تويت
رد: فهموها ياناس اني احبها ودمعتها تهز رجولتي
روعة البارررت .بس مررره يحزن وخصوصا رباب .بكيت عليها وانا اقراء انا مرره اكررره خالد
روعة البارررت .بس مررره يحزن وخصوصا رباب .بكيت عليها وانا اقراء انا مرره اكررره خالد
-
-
رد: فهموها ياناس اني احبها ودمعتها تهز رجولتي
روووووعه قدلي ساعه وانا اقراها وبكبت
استمري
يعطيك العافيةتعليق
-
رد: فهموها ياناس اني احبها ودمعتها تهز رجولتي
توقعاتي لبارت الجاي وليد راح يجيب لرباب بنتها .
وكمان اتوقع انو رباب تزوج فهد
تعليق
-
رد: فهموها ياناس اني احبها ودمعتها تهز رجولتي
اتمنى الكل يشجعني ويدعمني .
ردودكم تدعمنى 
اتمنى الكل يشارك او يعلق
حتى المتابعين بصمت اتمنى اشوف ردودكم
تعليق
-
رد: فهموها ياناس اني احبها ودمعتها تهز رجولتي
البارت الاخير الجزء الاول
مرت ايام واسابيع وشهور ورباب بنتها ما رجعت لها .اخوانها كانوا يدورون عليها بكل طاقتهم .وبس اللي زاد من مهمت البحث انو خالد كان يكلمها كل مره من دولة ثانية ومن رقم شارع فهذا اللي صعب المهمة . رباب من بعد ما خالد اخذ بنتها وهيا لا تتكلم ولا تاكل ولا شي .امها كانت تجلس تاكلها وتحممها .هنوف قدمتاها اعتذرمن الجامعة . الكل كان مصدوم من خالد وتصرفه وما احد قدر يفسر اللي سوها . غير هنوف اللى تعرف السبب
رباب خلصت العدة وبعد اسبوع
كانوا كلهم مجتمعين في المزراعة وفي مجلس الرجال
طارق وقف : عمي عبدالله
الجدعبدالله: نعم وانا ابوك
طارق: طلبتك
الجدعبدالله: قول وانا ابوك
طارق: زي منت عارف انو ابوي ميت وانا حبيت اكمل ديني وابيك تخطب لي
الجدعبدالله: من عيوني وانا ابوك .بس اشر عليها وانا اروح اخطب لك هيا
طارق ابتسم: تسلم لي ياعمي .يصير نخطبها اليوم
الجدعبدالله بستغراب: ايه يصير بس وين بيتهم
قام وراح جنب عمه وقال في اذنه
الجدعبدالله: بس ياولدي انت شايف الوضع
طارق: وانا وعد مني اني راح اسعدها وا اخلى دمعتها ما تنزل
الجدعبدالله تنهد: اسكتوا ابي اكلمكم
الكل سكت
الجدعبدالله: اليوم وقدامكم كلكم حبيت اقولكم اني ابي اخطب لي ولدي طارق
الكل فرح وبدا يبارك لطارق
الجدعبدالله التفت على عبدالعزيز : عبدالعزيز اليوم احنا نبي نطلب يد بنتك على سنة الله ورسوله
عبدالعزيز: بنتي
طارق بتسامة: رباب
عبدالعزيزسكت : والله يا طارق انت شايف الحال
طارق راح وجلس عند رجول عبدالعزيز: وربى راح احطها في عيوني وراح اطلعها من الحالة اللي هيا فيها وربى راح اجيب لها بنتها
عبدالعزيز: والله انت رجال بس قبل لازم ناخذ راي البنت
طارق: أي لزوم تاخذوا رايها
***************************************
بعد يومين الكل عرف انو طارق خطب رباب
شيخة باصرار : مستحيل اخلى بنتي تعاني
وليد: بس بصراحة يمه طارق ابدا مو زي خالد .والولد باين انه شاريها
شيخة بقتناع : ابي اشوف طارق
عبدالعزيز: ان شاء الله .عبدالله كلم طارق وخليه يمرني بعد العصر
عبدالله: من عيوني يبه
في قصر طارق اللي كان توه منتهى منه كان مره في غاية الفخامة من الاثاث والتصميم والديكور والغرف وكل شي فيه يدل على انو اللي صممه فنان .والحديقة الكبيرة والازهار من كل الا نواع يعنى من جد كان قمة الجمال
طارق كان مع امه : يمه ادعى انها توافق
اميرة: الله يكتب لك اللي فيه الخير يا ولدي
طارق: امين يا رب العالمين
رن جوال طارق : هلا عصام
عصام: ياطويل العمر اكتشفنا الحين انو خالد في فرنسا ومعه مادلين ورامي
طارق عدل جلسته: البنت الصغيره معاه
عصام: أي طال عمرك
طارق: عصام لا تضيعوهم ابدا
عصام: ان شاء الله طال عمرك
طارق: عصام خالد لا يلاحظ انكم تراقبو وكل بعد فترة غير الرجال وانا ان شاء الله في اسرع وقت راح اجي عندكم
عصام: ان شاء الله يا طويل العمر .ايوه صح نسيت اقولك ترى خالد دخل فرنسا باسم غير اسمه وحتى البنت مو نفس اسمها
طارق: يعنى دخل بطريقة غير قانونية
عصام: الا يا طويل العمر بس مغير الاسماء بطريقة قانونية
طارق: الحين زي ما قلت لك لا يضيع منكم ابدا . وحاول باي طريقة تعرف اسمه الجديد
عصام: ان شاء الله طال عمرك
طارق: يلا مع السلام
عصام: مع السلام
عصام: مساعد طارق الشخصي .يعرف كل شي عن طارق .يحب طارق ويتمنى له الخير وطارق كمان يحبه .كان مع طارق من عمره 10 سنوات واكبر من طارق بثلاث سنوات .كان له موقف يوم كان صغير انخطف بدل طارق من عصابة كبيرة كل هذا علشان يحمى طارق
*****************************
بعد العصر وفي بيت عبدالعزيز .كانوا كلهم جالسين (عبدالعزيز طارق وليد عبدالله شيخة)
شيخة: طارق انا راح اواقف بس حلفتك بالله ما تنزل دمعت بنتي وتجيب لها بنتها زي ما وعدتني
طارق: والله يا خاله راح احطها في عيوني .وراح اطلعها من الحالة اللي هيا فيها
شيخة : انا موافقة على كذه
الكل بارك لطارق
طارق يكلم عبدالله بهمس: عبود عرفت مكان خالد
عبدالله بنفعال: قول والله
عبدالعزيز: وش عندكم انتم الاثنيين
طارق طالع عبود وابتسم: ولا شي ابدا
وقف طارق وقام معه عبدالله
طارق: يلا انا الحين استاذن
عبدالله: يبه حتى انا بطلع عندي شغل
عبدالعزيز: اجلسوا انتم الاثنين بسرعة وقالوا ايش كنتم تقولون اول
طارق بتردد:بصراحة انا كنت ادور على بنت رباب وعرفت معلومات عن خالد
عبدالعزيز: وليش ما قلتلنا كلنا بس لعبدالله
طارق يبرر: لانه بصراحة هذي مو اول مره احصل خالد فيها .خالد ذكي وكل بعد فترة يسافر وانا ماقلت لاني خفت رباب تسمع وتتعلق وبعدين خالد يهرب مره ثانية .علشان كذه انا كنت بملك على رباب واسوي الزواج وبعدين نسافر .وانا متفق مع ناس لهم سلطة يجبون البنت بدون أي اضرار
رباب : نملك اليوم وانا مابي زواج
ساكت الكل التفوا لباب وانصدموا لم شافوا رباب وانها سمعت الكل وفي نفس الوقت فرحوا لانو رباب هذي اول مره تتكلم من بعد ما فقدت بنتها
شيخة قامت جرى تبكى: تكلمت بنتي تكلمت وضمتها
طارق: بس لازم زواج ما ينفع
رباب: انا ابي اليوم نملك وبكره نسافر
طارق: الدولة اللي فيها خالد ما في حجز الا الاسبوع الجاي .لاني كنت بروح
رباب: والحل يعنى ما اقدر اشوف بنتي
طارق تنهد : تسمحوا لنا نملك اليوم ( ما يقدر يرفض لها طلب )
عبدالعزيز : بكره ان شاء الله تملكوا على بعض .اليوم مافي وقت
*************************************
انتشر الخبر بين العوائل وقرار يسون حفلة بسيطة في المزرعة وكل واحد من الحريم اتكفل بشي .اللي مسك الزينه واللي مسك العشاء واللي مسك التنظيم .وبمساعده من الجميع استطعوا انهم يخلصوا
في اليوم الموعود
الكل كان فرحان لرباب ومبسوط .طبعا عزموا الاقارب من العائلة بس .وحتى اهل امها حضروا هذي المره عكس المره الاول .فارس كان مره مبسوط لها وكاشخ على الاخير علشانها
البنات اهتموا في تجهز رباب .ريم هيا اللي اختارت الفستان وهنوف التسريحة ونوف وريما المكياج ومع انو رباب ما رضيت تلبس فستان العرايس بس شكلها كان يجنن كانت لباسه فستان ابيض روماني والنعال(الله يكرمكم) روماني والتسريح كانت هادية مره والمكياج نفس الشي اللي بين جمالها وبين صغر سنها .لبست عقد من الالماس وكان طلب من الخارج هدية من طارق
مرت الحفلة والكل فرح لطارق ورباب وانتهت الحفلة على بركة وطارق اخذ رباب وراحوا على الفندق بعد ما تاكد انو امه وصلت البيت بسلامة
في المزراعة
ريم من قلب صادق: الله يوفقها ويكتب لها السعادة
هنوف اللي مبسوطة لها من قلب: اميين يارب رباب عانت في حياتها كثيرا
ريم : ها
هنوف اللي استوعبت الاقالت:" ولا شي
ريم: هنوف امنتك بالله تعرفين شي انا ما اعرفه
هنوف: بصراحة ايوه
ريم: ايش
هنوف: سوري ريمو ماقدر اقولك
في الرياض وفي احد المستشفيات كان يبكى من قلب
فهد: راحت منى لمره الثانية ليش ليش يا استاذ تركي
تركي: خلاص يافهد البنت ملك غيرك حرام تفكر فيها
فهد: ليش مو مكتوب لي اعيش معها ليش
تركي: هذا قضاء وقدر وانت ما تدري يمكن تكون سعيده معاه اكثر
فهد: بس انا احبها اموت فيها اعشقها واعشق التراب اللي تمشى عليه
تركي: لو كنت تحبها صدق اتمنى لها السعادة
********************************
في الفندق
بعد ما غيرت ملابسها واخذت لها شور .دخل طارق ياخذ له شور وطلع من الحمام(الله يكرمكم) وشافها تبكى وفي يدها الجوال
راح جلس جنبها وبخوف: ربوبة وش فيكي
رباب اللي ما قدرت تستحمل اكثر انفجرت بكا : ليش ماحد يحس فيني ليش .ليش ماحد يحس بنار اللي في قلب . وربى ما كان قصدي أقوله انو هو مو برجال وربى
اخذ طارق الجوال من يدها وشاف مقطع لبنتها وهيا تبكى من قلب
ضمها طارق لحضنة : بس يا روح طارق انتي بس وعد مني انها راح ترجع لك ونربيها انا وانت
رباب تمسكت في طارق بكل قوتها: طارق تكفى تكفى جيب بنتي تكفى
طارق: من عيوني يا روح طارق
جلس طارق على نفس وضعيته لحد مانمت رباب في حضنه .سدحها على السرير وطف الانوار وطلع علشان يكلم عصام
طارق: وش فيه عصام ليش من اول تتصل
عصام: طال عمرك خالد راح يطلع من فرنسا وبكره حجزه طال عمرك واكتشفت انو الاسم اللي دخل فيه فرنسا طوني والبنت الصغيره اسمها جولي . بعدها باسوع دخلت زوجته السعودية باسمها
طارق: حلو . وش اسمها الثاني . وربى لو ما اسود عيشتها ما أكون انا طارق
عصام: عنود بنت سلطان ال.........
طارق: زين عصام ما عرفت وين راح يسافر
عصام: طال عمرك راح يسافر الهند
طارق: عصام خالد لا يفلت من يدك وعين العدداللي تبي من المساعدين واصرف المبلغ اللي تبه بس لو خالد ضاع من يدكم ياويلكم كلكم راح ادفنكم بيدي
عصام: ان شاءالله طال عمرك
طارق: مع السلام
عصام: الله معاك طال عمرك
*******************************
ثاني يوم قامت على العصر وتحس نفسها بتموت من الصداع
طارق ابتسم: صح النوم ياقلبي
رباب: صح بدنك
طارق: يلا ياقلبي قوم خذي لك شور علشان نروح نسلم على الاهل
رباب ابتسمت: ان شاء الله
بعد ما خلصت رباب راحوا اول شي عند ام طارق سلموا عليها واخذوها معهم المزراعة .كان وناسة طول اليوم وفي الليل كانوا بيرحون بس الجد عبدالله قالهم يجلسوا يناموا معهم
في الصباح
قام وما حصلها جنبوا قام بسرعة واخذ له شور وطلع .سمع صوت من المطبخ ومن ضمنهم صوت رباب وشاف الشغالة
طارق: من في مطبخ
الشغالة: في هذا مدام ندى اند حصة اند مها اند رباب اند ريم اند هنوف
طارق: طيب روحي قولي لريم وهنوف بدخل يحطون جلالهم
كلمت الشغالة البنات وبعد كذه دخل طارق
طارق: صباح الخير يا حلوات
البنات: صباح الخير
طارق باس رباب في خدها: صباح الخير والجوري ياقلبي انا
رباب ابتسمت: صباح النور
ندى: اقول عندكم رومنسية من بداية الصباح قوموا من عندنا
طارق خبط ندى على راسها: وانتي اش دخلك
هنوف: احسن هذا جزاء الملقافه
ملاحظة( ندى ومها وحصة يصرون اخوان طارق برضاعة)
طارق: اللي وين حليبك ربوبة
هنوف: رباب ما تشرب حليب
طارق: ليش
رباب: كذه ماحبه وما استصيغ طعمه
طارق يكلم الشغالة اللي كانت في المطبخ: سوي اثنين كاس حليب
كلها دقايق وجابت الشغالة الحليب وحطته قدامهم
طارق يطلع رباب: يلا اشوف خذي لك كاس وخلصها كلها
رباب: والله ماحبه مو حلو
طارق: الا حلو انتي بس اشربي وراح تكتشفين انو مره حلو
رباب بدلع عفوي: طارق بليز
طارق: لا تحاولين لانك راح تشربه
طارق رفع الكاسه : يلا يا قلبي انتي
حصة: لا بجد طارق ما توقعتك رومنسي كذه
رباب: انا اشرب بنفسي
طارق: لا انا راح اشربك
هنوف: وربى ذكروني يوم كنت صغيره وامي تلحق وراي تبني اشرب الحليب
بقوة رباب قدرت تشرب الحليب
طارق: بعافيه ياقلبي
رباب هزت راسها لانه في باقي حليب في فمها وطارق كان عارف
طارق : ربوبة يلا خلصي علشان نروح نسم على
رباب بعد ما خلصت: يلا
قاموا رباب وطارق وطارق مسك رباب من خصرها والبنات صاحوا
طارق التفت لهم وهو ما زال ماسكها: اصبحنا واصبح الملك لله عيب .خلوكم عقلين زي روحي انا رباب
حصة: طروق من زمان اعرفك من وين طلعت لك الرومنسية هذي الزايدة
طارق: انتم ما تنعطون وجه باي
طلعوا رباب وطارق وتركوا البنات وراهم يعلقون
**********************************
في الهند
خالد بعصبية: تزوجت رباب .انا اروكي يا رباب ان ما خليتك تبكين دم
مادلين: شو بيك خالد راو حبيبي انت شو بدك اهم اشي البنت عندك ( تخاف ياذى رباب)
خالد: رباب المفروض ما تزوج بعدي كيف ها كيف ولا بعد مين طارق طارق
مادلين: من بيكون تارق
خالد: جدي يصير عمه .ولا بعد وحيد امه .يوم مات ابوه جدي ما اخ ولاشي من الورث وكله راح له
مادلين: ولو كان عندو موني كتير مو انت تزوجتها من شان تنتام ( حتى لو كان عندك فلوس مو انت تزوجتها علشان تنتقم)
عنود: لا ياحبيبي انت لا تسكت لها من هيا التبن علشان تفكر تتحداك
مادلين: استغفر الله العظيم . انت ما بتخاف من الله
خالد: طيب يا رباب
اخذ خالد الجوال وكلم على جوال رباب
كانت جالس مع طارق والجد عبدالله وامها وابوها واخوانها والجدة خديجة رن الجوال ويوم رفعته لا شعوريا مسكت يد طارق وكانها تدور على الامان
طارق بحنية: وش فيكي ياعمري
رباب بخوف : خالد
طارق : ردي وحطي على سبيكر
رباب هزت راسها وردت
خالد: ربوبة حبيبة قلبي مبروك مبروك مبروك الف مبروك اجل تزوجتي
رباب .............
خالد: تذكرين انا وش قلتلك يعنى انتي ما تعقلين ابدا . لحد الحين تحبين تكسرين كلمتي
رباب: خالد وش تبي في حياتك انا الحين في ذمة غيرك وما يجوز اكلمك
خالد: على العموم تذكري انا وش قولتلك وقولي الحين لشوشو وطارق باي
رباب بنبرة تهديد: يعنى وش راح تسوي
خالد: انا احب المفاجاة .اتوقع انك نفس الشي . وانتي اكثر وحده تعرفين خالد وش يقدر يسوي
وقفل خالد الجوال بدون ما يسمع منها أي كلمه .ورباب مسكت طارق وجلست تبكى من قلب .اخذها طارق من المكان وراحو مكان ما فيه احد وضمها .ورباب مسكته بكل قوتها وكانها راح تفقده .مسح على شعرها بحنية
طارق : روبي حياتي وش فيكي مو انا وعدتك اني ما راح اتركك
رباب تبكى ومن بين شهقاتها : طارق لا تتركني انا (مقدرت تكمل وزاد بكاها) انا اخف عليك من خالد
طارق: خالد ما يقدر يسوي لي شي يا روحي انتي لا تخافين علي امي كل يوم تستودعني والحين زوجتي كمان تستودعني .يعنى ما راح يقدر يسوي لي شي
رباب ما زالت تبكى: استودعتك الله من خالد بالله الذي لا تضيع ودائعه
طارق شدها لحصنه اكثر ودمعة عيونه بدون ما تحس رباب
طارق: بس يا روحي ما احب اشوف دموعك وربى غالية علي
**************************
في المغرب
رباب وطارق كانوا يودعون الكل لا نهم راح يسافرون الهند
شيخة: طارق ما اوصيك على بنتي امانة عليكي
طارق: في عيوني ياخالة
وليد: لو احتجتم شي انا موجود
طارق: ان شاء الله
طالع في رباب: يلا ياقلبي طيرتنا راح تمشي
طلعوا رباب وطارق من المزراعة متوجهن الي المطار .رن جوال طارق
طارق: هلا عصام
عصام: طال عمرك انت لازم تشدد الحراسه عليك وعلى زوجتك
طارق: صار شي عصام
عصام: طال عمرك اليوم خالد قابل عصابة مافيه وتم تبادل مبلغ طال بينهم
طارق: ما عرفت السبب
عصام: طال عمرك طلب منهم يقتلوك انت وزوجتك
طارق تكلم الماني علشان رباب ما تفهم : عصام من يوم ماوصل الهند راح تهتم في رباب وانا راح اروح اقابل خالد
عصام: طال عمرك خالد قوي ومستحيل اتركك تروح عنده لوحدك
طارق: انا قلت اللي عندي .يلا مع السلام راح اركب الطايرة
*************************************
في المزراعة
كانوا البنات جالسين مع بعض كلهم
هنوف تنهدت: بنات رباب وحشتني مره
سارة: مو اكثر مني
جواد: انا ابي حاله باب (انا ابي خالة رباب)
ريم قامت: يلا بنات وش رايكم نروح المول
نوف: ايوه الله من زمان عن غاليري مول
ريم: اجل نكلم العيال ونروح
حصة: يلا يلا
اخذت سارة الجوال وكلمت ماجد
ماجد: هلا يا روحي وكياني ونبض قلبي
سارة: طلبتك مجودي
ماجد: عيوني تامر مو تطلب
سارة: نبي نروح المول .كلم العيال وكل وحده تروح من زوجها
ماجد: ان شاء الله يا قلبي انتي دقايق وارد لك جواب
سارة: اوكي حبيبي انتظرك
قفل ماجد من سارة
ماجد: عيال
نايف: وصمخ وش في
ماجد: البنات يبنون يطلعوا المول كل واحد يقول يروح مع زوجته واللي مو متزوج علشان ما يرقم(يقصد نايف) يمشى مع اخواته
كلها دقايق والعيال تجهزوا وراحوا المول وانقسموا كل واحد مع حرمته وعياله
جواد: بابا انا ابك داك الشي اللي يحتون فوقه سوكاته ( بابا ابي ذاك الشي اللي يحطون فوقه شوكالاته)
جود: حتى انا بابا
ماجد: وش يطلع هذا كمان
سارة: دونات
ماجد: اخ ليش جبتي هذولاء معنا (ولفت انتبه فستان)
مسك يد سارة ودخلوا المكان
ماجد: سوسو وش رايك في هذا الفستان عجبني مره
سارة: من جد
ماجد: ايه خذيه مره حلو وبيطلع عليكي فري نايس
سارة: اوكي
عند نوف وراكان
نوف بدلع: ركان قلبي
راكان هلا ياقلبي
نوف: ابي اروح مكان الجوالات
راكان: انا اصير لك الحين مكان جوالات ابشري يلا نمشى
نوف: يلا
عند بدر وريم طبعا ما جابوا معهم يوسف كان عند اهل ابوه ميعاد طلبته
بدر: ريم حياتي وش رايك ندخل ذاك المكان
ريم : نو
بدر: ليش
ريم: اللي يبعون داخل حريم
بدر غمز لريم: تغارين على
ريم: اذا ما غرت عليك على مين اغار
بدر: يالبه انا ياناس فديتها
ريم بخجل:بدوري ترى استحي
بدر: ريمو لاتخليني اتهور هنا قدام الناس
ريم وجهها صار احمر : بدر ابي مويه احس اني حرانه موت
بدر شبك يده في يد ريم : يلا مشينا
عند ريما ووليد كانوا جالسين في كوفي بعد ما طلبوا موكا ودونات .كان الهدوء سيد المواقف
وليد : ريما كيفك
ريما بصوت واطئ : تمام كيفك انت
وليد: بخير بعد ما شفتك
رجعوا سكتوا
وليد: ريما وش رايك نقوم نتمشى
ريما: يلا
قاموا وطلعوا من الكوفي وهم يمشون شافوا ولد صغير يبكى وما احد معبره . راحت ريما صوبه وضمته
ريما: حبيبي وش فيكي
الولد: ابي ماما كنت امشي معها وما ادري وين راحت
ريما بحنية: خلاص حبيبي الحين نحصل ماما انت ايش اسمك
الولد: راشد
ريما طالعت وليد: ولودي
وليد: عيون وليد ياقلبي انتي
ريما: حرام نروح نخليه لوحده صغير
وليد شال الولد ومسك يد ريما : يلا نروح عند الامن
ريما: يلا
الولد: خاله
ريما: هلا حبيبي
الولد: ابي لعبة (وياشر على مكان الالعاب )
ريما: وليد يصير نروح
وليد: اكيد ياقلبي
عند رغد وتولين وجدان وخلود
تولين: ماما نبي نعلب
وجدان: لا خالة رغد نبي ناكل
خلود: ان اشوف يا بنت عمتي نروح نطلب لنا كوفي
رغد: حرام عليكم وربى عورتوا راسي
خلود: علاج الصداع الكوفي
رغد رفعت جوالها وشوي وتبكى: الو هنوف
هنوف: هلا رغودة
رغد: هنوف امانة تعالى ساعديني
هنوف: وينك انتي
رغد: اسمعي بنطلع قسم المطاعم
هنوف: اوكي دقايق واجي
رغد: اوكي حبيبيتي .باي
رغد: مع السلام
في الهند
بعد 8 ساعة اخيرا وصلوا الهند واستقبالهم في المطار عصام
عصام: حمد الله على سلامتك طال عمرك
طارق يضمه: طال عمرك طال عمرك وانت صديقي كم مره اقولك لاتقول طال عمرك اسمي طارق
عصام : ان شاء الله .حمدالله على سلامتك انسة رباب
طارق: الجو حار مره
عصام: يلا نمشى على الهوتيل
طارق :يلا
مشيوا طارق وعصام ورباب كانت معهم وكان وراهم 6رجال ضخام ومعضلين .رباب بخوف ومسكت يد طارق بقوة
طارق: ربوبة فيكي شي
رباب بهمس: شوف وراك الرجال اللي لبسين اسود
طارق: وش فيهم
رباب: من اول يمشون ورانا
طارق: اولا لاتخافين وانا معاكي ثانيا احس انو حقون عمي يخوفون اكثر
رباب: لا مره طيبين يوم كنت صغيره العب معهم
طارق: يعنى خلاص عرفتي ليش يمشوا ورانا
رباب: يب بس ليش الحراس انا ما احب امشى ووراي حراس
طارق: لازم الحراس ياعمري لحالة الطورئ
رباب: زي ايش مثلا
طارق: مره جيت الهند مع بابا وكانوا راح يقتلونا انا وبابا لانه الصفقة بملايين
رباب: الله يحميك
طارق ابتسم: امين وياكي
بعد ما ارتاحوا رباب وطارق واكلوا .طارق قام كلم عصام
طارق: عصام تعال انت وزوجتك عند رباب
عصام: ليش طال عمرك صار شي
طارق: علشان بعد شوي بروح اقابل خالد
عصام: طال عمرك انا خايف عليك ولازم احنا نحط خطة محكمة طال عمرك انا راح اجيب زوجتي الحين تجلس مع رباب وانا وانت نروح نقابل خالد
طارق: بسرعة لا تتاخر
عصام: مسافة الطريق واكون عندك
قفل خط طارق الجوال وراح عند رباب وجلس جنبها .كانت مغمضه عيونها
طارق بصوت واطي: ربوبة نمتي
رباب: لا بغيت شي
طارق: لا حبيبتي بس زوجة عصام الحين راح تجى علشان انا عندي مشوار
رباب قامت جلست وببتسامة: يلا الحين أقوم اغير ملابسي
طارق: الهي يسعدك ياقلبي .ان شاء الله لو رجعت راح اخذك مشوار مره حلو
رباب: وين
طارق ببتسامة: مكان مره حلو
رباب بحماس طفولي: يلا طروق قولي
طارق باسها: لو قالت لك ماراح يصير مكان حلو
رباب: اوكي بس ترى انا مره متحمسه
طارق: اوكي
قامت رباب دخلت الحمام(الله يكرمكم) وطارق قام فتح الدولاب واخذ مسدس وحطه في جيبه بسرعة علشان رباب ما تشوفه
طلعت رباب بعد ما اخذت شور وكان طارق منسدح على السرير
طارق: طلبتك ربوبة
رباب: هلا حبيبي
طارق: ابي اسوي لك شعرك
رباب: والله يلا تعال
قام طارق واخذ المشط من رباب وجلس يسرح لها هوا ببراعة وبعد ما خلص
طارق: وش رايك
رباب بندهاش: واو كيف تعرف
طارق: لا تنسين اني تربية خارج السعودية وكنت احب اشوف البنات وهم يسون التسريحات
رباب: ماشاءالله بجد ابداع
طارق ابتسم واعطها بوسة : انتي ياقلبي اللي محليته
رن جوال طارق رد
عصام: طال عمرك احنا وصلنا
طارق: اوكي يلا
قفل طارق من عصام وراح هوا ورباب استقبلوا عصام وزوجته طبعا رباب كانت لابسه عباية ة ومطرحة
عصام: هذي زوجتي سارة وهذي بنتي رسيل
سارة: كيفك رباب
رباب: تمام بخير .كيفك انتي
سارة: بخير الحمد الله
رباب يوم شافت رسيل على طول تذكرت بنتها وقامت دخلت داخل تبكى بعد ما استاذنت منهم طبع .قام طارق ودخل عند وحصلها تبكى
طارق: ياقلبي انتي وش فيكي
رباب تبكى: شوشو وحشتني وربى وحشتني
طارق ضمها: انا الحين ليش موجود وليش جاي هنا موعلشان قلت لك ما عاد ابي اشوف دموعك وربى غالية علي ياقلبي انتي
رباب: خلاص ما عد ابكى
طارق مسح دموعها بحنيه: حبيبتي قلبي انت .الحين انا لازم اطلع وانتي روحي اجلسي مع الحرمة مو حلوه في حقنا يقولون طارق ورباب تركوا ضيوفهم ودخلوا الغرفة
رباب ابتسمت: اوكي حبيبي
جاء طارق بيطلع من الغرفة بس وقفوا صوت رباب .راحت له وضمته بقوة
رباب: طروق لا تتركني مهم يصير ولا تغير معامتك لي
طارق شدها له علشان يطمنها: ماراح يفرق بيننا الا الموت يا قلبي انتي . بوبة ممكن سوال
رباب: هلا
طارق: رباب احبك انتي تحبيني
رباب: انا مو احبك يا طارق .انا اموت فيكي واعشقك
طارق بحب: الله لا يحرمنى منك
رباب: امين ولا منك يا نظر عيني . طيب اننا ابي اسالك سوال
طارق: أي قولي
رباب: ليش تعاملني كذه وراح تجيب لي بنتي
طارق ابتسم : نسيتي
رباب : يب
طارق : راح اقولك بس مو الحين . بعد ما اجيب بنتك . اوكي
رباب : اوكي
طلع طارق مع عصام ورباب جلست مع سارة ورسيل
سارة: ترى انا انسانه فري وماحب الرسميات علشان كذه اعتبريني زي اختك
رباب: اوكي وبما انو عندي اخت اسمها سارة فخلاص حزم الامر .سوسو انا مره طفشانة
سارة: قومي نروح نصلح فشار ونجيب عصير ونشوف فيلم هندي
رباب: يلا
*********************************************
في الرياض وفي المزرعة
كانوا كلهم حول هنوف اللي كانت تبكى من قلب
منيرة: ماما ياهنوف وش فيكي قوليلي
هنوف تبكى: ما فيني شي بس ابي أكون لوحدي
ريم: مستحيل نتركك بهذي الحالة
هنوف صرخت: اطلعوا بره اتركوني مابي اشوف احد فيكم بره
طلعوا كلهم من الغرفة وتركوا هنوف تبكى من قلب
هنوف وهيا تبكى: وينك يا رباب محتاجتك وينك
في احد فلل الرياض
دخل وفي يده الروب الأبيض
فهد:السلام عليكم
الكل: وعليكم السلام
سلم على امه وابوه وجلس .امه اعطته قهوة وشهد اعطته صحن الحلى
فهد: يمه ابيكي في موضوع
ام فهد: تكلم وانا امك
فهد: بصراحة يمه انا كبرت بزيادة وابي اشوف اولدي قبل ما اموت .علشان كذه ابيكي تدورين لي بنت الحلال اللي تسعدني
ام فهد بفرحة: والله هذا احلى خبر سمعته في حياتي
شهد بحماس: في وحده في بالك
فهد: لا وفي نفسه اللي ابيها راحت
أبو فهد: طيب وانا ابوك في شروط محدده
فهد: لا والله ما غير تحترمكم .وتحترم طبيعة شغلي
ام فهد:خلاص والله لقيتها
شهد طق فيها عرق الملقفه: يلا يلا يمه مين
ام فهد: قومي جيبي دفتر الأرقام من غرفتي
دخل فارس : سلام
أبو فهد: وعليكم السلام .اسمها السلام عليكم مو سلام
فارس: يمه اعطيني قهوة
جات شهد وفي يد دفتر الأرقام : متى جيت فروس
فارس: الحين
شهد: نطلع نحتفل
فارس: على ايش باقي لي ترم واتخرج
شهد: فهود راح يخطب
فارس ببتسامة باهته: ومين هيا سعيدة الحظ
فهد: امي راح تختار لي
فارس وقف: مبروك حبيبي منك المال ومنها العيال .يلا عن اذنكم انا طالع
شهد: اجيب عبايتي
فارس بدون نفس: كيفك بس بسرعة انتظرك في السيارة
طالع فارس وباين انها قفاله معه
أبو فهد: لا تزعل من اخوك .هوا بس متعلق فيها
فهد ابتسم من وراء قلبه: عادي يبه وفي قلبه(مو بس فارس متعلق فيها حتى انا بس ان شاء الله ما اظلم البنت اللي باخذها) وقف يلا انا طالع
امه وابوه: الله معاك ياولدي
طلع فهد من البيت وكلم فارس .من البداية ما رد بس بعد كذه رد
فارس بدون نفس: نعم
فهد بجدية: عندك ساعتين تنزل شهد في البيت واقابلك في الشرقية .وقبل ما يسمع رد فارس قفل الجوال
************************
في الهند
في مكان مهجور وبعيد عن الناس
الشرطي: سيد طارق احنا راح نجيب البنت بطريقتنا مو لازم انت تعرض نفسك لخطر
طارق: لازم انا اللي اجيب البنت وانا اتفقت مع خالد اني راح اودع في حسابه 20 مليون
كلها دقايق ووصل خالد ومعه شوشو ورجال بلبس اسود .الشرطة كانوا متخبين في المكان .وماكان واضح الا طارق وعصام
خالد: اشوف انك وفيت بوعدك وما جبت احد
طارق: لو سمحت يعنى خذ الفلوس واعطيني البنت
خالد ضحك بصوت عالي : ما تلاحظ انو املك كبير .انت جيت لحدي وتبيني اتركك تروح كذه
طارق يثقة: يعنى انت كذاب
خالد: تدري نفسي في ايش نفسي اموتك بيدي علشان ثاني مره ما تزوج رباب
طار ق بعصبية: لا تجيب اسم زوجتي على لسانك يا قذر
خالد ضحك:هههههههههههههههههه ضحكتني سعودي اصيل الأخ
طارق : من فوق خشمك
خالد: أقول لا تصدق نفسك وانت طول حياتك خارج السعودية .على العموم خلص الكلام
طلع خالد مسدس : وأخيرا راح اشوف رباب ادمرت كليا وناسة اموت زوجها وارجعها وبعدين اخليها تكمل باقى حياتها في مصحة مجانيين
طارق: سوال واحد راح اسالك هو بالله عليك انت رجال انت رجال
خالد عصب من الكلمة وماسمعوا الا صوت اطلق النار .طلعوا العساكر بسرعة .وكلها دقايق وانقلب المكان فوق تحت وما قدروا يمسكوا خالد لانه شرد
طارق بصوت تعبان: عصام رب اب امانههههه عندك
وفقد الوعي
في المنطقة الشرقية وقدام البحر
فارس بملل: فهد وش تبي
فهد قرب وأعطى فارس كف: هذا اللي ابيه . صرخ خلاصصصصص يكفي وربى تعبت على بالك اني نسيتها لا اذا على بالك اني نسيتها فانت غلطان (بكى) احبها وربى احبها يافارس لدرجة اني خايف اني اظلم بنت الناس اللي راح ازوجها
فارس عصب: لو كنت تحبها ليش راح تزوج
فهد بنفس العصبية: علشان امي وابوي .ورباب الحين في ذمة واحد وحرام انا افكر فيها
فارس: بس انا ما ابيك تأخذ غيرها انا احبها
فهد:وانا بعد احبها بس وينها الحين
فارس جلس على ركبه وهو يبكى:الله يكتب لك اللي فية الخير
فهد جلس جنبه وجلسوا يبكون هم الاثنين
في احد فنادق الهند الفخامة
سارة: يالله مره حلوه النهاية
رباب:ليش في فيلم هندي بدون نهاية سعيده
فجاة رن جوال رباب
رباب بستغراب: رقم قريب
سارة: تبيني ارد عنك
رباب فجاة كذه نغزه قلبها : ردي
ردت سارة الجوال
خالد: يعنى انتي ما تفهمين عربي وهذا طارق راح انا حذرتك من قبل .باي
وقفل الخط وارسل صورة لرباب كان طارق مصاب بمسدس .رباب في نفس المكان انهارت وطاحت مغمى عليها
كلمت سارة عصام ووصل بعد كذه اخذوها على المستشفى وبعد كذه راح عصام عند طارق اللي كان في غرفة العمليات كلمت سارة على رقم وليد كان مسجل في جوال رباب باعزوتي وليد
سارة: الو
وليد اللي كان جالس مع اهله اعطى خلود الجوال
خلود: الو مين
سارة: السلام عليكم
خلود: وعليكم السلام
سارة: ممكن وليد
خلود: مين انتي وش تبين بوليد
سارة: مو وليد اخو رباب المسائلة مسالة حياة وموت
خلود بخوف: رباب فيها شي
سارة : ممكن تعطيني احد من اخوانك العيال
خلود: لا قبل ما تقولين لي وش صار
عبدالله اللي لاحظ ارتباك خلود قام وراح لها .خوخه في شي
خلود أعطت عبدالله الجوال
عبدالله بصوت رجولي: الو
سارة: لو سمحت يا اخوي .انا زوجة عصام حارس طارق
عبدالله: طارق ورباب فيهم شي
سارة: رباب وطارق في المستشفى
عبدالله: وش صار
سارة: لو سمحت ياخوي تعال انت الحين الهند وبعدين تفهم السالفة
في الرياض
هنوف: انت ما تخاف الله ما عندك خوات
الولد: لا يكثر راح تطلعين معاي ولا ارسل الصور لابوكي
هنوف: ثق بالله انه راح يجازك اليوم قبل بكره
الولد: هنوف راح اعطيكي خمسة أيام تفكرين وبعدين ليش انتي مكبره الموضوع هو كله نروح المطعم ونتعشى واتامل الوجه الجميل وارجعك بيتكم
هنوف: اموت على يد ابوي واخوي ولا اطلع معاك لاني أخاف من اللي خلقني
الولد: هنو حبيبي باي اكلمك بعد خمس ايام
***********************************************تعليق
-
رد: فهموها ياناس اني احبها ودمعتها تهز رجولتي
يلا اشوف ردودكم
لو لقيت تفاعل راح انزل الجزء الثاني قبل الجمعة الجاية ان شاء الله
تعليق
-
رد: فهموها ياناس اني احبها ودمعتها تهز رجولتي
روعه روعه روعه الله عليك قدلي ساعه وانا اقرها مبدعه من جد استمريتعليق
تعليق