعني اسلوبها معايا عسل مررره تدنن ماشاءالله ☹️❤️❤️

ايوه المدرسة سوت لوحة و قالت كل وحده تكتب أمنياتها و احنا نحققها لها بس تكون واقعيه و بسيطة يعني المدرسة تقدر عليها المدرسة
المهم ف جات الابله اليوم تقرا وحده منهم لقت بنت كاتبه لها (امنيتي تجيبوا لي فارس احلام )
وربي متتتتت وقتها خلاص يعني غباااء الابله سارت تقول من فين نجيب لك فارس احلام ؟ يعني نأخذك مدرسة عيال و نقولك اختاري ؟ وربي قتلتني الابله ضحك المدرسة كلها سارت تضحك يعني عنجد غباء

ايوه وفيه حاجات كتيره بس بروح شويتين و ارجع ❤️


Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆




Sent from my iPhone using منتدى عبير

☆*✲ﾟ*｡(((يوميات وخواطر مبعثرة )))｡*ﾟ✲*☆

مسالخير ..

كيفكم ؟ ان شاء الله بخير
اشتقت للمنتدى و ل نوتيلاتي الي هنا <<اخخخ وربي احبهم ☹️❤️

اول شي بتكلم عن النوتيلا ماريا

يا عساني م أنحرم منك هالانسانه نوتيلا وربي احبها زي اختي
يعني مثلا اليوم الي م اكلمها فيه احس فيه شي ناقص و كدا ربي يسعدها و يوفقها يارب ❤️❤️

ماريا يعيني ربي يسعدك وربي فرحت لك من قلبي
الله يجعل القران شهيد لك لا عليك
الله يثبته ف قلبك يعيني ❤️
الله ينور دربك الله و يسعدك زي م أسعدتينا ب هذا الخبر الحلو زيك ❤️

جد مدري اش اقول بس الف مبروك يعيني أسال الله ان يجعل القران العظيم ربيع قلبك و جلاء همك و ذهاب حزنك اللهم امين ❤️❤️

حسيت بفرحة مو طبيعية لم عرفت هالخبر الحلو ذكرتني بفرحتي حسيت بفرحة وربي لدرجة مو طبيعية وصلت لدرجة اني بكيت من الفرحة
قبل سنتين تقريبا يعني كنت ثالث متوسط حفظت القران كامل و سمعته غيب انا واتنين من البنات معايا يعني الدفعه كلها طلعت منها انا و اتنين من صحباتي
خليني احكيكم اش سار ف هذي السنه
كنت كل يوم اروح انت وصحباتي و نسمع عند الابله لان م كان اجباري الحفظ و كدا ف كنا نسمع بعدين لم وصلت سورة البقره كان باقي ع نهاية السنة و حفل التخرج اسبوع بس و انا كان باقي لي تلاته صفحات تقريبا اذكر ف هذا الاسبوع قعدت احفظ و اسمع لان كان لازم خلاص اختبر ف القران كامل خلال هذا الاسبوع ف لم جيت اسمع اخر آيات ف سورة البقره م قدرت اكمل لان قعدت ابكي من الفرحة م كنت مصدقة ان قدرت احفظ القران و كامل كمان حسبت بفخر لان رفعت راس ماما و بابا قدام الناس و رفعتهم مكانه بالجنه فرحت لان ف الجنه ألبسهم التاج حسيت بشعور م يحس فيه إلا حافظ القران وربي لم خلصت تسميع لقيت صحبتي جنبي حضنتها و سرت ابكي و هي تبكي شعور جمييييل وربي
كل صحباتي باركوا لي و جابوا لي هدايا بس كانت اجمل هديه جاتني لم ختمت القران هذي اجمل هديه !
و ف حفل التخرج كان الحفل ف قاعة و كان فيه امهات البنات و الطالبات و تكرمت انا وصحباتي قدامهم حسيت بفخر لم ماما طلعت ع المسرح و سارت الابله تتكلم عنها ان كيف ماما دعمتني ماما فرحت ف هذا اليوم بشكل
و من سابع المستحيلات ان أنسى هذا اليوم حتى ف الانستا منزلة الشهادة وكدا عشان كل م أشوفها اتذكر عالعموم ترا مافي شي ف هذي الحياة ح ينفعنا ف الاخره غير حفظ القران و المحافظة ع الصلاة لان هي الي بتنفعنا مدري اش اقول بس وربي فرحانه لك ي ماريا ربي يسعدك زي م اسعدتيني