ياقصيدي وش بقالي من قصايد،،، صارت حياتي كلها هم واشعار
امس جيتك والحين لك اليوم عايد،،، لاظاق صدري لك بيحت الاسرار
واشكي لك من دنيتي دنيا النكايد،،، واروي عليك قصة حزن ليل ونهار
في زمن لو قلت ان وظعه محايد،،، اقل شي اعطاني لو رد اعتبار
لاكن اللي قدر الاشياء رايد،،، هيه يادنيا ويادنيا عمار
ياقصيدي ليه حزني فيك سايد،،، كنها قصة ألم تبكي مرار
لو تسجل في مجلات وجرايد،،، من قراها جاه لاشك انهيار
ليت يدروا هالحزن ياكيف زايد ،،، بعد ماصار الامل عج وغبار
ظاع عمري صابر لشيل الشدايد،،، وظاع مفتاح الأمل بالانتظار
وياعيوني دمعكي ماله فوايد،،، عزي لدمعي توالى بنحدار
لامسحته سالت دموع القصايد،،، هاجس الذكرى على طول المدار

بقلم / رحال الشمال

Sent from my LT26i using منتدى عبير mobile app