تويت
البارحه نمت ولا جاك ما جاني
ان كنت ضايق تراني ضايق بشده
كل ما اتذكر " غرام مات " واشقاني
لعنت ابو ساعة الايام والصده
لول على شان اشوفك تبكي اعياني
والحين لا والتي ما عاد لي شده
ولا جاك مني مسج ما يبطي الثاني
والحين من بينهم يا مطول المده
كنت اتمناك لي وانته تمناني
لكن الايام عكس العاشق ووده
صديت عنك " وانا احبك " ولا اداني
اشوفك تحب غيري وماسك يده
اجبرني الوقت في جفواك ولا اني
ما قد تهاونت وقتي واثره لده
لا تلومني عنك لا صكيت بيباني
ترى محبك ضروفه وقفت ضده
باقولها يا غلاي بسلم جداني !!
خل الغلا بيننا " وانساني برده "
انا لك اخ وتصير بحسبة اخواني
احسن من انصير شي مابي اعده
ماهو بعلى شانك ولا هو علشاني
لكن علشان حب واقعه هده
ادري وتدري بحبك .. بس وجداني
السلم / والاهل / والحظ الردي نده
يا ليتها في يديني نلتقي ثاني
ولا يعود زمانك واقدر ارده
واذا نسيتك يا جعل الله يبلاني
بيتك بوسط الحشا .. ما عاش من هده
كانك تعاني .. تراني مثلك اعاني
وكانك تمل الصبر .. صبري وصل حده
لا ناموا الناس طيفك يا الغلاجاني
مر يحد الضلوع ومر احده
فلا بد ما نلتقي .. كان الله احياني
والله ما انساك مهما طالت المده
حمد البريدي
.jpg)
تعليق