رواية : انا الذئب وانتي الجميلة

هذي اول رواية لي في المنتدى لما يكون تفاعلكم وياي كبير ويحمس بكمل الرواية اتمنى من الجميع التفاعل حطيت كل افكاري وجهدي على اول بارت واتمنى تفاعلكم يحمسني اكثر حط احد جهدي اكثر على البارتات الجايه الرواية من خيالي ومن افكاري
للكاتبه : Queen_Z
يلا نبدأ في
البارت 1 :

بغرفة في المستشفى كان جالس ينتظر وخايف طلعت له الممرضه
الممرضه : لو سمحت زوجتك تبيك بسرعه
خالد بسرعه دخل شافها خايفه وتبكي لما انتبهت له نادت عليه
سديم وهي تبكي : خالد
خالد تقرب منها ومسك يدها : سديم انا جنبك تحملي لا تبكي انتي قوية
سديم بتعب : انا مايهمني نفسي إذا صار فيني شي انتبه على بنتنا ولا تتركها لوحدها .............
سمعوا صوت بكي البنت وسديم يدها طاحت من يد خالد وفجأه يسمعوا صوت الجهاز
خالد وهو يبكي : سدييييييييييييييييم !!!!!!!!!!!!! لالالالا
الدكتوره : بسرعه طلعوه من الغرفه
الممرضات حاولوا يهدوا فيه وطلعوه من الغرفه
.
.
.
.
.
.
.
.
بعد مرور 20 سنه :
في باريس الجميلة و البارده وإبتداء سنة جديده كان جالس يمشي على الجسر وحاط السماعه بأذنه يناظر ب صاحبه ويبتسم على هباله
إياس : ياقلبي انتي طيب اسمعي شرايك نروح كوفي الساعه 3
.... : ايي عادي خلينا نروح
إياس : طيب بس اخلص شغلي بتصل فيك
.... : طيب احبك بيبي
إياس : قلبي يلا روحي على الجامعه لا تتأخري
.... : يلا سي يو
راحت على الجامعه وجا ل إياس اتصال على جواله
إياس : هلا حبي
.... : إياس قلبي وين بنطلع اليوم
إياس : خلينا الليله نتعشى في افخم مطعم إذا تبي
...... : أي مو مشكلة
إياس : تمام يلا حبي بسكر دحين مشغول
..... : يلا نلتقي الليل
وسكروا الخط
ريان : ماشاء الله شريتون كيف حافظ اسمائهم كلهم؟
إياس : ي اخي عيش حياتك مثلي اسمع انا مشغول اليوم لحد ينتظرني من الشباب على العشا تمام يمكن اجي لكم في السهره
ريان : طيب , تبي شي انا بتمشى وبشتري هدايا لأهلي
إياس : لا, يلا يالرسمي روح كمل اشغالك لو عندي خوات ل انتحرت من طلباتهم
ريان : هههههه غبي تراها اخت وحده ماعندي غيرها
إياس : أي مدلعه , ع العموم روح خلص اشغالك يلا لا اخليك تتأخر
.
.
.
(نعرفكم على الشخصيات
ريان : 22 سنه
شكله : جميييييييييييييل حيل فكه بارز وفيه تفاحة ادم بارزه عيونه مو كبيرة ولا صغيرة وسط لونها عسلي فاتح وهذا الي يجذب فيه بشرته بيضا خفيف هو مايضحك واجد بس إذا ابتسم يخرفن الكل شعره لرقبته اسود يحب يسويه سبايك واحيانا يخليه عادي ومعضل بس شوي فيه العضلات السته في بطنه
شخصيته : انسان عنيد مغرور احيانا لكن من داخله انسان طيب يحب اخته حيل فيه شوية برود متهور في واجد امور
عائلة : عنده اخت وحده اسمها دلال وبتعرفوها بعدين عنده ام لكن ابوه متوفي و الورث صار كله لهم وهو يشتغل في شركة ابوه حاليا ماكمل دراسته لأنه صار الوريث وطبعا هم عائلة غنيه مره
إياس : 22 سنه
شكله : واحد مز وكل البنات يخقوا عليه بشرته سمره خقه وفيه سكسوكه فيه تفاحة ادم عيونه واسعه لونهم رمادي فاتح شوووي فيه غمازه على خده اليمين شعره طويل لرقبته لونه اسود دائما يسويه سبايك ومعضل شوي
شخصيته : واحد يحب يغازل مو مخلي بنت الا وما خرفنها طبعا بس كدا يطلع وياهم يتعشى ويتمشى وياهم وبس لا اكثر بس يحب يضيع وقت طبعا هوه من عائلة غنية بعد لكن مايحب يشتغل بس ابوه مو حاب يجبره على ان يشتغل في شركته وتنزل له فلوسه على بطاقته في البنك بدون مايشتغل ف عايش حياته على كيف كيفه طبعا عنده اخو متزوج ويشتغل بشركة ابوه )
(في بعد 2 من اصحابهم بتعرفوهم بعدين وكيف إلتقو)
...............................................................................
في عائلة ثانية في بلدهم :
كانت جالسه بغرفتهم وتسمع صراخهم المعتاد منهم نزلت شنطة من دولابها وحطت فيها اغراضها وكل شي عندها مهم وطلعت لهم
مي : اسمعوني زين تبون تطلقو بس انا الي اعيقكم تقدروا تطلقوا دحين بس عطوني حقي يعني ابوي يضل يرسل لي فلوس على بطاقتي حق دراستي لأني ابي اكملها وانا بدبر نفسي بكل شي يلا سلام انا طالعه من هالبيت الي يجيب الهم
مي طلعت من البيت وهي مو هامها الموضوع ماجا على بالها غير ان تروح لصاحبتها اعز صاحبتها من ايام ابتدأي لحد الحين الجامعه خلت السواق يوصلها على بيت صاحبتها ولما وصلت دقت الجرس فتحت لها الخدامه
مي استغربت : سديم موجوده؟!
الخدامه : ايوا تفضل
مي دخلت وجلست بالصاله الفخمه الكبيره الي كأنها قصر
سديم نزلت من غرفتها : من جاي!!؟
انتبهت ل مي الي كانت جالسه وبيدها شنطتها واغراضها
سديم : مي !! وش فيك
مي : ولا شي بس تقدري تقولي انطردت من البيت
سديم : هاه !!
مي : ههههههههههه ترى انا الي قلت لهم اطلقو وريحوني
سديم : ومبسووطه انتييييي!!!!!!!؟
مي : سديم بتقولي لي ارجع واجبرهم يعيشوا وياي انا مابتحملهم على العموم انا جيعانه
مي راحت على المطبخ : في مكرونه
سديم تباعدها : لا تسوي انفجار نووي في المطبخ اعرفك ماتعرفي تطبخي بخلي الخدامه تطبخ لك
مي : سديم بليز يعني خليني ارتاح واسوي الي في مخي
سديم : لا مافي تبي نطلع؟
مي : مالي خلق اطلع , سديم عادي اضل عندك مافي مكان لي دحين
سديم : ايش هالكلام طبعا ماباخليك تروحي والبيت مليان غرف ومحد وياي بخلي الخدامه تودي اغراضك بالغرفه تمام
مي رن جوالها وحطت السبيكر
مي : هلا بالحب
وئام : ووجع ههههههههه وينك كنت بجي لك لما رحت بيتكم ما احد يفتح الباب
سديم : وئام تعالي البيت مي المجنونه عندي
وئام : الله يستر ايش مسويه دحين بعد
مي : لما تجين بعلمكم كل شي بالتفصيل يلا سريع تعالي لا تتأخري
وئام : تمام الحين بجي
وئام سكرت الخط ومي رمت الجوال على الكنبه ومددت رجلها على الكنبه واخدت الرموت تدور في القنوات
سديم : الله يهديك يا مي سمعي انا بتدوش وبجيك طيب
مي : خدي راحتك
بعرفكم شوي على البطلات سديم : (طبعا عمرها 20 سنه شكلها : قصيرة شووي ضعيفة بس جسمها جميل وجهها ملامحه ناعمه شفايفها مو كبار واجد بس رسمتهم جميلة فيها غمازات عيونها واسعه شوي لونها عسلي فاتح شوي شعرها طويل لظهرها لونه بني غامق
شخصيتها : شخصيتها قوية متعوده تكتم حزنها وتطلع طاقتها السلبية في الطبخ لأنها تعرف تطبخ فله ماتحب تكون اجتماعية مع الكل اسرارها بس عند صديقاتها الي هم مي و وئام فاهية في اشياء واجد تحب دائما تشتري لها مناكير وتحب دائما تحطه لها)
مي :
(طبعا نفس الشي عمرها 20 سنة
شكلها : ضعيفة بشرتها مو بيضا ولا سمرا وسط عيونها مو صغيرة وسط لون لكن رسمة عيونها جميلة لونها سودا وفيها لمعه شفايفها صغار ملامح وجهها بيبي فيس خشمها منحوت شعرها طويل لنص ظهرها لونه بني فاتح فيها غمازه خفيفه على خدها اليمين
شخصيتها : عنيده وفيها خباله حتى تصرفاتها بطفوله تحب صديقاتها ماتضايق ادا احد زعلها ولا تهتم دائما تضحك وماتحب تشوف احد مضايق وزعلان إذا في احد مضايق جنبها ماتتركه إلا وهو مبسوط حيل منها تحب الاشياء الطفولية مثل الدباديب وكدا)
وئام :
(بنفس عمرهم بعد 20 :
شكلها : اكثر وحده تهتم بجسمها وجمالها ضعيفة لكن جسمها جميل ملامح وجهها بارزه وفكها بارز بشرتها بيضا وفيها طول شوي وعيونها مو كبيرة فيها وساعه زي المكحله لون عيونها بني غامق خشمها منحوت بس مو طويل شعرها طويل لظهرها لونه بني غامق
شخصيتها : تقدروا تقولو تحب تنتقم من الي يجرحها او يجرح صديقاتها ماتحب الاولاد لأن تعرف انهم يحبوها لشكلها الي مايعرفها بيقول انها فيها هدوء شوي وغموض لكن هي عكس كدا لأنها مثل سديم مو اجتماعية مع الكل وبس تتكلم مع مي وسديم تحب الموضه وتهتم بكل شي فيها تحب المكياج وهذي الاشياء)
.............................................................................
في باريس :
دانيال كان جالس كعادته يقرأ كتاب ويشرب كافي في هذا الجو الجميل
ومن جهة ثانية كانت جوري جالسه على الطاولة وبيدها كتاب ودفتر مذكراتها وقلم وفاتحه الجوال وتكلم صديقاتها مكالمة فيديو
"
سديم : جوري كيف الجو ب باريس!!؟ احسه رومنسي
مي : مو وقتك جوري خلال يومين احنا بنجي لك
وئام ببرود : يومين؟ احنا اليلة بنجي بالطائرة
جوري : ترى الجو مره جميل يعني ليش ترجعون البلد عجزت افهمكم مافي احد واهل مافي خليكم معاي هنا احسن
سديم : جوري نسيتي ان بيتي ما اقدر ما اجي له بين كل فترة وفترة
جوري : والي وياك هذيلا وافق شن طبقه
مي : هههههههههههههههههه روحي بس امسحي كافيك عن شفايفك الله يرجك
وئام ابتسمت : جوري اسمعي جهزي اغراضنا حق السهرة زي ماقلت لك
جوري : ولا يهمك جاهزين بس عليي ارتب الغرفه
سديم : يلا دحين بنجهز اغراضنا حق ما نتأخر على الطائرة يلا نشوفك لما نجي يلا سي يو
جوري : سلام "
جوري سكرت المكالمه واخدت روايتها الي كانت تقراها وجاكيتها وطلعت من الكافي
دانيال اتصل عليه ادم
ادم : يالتبن وينك!!
دانيال : إياس حضرته خرب السهره ماظنتي بنسوي السهره الليله
ادم : هذا مايزهق كل يوم شايف له بنت وش جوه على العموم وينك
دانيال ببرود : في الكافي يمكن اطلع منه و اروح الجامعة بغير جو شوي
ادم : هذا الفاضي الناس اجازه وهو بيروح هناك
دانيال : في بنات و اولاد ما اجزوا يمكن اشوف شخص اعرفه انت ايش عرفك
ادم : كنت بجيك بس غيرت راي ي اخي جوك بيض
دانيال : روح بس شوف ريان يمكن جالس يتمشى
ادم : طيب تمام
اعرفكم على الشخصيات :
(جوري : 20 سنة
صديقة سديم ومي و وئام الرابعه طبعا هم ماخدين اجازه ل اسبوعين سديم و ومي و وئام نزلو على البلد يومين بس جوري كانت تبي تجلس تشوف الكريس ماس في باريس ف مارجعت وياهم
شكلها : قصيرة وضعيفة بس حلوه جسمها بشرتها بيضا شعرها قصير لكتفها لونه بني غامق عيونها واسعه لون عيونها رمادي فاتح بشرتها ناعمه شفايفها صغار وخشمها منحوت
شخصيتها : هي خجولة شوي بس جريئة في اشياء طيبه ودائما تسامح مهووسة في التصوير عندها دفتر كله ذكرياتها مع صاحباتها وحاطه الصور الي مصورتنهم فيها)
(دانيال : 22 سنه
شكله : طويل بشرته حنطيه جميلة ملامح وجهه جميلة عيونه ناعسه لونها اسود شعره لرقبته لونه اسود مايحب يسويه سبايك ولا أي حركة فيه دائما عادي بس جميل فيه عنده خال تحت عيونه اليمين على زاويتها فيه تفاحة ادم بارزه معضل خفيف
شخصيته : انسان بارد بس مغرور مخرفن البنات لكن مايعطيهم وجه دائما يتصرف على راحته قدام بنات او قدام اولاد بتعرفو كيف مع الاحداث دائما يطير جبهات وصريح)
(ادم : 22 سنه
شكله : طويل صحيح مو معضل بس جسمه جميل بشرته بيضا شعره لنص رقبته لونه اسود دائما يسويه سبايك شفايفه بارزه شووي فيه تفاحة ادم عيونه صغيرة لونها اسود كأنها مكحلة جميلة فكه بارز فيه غمازه على خده اليسار خفيفه خشمه طويل ومنحوت عليه وشم على رقبته رسمة موسيقى بخط كبير وتلفت بالون الاسود
شخصيته : كتوم مايحب يعبر عن مشاعره لأحد يفضل ينجرح اكثر من ان يتكلم في الشي الي يجرحه بتعرفوا شخصيته اكثر مع الاحداث لأن قصته طويله)
...............................................................................
في الجامعه :
راحت تدور في الدولاب على الدفتر مو محصلته
جوري : اف ياربي وين حطييته
جوري انتبهت لوحده من البنات الي في الجامعه جالس تركض ووقفت دانيال
جوري دارت حق تشوف الموقف كانت مستغربه
البنت : انا معجبه فيك !!
دانيال دار لها وطالع فيها بنظرة : امم؟ .... خلي اعترافك لنفسك بعدين انتي مو من ستايلي ولا تهميني اعترفتي او لا
دانيال تجاهلها ومشى جوري راحت على الدرج سريع ووقفت في النص دانيال كان راكب الدرج وطالع فيها
دانيال ببرود : انتي تسدي طريقي!
جوري : ماحسيت بالسخافه وانت تفشلها تصرفك معاها مره لبيق
دانيال تقرب منها ووقفها على حديد الدرج ومسك الحديده
دانيال وهو يبتسم بسخريه : ليش؟ كنتي بتجي وبتقولي لي مثلها؟
جوري تنرفزت حدها وصارخت عليه : طبعا لالا !!!
ومن قهرها دزته برجلها ماتوقعت انه بيطيح من الدرج !!!!!
...............................................................................
نرجع للبنات في البلد :
.
.
.
.
.
.
سديم وهي تحط اغراضها كانت مضايقه ماتبي ترجع تذكر ابوها في هذا البيت تذكر كيف رباها وكيف اهتم فيها
........................................................
نرجع للماضي : قبل 20 سنه
كان خالد يتألم لما يشوف بنته الي جت على الدنيا بعد ماتوفت امها قرر يسميها سديم على اسم امها اهتم فيها طول عمره كان دائما يهتم فيها وماعمره خلاها عند مربيات حب تكون تربيتها على يد ابوها مو على يد مربيات كان يسهر الليل كله عشانها لما كبرت وصارت في صف 3 متوسط ابوها كان مسافر عنده شغل بس لما كان بيرجع الطائرة طاحت وتوفى كان وقت صعب بالنسبه لها ابوها الي تعودت دائما معاه ومالها احد غيره كانت طول الليل تصيح عليه كانو صاحباتها جنبها طول الوقت حست بالراحه لأنهم مايتركوها ابدا بعد شهور من الي صار حست انها حاولت تتخطى الكابه الي صارت فيها صحيح مانست ابوها بس لأنها حولها ناس ينسوها كل شي يضايقها
..............................................................................
نرجع للحاضر :
مسحت دمعتها لما سمعت احد داخل عليها
وئام : سدييييم !
سديم : يلا شفيك ماخلصتي؟!
سديم : الحين بخلص
وئام تقربت منها : سديم تبكي؟!!!!!!!!
سديم تحاول تكون طبيعية : لا
وئام : ايش فيك من زعلك سديم قولي
سديم حاولت تغير الموضوع : ما احد بس شوي تضايقت , وئام وينها مي قالت لي انها ما اخدت اغراضها بسبب الي صار لها الغبيه
وئام : هه ماعليك عندي كل اغراضي وملابسي بعدين مو مشكلة تشتري لها ملابس جديده في باريس يلا اجهزي مو تتأخري بروح اشوف مي المجنونه
سديم ابتسمت لها : تمام
في الغرفة الثانية كانت مي جالسه ومبسوطه ولا هامها الموضوع الي صار لها
كانت باقي بس تلبس شنطتها
دخلت عليها وئام
وئام : مي خلصتي؟
مي : yes
وئام : عجزت افهمك بالله انتي مو مضايقه من الي صار
مي : تعرفي ايش شعوري
وئام : ايش!!!؟؟؟؟
مي فسخت شنطتها ومسكتها في يدها وجلست تدور وهي تصارخ : I am freeeeeeeeeee (انا حره)
وئام ضربتها على راسها بخفيف : ماتعقلي اثقلي يابنت
مي : اه تراه يألم ايش بك انتي
وئام ابتسمت : يلا مشينا بروح انا لبيت جدتي باخد اغراضي من هناك
قصة وئام : (وئام اهلها متوفيين وتعيش في بيت جدتها طبعا عائلتها غنية بس هي ماتبي تعيش في بيت لوحدها ف تعيش مع جدتها مع انها تحصل لها كلام احيانا منها يسد النفس لأنه ابوها تزوج وحده عن حب وجدتها ماكانت تحبها وماكان عندهم بنت الا وئام كانو في يوم مطر طالعين في اليل وكانت ام وئام وابوها يتهادروا ومعصبين من بعض حتى مرت شاحنه وابو وئام ما انتبه لها وصدمو الي ضلت عايشه وئام طبعا جدتها اخدتها عندها لأنها حفيدتها بس هي ماتحبها بس مجبوره)
................................................................................
وئام لرجعت على البيت ودخلت على غرفتها واخدت اغراضها وملابسها وحطتهم في الشنطه
الجده : اخيرا بتروحي
وئام طالعت بنظره بس تجاهلت الموضوع
وئام : انا طالعه يلا سلام
الجده : لا تاخدي اجازتك مره ثانيه هنا .......
وئام قاطعتها : طيب طيب طيب , اوامر ثانيه ؟ انا طالعه يلا سلام
وئام طلعت وسكرت الباب وراها بقوه
وئام بنفسها : نفسيه جد
.................................................................................
في بيت ابو ريان :
دلال وهي تدور في دولابها : يمه وين بنطلوني الكحلي مو لاقيته
ام ريان : ماعرف يمكن الشغالة غسلته
دلال : هاه يمهه ليش تغسله تراه نظيف اووف بستجن
ام ريان راحت لها على غرفتها : حبيبتي عندك ملابس كثير بدولابك شوفي شي ثاني وإلبسيه
دلال : اف دحين بجلس ادور ايش ارتب على هذي البلوزه ياربي طفشت لا احد يدخل على غرفتي وتاخدون ملابس بدون إذني
ام ريان طلعت من غرفتها : الله يهديها
قامت تدور في الدولاب على شي تلبسه
(دلال بنت دلوعه مافي الا هي بنت وماعندها الا اخوها طبعا ريان مدلعها تحب كل شي يكون ملكها بس هي طيبه ماعمرها ضايقت احد
شكلها : قصيرة بشرتها بيضا صافيه شعرها اطول من كتفها بشوي لونه اسود ضعيفة مرة شفايفها كبار شووووي بارزين لونهم وردي خشمها مو طويل بس منحوت خفيف عيونها صغيرة لونها اسود بس جميلة تشبه جمال اخوها ريان)
طلعت لها ملابس ثانية ولبستهم لبست عبايتها وحطت عليها شيلتها وشعرها شوي طالع وطلعت من البيت
(نسيت اعلمكم شي دلال من النوع الي ماتحب تجلس في البيت حتى لو تطلع لوحدها مو مشكلة اهم شي تغير جو)
دلال تكلم السواق : روح على مجمع ال.........
.
.
.
.
.
.
.
.
.
.
..............................................................................
نرجع لباريس :
طلعت وياه من المستشفى وماسكته حتى لا يطيح
دانيال : روحي على هذاك الطريق
جوري وهي تعبانه من مساكه : طيب
"نرجع للي صار قبل
لما طاح دانيال من الدرج ودته المستشفى طبعا رجله انصابت بس مو اصابه قوية ف جوري حست بالذنب قالت له بالمستشفى بتسوي أي شي له حق تتعافى رجله
قال لها بتحمليني وبتوديني على بيتي وبتسوي لي الاكل طبعا جوري ماتوقعت هذا الرد منه قالت له تمزح قال لها لا وهذا الي صار تتحمل غلطها في القافه"
وصلت وياه بس كان في درج حق توصل
جوري : اه اعتقد ان تقدر تر..
دانيال قاطعها : لا يلا
جوري بقهر نزلت شوي : يلا اركب على ظهري
دانيال ركب عليها وجلست تمشي على الدرج وهي تعبانه منه وصلت على البيت ونزل من ضهرها وفتح الباب ودخل وياها
جوري : مايصير اطلب لك من المطعم لأنه ..يعني انا ما اعرف اطبخ
دانيال : اممممم لا حتى لو كان مو اكل لذيذ انتي بتطبخي
جوري ماسكه نفسها حق ماتضربه وابتسمت من غير نفس : طيب ..
دانيال كان جالس يدور بالصاله وجوري دخلت المطبخ حق تشوف وش تسوي له ماجا على بالها إلا بيض مسلوق لأنه اسهل شي فتحت الثلاجه كان مافي الا بيضه وحده
جوري : الحمدالله فيه بيض
اخدتها وحطت ماي يغلي شوي
دانيال دخل وتقرب من وراها كان يطالع وش بتسوي
دانيال : ايش فطوري؟!
جوري دارت له وانصدمت وصارخت عليه : اءء !! روح البس بلوزه ياسخيف
جوري ماعرفت ايش تسوي تبي تباعده وهي ماسكه الماي الي كان يغلي وكبته على يدها
جوري : احح ايدي
دانيال كان بيدها قميصه الابيضه حطه عليه بسرعه ومسك يدها: ياغبيه ايش سويتي استني بجيب لك المرهم
جوري باعدت يدها : لا انت روح البس .. انا بغسلها بماي بارد
دانيال : غبيه ماي بارد في الشتا
دانيال سحبها وطلعها من المطبخ وجاب المرهم ولزقه وحطهم على يدها
جوري حست بتوتر : انا بطلع إذا إحتجت شي كلمني انا معاك بالجامعه ف اكيد تعرفني
جوري اخدت شنطتها وبسرعه طلعت من البيت
وقفت عند الباب : إيش هذا مجنون كيف يجلس بدون قميص قدام بنت اه بجن منه
وهي تمشي تذكرت شي
جوري : لالالالالالالا ماخلصت ترتيب الغرفة للبنات ياربي ودفتري ماحصلته اه بابكي غبيه انا غبيه
راحت ركض حق توصل على بيتهم ..
.............................................................................
ريان كان يتمشى في المحلات وجالس يدور هدية لأخته دلال ولأمه
اشترى سوار الماس إلى امه طبعا يعرف ان اخته تحب الفساتين والملابس ف اشترى لها ملابس كثيرة مع فساتين ولما خلص وغلفهم راح ل عزيز "عزيز مثل البودي قارد ل ريان"
دانيال : عزيز هذيلا وديهم فديكس لأهلي طيب انا مشغول الحين
عزيز : ان شاء الله طال عمرك تأمر على شي ثاني
دانيال : سلامتك يلا روح لا تتأخر
............................................................................
طبعا مي و وئام و سديم راحو على المطار ينتظروا طائرتهم حق يرجعو باريس
...........................................................................
نرجع لدلال كانت طالعه وراحت على مجمع كانت جالسة في المطاعم وجالسة تتعشى لوحدها كانو في ثلاث اولاد على الطاولة الثانية ويخزوها خز وكل واحد يتحدى ان يجيب راسها واحد منهم تقرب منها وجلس معاها على الطاولة
دلال طالعت فيه مستغربه : خيييير !!!
....... : شفتك لوحدك قلت حرام القمر لوحده
دلال كانت مماسكه بيدها بيبسي اخدته وكبته في وجهه
دلال اخدت جوالها وشنطتها : سدت نفسي اكل من شفت وجهك
"........" مسك يدها : على وين بعد ماتسوي كدا وتمشي مافي يابنت ال***
دلال انصدمت من كلمته وضربته كف : اتركني ياحقير اتركنيييي
جا واحد وضربه بكس طيحه على الارض
دلال انصدمت من الي جاي
دلال : يووسف لالا!
يوسف كمل وقام يضرب فيه
دلال سحبت يوسف من ملابسه : يووسف اتركه بليييز
دلال حست بضيق تنفس "دائما تجيها هذي الحالة ف لاتستغربوا منها" حست بضيق لحد ما اغمى عليها
يوسف دار لها وانصدم وترك الي كان يضربه
يوسف : دلالال دلالالالال
يسوف حملها وطلع بها وودها على المستشفى
(اعرفكم على يوسف , يوسف 20 سنه صديق دلال من الطفولة بس مايحبها يعني يعتبرها مثل اخته
شكله : طويل معضل شوووي اسمر سمارته جميلة شعره اسود لنص رقبته يحب يخليه سبايك عيونه رمادية فاتحه وصغيرة فيه تفاحة ادم بارزه)
وداها على المستشفى وحطوا عليها مغدي وحق الاكسجين
يوسف جلس ينتظرها برا الغرفه
دلال وهي نايمه كانت جالسة تحلم نفس الحلم الي دائما تحلمه
كانت تشوف واحد سيارة كانت بتجي تصدمه وكان الي يسوق متعمد يبي يصدمه دل تخاف يصير فيه شي تباعده عن المكان وتصدم صدمة قوية بداله والدم ينزف من راسها لرقبتها البيضا
دلال صحت من حلمها وهي خايفه شالت عنها الاكسجين وطلعت من الغرفة وهي ماسكه المغدي بيدها تدور من جابها وهي خايفه
شافته جالس
دلال وهي تبكي بخوف : شفته الحلم مره ثانيه اهه
يوسف مسكها بيدخلها على الغرفة حق يعطوها مهدئ لأنها مابتدأ من الحلم
دلال وهي تبكي : ما ابغى اضل بالمستشفى ابي ارجع البيت اتركككني اه اء
يوسف وهو ماسكها من كتوفها ويهزها : دلالال قلت لك إهدي
دلال بنبرة صوت تقطع القلب : بس انا رديت شفته !! ... ومو عارفه من هالشخص ... ولا الي بالسيارة لهدرجة هو غالي بالنسبة لي؟
ام ريان جت : دلالال!!!!!
دلال : يمممههه
دلال ضمت امها
يوسف : لا تخافي عليها بس شافت حلم وهي الحين خايفه
ام ريان : دلال حبيبتي هدي كابوس هذا وانتهى
...............................................................................
في باريس :
جوري عدلت البيت وحطت الدفايات وحطت المنام على الارض فرشتهم واشترت اكل وخرابيط لهم حق بيسهرو وبينامو مع بعض في هذي الغرفة لكذا فرشت لهم على الارض شافت جوالها يرن طالعت رقم غريب
جوري : الو؟؟
......... : تعالي ضروري على البيت اعتقد انك دليتيه صح
جوري : هاه !!!!! دانيال !!! .. كيف حصلت
دانيال قاطعها : لما كنتي بالمطبخ تركتي شنطتك بالصالة واخدت رقمي يعني وكدا على العموم تعالي بسرعه احتاجك ضروري
جوري سكرت بوجهه : الله ياخدك تمام اوووف ياربي انا ليش تورطت معاه
جوري طلعت بدون ماتاخد مضلتها نستها ووصلت لبيته ركض دقت عليه الجرس
دانيال : في مفتاح احتياطي جنب الزراعه الي عند الباب
جوري بنفسها "ساعدني ياربي" اخدت المفتاح الباب ودخلت
جوري ابتسمت له من غير نفس : ايش تبغى !!؟؟؟
دانيال وهو مبسوط : لا بس ابي الرموت وزهقت اجيبه قلت اتصل فيك
: )
جوري جابت له الرموت وهي ماسكه اعصابها
جوري كانت بتمشي وخدودها كانو حمران حست بتعب وكانت بتطيح صارت بحضنه وكأنه حاضنها
دانيال حط يده على جبهتها
دانيال : شكلك مرضتي ياغبية
جوري باعدته عنها : هذا شي مايخصك
جوري جت بتمشي ماحست لنفسها الا طايحه على الارض
.
.
.
.
.
.
.
.
.
.
.
.
انتهاء البارت الاول
اتمنى تفاعلكم بليز ورايكم يهمني