رد: رواية / أرض جمعتنا مابنضيعها بقلم : shahad"شهد"

ي حياتي انتوا
كنت احسب مافي احد يتابعني

رد: رواية / أرض جمعتنا مابنضيعها بقلم : shahad"شهد"

لعيونكم بنزل بارت يوم الخميس

رد: رواية / أرض جمعتنا مابنضيعها بقلم : shahad"شهد"

فديتج شهووود
سبحان الله بالصدفه حصلت روايتج و عجبتني بقووووه كملي و انا انتظرج على احر من الجمر يا مبدعه️

رد: رواية / أرض جمعتنا مابنضيعها بقلم : shahad"شهد"

وينج شهوووود قلتي بتنزلي بيووم الخميس

رد: رواية / أرض جمعتنا مابنضيعها بقلم : shahad"شهد"

والله اليوم تعبانه ضرسي يوووجع وماني قادره اركز اعذروني عن تنزيل البارت

رد: رواية / أرض جمعتنا مابنضيعها بقلم : shahad"شهد"

رد: رواية / أرض جمعتنا مابنضيعها بقلم : shahad"شهد"

فديتج حبيبتي الله يشفيج معذوووووره و لو

رد: رواية / أرض جمعتنا مابنضيعها بقلم : shahad"شهد"

" البارت السادس "

بدأ الشمس بالإختفاء خلف الأفق وبدأ الظلام ينتشر
ليملأ بعض القلوب بالشوق الكبير والحب الدفين

عند انتشار الظلام بالكون
يجب على الجميع ان يوقن
ان الدنيا جمالها بنورها
وان القلوب جمالها بصفائها
فطهروا قلوبكم
وأظهروا محبتكم،،،



&&&&&&&&&&&&&&&&&

مريم

نزلت أنا وريم وخرجنا مع الباب الخلفي واتجهنا للمزرعه ( الهواء علييل والجو بادي يبرد ) مشينا بسرعه حتى يمدينا نطلع من المزعه قبل الظلام ، بدينا نمشي بين الأشجار وبهدووء ،
ريم : مب هذا صوت لينا .
مريم : الا صوت لينا بسس اكيد معها طلال .
ريم : شوفي شوفي ، هذاهم يقربون .
مريم : اششش ترا ما معنا حجاب حتى نتغطا عن طلال .
قربوا طلال ولينا حتى صرنا نسمع كلامهم كويس ، طلال : يعني يمكن بين ال 18 الى 23
لينا : اممم انت محدد من أحد .
طلال : لالا وش أحدد وانا شيدريني عنهم .
لينا : زين ، أجل خل هذي علي .
طلال حط يده على كتفها : وأنا ما قلت لك الا لأني واثق بذوقك
وبدو يبعدون وصرنا ما نسمع صوتهم ،،
ريم : هيي ي بنت شكل طلال بيتزوج !!
مريم : اي اي شكله ، توقعين ياخذ مننا ولا يخطب من عوائل ثانيه ؟!!
ريم : امم مدري ، بس اذكر لينا تقول انه ما يهمه النسب قد ما تهمه الأخلاق .




&&&&&&&&&&&&&&&&&&&&

وبعد اسبوع

طلال قال لصالح ولينا قالت لسعاد
اخوانا في المانيا للحين بالسجن



&&&&&&&&&&&&&&&&&&&

وداد

حرررر ورطوبه ، كتتمه وريحة صدا ، نور الشمس منتشر بالمكان ويزيد حرارة الجو ، هشام كل شوي يطقطق على السجناء اللي معنا ، لمحت رجل ببدله عنابيه يتجه لزنزانتنا ، صديت بسرعه ووزعت نظري على المكان ، فتح الباب وجا عند هشام بعد ما سأل الظابط عن السجين اللي يبغاه وأشر الضابط على هشام ، جلس عنده : هاي .
هشام : هاي ؟؟؟!!!!
الرجل : قرأت بقضيتكم ، ستأتون معي للسجن بدلا من الجلوس هذا بالحجز ، فالرائحه نتنه والمكان لا يهيئ للجلوس به ،.!
هشام : عاد الله أكبر يقالي ان السجن يختلف عن هنا !!
الرجل : أعذرني ، لا أستطيع فهم لغتك !!
بعدها قالوا لنا انهم بينقلونا مع الرجل ، افففف يعني ما راح اشوف ترف !!!

&&&&&&&&&&&&&&&&&&&

باسم

المكان مظلم الا من بعض أشعة الشمس التي تسللت عبر النوافذ العلوية للمخزن
الحمد لله صدق صدق الحمد لله ، يعني من يصدق اني بطلع من ورطا زيي كذا بهالسرعه !!!
قبل أمس كنت أقرا بمشاكل المصانع وزي كذا ، الزبده انه في مصنع كان كاتب ان الشركه اللي يستورد منها الشوكولاته بالعاده اعتذرت هالمره ، وان المشكله كبييره خصوصا ان الفتره هذي عندهم طلبات كثييير ، كلمت الشركه وبينت لهم الكميه اللي عندي واشتروها بأغلا أثمانها ، ما بقى عندي الا مشكله وحده ، ما معي قيمة استئجار المخزن :( ، والمؤسسه تطالب بالقيمه ، سمعت صوت الجوال ، طلعته من جيبي ' أووه هذا سامر ' رديت : ألووو .
سامر : السلام عليكم .
باسم : وعليكم السلام .
سامر : ويينك ي رجال صاير ما تنشاف .
باسم : اليوم مفطرين مع بعض لا تكذب ، وبعدين وش لي أشقي نفسي وأقابل خشتك .
سامر : أيا الحمار الحين تقول كذا طيب طيب بس لا تجي لمي تمصلح !!!
باسم : لالا سامر شدعوه أمزح .
سامر : لا شعندك متطور ، صاير تسحب كلام وحركات ، عقبال ما تصير ما تسب أصلا .!
باسم : أقول بس عندي طلب !
سامر : ايييييي قل كذا من البدايه .
باسم : يا لبيه اللي فاهمني .
سامر : أقوووول اخلص وقول اللي عندك !!!
باسم : أءءءممممم تشوف المخزن اللي استأجرته .
سامر : ايي شفيه ؟؟
باسم : يطلب راعيه قيمة أجاره !!
سامر : أكييد بيطلبها موب أنت استأ....... لا تقول ما معك قيمة أجاره !!
ضحكت بتوتر باسم : طوول عمرك ذكي !!
سامر : وتبي مني سلف .
باسم : و طووول عمرك مبادر !!
سامر : لا صدق العب علي بكلمتين !!!
باسم : اسمع لقييت صفقه رابحه بإذن الله من أستلم الفلوس أسدد لك .
سامر : مب مشكلة فلوس ي بسوم أنت عارف ان أنا ومالي فداك .
باسم : بسوم بعينك .
سامر : طيب عط رومنسيتي وجه ي أخي .


&&&&&&&&&&&&&&&&&&&&&

صالح

بعد صلاة الظهر بالسياره ،
بعد ما طلعت من المسجد ركبت السياره أنا وعدي بنية اننا نمر مطعم وناخذ غدا ونحطه عند بيت فقير كإدخال سعاده لقلب مؤمن ، وقفت عند المطعم عدي : يبه أبي أنزل أطلب .
أدخلت يدي بجيبي وطلعت ثلاث ميه : سم ي ولدي انزل !
عدي : لا شدعوه يبه معي فلوس أنا أطلب لهم ، وبعدين أنت اللي بتوديه لهم يعني يصير كل الأجر لك !
صالح : لا يولدي موب مسأله أنا اخذ الأجر لحالي ، كلنا برحمة الله مشتركين بالأجر !
عدي وهو يفتح الباب : بس ولو الأجر أطعم اذا لك شي ملموس بالخير !!
ونزل وصك الباب ودخل المطعم ، الله يحفظة ، ويرد أمه له ، بس ما أدري شلوون بفارقه ، وانغمست بأفكاري حتى جا عدي : يبه يبه ، عسا ما شر !
انتبهت له صالح : لالا ماشر يا ولدي بس لهيت شوي .
ساد الصمت على المكان حتى وصلت لحي قدييم السياره ما تدخل فيه ، نزلنا انا وعدي وحنا نحمل أكياس الغدا ، دخلنا الحي وريحة البيارات منتشره بالمكان ، عدي : يبه ، الحين صح الحكومه يعطوني راتب !!
صالح : اي صح !؟
عدي : طيب أنا ما أحتاجه ، ليه ما يعطونه الفقراء ؟!!
صالح : الله أرسلهم يعطونك راتب عشان انت تتصدق على الفقر..( قطعت كلامي وأنا أشوف طفل يمشي وهو يبكي !! بعدها جلس ركى ظهرهعلى الجدار ، وارتفع صوته بالبكاء )
أسرعت بخطواتي له ، ونزلت إلى مستواه : شفيك حبيبي ؟؟!
جلست عنده على أقدامي ( مبوبز ) : تبي بابا ؟؟ وين ماما !
أنا قلت ماما من هنا وهو رمى نفسه علي من هنا ، وحضني بقووه وبكى بصوت مكتوم " إذا هو وثق بشخص غريب فأكييد السالفه قوييه "

&&&&&&&&&&&&&&&&&

سعاد

الساعه 1:13 الوقت ظهر

ناديت مريم عندي بالغرفه : سكري الباب وتعالي.
مريم ارتبكت وحست في إن بالموضوع : أبشري .
سكرت الباب وجلست عندي حطيت يدي على كتفها : مريوم حبيبتي !.
مريم نزلت عيونها على أصابع يدينها المتشابكة بتوتر : س .. سمي ،
سعاد : شفيك ،، منتي عاجبتني من تالي !!
مريم : كيف يعني ؟!
سعاد بصوت حنون : أحس ضايق صدرك ، وتهوجسين واجد !!
مريم اعتبت على نفسها لأنها كانت متوتره ! كيف تتوتر وهي مع أمها الحنون أمها اللي ما جابتها دمعت عيونها .
مسحت دمعتها : لالا حبيبتي شفيك ، قولي وش اللي مضيق صدرك ؟؟
مريم أجهشت بالبكاء ، ضميتها وصرت أمسح على راسها ألين هدت ، بعدها ارفعت نفسها من حضني وهي تمسح دموعها ، قلت : إذكري الله !.
مريم : لا إله إلا الله !
إلتزمت الصمت حتى تبدا تتكلم بنفسها ، قالت بعد فتره بسيطه : ماما ، أح .. أحس إني أنا السبب باللي صار غدير ، الحين ما أقدر أكلمها أو أحط عيني بعينها ، مادري مادري ، بس أحس هي صارت ما تحبني وتتضايق من وجودي !! ( وبكت )
سعاد ابتسمت : مريام ، ما خبرتك حساسه هالكثر ، شفيك بالعكس غدير تحبك ، وقبل أمس غدير تسأل عنك تقول البيت ملل من دون مريم !!

&&&&&&&&&&&&&&&&&&

الساعة 12:13 الظهر

علي

قبل ثلاث أيام أخذوا منا تحليل للسائل المنوي ، قططع الحين كل اللي يصير لنا عشانا صدمنى كلب !!! ههههههههههههههههه صددق شر البليه ما يضحك ، الا عالى طاري البليه هشام من زمان عنه هالغبي ، بعد التحقيق ما شفته حتى يوم بنروح نحلل ما شفته ، سمعت صوت باب الحديد المصدي ( صرررررر) اففف الصوت يحك الاذن ، دخل رجل ناشب لنا من يومين ، جا لمي بخطوات مسرعه وفرحه عامره ، نزل لي وحضني بقوووه : مبارك ، مبارك ، لقد أثبتت التحاليل أنك بريء لم يعد لك تهمه الا قتل الكلب ، شكرا لل(...) << كافر ، أعوذ بالله من حال لا ترضي وجهه .
واو الحممممد لله ،وسمعت صوت بكاء ترف ، بكاء الفرح اللي فارقها من دخلنا التوقيف ، خريت ساجدا لله ، ( سحد وجهي للذي خلقه وشق سمعه وبصره لله رب العالمين حنيفا وما كنت من المشركين ) ( اللهم لك الحمد حتى الرضا ولك الحمد اذا رضيت ولك الحمد بعد الرضا ، اللهم اني لا احصي ثناء عليك ولو حرصت انت كما اثنيت على نفسك فلك الحمد ولك الشكر ) ..
جون ترادان : حسنا ، جاء وقت الخبر السعيد الاخر !!
علي بفرحه : قل ما عندك !!
جون ترادان : سوف تنقلون للسجن ، لأن التوقيف لا يليق بؤناس أشراف أمثالكم .
علي : الله الله ، يعني الحين يقالي بتكرمونا لو نروح للسجن !!
جون ترادان : لم أفهم عليك ؟!

&&&&&&&&&&&&&&&&&

بالسعودية

الساعه 1:33

صالح

كنا جالسين بالسياره بعد ما حملت الطفل لها ، الجو حار الله يجيرنا من النار ، بعد ما هدا الطفل عرفت منه انه طلع من البيت بعد ما شاف خاله يضرب امه ، وهو يطلب منها المال ، وبد ذكر اخته اللي أصغر منه تشتغل بالبيوت ،( ظهر الفساد في البر والبحر بما كسبت أيدي الناس ) ، وصيت عدي يجلس عند ' نايف ' بينما أنا بروح للبيت وأحاول ألهي الخال عن ضرب المره ، نزلت من السياره ومشيت متجه للبيت على وصف نايف ، دقيت الجرس ولاحظت ان الباب مفتوح وصوت صياح المره طالع ، جلست قتره ثم دقيت مره ثانيه ، طلع الخال ، كان وجهه معبس بس يوم شافني غير ملامح وجهه للبسمه والترحيب : هلا والله امرني !!
هههههههه للحين ما انقرضت هالفصيله من الناس ، أبو وجهين !!: هلا بك ، أخبارك ي رجال ، من زمان عنك ، شكلك نسيتني !!
ههههههههههههههههههه أحسن شي بهالنوعيه من الناس انه مستحيل يقول ما أعرف ، قل الرجال ببتسامه وجا يضمني : هلا والله اعذرنا يا رجال نستنا الدنيا الناس الطيبه .
قلت وأنا أكبح ضحكه : لالا ، كل شي تنسيك اياه الدنيا الا الناس الطيبه لا تبعدك عنهم شهوات الدنيا !
الخال ( والله شكل هالرجال كان صديقن لي ) : اي اكيد بس النسيان بالذات ماهو بختيارنا !!




انتهى البارت السادس بنعمه من الله و فضل
اراءكم وقتراحاتكم تهمني

رد: رواية / أرض جمعتنا مابنضيعها بقلم : shahad&quot;شهد&quot;

اسفه ع التأخير جدجد اسفه
لكن الفتره هذي فتره اختبارات عمليه ودورات تدريبيه
وبرضوا مستحييل اكتب بدون ما أعرف جميييع جوانب الشيء اللي جالسه أتكلم عنه
فا بالفتره الأخيره درست كيفيه كتابة الروايه والجوانب اللي مفروض نحرص عليها
️️ أتمنى يكون هذا البارت عند حسن ظنكم

رد: رواية / أرض جمعتنا مابنضيعها بقلم : shahad&quot;شهد&quot;

شهووووود يا هلا و مرحبا نووور المنتدى