اول مره آدون بهالوقت.! تعرفون عاد القمر عآدة مايطلع إلا بالليل



هههههههه شايفين الصدف الحلوه، الصدق لو توجه لي هالسؤال من شخص راح آشوف موضوعه مو بذيك الحيره، واعطيه القرار اللي المفروض يتخذه

لكن الموضوع يخصني، فأعرفني كويس وع هالاساس مااثق فقراراتي

طبعا طابقت اوراقي في الجامعتين، بس لاني ذكي ماشاء الله علي مااعطيت احد منهم برنت الاحوال وإنه آنا طالب وغير موظف،

عشان يستمر قبولي مشروط بهم لغاية يوم 27 هالشهر، ويصير عندي وقت آقرر

مااخفيكم يوم اقرر جامعة عزوز ويوم جامعة جده،! شكلي بستمر كذا إلى يوم 27 والجامعه اللي آكون مقرر عندها بهاليوم اسلمهم البرنت

م.خ

ههههههههههه آكتشفت إني آحول إلا ربع

بخصوص الجامعه ترا للحين ماقررت آو بالاصح مافكرت، آحس هالفترة حتى التفكير متاكسل عليه، العطاله شينه..! ):

بس من جهة آحس برضوا مع هالعطاله آنجزت عدة آمور، وهالفترة تقريبا قاعد آحاول أطور من السيره الذتيه،

طبعا سبق تكلمت بشكل سريع عن منصات تقدم دورات آون لاين بشهادات معتمده، آنهيت إلى الان 18 دوره منهم

وهذي شهاداتي لبعض درواتي في منصات دروب، ورواق، والمكتبه الرقمية














ببالي آدرج بالسي في 30 دوره، منها 18 آون لاين (آنتهيت منها)، والبقيه إن شاء الله عن طريق دورات الجامعه (خدمة المجتمع)

هذا بخصوص الدورات..!

وبخصوص الاعمال التطوعيه، سبق قلت بشترك في الدفاع المدني.!

بس لقيت هالجمعيه عن طريق حساب ع تويتر https://sv.org.sa/camp/252/ وشفتهم إنهم آفضل، فبإذن الله تكون لي مشاركه معهم

هالحسابات ع التويتر تهتم بالاعمال التطوعيه

motataw3en@

sawaedalbaraka@

3ain_volunteer@

mosandah@


طيب الآن راح آتكلم عن تصميم السيره الذاتيه، شوفوا هالنماذج كيف..! فخمه وبقوه.!













طبعا هالتصمايم من هالحساب cv_graphic@ وفي غيره من الحسابات، للان ماشفت آسعارهم ولا تعاملت معهم،

بس ببالي آخلص من تجهيز سيرتي من دورات وآعمال تطوعيه واصممها ع واحد من هالاشكل

آنا العزيزي، آول حاجه مبارك عليكم الشهر وجعلنا وإياكم من صوامه وقوامه، وكل عام وآنتم بخير

آنتيهت من موضوع الجامعه وآخذت رقمي الجامعي والآن صرت عزيزي، لفتني الشعار حقيقي جميل جدا، حاطينه كشعار فخر للطالب

_


شطحه هههههه، تذكرت العام الماضي كنت متحمس للصيفي والتخرج، والحمدلله هالسنه متحمس للماستر والجدول

اللهم لك الحمد كما ينبغي لجلال وجهك وعظيم سلطانك، والله يكتب لي التوفيق والفلاح ي رب

للمعلومه دراسة الماستر ماراح يعيقني ع التقديم ع الوظائف الاكاديمية، بالعكس راح تضيفي لي نقاط إضافية لصالحي عن غيري

وإن شاء الله رمضان الجاي أكتب عن قبولي للاعادة :)

_


لي قرابة آسبوع أعاني من حبة تحت جفن العين في عيوني الاثنين، مسببه لي نفخ وآلم، شكلي غلط إللي يشوفني يقول إنه مفقع ضرب

آستخدم لها كريم مع قطره، هديت وخفت وآمس رجع لي النفخ والالم

ونقول صباح الخير

والله ماادري كيف آفتح سالفه ضيعت الخلطه وكذا ههههههههه

المهم من فترة تقريبا شهر، سددت مخالفاتي 16ألف دفعتهم وأنا ماأشوف الدرب، وخرجت جوازي

طبعا بسبب إنه فتح التقديم ع برنامج الابتعاث، وع بالي إنه الجواز غير مطلوب مع التسجيل

تفاجأت إنه مجرد ماادخلت رقم الهويه جاني إنه غير صادر لي جواز وخرجني

وأبدا ماكان في بالي أسددهم.! بس سبحان الله الموضوع صار في دقائق، فجأه قررت أفاتح أبوي بالسالفه، ورحت مباشرة له

طبعا بالبداية قلت ع اساس أبيهم كسلف، وماكنت أبغى أقول إنها مخالفات، بس ماعرفت احبك كذبه كويسه، وصارحته

وقلت أحتاج الجواز ع أساس أقدر أقدم ع الإبتعاث وجلست أتكلم مع أبوي عن الابتعاث وووووو...الخ

المهم وافقني وماقصر معي وسجلت




وبس خلصنا، نشوفكم بكره مع سالفه جديده

مسيناكم مسونا وع الابواب لاقونا

فالكم حلو ي العبيرين، تو تغيرت حالة الطلب في وظيفتك بعثتك




ج الملك خالد فتحت التقديم ع وظائف الاعادة، طبعا قدمت وخلصت منهم، كانوا طالبين تخصصي في فرعين

بأبها (الفرع الرئيسي) و بتنومه! طبعا حطيت ع تنومه، يعني بحكم إنها ممكن تكون منطقه نائيه فالمنافسه مش قويه مره

بإذن الله بسير عليها هالفترة، عشان لا آتورط وقت الإختبار وأهو نتمشى بالمره

المهم المفروض إنه قاعد آذاكر بس منحاش منها عليكم، ههههههههههه صدق قاعد أستوعب حياتي كلها مذاكره في مذاكره

ي حياة الشقى

الخطه كانت إنه أخذ هالفترة كإستجمام قبل بداية العام الدراسي وبداية مرحلة الماجستير

لإنه فعلا هيا إللي تحتاج كمية عمل وطاقة إستيعاب وتحمل، بس جاء إعلان طرح الوظائف الاكاديمية.!!

عموما، أحتاج أحد أقسم معه في المذاكره؟

صاصاصااصاصاصصاصباااح الخيييير ي حنووين ...

بس نجرب شكل الخط بعد هالغيبه، تسجيل دخول نقفل هالصفحه ونبدأ صفحه جديده

وعساني ماارجع آكمل نومتي <<< آول مره آتصالح مع هالفيس وآحطه ..!

ههههههههههه طحت من عين نفسي ماتوقعتني كذا.! هالتدوينه كان وقتها الصبح نقريبا وكان ببالي فعلا فالليل ادون وعاد تكاسلت شهر (: .!

وحشني التدوين كثير كثثيير كثثثثيييير كثثثثثثثثييييييير<< وقت ماافتح صفحة الفيسات أتخيل بلاقي فيسات الايفون وانصدم بالموجود

والله كانت هالفيساات ولا احلى منها بس ماادري وش صار << واضح قاعد ادور سالفه أتكلم فيها وجات ع الفيسات

يلا نوم نووم وترقبوني قريبا<< آمزح أمزح إن شاء الله بكره أرجع آدون
^
^
^
هالتدوينه المفترض انزلها أمس بس نمت ع اللاب وعاد الان دخلت وسويت لها (استعادة المحتوى المحفوظ) الله يخلف علي والله

أحم أحم أما بعد

من زمان عن هالجلسه اللي جالسها .! جالس برواق وع صوت طلال واحس ماوراي شئ لابد أني أنجزه

بخصوص الدراسه متعبه، بس تعب براحه نفسيه يعني من تعاون الدكاتره قاعد انجز من غير ضغط نفسي او خوف ع الدرجات، بعكس مرحلة البكالوريا..!

وع وجه العموم ج الملك عبدالعزيز الخيار الانسب والافضل الحمدلله، تصدقون ساعات اقضي يومي كله بالجامعه وبتحديد بالمكتبه المركزيه بالجامعه

تحسون بجو الدراسه والخصوصيه، فيها خلوات دراسيه (غرف صغيره) طبعا النظام يمنع بدخول اكثر من طالب، يعني مافي احد يقط معك فيها

والحاجه الثانيه الحلوه؟ راح اكون معهم في الفصل الثاني بإذن الله كمتعاون بتدريس السنه التحضيريه للقسم الادبي

الحلو إنه للقسم الادبي عشان لو جبت العيد فيهم عادي مايحتاجون الرياضيات