رد: عقارب على مسرح من زجاج

و ليوم نزلت البارت الأول من روايتي بتمنى تعجبك إسما(أنين المشاعر)


Sent from my iPad using منتدى عبير

رد: عقارب على مسرح من زجاج

الحين بعد13سنه
اولا تعريف بالعائلات
الجده(جوزاء)تزوجت وهي صغيره زوجها (خالد)توفى عندهم::
ناصر(سبق التعريف به)
بس بنبدى بوصف اشكالهم
ناصر:وسيم عيونه عسليه ومو كبيره وسط بس ناعسه فمه متوسط وشعره بني غامق خشمه حاد وطويل فيه عقفه في اخره
علياء:جميله بكل ما في الكلمه من معنى عيونها وساع وبنيه شعرها اسود خشمها حاد وطويل فمها صغير واسنانها صف وصغار بس جمالها ما اختفى على الرغم من كبرها
نايف:وسيم جدا جامع بين جمال امه وابوه عيونه وساع بس حاده وعسليه خشمه طويل حاد ورفيع شعره بني فمه وسط بس ابتسامته تجنن خصوصا ان انيابه بارزه شوي بشرته سمراء يميل للطول اكثر من التوسط وعريض
عادل:جذاب عالاخر مع ان الملامح الجميله فيه مو ذاك الزود عيونه عاديه وناعسه بس لونها رمادي شعره اسود وكذا الحال مع رموشه وحواجبه فيه سمار خفيف خشمه فيه عقفه عند بدايته فمه متوسط وابتسامته حلوه طويل جدا وعريض شوي وله غميزات
رؤى:حلوه عيونها ناعسه وسيعه بنيه سمراء شعرها اسود وكذا الحال مع رموشها فمها عادي يميل للصغر ودقيق او نحيف متوسطة الطول جسمها حلو
غرور:نسخه مصغره عن امها في كل شي وتعتبر من الطوال بس نحيفه شوي لها غميزه جانب فمها من تحت
الحين دور بطلتنا جيان:ملامحها مو ذاك الجمال العيون والشعر نفس اخوها وجهها مليان حتى لو نحفت يظل مليان لها غميزات بخدودها فمها يميل للصغر مليان بس مو مره والشفه اللي تحت املا من اللي فوق اسنانها فيها لويه بسيطه الثنين اللي فوق بس خشمها حاد وصغير نسبيا قصيره جدا يعني طولها145سم جسمها ريان وحلو بيضا
هند سبق وعرفنا بعائلتهم:
هند:بيضاء طويله جسمها حلو بس نحيفه ملامحها حلوه عيونها وساع عاديه خشمها طويل رفيع فمها صغير مليان شوي شعرها اسود
خالد:وسيم جدا طويل عريض اسمر عيونه حاده تميل للوسع خشمه سلة السيف فمه يميل للصغر نحيف
عبد الاله:نسخه عن ابوه بس هو اطول هادي وبارد بس اذا عصب صب
منصور:اسمر طويل بس مو ره نحيف عيونه ناعسه بنيه فمه عادي متوسط مرح وفلاوي
سديم:بيضا طويله وناعمه حساسه جدا وهاديه عيونها وساع سود حاده خشمها دقيق رفيع فمها صغير جدا
هاجر:اخلاقها نسخه عن غرور اما شكليا طويله نفس الطول نقريبا عيونها عاديه حاده لونها اسود خشمها حاد طويل فمها صغير وسمراء بس جسمها خيال ريان وحلو
جاسم: طيب وحنون بس وقت الجد جد واذا عصب ما يرحم
زوجته:لمياء سنه هاديه ومع نفسها مالها بخلق الله ومال خلق الله فيها ملامحها ناعمه
عندهم::
شاهين27سنه :هادي ومثقف دافور بمعنى اصح ملامحه هاديه عيونه ناعسه وخشمه حاد ويميل للصغر شوي فمه متوسط
لمى20سنه ناعمه حيل تميل للقصر بيضا عيونها وسيعه ناعشه عدساتها بنيه خشمها حاد فمها صغير وجهها دائري نحيفه
سمر14سنه:شكلها عادي بس مرجرجه ومرحه
عزام:اخر العنقود5سنوات
طبعا باقي اعمام بس مو مهمين مره متى ما دخل احد القصه وصفته لكم حسب الاهميه
...............................................................................
نزلت رؤى بسرعه:يمه يله بنروح للمزرعه ابوي دق قال يله بسرعه
علياء:هو بسرعه خلصنا بسرعه بس خلي البرنسيسات يشرفون(وبصراخ)غرووووور جيان بسرعه
بهاللحظه نزلت جيان تركض وهي شايله شنطه كبيره كان شكلها مضحك وهي متلعوزه بالعبايه والشنطه:انا جيت
علياء تكتفت ونظرتلها باستغراب:جيان وش هذا
جيان بضحكه بريئه:هذا يا امي يا طويلة العمر ععفشي
علياء بقت عيونها:الله هذا كله
جيان:لا بس........
قاطعها صراخ عادل وهو نازل من فوق:جين
اندست ورا عياء:يمه شوفيه من اولا يهددني
علياء ناظرتها بنص عين:ليه
جين ارتبكت:لا بس ممممممممممم ايه هذاك والله نسيت من الخوف ههه(ضحكة تصريف)ما ادري الظاهر عشان الفطور
علياء:وش فيه الفطور
جيان ارتبكت:بس..........
قاطعها عادل وهو معصب(استانست انه قاطعها وبنفس الوقت خافت):وين اغراضي
جيان استانست وببرائه أي اغراض
عادل بصبر ووجهه احمر من العصبيه:انتي تعرفين
جيان:لا ما اعرف علمني يمكن اتذكر وين شلتها
عادل:جين انتي تعرفين هي وين بلا عبط
جين:ابدا
علياء قاطعتهم وهي تنظر لعادل:عن أي اغراض تتكلمون
جين من وراء عليا تاشر لعادل يعني يا ويلك:ما ادري يمه فيه اغراض ببالي بس ما ادري عنها ان كانت هي
لفتلها علياء:وش الاغراض اللي في بالك
جيان تبتسم لعادل اللي يهددها من ورا بخبث:العووووو(عادل هنا انهبل وقعد يزيد بالشارات مره يهددها ومره يترجاها)مامه
عادل من ورا يتهدد فيها وابتسمت مره ثانيه:والأووو(عادل هنا وقف قله مره ثانيه)ووول مررررره قصدي اخر مره اقوله ما ادري وينها
(رؤى كانت تنظرلهم وتظحك لانها عارفه وش يقصدون)
علياء نظرت لجيان بصرامه:جيان حركات العبط هذي ما احبها انتي كبرتي تصرفي على هالاساس تصرفات الاطفال هذي ما احبها خلاص سكتنا عنكي قبل بحجة صغيره الحين تصرفي بالطريقه الي تتناسب مع مجتمعكي خلاص طفشت وانا اعلم فيك متى بتفهمين
جيان كانت تنظر تحت وماسكه ضحكتها لانها اكلت هالتزيئ كذا مره:خلاص يا امي بس ابروح مع نواف
علياء غمضت عيونها بقهر:خلاص روحي معه وانت عاد تعال عشان تساعد في شيل الاغراض
عادل راح وهو يتحلطم ويتوعد
وصلوا للمزرعه
طبعا الجمعه كانت رسميه اللا عند رؤى وجيان وسديم ولمى وسمر
رؤى ميته ضحك:عاد فاتكم التهزيء اللي اخذته
سديم:امانه شلون نفذتي بجلدك
رؤى ماتت ظحك وقالتلهم السالفه(طبعا عادل كان يدور عن العود والاورغ اللي كان بشنطة جيان وما يبيها تتكلم لان ابوه مانع هالالات تدخل البيت)
لمى:يله طلعوها واطربونا
سمر:خل نروح مكان بعيد ومنعزل شوي عشان فيه عملاء مخابرات هنا
لمى:عندي لكم مكان انما ايه
جيان:شمينا
راحوا لمكان وسط النخل لان فيه زي الارض كلها نخل من الى
وبدوا يستهبلون ويغنون
رؤى:يا بنوتات يا ئمرات يله نرجع
البنات بتذمر:لا ليه وشذا حشى ماصارت وانواع التذمر
رؤى:لا مافيه الدنيا صارت ظلام
طبعا لموا كل شي ورجوعوا
في الطريق
جيان شهقت بقوه:ياويلي
نظرولها البنات باستغراب
جيان:نسيت جوالي ابروح اجيبه وبجي
رؤى:طيب خلي احد يروح يجيبه معك
جيان نظرتلها:مانيب بزر ابروح اجيبه وبجي
راحت وما درت عن اللي يشوفها ويتلصص عليها دخلت جوى النخل وقعدت تدور حست باحد يمشي وراها واستعدت تنحاش بس الحيد انحطت على فمها بمندي وغابت عن الدنيا
1:هل انتهيت
2:نعم هيا خذها الى السياره
ركبوها السياره وحركوا بسرعه
في الجوال:
1:ايها الزعيم لقد اخذنا الفتاة ماذا نفعل
"":احرقوها
:ولكن ايها الزعيم
قاطعه"":بدون لكن دبروا حادث تكون فيه الفتاة قد احترقت وانتها امرها
:حاضر
التفتوا لبعض ما يدرون وش يسوون
:هل نفعلها
:يجب ان نفعل ذلك
:ولكن اين
:في احد الجبال وستضع اثباتات الهويه معها هل اخذتها
:نعم وكدت اقتل
راحوا لجبل بس مو عالي مره
:هل نحرق السياره اولا
:بتأكيد
احرقوها ودحرجوها مع الجبل بس ما انتبه للباب اللي تركه الثاني فاتح عشان يمكن ينقذها وراحوا
بعد ساعه جا وقعد يدور بين نيران السياره المحترقه ومالقاها تطمن وحط الجثه اللي معه داخل السياره وراح يدور في الجبل لقاها طايحه وكلها دم وداها للمستشفى ودخلوها قسم الطوارئ
الدكتور:وش تصير للبنت
:اخوها
د:جتها ضربه على منطقة الرأس تسببت بفقدانها للذاكره و
:و..........
د:تفكيرها,رح تفكر لفتره مثل الاطفال يعني تسترجع طفولتها
:مافيه علاج أي طريقه لعلاجها
د:هالشي مؤقت ان طول اخذ سنتين بينما فقدان الذاكره ما عندنا أي فكره عن موعد استرجاعها بس ممكن بيانات المريضه
:اجيب اوراقها بكره لان فيه اشياء ما حفضتها
د.عالاقل الاسم كاملا
بعد تفكير:جومان محمد سالم ال.....
.........................
:الو يمه
:هلا يمي امر
:يمه يمكن اطول ت شهور ثانيه برا
بدمعه:ما كفتك السنين اللي راحت يا وليدي
:والله ما اقدر مضطر ابي اخذ هالفرصه اللي عرضوها علي عشان ارفع من تأهيلي للوضاءف
:خلاص اللي يريحك
:يمه عندك شي تسوينه
:ايه عندي موعد في المستشفى عشان الربو
:يمه أي شي يصير علميني اول باول خلاص
:ما كاني عطيتك وجه وصرت تتامر
:ههههههههههه عادي امي
:يله مع السلام ولا تنسى الاذكار خلاص ابوي
:تامرين يالغاليه
:يله مع السلامه
:في امان الله
دقت على تكسي وراحت للمستشفى
وهي تمشي سمعت
:ايه اخوها ما ترك اللا اسم وطلع مزيف بعد
:والقهر هي الحين محتاجته
:ودي اعرف وين اهلها
:يا حياتي قاعده هناك لحالها
:اسمها جومان صح
:ايه بس مو اسمها الحقيقي
:باي غرفه
:غرفة___
:ما ادري بس دريتي عن الجثه اللي اختفت
:لا وش صار
:جو اهلها يهاوشون يبون جثة بتهم عشان يغسلونها ويصلون عليها
:جد الدنيا عجيبه
جرها فضولها للغرفه فتحت الباب وانصدمت باللي قاعد يصير بنت قاعده تنط على السرير وتظحك
انتبهتلها جومان(رح يظل اسمها جومان الين ترجع ذاكرتها):من انتي
ارتبكت:انا........انا.......
نقزت للارض:أيه انتي ماما
سكتت من الصدمه وكملت جومان:وناسه اخيرا جيتي من اول ما قمت وانا ماشفتك ليه
بدت تتلعثم:......ا......ا
......................................
بمكان ثاني
رؤى:يمه ما لقوها
علياء بتفكير:مادري مادري
فجأة دخل ناصر وعيونه حمراء:ماتت
انصدموا بس سكتوا يبونه يكمل يمكن اللي مات احد ثاني
ناصر:انتقموا مني فيها ماتت جيان ماتت (وقعد يصيح)
مرت ايام العزاء
عادل منها ولايكلم احد
رؤى بس تصيح
غرور ساكته صح تكرهها بس ماتبيها تموت
نايف عادي
ناصر تحطم وكره نفسه
علياء:تاثرت بس مو مره
....................................
نرجع لجومان
:هيه ماما جت ماما جت وتناقز على السرير
فجأه قاطعهم صوت رجالي:وش قاعد يصير هنا
التفتت له وعدت تتلعثم:ا.........ا..م.
د:لو سمحتي من انتي؟؟
فجأه نطت جومان من السرير:هذي ماما
نظرلها منصدم:صدق اللي قاعده تقوله؟؟؟؟
تلبكت<احسن شوفي لقافتك وش تسوي>:ممكن نطلع برا
ناظرلها معصب<هي شلون تصير ام بعد ما ظيعت بنتها>:نطلع برا
باعتذار وفشله:شوف ترا انا دخلت الغرفه الغلط<يارب سامحني على هالكذبه>كنت جايه زياره وفجأه حسبتني امها
نظرلها بشك وهي ارتاعت:والله انا مو امها ولا اعرفها اصلا
سكت وهو يفكر شوي:تقدرين تاخذينها معك
تفاجأة:نعم!!!!!!!!!!
د:لحظه انتظري ابشرحلك حالتها(شرح حالتها لها)ها شرايك رح تعتبرين اقامتها معك علاج لها
بشك:وهل هي رح ترجع باذن الله زي اول
د:باذن الله وحنا حاليا بنجرب
قعدت تقلب الموضوع براسها<الفكره جايزتلي بس ولدي بيرجع بع ست شهور أيه يمكن تطيب قبل كذا يعني اتوكل على الله؟؟؟؟>:خلاص موافقه
دخل داخل:يله جومان بتروحين مع ماما
نطت:هيه وناسه
.......................................
اول ما دخلوا البيت التفتت على المدعوه امها:ماما هذا بيتنا
:ايه يا بنتي بيتنا
:حلو
كان البيت فله عاديه طابقين وحوش كبير الوانها مريحه وهاديه
:جومان حبيبتي بعد الغداء بنروح نجيبلك ملابس خلاص
جومان:خلاص ماما
:حلو انا ابروح اجهز الغداء وبجي
راحت للمطبخ وقعدت جومان في الصاله رن التلفون
ردت:الو
استغرب الصوت:امي
جومان:ماما في المطبخ تجهز الغداء مين انت
انفجر:انتي مين واي ام تتكلمين عنها
ببرائه:ماما حصه
<يعني امي متزوجه وعندا بزر وانا توي ادري لا وبعد تتحجج بمواعيد المستشفى انا لازم اشوف وش السالفه>:اقول انتي وش اسمك
:جومان
:ها قولي لامي يا حبيبة امك اخوي بيجي
وسكر السماعه
نظرت للسماع باستنكار وراحت طيران للمطبخ:ماما
غمضت عيونها<الله يعني>اجبرت نفسها تبتسم:نعم يمي
:ماما عندي اخو
ارتبكت:ليه مين قايلك
:اولا واحد دق على التلفون وقال قولي لامي اخوي بيجي
انخرشت:وانتي وش قلتيله
:سئلني وين امي قلت ماما في المطبخ تجهز الغداء وبس
غمضت عيونها بقوه<ياربي وش قاعد يصير فيني شكل هالحياة الحلوة اللي انا عايشتها بتنقلب فوق حدر>وظلت تنظرلها وهي ساكته
:ماما الغدا يحترق
التفتت وقعدت تحاول تصلح الوضع وغرفت(كبت)الغدا وقعدوا يتغدون وهي تنظرلها<هذي اولها اجل وش تاليها الله يعين بس>
.............................................
اللي اتصل بطل نعرفه واللا جديد بالروايه
من اللي انتقم من ناصر وليش
اللي ساعدها هل رح يصير له دور في الروايه
هل بيظلون مقتنعين بوفاة واللا بيصير شي ثاني
توقعاتكم للبارت الجاي
.............................................
اسفه ان البارت قصير بس اعذروني ظروفي ما تسمح اطول

رد: عقارب على مسرح من زجاج

بالتوفيق حبيبتي كمليا


تم الإرسال بواسطة iPad بإستخدام منتدى عبير