وقال القلب اه (قصة رومانسية إجتماعية واقعية)

تقليص
X
تقليص
 
  • الصفحة لـ 8
  • الوقت
  • عرض
إلغاء تحديد الكل
مشاركات جديدة
السابق 1 2 3 4 5 6 7 8 template التالي
  • *مزون شمر*
    عضو مؤسس
    • Nov 2006
    • 18994
    #31
    تابع الجزء الخامس والعشرين..


    ** ** ** ** ** ** * **
    اما احلام التقت بزهرة وقعدت معها على الطاولة وقاموا يسولفون ويعوضون عن ايام المدرسة اللي تهاوشوا فيها بسبب رجاء..شويه الا ورجاء واصلة ولمحت احلام قاعدة مع زهرة وراحت لها..
    رجاء:هاي احلام..
    احلام قامت تسلم عليها:اهليين ..اسفرت وانورت..
    وقعدت معاها بعد مامدحت شكلها..
    الا وزهرة بتقوم..
    احلام:ويين؟!
    زهرة بنظرة احتقار لرجاء:برووح حبيبتي انا مايشرفني اقعد مع هالأشكال ومشت..
    واحلام زعلت منها على بالها هي الغلطانه ماتدري ان هذا عشان مصلحتها..
    ** ** *** ***** ***
    الشيخ وصل والحين بيكتبون العقد وبيخلون عبير توقع عشان تطلع وتقعد مع الناس..
    هيفاء ماوصلت ولا جات وفقدوا البنات الأمل في جيتها..

    راحوا وفاء وريم وجنان واحلام عشان بينزلون عبيراما ليلى مالها خلق تركب الدري وتنزله الخيوفه فوقفت لهم تحت تنتظرهم..
    ونزلت عبير وكان طول الوقت مشغلين اغاني بالمسجل ويوم جاو بيطلعونها حطوا اغنية اليوم طالع قمر لعبد المجيد عبدالله..
    قبل لايطلعونها وصلت هيفاء وشافتها ليلى..وراحت سلمت عليها وعلى المره اللي معاها..
    وقعدتهم على طاولتهم وقالت لها بس بيوصلون عبير للكرسي وبيرجعون لها..
    اهنيه ام راشد تهلهلت ومسكت هدى اللي تضحك عليها عشان تخبرها عن كل بنت..
    ودخلت عبير الحديقة ودانه بثوبها الحلو وطلتها البهيه المشابهة لعبير تمشي قدامها والبنات وراها..
    وكانت عبير مررره تجننن لابسة ثوب حلوو لونه احمر مايل للبرتقالي وهي استأجرته من محل لتأجير ثياب الحفلات والأعراس..لأنه مامداها تفصل بس كان لايق عليها وموديله مرره حلوو وكانت فاله شعرها المحويط وجهها من كل جهه ومبينه صج مثل الملاك كان يطلع من وجهها نوور حلوو ومكياجها يشابه ثوبها كانت رهيييبة..
    وقعدت ع الكرسي وريم في يدها كيمرة فيديو تصور كل لقطة عشان ناصر لما يشووف ماتفوته هاللحظات الحلوة>>صج هالبنت تفكر بالكل محلاتها..
    وهدى قالت لنوار اسم كل البنات ومنو هاذي وايش تدرس..وبعدها قامت عنها عشان تسلم على بنتها مع ام ناصر..
    وراحوا لها وحبت عبير راس امها وراس عمتها وماسكة دمعتها عن لاتطييح والكل استجن على حركتها وهي تبوس امها ..

    من جهه ثانية كانت نوار تطالع في ليلى وهي عاجبتها مرره تحسها خووش بنت ..
    نوار:اريجوه شوفي هاي البنت!
    اريج:أي وحده؟
    اللي لابسة موف وازرق سماوي ..اسمها ليلى..
    اريج:اييه شفيها؟!
    نوار:بلا غباء فتحي عقلك اقول لك شوفيها تناسب اخوك راشد؟!!
    اريج:اوه يمه انت ليش معصبة الحين..!وبعدين هاي ماتناسب راشد!!
    نوار اللي تعلقت بليلى:ليش انشاء الله؟!
    اريج:يمه انت تعرفين ولدك راشد وتعرفين ذوقة وليلى ماراح تعجبه ..!
    نوار فهمت قصد اريج وحزنت..بس يوم التفتت لوفاء شوي ارتاحت لأنها بعد حلوة وهدى نصحتها بهه على قولتها انه لو عندها ولد خطبتها له..
    نوار:طيب شوفي وفاء!!
    اريج:أي وحده فيهم؟!
    نوار:هاذي اللي لابسة ازرق غامق..
    اريج:اييييه هاذي قمرر ماشاء الله عليها..
    نوار:تناسب؟!
    اريج :هههه ليش لا..
    وخلاص قررت ام راشد تخطب وفاء لولدها راشد..
    ** ** ** ** ***
    بعد ماملشوا وكتبوا العقد ووقع ناصر ووقعت عبير طلب ناصر يدخل يبي يقعد معاها..
    ممكن تستغربون انه يبي يدخل يشوفها وهو مايشوف هو صج ماراح يشوفها بعينه بس بيشوفها بقلبه..
    البنات راحوا على طاولتهم وسلموا على هيفاء..
    وعرفتهم هيفاء على يدتها حليمه:هاذي يدتي حليمه..
    يمه هاذي وفاء وسلمت عليها حليمه وهي تطالعها شلون فرحانه صج هي مالها ذنب بس حقدت عليها ليش انها عايشة بين اهلها في حين هيفاء اختها لا ..وعرفتها ع الباقي..
    وفاء:تعالي هيفاء اعرفك على امي انا قلت لها عنك..!
    هيفا انصدمت ..ايييش اخيرا بتشوف مرت ابوها .....
    هيفاء:ماله داعي وفاء..!
    وفاء:ههههه شنو تستحين عادي وانا لازم اعرف مامي على كل صديقاتي وتعالي بعد بعرفك على ريم اختي..
    هنيه هيفاء استانست بععد بشووف اختي الثانية ياحظي..
    وراحت بها لريم..
    وفاء:ريم هاذي هيفاء صديقتنا الدكتورة وتغمز لها..
    ريم:ياهلا بيك
    وسلمت عليها ونفس المشاعر الغريبة اللي تملكت وفاء ساعتها تملكت ريم الحين..
    هيفاء:شهالزيين ماشاء الله علييك قمرر..
    ريم:ههه اخجلتي تواضعي مشكووورة..
    الكل:هههههههه
    ريم رن جوالها على نغمة راشد من يقول وهذا خالد اخييرا اتصل لها..
    ريم:عن اذنكم حبايبي..
    وفاء روحي كلميه حبيب القلب ووصلي له بوسة من عندي..
    راحت ريم عنهم وهي تضحك على خبالهم..
    وهيفاء تسأل وفاء من حبيب القلب؟
    وفاء:هذا خالد ولد عمتي واخوي انا بس من الرضاعة وخطيب اختي رييم!!
    هيفاء :شلوون اخوك من الرضاعة؟!وهوكبيير؟
    وفاء:نايف اخوه اكبر مني ب4 شهور بس وامي يوم ولدتني مرضت مرضة عدلة ودخلوها المستشفى مدري شالسالفة المهم انها ماقدرت ترضعني فرضعتني عمتي الله يرحمها وصاروا اخواني نايف وخالد وبس..
    هيفاء:اها
    * ** **
    ريم رفعت جوالها:هلا..
    خالد:اهلين حياتي...اشتقت لك..
    ريم:بعدها زعلانه عليه..
    خالد:بعدك زعلانه عيوني؟!ولايهمك لما يروحون المعازيم بركب لك وبراضيك يابعد اهلي كلهم..
    ريم:هههههههه لاتحاول ماراح اكلمك..
    خالد:عجل ليه رافعه التلفون..كان طنشتيه..
    ريم:عشان اخسررك حرره..
    خالد:ههههههه لا صج ليه رافعته؟.
    ريم:لأني اشتقت لك رغم انك ماتستاهل..
    خالد:افا ..اوووه هذا اخوك حشرنا يبا يدخل..يلا انا بسكرر بشووفه لما يروحون الناس بشوفك يلا باي..

    {ناصر رغم ان كل الناس حواليه الا ان يحس بالنقص ..خالد ونايف وسالم وحسام وابوه وعمه فواز وكلهم حواليه الا انه مفتقد يده منيير ويدته مشاعل كان نفسه يكونون معاه بهاللحظة وكان هذا شعورر الكل بس محد قال لأحد والحين باله مع عبير يبا يدخل خلاص..}
    ** ** *** ** *** ***
    نايف كان قاعد ويفكر بأحلام ويفكر ليه هو كذا منشغل بها كثيير..
    وقام بدوون شعور رسل لها مسج لكن على جوالها؟؟!!
    احلام وصلها المسج وفتحته وكان يقول:
    إن قلت واحشني ترى ماتوفي
    وإن قلت توحشني ترى ماقلت لك شي
    وغن قلت لك وحشة ابد ماتكفي
    وشلون اعبر لك
    اني بجد مشتاق؟!
    حبك:نايف..

    احلام تونست مووت لأنه تذكرها يوم اللي انشغلت عنه وقامت تدور له مسج عشان ترسله ورسلت له مسجة يقول:
    تغيب ويكبر غلاك
    ويزيد فيني هواك
    لو ابعدتنا الليالي
    لاتظن قلبي نساك
    في قلبي انت الحبيب
    مهما ياروحي تغيب
    انتظر شوفة عيونك
    احسك اقرب قريب
    لو كان كل منا بمكان
    يجمع هوانا الحنان
    طيفك معي ياحبيبي
    في كل لحظة وزمان
    نايف لما شافها ارسلت له تونس حييل واتصل لها..
    احلام فرحانه بس متردده شوي روفعت
    احلام:هلا قلبي..
    نايف:اهليين حياتي وعمري وكل شي..
    احلام:ههه كل هذا انا!!؟
    نايف:واكثر وربي..اشتقت لك حبيبتي وينك عني..
    احلام:عندنا ظروف في العايلة منعتني اشبك..!
    نايف:عساها خيير؟!
    احلام:كل خييير
    نايف:دووم
    احلام:تسلم..
    نايف:الله يسلم قلبك..
    احلام:يلا لاز اسكر عشان محد يشوفني ارمسك..
    نايف:اوكي بس طمنيني على اخبارك..!
    احلام:اوكي باي حبيب قلبي..
    نايف :بايات عيوني..
    وسكروا الأثنين وهما مرتاحين بسماع صوت بعض..!

    ** * *** ** * * ***

    وفاء:يمه تعالي ..
    هيفاء بدى جسمها يرجف شوي..
    بدرية:نعم يمه شبغيتي؟!
    وفاء:ابيك تتعرفين على هيفاء اللي قلت لك عنها..
    بدريه:اييه..هلا يمه هيفاء شلونك؟!
    رفعت هيفاء راسها والتقت نظرات الثنتين...!!!!!!!!!!
    ** ******* ** ****** ****
    يتبع..


    شتتوقعون يصييير؟؟
    مع احلام؟مع وفاء ؟؟مع جنان؟مع عبير وناصر؟؟مع ليلى؟؟مع شهد؟؟مع راشد وحسين؟؟مع خليل؟؟مع التوأم؟؟ومع ريم وخالد؟؟ومع نايف؟؟

    انتظروا الجزء القادم

      تعليق

      • *مزون شمر*
        عضو مؤسس
        • Nov 2006
        • 18994
        #32
        الجزء السادس والعشرين:

        التقت نظرات هيفاء وبدرية ..
        وكانت هيفاء خايفة بس طمنتها نظرات الحنان النابعة من عيون بدرية..
        هيفاء بتردد:بخيير خالتي ؟انتوا شخباركم؟
        بدريه:نحمد الله ونشكرره..شلونك مع الدراسة؟
        هيفاء:بخيير الحمد لله ماشية ..
        وفاء:يمه هيفاء صار لها 3 سنين ونص تدرس طب..
        بدرية:اووه ماشاء الله الله يوفقك يابنتي..
        هيفاء:مشكورة خالتي..
        وفاء:عاد بعديين بتجي لك امي اذا مرضت وبالواسطة تدخلينها اول وحده..
        هيفاء:فال الله ولا فالك حد يفاول على هالقمر بالمرض..
        الكل:ههههههههههه
        بدرية:انت القمر والله ..
        وابتسمت هيفاء بخجل ..
        وراحت عنهم ام ناصر وهم رجعوا لصديقاتهم...

        وكان الجوو وناسة البنات يرقصوون والضيووف يطالعون وبعضهم يرقصون بعد..
        والكل فرحان ومستانس..
        وعبير تحس بمشاعر غريبة تحس بخووف ورهبة ماتدري ليه ودها تصييح..
        الا وحده من بين كل هالناس حالتها لله..
        اظن عرفتوها..
        ايه هي اللي في بالكم..


        جنان.. مسكينه ماكنت تذوق طعم الفرحة ..كانت تتهشم داخلها بس مستحملة كانت تطالع في عبير بكره بس تتعوذ من بلييس وتقول البنت مالها ذنب..
        وتذكرت ذاك اليوم في المزرعة يوم عبير تصقع ناصر وعرفت ان شعورها بالقهر ماكان الا احساس باللي راح يصير..!!
        وفاء انتبهت لجنان هي صج ماتحب تكبرها عليهم بس كسرت خاطرها وهي تشووف عيونها تلمع بدمووع مخفيه..
        وفاء:جنان..
        جنان انتبهت:ه هلا..
        وفاء:شفيك؟ليه متضايقة؟!
        جنان:لا ماشي بس تعبانه..
        وفاء :ماتشوفين شر..قومي معاي..
        وقامت جنان ساكته وخذتها بعيد عن الناس وراحت عند الباب اللي بيدخلون منه ناصر..
        جنان:ليه جايين احنا هنا؟!!
        وفاء:لأني ابي اكلمك..
        جنان نقزها قلبها:في شوو؟
        وفاء:في حالتك..!!
        {واللي مايدرون عنه جنان ووفاء ان ناصر كان واقف عند نفس الباب بس من برا ومعاه سالم وحسام وفواز .!!!!! لأن ناصر يبيهم يوقفون معاه لين مايدخل بعد ربع ساعة}..
        جنان:حالتي في اييش؟!
        وفاء:جنان الله يخليك لاتسوين نفسك مو فاهمة وتستعبطين.!
        جنان طاحت دمعتها..
        وفاء:جنان بلييز مابي اشوووف دموعك مهما كان انتي بنت خالتي بس مارضى عليك ومايرضيني اشوف دموعك واسكت..
        جنان:ماقدر وفاء والله مو بيدي..
        وفاء:ليش انت تقولين ماقدر بكذا تصعبين على روحك صدقيني انت تقدرين..
        جنان:انت ماحسيتي باحساسي عشان تحكمين..
        وفاء وهي تتذكر المشاعر الغريبة اللي جاتها من بعد ماحلمت براشد:ولو جنان ولو...
        جنان تصيح بشهقات:بس انا حبيته وفاء حبيته بصدق واخلاص ..ماهي سنه ولا سنتين وانا احبه يمكن 5 سنين وززود بعد..
        وفاء راحت لها وضمتها تبي تخفف عنها:جنان حبيبتي خلاص والله انك تستاهلين كل خيير واللي خلق ناصر خلق غييرة وبيجي اليوم اللي بتحبين فيها انسان ثاني صدقيني الله بيعوضك..
        جنان:ماظن احب غيرة..
        وفاء:جنان وعسى ان تكرهوا شيئا وهو خير لكم..
        جنان:اه انا بحاول انساه وفاء بس ابيكم كلكم تساعدوني بلييز وقفي معاي لاتخليني بروحي..
        وفاء ابتسمت لها:ماطلبتي يابنت الخالة وانا اعرف الحال واذا ابوك ماسمح لك تجين انا بقول لأبوي يجيبني عندك..
        جنان براحة:مشكورة وفاء مشكورة..
        وفاء:لاشكر على واجب..
        جنان:هههه تدرين اني كنت احسك تكرهيني..!
        وفاء:ههههه حرام عليك انا ماكره احد بس كنت زعلانه منكم لأنكم صرتوا ماتجونا يعني اخوك سالم كان دووم مع ناصر بس صار مايجي له وانت دووم معاي وانقطعتي وهم امك ماصارت مع امي مثل اول بس توني متفهمه انه مو بيدك..
        جنان:اه عسى هالحال يتغير..
        وفاء:انشاء الله..يلا نرجع للمعازيم خلنا نرقص اخر رقصة لانهم بيدخلون نصور..
        جنان:هههه هذا اللي تحاتينه..الرقص..
        وفاء وجنان:ههههههههه ..
        وراحوا وهم تاركين اللي برى بصدمه ..صدمه مالها اول ولا تالي..
        سالم كان فرحان ومستانس وكبرت وفاء بعينه على تصرفها مع اخته عكس حسام اللي كان يطالع في ناصر بحقد دفيين ..وكاره عمرره من يوم ماسمع كلام جنان عن حبها له..
        وناصر المسكين انصدم ماكان متوقع انه جنان تحبه كذا ماكان متوقع انه في يوم بيكون سبب عذاب بنت خالته ابد وحس بتأنيب الضميير ..اما فواز عرف مشاعر ولد اخوه وكسر خاطرة..
        لكن ماحد تكلم بالموضوع الكل ساكت ينتظرون يجي ابو عبير يدخل ناصر ..
        ** ****** * ****** ***
        عبير كانت قاعده وخايفة ويوم لاحظت غياب وفاء توترت اكثر واكثرر ..
        لما شافتها رجعت ومعاها جنان وصايرين غيير حست بوجود شي ماتعرفه بس سكتت لأنها متوترة اكثر ماتبي تفكرر..
        وفاء راحت عندها وقالت بالفرنسي:تُيورا لُه بو جارْسون>وطلعت لسانها..
        (يعني راح تملكين واحد وسيم)..
        عبير:ابتسمت لها وفهمت انها بتاخذ وسيم وقالت:منو اخته؟!
        وفاء:هههههه اكيد انا..
        عبير بعناد:قصدت ريم لانها احلى ..
        وفاء بصدمه:ها لكن ماعلية..
        عبير:ههه اتغشمر معك بلا دلاعة ..
        وضحكوا الثنتين..
        >وصج كانت ريم احلى وحده في المكان رغم انهم كلهم حلوييين بس يمكن لأن ريم تعدلت وهي تعرف انها قاصده هالتعديل لحد..خلوود ياحظة فيها خخخ..
        شوي قالوا للناس يلبسون عباياتهم لأن المعرس بيدخل مع ابو العروس..
        (هو صج ان ناصر عمي ومايشوف بس الرسول عليه الصلاة والسلام الزم الغطاء حتى عن العمي لمجر انه رجل وفي احاديث تثبت هالشيء)
        عبير تبهدلت:وفاء تعالي خلك معاي ..
        وفاء:وين اخليني معاك ابوك بيدخل..
        عبير:شكلي عدل ؟!
        وفاء :حبيبتي عبير وبحزن:ناصر ماراح يشوفك!
        عبير كأنها توها تذكر:اه الله يشفيه..
        وراحت وفاء جنب ليلى وجنان وهيفاء ..وسالت عن زينب قالوا لها راحت..
        دخل ناصر وبدخلته الكل التفت له كان يمشي شوي شوي وابو عبير ماسكه من يده يمشي معاه وناصر كان يمشي برزانه وهيبه وكان وسيم لدرجة ان البنات تموا يطالعون فيه كان جد حلو وعيونه تلمع ..
        هيفاء كانت فرحتها ماتنوصف اليوم شافت كل خواتها واخوها باقي بس الصغير..
        كانت تطالع في ناصر وودها لو تروح تضمه وتقو ل له مبروك ياخوي مبروك..
        اما حليمه كانت تشوف نظرات هيفاء وتتحسف على حال بنتها وقامت تراقب ناصر وهو يمشي ولاحظت انه عيونه مثل عيون هيفاء اللي طالعه على ابوهم بنفس اللون الرمادي ..وكسر خاطرها لما قالت لها هيفاء انه مايشووف..
        .. . . .. .
        اما جنان كانت تراقب ناصر وهو يمشي وتشوف الفرحه بعيونه رغم ان فيها بريق ندم ..وكانت مانعه روحها انها تصييح..كانت تتقطع لشوفته يروح لوحده غيرها كانت طول عمرها تحلم باللحظة اللي بيوصل لها فيها ناصر..
        كان حلم دووم تشووفه تشوف نفسها لابسة ثوب وردي حللو وهو يروح لها والابتسامه مغطية وجهه ..بس القدر له كلمه ثانية عليها..

        وصل ناصر عند عبير اللي قامت وحبت راس ابوها وهي ماسكه دمووعها ونفس الشي ابراهيم ماسك دموع الفرح اخيرا بنته بتكون في عهدة واحد ثاني ومابتكون في بطاقة العائلة اللي حقته رغم انها كانت مترأستهم وحتى لو كانت مابيكون هو ولي امرها..لان زوجها هو ولي امرها..
        بارك لهم بكم كلمه وطلع من المكان..
        اما ناصر لما وصل بعد ماسلمت عبير على ابوها حطت عبير يدها في يده عشان تسلم عليه وحس بأيدها حاره وارتبك لأول مره في حياته..
        وجلس بعد ماقال لها بمسخرة:مبروك عليك انا..
        عبير بخجل :هههه الله يبارك فيك ..
        وجابو لهم الشبكة ولبسها اياه ناصر بمساعدة وفاء وريم .. وهم كلوا الكيك وشربوا العصير..
        بعدها جلسوا شوي عشان الناس..ودخلت بدريه ومعاها هادي بكرسيه المتحرك وراح سلم على اخوه ومرت اخوه وهو فرحان حيل عشان ان اخوه بياخذ عبير اللي يحبها مووت بسبب حنانها معاه..!
        وشافته هيفاء اللي تقطع قلبها عليه ولاحظت انه يشابه اختهم ريم شوي ..
        . .. .. .. ..
        جنان استقلت هاللحظة عشان تبتدي ثاني خطوة بأنها تحاول تكون عادية مع ناصر..
        جنان كانت لابسه عبايتها ومتحجبة رغم انها مابتفرق عندها لأن ناصر مايشووف..
        وراحت لعندهم وهي تمشي بخطوات بطيئة كأنها بتروح مكان تكرهه كانت مثل العروس بخطواتها بس نظراتها كانت محبطه..
        وصلت لعندهم بس ناصر ماعرف منو اللي جا..
        جنان تطالع فيهم اثنينهم وهم كانوا مبتسمين على شي قالوه عبير تطالع في جنان بغرابه واختفت ابتسامتها من وصلت عندهم..
        جنان بصوت متردد شوي:مبروك عبير مبروك ناصر..
        عبير:الله يبارك فيك..
        ناصر تفاجأ عرفها بس ماتوقع انها بتبارك له وكبرت في عينه هالبنت:الله يبارك فيك جنان وعقبالك..
        جنان تجمعت في عينها دمووع خبتهم:مشكوور..
        ناصر:على ايشش والله انك تستاهلي اكثر وكل خيير..ويعلني اخدمك في يوم فرحك..
        جنان ماقدرت تتحمل بسرعة قالت:مشكور ولد الخاله ماتقصر..
        وراحت بسررعة..
        عبير حست ان فيه شي غريب يدور حتى ناصر تغير من جات جنان..!
        المعازيم راحوا اغلبهم مابقى الا العيلة..
        ركبوا ناصر وعبير فوق في غرفة ناصر عشان يتكلمون مع بعض ويعرفون بعض اكثرر..
        الكل راح غرفته عشان يبدل ويرتاح..
        وفاء دخلت غرفتها مع ليلى وتسبحت عشان السبريه اللي في شعرها ونامت ونفس الشي ليلى..
        اما ريم..مانامت كانت تنتظر خالد يجي لأنه راح يوصل نايف اخوه البيت..
        رن جوالها بنغمة الرساله..شافت رقم غريب..وكانت الرساله:

        سلام من قلب يودك ويغليك
        قلب يعيش الوقت كله بذكراك
        ان غبت عن عيني فلا غاب طاريك
        حتى بعز النوم ماغاب طيفك
        00باختصار00
        ودي اشوفك واقترب لك واحاكيك
        واحلف لك برب البشر مقدر انساك

        ريم استغربت من الرساله بس قالت يمكن مغلطيين ولا شي ولا اهتمت بالموضوع زوود كل اللي سوته انها رسلتها لخالد وهي تبتسم ..
        اتصل لها..
        خالد:هلا ريم عيوني..
        ريم:هلا
        خالد :انا تحت تعالي فتحي لي الباب..
        ريم:اوكي ثواني بس..
        وسكرت وراحت فتحت له الباب..
        خالد اندهش من جمال ريم اللي باين اليوم اكثر عن كل يوم..واكثر حتى من يوم خطوبتهم..
        ريم تشووف نظرات التعجب والاعجاب في عيونه وتضحك..
        خالد يصفرر ..
        ريم:هههههه
        وهي تمشي تركب الدرج لغرفتها وهو وراها مثل المغناطيس وبس يصفر ويقول في خاطرة سبحانك يالله..
        ريم في غرفتها:شرايك فيني ماقلت؟!
        خالد:طالعة على ولد عمتك في جماله..
        ريم تطالع فيه:انت!!! اتحداك انا احلى!ههههاي
        خالد:ههههه وانا اشهد ياعيني انشاء الله طلعتي كذا اليوم قدام الناس؟ّ!
        ريم:هههه ايه عجل انا متعدله عشان انخش!
        خالد:لا متعدلة عشاني..!
        ريم بنظرة:مشكلة الواثقيين..!
        خالد:ها
        ريم:ههههههه اكيد عشانك بس انت زعلتني وانا مابكلمك..
        خالد تذكر زعلها:ياحياتي والله احبك..
        ريم بدلع:مارضيت رووح رووح مابيك..
        خالد:افا بس افا واهون عليك؟!
        ريم:هههههه اييه تهوون..
        خالد بصدمه:لاه
        ريم:لاتين..
        خالد زعل عليها..
        ريم:شوو زعلت؟
        خالد:اييه وابيك تراضيني..
        ريم:انا كنت اتغشمر وياك ومابراضيك الا لما تراضيني..
        خالد:خلاص وحده بوحده..
        ريم:هههههههه ..
        وظلوا سهرانين يسولفون ويتغزلون في بعض ومايدرون عن شي ثاني..
        ** ** ** * * ** **
        بدريه من طلعت غرفتها وهي تفكر في ام راشد لما قالت لها انها تبي وفاء بنتها لولدها راشد..قالت لها انهم مستعيلين..
        بدريه حبت هالحرمه فرحبت فيها بأي وقت وقالت لها البيت بيتك متى مابغيتي تيوون تخطبون رسمي تعالوا والراي الأول والأخيير للبنت..
        واتفقوا على يوم الأحد يجون يخطبون رسمي بعد ماخذت بدرية راي زوجها لما كلمته في الجوال..
        ووفاء ماتدري عن شي..
        ** ** ** *** **
        نرجع لعبير وناصر في الغرفة..
        ناصر وعبير ظلوا ساكتي شوي وعبير تتأمل ملامح ناصر الناعمة والوسيمه بحريه مطلقة..
        قطع الصمت ناصر:عبير
        عبير بخجل طفيف:عيونها..
        ناصر:يسلمو لي عيونها..
        عبير:امر تدلل قول شتبي عيوني لك..
        ناصر:لا ياقلبي خلي عيونك عندك مو ناقصين خسارة ثانية >كان يقول هالشي بحسررة..
        عبير:لا ياناصر لاتقول كذا انا راضية فيك وفي عيونك وانشاء الله بأمره تعالى بترجع تشووف واحسن من اول..
        ناصربأبتسامه: ببركات دعائك انشاء الله..
        عبير:هههه اكييد..
        ناصر:ماقدر اعبر لك عن فرحتي اليوم..
        عبير تبتسم:ولا انا ناصر احس اني كسبت كنزز من كثرر ماني فرحانه فيك..
        ناصر:احم احم ..
        عبير وناصر:هههههههههههههههههه
        ناصر:انا كسبت الدنيا ومافيها ياعبير انت انسانه تستاهل كل خيير وانشاء الله اعوضك عن كل لحظة بتقضينها معاي وانا ماشوف بعوضك عن كل مره ركبتي فيها السيارة مع حد يوصلك لأني ماراح اقدر اوصلك مكان لين ماشوف..
        عبير:لاتخاف حبيبي انا مو طالبه شي غير اني اكون معك واهتم فيك وهذا اكثر شي يسعدني..
        ناصر:احبك عبير.!!!
        عبير: ..... ..
        ناصر:ههههه ودي لو اقدر اشوف بس عشان اشوفك وانت مستحيه الحين..
        عبير:هههههه
        ناصر:عبير ترى انا اشوفك..
        عبير باستغراب :شلوون؟!
        ناصر:من قلبي..
        عبير:يسلم لي قلبك يعلني ماخلى منه..
        ناصر:هههههه
        عبير وصفي لي نفسك عشان اقدر اتخيلك..
        عبير بصدمه : ها انا لا ماعرف اخاف ازيد شي و و وتفكر اني...
        قاطعها:ههههههه لا لاتخافين مابفكر يلا بليز عشاني..
        عبير:طيب..
        وبخجل تقول:انا لابسة ثوب لونه كذا كذا وشعري كذا وكذا ووصفت له نفسها بالضبط بدون زياده او نقصان..
        ناصر:واو ياحظي في هالملاك ..
        عبير:هههههه
        ناصر:كيفي مالك شغل..
        عبير:هههه ماقلت شي..

        وظلوا يسولفون مع بعض عن الأشياء اللي يحبونها ويكرهونها..

        ** *** * ** ** * **
        احلام من رجعت وهي تفكر بنايف اللي تكلمت عنه مطولاً مع رجاء
        وقررت انها خلاص تقول له عادي يتصل لها على جوالها بس مرره في اليوم..
        ووصلها مسج من عند زهرة حزنها شوي على موقفها مع اعز صديقة لها وكان يقول:
        عند الغروب ومنظر الجو صافي
        سحر الطبيعة حدني الزم الصمت
        اسكت واحاول طمس ماكان خافي..
        اخشى دموعي تنسكب لو تكلمت..
        الشمس غابت,,
        واصبح النور طافي..
        وغاب الونيس الي له سلمت الروح...

        وقررت ترسل لها هالمسج:

        المعذرة ياحب ماني بناسيك
        مانساك لو تنسى الليالي قمرها
        أرسل فؤادي بالرسايل يخاويك
        طاريك يطريلي وكبدي سمرها
        الحب حبك والمحبه تحييك
        حبك غمرني والمشاعر نثرها

        *** ***** *** * *** *** **

        جنان وامها طبعاً كانوا نايمين في بيت ام ناصر لتأخر الوقت ..
        جنان ماذاقت طعم النوم ذيك الليلة وهم ماذرفت ولا دمعة لأانها تخطت الصدمه بس الحزن هو اللي مسيطر عليها..

        ** *** ** ** ** **
        يوم ثاني الصبح ..في بيت ام عبير..
        هدى:يلا ابراهيم روح جيب بنتك ..
        ابراهيم :خلاص قلت لك بروح بس صبري علي البنت ما بتضيع الا في بيت زوجها هي..
        هدى:والله البيت مايسوى بدونها..
        الا واحلام ناطة عليهم:نعممم..يعني انا مو ماليه عينك يمة خلاص انا زعلت..
        هدى:روحي انت لأبوك يادلوعة بابا..
        ابراهيم :فديت احلام بنتي الغالية تعالي حبيبتي..
        راحت وحبته على راسه:الله يخليك لي ياحلى ابو بالعالم..وطالعت امها ويخليك لي يامي العزيزة..
        هدى قامت عنهم..
        فاطمة:ماتقوم يابراهيم جيب لي بنتي بسررعة..
        ابراهيم :الله يهديك امايه ستويتي مثلهم..
        فاطمه:اشتقت لها ياولدي مو كفاية امس ماخلوني اقوم من مكاني عشان اسلم عليها تعبانه قال..
        ابراهيم :كاهي عندكم احلام اختها ..
        فاطمة تطالع احلا بنظرة:وووع ماتسوى نظرة من نظرات عبير الحنونه..
        ابراهيم تضايق انهم يفرقون بين احلام وعبير قدامه وهو مايبي هالشي يسبب كره من جهة احلام لأختها عبير..
        ابراهيم:لا والله بناتي كلهم عندي سوا الله لايحرمني من احلام ولا عبير..
        دانه وهي تلعب بفلة لعبتها ومبوزة: وانا بابا مالي رب؟!
        ابراهيم:حتى انت؟هههههه الله يعينك يابراهيم لا حبيبتي انت اولهم...
        دانه:ايه فكرت بعد..
        الكل:هههههههههه
        وطلع ابراهيم عشان ياخذ بنته يرجعها البيت..
        ** ** **
        اما في بيت ام ناصر ..
        كانت بدرية قاعدة مع اختها وبنتها جنان ومع ليلى ووفاء اللي توهم جالسين من النوم في الصالة..وكلهم ياكلون الفطور..
        ريم بعدها نايمه ..خالد ونايف بالمجلس مع ابو ناصر وسالم..
        اما ناصر وعبير كانوا جالسين بس ماطلعوا من الغرفة ..
        عبير قعدت قبل ناصر وغيرت ملابسها وجلست ناصر تقول له ان ابوها بيمرها عشان بتروح البيت..
        واتصل لها ابوها يقول لها انه برا ينتظرها..
        عبير:يلا حبيبي اشوفك وقت ثاني انشاء الله..
        ناصر:طيب عيوني خلي بالك من نفسك..
        عبير:ههه لاتوصي..
        وطلعت عبير من الغرفة وناصر رجع للنوم لأنه كان يحلم بعبير ومو ناوي يخرب الحلم خخخخخخخ..

          تعليق

          • *مزون شمر*
            عضو مؤسس
            • Nov 2006
            • 18994
            #33
            التكملة..

            نزلت عبير من الدرج ووصلت لين ماهم قاعدين..
            عبير:السلام عليكم..
            الكل:وعليكم السلام..
            بدرية:ها بنتي وين بتروحين؟
            عبير:ابوي برا برجع البيت..
            ليلى:تو الناس ليش تروحين..
            عبير:بيتنا يبوني مايستغنون عني..
            الكل:ههههههههههههه
            جنان كانت تطالع في عبير وتشوف جمال وجهها الصافي وهو مافي ولا نقطة مكياج وكانت جميله فطريا ..ولاحظ هالشي كل اللي شافوها..
            وفاء تطالع صديقتها الغالية وتحسها غييير..
            عبير استغربت ان وفاء ماكلمتها وحز في خاطرها هالشي بس سكتت..
            عبير:يلا مع السلامة..
            الكل:مع السلامة..
            بدرية:سلمي على امك..
            عبير :يوصل انشاء الله..
            وفاء كأن المعلومة توها توصل لعقلها وبسرعة قامت ولحقتها ..
            الكل كان يطالعهم ومستغرب الا ام ناصر لأنها تعرف مدى عمق صداقتهم..
            عبير علطول رمت نفسها في حظن وفاء ..وتموا الثنتين ساكتين ودموع تنزل من عيونهم..
            وفاء:واخييرا ياعبير تحقق حلمك وحلمي ..
            عبير:ههه عقبالك انشاء الله..
            وفاء تساسرها في اذونها:ها شنو قلتي لأخوي امس؟!
            عبير:ههههههههههه ماقلت شي.. وفاء:عبير كلميني اليوم اذا فضيتي.. عبير:اوكي عمري يلا باي.. وفاء:باي.. وراحت عبير ورجعت وفاء مكانها وجنان حسدت عبير على محبة وفاء لها ولو مو قاصده هالشي .. طلعو سالم وخالد من المجلس > وتحجبوا اللي في الصالة.. سالم:يلا يمه نمشي..
            ام سالم:يلا..
            وراح يدور بعيونه على اخته جنان ولمح وفاء اللي كانت سرحانه في عالم ثاني وبقايا ابتسامه على شفافيها الورديه الناعمه وبقايا دموع في عيونها الخضرا ..
            ليلى:سلووووم!!
            سالم:هلا للوو
            ليلى:انا مو قايلة لك اني ابيك في سالفة قبل لاترووح..!!
            سالم:وييه نسيت حبيبتي عذرا ..
            ليلى:تعال معاي..
            وراحوا برا في الحديقة اللي فيها كل شي استوى امس الطاولات والمبات وكانت رووعة..
            سالم:يلا امري تدللي عيوني..
            ليلى:مايامر عليك عدو..
            بغيت اسألك عن شي..!
            سالم:شنو؟
            ليلى:سالم انت ذاك اليوم اللي جيت فيه تبي ناصر شنو كنت تبي فيه؟!
            سالم:ها ايه والله كنت ابيه في سالفة خاصة وانتهت خلاص..>بحزن قالها..
            ليلى فهمت من كلامه انه مايبي يقول السالفة:طيب وليه الدمعة اللي نزلت من عيونك؟
            سالم منصدم:ها وانت شدراك؟!
            ليلى:لأني شفتك وانا راجعه مع وفاء ..
            سالم:ووفاء شافتني بعد؟؟!
            ليلى اللي لاحظت اهتمامه بوفاء:ايه اصلا هي اللي قالت لي..
            سالم :انا لله راجعون اه
            ليلى:لاتغير الموضوع سلووم..
            سالم:كنت متضايق ليلى ..
            ليلى:من شنو؟
            سالم: من الدنيا كلها ومن ابوي..لأني كنت كاره ابوي في ذيك اللحظة ياليلى كنت كاره اللحظة اللي صار فيها انسان قاسي ..لأن لو مابوي كان ماصارت حالة اختي جنان كذا ولا انا..
            ليلى:تعوذ من ابلييس يا سالم ولاتقول كذا عن ابوك..وبعدين شو فيها اختك جنان كاهي بخيير وسلامه..
            سالم علمها بالسالفة وهي حزنت على حالة جنان بس قالت له:لاتخاف سالم مصيرها بتنسى والله بيعوضها انشاء الله..
            سالم:الله يسمع منك انشاء الله..
            ليلى:يلا ابي اشووف الضحكة ماليه وجهك..
            سالم:هههههههه
            ليلى:ايوه كذا..
            سالم:لوللو غناتي ابي اطلب منك شي بس مو وقته الحين بكلمك بعدين على جوالك..
            ليلى:جوالي لك لو تبي اتصل متى مابغيت ومايصير خاطرك الا طيب..
            سالم:تسلمين لي ياحن خاله صغيرة بالعالم..
            سالم وليلى:هههههههههههه
            ورجعوا داخل..
            سالم:يلا يمه مشينا..
            ام سالم:يلا..
            سالم:يلا جنان تعالي نطلع..
            جنان راحت لأخوها ومسكت يده علطول وهو تقرب لها بطريقة حنونه..
            وقامت جنان تقول له شي بشوييش وهو يسمعها باهتمام وهو طالعين..
            واثر هالمنظر على كل اللي شافوه..
            وراحوا بيت ام سالم من بيت ام ناصر وهم بطريقهم للسعوديه ومعاهم حسام..
            اما البنات ظلوا في الصاله يسولفون مع خالد اللي بهدلهم بأسألته عن ريم وعن منو اللي شافها بالحلفلة وايش ..وايش..!!!

            ** *** *** ** ** ** **
            اما في بيت ام راشد..

            نوار: خلاص يا ولدي ابشرر انا كلمت ام البنت اللي بغيتها لك وقالت لي يوم الاحد نروح نخطب رسمي..
            راشد:طيب..وشو اسمها البنت؟!
            نوار:اسمها وفاء..
            راشد في خاطرة :ياربي تطلع اسم على مسمى وتكون شعلة من الوفاء وماتغدر بي في يوم مثل ماصار لي من قبل..
            >> لأنه حتاط في باله ان مها خطيبته الاوليه غدرت به وخانته بعد <<
            نوار:وين رحت صار لي ساعة اكلمك..
            راشد انتبه لأمه:ها لاموجود حبيبتي بس كنت افكر..
            نوار:بأيش؟!
            راشد:ولا شي بالشغل وبس..المهم يمة توصين شي انا طالع..
            نوار:سلامتك..بس جيب لي معك لبن لأنه خلص وانا خاطري فيه..
            راشد:ماطلبتي شي يمه..يلا باي..
            نوار:في حفظ الرحمن..هو راح وهي:في حفظ الله يالغالي عسى ربي مايحرمني منك والله يوفقك في دنياك واخرتك..
            حسين:اكيد انا يمه ولا كلامي غلط؟!
            نوار:هههههههه ايه انت واخوك ..
            يلا متى ناوي ع العرس؟!انا بس بخطب لأخوك وبرجع لك عشان اخطب لك..
            حسين:هههههه تبين الفكة مني يمه؟!
            نوار:لا يمه ماحصل مافي ام تبي الفكة من اولادها بس ابي اشوف عيالك قبل لاموت..
            حسين:لاتقولين كذا والله يطول لنا بعمرك.. و ع العرس انشاء الله يصير خيير افكر بالموضوع..>لأنه يعرف ان امه مابتتركه وبتحن عليه مثل ماسوت مع اخوه..
            نزلوا كوثر ونرجس من غرفتهم: صباح الخير..
            الكل:صباح النور..
            نوار:شعندكم؟قولوا شتبون خلصوني عارفة انا مولله جاين لي..؟!!
            نرجس:هههههههه
            كوثر:شدعوة يمه لا والله مانببي شي..
            نرجس:بس كنا نبي نقول لك..
            كوثر:ان شهد عازمتنا ع الغدا اليوم ونبي نروح لها..
            حسين:حشى ماشبعتوا منها اربع وعشرين ساعة معاها في المدرسة..
            كوثر بنظرة:انت مالك شغل..
            نرجس:لا يا حسين مو سالفة ان حنا ماشبعنا منها بس هي عازمتنا ع الغدا ومايصير نردها..
            كوثر:ها يمه شقلتي؟!
            نوار:شقلت بعد مابقول الا الله يحفظكم روحوا بس لاتتأخرون وخلوا اخوكم يوصلكم..!
            حسين:انا ماراح اوصل حد يلا يمه انا طالع
            كوثر:اووه حسين لاتعاند!!
            نرجس:عاد حسون يلا ودينا والله مالنا غيرك..
            حسين:عشانك يانرجستي الجميله بوديكم ولا لو مانت ماوديتكم..
            نرجس بابتسامه:ياحبيبي ياخوي..
            حسين:5 دقايق ماطلعتوا انا ماشي..
            نرجس وكوثر:لا دقيقة وبنطلع لاتمشي..
            حسين :هههههههههه زين بسررعة..
            >كوثر تدري ان يعاندها لأنها فشلته ولا ردت عليه عدل وهو مستانس انه لعوز خواته شوي..
            لبسوا البنات عباياتهم وركبوا السيارة و5 دقايق وهما عند البيت ..
            نرجس وكوثر:قواك الله حسين..
            حسين:الله يقويكم..
            ونزلوا وراحت كوثر تدق الجرس بينما نرجس تكلم حسين تتفق معاه متى يرجع لهم..
            فتحت لهم الباب شهد اللي كانت تطالع في حسين اللي ابتسم لها ابتسامه اخويه بريئة بينما هي فسرتها شي ثاني >ماتنلام خخخخخخخ..
            شهد:حياكم الله تفضلوا..
            كوثر:زاد فضلك..
            {نرجس وكوثر حاسين بأن شهد تحب اخوهم وهي حاسة بأننهم يدرون بحبها لأخوهم}
            نرجس حبت تحرجها:بس عاد شهودة مامليتي مطالع في اخوي تراني اغار عليه..
            وصار وجه شهد احمرر من الخجل..
            كوثر ونرجس:هههههههههههههه هههه
            سعاد:حيا الله بناتي شلونكم عساكم بخير؟
            كوثر ونرجس:بخير خالتي الله يسلمك..
            سعاد:ماوصيكم عاد خذوا راحتكم البيت بيتكم..
            كوثر ونرجس:مايهمك ..
            الكل:هههههههه
            سعاد:ها شهد توصي عدل في بنات خالتك وشوفي اخوك بعد خليه يتغدا انا بروح ازور ام ناصر ابارك لها على خطبة ولدها وبرجع
            وراحوا قعدوا في المجلس..وسلفوا لين ماذن اذان الظهر عليهم..
            وراحت شهد تجيب لهم احرامات للصلاة وكوثر دخلت الحمام عشان تتمسح للصلاة وبقت في المجلس نرجس..
            .. ... .. ..

            خليل خلص صلاة في غرفته ونزل ماسمع حس امه ولاسمع حس اخته شهد اليوم وراح يدورهم يبي يشوفهم..نزل وراح المطبخ مالقا فيه حد بس شم ريحة الغدا اللي تسلب العقل من حلاوتها وطلع يشوفهم يمكن في المجلس وفتح الباب وهو يوايق ..
            * ** ** **
            راشد بعد ماطلع اتجه طبعاً لمكانه مكانه اللي يرتاح فيه ويهواه قلبه راح عند البحر صج ان الشمس كانت قويه بس ماتحمل يصبر مايرووح..
            وقعد يتأمل خلق ربه والعصافير اللي تروح وتجي وكأنها تونسة بقعدته وكان فيه عائلة واحده بس وقاعده بعيد عنه ..
            راشد في خاطرة:اه يالبحر شفت بعد ماغدرت بي النيا كاهي تجلب لي الوفا اتمنى لي السعاه ياحبيبي لاجل اسعد وانت تعرف معاناتي وتحس فيها ..
            اه ليت ربي يحرمني من الهم والغم ليت ربي يحفظ لي الراحة..
            تعبان يابحر تعبان والله احس روحي اكبر عن عمري بعشرين سنه ابي ارتاح خلاص كفاية..
            قطعت افكارة بنت صغيرة جايه من وسط العيله اللي جالسة قريب..
            البنت:دادووو
            راشد:بسم الله وابتسم لها تعالي ماما تعالي..
            البنت:مابا ابا هواوه..
            راشد:ههههه وينها ريهاموه عنك
            البنت:هو هاموه انا ساله
            راشد:والنعم حبيبي سارة..
            البنت:ات تبيب اهبك انا..
            راشد:ههههه يابعد عمري انت والله وطلع من جيبته دينار وعطاها اياه..
            البنت خذته وهي مستانسه:سكلاً
            راشد:ههههه عفواً..عنوني..
            في هاللحظة جت بنت عمرها تقريبا عشر..
            البنت:سارة وينك؟تعالي لاتأذين الريال..
            سارة:اه اه مابا مابا هدا تبيت اباه
            البنت:سوري ع المغثة..
            راشد:لا عادي مايهمك ..
            وخذت البنت ختها وراحت وين ماقومها جالسين ...
            هنيه راشد حس انه اشتاق لريهام وقام مقرر يروح بيت اخته اريج منه يسألها عن البنت اللي بيخطبوها ومنه يشوفهم..
            ** ** ** ** **

            خليل لما دخل الغرفه لقا بنت توايق من الدريشة وكانت لابسة عباتها وشيلتها بعد كا،ها مستعده تطلع هو عرف انها مو شهد اخته لأن يبان من اختلاف الجسم..
            كان توه بيطلع الا انه اصدر صوت من الاب خلى البنت على طول تلتفت له..
            خليل ابهت يوم شافها كوثر:اووه هاذي انت كوثر شخبارك ؟!
            نرجس ماحبت تصحح له لأنها ماترتاح له خايفة انه يسرق اختها منها بدليل ان كوثر دووم تكلمها عنه:بخيير تمام انت شلونك؟
            خليل:بخيير دام اني اشووفك..
            كوثر بدون نفس:تسلم الغالي..
            خليل استغرب منها ومن اسلوب كلامها:الله يسلمك ..
            خليل استقل فرصة وجوده معاها قبل لاحد يجي عشان بيقول لها ع اللي في باله قبل لايقول لأحد عنه:كوثر بغيت اقول لك شي قبل لامشي..
            نرجس:تفضل قول..
            خليل:انا في بالي شي بس ماقلت ولا لأحد عنه وابي اخذ رايك فيه قبل عشان ما ابي اتسرع وبعدين اندم..!
            نرجس بفضول وخوف:وشو هو؟
            خليل:كوثر انا بسألك سؤال وصدقيني ان غرضي منه مباشر وشريف وبدون لف ودوران انا ابي اتقدم لك واخطبك من اهلك بس قلت ابا رايك اول واذا عرفت موافقتك بقول لأمي تكلم امك وبعد ماتخلصين هالسمستر نعقد وانت بكيفك انا صراحه حسيت من نظراتك انك تبيني مثل مابيك ولذا قلت اسألك اول خذي وقتك وردي علي بعد ماتفكرين زين واسمحيلي ع طريقتي في سؤالك هالشي بس مالقيت قدامي غيرها..
            ودار يبي يطلع من الغرفة عشان لايحرجها اكثر..
            كوثر كانت تغلي من كلامه ومنقهرة لأن في بالها العهد اللي خذته مع اختها انهم مايتزوجون ابدا عشان يضلون مع امهم وهي محافظة عليه عكس كوثر اللي فاهمه انه بس لعب يهال لأن هالعهد خذوه يوم كان عمرهم 14 ومايفهمون ان سنة الحياة الزواج..

            كوثر قبل لايطلع من الغرفة:خليل انتظر..
            خليل دار لها:هلا..
            كوثر:مايحتاج تعطيني وقت افكر انا بقولك رايي الحين..
            خليل ابتسم وانتظرها تجاوبه ع باله بتقوله ابيك دون مافكر ..
            كوثر في بالها:مو انت ياخليلوة اللي بتفرق بيني وبين اختي وبتنقض عهدنا..
            وبصوت عالي وبدون تفكير:انا مابيك ولا ادانيك حتى
            ولاتفكر بهالشي مره ثانية انت فاهم ولا لا انت شخص مستحييل افكر فيه كزوج لي
            ولذا رجاء لاتخرب لي حياتي وتخليني كارهه عيشتي روح وفكني من شيفتك سامع هذا اللي ناقصني بعد..!!!!!!!!!!!!!!!!!!!!!!!!

            يتبع..

              تعليق

              • *مزون شمر*
                عضو مؤسس
                • Nov 2006
                • 18994
                #34
                الجزء السابع والعشرين ..
                وفي جهة ثانية وبالتحديد في السعودية..
                وصل سالم بيتهم ومعاه حسام اللي مارضى يرجع بيتهم قبل لا يقول له سالم عن سالفة جنان وناصر وعن الخطة اللي قال له عنها وبعد اصرار منه قال له سالم يضل يتغدا معاه عشان يعلمه بكل شي ..
                دخلت السيارة الكراج..وفتحت جنان الباب الخلفي وبشويش نزلت وهي تتأمل بيتهم وكأنها أول مره تشوفه .. تحس بشي غريب عمرها ماحسته ..ماكانت حاسة بحسام اللي كل مره رفع عيونه لها يحترق قلبه مليون مره ..كان خايف انه مايفوز بحبها لأنه خلاص تمسك فيها وبالقوه بعد ..
                ام جنان كانت تمشي ورا بنتها بصمت وحالة بنتها معوره قلبها لأنها حاسة فيها وكاسرة خاطرها وتتمنى من الله يهدي بالها وقلبها..
                وكانت تمشي جنبها الخدامه اللي راحت معاهم..
                ووراهم سالم وحسام متجهين للمجلس ... سالم كان يناظر اخته شوي ويناظر حسام شوي ..كانوا اثنينهم يتعذبون لكن كل واحد منهم عذابه غير ..بس..حالة حسام اهون شوي لأنه فيه امل منها بعكس حالة جنان اللي ما منها فايده ..وهو عهد على نفسة يساعدها وينفذ امنيتها بأنها تنساه(ناصر) وبيخليها تحيا حياتها احسن واسعد لقلبها من قبل ...!!
                دخلت جنان غرفتها وهي تحس روحها هلكانه وكأنها اول مره تركب الدرج اللي حست به اطول عن كل مره ركبتها فيه..
                دخلت وفصخت عباتها الكتافيه وعلقتها وجلست على سريرها المقابل المرايه ..قامت وقفت مره ثانية وراحت عند المراية من قريب قامت تتحسس وجهها بيدها وهي تقول في نفسها: معقوله هاذي انا صج صرت غير!! كل هذا من حبي لناصر!! انا لازم ارجع مثل قبل لكن كيف؟؟! كيييف؟؟!... تركت التفكير وراحت سحبت ملفها اللي تحتفظ فيه بدفتر خواطرها وخذته منه وفتحته كانت اخر صفحة فيه اللي كتبها حسام لها..ماتدري ليه قامت تقراها مره ثانيه لكن كأنها تقراها لأول مره ..كانت تظنه يبي يلعب عليها ويقص عليها بس..هي فكرت تقول لسالم عنه بس ماحبت تكون سبب في تخريب العلاقة اللي بين اخوها وحسام كانت صداقة عميقة طويلة ابتدت من اول يوم في جامعة الحقوق والمحاماه.. ففضلت الصمت او انها شخصيا اللي توقفة عند حده وهذا اللي صار..
                فرت الصفحه ومسكت قلمها تبي تكتب والاوراق تعبر عن لهفتها للأقلام مثل ما مشاعرها تعبر لهفتها للأوراق الونيس الوحيد لهاي المشاعر من وعت لروحها.. وكتبت فيها:

                يجب ان تكون بداية جديده مفعمه بالحب والنشاط والايمان..!!

                حملت مشعلاً بيدي
                أضاء طريقي المعتم
                وقُرب انقاض إنسان
                عبرت بأناشيد الحماسة
                لأزرع صوتي في كل ركن
                لأصطاد من الجدران النائمه
                الكلمات العابرة الخائفة
                لأشق بحر الأحزان
                ولأجعل من جبين الأُفق مراة
                تشهد بطش الإنسان
                وانا لاملك سوى
                فورة غضب وإيمان
                غضب على ظلم طال
                وإيمان بميلاد فجر
                يروي نفساً كبيرة الامال
                ويعطي قلباً كثير من الحنان
                ويهدي نفساً ظلمها الزمان
                ويمد روحاً بالحب الرنان
                ويوحي ببداية يوم مشرق جميل كبداية حياةٍ لم يكن لها مصير
                اتمنى ان يولد الفجر ليمدني بالحب والحنان والشوق والاكرام وبكل مشاعر الحياة الجميله..
                بدون ذكر ماضي لا فائدة منه ولامنال ...!!!
                هاذي بعد الخطوبه انا صج تخطيت صدمتي بس للحين مانسيته وهذا اللي محزنني والله بيكون لي العون على نسيانه ويالله ارزقني باللي يعوضني عنه..!
                وسكرت دفترها واستلقت على سريرها..

                ** ** *** **** *** **
                ناصر بعد ماطلعت عبير ماقدر ينام وصار يفكر بطرق يدخل فيها السعاده على قلب عبير اللي ضحت عشانه هو كان يحبها بس يوم قعد معاها وسمعها حس للحب احساس ثاني مو مجرد شكل حس انها غيير وانه يقدر يتم طول عمره يحبها لأنها انسانه طيبة وتنحب بسهوله..
                واول قرار وصل له هو انه يخليها تطلع أي مكان تبيه دون مايمنعها خصوصا مع وفاء اخته ولا ربعهم لأنه دومه يتذكر وفاء تطلع مع شلتها ياما السوق ولا السينما ولا البحر وكذا..لأنه بالأخص ماراح يقدر يطلعها بنفسة الا مع السواق وهو مايبي يتعب عبير معاه في ركبته ونزلته..

                *** *** *** *** *** ****
                اما نرجس ماكانت تتوقع ان ردة فعلها بتكون بهاذي الطريقة وظلت ساكته بعد الكلام اللي قالته لخليل..وقامت تشوفه وتشوف الصدمه والحيرة في عيونه..تشوفة يبي يتكلم بس مو قادر يحس بالجرح..
                بعد فترة صمت بينت ساعات رغم انها ماتعدت الثواني..
                خليل: كوثر انت متأكدة من الكلام اللي قلتيه؟!
                ولما ماجاوبت عليه رد كمل: انا ماقصدت اخوفك ولا ائذيك ..انا جد اتكلم كوثر انا ابيك بالحلال وماقلت لاسمح الله ان بينا شي غلط و.....
                قاطعته نرجس وهي تفكر انه لو قايل هالكلام لكوثر بيؤثر فيها وبتوافق خصوضا انها ملاحظة اعجابها فيه وبعدين بيفتروق ومابتصير علاقتهم مثل قبل قالت:ايه خليل انا متأكدة من الكلام اللي قلته وسوري على تعاملي الجاف معاك بس انا مابي اعرس ياخليل لا عليك ولا على مليون غيرك مابي ابد انت ماتفهم؟! >وبتوسل تكمل: ارجوك خليل روح من هنيه قبل لا حد يجي ويشوفك ويفهم وجودك غلط..
                خلل والالم كله في قلبه:انا بروح ياكوثر والسموحه على المغثة ..! بس حطي في بالك اني حبيتك وبغيتك وانت اللي رفضتيني..!!
                نرجس نزلت راسها ومو قادرة ترد عليه ..
                هو كمل:لاتخافين ياكوثر بروووح وما برجع اضايقك ابداً..!!!
                في امان الله..>>وطلع..
                نرجس ماردت عليه بس في قلبها قالت:وحفظ الله يالغالي واسفة اني خدعتك بس ما اتحمل اني افكر ان كوثر ممكن تبتعد عني او تجي انت وتسرق قلبها مني ودمعت عيونها بس مسحت دمعتها بسرعة وهي تسمع صوت باب الحمام اللي برا ينفتح وتطلع منه كوثر..
                كوثر بمرح ووجها فيه ماي بقايا الوضوء:احس اني انتعشت بسبة هالحر والرطوبه..
                نرجس مسويه روحها منشغلة وماقدرت تطالع في اختها عشان لاتنفضح لأن كوثر تفهم مشاعر اختها على الطاير فدخلت الحمام على طول..كوثر مامداها تفكر في الموضوع لأن شهد جات وعلات الحيرة والأنزعاج باينة على وجهها..
                كوثر:شو فيك شهد؟!
                شهد: ولا شي بس رحت اقعد خليل عشان يصلي ويتغدا ماشفته الظاهر انه قعد وطلع بعد ماصلى من زمان..
                كوثر حست برعشة في قلبها من ذكر اسم خليل قدامها واستغربت الأمر بس ماحاولت تفكر وقالت:ايه شهوده عادي لا تحاتين اكيد جلس يلا خلينا نصلي ترانا تأخرنا حرام..
                شهد:اوكي..وابتدوا صلاة..طلعت نرجس من الحمام وصلت معاهم..
                بعد الصالهنرجس صارت هاديه شوي وقدرت تسيطر على مشاعرها وبالمثل كوثر قدرت تخفي مشاعرها اللي تنولد من يذكر خليل قدامها..وكانت مشاعر كل وحده غير عن الثانية..
                قاموا تغدوا وبعد الغدا ظلوا يسولفون شوي ويمزحون مع بعض فترة..
                نرجس حست انها ماتقدر تظاهر اكثر :انا برجع البيت كوثر ترجعين معاي ولا بتظلين؟
                كوثر:ليش تو الناس..!
                نرجس:تعبانه راسي يعورني ابي ارتاح شوي ولا تنسين اليوم بعد بنطلع مع حسين..
                هنيه جا دور شهد..خخخخخخ.. هاذي بعد سرحت بعيد لمجرد ذكر اسم اللي تحبه...!
                كوثر:انا لله ومسكت كتف شهد :هي انت صار لي ساعة اكلمك وانت بعييد..
                شهد:ها؟! مادري! شنو قلتي؟!!
                نرجس:ههههههههه خذوا هاذي بعد عشان طرينا حسين صارت لنا مهبله..
                الكل وحتى شهد رغم المستحى ضحكت:هههههههههه
                كوثر: كنت اسألك تبيني اقعد معاك شوي بعد لو اروح الحين؟!
                شهد:لا عاد ضلي بعد شوي ولا بستمل بروحي انا وحتى خليل طلع..
                كوثر لمعت عيونها وابتسمت ونرجس تلاحظها وخايفة من اللي سوته يكون غلط..!
                كوثر:طيب..بس نرجس مايصير ترجع لحالها لازم حد يوصلها..
                شهد:خلاص عادي الحين اشوف اخوي خليل وين اقول له يوصلها..!
                نرجس تفاجأت:لا لا بروح مشي عشان ابي الأكل ينهضم يلا سي يو..
                وطلعت دون ماتعطيهم مجال للكلام..
                طلعت من الباب الا الشمس طاقةفي وجهها فحت شيلتها على وجهها عشان تمنع اشعة الشمس توصل لها او تحرق وجهها..
                خليل كان قاعد في الجلسه اللي برا في حديقة بيتهم وشاف نرجس وهي طالعه بس مايدري منو هاذي كوثر ولا اختها لأنها حطت الشيله على وجهها ..{هو يدري من كلام شهد ان كوثر عندها اخت اسمها نرجس بس ناسي انهم توأم او يمكن لأنه ماسمع من شهد انهم توأم متشابهين في كل شي ومايفرق الواحد بينهم اذا شافهم..}
                بعد فترة طلعوا شهد وكوثر برا الحديقة يبون يتمشون وياخذون لوز من الشجرة اللي في الحديقة عندهم ..
                كوثر بصراخ:انا ابي احلى لوزه في الشجرة ..
                شهد: مانا انا اللي باخذ احلى لوزة..
                كوثر:لا لا انا مالي شغل..
                شهد:انا انا ماعلي منك ... وقاموا يتضحكون بصوت عالي على خبالتهم..!!
                كوثر:شهودة تعالي نروح ورا بيتكم ابي اشوف شو فيه ..
                شهد:اوكي وراحوا وكل ماشافوا شي ضحكوا مع بعض على تعليقات كل وحده وكان خليل يسمع كل شي مع انه مايشوفه ..
                شهد:شوفي كوثرووه قطو!!
                كوثر: يمه وينه؟! ما ابيه خليه يروح..
                شهد:هههههه وطلعتي جبانه ياكوثر..!!
                كوثر بنبرة تهديد مصحوبه بخووف: شهدووه ترى والله مابتلاقيين خير وخريه عني احسن لك وشهد ميته عليها من الضحك..!!
                وتمشوا شوي بعد ووصلوا للجلسة اللي قاعد فيها خليل ومشغل التلفزيون كان يطالع فيه ظاهرياً بس فكرياً كان بعيد كان متكدر وزعلان ومتضايق وهم سرحان يفكر بكوثر واللي صار له معاها ويفكر ليش قالت له كذا! لأنها ماكانت نظراتها له كذا كانت تخليه يحس بأنها تحبه وتهواه لدرجة انها من نظراتها خلته يهواها بعد ويحبها..!
                وفي ظروف هالتفكير مانتبه لكوثر وشهد اللي دخلوا عليه..!
                شهد: اوه خليل انت هنيه؟؟!!
                خليل انتبه لها ولكوثر في هاللحظة بس ماطالع فيها مثل كل مره يتلاقا معاها..
                خليل ومسوي نفسة مندمج بالتلفزيون:ليه هنيه عجل هناك؟!
                شهد:طيب تبي تتغدى ولا..؟
                خليل:لا مالي نفس مو مشتهي اكل شي ..!!
                كوثر حاس قلبها واستغربت منه شحقه مايطالعني؟!وليش حاقرني ولاكأني موجودة؟!لايكون فيه شي مضايقة مسكين؟! واستجمعت شجاعتها وقالت له: قوة خليل شلونك؟!
                خليل انصدم انها كلمته ولا كأنه شي صاير بينهم لا والأعظم انها كلمته بصوت حنون رقيق ..!!؟ طالع فيها وعلامات الدهشة باينه على وجهه خصوصاً ان نظراتها ماكانت مثل يوم يكلمها كانت مثل ماعهدها نظرات حب وموده وشوق ووله ..!! اخطلطت عليه الأمور واحتار وجت على باله البنت اللي طلعت وهي مغطيه وجهها بس قال مستحيل اختها تشابهها لدرجة اني اغلط ومافرق بينهم ..! لا هاذي هي كوثر اللي كلمتها ..!! ورجع يطالع فيها..!
                استغربوا منه كوثر وشهد لأنه يطالع في كوثر ولا يرد؟!!!
                شهد:خليل شو فيك صمخت كوثرصار لها ساعة تسألك شلونك؟!!
                خليل بغرور حطم الحزن اللي فيه على باله انه بيفشلها قدام اخته يوم انها ماتبي تبين لشهد انه في شي صاير قال:ليش تسأل؟؟
                >> وببرود كمل:وهي تشووف شلوني!!
                الكل تفاجأ من جوابه وسكت لكن قطع الصمت خليل:انا طالع ياشهد واذا جات امي قولي لها لاتحاتي اذا تأخرت..! وطلع دون مايعطي أي احد فرصة انه يرد عليه..!!
                وظلوا البنات ساكتين............................ بعد فترة....
                كوثر بحيرة:ليش شهد ليش؟! انا شو سويت ؟!
                شهد لاحظت الأحباط في صوتها:مادري ياكوثر ترى خليل مو في طبيعته ابد وسامحيه اكيد ماكان يقصد..
                كوثر: ..........ساكته......
                شهد وهي تفكر لمع في قلبها وميض:تحبينه كوثر؟؟!
                كوثر انصدمت من سؤالها ولا ردت بس قامت تفكر في نفسها: صج انا ليه احاتيه وافكر فيه وانحبط اذا ماهتم فيني لايكون حبيته؟!! ورنت هالكلمه في كل حاسة وخليه بجسمها وقامت اجراس الانذار في قلبها تعلن لها ايه حبيتيه حبيتيه ..!! وكوثر تفكر:لا انا حبيته والمفروض ماحبه هذا غلللط!!!!!!
                شهد وهي تشوف كوثر تفكر:كوثر عادي قولي لي غير انا الا شهد..!
                كوثر:مادري شهد .. والله مادري..
                شهد ابتسمت وقالت لها: انا بعد كنت مادري..!
                في البداية كوثر مافهمت قصدها بس بعدها فهمت وابتسمت لها وقالت:يلا شهد انا بروح البيت الحين..!
                شهد:اوكي اشوفك بكرة..
                كوثر بهدؤ:اوكي باي..
                وطلعت من الباب وتوها بتروح بتتجه بيتهم الا تلمح خليل قاعد في سيارته .. هو كان بيمشي بس مايدري ليه وقف وجهز شريط مسجل عشان يشغله في حال لو طلعت كوثر عشان تروح بيتهم وهو بعده واقف.. وفي هاللحظة لمح طيف كوثر يطالع في سيارته..شافها من المرايه وتجاهلها وشغل الشريط على اغنيه لفاضل المزروعي (اللي مايبانا مانباه).. ورفع ع الصوت شوي عشان كوثر تسمعه..
                كوثر سمعت وعرفت قصده انه يبيها تسمع واستغربت الأمر لأنها ماقالت له انها ماتباه بس هو الحين اللي يقول لها مايباها احتارت بس ماطاوعها قلبها تروح له وتسأله لأن كرامتها ماتسمح لها وبعد اخلاقها تمنعها فمشت عنه بتروح بيتهم وقلبها يتقطع من معاني كلمات الأغنيه ومن هالمقطع { ان كان لك وجه القمر الزين مايكمل حلاه}
                وهو في نفس الوقت بعد ماتطمن انها سمعت مشى بالسيارة وهو مو عارف فين يروح ولا شو يسوي دموعه خانته...ونزلت على خدوده..كان طول عمره يتمسخر على الحب وعلى اللي يحبون وكان مايقرب للبنات ولا يدانيهم ولا يبي يحب وحده فيهم الا لما يتزوج كانت عنده مشاعر من الحب ماحد يتصورها بس عمرة ماحاول انه يعطي احد من البنات هالمشاعر كان يحلم باليوم اللي يقدم هالمشاعر لزوجته وشريكة حياته ..لأنه كان خايف يحب وحده ويهديها مشاعرة ومايحصل له نصيب معاها اللي يحبها .. وهذا اللي صار له الحين..اليوم طارت اماله واحلامه ومخططاته وعرف ان هاذي جزاته يوم تطنز مره على واحد من ربعه لأنه حب وحده ووتزوج غيرها وماكان حاس بالحزن اللي بربيعه رغم انه يشوفه الحين يحب زوجته بس هم مو قادر ينسى حبه الأول وكاهو الحين ندم اشد الندم وتمنى لو هو ما تطنز في ذيك الساعه..وحلف على عمره بالهلحظة انه مايعيب على حد او يتطنز على حدلأنه تذكر المثل اللي يقول:من عاب استعاب..!!

                *** **** ***** ********** **

                راشد بعد مارجع من البحر راح بيت اخته اريج لأنه يحس انه مشتاق لريهام واللي ايقض هالمشاعر هي الطفله سارة اللي شافها بالبحر.. دق الجرس وفتحت له الباب الخدامه قال لها:وين ماما اريج؟!
                الخدامه:في الصاله داخل..
                دخل راشد وفتح الباب بشوي شوي ولقى اريج قاعده وحاطة اغنيه في الراديو وتسمعها وترقص ريهام اللي باينه الوناسه في عيونها وتغني مع راشد الماجد وتقول:

                اجيك يسلم راسك وشلون ماجيك..
                وياك انا بالذات صعب اتغلى..
                والله مادري من الغلى وين اوديك..
                تسوى عيوني ولا بعد يمكن اغلى..
                لاجيت انادي غيرك اسهى واناديك..
                غصبٍ علي ياليت
                روحي تنادي لك وقلبي يناديك..
                عليك مافي دنيتي شي يغلى..
                امر تدلل مالك الا اللي يرضيك..
                قدرك على كل الخلايق تعلى..

                ... .... ...
                ضحك راشد في سرة على حركات اخته اللي ماتغيرت..وفتح الباب بقوة ودخل وهو يرقص بهدوئه وكبريائة المعتاد وطالعته اريج وضحكت وهي تشوفه دومها تحبه لما يرقص يجنن وراحت له ريها بسرعة وهي تناقز جنبه وتتمايل على بالها يسمونه رقص خخخخخ..
                بعد مانتهت الأغنيه قامت له اريج تسلم عليه وهو حامل ريهام اللي ماسكت وتقول :لاسد هبيبي ابي هواوه..
                راشد:ههه ريهاموه يالبطة عمرك صار 5 وانت بعدك تقولي لاسد..!
                اريج:هههه حرام عليك الا توها داشة في السنه الرابعة..
                ريها:ايه ثح حلام اليك ابي هواوه..
                خذها راشد وباسها بقوه يحس معاها بالراحه لأنها طفله بريئة ماتعرف من هموم الحياه شي..
                اريج:حيا الله اخوي زارتنا البركه والله ..
                راشد:الله يحييك ها ام العلوم شحقه ماتهونين عن هالحركات ..
                اريج:ههههههه قالوها ابو طبيع مايجوز عن طبعه..
                راشد:هههههههه غربال..
                اريج:اكيد ماجيت الا تبي شي ..
                راشد:لا والله وحشتني ريهاموه وجيت اشوفها واسولف معاك شوي عن زوجة المستقبل ولا ماتبيني..
                اريج:لا شدعووه حبيبي ابيك وابي مليون زيك..
                راشد:الا اعلم عليك محمود تبين مليون ها؟ماعليه..
                اريج:ههههههههه صدقت انت يعني..
                راشد:هههههه ماعلينا خليني ابتدي اسئلتي..
                اريج:بل ماشاء الله اسئله بعد..
                الكل:ههههههههه
                اريج:انزين اكيد بتنشف لي ريقي بقول للخدامه تجيب لنا عصير وبجي..
                راشد ضحك عليها وقال:اوكي بسرررعة..
                وظلت ريهام قاعده على حظن خالها وتلعب بدبدوبها وساكته..
                اريج رجعت وقعدت جنبه:يلا تفضل قول اللي عندك..
                راشد:ابيك تقولين لي اشياء عن صاحبة العرش المستقبليه..
                اريج:هههههههه ماشاء الله وصارت صاحبة عرش بعد..
                راشد:اكيد مستقبلاً بتكون صاحبة عرش قلبي..
                اريج:هههه ياويلي انا ماقدر..ياحظها فيك..
                راشد:هههه طبعا طبعا يلا عاد قولي لي معلومات تجبر خاطري...
                اريج:هههههه طيب اقولك..اسمها وفاء سعود الملكي.. وتدرس تمريض ونهاية هالسمستر تخلص سنه..ويبقى لها سنه دراسة وسنه تدريب..وماشاء الله عليها جميييله وايد وتلفت النظر حتى لو ماحطت لها مكياج عندها نعمه وجمال رباني يسد العين..
                راشد وهو شاق الحلق:انزين وتهقين توافق علي؟!
                اريج:طالع هذا توافق وتبوس ايدها من ورا وقدام عليك ..
                راشد:هههههههههه مادريت انك ميته بحبي كذا..
                الكل:هههههههههههه واللي يزيد ضحكهم انهم كل ماضحكوا على شي ريهام تضحك معاهم وهي مو فاهمه شي اصلاً..
                راشد:مشكورة خيتو على هالمعلومات واردها لك انشاء الله..
                اريج:لاشدعوة ماطلبت شي..
                راشد:اوكي اروج بروح البيت الحين انا عشان بشتري لبن للوالده وبعدها بنتغدا ونطالع مسلسلنا ومادري وين بيطلعون خبرك اليوم الجمعه تبين تتطلعين ويانا؟!
                اريج بحيا ودلع:لا حبيبي انا بطلع مع زوجي عازمني ع العشا..
                راشد بابتسامه:الله يسعدكم ياختي..يلا في امان الله..
                اريج:مع السلامه سلم على امي وخواتي وحسين..
                ريهام:بباي لاسد انا اهبك ..
                راشد:باي ياعمري وانا امووت فيك وبكرة اذا جيتي بيتننا بوديك البقاله بخذ لك حلاوة واسكريم..
                ريهام فرحانه وراشد مرتاح انه يفرح هالياهله القريبه من قلبه وايد..
                ومر البقاله شرا لأمه لبن ورجع البيت..
                *** *** ******** *** **** **

                  تعليق

                  • *مزون شمر*
                    عضو مؤسس
                    • Nov 2006
                    • 18994
                    #35
                    اما ريم وخالد بعد ماسهروا ليلهم مع بعض وهم يسولفون ويتغزلون في بعض اذن عليهم الفجر وقاموا صلوا وبعدها نامت ريم في غرفتها وراح خالد نام في المجلس وتوه قاعد من النوم وتفاجأ انها الساعة 3 على باله انه الظهر وصلى صلاة ربه واستغفر وقرأ قران وراح يشوف ريم فوق مستغرب انها ماجلسته للصلاه يفكرها قعدت وهي اصلاً بعدها في سابع نومه..!!
                    وركب وتفاجأ بها بعدها نايمه..وراح عندها وابتسامه خبيثة مرتسمه على شفايفة..واخذ منديل ورقي >>كلينكس<< ولوته لين صار ضعيف في الطرف .. وتوه بيبتدي لعبته اللي ناوي عليها الا الباب ينفتح وتدخل منه وفاء..
                    وفاء ماتوقعت وجود خالد فقالت بطريقة تبينه اجرامي:شو تسوي خلود اعترف احسن لك؟؟!!
                    خالد مسوي روحه خايف:والله عمتي ماسويت شي..
                    وفاء: وي وهاذي بعدها خيشة النوم نايمه احنا نتلعب على عبيروة وطلع عندنا اللي اطقع منها..!
                    خالد:شب ما اسمح لك ياحلوة تراها مرتي وعن الغلط احسن لك..
                    وفاء:احلف انت بس وهي اختي يا اخوي..
                    الكل:ههههههه
                    وفاء: سبحان الله كل هالازعاج اللي سويناه ولا حست ولا اوتعت بعد..
                    خالد:ههه تعالي خلنا نلعب عليها شوي...
                    وفاء فهمت قصده لأن من يوم هم يهال يسون هاللعبة وضحكت عليه.. وراحوا يتسللون بشويش لين مكان استلقاء راس ريم على المخده.. وطلع خالد المنديل الملفوف وحطها في اذن ريم وقام يحركها بخفيف ..ريم حست بشي وقامت تحك اذنها وهي متضايقة بس مافتحت عيونها.. وخالد ووفاء يضحكون شال المنديل ولما
                    رجعت ريم تنام بهدؤ طلعه مره ثانية وحطة في اذنها وحركه شوي ..ريم اوتعت وعصبت وقالت بقوة بعد مافهمت اللي صار لها:اطلعوا برا !! شو هاي الحالة ماتخلون حد يتهنأ بنومته ..
                    هنيه انفجروا وفاء وخالد من الضحك..وريم انقهرت وسحبت مخدتها الثانية وقطتها عليهم..وهم بعدهم يضحكون..!!
                    وفاء وهي مو قادرة من الضحك:الشردة احسن لي وطلعت وسكرت الباب..
                    خالد بعد ماسكت من الضحك وريم رجعت تبي تنام راح عندها قعد على طرف السرير وشاف جوالها مرمي جنبها.. خذاه وراح فتح الرسايل مثل العاده.. وشاف اول رساله عندها من رقم غريب..
                    استغرب وفتحها شافها الرسالة اللي رسلتها له امس... راح للرسائل المرسلة مالقى الا 2 وحده مرسله ل(حبي الأبدي) ولقاها له واتشقق عاد والثاني مرسله ل(احلى ابتسامه)وشاف رقم وفاء اختهم وابتسم..
                    وتوه بيرجع يقرأ الرسايل الباقي الا وصلت رساله جديدة فتحها وكانت من نفس الرقم الغريب وتقول الرسالة:
                    محتاج اضمك واترك الدمع ينساب..
                    ويكتب على خدي بلاوي سنيني ..
                    بالحيل ميت من زمان مابه احباب..
                    الكل منهم بالمصايب يجيني الا انت وينك لا تعذر بألاسباب..
                    ابيك تترك كل شي وتجيني!!..

                    استغرب خالد وقال انه يمكن وحده من صاحباتها بس بعد لو حد تعرفه سجلت الرقم بأسم ويمكن مغلط بس لو مغلط بيرسل وحده غلط والثانية متعمد يتحرش..واخيراً قال اسأل ريم احسن لي..وراح عند ريم ..
                    خالد بكل جديه:ريم يا ريم؟؟!
                    ريم:همممم
                    خالد بصوت عالي شوي:ريم قومي جلسي ابيك..!
                    ريم قامت على طول من لهجة خالد حاسة ان فيه شي صاير..
                    خالد:تعرفين هالرقم؟!وخلاها تشوفه..
                    قالت:ايوه اقصد لا ماعرفه بس امس رسل لي رساله ..
                    قال:اها واليوم بعد رسل انا لازم اتصل اشوف منو ..
                    واتصل خالد شوي ورفعه شخص.!وقال:الو..
                    خالد:الو السلام عليكم...
                    الشخص كأنه انصدم وسكر في وجهه خالد..
                    خالد بعصبيه: قليل الأدب والله بيشوف ..
                    ريم:خلاص حبيبي ماله داعي خله يولي...
                    خالد:لا والله مايولي ورد اتصل بس مالقى رد..!!
                    خالد:الحيوان خاف ومو راضي يرفع.. وثواني الا نفس هالرقم متصل..
                    خالد بعصبية :الو..
                    الشخص:السلام عليكم.
                    خالد:وعليكم السلام منو حضرتك؟
                    الشخص:اسف اخوي بس بغيت اسألك مو هذا جوال الانسة ريم بنت سعودالملكي؟!
                    >> طبعاً خالد كان حاطة سبيكر عشان ريم تسمع وتشوف اذا تعرفه ولا لا..
                    مامداه يرد لأن الخط انقطع..
                    خالد بهدوء محفوف بالمخاطر:منو هذا ريم اللي يعرفك؟
                    ريم تحاول تتذكرر هي فين سامعة هالصوت من قبل وفجأه قالت بحماس:أيه اظني عرفت!!
                    خالد:منو؟
                    ريم:اتوقع ان هذا اللي يصير لأمي من بعيد انت بعد تعرفه اسمه جاسم كنا نلعب عاه ومع اخته يوم كنا صغار ..
                    خالد تذكره الحين وتذكر حقده عليهكانوا دوم يتهاوشون على ريم ايام الطفوله وانقهر يبي يعرف كيف جاب رقم ريم..
                    اتصل جاسم قبل خالد لا يتصل..
                    جاسم:اسف اخوي انقطع!
                    خالد:ماعلينا شنو تبي انت؟!
                    جاسم:بغيت اسألك اذا كان هذا جوال ريم ولا لا؟
                    خالد:ايه نعم جوالها ومعاك زوجها شو تبي؟!
                    جاسم انصدم: ها زوجها ؟! ليش من متى ريم تزوجت؟!
                    خالد:من كم شهر قولي شو تبي فيها؟!ومن وين جايب الرقم؟!
                    جاسم من الصدمه: لا اخوي الظاهر اني غلطان المعذرة..
                    خالد:لا اخوي مو غلطان واسمعني عدل يا جاسم والله ان شفتك داق على هالرقم مره ثانية ياويلك مابتشوف اللي يسركان شفت رقمك ولا أي رقم غريب جاي من طرفك لا تلوم الا نفسك!!
                    جاسم:لا تاكلني اخوي واسف انا ماكنت ادري ان ريم تزوجت لأني كنت ابي اخطبها بس قلت ابي اسألها اول موافقة ولا لا والحين تفاجأت بهالخبر !! الا صج كيف عرفت اسمي..؟!
                    خالد:لأني اعرف وتعرفني معاك خالد ولد عمة ريم..!
                    جاسم مثل اللي حصل صفعة على وجهه حس بالموت لأن اللذ اعدائة اخذ البنت اللي حبها يوم كان صغير قبل لا ينتقل للعيش في السعودية فقال بدوء: اها اهلين خالد شو اخبارك؟
                    خالد:بخير الله يسلمك يلا تامرني بشي؟!
                    جاسم:سلامتك مع السلامه..
                    خالد سكر دون مايرد عليه وهو معصب بس يحس انه انتقم منه شوي والتفت لريم لقاها تبتسم وهذا اللي زاد قهره اكثر..
                    خالد بعصبية:فرحانه ها فرحانه ان في واحد متصل يقول يبيك ويا هالوجه؟!!
                    ريم زادت ابتسامتها توسع..!!
                    خالد بقهر:ماتقولين لي ليش تبتسمين؟؟!!
                    ريم بكل رقه وفرح:حبيبي خلوود انا فرحانه لأن ريلي يغار علي هالكثر وشوي ويجن عشان رسايل تافهة..
                    خالد هنيه انجبر يبتسم... وقاموا يتكلمون مع بعض وتناسوا هالسالفة..
                    { جاسم هذا يصير ولد خالة ابو بدرية وكان من قبل جارهم في البحرين ومانسى وفاء وحاط في باله من زمان انه اذا اشتغل بيخطبها رغم انه في السعوديه الحين}
                    بعد ماسكر من عند خالد ظل محبط وبائس وهو يتذكر ريم ايام الطفوله يتذكر كيف كانت تحبه وتلعب معاه الا اذا انوجد خالد بالساحه تتركة وهالشيء ككان يضايقة وماعرف شيسوي..
                    اتعوذ من ابليس وقام من مكانه وهو يفكر يقزل لأمه تخطب له بنت ناس كويسين بس يبيها من اللي كانوا يعرفونهم ايام ماكانوا في البحرين ..صج رغبه غريبه خخخخ.. او يمكن عشانه واضع مخططات انه بياخذ وحده ساكنه في البحرين وحاط اشياء براسة فكانت هاذي رغبته اللي مابيغيرها وشكر ربه اه مو متعلق بريم لدرجة الموت لأنه ماصار يشوفها من زمان فعادي الوضع عنده الللهم فقد مخططاته الأولية!!!..

                    ** *** **** **** *** *** ** *

                    في بيت ام راشد..
                    كل العائلة قاعده في الصالة تتطالع التلفزيون لأنه فتح مسلسل(عباس الأبيض في اليوم الأسود) المصري اللي يطالعونه كل يوم الساعة 3 ونص..
                    كوثر قطعت هالصمت لأنها تحس بالخنقة من اللي لقته من خليل وتبي تطلع بما انه اليوم الجمعه يوم الطلعة المحدد:حسين؟
                    حسين حاقرها مسوي انه مندمج..
                    كوثر شوي واتصيح:اوهو حسين قاعده اكلمك انا..
                    حسين: خير شتبين؟
                    كوثر:شفيك تكلمني كذا؟!
                    حسين :سألي نفسك؟
                    راشد:سكتوا عن المناقر وخلونا نتابع المسلسل عدل..
                    كوثر وكأنها ماتسمع: انزين انا اسفه ماكنت اقصد..
                    حسين ابتسم: شنو تبين؟!
                    كوثر: وين بتودينا اليوم؟!
                    حسين:وين ماتبون بوديكم؟!
                    نرجس:نبي نروح السينما!!
                    كثر:ايه صج من زمان مارحنا..
                    حسين:طيب ..وانت راشد بتروح معنا ولا؟!
                    راشد:عادي بروح ماعندي شي..
                    واتفقوا ع الساعة اربع ونص لما ينتهي المسلسل يروحون ..

                    *** **** *** *** *** * * **
                    في بيت ابو ناصر..ع الساعة 3 ونص..
                    وفاء نزلت من فوق ومعاها ليلى وكان هادي يطالع لتلفزيون..
                    وفاء:هدوي رجاء ابي اطالع المسلسل..
                    هادي بزعطة:أي مسلسل؟!
                    وفاء:هادي لاتقعد تستعبط علي وانت عارف المسلسل..
                    هادي:ان شاء الله هالمصري التافة؟!
                    وفاء: مالك شغل تافة ولا غيرة بسرعة ابي اطالعة..
                    ليلى انقهرت من عناد هاديكل مره يتهاوش مع وفاء ع هالحالة:يلا هدوي حبيبي خلنا نطالع اليوم الحلقة العاشرة مايصير تفوتنا وتوه المسلسل بادي بعدين مابنفهم..
                    هادي بنظرة:والله لو عندي شي اطالعه ماحطيته لكم احمدوا ربكم ان مافيه شي ابيه..
                    وفاء سحبت رموت الكنترول من عنده:يلا ضف ضف..
                    وحطت قناة دبي وقامت تطالع المسلسل..وليلى متملله لأنها ماتحبه..
                    ليلى:وفاء بكرة بنروح الجامعة..
                    وفاء:مو شي جديد..
                    ليلى:ايه نبي نطلع مليت انا ..
                    وفاء:وين تبين ؟
                    ليلى:خاطري اروح السينما ..خلنا نروح وفاء..
                    وفاء:هههاي تهقين امي بترضى يعني نروح انا وانت لحالنا..
                    ليلى:اوهو عبير اكيد بتظل مع ناصر..
                    وفاء:شوفي لما ينتهي المسلسل بشوف خلود بحاول فيه يروح معانا ويا ريم وكذا امي مابتمانع..
                    ليلى:اوكي خوش فكرة..
                    وبعد مانتهى المسلسل..
                    راحت وفاء لخالد:خلود حبيبي..
                    خالد:اوهوه يوم تبي شي اصير حبيبها..
                    وفاء:عفيه خلود مابي شي عظيم انا..
                    خالد:ههههه شو تبين؟!
                    وفاء:انا وليلى خاطرنا نروح السينما ونبيكم تيون معانا..
                    ريم:غريبه تبينا معاكم مو العادة..!
                    خالد:لأن ياغناتي الماما مابتخليهم يروحون لحالهم..!
                    ريم:اها وانا اقووول..
                    وفاء متمسكنه:يلا عاد ارجوكم نبي نطلع..
                    خالد: بس بشرط ؟! >> وهو يغمز لريم..
                    وفاء:موافقين..!!
                    خالد:هههه انت اسمعي الشرط اول..
                    ريم:هههه مطيورة ع الطلعة
                    وفاء:انزين شو الشرط؟
                    خالد:انا وريم ندخل فلم بروحنا وانتوا بروحكم...
                    وفاء: اوكي يلا احنا بروح نلبس وبسرعة انتوا خلصوا

                      تعليق

                      • الأميرالمميز
                        عـضـو
                        • May 2008
                        • 22
                        #36
                        مشكوووووووووووووووووووووورره

                        وين التكمله بسرررررررررررررررعه

                          تعليق

                          • *مزون شمر*
                            عضو مؤسس
                            • Nov 2006
                            • 18994
                            #37
                            الجزء الثامن والعشرين:


                            وقبل الساعة اربع وصلوا وفاء وليلى وريم وخالد مجمع (الدانه) وراحوا جهة السينما واختاروا وفاء وليلى فلم عربي كوميدي ابتدأ من ربع ساعة بس مايقدرون ينتظرون لأن العروض الجديدة ماتبدى الا ع 6 وشوي.. ونفس الشي خالد وريم بس هم دخلوا فلم اجنبي رومانسي كوميدي.. وراحوا شروا لهم فشار وعصير ودخلوا افلامهم..
                            اما ع الساعة خمس وشوي دخلوا مجع الدانة راشد وحسين ونرجس وكوثر تأخروا لان حسين شاف برنامج علمي تثقيفي ومارضى يقوم من عند التلفزيون لين مانتهى ..راحوا اول جهة السينما واختاروا فلم كوميدي عائلي يبدأ بعد ساعة .. فراحوا قعدوا في كوفي شوب ينتظرون وهم يسولفون واللي طلب له عصير واللي قهوة واللي اسكريم وهيك.وضمن السوالف حسين قال انه يبي ينزل تحت في الطابق الأول محل عشان بيشتري له منه نعال جديد وقالت له نرجس انها بتروح معاه بعد ماتخلص قهوتهاللي تشربها..
                            بعد نص ساعة تقريباً خلص فلم وفاء وليلى بس باقي يشوفون مشاهد اللي خلف الكواليس اثناء تصوير الفلم وتضحك الواحد..وفاء ودها تشوفهم بس ماتقدر تبي تروح الحمام وقالت لليلى بسرعة:ليللوه انا بروح الحمام وبعدين بوقف محل ما اتفقنا..
                            (اتفقوا مع خالد وريم يتلاقون عند البوابه رقم 2)
                            ليلى من زود الأندماج: انزين روحي بس سكتي ابي اطالع..
                            وراحت عنها وفاء وهي تمشي بتروح الدرج شافت في الكوفي شوب اللي مقابلها راشد اللي كان سرحان وكان جالس جنبه واحد حليو بعد ومقابلهم بنتين عاطينها ظهورهم فما شاتهم هي عرفته على طول بس ماطولت مناظر ولفت راسها تكمل طريقها وهي مبتسمه على هالصدفة..
                            هنيه راشد بعد انتبه لها وابتسم بينه وبين نفسة لأنه شافها تطالعة أي انها عرفته مثل ماعرفها..
                            كوثر كانت تاكل اسكريم وتطالع اللي يمشون وهي تفكر بخليل اللي مافارق تفكيرها ولا دقيقة..
                            اما حسين ونرجس خلصوا شرابهم وقاموا عشان بينزلون تحت المكان اللي يبيه حسينوهم يسولفون ويضحكون ويحاولون يسرعون عشان مابقي وقت على بداية الفلم..
                            اما ليلى بعد مانتهت المشاهد وطلعت من السينما شرت لها قرشة ماي وراحتبتنزل تحت عشان تروح محل ماتفقوا يتلاقون وماعرفت شلون خافت تنزل وكان الدرج فاضي لأن الكل في المطاعم ولا في السينما ولا المحلات ..وهي ماخذت جوالها عشان تدق لوفاء اللي مشت عنها..وشوي وشافت بنت بتنزل لحالها>>نرجس....
                            وقالت لها:لو سمحتي اختي..
                            نرجس:نعم..
                            ليلى:بتنزلين تحت؟!
                            نرجس باستغراب:ايه ليش؟
                            ليلى تدري انها مستغربه فحبت توضح لها الوضع: انا اخاف من الدرج ماحب اركبه ولا انزله بروحي فهل ممكن تنزليني معاك لأن اختي نزلت عني..!
                            نرجس رغم الدهشة اللي فيها من خوف هالبنت الغريب من نوعة بس ماحبت الا تطمنها: عادي اختي تعالي ولا يهمك..>وابتسمت..
                            نزلوا مع بعض..
                            ليلى:مشكورة حبيبتي ماراح انساها لك..
                            نرجس :ههه العفو ولو ماسويت شي............ وقطع كلامهم حسين اللي مانتبه لوجود ليلى..
                            حسين:يلا نرجس خلنا نروح قبل لا يبي الفلم....>ويوم انتبه انها واقفة مع بنت ى قال: اوه سوري مانتبهت ان معاك احد..
                            ليلى فتحت عيونها من الدهشة وابتسمت وكذلك حسين..
                            نرجس حست بوجود شي غريب..
                            حسين: اوه هاذي انت؟! صج لا قالوا الدنيا صغيرة..
                            ليلى بابتسامة خجل مبينه غمازات خدودها الغزيرو الحلوة:ايه صج
                            نرجس:شنو السالفة علموني كيف تعرفون بعض؟!
                            ليلى:هالشخص ساعدني مره يوم كنت بورطة مع السيارة والحين انت ماشاء الله العائلة الكريمه كلها تصادفني وقت ورطاتي..!!
                            الكل:هههههههههههههههه
                            نرجس:ههههههههه فديت اخوي دومه يساعد طالع علي..
                            حسين:قوليث انت طالعه علي..
                            الكل:ههههههههه
                            ليلى :مشكورين على كل حال وسرتني شوفتكم..
                            نرجس:واحنا اكثر يلا باي..
                            ليلى : باي وراحت مشت للبوابه الثانية..وهي تحس بسعاده ماتعرف سببها...
                            في حين ان نرجس وحسين راحوا محل احذية رجالية وهم يسولفون..
                            نرجس:بعد تساعد ياحسين ماقلت لي كيف!؟
                            حسين:ههههههه وعلمها بالسالفة..وتذكرة سالفة مغلفها اللي من وناسته بشوفتها نسى يقول لها عليه..
                            حسين بقهر: اوووووووووه صح نسيت اقول لها ان مغلفها عندي لأنه طاح وهي مشت عنه فاظطريت اخذه!!
                            نرجس:تعال نشوفها يمكن بعدها موجوده وساروا يدورونها بس مالقوها لأنها اصلا طلعت من المجمع مع وفاء وريم وخالد..
                            وهم في السيارة..
                            خالد:ان شاء الله استانستوا..؟!
                            الكل:طبعاً..
                            ليلى:لكن انا ماحبكم دوم تخلوني لحالي وماعرف انزل ادرج فأتفشل مع الناس لما اروح اقول لهم نزلوني..>وهي مبرطمه..
                            الكل:ههههههه
                            وفاء:السوحه منك لولو بس والله مو قصدي كنت ابي انزل بسرعة ونسيت سالفتك..
                            ليلى:اوكي مقبولة منك بس لاتعيديها..
                            ولما وصلوا بيتهم علمت كل وحده الثانية باللي صار لها ومنو شافوا وهم يضحكون على اعمارهم ومايدرون ان اللي يتكلمون عنهم في الحقيقة اخوان..

                            ** *** *** *** *** ** ***
                            اما اريج بعد المغرب طلعت مع محمود وراحوا تعشوا في مطعم وبعدها راحوا البحر وظلوا يتمشون وهم يسولفون وكل واحد منهم فرحان عشان فرح الثاني واما ريهام في البيت مع الخدامه بس طاقتها نومه من 7 المغرب خخخخخخ..

                            ** ******** *** *** *** **** ***
                            في هالساعة تقريباً الكل مستعد لنوم عشان يستقبلون بكرة بنشاط وروحة لدوامات..ماعدا انسان ماجاه النوم وهو يفكرر باشياء وايد انسان يحس ان الحزن صار له صديق انسان اظنكم عرفتوه..!!


                            انسان اسمه حسام..متعذب بحب يظن انه مستحيل..
                            كان يفكر بالكلام اللي قاله له سالم وقاعد يتذكر هو بالضبط شو قال له..
                            هذا اللي صار بينهم يوم ضل معاه .. تغدوا بعدها قاموا يتكلمون..
                            سالم:حسام قبل أي شي تحلف لي انك من صج من صج راح تاخذ اختي ولا هو بس كلام؟!
                            حسام رد: سالم تشوف كل هالعذاب اللي فيني وتقول لي بعد متأكد انت يعني شو رايك..
                            سالم:طيب خلاص انا ما سألتك الا لأن جنان اختي الوحيده وهي عزيزة علي مثل ماتعرف ولازم اتطمن عليها في كل الأحوال مو عشانك صديقي العزيز افرط فيها لازم اتأكد من كل نواياك رغم اني واثق فيك..
                            حسام:ادري بس انت قول لي السالفة والحل لها رجاء..
                            سالم:طيب انا اقول لك..سلمك الله جنان اختي من يوم هي في الثانوي تحب ناصر حب ماله مثيل بس انت تعرف ابوي شو صار فيه وشلون صار يرفض زيارتنا الدايمة لهم وهذا بالرغم انهم مايعتبرون فقراء لأنهم عندهم شركات ومن هالقبيل بس دامنا اكثرر وايد منهم فعند ابوي انهم اقل مستوى منا ومايبينا نحتك فيهم كثير فهي كانت ساكتة لكن عندها امل ان في يوم ابوي يوافق عليه بس المشكلة انها ماتعرف اذا ناصر يحبها ولا لا ولما صار ناصر يبتدي يهتم فيها شوي وينتبه لها ولحبها له صار له الحادث اللي افقده بصره وصار الأمل مستحيييييييل عند ابوي وغير كذا ان ناصر يحب البنت اللي خطبها ومايحب جنان اختي انا الصراحة رحت له وكلمته وهو وضح لي انه مو مستعد يفرط في خطيبته عشان يجي ويخطب جنان وينهان وينطردوعلى الأغلب هذا اللي كان راح يصير .. وجنان اختي الحين تقبلت الواقع بطريقة غريبة بس الحزن دومه في عيونها هي طلبت مني اساعدها عشان تنساه وانا الحين قاعد اخطط بشي عشانك وعشانها..
                            حسام بهدوء حزين:شنو هو؟
                            سالم: انت لازم تتقدم لجنان وتحاول بكل الحب اللي تحمله لها في قلبك تنسيها ناصر وتخليها تحبك وانا واثق من قدراتك..
                            حسام بعجزز:طيب وان ماقدرت انسيها اياه..
                            سالم:شوف حسام انا اعرف جنان اختي وهي من النوع اللي حتى لو حب شي وصار عنده شي جديد يحب الجديد اكثر من القديم وهذا طبعها في كل شي..
                            حسام:انا عشانها اسوي أي شي يا سالم أي شي..
                            سالم:وانا عندي بعد فكرة ممكن تكون في صالحك..
                            حسام:قولها يلا شتستنى..
                            سالم:الطبيب قال لنا ذاك اليوم انها محتاجة تغير جو وامي اقترحت علي نروح العمرة فشو رايك تشوف امك واختك اذا بيروحون ونروح جميع يوم الاربعاء عشان هي تستأذن من الجامعة الصبح وترجع السبت الفجر وتروح فما يفوتها شي من الدروس..
                            حسام استانس من هالفكرة على الأقل بيقدر يشوفها وممكن انها تصير صديقة اخته وتتوطد بيبنهم علاقة اقوى:ايوه فكرة حلوة..
                            سالم:ايه عشان هي بعد بتشوفك وبتعرفك وممكن انها توافق عليك بسرعة اذا عرفت امك واختك وارتاحت لهم..
                            حسام:ان شاء الله..
                            ** *** *** *** *
                            وكانت هاذي المحادثة اللي جرت بين حسام وسالم في ظهر هاليوم..
                            حسام قرر يقول لأمه بكرة عن السفر ويعلم اخته الغرض من السفر ويقول لأمه بس انه يبيها تشوف اخت صديقة عشانه ناوي يخطبها ويشوف شو بيصير..
                            (حسام عنده اختين بس ايثار وعمرها 23 ومناهل وعمرها 19سنه وامه وايد طيبه وحنونه وتخاف عليهم ودوم تحاتيهم وماتقل طيبة ابوه عنها دووم مدلعهم وابوه تاجر معروف ومشهور وله مكانته بين الناس وسمعة كثير طيبة ويملك من الأملاك الشي الزين والكثير..)

                            **** **** **** ****** ***

                            هاذي هي اشرقت شمس صباح يوم السبت وكل اللي ملزوم يقوم قعد وصلى ولبس وجهز والكل راح دوامه .. ومر اليوم عليهم..واللي رجع متونس واللي تعبان واللي ماله خلق والل نعسان واللي واللي واللي..... وهذا هو اليوم قرب ينتهي وهو عادي للجميع وممل..
                            وصارت الساعة الحين 9 في الليل..
                            وعند احلام.. في غرفتها..توها مخلصة مذاكرتها ودروسها وطول الوقت كانت تفكر بنايف وبصعوبه قدرت تركز .. دقت عليه رنه مثل ماهو طالب منها.. اما نايف ماصدق خبر وعلى طول اتصل لها..
                            وكانوا كل مره يسولفون وهم مرتاحين البعض وعلى هالحالة ..صارت احلام كل يوم تدق لنايف رنه بعد ماتخلص مذاكرة وهو يتصل لها ويسولفون اكبر وقت يقدرون عليه.. وتعلقت احلام بنايف كثير دون ماتدري وهو بعد بس الفرق انه ماخذ السالفة لعب وبس...!!!!
                            ******** **** ** ****** ******
                            اما بدرية اتصلت لها ام راشد في العصر تأكد لها زيارتهم بكره عشان يطلبون ايد وفاء لراشد ولدها ورحبت فيها وقالت لها البيت
                            بيتك وقت ماحبيتوا حياكم الله..
                            وكاهي تفكر بخاطرها انها تقول لوفاء قبل لايجون احسن لها لاتتفاجأ بعدين...
                            بدرية بصوت عالي: وفاء.. وفاء يمه تعالي ..طوفاء سمعت امها تناديها:هلا يمه شنو تبين؟
                            بدرية:شو تسوين؟
                            وفاء:ولا شي بس كنت ىاستعد للنوم لأن ليلوه نامت عني مع انها توها تسع..
                            بدريه:اها طيب تعالي ابيك في موضوع قبل لاتنامين..
                            وفاء خافت من لهجة امها الجاده:خير يمه؟؟!
                            بدريه:الخير بوجهك يابنتي بس حبيت اقول لك ان بكرة الساعة 7 او 7 ونص بيجون لنا ناس ..
                            وفاء:ايه والمطلووب؟!
                            بدرية بهدوء ورقة:هالناس ياحبيبتي جاين طالبينك لولدهم وانا وابوك لولا ان حنان نشوفهم تمام ماوافقنا يحجون بكرة يخطبون رسمي..
                            وفاء تفاجأت ماكانت تتوقع هالشي ابد وضلت ساكته..
                            بدرية تكمل: شوفي يابنتي احنا مابنجبرك على شي والناس مره زينين وكويسين وانا وخالتك ام عبير نشهد وانت براحتك وابوك
                            بعد يدري عنهم وبكرة بعد ماتسمعين كلامهم وتفكرين زين مازين تقولين لنا رايك..
                            وفاء ببرود:طيب؟؟؟
                            بدرية:خلاص يلا روحي نامي ولا تفكرين من الحين شوفي نفسك كيف تقولين حد مهزئك وضاربك ههههههه
                            وفاء:ههههه لا يمه مو كذا بس ماتوقعت هالسالفة..
                            بدرية:شلون عجل كل بنت مصيرها بيت ريلها..
                            وفاء ماردت وقامت وهي ساكته وفي دنيا ثانية اصلاً!!!!..
                            وفاء حاولت تنام في هاليلة بس ماقدرت ابد ولا ذاقت طعم النوم الا في الساعات الاولى كانت تفكر: كيف اتزوج؟!! انا مابي اتزوج!!ويصير فيني مثل امي وابوي ليش اهم روحي وانا بعدني
                            صغيرة ؟!! رنت هالكلمه في راسها:صغيرة؟! لكن الللي معاي اغلبهم متزوجين ولا مخطوبين لا وبعد في امهات؟!! اووووه ياربي بس انا ماريد اتزوج وادخل في مشاكل ..لا ماقدر اتزوج !! انا برفض رفضاً باتاً.. بقول اني ابي اكمل دراستي ..بس شو اسوي لو قال لي عادي اكمل وانا مخطوبة ماعندي حجة ياربي شسوي؟؟!!
                            وكان هذا تفكيرها اللي نامت دون ماتحس من التعب وهي تفكر فيه..
                            ** ** ********
                            واليوم الثاني يوم الاحد !!!
                            الكل راح دوامه مثل العاده والكل على طبيعته ماعدا وفاء اللي دومها سرحانه وتفكر وفي عالم ثاني..

                            وهم نرجس وكوثر اللي ماقدروا ينامون كل وحده تفكر بشي ..كوثر تفكر ليش خليل صار يعاملها كذا؟؟! ونرجس تفكر تفكر هل اللي سوته اليوم مع خليل صح ولا غلط؟! لأنها تدري ان ممكن اختها ماخذت عهد طفولتهم بجد مثلها هي ...

                            وحتى جنان اللي نومها مو مريح لها دووم تحلم احلام تخليها تجلس وهي خايفة ولا مرعوبة... والله يعين..
                            ** ** ** * **
                            عند جنان..
                            بدور:صدقيني جنان حبيبتي بتنسين..
                            جنان بابتسامه مالها معنى: الله يسمع منك..
                            بدور:يلا اليوم تعالي بيتنا ها خلينا نسوي البحث مع بعض..
                            جنان:اوكي يلا باي .. وطلعت كل وحده لبيتهم..
                            ** ** *** ** *** ***
                            وفاء وليلى في السيارة مع السايق..
                            ليلى:شو فيك وفاء؟ انت اليوم دومك سرحانه وابد مو طبيعية!! والكل لاحظ هالشي؟!
                            وفاء:.... ساكته .....
                            ليلى: شفتي ان فيه شي يلا حبيبتي قولي لي انا ليلى حبيبتك >وابتسمت..
                            وفاء ردت لها الأبتسامه بس مسرع ما اختفت ابتسامتها..
                            وفترة صمت قالت بعدها وفاء بأنفعال:ليلى... في ناس بيجون اليوم يخطبوني...!!!!!!
                            ليلى سكتت ثواني تفكر باللي قالته وفاء وبعدها:هههه هههههه هههه والحين هذا اللي مضايقك ؟!!
                            وفاء ودموعها بتنزل خلاص:انت مو فاهمة شي!!...ماحد فاهم شي... ليلى انا مابي اعرس فهموني الله يخليكم حرام عليكم حرام..>> وقامت تصيح..
                            ليلى كسرت خاطرها وفاء وماهان عليها تشوفها تتعذب كذا وهي ماتدري..
                            ليلى:خلاص حبيبتي لا تصيحين .. انت قولي لي ليش وانا راح اساعدك صدقيني!..!
                            وفاء بهدوء:ليلى انت تعرفين الحال مع امي وابوي.. صح؟؟!
                            ليلى الحين وضحت لها الصورة وفهمت قصد وفاء:ايه اعرف..
                            وفاء:انا مابي امر بنفس اللي مروا فيه..
                            ليلى تفكر بكلام تقوله لها عشان يؤثر فيها ويخليها تفهم ان مو كل الناس مثل بعض..
                            ليلى:وفاء حبيبتي اصابع يدك مو سوا ومو كل الناس عايشة مثل بعضها ..المشاكل لازمه عند كل عائلة وهي مثل مايقولون بهارات الحياه ..وفي ناس عايشة بدون مشاكل يعني ممكن شجارات جانبيه بس ماعنهك مشكلة دائمة او مثل مايقولون كل مشكلة ولها حل ..!
                            وفاء بعد تفكير:يعني برايك لو كان هالشخص زين مثل ماتقول امي ووافق ع شروطي اقبل فيه؟َ!
                            ليلى بأبتسامه:والله اظن بيكون خير معين لك وانت استخيري ربك وان شاء الله امالك ماتخيب..وعلى فكرة ..ترى البنت هي اللي تحدد نوع العيشة اللي تتمنى تعيشها وذلك بأسلوب تعاملها مع زوجها .. فنصيحة مني لك:خلي تعاملك حلو تصير حياتك حلوة..
                            وفاء اكتفت انها تبتسم وحست بالراحة شوي بعد ماتكلمت مع ليلى
                            وقررت توكل امرها لرب العالمين...

                            *** **** **** ***** ***** ***
                            هيفاء رجعت من الجامعة ودخلت الشقة وهي على غير العادة ساكته وبالها مشغول .. كانت تفكر باللي مخلي اختها وفاء اليوم غير شكل ومو في حالتها الطبيعية ..كانت تبي فرصة تكلمها فيها مثل اخت لأختها وتحاول تخليها تطمن لها وتفتح لها قلبها بس ماصار عندها فرصة خصوصاً انها ان البنات دووم معاهم..
                            حليمه تتكلم وهي تحس بتعب:شو فيك يابنتي مالك طبيعية؟!!
                            هيفاء انتبهت لجدتها تكلمها:مافيني شي ماما بس تعب الجامعة..
                            حليمه:اه >> هنية انتبهت هيفاء لشحوب يدتها وخافت عليها..
                            هيفاء:ماما شو فيك ليه وجهك صاير كذا؟؟!
                            حليمه: مابي شي بس احس بشوية ارهاق..
                            هيفاء: لا لا حالتك ماينسكت عليها لازم تروحي المستشفى..
                            حليمة اعترضت بس هيفاء ما اهتمت وراحت للتلفون بسررعة كانت بتتصل لأبوها بس تذكرت تحذيراته لها بانه هو اللي يتصل لها دايماً مو هي فاتصلت بعمها فواز بس لقت جهازة مغلق.. احتارت شو تسوي وهي تشوف يدتها والوحيده اللي باقية لها من ريحة امها والوحيدة اللي ربتها واعتنت فيها تزيد تعب ويبان عليها الشحوب اكثر واكثر..!!
                            ** ** ** ** ** *** *** **** ** **
                            سعود كان راجع من الشركة بدري عشان الناس اللي جايين يخطبون بنته وقاعد في الصالة مع بدرية وهادي ووفاء وليلى اللي توهم راجعينمن الجامعة..
                            كان يتابع التلفزيون مع بدرية والبنات يسولفون وهادي يكتب واجباته عشان بعدين يلعب ع كيفة..
                            وفجأة ... صاح جوال سعود تقريبأ بس رنه وحده وسكت..الكل سكت وبعدين رجع لوضعة القبلي..الا وحده وهي اكيد بدرية....
                            احتارت وهي تراقب ريلها بعيون ضيقة والشكوك تدور في راسها..
                            وكانت تترقب ردة الفعل اللي بيظهرها ريلها لما يشوف الرقم وهي
                            ساكته وتطالع بس..
                            اما سعود كان عادي مره رغم انه حاس بنظرات بدرية الفولاذية الموجهه نحوه ..طلع جوالة من جيب دراعته (ثوبة) وفتح المكالمه وشاف رقم هيفاء ..تفاجأ في نفسة.. لأنه موصيها ماتتصل فيه ابد لأنه مايبي مشاكل.. وقال بصوت عالي: الظاهر مغلطين بالرقم..
                            بدريه:اييه .. >> بس ما اقتنعت لأنها حست به تغير من شاف الرقم..
                            اما سعود كان تفكيرة:اكيد مادقت الا انه صاير شي يمكن تبي شي ضروري خلني اقوم اتصل فيها..
                            ووجه كلامه لبدرية:يلا انا بقوم فوق اريح شوي..>> وقام..
                            وفاء حست انه في شي مو طبيعي بين امها وابوها.. وحتى ليلى حست.. بس سووا اعمارهم مندمجين بالسوالف وكل وحده مالها شغل باللي يصير..
                            سعود راح غرفته .. واتصل لبنته..
                            سعود بما يقارب الهمس:الو هيفاء شنو فيك؟ صاير لك حاجة ولا ايش؟؟
                            هيفاء: ايه يبه الله يخليك تعال لي بسرعة يدتي حليمه مدري شفيها مريضة وانا خايفة عليها >> بهلع قالتها..
                            سعود: طيب حبيبتي بجي لكم الحين بس انت لا تخافين وخلكم على حالكم..
                            { في هاللحظة دخلت بدرية الغرفة..!!
                            هيفاء:طيب شو اسوي الحين؟؟!
                            سعود وهو يطالع في بدرية : خلاص جايكم انا الحين بس مسافة الطلايق وخلكم متطمنين مافيها الا كل خير ان شاء الله يلا في امان الله .. >> وسكر..
                            بدرية وهي رافعة حاجب: منو هذا؟ وشنو صاير؟؟
                            سعود وهو يحاول يحافظ على هدوء اعصابه:هذا سلمك الله واحد من الربع بنته مره حرارتها مرتفعة وزوجته ميته صياح عليه تبي يياخذونها المستشفى لكن هو سيارته في الورشة ومتصل لي يطلب العون مني وحالتهم لله هناك..
                            بدرية: اها يعني الرقم اللي دق من شوي مو غلط؟!!
                            سعود بعصبية خفيفة:لا ماله شغل بالموضوع اصلا هذا غير وذاك غير..
                            بدرية:وبتروح الحين؟؟
                            سعود:مثل ماسمعتي ومار اح اتأخر بعد مايصير اترك الناس وهم محتاجينا..
                            بدريه:الله يستر من هالسوالف بس..
                            سعود عرف الموال اللي بينفتح فعشان مايضيع وقت اكثر مشى عنها وطلع من البيت متجه باسرع مايقدر للشقة..
                            ** *** *** ** ** **
                            عبير لاحظت اليوم غرابة عبير هي تعرفها من زمان وتعرف انها ماتسوي كذا الا اذا في شي مضايقها وايد.. وقامت اتصلت بها..
                            وفاء:اهلين عبير..
                            عبير:اهلينات وفاء..
                            وتموا ساكتين دقيقتين يمكن لأن وفاء عارفة سبب اتصال عبير وعبير عارفة ان وفاء بروحها بتتكلم..
                            واثنينهم قالوا في نفس الوقت ...
                            عبير:ماقدر وفاء........
                            وفاء:لا تخافين عبير........
                            وردوا سكتوا..
                            وفاء كملت:عبير ادري انك تبين تعرفين اللي مضايقني بس والله يوم قلت لليلى ضحكت ووو...
                            عبير قاطعتها : بس انا عبير ياوفاء مو ليلى..!!
                            وفاء:اه طيب قومي تعالي البيت...
                            عبير:الحين؟؟!1
                            وفاء:ايه والله تعالي اعلمك وعشان اليوم وايد مهم تكونين معاي وبعدها قعدي مع ناصر..
                            عبير:طيب الحين اشووف ابوي اخليه يوصلني بس لاتخبرين نصور خليها مفاجأة..
                            وفاء:ههههههه نصور بعد اوكي أي ام ويتنغ يو..
                            عبير:سي يو ..
                            وسكرت عنها ..
                            ** ** *** *** ** **
                            سعود وصل الشقة.. ودخل بسرعة ولقى حليمه على الكنب وحالتها حالة صايرة تنفس بصعوبه ولون وجهها مو طبيعي وحرارتها وايد مرتفعة .. ولقى هيفاء قاعة على الأرض تحت ريولها ودموعها تصب على وجهها ..
                            سعود:يلا هيفاء تركي الصياح عنك وتعالي نروح المستشفى بسرعة..
                            هيفاء من خوفها تحس انها تبي صدر يطمنها ويحنو عليها وراحت رمت روحها في حظن ابوها وقامت تصيح بقوة :يبه شو بيصير فيني لو صار شي فيها يبه الله يخليك لاتخلي شي يصير فيها ..
                            سعود تقطع قلبه على هيفاء وحس صج انه وايد مقصر في حقها وصارت القرارت تدور براسة وقال لها: لاتخافين يابنتي ياحبيبة ابوك انت وكل شي بيد رب العالمين ويلا نروح بلا تضيع وقت..
                            ومسكت هيفاء يدتها من جهة وسعود من جهة وطلعوا من الشقة وطوالي للمستشفى..!!وهم بالطريق اتصل بفواز اللي اخيرا فتح جهازة وقال له يجيهم بسرعة المستشفى..
                            *** *** ***** ** *** * **
                            وصلت عبير بيت ام ناصر وسلمت على هادي اللي كان في الصالة وسألته عن وفاء قال لها فوق بغرفتها وسألته عن ناصر وقال لها انه ماطلع من غرفته اليوم ابد..
                            استغربت وراحت فوق وراحت غرفة ناصر اول..
                            دخلت لقته قاعد على سريرة..والقران على حظنه وهو يكلم نفسة بطريقة غريبة لا انتبهت ماكان يكلم نفسة كان يكلم في جواله..
                            وسمعت هالحوار.. من طرف ناصر بس ولا تدري الطرف الثاني شيقول..
                            ناصر:تكفى قولي شو حالتها الحين والله حاس بتأنيب الضميرلأني لو اشووف ماكان اهملتها كذا.. وانت عارف شكثر احبها
                            ناصر بعد ماسمع رد الطرف الثاني :ايه لاتخبي علي شو قال الطبيب عنها؟! ومالك شغل فيني انا ادري انا الذنب ذنبي لاتحاول تقنعني..
                            ناصر وهو يضحك: يعني خلاص صارت زينه الحمد لله يارب مدري شو بيصير فيني لو صار لها..
                            ناصر:واكثر والله مو مجرد متعلق فيها الا امووت فيها..
                            ناصر:ههههههههه ايه لاتحسد شعرها يلا انت دووم حاط عينك عليه ادري انه يهبل الواحد هههههههه
                            ناصر:طمنك الله حبيبي خلاص انا ان شاء الله هالسبوع بشووف الأهل اوضاعهم شلون ولازم بجي ازورها.. يلا فمان الله..!!!!!!
                            لاتسألون عن حالة عبير وهي تسمع هالكلام وماتدري عن منو قاعد يتكلم .. عبير كانت الدموع ماليه عيونها...وتفكر:يعني يعرف بنات غيري وانا مثل الغبية مصدقته..
                            وطلعت من الغرفة بنفس الهدوء اللي دخلت فيه الغرفة..
                            وقفت عند باب غرفة وفاء ومشت دموعها شوي وطقت الباب ودخلت..
                            وفاء:هلا اسفرت وانورت..
                            عبير وابتسامه خفيفة ع شفايفها:هههههه تسلمين والله..
                            ليلى:ايه ايه وش عليكم.!
                            الكل:هههههههه
                            عبير وهي تشوف وفاء مطلعة لها كم لبسة من الكبت وهي محتارة شنو تلبس.. قالت: ليش كل هذا..
                            ليلى بأبتسامه خبيثة:جاين عرب اليوم يشوفونها..
                            عبير وهي تطالع في احمرار وجه وفاء وضحك ليلى فهمت السالفة وقالت: لاه صج والله ايوووووووة عاشت وفاء..
                            وفاء:ههههه اوه خلاص استحي..
                            الكل:ههههه
                            عبير:انزين وليه كنتي متضايقة يعني المفروض تفرحين؟؟!!
                            وفاء قعدت وقالت لعبير شو اللي مضايقها بالضبط بالسالفة وسرحت عبير وهي تذكر مكالمة ناصر وقالت في خاطرها:شكلها الخيانه تسري في دماء جميع الريايل بس قالت لوفاء:لا حبيبتي مو لازم تصير هاذي نظرتك للحياه انت افهم من كذا ..
                            ليلى:وانا بعد قلت لها..
                            وفاء بعجز:طيب خلاص وانا سمعت ..
                            وقاموا يسولفون عن اشياء غيير وعن طلعتهم يوم الجمعة ويعلمونها عن اللي صار لهم ومنو شافوا وهم ميتين ضحك ..
                            *** *** **** *** **
                            في المستشفى كانت هيفاء قاعدة تنتظر مع ابوها بحرقة اعصاب وتنتظر الدكتور يطلع ويطمنها على يدتها .. سعود يحس بحزن غريب ماكان متصور انه يعز حليمه بهالشكل..
                            وتذكر في هاللحظة مهرة زوجته الأوليه وهي توصيه على امها اللي مالها حد في البحرين غيرهم.. ويحس الحين انه ماعتنى في الأمانه عدل هو صج كان محافظ عليهم مادياً من كل جهه بس معنويا مو كثيير ويحس بندم غرييب انه ماعترف لبدرية من البداية بهالحقيقة...
                            قطع عليه افكارة صوت باب الغرفة ينفتح وتطلع منه دكتورة برفقتها ممرضة..
                            الدكتورة وصت الممرضة ببعض الأشياء وراحت ذيك تسويها..
                            وكلمها سعود:شنو حالتها يادكتورة؟؟
                            الدكتورة:منو انت؟؟ولدها؟؟
                            سعود:لا زوج بنتها وهاذي حفيدتها ..
                            الدكتورة: حالتها حالياً مستقرة .. بس تعالوا معاي بسألكم كم سؤال عشان ابي اعرف ايه الي وصلها لكذا..
                            وراحوا معاها الغرفة وقعدوا على الكراسي..
                            في هاللحظة وصل لهم فواز..
                            فواز وهو يكلمهم بهلع:شو فيها امي حليمه..
                            ( فواز يعاملها مثل امه دووم ويحس لها جميل عليه لأنها ساعدت في تربيته وهو ظل عايش معاها صج انه اغلب الوقت مسافر بس كان دووم يتصل لهم ويتطمن عليهم ويحس انها انسانه غالية عنده وصعب يفقد ام للمره الثانية صعب..!!)
                            سعود:اقعد يافواز واهدى كاهي الدكتورة الحين بتشرح لنا الوضع..
                            الدكتورة: طيب بسألكم الحين من متى صار معاها السكر؟؟
                            هيفاء بانفعال:امي مامعاها السكر وهي بخيير وصحتها تمام مافيها شي..
                            الدكتورة تفاجأت:بس هي باين ان السكر صار معاها من زمان..
                            الكل انصدم..
                            فواز:طيب وشو حالتها بتصير؟؟
                            الدكتورة:انتوا جيتوا في الوقت المناسب لانها قاربت تجيها نوبة سكر وجسمها بدا ينمل احمدوا ربكم انه ماصار هالشي لأنه خطر على حياتها خصوصاً في سنها الكبير هذا..
                            سعود:والعلاج؟؟
                            الدكتورة:لازم تاخذ ابر السكر وتكثر من شرب الماي وبنعطيك ادويه تاخذهم لها من الصيدليه..
                            هيفاء:ومابيصير عليها شي يادكتورة؟؟
                            الدكتورة:اذ اتبعت النظام مثل ماهو.. وترى مو هذا اللي فيها بس ..!!
                            فواز:ايش بعد؟؟
                            الدكتورة:عندها سوء تغذية والحين انا حاطة عليها مغذي لازم تنتبهون لها زين تراها حرمه كبيرة بالسن ومحتاجة عناية..
                            هيفاء بدت دموعها تنزل على حالة يدتها..
                            فواز ضمها له وطمنها انه ان شاء الله مابيصير فيها شي..
                            سعود:شكرا دكتورة..
                            الدكتورة:العفوهذا الواجب..
                            وطلعوا من الغرفة ..
                            سعود:خلاص هيفاء لاتخافين ان شاء الله بتصير بخير وبكرة الصباح ان شاء اله بمر عليها..
                            هيفاء: ان شاء الله..
                            سعود:فواز انت ضل معاهم وبعدين ردهم الشقة اوكي..؟
                            فواز:اكيد مايبالها كلام..
                            سعود:تمنيتك معاي اليوم بس الظروف هي كذا..
                            فواز:ليش شو فيه اليوم؟؟
                            سعود:ناس جايين يخطبون بنتي وفاء ..
                            فواز:اها ماشاء الله الله يوفقها وعادي غير الا كلام اليوم والملشة بالطريق وابتسم لأخوه..اللي تطمن عليهم وراح..
                            ** ** ** ** ** ****
                            في بيت ام راشد..
                            راشد:يمه يلا قومي صلي المغرب مانبي نتأخر على الناس كاهو الأذان خلص..
                            ام راشد :طيب ..
                            راشد:ونرجس وكوثر بيروحون معانا ولا لا؟؟
                            ام راشد:شو الا كلام اليوم هو مو ملشة ماله داعي يروحون بس انا وانت واريج وحسين..
                            راشد:الا تشوفونه الا وينه حسين.؟؟! ماشفته اليوم؟!
                            ام راشد:مدري والله رجع من الشغل وراح ينام وللحين ماطلع من غرفته..
                            راشد بروح اقوله يجهز بسرعة وانت اتصلي في اريج اكدي عليها بعد..
                            ** *** **
                            حسين وش اقول لكم عن حسين .. مسكيين ياحسين ماحددرى عنه وعن العذاب اللي عايش فيه..
                            حسين صحى من نومه اليوم وهو حالته مب طبيعيه رجعت له كوابيسة شاف ابوه يمشي ويمشي لين وصل له ويقول له:انت ذبحتني وانا مو مسامحك..!! ومد له صورة يقول له خذ شووف ابوك الحقيقي اللي ذبحتني عشانه .. وفجأة طاح ابوه على الأرض ومات..

                            قعد حسين وهو يصب عررق رغم انه التكييف في غرفته ثلج..!!
                            قام وتعوذ من بليس وصلى ركعتين وقرأ شوي قران لين ماهدى شوي وحمد ربه انه اللي صار له اليوم مو بقوة اللي كان يصير له ايام ماكان في مكة..
                            قام واتصل لصديقه< رمزي >اللي وقف معاه ايام ماكان في مكة واللي سكن معاه في الشقة هو وبنته الصغيرة >> وزوجته متوفيه من زمان واللي صار اقرب واحد له والوحيد اللي يعرف عن اللي فيه..
                            رمزي:مرحبا هلا والله
                            حسين:هلا فيك حبيبي..
                            رمزي:والله زين افتكرت واتصلت وانا انتظر اتصالك من زمان..
                            حسين:سامحني ياحبيبي والله انشغلت مع الأهل شوي..
                            رمزي:انزين وشو اخبار الأهل وشلون صرت معاهم؟؟
                            حسين:والله الحمد لله كل شي صار بخير..
                            رمزي:قلت لك ياولد الحلال..
                            حسين:وشخبار داليا والله مشتاق لها مووت ..
                            رمزي:والله بخير والله احنا اكثرر افتقدناك مرره..
                            حسين:وهي شو مسويه في المدرسة الحين؟؟
                            رمزي:كاهي تشقح وتمرح مثل ماتعرف ثاني شوي اصعب من اول وكل ماعلمتها شي قالت عمي حسين يعلم احسن منك والله المعين..
                            حسين:ههههههههههه معلوم والله معلوم..وشو مسويه مع قطوتها؟؟!
                            رمزي:هههههههه كل شي كوم والقطوة كوم ثاني مهتمه فيها وايد وتسميها حسينه عشانها من عندك يابوك لا واخبرك صارت تنام معاها بعد..
                            حسين:ههههههههههههه انقلبت من حسين لحسينه بعد عادي خلها تنام معاها هاذي من النوع الزين الأمريكي مو أي كلام..
                            رمزي:ههههههه والله فرحتني باتصالك ياخوي ولو داليا قاعده احين كان بلشتنا والله..
                            حسين:فديتها كل مره اطلع صورتها اذا بغيت اذكرها مره تونسني ذكراها..
                            رمزي:والحين هذا رقمك الجديد خلاص؟؟!
                            حسين:ايه هذا هو وماراح اغيره كل مابغيتني اتصل لي ..
                            رمزي:اوكي ولا تقطع..
                            حسين:ولا يهمك..
                            رمزي:انزين ماقلتلي عن...؟؟
                            قاطعه حسين:هذا الي خلاني اتصل لك يارمزي اليوم جاني كابوس اعوذ بالله منه قعدت احس عمري مخنووق..
                            رمزي:قلت لأهلك؟؟
                            حسين:ماحد يدري انا مابيهم يخافون علي..
                            رمزي:بس انت تعرف ياحسين ان السالفة مو سهلة طيب اليوم عدت على خير وماصار لك شي عود بكرة لاسمح الله وانت تعرف انك ممكن تصارخ دون احساس ولا تطيح مغشي عليك مو كذا بيخافون اكثر وهما مايعرفون شو السالفة..!!
                            حسين يفكر بكلامه ويحسة منطقي:خلاص يارمزي يمكن اعلم اخوي راشد عشان لو صار شي يكون عنده علم على قولتك..
                            رمزي تنهد:يله الله يعينك ياخوي ويسهل لك ..
                            حسين:مشكوور وماقصرت يلا بسكر عنك الحين بروح مع اخوي راشد بيخطب..
                            رمزي:لا قول والله مبرووك عساها دايمه ان شاء الله وسعيدة وسلم عليه عني..
                            حسين:الله يبارك فيك هذا من طيب اصلك..
                            رمزي:يلا ماطول عليك.. سلم على الأهل كلهم..
                            حسين:يوصل ان شاء الله وسلم على داليا قول لها يقول لك عمك حسين وحشتينه مووت..
                            رمزي:ههه اوكي يلا مع السلامه..
                            حسين:الله يسلمك وسكر الا بأخوه راشد يطق عليه الباب وينادية..
                            حسين:ادخل راشد مفتوح..
                            راشد:ها صليت المغرب؟؟؟؟؟
                            حسين:لا الحين بقوم اصلي ..
                            راشد:يلا عشان مانبي نتأخر..
                            حسين:اوكي وصح يسلم عليك ربيعي اللي كنت ساكن معاه في مكة ويقول لك مبروك مقدما..
                            راشد:هههه الله يسلمه يبا لك تجيبه تعرفة علينا..
                            حسين:ان شاء الله لازم بيجي..
                            وقام عنه عشان يصلي...
                            ** ** ** *** **
                            رجع ابو ناصر بيتهم.. واستقبلته بدرية اللي لو تأخر شوي بس كان بتسوي له فضيحة..
                            بدرية بسخرية :ها شنو صار معاك؟؟
                            سعود:كل خير ان شاء الله ..
                            *** ** *** **
                            وفاء كانت جاهزة خلاص وتنتظر باعصاب مفولة وصول هالعرب..
                            كانت بكل سهولة بسيطة وانيقة وجميلة لبست تنورة طويلة لونها اخضر زيتي وموديلة مفتوح على بعضة ومطرزة بورد لونه بنفسجي وطالعة روعة ولابسة معاه بلوزة بنفسجية تتناسب مع الورود اللي بالتنورة وصايرة رووعة مره وحاطة حكل شدوا بنفسجي خفييف وروج بعد بنفسجي ناعم..
                            *** ** ** *** **
                            جنان قعدت من النوم وصلت المغرب وقالت لأمها انها تبي تروح بيت بدور صديقتها عشان بحث يسوونه وامها استانست لأنها قررت تطلع من البيت ووافقت لها على طول..
                            ولبست جنان بنطلون وبلوزة بلون السماء.. وكانت كشخة اكيد.. وكل شي حلو عليها وحطت لها مكياج ناعم مره لبست عباتها وشيلتها ونقابها وغطت عيونها وتعطرت وطلعت.. ويوم كانت عند الباب بتركب سيارة السواق شافت ابوها توه راجع من سفرته وكان نازل ويأشر لها تستنى..
                            ابوسالم:ها بنتي وين رايحه؟؟
                            جنان:الحمد لله على السلامه يبه..
                            ابو سالم:الله يسلمك حبيبتي ..الا وين بتروحين؟؟
                            جنان:بروح بيت صديقتي يبه عندنا بحث بنسويه وامي عندها علم..
                            ابو سالم بتفكير:ايييه وهالبنت هاذي كيف احوالهم ومنو بنته؟؟
                            في هاللحظة وصل حسام مع سالم لانهم في سيارة حسام وهو جاي ينزلة البيت...
                            ونزلوا اثنينهم من السيارة..
                            حسام وسالم:السلام عليكم..
                            جنان وابوها: وعليكم السلام..
                            سالم:هلا يبه الحمد لله ع السلامه..
                            ابو سالم: الله يسلمك ياولدي .. هاشلونك حسام وشلون ابوك.؟؟
                            حسام: بخير عمي انت شخبارك؟ابد ماتنشاف؟
                            ابو سالم:هههه شنسوي ياولدي تعرف الشغل ومشاريعة..
                            حسام:الله يعينك..
                            سالم يكلم جنان:ها جنان وين رايحة..
                            جنان بتردد واضح:بروح بيت صديقتي بدور..
                            سالم:اها..
                            ابو سالم:خلاص يابنتي انت روحي الحين ولما ترجعين اكمل حلامي معاك..
                            جنان: ان شاء الله يبه والتفتت بتركب السيارة بس انتبهت لنظرات حسام اللي استغل فرصة تحدث الأبو لولده وطالع فيها لكن الغريب هالمرة انها بعد طالعته ومانزلت عيونها مثل كل مره طالعته من خلال فتحة النقاب اللي مبينه مدى وسع عيونها..
                            وركبت السيارة ومشت وهي بعدها تطالعة وكان غرضها من مطالعة انه تبيه يستحي شوي بس ابد..!!!!
                            اما سالم انتبه لهشي بس مسوي طاف لأنه هالشي يمكن في مصلحتهم الأثنين..وهو واثق من ان حسام في القريب بيتقدم لأخته لكن بعد مايسافرون مكة..مثل ماتفقوا..

                            ** *** *** **** ***
                            وصلوا بيت ام راشد لبيت ام ناصر واستقبلتهم بدرية بكل كرم واشراق متناسية مشاكلها الجانبية..
                            وراحت نادت وفاء عشان تسلم على الضيوف وتقعد معاهم شوي..
                            ودخلت وفاء والخجل باين عليها وسلمت عليهم ومعاها ليلى وعبير..
                            وقعدوا ثلاثتهم جنب بعض..
                            ام راشد اطالع في وفاء وليلى وتقول في خاطرها ان ثنتينهمماشاء الله حلوين واطالع في عبير اللي كان ممكن تكون هي زوجة ولدها..
                            وليلى بعد الصراحة ام راشد انغرمت في ليلى ورقتها بس مثل ماقالت اريج وفاء مناسبة راشد اكثر..
                            اما عبير انصدمت يوم شافتها ام راشد اللي خطبتها من كم يوم ورفضت عشان ناصر ..!!
                            ام راشد:شلونكم بناتي؟؟
                            كلهم:بخير الحمد لله..
                            ام راشد:وشلونكم مع الدراسة؟؟
                            كلهم بردود متفرقة:زين.. طيب ..ماشي الحال..
                            وبعدها قامت وفاء وجابت لهم عصير وقدمته لهم..
                            اريج:مشكورة غناتي..
                            وفاء:العفو ولو..
                            او راشد:جزاك الله الف خيير..
                            وفاء ماتعرف ترد وابتسمت لها..
                            ام راشد كان ودها تضحك بس ماحبت تحرجها لأن نفس حالة بناتها هههههه..
                            وشويه من السوالف بعدها طلعوا البنات من غرفة جلوس الحريم وراحوا الصالة..
                            وابوها وناصر كانوا في المجلس مع حسين وراشد..
                            وفتحوا لهم الموضوع طبعا وقالوا لهم انهم بينتظرون ردهم..وطبعا قال لهم انه كان خاطب وعلمهم سبب فسخ الخطوبة بشكل صريح جدا لأنه مايبي أي مشاكل بعدين..
                            وبينت ام راشد بعد ماطلعوا البنات انهم مستعجلين بالموضوع وانهم يبون ردهم باسرع مايمكن وبعدها بيملشون ويسون حفلة خطوبه وبعدين عاد هم يتفقون بينهم على متى العرس..
                            واتقبلت ام ناصر كلام ام راشد لأن من حقهم يقولون اللي في خاطرهم كله وارتاحت لها كثير في حال انها بتطمن على بنتها عندها...
                            وبعد ماقالوا اللي عندهم كله اتصل حسين لأريج وقال لها يطلعون وهو ينتظرهم في السيارة..
                            وقاموا الحريم يسلمون على ام ناصر وطلعوا..
                            الا راشد ماطلع لأنه كان يكلم ابو ناصر ويقوله انه ان شاء الله يتقبل كل شروطهم واذا البنت ودها تكمل دراسة مابيمنعها ..
                            ولما طلع راشد بعد ماسلم عليهم كانت ليلى تطالع من النافذة..
                            ليلى:وفاء لحقي لحقي شوفيه اللي خاطبنج وايد حلييو ماشاء الله..
                            عبير راحت بسرعة تطالع:الله وسيم ورزة وفاؤوه تعالي شوفيه شكلة شخصية..
                            وفاء :اووه سكتوا عني مابي اشوف شي ..!! وركبت غرفتها..
                            ناصر دخل مع ابوه وتفاجأ بسماع صوت عبير في بيتهم..!!!
                            ** **** ***** ******** يتبع..
                            شتتوقعون يصير وهل توافق وفاء على راشد ولا لا؟؟
                            وعبير شبتسوي مع ناصر؟؟ومنو البنت اللي يتكلم عنها؟؟
                            وشو بيصير في حليمه؟؟
                            وبين سعود وبدرية وهيفاء؟؟

                              تعليق

                              • *مزون شمر*
                                عضو مؤسس
                                • Nov 2006
                                • 18994
                                #38
                                الجزء التاسع والعشرين:


                                ريم وخالد بعد سالفة جاسم اللي هددت اعصاب خالد بالأنهيار استقروا على انهم بيطلعون يتمشوون.. ومن الساعة 4 العصر طلعوا ولين الحين مارجعوا ولايدرون عن اللي صاير في البيت ولا شي لاعن راشد واهله ولا عن غيره غارقين بدنياهم الخاصة..
                                ** *** * ******** ******
                                وصلت جنان بيت بدور بعد ماتبعت الوصف اللي عطتها اياه بدور ..
                                ووصلت البيت الصغير.. اللي كان مبني بحجر بصلي اللون وكان بسيط جدا بس حلو وماكان يقارن مع بيت جنان بولا شي..
                                نزلت من السيارة ودقت الجرس .. ودقته.. وماحد فتح لها الباب..
                                احتارت ليه مايفتحون الباب.. ورفعت راسها بتدق الجرس مره ثانية الا يطلع واحد في وجهها من الباب وكان شكله مستعجل ومايدري ان في احد يطق الجرس وصارت عيونه في عيونها مباشرة ..!!
                                هي استحت ونزلت عيونها بخجل وخوف من نظراته اللي تاكلها اكل..
                                هو مستغرب لأنه اول مره يشوف هالبنت الحلوة: منو بغيتي اختي؟؟
                                جنان اللي بالموت لقت صوتها: ابي بدور لو سمحت..
                                الريال: اييه بدور اختي لحظة بس بناديها.. ودخل..>>

                                علاء: هي بدور في وحده عيونها حلوة برا تبيك..!!
                                اخوان بدور وخواتها اللي بالصالة ضحكوا عليه:هههههههه
                                بدور اللي متعودة على حركات اخوها: وابويه يعني انت ماراح تتوب وتترك هاي الحركات الحين ماتستحي موقف البنت برا حتى تفضلي ماقلت لها ..اوووف منك .. وراحت عنه..
                                >> علاء اخو بدور الكبير وهو الي مسوي لهم الجو في البيت دووم ينكت لهم وهم يضحكون..
                                علاء يتحنطب: هي انت احترمي اخوك الكبير..!
                                رجعوا اخوانهم يضحكون على طريقته في الكلام..
                                بدور:هلا جنان حياك تفضلي اسفه والله هذا علاء مدري متى بيتأدب..
                                جنان وهي تدخل البيت: لاعادي شدعوة ماصار شي..
                                وقامت تتأمل في البيت من داخل ماكان عندهم حديقة مثلهم كانت مجرد شجيرات متناثرة على الأرض بشكل جميل وبسيط.. دخلت معاها المجلس البسيط كان عبارة عن جلسة خضراء وبيج وستاير بنفس الالوان وكل شي فيه ينم عن ذوق رفيع ومتواضع.. وقعدوا يسوون البحث اللي حقهم عى لابتوب العائلة مو مثلها هي لابتوبها خاص بها ..اي صدق ان فيه ناس عايشة بخير ونعمه وماتحمد ربها ..
                                ** **** ** **** *** *** ** **
                                اما حسام رجع بيتهم وهو طول الطريق يفكر بمعنى نظرات جنان له لأن هاذي اول مره تحط عينها بعينه مباشرة كان فيها لمعة غريبه فيها شي يجذب الا الحب ماشافه فيها ولا الشوق اللي يحمله لها في عيونه... دخل بيتهم وراح الصاله وهو يشوف مناهل اخته منسدحة وراسها على ريول امه..
                                حسام: السلام عليكم..
                                الكل: وعليكم السلام..
                                مناهل بمرح: حياك الله حسام استريح البيت بيتك..
                                حسام:هههههه اكيد بستريح واكيد البيت بيتي..
                                ام حسام: ها يمه شلونك شمسوي؟؟
                                حسام: بخير يمه ماشي الحال .. ايه صج يسلم عليكم ابو سالم وسالم بعد..
                                مناهل بحماس:انا نفسي اشوف هالسالم هذا من متى وهو صديقك ولا في عمري شفته بديت احس انه شخصيه خرافيه حتى ساعات لما تقول انه معاك في المجلس احسك تقص علينا والمجلس فاضي..!
                                حسام فقع ضحك:هههههههههههههههههههههه وانت شتبين بالريال وبشوفته؟؟
                                مناهل: مابي شي بس من كثر ماتطرونه انت وامك شوقتونا لشوفته..
                                حسام بأبتسامه: واللي يقولك انك ان شاء الله بتشوفينه هالأسبوع..
                                مناهل مسويه روحها تفكر: اممممم عادي بطنشه..
                                حسام:هههههههه توك تبين تشوفينه..
                                مناهل: يووه نسيت ههههاي..
                                ام حسام: وانت متى بتكبرين عقلك صرتي مره متى بتهونين عن هالحركات؟؟
                                مناهل: اووه يمه شسويت انا الحين هي الا سوالف وتكمل بدلع:
                                بعدين ابوي قال لي احلى مافيني سوالفي وقال لي اضل كذا شنو قاهرك ياأخي؟؟
                                حسام:هههههههه يا اخي ولا يا امي؟؟
                                مناهل : يوووه كل انسى انها امي واقول لها ياخي..
                                حسام: ههههههههه قويه..
                                { مناهل بنت مرحه كثيير وتحب السوالف وهي جريئه حدها وعادي كل شي عندها ودوم تحط نفسها بمواقف تتطلب جرأة بس عمرها ماتعدت حدودها وهي خفيفة دم وخلوقه وتجبر اللي يجلس معاها يحبها}..
                                ام حسام ضحكت غصباً عنها على بنتها ...
                                دخلت ايثار: السلام..
                                الكل: وعليكم السلام..
                                ام حسام: ها يمه خلصتي العشاء؟؟
                                ايثار: ايه بعد شوي بتحطه الخدامه..
                                حسام:زين انكم كلكم هنيه عشان ابيكم بموضوع...
                                الكل التفت له واول وحده تكلمت مناهل:ايه قول يابعد عمري اسمعك انا..
                                ام حسام:ههههه وانت شيخصك انا الأم واللي اتكلم مو انت..!!
                                الكل:هههههههههههههه
                                حسام:سمعوا .. شرايكم يوم الأاربعاء نروح العمرة ونزور بيت الله ونرجع ع السبت الفجر...؟!!
                                مناهل بحماس وفرح: يابعد عمري ياخوي والله نفسي ارووح وانا موافقة وماعندي مانع ههههههه..
                                ايثار:صج والله من زمان مارحنا مكة الود ودي اروح..
                                حسام يطالع في امه: وانت يمه ماقلتي شي؟؟!
                                ام حسام:والله ياولدي ماحديرد روحة بيت الله.. بس على ابوك..
                                حسام بضحكة: خلاص يابنات فرجت بنرووح ...
                                البنات :ههه واو >>وقاموا يصفقوون ههههاي..
                                مناهل:قرب اخوي حبيبي ببوسك وقام الضحك..
                                حسام بعد ماصار هادئ:بس لحظة ماكملت كلامي.. بعدني ما اقول لكم الهدف الثاني من هالروحة..
                                الكل سكت يطالع فيه..!!
                                حسام: بيروحون معانا سالم واخته ويمكن امه مادري..
                                ام حسام: هالساعة المباركة ياولدي اللي بنشوف فيها ام سالم..
                                ايثار اللي يعلمها حسام كل شي يصير مع جنان بأبتسامه: واخته بعد بتروح؟؟!!
                                حسام فهم قصدها وابتسم: ايه بترووح..ولهذا يايمه ابيك تشوفين اخت حسام..!
                                ام حسام فهمت بس تبي تثقل عليه: وليش يعني؟؟!
                                مناهل وهي تضحك: اكيد عشان تخطبينها له ولا؟؟!
                                حسام مبتسم ومرتاح ان اخته مناهل تسهل عليه الأمور: ايه عشان تخطبها لي..
                                ايثار: خوش اختيار ياسالم والله جنان انسانه حلوة وهاديه وخلوقة..
                                حسام متشقشق: شكرا شكرا..
                                مناهل:هههههههه اخوي هم مدحوا البنت مامدحوك..
                                الكل:ههههههههههههههه..
                                حسام والأمل بعيونه: وهالبنت ان شاء الله بتصير زوجتي..
                                ام حسام وهي تقريباً فاهمه مشاعر ولدها: ان شاء الله..
                                حسام ارتاح ان الكل اتقبل الأامر وهذا فال خير عليه..
                                *** **** **** **** ** **
                                ناصر وسعود دخلوا الصاله بعد ماطلعوا ضيوفهم..
                                ناصر بعده يفكر شلون عبير في بيتهم وهو مايدري فضل ساكت..
                                سعود: ها بنتي عبير شلونك؟؟ وشلون ابوك ؟؟ واحلاموه الشريرة؟؟
                                عبير:هههه بخير الحمد لله.. وتقدمت لعمها تسلم عليه وباسته على
                                راسه بخجل..
                                عير: انت كيف حالك ياعمي؟؟
                                سعود:الحمد لله.. الا وينها وفاء؟؟
                                ليلى: وفاء ركبت غرفتها يبه..
                                سعود: طيب عن اذنكم بروح اكلمها..
                                عبير ساكته وحاقرة ناصر والألم كله في قلبها.. ناصر مستغرب ان عبير ماتكلمت معاه وحس ان شي صاير .. هي امس كلمته وماقالت له انها بتجي وماكانت زعلانه عليه يوم تسكر منه فاحتار..
                                ليلى بمسخرة: ناصر حبيبي تفضل ماكو احد غريب..
                                ناصر ماتحرك ولاتكلم..
                                ليلى: اوه صح نسيت اعرفكم على بعض المعذرة.. ناصر هاي خطيبتك عبير.. عبير هاي خطيبك ناصر..!!
                                ولا حركة ولاكلمه..!!
                                ناصر اللي صار يعرف يمشي دون ماحد يمسكة لأنه تعود ع الضلام اللي ممكن يكون جزء لايتجزأ من حياته...
                                ليلى حست ان هالأاثنين بينهم شي غريب او زعلانين على بعض : شفيكم؟؟
                                ماحد رد..
                                عبير: يلا انا بروح البيت..
                                ناصر حس ان شي مضايقها : لا عبير شلوون تروحين البيت وانت ماقعدتي معاي.. تعالي نركب فوق الغرفة نسوولف شوي يلا مسكيني اخاف اطيح>> قالها بمرح يمكن تضحك بس ابد ماتكلمت..
                                عبير كانت تبي تتكلم عشان ترتاح شوي فراح له وبتردد مسكته من يده وركبوا الدرج مع بعض.. وليلى تدعي لهم بالصلاح..
                                ** ****** * *** *** ** *** ** **** **
                                وفاء كانت بغرفتها غارقة في التفكير.. تحس بالخووف والحين هي ندمانه انها ماراحت تشوف راشد يوم قالوا لها عبير وليلى تحس يمكن لو شافته وارتاحت له تطمن شوي بس مايفيد الندم خصوص انها ماتبي تتكلم عنه ولا حتى تطلب منهم صورة له تخاف من
                                النتيجة..
                                قطع تفكيرها صوت ابوها برا الباب: وفاء؟؟
                                وفاء: تفضل يبه..
                                دخل سعود وهو مبتسم ووراه بدرية المبتسمه بدورها..
                                سعود: اعتقد يابنتي انك عارفة ليه حنا جايين لك..؟؟
                                وفاء ماردت بس منزله راسها..
                                سعود: يابنتي رفعي راسك وخلني اشوفك..
                                وفاء مارفعت راسها كانت تصيح دموع وماتبيهم يشوفون دموعها..
                                هم فسروا هالحركة انها مستحيه..
                                بدر ية: يلا حبيبتي رفعي راسك.. شو هاي تستحين من امك وابوك؟؟
                                وفاء رفعت راسها ..
                                سعود بشهقة: تصيحييين؟؟ ليش ياوفاء؟؟
                                بدرية وهي تضحك: هههههههه من الحين خايفة تفارقينا.. لاتخافين حبيبتي تو الناس..
                                وفاء هنيه ضحكت غصباً عنها..
                                سعود: ايه هاي بنتي اللي اعرفها..
                                بدريه: المهم حبيبتي احنا جايين نكلمك في الموضوع عشان مانبيك تقررين خطأ..
                                سعود: شوفي يابنتي انا اشووف هالريال مره زيين وكويس وماعليه كلام واحس انه بيسعدك وهو في الحقيقة نال على اعجابي تدرين ليش؟
                                وفاء بخجل: ليش؟
                                سعود: لأنه كان صريح معانا وواضح وجا وقال لي انا ابي بنتك بس على فكرة انا كنت خاطب من قبل وفسخت الخطوبة..
                                وفاء: اها
                                بدريه: بس تراه يابنتي مو عيب انه يكون خاطب من قبل وانا بعد الصراحة ارتحت لأمه لأنها خوش انسانه طيبه وحنونه وبتتطمن عليك معاها..
                                وفاء تحس ان مالها راي بهالموضوع بس ساكته..
                                سعود: شوفي يابنتي انا انصحك تفكرين وتدين علي بأسرع وقت رغم انه ماله داعي التفكير يوم اني واثق منه..
                                بدريه تقاطعه: لاتضغط عليها خلها على راحتها..
                                سعود ولاكأنه يسمعها: المهم يابنتي ابي رايك هاليومين عشان تراه مستعجل ويبون الملشه لو حصل نصيب يوم الخميس..
                                وفاء: ان شاء الله ..
                                بدريه: المهم حبيبتي احنا بنقوم عنك الحين وهاذي حياه بكاملها يابنتي فكري عدل في هاليومين وصلي لك ركعتين واستخيري ربك والله يوفقك..ومثل ماقال ابوك ترى حتى خالتك ام عبير تمدح لي فيهم..لكن ها لو حسيتي انك ماتبن عادي قولي ماحد بيغصبك..
                                سعود: بس الافضل توافقين ياوفاء هاذي نصيحتي لك..
                                بدريه: خلاص سعود هي اللي بتتزوج خلها براحتها..
                                سعود: انا ابوها وعارف مصلحتها..
                                وفاء تبي تفك هالنزاع لأن راسها يعورها:حاضر بفكر يايبه وان شاء الله خير..
                                طلعوا عنها امها وابوها وهم مرتاحين انهم كلموها وهي تقبلت منهم...
                                وفاء محتاره خايفة ترفض اللي يبدوا ان ابوها مصر عليه ويحاول يجبرها وامها توقف معاها وتصير مشكله بسببها يالله.. وقامت تصلي ركعتين عشان ترتاح..
                                ****** **** ******* ****
                                عبير بعد ماوصلت مع ناصر غرفته قعدوا على الأارض المفروشة متقاربين من بعض..
                                ناصر: عبير شفيك؟؟ شو اللي مضايقك؟؟
                                عبير: ساكته..
                                ناصر: عبير يكفي انت مطنشتني صار لك كم ردي علي لاتعورين لي قلبي..!!
                                عبير.. تصييح..
                                ناصر بعد ماسمعها تصيح : عبير تصيحين؟؟ ليش عبير؟ خبريني باللي مضايقك؟؟ صدقيني بساعدك انا زوجك..!!
                                عبير عورها قلبها وهي تسمع منه كلمة زوجك رغم انه زوجها الا انه يخونها وقالت بأنفعال:انت تحبني ياناصر؟؟!
                                ناصر مستغرب من سؤال عبير: اكيد احبك لاني لو ماحبك ماتزوجتك..!!
                                عبير: طيب ليه تزوجتني؟؟؟!!
                                ناصر وهو صج محتار: لأني احبك..!!!
                                عبير: طيب ويومك تحبني ليه تكلم بنات غيري يعني انا ماكفيك؟؟!
                                ناصر وهو مندهش: متى انا كلمت بنات غيرك؟؟
                                عبيربتحدي: اليووم..!!
                                ناصر : اصلاً انا اليوم ماكلمت حد .. ايه صج كلمت واحد صديقي بس لا وهو اللي متصل لي..
                                عبير: ايووه ووصلنا وهذا الواحد هو اللي خبرك اخبار اللي تكلمها..
                                ناصر : عبير منو اللي قايل لك هالكلام .. عبير اكيد اللي قال لك يبي يخرب بيننا وو......
                                تقاطعة عبير بغضب: وتنكر بعد ياناصر .. شووف انا ماحد قال لي .. انا سمعتك بنفسي وانت تكلمه وتتكلم عنها...
                                ناصر: عبير فهميني ووضحي لي انا مو عارف انت ايش تقصدين بالضط ؟؟ الله يخليك قولي اللي عندك بدون لف ودوان..!
                                عبير قالت له كل اللي سمعته وقلبها يتقطع..!
                                ناصر توه فاهم السالفه كان وده يضحك بس يبي يحرق اعصابها شوي..
                                عبير: والحين تقدر تنكر وتقول لي ان هالكلام ماصار؟؟
                                ناصر بهدؤ خوف عبير: لا ماقدر..
                                عبير وهي منقهرة: طيب بسرعة قولي شسالفتها هاذي وكل شي عنها لاترى واله ياناصر ماشي بيردعني اقطع علاقتي بك حتى حبي لك مابيمنعني انا اكره شي على قلبي الخيانه..!!
                                ناصر: هههه وطلعتي غيووورة ..
                                عبير فوورت اعصابها خلاص: وبعدييييين ناصر..
                                ناصر: ههه خلاص والله بقول لك بس وعديني اول ان الكلام اللي
                                راح اعترف لك فيه مايغير شي بيننا ومايغيرك علي لأني احبك وماقدر اعيش دوونك..
                                عبير: طيب يلا قووول
                                ناصر: وعديني اول..
                                عبير: انت قوول الحين..
                                ناصر: طيب هاذي ياطويلة العمر وحده اعرفها من زمان يعني من ايام ماكنت في الثانوية امم يعني بالضبط في ثاني ثانوي.. بصراحة وانا تعلقت فيها كثير وحبيتها وهي الوحيده اللي يفضلها قلبي..
                                عبير بغييرة وحقد: وليش ماتزوجتها هي يوم انك هالكثر تحبها؟؟
                                ناصر بأسى وحزن: لأن في السبب تمنع هالزواج منعاً باتاً ياحبيبتي واولها حبي لك اللي فاق كل شي..
                                عبير: طيب كمل القصة..
                                ناصر: المهم هي اصلها انجليزي واسمها كريستل.. وشنو اقول لمك عن شعرها ياقلبي عليه يجنن مووت ياخذ العقل....
                                عبير تقاطعه بقهر: ماعلينا منه شعري احلى منها همم..
                                ناصر: ههههههههه ياغيورة اكيد انت احلى بس هي غييير شو اقول لك عنه لونه ذهبي اشقر قمحي ماينعرف له مميز وحلوو..
                                عبير: والنهايه ناصر.. وكان صوتها يرتجف كأنها بتصييح..
                                ناصر: على فكره انا شريتها بفلوسي ولا كان ماشفتا..
                                عبير فهمت غلط: انت حقير اصلاً.. وتحس انه طايح من عينها..
                                ناصر خلاص ماقدر يستحمل وقرر يعترف: هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههه خلاص حبيبيتي لا تصيحين بقول لك شي..هههههههههه كريستل هاذي فرس عندنا في المزرعة تعرفين شو يعني فرس يعني انثى الخيل وهاذي هدية ابوي يوم نجحت في اول ثانوي وانا احبها وايد وكانت مريضة وانا اتطمن عليها من المسؤول عن المزرعة ههههههههههههههههههههههههه..
                                عبير ..!!!!!!!!!!!!
                                انصدمت ابد ماخطر على بالها هالشي>> ولا انتوا ماخطر على
                                بالكم هههههههههههههههاي..
                                عبير: فرس؟!
                                ناصر: وطلعتي تغارين علي ياعبير؟؟ لهدرجه تحبيني؟؟
                                عبير بخجل: واكثرر اسفة ناصر ماكنت قاصده اللي قلته بس والله لو كنت مكاني..
                                ناصر: لاتكملين عبير انا فاهمك بس يعني حللو انك تغارين شي جديد علي ههههههههه..
                                عبير: هههههههه
                                ناصر: والله احبك عبير..
                                عبير: وانا اكثر ياناصر..
                                ناصر بحزن: وهذا رغم اني ماقدمت لك شي من اللي تستاهلينه...
                                عبير قطعته: لا ناصر لاتعور لي قلبي بهالكلام انت قدمت لي اكثر من ماتظن انت قدمت لي الحب والحنان اللي يكفوني ويجبروني اعيش معك طوول العمر.. بس ها دون خيانه..
                                ناصر: هههه اكيد دون خيانه والله ما اقوى على خيانتك انت القمر عندي وش لي بالنجوم..
                                عبير استحت وسكتت..
                                ناصر:هههههههه استحت البنت واللله ادفع مليون ريال بس واشوفك وانت مستحيه..
                                عبير: اوه ناصر..خلاص عاد..
                                ناصر:ههههههههههه
                                عبير: يلا بروح لوفاء اشوفها قبل لاروح..
                                ناصر: لاتمي معاي مافيه تروحين..
                                عبير: لا بروح لحبيبتي وفاء..
                                ناصر: هممم منو تحبين اكثر انا ولا وفاء؟؟
                                عبير بدون تفكير: وفاء..
                                ناصر:هاه روحي لها خلاص مابيك يالجارحة جرحتيني وانا اقول ماتحب احد اكثر مني هئ هئ هئ.
                                عبير:هههههههههههه تدري اني كنت اكرهها كره العمى من قبل..
                                ناصر:هههه كيف وليش؟؟
                                عبير: ههه الحين اقول لك على فكره هذا كيف وليش كنت اتابعه البرنامج هههاي
                                ناصر:ههههههههههههههههانزين شو سبب كرهك لاختي ياللي ماتستحين...
                                عبير:هههههههههههه والله هي السبب ياعزيزي
                                هاذي يوم كنا بمتوسط اول مانتقلنا للعيش في البحرين....
                                قاطعها: قبل لاتكملين صحيح انتوا ليش جيتوا عشتوا في البحرين يعني احنا انولدنا هنا انتوا ليش جيتوا؟؟
                                عبير: ايه هاذ لأنه سلمك الله يدتي فاطمه هي اصلها بحريني.. ولما تزوجت يدي عاشوا في البحرين بس امي خطبها ابوي من السعوديه اصله بس عايش مع امه وابوه في البحرين وكانت احلامه انه يتزوج ينتقل لبلدته الأصليه وماكان عندها مانع انها تروح السعوديه لكن لما مات يدي بعد فتره طويله الله يرحمه مايصير نخلي يدتي فاطمه بروحها في البيت في البحرين فقلنا لها تجي تعيش معانا في السعوديه هي رفضت تقول ماتبي تطلع من بيت زوجها وتبي تقعد في بيتها وذكرياتها مع زوجها فأبوي ماكان عنده حل غير انه احنا نجي البحرين عشان نعيش مع امه في البيت وماتصير لحالها وكذا جينا..
                                ناصر:اها شي طيب..ايه وبعدين كملي سالفة وفاء..
                                عبير: ايه هريتني بالسوالف والله وين وصلت لما انتقلت للمدرسة اللي فيها عبير واحنا بمتوسط >اعدادي.. ماصادقتني الا بشاير وهي كانت صديقة وفاء وزينب بعد صديقاتنا الحين.. المهم صارت بشاير تقعد معي كثير وتتركهم لين ماعصبت وفاء وجات تقول : تركي بشاير في حالها هي صديقتنا وانت سرقتيها منا..
                                ناصر: مثل ماسرقتي قلبي..!
                                عبير:هههههه وبع انتقالي بأسبوع بعد هوشات كثيرة عرفتني بشاير على شلتها..وصرت مع وفاء مثل مانت شايف من اعز الصديقات وعلاقتي فيها صارت اقوى من علاقتي ببشاير اللي كانت هم علاقتها بزينب اقوى معاها..وهيك..
                                ناصر: ههههههه انتوا يالبنات هاي حركاتكم..
                                عبير: لا وازيدك من الشعر بيت.. لما انتقلنا لثانوي بعد سنه صاروا في بنات معانا هم توأم وشايفين حالهم تصدق صرنا تنقرش فيهم ومانحبهم ولا نشتهيهم وهم بالمثل وكل نتهاوش معاهم..
                                ناصر:هههههههه ايه وعاد اجتمعوا وفاء وعبير خلاص يقصون على الناس..
                                عبير:ههههههههه على قولتك.. وفي هاللحظة اتصل بها ابوها يقول لها انه جاي بالطريق..
                                *** ** **** ** ********* ***

                                لما وصلوا راشد وامه اريج بيتهم ورجعوا بيتهم قعدوا في الصاله وقام راشد يحن على امه ويعور راسها وخواته يضحكون عليه..
                                راشد: يلا عاد يمه وصفي لي البنت خوب انا مابكلها..
                                نوار: بس ياولدي هي بعدها ماصارت على ذمتك..
                                راشد: ان شاء الله بتصير بس انت قولي لي خلني اعرف مواصفتها..
                                نوار: طيب انت لاحق على شوفتها ان صار نصيب..
                                راشد: اووه يمه..
                                نرجس: عادي يمه قولي له لو تدرين في ناس يودون صورة للمعرس عشان مايتراجع بعدين مو بس وصف بالكلام..
                                نوار باستسلام: شو اقول لك البنت حلوة طويله وجسمها حلو يعني وشعرها بعد ماشاء الله طويييييل وعيونها خضراء وبشرتها بيضاء وبس شو تبا اكثر من كذا..؟؟
                                راشد: يعني جميلهة؟!
                                نرجس: نعنبو كل هذا وتبي تقول انها مو جميله..
                                الكل:ههههههههههههه
                                كوثر اللي كانت سرحانه قالت بكوميديه: تصدقون مادري ليش احس اني اعرفها..
                                الكل:هههههههههههه
                                نوار: لاتخاف ياولدي انا اخذت لك اللي يعجبك..
                                راشد: وانا واثق من اختيارك يمه..
                                _ _ _ _ _ __ __ _ _ _ _
                                كوثر متمملله وهي تطالع الساعة 8 نص وقررت تتصل بشهد..
                                صاح التلفون اللي كان في الوسط بين خليل وشهد اللي منمجه بالمشاهد..
                                صاح ورفعه خليل: الو..
                                كوثر وقلبها طبوول: الو السلام عليكم..
                                خليل ماعرفها اول مره يسمع صوتها بالتلفون: وعليكم السلام ياهلا..
                                كوثر: ممكن اكلم شهد..
                                خليل: ايه لحظة..
                                وسمعته يقول لشهد ان التلفون لها وسمعت شهد تقول له اسألها منو..
                                خليل: منو اقول لها؟؟!
                                كوثر وهي خايفة من ردة فعله: قول لها كوثر..
                                خليل تفاجأ وكان وده يقول لها بالشوق اللي يحمله قلبه لها بس كرامته ماتسمح له..
                                ورمى السماعه على شهد..
                                شهد: الو..
                                كوثر: الو..
                                شهد: لاحظت احباط في صوت كوثر: شو بلاك؟؟
                                كوثر: ولا شي شهد دقايق وبرد اتصل..
                                شهد: اوكي انتظرك..مو تتأخرين خوفتيني عليك يالدبه..ههههه
                                يلا باي..
                                سكرت من كوثر وخليل وده يسألها شفيها بس مايقدر ..
                                شهد لاحظت انه سرحان وهي ماتكلمت معاه على ذاك اليوم فحبت تفتح هالموضوع الحين..
                                شهد: خليل..
                                خليل :همممم
                                شهد: شو صاير بينك وبين كوثر؟
                                خليل: انا مابيني وبينها شي عشان يكون صاير شي..
                                شهد:اها بس على فكره حبيت اقول لك شي كوثر مافيه منها واذا انت حاطها في بالك ماراح تلاقي احسن منها فاسبق قبل لاتضيع منك .. وطلعت من الغرفه..
                                خليل مارد عليها بس صار يفكر بكلامها..
                                التلفوون صاح مره ثانيه ورفع خليل: الو نعم..
                                كوثر: الو شلونك خليل؟
                                خليل: كوثر انت شنو يوم تقولين لي شي وبعدها تقابليني بأعصاب بارده دام انك مابغيتي تبينين لشهد شي لاتتظاهرين في امور ثانيه و.......
                                كوثر ماتقدر تتحمل اكثر: يكفي ..!! وين شهد؟؟
                                خليل نادى على شهد وهو منقهر ورد جلس مكانه ومسوي نفسه منمدمج بالتلفزيون مع ان اعصابه نار..
                                شهد:اهليين كوثر..
                                كوثر: اهلينات..
                                شهد: شو فيه صوتك؟
                                كوثر: ولا شي..
                                شهد:امممم خيرر
                                كوثر:شنوو
                                شهد:ههههههههه
                                كوثر: جنيتي؟
                                شهد:وايد
                                كوثر:ههههههههه خبله..
                                شهد: احبك شسسوي..
                                كوثر:امممم
                                شهد: شو هاي الأغنيه اللي تسمعينها؟
                                كوثر: اغنيه للهرمي..
                                شهد: سمعيني ياها..
                                كوثر: امم طب بس حطيه على السبيكر..
                                شهد:ههههه لا بحطة سبيكر لأنه اذوني ماتتحمل..
                                كوثر:هههههههه طيب يلا سمعي..
                                خليل كان يسمع ومسوي نفسه مايسمع ويحس ان كوثر تبيه يفهم انها تقصد له هالأغنيه..

                                شكراً على كل شي..
                                قلته كذب عني..
                                وانا اللي غير الخير ماجاك شي مني..
                                واللي علي قلته لاما توقعته..
                                ياليت كل الناس باعوني مو انت..
                                مو قادر اتصور ان انت تتغير.. ان انت تتغير..
                                طيب انا شسويت.. وفأيش انا مقصر.. وفأيش انا مقصر..
                                اهديتك قلبي واخلصت في حبي لكن على كلٍ يسامحك ربي..
                                واللي علي قلته لاما توقعته..
                                ياليت كل الناس باعوني مو انت..
                                في رايك وظنك.. بعد اللي جا منك.. بعد اللي جا منك..
                                غلطان انا لو قلت..الله الغني عنك... الله الغني عنك..
                                واسمح لي وبلا لوم ..لتختصر هاليوم ..
                                انساني والتوقيع محبوبك المظلوووم..
                                واللي علي قلته لاما توقعته..
                                ياليت كل الناس باعوني مو انت..
                                _ __ _ _ _ _ _
                                وقالت كوثر بعد مانتهت الغنيه وهو بعد سبيكر: ها سمعتيها خلاص؟
                                شهد: ايه سمعتها حلوة كلماتها وتعور القلب لو كانت لشخص معين..
                                كوثر: اه..شهوود ان شاء الله بعده سبيكر؟؟
                                شهد شالت السبيكر: ههههه والله نسيته..
                                كوثر:هههههه انزين..سمع؟؟!
                                شهد:هههههههه ايه
                                كوثر: الله يستر ..اوكي شهوده بسكر الحين واشوفك بكره..
                                شهد: اوكي عمري.. يلا سلمي ع نرجس..
                                كوثر: يوصل ان شاء الله يلا سي يوو..
                                وسكروا عن بعض وكل وحده راحت لأحلامها وتفكيرها باللي عندها.. أي والله كلٍ يغني على ليلاه..
                                ** * ** * ** ** **** ** ** **
                                بعد ماركبت عبير مع ناصر ضلت ليلى في الصاله وحيده.. ريم طالعه مع زوجها .. وفاء في غرفتها مع امها وابوها .. وهي تصييح مفتق ده امها وابوها..طلعت الحديقة وهي تفكر فيهم هم صار لهم اكثر من اسبوع المفروض يتصلون بس لين الحين ماسمعت عنهم أي خبر وهذا مضايقها..قعدت في الحديقة على الكرسي المريح اللي محاوط الطاولة الفخمة الموجوده بالحديقة عشان جلساتهم..
                                وهي تتذكر ايام دلالها ودلاعتها بين احضان امها وابوها..
                                وردت رجعت داخل وخذت من شنطتها اللي لين الحين ماركبتها دفترها الل يتخربش فيه خرابيط الجامعه ومعاه قلم ورجعت مكانها على الكرسي وفتحت الدفتر وبدت تكتب..

                                موتنا المشاع..

                                >>وكتبت بعدها وعيونها تمتلي دموع..وتخط يدها اصدق مشاعر طالعه من قلبها..واخلص دعاء لربها انها تسمع خبر عن امها وابوها..

                                تغادرك الأشياء..
                                وينكسر الحلم بعيداً..
                                من النبض إلى الشوق..
                                من الصبر إلى الغرور..
                                تلفضك الأرجاء..
                                كل وردة تفتحت..
                                وكل لحظة تألقت..
                                وكل شمس تضوأت,,
                                حطت على جدائل الهوى كالرماد..
                                لا ليلنا يضم ماتريد..
                                ولا صباحنا يلم مايشت..
                                يسيل من ايدينا الزمان..
                                وتنعت الأايام بيننا المسافه..
                                وننوي البعاد,,
                                نقرب ويذوب في ضلوعنا الشعاع..
                                ويطلع الصدا..
                                يالوعة الضياع في الضياع..
                                ضياع بدون اعز الناس على قلبي..
                                ضياع في لحظة اشتياق لأكثر ماتهواه نفسي..
                                ضياع هو بالحقيقة ليس بضياع..
                                انما فقدان واشتياق..
                                لكما حبيباي..مامي وبابي..
                                ل.م..
                                _ _ _ _ _ __

                                سكرت دفترها وتنهدت تنهيده من الخاطر ..
                                وقطع الصمت اللي هي فيه رنين جوالها اللي حطته على الطاوله..
                                شافت المتصل ( احلى سالم).. ابتسمت ورفعته:هلا وغلا سلومي..
                                سالم: هلا فيك خالوتي..
                                ليلى:ههههههه ايه كذا قول لي ياخالتي مو ليلى كأني اصغر عيالك
                                سالم:هههههه فديت اصغر عيالي بعده مايا لاتطرينه..
                                ليلى:ههههههههههه ومتى تتوقع ناوي يجي؟؟
                                سالم:ههههه قريب ان شاء الله قريب عشان كذا انا متصل في خالة
                                اصغر عيالي ولا خاله على فاضي..
                                ليلى:هههههههه لا على مليان..
                                سالم: هههههههههههه تذكرين يوم اقول لك اني ابيك في سالفه وبتصل على جوالك هاذي هي..
                                ليلى: اييه صح يوم خطوبة ناصر.. الا صج شلون جنان؟؟
                                سالم:الحمد لله تحسن عالي وبصراحة تعرفين حسام صديقي..؟!
                                ليلى:ايه..شو بلاه؟
                                سالم: هذا يحب جنان اختي وقريب بيتقدم لها وعلى الله ترضى به..
                                ليلى: زين والله خبر حلو..الله يوفقها يارب.. المهم نرجع لموضوعك الحين..
                                سالم: ايه اكيد بنرجع..
                                ليلى:ههههههه يلا قوول انا اسمع..
                                سالم:اول في حد معاك..
                                ليلى: نو بدي ولاحد ابد انا في الحديقة..
                                سالم: طيب سمعيني..
                                ليلى: اوكي اسمع انا..
                                سالم: احم احم شوفي انا فكرت اني اخطب لان صراحه سني مناسب الحين وانا اشتغل ومو ناقصني شي..
                                ليلى: برافو عليك..
                                سالم: ولما جيت افكر منو اخطب .. مافكرت بغير وفاء بنت خالتي..
                                ليلى ضحكت لأان وفاء تكرهه وهو يفكر فيها صج دنيا غريبه: ههههههه
                                سالم: شحقه تضحكين؟؟
                                ليلى: سلامتك ولا شي.. كمل..
                                سالم: ايه وابيك تكلمينها وتسألينها عن رايها..
                                ليلى: انت تحبها؟؟
                                سالم: لا مو احبها بس بنت خالتي واعرف انها حلوة وخلوقه وين بلقى احسن من كذا وخصوصا ان طهارتها تعجبني واحس شخصيتها تناسبني فهمتيني؟
                                ليلى حمدت ربها انه مايحبها عشان بعدين لو انها رفضته مايصير
                                فيه شي ولا ينحبط ويقدر انه يختار غيرها بسهوله.. لكن الحين احتارت مو عارفه تخبره عن راشد ولا لا.. وبعد تفكير قررت ماتخبرة وتستشير وفاء اول بما انها ماعطتهم كلمه للحين..
                                ليلى: خلاص سلوم اعتمد.. ان شاء الله خير.. بس ها
                                سالم: شنو؟؟
                                ليلى: شوف ياسالم الزواج قسمه ونصيب لو ماصار لك نصيب مع وفاء لازم تشوف نصيبك مع غيرها اوكي..
                                سالم: اكيد ياليلى انا ماعندي مشكله لأني مو متعلق بوفاء لدرجة الموت لا عادي صحيح من زمان في بالي لكن لو هي مابغتني مثل ماقلتي قسمه ونصيب..!
                                ليلى: تعجبني ياولد امك .. اللي هي اختي..
                                سالم:ههههههههه خلاص انا استنى ردك ايه ترى هاليومين يمكن نروح العمره..
                                ليلى: صج؟ خذوني معاكم..
                                سالم: حياك
                                ليلى: اتغشمر بس منو بيروح؟
                                سالم: انا وجنانوامي انا للحين ماقلت لهم بس بعطيهم خبر ان شاء الله..
                                ليلى المسكينه اللي ماتدري انهم يبون الملشه الخميس: خلاص لو مامداني اكلمك قبل ماتروح لما ترجع ان شاء الله..
                                سالم: اوكي يلا وسلمي عليهم كلهم..
                                ليلى: ان شاء الله الله يسلمك من الشر..
                                .. .. .. . .. . . .. . . .. .
                                جنان وبدور قاعدين في المجلس يتعشون بعد ماخلصوا البحث اللي حقهم .. والحين خلصوا من العشا..
                                جنان: تسلم يدك حبيبتي مرره لذليذ..
                                بدور: ههه الله يسلمك مشكورة ..
                                جنان: لا صج مرره حلو طلعتي طباخة..
                                بدور: اووه لاتخليني اصدق نفسي..
                                جنان: هههه صدقي نفسك والله مامزح لذيذ..
                                بدور: يسلمو خيتوو..
                                جنان:ههه الله يسلمووك..الا منو اللي بالصورة؟> واشرت على صورة بالجدار فيها اولاد اثنين صغار توأم..
                                قالت بدور: هاذوالي خواني امجد وايمن التوأم..
                                جنان:ههه توني ادري عنهم..
                                بدور: وفيه غيرهم ياختي..
                                جنان: كم انتوا؟؟
                                بدور: شوفي اول شي علاء اخوي وبعدين انا بدور وبعدين ايمن وامجد 18 سنه وبعدين نور ومنار 14 سنه وبعدين احمد 6سنين..وبس..
                                جنان: ماشاء الله وايد الله يخليكم لا وتوأم ورا بعض..الله يعينكم..
                                بدور: اووف تعبوا امي مسكينه هههههه
                                جنان: حلو لكن انتوا كثير مو احنا بس انا واخوي الكبير سالم..
                                بدور:احسن لك والله من عوار الراس والقلب..
                                جنان:ههههههههههه حليلهم.. >>وهي تفكر شلون هم 9 اشخاص في بيت صغير ومكفيهم وعايشين بسعاده وهم بس 4 اشخاص في بيت يجي 4 مرات من بيت بدور صج الله ياخذ شي ويعطي شي..سبحان الله...
                                بدور: تبين عصيربعد؟؟
                                جنان: لا مابي عصير بعد ابي حمام بعد..
                                بدور:ههههههههه تعالي معاي..
                                وطلعوا من المجلس وعلى اليمين تمشين شوي هذا هو الحمام..
                                بدور: تفضلي ست الحسن..
                                جنان:هههه انزين ست الدلال..
                                بدور:ههه حللوة طيب انا استناك في المجلس اوكي..
                                جنان: اوكي..
                                ورجعت بدور المجلس وهي ماتدري ان علاء كان بيدخل هالممر يوم طلعوا ووقف مكانه يسمعهم..
                                وهو عاد مايهون عن حركاته راح وخطط له خطه صغيره قبل لاتطلع جنان من الحمام عشان يسلي نفسه..خخخخخخ
                                جنان بعد ماطلعت من الحمام وكانت فاتحه وجهها لانها ماتدري ان علاء يطالعها من بعيد وكان شعرها من ورا كله ظاهر لان بكلتها طاحت.. وبس طلعت انزهقت:بسم الله الرحمن من وين طالع؟؟
                                احمد: انا راجع موطالع..
                                جنان:ههههههه انزين وشو تبي؟؟ليه واقف هنا زهقتني..
                                احمد: سوري ماكنت ابي ازهقك كنت انتظرك..!
                                جنان باستغراب: وليه تنتظرني؟؟
                                احمد: عشان ابي اقو لك ان عيونك حلوة..
                                جنان مرتبكه شوي:هههههههه وشو درك ان عيوني حلوة قبل لاتشوفها؟؟..!!
                                احمد:هههه لأن علاء قال لنا كلنا ان عيونك حلوة..
                                جنان:هههههههه ايه.. وانت بعدحبيبي عيونك حلوة..
                                احمد:هههه ايه انا بعد علاء يقول لي ان عيوني حلوه لأانها مثل عيونه..
                                جنان: ايه شطور حبيبي يلا بروح اسلم على بدور لأني برجع بيتنا..
                                احمد: وانت وين بيتكم؟؟
                                جنان: بالدمام وين بعد!!
                                احمد: اييه يقولون يمكن احنا بعد في الدمام بيتنا لكن نسيت..
                                جنان:هههههههههه ايه يقولون..
                                >> بدور اللي استغربت من تأخر جنان وسمعت سوالف برا طلعت من المجلس..
                                بدور: شووف السباله انا قاعده انتظرك داخل وانت تسولفين مع هالهبل..
                                جنان:هههه حرام عليك اخوك تجنن سوالفه..
                                بدور: وانت احمدوه منو دازك علينا؟؟
                                احمد ببراءة علاء!!
                                الكل:هههههههههههههههه
                                >>علاء سمع اسمه قال الشرده احسن لي وراح الصاله وهو يضحك..
                                جنان: يلا حبيبتي كاهو هرن السايق اسمعه برا...
                                بدور: اوكي يلا والله ونستيني بهالزياره..
                                جنان: وانا اللي تونست اكثر والله عاد الأاسبوع الجاي عليك الزيارة..
                                بدور: ولا يهمك..
                                جنان: سي يو تومورو..
                                بدور: سي وو..
                                وطلعت جنان وركبت السيارة وهي تتأمل بيتهم المتواضع هو صج صغير وحليو وبسيط بس لام هالأاسره الحلوة المتلايمه مع بعضها ويجمع بينهم الحب .. صج ان بين اقاربهم وهم مشاكل الا هو اللي يحب بدور وتحبه ومو قادرين ياخذون بعض بسبب مشاكل الورث وماورث بس غير هذا هم سعيدين ومايحتاجون ورث..
                                وتمنت في يوم تعيش بي عايلة بهالشكل او يكون مستقبلها بهالشكل..
                                اما علاء هو صدق عجبته صديقة اخته بس يبين من عيونها يوم يطالع فيها ان قلبها مو لها فصرف نظر عنها >> الأخ محلل نفسيات..هههاي.. صج مامزح معاكم هو محلل نفسيات شفيكم مو مصدقيني..خخخخخخخ..
                                * ** ** *** ** **
                                ريم وخالد توهم حاسين ان الوقت تأخر كانوا في المطعم بعدها راحوا ع البحر وتمشواوسولفوا واتفقوا ع شي ان خالد خلاص من بكرة راح يداوم في شركه غير شركة عمه شركه تتخصص باللي درسه هو في الجامعه وعمه موافق وما عنده مانع وريم هم متفهمته انه يبي يعتمد على نفسه ومايبي الناس تقول دخلوه بس لأنه نسيبهم
                                فماعارضت هالشي ابد..وصاروا يتكلمون مع بعض عن اشياء وايد مثل عصافير الحب ..دوون ملل او زهق..وهم مايدرون شنو يخبي لهم المستقبل بس يتمنونه مستقبل جميل..
                                وصلت ريم بيتهم: ها خالد مابتنزل؟
                                خالد: لا بروح البيت مسكين نايف بروحه من الزهق اللي فيه يتهيأ لي ماضلت بنت الا كلما وغازلها..
                                ريم:ههههههههههههه الله يعينه ويهديه..
                                خالد: ان شاء الله واوكي حبيبتي مو تنسي تجلسيني بكره الصباح مابي اتاخر على اول يوم شغل ..
                                ريم: من عيوني لاتحاتي..
                                خالد: اوكي سلمي عليهم وعلى حبيبتي وفاء..
                                ريم: اييه ماعليه روح قول لها انت..
                                خالد: يالغيورة حتى من اختي تغارين لا والقهر هي اختك بعد..
                                ريم:ههههه ايه اغار عليك من الذبانة اذا جات جنبك فما بالك ببشر..
                                خالد:احم احم.. استحي عاد يكفي..
                                ريم:هههههههههههه يلا با وسلم على نايف حبيبي..
                                خالد:هاه عيدي ماسمعت..
                                ريم وهي تضحك: سلم على نايف حبيب اختي لأنه اخوها ههههههههههه
                                خالد:حسبتني سمعت شي ثاني ..
                                ريم:هههههههههههه يلا بايو..
                                ودخلت داخل البيت وكان ناصر قاعد مع امه في الصاله وليلى ركبتها بدرية عشان تلحق وفاء وتنام هي الثانيه..وهادي نام بعد وسعود نام بعد..
                                ريم: السلام عليكم..
                                الكل: وعليكم السلام..
                                ناصر: ماتشوفين ساعتك اختي الكريمه راجعه متأخر؟؟!
                                ريم: وانت شو اللي حارنك انا طالعه مع ريلي شو يدخلك؟؟
                                ناصر: بس الساعة الحين تسع وشوي وانت طالعه من العصر فندق داخلة على بالك..
                                ريم: مالك خص يمه ماتشوفين ولدك ؟!
                                بدرية: خلاص ياناصر هي مو مسويه شي غلط وخالد زوجها ومالك شغل فيهم خلهم يتونسون دام الحياه قدامهم قبل لا..اه اقوول ريم حبيبتي يلا روحي ارتاحي وتركي المناقر..
                                ناصر: انا اللي قهرني انها تلاقينها حتى ولا تدري عن اختها..
                                ريم بخوف: شنو فيها وفاء؟؟
                                بدريه:ههه كذا خوفتها؟! مافيها شي يمه بس اليوم جات لنا ام راشد
                                وخطبتها لولدها..
                                ريم:صج والله كلللللللوش يابعد عمري اختي صارت مره..
                                الكل:ههههههههههههههه
                                بدريه: الله يهديها عاد وتوافق شكلها مو مشتهيه السالفة..
                                ريم: لا انش اء الله بتوافق وينها هي الحين؟
                                ناصر: نايمه..
                                ريم: بكره بسولف معاها وبشوف يلا انا تعبانه بروح انام..
                                بدريه: روحي حبيبتي يحفظك ربي ويسعدك وشوفي هادي تاكدي انه مغطي زين..
                                ريم: ان شاء الله يمه يالله تصبحون على خير..
                                الكل:وانت من اهل الخير..
                                *** *** *** ** ** ** * *** ** **
                                نرجع لوحده صغيره لعب في عقلها الهوا او نقول رفاق السوء العله رجاء ..اللي قصت على بنت طاهرة وماتعرف شي اسمه بوي فريند وعلمتها عليه وبينت لها انه احسن شي في الحياه.. وهي المفروض ماتصدقها بس دامها طاحت بالحفرة ميندرى منو اللي بيطلعها منه..
                                احلام كانت مخلصة دروسها بدري الليله..
                                ودقت على نايف اللي اتصل لها بسرعة وفي راسه افكار ناوي يحققها..وظلو يسولفون ساعه يمكن..لين وصلوا لهالسالفة..
                                نايف: حبيبتي احلام انت تحبيني لدرجة انك واثقة فيني؟؟
                                احلام: وانا مغمضة عيوني بعد..
                                نايف: يابعد قلبي والله..
                                احلام: هذا لأني احبك..
                                نايف: انا بعد احبك كثير لدرجة اني صرت ماتخيل حياتي بدونك..
                                احلام: وانا بعد عمري..
                                نايف: طيب ماتظنين انك متشوقه لشوفة حبيبك مثل ماهو متشوق لك..
                                احلام: اكيد متشوقه لشوفتك .. امم بس انت وش تقصد؟؟
                                نايف: ابي اشوفك ؟
                                احلام: تو الناس على ماتتقدم لي توني استنى اخلص دراسة اول..
                                نايف:لا ياحبي ماقصدت كذا انا!!
                                احلام: عجل شو قصدت؟
                                نايف: اقصد ان نحدد مكان مثلا حديقة ولا أي مكانونلتقي فيه دون ماحد يدري انت تقولين لأمك بروح بيت صديقتي وتجين لي نسولف مع بعض ونتكلم..!!!!!


                                يتبع

                                  تعليق

                                  • *مزون شمر*
                                    عضو مؤسس
                                    • Nov 2006
                                    • 18994
                                    #39
                                    الجزء الثلاثين..


                                    احلام كانت تسمع كلام نايف لها وهي تفكر..
                                    نايف: ها احلام شو قلتي؟؟
                                    احلام وهي تفكر بمنطقيتها الأوليه قبل لا تكلمه: مستحيل نايف انت تعرف ان هالشي بيسبب مشاكل وايده..
                                    نايف:أي احلام بس احنا بنتلاقى في مكان عام عشان ترتاحين وبعدين احنا الا بنسوولف ونتكلم وجها لوجه..
                                    احلام: لا نايف ماقدر والله اخاف..
                                    نايف: من شنو تخافين؟؟ مني انا؟؟
                                    احلام: لا الله يهداك مو منك بس انا ماتعودت اتصرف كذا انت صج الوحيد اللي قبلت اكلمك في التلفون لأني حبيتك بس اني اطلع اشوفك من ورا اهلي
                                    صعبه !!
                                    نايف: انت كذا تثبتين لي انك لاتحبيني ولا شي وماتبين تشوفيني اصلا..!!
                                    احلام: نايف ارجوك افهمني انت تعرف اني احبك وتعرف بعد ان اللي نسويه غلط بأن احنا نكلم بعض لكن كل هذا لان حبنا لبعض مانقدر نخفيه الا بهالطريقة بليز لاتخليني ابتدي اخاف منك..
                                    نايف مايبي يضغط عليها عشان ماتطير منه: سمعي حياتي خلاص انت فكري وبكره ردي علي يمكن تشوفينها الحين صعبه بس صدقيني لما تتصورين الوضع نحن في حديقة مثلا انت بعباتك ولا شي متغير كأنك رايحه تتمشين ومعك اختك الصغيرة تقولين لها قعدي هنا لعبي بروح الحمام ونتلاقى شوي وترجعين لأختك بدون مايتغير شي..
                                    احلام بعد ماسمعت خطته حستها عادية ومنطقيه وماراح تسبب مشاكل: طيب بس بكرة برد عليك الرد الأاكيد بعد ماقول لأمي اني ابي اروح واشوف متى بروح..
                                    نايف بانتصار: امووواح ياقلبي فرحتيني بهالموافقة..
                                    احلام بحيا: خلاص نايف بسكر الحين وبنام..
                                    نايف: هههه استحت .. انزين تصبحين على خير ولاتنسين تجلمين بي ياحلامي..
                                    احلام:هههه اوكي يلا وانت من اهله..
                                    وسكرت عنه وهي تفكر بكلامه وتقول مافي مضرة لو شفته وشافني وكأنه واحد من اللي يمشون في الحديقة عادي وبتكون دانه لاهيه باللعب وانا بشوفه بسرعه وبرد.. ايه خلاص بكرة بستأذن من امي وبشوووف.. وراحت تغسل اسنانها وتتوضا عشان تنام مرتاحه..>> صج انها متربيه خوش تربيه بس مسيطر عليها وهم ومخليها تسوي الخطأ والله يبصرها ويهديها..
                                    *** *** *** **** *** **
                                    يوم ثاني الصباح الكل قام ولبس وراح لدوامه...
                                    وفاء ماتحس بشي تغير فيها وتحس ان الخوف من الحياه الجديده اللي بتقبل عليها لو وافقت هو بس اللي مانعها حاليا وهي قبل لاتنام استخيرت ربها وصلت ركعتين وقعدت مرتاحه صج لكن بعدها خايفة ..

                                    اما ليلى كانت تراقب وفاء وتحاول تكتشف بشو تفكر وهي حاطه في بالها ان لما ترجع من الجامعه بتخبرها عن ناصر قبل لاتجاوب عليهم بالموافقه..

                                    ريم قعدت الصبح وصلت وبعدها اتصلت في خالد ووعته حق الصلاة وعشان يقوم يتلبس ويروح الشركه اللي بيكون مداوم فيها اول مره والي بتحقق له احلامه بعيد عن رمسة الناس..
                                    جنان قعدت متضايقة من اللي صار لها بعد مارجعت من بيت بدور.. وتحس بأنها بتختنق من وجودها بهالبيت ..
                                    واللي صار لها امس.. بأنها لما رجعت نادها ابوها
                                    ابو سالم: تعالي يابنتي ..
                                    جنان: هلا يبه..
                                    ابو سالم: ها توك راجعه..
                                    جنان: ايه يبه لأن تونا مخلصين دراسة..
                                    ابو سالم: انزين ياجنان ووين رحتي انت؟؟
                                    جنان: قلت لك بيت صديقتي بدور..
                                    ابو سالم: شولون وضعهم في بيتهم؟؟
                                    جنان فهمت التلميح: وضعهم ماشي الحمد لله..
                                    ابو سالم: اها ماشي لكن هل مثل ما انا موصيك؟؟
                                    جنان بان الحزن عليها وبانت الكراهية لهالوضع في عيونها: لا يبه مو مثل ماوصيتني..
                                    الأبو حس بحزن بنته بس مايبيها تختلط بناس اقل منها مستوى ويصير لها اللي صار له: خلاص عجل ليه بعدك مصاحبتها ؟؟ اقطعي علاقتك بها لأنها مو من مستواك..!!
                                    جنان فتحت عيونها مندهشة ودموعها تهدد بالسيلان: شو تقول يبه؟؟ بدور صديقتي الوحيده..
                                    ابو سالم بتهديد: وانا ابوك الوحيد..
                                    جنان بدت تصيح:يبه حرام عليك شو سوت لك هي بدور الوحيده اللي ارتحت لها انا يبه مقطوعه بالجامعه لاصديقة ولا ونيسة غيرها وانت السبب يبه خلاص يبه مليت من هاي العيشة انا مابي اكون غنيه عشان انحب انا ابي انحب لشخصي مثل مابدور حبتني يبه ليش انت تغيرت يبه انت اللي كنت تنصحنا بالتواضع وتعلمنا الأاعتماد ع النفس وتقوول لنا........
                                    قاطعها وهو يشوفها تصيح وهو متلوم بس يظن انه في مصلحتها لأنه ماتعرف شو ممكن يصير لها:خلاص جنان
                                    يكفي كلام روحي غرفتك..
                                    جنان وهي بعدها تصيح وخايفه ان ابوها يصر عليها بمقاطعة بدور الوحيده اللي صدق حبتها وارتاحت لها:يبه لكن بدور يبه بكلمها مابقع علاقتي فيها ارجوك يبه لاتمنعني صدقني انها ماراح تظرني يبه انا اهم شي عندي رضاك واعرف انك تهت لسعادتي وانا سعادتي بتنقص بدون صديقتي الوحيده..
                                    الابو متقطع قلبه ع كلام بنته وقال انه هالمرة بيمشيها لها: طيب يابنتي لاتقطعين علاقتك بها لكن احذري منها ولاتحاولين تصادقين غيرها اقل من مستواك فهمتي علي ولا ترى غصب تقطعينها..
                                    جنان براحه: ان شاء الله يبه >> وحبت راس ابوها ع الطاير وراحت غرفتها ودموعها بعدها ماجفت وتحس انها كادت تفقد شي غالي..
                                    >> وسالم كان بيدخل يوم سمع هالنقاش وتنهد من الخاطر وهو متضايق وراح لأابوه ويبين عليه العصبية:يبه اسمع انا متضايق من منطقك الجديد والغريب لكن انت مصمم على صحته انا ماراح اناقشك اكثر بس بقول لك اني يوم الأاربعا باخذ جنان اختي وامي وبنروح مكة نزور بيت الله عشان تهدى النفوس واتمنى تعطي امي الموافقة وماتعارض.. ومشى عنه رايح لغرفته وهو مره متضايق..
                                    _ _ _ _ _ _ _ _ _ _

                                    قامت جنان وهي تطرد هالحادثة من بالها وتغسلت ولبست وراحت الجامعه وتقابلت مع بدور وتحس بشعور غريب خصوص يوم راحت وباستها وهي تسلم عليها هالشي خلى بدور تستغرب بس استانست يوم شافت جنان بحالة متحسنه وان علاقتهم تتوطد اكثر وانهم مثل الخوات واكثر.. اما جنان باستها وهي
                                    مستانسة انها مافقدتها وارتاحت باقي اليوم وطول الكلاسات وهي معاها..

                                    ** *** * ** ** **
                                    احلام راحت مدرستها وخبرت رجاء بسالفة الطلعه مع نايف وذيك بكل خبث قالت لها اطلعي وهذا شي عادي وانا سويته ومليون غيري سووه لانه يريحهم وايد وانه احلى شي يوم بتشوفه لأول مره..
                                    وهذا اللي سمعته زهرة من كلامهم يوم كانت بتدخل الفصل الخالي الا من احلام ورجاء وتقريبا فهمت السالفة وتضايقت وايد وقررت تفاتح احلام صديقتها الخلوقه الماشيه صح قبل لاتدخل المخلوقة الزفته رجاء لحياتهم..
                                    ** ** ** **** *** *** *
                                    بدور وليلى وصلوا الجامعه وراحوا الكفتيريا مكان مايتلاقون مع باقي الشلة قبل الكلاسات.. واجتمعوا كلهم ماعدا هيفاء ..
                                    ليلى: غريبه هيفاء ماوصلت بعدها..
                                    بشاير: ايه صح غريبه هي ماتتأخر ..
                                    وفاء: يمكن متأخرة شوي شدراكم ..
                                    زينب: هي فديتها شدراكم يمكن زحمه عليها الطريق..
                                    عبير: خلاص الحين بندخل كلاساتنا واذا طلعنا وماشفناها بنتصل لها على جوالها نتطمن عليها..
                                    ليلى: ايه صح.. وراحت تساسر عبير في اذنها: تصالحتوا؟؟
                                    عبير:ههههههههه ايه..
                                    بشاير: بشو تساسرون ياللي ماتستحون؟هاه؟ ماتشوفنا معاكم؟؟
                                    عبير:ههههه احنا اكثر من ثلالثة يعني عادي >> وطلعت لها لسانها تبحلس..
                                    الكل:ههههههههههههههههههه >> وكلهم ضحكوا من قلوبهم ماعدا وفاء اللي تفكر بمصيرها وزينب المشغولة بمصير حياتها الحالية هي الثانية..
                                    *** ** ** ** *** *** ** **
                                    خالد راح الشركة الجديدة وهو مستانس بأنه بيشتغل الشغلة اللي درس عنها سنين وهي الشغله اللي يحبها.. واستقبلوه هناك بطيب خاطر ومستانسين بوجودة وكأنه حل لمشكلة كانوا يواجهونها هو لاحظ نظرات الأطمئنان تجاهه وبين له المدير انهم حالياً في امس الحاجه لموظف مثلة يقدرون يعتمدون عليه من كفائته اللي باينه في شهادته والورقة اللي تثبت حسن اتقانه للعمل اللي عطوها اياه في شركة خاله..
                                    ولأول مره في الشغل يحس انه مهم وايد وان الأامال متعلقة فيه بداية هالشعور خوفه بس بعدين حس انه عادي وبيواجه شغله الجديد بجدارة..
                                    ** *** ** ** *** ** ** *** ** *
                                    في المدرسة الثانوية اللي تضم احلام وزهرة ورجاء..
                                    كان وقت الفسحة وكل بنت مجتمعه مع صديقتها وكل شلة بزاوية محدده.. ومكان محدد..
                                    زهرة كانت متوجهه للحمام.. دخلت وشافت رجاء بروحها مقابلة المراية وتعدل شعرها وكان فيه بنت وحده بس داخل الحمام .. زهرة استغلت هالفرصة عشان تكلم رجاء..
                                    زهرة بنظرة احتقار: لو سمحتي ممكن سؤال؟
                                    رجاء ببراءة لاتصدق: طبعا حبيبتي تفضلي.. ولو اني ماعرفك بس هاتيها من الأاخر رجاءً..
                                    زهرة وهي مومشتهيه تطالع في وجهها: انت منو اللي حادك على احلام ؟؟ ليش مصرة تخربين البنت؟؟ انت خربانه لارقيب ولاحسيب بس احلام غير وانت خربتيها حرام عليك ترى ذنبها في رقبتك.....
                                    قاطعتها رجاء: شوفي انت ياحلوة انا ماغصبتها على شي وكل شي هي تسويه بأرادتها..
                                    زهرة: بس انت اللي تنصحينها وهي تسألك وانت تزينين لها الامر وعادي عندك لكن لو قلتي لها لا هذا غلط ماراح ترتكب هالذنب ..
                                    رجاء بقهر: شوفي انا ماشوفه غلط وعادي عندي وانت مادخلك اصلا ولا احد حاطك محاميه..
                                    زهرة: والله لخليك تندمين على اللحظة اللي فكرتي فيها توزعين رقم احلام وبعدين تنصحينها تكلم وتسوي هالحركات انا من البداية عرفت انك ورا هالسالفة وها التغير صدقيني بتتمنين لو ان امك ماولدتك على اللي بيصير لك.. وطلعت عنها وهي معصبه حدها ورجاء تضحك وهي تفكر مثلا شو بتقدر تسوي عشان تخليها تتمنى انها مانولدت وتحس الفكرة مجرد تهديد وسخيفة بعد..
                                    ** ** ** ** **** ** **** * *** *
                                    سالم راح الشركة اللي يشتغل فيهامع حسام وتلاقى معه وقال له بانه شاور اهله وكلهم بيروحون معه مكة..
                                    وتذكر سالم انه ماخبرهم فقال لحسام ينتظر بس يكلم امه في التلفون ويرد عليه..
                                    سالم: الو وين ماما..
                                    الشغالة: ماما دقيقة الحين نادي هي..
                                    بعد شوي..
                                    ام سالم: الو
                                    سالم:هلا يمه..
                                    ام سالم: شفيك سالم؟ صاير شي؟
                                    سالم: لايمه الله يهداك انتوا بس في بالكم الشر ان جاي لك بالخير ..
                                    ام سالم:هههه خوفتني والله مو عادتك تتصل لنا وانت في الشغل..خير ياولدي؟
                                    سالم: الخير بوجهك يمه..بس كنت بقول لك ان انا قلت لأبوي ان بنروح يوم الأربعاء مكه..
                                    ام سالم تذكرت هالسالفه: أي صدق يابني جاني ابوك امس وقال لي اذا تبون تروحون روحوا ولا قال وش يقصد كان متضايق .. وش السالفة؟وليه هالقرار المفاجئ؟؟
                                    سالم: ايه يمه انا قررت نروح مكة عشان جنان اختي انت سمعتي الطبيب قال لازم تغير جو وبما انها الحين جامعه فبنروح مكه الاربعاء ونرجع السبت الفجر عشان ماتغيب وتروح عليها دروسها وعشان ابيها ترتاح يمه وتنسى مشاكلها وتهدى نفسها بشوفة بيت الله..
                                    ام سالم فهمت قصده وهي فخورة بولدها اللي يحاتي اخته: بارك الله فيك ياولدي خلاص احجز ماحد يعيف بيت الله..
                                    سالم: ايه صج يمه ترى مابنروح لحالنا..!!
                                    ام سالم باستغراب:منو بيروح معانا؟؟
                                    سالم: بيروحون معنا قوم حسام امه وخواته..
                                    ام سالم: ايييه حياهم الله زين انهم بيروحون معنا والله اني احبهم هالناس قبل لاشوفهم ولهم فضل يوم انقذوني ذاك اليوم فديت حسام ياولدي حافظ على علاقتك معاه تراه اخوك قبل لايكون صديقك..
                                    سالم مرتاح من هالرمسه اللي بتسهل المهمة على حسام: هي يمه اغار شحقه تتفدينه هو وانا لا..
                                    ام سالم:ههههههه قطع الله بليسك فديتك وانا من لي غيرك يالله رد لشغلك لايفنشونك..
                                    سالم:مايرومون يحبوني هههههههههه..
                                    ام سالم: حبتك العافية يلا مع السلامه..
                                    سكر عن امه مستانس..
                                    حسام: ها شو قالت..
                                    سالم بنظرة جانبيه: وافقت شو قالت بس اسمع هالخبر باين ان عيوزنا تحبك..
                                    حسام:هههههههه وانا بعد احبها هاي مثل امي وام حرمة المستقبل..
                                    وضحكوا اثنينهم..وراحوا يفضون نفسهم عشان مايستلمون أي قضيه لين مايرجعون..
                                    *** ** ** ***** ** ** **
                                    بعد ماخلصوا الجماعه اللي في الجامعه كلاساتهم وراحوا للكفتيريا اجتمعوا كلهم الا هيفاء اللي بين انها غايبه اليوم..واستهموا عليها لايكون مريضة..
                                    وقرروا يتصلون لها..
                                    ** ** ** *** **
                                    سعود راح الشركه وداوم وهو باله مشغول على حليمه .. هو يدري ان فواز مابيقصر معاها بس يبي يتأكد انها مرتاحه بنفسه لأنها امانه عنده..
                                    وقام طلع من الشركة بعد ماوصى السكرتير المصري اللي عنده ان أي احد يجي له او يتصل له من الاهل مايقول لهم طلع يقول عنده اجتماع بيتأخر..
                                    وراح للشقة وفتحها بالمفتاح اللي ناسخه لكل فرد ساكن بهالشقه.. دخل ولقاها كالعاده يخيم عليها الصمت والهدوء..
                                    دخل ولقى باب غرفة حليمه مفتوح راح يوايق براسه ولقى حليمه مستلقيه على السرير ومغمضة عيونها بارتياح.. وجنبها هيفاء تتأمل فيها..
                                    دخل: السلام..
                                    هيفاء اجفلت لأنها كانت سرحانه ومو متوقعه زيارة: وعليكم السلام هلا يبه..
                                    سعود: ليش مارحتي دوامك يابنتي؟؟
                                    هيفاء: عشان اهتم بيدتي يبه مايصير اخليها بروحها..
                                    سعود: بس فواز موجود..
                                    هيفاء: يبه عمي مسكين من امس قاعد معاها قلت له يروح ينام ويرتاح وانا بقعد معاها..
                                    سعود: بس هاذي اخر مره تغيبين فيها يابنتي فهمتي انا ابيك تجدين وتجيبين النتيجه اللي ترفع الراس وتحققين حلم امك الله يرحمها وابتسم بحزن..
                                    هيفاء:يبه انت كنت تحب امي؟؟
                                    سعود انصعق من هالسؤال: وتنهد وقال بسخرية: احبها..! كلمة احبها شوي يابنتي انا كنت امووت في الأرض اللي تمشي عليها وعشانها وعشان حبي لها تزوجتها دون علم اهلي وهاذي النتيجه يابنتي انت اللي انظلمتي..
                                    هيفاء: لا يبه انا مانظلمت صج اني ماحس بجو العايلة لكنك مو مقصر ولا تحاتي ..
                                    سعود يتأمل بنته بأعجاب: يابنتي خذتي عن امك كل شي الجمال والقناعة والملامح اللهم عيونك اللي طلعت علي .. صدق يابنتي انا قررت خلاص ادخلك حياتي مع بدرية بس بعد مانخلص من سالفة اختك وفاء..
                                    هيفاء باستغراب وهي تذكر وفاء الغريبه امس: ليش يبه شفيها اختي وفاء؟؟
                                    سعود: ولا شي بس متقدمين لها ناس وهي رافضة وان شاء الله يهديها وتوافق..
                                    هيفاء فرحت من الخاطر لاختها ودعت: الله يسعدها..
                                    سعود: خلاص يابنتي انا بروح وحطي بالك على يدتك وخليها تاكل دواها اول بأول..
                                    هيفاء: لاتوصي حريص يبه ..
                                    سعود:يلا مع السلامه وباس بنته على راسها وهم باس حليمه على راسها وهو يتمنى لها الشفاء..
                                    ** ** *** ***** * ** ***
                                    ما ان طلع سعود الا رن جوال هيفاء وكانت ليلى متصله..
                                    هيفاء: هلا والله بالقمر ليلى..
                                    ليلى: هلا فيك عيوني .. وينك ليه غايبه عسى ماشر؟؟
                                    هيفاء بابتسامه : ماشر ان شاء الله بس امي مرضت شوي وتميت معاها..
                                    ليلى: اييييه والله خفنا عليك سلامتها ماتشوف شر..
                                    هيفاء: الشر مايجيك..
                                    ليلى: كل الشله تسلم عليك مع اصدق اأمنيات بالشفاء العاجل لأامك..
                                    هيفاء ضحكت من طريقة كلامها:ههههههههه الله يسلمهم ومشكورين وبوسي لي وفاء عني يلا مع السلامه..
                                    ليلى: ان شاء الله مع السلامه..
                                    هيفاء كانت فرحانه بهالصديقات الطيبين اللي بينهم تعاون وتقارب مو هين ونادر هالأيام..
                                    سكرت ليلى وراحت باست وفاء اللي حمرت خدودها والكل ضحك عليها..
                                    وفاء: شو هذا ليش بايستني؟؟
                                    ليلى: ههههههه امانه من عند هيفاء..
                                    عبير بمزاح: وش معنى وفاؤة وانا..
                                    ليلى: مالك رب وفاء القمر مو انت وضحكو كلهم..
                                    وفاء متعودة تخبر صديقاتها بأي جديد بحياتها مثل ماهم يخبروها وكانت شلتهم من النوع اللي يشكون
                                    لبعض ويتعاونون في حل مشاكل بعض..ويخففون عن بعض لذلك لازم تقول لهم عن جديد حياتها واللي شاغل بالها..
                                    وفاء: احم احم.. بنات عندي لكم خبر..
                                    الكل التفت لها بأهتمام وطبعا عبير وليلى يدرون بس انتبهوا لها..
                                    زينب : قولي ياقلبي الخبر اللي عندج عشان بعدها
                                    بخبركم الخبر اللي عندي..
                                    وفاء: طيب ..
                                    بشاير: شو صاير؟؟
                                    وفاء وهي مستحيه شوي صج انها كل شي تقوله لهم بس كيف تقول لهم هاي الخبر اللي اول مره تجرب تقوله بس استجمعت شجاعتها وقالت: امس جاو عرب بيتنا وخطبوني..
                                    الكل تهلل وجهه من الفرح بس ماتكلموا يوم شافوا ملامحها الكئيبه..
                                    بشاير: طيب وليش ما احسك فرحانه؟؟
                                    وفاء: لأني للحين مو عارفة اوافق ولا ارفض..
                                    زينب: ليش ماتبين توافقين..
                                    وفاء: امممم خايفة..
                                    بشاير تطمنها: لاتخافين وفاء ترى انا مريت بشعورك يوم انخطبت..ادري انك تحسين حياتك بتتغير وبتصير عندك مسؤليه وخايفة من مشاكل الازواج اللي نسمع عنهم بس هدي نفسك ولا تحاتين هاي مشاعر طبيعية واحلى شي>> وقالت بطريقة رومانسيه كوميديه: احلى شي حين تقعين في غرام زوجك..
                                    الكل:هههههههههههههههه ضحكوا عليها لأنهم يعرفون انها ماكنت تبي توافق وبعدها صارت مجنونه بحب خطيبها..
                                    ..
                                    وفاء: يعني برايكم اوافق له؟؟
                                    بشاير: اذا كان خوش ريال واهلك ماشافوا شي يعيبه وافقي ليش لا مصيرك بتنخطبين..
                                    وفاء: اه الله يجيب اللي فيه الخير .. وانت زينب شو موضوعك؟؟
                                    زينب بان على وجهها الحزن بشكل كبيير..
                                    بشاير كانت عارفه السالفه وتضايقت بعد..
                                    عبير: هي زنووب خوفتينا قولي شفيك؟؟
                                    وفاء: يابعد عمري ماتحمل اشوف نظرة الحزن بعيونك وباستها على خدها وهي تكمل: فضفضي ياختي..
                                    زينب ابتسمت لأن وفاء على اللي فيها الا انها قاعده تواسيها..
                                    زينب: امس امي رمستني ..
                                    ليلى: عن؟؟
                                    زينب: ان قوم عمي اللي في العين رمسوا ابوي يبون يملجون في الأاجازة هاي ومعناتها انه ممكن يمنعوني اكمل دراستي اللي يشوفون ان مالها لازم دام ان ولد عمي يقدر يعيشني احسن عيشة..
                                    وبان الحزن والضيق في عيون الجميع..
                                    وفاء: يعني انت ما تبين ولد عمك ولا ماتبين تقطعين دراستك؟؟
                                    زينب وهي متضايقة: لاهذا اللي مضايقني ولا هذاك..!
                                    احتاروا..
                                    عبير: عجل شو اللي مضايقك؟؟
                                    زينب ودمعتها تطيح على خدها بكل سهوله : لأني بروح عنكن ..وقامت تصيح..وهي تكمل رمستها: بياخذني الأمارت بيسكني هناك وانا مابي اطلع من البحرين واودر وراي كل ذكرياتي واحلى ايام عمري معاكن والله مابي اروح..
                                    وفاء دمعت عيونها وبحكم حبها الكبير والمميز لزينب راحت عندها ومسحت دموعها: والله يازينب انه هالشي مزعلنا اكثر منك بس لاتحاتين حبيبتي انت بقلوبنا..
                                    بشاير ماتحملت وصاحت..
                                    زينب: ادري وانتوا بعد فقلبي بس والله بشتاق لكن..
                                    ليلى: يابعد عمري انزين وماتقدرين ترفضين؟؟
                                    زينب: امي تعرف اني رافضة اني انتقل للعيش في الأامارات بس ماتقدر تعترض لأني اخاف اتكلم وتصير مشاكل بين العايلة وبين عمي وابوي بسبتي..
                                    عبير: يمكن لما تقولين لأبوك يقول لهم شرط تعيشونها
                                    في الأمارات..
                                    زينب: ثرك ماعرفتي ابوي مايرفض لقوم عمي طلب وهو لو مو مظطر يعيش هنا عشان امي كان من زمان راح العين وسكن هناك عشان يصير قرب قوم عمي..
                                    وفاء جات في بالها : طيب زنوب وانت تبين ولد عمك ولا بس عشان ابوك؟؟
                                    زينب: بصراحه ماتفرق عندي لأني ماعرفة وانا من زمان اسمعهم يقولون لي اني محيره لولد عمي وكبرت وانا ولا عمري شفته..
                                    وفاء: خلاص حبيبتي لاتفكرين وايد وان شاء الله بتنحل مشكلتك يمكن يوم تملشون وتقولين له برغبتك يوافق..
                                    بشاير بوميض امل: صج زينب يمكن اذا صار يحبك ومايرفض لك طلب بيوافق..
                                    زينب وهي رافعه ايدها: امين..
                                    وابتسموا كلهم لبعض وهم يستعدون اللي عندها كلاس واللي بترجع بيتهم..
                                    ** * ** ** ** ** * *** **
                                    اما شهد وكوثر و نرجس كانوا ينتظرون الباص يجيهم ... بس هو تأخر..
                                    الكل كان ملاحظ التغير اللي في كوثر.. كانت غيير عن قبل كله شارده في الحصص تفكر بخليل وماتنتبه ودوم سرحانه وماصارت تدرس عدل.. ولا تأكل عدل وبس تفكر شيقصد خليل بكلامه وبأنها تتظاهر قدام شهد ومدري ايه...
                                    عجزت نرجس من الكلام كانت تنادي اختها اللي ماصارت تحس بوجودهم معاها وقلبها يعورها عليها وهي ماتدري ليه تغيرت ماتدري شقال لها خليل بس بقلبها وقربها الكبير من افكار اختها عرفت ان لخليل شغل في السالفه وتلومت على اللي سوته..
                                    راحت لها دزتها بخفيف: كوثرووه صار لي ساعه اناديك وانت سافطتني..
                                    كوثر:ها سوري والله ماسمعتك..
                                    شهد تلوم اخوها على اللي تعانيه كوثر بس ماتقدر تكلمه لأنه كوثر اعلى من انها تطلب من واحد يهتم فيها..
                                    نرجس: انا بقووم اتصل في حسين اذا فاضي يوصلنا البيت لأنه هذا السبال ماجا لنا هالهندي المنتف..
                                    الكل:هههههههه
                                    واتصلت في اخوها اللي قال لها انه بيجي بس في سيارة الشركه عشان يخلونه يطلع وماتكفي الا شخص وقال لها شوفي شهد تكلم اخوها اذا فاضي يحمل الثنتين الي ماقدر انا اوديهم..
                                    واتصلت شهد باخوها وقال لها انه قريب من مدرستهم وطلب منها بعد دقيقتين تطلع برا..يوم وصل..
                                    شهد: ها منو بتجي معاي؟؟
                                    نرجس: انا بروح مع حسين انتوا روحوا..
                                    ومشت كوثر ورا شهد وهي مو في حالها الطبيعي وكانت نرجس تراقب اختها من بعيد وشافت نظرة الأحتقار اللي يطالع بها خليل كوثر اللي كانت منزله عيونها وكأنها بتصيح وحست انها لازم تغير هالوضع عشان اختها اللي شكلها خلاص تحب خليل ومافي مفر..
                                    ومر عليها حسين بعدهم بكم دقيقة وروحوا..
                                    كوثر وهي في السيارة تذكرت ان امها موصتنها تخلي السواق يوقفهم بقالة وتاخذ لهم من هناك ليمون عشان السلطة ع الغدا وهي تعرف امها بتنقهر فيها اذا ماجابت لها اللي طلبته وفكرت تتصل لنرجس بما انها مع حسين لكن ماعندها تلفون..
                                    فتشجعت وقالت لشهد اللي قاعد قدام جنب اخوها..
                                    فتقربت من راسها وقالت لها بصوت سمعه خليل رغم
                                    انخفاضه: شهود نسيت ان امي قايله لي امر البقاله اشتري لها ليمون قولي حق اخوك اذا ماعليه امر يوقف شوي..
                                    شهد: اوكي..وقالت لأخوها: خليل ممكن توقف البقاله شوي؟
                                    خليل يبي كوثر هي اللي تقول له: ليش؟ ضروري؟؟ انا مو فاضي..
                                    كوثر قالت بدون شعور كانها تترجى: والله بس دقيقة..
                                    وسكتت كانها سوت شي غلط بس لانها تذكرت نظرة خليل اللي ماترحم..
                                    خليل: وش تبون من البقاله؟؟
                                    شهد: ليمون وشيبس..
                                    سكت خليل ووقف عند اقرب بقاله ..وفتح الباب ونزل مع البنات اللي نزلوا مستعجلين..
                                    ودخلت كوثر ووراها شهد ووراهم خليل بنظارته الشمسيه اللي يخبي نظراته من خلالهم وكان يراقب كوثر..
                                    كان في البقاله اثنين شباب مايدرون ان خليل معاهم لأنه دخل اخر شي يفكرون هالبنتين لحالهم..
                                    كانت كوثر ماخذه الليمون وبتروح للحساب يوم وقف واحد من الشباب قدامها ..
                                    كوثر خافت منه ام هو بكل جرأه قال: وش هالحلاه!!!!
                                    كوثر تدور خليل بعيونها تطلب النجده والخوف باين عليها..
                                    خليل كان يتكلم مع الهندي راعي البقاله يوم التفت وشاف كوثر تطالع فيه وهي خايفه والريال يتكلم وهي سافطته..
                                    راح بسرعه تجاههم والغيره تنهشة ونار الحب مأثر عليه وهو معصب قد الدنيا وناوي يقتل الريال.. راح وصار
                                    ورا الريال اللي مايدري عن وجوده وراه..وضرب كتفه بصبعه بخفيف كأنه يقول له التفت لي ابيك..
                                    الشاب فكره صديقة وقال: اوه صبر عزيز بشوف هالجمال ليه لحاله.. وكان تجيله ذيك الضربه على ظهره وبعدها ظربه على ويهه سيلت الدم من خشمه..
                                    بعدها قالت له كوثر بخووف: خلاص خليل اتركه..
                                    خليل: لازم يتأدب مره ثانيه مايتعرض لأي بنت..
                                    وشافته ناوي يذبح الريال: خليل والله مايستاهل تضيع مستقبلك عشانه اتركه خليل.. ووصلت شهد متروعه من اللي تشوفه..
                                    كوثر راحت ومسكت ايد خليل عشان يترك الريال وهي تصيح: بالله خليل خلاص لا تدخل السجن بتهمة قتله وهو مايستاهل وهو خلاص ماقدر يسوي شي من لمسة كوثر له يحس نفسة النيران تنخمد في قلبة وغير كذا ذاب وهو يشوفها تصيح كسرت خاطرة كانت من قلب خايفة..
                                    شهد: شو صاير خلونا نطلع ..
                                    وراحوا حاسبوا بسرعة وطلعوا وركبوا السياره بصمت..
                                    خليل في عالم ثاني وكوثر تحس بأنها ماتقدر تتحمل اكثر..اما شهد ساكته وتدعي ربها يهدي خليل وكوثر تصير من نصيبه..
                                    قبل لاتنزل كوثر بيتهم: مشكور خليل واسفه على الأزعاج اللي سببته لك..وطلعت دون ماتعطيه فرصة يرد عليها...
                                    ام هو تأكد انه مايقدر يعيش مع غيرها اذا مو معاها لأنه مايقدر يسيطر على مشاعره ..

                                      تعليق

                                      • *مزون شمر*
                                        عضو مؤسس
                                        • Nov 2006
                                        • 18994
                                        #40
                                        تابع الجزء الثلاثين


                                        اريج كانت تحس بتعب بس متحملته وفي بالها انه عادي لأنها جلست شوي من بدري وقامت طبخت الغدا عشان محمود لما يرجع من الشركة واتصلت في امها وسولفت معها شوي وسكرت عنها وهي تلاعب ريهام اللي قامت من النوم تصيح..
                                        وكانت تفكر بأخوها حسين اللي تغير وايد من رجع ماصار مثل قبل.. كان دووم يطلع ويروح مع ربعه بس الحين ماتسمع انه طلع دوم في البيت حتى انه كان يغازل وضحكت وهي تذكر بس الظاهر انه وايد يحس بالذنب لدرجة ان الاشياء اللي يحب يسويها بالأول تركها الحين.. واستغربت انه مازار قبر ابوه الحقيقي ولا مره ولا طلب حتى انه يشوفه..وحطت في بالها انها بتكلمه لأنه لازم يواجه الموضوع ومايتخبى بالحاضر منه..
                                        *** ** *** ******* ** ** ** **
                                        اما حسين صج خاطر في باله هالموضوع بس طنشة بعد ماسمع واقع حقيقة ابوه الحقيقي اصلا كان كارهنه لكن فضوول عنده يبي يعرف شكلة لأنالكل يقول له انه يشبه امه مثل مايشبه اريج اخته لكن عنده فضول بس مانع نفسه منه وكأنه يعاقب نفسة على اللي سواه في ابوه خليل الله يرحمه..
                                        ** **** ** **** * ** ****** **
                                        بعد مارجعوا البنات من دوامتهم .. اللي راحت تنام لها شوي واللي ترتاح وكل عل حاله..
                                        اما هادي كان في غرفته ومتضايق وايد يحس انه بيتم طول عمره على هالكرسي ومابيقدر يمشي هو اللي مخفف عنه صديقة اللي يعاني معاناته لكن حتى هو يتمنى وايد انه يمشي ويصير طبيعي مثل الكل.. وكان يكتب في الدفتر اللي متعود يبث مشاعره فيه هالشي:
                                        ياربي .. الى متى.. سأضل حبيس هذا الكرسي اللعين..
                                        الى متى يالهى.. قدرتك تفوق كل شي يارب فاكتب لي القدرة على المشي..
                                        الهى احبك واتوسل اليك ان تحقق لي مرادي ..
                                        اني حزين جدا لأني لست مثل غيري من الأطفال واتمنى ان ارتاد نفس المدرسة التي ارتادها اخي قبلي واتمنى ايضا لجميع من يعانون معاناتي الشفاء..
                                        الهي اريد ان انشر مكتوباتي لكني اخاف ان انشرهم وانا معاق فلن يعجب بي احد ولا بكتابتي بسبب هذا الكرسي.. ارجوك اكرمني بمعجزة تقدرني على المشي يا الله..
                                        انا هادي الذي يتمنى ان تكون تعرفني يالهي واتمنى ان تحبني كما احبك فأنا عبدك المخلص ..
                                        وسكر دفتره وعيونه تدمع بس مسحهم وهو يذكر نفسه بأنه صار ريال ولازم مايصيح مثل اليهال..
                                        ***** ***** ** ** ***** **
                                        ليلى انسدحت على سريرها تبي ترتاح لها شوي..
                                        وفاء تفكر بشو ترد عليهم وحست انها محتاجه بهالحظة لأختها حست انها تحتاج رايها لأنها اكبر منها واعلم منها..
                                        وراحت بتردد ملحوظ ودخلت دون ماتدق الباب كالعاده لأنه مابينها وبين ريم أي كلافه وكانوا متعودين ع هالشي وعادي عندهم..
                                        ريم كانت كل ماتتصل على جوال خالد تلاقيه مغلق فخافت لايكون فيه شي بس قالت يمكن عشان اول يوم مايبي ازعاج وسكرت عنه وهي تشوف وفاء داخله والحيره فعيونها..
                                        ريم تبي تستفزها فضحكت وقالت: هلا العروووس..
                                        وفاء بغيظ:اووه ريييييييييم لاتزيدين علي..
                                        ريم:ههههه شحقه وفاء شو فيك؟؟
                                        وفاء: مادري ريم خايفة محتارة تايهه..
                                        ريم: حبيبتي وفاء انا سمعت من امي وابوي ان الريال ماينعاب والناس طيبين وماعليهم كلام وانتي انا فاهمتك مو رافضة الريال نفسه رافضة الزواج بكبره صح؟
                                        وفاء: ساحره انت..
                                        ريم:ههههههههه حبيبتي وفاء شوفيني اعاني من اللي يعانونه امي وابوي..
                                        وفاء بتفكير : صج كاهي ريم معرسة على خالد ومابينهم مشاكل كذا يعني ممكن انا اعيش مثلهم وممكن اني اكون سعيده ليه مافكرت فيهم صحيح اني غبيه وردت على ريم: لا
                                        ريم: عجل ليه خايفة ترى الناس مو مثل بعض انا ياوفاء كنت ادري ان يوم من الأايام باخذ خالد ومع ذلك خفت يوم خطبني وفكرت وايد بس في لنهاية اقتنعت ان مو كال الناس يعيشون بمشاكل اللي اصلا لابد منها بس كل ناس وغيير ياوفاء تطمني وتوكلي على الله وانا اختك..
                                        وفاء حست براحه كبيييييييرة لأول مره من سمعت بالسالفه تحس انها الحين تقدر توافق وهي متطمنه..
                                        وفاء راحت عند اختها بشكل قريب مره: شكرا ريم والله ريحتيني ولوت عليها وريم ربتت عليها وهي مستانسة ان وفاء ماتغيرت عن قبل يوم هي صغيرة كانت دووم
                                        تلجأ لها اذا كانت ضايعه ومو عارفه شو تسوي..
                                        ** ** ** ** ** ** * ** * *** **
                                        اقنعت ليلى وفاء انهم يروحون يتغدون في الحديقة عشان تبي تخبرها بموضوع.. وبعد ماتغدوا..
                                        وفاء: هاتي موضوعك اشوف وان طلع بايخ لأكسر راسك..
                                        ليلى:ههههههه حرام عليك والله انه موضوع مهم..
                                        وفاء: طيب انا استمع ..تانْتْ >> قالت بالفرنسيه >خالة يعني..
                                        ليلى: مافهمت لك بس يله بكمل ووفاء ضحكت وهي موجهه كل حواسها لليلى تسمع..
                                        ليلى: شوفي حبيبتي امس اتصل فيني سالم ولد اختي اللي هو ولد خالتك..
                                        وفاء ماردت تنتظرها تكمل مستغربه الكلام عنه..
                                        ليلى: المهم وهو قال لي انه مقرر يتزوج..
                                        وفاء: وانا شدخلني..
                                        ليلى ابتسمت : مو انت اللي يبيها سالم يقول انه معجب في شخصيتك وانه مابيلاقي اللي احسن منك وو......
                                        قاطعتها وفاء بعصبيه:إِكْسْكُزيه مْوا > عذراً <
                                        قالتها بعدم تصديق ..
                                        وفاء اذا عصبت دووم ينطلق لسانها بأقرب شي يجي في بالها تعرفه بالفرنسي وقالت تكمل :شو قلتي .. ليلى انت تعرفين اني ماحبه ليش ماقلتي له على طول اني مستحيل اخذه..
                                        ليلى برطمت: وفاء حرام عليك سالم مو شين..
                                        وفاء: بس ابوه شين وبعدين انا خلاص قررت اقول لأمي اني موافقة على راشد..
                                        ليلى نست سالم وفرحت عشان وفاء قدرت تطلع من افكرها اللي مو منطقيه..وراحت لها وباستها وقالت
                                        لها:مبرروك بنت اختي انا اول وحده اقولها ههههه
                                        وفاء:هههههه الله يبارك فيك..
                                        ليلى: خلاص انا بقول لسالم انك مارفضتيه شخصيا عشان مايزعل بس بقول له انك وافقتي على واحد تقدم لك قبلة..
                                        وفاء وهي تهز كتوفها بعدم اهتمام:كومْ فُو فُوليه
                                        >> يعني :سوي اللي تسوينه .. كما تشائين..
                                        ليلى: اووه وفاؤه ترجمي تدرين ماعرف هالخريط اللي تقولينه ..
                                        ضحكت وفاء: ههه بكيفك قولي اللي تقولين مايهمني بس اهم شي يعرف اني ماراح اخذه ..
                                        . .. .. . . ... ... .... ...
                                        خالد رجع من الشركه متضايق حده.. بعد هالفرحة اللي ماصدق انه بيكون فيها صارت عنده اخبار ضايقته وايد يمكن هو عادي عنده بس ريييم كيف بيخبرها!؟
                                        قفل جواله حالياً مو مستعد يكلم حد..
                                        وصل البيت بنفس وصول نايف من الجامعه..
                                        نزلوا مع بعض ..
                                        نايف لاحظ تكدر اخوه: خلوود شو بلاك؟؟ مال وجهك مقلوب؟؟
                                        خالد: نايف الله يخليك اسكت عني مالي خلق..
                                        نايف: افا يابو وليد كذا تفشلني ماعليه وانا اللي جاي اشووف مشكلتك ابي اساعدك..
                                        خالد: اعذرني نيوف والله متضايق..
                                        نايف: عسى ماشر فضفض لأخوك عساه يريحك..
                                        خالد: اه شو اقول لك بس تعال خلنا ندخل ونبدل وناكل لنا لقمه بعدها بخبرك..
                                        وبعد ماخلصوا كل هذا كانو يشربون شاي يروق المزاج..
                                        نايف: يله قوول لي وش صاير معك؟؟
                                        خالد:اه طبعا انت تدري اني تركت الشغل في شركة عمي عشان تعليقات الناس ودخلت في شركة جديدة تناسب ثقافتي..
                                        نايف: كله معلوم .. كمل..
                                        خالد: اول مارحت كنت اشوف نظرات الأرتياح بوجوههم وكأنهم ممتنين اني رحت لهم وكأني منقذهم عاد انا استانست ومادريت ان وراها سفر..
                                        نايف: سفر؟؟ وين؟؟ وليش؟؟
                                        خالد: هالشركه اللي انا فيها لها فروع وايد في دول الخليج وبرا بعد انزين لكن الفرع اللي بدبي عنده مشكلة ان المدير العام ماخذ اجازة علاج مدتها شهر ونص ولازم انا اروح اداوم مكانه عشان انقذ الشركه لانه ماحد عنده المؤهلات الكافيه يخلونه يمسك الوظيفة غيري حالياً وطبعا انا ماقدر اقول لا لان تو الناس ولازم اثبت جدارتي وماقدر ارجع من هناك الا يوم الأربعاء وارجع الجمعه بس هالكلام بعد مايعدي النص شهر اقدر انزل كل اسبوعين بس .. لان مره فيه دوام يوم الخميس ومره لا..
                                        نايف ضاق خلقة شلون كذا ماراح يشوف اخوه الا بعد اسبوعين وهو متعود يشوفه كل يوم لكن قال له يهون عليه: طيب ياخوي روح وهي الا شهر وشوي وبتعدي بسرعه ان شاء الله..
                                        خالد بيأس: وريم؟؟
                                        نايف: بتتقبل ان شاء الله.. انت قول لها وما اظن تعارض مكن في البدايه بس بعدين بتوافق اذا اقنعتها انك بسرعه بترد..
                                        خالد: طيب خلاص انا بنام لي شوي الحين والمغرب بروح اخبرهم كلهم لأني ورا بكره مسافر..
                                        نايف: اوكي..انا بعد بروح انام.. وكل واحد راح حجرته ونام من التعب..
                                        ** ***** * ** ** * *** ** * **
                                        جاسم راح لأمه وهو مصمم يفتح معها الموضوع ..
                                        جاسم: يمه بغيتك في كلمة راس لو سمحتي..
                                        ام جاسم: قول ياولدي قول اسمعك انا..
                                        جاسم: ابي اكمل نص ديني واتزوج..
                                        ام جاسم: هاذي الساعه المباركة وبخطب لك احلى البنات..
                                        جاسم كان حاط في باله ان امه لما تقول له هالجملة اللي كل ام تقولها لولدها يوم يقرر يعرس بيقول لها لا يمه البنت موجوده وهي بنت سعود الملكي بس الحين الوضع تغيير..!
                                        جاسم: يمه بس مابيها من هنا انا..
                                        ام جاسم: شلون ياولدي مافهمت عليك..
                                        جاسم يذكر امه: يمه تذكرين الفلوس اللي اخذتهم من ابوي وضفتهم لحسابي بالبنك وقلت لكم اني عندي مشروع..
                                        الأم: ايوه وش فيه؟؟
                                        جاسم: انا بنيت لي بيت في البحرين لأني ابي اسكن هناك وكنت مقرر اخكب وحده عايشة هناك بس بعد ماسألت عرفت انها انخطبت وانا مو مستعد اخسر مجهودي وبعدني ابيك تخطبين لي من معارفك اللي هناك وتقولين لهم اني بسكن بنتهم في البحرين عشان يوافقون وان أي شي يطلبونه نحن حاظرين..
                                        الام كانت متفاجأة ان ولدها بنى بيت في البحرين دون علمهم وان يبي يبتعد عنهم بس فجاه تذكرت كلامه ومخططاته عن بنت كان يبي يخطبها وانخطبت وعرفت ان السالفه فيها انه بائس لأنه قالها بحزن وعرفت منو كان يبي وقالت له بتعاطف: كنت تبي ريم صح؟؟
                                        جاسم تفاجأ شون امه عرفت: ايه يمه بس الله ماكتب..
                                        قامت ام جاسم ولوت على ولدها وهي تقول له: صج انك صدمتني بس والله لأخطب لك احلى البنات..
                                        وقامت تذكر بنات رفيجاتها اللي بالبحرين واللي يناسبون ولدها وقالت له فجأه بابتسامة انتصار: عرفت ياولدي منو بخطب لك ..
                                        جاسم: منو؟؟
                                        ام جاسم: بنت ام سلطان والله انها قمر هالبنت وان شاء الله مانخطبت متى تبي نروح؟؟
                                        جاسم: نهاية هالسبوع..
                                        ام جاسم: وابوك عنده علم..؟؟
                                        جاسم: ايه يمه خبرته بكل شي وماعنده أي مانع..
                                        ام جاسم: الله يوفقك ياولدي..
                                        ** * **** *** **** * ** *
                                        قبل لا يأذن راحت وفاء لأمها وابوها وخبرتهم بموافقتها وفرحوا لها ودعوا لها بالسعاده من كل قلوبهم وقالوا لها تجهز نفسها للملشه هالخميس ان شاء الله وقرروا يخبرون ام راشد بعد الصلاة لأنه مو زين يكلمونهم الحين وقت صلاة..
                                        ******* *** ********
                                        في المغرب راح خالد بيت خاله وهو خايف من ردة فعل ريم بس قوى قلبه وقال لها ان يبيها بموضوع مهم هي لاحظت الجدية اللي في كلامه فقامت بسرعه دون نقاش وركبوا غرفتها ..
                                        ريم: خير خالد شفيك؟؟ قوول تكلم لاتسكت ؟؟
                                        خالد: ريم بقول لك بس لاتقعدين تسوين لي فلم..
                                        ريم: خالد خوفتني بالله عليك قول وريحني انت ماتقفل جوالك بالعاده شو صار لك؟؟
                                        خالد: الشركه..
                                        ريم: شو فيها الشركه؟؟ مارتحت؟؟ ماحطوك في تالمنصب اللي يليق بك شو السالفة؟؟
                                        خالد: وحده وحده علي ياريم..
                                        ولا شي من اللي قلتيه وبالعكس حطوني في منصب عالي وايد بس الثمن اعلى ..
                                        ريم كانت خايفه من كلامه: شو تقصد خالد حرقت اعصابي؟؟
                                        خالد: لازم اسافر بعد بكرة اروح لفرع الشركه اللي في
                                        دبي واستلم منصب المدير العام واتم فيها شهر ونص ومانزل الا كل اسبوعين..
                                        ريم انصدمت ماتتخيل انهها تقدر تتحمل انها ماتشوف خالد شهر ونص..
                                        ريم: ووافقت؟
                                        خالد استغرب من هدؤها: مظطر ريم لازم اروح عشان اثبت جدارتي لو رفضت بيطلعوني من الشركة..
                                        ريم ودموعها في عيونها: عادي خالد ارجع لشركة ابوي والله خالد حرام شو يعني بتحرمني منك مايصير شركة ابوي مفتوحه لك..
                                        خالد: وبعدين ريم مو بعد اللي فهمتك اياه..
                                        ريم: بس شهر ونص وايد ..
                                        خالد: اء ويتمسخر: مو وايد الا تدلعين انت..
                                        ريم: احلف انهم مو وايد واليوم يمر عليك طويل تحس فيه بالفراغ..
                                        خالد: ريم تحملي عشاني انا بروح ابلغ ابوك وامك وبكره بطلع معك قبل ماروح وصدقيني برجع كل اسبوعين وبقعد معك طوول الوقت..
                                        ريم تصيح مالها يد في أي شي وماتقدر تمنعه..
                                        خالد: ريييم..
                                        ريم......
                                        خالد: ابي اروح وانت موافقه وراضيه علي عشان احس اني بتوفق مابي اروح وانت زعلانه..
                                        ريم: مب زعلانه والله يوفقك روح خلاص..
                                        خالد: من قلبك؟؟
                                        ريم: خالد انا موب انانيه لهدرجه..!
                                        خالد: فديت قلبك وباسها على خدها وقال لها يلا بنزل تحت غسلي وجهك وتعالي..
                                        ** ** ** *** * *
                                        نزل خالد وكان ناصر وهادي وسعود وبدرية قاعدين
                                        جنب بعض.. ووفاء تطالع مسلسل في التلفزيون.. وليلى معاها..
                                        خالد : سلام..
                                        الكل التفت متفاجأ ماشافوه يدخل: وعليكم السلام..
                                        سعود: من وين دخلت وكيف نزلت من فوق..
                                        خالد يمزح: نايم هنا من امس اصلا..
                                        ناصر:هههه دور كذبه غيرها ماتروم تغيب عن الشركه اول يوم..
                                        الكل:ههههههههه
                                        خالد في نفسه يقول ليتني غبت..
                                        خالد: دخلت من باب المطبخ لأني شفت ريم هناك وركبنا فوق ..
                                        وفاء وهي بعدها تطالع تلفزيون: ايه لما يشوفها ينسانا كلنا..
                                        الكل:ههههههههههه
                                        خالد: بلا غيارة هاذي حرمتي انت حي الله اخت..
                                        الكل:هههههههههههههههههه
                                        وفاء: ماعليه يخلود مردوده لك لكن اكرررهك مابكلمك..
                                        طنشها خالد دووم يدري انها تمززح وقال : انا جايكم بموضوع مهم محتاج دعواتكم فيه..
                                        الكل قام يسمع باهتمام..
                                        سعود: شو ياولدي قول..
                                        خالد: بعد بكرة بروح دبي عشان امسك منصب المدير العام في فرع الشركه لمدة شهر ونص ومابرد الا كل اسبوعين..
                                        ابو ناصرتفاجئ بس هو يعرف في الشغل فكان عادي عنده: الله يوفقك ياولدي ..
                                        بدريه: ان شاء الله تروح وترد لنا سالم يارب..
                                        وفاء كانت سرحانه تفكرر : وملشتي .. يوم عقدي.. شلون اعز واحد على قلبي مابيحظر شلون اخوي احن شخص علي بيغيب عني مو كفايه يدي ويدتي يبي يروح بعد لا لازم يحظر الملجه مايصيير انا اخته اولى من الشغل وقالت بصوت مخنوق: وانا؟؟
                                        خالد طالعها ومافهم قصدها ولا نظراتها البائسة وقبل مايرد يسألها شو تقصد قال ناصر: وريم؟؟
                                        دخل عليهم ريم في الصاله وقالت: انا بروح معاه..
                                        خالد التفت منصدم توه متفق معاها شو اللي خلاها تفكر كذا..
                                        سعود: شلوون يابنتي تروحين وكلام الناس؟
                                        ريم: ماعليك يايبه من كلام الناس انا زوجته وعندي العقد وماحد يقدر ينكر شو يعني لازم نسوي عرس يحظرونه الناس عشان يتأكدوون انا ماتحمل اقعد وهو هناك شهر ونص ..
                                        الكل سكت بس بعدها قالت ام ناصر لها : وملشة اختك؟؟
                                        هنيه وفاء انفجرت ودموعها على خدها: خليها يمه خليها ترووح هي وزوجها خليهم لأني حواليني ناس وايد ومو محتاجتهم .. ولا كأني اختهم يبون يزيدوون الحزن اللي فيني وتصيح بشهقات : مو كفايه يدي ويدتي اللي منحرمه من شوفتهم فرحانين لي هو بعد يبون يغيبوون وطالعتهم وهي ماتشووف من الدموع المغطيه عيونها روحوا وانا اكرهكم اكرهكم يا الأنانيين !!!!!!!! وركبت الدرج بكل سرعه متوجهه لغرفتها وهي تمش دموعها ..!!!
                                        يتبع..!!
                                        ياترى وش بيصير؟؟
                                        هل بيضل خالد عشان اخته ولا بيضطر يروح؟؟ وريم هل بتروح معاه ولا لا؟؟

                                        نرجس هل بتسوي شي يصلح الغلطة اللي ارتكبتها؟؟

                                        احلام شلون بتقدر تشوف نايف؟؟وهل بتشوفه ولا بيصير شي بيمنعها؟؟

                                        جاسم منو بتخطب له امه وهل بيسعد في حياته؟؟

                                        شبيصير لما يروحون قوم سالم وحسام مكة؟؟

                                        وشنو بيسوي سالم لما يكتشف جواب ليلى على انه يبي وفاء؟؟

                                        زينب بتقدر تقنع اهلها انها تسكن في البحرين ولالا؟؟

                                        حسين .. هل بيحاول يعرف شي عن ابوه الحقيقي ولا بيترك هالموضوع نهائيا ؟؟

                                        هيفاء وحليمه شمصيرهم؟؟

                                          تعليق

                                          السابق 1 2 3 4 5 6 7 8 template التالي

                                          google Ad Widget

                                          تقليص
                                          يعمل...