تويت
اهلين فيكم اخواتي العزيزات .. طبعا هذا اول موضوع لي ف قسم الطبخ
ف اتمنى ان يعجبكم شغلي اللذيذ ههه
البارحة بتاريخ 7/11/2013 كنت طفشانه وقلت ليش ماسوي العشاء دامني فاضيه
المهم جلست افكر اش اسوي وجاء ببالي مكرونه بالبيتزا
فقلت فكرة مش بطاله وعملتها وتمت بحمد الله .. ,
المقادير :
1/ كرتون مكرونه اسباغيتي
دجاج مفروم
1/ جبنه تشيدر أو موزيلا
فلفل اخضر بارد
زيتون اسود شرائح
1/ قشطة ( اي نوع )
2/ ملعقه كبيرة جبنه سايله
1/ ملعقه مايونيز
الطريقة :
نضع الاسباغيتي في قدر فيه مويه ( نصه ) و3 ملاعق تقريبا ملح خشن .. ويترك يسلق لمدة نص ساعه
وفي اثناء تحضير الاسباغيتي نكون جهزنا الدجاج المفروم .. افضل عمل الدجاج بالمنزل
ف ضغطنا الدجاج في قدر الضغط مع مويه وملح و 3 حبات هيل لياخذ النكهه
وبعد نضجه خرجته من القدر وجلست اقطعه بايدي قطع صغيرة
وبعد الانتهاء .. عملت له كشنه عاديه .. عبارة عن بصل / ثوم / طماطم /بقدونس / وملح وبهارات وكركم
ونغطيه ليستوي مع الخضار فترة ,,
وبعدها نخرج الاسباغيتي من المويه ونضعها في صفايه .. حتى تنزل وتصفى من المويه
وبعدها نخلط الدجاج مع المكرونه
ونحطها بصينيه .. هذي الكمية تكفي صينيه كبيرة
وبعدين نسوي الصوص اللي عبارة من :
علبه قشطة
ملعقتين كبيرة جبنه سايله
ملعقه كبيرة مايونيز ( اكتفيت بوضع نص ملعقه فقط ) لكثرة الدهون فيه
وبعدها نصبها فوق المكرونه والدجاج ونقوم بتوزيعها بشكل جيد
ثم بعد ذلك نضع قطع مكعبات صغيرة من الفلفل الاخضر البارد
ونبشر جبنه التشيدر
ومقدار من الزيتون ( اخضر او اسود ) شرائح
ونرش فوقها زعتر
وندخلها الفرن نكتفي بإشعال الجزء الاعلى فقط
نتركها فترة لتتحمر ونخرجها
وبالهناء والعافيه ي رب
حبيت تشاركوني ارا ئكم بطبقي البسيط
واي سؤال او استفسار .. انا بالجوار
خالص ودي واحترامي لكن معلماتي ,, ~
تنويه بسيط : قد تكون الصور غير واضحة وذلك بسبب انه بعد التصوير اصبح حجمها كبير جدا فقصيتها وصارت بهالشكل
تعليق