رد: روايتي الأولى ..الكاتبة أمل للقاء ♥

واو
الروووايه مره جميييييله
شووووقتيني وخالقي
بإنتظار الجزء الخامس^_^

رد: روايتي الأولى ..الكاتبة أمل للقاء ♥

ي روحي إنتي ، أشكر متابعتك الجميله إنتي وكل من دعمني ،وربي أسعدتوني بكلامكم أيا كان ..

رد: روايتي الأولى ..الكاتبة أمل للقاء ♥

{ الجزء الخامس }

قرصتها زهرة بخجل : أنا الحمدلله بخير ماأشكي باس ،وعزوزي على قولتك ما لك شغل فيه ،وأكملت بدلع : وهوأكيد بخير دامني بخير ،شوي ودق جوالها ،طلعته من شنطتها وإبتسمت وطلعت من المجلس تكلم ،
كشرت العنود وقالت لسمر بإنفعال : وش لك تطرينه ،يعني لحد الحين ماعرفتوا إنه جني من تحظر سيرته طلع من تحت اﻷرض
ضحكو البنات عليها ، وأكملت العنود وهي تأشر لبنت عمتها : حتى إسئلو غادة عن اﻷسبوع اللي راح في بيت جدي ، وأكملت بتمثيل للبكاء : تخخيلو بس سألت زهرة عن يوم زواجهم ثواني وإتصل يخبرها إنه جاي لها
زادة البنات بضحكهم ،وقالت رنيم بضحكة : سبحان الله ولد حلال من نذكر إسمه حضر
قالت غادة وهي تحط يدها على خدها بتمثيل هي اﻷخرى : إييه ،سرق خالتي الوحيدة مني ،الله يسامحك ي عبد العزيز
تكلمت أخيرا عبير الجالسة بجنبها بزاوية المجلس وقالت : خير إن شاءلله خالتك الوحيدة ،وعمتي وصايف وين راحت
قالت لها العنود بسخرية : راحت الرياض ونستنا
قالت بحزم أختها الكبيرة وهي تضرب راسها بخفة : إحترمي عمتك يا بنت
قالت لها العنود بنرفزة : اي هنوفو ي دفشة، وبعدين وأنا الصادقة متى أخر مرة شفناها ولا شفنا أولادها وبناتها
ردت عليها الهنوف بتأنيب : ولو تحترمينها وبعدين إنتي ماتدرين وش عذرها وظروفها
قالت سمر تأيدها بهدوء : صحيح كلامها ماتدرين يمكن ظروفها تحكمها وإحمل أخاك المؤمن على 50 محمل
ضربت كتفها العنود وهي تقول بحماس : درر يا بنت عمي درر ،من متى الأحكام ذي
إتسعت إبتسامة سمر حتى بانت غميزاتها ،وتقلصت إبتسامتها لمن سمعت رنيم تقول بسخرية : 70 محمل يأم الدرر لاتحرفين ، ووجهت كلامها للعنود وهي تقول : : وبعدين هذي مو حكمة هذا حديث شريف
تحمحمت العنود وقالت سمر وهي تحك شعرها : أمم ،مادري كيف تذكرتها 50 محمل
رجعت لهم زهرة بإبتسامة واسعة وجلست معاهم بجنب ريم
قالت ريم وهي ضامة يدينها لصدرها برومانسية : ياي هذا اللي يسمونه الحب
إحمر وجه زهرة من الخجل وضربتها على ظهرها ، ضحكت ريم وقالت الهنوف وهي تطالع فيها بحدة عشان لا تحرج زهرة أكثر : ريم بلا قلة أدب
قالت العنود بتمثيل وتفاجئت بطريقة كودميدية وهي تشوف ريم ماسكة جوالها : أووه المتوفية مين صحاها ؟ ،وأكملت بسخرية : إرجعي إعتكفي على جوالك أحسن لك
كشرت ريم ورجعت حطت سماعاتها بإذنها وتحوس بجوالها
قطع على سوالفهم صوت أم خالد وهي داخلة المجلس الواسع حاملة صحن الغدا ووراها الشغالات حاملين بقية الصحون : تفضلو يلا وصرخت على البنات الجالسات بزاوية من المجلس : يا بنات قومو ساعدو
فزو البنات يساعدونها والحريم تجمعوا حوالين سفرة الأكل،
جت ريم وهي جايبة صينية المشروبات وحطتها على الأرض وقالت بصوت عالي : يجماعة وش تبوون ؟
وصلتها إجابات متفرقة وبدت توزع وساعدتها رنيم الجالسة بجنبها
قالت سمر بضحكة وهي تشوف العنود جاية تركض حاضنة قارورتين لبن و قارورة ماء وجلست جنبها : سلامات ،وش فيك
قالت بلهاث وهي لساتها حاضنة اللبن والماء: لبن اب سارقته من جناح أخوي ،وقالت وهي تفتح قارورة الماء : تعرفينه مدمن لبن وأنواعه كله فوق عنده وأنا اللي عندي خلص
قالت سمر بسخرية : ومن متى يالصحية تشربين لبن ،اللي أعرفه إنك مدمنة سفن اب وش اللي صار
قالت العنود بغروور : ههاي خلود مو أحسن مني ،وأكملت بحماس : وبعدين إكشفت إن الغازيات تنفخ البطن فحبيت أكون صحية وبدلتها باللبن، وبإبتسامة بلهاء : وأدمنته
ضحكت سمر وقالت : الله يخلف عليك بس
~ ~ ~
الظهر 2:16
قام واقف لما أحس بالشبع وهمس : الحمدلله رب العالمين،وبصوت جهوري : كثر الله خيركم خالي ،سفرة دايمة
رد عليه خاله بإبتسامة : بالعافية ،الخير خيره رب العالمين
توجه للمغاسل وغسل يده ،وهوراجع وينشف يده رن جواله فطلع الحديقة عشان يكلم بهدوء ،طلع جواله من جيبه ورفعه وشاف إسمه البغيض ،تأفف وضغط زر إغلاق المكالمة ،جاه صوت أخوه من يمينه : ماجد
لف مماجد راسه له بصمت وتعابير جامدة
سأله بتوتر : هم ؟
رفع ماجد حاجبه
تنهد وقاله بتأنيب : ماله داعي التمثيل ،للحين يدقون عليك ؟
نزل ماجد حاجبه وطالع بالأرجوحة البعيدة أمامه وهو يدخل جواله بجيبه
قال أخوه بطفش : الله ياخدهم ماملو ؟، يمكن لو نقول لأب..
رجع ماجد لف راسه لأخوه وقال بحدة : فارس !، ولاتفكر
رد عليه فارس بقلة صبر : ياخي لمتى يعني ،ساكت عنهم أكيد راح يتمادون ،أبوك أكيد بيوصله خبر بالنهاية والأفضل يكون منك
التفت له ماجد بجسمة وهو يقول : إنت شفت رد فعلهم تجاه زياد ولد خالك وهو متورط فما بالك أنا اللي أدري وساكت ،وأكمل وهو يصد وبصوت مهموم : صحيح إني ممتن لزياد اللي أخفى عنهم أمري لكن بنفس الوقت أبي أصلح غلطتي ببهدوء وبدون ماحد يتدخل
قال فارس بهدوء : مع إنك ماقلتي السالفة كلها لكني واثق إنه مو برضاك
التفت له أخوه وقال بعد برهة من الصمت : مشكور ع ثقتك ، بس برضو إنت لا تشغل بالك بأشياء تافهة
حوط فارس رقبة أخوه بذراعه ومشى معاه متجهين لداخل المجلس وهو يقول بمزح : إمش بس يالتافه
إبتسم ماجد وفك يد أخوه الصغير عن رقبته وهمس : دفش
قال ولد خالهم وهو يشوفهم يجلسون بإبتسامة وهدوء : ها يالتوأم المختلف ،وشعندكم شاقين الخشة
قال فارس وهو يأشر على نفسه وعلى أخوه : أي توأم يالأحول ،ولالأربع السنين اللي بينا مو بعاجبتك
قال سامي يشرح له : أنا ماقلت توأم يعني بالعمر قصدي إنكم ع طول مع بعض وكذا
قال فارس بغرور وهو يسند ذراعه على كتف أخوه : ياخي قل إنك غيران ماعندك أخوان زينا أنا و مجود
قال سامي وهومكشر : عندي بدل الواحد إثنين ،وأكمل وهو يطالع بأخوه اللي جالس يسولف مع عمه : بس الشكوى لله زياد بعيد عني ومحيميد ..قال بضحكة : مستحيل
سأله فارس بإستغراب : وشو اللي المستحيل ؟
جاوبه بجدية مصطنعه وهو يأشر براسه على يد فارس المسندة على ماجد : تعرف لو يدي حاطها على كتف محمد أرجع بها مكسورة
ضحكوا الشباب وقال خالد وهو ميت ضحك : يلعن إبليسك على هالمبالغة
قال فارس بعد ماهدأ : صحيح إنه جدي ويمكن عصبي بس طيب وحبوب
سفهه سامي وقال لماجد بجدية : شرايك تبادل
إبتسم ماجد وسند يده على ذراع الكنب وهو يقلب بجواله ويطالع فيه وقال بهدوء :بإيش ؟
قال سامي وهو يبتسم بعباطة : إعطيني فويرس وأعطيك محمد ،وقال وهو يسند ضهره ويلوي فمه : و إنت ومحمد تنفعون لبعض
ضحك فارس وضرب كفه بكف سامي وقال بتأييد : إيه ولله صدقت نفس طخة محمد
رفع ماجد حاجبه وقال بذات الإبتسامة والهدوء : وش قصدك بنفس طخة محمد ؟
قال خالد يشرح بضحكة : قصدهم إنك ومحمد نفس الهدوء والجدية ، قاطعه فارس بإنفعال : وساعات نفس العدوانية
قالو بنفس الوقت بصدمة ماجد : أنا عدواني
سامي : أخوي عدواني
إنرسمت على فم فارس إبتسامة واسعة وقال بتبرير : قلت ساعات ، بعض الأحيان ،some times
ضحك خالد عليه وحك ذقنه بتفكير وقال وهو يتأمل محمد المندمج بسوالفه مع عمه : بس يا شباب مالاحظتو الشي الغريب بهالإثنين ؟
قال ماجد بإبتسامة جانبيه : محمد وعمك ياسر ،النقيضين
ضحك فارس بسخرية وقال : جد مع إنهم نقيضين بأغلب صفاتهم إلا إن كل واحد مقابل الثاني أربع وعشرين ساعة وسوالف ما تخلص
أيده سامي وقال : ساعات أحسه أقرب شخص لمحمد
إنتبه ياسر على الثمانية العيون اللي تراقبه ووصلهم صراخه : وش عندكم يا شلة الدمار تحشون فيني
التفت لهم محمد اللي كان معطيهم ظهره وشافهم يتأملونهم ،وإبتسم عليهم
حط سامي يده على صدره بتهويل وقال بطريقة كوميدية وهو يضرب يد فارس : أخوي محمد يبتسم ،صور صور فريس لحظة تاريخية ما تتفوت
صخب الكل بضحكهم وقال فارس بضحكة وهو يدف سامي من ظهره : كل تبن زين ،اﻵدمي ما بقيت فيه شي أكلت لحمه كله وإنت تغتابه
التفت له سامي وقال وهو يضيق عينه فيه : قل قسم بس ماكنك مشارك بالغيبة
رفع خالد يدينه وقال وهو يوقف : أنا إنجرفت معك بالحديث وعفا الله عما سلف
لكمه سامي على بطنه وقال : أنقلع بس يالنذل
رد له خالد الضربة على راسه وقال بحزم : ولد إحترمني أكبر منك ،وقال بنذالة : ترا أحرض محمد عليك
طالعه سامي ببرود وهو رافع حاجبينه بتكبر : سوها يلا بشوفك
قال خالد بدهشة : أها تتحدى يعني ،ووإلتفت لمحمد وهو يصرخ : محما...

رد: روايتي الأولى ..الكاتبة أمل للقاء ♥

ماشاءالله روايه
جميله كجمال روحك
بإنتظار الجزء الجاي بشوووووق^_^

رد: روايتي الأولى ..الكاتبة أمل للقاء ♥

{ الجزء السادس }
فز سامي وحط يده على فم خالد وقال وهو يهمس له : ياتبن تبيني اليوم ماأنام الا بمحاضرة وتصير قصة ما قبل النوم
قاله خالد بضحكة وهو ينزل يده عن فمه : أحلى قصة ولله
سمعوا أبوه خالد يناد على خالد ،فقال سامي وهو يدفه : رح بس شف أبوك وش يبي منك
ضحك خالد بخفة وراح لأبوه
رجع لهم خالد بعد دقايق وقال سامي بمحارش : هلا بأبونا
طالعه خالد بزاولة عينيه وقال وهو يجلس : أقول بس فكني من هالمسمى الغبي عشاني أكبركم ، وأكمل بإبتسامه جانبية : وعلى فكرة معلوماتك غلط ماني أكبر واحد بالشباب بالعايلة
طالعوه بإستغراب وقال ماجد : من قال إنك ،محمد أكبر مني بسنة بس يعني عمرة 29 وإنت أكبر مني بسنتين يعني 30 فتصير أكبرنا
قال بذات الإبتسامة : وبسام أكبر منك بثلاث سنين يعني 31 فيصير أكبرنا
بهت وجه ماجد لما تذكر وقال بإبتسامة : إيه صحيح ،بسام ولد خالتي أكبر
قال سامي وهو يصفر : يعني بتعتزل اللقب ،يأبونا
هز راسه بنعم وهو يبتسم
قال فارس بإستغراب : بس خالد إنت وش دراك بعمره إحنا زين عرفنا إن عندنا ولد خاله وإسمه بسام
أجابه خالد بشرود : ولد عمتي كيف ماأعرف عمره
قال ماجد بعد صمت : أخر مرة شفت خالتي وصايف كان عمري 7 أو 8 سنوات ،ومرة وحدة إنقطعت عنا لا هي إتصلت فينا ولا زارتنا ،وصرنا مانعرف أخبارها
قال فارس : أما أنا ماتذكرها بصراحة ،وإلتفت لأخوه وسأله : كيف شكلها ،وبسام ولدها كيف شخصيته
ضحك ماجد بخفة وقال : بالنسبة لشكلها فأنا واحد ما أعرف أوصف ،أما ولدها بسام صراحة ما أتذكره تماما ،ورفع عينه لخالد وهو يقول : بس أذكر إنه علاقته بخالد زي علاقة محمد بعمكم ياسر
ناظر فارس خالد بدهشة وقال سامي بحماس : أجل صديقه يا خالد وما تقلنا
ناظره خالد وإبتسم بحنين وهو يقول : كنت وياه 24 ساعة ،تصدقون حتى بجرايمه معاه
قال فارس بإنجاز : عرفنا أول صفة فيه إنه عدواني
ضحكوا عليه وقال سامي وهو يدفه : وش سالفتك إنت مع العدوانية ،الله يستر منك إن جاه علي الدور عادي بكرا تطلعني زعيم مافيا
زادو بضحكهم وقال خالد وهو يتذكر : يمكن صحيح عدواني ،لكنه يعجبك وقت الشدة أول من يفزع لي بهوشاتي
قاله فارس بصدمة مصطنعه : حتى إنت عدواني
وقف ماجد وقبض يده بمزح وكأنه بيلكمه ،طالع فيه فارس بجدية وقال : أيوه إطلع على حقيقتك ،وتقول مو عدواني
ضحك ماجد وجلس وهو يقول : وربي يبيلك من يهلكك من الضرب
سأل سامي خالد فجأه وهو يأشر على ماجد : وين كان الأخ العدواني وقت هوشاتك ،ليش ماطلع عدوانيته على قولة فارس وفزع لك
سكت خالد وإبتسم وهو يتذكر ،على طول ناظر ماجد وفاجأهم ماجد بضحكة من قلبه نادرا ما يسمعونها منه وهو يتذكر موقف من الطفولة
ناظره خالد بضحكة وقال بتخمين : عروسة زه... ،قطع كلامه بضحكة من قلبه هو الأخر لما شاف ماجد يأشر بإييه وهو ميت ضحك
طالعو بعض سامي وفارس بإستغراب ودهشة وقال فارس : وش السالفة
قال خالد بعد وهو يحاول يهدي : أووه ،يلعن بليسك ي ماجد
ماخلص كلمته إلا وغاص ماجد بالضحك مرة ثانية
قال فارس بنرفزة : يوووه إنطقوا وش صار
قال خالد : أنا أقولكم السالفة وبنفس الوقت يا سامي بتعرف الأخ (وهو يأشر على ماجد) ليش ما يفزع لي
رجع ماجد يضحك بخفوت ويده على بطنه ،مد سامي يده قدام ماجد وهو يرجعه عبى ورا ويقول لخالد : خلك من هالسكران وكمل الس..اي
ضربه ماجد على راسه وإعتدل بجلسته وهو يقول ودموعه بعيونه من الضحك : كل تبن
قال خالد : هدا يإبن الحلال ماجد طفولته أغلبها مع زهرة عمتك ﻷنه (وبضحكة) كان يميل لبعض اﻷشياء الأنثوية
عض ماجد شفاته وكتم ضحكته أما سامي وفارس فصخب المجلس بضحكهم العالي
ضرب ماجد فخذ فارس بكوعه، وأكمل خالد : خلوني أكمل وإنطمو ،ماجد كان يلعب بدمى زهرة وعرايسها ،وﻷنه زهرة ماكان تقريبا بسنها بنات بالعايلة أكبر البنات كانت الهنوف إختي لكنها كانت صغيرة وما تفهم صار ماجد صاحبتها
صرخ عليه ماجد بإستنكار وضحك وفارس طاح بحضن سامي وميتين ضحك
وأكمل خالد : ومرة من المرات راحت ماجدة (وأشر على ماجد وهم يضحكون) مع زهرة للبقالة وكانت معاهم عروسة زهرة وهي حاضنتها، وهم راجعين للبيت قابلهم زعيم العصابة اللي بالحارة ولد منصور ال.....
قال فارس بإستنكار : لاتقول جسار
جاوبه خالد بإيه ،والتفت فارس لسامي وهو يقول : قايلك فيه شر مبطن بس ما صدقتني ،أنا مادري كيف صار دكتور
قاله خالد : لما كان بزر ألحين تغير ،المهم عاد قام أخذ عروسة زهرة ناوي هوشة وقام بطلنا الخارق وتهاوش معاه ،ورجع ماجد لنوبة الضحك لكن أخف،وأكمل خالد بين ضحكه : وألله لا يوريكم شكله وهو راجع للبيت ،أقسم بلله تقل عامل منحاش
ضحكو الشباب وأكمل خالد : وطبعا جاسر كان أكثر واحد صارت لي معه هوشات ،ومايقدر عليه إلا بسام ،ورجع ضحك وقال : وطبعا أنا من شفت ماجد هذا شكله وسألته مين سوا فيك كذا قالي جسار ،حلفت ما يجيني لما أتهاوش مع ولد منصور
زادو بضحكهم وقال سامي وهو يمسح دموعه : ومحمد وزياد ماكانو معاكم ؟
قال ماجد : محمد كان مع بسام وخالد لكن مو دايم ،وأما زياد طفولته معي أنا وزهرة لكن يوم اللي صار قصة العروسة ماكان موجود
قال خالد بضحكة : بس ماكان يلعب بالعرايس وأغراض البنات
ضحك ماجد وقال : أصلا كان يخاصمني ليش أجلش مع زهرا ولا أجلس معه
صمت ساد وكل واحد بعالمه شارد لين قطعه سامي وهو يقول : حمستوني لهالبسام
قال فارس وهو يتنهد : وأنا بعد ودي أشوفه وأشوف خالتي
إبتسم خالد وقال بغموض : إن شاءلله راح تشوفونهم
~ ~ ~
الخبر لازال يوم السبت 10:25 الليل
نزلت من السيارة أخر وحدة ودخلت الفلة وهي تضرب الأرض برجلها بقهر ، التفت لأبوها وهو يمشي معاها وقالت بنبرة باكية : بابا حرام عليكم ماقعدت مع البنات كفايتي جايبينا من الساعه 10 ليه ؟
زفر أبوها وقالها : يا رنومة نسيتي إن بكرا عندك مدرسة وأخواتك وأخوك بعد عندهم جامعة ،لازم تنامون بدري عشان بكرا لا تروحون وإنتوا تعبانين
دخلو الصالة ورفعت رنيم راسها وهي تصايح بطفش : أووف من المدرسة متى أخلص هالثلاث سنوات وأرتاح
التفت لها أختها الي رامية حالها على الكنبة وقالت بخبث : لا ياعومري ما بترتاحين لما تتخرجين ،بعدين بتجيك جامعه وشوفي عاد كم سنة عشان تخلصينها
زمت رنيم شفاتها وطلعت الدرج لغرفتها وهي تصرخ من القهر
ضحكت أختها بتشفي وضربها أخوها بإخدودية وقال : سمير وش هالنذالة ،ناقصين صوتها حنا
قالت سمر بإبتسامة مبينة صفة أسنانها : ماقدرت أمسك لساني ياخي وناسة هالبنت
قال أخوها وهو يضيق عينه فيها : تصدقين سمعت هالكلام من قبل لكن مو منك
طالعت فيه سمر بإستغراب وأجابها بإبتسامة جانبية : زياد كان يقول إنه ينبسط لما يحارشك وخصوصا إنك بسرعة تتأثرين بالكلام
إبتسمت له سمر وحطت يدينها تحت رقبتها (بوضعيه إسترخاء) وطالعت بالسقف وهي تقول ببهدوء : صحيح كنت أتأثر بأقل شي وهو ماقصر علي ،مايرتاح إلا إذا بكيت أو طلعت من المكان الموجود فيه
رسم على فمه إبتسامة حانية وهو يقول : إشتقتي له صح ؟
رجعت طالعت فيه سمروفتحت فمها بتجاوبه، لكن بتر كلامها صوت الهاتف وكان مافي إلا ثنينهم بالصالة
رفعت السماعه سمر بما إنه أقرب لها وحطتها بإذنها
سبقها الطرف الثاني وهو يقول بصوت هادي : ألوو
رفعت سمر راسها لأخوها وقالت بربكة وصوت أشبه بالهمس : هلا زياد

······························...........................

السلام عليكم جميلات ،مبارك عليكم الشهر الفضيل (ولو إنه جدا متأخر)
حابة أقول إن لحد هنا البارتات الأولى كانت تعريف للشخصيات الرئيسة ،وإن شاءلله البارتات الجاية تقريبا راح أبدأ بالأحداث ،وأنا من جهتي إستمتعت وأنا أكتب البارتات من الخامس للي بعده ،وأتمنى ما تلهيكم روايتي عن عباداتكم بهالشهر العظيم ،أتمنى إنها تفيدكم ولا تضركم ،وشكرا لكن جميعا عزيزاتي ..]

رد: روايتي الأولى ..الكاتبة أمل للقاء ♥

{ الجزء السابع }

أجابها بصوت حست بإبتسامته منه : السلام عليكم ورحمة الله وبركاته ،هلا بسمور كيفك ؟
قالت بإبتسامة شوق : وعليكم السلام ورحمة الله وبركاته ،هلا زياد أنا بخير الحمدلله ،إنت كيفك طمني عنك ؟
قال زياد : أنا تمام ،وش أخباركم أمي وأبوي محمد وعبير ورنوم كلكم بخير ؟ ،كلمت سامي أمس وقالي إنكم برا البيت ماقدرت أكلمكم
ردت عليه بحنية : كلنا بخير والحمدلله تطمن ،وحكت راسها بحيرة وقالت : أسفه زيود بس ترا مافي الا أنا وسامي صاحيين ،تونا جايين من بيت عمي أبو خالد
قال زياد : هههههه عشان تعرفين كيف حظ أخوك ،وش أخبارهم بيت عمي ؟
قالت سمر : كلنا بالخير ولله الحمد ،وقالت بصدق : ماناقصنا إلا إنت ياخوي
أجابها بصوت عذب : هانت حبيبتي ،هالشهر بكون عندكم إن شاءلله
فزت من مكانها بفرحة وصرخت : جد زيوود ماتمزح ؟
قالها بإستغراب : أكيد ،ليه ماقالكم سامي
ضيقت سمر عينها بسامي وقالت بقهر : تدري بالأخبار أول واحد ومنطم لييه
طالعها سامي ببلاهة، وقال زياد وهو يضحك : يمكن نسى يخبركم ع العموم أبوي عنده خبر أكييد
توسعت عيني سمر وقالت بإستنكار : بعععد ، وإن شاءلله كل العايلة تدري وأنا طوفة هبيطة بالبيت
ضحك زياد وقالها : محشومة سمورة ،أنا قلت لسامي بس ووصيته يقول لأبوي عشان يكون عنده علم ،وأكمل بصوت هادي : وبعدين إنتي من وين تدرين بأخباري أو أعرف أخبارك إذا تكلميني من عيد لعيد
إنخرست سمر وبلم وجهها ،وقالت بعد صمت بصوت مرح : يلا زيود سامي طفشني وهو يسحب السماعة يبي يكلمك ،أكلمك مرة ثانية إن شاءلله وحط بالك على نفسك مع السلامة ،عطت سامي السماعه وجلست على الكنبة
إستلم سامي السماعة وفهم ربكتها "أكيد كلمها زياد عن المرات اللي طلب يكلمها وهي تتعذر "
أجابها بصوت حست بإبتسامته منه : السلام عليكم ورحمة الله وبركاته ،هلا بسمور كيفك ؟
قالت بإبتسامة شوق : وعليكم السلام ورحمة الله وبركاته ،هلا زياد أنا بخير الحمدلله ،إنت كيفك طمني عنك ؟
قال زياد : أنا تمام ،وش أخباركم أمي وأبوي محمد وعبير ورنوم كلكم بخير ؟ ،كلمت سامي أمس وقالي إنكم برا البيت ماقدرت أكلمكم
ردت عليه بحنية : كلنا بخير والحمدلله تطمن ،وحكت راسها بحيرة وقالت : أسفه زيود بس ترا مافي الا أنا وسامي صاحيين ،تونا جايين من بيت عمي أبو خالد
قال زياد : هههههه عشان تعرفين كيف حظ أخوك ،وش أخبارهم بيت عمي ؟
قالت سمر : كلنا بالخير ولله الحمد ،وقالت بصدق : ماناقصنا إلا إنت ياخوي
أجابها بصوت عذب : هانت حبيبتي ،هالشهر بكون عندكم إن شاءلله
فزت من مكانها بفرحة وصرخت : جد زيوود ماتمزح ؟
قالها بإستغراب : أكيد ،ليه ماقالكم سامي
ضيقت سمر عينها بسامي وقالت بقهر : تدري بالأخبار أول واحد ومنطم لييه
طالعها سامي ببلاهة، وقال زياد وهو يضحك : يمكن نسى يخبركم ع العموم أبوي عنده خبر أكييد
توسعت عيني سمر وقالت بإستنكار : بعععد ، وإن شاءلله كل العايلة تدري وأنا طوفة هبيطة بالبيت
ضحك زياد وقالها : محشومة سمورة ،أنا قلت لسامي بس ووصيته يقول لأبوي عشان يكون عنده علم ،وأكمل بصوت هادي : وبعدين إنتي من وين تدرين بأخباري أو أعرف أخبارك إذا تكلميني من عيد لعيد
إنخرست سمر وبلم وجهها ،وقالت بعد صمت بصوت مرح : يلا زيود سامي طفشني وهو يسحب السماعة يبي يكلمك ،أكلمك مرة ثانية إن شاءلله وحط بالك على نفسك مع السلامة ،عطت سامي السماعه وجلست على الكنبة
إستلم سامي السماعة وفهم ربكتها "أكيد كلمها زياد عن المرات اللي طلب يكلمها وهي تتعذر "
ضمت يدينها بحضنها وناظرت الأرض بتقطيبة حاجب " مو زياد ،مو زاد اللي كلمني تو كثيير تغير ،مادري صار رسمي ولا هادي ولا مؤدب ولا وش السالفة ،شخصيتة أبدا ماتوحي لزياد اللي شفته يكلم هذاك اليوم " إبتسمت بأمل "يمكن تغير ،عرف بغلطه وتاب ،هو أصلا من قبل سفرته تغير ملاحظة ذا الشي وإن شاءلله للأحسن "
صحاها من عالمها صوت أخوها وهو يحط السماعة ويقولها : يعني كان لازم تبينين له إنك مو طايقته
طالعت توأمها بصدمة وهي تقول بصوت مدهوش : في وحدة تكره أخوها ياسامي
أجابها أخوها بحيرة : أجل تصرفاتك وش تقول ،سمر أنا ماني فاهم وش اللي سامعته على أخوك يخليك تتجنبينه بهالشكل
طالعته سمر بحزن " ما أتجنبه بس من الصدمة ،والحين مالي وجه أناظر بعد ما ضنيت فيه سوء ..، وأتمنى فعلا إني ظنيت مو صحيح صار ،يوووه ياسمر خلاص زياد تغير مبين عليه "
قالها بهدوء لما شافها ترجع لسرحانها : لا يكون مصدقة سالفة المخدرات ،إنتي شفتيه رجع وإعتذر وإستسمح من أبوي وإعتذر منا كلنا ووعد أبوي إنه يتغير ويبتعد عن كل شي يضره و يصغره بعيننا ،وعشان يثبت هالشي بنفس الشهر راح يكمل دراسته
قالت له بحدة : عارفة إنه كان ضحية بسبب #### ولله لا يسامحهم
قالها وهو يتنهد : أجل وش سالفتك معاه
زفرت بضيق وقالت وهي تركب الدرج لغرفتها : مافي سالفة وريح بالك ،تصبح على خير
طلع وراها وإفترقو بالممر كل واحد لغرفته وقال : وإنتي من أهل الخير
~
كندا 5:30 العصر
سكر السماعة وزفر بضيق ،جفاء أخته محير ،كانت أقرب فرد بالعايلة له ،وفجأه صارت تتجنب الحديث معه ،رجع بذاكرته لليوم اللي قرر يسافر فيه يكمل دراسته
* قبل 3 سنوات..
(( مسكت يده بحنيه و هي تقول بصوت متحشرج بعبرة : يمى لاأوصيك إنتبه لنفسك زين ،وحافظ على صلاتك ولا تأخرها ،والقران يايمى لاتهجره ،مافي شي ينفعك بالغربة إلا قربك من ربك ،تقرب لله بالطاعات عشان تتوفق حبيبي
قاطعها صوت ولدها من بعيد وهو جاي ويقول بمزح : يمى ماخلص سلامك أبي أسلم عليه
ضحكت وضحك أخوه وقاله وهو يضمه : ترجع لنا بالسلامة ،بالتوفيق إن شاءلله
قاله أخوه : الله يسلمك ،وأنت بعد ياسامي ماأوصيك على نفسك ودراستك ،وإنتبه لخواتك وأمك
قال سامي بمرح : ماشاءلله زيود ،ولله كلامك كنك جدي على هالوصيات
دفه زياد وهو : يقول إذلف بس ،وتلفت وقال بإستغراب : باقي سمر ماسلمت علي وينها ؟
إختفت إبتسامة سامي لما تذكر إنها قافلة على روحها غرفتها وبتنام بدون مبالاة بأخوها ،همس له وهو يقرب منه : روح لها غرفتها شكلك مزعلها قافلة على روحها الباب
تنهد زياد وهو ملاحظ تغير أخته عليه ،راح لها غرفتها ودق الباب ، جاه صوتها : ميين ؟
جاوبها : إفتحي سمر هذا أنا
ثواني وإنفتح الباب وجلست على سريرها بدون لا تناظره ،أغلق الباب وجلس بالصوفا اللي بجانبها وقالها بعتاب : ماتبين تسلمين علي ؟
ناظرته ورجعت ناظرت الأرض وقالت بهدوء : ترجع لنا بالسلامة
سكت شوي وقال : وش فيك ؟
رفعت راسها له بإستغراب فأكمل : زعلتك بشي ؟
أجابته : يمكن
تقدم بجسمه شوي للأمام وقال : بوشو ؟
ناظرته بصمت وتنهدت وقالت وهي تبعد نظرها عنه : مابي أتكلم بشي ،إنت شوف وش الشي اللي سويته وزعلني ،ورجعت حدقت فيه بتشكيك : ولا لهالدرجة صعب
قطب وقالها بحيرة : ماأذكر شي ،تكلمي ناظرته شوي وقالت بصوت أقرب للهمس : إنسى الموضوع ،إنت وش فيك ؟
رفع حاجبه بتعجب وقال : بتقلبينها علي يعني ؟
جاوبته سمر بإنفعال : ليش أنا المتغيرة ولا إنت ،ووطت صوتها : بس إن شاءلله للأحسن
زفر وقال : لا تغيرين الموضوع ،كيف أراضي سموك ؟
عظت شفاتها بتفكير بعدين قالت : أحسك بديت تراضيني ،ناظرت حوالينها وقالت بتغير لزعل ثاني : يعني إنت متغير والكل يشوف كيف ما قمت تمزح زي قبل ،ولا تطلع من البيت كثير ،وصرت كلا سرحان وأنا الي كنت دلوعت...( بترت كلامها لما إنتبهت على نفسها )
إبتسم زياد على جنب وضيق عينه فيها : إيه قولي كذا من الأول مسوية لي فيها فلم هندي ،سمور إنتي للحين دلوعة زياد وللحين صديقتي وأختي اللي أحبها وما أرضى عليها ،بس ولا يهمك إن كان طفشتي مني وماعجبتك أزوجك واحد يدلعك ويدلع أبوك بعد
حمر وجهها من الخجل ،خزرت بوجهه بإحراج و لفت وجهها
قالها بإبتسامة لطيفة وهو يمسح على راسها ويوقف : وبعدين عندك سامي ومحمد وأنا كلها كم سنة وراجع ،وباس راسها وهو يهمس : إنتبهي لنفسك يا دلوعة زياد ،وطلع ))
رجع للواقع وهو يناظر الباب " صحيح إنها بدت ترجع علاقتها معي زي قبل ،لكن ماأقنعني سبب تغيرها أو زي ماسمته زعلها علي " تنهد وقام يتوظأ لصلاة المغرب
~ ~ ~
الخبر 11:00 بنفس اليوم
ناظر بملل أخوه اللي رجع راسه لورا وهو يضحك وقال بإستهزاء : إبتدت عندك هلوسة النوم أخ فارس ؟
جاوبهوهو يالله يلقط أنفاسه : ولله النكته تضحك شوف شوف ،مد جواله لوجه أخوه وراقب تعابيره
قرأ المكتوب بالجوال ورجع ناظر فارس بنص عين
قال فارس وهو يرجع الجوال لحجره وقال بضحك : يا عمي إذلف بس واحد منفس وما في شي بهالعالم يضحكك
قال أخته بضحكة : هو منفس وأنت مهلوس ،فعلا نقيضين
إنفجرو الإثنين بالضحك وكلمه نقيضين ذكرتهم باللي صار قبل كم ساعة (الشباب لما قالو عن محمد وعمه ياسر نقيضين )
طالعتهم بإستغراب وقالت : لهالدرجة يضحك كلامي
فارس و كأن كلام أخته زيادة جرعه بهلوسته ،قال وهو يحط بطنه بخصره : اه ،الله يلعن إبليسك ياغادوو بطني يعورني ،وقال بين ضحكه : بطاطس
قال أخوه وفعلا حالة فارس الغريبة تدفعه للضحك : فويرس روح نام لا تخربها الليلة ترا جد بديت تخرف
قالت غادة بهبال تجاري فارس بهلوسته : فارس وين مفتاح سيارتك ؟
رد عليها بضحكه وعينيه مدمعة : أكلها ماجد
صخبت غادة بضحكتها وقام ماجد وقوم أخوه من يده وهو يقول : فارس قوم وياي بس
أشرت له غادة بين ضحكها وقالت : خله خله نسولف معاه
قالها وهو يمشي معاه : تهبلين فيه قصدك
وراح معاه لغرفته وفتح الباب وقال : يلا نام ،طالع فيه فارس و قال بعد ما تثاوب : وإنت ؟
رد عليه ماجد لما شاف عينين فارس المحمرة : أبي أعرف بس ليش تقاوم دامك نعسان
قاله فارس وعينيه شبه مغمضة ونبرته جدية : ماجد وش بتسوي معهم ؟
فهم ماجد قصده طالع فيه برعب وقال : هالأهبل ،زين ما تكلمت تحت وفضحتنا ، وقال بإستياء : بس زين نبهتني ما أقولك عن سر أبد عشان لا تفضحني وأنت مهلوس
ناظر فيه فارس بعينين زايغه وعدم فهم
طلع وسكر الباب وهو يقول : نام بس
~ ~ ~
12:10 منتصف اليل
إتكى على يده وهو يناظر فيها تمسح المناكير الأسود من أظافرها بالمزيل وإبتسم وقال بسخرية : وش هالألوان الخايسة اللي تحطونها أنتم ؟
رفعت راسها وناظرته بملل ورجعت تمسح بالمنديل وقالت ببرود : لو سمحت أستاذ خالد أشياء بناتية مالك شغل فيها
قالها بفلسفة : مو ياأختي العزيزة بكرا بتتزوجي رجال ويبي يشوف ألوان تعجبه ،فأنا بدوري كأخ أعطيك رأيي عشان تاخذي فكرة عن أذواق الرجال
طالعت فيه بإعجاب وقالت : تعرف دائما تحور بالمواضيع وتقلبها لصالحي
قال بغرور ونرجسية : إسمه فن الحوار والتحاور يا ست ريم وليس تحوير بالمواضيع
قالت بلامبالاة : اللي هوه
تلفت خالد وقال بإستغراب : وين العالم
قالت ريم : العنود ماصدقت ضيوفها راحو كملت نومها ،والهنوف بغرفة أمي تدلك لها رجلينها ، وأبوي نايم
إبتسم وقال : ماشاءالله جاهز التق...
بتر كلامه صوت جواله يرن ،طلعه من جيبه وإبتسم لما شاف اسم المتصل
قالت ريم بإبتسامة خبث : إتصالات بنصوص الليول وشاق الضحكة عليها ،غلطة فادحة إنك تسويها قدامي
إختفت إبتسامته لما إنتبه لريم اللي قدامه و إنه بكرا بيصحى من نومه العايله كلها عندها خبر ،وقف ماخذ جواله معاه وطلع وهو يأشر على يدها ويقول : كملي بلاويك بس ونتي ساكته
وطلع برا الحديقة ،رفع جواله ورجع إتصل على الرقم وبعد كم رنة جاوبه الطرف الثاني بصوت هامس : ألو
رد عليه خالد : السلام عليكم ورحمةالله
على نبرته شوي بس باين عليها التعب : وعليكم السلام ورحمة الله وبركاته ،هلا خالد
قاله خالد بإهتمام : هلا فيك ،وش أخباركم عساكم بخير ؟
رد عليه بإستهزاء :على حالنا ،من سيئ لأسوء ،إنت بشرني عنكم
جاوبه بتنهيدة : الحمدلله على كل حال، وأخيرا إنتبه لنبرته وقاله بتساؤل : وش فيك صاير شي ؟
الطرف الثاني اللي كان بسيارته ومسند راسه على الدركسون رفعه وسند ظهره وقال بهم : طفشت ياخالد وتعبت كثير ،كل يوم أقول أبوي إعتدل خلاص ،يجي بكرا وأمي منهاره من فعايله
قاله خالد بخفوت : تصبر وإحتسب الأجر يا بسام ،ربك ماأحب عبد إلا إبتلاه
زفر بسام وهمس : يارب ألهمني صبرك يارب
إبتسم خالد وقاله : بسام ،عارف الحل اللي يفكك صح ،بس بمقابله تضحي






السلام عليكم جميلات ..

ظهور الشخصية الجديدة ( بسام ) .. مافكرتك عنها ؟
وما هو الحل اللذي إقترحه خالد على بسام ،ومارد بسام عليه ؟

أتمنى رؤية ردود ^^..

رد: روايتي الأولى ..الكاتبة أمل للقاء ♥

ياذوق ،ماعجبتك الرواية لا تقرينها ماله داعي التعليق الجارح ،أحترم رأيك يمكن روايتي مو النوع اللي تفضليه ،بس أتوقع إنه من الذوق تحترمي محاولتي وع الأقل قلتي سلبياتي وساعدتيني وكسبتي فيني أجر ... أشكرك ع النقد بإسلوبك !

رد: روايتي الأولى ..الكاتبة أمل للقاء ♥

اهليييين خيتو الروايه روووووووعه واسلوبك عجبني وبتمنى تكملي الروايه وطبعا بكل روايه راح يطلعلك واحد مش عاجبو الروايه لا تهتمي إذا واحد مش عاجبيتو الروايه ميه بتكون عاجبيتهم امممم بتوقع خالد يزوج اختو ريم لبسام حتى تبقى مع أمو وما ياذيها أبوه والله اعلم استمري بالروايه ولا تطولي اختك ملكه


تم الإرسال بواسطة iPhone بإستخدام منتدى عبير

رد: روايتي الأولى ..الكاتبة أمل للقاء ♥

اهلا فيك يا جمييله ،أشكرك على رأيك من ذوقك حبيبتي ♡
أكييد لازم يكون أحد ماعجبته الرواية الناس أذواق
...بالنسبة لتوقعك ،قربتي شوي
تسلمي ع الدعم إن شاءلله قريب بنزل بارت ...وأسفه على تأخيري ،كل الشكر لك عزيزتي

رد: روايتي الأولى ..الكاتبة أمل للقاء ♥

تسلمي حبيبتي لا براحتك الوقت اللي بدك ياه نزلي البارتات بس تأكدي اني متابعه جديدك. اختك ملكه


تم الإرسال بواسطة iPhone بإستخدام منتدى عبير