رد: روايه جنون محبين

>>>>>>الباآرت الرابع عشر وماقبل الأخير <<<<<<
يوم جديد .....
نايمه وغاطه في أحلامها صحت على صوت الجوال
سارة : ألو
من الطرف الثاني .....:: هلا كيفك سارة
سارة : ماشي الحال خير ايش تبغين داقه الحين
: اقول صحصحي معاي وقت نومك غلط مو انا
سارة : يوووه أفنان تكفين ابغى أكمل نومي ايش تبغين
أفنان : سارة جد والله ترى صارت الساعه 1 الظهر قومي
سارة : طيب الحين داقه علشان تقولين لي كذا
أفنان : لا يشاطرة بس ابغى اقولك اليوم جيين عندك انا والبنات
سارة : طيب حيااكم خليني أنام الحين
أفنان : طيب نامي ولا تنسين على الساعه 8 العشاء حنا عندك
سارة : طيب مع السلامه
أفنان : الله معاك
رجعت سارة لنومها
نجي لعند عائله أفنان ومحمد كانو الكل مجتمع بالصاله
قفلت أفنان من سمعات التلفون
خلود : هاااه قالتي لها
أفنان : ايووه
بهاذا الوقت هاذا نزل محمد جوالس معاهم
محمد : السلام عليكم
الكل : وعليكم السلام
ام محمد : تو الناس توك تصحى
خلود بمزح : كان ما قمت احسن
ام محمد : بنت انتي ايش دخلك اخوك وانا اتكلم معاه لا تتليقفين
خلود : يوووه هههه اسفه معد اعيدها
محمد يضحك على خلود : ههههههه احسن خليك كذا
أفنان : ايه يمه قبل لا أنسى توه أمس داقه على صديقتي لمار أحمد ال..... تعزمنا على عرس اخوها
ام محمد : ماشاالله تبارك الرحمن مين من اخوانها
أفنان : راكان يمه
ام محمد : ماشاالله توني أذكره وهو صغير ويلعب معاكم كبر وصار يبقى يعرس ماشاءالله الله يوفقه ويكت له الخير
أفنان : هاه ايش قالتي تبغين تروحين ولا لا
ام محمد : اكيد راح نروح إلى ابغى أسألك ولدهم هاذا إلى اسمع راكان كم عمرة وايش يشتغل ماكانه صغير على الزواج
أفنان : ايه حتى أخته قالت لي استغربو انه يبغى يتجوز على طول بس ترى هو ماشالله عليه مجهز نفسه وكامل والكمال لله
ام محمد : مقالتي لي كم عمره
أفنان عمرة 22 توه كمل دراسته دخل معاهد ودرس بس ثلاث سنوات ونص وتخرج ولقي له وظيفه وقالهم يخطبون له بنت خالته وهاذا هو الحين بيعرس
ام محمد : ماشاالله تبارك الرحمن الله يحفظه لأمه ومن يعز عليه .... والتفت لمحمد وهي تتكلم عن راكان وتلمح لمحمد بالكلام : شفتي ي بنت كيف صغير وعقله كبير واواعي لنفسه ومستقبله غيرة اعمارهم فوق 25 ومتوظفين وكل شي ولا يبغون يكملون دينهم ويفرحون أهليهم
محمد بهدوء كالعاده اابتسامه مرسومه على وجهه لأنه فاهم تلميحات أمه وما علق ابدا لأنه متعود على هاذا الموال إلى دايم تتكلم فيه عن زواجه
أفنان حبت تكمل مع أمها : ايه والله يمه انك صادقه وكلامك صحيح ميه بالميه
كانو يأخذون ويعطون بالكلام علشان يأخذون رأي محمد على الموضوع بس ما فيه أي تعليق منه ابدا مكتفي بس بابتسامه بسيطه ونظراته لأمه وأخته
وأخيرا مالت أم محمد من ولدها : محمد ايش فيك ساكت ما قالت رأيك بالموضوع
محمد بهدوء : عادي الله يوفقه ويهنيه
ام محمد : ي ولد انت فاهم قصدي زين ترى ماليت وانا اطلب منك ي يمه انا ابغى اشوفك معرس وافرح فيك ولا ما يحق لي
محمد عدل جالسته وقال بجديه : ابشري يمه ان شاءالله قريب راح تفرحين فيني
ام محمد : اكيد كال عاده تجاريني بالكلام
محمد : يمه هاذي المرة انا جاد
ام محمد : وايش إلى يثبت لي
محمد قام من مكانه : طيب ممكن تجين معاي المجلس ابغى اكلمك لحالنا
تم محمد : طيب ي الله مشينا
واتجهو للمجلس وجلست ام محمد مقابلها محمد
ام محمد : هاااه قوالي ايش عندك
محمد : يمه انا جاد هاذي المرة وابغاك تخطبين لي
ام محمد والفرحة مو واسعتها : انت من جدك محمد تكفى لا تمزح معايه بهاذا المزح
محمد بضحك على ردت فعل أمه : هههههه ي بعد قلبي ي يمه الله يحفظك ويخليك لي بس انا ماامزح معاك جد اخطبي لي البنت إلى انتي تبغينها
ام محمد : الله يفرحك بحياتك ويوفق ي وليدي وبالنسبه للبنت انت عارف من هيه إلى دايم احن عليك اني اخطبها لك
محمد : خلاص وهاذي المرة اعطيتك الضوء الأخضر سوي إلى يريحك
وقام وطالع من المجالس وعلى طول صعد لغرفته
وطالعت ام محمد للصاله عند بناتها
خلود بالقافه : هااه ايش يبغى فيك محمد
أفنان نقزت وراها على طول : يمه تكفين قولي لي ايش قالك
ام محمد : وانتم ايش عليكم
أفنان : يمه بالله عليكي قولي ايش قالك وافق صح
ام محمد والفرحه واضحه من عيونها : ههه الحمدالله أخوكم وافق وأخيرا
خلود وافنان صرخو بفرحه وحظنو بعض
ام محمد : هههههههههه الله يدوم الفرحه علينا يارب
خلود وافنان : أمين
أفنان : راح تخطبينها له ولا فيه بنت ثانيه
ام محمد : لا هي نفسها وراح أكلم أمها اليوم
أفنان : ي الله جد ماني مصدقه حمااس
خلود : اكيد راح يتزوج صديقت عمرك
أفنان : اكيد ما فيه احلى من كذا
خلود : يمكن ما توافق ترى هي ماهي كبيرة حيل ويمكن تبغى تكمل دراستها مثلها مثلك
أفنان : بعيد الشر الله لا يقولها انا اعرفها راح توافق اكيد
خلود : أن شالله يارب طيب راح تقولين لها
أفنان : اكيد لا مراح أقولها اخليها مفاجأة
مر الوقت سريع على الكل ولكنه بطئ جدا على شخص كان يخفي ورى هدوء أفكار ورغبه وحمااس للي يستناه وايش راح يكون مصيره
اجتمعو البنات عند سارة وكانت جمعه ولا احلى بعد ما صارت المغامرة تكلمو عن كل إلى صار سهرو مع بعض ضحكو انبسطو لآخر شي
في الوقت هاذا وفي نفس البيت تحت في الصاله كان منى وسالم وعبدالله مجتمعين مع بعض رن تلفون البيت
رد عبدالله : ألو
: هلا فيك محمد كيفك
محمد : هلا والله هلا وغلا الحمدلله انا تماام وعال العال
: إن شاءالله دايم يارب
محمد : أمين وياك
: محمد أمك عندك قلها ابغاها
محمد : ايوه موجوده خذيها .... واعطها التلفون وهو ياشر عليه ويقول لها بصوت واطي : خالت ام محمد
أخذت منى سمعت التلفون منى : ألو
ام محمد : ألو هلا والله
منى : اهلين فيك ي لغاليه كيفك اخبارك وأخبار العيال
ام محمد : الحمدلله تماام وكلهم بخير وبصحه وعافيه
منى : دووم يارب الله لا يغير عليكم يارب
ام محمد : أمين وياكك بس اكيد مستغربه ليش داقه عليك صح
منى : هههه بصراحه ايه تونى أمس كنا مع بعض وبالعاده لو تبغين شي تحين لين عندي
ام محمد : لا تخافين راح يجي الوقت المناسب ونتكلم معاكم وجه لوجه
منى وزاد استغرابها : بصراحه ي ام محمد خليتني انشغل عسى ما شر فيه شي
ام محمد : لا لا افااا بس الله لا يجيب إلى الخير بس انا داقه اكلمك بموضوع مهم بخصوص سارة
منى وخافت وزاد استغرابها لما جاء اسم سارة : عسى ما شر ايش فيها سارة قوالي لا تخوفيني هي مسويه شي فيها شي وانا ما أدري لا تخوفيني عليها انتي عارف أيش سارة بالنسبه لي
ام محمد : ايش فيك ي منى سارة كامله والكمال لله وحده مافيها شي الحمدلله وعداها العيب
منى : أجل ايش السالفه
ام محمد باابتسامه : الموضوع وما فيه انا طالبين القرب منكم ونبغى سارة حق ولدي محمد لو هاذا ما يضيقكم
منى ارتاحت وابتسمت وهي تطالع لسالم وعبدالله إلى على رأسهم الف علامة استفهام وماهم عارفين ايش السالفه : هاذي الساعه المباركه ي ام محمد ولنا الشرف والله فيكم وبنسبكم ومرح نلقى احسن من محمد لبنتنا بس انتي عارفه معزت سارة عندنا ولازم نأخذ رأيها
ام محمد بابتسامه : اكيد ي لغاليه حذو راحتكم
منى : راح اكلمها وإن شاءالله الله يكتب إلى فيه الخير
ام محمد : إن شاءالله ي الله مااطول عليك فامان الله
منى : الله معاك بحفظ الرحمن
وقفلت منى سمعات التلفون والتفتت على سالم وعبدالله إلى مستنين منها توضيح
عبدالله : يمه ايش السالفه حمستيني الموضوع كأنه فيه زواج
منى بابتسامه : هاذي خالتك ام محمد داقه تخطب سارة حق ولدها محمد
سالم بابتسامه : ماشاالله والنعم والله فيه وباهله
عبدالله : اماا محمد النذل والله ماقالي اي شي عن الموضوع
منى : اكيد استح الولد يكلمك
عبدالله : والله ماني مصدق مستانس حيل ي عمري ي سارة والله وكبرتي
سالم : ايه والله كبرت بنتي وصارت احلى عروس والله فرحت لها من قلبي الله يكتب لها الخير ياارب ويسعدها
الكل : أمين
مشى الوقت وكملو البنات سوالفهم ووناستهم وكل واحد راح على بيته وفي الوقت إلى كانت سارة تودع البنات عند الباب دخلت وكان الكل باقي مجتمع بالصاله
سارة : السلام عليكم
الكل : وعليكم السلام
منى وهي مبتسمه وتطالع لسارةوالكل يطالع لها بنظرات غريبه : خير أيش فيكم تطالعون كذا
منى بابتسامه : ما فيه شي حبيبتي ما فيه إلى كل خير بس ابوك يبغى يكلمك بموضوع
سارة : تفضل يبه انا اسمع
سالم : تعالي معايه للصاله الثانيه ابغى اكلمك لحالنا
سارة وزاد استغرابها : ان شاءالله
وراحت معاه للصاله وجلست مقابلها مباشرا
سالم : شوفي ي بنتي ي علم الله انك معزتك عندي عن الدنيا كلها وما اتمنى بيوم اني افارقك او انك تطالعي من البيت وتروحي عنى
سارة توترت وبأن الخوف عليها : يبه خير فيه شي تكفى قول
سالم : لا ي قلبي لا تخافين ما في إلى كل خير بس انتي كبرتي وجاء الوقت إلى تتزوجين
سارة : هااه أتزوج
سالم : ايه يبه تتزوجين اليوم خالتك ام محمد دقت وخطبتك حق ولدها محمد هااه ايش قالتي سارة : بصراحه يبه انت فجاتني ومكان خاطر هاذا الموضوع على بالي ابدا
سالم : ولا يهمك ي بنتي هاذا شي طبيعي وفكري ي بنتي واستخيري وحاولي تردي لنا رأيك بكرة او بعده لازم نعطي الولد خبر
سارة : ان شاءالله
وطالعت من عندهم على طول على غرفتها كانت صح مستحيه وخجلانه من نظراتهم لها بس كان الخوف والتوتر مسيطر عليها ماتخيلت في يوم أنها تخليهم ومكان فكرت الزواج تهمها كثير او أنها تخطر على بالها
جالست تفكر وتفكر كثير ومن ثم صلات واستخارت وصارت تفكر بالموضوع من أكثر من جانب ودعت ربها انه يشرح صدرها ويهديها للطريق الصحيح وإن القرار إلى اخذته يكون صحيحي وما تكون استعجلت فيه

ومر اليوم كاامل ونامو وفيه شخصين النوم ماجاهم من كثر التفكير للي راح يصير

>>>>>>نهااايه الباآرت الرابع عشر <<<<<<

رد: روايه جنون محبين

->>>>>>الباآرت الخامس عشر والأخير -<<<<<<

صباااح يوم جديد والكل كان صاحي مجتمعين على الفطور وكان كل واحد لهي باكله والمكان عامه العدوى
وفجأة يقطع هاذا الهدوء : احم يمه ايش قالت لك خالتي ام عبدالله
ام محمد : ههههه اشوفك مستعجل هاه
محمد وهو يحاول يخفي خجله وحماسه للسالفه : لا عادي بس لازم نعرف ايش جوابهم
ام محمد بابتسامه : إن شاءالله الحين بعد الفطور راح اتصل عليها وأشوف ايش صار
محمد بفرحه بانت عليه : ايه بسرعه يمه تكفين
ام محمد: هههههه من الى من شوي يقول ،،، وتقلده ،،، : لا عادي
محمد : يمه ايش فيها يعني طبيعي اتحمس للسالفه
ام محمد : طيب ابشر من عيون مرح يصير إلى الخير
محمد بفرحه : تسلم عيونك ي لغاليه الله يخليك لنا

نروح لعند عائله أبو عبدالله بعد ماكملو فطورهم اجتمعو بالصاله كالعاده
سالم : سارة
سارة : هلا يبه
سالم : هااه فكرتي في الموضوع
سارة نزلت راسها : ايه يبه فكرت وأخذت قراري
سالم : هااه ايش قررتي ي بنتي
سارة بابتسامه خجل واحراج : احم انا موافقه
منى بفرحة : الف مبروك ي حياتي الله يهنيك ويسعدك يارب
عبدالله : الف مبروك ي عمري وإن شاءالله تتهني والله يحفظك ويسعدك
سارة : أمين وياكم يارب
وقامت سارة : ي الله انا استاذن
سالم : وين رايحه ي بنتي
سارة : ابغى أروح اريح شوي بغرفتي
سالم : روحي ارتاحي
وركبت سارة لغرفتها وحاولت تشيل كل الأفكار من رأسها وتنام لها شوي في هاذا
الوقت اتصلت ام محمد على منى
منى : ألو
ام محمد : هلا والله
منى : اهلين فيك اخبارك اعلومك
ام محمد : والله الحمدلله زينه وانتي اشلونك اعلومك ،،،،،، كان جالس جنبه محمد وهو على أعصابه ويحاول يخلي أمه تستعجل وتدخل بالموضوع بس هيه سافهته
منى : والله الحمدلله زينه وبصحه وعافيه
ام محمد : دووم إن شاءالله
منى : أمين وياك ي لغاليه
ام محمد : اكيد عارفه ليش انا داقه والمعذه منك أدري اني استعجلت بسمع الرد منكم
منى : لا عادي حبيبتي خذي راحتك
ام محمد : تسلمين لي بس والله الولد مستعجل يبغى يسمع الرد
منى : هههههه الله يحفظه لك أجل أبشرك البنت أخذنا رأيها وهي موافقه
ام محمد والفرحه موواسعاها : الله يبشرك بالخير يارب ي الله استأذن أروح ابشر الولد
منى : ههههههه أمين يارب الله معاك حبيبتي
قفلت ام محمد والتفتت لمحمد
ام محمد : أبشرك يمه البنت وافقت
محمد بفرحه : جد يمه
ام محمد بابتسامه : ايه والله وافقت مبروك ي ولدي
محمد : الله يبارك فيك ي لغاليه
البنات افنان وخلود بحماااس : وأخيرا الف مبروووووك
محمد : الله يبارك فيكم يارب
مرة يومين على السالفه وتحدد يوم الثلاثاء أنهم يجون ويخطبونها رسمي وتصير الشوفه
حالت استنفار في البيت وسارة في غرفتها تتجهز ومتوترة وزاد عليها عبدالله إلى يمزح معاها بكلامه وبخجلها وهي واصله حدها من التوتر وزاد عليها الخوف من الشوفه
كمل كل شي وجهزت سارة
وجاو أهل محمد استقبلوهم بالترحيب وكانت جمعه ولا احلى
عند الرجال
سالم : ي هلا وغلا بأبو محمد حياك
أبو محمد : اهلين فيك ي لغالي الله يحيك
سالم : الله يسلمك يارب وأنت ي محمد ليش واقف تفضل
ابتسم محمد وجالس : الله يزيد فضلك
عبدالله يجلس عند محمد ويهمس له بصوت واطي : ي هلا وآلله بالنسيب تومانور البيت
محمد بفرحه يعطل جلسته : احم اهلين فيك حبيبي منووور بأهله تسلم لي
عبدالله بابتسامه شيطانيه : بس صراحه ماهقيتها منك
محمد بهدوء : خير أيش فيه
عبدالله : اجل تخطب اختي ولا تعلمني ولا شي
محمد : ههه المهم انك عرفت
عبدالله : ههههه ايه وأنت الصادق
عند الحريم كانو جالسين في الصاله ونزلت عندهم سارة
ام محمد تناظر فيها : ماشاالله تبارك الرحمن ربي يحفظك والعين ترجيك سبحان من خلقك
سارة بصوت خفيف وخجل : احم تسلمين ي خاله
ام محمد بابتسامه : كيف ي سارة إنشاءالله بخير
سارة : الحمدلله بخير
ام محمد : يجعله دووم ي قلبي
وجالست سارة عند أفنان وخلود من غير ماتتكلم
أفنان بصوت واطي : ي هلا والله يزوجت اخوي
سارة طالعتها بنظرات تهديد
أفنان : هههه ايش فيك
سارة : والله ماادري عنك ليش ماعلمتيني ي حمارة
أفنان : عادي ايش فرقت
سارة : لا يحلوه على الأقل يكون عندي خبر من البدايه وما اتوتر بذاك الشكل لما كلموني
أفنان تحظنها : حبيبتي والله الف مبروك
سارة بخجل : احم الله يبارك فيك ي عمري
عند الرجال
أبو محمد : خالينا ندخل في الموضوع ي أبو عبدالله
سالم بابتسامه : تفضل
أبو محمد بابتسامه : مثل ما انت عارف وكلمت ام العيال زوجتك من يومين نحنا جاين نطلب بنتك لولدي محمد على سنت الله ورسوله ويشرفنا نسبكم اكيد
سالم : هاذي الساعه المباركه والشرف لنا والله ي أبو محمد ومثل ما انت عارف ام العيال قالت لي من أول وكلمنا البنت وهي موافقه
أبو محمد : الحمدلله
محمد الفرحه مو واسعته
سالم : بس انت عارف البنت لها شروط إن شاءالله ما تزعج عريسنا
محمد بخجل ويعتدل بجلسته : افاا عليك عمي كل شروطها راح تتلبى والبالحرف
سالم : ههههه هاذا العشم فيك بس البنت شرطها الوحيد أنها تكمل دراستها توها او سنه جامعه مثل ما انت عارفين
أبو محمد : اكيد ي أبو عبدالله لازم تكمل دراستها هاذا مستقبلها وأنا إلى راح اوقف معاها وادعمها خاصتنا بهاذا الموضوع وحتى لو كان ضد ولدي هههه
محمد بمزح : افاا يبه قلبت علي
أبو محمد بمزح: ايه من انت خلاص صار لي بنت ثالثه ايش ابغى فيك انت
الكل : ههههههههههه
محمد : الله يسامحك خلاص انا زعلت
أبو محمد يطالع لسالم ويقمز له : طيب على كذا وبما انك زعلت خلاص خلينا نروح وماله داعي الشوفه المهم أن نحنا خطبنها لك
محمد بانفعال : هاااه ايش لا يكيف يبه مايصير
الكل ضحك على حركته : هههههههههه
محمد تفشل لآخر حد من حركته
سالم قام عند محمد : لا عاد كل شي ولا زوج بنتي ي الله ي محمد تعال معاي المجلس الثاني علشان تشوف عروستك ...، والتفت لعبدالله : وأنت روح ناد لأختك
عند الحريم ماخذتهم السوالف وفجأة جاهم صوت عبدالله وهو ينادي على سارة قامت سارة وقامت معاها أمها
منى وبجنبها سارة : هلا عبدالله ايش بغيت
عبدالله : وقت النظرة الرجال يستناها في المجلس
سارة فتحت عيونها على الآخر ومسكت في أمها : لا مالي دخل ماني رايحه
عبدالله : ي بنت ايش فيك اهدي أرى مرح ياكلك وعيب الرجال يستنى
سارة : تكفى عبدالله والله خايفه
عبدالله حن على أخته : حبيبتي لا تخافين انا معاك
ألتفت سارة لامها واشرت لها تروح مع عبدالله وهي تبتسم لها مشت معاه لين باب المجلس وقبل لا يدخلون مسكت بيد عبدالله بقوه ورجعت لورى
عبدالله شد على يدها : لا تخافين ي الله تعالي
دخلوو المجلس وأول ما شافهم محمد قام وقف على طول
سارة منزله رأسها
عبدالله بابتسامه شيطانيه : هاااه هاذي جبت لك خطيبتك ي عريس الف مبروووك عليكم
محمد بفرحه وهو يطالع سارة ويرد على عبدالله : الله يبارك فيك
عبدالله بعد يده من سارة : ي الله انا اخليكم
سارة التفت على طول عليه على طول لكن ما طالع فيها حتى وطالع وخلاهم
محمد : السلام عليكم
سارة وهي منزله رأسها وبصوت واطي : وعليكم السلام
محمد : اجلسي ليش واقفه
جالست سارة على طرف الكنب قرب منها وجالس عندها
قرب منها وهي على أعصابها همس لها بصوت خفيف : كيفك ي سعود
تجمدت سارة في مكانها ورفعت رأسها على طول
سارة : هااه
محمد بابتسامه : ايش فيك مستغرب ي سعود
سارة : ايش اقول انت
محمد : على فكرة ترى انت احلى كذا سارة مو سعود
سارة ما تدري ايش تقول نزلت راسها أكثر وبأن عليها التوتر
محمد : ماله داعي تتوترين ما فيه شي عادي موضوع وعداء
سارة : كيف عرفت
محمد بابتسامه : من يوم ما جمعتي كل البنات عندك وخططتي معاهم
سارة : انت متضايق من الى صار
محمد بابتسامه : اكيد لا خلاص شي وعداء المهم اليوم وإلى يصير فيه والأهم انك لي
ابتسمت له بخجل وقالت : اكيد
وعدت السالفه على خير مرت وكانت احلى شي صار بحيات الإثنين وذكرى ماينسوها
عدت الأيام الاسابيع والشهور والسنين
واستمرت الحياة حلوه في أوقات وصعبه في أوقات ثانيه
هاذي هي طبيعت الحياة


دمتم بخييييير ........... تمت


《 النهااايه》

الحمدلله كملت الروايه وبفضل الله اتمنى أنها تكون اعجبتكم والأهم أنها تكون نهايه موفقه
أدري الروايه مكانت بهاذي القدر من التميز كنت فكرة وخطرت على بالي وكتبتها في وقت قصير ورى بعض وا اضطريت اني اختصر الأحداث مع اني تمنيت لو كانت أفضل من كذا بس إن شاءالله خيرها في غيرها ........♡

رد: روايه جنون محبين

تسلم الايادي خيتي خفائي
ع الروايه الحلوه بانتظار رقي جديدك بإذن الله
عوافي عساك ع القوه وبحفط الرحمن .."

رد: روايه جنون محبين

الله يسعدك حبيبتي شووق
جد والله متقصرين الله يعطيك الف عافيه
ولا يحرمنا من جهودك يااارب

بإذن الله يااارب
وياككك
تحياتي لك
وبالتوووفيق

رد: روايه جنون محبين

رواية جميلة وممتعة
تسلم يمينك

رد: روايه جنون محبين

رد: روايه جنون محبين

ما شاء الله تجنن عاشت إيدك يا عسل
والف مبروك انتهى روايتك الاولى
استمري بانتظار جديدك
الله يوفقك ويسعدك
تحياتي لك ولقلمك
اختك الكاتبة الهاوية زينة الزينات

رد: روايه جنون محبين