رد: روايه ان كان العناد يهز صخر انا عنادي يهز جبال

البارت السابع - part 7

في الشاليه

كانوا الاولاد يتسبحووون في البحر ما عدا فارس اللي نايم في غرفه الجلوس اللي كانت ازعاج

نوره : بفوز قبلك هههههههه
توفي : اتحداك
لطيفه : يلا توفي
مريم : كسري راسها يا بنت عمي
نوره بضحكه : هههههههههههههاي فزت فزت فزت

دخلوا الاولاد و كانوا بس لابسين شورتات البنات لفوا عليهم بعدين صدوا

البنات مع بعض : عييييييييب
الشباب : هههههههههههههههههه

راحوا الشباب بدلوا و جاو قعدوا مع البنات

بسام : كان لابس فنيله صفره و شورت بني
رائد : كان لابس فنيله بحري و شورت اسود
سلطان : كان لابس فنيله سوده و شورت ابيض
فارس : كان نايم بشورت ابيض و فنيله بيضه عليها كتبات بالأحمر
نواف : كان لابس جينز غامق و فنيله حمره
اما محمد كان لابس شورت بحري و فنيله سوده فيها كتبات بحريه

بسام : بلعب و بكسر روسكم
نوره و لطيفه : ههههههههههاي تحلم
بسام : نشوف

بسام لعب مع توفي و فاز عليها

بسام : ههههههههههه فزت و لا ما فزت
محمد : كفو عليك
نوره : تقدر تغلب توفي بس مستحيل تغلبني
سلطان و هو رافع حاجبه : نوير لا تجلسين تهايطين بعدين تتفشلين
نوره بنفس حركته : تطمن يا ولد عمي ما احد يغلبني
سلطان : نشوف

نوره و بسام كانوا يلعبون و البنات يشجعون نوره و الاولاد يشجعون بسام

نوره : I win (( لقد فزت ))
البنات : هييييييييييييييييي
الشباب : اوووووووووووووه
بسام : اعترف انك حريفه
نوره : شكرا
سلطان : مصدقة عمرك انك حريفه أفوز عليك و انا مغمض
نوره : يلا

بدوا نوره و سلطان يلعبون لعب حامي و الكل كان متحمس و يترقب النتيجه و كانت النتيجه

محمد : تعادل
نواف : ما اصدق سلطان اللي دايما يغلب تعادل ويا نوره
سلطان : قيم ثاني
نوره : اوك

و مر قيمين ثانين و النتيجه لم تتغير تعادل نوره و سلطان رموا الكنترول بأستسلام

سلطان بانزعاج : يا اخي اللي جواله يرن يسكره ترى صار له نص ساعه يرن فوق روسنا
رائد : هذا جوال فارس
سلطان : يا فارس قوم طف جوالك

فارس من التعب لانه صار له يومين ما نام ما كان يحس احد
سلطان اللي كان اقرب من الطاولة شال الجوال عشان يسكره بس رائد انتبه للاسم و خطف الجوال

سلطان : وش فيك
رائد : ما دققت بالاسم
سلطان : لا ايش
رائد : كابوس في حياتي
سلطان و هو يعقد حاجبه : ايش
رائد : الاسم أسوء كابوس في حياتي نفس الاسم اللي........
سلطان : اللي و..

سلطان ما لحق يسأله لان رائد رد على الجوال و حطه سبيكر و حاول يقلد صوت فارس


رائد : الو
: انا يا فارس تهددني انت عارف مين انا
رائد بغضب : و مين انت
مازن : انا مازن أسوء كابوس في حياتك
رائد : انت وش تبي مني
مازن بغضب : كيف تتمادى و تهددني مو عشانك عرفت بموضوع الجاسوس صرت ماسك علي ممسك ما تقدر تثبت علي شي
رائد : اثبت عليك ايش
مازن بغضب اكبر : انت غبي و لا تتغيبا أسلوبك البارد يا فارس ما احبه انت عارف انك ما تقدر تثبت اني حاولت قتلك بواسطة مايك بس لحظك الرصاصه جات بصديقك
رائد بحقد : انت اللي تسببت بجرحي
مازن بضحكه : ههههههههه حلو يا رائد طلعت مقلد بارع
سلطان بنفاذ صبر : انت اخلص و قول انت وش تبي من فارس
مازن : اوووووه الظاهر انك كلكم مجتمعين فرصه حلوه عشان اكشف لكم عن ماضي فارس الأسود
محمد بصراخ : اخلص علينا
مازن بابتسامه : هدي هدي مستعجل تعرف ماضي خويك الأسود
نواف بعصبيه : هي انت الزم حدودك و لا تتمادى فارس مستحيل يغلط
مازن بعصبيه و بصوت عالي : طبعا بتدافع ما تدري صديقك المحترم وش سوى هذا اللي تدافع عنه أنهى مستقبل إنسان و ماتت روح بسببه و يتم بنات و اولاد مالهم ذنب

الكل انصدموا و طالعوا فارس اللي نايم بسكينه و الكل يقول بنفسه معقوله فارس يسوي كل هذا

مازن : طبعا ما عندكم رد
سلطان بعصبيه : انت وش تخربط فارس اللي ما يأذي حشره يسوي كذا مستحيل
مازن : لا مو مستحيل و انا بقولكم القصه عشان تشوفون فارس على حقيقته القصه هي.....
__________________________________________________ ________________________

عند ساره و سماره

منيره : نظفي عدل ابي أشوف الحمام يلمع

ساره كانت تنظف الحمام و هي تبكي كانت الساعه ٦ المغرب و سماره نايمه و منيره استغلت هالوضع لان سماره ما تسكت لها عكس ساره المسكينه

كانت منيره ملبسه ساره ملابس خدم عشان تذلها قدام أهلها و ساره رضت لان منيره هددتها بالحرق و جدها مو موجود عشان تتحامى فيه و أبوها ما يهتم فيهم و اختها نايمه و ما تحب تقول لها أشياء زي كذا لان سماره بتقلب البيت عليهم لو درت ممكن تسوي جريمه فيهم

منيره و هي ترفسها : يلا يا حيوانه أسرعي (( ساره قامت تسرع عشان ما تضربها ))
عمة ساره بحقد : صج حيوانه ما تفهم الا بالضرب

ساره قامت تبكي و فجأه سمعت صوت الباب ينفتح بقوه و طيف خنق مرت أبوها و دفع عمتها لما حاولت تفصل بينهم

: تسحريني على بناتي
منيره بخوف : م.م.ا.اجد
ماجد (( ابو ساره )) : لا تنطقين اسمي على لسانك الوصخ (( اسقطها على الارض بقوه و ضم ساره اللي كانت تبكي و تشهق و طلعها من الحمام )) : لا تخافين يا قلبي انا رجعت بابا الحنون الطيب أوعدك ما أخليك انتي و اختك (( ساره تعلقت فيه بقوى اكبر و طلعت منيره و شأفتهم ))
منيره : انا يا .......
ماجد شدها من شعرها بقوه و سماره طلعت على صوت الصراخ و انصدمت من هالمنظر
ماجد : انا قلت لك لا تنطقين اسمي على لسانك الوصخ ما أتشرف اني متزوج وحده مثلك انتي طالق طالق طالق

سماره انصدمت بس مو اقل من صدمت الجميع

منيره بحقد : طلقتني يا ماجد بس ما يخالف و الله اللي خلق سبع و رفع سبع اني لأسود عيشتك انت و بناتك و ما أخليكم تتهنون بيوم واحد و لا ما اطلع منيره
ماجد : تهددين يا ......

كان بيضربها بس وقفته اللي اندفعت لحضنه فجأه و بدأت تبكي و تشهق بصوت عالي

نعم يا ساده الكبرياء سقط في حصون الحنان و خسر في معركة الألم

سماره تبكي

سماره تبكي

سماره تبكي

انصدم الكل اكثر من صدمتهم بطلاق منيره اخيرا شوهدت الدموع على خد سماره و تعالت شهقات الم و حرمان و معانه كتمت لسنين و سنين و سنين و انفجرت في حضن دافئ

الأب ضم بنته بنته اللي اول ما نزلت دموعها نزلت بحضنه تأثر كثيييير و نزلت الدموع من عيونه و قبل لا تسري على خده شاف يدين تمسحها قبل لا تنزل باسهم و ابتسم

ماجد : ساره روحي بدلي
سماره لاحظت ملابس ساره و عصبت و كانت بتتكلم الا ان أبوها أشر لها تسكت

ابو ماجد الابن الوحيد و الكبير و الكل يحترمه

ابو ماجد بصوت عالي و عصبية : اسمعوني كلكم من يوم رايح اللي راح يمد يده على بناتي راح اكسر له أيده بنات ماجد بيعيشون معززات مكرمات بين أهلهم و من راح يتجرأ عليهم راح يشوف شي ما شافه فاهميني
الكل : ايه

و ودعوا ساره و سماره ايام الضرب و المذله و رحبوا بأيام حضن ابوهم و حنانه لكن من يعلم وش مخبئ لهم الوقت
__________________________________________________ _________________________

في الشاليه

الاولاد كان يفكرون بكلام مازن و مدى صحته بس بالنهاية غلب النوم كل واحد فيهم

اما البنات كانوا مجتمعين بغرفة توفي اللي كان لونها وردي فاتح داخل عليه شوي ابيض

كانت نوره لابسه بجامه كم تفاحيه عليها كتبات حمره و رافعه شعرها ذيل حصان
و توفي لابسه بجامه كم زرقه عليها حرف التي بالوردي و رافعه شعرها ذيل حصان
و مشاعل كانت لابسه قميص نوم نص كم تحت الركبه بشوي لونه بنفسجي ساده و فاتحه شعرها
و لطيفه كانت لابسه بجامه كم لونها عودي ساده و فاتحه شعرها
و مريم كانت لابسه بجامه كم لونها تيفاني و عليها كتبات صفره و حاطه شعرها على الجمب

سمعوا صوت بكاء و كل ماله يعلى و يعلى و يعلى

نوره : بنات شكل الصوت عند باب الشاليه خلنا روح يمكن طفل ضايع

البنات : يلا

طلعوا و شافوا بنت صغيره شعرها قصير اسود و لابسه فستان احمر و اسود

نوره : حبيبتي وش فيك
البنت : ابي اروح بيتنا
مشاعل : و وين بيتكم حبيبتي
البنت : شوفوه (( أشرت على بيت مجهور و قديم )) هذا هو بس انا خايفه اقطع الشارع بروحي
توفي : خلاص يا حبيبتي احنا بنوصلك
لطيفه : بنات مو مطمنه لهذي الروحه
توفي : قولي انك خايفه يالخوافه
لطيفه و هي تمثل الشجاعة : لا انا مو خايفه يلا نوصل البنت

مشوا البنات للبيت المريب و اول ما وصلوا دخلت البنت و طلبت منهم يدخلون لكنهم رفضوا و بعد إلحاح من البنت دخلوا وراها بس استغربوا انها اختفت فجأه

حاولوا يولعون النور عسى و لعلا يضيء هذا البيت المظلم و المخيف و الموحش لكن دون فائده

شافوا نور خفيف و اتبعوه شافوا غرفة جلوس مرتبه و نظيفه و لما طالعوا الارض شافوها غرقانه بالدم و في جثه مرميه و مقطوع رأسها البنات ركضوا لباب بخوف و شافوه مقفل و فجأه......
__________________________________________________ ________________________

عند أسوء كابوس بحياة فارس (( مازن ))

: اقنعتهم انك بتروح لهم و تواجه فارس
مازن : ايه
: وش بتسوي اذا رحت هناك
مازن : راح انتقم لك يا يزن علي سواه فيك
يزن بحقد : ياليت يا مازن كل ما أتذكر انه السبب اللي وصلني لهذي الحالة أحقد عليه اكثر و اكثر
مازن : لا تخاف انا بنتقم لإنهائه مستقبلك و موت أمي و ابوي بسببه و تيتم اخواني
يزن : وش راح تعمل
مازن : بسيطه لما يعترف فارس بكل شي لربعه راح اقتله بمسدس راح اخفيه في محل ما يتوقعونه
يزن بحزن : انا ما ابيه يموت عالطول ابيه يتعذب عشان يحس
مازن نزل لمستواه و باس رأسه : ما يصير خاطرك الا طيب أوعدك راح اخليه يتعذب و لا تخاف انا مراح اقتله بس بترك له اثر بجسمه للذكرى و مراح اذبحه الا لما يطيب خاطرك من كثر ما تشوفه متعذب
يزن : انا لو أشوفه كل يوم يتعذب ما يطيب خاطري
مازن : انا بجيبه لك و سوى فيه اللي تبيه
يزن بفرح : صج
مازن : صدق يا قلبي صدق
يزن : بس كيف
مازن : كيف هذي خلها علي انا لا تحاتي و لا تفكر و يلا أمشى عشان تأكل العلاج و فارس الوعد وياه بعد ٦ ايام
يزن بابتسامه : طيب

أعرفكم على شخصياتنا :

يزن : ١٦ سنه أمريكي أمه سعودية و ابوه أمريكي ابوه استقل بالسعودية بعد ما جاب اخوه الكبير مازن و تعلم اللغة العربيه و صارت السعودية بلده الثاني عيونه زرق و واسعين و شعره أشقر غامق يصل لتحت كتوفه طيب و حبوب بس بعد ما حصلت له حادثه اللي يعتقد ان فارس سببها (( و راح ىنعرف ليه )) و اصبح مقعد صار انطوائي و شرس متوسط الطول و جسمه ضعيف

مازن : ١٩ سنه عصبي و نذل و من يومه صغير الكل يخاف منه ما يحب احد يقوله لا حتى أمه و ابوه و شخصيته قويه و حقود و متسلط و أناني شعره أشقر و فيه خصلات بنيه عيونه زرق و واسعين طويل كثير و جسمه ضخم متبلد احساس و ما يؤمن بشي اسمه إنسانيه و برأيه الانسان مثل الحيوان أجلكم الله بس الفرق ان الانسان عنده عقل و ما يستخدمه اما الحيوانات ما عندها عقول أساسا
__________________________________________________ _________________________

في غرفة فارس

قام و هو يحس ان نفسه ضيق و كل ماله و يضيق فتح الثلاجة و أخذ حبوب و بلعهم و قعد عالسرير و حط رأسه بين ايدينه و في نفسه : اه يا فارس لي متى بتخبي عليهم مهما قصر الزمان او طال راح يعرفون لا لا لا أفضل يعرفون بأنفسهم و لا اعلمهم اووووهو اذا عرفوا بنفسهم بيعاتبوني و يزعلون مني افففففففففف يا اخي خلاص قولهم و ارتاح ما اقدر احس انهم راح يظنون اني اكذب

سمع نغمة يكرهها و قرا اسم يكرهها اكثر

فارس : يا ليل ال..... (( سكت قبل لا يكمل و استغفر ربه )) استفغر الله بس (( بغضب )) وش تبي
مازن : حبيت اسمع صوتك الحلو قبل لا أنام
فارس : و سمعته با......
مازن : اصبر انا بسألك انت مو خايف يعرفون
فارس بتوتر : يعرفون ايش و مين هم
مازن : أظنك عارف مين و اذا عن يعرفون مو خائف يعرفون عن اللي سويته
فارس ابتسم و تنهد براحه : لا
مازن : و بكل برود تقول لا صج ما عندك احساس
فارس بسخريه : تكفى مخلي الإحساس لك
مازن : تتطنز ماشي بس ابي اعرف انت ليش مو خائف
فارس ببرود : اولا لأنني ما سويت شي و انا مالي دخل بحادث اخوك و شلله و ثانيا انا واثق ان أصدقائي راح يوقفون معاي لأنهم يثقون فيني و يعرفون اني ما عمري كذبت او ظلمت احد
مازن بابتسامه خبث : صدق بنشوف

سكر مازن و ترك أفكار فارس توديه يمين و يسار لان فارس كان عارف ان مازن ما قال كلامه الا و وراه مغزى بس وش هالمغزى ما يعرف
__________________________________________________ ___________________________

البنات وش راح يصير عليهم ؟!
سماره و ساره راح تدوم سعادتهم ؟!
فارس و مازن وش راح ينتهي فيهم المطاف ؟!
و وش علاقة فارس بحادث يزن ؟!

كل هذا راح نعرفه بالبارت الجاي

(( لا تلهيكم القراءة عن اداء الفروض ))

رد: روايه ان كان العناد يهز صخر انا عنادي يهز جبال

البارت الثامن - part 8

عند البنات

سمعوا خطوات في الدور الثاني

مريم : بنات خل نروح فوق يمكن في احد يقدر يساعدنا
البنات : طيب

صعدوا فوق و شافوا رجال كبير بالسن

مريم : هي انت ممكن تساعدنا

التفت الرجال الكبير و ميل راسه و قام يضحك بهستيريه

لطيفه بخوف : ودوني لامي تكفون
مريم بعصبيه و صراخ : هي انت اصمخ ما تسمع

الرجال توقف عن الضحك و هجم على مريم و بدا يضربها و يعذبها و البنات يحاولون يسحبونها بكل قوتهم لكن ما في فايده لطيفه بدت تقرا اية الكرسي و الرجال بعد و سد اذانه و بدا يصارخ و لطيفه من الخوف ما قدرت تكملها و لما شافها الرجال سكتت راح يبي يهجم عليها بس نوره هالمره بدت تقرا بصوت عالي و كل شوي تعلي صوتها زياده لين ما خلصت الاية و اختفى الرجال

البنات ركضوا للباب و هالمره الباب اختفى بالمره و سمعوا صوت من الدرج فالتفتوا عليه و شافوا اربع أطياف سوده و شافوا جسد الولد مقطوع الرأس يمشي لهم

وقفوا صفه وحده و أمسكوا أيادي بعض و كل وحده الخوف في قلبها

الأطياف هجموا على توفي اللي صارت تسبب باي كلمه تخطر ببالها و كل ما سبت زادوا بتعذيبها

مشاعل شغلت القران و لطيفه سوت مثلها و الأطياف بدت تبتعد عن توفي اللي جلست بدون حركه

لطيفه : بنات الباب

و بدت تضرب الباب بكل ما فيها من قوة لين ما انفتح

توفي ما قدرت تقوم عشان كذا نوره شالتها و قاموا يركضون لين ما قطعوا الشارع

وقفوا و ناظروا البيت و فجأه بدوا يشوفون أطياف تمر قداهم كأنها تحكي وش صار بهالبيت

شافوا طيف البنت الصغيره و هي طالعه من البيت تودع حرمه و طيف الولد كان طالع من البيت بعدين نادته الخادمه و دخل معاها الى غرفة الجلوس و بدت تطعنه بوحشية بعدين قطعت راسه

و بعدين شافوا البنت الصغيره واقفه بنص الشارع و تستنجد بس جات شاحنه و صدمتها و طار دمها على القزاز الامامي فتعتمت رؤية السايق و صقع بالبيت

البنات مشوا ببطئ بدون ما تستوعب عقولهم الصدمة و دخلوا البيت أجساد دون روح بعدين راحوا غرفة نوره و قفلوا الباب و بدوا يبكون و يشهقون بصوت عالي و بعد ربع ساعه من البكاء انضرب الباب و بقوه و البنات خافوا و الأمور على بعضهم و صوت بكائهم يعلى

نواف : لطيفه افتحي الباب انا نواف و معاي الشباب
محمد : يا بنات وش صوت البكا اللي عندكم
بسام : توفي مريوم وحدة ترد

مريم راحت عشان تفتح الباب و البنات يهزون روسهم بمعنى لا تفتحين و اول ما افتحت ارتمت بحضن اخوها بسام و هي متمسكه فيه بقوة

محمد طالعها بنظرة غريبه ما فهمت معناها

توفي ببكا : مالي قعده هنا رجعوني بيتنا
نوره : حتى انا ابي ارجع بيتنا
سلطان : طيب فهمونا السالفة و شلي سووى فيكم كذا
لطيفه : اللي صار ان (( و بدت تقول له اللي صار و كل الشباب مستمعين لها))

بعد ما خلصت لحظة صمت ، الشباب بدوا يطالعون بعض و فجأة

: هههههههههههههههههههههههههههههههههههههههههههههههههه

البنات طالعوهم بصدمة و بانفسهم اكيد هذيلا شاربين شي او منهبلين

نواف و هو يمسح دموعه : يا حليلكم بس ترى مقلبكم مكشوف
محمد بضحكه : مرة ثانيه إذا بغيتوا تسون مقلب شوفوا لكم مقلب احسن
نوره بصدمه و تلعثم : مقلب بس بس احنا احنا
سلطان : ناموا الله يهديكم بس تصبحون على خير

راحوا و تركوا البنات منصدمين منهم

مشاعل بعصبيه : هالثواره هذا موضوع ينمزح فيه
لطيفه : انا ادري عنهم هالبقر
نوره : بنات احنا لازم نتصرف
مريم : صح كلام نوره احنا لازم نتصرف اذا بنستنا هالتيوس اللي عندنا يتحركرن فانطر يا حمار لين يجيك الربيع و الظاهر احنا بنظل هالثمانية ايام كامله هنا
توفي : بس شلون
مشاعل : لازم نفكر بشي يخلصنا من هالمصيبه
نوره بتفكير : امممممممم لقيتها اللي لازم نسويه...........
__________________________________________________ __________________

عند ساره و سماره

صحت من النوم عشان تشرب موي و حست بأحد وراها

ساره : س.س.سالم
سالم : امري يا قلبي

أعرفكم على سالم

: ولد عمة ساره و سماره عمره 21 سنه شعره اسود قصير و عيونه سود و متوسطه الحجم طويل مره و جسمه ضخم و وقح و قليل أدب و يموت بشي اسمه بنات مدلل لانه وحيد أمه و ابوه نذل و كل شي محرم عنده حلال و ما يعرف للرحمة طريق

ساره حست انها ما عليها شي و مو حلوه وقفتها معاه بالمطبخ بروحهم اخر الليل و دفته عشان تطلع لكن قبضته كانت أقوى و أسرع منها

دفها عالجدار و قرب منها التفت تدور شي تدافع فيه عن نفسها شافة السكين قريبه منها و خذتها و حطتها على رقبته

ساره : لا تقرب مني
__________________________________________________ __________________

توقعاتكم :

البنات شلون بيطلعون من المشكله اللي دخلوا فيها ؟!
و ساره و سالم قصة جديده وش عنوانها ؟!
و بعض الشخصيات اللي مالها وجود كيف بتكون رجعتها ؟!

كل هذا بالبارت الجاي

(( قدموا عبادتكم لربكم على كل شي ))

رد: روايه ان كان العناد يهز صخر انا عنادي يهز جبال

البارت التاسع - part 9
ساره : لا تقرب مني
سالم بابتسامة : تتتتتتتتتتتو انتي ما تسوينها
ساره بعصبيه : اقسم بالله انك اذا ما وخرت اني راح اغرقك بدمك
سالم : أهون عليك
ساره : و مين انت عشان ما تهون علي
سالم : اممممم ولد عمتك
ساره من بين ضروسها : ما أتشرف
سالم و هو يخنقها : تخطيتي الحدود (( تركها و بابتسامه )) بس كلامك لو كان سم عندي عسل
ساره و دموعها بعيونها : ابعد
سالم تراجع خطوتين و لما حاولت تطلع التفت لها و قال : اذا كنتي تفكرين اني راح أخليك تتهنين مع المنقذ لا تحلمين انتي لي قصر الزمان و لا طال و انا أوعدك اني لو اطريت اذبح أرواح مو بس روح عشان اوصلك و الله لأسويها
و مر من جنبها و قرب فمه من أذانها و بهمس : تصبحين على خير يا عمري (( باسها على خدها و طلع ))
ساره تفاجأت من جرأته و عصبت و راحت غرفتها و هي تتوعد فيه
__________________________________________________ _________________
الشباب : ههههههههههههههههه
نواف : بس مو كأن زودنا الجرعة
سلطان : يستاهلون مو احنا اللي بنات يهددونا
فارس يراقبهم و هو ساكت
بسام : كأن الشغلة مو عاجبتك سيد فارس
فارس رفع حاجبه و ناظرهم بعصبية
محمد : بسم الله الرحمن الرحيم هذا شوي و راح ياكلنا
سلطان : وش اللي مو عاجبك
فارس بعصبيه : قول وش اللي عاجبني طبعا مو عاجبني شي بنات مخرعينهم اخر الليل و ضاربينهم و مسوين تمثيليه شطولها و وش عرضها عشانهم هددوكم استحوا على وجيهكم رجال وش كبركم حاطين دوبكم دوب بنات ما كملوا ال 17 سنه
الاولاد سكتوا و حسوا بالذنب
فارس يكمل بعصبيه : افرضوا وحده انهبلت و لا طاحت و لا أغمى عليها او حتى ماتت من الخوف ذاك الوقت وش راح ينفعكم الندم و التحسر و المزح الباصق
الاولاد نزلوا عيونهم و ضمايرهم تأنبهم
محمد : شرايكم نقول لهم و نعتذر
الاولاد سكتوا بالنسبة لهم الاعتذار صعب
فارس : يلا ترى الاعتذار مو عيب
الاولاد استسلموا للأمر الواقع ما كانوا يدرون ان البنات اسمعوا الحوار كله
البنات لما حسوا بخطوات الاولاد راحوا غرفة نوره و مثلوا انهم نايمين
محمد و هو يطق الباب بخفيف : شكلهم نايمين خل نقول لهم بالصباح و مثل ما يقولون الصباح رابح
راحوا الاولاد غرفهم و نوره افتحت الباب و طلت و أشرت للبنات بأنهم راحوا
مشاعل بعصبيه : اه بذبحهم وش هالحركه السخيفه
توفي بعصبيه ركضت لباب و نوره و لطيفه ماسكينها : هدوني عليهم خل اروح ادبغهم اجل انا توفي يسوون فيني كذا أقولكم هدوني
مريم و هي تهدد : هين يا بسيم اما وريتك نجوم الليل بعز الظهر ما اطلع مريوم
لطيفه بعصبيه : نوره ليش ما نهد توفي عليهم
نوره قفلت الباب و جلست بهدوء تفكر طلعت ورقة و رسمت 5 دوائر و 5 مربعات
مشاعل : شوفوا الرايقه احنا نفكر كيف راح ننتقم و هي ترسم
نوره ما ردت عليهم و بعد فترة ابتسمت ابتسامة خبيثه و كتبت فوق الورقة بخط عريض
(( our plan )) (( خطتنا ))
مشاعل : نوره ما ابتسمت هالابتسامه الا وراها بلا
نوره و ابتسامتها تتسع : ماشي ماشي حابين تلعبون راح نلعب و نشوف مين الغالب و مين يضحك اخيرا يضحك كثيرا
توفي بحماس : هذا ايش
نوره : خطه
لطيفه و هي تطالع الورقة و تقلبها يمين يسار : قاصه علينا راسمه لنا كم مربع و كم دائره و تقول خطة
نوره : لا يا غبيه هالدوائر تمثل الاولاد و المربعات تمثلنا
لطيفه : إها طيب وش الخطة
نوره : الخطه ان كل بنتين راح يتساعدون على ولدين و يهبلون فيهم و في بنت بتمسك ولد بروحها اوك
توفي : طيب و بعدين
نوره : هنا يجي الجزء الحلو راح أعطيكم تعليمات و تنفذونها بالحرف الواحد و راح أخليهم ينهبلون مثل ما هم قدروا يسوون كل هذا عشان يخوفونا احنا نقدر نعمل أشياء كثيره عشان نخوفهم
لطيفه : بس الاولاد 6
نوره : فارس محذوف لان مبين من كلامه ان مو مشارك مع الباقين و ان مو عاجبته فعلتهم
البنات : اوك
مريم : بس انا رأيي ان احنا كلنا نتساعد عليهم اما اذا كنا ثنتين ثنتين راح يشكون
نوره : صح رأيك خلاص كلنا عليهم و الحين ابي أفكار تشيب رؤسهم اللي عنده اي فكره يرفع صبعه
البنات كلهم رفعوا أصابعهم بعدين طالعوا بعض و قاموا يضحكون
نوره : بس ضحك الحين وقت الجد و الانتقام خل نشوف الأفكار و نبدأ نتناقش و نشوف اللي لنا و اللي علينا
و بدوا يتبادلون الأفكار و يعدلون فيها و يتفقون على كيفيتها و بعد ما اتفقوا على كل شي قالوا انهم راح يدخلون ساره و سماره بالخطة بحكم انهم تعرفوا عليهم لما غرقت ساره و صاروا اصدقاء و انهم راح ينفذون خططهم وقت المغرب بعد الغداء اللي راح يكون بشاليه أهل ساره و سماره
__________________________________________________ _________________
في الظهر
البنات سهروا الليل يفكرون و يخططون و ما ناموا الا متأخر سمعوا طق قوي عالباب
نوره بصوت كله نوم : مين
سلطان : انا
نوره : و مين انت
سلطان بنفاذ صبر : انا سلطان
فتحت الباب و التفت لها عشان يهزئها بس سكت و ابتسم لما شاف منظرها الطفولي
كان شعرها مبعثر على أكتافها و وجهها و حاطه أيدها عالباب و الايد الثانية تفرك فيها عيونها
نوره و هي تتثاوب و فيها النوم : همممممم وش بغيت
سلطان و كاتم ضحكته على شكلها : احم ما تبغون تروحون عزيمة البنت
نوره باستغراب : ليه كم الساعه
سلطان : الساعه 11
نوره انصدمت و افتحت عيونها ما يمديها تسوي شي
نوره بعجلة : زين زين بروح أقوم البنات (( توها بتسكر الباب الا نادها سلطان ))
سلطان : طيب نوره
نوره : هلا
سلطان : تأكدي قبل لا تفتحين الباب لأحد انك لابسه و متغطيه
نوره استوعبت انها مو لابسه شي و سكرت الباب بقوة من الحيا و استحت اكثر لما سمعت ضحكته و بنفسها : يا ويلي فشله شافني بهالشكل ههههههههه صج اني خبله و مرجوجة
نوره فكرت شلون تقوم البنات مسكت الخيزرانه و قامت تلشطهم و تقلد جدتها
نوره و هي تمثل انها عجوز : قومن قام صلبكن نايماتن الى عز الظهر نامت عليكم طوفه قومن نقعن المواعين و أنشرن الملابس و زهبوا الغدا و اشلخوا لي بطيختا (( و بصرخة )) يلا أشوف
البنات قاموا و ركضوا للباب و فتحوه و راحوا للمطبخ من الخوف و نورة تضحك بأعلى صوتها
توفي : الله يهديها جدتي كذا تقوم الواحد
لطيفه : اي و الله
مشاعل باستغراب : احنا بالشاليه وش جيب جدتك
البنات قعدوا يفكرون و بعد دقيقتين تفكير قالوا مع بعض : نورة
راحوا الغرفة و شافوها تضحك و عيونها تدمع من كثر الضحك
ابتسموا و خذوا المخدات و بدوا يضربونها و هي تضحك
نوره : بنات خلاص الساعه 11:30 و ما جهزنا حتى ملابسنا
البنات كل وحده راحت غرفتها عشان تتجهز و الشباب جالسين يفطرون و هم يشوفون البنات رايحين جايين اما يستلفون شي و لا يسألون عن أشكالهم و لا يرجعون شي
فارس : حمدلله اني ولد
سلطان : اي و الله الحمدلله
سمعوا نورة تصرخ بصوت عالي : توفي و وجع وين المسكره السوده
توفي : اصبري بخلص منها و اعطيك
بسام و هو يقلد نورة : توفي وين الكعب الأحمر حقي
توفي : تلقينه عند لطيفه قالت انها بتاخذه
الاولاد : ههههههههههههههههههههههههههه
مشاعل بصراخ : مريوم وين اكتسواري
مريم : عندي
مشاعل : جيبيه يا مال الوجع
مريم : يوجعك عنادا فيك ما راح أجيبه تبين تعالي خذيه
مشاعل و هي تركض : حماره
الاولاد كانوا راح يكملون اكل بس وقفهم صوت مشاعل و مريم
مشاعل : يا تبنه هاتي
مريم : لا لا لا
و فجأة : أاه...لا و الله توبة.....زين زين.......وجع مصارع مو ادمي.....هديني يا ام عصاقيل.....خلاص خلاص...ما عاد بقول
مشاعل اطلعت و معاها علبة و مريم تتوعد فيها
التفتوا عشان يكملون متابعة التلفزيون بس وقفتهم هالمره صرخة لطيفه
البنات راحوا يركضون لها و هم يسمعونها تستنجد و ما مرت ثانية الا البنات يصرخون وياها
الاولاد راحوا الغرفة و فتحوا الباب بقوة و شافوا البنات واقفين بعابيتهم فوق السرير و ما عليهم غطا
محمد : وش فيكم
البنات و اهم يأشرون على المروحة مع بعض و بصوت عالي : صرصور يطير
الشباب : ههههههههههههههههههههه
نورة : بلا سماجة سلطان تكفى اذبحه
سلطان : بشرط
نوره : شنو
سلطان : قولي لي حبيبي
نورة بانفعال : أنسى
سلطان : شباب خل نرجع نكمل اكل
البنات ترجوا نورة و قبل ما يطلع : حبيبي تعال اذبح الصرصور
سلطان بابتسامة خبيثة : تامرين يا حبيبتي
سلطان ذبح الصرصور و شاله بمنديل و بسام أخذ المنديل منه و ابتسم : يا حليلكم هذا اللي مسبب لكم رعب
قرب منهم و حذفه عالسرير و البنات انتشروا
نورة حوطت ايدها حول سلطان و توفي متمسكه بظهر بسام و مشاعل بأيد فارس و مريم بمحمد و لطيفه برائد و نواف ما كان موجود طول الوقت يتجهز عشان زيارة الحبيبة ^_^
فارس بهمس لمشاعل : خايفه
مشاعل هزت راسها بنعم
فارس بابتسامة : طالعة حلوة
ابتعدت بحيا و طلعت من الغرفة
اما مريم تأسفت و انسحبت و تركت محمد قلبه يدق بقوة
بسام : بعدي عني يالنشبة
توفي هدته بعدين عضته بظهره و طلعت
بسام : اححححح متوحشة
سلطان : مطوله
نورة : ضايقتك
سلطان بنفسه (( ليتك تطولين و انتي كذا ))
نورة : سلطان
سلطان : هلا
نوره : انا.....خلاص لا تهتم
و تركته يفكر وش كانت تبي تقول له
لطيفه بعدت و طلعت و رائد لأول مرة يرتبك من قرب بنت و لمستها و بنفسه : معقولة يا رائد طحت على وجهك و حبيت ههههههه و الله دنيا رائد يحب
و راحوا البنات يتجهزون و ما يدرون ان كل وحده حركت قلب واحد من الشباب
__________________________________________________ ________________
عند مازن
مازن : اممممممم صالح احمد ال..... و ياسر فهد ال..... اصدقاء روح بالروح تعرفتوا في الروضة و من يومها ما تفترقون امسكتكم الشرطة قبل سنتين بتهمة محاولة قتل متعمدة لتاجر مخدرات و بهالفترة كنتوا تتعالجون من ادمان المخدرات و كانت مدة الحكم عليكم 10 سنوات مع اعمال شاقة و طبعا كان حكم مخفف مع الرشاوي و بعد بسبب الرشاوي طلعتوا من السجن بعد ما تعالجتوا مباشرة اي بعد سنتين و اهلكم رغم انهم هم اللي طلعوكم و رشوا القاضي و مدير السجون الا انهم تبرو منكم من اول ما طلعتم
ياسر : ما شاء الله ما يفوتك شي مو ناقص الا تواريخ ميلادنا
مازن : انت 7 / 5 / 1417 و صالح 13/ 9 / 1417
صالح و هو يصفق : لا اهنيك بصراحة
مازن : اممممم الحين اللي ابي اعرفه لي مراقبين الشاليه
ياسر بسخرية : تعرف قصة حياتنا و ما تعرف ليه نراقب الشاليه
مازن و هو يلعب بمسدسه : الا اعرف بس هذا (( صوب مسدسه عليهم )) يبي يسمعه منكم
صالح : انتقام
مازن : حلو يعني تقدرون تساعدوني بس بالاول من مين ناويين تنتقمون
ياسر بعدوانية : منهم كلهم ودي اخلي دمهم يسيل
مازن : نايس انا مستعد اعطيكم مبلغ و قدره عشان تتعاونون وياي و لا
ياسر : و لا شنو
مازن : مثل ما قتلتوا نفس بنفذ فيكم حكم الإعدام و الحين أخليكم خمس دقائق تفكرون و لا تحاولون تهربون لان وقتها ذبحكم و جنازتكم بتكون على أيدي انا
طلع و خلاهم و ياسر و صالح فكروا انهم يسفيدون منه و يساعدونه لانه هدفهم واحد بعدين يقتلونه و مازن كان واقف في غرفة المراقبة و يسمع كل كلمة يقولونها و بنفسه : حلو هذا اللي ناقص بزران يتطاولون علي بس ما عليش اخلص غايتي و أتفرغ لهم و أعلمهم كيف يخططون يقتلون مازن
دخل مازن عليهم بعد خمس دقائق و اتفقوا على المبلغ و قال لهم انه سكنهم و أكلهم و شربهم و كل شي يختص فيهم هو اللي راح يتكفل فيه و ان المطلوب منهم يستنون تعليماته عشان يعرفون وش يسوون و لين ذاك الوقت ان حاولوا يقربون من الشاليه او اللي فيه فهذا يعني انهم بايعين روحهم
__________________________________________________ __________________
وش بتكون خطة البنات ؟! و شلون بتسيير ؟!
و ياسر و صالح بيمشون على اتفاقهم ؟!
الشباب و ردود فعلهم بمقلب البنات وش راح تكون ؟!
كل هذا بالبارت الجاي

رد: روايه ان كان العناد يهز صخر انا عنادي يهز جبال

روووووووعه بليز كملي با اسرع وقت


تم الإرسال بواسطة iPad بإستخدام منتدى عبير

رد: روايه ان كان العناد يهز صخر انا عنادي يهز جبال

البارت العاشر - part 10

وصلوا البنات عند ساره و سماره و استغربوا ان الشاليه فاضي و ما فيه احد غير ساره و سماره

نوره : غريبه وين اهلكم
ساره باحراج : ها لا بس اطروا يروحون
نوره بابتسامه : إها
سماره : خليك منها انت من فئتي فئة البنات خليها على جمب
نوره : اي و الله حظك ساره ان سموره أختك
سماره : احم احم تعلموا الكلام الحلو
مشاعل : مداح أهله
لطيفه : و الله و انتوا لابسين زي بعض كأنكم خوات

نوره و سماره : كانوا متفقين يلبسون رسمي و يصيرون زي بعض ، كانوا لابسين قميص ابيض و جاكيت بدون أكمام اسود و بنطلون اسود و كانوا حاطين مسكرا سوده و قلوس احمر صارخ و تاركين شعرهم مفتوح بدون اكتسوار

اما باقي البنات كان متفقين يلبسون فساتين قصيره ماسكه من الصدر

توفي : كانت لابسه فستان تيفاني فوق الركبة و مفصل على جسمها وجايبه شعرها على جمب و حاطه قلوس وردي فاتح و مسكرا سوده و كحل اسود و اكتسوار وردي

لطيفه : كانت لابسه فستان احمر و اسود تحت الركبة بشوي و رافعه شعرها بحركه حلوه و مخليه خصلات على وجهها و حاطه قلوس احمر فاتح و كحل اسود و مسكارا و اكتسوار اسود و احمر

مشاعل : كانت لابسه فستان ابيض تحت الركبه بشوي و رافعه شعرها ذيل حصان و حاطه خصلات على وجهها و حاطه قلوس وردي فاتح و كحل اسود و مسكارا سوده

مريم : لابسه فستان ازرق فاتح و فوق الركبة و فاتحه شعرها و حاطه قلوس وردي فاتح و كحل اسود و مسكارا سوده و اكتسوار وردي

ساره : كانت لابسه فستان رمادي و فوق الركبة و فاتحه شعرها و حاطه قلوس احمر فاتح و كحل اسود و مسكارا سوده و اكتسوار اسود

سماره : اممممممم بنات وش رأيكم نسوي شي مجنون بعد الغدا
ساره : مثل وش
سماره : شرايكم نقص شعورنا
مشاعل : اممممممممم فكره حلوه
مريم : اي و الله فله
توفي : بس مين بيقص لنا
سماره : سارونه ماخذه دوره و تعرف تقص هي بتقص لنا
ساره : اوك

اما في مجلس عند الاولاد

نواف و سالم يطالعون بعض و شوي بيحرقون بعض من نظراتهم

ابو ساره : الا وش ناوي تخصص يا ولدي
نواف : إدارة اعمال
سالم : بس أدارة الاعمال ما تصلح الا للناس الأذكياء و الجادين
نواف : و انا واحد من هالناس
سالم بسخرية : ههه ما اظن

نواف كان بيقوم يضربه بس محمد مسكه لانه عارف انهم راح يتذابحون

الخادمه : سير ذا لانش فينيش (( الغداء انتهى ))
ابو ساره : طيب تفضلوا على الغدا

تغدوا الاولاد و البنات كانوا متغدين قبلهم و بهالوقت كانوا البنات في غرفة ساره و سماره

ساره : نوره شنو القصه اللي تبينه
نوره : ابي تقصينه زي البوي
مشاعل بصدمه : انتي من جدك
نوره : لا من كذبي طبعا من صدقي
ساره : أخاف تتحسفين
نوره : لا ما راح اتحسف
سماره : و انا بعد ابي بوي زيها
ساره : اوك

ساره قصت لهم و طلعت أشكالهم غير

مشاعل : تصدقين نوير حلوه عليك القصه
نوره و هي تمثل الغرور : انا كل شي حلو علي
مشاعل : مصدقة نفسك
نوره : لا امزح كلك ذوق
سماره : و انا
نوره : انتي حلوه بكل حالاتك
سماره : حياتي (( و ضمت نوره ))
نوره و هي تضمها : انتي عمري و حياتي
توفي و هي تغطي عينها : عيب عيب لا تخربونا
الكل : ههههههههههههههه
ساره : يلا دور اللطيفتين
توفي : بليييز اسمي توفي
ساره : طيب يا توفي وش بتقصين انتي وياها
توفي : قصي لنا فكتوريا
ساره : لطيفه تبين زيها
لطيفه : يب يب
ساره : اوك خل أبدا شغل

و بعد نص ساعه خلصت ساره اللطيفتين و كانت أشكالهم روعة

توفي : توني قاصة شعري لا احد يكلمني
الكل : هههههههههه
ساره : يلا بقى مريم و مشاعل
مريم : انا وحده ابي اقصه جهة طويل شوي و جهة قصير
ساره : اوك و انت ميشو
مشاعل : ابي اخليه على طوله بس بقصه درجات
ساره : حلو يلا تعالي

و بدت ساره شغل و اخيرا خلصت من البنات

مشاعل : بصراحة أيدك يا ساره خفيفة و قصك روعة
ساره : شكرا
نوره : مرسي ساره شغلك بيطير العئل
ساره : و لو هادا واجبنا
توفي : أشكرك شكرا جزيلا
مريم : و انا بعد
ساره : العفو
نوره : لطيفه ما راح تشكرينها
لطيفه : انا أشكرج وايد على هالقصة الحلوه
سماره : ما صار شكر مو ناقص الا تتكلمون هندي
نوره : نامستيه
الكل : ههههههههههههه
نوره : المهم احنا نبي نقولكم ان احنا بنسوي خطة و نبيكم تساعدونا
سماره : خطة لأيش
نوره : احنا ناوين (( و بدت تقول لهم علي صار و عن الخطة ))
سماره : معاكم
نوره : سارونه معنا
ساره : اكيد وياكم
سماره : لا يغرك انها هادية و عاقلة بس تموت بالمقالب
ساره : اي صادقه و متى نبدأ
توفي : اليوم المغرب
سماره : اوك اجل بوريهم التخويف على اصوله
__________________________________________________ __________________

عند الاولاد

استأذن منهم العم و قال انه تعبان و بيروح يرتاح و قال لهم انهم بيظلون في ضيافة سالم و عذروه

سالم : اقول نواف بتدرس هنا و لا بالخارج
نواف : بالخارج ليه
سالم : لان بغيت اقولك ان احسن لك تجلس هنا لان السفر للخارج ما يصلح للناس الغبيه و الفاشله
نواف و دمه يغلي : قصدك ان انا فاشل و غبي
سالم و هو يشرب من العصير : كلن عارف نفسه
نواف وقف بعصبية و هو ناوي يخلص عليه و محمدا حاول يمسكه بس ما في فائدة اذا وصل السيل السبى : هالمره تعديت الحدود لكن انا اللي بعلمك قدرك

رفعه من ياقة ثوبه رغم جسده اللي اكبر من جسد نواف باضعاف و قوته و رماه على الارض بقوة

سالم بعصبية : اوريك يالورع تمد أيدك علي

قام بعصبية و قرب من نواف و ............
__________________________________________________ _________________

نواف و سالم و العراك لوين يوصل ؟!
و البنات و خطتهم بتمشي مثل ما يبون ؟!
و ساره من اللي راح يكسب قلبها ؟!

كل هذا بالبارت الجاي

(( حافظوا على الصلاة فهي عمود ديننا ))

رد: روايه ان كان العناد يهز صخر انا عنادي يهز جبال

رووووووعه


استمري


تم الإرسال بواسطة iPad بإستخدام منتدى عبير

رد: روايه ان كان العناد يهز صخر انا عنادي يهز جبال

البارت الحادي عشر - part 11
سالم قرب من نواف بعصبية بس الشباب كلهم وقفوا بوجهه
بسام : قرب و شوف
رائد : لا تحسب ان احنا ساكتين لك لأننا خايفين ههه ما بعد عرفتنا زين اللي زي اشكالك ندفنهم و هم عايشين
سلطان دفعه بقوة : يلا ابعد و لا تندم طول عمرك
سالم تراجع خطوتين و انتبه للبندقية المعلقه عالجدار اخذها بسرعة و صوب عليهم و الشباب واقفين بثبات و لا همهم شي
سالم : أبعدوا و لا قسم اذبحكم
الشباب ما تحركت فيهم شعره وحده
سالم : قلت لكم أبعدوا
فارس قرب بتحدي و صارت البندقية على صدره : ما راح ابعد يلا أشوف اذبحني
سالم بدت ايدينه تنتفض و هو حاطه على الزناد
و فارس سحبها من أيده بهدوء و دم بارد و رماها على الكنب اللي جمبه
سالم طالعه بغضب و فارس بادله بنظرات بارده سالم قرب من فارس عشان يضربه بس فارس مسك أيده و لفها بقوة و حطها ورى ظهره
سالم بألم : اه اتركني
فارس : شوف لا تجرب تلعب معاي لأنك بالنهاية بتكون الخاسر اذا كنت تحسب لأنك اكبر مني بثلاث سنين ما راح اقدر عليك فأنت غلطان تأدب احسن ما انا اللي أعلمك كيف الأدب
فارس تركه و رجع جمب نواف
سلطان : يلا شباب خل نمشي
طلعوا من الشاليه و هم بنص الطريق وقف نواف و دق على لطيفه
نواف : الو
لطيفه : هلا
نواف : احنا رايحين للبيت متى بتجون
لطيفه و هي تلف على نوره : متى بنجي
نوره بهمس : قولي له الحين بنجي
لطيفه : الحين بنجي
نواف : طيب انا أستناكم
لطيفه : خمس دقائق و جايين
نواف : اوك لا تتاخرون
سكرت لطيفه و التفتت على البنات : يلا قوموا
نوره : مثل ما فهمتكم بدق عليكم رنه و تتسحبون بدون ما احد يحس فيكم بتلقون توفي تستناكم و بعدها تروحون معها و تدخلون من الدريشة لغرفتي و هناك راح نبدأ نجهز لخطتنا اوك
ساره و سماره : اوك
البنات : باي
ساره و سماره : باي
طلعوا البنات و شافوا الشباب يستنونهم و مشوا وياهم لين ما وصلوا الشاليه و دخلوا
نورة : شباب بلييييز حنا بنام لين الساعة 8 ممكن ما تزعجونا
سلطان : شنو هالادب اللي نازل عليك ست نوره
نوره بابتسامة : انا من يوم يومي مؤدبة من قبل لا أشوف خشتك
سلطان : إها صدقت
نورة : لا تصدق عالموم تصبحون على خير
الكل : و انتي من اهله
دخلوا البنات الغرفه و لبسوا ملابس الخطة و دقوا رنة لسماره و ساره و توفي طلعت تستناهم و مشاعل تسحبت و طقت باب غرفة فارس
فارس : مين
مشاعل : انا
فارس فتح الباب و مشاعل همست له : معاك احد
فارس : لا
مشاعل دفته داخل الغرفة و دخلت و قفلت الباب
فارس : وش فيك
مشاعل : اووووص وطي صوتك عشان ما احد يسمعنا
فارس بصوت واطي : طيب وش السالفة
مشاعل : احنا بنسوي خطة عشان ننتقم من ربعك على مقلب البيت المهجور
فارس بصدمة : عرفتوا ؟! شلون ؟!
مشاعل : مو مهم شلون المهم ان نبيك تساعدنا موافق
فارس بتفكير : و الله فكرة حلوة عشان يتأدبون و ما يعدونها
مشاعل : زين اللي نبيه منك انك تظل بغرفتك و لا تطلع منها لين ما نخلص و احنا بعنطيك تعليمات عشان تنفذها
فارس : شلون لتعطيني إياها
مشاعل : بالجوال
فارس : اوك بس وش راح تسوون
مشاعل ببراءة : و لا شي بس كم مقلب صغير يعلمهم الخوف على أصوله
فارس : الله يوفقكم
مشاعل : طيب شوف لي الطريق عشان اطلع
فارس : زين
التفت يمين و يسار ما شاف احد
فارس : يلا روحي مافي احد
جات بتروح وقفها فارس : عندك رقمي
مشاعل : لا
فارس : هاتي جوالك
مشاعل بغباء : ها ما جبته
فارس : زين لحظة (( عطاها ورقه و مكتوب فيها رقمه )) اذا بغيتي شي دقي علي
مشاعل : طيب
فارس : مشاعل
مشاعل : لبيه
فارس بابتسامة : لبيتي بمكة انتبهي لنفسك
مشاعل بحيا : طيب
فارس : مشاعل
مشاعل : سم
فارس : سم الله عدوك بس ابي اقولك ترى انتي هنا (( أشر على قلبه )) و انتي صاحبته
مشاعل طلعت و وجهها احمر بدون ما ترد و دخلت عند البنات و هي تتنفس بسرعة
لطيفه بخوف : وش فيك
نوره بابتسامة : ما فيها شي بس اكيد حبيب القلب قالها كم كلمة خلها تذوب
مشاعل و هي تحذف عليها الكعب : انطمي يا حمارة
نورة بخبث : وش قال
مشاعل : انقلعي يا قليلة الأدب
لطيفه : ايه دام قالت قليلة ادب اكيد قالها كلام كبيييير
مشاعل بابتسامة : تفكيرك وصخ
مريم : اعترفي وش قال
مشاعل باندفاع : ما قال شي بس قال انتي بالقلب و انتي صاحبته (( حطت أيدها على فمها و هي تتمنى الارض تنشق و تبلعها على غبائها ))
البنات : هههههههههههههههه
توفي و هي تدخل مع ساره و سماره : ضحكونا وياكم
مريم : فاتك فارس وش قال حق شعيل
توفي و هي ترفع حواجبها بخبث : وش قال
مريم بدلع : قالها انتي بالقلب و صاحبته
الكل : هههههههههه
مشاعل : خلاص بلا ملاقه
نوره : اي صج خلا نبدأ اللبس على لطيفه و المكياج على سماره و الشعر على ساره و المؤثرات بتحكم فيها من اللاب توب و التنفيذ عليكم و انا اللي راح أراقب البيت و أعطيكم التعليمات
لطيفه : اغبياء ما عرفوا ان احنا وقت الغدا كنتي انتي و سماره تركبون الكاميرات
نوره : اي و الله تحركوا بقى نص ساعة على بدا المخطط 10 دقائق بياذن و نصلي و بعدين نجهز أمورنا في 20 دقيقه يلا أبدوا
بدوا البنات ينفذون مهماتهم من اللبس و المكياج و التسريحات المخيفة الى تجهيز البيت و كل هذا صار بدون علم الاولاد
__________________________________________________ _________
عند الاولاد
محمد : اممممم متى ناويين تقولون لهم
سلطان : عن شنو
محمد : البيت المهجور
بسام : خلاص سالفة و راحت ليش نفتحها من جديد
سلطان : اي و الله بعدين اذا قلنا لهم اكيد راح ينتقمون و الله يعينا عن اللي بيصير
بسام : اي و الله خلونا كذا احسن
(( مو عارفين ان البنات يجهزون لإعصار راح يقلب الأمور كلها ))
الله اكبر ..... الله اكبر
نواف : إذن خل نقوم نصلي جماعة
قاموا الشباب يصلون جماعة و ما يدرون ان بعد 20 دقيقه من الحين راح يبدأ الإعصار
__________________________________________________ __________
في الدمام
سامر : ماما متى تجي نوره ولهت عليها
ام نورة : كلنا فاقدين حسها نورة بتجي بعد 6 ايام
سامر بحزن : واجد طيب ابي اروح لها
ام نوره بابتسامة : ما يصير اصبر 6 أيام و بترجع
سامر : بعدها ما تروح
ام نورة : لا يا حبيبي ما تروح
__________________________________________________ __________
عودة للبنات
نورة : كل وحده تحط هالسماعة بإذنها و راح نتواصل عبرها
البنات : اوك
نورة : توفي الخطة الاولى لك الضحية B بالموقع يلا روحي
توفي : اوك (( و راحت تنفذ خطتها ))
نوره : سماره الخطة الثانية لك الضحية R لوحدها بالغرفة
سماره : انا رايحة
نوره : ساره انتي على الضحيتين m و n تلقينهم بغرفة الجلوس
ساره : اوك سيا
نوره : مشاعل انتي على الضحية S الخطه الرابعة لك
مشاعل : طيب
و طلعوا البنات ينفذون مهامهم و عند المهمة 1
تسحبت شأفته بالحمام يغسل أيده ، طلعت المفتاح اللي اخذته اليوم الصبح و قفلت الباب بخفة و طلعت للحديقة و صعدت للسلم و بهمس : انا في مكاني أبدي
نورة : اوك (( طفت الكهرباء عالحمام و جلست تسمع بسام ))
بسام : وقته (( قرب من الباب و حاول يفتحه لقاه مقفل )) بسم الله الرحمن الرحيم مين قفله انا متأكد انه كان مفتوح و المفتاح مو موجود
اشتغلت اللمبه و سمع طق عالدريشه التفت شاف وجه بنت ابيض و عليه جروح و دم و شعرها واقف و تضحك له
بسام بخوف : بسم الله الرحمن الرحيم (( غمض عيونه و فتحها و ما شاف احد ، حرك الباب لقاه مفتوح و طلع و هو يسمي و يقرا المعوذات ))
توفي : الجزء الاول منالخطه الاولى تنفذ انا رايحه أنفذ الجزء الثاني
نورة : اوك الممر فاضي بسرعة قبل لا يطلع احد
اما عند ساره
ساره : وصلت لموقع أبدي التنفيذ
نوره : طيب
محمد و نواف اللي كانوا يطالعون التلفزيون طفى عليهم
نواف قرب منه و حاول يصلحه : افففففف وقتك
طفى النور و ساره جلست جمب محمد و كانت موقفه شعرها و حاطه مكياج عشان يطلع وجهها كأنه محترق و ملابس مشققه و شفايفها مشوها بالمكياج
انفتحت اللمبه و محمد حس بأحد جمبه و التفت و شافها و بخوف : ن . ن . ج . ج . ه . ه
نواف التفت عليه : وش فيك
محمد : جنيه هنا جمبي
نواف : بسم الله عليك ما في شي جمبك
محمد التفت و خاف لما ما لقاها جمبه و شافها ورى نواف
محمد و هو يرجف : وراك
نواف التفت و شافها و من الخوف طاح على الارض و زحف لمحمد و جلس جمبه و شد على ايده من الخوف غمضوا عيونهم و فتحوها و ما شافوها نواف بصرخة : يممممممممممه
بسام و سلطان راحوا ركض و فارس سمع الصوت و ضحك و عرف ان البنات بدوا خططهم و رائد اللي كان نايم فز و شغل اللمبه و شاف سماره جالسه على كرسي قدامه و تلعب بسكينه كبيره عليها دم و كان وجهها اسود و عليه دم و حاطه باروكة قاصتها بإهمال و على شفايفها دم يسيل و بصوت مخيف : ههههههه صح النوم يا قلبي كنت استناك تقوم عشان (( طالعته بنظرات تخوف )) اذبحك
رائد تغطا بالحاف و قام يسمي رفع اللحاف ما لقاها
طفى الأبجوره عشان يرجع ينام و لما طفلها حس بنفس جمبه شاف سماره واقفه جمبه و تبتسم طفى اللمبه و رجع ولعها ما لقاها و سوى نفس الحركة مرة ثانية و طلعت له في المره الثالثة صرخت سماره بوجهها لدرجة انه طلع يركض للصاله
رائد : ج.ج .جنية بغرفتي
محمد : كلنا شفنا مو بس انت
بسام : معقوله البنات دروا و حبوا يسوون مقلب
سلطان دق الباب على البنات و نوره تحاول تخلي صوتها كأنها توها قايمه من النوم : مين
سلطان : انا سلطان
نورة لبست عبايتها و غطاها و فتحت الباب و بتمثيل متقن : همممممم
سلطان بشك : توك قايمه من النوم
نوره : انت وش شايف
سلطان : زين نادي لطيفه نواف يبي يكلمها
نورة : زين (( تسوي نفسها تقوم لطيفه )) لطوف لطوف اخوك يبيك
لطيفه طلعت لهم بعبايتها و غطاها : وش تبي
نواف : وش تسوون
لطيفه بعصبية : تستهبل شنسوي يعني نايمين اففففف مقومني من النوم عشان تسأل هالسؤال السخيف
نواف : زين حقك علينا
لطيفه : عذرك مقبول تبي شي ثاني
نواف : لا
لطيفه : تصبح على خير
نواف : و انت من أهله
لطيفه دخلت و هي بتنفجر من الضحك بس نورة حطت أيدها على فمها عشان تسكتها
لطيفه : بصراحة انتي داهية شلون خطر ببالك انهم بيطلبون يشوفوني انا بالذات
نورة بابتسامه : يا ذكيه انتي و مريم الوحيدين اللي عندكم اخوان و اكيد لما يشكون راح يطلبون وحده على أساس اخوها يبي يكلمها و انا استبعدت مريم فما بقى غيرك
لطيفه : ما شاء الله عليك عندك عقل شكبره بس ما تستخدمينه الا للشر
نورة : انطمي يا حماره
مشاعل : نوير نوير تسمعيني
نوره : ايوه انتي وينك
مشاعل : انا بغرفة سلطان
نورة : ايوه شفتك تجهزي ترى جاي لك
مشاعل : طيب
نواف : شكلنا ظلمنا البنات المبين انهم نايمين
محمد : اذا مو البنات يعني ان اللي شفناهم صج
سلطان : ايه أقروا المعوذات و روحوا غرفهم و ما يصير الا الخير ان شاء الله
الكل : ان شاء الله
الشباب انتشروا على غرفهم و ما يدرون ان كل وحده من البنات تستنى واحد فيهم
سلطان دخل غرفته شاف وحده نايمه عالسرير قرب منها عشان يقومها
سلطان و هو يهزها : هي انتي هي قومي
مشاعل التفت له بابتسامه عريضة و صوت مرعب : جيت حبيبي
سلطان بعد خطوتين من اللي يشوفه كانت وحده قرعه و وجهها مشوه و شفايفها مشققه و كلها دم و عيونها بيضه بدون اي شي
قربت منه و خنقته بعدين رمته عالسرير و جلست جمبه و بابتسامه واسعه وهي تمسح علو وجهها : هههههههههههه سمعت انك ما تصدق فينا بس انا جيتك عشان اوريك ان احنا حقيقين و عجبتني شرايك أذبحك و احتفظ برأسك للذكرى لا لا انا ما ابي احرم نفسي من شوفتك عشان كذا بخليك حي و كل ليله بجيك
فجأة طفت اللمبه و اختفت
سلطان من الخوف ظل بدون حركه بس يرمش بعيونه و لا عمره صدق انهم يسوون كذا بس اليوم صدق
اما بسام دخل و شاف توفي واقفه قدامه و ماسكه سطل و كبته عليه كان السطل فيه موي بارد و ثلج بسام قام ينتفض و هو يطالع نفسه و لما رفع راسه ما لقاها
اما محمد دخل و شاف مريم جالسه على كرسي و معطته ظهره وحاطه رجل على رجل و تطالع الدريشة و كانت مشققه ملابسها و حاطه جروح في كل أنحاء جسمها و عين من عيون حمره و عليها جرح كبير و الثانية خضره و حاطه باروكة شعر طوويل و تلف فيه و بدون ما تلف على محمد بصوت خشن : امممممممم أشم ريحت دم هههههه تصدق اعشق أشوف الدم يسيل و انت جيتني برجولك حس بالباب يتقفل و هي ما تحركت : لا تستغرب مثلك عارف ان احنا نقدر نسوي أشياء كثيره ليش الاستغراب
محمد بخوف : انتوا شتبون
مريم بضحكه شريرة : هههههههه انا عن نفسي ما ابي الا روحك
ركضت له و محمد غطا وجهها و فجأة طفت اللمبه و اشتغلت و اختفت مريم
محمد و هو يكلم نفسه : اذا استمر الحال كذا انا راح انهبل
نوره و هي تشرب الكابتشينو و جمبها لطيفه : ههههههههههههههه يا حليلك يا محمد قمت تكلم نفسك
لطيفه : بصراحة احنا بنهبل فيهم
نورة بتفكير : امممممم جاتني فكره وين رقم فارس
لطيفه : هذا هو
نوره دخلت الرقم و بدا يرن و بعد روتين : الو
فارس : هلا مين معي
نوره : انا نوره
فارس : اهلين خير وش بغيتي
نوره : دورك يا السبع انت قدها
فارس بابتسامة : قدها و قدود
نورة : ابيك تكون بالغرفة الحين ابيك زي البرق تجي
فارس : اوك
فارس وصل باب الغرفة و طق الباب و افتحت له لطيفه و دخل و شاف الملابس و البروكات و نورة جالسة على اللاب توب
فارس : و الله طلعتوا مو هينين و تراقبون بعد
نورة بابتسامة : و مسجلين كل شي بعد
فارس : طيب وش المطلوب مني
نورة : المطلوب منك .................
__________________________________________________ ____________
نورة وش اللي راح تطلبه من فارس ؟!
البنات وش باقي مخططهم ؟!
و هل بتعدي الليلة على خير بالنسبة للشباب ؟!
كل هذا بالبارت الجاي
(( قبل ان تفعل اي شي خف من ربك قبل كلام الناس ))

رد: روايه ان كان العناد يهز صخر انا عنادي يهز جبال

ههههههه صراحه روووعه


تم الإرسال بواسطة iPad بإستخدام منتدى عبير

رد: روايه ان كان العناد يهز صخر انا عنادي يهز جبال

البارت الثاني عشر - part 12
نوره : فهمت
فارس : ايه فهمت
نورة : اوك لطيفه أبدي شغلك
و بعد 5 دقائق
لطيفه : خلصت
نورة لفت بالكرسي عالفارس و ابتسمت فارس مشى للمرايا و ناظر نفسه وو بخوف :
بسم الله الرحمن الحين مين ذا
نورة و لطيفه : هههههههههههه
فارس بصدمه : هذا انا
نورة : طبعا اجل مين
فارس كان لابس باروكة بيضه و مشوهين وجهها بالمكياج و لابس ثوب و كله دم و حاطين سكين في صدره و كأنه مطعون
مشاعل دخلت من الدريشة و خافت و جات بترجع بس مسكتها لطيفه
مشاعل و فارس بنفس الوقت : مين هذا
نوره و لطيفه طالعوا بعضهم و ضحكوا
نورة : فارس أعرفك على مشاعل شعيل أعرفك على فارس
فارس : بسم الله الرحمن الرحيم طالعه تخرعين
مشاعل : حتى انت
نورة : المهم ابيك تروح تخوف رائد اوك بعدين ابيك تمر بسلطان و بعدها بسيم
فارس : طيب (( و قبل لا يطلع )) مشاعل (( التفتت عليه و اهو ابتسم لها )) مهما سويتي بتظلين في عيني قمر
طلع و مشاعل وجهها صار احمر و قامت تضرب نورة بعصبية : يا حماره ليش ما قلتي لي انه هنا
نورة : ههههههههه مو قاد... هههههههههههه تستحين ههههههههه
لطيفه : ههههههههههه معجزه تاريخيه لازم نسجلها
مشاعل بعصبية : انطموا انا طول عمري استحي
لطيفه و نورة زادوا بضحكهم و لما حسوا انهم مصخوها سكتوا و طالعوا مشاعل
لطيفه : زعلتي ترى نمزح
مشاعل طالعتهم بعصبية بدون اي كلمه و بعد ما شافت الندم على وجيهم :
هههههههههههههههههههههه ما يليق علي الحيا صح
لطيفه بضحكة : صحين بعد مو صح
نورة : حمدلله و الشكر
مشاعل و هي تاشر على اللاب توب : شوفوا شوفوا فارس وصل غرفة رائد
نورة : خل نشوف وش بيصير
و عند فارس اللي دخل غرفة رائد النايم
دخل و هزه رائد بانزعاج : شتبون
فارس بنبرة مخفيه : قوووووم
رائد فتح عيونه و طالع فارس و رجع غمضهم : اممممم لو سمحت سيد جني انا نعسان اذا قمت تعال خوفني
فارس فتح عيونه بصدمه على بروده و طلع برى الغرفة و وقف في الممر و هو يكلم نفسه : على حسب خبرتي برائد انه توه قايم يعني الفيوز ما بعد يشبك خل اجرب مره ثانيه
دخل الغرفه و هز رائد و قومه
رائد طالع بفارس المبتسم و لما استوعب فز من السرير و بصرخه : جننننننني
و طلع من الغرفه فارس فقع ضحك بعدين مشى لغرفة سلطان و طق الباب و ما سمع رد و فتحه بقوة سلطان فتح عيونه بصدمه : يا حليله الجني مؤدب يطق الباب
فارس : انت شسويت
سلطان : ما سويت شي
فارس بصراخ : الا سويت
سلطان : ما سويت شي أختك القرعة هي اللي جاتني
فارس بعصبية : لا تقول عن اختي قرعة
سلطان : هذا الصج
فارس بصراخ : قلت لك لا تقول عنها قرعه
سلطان : ان شاء الله تامر على شي
فارس : ما ابي اشوفك تمشي بهالبيت
سلطان : لا حول البيت بيت ابونا و القوم ناشبونا
فارس : ايششششش
سلطان : و لا شي تامر عمي جني ما يصير خاطرك الا طيب بس انت حل عني
فارس و هو يخنقه : تطردني
سلطان بعد ما وخر عنه : لا ما اطردك بس....خلاص خلاص
فارس طلع سكين و ركض لسلطان اللي ما قدر يتحرك و فجأة طفى النور و اختفى فارس
سلطان و هو بمحله : أعوذ بالله من الشيطان الرجيم انا بطلع من هنا على مستشفى الأمراض النفسية بس و الله شكله معصب و أخلاقه شينه و الله يذكرني بأحد ههههه يشبه فارس ههههههههههههه لا بسم الله على فارس من هالجني
لطيفه : هههههههههههههههه
نورة : و هذا الثاني و قام يكلم نفسه بقى لنا 3
لطيفه : قولي لساره تبدا
نورة : لحظة .. ساره
ساره : هلا
نوره : يلا أبدي ليه مصنمه
ساره : ما يطأوعني قلبي أخوفه
نوره : ههههههههه انتي شكلك طايحه و محد سمى عليك
ساره : هههههههههه صادقة بس بعد بسويها
نورة : ورينا يا حلوة
ساره دخلت على نواف اللي واقف يطلع له ملابس عشان يأخذ شور و حطت أيدها على عيونه
نواف و هو يتأففف : افففففف يا الله محمد مالي خلق هالحركات
ساره كتمت ضحكتها و نواف التفت و رجع على ورى و دفها بقوه و هو يسمي و يقرا المعوذات فتح عيونه و لقاها قدامه و من الخوف قام يحذف عليها كل شي قدامه
نورة وقفت : لازم نسوي شي بيذبح البنت هالمجنون
ساره قربت منه و مسكت ايده و طالعته بنظرات تخوف هدت ايده و طفت اللمبه و اختفت
نواف و هو يقعد على الارض : انا مالي قعده هنا انا طالع طالع
نواف طق الباب على غرفة نوره و فتحت هالمره مشاعل
مشاعل و هي تتثاوب : خير
نواف : قولي للطيفه تجهز أغراضها راح نرجع البيت الحين
مشاعل بصدمه : ليش
نواف : لان هالبيت مسكون
مشاعل سكت للحظة بعدين انفجرت تضحك بوجهه : الله يهديك دور لك مقلب ثاني ترى مقلبك مكشوف تصبح على خير (( و سكرت الباب و خلته ))
نواف : شوف هذي تحسبني امزح (( طق الباب مره ثانيه ))
مشاعل : بس يا نواف بنام ترى مهما سويت مراح يمشي علينا المقلب
نواف استسلم و رجع الغرفة أما فارس حس بحركة غريبة عند الباب قرب و ما شاف احد سمع صوت احد يتكلم و قرب اكثر عشان يسمع حديثهم
صالح : انا قلت لك من البداية اذا درى ان احنا قربنا من الشاليه راح يذبحنا
ياسر : ما يقدر انا اكتشفت عنه شي يؤديه بستين الف داهية و ان حاول يقرب منا راح اعلمه التهديد على أصوله
صالح : شنو هالشي اللي بيودي مازن بستين الف داهية على قولتك
ياسر بابتسامة : اكتشفت انه شاذ
صالح بصدمة : شاذ !! كيف عرفت ؟!
ياسر : ظليت اراقبه من دون علمه و عرفت انه شاذ و مو بس كذا قاتل و يشرب خمر و يتعاطى المخدرات و من اكبر التجار فيهم و فوق هذا كله مسوي مكان عشان يجتمع فيه هو و اللي مثله و يسوون بلاويهم و محد يعرف حنى أهله ما يدرون عن أفعاله
صالح بسخرية : مساكين يحسبونه الشريف العفيف و هو ههه ما يقرب للشرف بشي
ياسر : صادق بس خلنا نطلع من هالمكان لا يحس فينا احد
صالح : يلا
فارس انصدم من اللي اسمعه ما توقع ان مازن يطلع منه كل هذا
نورة : فارس وينك
فارس : انا برجع الغرفة
نورة باستغراب : وش السالفة
فارس بهدوء : ابيك توقفين الخطة اليوم
نوره : بس...
فارس و هو يقاطعها : لا بس و لا شي سوي اللي قلت لك عليه
نورة : طيب
نورة قالت للبنات يرجعون و البنات استغربوا منها قالت لهم ان فارس اللي طلب هالشي و انها حاسه ان في شي يصير إذن العشاء و صلوا و ناموا براحة عكس الاولاد اللي ما احد ذاق النوم منهم و عاليا عن 2 الصبح الكل نام
__________________________________________________ _______________
عند ساره و سماره
بعد ما رجعوا من الشاليه شافوا ابوهم و جلسوا معه و سهروا على فلم رعب
ساره كانت ضامه أبوها عكس سماره اللي تطالع بحماس و متحمسة
ساره بخوف : راح يذبحها
سماره : ترى على فكره تشاكي ما يخوف
ساره : هذا اي جزء
سماره : هذا اخر جزء نزل اسمه لعنة تشاكي
ساره : كم جزء هو
سماره : ما ادري ما ادري خلينا نشوف اففففف حنانه
ساره : يبه شوف بنت..
سكتت لما شافت ابوها نايم و مو حاس بأحد
ساره و هي تهزه : يبه يبه قوم نام بغرفتك
ابو ساره : كم الساعة
سماره و هي توقف الدي في دي : الساعة 3
ابو ساره و هو يقوم : انا رايح أنام و انتوا بعد اذا خلص الفلم ناموا
ساره و هي تاشر على عيونها : من عيوني
ابوها بابتسامة : تسلم لي العيون و صاحبتها
سماره : احم احم مو كأني منسيه
ابوها و هو يبوس خدها : لا انتي الدلوعة اخر العنقود كيف أنساك
سماره و هي تبوس راسه : فديتك بس الله يحفظك و يخليك لنا
ألكل : امين
بو ساره : تصبحون على خير
ساره و سماره : و انت من أهله
ساره راقبت ابوها لين ما طلع بعدين لفت على سماره : الحين هذا ما عروضه على التلفزيون
سماره بعصبيه : لا لا لا لا و لا يا اخي بس خليني أطالع طفشتيني
ساره بضحكه : هههههههههه بسكت لا تاكليني
سماره : يكون احسن
كملوا الفيلم و ساره ترتجف من الخوف و كل شوي تسأل سؤال لين ما عصبت منها سماره و ضربتها و قالت لها انها اذا ما سكتت راح تشوف شي ما بسرها
__________________________________________________ ______
اليوم الثاني الصبح الساعة 8
لطيفه على غير العادة اول من قام طلعت الصاله و شافت الشباب و مبين من وجوهم انهم توهم قاعدين من النوم
راحت قالت للشغالة تسوي لهم فطور و طلعت للبحر ، حست بصوت و قالت يمكن تتوهم بس لما التفت تبين لها انها ما تتوهم و خافت قامت تركض و هالأشياء يركضون وراها
لطيفه و هي واقفه على سيارة رائد السوده و بصراخ : بنات شباب ساعدوني
الشباب طلعوا و شافوا لطيفه واقفه على السياره و الكلاب ينبحون و يبون يوصلون لها
نواف بعصبية : سلطان وخر كلابك عن اختي
سلطان و هو متكتف و ببرود : مو كلابي
رائد بعصبية : اجل كلاب مين
نورة اللي اطلعت و ابتسمت و بصوت عالي : جيني ، بلاك ، سون
الكلاب التفتوا على نورة و ركضوا لها و تجمعوا حولها و هم ينبحون بفرح
محمد بصدمه : كلابك
نورة هزت راسها بنعم و وقفت و بصوت عالي : stop (( توقف ))
الكلاب وقفت جمب بعض و طالعوا نوره
نوره و هي تاشر على الشباب : shake hands (( مصافحة بالايادي ))
الكلاب قربوا من الشباب بعدين و قفوا على رجولهم بخفة و مدوا يدهم لهم
الشباب سلموا ما عدا رائد
سلطان : رائد سلم احسن لك
رائد : مراح اسلم على هالقرف
سلطان بابتسامه : نصحتك لا تقول بعدين ليش
الكلاب طالعوا رائد اللي يطالعهم باستحقار و التفتوا لنورة اللي غمزت و هي تبتسم
الكلاب نبحوا بصوت عالي و رائد بعد من الخوف و لما شاف وضعيتهم و هم واقفين مستعدين للهجوم ركض و هم وراه و الكل قعدوا يضحكون عليه
رائد و هو يركض : نورة مسكي كلابك
نوره بابتسامة : ليه تحقرهم
رائد : مراح أحقرهم بس وقفيهم
نورة : وقف و راح يوقفون
رائد : تكذبين
نورة : و الله العظيم
رائد : طيب بس اذا ما وقفوا راح أذبحك
نورة بضحكة : لا راح يوقفون
و فعلا رائد وقف و الكلاب وقفوا و طالعوه و قاموا ينبحون بصوت عالي
رائد : زين سكتيهم
نورة و هي تبتسم : ما يوقفون لين ما تسلم مد يدك و سلم و راح يوقفون
رائد مد يده و الكلاب وقفوا و سلموا عليه بعدين راحوا يركضون داخل الشاليه
نواف : وين راحوا
نورة : ما ادري
الكلاب رجعوا و مع كل واحد فيهم كيس قربوا و عطوهم رائد
رائد و هو يطالعهم : وش هذا
نورة و هي تقرب و تطالع داخل الاكياس و بابتسامة : يحبونك
رائد باستغراب : ايش
نورة و هي تمد الكيس الأحمر له : صاروا يحبونك و يبونك تسوي لهم كل شي أمسك هذا الكيس فيه ألعابهم يبونك تلعبهم اما الازرق فيه أدوات الحمام حقتهم عشان تسبحهم و الأخضر فيه صحونهم حقت الأكل و صحونهم حقت الماي و كل واحد محفور عليه اسمه يبونك تعطيهم اكل
رائد : وش عرفني باسمهم
نورة : هذا الكلب الاسود الذكر الوحيد و اسمه بلاكر بس نسميه بلاك اما الكلبه البنيه الساده اسمها جين و نسميها جيني اما الكلبه البنيه و فيها بقع اسمها سوني و نسميها سون
سلطان و هو يصفر حق بلاك اللي راح له و قام يمسح فيه : خونت فيني و صرت تحب رئود ها
بلاك جاب طبق الاكل البني حقه و حطه عند رجل سلطان و هو مسح على راسه : يا وفي
بلاك نبح و قام ينط سلطان التفت حوله و ابتسم ابتسامه خبيثه و خذه الكره و رماها جهة البنات و الكلب راح يركض لهم
نورة : بنات لا تركضون
البنات ما سمعوا كلام نورة و راحوا يركضون بكل جهة و الكلب ترك الكره و راح يركض وراهم
رائد : الحين مين بيساعدني
الشباب : كلنا
توفي و هي توقف و الكلب وقف معاها : احنا بنساعدكم صح بنات
البنات : صح
نورة : يلا اجل خل نبدأ
__________________________________________________ ________________
البنات و الشباب وش راح يسوون مع كلاب نوره ؟!
ساره و سماره وش راح تكون ردة فعلهم بالكلاب ؟!
و مازن و اختفائه وش وراه ؟!
كل هذا بالبارت الجاي
(( اجعلوا الطيب و الرفق عنوانا لكم ))

رد: روايه ان كان العناد يهز صخر انا عنادي يهز جبال

روووووووعه صراحه ابداع


تم الإرسال بواسطة iPad بإستخدام منتدى عبير