تويت
خط القلم جرحي والاشواق حبره
خط القلم جرحي والاشواق حبره
.. .. .. .. .. .. . يبقى الرفيق اللي له جروحي تجود
الوقت خيط والصواديف أبره
.. .. .. .. .. ..ومن وخزها كلن وله قسم معدو د
دنيا الفنى تلوي علينا ب بمكره
.. .. .. .. .... .. ضاقت علي وخيط الايام معقود
الخاطر المكسور يا طول جبره
.. .. .. .. ... هذي سنه وسنين ما هب له نود
كملي وأنا ارقب مد بحرك وجزره
.. .. .. .. ... .. والظاهر اني في شواطيك مفقود
لو كثرت العميان.. لا عاد تشره
.. .. .. .. .. .. ضاع المقدي وانت ما عاد لك فود
هذا المعنى .. وان بقى طال عمره
.. .. .. .. .. .. .. الجذع يروى والظما لاحق العود
مثله مثل غصن يضحي بصبره
.. .. .. .. .. .. .. يفدي ضلاله ما شكى حيل مهدود
مليت اصارع في مواعيد بكره
.. .... .. .. .. .. واخيط فتق للمعاذير ممدود
لا ميئسن منها ولاني بمكره
.. .. .. .. .. .. فيني دبيب من الامل ماله حدود
سقف الامل عالي - وشيدة جدره
.. .... .. .. .. وطماعتي فالمتن ما هيب الذود
أما وصال يعتق اللي بأسره
.. .. .. . .. .. .. .. ولا سجين دونه الباب مردود
للشاعر../ فهد الدقيس
تعليق