رد: فهموها ياناس اني احبها ودمعتها تهز رجولتي

السلام عليكم
متى راح ينزل البارت يا قلبي
متحمسه لبارت مررره

رد: فهموها ياناس اني احبها ودمعتها تهز رجولتي

كملي الرواية حبيبتي

رد: فهموها ياناس اني احبها ودمعتها تهز رجولتي

الحين ان شاء الله ياقلبي

رد: فهموها ياناس اني احبها ودمعتها تهز رجولتي

من عيوني ياقلبي

رد: فهموها ياناس اني احبها ودمعتها تهز رجولتي

انا بانتظر البارت

رد: فهموها ياناس اني احبها ودمعتها تهز رجولتي

وصل البارت ياحلوين

بعد كم ساعة وصلوا خالد ورباب لبنان
في المطار رباب كانت مستغربة لانه خالد قالها راح يرحون إيطاليا . بس ما فكرت انها تساله حتى
طلعوا من المطار وراحو على الشقة
كانت الشقة صغيره ووسخه مررررره في عماره قديمة تتكون من غرفة وحمام ومطبخ وصالة . خالد دخل على طول الغرفة وترك رباب وقفه في دهشة
انتظرت ربع ساعة ونص ساعة وخالد ما طلع من الغرفة . جلست على الكنب وهيا تناظر المكان . ماقدرت تتحمل اكثر راحت فتحت باب الغرفة
رباب: ممكن اعرف وش هذا المكان اللي جايبني فيه .ماتقدر تتزوج ليش تاخذني من بيت اهلي
خالد: من سمح لك تدخلين الغرفة
رباب: ادخل مكان ما ابي كيفي
دقايق وخالد صار قدامها ومسك يدها بقوة : من اليوم تسمعنى الكلام وتجلسين هادية لو ماتبين تنضربين . بمجرد ما أقول شي تسوينه . والغرفة هذا ما تدخلين الا لما تدقين الباب واقولك تدخلين وبصرخ فاهمة
رباب بعصبية: لا مو فاهمة
خالد شد شعرها: شوفي كلامي ماراح اعيده .ولو ما تربيتي في بيت ابوكي انا اربيكي سامعة
تركها وطلع من الشقة وجلست مصدومة في مكانها تحاول تستوعب اللى صار. قامت بهدوء وجلست لى شنطتها تتطلع في المكان
مرت ساعة وساعتين وثلاثه وخالد ما جاء .اخذها النوم ونامت وهيا جالسة
***************************
في اليوم الثاني قامت على صوت خالد
رباب بعصبية: وجع مجنون
خالد: مو مجنون غيرك .وجع يوجعك قومي نظفي المكان وبعد كذه سوي لي فطور
رباب : هههه ضحكتني وانا ما فيني . أقول انا مو خدامة عندك
خالد جاء صوبها: نعم عيدي ما سمعت
رباب: كلام الملوك ما ينعاد
خالد ضحك بقوة: من الملك . أقول قومي قومي بس


في الرياض وفي بيت عهود وعبدالله
عهود: عبود
عبدالله وهو يشتغل على اللاب : هلا
عهود: ممكن اطلب منك طلب
عبدالله قفل الاب توب وطالع فيها: انتي تامري نمو تطلبين
عهود: يصير نسافر انا وانت وحمودي وشيخة
عبدالله: وين تبي تسافري ياقلبي
عهود بسرعة: لا لو مشغول ماراح أقول شي
عبدالله ابتسم: قوليلي وين خاطرها تروح روحي
عهود: صديقتي سافرت ماليزيا وطفشتني كل شوي ترسل لي صور وتقولي شوفي وشوفي
عبدالله ضحك : يعنى تبين تقهرينها
عهود: ايه احسن
عبدالله: يلا باقي على الدوام أسبوعين اختاري المكان اللي تبين تروحين
عهود تفكر: ابي اروح إيطاليا عند رباب وكمان ابي اروح سنغافورة . يلا اختار واحد من الاثنين
عبدالله: اجل جهزي
عهود: طيب وين بنروح
عبدالله: مفاجاءة
عهود باست عبالله في خده: جعلني ما انحرم منك
عبدالله : ولا منك حبيبتي
بعيد عن عصافير الحب عهود وعبدالله نروح بيت مشاري

كانوا جالسين في الصالة
نورة : مجيد
عبدالمجيد: هلا يمه
نورة: متى تبي نسوى زوجك
عبدالمجيد: انا ما راح اتزوج
نورة: ترى اسيل زوجتك
عبدالمجيد: احنا اتفقنا على الورق بس علشان ابوها
نورة بعصبية: مجيد لا تخليني اغضب عليك . مشاري قول شي
مشاري: بكره جهز بنروح نستاجر القاعة ونودي المهر لبيت عمك
عبدالمجيد بعصبية: الله انا قلتلكم ما ابي اتزوج
مشاري: انتهاء النقاش يا مجيد
عبدالمجيد قامت وترك المكان
رغد: يمة يبه ما ينفع كذه
نورة: مجيد هوا اللي اجبرني اسوي كذه يا رغد
رغد: بس يمة كذه ممكن تظلمين اسيل . واسيل ما تستاهل
نورة: مجيد قلبه كبير وراح يتعلق فيها بسرعة
رغد: أتمنى
*******************************
نترك مشاري ونورة ورغد ونروح لبنتهم ريمومه
كانوا هيا وبدر يمشون على الثلج وهم مبسوطين . اخذ بدر الثلج وكوره ورمه على ريم
ريم: بدوري
بدر: اول مرره اعرف انو اسمي حلو كذه
ريم استحت وما ردت
بدر: ريموتي
ريم: هلا
بدر: تعالي ابي اقولك شي
ريم راح جنبه على نياتها .شالها عند الأرض
ريم تصيح: بدر الله يوفقك نزلني
بدر: اول شي قولي انك تحبين
ريم: بدر والله يخليك لا اطييح
بدر : راح انزلك بشرط تقولين احبك وتعطيني بوسه
ريم بخوف: والله راح اسوي انت بس نزلني
بدر نزلها وهربت منه بسرعة .بدر يلحقها
بدر: ياقلبي انتظري
ريم: والله ما اجي
ريم وهيا تجرى وطحت وبدر طح جمبها وسط الثلج .
بدر بخوف: صار لك شي
ريم ماقدرت تمسك ضحكتها ضحك : شعرك شعرك كله ثلج هههه
اخذ بدر ثلج وحطه على راس ريم : صرتي تضحكين زيك

بعيد عن الثلج والوناسة نرجع لبنان
بعد ما صلت رباب شافت الأشياء اللى جابها خالد وكانت كلها أغراض تنظيف واغراض البيت
لبست بجامة وربطت شعرها .اخذت الأشياء وبدات تنظف في الصالة مو خوف من خالد .بس لانها هيا راح تجلس فيها . جلست اكثر خمس ساعة وهيا تنظف . نظفت الصالة وغسلت الأرض والجدران وبعد ما خلصت من الصالة راحت المطبخ ونظفته
بعد ما خلصت حست نفسها راح تموت من التعب بس المكان صار يفتح النفس مو زي اول . اخذت لها شور وبعد ما طلعت حست بجوع من امس ما اكلت شي وخالد طلع ولا كلف نفس يجيب لها شي . جلست على الكنب وافتكرت الكيس اللي اعطتها اختها كانت فيه شبسات وحلويات جابت تاكل
رباب: الله ياخذك يارب جعلك ما تتهنى يارب

بعيد عن العمارة ورباب بس في لبنان وفي حي راقي
مادلين: شو بدك تاكل على العشى حبيبي
......: أي شي من يدك حلو
مادلين: راح اعملك محشي بدك تاكل أيدك من بعده
.....: تسلم ايدك حبيبتي
جاء ولده جرى : بابا بدي اروح العب لحد ما اتعب
......: اكيد ياقلب بابا راح اوديك تعلب بكره . ونروح ناكل في المطعم انا وانت وماما
رامي: هيدا احلى خبر بابا

نرجع لرباب
كانت مرره طفشانه موت مافي حتى تلفزيون تسلى نفسها فيه مافي . فتحت شنطتها وطلعت كتاب عبدالله قال لها انها راح تدرسه في السنة والأولى وجلست تقراء فيه

في صباح اليوم الثاني كانوا عهود وعبدالله يستعدون علشان يسافرون لإيطاليا . عبدالله كلم خالد كم مرره بس ما رد وبعد كذه أخيرا رد
عبدالله: السلام عليكم
خالد: وعليكم السلام
عبدالله: كيفك خلودي
خالد: تمام . كيفك انت
عبدالله: بخير الله يسلمك . كيف ربوبتنا اخبارها
خالد: تمام مبسوطة . امس فرت في الأسواق وتعبت ونامت
عبدالله ضحك: اجل الزواج غيرها .كانت تكره الأسواق وتعشق الكوفي والمطاعم
خالد: شفت كيف غيرتها
عبدالله: خالد بغيت اسالك وش اسم الفندق اللى نزلتم فيه . راح نجي إيطاليا وحمودي مو راضي ينزل في أي فندق . يقول يبي ينزل مع عمته
خالد في نفسه: الله ياخذك ياحمودي: بالله راح تجون إيطاليا
عبدالله: ايوه الله بس راح نجلس أسبوع وبعدين بنروح سنغافور
خالد: ومتى راح تجون
عبدالله: حصلنا حجز بكره
خالد: خلاص لو وصلتم كلمونا بس وانا راح احجزلك واستقبلك
عبدالله: ان شاء الله . يلا مع السلام
خالد: مع السلام
قفل خالد من عبدالله وبسرعة مسك لاب توب يشوف حجز لإيطاليا . بعد ما عدل اموره قرار يرجع الشقة
رجع الشقة وشاف رباب نايمة وفي حضنها كتاب . واليبت نظيف عكس يوم جوا
خالد في نفسه( والله وطلعتي تعرفين تشتغلين يارباب )
خالد بصرخ: رباب
رباب فتحت عيونها بشويش: وجع ان شاء الله قول امين
خالد بعصبية: انا وش قالتك قبل يومين
رباب: ما افتكر مين انت علشان احط كلامك في راسي
خالد اعط رباب كف على وجهها : تاكلين تبن ولو تردين عليه يدي راح يربيكي
رباب: جعل يدك تنكسر يارب . والله والله راح ارجع حقي
خالد : قومي بسرعة جهزي بعد 3 ساعات راح نسافر
رباب: وانا ما ابي اسافر
خالد مسكها من فكها: عندك ساعتين بس ولا تكونين جاهزه وشوفي وش راح يصير لك .تركها وراح الغرفة . جلست رباب في مكانه ولا اهتمت لكلام خالد . تحس بدوخه ما اكلت اكل من يومين كل اكلها على الشبسات . جات راح تقوم ما قدرت وطاحت دايخة . خالد سمع صوت الطايحة وطلع يشوفها . شافها طايحه على الأرض ضربه على خدها على الخفيف
خالد: رباب رباب قومي . رباب رباب ردي عليه
يهز فيها خالد ما في فايدة قام جاب عطر وحاول فيها تقوم كمان مافي فايدة . اخذها بسرعة على اقرب مستوصف . والدكتوره قالت انو سوء تغذية . طلعوا من المستوصف بعد ما اعطته الكتور مغذي .وعلى طول رحوا على المطار
يوم طلعوا الطايرة رباب ما رضيت تجلس جنب خالد وجلست جنب بنت صغيره
رباب بايتسامة: ايش اسمك ياحلوه
.......: دينا . وانت ايش اسمك
رباب: اسمك مررره حلو انا اسمي رباب
دينا : اسمك كمان حلو . انت سعودية
رباب: ايوه وانت
دينا: انا كمان سعودية والحين انا بروح عند بابا في إيطاليا
رباب: راح نستانس انا وياكي طول الطريق
دينا: انا مررره فرحانه نفسي يكون عندي اختك اكبر منى
رباب: وانا راح اصير اختك الكبيرة
دينا: طيب انا راح اقولك كل شي عني . انا اسمي دينا عمري 8 سنوات جيت لبنان مع ماما عند أمها . ماما ابوها سعودي وامها لبنانية علشان كذه جينا لبنان . وبكيت بس ماما كانت تعبانة وماتت والحين انا بروح عند بابا
ضمتها رباب وحاولت تخفف عنها
دينا تمسح دموعها: وانتي
رباب ابتسمت: انا اسمي رباب وخلصت الثانوي قدمت في الجامعة تخصص طب وانتظر قبولي . وعندي الحين اخت صغيره اسمها دينا
دينا ابتسمت وباستها على خدها
دينا:انا مررره جوعانه
رباب بطريقة طفولية: وانا اكثر منك
دينا: لا انا اكثر
رباب : خلاص انا واختي دينا مررره جوعانين
نادوا المضيفة وجابت لهم اكل
*******************************
نرجع للسعودية
بعد المغرب طلعوا الجد عبدالله ومشاري ومجيد وعبدالرحمن وعبدالله وامجد وماجد وراحوا بيت عبدالعزيز علشان يودون مهر اسيل . مجيد ما كان عاجبه الوضع ابدا بس علشان ما يكسر كلمت ابوه راح
وبعد ما تعشوا راحو على القصر وحجزوا على أساس الزواج يكون بعد شهر
بعد ما رجعوا البيت على طول مجيد راح على غرفته وقفل الباب

نرجع عند رباب ودينا
اكله وبعدين جلسوا يلعبون واخر شي ناموا مع بعض
وأخيرا وصلوا لإيطاليا وفي المطار افترقوا
وصلوا الفندق رباب وخالد . كان الفندق فخم بكل ما تعنيه الكلمة . رباب كانت مستغربه من تصرف خالد بس ما بينت وسوت نفسها موم هتمه . راح خالد وحجز لهم جناح ولعبدالله جناح
دخلوا الجناح فرق بين السماء والأرض يوم راحوا لبنان . مكون من غرفتين وصالة كبيرة وحمام
خالد جلس على الكنبة : بكره اخوكي راح يوصل يويلك تفتحين فمك وتقولين اننا رحنا لبنان
رباب ابتسمت: اها علشان اخوي قال راح يجي هنا قمت جبتني . من قبل ما ادخل المدرسة تعلمت انو الكذب حرام
خالد: على العموم سمعتى وش قلت
رباب: انت خلى اخويه يوصل وابشر
راحت رباب ودخلتهافي غرفة من الغرف قفلت الباب
جلست على كنبه صغيرة وفتحت شنطتها وطلعت لها ملابس وعلى طول راحت تأخذ لها شور . بعد ما خلصت طلبت لها كل وقالوا لها راح يوصل بعد 15 دقيقة . طلعت بره الغرفة وما حصلت خالد
رباب فتحت التلفزيون وجلست على الكنب : فكه عسى يروح ولا يرجع يارب
********************************
ثاني يوم وصلوا عبدالله وعهود وحمودي واستقبلهم في المطار . ما اخذ رباب معه علشان يقهرها
عبدالله: غريبة رباب ما جات معاك
خالد: نايمة
عبدالله: يلا مو مشكلة نشوفها في العصر
محمد: بابا انا ابي اروح عند عمه رباب الحين
عبدالله: عيب العصر ان شاء الله تشوفها
وصلوا الفندق وراحوا على جناحهم يرتحون . وخالد رجع على جناحهم وسحبها نومة
على العصر اول واحد قام حمودي متحمس يروح عند عمته . اخذ له شور وراح يصحي امه وابوه ياخذونه عند عمته
وعند رباب . كانت جالسة تقراء بعد من اكلت ( فطور وغداء كله مع بعض ) .
داخل خالد الصالة : شوية راح يجون عبدالله وزوجته . ويمكن اليوم نطلع نتمشى مع بعض
رباب ضحكت بقوة: سبحان الله مغير الأحوال . قبل يومين رميتني في شقة وطلعت تركتني لوحدي .ولا تدري عني شي واليوم قدام اخويه راح نطلع
خالد : ولو تفتحين فمك بكلمة قدام اخوكي راح تندمين موت
رباب ايتسمت: غلطان ياخالد وربى غلطان لانه مو بنت شيخة اللى تتهدد لو حبيت أتكلم أقول كل اللي في خاطري
اخذت كتابها ودخلت غرفتها . طلعت لها ملابس وغيرت وحطت مكياج هادي مرررره
وبفعل دقايق وجوا ناس عهود
حمودي : وين عمه رباب
خالد ابتسم : الحين راح انديها تفضلوا
راح خالد وعلى طول لحقه حموديخالد دق الباب ورباب فتحت
حمود دخل الغرفة بسرعة وضم رباب
حمودي: عمه رباب مررره وحشتني
رباب ابتسمت : وانت اكثر وربى
حمود: ماما وبابا بره تعالى نروح نجلس معاهم وبعدين نلعب سوني طيب
رباب تاشر على عيونها : من هذي قبل هذي
طلعت ورباب وهيا ماسكه يد حمود ودخلت الصالة اول شي سلمت على عهود
رباب: وحستني
عهود: وانتي اكثر
راحت تسلم على عبدالله . فتح لها يده وراحت جرى لحضنه . ما قدرت تمسك نفس وجلست تبكى
عبدالله بصدمة: رباب تبكين
رباب وهيا لازلت ضامت وعبود وتبكى: 000000000
عبدالله: ربوبه
رباب تحاول تمسح دموعها وبعدت عن عبدالله . : وحشتني مرره
عبدالله مسكها وجلسه على رجوله: يلاق وليلي ليش كنتي تبكين
رباب : مافي شي بس مره فرحت يوم شفتكم
عبدالله: كيف خالد معاكي
رباب: مدلعني اخر دلع . وفي نفسها ( الحرب بيني وبينك واراح ادخل احد)
عبدالله : يعنى مرتاحة معه
رباب طلعت في خالد وابتسمت ابتسامة تجنن: اكيد
رباب وقفت : انا باخذ عهود ونروح الغرفة احسها مو مرتاحة هنا
خالدابتسم: اوكي . حبيبتي رورو لا تنسين راح نخرج كلنا شوية
رباب: اوكي
اخذت عهود وراحوا على الغرفة
*******************************************************
ابي اشوف ردود حلوه

رد: فهموها ياناس اني احبها ودمعتها تهز رجولتي

ما شاء الله كتير اعجبت بالقصة ♡ كمليها باسرع وقت بليز :)

رد: فهموها ياناس اني احبها ودمعتها تهز رجولتي

روووووووووعه استمري لا تتاخرين علينا

رد: فهموها ياناس اني احبها ودمعتها تهز رجولتي

روعه

بس ليش تغير خالد مع رباب

رد: فهموها ياناس اني احبها ودمعتها تهز رجولتي

ررررررررروعة البارت مررره روعة مسكينة رباب ليش خالد يسوي فيها كذه حزنت مره عليها
وريم وبدر يجننون مررره .وحتى عهود وعبدالله
حاولي تنزلين بارت ثاني انا في انتظرك ياقلبي