رد: رواية « سعآإدة حيآإتي بوجؤدك »

بارت (7)
❀ .

في اليوم التالي الساعهه الثامنه صباحا 8:00
.. ام أحلام سوت الفطور كالعادهه. ''''!
حست بدوار في رأسها بس طنشته, ع بالها صداع خفيف وراح يروح من حالهه, وجلسو ابو مشعل ومشعل وام أحلام عالفطور .. ' لانه هذا كان اول يوم بالنسبه لمشعل انه يداوم كمتدرب وصحي بدري عشان يروح مع ابوه للشركهه,


ام أحلام لقت الفرصه مناسبه فقالت الكلام اللي ببالها , أم احلام وهي تعطي لابو مشعل كوب الشاي : ابو مشعل بصراحه كنت ابي اخبرك بموضوع فكرته وابي رأيك فيه والموضوع يخص مشعل. مشعل اللي كان جالس بلا مبالاه, انتبه لكلامها .. ابو مشعل : قولي ي بسمه وش فكرتي ' ام أحلام : انا شفت بنت لمشعل ومناسبه له وتليق معاه ومن رأيي انه م نتأخر ونخطبها عشان ماتروح علينا البنت ' ابو مشعل باهتمام : ومين هي , بنت مين? “
مشعل استغرب واتفاجئ بس كان ساكت لانه كان يحترم خالته وكأنها امه من جد وماحس ابد انها خالته كان يعاملها انها امه الحقيقيه '
ام احلام بابتسامه : اتطمن ي ابو مشعل ناس نعرفهم ونثق فيهم انا اتكلم عن ريم بنت عبدالرحمن « ابو ريم »
' ابو مشعل : ايه ماشاء الله ع عبدالرحمن بصراحه ونعم الرجال بدون شك , معاي بالشركه من زمان وعمله ناجح ' وانسان طيب انا اشوف انه نقدم الموضوع ونطلبها بس ابي رأيك ي مشعل لو عندك اي اعتراض نقفل الموضوع هنا '
مشعل اللي كان جالس ساكت ومفجوع قال بتردد : بس يبهه انا توي بتدرب وما صرت اداوم رسمي ..
وموضوع الزواج م فكرت فيه '
ابو مشعل بتفهم : انا اشوف مافيها شي بعدين عمرك مناسب عادي تخطبها الحين وتتزوجها بعدين ' والعمل انا اثق في ولدي ما راح تطول بالتدريب ' ..
مشعل ما عرف يصرف ووش يقول قال : يبهه ويمهه اللي تشوفونه , انا اثق في قراراتكم وبصراحهه ماعمري اعترضت بشيء ' , ام أحلام بفرحه: ان شاء الله ع خير ي وليدي ' عاد اهم شي سعادتك ' ابو مشعل : كفو ولدي ' وانا دايم واثق فيك ' يصير الحين بعد بكرا بنروح نخطبها لك .. ' لانه اليوم عندي يوم مهم بعزم اخوي عالعشاء.. وراح اطلب العشاء من طباخين ماهرين '
ام احلام ابتسمت : ان شاء الله ع خير ' و الله يفرحنا دايم ' ' ابو مشعل : اليوم عالصباح هالبشارتين فاتحة خير زواج مشعل ورجوع اخوي ' ام احلام بحب : الله يبشرك بكل خير ي ابو مشعل '



. ”

ريم اتصلت ع احلام اللي كانت باقي نايمهه ' سمعت صوت جوالها يرن وشالت الجوال وعيونها مغمضهه .. فتحت عيونها بشويش وشافت, ‹ ريومتي يتصل بك » شالت وهي في النوم. :

هلا ريووم ' “
ريمم بسرعهه: ياهلا وصباح النووم , وينك للحين نايمهه, قومي حلومهه..
احلام وصوتها في النوم : خلاص قمت .. ' ريم : حلومه وش صار ع اتفاقنا م كلمتي مشعل واكيد هو راح للشغل الحين ' أحلام : يووووه نسيت كنت نايمهه ' ريم بعصبيه : والحين وش اسوي '

أحلام قامت وجلست وشعرها كان متناثر ع وجهها ' : لاتعصبين اهدي شوي بكلمه عادي ماراح يطير وش فيك مستعجلهه ' '
ريم : اووك كلميه الحين وانا بجيكم ' أحلام بصراخ: مجنونه انتي ريوم بتجينا الحين عشان مشعلوو. وترا اليوم بيجونا ضيوف اخو عمو مايمديني اكلمه بعد , '


ريم : يووه والضيوف ذولا ما لقو يوم يجون فيه الا اليوم ' أحلام قالت اللي سمعته من ابو مشعل : مدري عاد اللي قاله عموو انه هو واخوه مقاطعين بعض والحين بعد زمن بيرجعون لبعض ومدري وش ' المهمم ماعلينا , وانا قلت بكلم لك مشعل وراح تقدرين تكلمينه بس اصبري شوي ' 'خليني احط شباصه بمخي وبتصل عليه '“
ريم بفرحهه : اوك ياقلبي تسلمين يله بسرعهه انتظر انا ' ” ..أحلام : اوك يله بقوم اغسل وجهي واكلمه وارجع اكلمك ' '


..احلام حطت جوالها عالشاحن وراحت تغير ملابسها وتغسل وجهها '

---
«««
الساعه 9:30 صباحا ..
محمد قام من نومه واخذ شاور سريع ولبس بنطلون اسود وفنيله اخضر من جوا ومن فوق جاكيت اسود, ولبس البوت الاسود وساعته السودا الغاليهه, وحط عطرهه المميز اللي فاح بكل الغرفهه ' المبرده بالمكيف ' .. مشط شعرهه وبحركهه سريعهه سواهم ع ورا,
وشال جوالهه ومفاتيح السيارهه ونزل الدرج الطويل , جاء الخادم الخاص بعيلتهم وصبح فيه بابتسامهه : صباح الخير مستر محمد ' احط لك الفطور? محمد سألهه : ليه وينهم كلهم نايمين محد فطر للحين? الخادم : لا سيدي. المدير , خرج بدري وقال بيخلص الشغل بسرعه ويرجع البيت بدري والسيده نائمهه ' وانسهه رغد نائمه ايضا, '
الخادم اعطى التفاصيل بسرعهه '
محمد : طيب خلاص مشكور م ابي افطر, واذا اي احد سإل عني قول له راح المزرعهه "



اليومم كان بيبدأ التدريب للفروسيهه ومحمد وخالد ومعاهم بعض اصحابهم كان عندهم تدريب مهم, طبعا كلهم راح يروحو للمزرعهه الكبيره اللي كانت ملك لابو محمد, وكانت مجهزه المزرعه لهالشيء مساحتها شاسعه وواسعهه ' ومعاها الكثير من المزارع, ملك لهمم '




'' ”
»

مشعل خرج من المكتب بعدما اخذ التعليمات اللازمهه وكأول يوم له بالشركه , م قعد فيها كثيرر.. جلس بالسيارهه وكان راجع للبيت , كان وده ينام ويكمل نومهه , امس الليل رجع متأخر وكان فيه نووم, اندق جوالهه .. شاف المتصل ورفع ع طول : مشعل وهو يسوق : هلا احلام '
أحلام : مشعل اسفه دقيت وانت اكيد مشغول بالشركه بس كنت بسألك متى ترجع البيت?

مشعل وهو يمزح : برجع بعد سنتين لما اتقن الشغل ' ليه تسإلين ي ملقوفه ' أحلام وهي متنرفزهه : م امزح معاك بجد متى جاي?
مشعل كان يحب يزعجها : م بجي لين تقولين ليه تسإلين '” وش فيه صاير شي بالبيت '"!

أحلام بعناد : م بقولك لين تقول متى جاي'

مشعل بلا مبالاه : اجل لا تقولين ماني جاي .. ' احلام اتذكرت وعدها لريم وانها بتساعدها اتكلمت بسرعه : لا لا , بقولك ' شي لاني كنت بكلمك بسالفه وكذا ' ' احلام وهي تصرف ..

مشعل : طيب دقايق وانا بالبيت وياويلك لو قايله بس كذا بذبحك ' أحلام وهي تضحك: م تقدر تذبحني السالفه تخصك باي باي باي ' وحطت ع طول ' مشعل فكر بكلامها سالفه تخصني .. شكله امي قالت لها عن سالفة الزواج وتبي تزعجني الخبلهه ' ع بالها اني مدري... " ' ❀♡❀

رد: رواية « سعآإدة حيآإتي بوجؤدك »

بارت ( 8 )
❀ .


أم احلام راحت ترتاح بغرفتها كانت حاسه انه رأسها يوجعها '
..
وبعد شويات وصل مشعل للبيت .. أحلام كانت قاعدهه مع شوق وماهر تتفرج افلام كرتون ' ماهر شاف مشعل وصرخ وجري وراح عندهه : مشعل, مشعل يله متى نلعب مصارعهه انت وعدتني '
مشعل وهو يوخره : بسم الله وانت للحين فاكر انا نسيت وخلني اتنفس بالاول توي جاي من الشغل. , ماهر بوز وراح قعد جنب اخته ييكمل افلام الكرتون '
أحلام سمعته وضحكت : هههههههههه اللي يشوفك يقول مدير يتكلم توك متدرب ' مشعل بثقه : ايه فديتني بصير مدير بعد وش عرفك انتي ' وشال مخده من الكنب ورمى عليها ' .. : وبعدين تعالي وش السالفهه اللي تبيني فيها? ! وش صاير??

أحلام قامت وقالت له : مو هنا , بقول لك بغرفتي, ' مشعل راح معاها,
وصلو عند غرفتها : وش فيك احلام ترا م صارت سالفه قولي '

أحلام بصوت منخفض : ريم كانت تبغى تكلمك ضروري بس ماقالت لي وش تبي تقول '

مشعل وهو مفهي وع باله أحلام عارفه عن موضوع زواجه من ريم : ريم تكلمني وليش? وبعدين امي م بعد راحت عندهم للخطبه رسمي كيف تكلمني?
أحلام باستغراب : كيف كيف كيف م فهمت وشلون? مشعل : وش اللي وشلون لاتمثلين علي الحين امي قالت لك كل شي ومسويه ماتعرفين ' ..

أحلام بعدم فهم : يعني امي بتخطب لك ريم? ! وفتحت فمها وحطت يدها ع فمها "

مشعل وهو مفجوع : ايه ريمم ماغيرها صحبتك , ' ليه وش فيها , لايكون البنت مجنونه وانا مدري, خبريني من الحين يمكن اهوون هههههههه ' أحلام فهمت وبسرعهه غطت عالموضوع : لا لا مافيها شي .. بالعكس صحبتي وبنت عمتي حلوه وتجنن و عاقلهه اكثر منك بعد ' والف مبروك اخوي ' ,,
مشعل استغرب من تصرفها :م اظن عاقلهه الا قولي خبله مثلكك هههههههههه المهم, يبارك فيك وعقبالك ي خبلهه بس ماقلتي لي ليه ريم تبي تكلمني ?
أحلام وهي تصرف : والله مدري ماقالت لي ' يمكن عندها شي خاص ماتبي تقوله ' لاحد غيرك ' مشعل بتفكير : طيب هاتي رقمها , بكلمها بنفسي ' دام بتصير خطيبتي ' عادي' ”
احلام اتورطت , وقالت' : لا لا هي كان قصدها تشوفك وتكلمك مو جوال ' .. مشعل اتنرفز : جننتيني ي احلام قولي كذا من اول , طيب بس اليوم م يمديني مشغول انا بيجون عمي واهله ' بكرا خليها تجي عندنا واكلمها ' ...
احلام بسرعه قالت: طيب ان شاء الله وطارت ع غرفتها '

انبسطت احلام لريم وفرحت بالخبر اللي سمعتهه, وراحت تخبرها

..


»

محمد وخالد خرجو من الاصطبل الكبير .. كانوا مغيرين ملابسهم ولابسين ملابس انيقهه خاصه بركوب الخيل , وبيدهم قبعاتهم, خالد وهو يمشي مع محمد, : اووك حموود اشوفك بكرا بالشركه ان شاء الله, يكفي تدريب لليوم ' محمد : وش فيك مستعجل .. بنروح مع بعض انا بعد خارج برووح اغير واريح شوي وارجع عالشركهه '
خالد : لا لا يخي انا وراي سفر الحين بروح ع طول, مافيني ارجع البيت , خليتهم يحطون اغراضي ' برجع الصباح,
محمد : اوك حبيبي اجل مشينا بنتغدا سوا وبعدين روح ' خالد : اوك تمم '



خالد (24) س صديق محمد الروح بالروح ابوه وامه كانوا متوفين, وكان يعيش مع جده ' وبعدما اتوفى جده صار وحيد , عيلته كلها كانوا اخواته الاثنين اللي كل وحده فيهم تزوجت وشافت حياتها ' لانه كانوا اكبر منه ' ووحده بمدينه ثانيه اللي كان رايح لها اليوم عشان يزور اخته '
خالد طبعا الانسان الوحيد اللي قريب من محمد مثل اخوه لانه ماعنده اخوان وحتى خالد ماعنده اخوان فكانوا مع بعض مثل الاخوان بالضبط , شخصيتهه قويه وطبعا له هيبهه اسم جده وابوه مشهور بكل مكان وكانوا من عيله غنيه وعريقه وتمشي ع اصولها ' ' اكثر شي كان يميزهه انه يجذب الانظار لكل اللي يشوفه كان شكله حلو وابيضاني وملامحه قويه ورزينه, وذكي وخطير لابعد الدرجات ' '


' ومحمد (25) س شخص قوي الشخصيه وطمووح يحب ابوه حيل وطبعا يقتدي بأبوه واخلاقه عاليهه وذووق ومتواضع رغم انه من اغنى الاغنياء, ملامحهه جدا جذابه , بشرته مياله للسمار, عنده غمازهه وحدهه, وتميزهه عن الجميع, وطبعا شخص مثالي مساند كبير ومساعد لابوه بشركاتهه , و الكل يحترمه ويقدره ' واقرب شخص له خالد اللي يعرف كل اسراره سواء بالشغل او البيت ' ,


»



احلام دقت ع ريم وبسرعه قالت : ريوم ريوم ' ريووومم, ريم : ياهلا بشويش فقعتي اذني ' ... احلام : مبروك ي خبلهه ريم وهي مستغربه : ع وش?
احلام وهي مبسوطه :ع زواجك من مشعل '
ريم بفجعه : وش تقولين ? بجد م تمزحين حلومه ' أحلام : ايه بجد واتخيلي مين قال لي ' ريم بسرعه : مين اكيد مرت خالي ' احلام : لا .. مشعلو قال لي بنفسه ' ريم زادت فجعتها: كيف يعني حلومه بس امي م قالت لي شي '

احلام : مدري والله بس هو كذا قال لي انه امي بتروح لكم عشان تخطبك لمشعل ' وانا اتورطت لاني قلت له انتي تبي تكلميه ' ' ريم : يووه وش قال قولي قولي '
احلام حكتها كل شي اتكلمته مع مشعل '



”

مر اليوم سريع .. وفي المساء. اتجهزوو كلهمم لاستقبال العم ' وجات عيلة ابو محمد .. '
ابو مشعل وهو يرحب باخوهه : ياهللا باخووي نورت اتفضل,
وشاف ع ولده محمد : ياهلا بولد اخووي حياك ياهلا والله, محمد باس رأس عمه هلا بك زود عمي ' وسلم ع مشعل, ودخلو كلهمم وهم مبسوطين '
' وجلسو بالمجلس الكبير,

شوق وماهر راحو عند عمهم وجلسو جنبه كأنه يعرفونه من زمان '
..
ابو محمد بكل فرحهه ضمهم ' ماهر بصوته الصغير : الحين بقول لصاحبي حتى انا عندي عمووو ' ابو محمد ضحك ههههه فديتك ي روح عموو '
.. ودخلو حريمهم ' ام محمد وام احلام, ومعاهم البنات ' ابو مشعل وهو يعرف ابو محمد ع بناته : هذي شعلولتي الدلوعهه ' عاد شفتها وهي نونو ' مشاعل بدلع راحت عند عمها وسلمت عليهه '
ابو محمد بصوته الهادىء: ماشاإء الله ماشاء الله هذي مشاعل الصغنونه والله زمان م افتكر شكلها بعد '
..
أحلام سلمت وخرجت م جلست معاهمم .. راحت لغرفتها م حبت تقعد بإجتماعهمم العائلي ' ..
. مشاعل راحت جلست عند رغد وبديت تسولف معاها ..

محمد كان قاعد مع مشعل ويسولفو عن اشغالهمم ..


وام محمد وام احلام يسولفون .. '


'
كانت هذي حقيقه رغم مرارتها انها وحيدهه بدون ابوها. , هالشي ماكان جديد عليها , كانت تشوف امها تندمج مع عيلة ابو مشعل وتنشغل معاهم وبزورتها اللي من ابو مشعل, وطبعا تاخذ راحتها لانه ابو مشعل ولد عمها .. احلام كانت تحس في نفسها بالوحده والغربه اكثر ..وكانت تجيها مثل هالافكار احيانا انا وش وضعي بينهم ... ولاشيء انا م اعني لاحد اي شيء غير أمي وبس '


» '

تعشو الجميع وانبسطو بذا الوقت مع بعض
وراحوو وابو محمد عزم ابو مشعل ببيته او بالاصح بقصرهه '
..
❀♡❀

رد: رواية « سعآإدة حيآإتي بوجؤدك »

بارت ( 9 )
❀ .

♡ الحياه تقودك للامل وللتفاإئل, والواقع يقودك للخياإل .. ولكن الخيإال لا يقودك الى اي مكان لانه عاإلم لاينتهي »



♡
...
اتجهزت ام احلام عشان تروح مع ابو مشعل لبيت عمة أحلام, عشان يخطبو ريم لولدهم مشعل ,
وطبعا خبرت ام احلام العمهه انها جايه لموضوع مهم '
..
مشعل راح لغرفه احلام : حلومه. احلام وهي تكتب : هلا,
مشعل بتردد : م كلمتي ريم ' أحلام برواق : الا كلمتها بس هي تقول خلاص بكلمه بعدين ' كذا قالت لي '
مشعل : يعني مو ع اساس عندها شي ضروري بتقوله ومدري وش '
احلام : مدري والله عاد كذا قالت لي وقلت لك جننتوني انتوو '
...
مشعل وهو يضحك: ع اساس انك عاقلهه قبل هههههههه' .
أحلام وهي رايحه المطبخ : بنشوف مين العاقل ومين المجنون لما تشوف ريومتي قدامكك بتجننك اكيد '
مشعل : ايه والله انكم مو صاحيات بس خلني اشوفها بالاول واعقلها بطريقتي ' ..

.. .


»
خالد رجع من بيت اختهه .. وألتقى بمحمد بالشركهه واتفقو انهم يروحوو للمزرعه يكملو التدريب ' كان باقي لهم شهر ع سباق الفروسيهه ..
..

“
رجعو ابو مشعل وام احلام البيت بعدما اتفقو مع ابو ريم وامها. وطبعا حددو يوم الملكه ع طول, ابو ريم كان مفكر انه بيزوجها ويسافر لمدينه ثانيه بدأ فيها مشروع كبير لشغله .. وسوا هناك بيت ملك اكبر من البيت اللي كان عنده حاليا وبما انه امه وابوه كانوا من هذيك المدينهه كان حاب يرجع يسكن فيها ' ويستقر هناكك ' .. وعشان كذا فكرو يعجلو بالملكه ..

'''

صار اسبوع وهم يجهزون ويخرجون للسوق ليوم الملكه, ريم ماكلمت مشعل
وكانت منتظره يوم ملكتها بفارغ الصبر عشان تكلمه وتقول له كل اللي بقلبها اتجاهه ' .. مشعل كان كل يوم مداوم ويتدرب '

احلام كانت مبسوطه لصحبتها ريم. , وطبعا اول فرحهه بعيلتهم من الطرفين فرحه لاخوها مشعل ولبنت عمتها ريم '


... '
♡ يوم الملكه .♡


اتجهزت ريم من عند الكوفيرا وكانت باينه قمر واحلوت اكثر ... لبست فستان ذهبي بدون اكمامم مع فصوص بنيه, وشعرها مرفوع مع مكر بتسريحه محليتها اكثر .. ' ومكياجها ذهبي مع بني .. ومحدده عيونها بالاسود ' واكسسوارها كله كان ذهبي ..



أحلام لبست فستان سماوي مرا كيوت عليها اكمامه كامله وشفافه وموديله فيونكات سماويه مع ابيض, سوت بشعرها الطويل مكر خفيف .. ومكياجها مرا كان خفيف ونعومي .. واللي مبينها احلى ' واحلى ولبست اكسسوار فضي خفيف مرا لانها م كانت تحب الحاجات اللي مرا اووفر ' وهذا الشي اللي يميزها ويحليها اكثر '


.. مشاعل طبعا اتجهزت عالاخر لانه لازم تبان حلوه كان عندها عقده نفسيهه انه لازم اكون احلا وحده من بين كلهمم '


..
حجزو قاعه للملكه وراحو الجميع هناك .. وطبعا ابو مشعل عزم اخوه بعد .. '


..

احلام كانت مع ريم بالغرفه: ماشاء الله قمر قمر بتجننني ي قلبي .. بتطيحي قلب مشعل ع طول ' ريم ضحكت : ههههههههه فديتك ياعيوني عيونك اللي تجنن .. واكيد بطيح قلبه واذا ما طاح برضو بطيحه ' احلام : هههههههه بسم الله ع اخوي
ريم بدلع: والله مو عالفاضي انتظرت يا ما اتخيلت هاللحظه واتجننت في نفسي '..
احلام شافتها بحب : ربي يسعدك ياقلبي ويتمم لك ع خير '..

دخلو ام احلام وام ريم واخذو ريم عالكوشه .. وجاو كلهمم. ' مشعل كان كاشخ عالاخر وشكله يهبل, ' كان جالس عالكرسي وجنبه ابوه وابو ريم. .. واول م دخلو الحريم ع طول عيونه ع عروسته شافها مشعل وانبهر من جمالها .. '

ريم كانت راخيه عيونها بالبدايه , وجابتها امها وجلستها جنبه شافت عليه وابتسمت ' مشعل وهو مفهي ويناظرها: مبرووك عليك انا '
ريم ابتسمت وعادت نفس جملته : ومبرووك عليك انا '
مشعل مسك يدها الرقيقه و لبسها الخاتم وكل الحريم زغرطوو ' وتعالت اصوات مبروك ومبروك .. ' ' ريم كانت الفرحه ماتسعها, خلت يدها بيد مشعل وهي مبسوطه من كل قلبها,
...

وبعد شويات راحو الكل للعشى وتركوهم لوحدهم .. '
مشعل وهو ماسك يدها. : فديتك ريوم باينه قمر ماشاء الله '
ريم بجرائه : وانت بعد ” مشعل بهبال : انا بعد وش ' ريم : قمر اجل وش ..
' مشعل بضحكه: لا م بوه قمرين انتي القمر بس '
ريم ناظرته وقالت : مشعل .. مشعل رد عليها : عيونه .. ريم بشويش : تسلم لي عيونكك ' كنت بقولك شيء .. ”
افتكر مشعل كلام احلام هذاك اليوم ' : ايه صح كنت بسإلك وش كنتي بتقولين ??

ريم وهي تناظره : مشعل بصراحهه انا احبك من زمان ' واحبك من كل قلبي واول ششخص حبيته ودخل قلبي هو انت كنت تعجبني وكنت انتظر اليوم اللي راح اقولك فيه عن مشاعري

' مشعل وهوو مفهي من كلامها: يعني ريوم انتي تحبيني من زمان وانا مدري '
..ريم : ايه .. '
مشعل : يعني لهالدرجه انا محظوظ .. لقيت زوجه تحبني ' ع بالي مجرد زواج ' مو شرط الحب وكذا ' بالزواج ريم : ايه احبك واحبك واحبك ' قالتها ريم وهي مبسوطه عالاخر وانها اخيرا قدرت تقول لمشعل اللي بقلبها .. مشعل وهو يضمها : وانا بعد حبيتك واوعدك ريومتي بسعدك بكل لحظه من حياتك .. مثلما اسعدتيني الحين .. ' وبقدر حبك لي. , وبحبك من كل قلبي '
...

❥
وبالليل خلصو من الملكه ورجعو كلهم لبيوتهمم, ... وحددو الزواج بعد اسبوعين لانه ابو ريم نقل كل شغله وحتى البيت كان جاهز, وكانوا بيسافروا ..

...
»
ريم وهي مبسوطه ماكان فيها النووم غيرت لبسها ولبست بجامة نوم, ورقدت عالسرير ضمت المخده بقووه, وهي تبتسم بسعادهه .. » الله يخليك لي ي مشعل ولا يحرمني منك '
اندق جوالها. وشالته ع طول '
.. كان مشعل .. وظلو يكلمو بعض ' طول الليل, لين جاها النووم "
'



احلام راحت ع غرفتها, وغيرت لبسها , وانسدحت ومن تعب اليوم كله نامت ع طول '

....
♡
مرت هالاسبوعين مره بسرعهه لانها كانت قليله بالنسبه للتجهيز لزواج مشعل وريم .. . وطبعا مشعل صار يداوم بالشركه بشكل رسمي, وطلع بارع بالشغل واخيرا تغيرت حياته وصار يحس بمسؤوليهه اكثر ..

... واصحابه مانسيو كلامهم
خاصه رائد قال له وهو يضحك : ياخي كنت حاسس ورا سالفه دوامك زواج .. مبرووك يالعريس .. الحمدلله انقذتني من هذولي تروك وحمود م راح اقص يدي ' ورد عليه مشعل وهو يضحك : ههههههههه عقبالك ي وحش .. عاد انت تداوم يعني بس باقي لك تجلس جنب فهود وتاخذ العدوى وتصير مثلنا وتتزوج بسرعهه '
الكل ضحك « .. تركي : انا بقول خلونا نختصر المشوار مو كل مرا واحد يجلس جنبه .. لا .. مره وحده كلنا الثلاثه انا وحمود ورائد بنقعد وتجينا العدوى وخلاص .. الكل هههههههههههههههههههههههههههههههههههه

فهد كان متزوج الوحيد فيهم والحين صار مشعل مثله ,,

رائد كان مسافر برضو لنفس مدينه ابو ريم. عشان شغل ابوه وشغله واقترح ع مشعل انه ينقل شغله هناك ويكون اسهل لهه حتى هو عشان اهل زوجته هناك .. ' وفعلا اقتنع مشعل وكلم ابووه ووافق ابو مشعل ع سفرهه ' لانه طبعا ماكان يقدر يستغنى مشعل عن اصحابه وخاصه رائد حبيب قلبه '



❀♡❀

رد: رواية « سعآإدة حيآإتي بوجؤدك »

بارت (10)
❀ .

يوم الزواإج
وجاء اليوم اللي بتكون فيه ريم اميرة لمشعل وراح تروح بعد حفلة زواجها مع زوجها وتسافر كان هاليوم بالنسبه لريم من اسعد ايامها وفي نفس الوقت كانت شوي حزينه لانها راح تبعد عن احلام .. ' احلام بعد حست انها راح تفتقدها كثير بس طمنتها. وطمنت نفسها انه راح يلتقون دايم واكيد بينهم اتصال بعد ,
...
جهزو ريم احلا تجهيز .. ولبست فستانها الابيض بدون اكمام ومن الحلق مفتوح شوي, شكلها طلع يجنن بالمكياج الاحمر مع تدرجات الفضي والاسود, ..


أحلام لبست فستان موفي انيق مرا بأكمام كاملهه ومفتوحه من الجوانب بفتحات صغيرهه , , وسوت مكياج موفي خفيف, ورفعت شعرها. الطويل بتسريحه حلوهه كله مكر , شكلها طلع جونان وتهبل .. وشافتها امها وقالت : ربي يحفظك ي بنيتي باينه قمر ماشاء الله ' وطلعتي عروس , عقبال م افرح فيك ' ..
أحلام استحت وباست امها بخدها وقالت: طالعه ع ست الكل ' ويحفظك مامتي '


..
ابو مشعل عزم كثير من المعازيم من اصحابه ومعارفه ' ولانها كانت اول فرحه بعيلتهم , حضرو الكثيرين بزواج مشعل '
...
الكل كان مبسووط ويسولفون ويضحكون والاغاني كانت شغاله ع طوول,
..

'
أحلام كانت رايحهه عالمرايا وبالطرريق لقته واندق فيها بخفيف ' من سرعتها بالمشي ' وما درت من وين طلع لها ذا الشخص, احلام بلا مبالاه مشت وهي تقول : اسفه م شفت ..


بس الشخص ضاعت علومه كان جالس يحدق في احلام بعيونهه .. و ع وجهه نظاره طبيه تبين انه عمره مابين (29) او 30 .. , احلام راحت لانها كانت مسرعه بمشيتها وما اهتمت بس الشخص تابعها بنظراتهه .. وطول الوقت جلس يراقبها ويطالعها ...
وما وخر عيونه عنها ' ..


. . ❥


أحلام وهي واقفه جنب العروسين : مشعل ترا هذي الغاليهه لازم تنتبه ع حبيبتي ريووم .. ' مشعل برواق : لاتوصين حريص. , وشاف ع ريم وباسها بجرائهه بخدها وشاف ع خصلتها المكر اللي كانت نازلهه ع وجهها : فديتها واروح لها اندومي بالدجاج.. وبعد الخصلهه شوي من وجهها .. ضحكوو ريم واحلام .. '

---





الشخص هذاك سأل وعرف انها بنت ابو مشعل بس مو بنته الحقيقيه راح لعند ابو مشعل وكلمه واخذه لمكان شوي بعيد عن الناس
ابو مشعل باستغراب : هلا وش صاير ' الشخص : بصراحه ي ابو مشعل انا شفت بنتك اللي هي مو بنتك الحقيقيه .. عجبتني وانا ما ابي اضيعك عشان كذا ابي اتواصل معاك واجي اخطبها رسمي منك .. ابو مشعل : طيب , حياكمم انت واهلك بأي وقت ' بس بالاول اعرفك عالاقل لاني م عمري شفتك بالشركه عندنا'


الشخص : ايه انا مو بشركتك انا مجرد مندوب لشركات كثيره واسافر كثير , وولد خالي يشتغل بشركتك وكان جاي لهالزواج اليوم وعزمني وماقدرت ارده , ابو مشعل بتفكر : انزين حياك بأي وقت”
وطلع الكرت الخاص بشركته واعطاه : ذا كرتي وفيه ارقامي كلها للتواصل '
الشخص : مشكور ي ابو مشعل م قصرت راح نتواصل ان شاء الله'""
'

..
♡ ..
..
صوت الاغاني كان يملاأ المكان مع اصوات ضحك وسوالف, الكل كان مبسوط .. ام احلام قعدت عالكرسي لما حست فجأهه انه رأسها بدأ يوجعها .. أحلام انتبهت لها وراحت عندها : يمه وش فيك .. ! ام احلام وهي تحاول تبتسم : ابد ي قلبي مافي شي بس شوية صداع يمكن من التعب ' أحلام : طيب يمه ارتاحي انتي بعد من اول صاحيه وماريحتي حالك .. سلامتك يمه ارتاحي شوي '
ام احلام : ايه ي بنيتي لا تخافين بريح حالي والحين بقوم .. روحي شوفي وينها شووق م اشوفها هنا '
أحلام : اوك بروح اشوفها ' شالت أحلام فستانها بيدها .. لانه كان طويل شوي '
وراحت تشوف اختها. '

..


كملو الليله باحلا سهره وطرب ووناسه حفله زواج ريم كانت مره حلووه '

وجات اللحظات اللي الكل يخاف منها ومايحب يعيشها لحظات الوداع... ' ريووم ضمت احلام وودعتها كانت بتسافر ع طول لمدينتهم ومن بعدها سفره للخارج عشان يقضو شهر العسل '
احلام م قدرت تسكت نفسها وانهمرت دموعها بس ريم بالقوه استحملت و دموعها تسبح
بعيونها وهي تمثل انها قويه ' ..


وبعد هاللحظات راحت سياراتهم وكل واحد رجع لبيتهه ..

' ..

أم احلام مرا كانت متعبهه ورأسها زاد الوجع فيه بس م حبت تبين لاحد راحت لغرفتها ونامت ..

..
أحلام ماجاها النوم مع انها كانت متعبهه من تجهيزات اليوم كلهه ' .. بس هدوء غريب كانت حاسه فيهه ' .. .. خرفت كلمات عالسريع وكتبتهمم ..


❥ ... لحظات نتمنى توقف الدقايق تتعطل الساعات ينسى الزمن معنى الجري ويمشي ببطء .. لكن كل مره تظل الامنيات مجرد امنيات .. ولا شيء يقف بوجه الزمن الذي يجري ولا يعرف المشي ببطء ولا يكترث لشيء ابد ... ♦




♡



بعد حضوره لزواج مشعل سافر محمد لشغله بمهمات خاصهه ' .. وبما إنه أجلو سباق الفروسيه لشهرين قدام اتطمن محمد وبدأ العمل ع مشروعه الجديد اللي فكرهه وكلم عنه خالد ' عباره عن مشروع سيارات لشركات فخمهه وكان هدفه الوحيد من هالمشروع السري انه يفاجئ ابوه وهو يمشي ع خطاه انه ولدهه جدا ناجح وتربيتهه مثاليهه وغير كذا كان يحب ابوه ويبي يهديه هالمشروع كهديهه بس يخليه مفاجئهه ” ماكان يدري عن هالمشروع الضخم الا خالد وبعض الاشخاص الموثوقين فقط ' ...



»
مر شهر كامل ورجعوو العروسين لمدينتهم الجديدهه وانتقل ابو ريم هناك بعد .. كانت حياتهم هنيه مرهه وريم ومشعل مبسوطين ببعض, وبين فتره وفتره يتصلو ع احلام '



ابو محمد كان يزور اخوه دايم او ابو مشعل كان يجيه بمكتبه لزيارتهه .. هالايام شركة ابو مشعل كانت طايحه مرا وزادت نسبه الخساير فيها ' صار يتضايق كثير بس م حب يبين ضيقته لاحد وغير كذا هو كان حلمه شركات ناجحهه وسمعه حلوهه بين الناس وكان شايف هالشي بعيد المنال لما شاف شركته في تدهور .. وجلس يفكر كيف يقدر يتشارك مع اخوهه او حتى عالاقل يطلب من شركاته بس كيف '

.. والشي. الثاني اللي كان شاغل باله انه زوجته ام احلام كانت تعبانه مرا وودوها المستشفى والطبيب خبره انه انتشر عندها نفس مرض اختها وانها راح تفارق الحياه بأي وقت .. كانت حالتها خطرهه جدا .. ام أحلام بعدما عرفت حالتها قالت لابو مشعل انه م يقول لاي احد من بزورتها وخاصة أحلام واللي بيصير يصير اللي ربي كتبه بس هي م تبي تشوف الحزن ع بزورتها ابد ' .. وطبعا ابو مشعل سمع كلامها وخبى عنهمم .. احلام مرا كانت حزينه وشايله هم امها كانت تشوفها دايم متعبه .. وتكون بجنبها.. ..


♦
كالعاده بعد الغدا راحت احلام لغرفة امها عشان تعطيها ادويتها , ... شافت امها نايمهه .. صحتها احلام لانه وقت الدواء هو بعد الغدا .. بس م لقت اي اجابه منها او اي حركهه .. صحتها كثير .. وهي خايفهه عليها بديت تنادي عالخدامه وتصحي امها .. وترش عليها مويا لانها احيانا كانت تغيب عن الوعي, ويغمى عليها من التعب ' ..... جات سوميتي سريع واتصلت احلام ع ابو مشعل بسرعهه وجا ابو مشعل ..واتصل عالاسعاف واخذو ام احلام للمستشفى ' ...


❀♡❀

رد: رواية « سعآإدة حيآإتي بوجؤدك »

بارت (11)



وصلو المستشفى , ومن قبل وصولهم وبالسيارهه خبرهم الطبيب انه ام أحلام فارقت الحياه '
.. أحلام كانت جالسه تبكي فقدت كل شي من بعدها , أمها كانت كل حياتها, ..ومين كان لها غيرها بهالدنيا .. بس الاقدار ما منها فرار ,



»
صار ع وفاة امها اسبوعين .. جات عمتها مع مشعل وعزتهم ورجعت لمدينتهم ..
ريم ما قدرت تجي كان ممنوع عليها السفر بذي الحالهه لانها كانت حامل, ..



أحلام كانت جالسه بغرفتها ومعاها شوق وماهر الحزن كان يكسوهم ... ماتوقعو فجأه كذا راح يفقدو امهم للابد .. نامو شوق وماهرر بعد البكا الكثير .. .. أحلام شافت ع شوق بحزن وقالت في نفسها .. يمه ليش تركتينا ورحتي مين لنا غيرك يمه لك وحشهه .. يمهه ارجعي لنا احنا بحاجتك, وبدأت تبكي بقوهه .. وما استحملت دموعها نزلت وبكيت كثير .. وما درت متى جاها النوم ونامت .. '



”
اتصل هذاك الشخص اللي كان ناوي يخطب أحلام , ع ابو مشعل , ماكان يدري عن احوالهم .. ابو مشعل خبره انه م يقدر يفتح هالموضوع الحين لانه امها اتوفت قبل اسبوعين, اعتذر الشخص وقال انه راح يكلمه بعد فترهه ' بس استغرب ابو مشعل انه هو مهتم كثير بهالبنت وما كان يعرف ليش كل هالاهتمام, وليش الا ويبي يخطبها
« ♢

محمد رجع من سفرهه وراح لعمه وعزاهه ' .. ورجع لبيتهه ' وانشغل بأشغال الشركه كالعادهه ' وواصلو التدريب هو وخالد ,




♦♢♦
مر شهر كامل وروتين الحياه اتغير كثير .. وبالنسبه لأحلام كل حياتها اتغيرت بعد وفاة امها "

كانت اكثر الاحيان مقفلهه بغرفتها وماتخرج صارت وحيده جدا وصارت تحس بالغربه اكثر بهذا البيت .. لانه ابو مشعل كان جاف معها من اول وصار اكثر بعد وفاة امها ويادوب مستحمل وجودها بالبيت ..

واما مشاعل رجعت لروتينها واكثر من اول لا حسيب ولا رقيب تخرج بالساعات برا وماترجع الا بكيفها ' وتعرفت ع شخص لما راحت مع صحباتها لمطعم .. وصارت تحبه واكثر اوقاتها كانت معاه وكثرت اتصالاتهم ومقابلاتهم وطبعا محد كان يدري عنها غير صحباتها. ,


اما ابو مشعل كان القهر يملأه هالايام خساير كثيره كانت صايره بالشركهه وناس كثير تركو الشغل, و كان يفكر انه يرسل احلام بيت عمتها, ويفتك منها , لانه ماكان مستحملها الا عشان زوجته والحين م بقيت زوجته ع قيد الحياه , بس المشكلهه اللي كانت تمنعهه انه هو من نفسه عشان السمعهه الطيبهه وعشان يفتخر بنفسهه قال لهم انهه ام احلام وصته ع احلام وراح يهتم فيها ' وعمة أحلام اتطمنت من هالناحيهه,
..



♦♦♦
ابو محمد كان راقد عالسرير وجنبه قاعد دكتورهه الخاص , ومحمد كان واقف جنب سرير ابوهه, ,

الدكتور حط نظارتهه وبدأ يكتب وقال : هذي شوية ادويه ي سيدي الباشا, ماتخافش م فيك اي حاقه بس ما تتعب حالك بئى كذا لازم تريح نفسك وتركز ع صحتك .. وابتسم وكمل كلامهه
: يبئى الشغل مش كل حاقه بالدنيا ي سيد فارس انت تعبت حالك كتير بالسنوات دي ولازم تريح عمررك وتسيب الشغل للشباب دول .. ! وشاف ع محمد وابتسم..."

ابو محمد بابتسامه : ايه والله , بس انا م احب ارقد كذا كأني شايب بعدي م صرت جد .. ' انا بعد شباب .. ' محمد وهو يضحك : يبه الله يطول لي بعمرك انت سيد الشباب وسيد الشيوخ كلهم بس لازم تنتبه ع راحتك وصح كلامهه ريح نفسك ' وانا بهتم بالشركات بنفسي ' ”

الدكتور وهو يضحك: ايوا هو دا الكلام ومن رأيي ي سيدي الباشا انك تجوز ولدك دا وتقيب احفاد حلوين بئى كذا يلعبو حولك بتتعدل نفسيتك وراح تشعر بتحسن. ”»
ابو محمد شاف ع محمد : ههههههههه ايه والله وجبتها ي دكتور '

محمد بلا مبالاه لانه اهتمامه ماكان هنا ولا فكر بالزواج اساسا ' كان كل همه بالشغل ويكمل طموحاتهه بالفروسيهه, " : طيب دكتور يقدر ابوي يروح للشغل بس وقت الصباح لاني ادري ما راح يسمع كلامك الوالد م يحب يقعد بالبيت .. '


الدكتور وهو يقوم :, انا حاليا كتبت لك شوية ادويه حتاخدها بالوئت المحدد ومسموح انك تخرق للحديقه بتاعكمم عشان تتنفس الهوا النئي ' ' والشغل مسموح لوئت أليل م تتعب حالك وتفكيرك '
.. واستعد الدكتور عشان يخرج محمد راح معاهه عشان يوصله لعند الباب .. ويسأله عن حالة ابوه ويتطمن عليه اكثر .. '


'
الدكتور يمشي مع محمد : ماتخافش ي مستر محمد هو بس بيتعب حاله بالشغل اكثر من اللازم ومالوش داعي يفكر كتير, عالعموم لازم تنتبهو ع صحتو وما تزعلوش بحاقهه , وحاولو تخلوه مبسوط ع طول ' وتنتبهو عالضغط بتاعهه. ” « محمد وهو يسمع تعليمات الدكتور : ان شاء الله دكتور مشكور والله م قصرت ' ..


بسبب الشغل الكثير الحاله النفسيه لابو محمد كانت متعبه وغير كذا هو كان مريض بالضغط ' .. ' ومحمد يهتم كثير بأبوهه ويحبه وعنده ابوه اكثر من اي شي بالدنيا '

»


أحلام وهي قاعده تكتب , جات عندها شوق وقالت : حلومهه يله سوي لي كيك من زمان م سويتي لي ابي اكل كيك ' أحلام شافتها بحب : اوك ياقلبي بسوي لك .. ولا اقول لك اممممممم وش رأيك نسوي مع بعض .. شوق بحماس : ايي يله ' ومسكت يدها ..

أحلام كان اكثر وقتها مع شوق وماهر صارت تقعد معاهم كثير وتهتم فيهم, ' . ..
..

نزلو أحلام وشوق وراحو المطبخ .. أحلام طلعت الدقيق وبديت تسوي الكيك وقالت لشوق : شوشتي انتي راح تجيبي لي الحاجات اللي اقولك وانا احطها '.. شوق فرحت, : ايه وانا بعد بحط معاك ' أحلام : لا اول تجيبينها واعلمك كيف تحطين يله روحي جيبي لي حليب من الثلاجهه ' شوق جريت وراحت تجيب '"

”
اندق جوال أحلام ♡ ريومتي يتصل بك ♡
أحلام شالت بيد جوالها وبيدها الثانيهه تحط الدقيق, : ياهلا ريووم كيفك وكيف صحتك?
ريم : هلا بك حلومتي الحمدلله بخير انا انتي كيفك طمنيني عليك
أحلام : الحمدلله تمام, بالمطبخ اسوي كيك عشان شوشو طلبت ,


ريم وهي متطمنه ع احلام .. لانها كانت دايم تتصل وتلاقيها وحيده وقاعده تفتكر امها وماصارت تخرج من الغرفهه ' : اها, يعني بتعلمينها وتصير تسوي كيك مثلك '
أحلام فتحت السبيكر وحطت الجوال عالطاولهه ..

شوق جات ووقفت, واعطتها علبة الحليب واخذت الجوال وهي مبسوطه : ريم ريم احنا نسوي كيك وانا بساعد حلومه واسوي معاها, ريم : حلوو وماراح ترسلو لي وانا طيب نفسي اكل كيكه .. شوق بعد تفكير قالت بصوتها الصغير : الا بنرسل لك صوره بس ... ”

ريم واحلام ضحكوو, ريم انبسطت بعد فتره سمعت ضحكة احلام كانت دايم ساكته حتى لو تتصل عليها ريم وتجلس تستهبل وتتكلم عشان تسليها كانت تسكت وحالتها مره اتغيرت بعد وفاة امها كأنها نسيت السعادهه وودعتها للابد, ريم : طيب ارسلو لي صورهه بشوف شواقه تعرف تسوي كيك ولا لا ”

شوق وهي متحمسه : الا اعرف صح حلومهه .. ” أحلام ابتسمت : اي ياقلبي, ' ' ريم : طمنتيني عليك حلومه ربي يسعدك ابيك دايم مبسوطه وتضحكي صح هذا قدر مكتوب بس لاتشغلي بالك احنا معاك وعندك شوق وماهر لاتفكرين كثير وانتبهي لنفسك ,

مشعل سمع الكلام وقال من وراها : اي اي صح كلام الفيلسوفه ريم , سامعهه ي احلام صحبتك هذي صارت فيلسوفه تجلس تتفلسف ع رإأسي دايم ' جاتها عدوى منك ' ريم فكت السبيكر : سامعه ي احلام ي شين اللقافه بس.. ' أحلام ضحكت وقالت : ههههههههههه انا حاسهه انك اتجننت ي مشعل وكنت تقول بعقل ريم '

مشعل وهو لاصق بريم : اقولك صحبتك مجنونه جننتني م بقت فيني عقل, ي مشعل ابي برتقال ي مشعل ابي تفاح ي مشعل لا حابه اكل كرز .. شكلها تتوحم ع سوق الخضره كله , ههههههههههههه .

. أحلام ضحكت: هههههههههه , لا تزعج صحبتي وخلها تاكل بالعافيهه عليها '
ريم بصراخ : كذاب لاتصدقينهه ' متى قلت كذا وشافت ع مشعل ' وبعدين وش مقعدك هنا ماخذ اجازهه ع كيفك ' مشعل بدفاع : لا مو بكيفي ومين اللي كانت تقول, مشعلوو ماني رايحه المستشفى بروحي بروح معاكك ,.. ”
ريم : اوف اوف وش هالكذب ومين اللي يقول ماني قادر اشتغل , وما ابي اروح لللشغل بجلس اناظر فيك ي قلبي واشتاق لك واتخيلك ومدري وش '
مشعل وهو يقلد صوت ريم : هههههههههههههه إحلام لاتصدقينها تراها تجلس تقول لي مشعلوو. , حياتي انت خلك طول الوقت قدامي ولا تروح الشغل ' ' أحلام وهي تخلط العجين, : ههههههههههههههه ربي يخليكم لبعض, ايه صح ريوم متى ناويه تجين ولا ماتقدري مرا ‘”

' ريم : والله ياقلبي ودي اجيك بس الدكتوره منعتني عالسفر , ان شاء الله مره وحده انا والنونو نجيك ' مشعل بلقافه : وانا وين رحت حذفتيني ماشاء الله ' من الحين ‘ ”
ريم : انت اللي بتودينا راح نروح بروحنا يعني .. خبل بجد ' " مشعل : مو اخبل منك انتي وهي ' ريم : المهم حلومهه انا الحين بحط وبروح اطبخ الغدا, ان شاء الله اكلمك بعدين ' أحلام : اوك ياقلبي انتبهي ع نفسك وصحتك " مشعل بسرعهه : هاتي هاتي الجوال روحي اطبخي ي عمري انا بكلم اختي , ' ”


ريم اعطته الجوال وراحت ' .. مشعل : ايوا حلومه طمنيني ان شاء الله الامور تمامم وانتي بخير ترا ابد لاتفكرين كثير اوك .. لا تشغلين بالك ' وانا اخوك ' أحلام : ربي يخليكم ويحفظكم مشكور اخوي م قصرت, انا بخير ولا يهمك ' ' مشعل بصوت منخفض : يله انا بقفل واروح اشوف جنيتي وش بتطبخ لي, ' أحلام ضحكت : هههههههههههههههه م تبطل هاه باقي تقول عليها جنيه , ” مشعل : اوصه لاتقولين لها .. يله انتبهي ع نفسك باي '
..

احلام قفلت .. وكملت شغلها حطت الصينيه بالفرن , وشافت ع شوق اللي كانت تحط الحاجات معاها وتساعدها : يله شوشو نروح نتفرج تلفزيون لين ينطبخ .... شوق قفزت بحماس : هيييه , كيكتنا أحلا كيكه بتصير , متى تنطبخ ي حلومه? أحلام وهي ماشيه معاها وخارجين من المطبخ : شويات بس .. "


''

اندق جوال ابو مشعل كان اتصال من نفس الشخص الغريب ..
ابو مشعل خبره انه هو بالشركهه , ويجي يقابله هناكك '



❀♡❀

رد: رواية « سعآإدة حيآإتي بوجؤدك »

كملي كملي

رد: رواية « سعآإدة حيآإتي بوجؤدك »

بارت (12)
❀ .

ابو مشعل كان جالس بمكتبه .. دخل الشخص وسلم عليه كان باين من هيئته انه شخص عادي جدا , وعرف بنفسه .. اسمه سالم ( 30) س ويشتغل مندوب بشركات .. وعرف ابو مشعل بنفسهه ' وبعدها بدأ الموضوع اللي جا عشانه ' .. وقال له انه هو يبغى يخطب أحلام لانه انعجب فيها كثير,


' ابو مشعل جلس يسمع كلامهه وهو مستغرب ..ابو مشعل : انزين ياسالم .. بكلم الاهل واشاور وان شاء الله ارد عليك وانت بعد تقدر تجيب اهلك هنا ومن رأيي م تتسرع, سالم : م اتسرعت ي ابو مشعل بس بصراحه خفت تروح علي الفرصه ويخطبها غيري '
ابو مشعل بابتسامه : لهالدرجه تبيها وعاجبتك هههخخخ تراها من نفس طقتك يعني ناس مو راقيه ابوها كان مجرد موظف يعني لايقين هههههههه. , سالم حس بالاهانه بس ابتسم ابتسامة مجاملة ' ' : عالعموم ان شاء الله بيننا لقاء استأذن انا الحين. ' وخرج ..

ابو مشعل ظل يفكر هذا وش عنده مجرد اعجاب لهالدرجه يعني ناوي يسوي عشانها كل شي, طيب وانا وش استفيد لو زوجتها الحين و ع حسابي كل شي , مو كفايا السنين اللي عاشتها معانا وهي اكله شاربه من خيري .. مستحيل ادفع فلس واحد الحين عشانها , انا تحملتها عشان بسمه وعشان سمعتي بين الناس بس , والحين مو مضطر اتحملها لازم افكر بحل لازم افكر بشي يخليني اتخلص منها وبنفس الوقت سمعتي م تنخرب وفلوسي ماتروح عليها ' و ع زواجها '
.. ابو مشعل بدأ يفكر ..


.. '


محمد كان في شغله اللي برا المدينهه , المشروع الجديد اللي بدأهه , حضر الاجتماع وخرج .. ,' شاف سيارة خالد واقفه بالمواقف الخاصهه وخالد يلوح له ويناديه : هنا يالحبيب , توجه لسيارتهه, محمد وهو يسلم من شباك السيارهه : هلا يالقلب ' خلصت شغلك هناك وش جابك هنا ..!

خالد : قلبي جابني .. دريت اني بلاقيك هنا وجيتك .. خلصت اجتماعك ولا باقي ' , ?
محمد وهو يقعد بالسياره عالمقعد الثاني : ايي توي خلصت وخرجت “

' خالد : هاه بشر ان شاء الله تمام بس, خالد طلع السياره وبدأ يسوق .. "
محمد : لا ابشرك الحمدلله كل شي تمام, المهم , بعزمك عالغدا اليوم. . ' خالد : لا والله حالف انا قبلك وجاي اخذك بنروح انا وانت وناخذ وافي رومنسي زمانهه من زمان م طلع ويانا, '
محمد : اوك '
..


,, »»

أحلام كانت بغرفتها. , اتصلت عليها صحبتها » ندى « اللي كانت معاهم بالمدرسه, كانت تتصل احيانا تتطمن عليها , ندى : حلومه وش رأيك تخرجين شوي تغيرين جو اكيد تطفشي وانتي قاعده بالبيت ' أحلام بطفش : اخرج وين اروح ' ندى : زواج بنت خالي بيكون بعد اسبوعين وانا بعزمك ولازم تجين منها تغيرين جو وتستانسين واشوفك بعد, أحلام بتفكير : اوك ندوش بكلم عمو واستأذن منه واجيكم ان شاء الله ' ندى بفرحه : اوك ان شاء الله يله اشوفك ع خير, ' .. أحلام : اوك مع السلامه '

...
مرت يومين, ورجع سالم كلم ابو مشعل, ..
ابو مشعل , فكر وخطط خطته الماكره عشان يشرد من مصاريف زواجها ويتخلص من أحلام مره وحدهه, ابو مشعل وهو جالس بمكتبه: انت قلت انه اهلك مايمديهم يجو وتبيني أخطب لك البنت, اول خل اهلك يجون. ' سالم بصوت منخفض : بصراحه ي ابو مشعل انا حاليا ماعندي امكانيه اني اجيبهم ونسوي حفله خطبتنا هنا, وعشان كذا فكرت لو بس خطبه بسيطه بس وبعد شهرين ادبر فلوس واجيب اهلي ونملك واتزوجها,

ابو مشعل بتفكير وبجديه: سالم انت لهالدرجه تبي البنت تقدر تسوي عشانها اي شي? ..سالم باستغراب وبسرعه: ايه ي ابو مشعل ابيها بأي ثمن هالبنت من يوم شفتها ومافارقت تفكيري وعجبتني حيل '

ابو مشعل بحيله: طيب وانا عندي حل بس تسمعني بدون تقاطعني .. ' سالم : تفضل ' ابو مشعل : انا بصراحه انسان م اتنازل عن سمعتي بأي ثمن بس هالبنت انا م ابيها ' وابي اتخلص منها ' وراح اعطيك هي بدون زواج بشرط انك تاخذها لمدينتك البعيده عن هنا وتتزوجها مثلما تبي وماترجع هنا للابد ولا تقول لاحد اي شي ' لاني بكل بساطه مو ناوي اصرف عليها ولا قرش وكفايه انها جلست عندي من صغرها ' يعني تقدر تقول ما ابي ازوجها واصرف عليها بس مستعد ادفع لك اي ثمن عشان تاخذها من هنا وماعاد اشوفكم انت وهي ' وما ابي قدام الناس سمعتي تنخرب واني بزوجها بدون رضاها لانها اكيد ماراح ترضى تتزوج الحين وراح تفضحني بكل مكان ' اني بغصبها عليك ' وانا وعدت عمتها اني مسؤول عنها, وبهالحاله لو راحت معاك بقول انها شردت .. انا م قصرت معاها بس هي عمرها ما اعتبرتني مثل ابوها '

سالم وهو مفجوع : بس ي ابو مشعل انت بمقام ابوها كيف تتصرف كذا .. ? ' ابو مشعل بصوت عالي ' : هذا اللي عندي واذا تبيها تاخذها كذا غير كذا ماعندي لك شي ' “ ..

. سالم وهو يفكر في نفسه ..
هذي فرصتك ياسالم وقال انه بيدفع اي ثمن عشان يتخلص منها يعني مو بس فلوس بتجيك بنت حلوه وفلوس بعد , قام حظك اي والله وبعدين محد يدري , تإخذها وتقول لاهلك عجبتني واتزوجتها ومحد راح يعارض ولا يتكلم ' وبعدين انا ابي اتزوجها مو خاطفها بحطها بعيوني والمفروض هالفرصه ما اضيعها .. ابو مشعل انسان ذكي , جاب حل لمشكلتي انا بعد بدون مايدري ' ..


ابو مشعل شاف عليه وشال كوب الشاي وشرب وقال : لو تبي يوم عشان تفكر براحتك خذ وقتك ' . سالم ابتسم : لا خلاص ي ابو مشعل بسوي مثلما تقول لاني بجد ابي اتزوجها واوعدك ماراح ارجع ثاني هنا ' .. ' ابو مشعل بضحكه: يكون اتفقنا كذا .. ع خير يله ' سالم وهو يقوم وصافحه..: اوك ابو مشعل راح انتظر اتصالك , ' .. ابو مشعل : بس اكيد ما راح تاخذها من بيتي عشان اكون بعيد عن اي شبهه ' راح ابلغك الوقت المناسب ' سالم: اوك ' .
وخرج سالم من مكتب ابو مشعل بعدما اتفق معاه ''

♦♢

مر اسبوع كامل, أحلام كلمت ابو مشعل وأستأذنت منه عشان تروح الفرح, وطبعا اعطاها الاذن .. واتفق مع سالم انه بعد ذا الفرح ماترجع أحلام لبيتي, تاخذها اول م ترجع البيت, من برا تشيلها معاك م ابي اشوفها ببيتي, وسالم طبعا وافق
وكلم ولد عمه عشان يجيب سيارته ماكانت عنده سياره غير سيارة الشركه, وخبر ولد عمه انه بيتزوج وبياخذ البنت معاه بس يخلي الموضوع سر بينه , ولد عمه وافق بس اهم شي انه ياخذ فلوس ع هالمهمه ' ووعده سالم انه يعطيهه بعدما يستلم من ابو مشعل '
..



محمد هالايام كان مشغول بمشروعه الجديد اللي نجح طبعا بمجهودهه, وكان باقي له شوية اشغال بعد وبعدها يخبر ابوه عن هالمفاجئهه ' .. كان يروح برا المدينه لانهه مكان الشركه هذي كان بعيد طبعا, قريب من مدينه ثانيهه .. وياإخذ اربعه ساعات عشان يوصل هناك ' .. ,


''
وبعد اسبوع //

الساعه 9:00 ..

أحلام اتجهزت لبست فستان بسيط وعادي جدا بلون عودي , وعليها فيونكه صغيرهه بلون سكري, سوت مكياج خفيف, بس حطت كريم وكحل وروج خفيف,
واستشورت شعرها الطويل وخلته مفرود و ع جنب حطت فيونكه سكريه '
...
بعد زمن كانت خارجهه من البيت لانه بعد وفاة امها انقطعت عن العالم والناس وعن كل شي وكأنه الحياه هذي ماتهمها بس لابد للانسان رغم الاقدار المحزنه يرجع يعيش بواقعهه ,
..
اخذت شنطتها وحطت العطر, وشالت الجوال بيدها وهي تنتظر اتصال من ندى لانهه خبرتها ندى انها بتجي تاخذها معاها وترجعها فماله داعي تروح مع السواق .. '
..
وبعد شويات , اندق جوالها وجات ندى واخذتها معاها ' ..

.. ابو مشعل اتصل ع سالم وخبرهه, انها راح ترجع اكيد حوالي ساعه 3 بالليل .. خليك جنب البيت وقتها, وتوقيت مناسب لانه وقت ليل ومحد ينتبه, خذها بعدما تروح سيارة صحبتها, عشان لحد يشك انها جات ودخلت البيت اساسا لانه الباب راح يكون مقفل ,

الخدامهه انا بناديها وما راح يكون احد جنب
الباب عشان يفتحه لها ' ..

...... ❀♡❀

رد: رواية « سعآإدة حيآإتي بوجؤدك »

بارت ( 13)

❀ .

الساعه 1:00 ليلا,

محمد كان جالس بسيارتهه السودا, اتصل عليه
خالد,

محمد خفض صوت الاغنية .. ورد عليه : هلا بالقلب '
خالد : اهلين, وينك " تأخرت?
محمد وهو يسوق بسرعه عاليهه لان الشارع بهالوقت كان تقريبا فاضي, : ايه خرجت متأخر قعدت بالمكتب وكان يبيني واحد من اصحاب خالي وقعدت معاه وعاد جلس يشرح لي عن شركته ووضعها.. , وكلامه كثير م لحقت اتصل عليك ”

' خالد : اها وانا جالس انتظر اتصالك, هين بس توصل بستلمك .. ما تروح البيت تعال عندي ' “ محمد بضحكه : ههههههه حبيب قلبي والله جايك بروح البيت بالاول وبعدها بجيك ع طول , انزين, ويالله حط بطمن امي اني خرجت والحين بالطريق ' خالد : اوك حبيبي , باي
...
محمد قفل الخط واتصل ع امه وطمنها انه خرج من شغله وراجع البيت, ورفع صوت الاغنيهه ,


» ♡ «

الساعه 3:00
وصلت السيارهه لبيت ابو مشعل اللي كانوا فيها ندى وأحلام, سالم وولد عمه فايز كانوا واقفين ع جنب البيت وشافو السيارهه سالم قال لفايز بصوت منخفض : وصلت, خليك جاهز انت اربط فمها بذا عشان م تصرخ وتفضحنا ' وانا اشيلها واخذها للسيارهه, وأعطاه قطعة قماش ‘
فايز وهو يحك رأسه وأخذ منه القطعهه : طيب, مع اني ماعمري سويت هالشغلات داهيه انت ياواد ' سالم : اوصه سوي اللي عليك وبس. , زيما اتفقنا, ' فايز : زين زين م قلت شي '

...

في السيارهه,
ندى : اوك حلومه ان شاء الله اشوفك ع خير, عاد مالي نفس في شيء , غير اني ارجع البيت وانام ' أحلام: هههه ايه حتى انا برجع انام يله طيب مشكورهه ندوش وصلتيني, و نوم العوافي ' وطلعت من السيارهه , راحت سيارة ندى, وتوجهت أحلام عالباب عشان تدق الجرس للباب الخارجي '

وحطت يدها عالجرس, وبنفس الوقت سالم قفل فمها وفايز بدأ يربط فمها عشان م تصرخ وأحلام انفجعت وكانت تحاول تصرخ وخافت بقوه وبديت تبكي, وفي الظلام بس لمحته وعرفت انه هو نفس الشخص اللي شافته بزواج مشعل. '

سالم اخذها وحطها بالسيارهه ورا في الشنطه, وقفل عليها, .. وفايز اخذ شنطتها معاه وفيه جوالها,

سالم قعد وبدأ يسوق.. ‘ سالم : وش هالشنطه اللي معاك .." فايز : شلت الشنطه ياغبي عشان م تلحق تتصل ع احد , خذ جوالها خليه عندك ' سالم : ايه صح , اوك قفل الجهاز وحطه هنا ,.. وأشر له ع درج الامامي للسيارهه ' . فايز قفل الجوال وحطه ' ..


أحلام كانت تحاول تصرخ بس فمها كان مقفل , الخوف يملأ قلبها والدموع مليانه بعيونها وتبكي من الخوف ووش بيصير لها, ووين بياخذوها ومين هذا الشخص ووش يبي منها كل هالاسئله كانت تدور برأسها, م عرفت وش تتصرف غير انها تبكي وتدعي بينها وبين نفسها ' ..


» ♡

محمد وقف السيارهه عالمحطه وخفض صوت الاغنيه, وقال للعامل اللي كان واقف يملي البنزين بسيارتهه, وخرج عشان يروؤح الماركت, يشتري شوية أغراأض ومويا,

....

كانت سيارة سالم ماشية عالطريق وصارت نص ساعه وهم متجهين لمكان برا المدينهه, الطريق كان فاضي وسيارات قليله وسريعه تمر, فجأهه سيارة سالم انخربت ووقفت بالطريق , سالم بعصبيه شاف ع فايز : وش فيها سيارتك, المقربعهه ' وقفت ”

فايز : مدري اطلع نشوف, اليوم الصبح وديتها الورشهه امس انخربت علي ' ”
سالم وهو معصب : غبي انت داري ورانا سفر اربع ساعات وتجيب هالسيارهه امش نشوف وش فيها ' نزلو سالم وفايز , سالم وهو يشوف الماكينه : هات لي مويا, “

فايز راح يدور جالون المويا, واتذكر انه حاطه بالشنطه, فتح الشنطه, وطلع الجالون,

أحلام كانت راقده بصمت وتبكي ووجهها كان ع الطرف الثاني لما سمعت صوت انه احد فتح الشنطه, جات ع بالها فكرهه انها تخرج وتجري وتطلب مساعده من اي احد, المهم تخرج من هالسيارهه وتبعد عن هذولي, فايز بكل غباء اخذ الجالون وخلى باب الشنطه مفتوح .. أحلام نزلت الجزمه عشان الصوت, .. وخرجت وهي خايفهه .. شافت بشويش وهي تخرج .. وكانت سامعه اصوات فايز وسالم وهم يصلحون السيارهه وسالم جالس يخاصم فايز , ومشغولين بكلامهم,

لقت الفرصهه مناسبهه وجريت بكل قوتها, وكل شوي تلتفت ورا وتشوف لايكون احد فيهم حس ويلاحقها, وجريت لين ابتعدت عن السيارهه وما قدرت تشوفها, المكان كله كان ظلام جريت وهي خايفهه وتبكي بقوهه, حاولت تفتح فمها بس كان مقفل بقوهه ' م قدرت , جريت لين لقيت انوار وكأنها محطهه, جريت عشان يمكن تلاقي احد يساعدها وتخبر الشرطهه وكان ع بالها اكيد هما عرفو الحين وراح يلاحقوني واذا السياره اتصلحت راح يجون بالسياره ويوصلو اكيد خافت وبديت تجري اسرع ..

....... « «

وصلت المحطهه .. م كان فيه احد وسيارات قليله كانت موجوده , أحلام بخوف اتجهت للسياره السودا و ع بالها بتلاقي احد وتخبرهه بس شافت مكان السواق مافيه احد .. لفت وراها وكأنه احد بيجي خافت لايكون نفس الشخص وصل م عرفت وش تسوي غير انها فتحت باب المقعد الخلفي ودخلت بالسيارهه وهي تبكي جلست بين المقاعد عشان لحد يشوفها وارخت رأسها وهي ترتجف من الخوف '

..

سالم وفايز خلصو من تصليحها واشتغلت السيارهه. ..راح فايز عشان يرجع جالون المويا. الا شاف انه أحلام مو موجودهه, صرخ بغباء ': سالمم , البنت مو هنا .. اختفت ,
سالم نزل بسرعهه وجا عنده : وش تقول ياغبي وين راحت? كيف اختفت? .
فايز : مدري انا شلت الجالون ويمكن م قفلت الشنطه وراحت ' سالم بعصبيه: انت م تعرف تسوي شي يالخبل قسم انك حيوان تعال ندور عليها قبل تجي المصيبه ع راسي لو سألني ابو مشعل وش بقول له واذا هي راحت وقالت للشرطه, بنتورط ' امش بسرعه, فايز بغباء وهو يجلس بالسياره : اكيد م ابتعدت كثير ندور عليها هنا, سالم : يخي وين هنا وين , المكان كله ظلام, وين ندور عليها , عقلي وقف خلاص ' سالم ضرب عالطاره بيده بقوه ' وبدأ يسوق .. "




❀♡❀

رد: رواية « سعآإدة حيآإتي بوجؤدك »

كمليييي يجننن رواية
يعطيج العافية يالغلا

رد: رواية « سعآإدة حيآإتي بوجؤدك »

بارت ( 14 )

❀ .


دورو كثير .. ورجعو السياره لوراء لما قال سالم فيه محطه هنا يمكن راحت هناك نسألهم, مافي غير هالمحطهه بالطريق واقرب وحده من طريق الرجوع ' . وصلو المحطهه, وسالم نزل وبدأ يدور عليها زي المجنون, قال لفايز روح انت دور بالماركت يمكن دخلت هنا,

فايز كان رايح المإأركت ومحمد كان خارج بعدما اشترى الاغراض, فايز بغباء سأل محمد : معليش ي سيد شفت بنت دخلت هنا الماركت, بنت كذا هبلهه زوجة اخوي عقلها ناقص شوي, ”

محمد طالع عليه باستغراب و رد : لا يالاخو م شفت احد,” فايز بضحكه غبيه لما حس انه محمد واحد هيبهه وكأنه عسكري ' خاف منه وقال: اها.. طط.. ططيب مشكور بروح ادور داخل .. ' ودخل الماركت بسرعهه .. محمد استغرب وطنشه و كمل طريقه وهو رايح ع سيارتهه .

, كان لابس جاكيت اسود وابيض وفنيله بيضا من جوا وبنطلون اسود ضيق وبوت ابيض وساعهه بيضا,

..


جلس بسيارتهه وحط الاغراض بالمقعد اللي جنبهه وبدأ يسووق ,

أحلام حست انه احد جا والسياره اتحركت, وصوت الاغنيهه اترفع,..

م عرفت وش تسوي غير انها قامت من تحت المقعد وجلست وعيونها مليانه دموع, ...

محمد شاف من المرايا اللي قدام وانفجع وللحظه وكأنه الزمن توقف وكل شيء سكت, أحلام اول م ناظرته , افتكرت انه هو ولد عم مشعل, لانه شافتهه لما كان يجي بيت عمهه ' ومحمد وهو مو مصدق ماكان فاهم شيء وش جاب بنت مرت عمه هنا ' اتلخبط مخهه للحظهه و شاف ع ورا وقفل الاغنيهه, ”

محمد باستغراب وهو مفجوع سإلها : انتي هنا, بسيارتي? وكيف ..”

احلام كانت تحاول تفك القماش عشان تتكلم بس م قدرت .. اشرت له انها مو قادره تتكلم والدموع كانت مليانه بعيونها وشكلها يحزن .. وشعرها متناثر وكانت شايلته بالشباصهه بس من الجري خرج شعرها شوي واتبهدل شكلها وخصلتها طايحه ع وجهها ' وباين عليها التعب,

محمد انتبه للقماش اللي م قدرت تفكه, وقف السيارهه وقال لها : تعالي اجلسي قدام " أحلام خرجت وطالعت برا بخوف .. وجلست عالمقعد اللي جنبه وهي خايفهه ومرتبكهه , اول مرا كانت تقعد قدام مع احد غريب,

محمد حط الاغراض ورا بالمقعد الخلفي وطلع من الكيس قارورة مويا واعطاها, . "
أحلام حاولت تفك القماش. .

ولما شافها محمد حايسه فكه لها,, وهو مستغرب من وجود أحلام هنا وافتكر هذاك الشخص اللي سإله عن بنت .. يعني كان كذاب بس وش دخل هذي ما كان فاهم شيء '

أحلام اتنفست وشربت المويا , وبدأت تبكي وتشهق وقالت له كل اللي صار معاها, وهي جالسه تبكي بقوه, من الخوف,


محمد كان مستغرب وبعدما سمع كل كلامها بدأ يسوق و قال لها : انزين لاتخافين بوصلك بيت عمي, إهدي , دام جيتي بسيارتي انتي الحين امانه عندي بوصلك الحين بطريقي " , اكيد عمي مو عارف شيء بتصل عليه ' واخبرهه,

.. أحلام مسحت دموعها واتطمنت انها بترجع البيت,

محمد اتصل ع ابو مشعل وخبرهه باللي صار, وانه الحين جاي بالطريق ," ..



ابو مشعل مسك رأسه وقال في نفسه وهو معصب, غبي وكلب هالسالم لو الحين محمد كان يدري انا ورا هالسالفه كان قال لكلهم وفضحني واحلام بعد, بس مافي مفر صار هالموضوع وراح يطلع برا انه احد حاول خطفها واكيد هي بتخبر عمتها وكلهم واروح فيها انا وسمعتي تنخرب , وجلس يفكر ابو مشعل .. واذا سالم الكلب اتمسك لانه احلام شافتهه وقال كل شي ما راح اقدر ابرر موقفي .. ' لازم افكر بحل يطلعني من هالمصيبهه .. "


♡ »

ابو مشعل كان جالس يتصل بسالم .. عشان يسأل منه التفاصيل وكيف قدرت تشرد منهم, بس سالم من خوفه ما رد عليه ورجع لمدينتهه مع فايز, ' وهو يفكر كيف يدور عليها ولازم يلاقيهاإ , واذا م لقيها , يرد عليه بعدما يهدأ الوضع وتمر شوية ايام, ويتطمن انه ماعليه خطر ' .. !

ابو مشعل رمى الجوال عالسرير بقوه : كلب وما يرد ع اتصالي بعد ' ..

وجلس يفكر وجات ع باله فكرهه ابتسم بخباثه, ايه والله لقيتها اللي بيجيبها هنا هو محمد ولد اخوي صاحب الشركات الكثيرهه, واخوي ماصار يهتم بالشركات ولا بالشغل ' وكل الشركات بيد محمد .. وهذي فرصتي اقدر اخذ منه شركاته وأهدده واعوض خسارتي اللي سببها اخوي بالماضي ... ايه والله كيف ما جا ع بالي .. الفرصه جاتني لحد عندي, وانا م استفيد منها خخخخ محد راح يعرف راح اهدده بسمعته وبأبوه وفي نفس الوقت اتخلص من احلام واخرب سمعتها انها رجعت مع ولد اخوي بالليل وشردت من بيتي, كذا محد يلومني وماتنخرب سمعتي, وما يقدرو يبررو موقفهم لانه ماعندهم دليل, وسالم الكلب اقدر اسكته بالفلوس,

هذي فرصتي وما راح اضيعها, .. بصير مليونير وصاحب شركات وتصير سمعتي الطيبه ع كل لسان مثل اخوي واكثر '


فكر ابو مشعل خطته الخبيثهه, .

. »

وبعد نص ساعهه .. وصلت سيارة محمد لبيت ابو مشعل, ..


❀♡❀