تويت
سعودية سعودية سعودية
كتبت البيت والبيت الوفي يكتب على النيّه
وانا بكتب بيوت الشعر والله يغفر الزله
انا بكتب بيوتٍ لاهي لهذا ولا ليّه
انابكتب بحبرٍ وافيٍ يمشي على المله
ابكتب هالحروف بعنف غصبٍ دون ماويّه
ولاني حاسبٍ للي يعارض لله ولله
سعوديّه سعوديّه سعوديّه سعوديّه
سعوديّه على طبع الوفا مخلوقه جبله
سعوديّه شرف من دون عزتها فداويّه
سعوديه وحنّا دونها بحلق العدو علّه
فخر والله فخر يوم المواقف نارها حيّه
شموخ وسترها من ينتخي به يطرد الذله
فخر واقولها وكلي فخر بالشعر دقنيّه
فخر غصبٍ على منهو يعذرب فيهن بغله
فخر وانوار نجد اعظم مثل بديار نجديّه
تخط الحرف في يوم الحميّا ما انهزع ضله
نعم تلبس عبا وتشب نار وتجود الكيّه
نعم بسم الله الرحمن طلتها هي الطله
والا يامعذربين إبها تعالوا وضحوا ليّه
على أي اساس قلت ان السعوديّه بها خله
ابعرف ويش ناقصها وابعرف وشهي النيّه
عفاف وعز نفس وعلم قلي وش هي العله
الا يامستحث المخطيه ياقاصد السيّه
بقف واقول مرفوض الذي قلته لنا كله
نعم مرفوض عن محض اقتناعٍ مع لعانيّه
ولاني معتذر لاقلت انا فدوه لهن والله
ابي تدرِ اننا من دونها مانقبل الديّه
ولجل عيونها تحرم علينا طبخة الدله
نعم وبوصفها يا اهل الوفا تقصر معانيّه
(سعوديّه على طبع الوفا مخلوقه جبله)
وختام القول يابيت القصايد بلغه ليّه
ابيك تعلمه عن منزلتها ياشعر قله
![][ ريوووف ][](data:image/svg+xml;base64,CgkJCTxzdmcgeG1sbnM9J2h0dHA6Ly93d3cudzMub3JnLzIwMDAvc3ZnJyB2aWV3Qm94PScwIDAgNTAgNTAnPgoJCQkJPHJlY3Qgd2lkdGg9JzEwMCUnIGhlaWdodD0nMTAwJScgZmlsbD0nI2EzODBiNicgLz4KCQkJCTx0ZXh0IHg9JzUwJScgeT0nNTAlJyBmaWxsPSd3aGl0ZScgZm9udC13ZWlnaHQ9J2JvbGQnIGZvbnQtZmFtaWx5PSdBcmlhbCcgZm9udC1zaXplPSczMDAlJyBkb21pbmFudC1iYXNlbGluZT0nY2VudHJhbCcgdGV4dC1hbmNob3I9J21pZGRsZSc+XTwvdGV4dD4KCQkJPC9zdmc+CgkJ "][ ريوووف ][")
تعليق