عقارب ساعتي دارت لكنها تدور بالمقلوب
وسار الوقت عندي عاكس كل إتجاهاته

وكل الناس من حولي تقولي بطل الملعوب
وعقلي ما قوى التعديل شيء فوق قدراته

زمان لاعب دوره وعيني شوفها مسلوب
ولا أقدر في مواويله وعاجز عن مجاراته

خذاني غصب وتجاوز وكني للعداء مطلوب
وتوهني على عجزي وتاهت بي مداراته

وأنا من قوم ما ترضى بفكرة فايز ومغلوب
لكني في زماني ما قويت الملم إشتاته

بعد هذا بنيت القاف والمعنى بعذب إسلوب
لعل الناس تدرك ما حصل لي في متاهاته

ل حب المرجله يصبح مدورها كما اليعسوب
اله همه وله طاقة تخلد حسب طاقاته

وانا ما ني بيعسوب النحل لكن انا موهوب
إلي همه ولي مطلب تجاوز كل عاداته

مسارات الفرح ياهيه تشابه فالطعم للذوب
لكن الذوب يا طيبه ليا أصبح بين راحاته

حبيبي فالعشق له يوم عاشق بس انايادوب
أعرف الحب واثر العشق صعبات مصالاته

بطيب وحرفنه هكر على قلب غدا معطوب
وصارت غلطة العاقل سبب أكبر معاناته

بعد هذا تجاهلني يقولي ما أنت لي محبوب
وقلبي ما عرفت أبرمجه من عقب فرماته

فتاتي فاهمه تدرك طريق اللعب فالحاسوب
وانا ما ني بعارف كيف أشفر له ملفاته

بعدماكنت معشوقه غديت الصاحب المسحوب
واثاري الصاحب اللي تعشقه ياحلو سحباته

شكيت الحال للأصحاب قالواأنت فيك عيوب
عيوب ما يعالجها طبيب بكثر وصفاته

تباحل القضيه سهل كله ملعنه وكذوب
وقرص نعطبه كامل ونتلف له مساحاته

كثار اللي سواته حولوا من كل حدب وصوب
قنانيص يصيبون الهدف فأبعد مسافاته

حقيقة مايجوز البيع في سوق ماهومحجوب
لأنه يردع أرباب الرذيلة من محطاته

واناعاتب على نفسي لان الرجل مومغصوب
يرد القول للرجال حقيقة دون هقواته

أنا صيدي غزايز ما جلبها للبلد جالوب
أنا بسرج خيال الشعر من دورلها جاته

الا وإختامها كل رجال وله ماجوب
ومن يقدر يفتفتهاوينقد حسب قدراته



بقلمي
فواز خالد