توحــــمت ميــمتي بقمــر ف جــابتـني لكـم

**" NOUR 3INY "** · 07-06-2016, 04:56 PM

رد: توحــــمت ميــمتي بقمــر ف جــابتـني لكـم

أوه <<يشهق

تعب شديد والله ماتوقعت بآتعب بدوام برمضآن مثل تعب الحين..بس يلا صبرا جميل

صليت الفجر ودخلت آحاول آنام وماجاني النوم إلا ع 7:30 تقريبا نمت وصحيت ع :80:30 موعد السرحه...لبست وخرجت ع الجامعة..

المحاضرة الاولى عدت ووضعي تمام شوي بس بعدها في وقت الفراغ من 11:15 إلى 2:20 تعبت تعب مو طبيعي آجتمع عليا العطش والنوم والحر..

بايام الدراسة كنآ نعآني من برودة التكيف ومانقدر نتحكم فيها من القاعة..

بس هالمره عانينا كثير من الحر..ودخلت للقاعة عشان المحاضرة الثانيه قبل موعدها باكثر من نص ساعة..تعبت كثيير بسبب ساعات الفراغ..

*لقطة من قلب الحدث

الملفات المرفقة

**" NOUR 3INY "** · 08-06-2016, 03:21 AM

رد: توحــــمت ميــمتي بقمــر ف جــابتـني لكـم

البعض جعل صيآم رمضان مقتصر على الإمساك عن الآكل والشرآب فصومه لا يمنع لسانه من الغيبه والنميمه ولا أذنيه عن سماع الموسيقى والغيبه

بمعنى آعتبروا رمضان إمساك عن الاكل والشراب فهم بذلك كسبوا فضائله...!!

والفعل الصحيح آن نعتبر رمضآن محطة وقوف مع النفس لتهذيبها وتصحيح مسآرهآ وإكسابها آطباع جديده..

آطباع تزيد من إيمآننا وتطهر قلوبنا آطباع تقربنا إلى الله آطباع تزيدنا تقرب من النآس إي ليشهد رمضآن ولادة إنسان جديد بداخلك آكثر هدى وتقوى وآكثر إجابية وتفاؤل

* لا تطيل التفكير فيما آنت عليه الان بل فكر في ان تصبح افضل مما انت عليه

**" NOUR 3INY "** · 09-06-2016, 11:04 PM

رد: توحــــمت ميــمتي بقمــر ف جــابتـني لكـم

طفل .. مايدري عن الدنيا ومافيها
وقف طموحه على كوره وسياره..!

لاهي .. ودنياه تضحك له "لياليها"
مايدري : أن السنين دواره

*****
برب مكه باك الطائف

**" NOUR 3INY "** · 11-06-2016, 02:16 AM

رد: توحــــمت ميــمتي بقمــر ف جــابتـني لكـم

صبحناكم صبحونا وع الابواب لاقونا

جدي ينادديني بسوآق الحرييم

طول اليوم ودي فلانه وجيب علانه طلعت لي قروون..آنا مقترح ع آهلي نطلع نفطر يوم بالطائف من غير جمعة نسوآآن آبغى آتمخطر بالببيت برآحتي

بالبدايه رفضوا ع اساس رمضان والوقت ضيق ويبغون الاسوآق بدل الطلعه..وبعد ما وافقوا ع الطلعه جمعوا خالتي...والله لو قاضب آرضي أبرك لي

حتى آمس بعد ماوصلنا لقينآ بنت خالتي موجوده كنت ع شوي آخرجهآ

كنت آبغى آخذ رآحتي بالبيت

الزبده آني بداية اليوم كنت راجوا وحاليا حليمة ناقصني مسفع ع رآسي

بس صدق يونسوون البزراان من شوي كانوا يلعبون لعبة نااس

والحين جدتي منفسه ومسويه لهم حظر تجوول

صورت الاجواء من الخارج:

مفتقدين وبقوه هذي الاجواء هنآ تحس بحركه وصخب...بجهة شلة تضحك وجهه سوالف وجهه نقااش حآد

عكس حارتنا هدوء..رمضآن مثل بآقي الايام طبعا بغض النظر عن آصوات المساجد بس بنفس الحآره ماتحس فيه صخب وحركه سكانيه

يلا برب

الملفات المرفقة

**" NOUR 3INY "** · 12-06-2016, 09:47 AM

رد: توحــــمت ميــمتي بقمــر ف جــابتـني لكـم

الحمدالله ع نعمة الدوام والجامعة والدكتور اللي عندي الحمدالله...بنااااااااااااااااااام

مااحلل اللي يشوف هالتدوينه وعنده صلاحيات ومايعدل تنسيقها مثل اللي فوق كنترول كرر مااحلل

ههههههههههههههه نسخ لصق من اللي قبل لاقيها بالتصحيح الإملائي

**" NOUR 3INY "** · 15-06-2016, 01:27 AM

رد: توحــــمت ميــمتي بقمــر ف جــابتـني لكـم

مسيناكم مسونا وع الابواب لا قونا

آكثر حاجة كانت متعبتني بالدوام الصيفي ساعات الفراغ ووضع التكييف عندنا بالإضافة إلى إنه طفش ويمر الوقت وماآقدر آنجز اي حاجة سواء اقرا قرآن او اتابع دورتي بالبرمجة او آلف السبموسة

...الخ

لكن اليوم قررت ارجع البيت بدل إنتظاري بالجامعة وانجز بعض اموري..هالفكرة كانت غايبه عني بسبب بعد المسافة يعني عادة الوقت اللي اسغرقه بالروحه من 45 إلى 50 دقيقية

فقلت بيني وبين نفسي ارجع اليوم كتجربه وآحاول قد ماآقدر اختصر وقت المسافة وآحط رجلي شوي

استغرق الوقت مني بالروحه والجيه 35 دقيقة تقريبا...وبرجوعي للبيت حسييت ان دوامي خفيف وان فعلا ماعندي إلا محاضرتين وغير كذا استغليت ساعتين من وقتي الثميين ههههه

لكن اول الله لا يوريكم ماتجي المحاضرة الثانيه لي الا محسوبك فاقد ثلاث ارباع وعيه

* إدراكك بقيمة الوقت بداية نجآحكـ

**" NOUR 3INY "** · 11-09-2016, 08:18 PM

رد: توحــــمت ميــمتي بقمــر ف جــابتـني لكـم

مساء الخير يالوجه المليح
^
ثكرن مساء النور

تخرجي إن شاء الله راح يكون بالصيفي الجاي والمفروض الترم الثاني بس متاخر مستوى بسبب ان اول مستوى لي كان بتخصص غير رياضيات
كنت هندسه ماحبيت القسم وحسيت ماراح امشي فيه بمعدل يرضيني

ولما فكرت احول للعلوم التطبيقية كان الرياضيات خارج اهتمامي...جاء قبولي للرياضيات وماكنت بالع القسم بسبب ضيق مجالات العمل فيه وانها محصوره فقط على المجال التعليمي
قلت يلا حب ماتعمل لكي تعمل ماتحب رحت حذفت المواد اللي درستها بالفصل الاول وتصفر المعدل وبديت مستوى جديد بالفصل الثاني ومعدل جديد مشيت بالقسم وعديت ووضعي عال العال
صوره من السجل الاكاديمي للمعدل التراكمي مع درجات مواد الصيفي

رغم ان معدل الثانوي مقارنة بمعدل الجامعة الحالي اكثر الا انه حاس الان بالتميز اكثر من الثانوي ممكن لان معدل الثانوي متقارب مع كثير من زملائي بحكم الكل شاد حيله بالثانوي
ومتحمس ويسعى لتخصص اللي بباله بعكس الان الطالب يبغى النجاح فقط والتخرج والمعدل ضاربه بالحيط
يعني الفرق بالمعدل بيني وين زملائي هو اللي صنع احساس التمييز عن البقيه

مع العلم معدلي نزل عن اول كنت اتمنى ماانزل عن 3.75 عشان مرتبة الشرف الاولى بس الحمدالله مازلنا في السليم
ماشاء الله تبارك الله واللهم لك الحمد كما ينبغي لجلال وجهك وعظيم سلطانك
يتبع....

الملفات المرفقة

**" NOUR 3INY "** · 11-09-2016, 10:28 PM

رد: توحــــمت ميــمتي بقمــر ف جــابتـني لكـم

باك
مثل ماذكرت حاليا على اابواب تخرج اقتربت اكثر من توجهاتي وتطلاعتي بديت ابحث واسعى واتلقى توجيهات من لهم خبره في الدراسات العليا بديت افكر بشكل جدي واكثر دقه
من حسن حظي ان احد مادتين الصيفي كنت اخذها عند رئيس القسم كان يعطي مساحة للنقاش بآمور خارجه عن المحاضره استفدت منه الا ربع يعني باقي شوي واستفيد ميه بالميه

فهمت اكثر عن متطلبات الاعادة بالقسم والبعثات وطريقة تقديمها ميزاتها وعيوبها ومكافاتها..مبدئيا وبحسب وضعي البعثه حاطها اخر مسار ممكن اسلكه بطريقي للماجستير
والاعادة بالقسم لهم ثلاث سنوات ماقدموا احتياج معيد...

الان راح اقدم على الاختبارات المحوسبه (ستيب والقدرات للجامعيين) لو جبت الدرجه المطلوبه للقبول بالماستر راح آقدم اول مايفتحوا التقديم عالترم الثاني على الماستر
وتقديمي يكون بكذا جامعة (مسموح التقديم للطلاب المتوقع تخرجهم) ييصير خطوه وحده لقبولي للماستر وهيا اختبار التحريري للقسم وهالخطوه ضامن النتيجة فيها إن شاءالله
يصير السنه الجايه اكون ماستري وماحد قدي <<وش يقول

وفي حالة لا سمح الله ماحققت الدرجات بالاختبارات المحوسبه آكمل ادرس تربوي تتابعي بعد مااخلص البكالوريا..مدته سنه دراسيه وفي هالوقت اعيد اختباراتي المحوسبه واجهز حالي للبعثه
مجرد مااخلص تربوي اكون مستعد للبعثه والماستر والاعادة واقدم عليهم وعاد اشوف اش اللي يصيب معاي...

للتوضيح التربوي التتابعي دراسه تكون خارج تخصصك تدرس فيها امور تتعلق بالتدريس بشكل عام وهو خاص بالاقسام اللي داخله بالمجال التعليمي
وهي شهادة لا بد منها عند التقديم ع الوظائف التعليمية(تدريس بالمدارس)

طبعا في حالة قبولي للماستر من اول مره ماراح احتاج التربوي لان بعد مااخلص الماستر راح يكون التعيين بنفس الجامعة بمسمى محاضر والتربوي غير ضروري
اما في حالة عدم قبولي فضطر انتظر سنه ثانيه اعيد فيها الاختبارات واقدم من جديد وفي هالسنه بدل ماتعدي بلوش ادرس بها تربوي
امكن مصيري بعصاتي ملاحق بزارينكم

إحساس جميل لما تحس اقتربت من حاجه تسعى وتطمح للوصول لها ماهو بحظ او بذكاء وعبقريه واجتهاد مني بل توفيق من الله عز وجل ومن ثم دعوات امي
امور كثيير كانت تتيسر لي والحمدالله..

هدفي الان احاول اوصل معدلي ل 3.75 واجتاز الاختبارات المحوسبه
دعواتكم لي بالتوفيق ولكم آضعافها إن شاء الله (:

**" NOUR 3INY "** · 12-09-2016, 01:24 AM

رد: توحــــمت ميــمتي بقمــر ف جــابتـني لكـم

اللهم اميين.. ههههههه تصدقي تقييمك ذكرتني بالمدونه السنابيه مضيعه من كثرهم..وكل عام وانتي بخير

هذا تقييم ارسلته لاحد هنا بالله على ذي التكليجات وش انسب جنسيه لي

(ذكرتني = ذكرني) (مضيعه = مضيعها) وبس والله

**" NOUR 3INY "** · 12-09-2016, 03:52 AM

رد: توحــــمت ميــمتي بقمــر ف جــابتـني لكـم

خطا مطبعي

تخرجي إن شاء الله راح يكون بالصيفي لهالسنه

قصدت الصيفي الجاي يعني باقي لتخرجي فصلين دراسيه وفصل صيفي وقصدت (لهالسنه) يعني هالسنه الدراسيه اللي حنا داخلين عليها..وصلتني تهنئة بالتخرج اللي باقي له سنه
عاد ماادري من السبيكه انا واللي هي

*****

شطحه ولد خالتي الباب لو ينسدح يصير سفرة رمضان

تخرج العام من الثانوي وتعسكر وانا ماادري وعرسه بعد الحج وانا توي ادري
دنيا الورعان كبرت واعرسوا...ماشاء الله الله يوفقه ويسعده وي حظه المخنز

شطحه شريت قمرة (كاميرا) وحاايس فيها الصور تطلع خاايسه الكاميرا نيكون D7000 عشان صورت كم صوره بالجوال حسبت اني بطلع مصور وكذا الله يخلف

نفسي اضبط اعدادات القمرة عشان اصورلكم الخروف وانا اطعنه

شطحة ثالثه مضروب ع راسي وصاحي من 8 الصباح وقيدي نايم 6 الصبح يعني نومتي كل ابوها ثلاث ساعات وللحين مانمت وموراضي يجيني النوم اييس اسوي؟!

شطحه رابعة لما كنت ابغى انام وماجيني نوم واضطر إلا لازم انام عشان مدرسه او مشوار اروح لامي تحك شعري وانام ع طوول يعني مو حك بالاظافر يعني مثل المساج للشعر وكذا
تقولي امي احب هالحركة من وانا صغير كنت اقلها (ماما اوكي) بضم الالف ولما تحس اني غفيت توقف وارجع اقلها (ماما اوكي)ورجع تكمل حك وهيكا

وبس خلصت لكلك تصبحون ع خيراات

توحــــمت ميــمتي بقمــر ف جــابتـني لكـم

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget