تويت
رد: قصة راكان(الجزء الأول)
مشكوره عزيزتي الغاليه على المرور وعلى الهديه
ومبروك عليك الهديه من اخي عبد الرحمن تحياتي للجميع
ومبروك عليك الهديه من اخي عبد الرحمن تحياتي للجميع
-
-
رد: قصة راكان(الجزء الأول)
مشكوره اختي وعزيزتي الغاليه على ماتقدمينه
من مجهود وعلى الرد الطيب والجميل لكي مني
كل التقدير والإحترام
تعليق
-
رد: قصة راكان(الجزء الأول)
روايه رائعه واجزاء مشوقه
ابدعت سيدي في الكتابه والشعر
متابعه لحضرتك
أطيب التحايا لسموك
تعليق
-
رد: قصة راكان(الجزء الأول)
الجزء الخامس من (قصة راكان)
راكان يرجع من شغله لبيته عند زوجته اسمهان ويلقى الشقه مقلوبه فوق تحت غرفة النوم تغير مكانها المجلس مرتب ومنظم رائحة البخور تفوح منه كل شئ جاهز على التمام انبهر راكان كل هذا سويتيه باغيابي يا اسمهان قالت نعم طيب ساعدك احد قالت لا ....لحالي سويت كل شئ.....قال راكان ماشاء الله عليك.....اسمهان تقول مريت على امك ياراكان ...قال ..لا ..اعتقد نايمه او مشغوله ماسمع لها حس...طيب روح سلم عليها..نزل راكان لأمه وسلم عليها وحصل نفس بيت امه تغير نظامه ورائحة البخور تفوح منه...قال ياسبحان الله صحيح اللي قال......
الحي يحييك والميت يزيدك غبن..وقال هذه الأبيات في اسمهان........
..................................................
ياسمهان انتي من النوع الفريد
................قليل من مثلك بها الدنيا على الوجود
غيرتي الحاله وابا بدأ من جديد
....................وعد مانساك وحبي لك دايم يزود
قولي امين يعطينا الله العمر المديد
.....................واحقق احلامك واقدم لك ورود
ردت عليه اسمهان وقالت
راكان انا ماني من النوع الشديد
.....................اتبع هواك ولك اوفي كل العهود
ماحس بالغربه والله على هذا شهيد
......................مادامي ابجنبك وبحبك لي تجود
انا معك ولك وخذ من حبي المزيد
....................والله يكفينا شر العواذل والحسود
......................
راكان ..هههههههههههه..والله شاعره وانا مادريت....عن اذنك خليني اباشوف هالدابه السليمه ويش مسويه واشوف اذا ناقصها شئ اببري ذمتي عند رب العالمين
راح راكان لشقة زوجته الاولى.....لقى الوضع كما كان سلام يامره..عليكم السلام.وش جابك عندي...رد راكان ليش انا داخل على الجيران..داخل على زوجتي او عندك رأي ثاني..قالت..لا.. بس وش تبي مني قال راكان ابشوف كان ناقصك حا جه قالت ما أبي لك شئ..رح خلك مع هالبضاعه المستورده اللي جايب..رد راكان وقال..أهاه والله وعرفتي تحكين وطلع لك السان..ابلعي لسانك لايصير شئ تندمين عليه قالت ياراكان المثل يقول..اللي ماله السان ياكله الخنفسان...قال راكان والله صايره راعية حكم وأمثال لاتصيرين بعد شاعره وانا مادريت..ردت الا شاعره واباقول فيك قصيده...يالله تكفين اشوف السحاب (الساري) عندنا على غفله قالت استلم القصيده
........................
انا معك من ثلاث اسنين
.................وبالتالي مثل الكلب ترميني
او غرتك ام الحلا والزين
.................وانا الدابه السليمه تناديني
مايكفي اني جبت لك بنتين
...................واليوم بزواجك تجازيني
....................
راكان انقهر....مالي الا اخوي السحاب يرد عليها ..اتصل على السحاب..الو....الو.....الو......يرد السحاب مين راكان وش اخبارك تمام امر وش بغيت راكان يقول تكفى يالسحاب الفزعه السحاب هاه قلي وش بغيت...راكان.... شفت هالخبله زوجتي الأولى حطت فيني قصيده ...السحاب حلو ياركان...يرد راكان اي حلو يالسحاب وهي تسبني..... السحاب أفا ياذا العلم..ارسل عليه القصيده وابشر بالرد....ارسلها راكان....وجاه الرد بعد خمس دقائق يقول فيها....
................................
صحيح انك شينه وقوية عين
.....................ولا بشعوري تراعيني
ام الحلا والزين وسط العين
.................وهي اللي باللبس تغريني
احسن لك اسكتي لو تدرين
.................وكفي السانك ولاتحديني
ترا مؤخرك مسجل(ن)عشرين
..............ويكفي مامضى من اسنيني
....................
قالت الزوجه الأولى لراكان وتقول فيني كذا ياراكان اينعم لأنك تستاهلين اكثر بعد......
ترد عليه هين ياراكان والله لاوريك الشغل...يرد عليها راكان والله ماترفعين صوتك ان تشوفين شئ مايعجبك
طبعا خافت وكانت معصبه ومجروحه واشتغلت الغيره عندها...رجع راكان لزوجته اسمهان وسواليف وضحك وفرفشه بعد ثلا شهور تقول اسمهان راكان ودي اروح للمستشفى حاسه اني تعبانه شوي..راكان يالله مشينا وصلوا المستشفى ودخلوا العياده وسوت اسمهان الفحوصات اللازمه وقالت لها الدكتوره مبروك انتي حامل...وفرحت واخبرت راكان وانبسط...وقال يالله انك تجيب لي الذريه الصالحه وبعد ما أكملت اشهر حملها انجبت ولد وفرحوا فرحا شديدا وسماه فرحان على اسم ابوه فيحان.....
غارت الزوجه الأولى...ونادت راكان وقالت له تذكر ياراكان يوم اجيب البنت الثانيه بعمليه قيصريه ومنعوني من الإنجاب لفتره معينه وركبوا لي مانع للحمل(لولب)..ايه ادري...وش المطلوب
اباروح للمستشفى وافك المانع للحمل ابي اولاد...قال راكان انت ماتخجلين على حالك بنتين جبتيهن ولا اهتميتي فيهن انا اللي انظفهن واغسلهن واطعميهن....انا مابي منك عيال خلاص يكفي..قالت يعني تحرمني من الضنا..يالله اجل وديني عند اهلي..قال راكان جهزي حالك اخذها راكان وترك البنتين عند جدتهن وخالتهن...وصلوا عند اهلها واخبرتهم بالقصه وقالوا وين بناتك قالت رفض يجيبهن راكان.....قالوا اهلها يالله ارجعي مع زوجك وخليك عند بناتك إلين يحلها الله...ورجعت وبعد ثلاث شهورجاءت امها زياره جابها ولدهاوسألت الأم بنتها وش اخبار راكان معك ...قالت راكان تغير عليه قالت الأم يعني مافك لك المانع للحمل ..قالت لا...قالت الأم يالله امشي معي مالك مجلاس عنده اخذت الدابه السليمه اغراضها ونزلت من شقتها وامها معها وقالت الأم وين بنات راكان يالله يابنات مشينا...طبعا راكان بعمله طلع عليها ابو راكان ..خير ان شاء الله على وين راكان رجال البيت ولا يحق لبنتك تطلع الا بإذنه قالت ام البنت انا اباخذ بنتي واذا كان يبيها يجي ياخذها.....قال ابو راكان اسمعي يامره.....تبين تاخذين بنتك خوذيها..اما بنات راكان مثل بناتي عايشات معي وين مارحت وجيت ولا اسمح لك تاخذينهن تبي تاخذين بنتك خوذيها وتوكلي على الله....واذا جاء راكان له تصرف ثاني معك....رجع راكان من عمله واخبره ابوه بالقصه وقال لأبوه زين ماسويت انا مارايح اجيبها اللي اخذها من بيتها يردها...راح راكان ل اسمهان سلام عليكم ردت وعليكم السلام..وش اللي حاصل اليوم قالت جت ام زوجتك وصجت ولجت واخذت بنتها قال راكان ايه بقلع ودران الله لايردها واستمر راكان مع اسمهان ومع بناته طلعات وروحات وحدائق وملاهي ومولات ولقى من يسليه..وبعد ستة شهور يتصلون على راكان اهل زوجته الأولى ماعندك نيه تجي تاخذ زوجتك..رد راكان وقال انتم تبون الاصول قالوا نعم قال اللي أخذها من بيتها يردها....ورجعوها اهلها لبيتها...راكان يقول لها طاح اللي براسك.وصارت تتأسف وتبكي وندمانه على ماحصل يرد عليها راكان.هذا بيتك وعند بناتك واذا كنت مقصر بشئ قولي لي ..قالت لاوالله عداك العيب ياراكان ماجاء منك قصور..القصور جاء من عندي والحق ماهو عليه ولا عليك الحق على أمي اللي ماعودتني على الطبخ والغسيل وامور البيت وكيفية التعامل مع الزوج.....راكان يشرد بذهنه ويقول أجل ليش بلوني فيك....طيب يكون خير عندي تصرف ثاني لكن خليه بعدين...
اسمهان تنادي ..راكان......راكان.....راكان....نعم ياعمري خير ان شاء الله جاني مغص وديني للمستشفى حاضر يالله مشينا وصلوا ودخلت العياده وتم اجراء الكشف على اسمهان وقالت الدكتوره...ماتقلقي هذي اعراض حمل ومبروك يا اسمهان انتي حامل بالشهر الرابع فرحت اسمهان واخبرت راكان وفرح وقال ماشاء الله جيتي وجبتي الخيرمعك... وقال راكان بهذه الأبيات
...........................................
جيتي وجانا الخير من ربي
.................يالله ترزقني يالمعبود يالوالي
خايف يكون الحظ متخبي
................ويطلع عليه ويرجعني لموالي
بعدها ويش حيلتي وطبي
.................اكيد يبي يصير الدمع همالي
..............................
بعدها اكملت اسمهان بحملها تسعة اشهر وانجبت لراكان المولود الثاني والذي اطلق عليه اسم سيف ولكن ياللاسف حدث ماحدث وتعقدت الأمور مع راكان احداث غريبه ومؤلمه
تابعونا مع الجزء السادس لنرى ماسيحدث وماهي توقعاتكم .........موعد الجزء الساس يوم الخميس القادم ان شاء الله
حقوق الطبع محفوظه للسحاب(الساري)
التعديل الأخير تم بواسطة السحاااااااااااب; 10-11-2013, 07:23 AM.تعليق
-
رد: قصة راكان(الجزء الأول)
روووعة هالجزء ..
ياخوفي يصير شي يخرب فرحته ..
تسلم يمينك يالسحاب ..تعليق
-
رد: قصة راكان(الجزء الأول)
كنت حاسة بصير شي تو شفت الجزء الاخير
اتوقع زوجته الاولى بتسوي شي مارح تسكت ..
بانتظارك اخي ..
يعطيك الف عافية ..تعليق
-
رد: قصة راكان(الجزء الأول)
ماشاء الله أخي والله القصة بتحلى أكثر وأكثر بس كل ماأبدأ أندمج فيها ألاقيها خلصت ممممممممم
تسلم ايديك وبإنتظار الاجزاء المقبلة بشوق...
تعليق
تعليق