تويت
السينابون الكذاب..
السلام عليكم
سويت هالاكله وحبيتها مممره سهله ولذيذه
وتغيير ممره حبيت الفكره وحبيت انقله لكم
المهم الصور مو راضي يتحمل معي هنا دخلت الروابط ولا فاد
المقادير:
خبز ساندوش رول ( خبز صامولي )
2 بيضه
2ملعقه قرفه مطحونه
2 ملعقه حليب بودره
2/1 كاس سكر
2/1كاس زيت طعام
6حبات جبنه كيري انا ماعندي استخدمت جبنة البقرة الضاحكه
علبة حليب نستله مركز ( اذا ماعندك حطي بالخلاط كاس حليب بودره وكاس سكر
وذرة نسكافيه وشويه مويه واضربيها بالخلاط حتى تصير مثل الحليب المركز)
للتزين شكولاته هيرشي السايل
الطريقه :
قطعي الصامولي قطع مستديره وتصفيه بالصينيه وهذا شكله
بعد كذا تحطي في الخلاط القرفه والزيت والبيض والحليب والسكر وشوية مويه
وتصبيه على الصامولي
وتدخلينه الفرن من تحت يعني عشر دقائق
وتطلعينه بعد مايتشربه الصامولي وينشف شويه
وتحطي الحليب المركز والجبنه الكيري في الخلاط
وتصبيه على الصامولي
وبعدين تدخلينه الفرن من فوق حتى يتماسك الخلطه
وبعد ماتطلعينه تصبي فوقه شكولاته الهيرشي على شكل دوائر
واذا عندك جوز مطحون او أي نوع مكسرات تحطينه من فوق
ويطلع بهالطريقه وبالهنا والعافيه
تعليق