رد: غروري سببلي مشاكل مع البنت الي احبها

بسم الله الرحمن الرحيم

هذي اول مره أكون فيها بعالم روايات فاقدم لكم روايتي الاولى ((غروري سببلي مشاكل مع البنت الي احبها))

انشاء الله تنال إعجابكم

مارح اكمل رواية الى بردودكم

مع تحياتي : العاشقة

رد: غروري سببلي مشاكل مع البنت الي احبها

بسم الله الرحمن الرحيم

هذي اول مره أكون في عالم الروايات فاقدم لكم روايتي الاولى ((غروري سببلي مشاكل مع البنت الي احبها))
انشاء الله تنال إعجابكم

ملاحظة : مارح اكمل رواية الى بردودكم

للكاتبة : العاشقة

رد: غروري سببلي مشاكل مع البنت الي احبها

(( البارت الاول ))
شخصيات :

عائلة سلطان :

لأب سلطان : بارد ومايهتم بولده كلش و٢٤ساعة مسافر حق تجارته وتاجر كبير ومشهور

عبد الرحمن : عمره ٢٠ مغرور لاخر درجه ومغزلجي درجة أولى وحلو وأيد وإذا حط برأسه شي يجيبه يعني يجيبه ويدرس ببريطانيا

عائلة بدر :
لأب بدر :طيب وحنون على عياله ومايرفض اي طلب لهم وكان متزوج وحدة ثانية اجنبية مسلمه وجابت بنت اسمها اسماء وماتت أهي وغني وأيد ومشهور

الام منيرة :طيبة وحنونه على عيالها وحتى اسماء

خالد : عمره ٢٨ متزوج بنت خاله عليا وعنده بنت وولد (بدر عمره ٦ /البندري عمرها ٥) يكره اسماء وأيد بس طيب وحنون على خوانه و عياله

نوف : عمرها ٢٦ متزوجة من فهد رفيج اخوها خالد وعندها بنت وولدين (سهيب عمره ٦ /نجلاء عمرها ٥ / جود عمره ٤) حلوه لاخر درجه ومهتما بعيالها وتكره اسماء

دلال :عمرها ٢٥ متزوجة عبدالله ولد جيرانهم ورفيج خالد وعندها ولدين وبنت (طارق عمره ٦ / دانة عمرها ٥ / معاذ عمره ٤) مغرورة شوي وتهتم بنفسها وبعيالها وتكره اسماء

اسماء :عمرها ١٨ طيبة وحنونة بس تعصب وتنفعل بسرعة وحلوه وأيد ولون عيونها زرقا مأخذتهم من أمها وتدرس ببريطانيا وكل أسرارها عند رفيجتها ندى

(( ابطال رواية الباقيين ))

ريما :عمرها ٢٠ مغرورة لاخر درجة وشايفة نفسها وتموت بشئ اسمه عبد الرحمن وعندها رفيجتين (ريناد / لجين)

عزام :عمره ٢٠ رفيج عبد الرحمن ويحب اكشن والحماس

يزيد :عمره ٢٠ رفيج عبد الرحمن هادي بعض الحيان ومرح بعض الحيان

ريان :عمره ٢٠ رفيج عبد الرحمن الروح بالروح وكل اسرار عبد الرحمن عنده

...............................................................................................................................................................................
...............................................................................................................................................................................

رد: رواية :غروري سبب لي مشاكل مع البنت الي احبها

جميل بس المفروض تنزلين الشخصيات بعدهم بارت

رد: رواية :غروري سبب لي مشاكل مع البنت الي احبها

بدايتك حلوه يقلبي بس ادا بتبداي اكتب تعرف عن شخصيات الروايه وإدا تبي شي انا موجوده الله يسعدك

رد: رواية :غروري سبب لي مشاكل مع البنت الي احبها

((ببريطانيا))
داخل فندق فخم وداخل جناح
كانت بغرفتها تجهز نفسها حق الجامعة خلصت وراحت الغرفة الي جنبها وقالت وهي تطق الباب : ندووش يلا بنتاخر عن الجامعة
ندى وهي داخل : كاني خلصت
افتحت الباب وهي تقول : ما تعرفين تنطرين ؟!
قالت اسماء وهي تروح جنب الباب : لا ماعرف انطر ويلا خلصيني بنتاخر عن الجامعة
ألحقتها ندى وهي تقول : كل هاذا حب للجامعة
اسماء : منو الي قال اصلن انا اكره شي اسمه دراسة وجيت هني علشان ابوي
قالت ندى وهي سكر الباب الجناح : أوكي امشي امشي بنتاخر

..............................................................................................................................................................

وعن بوابة الجامعة كان واقف يتأمل الجامعة صارله ثلث سنين وهو ببريطانيا وأبوه ما اتصل يتطمن تنهد ودخل الجامعة وهو يقول : مابي أشوفه ولا ابيه يتطمن علي أحسن جذي ولو اقعد هني لاخر عمري بيكون أحسن لانه هني الي يهتمون فيني
دخل لقى الشبه كله وقال ابمرح : هاي
قال ريان :الناس تقول سلام عليك مو هاي
ضربة عبد الرحمن بضهره :وانت لحد الحين ما تغيرت
قال ريان وهو ماسك ضهره بألم : ولا راح اتغير وبعدين انا ماقلت شي غلط
قتل عبد الرحمن وهو يقعد : أوكي أوكي خلاص سلام عليكم
ضحك ريان وباقي الشله
قال عبد الرحمن بانزعاج : شفيكم انا سلمت
ريان :ههههههههههههه ولا يهمك وعليكم سلام
يزيد : وعليكم سلام
عزام :وعليكم سلام هههههه
يزيد : أقول عزام كاهو عبد الرحمن ياء يلا أسئلة
طالع عبدالرحمن فيهم وقال : شفيكم صاير شي
عزام :ما صار شي بس بنسألك عن شي مهم
عبدالرحمن بفضول : شنو ؟!
عزام : أمس قلتلك ابي اروح الحمام رحت وجيت لقيتك أطالع بأحد بحقد وبكره لفيت أطالع الجيها الي أطالع فيها ما لقيت الى طلاب لفيت عليك ابسئلك منو طالع قلت لي ابي اروح البيت تعبان فممكن اسئلك منو الي طالعته أمس ؟!
اما عن عبد الرحمن انصدم من سؤاله بس اخفه صدمته بسرعة وقال بارتباك : شتقصد ؟!
عزام : انت فاهم قصدي
قال عبد الرحمن وهو يحاول يخفي ارتباكه : مو كأنه تأخرنا على المحاضرة ؟!
قام وقال : يلا امشو
يزيد : ليش تتهرب من سؤالنا ؟!
قام ريان وقال : صح تأخرنا على المحاضرة ولا بعدين مايدخلنا الدكتور عاد عبد الرحمن قال بيشد حيله هاذي السنه
قامو الشله وراحو جيها الكلاسهم وفي هذي الوقت صكت بنت في عبد الرحمن من دون قصد وقالت وهي مستعيله : سوري ما شفتك
وراحت وعبد الرحمن انصدم وشوي تحولت صدمة الى حقد
اما عزام.و يزيد يطالعون فيه بشك اما ريان كان يطاع فيه وفي البنت الي راحت فقال ريان وهو يمسك أيد عبد الرحمن : انا ابي الحمام وأبي عبد الرحمن يي معاي وانتو روحو على الكلاس
عزام : يلا يزيد امش
وراحو وريان لف على عبد الرحمن يطالع فيه
عبد الرحمن :شفيك ؟!
ريان : منو الي كنت حاقد عليه أمس ؟!
لف عبد الرحمن وجها وقال : ماحد
ريان : البنت الي قبل شوي ليش كنت أطالع فيها بحقد ؟! فممكن اسئلك اذا كانت أهي ولا لا ؟!
طالع عبد الرحمن في ريان فترة وبعدين قال :منو الي قال ؟!
ريان : عيل ليش أطالع فيها بحقد وهذي مو المره الاولى بالحفلة كنت أطالع فيها بحقد وأمس بعد فممكن اسئلك ليش ؟!
طالع فيه عب الرحمن وقال : لانها أهي نفسها البنت الي بالبحر الحين فهمت ليش حاقد عليها ؟!
طالع فيه ريان وقال : أكيد ؟!
عبد الرحمن : اكيدين وانا أفكر اني انتقم منه
ريان : ياخي اتركه بروحه
قال عبد الرحمن وهو يروح : انت عارف اذا حطيت بالي شي مستحيل تقدر اتشيله وانا بردلها الي سوته واهي يت عندي ومستحيل اتركها بعد الي سوته وأقول امش المحاضره بدت من قبل عشر دقايق
لحقه ريان وهو يهز رأسه بأسف : مارح تتغير كلش
وراحو على المحاضره
اما عن البنت الي ماكانت غير اسماء كانت متجها عند بوابه الجامعة وهي مصدومه من الخبر الي سمعته بالمبايل قبل شوي وندى تلحقها وهي تقول : اسماء وقفي ... قوليلي شفيج ...اسماء بليييز وقفي
وقفت اسماء عند سيارتها وقعدت تفتحها وهي تقول : ندووش بلييز مضايقة فرجائن تركيني بروحي
ندى : مارح أتركج ليما تقوليلي شفيج وليش مصدومه ومنو كلمج بالمبايل ؟!
وقفت اسماء عن فتح باب سيارتها وحطت رأسها على دريشة السيارة وقالت : اخوي ... الي كلمني اخوي
ندى : وشنو قالج ؟!
قالت اسماء بصوت مخنوق : ابوي مريض ...وأيد مريض يعني ابوي يبي يتركني ...يبي يتركني ياندوش
انصدمت ندى وجت عند اسماء وحطت أيدها على كتفها وقالت : اسماء شلكلام منو الي قال انه راح يتركج وبعدين اذا مات فهذا قضاء الله وقدر انتي بس ادعيله وإنشاء الله يتحسن
طالعت اسماء بندى وقالت : ابي اروح الفندق ارتاح
ندى : ولمحاضره ؟!
اسماء : مالي نفس أحضرها
ندى : مو على كيفج راح تحضرينها يعني راح تحضرينها
اسماء : قلتلج مالي نفس
ندى : عيل شلون تتنفسين ؟!
اسماء : يعني مصره
ندى : اي مصره ومارح أغير رأيي عيل تبيني اقعد بروحي
ابتسمت اسماء وقالت : أوكي
ندى : اي ضحكي مو قبل شوي
اسماء : أوكي امشي على الكفتريا
ندى : يلا
وراحو على الكفتريا اما أهي سمعت كل شي تحولت عيونها الى الخبث وقالت بكل نذاله : أحسن وعساه يموت وياليت تموتين انتي بعد علشان نفتك منج
واتجهت الى سيارتها علشان تأخذ الصور الي صورتهم وتوري رفيجتها
وعند الكفتريا كانو قاعدين ينطرون وهم متحمسين وجت وقالت لجين : وأخيرا چان نمتي هناك
ريما : سوري بس في شقله أجبرتني اني أوقف
ريناد : شنو شي الي باين عليه جايز
لجين : أكيد حبيب القلب عبد الرحمن هههههههههههه
ريناد : أكيد ههههههههههههه
انصبغ وجه ريما احمر وقالت : منو قال انه أهو الي وقفت علشانه اصلن لو كان أهو جان خليتكم تولون ورحت وياه
لجين : أفا وحنا رفيجاتج اتسوين فينا جذي
قالت ريناد بلقافه المعتاده : منو الي وقفتي معاه ؟!
ضحكت ريما وقالت : وانتي ماتتركين القافه عنج ؟!
ريناد : ماعليج مني وقولي منو ؟'
ريما بخبث : اسماء
ريناد : منو اسماء هذي ؟!
لجين : اسماء ما غيرها شنو سمعتي ؟!
ريناد : هي أنتم منو اسماء هذي ؟!
لجين : هذي اسماء الي بلحفلة
قالت ريناد بتفهم : اها الحين عرفتها
ولفت على ريما وقالت : شنو سمعتي ؟!
ريما ببروده : أبوها مريض ومرضه جدا خطير
وقفت كلامها لانه مر عبدالرحمن من جدامها
وقالت بسرعة : عبد الرحمن
لف عبد الرحمن عليها وابتسم اول ماشافها
قامت من عندهم وجت عند عبدالرحمن ومسكت أيده
وقالت بدلع : وين رايح ؟!
عبد الرحمن : كنت أدورج
ريما ببتسامه : صج ؟!
عبد الرحمن : اي صج عيل انا اجذب عليج ؟!
ريما بدلع : لا منو الي قال ؟!
عبد الرحمن : انتي
وفي هاذا الوقت جاء عزام وسحب عبدالرحمن وهو يقول : عبد الرحمن امش ابيك بشغله
وراح أهو وعبد الرحمن
اما ريما واقفه وطالع فيهم بحقد لانه هذي اول مره يصير معاها هذا الشي وقدام رفيجاتها قعدت على الكرسي بقهر ولا نطقت اي كلمه
اما عن عبد الرحمن وعزام كانو واقفين بعيد شوي عن باب الكفتريا
عزام : صج الخبر الي سمعته ؟!
عبد الرحمن باستغراب : اي خبر ؟!
عزام : انك تبي تنتقم من البنت الي صكت فيك اليوم ؟!
عبد الرحمن : اي بنتقم منها
عزام : شلون تبي تنتقم منها ؟!
عبد الرحمن : انا اقولك
وبدا يقوله شلون يبي ينتقم



انتها البارت الاول
انشألله عجبكم البارت وانشألله البارت الجايي راح انزله يوم الجمعة لانه عندي امتحنات ولا تنسون توقعاتكم

١) شنو الي يبي يسويه عبد الرحمن ؟!
٢) وهل ابو اسماء راح يموت ام يظل حي ؟!
٣) شنو الي بين ريما وأسماء وليش ريما حقده على اسماء ؟!

مع تحياتي : العاشقة :

رد: رواية :غروري سبب لي مشاكل مع البنت الي احبها

انشاء لله المره الجاية وتسلمين حبيبتي

رد: رواية :غروري سبب لي مشاكل مع البنت الي احبها

مشكوره حياتي ماقصرتي

رد: رواية :غروري سبب لي مشاكل مع البنت الي احبها

سوري على تأخير بس صارتلي ضروف ما خلتني أمسك التلفوني
بس انشألله راح انزله البارت الثاني بعد باجر