رد: روايه الاولى : تجنن فيني واخذني خصب عني

اترياج حبيبتي


تم الإرسال بواسطة iPod touch بإستخدام منتدى عبير

رد: روايه الاولى : تجنن فيني واخذني خصب عني

السلام عليكم بنات حبيت اقولكم ممكن اتاخر في تنزلين البارت السابع لان بكوون مشغوله بهاليومين بعرس بنت خالتي فاعذروني بليز ولحد يلووموني لان ممكن حسافر لمكه عشان العرس وانشاءالله لارجعت اكملكم البارتات الجايه












تقبل تحياتي .........فاتنه الجنوب

رد: روايه الاولى : تجنن فيني واخذني خصب عني

معذوره حبيبتي خذي راحتج


تم الإرسال بواسطة iPod touch بإستخدام منتدى عبير

رد: روايه الاولى : تجنن فيني واخذني خصب عني

السلام عليكم حبايبي والله اني مشغوله بس حبيت انزلكم هالبارت ممكن قصير حكيوون بس لاني عارفه ان في بنات ينتظرون ولجل خاطركم بنزله انشاءالله اليوم
..................
مر شهر ورجع محمد وزوجته سوسن من لندن وهم بالمطار جاء لعنده فهد اخوه
اعرفكم بفهد اخو محمد........(( انسان طيب ويحب الرومانسيه وحساس واسمراني وطويل اشوي ومعضل وله شخصيه وكلمه عيونه وساع وسودا وشفايفه كبيره ورديه وعنده غمازه باليمين من حاله فشانه ومايتدخل بحد بس اذا عصب يحبس نفسه بغرفته هو اكبر من محمد بسنتين 27سنه وباقي عزابي ماتزوج))

..........
نروح ل بيت ابومحمد:
ام محمد:ريتا جهزتي الغرفه ل محمد
ريتا: نعم ماما جهز غرفه مال بابا محمد
ام محمد: زين
ابومحمد: سلام عليكم
ام محمد:وعليكم السلام
ابو محمد:باقي ماوصل محمد
ام محمد: لا والله باقي محد وصل فيهم لا فهد ولا محمد
ابومحمد: يعني الي راح يجيبه من المطار هو محمد
ام محمد: ايه فهد
ابو محمد: يلا زين

وصل فهد ل"محمد" وسلمو على بعض
فهد: حيالله محمد نورت السعوووديه واهلها
محمد: السعوديه منورة باهلها حبيبي

في السياره

فهد: الا يامحمد
محمد: لبيه
فهد: تلبي الكعبه انشاءالله من ذي الي معاك
محمد: ذي زوجتي
فهد:زوجتك.....................؟وش تقول انت
محمد: ايه يعني اكذب عليك
فهد: وعزوووف مانت حاجزها ولا نسيت
محمد: الا
فهد: طيب ممكن تفهمني وش صار وخلاك تتزوج
محمد: يافهد اناماحب عزوف
فهد: وش تقوول يامحمد......؟
محمد: ايه يافهد احس مالي رغبه فيها
فهد: طيب انت مافكرت في ابوي وفي البنت وش نقوول لتركي الحين
محمد: الافكرت فيها وبقوله الصدق يافهد
فهد: الله يعينك على المشاكل اللي بتجيك
محمد: معليك بستحمل اللي بيجيني من ابوي وتركي
فهد: يلا وصلنا
محمد: واخيرا رجعت لديرتي وربي وحشتني
فهد: معليك بكرة من صباح ربي نخرج
محمد: انشاءالله



تتوقعوون وش بيسير لمحمد وهل ياترى ابوو محمد بيتغاظ ويسامحه ولا وش بيكون ردت فعله بيجبر ولده انه بيطلق سوسن
ذا كله بنشوفه بالبارت الجاي
تحياتتتتتتي

رد: روايه الاولى : تجنن فيني واخذني خصب عني

ممكن اغيب فترة حبايبي بس والله مشغول بتجهزيات العرس ف اسمحولي

رد: روايه الاولى : تجنن فيني واخذني خصب عني

الله يحفظك ويرعاك ولاتنسينا من الكيك والحلويات

رد: روايه الاولى : تجنن فيني واخذني خصب عني

هههههههههههههههههههههههههههههههه انشاءالله حبيبتي ماني ناسيتك واجبلك كل الحلوووووويات ياحلم السنين

رد: روايه الاولى : تجنن فيني واخذني خصب عني

سلام ياحلى عضوووات فديتكم انا ايه صح نسيت اقوولكم اني نزلت البارت السابع القصير بس نسيت اكتب عليه وذا البارت الثامن معليش سامحووني


.............البارت الثامن .........
اعرفكم بشخصيات

ابو محمد: اسمه علي عمره 53 سنه طيب بس انلني ومصلحجي وله شركه بس اصغر من شركة اخوه المرحوم ابوتركي شخصيته قويه ومسيطر على البيت
ام محمد: اسمها ماجده عمرها49 سنه طيبه بالحيل وخوافه شوي من زوجها لكن ماعمرها ماكنت موافقه على خطة زوجها انه كان بيزوج ولده محمد ل عزوف لكن مالها كلمه عنده وعلى قوله الحريم مايمشينا كلامهن عليه
هيام : عمرها 24 سنه مخلصه الجامعه ومتزوجه وعندها بنت اسمها شوق وزوجها اسمه مشعل
ريهام : عمرها 23 سنه واخر سنه بالجامعه ومخطوبه لواحد اسمه سعود خوي محمد
فهد عاد ذكرنها من قبل
ومحمد بعد
......................................
دخل البيت واستقبلوووه اهله
ام محمد: هلا ياوليدي نورت البيت
محمد: هلا يمه وربي وحشتيني يالغاليه
ام محمد: اهي اهي وهي تبكي والله وانت اكثر يامحمد
سوسن: ................ساكته ولا نطقت ولا كلمه ومهبوله من الي تشوفه من اثاث الفله والديكورات ولالوان
كان عبارة عن الكنبات اسود مخططه با ابيض والزوليه اسود وعليها خطوط بيضاء والفازات اسود والجبس ابيض والنجف من الوسط شوي نازل وجدار واحد اسود الباقي ابيض وعليه رسومات شوي والارض سرميك فاخر
ابومحمد: سلم على ولده وكيفك يامحمد
محمد: الحمدالله يبه انت كيفك وش مسوي
ابومحمد: والله تمام الايامحمد من الي معاك
محمد: ايه صح نسيت اعرفكم عليها ذي سوسن
ابومحمد: سوسن مين ذي تطلع سوسن
محمد: زوجتي
ابومحمد: نعم زوجتك وعزوف اظنك نسيتها
محمد: لايبه مانسيتها بس بصراحه مابيها ومالي رغبه فيها ومغصوب عليها وحرام اظلم البنت معاي
ابومحمد: كسرت كلامي وش اقول لتركي الحين
محمد: قول الحقيقه يبه
ام محمد: هلا يابنتي والله نورتي البيت انتي وزوجك
سوسن: هلا ياخاله البيت منور باصحابه
ام محمد: اش اسمك ياينتي
سوسن : اسمي ياخاله "سوسن"
ام محمد: عاشت الاسامي ياسوسن
سوسن: عاشت ايامك

وفي اليوم الثاني.........صحيت سوسن وقامت لبست وتكشخت وتعطرت بعد ماصلت وتروشت واستشورت شعرها وشافت محمد نايم بعد راحت عنده
سوسن: حمودي.حمودي.حمودي يلا قوم
محمد: خليني نايم شوي بعد
سوسن: ياعيوني قوم وش تبي يقولون اهلك عني اني اخليك نايم لهالوقت
محمد: ماراح يقولون وماراح يلوموني لاني جاي من السفر
سوسن: طيب براحتك ........انا زعلانه
محمد: سحب سوسن وهو قاعد على السرير افا والله الحلو زعلان مني
سوسن: ايه لاتكلمني
محمد: يلا خلاص بقوم بس بشرط
سوسن: ايش شرطك
محمد: امممممممم عطيني بوسه بخدي واقوم
سوسن: طيب ونزلت تبي تبوسه "اموووووووووووووح"
محمد: اه ويلاه على البوسه
سوسن: يلا قوم بلا دلع
محمد: طيب بس لاتنزلين لهلي
سوسن: اوكي
محمد اخذ شور على السريع وسوسن قامت تعدل فرش السرير والغرفه وتعدل مرة وحده مكياجها وخرج محمد وفي خرجته شم عطر سوسن الي جذبه لها وجاء وشاف سوسن قدام المرايه جاء من ورها وضمها بقووووة وطبع بوسه على رقبتها
سوسن: منزله راسها
محمد: يذبحني خجلك
سوسن: ساكته
محمد: يالبى الخجول
سوسن: اممم يلا تاخرنا ترا
محمد: اقول لاتصرفين السالفه
سوسن: موكذا بس تاخرنا
مشفر.....مشفر ..مشفر

عند موده الي قاعده تراسل وليد حبيبها وخطيبها وهو مسافر بكندا
موده: وحشتني ياوليد
وليد: ياعيون وليد انتي مابقالي غير شهرين واجيك
موده: جد حبيبي
وليد: ايه جد ياعيون حبيبك
موده: وربي فرحانه
وليد: دوم الفرحه
موده: يدوم ححالك
وليد: موده
موده: عيونها
وليد: جهزي حالك
موده: ليه !!!
وليد: نسيتي ملكتنا
موده: ها لا مانسيتها
وليد: طيب الحين لازم اقفل
موده: خذراحتك
وليد: انتبهي على حالك
موده: انشاءالله حبيبي
وبخصوص قصه موده وليد
((كانت موده معجبه فيه فقط وهو مايدري عنها وعن اعجابها وكان يعاملها عادي نفس بنات عمته لين جاء ذاك اليوم وهوكان ب سعوديه

عبير اخت موده....

موده: عبير
عبير : نعم
موده: قومي جيبي شاحن ابي اشحن جوالي
عبير : طيب بس الشاحن عند وليد
موده: طيب عادي روحي واطلبيه منه
عبير: استحي لا ماني رايحه
موده: انا الي بروح
راحت موده عند وليد وكان حاط السماعات ونادته ولا انتبه لها لين اشرت بيده له وانتبه لها
موده: وليد ممكن الشاحن
وليد: ايه عادي خذيه
موده: شكرا وفي نفسها تقول والله اخليك تنبه لي وراحت لبست عدسات وعطرت جسمها ولبست بجامه ضيقه وهي رايحه للمطبخ وهو جاي من المطبخ والتقت عينها بعينه وهو ناظر فيها ساعه ممكن وخرجت من عنده وهولا حظ عليها البس وكشختها
وليد في نفسه: ياريتك ماتروحين من قدام عيوني
موده: استحت لنظراته وشوي اختفت من قدامه

نرجع لتركي الي كان عنده زواج خويه جاسر خال هنادي وكان اهل تركي كمان رايحين وفي القاعه اتقابلو اهل هنادي بهل تركي وهنادي في القاعه وهي طالعه لحرمت خالها عشان تجلس عندها وبعد ساعات تزفها كان واقف في صالة تركي وجاسر يسولفون وهنادي دخلت من الصاله وتنادي خالها
هنادي: خالو....خالو .........خالو ياوواد ياعريس
جاسر: سمع هنادي ويبي يقولها انها لاتدخل لان تركي واقف معاه لكن ماقدر ودخلت هنادي وذاك كان ثاني لقى يتم بينهم من غير اي ميعاد وتركي جلس يناظر في هنادي
تركي في نفسه: معقول الي اشوفه ذي ملاك على هيئه بشر سبحانه فيها جمال ودلع وبرائه ماحس غير بجاسر يسحبه
جاسر: خير اشبك تناظر كذا شيل عيونك
تركي: انا مسرح ماني اطالع في احد
اما هنادي الي راحت بسرعه قبل خالها لايقتلها وفي نفسها تقول: ياربي اش هالقدر الي يجمعنا من غير ميعاد
اما تركي في نفسه: يارب ياهنادي انك تسيرين ملكي قاطع افكاره جاسر
جاسر: تركي
تركي: لبيه
جاسر: اشبك ماتتحرك مثل الصنم واقف
تركي : لاصنم ولا شي بس رجولي
جاسر :اشبها سلامات
تركي: الله يسلمك لابس شد عضلي
جاسر: ها اشوى
هنادي وصلت عند العروس
ريم : هلا هنادي
هنادي: هلا والله ب ريوومه
ريم: هلابك الحمد الله انك جيتي
هنادي: ليش اشبك
ريم: ياختي احس بخوف
هنادي: ههههههههههههههه لا هدي حالك بس شي طبيعي انك تخافين
ريم: ممكن عشان مابقى على زفتي غير ساعتين
هنادي : ممكن بس سمي واذكري المعوذات وحصني نفسك
ريم: مشكورة هنوده انك هديتيني مدري والله لو الله ثم انتي وش سويت
هنادي: العفو ولو
ريم: يالباك
هنادي: يالبى روحك
شوي طلعت ريناد اخت ريم
ريناد: هنادي
هنادي: لبيه
ريناد: حبيبتي امك تبيك
هنادي : طيب نازله
ريناد: انا بجلس عند ريم
هنادي: اوكي

نوقف شوي عشان نعرفكم بريم واهلها ...
ريم : عمرها 23 سنه طيبه حبوبه دلوعه شعرها طويل و اسود وناعم شفايفها صغار ورديه وبيضاء
ريناد: عملرها 21 سنه ثاني جامعه تبه ريم بكل شي غير انه قصيره بشوي عن ريم
مشعل: عمره 27 سنه هو اكبر من اخوواته وزوج هيام اخت خويه محمد طويل ومعضل ونحيف واسمر شوي وعيونه شوي صغار وعسليه
ماجد: عمره25 سنه يحب وحده اسمها روان طويل لكن ابيض ونحيف ومعضل وشعره اسود ناعم وشفايفه ورديه ومخطط انه يتزوجها
بدر وبندر تؤام اعمارهم 24 سنه ولونهم برونزي وعيونه وساع وعسليه وطوال ومعضلين
نرجع للحدث
هنادي: هلايمه
ام سلطان : هنادي اشبك تأخرتي
هنادي: يمه كنت عند ريم لانها كانت خايفه
ام سلطان: يلا زين روحي الحين زفت العصير جات
ورحت واناول الصفووف بشكلاته المكسرات وجنبي ندى بالايس كريم ونوره بالعصير وبدينا نباشر على الحاضير
وعطيت اول وحده اسمها ام سلمى
ام سلمى: مشكورة حبيبتي
هنادي: العفو
ام سلمى: انتي هنادي
هنادي: ايه
ام سلمى: مشاء الله كبرتي انتي واخواتك
هنادي: مشكوره ياخاله بس محدنا يبقى صغير لازم انه يكبر
ام سلمى: ايه صحى
وشوي حطوا اغنيه" الخيزرانه " بصوت موضي الشمراني
قمت انا والبنات بعد مابشرنا على المحاضير على الكوشه نرقص وانا معاي خيزرانه والناس تشجيعات وتصفير وانا تحمست على الاخير
ام سلمى: ام مرؤى
ام مرؤى : هلا
ام سلمى: كأن هنادي كبرت واحلوت هي واخوواتها
ام مرؤى: ايه والله صدقتي
ام سلمى: مشاء الله يجنون
ام مرؤى: ايه بس شكلك حاطه عينك على وحده منهم
ام سلمى: ايه وش رايك اخطب هنادي لولدي جاسم
ام مرؤى: ايه حلوة بس اخاف ترفض يا ام سلمى
ام سلمى: تحمد ربها اخذتها لولدي
ام مرؤى : ايه ماقلنا شي بس نسيت ان جاسم كان متزوج وبعدين طلق
ام سلمى: لا مانسيت بس انتي عارفه ليش طلقها
ام مرؤى: ليش طلقها
ام سلمى: نسيتي انها ماتجيب عيال وهي الي طلبت الطلاق
ام مرؤى : لا مانسيت بس هنادي اظنها ماراح توافق
ام سلمى: نحنا نشوف
ام مرؤى: الله يقدم الي فيه الخير
ام سلمى : تفألي بس
ام مرؤى: متفأله بس اقولك
ام سلمى:والله عاد تحمد ربها اني بغيت اخذها لولدي
اللي كل بنات الدمام لا شافووه ودهم انه يعطيهم وجه
ام مرؤى: حلوة ذي يام سلمى
ام سلمى: وش الحلووو
ام مرؤى: البنت بكيفها بس اظن انها بترفض لانها اولا تبي تكمل دراستها على ماسمعت وثانيا لان جاسم مطلق
ام سلمى: اذا على دراستها جاسم بخليها تكمل دراستها ممكن برا وبيسافر معاها لندن
ام مرؤى : والله عاد ماعرف بس الله يقدم الي فيه الخير
ام سلمى: اللهم امين

وجات زفت ريم وكانت الساعه 2 بالليل اول مادخلت ريم على اووبرا ومن ثم على اغاني ديجيه ومنها اغنيه الليله ليلتي وكانت مغنيتها اماني السوسي ,,, ثم لطيفه اغنيه انت احلى حاجه فيا ,, ومن بعدها اغنيه اليله لعمر دياب
ومن ثم ختمتها بدقووو اخبيتي لبلقيس احمد فتحي,,,,, وكان مع ريم خالي جاسر وكان ماسك يدها من قلبه وطلعو على الكوشه والحريم اشتغلووا بصغاريط وخالي حط الدبله في يدها اليسار وهي بعد حطت الدبله بيسار
تعالو نشوف كل واحد وش قال بنفسه
ريم: ((اه يمه قلبي اشبهم كذا يناظرون فيني احسهم بيأكلوني وانت يا جاسر ضاغط علي يدي وربي احس يدي زرقت من كثر ضغطك عليها ))
جاسر:(( وه فديتك ياريم وربي انك تججننين في عيوني احلى البنات يالبى يدك الي ترجف ورايحه متجمده من الخوف عساني اسعدك يارب ))

جاسر : ريم
ريم : هلا
جاسر: اشبها يدك رايحه مثل الثلج متجمد
ريم: مافيها شي بس بردانه
جاسر: كذابه انتي خايفه
ريم: تبي الصدق ايه خايفه
جاسر: واضح حتى لو خبيتي
ريم: جاسر
جاسر: عيونه
ريم: تسلم عيونك ليش الناس تناظر فيني كذا
جاسر: انا اقولك ليشعشانك احلى عروس في عيونهم وعيوني
ريم: جد انا احلى عروس بعيونك
جاسر: ايه ياروحي
ريم : الحمدالله
حاسر: ليه عندك شك
ريم: لا ماعندي بس خفت مكياجي مايعجبك وفستاني
جاسر : الا عجبتيني انتي تعجبيني بكل شي فيك
ريم: الحمدالله ريحتني
جاسر: الله يريحك
ريم: امين حبيبي

وشوي المطربه قالت : طغطوا ياحريم البسو العبي لان اخووان العروس بيدخلون واصحاب العريس
ودخلوو الرجال
اخوان العروسه " بدر وبندر ومشعل وماجد"
اخوان العريس" ركان وجسار "
واصحاب العريس " تركي وفارس " ومحمد وفهد اولاد عم تركي واصحاب جاسر .. وسكرتير خالد .. وووسعود
ودخلو على اغنيه رابح صقر "ماهوو انت "ورقصو عليها والبنات تصفيق
عزوف: شوفي كيف اخوي تركي وفارس يجنون
ريوف: اقولك اخوواني نعرفهم ونعرف اشكالهم انتي شوفي الي بينهم يجنن ركان
ريهام: لا ذا ولا ذاك شوفي خطيبي سعوود يالباك
هيام: اقوول اسكتو بس مشعل غطى على كل طبعنا لانه زوجي
هتان: لاوالله ان ماجد احلا واحد فيهم
هنادي: اقول بنات انارايحه اعدل المكياج
هيام: طيب بس لا تتاخرين
هنادي: طيب
وراحت هنادي للحمام وانتم بكرامه وشافها تركي ولحقها ومحد انتبه له
وهنادي جالسه تعدل بالمكياج الا شافت تركي وراها
هنادي: بسم الله وش جابك
تركي: جابني الشوق ياهنادي
هنادي: وجع وتعرف اسمي بعد
تركي: ايه اعرف مو انتي مع اختي بالكلاس
هنادي: ايه
تركي: قالت لك انها قالت لي كل شي
هنادي: ايه قالت
تركي: كذابه
هنادي: المهم روح لحد يشوفك
تركي: خلهم يشوفني معاك
هنادي: لا شكلك انجنيت
تركي: ايه مجنون فيك ومقدر اسكت اكثر من كذا كفايه هنادي تكفين حسي فيني
هنادي: اقول بالله روح مابي اهلي يشووفوني معاك وتحصل مشكله وبعدين بطل هالحرككات كأنك مراهق
تركي: انتي تفكرين الحب مراهقه ماتحسين اللي بقلبي
هنادي: ايه ماحس ولا عمري بحس من واحد مثلك انت بنسبه لي حلم
تركي: وراح يتحقق الحلم بس عطيني فرصه
هنادي: اسفه قلتلك مقدر وبعدين ماني فاضيه له الشغلات والكلام الفاضي
تركي: يعني الحين الحب عندك كلام فاضي
هنادي: ايه واسفه لازم اروح
تركي : طيب براحتك
هنادي: يلا عن اذنك واتمنى مرة ثانيه ما اشوفك قدامي
تركي: اذنك معك انشاء الله مثل م طلبتي
تركي في نفسه : والله لا اعلمك
راحت هنادي وهي خايفه وترجف رجعت للصالة القاعه
ونادت عليها
عزوف: هنادي
هنادي : هلا عزوف
عزوف: وش فيك وجهك كذ مخطوف لونه خير انشاءالله
هنادي: لامافي شي بس تعبانه شوي
عزوف: سلامات حبيبتي غريبه علامك اول ماكان فيك شي
هنادي: والله مدري ياعزوف
عزوف: المهم روحي امي تبيك
هنادي: طيب يلا رايحه
وعند ام تركي : يمه هنادي بغيتك تدليني على الحمام وانتي بكرامه
هنادي: بس كذا انتي تبشرين وتأمرنيني
ام تركي: تسلمين ياميرة الصبايا
هنادي: الله يسلمك ياخاله ويخليك لغاليك يلا قومي معي
وقامت ام تركي وهنادي وكانت خايفه في نفسها انها تلا قي تركي قدامها ووصلت ام تركي وهي راجعه ناد عليها خالها راكان
راكان: هنادي
هنادي: هلا
راكان:هلافيك وش رايك ترقصين معي
هنادي: انا
راكان: ايه انتي ليه شايفه احد وراك اكلمه
هنادي: لاموكذا بس متغربه لان الرجال مع خالي حاسر واقفين وش تبيهم يقولون والحريم معاهم
راكان: ههههههههههههههههههههههههههههههههههههه وربي انك خبله الرجال خرجووا من زمان ومافي غيرنا انا وانتي والعروسين والمحاضير
هنادي: دام كذا الموضوع يلا قدام
راكان: قدام
وراحووووا للصاله الي فيها المحاضير وراحت هنادي تكلم المطربه انها تغني ياندمانه وقامووويرقصووون وراكان يرقص بهسترة وجنون وماسك يد هنادي كأنه زوجها ويرقص ويبتسم والحريم مشعللين الصاله بصفيق والتصفير وراكان شاف الجو مشعلل كمل وهو مبسووط هههههه خبل

ريوف: وجع ياهنادي تصرفك ابله نفسك
عزوف : اشبك ترا مابه شي خالها وترقص معاه وش غريب بالموضوع
ريوف: اسكتي انتي منتي فاهمه السالفه

للمعلووومه :(( ان ريوف تحب ركان ..... وراكان اكبر من هنادي بسنه 21 وهي اقرب وحده له وهي بعد ويفهمون على بعض ))

وفي صاله العشا كانت هنادي جالسه تحط لها بصحن من البوفي وشوي طاحت ملعقة هنادي بالارض ونزلت تجيبها وجات تووقف
الا سوسن واقفه وراها ودداعسه على فستانها بلغلط لان له ذيل فستان هنادي
هنادي: اه اشبك
سوسن: اسفه والله ماقصد
هنادي: معليك حصل خير
سوسن: سامحيني
هنادي: قلتلك ماحصل شي
سوسن: طيب حبيبتي معاك سوسن حرمت محمد الفارس ولد عم تركي
هنادي: هلا وغلا والله
سوسن: هلابيك ياعسل
هنادي: معاك هنادي بنت اخت العريس
سوسن: هلا هنووده انتي هنادي واخير شفتك
هنادي باستغرراب .......؟ تعرفيني
سوسن: لاحبيبتي سلامتك ماعرفك بس عمتي ام محمد تتكلم عنك اهي وام تركي تعرفينهم صح
هنادي: ايه اعرفهم ياقلبي ياخاله ام تركي
سوسن: ايه مشاءالله عليها ياهنادي بس تسوولف عنك
هنادي: فديتها خالتي
سوسن: وربي طيبه حيل
هنادي: يب مرة طيب انتي كم عمرك وكم لك متززوجه محمد
سوسن: يالبيه يامحمد لي سنه وعمري 24 سنه
هنادي: الله ياخلووكم لبعض تزوجتوو عن حب
سوسن: تقدرين ايه
هنادي: حلوو
سوسن: يب شكلك تحبين ياهنوده
هنادي: ياريت بس لاسف لا
سوسن: غريبه وحده بطيبتك وجمالك ماحبت
هنادي: بصراحه مافي احد يستاهل قلبي بصراحه
سوسن: والله معاك حق
هنادي:اجل لاتلوومني
سوسن :ههههههههههه لاماراح الومك
هنادي: يلاتعالي نجلس على الطاوله
سوسن:يلا
هنادي: والله انك عسل
سوسن: انتي العسل كله
هنادي: يارووحي

وانتهت الحفله على خير

**************************


توقاعتكم وش بيسوي تركي لهنادي
وهنادي تتوقعون تحب تركي
كيف تركي بيغصب هنادي انها تحب
وريوف ليش تكره هنادي
ورككان بنسبه لريوف ايش؟؟

انشاء الله عجبكم البارت الثامن
اشووفكم على خير .........

رد: روايه الاولى : تجنن فيني واخذني خصب عني

حلم السنين ترا نزلت البارت الثامن
وانشاء الله يعجبك ويعجب الكل

رد: روايه الاولى : تجنن فيني واخذني خصب عني

السﻻم عليكم