رد: روحي لن تهدأ حتى أنتقم

:thumbup::thumbup:

رد: روحي لن تهدأ حتى أنتقم

رد: روحي لن تهدأ حتى أنتقم

كملي كملي حمااااسس

رد: روحي لن تهدأ حتى أنتقم

كملي تحمست جميله الروايه

رد: روحي لن تهدأ حتى أنتقم

كمملليييي بليز لاتتأخري علينا

رد: روحي لن تهدأ حتى أنتقم

كملي وايد تحمست لاتتأخري علينا

رد: روحي لن تهدأ حتى أنتقم

البارت الخامس
.
عند فواز وسعود منتظرين الدكتور يطلع عشان يقولهم عن وضع مايا
سعود : فواز امش يلا شكله مطول ذا
فواز : يلا
شوي ويطلع الدكتور
الدكتور : نعم ايش بغيتو ؟
سعود : نبي نتطمن على وضع مايا
الدكتور : وضعها كويس الحمدلله بس تحتاج لراحه وانتو تدرون انها فقدت الذاكره يعني لاتقولو لها شي يحزنها لانه بيأثر عليها
فواز : اكيد . كم رقم الغرفه ؟
الدكتور : ٣٠٢
راحو طق الباب بخفيف
مايا بصوت مبحوح : تفضل
دخلو .
فواز : هلا هلا بحبيبة قلبي وروحي اخبارك ي عسل
مايا : احم بخيرالحمدلله اخبارك انت
فواز : بخير دامك بخير ي قلبي
مايا : مين ذا وتأشر على سعود ؟
فواز : هذا ي طويلة العمر ولد عمك سعود المز
ناظره سعود بنص عين
مايا كاتمه ضحكتها : امم نعم وش بغيتو ؟
سعود : بغينا نتطمن عليك
فواز : انا بروح بشتري اكل
سعود : اروح معك ؟
فااز : لا خلك مارح اطول
سعود : اوك
طلع فواز وجلس سعود بغير شعور يتأمل مايا وهي بدون حجاب كان شكلها بريئ وجميل
مايا رافعه حاجبها اليسار : مضيع شي بوجهي ؟
سعود حس على نفسه : ها لا ولاشي بس سرحت شوي
مايا ابتسمت : اها طيب عندك خوات ؟
سعود : اي .. وبدا يعرفها عالعائله وهي سرحانه
سعود : هي مايا وينك انتي معي ؟
مايا توترت : ها هلا اي معك .
سعود : وش فيك ؟
مايا ناظرت الارض : مافيني شي بس سرحت شوي
سعود : طيب م تتذكري احد من العايله ابد ؟
مايا بدون شعور : امم اتذكر واحد اسمه ابو عبدالله على م اظن
سعود انصدم : مين ذا ابو عبدالله ؟
مايا حست على نفسها : ها لا مين ابو عبدالله مدري يمكن ملخبطه بالاسامي
سعود بشك : اكيد
مايا : اي
جا سعود ومعاه الاكل اكلو وطلعو وكل واحد رجع لبيته وسعود يفكر مين ذا ابو عبدالله وايش علاقته بمايا وظل يفكر لين م نام
..
صباح يوم جديد
الكل راح يزور مايا حتى خالات مايا وخالات سعود
ام عبير : الحمدلله على سلامتك مايا
مايا : الله يسلمك
ام سحر : حمدلله على سلامتك مايا م تشوفي شر
مايا : الله يسلمك الشر م يجيك
الرجال كلهم برا والحريم عند مايا .. طلعت سحر برا وراحت لجهة سعود ( شكل سحر : كانت لابسه عبايه ضيقة ومزخرفه من الاكمام ومسويه لثمه وحاطه مكياج كثير بوجها بالظهريه )
سحر بدلع : كيفك ي ولد الخاله
سعود يناظرها بأشمئزاز : تمام
سحر : سعود بقول..
راح .. انقهرت مرره . والله لاجيبك ي سعود وبتشوف . ودخلت عند الحريم
مايا : ي بنت
سحر بغرور : نعم . تناديني
مايا : اي انتي
سحر : خير وش تبين
مايا : روحي قولي لابوي متى بيطلعوني
سحر بغرور: خدامتك عشان اروح اقوله انقلعي قولي له انتي
مايا : اقول شوي شوي لاتسيح الوان الطيف الي بوجهك
البنات ضحكو
سحر بقهر : انطمي ي كلبه
مايا : بالله في احد يحط مكياج بهالظهريه روحي غسلي وجهك احسن لك
سحر : مالك دخل فيني . وراحت
مايا نادت وحده من البنات : وش اسمك ؟
جوان : جوان
مايا : روحي قولي لابوي متى بيطلعوني
جوان : اوك
وراحت عند ابو فواز
جوان : ي عم تقول مايا متى بيطلعونها ؟
ابو فواز : بعد شوي
الجد : وقلوي للحريم يتغطن بدخل
جوان : انشاءالله
دخلت ..
جوان : يمه يقول جدي تغطن بيدخل !
ام سلطان : طيب .. اسمعن تغطن بيدخل ابو سالم
دخل الجد بعد م تغطن الحريم والبنات متحجبات ودخل معهن الرجال
الجد : الحمدلله على سلامتك
مايا : الله يسلمك . مين انت
الجد : انا جدك
سكتت مايا
الجد : بنسفرك لامريكا عشان تسوي عمليه هناك وترجع لك ذاكرتك
مايا ببرود : متى
الجد مستغرب من برودها : بكره وبيروح معك ابوك
مايا : بس انا ابي فواز يروح معي وصديقتي روز
الجد : ليش م تبي ابوك ؟
مايا ببرود : انا م اثق الا بفواز وروز
الكل انصدم منها
ابو فواز بصدمه : سلون يعني م تثقين فيني
مايا ببرود يقهر : لا مثل م قلت لكم ي تخلون فواز وروز يروحون معي ولا مارح اسافر واظل طول عمري فاقده الذاكره
الجد : وش معنى فواز وروز ؟
مايا : لاني بكل بساطه هم الوحيدين الي اذكرهم
سعود : وابو عبدالله
انصدمت مايا وتوترت
الجد : مين ابو عبدالله
سعود : امس قالت لي م اذكر الا ابو عبدالله
الجد ناظر مايا : مين ذا ابو عبدالله ؟
مايا : اعذرني م اقدر اقولك . وناظرت سعود بنظره تعبر عن معنى عصبيتها
سعود : خير ليش تناظريني كذا
مايا ناظرت جدها : ابي اتكلم معك لوحدنا
ابو فواز : اذا عندك اي شي قوليه بينا كلنا
مايا : بس انا ابي اكلم جدي على انفراد
الجد : اطلعو كلكم برا
ابو فواز بقهر : بس
الجد : انا وش قلت يلا كلكم برا
طلعو كلهم والفضول ماكلهم
الجد بحده : يلا قولي وش عندك ؟
مايا : ..........
..
انتهى البارت
تفاعل=بارت جديد

رد: روحي لن تهدأ حتى أنتقم

البارت السادس
..
الجد بحده : يلا قولي وش عندك ؟
مايا : عندي كلام بسيط وابيك تنفذه
الجد : ايش هو؟
مايا: ..............
..
طلع الجد من الغرفه وهو ماسك اعصابه
ابو فواز : وش تبي منك يبه
الجد : شي م يخصكم وبسرعه روحو اكتبو لها خروج
ابو سعود : وش الي م يخصنا ي يبه هذي بنتنا نخاف عليها ونكتب لها خروج وهي باقي م تعافت
الجد بحده : انا أمر م اطلب
ابو عبدالعزيز : طيب انا بكتب لها خروج يلا امشو عالبيت
الجد راح وهو يفكر بكلام مايا الي م طلع من راسه .
ابو عبدالعزيز كتب لها خروج وطلعو وراحو للبيت ..
دخلت مايا البيت وصعدت لغرفتها بعد م سلمت على امها وكانت تتذكر كلامها مع جدها وببتسامه : الوقت بيبين لنا كل شي ي جدي لا تستعجل
..
( طبعا خالات سعود ومايا راحو معاهم للمزرعه )
نعرفكم على عائلة خالة سعود
ابو سحر : طلال العمر : ٤٣ طيب وحنون وعصبي شديد ويحب عياله مرره
ام سحر : زهره : العمر ٣٩ انسانه خبيثه تكره تشوف بنت احلى من بنتها وتحب تكون المميزه بكل شي وتبي سعود لبنتها سحر .
سحر : العمر : ٢٣ كرييهه م تحب تشوف احد فرحان تنكد عالكل م تحترم احد تحب سعود مرررره وهو يكرها شكلها: سمراء عيونها صغيره خشمها مدبدب شوي وفمها مليان شعرها قاصته بوي ولونه بني وجسمها عادي
مالك: عمره :٤ سنوات بريئ حبوب وطيب يشبه ابوه ابيض وشعره كثيف وعيونه كبار
..
خالة مايا
فاطمه : عمرها ٤٠ طيوبه وحبوبه تحب الكل وتحب بناتها مره شكلها عادي
الزوج : متوفي
ساميه : عمرها ٢٣ تحب فواز وهو مو معطيها وجه كريهه وتمثل قدام البنات انها حبوبه شكلها : طويله شعرها لنص ظهرها لونه اسود وبيضاء وسنونها الي فوق متقدمه عيونها وسط خشمها سيف وجسمها عادي
.
زينب :عمرها:١٩ تحب سلطان وتعشقه وتسوي كل شي عشان يحبها حتى لو بالحرام شكلها : قصيره نحيفه شعرها قصير سمراء عيونها صغيره خشمها مدبدب شوي وفمها مليان
.
قيس : عمره ١٥ يحب وحده من التوأم بعدين تعرفونها دايما مع العيال ويحقد على اي شي طالع على خواته ودايما مع العيال شكله عادي
..
عند البنات
مها : ريتاج ليش مايا جابتكم معها يعني م قد عرفتني عليكم من قبل انا م اعرف غير روز
ريتاج توترت : ها اي احنا معاها من زمان بالجامعه .
مها : اها
ريتاج ببتسامه : اي
حلا : وحده تنادي روز ومايا ووحده تنادي الشباب بنطلع نلعب
البنات يناظرونها كذا )؛
حلا : شفيكم؟
ريتاج : انتي منجدك بتطلعينا مع الشباب لا مستحيل اطلع
اريام : حتى انا مارح اروح فشله
مها ؛ بالعكس عادي الشباب يونسون
ريم ولميس : احنا بنطلع تبون تعالو م تبون اجلسو
راحت حلا تنادي الشباب وروز ومايا نزلو وجلسون بالحديقه مسويين دائره الشباب بجهه والبنات بجهه البنات محجبات
سلطان : وش تبون نلعب
شروق : صراحه وتحدي
كلهم: اوك
بدو يلعبون وجت على سعود وسحر
سعود : اختار صراحه
سحر بدلع : اوك امم تحب؟
سعود : اي
سحر بقهر : مين ؟
سعود رافع حاجب : اتوقع ان سؤال واحد
دورو العلبه وجت على حلا وسعد
سعد ببتسامه : يلا اسألي ي السنفوره
حلا : سعدوه ووجع عيدها اذا فيك خير بالجزمه على وجهك .. ببتسامه : احم ايش اكثر موقف محرج صارلك
سعد : كنت امشي مع الشباب بالمول وانا كنت عالجوال مفهي وخالد الكلب حط رجله قدام رجلي وتعركفت وطحت قدام الناس
خالد بضحك : كل م اتذكر كيف كان وجهك يليتني صورتك بس
سعد : مردوده
دورو العلبه وجت على عبدالعزيز ومايا
مايا : اسأل
عبدالعزيز : ايش قلتي لجدي اليوم ؟
مايا : شي م يخصك
عبدالعزيز : اوك
دورو العلبه وجت على روز شروق
شروق : مين اكثر شخص كرهتيه بحياتك
روز من غير شعور بحقد : ابو عبدالله
مايا ناظرت روز بعصبيه
شروق : م سمعتك وش قلتي
روز : م اكره احد
شروق : اها
حلا : خلاص طفشنا من اللعبه ذي يلا انا بروح بنام بنات تجون؟
البنات : يلا
محد سمع روز الا مايا وشخص ثاني مين تتوقعون؟؟
..
عند الجد كان جالس بالمكتب ومعاه الرجال وكان سرحان مو معاهم ويتذكر الكلام الي بينه وبين مايا
الجد : يلا قولي وش عندك ؟
مايا : عندي شي بسيط وابيك تنفذه
الجد : ايش هو ؟
مايا : شوف انا اعرف ماضيك كله ي انك تخليني اروح مع روز وفواز ولا ماضيك بيطلع قدام الكل < طبعا مايا م تعرف ماضيه بس تهديد عشان يسفرها
الجد : انتي وش قاعده تقولي ؟ تعرفي مع مين تتكلمي
مايا باستهزاء : معاي الاخ القاتل مطلق سالم ال...< طلعت كلمة قاتل من راسها ولما شافته خاف انصدمت بعدين تعرفون ماضي الجد.
الجد بصدمه وخوف : اي.. شش انتي شعرفك بذا الشي
مايا : مثل م قلت لك ي انك تنفذ كلامي ولا ماضيك طلع
الجد : يعني انتي مو فاقده الذاكره ؟
مايا : توك تستوعب اني امثل
الجد بحده : وليش كذبتي
مايا ببرود : هذا شي خاص فيني محد له دخل فيني حتى ابوي ماله دخل فيني وانت تدري ان ابوي مو........
الجد قاطعها : خلاص انفذ كلامك بشرط م يطلع ماضيي
مايا ببتسامه : موافقه
الجد : انتي اكيد عندك شي م تبين احد يعرفه
مايا : عندي ولا م عندي محد ي ت د خ ل فيني
الجد : مين ذا ابو عبدالله
مايا : اتوقع انك تعرفه زين
الجد سكت وكأنه يتذكر شي
الجد طلع معصب ومقهور كيف عرفت كل شي عنه وكيف تهدده م عمر حد هدده تجي هذي البنت وتهدده وراح.
ابو فواز : يبه يبه وش فيك
الجد : ها لا م فيني شي اي وش كنتو تقولون
ابو فواز : كنا نتكلم عن الي تقدم لنا
الجد : اي صح تراه تقدم لمايا وانا برفضه
ابو سعود : ليش يبه
الجد : سمعت عنه اشياء مب زينه وهو م يصلح لمايا
ابو سلطان : مو انت تقول بعد الزواج بيعقل
الجد : خلاص الحين م اقتنعت فيه دق عليه ي سالم وقول له ان البنت رفضت
ابو فواز : انشاءالله
..
عند الشباب
سعد : وش فيها مايا احس انها مب فاقده الذاكره وكمان مين ابو عبدالله
راشد ؛ لاتظلمها يمكن تكون صادقه وبس ذا الي تتذكره
سعود بقهر : حتى لو صادقه نفسي اعرف مين ابو عبدالله والكلام الي بينها وبين جدي خلت جدي يطلع من الغرفه وهو معصب
سلطان : اصلن متى جدك يروق دايما معصب
فواز بضحك : بذي صدقت جدي دايما مكشر
عبدالعزيز بهدوء : انتو م تعرفو شي عن مايا لاتحكمو عليها من كلامها اذا عرفتو وش فيها من داخل بتنصدمو فلا تظلمونها
الكل منصدم من كلام عبدالعزيز اول مره كان يتكلم كذا والي صدمهم اكثر انه يتكلم عن مايا
سعود : ليش وش تعرف عنها
عبدالعزيز ببرود : م اعرف عنها شي
فواز بشك : عبدالعزيز مايا قالت لك شي
عبدالعزيز : لا وليش تقولي انتو تدرون ان هي م تقول غير لروز
سلطان : طيب فواز انت قريب منها م تقولك شي
فواز : لا
سلمان بأستهزاء : انتو تحسبون انكم تعرفونها الشي الي تعرفونه عنها ولا شي بعدين بتعرفون حاجات عنها احلى بكثيرر
راشد : سلمانوه وش الي تعرفه عنها لاتتكلم بالالغاز
سلمان من غير شعور : مايا ساعدتني كثير ولو تبي حياتي عطيتها اياها
الشباب منصدمين
سلمان حس على نفسه وخاف مررره
سلمان بضحك : ههههههههههههههههههههههههههههههههههه ترا امزح معكم م سوت لي شي بس كنت بشوف ردت فعلكم كيف
سلطان : تف عليك ي حيوان خرعتني
فواز : حسبي الله
خالد : عيدها اذا فيك خير
راشد : اول مره سلمانوه يضحك
سلمان : طايح من عينك ي كلب
الشباب ضحكو .. محد كان شاك في سلمان الا شخصين .. راحو ينامون .
صباح يوم جديد ..الساعه ١٠:٣٠
مايا كانت نايمه ودق جوالها
مايا بنعاس : الو
.........: هلا بالمزه
مايا فزت : خير وش تبي ؟
.........: لاتسألي هالاسئله السخيفه تدرين وش ابي
مايا : اخلص ابي انام
........ بحده : متى بتجين لامريكا
مايا : اجلت الرحله ليومين
.......: تتأخري دقيقه زياده يصير شي م يسرك
مايا : اقول ضف وجهك وقفلت بوجهه .. اخخ متى برتاح منك ي ..... حسبي الله عليك
ورجعت تنام
الساعه ٢:٢٤ الظهر
نزلت مايا عند الجد طقت الباب ودخلت
مايا : السلام عليكم
الجد : وعليكم السلام نعم وش تبين ؟
مايا : قدم الرحله اليوم
الجد : م في رحلات
مايا : دبر لي اي رحله اليوم ضروري حتى لو اسافر بطيارتك الخاصه
الجد : خير وش فيك شعندك مستعجله ؟
ناظرته مايا وصارخت ضربت يدها بالطاوله بقوه : شوف اذا م دبرت لي رحله اليوم اقسم بالله لافضحك
الجد بحده وصوت عالي : وطي صوتك انتي تتكلمين مع جدك مو اي احد
مايا تصر على اسنانها : م يهمني انشاءالله لو اتكلم مع الشيطان اخلص ابي رحله اليوم ضروري
نزلو الرجال والحريم والشباب والبنات على صوتها دخلو العمام والشباب
ابو فواز : خير وش فيكم صوتكم واصل لاخر المزرعه
الجد : ولاشي بس نتكلم انا ومايا بشي
ابو سعود : تتكلمون بشي بصراخ؟
مايا بهدوء : لو سمحتو اطلعو كلكم ابي اتكلم مع جدي بشي خاص
ابو سلطان : وش ي بنتي حنا عمامك محنا اغراب لازم نعرف وشو
مايا : عمي على عيني وراسي ذا شي محد يعرفه غير جدي وم لازم حد يعرفه غيره . وناظرت الجد بمعنى طلعهم يلا
الجد : خلاص اطلعو واذا خلصنا تعالو .. طلعو العمام والشباب وجلسو بالصاله كلهم
الجد بحده : مره ثانيه لما تتكلمين قصري صوتك وابلعي لسانك لا اقصه لك
مايا : انا م يهمني غير اني اسافر بسرعه كلم احد من الي بالمطار يجهز الطياره الساعه٧ وبنروح
الجد : طيب خلاص يلا اطلعي وانا اكلمهم . وكان يفكر بشي
مايا قبل لاتطلع : ونسيت اقولك شي اقسم بالله لو ارسلت احد يتجسس علي لارسلك جثته لبيتك وقد اعذر من انذر . وراحت
الجد منصدم كيف قرت افكاره وكيف عرفت وتهديدها ذا الشي كله م جا بباله .
طلعت مايا من المكتب وشافت الكل يناظرها وقالت ببتسامه : روز وفواز ابي بغرفتي ضروري . وطلعت لغرفتها
سعود : غريبه وش تبي منك ؟
فواز : م ادري بس شكله شي مهم خليني الحق عليها
شروق : روز وش تبي فيك
روز : مدري
طلعو الاثنين مع بعض لغرفة روز . ودخلو
فواز : خير عسى م شر
مايا : اليوم رحلتنا الساعه ٧ المغرب جهزو اغراضكم
روز : طيب
فواز : مايا بكلمك على انفراد
روز طلعت
مايا : وش عندك
فواز : مايا ايش الصراخ الي سويتيه عند جدي عيب هذا شي م يصير
مايا ببرود : ايش سويت م سويت شي
فواز : مايا لاتتغابي
مايا : فواز رجاء تبي تروح معي تعال م تبي اجلس والصراخ الي صار تحت محد له دخل فيني
فواز بحنيه : مايا حبيبتي هذا جدك مهما كان لازم تحترمينه
مايا بغير شعور ودموعها تنزل وتصرخ : هذا جد هذا م يسمى جد او ابو حتى ' وبحقد ' هذا سوا اشياء لو تعرفها بتكرهه طول عمرك وانا راح اكرهه ومارح اسامحه لموتي . بعدين حست على نفسها وشهقت وتقول بنفسها : يويلي انا وش قلت غبيه غبيه طول عمرك غبيه الحين وش بيفهمه
فواز بصدمه : م مايا اي ش سوا ج جدي
مايا : فواز جدي م سوا شي انا كنت اتوهم انه سوا لي اشياء واحقد عليه بس طلعت غلطانه وابي اسافر امريكا اغير من نفسيتي شوي
فواز بتفهم : انشاءالله . طيب عادي سعود يجي معنا
مايا : اوك
وراح فواز يخبر سعود
فواز : سعود سعود بسسسرعه جهز ملابسك بنسافر امريكا مع مايا انا وانت وروز
سعود بصدمه : ايش واخيرا وناسه اسمع لاتقول للعيال بينشبون لنا
فواز : طيب يلا انقلع جهز اغراضك
سعود : منعيوني
وراح
مايا وروز.
مايا قالت لروز كل شي صارلها مع فواز
روز : اف منك ي مايا خطتنا بتخرب كذا
مايا : لا انا فهمتمه بشي ثاني وهو فهمت
روز : طيب تتوقعي سعود وفواز بيعرفو بخطتنا
مايا : لا اصلا من نجي تلقينهم م يشوفون وجيهنا
روز : انشاءالله
ونزلو تحت
..
انتهى البارت
تفاعل=بارت جديد